ಈ 8 ಹೊಸ ವಾಟ್ಸಪ್ ಫೀಚರ್ಗಳು ಬಂದ್ಮೇಲೆ ನೀವು ಇನ್ನೂ ಏನೇನ್ ಮಾಡ್ಬೋದು ನೋಡಿ!

ವೀಡಿಯೋ ಕಾಲಿಂಗ್ ಮತ್ತೆ ಬರ್ತಿದೆ!

ಈಹೊತ್ತು ವಾಟ್ಸಪ್ ಇಲ್ದೇ ಇರೋ ಮೊಬೈಲೇ ಇಲ್ಲ. ಗುಡ್ ಮಾರ್ನಿಂಗಿಂದ ಹಿಡಿದು ಗುಡ್ ನೈಟ್ ತನಕ ಎಲ್ಲಾ ವಾಟ್ಸಾಪಲ್ಲೇ ನಡೆದೋಗುತ್ತೆ. ನಮ್ಮ ನಿಮ್ಮೆಲ್ಲರ ಲೈಫಲ್ಲಿ ಅಷ್ಟೆಲ್ಲಾ ಪ್ರಭಾವ ಬೀರಿರೋ ಆಪ್ ಇದು. ಕಾಲಕ್ಕೆ ತಕ್ಕಂತೆ ಹೊಸಹೊಸ ಬದಲಾವಣೆಗಳನ್ನ ಮಾಡ್ಕೋತಾ ಬರ್ತಿದೆ ವಾಟ್ಸಾಪ್. ಈಗ 10 ಹೊಸ ಫೀಚರ್ಗಳ ಜೊತೆಗೆ ವಾಟ್ಸಾಪ್ ಬರ್ತಿದೆ. ಒಂದೊಂದು ಫೀಚರ್ ಚಿಂದಿಯಾಗಿವೆ.

1. ಮಾತಾಡುವಾಗ ಮಧ್ಯೆ ಕಟ್ ಆಗೋದ್ರೆ 'ಕಾಲ್ ಬ್ಯಾಕ್' ಆಪ್ಷನ್ ಬಳಸಿ ಚಕ್ ಅಂತ ಕರೆ ಮಾಡ್ಬೋದು

ಇಷ್ಟ್ ದಿನ ವಾಟ್ಸಾಪ್ ಕಾಲ್ ಮಾಡ್ಬೇಕಾದ್ರೆ ಈ ಫೀಚರ್ ಇರ್ಲಿಲ್ಲ. ಯಾರ್ ಜೊತೆಗೋ ಇಂಪಾರ್ಟೆಂಟ್ ವಿಷಯ ಮಾತಾಡ್ತಿರ್ತೀರ. ಇದ್ದಕ್ಕಿದ್ದಂತೆ ಕಾಲ್ ಕಟ್ ಆಯ್ತು ಅಂದ್ಕೋಳ್ಳಿ. ಆಗ ಕಾಲ್ ಬ್ಯಾಕ್ ಆಪ್ಷನ್ ಇದ್ದಿದ್ರೆ ಚೆನ್ನಾಗಿತ್ತಲ್ಲಾ ಅಂತ ಅಂದ್ಕೋತಿದ್ರು. ಈಗ ಕಾಲ್ ಬ್ಯಾಕ್ ಫೀಚರ್ ಬಿಟ್ಟಿದ್ದಾರೆ. ವರ್ಶನ್ 2.16.189 ರಲ್ಲಿ ಈ ಫೀಚರ್ ಇದೆ. ಇದು ಆಂಡ್ರಾಯ್ಡ್ ಸೆಟ್ಗೆ ಮಾತ್ರ ಸಿಗ್ತಿದೆ. ಗೂಗಲ್ ಪ್ಲೇಸ್ಟೋರಲ್ಲಿ ಈ ವರ್ಶನ್ ಸಿಗಲ್ಲ. ಬೀಟಾ ವರ್ಶನಲ್ಲಿ ಮಾತ್ರ ಸಿಗುತ್ತೆ. ಎಪಿಕೆ ಮಿರರ್ ವೆಬ್‍ಸೈಟಿಂದ ಡೌನ್ಲೋಡ್ ಮಾಡ್ಕೋಬೋದು. ಮಜಾ ಮಾಡಿ.

2. ಬೇರೆ ಬೇರೆ ಫಾಂಟಲ್ಲಿ ಮೆಸೇಜ್ ಕಳಿಸ್ಬೋದು

ಅದೇ ಫಾಂಟ್ಗಳನ್ನ ನೋಡಿನೋಡಿ ಬೇಜಾರಾಗಿತ್ತು. ಈಗ ಹೊಸ ಫಾಂಟಲ್ಲಿ ಟೈಪ್ ಮಾಡ್ಬೋದು. ಆದರೆ ಇಲ್ಲಿ ಸ್ವಲ್ಪ ಕಿರಿಕಿರಿ ಇದೆ. ಹೊಸ ಫಾಂಟ್ ಬೇಕಾದ್ರೆ ಮೂರ್ ಸಲ (`) ಈ ಸಿಂಬಲನ್ನ ಒತ್ ಬೇಕು. ಎಲ್ಲಿಂದ ಎಲ್ಲಿತನಕ ಫಾಂಟ್ ಬದಲಾಯಿಸ್ಬೇಕೋ ಅಂದ್ಕೊಂಡಿದಿರೋ ಅಲ್ಲಿತನಕ ಒತ್ ಬೇಕು.

3. ಸೆಕ್ಯೂರಿಟಿ ಹೆಚ್ಚಾಗಿದೆ - ಬೇರೆಯೋರ ವಾಟ್ಸಾಪ್ ವ್ಯವಹಾರಾನ ಕದ್ದು ನೋಡೋದು/ಕೇಳೋದು ಇನ್ಮುಂದೆ ಕಷ್ಟ

ಈ ಫೀಚರ್ ಇರೋದ್ರಿಂದ (ಎಂಡ್-ಟು-ಎಂಡ್ ಎನ್‍ಕ್ರಿಷ್ಷನ್) ಮೆಸೇಜ್ ಕಳ್ಸೋರು ಮತ್ತೆ ಪಡೆಯೋರ ನಡುವೆ ಏನ್ ನಡೀತಿದೆ ಅನ್ನೋದನ್ನ ಮೂರನೇ ವ್ಯಕ್ತಿ ನೋಡೋಕಾಗಲ್ಲ. ಅಷ್ಟೇ ಅಲ್ಲ ವಾಟ್ಸಾಪ್ ಕಾಲ್‍ಗಳನ್ನೂ ಕೇಳೋಕಾಗಲ್ಲ. ವಾಟ್ಸಾಪಲ್ಲಿ ಕಾಲ್ ಮಾಡಿದ್ರೆ ಬೇರೆಯವರು ಅದನ್ನ ಕದ್ದು ಕೇಳಿಸ್ಕೋತಾರೆ ಅನ್ನೋ ಭಯ ಈಗಿಲ್ಲ. ಅಷ್ಟೊಂದು ಸೆಕ್ಯೂರಾಗಿದೆ ವಾಟ್ಸಾಪ್.

4. ಹಾಡುಗಳನ್ನ ಚಕ್ ಅಂತ ಶೇರ್ ಮಾಡ್ಕೊಳ್ಳೋಕ್ಕೆ ಅನುಕೂಲ ಆಗ್ಲಿ ಅಂತ 'ಮ್ಯೂಸಿಕ್ ಶೇರಿಂಗ್' ಬಂದಿದೆ

ಒಬ್ಬರ ಮೊಬೈಲಲ್ಲಿರೋ ಮ್ಯೂಸಿಕನ್ನು ಇನ್ನೊಬ್ಬರೊಂದಿಗೆ ಶೇರ್ ಮಾಡ್ಕೊಳ್ಳೋ ಫೀಚರನ್ನ ವಾಟ್ಸಾಪ್ ತರ್ತಿದೆ.  ಆದ್ರೆ ಇದನ್ನ ಆಂಡ್ರಾಯ್ಡ್ ಸೆಟ್ಗಳಿಗೆ ಬಿಡ್ತಿಲ್ಲ. ಕೇವಲ ಆಪಲ್ನ ಐಒಎಸ್ ಸೆಟ್ಗಳಿಗೆ ಮಾತ್ರ ಈ ಫೀಚರ್ ಸಿಗಲಿದೆ.

5. 'ಮೆನ್ಷನ್ಸ್" ಅನ್ನೋ ಫೀಚರ್ರು ಹೆಸರುಗಳನ್ನ ಬೇರೆ ಬೇರೆ ಬಣ್ಣದಲ್ಲಿ ತೋರಿಸುತ್ತೆ

ವಾಟ್ಸಾಪಲ್ಲಿ ಬರ್ತಿರೋ ಹೊಸ ಫೀಚರ್. ಇದು ಫೇಸ್ಬುಕಲ್ಲಿರೋ ಮೆನ್ಷನ್ ತರಾನೇ ವರ್ಕ್ ಮಾಡತ್ತೆ.  ಹೆಸರುಗಳನ್ನ ಬೇರೆಬೇರೆ ಕಲರ್ಸಲ್ಲಿ ತೋರಿಸುತ್ತೆ. ಒಂದ್ ಗ್ರೂಪಿಗೆ ಹೊಸಬರು ಜಾಯ್ನ್ ಆಗ್ಬೇಕಾದ್ರೆ ಕೇವಲ ಲಿಂಕ್ ಕಳ್ಸಿ ಅವ್ರನ್ನ ಸೇರಿಸ್ಕೊಳ್ಳೋಕೆ ಗ್ರೂಪ್ ಇನ್‍ವೈಟ್ಸ್ ಫೀಚರ್ ಬಳಸ್ಬೋದು.

6. ಇನ್ಮೇಲೆ ಅನಿಮೇಟೆಡ್ GIF ಫೈಲ್ಗಳನ್ನೂ ಕಳಿಸ್ಬೋದು

ಐಒಎಸ್ ಆಪ್ಗೆ ಇಷ್ಟ್ರಲ್ಲೇ ಅನಿಮೇಟೆಡ್ GIF ಸಪೋರ್ಟ್ ಮಾಡೋ ಫೀಚರ್ ಬಿಡ್ತಿದ್ದಾರೆ. ಐಒಎಸ್ ಬೀಟಾ ವರ್ಶನ್ 2.16.7.1 ರಲ್ಲಿ ಈ ಫೀಚರ್ ಇರುತ್ತೆ ಅಂತಿದ್ದಾರೆ. ಮೆಸೆಂಜರುಗಳಾದ WeChat, Line ಆಪ್ಗಳಲ್ಲಿ ಈ ಫೀಚರ್ ಈಗಾಗ್ಲೆ ಇದೆ. ಅದೇ ತರಾನೆ ಇದು.

7. ಇಮೋಜಿಗಳು ದೊಡ್ಡಾಗಿ ಕಾಣೋಹಾಗೆ ಮಾಡಿದಾರೆ

ಚಿಕ್ ಚಿಕ್ಕದಾದ ಇಮೋಜಿಗಳ್ನ ನೋಡಿನೋಡಿ ಬೇಜಾರಾಗಿದೆಯಾ. ಸ್ವಲ್ಪ ದಿನ ತಡ್ಕೊಳ್ಳಿ ದೊಡ್ ದೊಡ್ಡ ಇಮೋಜಿಗಳಿರೋ ಫೀಚರ್ ಬರ್ತಿದೆ. ಆಂಡ್ರಾಯ್ಡ್ ಸೆಟ್ಗಳಿಗೆ ಸಿಗೋದು ಡೌಟು. ಏನಿದ್ರೂ ಐಒಎಸ್ 10 ಸೆಟ್ಗಳಿಗೆ ಮಾತ್ರ ಅಂತಿದ್ದಾರೆ.

8. ಮತ್ತೆ ಬಿಡ್ತಿದ್ದಾರೆ ವಿಡಿಯೋ ಕಾಲಿಂಗ್ ಫೀಚರ್

ಮೇ ತಿಂಗ್ಳಲ್ಲೇ ಆಂಡ್ರಾಯ್ಡ್ ಸೆಟ್ಗಳಿಗೆ ಈ ಫೀಚರ್ ಬಿಡಲಾಗಿತ್ತು. ಆದ್ರೆ ಅಪ್‍ಡೇಟ್ಗಳಲ್ಲಿ ಈ ಫೀಚರ್ ಮಿಸ್ ಆಗಿತ್ತು. ಮತ್ತೆ ಈ ಫೀಚರ್ ಬಿಡ್ತಿದ್ದಾರಂತೆ. ಗೂಗಲ್ ಪ್ಲೇನಲ್ಲಿ ಬೀಟಾ ಟೆಸ್ಟಿಂಗ್ ವರ್ಶನ್ (v2.16.80) ಬಿಟ್ಟಾಗ ಈ ಫೀಚರ್ ಇತ್ತು. ಮುಂದಿನ ದಿನಗಳಲ್ಲಿ ಇದು ಇರುತ್ತೆ ಅಂತಿದ್ದಾರಪ್ಪ.

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಮೆಚ್ಚಿನ ಅಂತೆಕಂತೆ ಈಗ YouTube ನಲ್ಲಿ

ಈ ಬಟನ್ ಒತ್ತಿ subscribe ಮಾಡಿಕೊಳ್ಳಿ:
 

ಅವಳು ನಿನ್ನವಳೇ ಆಗಿದ್ದರೆ ಈಗಾಗಲೇ ಈ 23 ಗುರುತುಗಳಲ್ಲಿ ಕೆಲವಾದರೂ‌ ಕಂಡಿರಬೇಕು

ಕಂಡಿದ್ದರೆ ನಿನ್ನ ಜೀವನಸಂಗಾತಿ ಅವಳೇ

ಜೀವನದಲ್ಲಿ ಇಂತ ಅದ್ಭುತ ನಡಿಯೋದು ಒಂದೇ ಒಂದು ಸತಿ. ನಿಮ್ಮ ಜೀವನಕ್ಕೆ ಬೆಳಕ್ ತರ ಬಂದು, ನಿಮ್ಮ ಸುಖ ದುಃಖದಲ್ಲೆಲ್ಲ ಜೊತೆಗಿದ್ದು, ಇವಳೇ ನಿಮ್ಮ ಸಂಗಾತಿ ಇರ್ಬೋದೆನೋ ಅಂತ ಅನ್ನಿಸ್ತಿದ್ರೆ, ಅವ್ಳಲ್ಲಿ ಈ ಕೆಳ್ಗಿರೊ ಗುಣಗಳಿದ್ರೆ ಡೌಟೇ ಬೇಡ ಅವ್ಳು ನಿಮ್ ಹುಡ್ಗಿ...

1. ಅವಳು ನಿಮ್ಮ್ ಜೊತೆ ಇದ್ದಾಗ ನಿಮಗೆ ಏನೋ ಒಂದು ಪ್ರೇರಣೆ, ನಿನ್ನೆಗಿಂತ ನನ್ನ ಜೀವನ ಇನ್ನು ಚೆನಾಗ್ ಆಗ್ಬೇಕು, ಕಷ್ಟ ಪಟ್ಟು ಜೀವನದಲ್ಲಿ ಇನ್ನು ಮೇಲೇರಬೇಕು ಅಂತ ಅನ್ನಿಸತ್ತೆ.

2. ಏಯ್ ಗಟ್ಟಿ ಗಂಡಸು ಮಾರ್ರೆ ನಾನು, ಯಾವ್ ಸೆಂಟಿಮೆಂಟು ನನ್ನತ್ರ ನಡಿಯಲ್ಲ, ಕಲ್ಲು ಬಂಡೆ ಥರ ನಾನು ಅಂತಿದ್ದ ನಿಮ್ಮನ್ನ, ಈ ಹುಡುಗಿ ಹೋಗ್ತಾಹೋಗ್ತಾ ಕರ್ಗೋಗೊ ಹಾಗೆ ಮಾಡ್ಬಿಡ್ತಾಳೆ. ಅವ್ಳು ನಿಮ್ಮಲ್ಲಿ ಪ್ರೀತಿ, ವಾತ್ಸಲ್ಯ, ಸಂತೋಷ ಒಂತರ ಎಲ್ಲ ಭಾವನೆ ನಿಮ್ಮಲ್ಲಿ ಶುರು ಆಗೋ ಹಾಗೆ ಮಾಡಿರ್ತಾಳೆ. ಅವ್ಳಿಗೆ ನಿಮ್ ಕಣ್ಣಲ್ಲೂ ನೀರ್ ಹಾಕ್ಸೋ ತಾಕತ್ತಿರತ್ತೆ... ಇಂತ ಭಾವನೆಗಳು ನಿಮ್ಗೆ ಮುಂಚೆ ಅನುಭವಕ್ಕೆ ಬಂದಿರಲ್ಲ.

3. ಇದೊಂತರ ವಿಚಿತ್ರ. ಅವ್ಳ ಖುಷಿ ನಿಮಗೆ ಖುಷಿ ಕೊಡತ್ತೆ. ಅವಳ ಒಂದು ನಗು ಸಾಕು ನಿಮಗೆ ಸಿಕ್ಕಾಪಟ್ಟೆ ಖುಷಿಯಾಗಿರಕ್ಕೆ, ಅವ್ಳ ನಗು ಕಾರಣ ನಿಮ್ಗೆ ಬೇಕಿರಲ್ಲ, ಅವ್ಳ್ ನಕ್ರೆ ಸಾಕು.

4. ನಿಮ್ಮ ಎಲ್ಲ ಯೋಚನೆ, ನಿಮ್ಮ ಟೆನ್ಷನ್ನು ಎಲ್ಲ ದೂರ ಆಗಕ್ಕೆ ಅವಳ ಒಂದೇ ಒಂದು ನಗು ಸಾಕು. ಆ ಒಂದ್ ಕ್ಷಣ ಏನೋ ಒಂತರ ನೆಮ್ಮದಿ ಸಿಗೊಹಾಗ್ ಮಾಡತ್ತೆ.

ಮೂಲ

5. ಅವಳ ನಗು ನಿಮಗೆ ಖುಷಿ ತರತ್ತೆ ಅಂತ ಯಾವಾಗ್ಲೂ ಅವ್ಳು ನಿಮ್ಮತ್ರ ನಗ್ತನೇ ಇರ್ಬೇಕಿಲ್ಲ... ಅವ್ಳ್ ಜೊತೆ ಟೈಮ್ ಸ್ಪೆಂಡ್ ಮಾಡೊ ಭಾಗ್ಯ ನಿಮ್ಗೆ ಸಿಕ್ಕಿದ್ರೆ ಸಾಕಾಗಿರತ್ತೆ. ಅವ್ಳ್ ಜೊತೆ ಇರೋ ಅಷ್ಟೂ ಹೊತ್ತು ನಿಮ್ಗೆ ಮಧುರವಾದ ಕ್ಷಣ ಅನ್ನಿಸ್ತಿರತ್ತೆ.

6. ಎರಡು ದೇಹ ಒಂದೇ ಜೀವ ನಿಮ್ಮದು ಅನ್ನಿಸತ್ತೆ.

7. ಅವಳ ಎಲ್ಲ ಭಾವನೆ ನಿಮಗೆ ಆಕರ್ಷಕವಾಗಿರತ್ತೆ, ಅವಳ ಬಗ್ಗೆ ಪೂರ್ತಿ ತಿಳ್ಕೊಬೇಕು ಅಂತ ಅನ್ನಿಸತ್ತೆ ನಿಮಗೆ... ಅವ್ಳಲ್ಲಿರೊ ಒಳ್ಳೇದು, ಕೆಟ್ಟದ್ದು ಮತ್ತೆ ಸುಮಾರಾಗಿರೊ ವಿಚಾರ್ವೆಲ್ಲ ನಿಮ್ಗೆ ಓಕೆ ಆಗೋಗಿರತ್ತೆ... ಅವ್ಳನ್ನ ನೀವು ಆರಾಧಿಸಕ್ಕೆ ಶುರು ಮಾದ್ಬಿಟ್ಟಿರ್ತೀರ.

8. ಅವಳು ನಿಮ್ಮ ಕಡೆ ನಡ್ಕೊಂಡು ಬರ್ತಿದ್ರೆ ನಿಮ್ ಕಣ್ಣಿಗೆ ಬೇರೇನೂ ಕಾಣಲ್ಲ... ಎಲ್ಲ ಮಂಜ್ ಮಂಜು ಆಗೋಗತ್ತೆ... ಬರಿ ಅವಳೊಬ್ಬಳೇ... ನಿಮ್ಮ ಟೆನ್ಷನ್ನು, ನಿಮ್ಮ ಕೆಲಸಗಳೆಲ್ಲ ನೆನಪಾಗದೇ ಇಲ್ಲ, ಇಡೀ ಜೀವನ ಹೀಗೆ ಅವ್ಳನ್ನ ನೋಡ್ಕೊಂಡು ನೆಮ್ಮದಿಯಾಗಿದ್ಬಿಡ್ಬೇಕು ಅನ್ನಿಸತ್ತೆ.

ಮೂಲ

9. ಇವತ್ತಿನ ತಂಕ ಯಾರ್ ಹತ್ರನೂ ಹೇಳಿರದ ಗುಟ್ಟನ್ನ ಇವಳ ಹತ್ರ ಹೇಳ್ಕೊಬೇಕು ಅನ್ನಿಸತ್ತೆ. ನಿಮ್ಮ ಭಾವನೆಗಳ್ನೆಲ್ಲ ಅವ್ಳ್ ಹತ್ರ ಹಂಚ್ಕೊಬೇಕು ಅನ್ನಿಸತ್ತೆ. ನಿಮ್ಮೆಲ್ಲಾ ಗುಟ್ಟುಗಳ್ನ ಅವ್ಳು ಕಾಪಾಡ್ತಾಳೆ.

10. ನಿಮಗೆ ಗೊತ್ತಿಲ್ಲದ ಹಾಗೆ ಅವಳು ನಿಮ್ಮ ಪ್ರಪಂಚ ಆಗ್ಬಿಟ್ಟಿರ್ತಾಳೆ. ನೀವು ನಿಮ್ಮ ಮುಂದಿನ ಜೀವನದ ಬಗ್ಗೆ ಮಾಡೋ ಪ್ರತಿಯೊಂದು ಯೋಚನೇಲು ಅವಳಿಗೆ ಜಾಗ ಕೊಟ್ಟಿರ್ತೀರ.

11. ಕನಸಲೂ ನೀನೆ ಮನಸಲೂ ನೀನೆ... ದಿನಾ ಕನಸಲ್ಲಿ ಅವಳೇ ಬರ್ತಾಳೆ. ನಿಮಗೆ ಅವಳ್ ಬಿಟ್ಟು ಬೇರೇನೂ ಬೇಕಿರಲ್ಲ.

12. ಯಾವತ್ತೂ ಅನುಭವಿಸದ ಅನ್ಯೋನ್ಯತೆ ನಿಮಗೆ ಅವ್ಳ ಬಗ್ಗೆ. ಅಪ್ಪಿ ತಪ್ಪಿ ಒಂದ್ಸತಿ ಅವ್ಳನ್ನ ಮುಟ್ಟಿದ್ರೆ ಮೈ ಜುಮ್ ಅನ್ನತ್ತೆ, ತಲೆ ನಿಲ್ಲದೇ ಇಲ್ಲ. ಅವ್ಳನ್ನ ನಿಮ್ಮ ತೋಳಲ್ಲಿ ತಬ್ಬಿ ಹಿಡ್ಕೊಬೇಕು ಅನ್ನಿಸತ್ತೆ, ಹೀಗೆ ಜೀವನ ಪೂರ್ತಿ ಒಟ್ಟಿಗೆ ಇರ್ಬೇಕು ಅನ್ನಿಸ್ತಿರತ್ತೆ.

ಮೂಲ

13. ಬರಿ ಅದೇ ಅಂತಲ್ಲ, ಜಾಸ್ತಿ ಸುತ್ತಾಡ್ಬೇಕು ಅನ್ನೊಹಾಗೆ ಮಾಡ್ತಾಳೆ, ಬೇರೆ ಬೇರೆ ಹೋಟೆಲ್ಲಿಗೆ ಹೋಗಿ ಹೊಸ-ಹೊಸ ತಿಂಡಿ ಊಟ ಟ್ರೈ ಮಾಡ್ಬೇಕು ಅನ್ನಿಸೋ ಹಾಗೆ ಮಾಡ್ತಾಳೆ. ಪ್ರತಿ ಕ್ಷಣ ಜಗತ್ತು ಹೊಸದಾಗಿ ಕಾಣೋಹಾಗೆ ಮಾಡ್ತಾಳೆ. ನಿಮ್ಮ ಜೀವನ  ಇನ್ನು ಕುತೂಹಲಕಾರಿ ಆಗತ್ತೆ.

14. ನಿಮ್ಮ ಸ್ನೇಹಿತರಿಗೆ, ಮನೆಯವರಿಗೆಲ್ಲ ಅವಳನ್ನ ಪರಿಚಯ ಮಾಡ್ಸ್ ಬೇಕು ಅನ್ನಿಸತ್ತೆ. ಅವಳೆಷ್ಟು ಒಳ್ಳೇವ್ಳು ಅಂತ ನಿಮ್ಮ ಮನೆಯವರಿಗೆ ಖಂಡಿತ ಗೊತ್ತಾಗತ್ತೆ ಅಂತ ನಿಮಗನ್ನಿಸತ್ತೆ... ಅವ್ಳ ಗುಣ ಎಲ್ಲಾರ್ಗೂ ಹಿಡ್ಸೋ ಅಂತದ್ದು ಅಂತ ನಿಮ್ಗೆ ಎಷ್ಟರಮಟ್ಟಿಗೆ ಅನ್ನಿಸತ್ತೆ ಅಂದ್ರೆ ಕೆಲವೊಮ್ಮೆ ಇವಳನ್ನ ನನಗಿಂತ ಜಾಸ್ತಿ ನನ್ನ ಸ್ನೇಹಿತರೆ ಇಷ್ಟ ಪಡ್ತಿದಾರಲ್ಲಪ್ಪ ಅಂತ ಅನ್ನಿಸಿಬಿಡತ್ತೆ.

15. ನಿಮ್ಮ ಬಗ್ಗೆ ತುಂಬ ಕಾಳಜಿ ಮತ್ತೆ ಪ್ರೀತಿ ತೋರುಸ್ತಾಳೆ ಅವಳು, ಹೇಗೆ ಅಂತ ಹೇಳಕ್ಕಾಗಲ್ಲ. ದಿನ ನೀರ್ ಕುಡಿ ಅಂತ ಹೇಳೋದ್ರಿಂದ ನಿಮ್ಮ ಹುಟ್ಟು ಹಬ್ಬಕ್ಕೆ ಅದ್ಭುತವಾಗಿ ಒಂದು ಸುರ್ಪ್ರೈಸ್ ರೆಡಿ ಮಾಡೊತನ್ಕ ಎಲ್ಲ ಮಾಡಿರ್ತಾಳೆ... ನಿಮ್ಮನ್ನ ಯಾವಾಗ್ಲೂ ಖುಷಿಯಾಗಿ ನೋಡ್ಬೇಕು ಅನ್ನೋದು ಅವಳ ಆಸೆ ಆಗಿರತ್ತೆ.

16. ಅವ್ಳಿಗೆ ನಿಮ್ಮ ನಿಜವಾದ ಮುಖ ನೀವ್ ತೋರಿಸ್ತೀರ. ನಿಮಗೆ ಮೆಚ್ಚಿಸಕ್ಕೆ ನಾಟಕ ಆಡ್ಬೇಕು ಅಂತ ಅನ್ಸಲ್ಲ. ನೀವಾಗಿ ಅವಳೊಂದಿಗೆ ಆರಾಮಾಗಿ ಇರಬಹುದು. ನಿಮ್ಮ ಎಲ್ಲ ತುಂಟತನ ಮತ್ತೆ ತರ್ಲೆಗಳು ಅವ್ಳು ನಿಮ್ಮನ್ನ ಹೆಚ್ಚೆಚ್ಚು ಪ್ರೀತ್ಸೋ ಹಾಗೆ ಮಾಡತ್ತೆ. ಅವಳ ಜೊತೆ ನಿಮಗೆ ಯಾವ್ದೇ ಹಿಂಜರಿಕೆ ಇರಲ್ಲ.

ಮೂಲ

17. ಅವಳು ಸ್ವಂತಂತ್ರವಾಗಿ ತನ್ನ ಕೆಲಸ ತಾನು ಮಾಡ್ಕೊಂಡು ಇರೋಂತ ಹುಡುಗಿ ಆಗಿದ್ರು ಯಾವಾಗಾದ್ರೂ ಸಹಾಯ ಬೇಕು ಅನ್ಸಿದ್ರೆ, ನಿಮ್ಮನ್ನ ಕೇಳ್ತಾಳೆ. ನೀವು ಇಲ್ಲ ಅನ್ನಲ್ಲ ಅಂತ ಅವ್ಳಿಗೆ ಚೆನ್ನಾಗಿ ಗೊತ್ತಿರತ್ತೆ. ಯಾವತ್ತೂ ನಿಮಗೆ ಮೋಸ ಮಾಡಬೇಕು ಅನ್ನೋ ಯೋಚ್ನೆ ಇರಲ್ಲ.

18. ನಿಮಗೆ ಚೆನ್ನಾಗಿ ಗೊತ್ತಿರತ್ತೆ ಇವ್ಳು ಯಾವಾಗ್ಲೂ ಎಂತ ಸಮಯದಲ್ಲೂ ಜೊತೇಗೆ ಇರ್ತಾಳೆ ಅಂತ. ಕೆಲವೊಮ್ಮೆ ನಿಮಗೆ ಏನು ತೋಚದೇ, ಇನ್ನೇನು ದಾರಿ ಇಲ್ಲ ಅಂದಾಗ ಕೂಡ, ಇವಳು ನಿಮ್ಮನ್ನ ಬಿಡದೇ ಬೆನ್ನೆಲುಬಾಗಿ ನಿಲ್ತಾಳೆ ಅನ್ನಿಸತ್ತೆ.

19. ಯಾವುದೇ ಅನುಮಾನ ಇಲ್ಲದೆ ಕಣ್ಣು ಮುಚ್ಚಿಕೊಂಡು ಎಲ್ಲ ಸಮಯದಲ್ಲೂ ನಂಬಬಹುದು. ಅವಳು ಎಲ್ಲಿ, ಯಾರ್ ಜೊತೆ, ಯಾವ ಸಮಯದಲ್ಲಿ ಇದ್ದಳು, ಯಾಕೆ ಇದ್ದಳು ಅನ್ನೋದೆಲ್ಲ ನಿಮ್ಗೆ ದೊಡ್ಡ ವಿಷ್ಯ ಅನ್ಸದೇ ಇಲ್ಲ, ಅವ್ಳ ಬಗ್ಗೆ ಬಲವಾದ್ ನಂಬಿಕೆ ನಿಮ್ಗಿರತ್ತೆ. ನಿಮ್ಮ ಸಂಬಂದಾನೆ ಹಾಗೆ! ಇಬ್ಬರು ಒಬ್ಬರನ್ನ ಒಬ್ಬರು ಅಷ್ಟು ನಂಬ್ತೀರಿ, ಅಷ್ಟೇ ಗೌರವ ಕೊಡ್ತೀರಿ.

20. ಅವ್ಳು ಯಾವದಾದ್ರು ಕಾರಣಕ್ಕೆ ಬೇಜಾರಾಗಿದ್ರೆ ನಿಮಗೆ ತಡ್ಕೊಳಕ್ಕಾಗಲ್ಲ, ಯಾರಾದ್ರೂ ಬೇಜಾರ್ ಮಾಡಿದ್ರೆ ನೀವು ಅವ್ರನ್ನ ಸುಮ್ನೆ ಬಿಡಲ್ಲ. ಅವಳು ದುಃಖ ಪಡೋದನ್ನ ನಿಮಗೆ ಸಹಿಸಿಕೊಳಕ್ಕೆ ಆಗದೇ ಇಲ್ಲ.

ಮೂಲ

21. ನೀವು ನಿಮ್ಮ ಮುಂದಿನ ದಿನಗಳಿಗೆ ಅಂತ ಮಾಡಿದ ಎಲ್ಲ ಯೋಚನೆಲಿ ನಿಮಗೆ ಗೊತ್ತಿಲ್ಲದ ಹಾಗೆ ಅವಳನ್ನು ಸೇರಿಸಿಕೊಂಡಿರ್ತೀರ. ನೀವು ಸುತ್ತಾಡಬೇಕು ಅನ್ಕೊಂಡಿರೋ ಜಾಗ, ನೀವು ಮಾಡ್ಬೇಕು ಅನ್ಕೊಂಡಿರೋ ಸಾಹಸ, ಹೀಗೇ ಎಲ್ಲದ್ರಲ್ಲೂ ಅವ್ಳು ಇದ್ದೇ ಇರ್ತಾಳೆ...

22. ನಿಮಗೆ ಸರ್ವಸ್ವಾನು ಅವಳೇ ಆಗಿರ್ತಾಳೆ. ನೀವು ರಾತ್ರಿ ಮಲಗುವಾಗ ತೊಗೊಳೋ ಕೊನೆ ಹೆಸರು ಅವಳದ್ದೇ, ಬೆಳಗ್ಗೆ ಎದ್ದಾಗ ಹೇಳೋ ಮೊದಲನೇ ಹೆಸರು ಅವಳದ್ದೇ. ನಿಮ್ಮೆಲ್ಲ ತುಂಟಾಟದಲ್ಲಿ ಅವಳು ಇರ್ತಾಳೆ, ಅವಳ ಜೊತೆ ನಿಮ್ಮ ಜೀವನ ಪೂರ್ತಿ ಕಳೀಬೇಕು ಅಂತ ಅನ್ನಿಸತ್ತೆ. ಹೌದು ಅವಳೇ ನಿಮ್ಮ ಪ್ರೇಯಸಿ, ಅವಳೇ ನಿಮ್ಮ ನಿಜವಾದ ಸಂಗಾತಿ.

23. ನಿಮ್ಮ ಬದುಕು ಸಾರ್ಥಕ ಅಂತ ಅನ್ನಿಸೋದು, ಬದುಕಿಗೆ ಒಂದು ಅರ್ಥ ಅಂತ ಸಿಗೋದು, ಅವಳು ನಿಮ್ಮ ಜೊತೆ ಇದ್ದಾಗ ಮಾತ್ರ.

ಮೂಲ

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: