ಇಡೀ ಪ್ರಪಂಚದಲ್ಲಿ ರವಿಚಂದ್ರನ್-ಹಂಸಲೇಖ ಸೇರಿದರೆ ಮಾತ್ರ ಹುಟ್ಟುವ 6 ‘ಬೇರೆ ತರಹದ’ ಹಾಡುಗಳು

ಲವ್ವೂ ಅಲ್ಲ ಲವ್ ಫೇಲ್ಯೂರೂ ಅಲ್ಲ ಯಾವುದೂ ಅಲ್ಲ

ರವಿ, ಹಂಸ

ಸಿನ್ಮಾಗಳಲ್ಲಿ ಹಾಡುಗಳು ಬರೋದು ಕನ್ನಡದಲ್ಲೇನು ಹೊಸದಲ್ಲ. 2 ಗಂಟೆ 10 ನಿಮ್‍ಷ ಸಿನ್ಮಾ ಇದ್ರೆ ಅದ್ರಲ್ಲಿ ಅರ್ಧ ಗಂಟೆ ಹಾಡೇ ಇರುತ್ತೆ. ಆದ್ರೆ ಹಾಡು ಸಿನ್ಮಾದಲ್ಲಿ ಯಾವಾಗ್ ಬರ್ಬೇಕೋ ಆಗ್ ಬಂದ್ರೇ ಚನ್ನ. ಅಷ್ಟೇ ಅಲ್ಲ... ಎಷ್ಟೋ ಸಲ ಸಿನ್ಮಾದ ಕತೇಲಿ ಒಂದ್ ಭಾಗಾನ ವಿಶೇಷವಾಗಿ ಹಾಡಲ್ಲೇ ತೋರ್ಸೋ ಕಲೆ ಇದ್ಯಲ್ಲ ಅದು ಎಲ್ಲಾರ್ಗೂ ಬರಲ್ಲ. ನನ್ ಪ್ರಕಾರ ಅದನ್ನ ಸಕ್ಕತ್ತಾಗಿ ಮಾಡ್ ಗೆದ್ದಿರೋರಲ್ಲಿ ನಮ್ ರವಿಚಂದ್ರನ್-ಹಂಸಲೇಖ ಜೋಡೀನ ಮೀರ್ಸೋರೇ ಇಲ್ಲ...

ರವಿಚಂದ್ರನ್ ಸಿನ್ಮಾಗಳಲ್ಲಿ ಈ 6 ಹಾಡುಗಳು ನಂಗೆ ವಿಶೇಷ ಅನ್ನುಸ್ತು... ಯಾಕಂದ್ರೆ ಇವು ಬೇರೆ ಸಿನ್ಮಾಗಳಲ್ಲಿ ಬರೋ ಥರ ಹಾಡ್ಗಳಲ್ಲ. ಯಾವ್ದೋ ಒಂದು ನಿಮ್‍ಶದ ಸನ್ನಿವೇಶಾನ ರಸವತ್ತಾಗಿ ಹೇಳೋ ಪ್ರಯತ್ನ ಈ ಹಾಡ್ಗಳಲ್ಲಿವೆ. ಹಾಂ.... ಹಾಡ್ಗಳು ಇರೋದೇ ಅದಕ್ಕೆ ಅಂತ ಗೊತ್ತು. ಆದ್ರೆ ಇದೇ ಥರ ಬೇರೆ ಯಾರೂ ಕನ್ನಡದಲ್ಲಿ ಮಾಡಿಲ್ಲ. ಈ ಹಾಡ್ಗಳು ಬರೀ ಲವ್ ಸಾಂಗ್ ಅಲ್ಲ, ಹೀರೋ ಇಂಟ್ರೊಡಕ್‍ಶನ್ನಲ್ಲಿ ಹೀರೋನ ಹೊಗ್ಳೋ ಹಾಡುಗಳಲ್ಲ, ಹುಡ್ಗಿ ಕೈಕೊಟ್ಟಾಗ ನೋವಲ್ಲಿ ಹೇಳೋ ಹಾಡ್ಗಳಲ್ಲ... ಅವೆಲ್ಲಾ ತುಂಬಾ ಕಾಮನ್... ಈ ಜೋಡೀನೂ ಸೇರಿ ಎಲ್ಲಾರೂ ಅಂತಾ ಹಾಡುಗಳನ್ನ ಮಾಡಿದ್ದಾರೆ. ನಂಗೆ ಈ ಹಾಡ್ಗಳು ಸ್ಪೆಶಲ್ ಯಾಕನ್ಸತ್ತೆ ಅಂತ ಓದಿ..

1. ಒಬ್ಳು ಹುಡ್ಗಿ ಕಾಲೇಜಿಗೆ ಸೇರೋದ್ರ ಬಗ್ಗೆ ಒಂದ್ ಹಾಡೂ ಮಾಡ್ಬೋದಾ!

ಇಲ್ ಹೇಳ್ಬೇಕು ಅಂತಿರೋದ್ ಇಷ್ಟೇ... ಸಕ್ಕತ್ತಾಗಿರೋ ಒಬ್ಳು ಹುಡ್ಗಿ ಕಾಲೇಜಿಗೆ ಸೇರ್ತಾಳೆ. ಹುಡುಗ್ರೆಲ್ಲಾ ಔಳ್ಗೆ ಬೋಲ್ಡ್ ಆಗ್ತಾರೆ. ನಮ್ ಹೀರೋ ಇರೋ ಕ್ಲಾಸಿಗೇ ಔಳ್ ಬಂದ್ ಸೇರ್ತಾಳೆ. ಅಲ್ಲೇ ಮೊದಲ್ನೇ ಸಲ ಭೇಟಿ ಆಗ್ತಾರೆ. ಇದನ್ನ ಪ್ರಪಂಚದಲ್ಲಿ ಈ ಹಾಡಿಗಿಂತ ರಸವತ್ತಾಗಿ ಯಾವನ್ಗಾರೂ ಹೇಳಕ್ಕಾಗತ್ತಾ? ಇಲ್ಲಾ ಅನ್ಸುತ್ತೆ. ಈ ಸಿನ್ಮಾದ ಕತೆ ಬೇರೆ ಸಿನ್ಮಾದಿಂದ ತಗೊಂಡಿರ್ಬೋದು, ಆದ್ರೆ ಪರದೆ ಮೇಲೆ ತಂದಿರೋ ರೀತಿ ಇದ್ಯಲ್ಲ, ಅದ್ರಲ್ಲಿ ರವಿಚಂದ್ರನ್-ಹಂಸಲೇಖ ಬೆಸ್ಟ್!

2. ಈ ಸನ್ನಿವೇಶದಲ್ಲಿ ಬೇರೆ ಯಾವನೇ ಆಗಿದ್ರೂ ಅಲ್ಲಿ ಹೊಡೆದಾಟದ್ ಸೀನ್ ಇರ್ತಿತ್ತು

ನಮ್ ಜನಗಳಿಗೆ ಹೀರೋ ಅಂದ್ರೆ ಪೋಲಿ ಪುಂಡ್ರಗೆ ಹೊಡೀಬೇಕು ಅನ್ನೋ ಇಮೇಜ್ ಇರುತ್ತೆ. ಅದಕ್ಕೇ... ಹುಡ್ಗೀನ ಚುಡಾಯ್ಸೋ ಸೀನಲ್ಲಿ ಹೀರೋಗೆ ಇಂಟ್ರೊಡಕ್‍ಶನ್ ಸೀನ್ ಕೊಟ್ಟು ಫೈಟ್ ಮಾಡ್ಸಿ ಹೀರೋ ಅನ್ನಿಸ್ತಾರೆ. ಈಗೀಗಂತೂ ಮಚ್ಚು ಲಾಂಗುಗಳ ಹುಚ್ಚು ಸಿನ್ಮಾ ಮಾಡೋರಿಗೆ ಎಷ್ಟಿದೆ ಅನ್ನೋದು ಕನ್ನಡ ಸಿನ್ಮಾ ನೋಡೋರಿಗೆಲ್ಲಾ ಗೊತ್ತಿರುತ್ತೆ. ಆದ್ರೆ ಈ ಪ್ರೇಮಲೋಕದ ಪಾರಿಜಾತಾನ ನೋಡ್ರಿ... ಹುಡ್ಗಿ ಮಧ್ಯರಾತ್ರೀಲಿ ಬಂದು ಬಸ್ ಇಳೀತಾಳೆ, ಪೋಲಿಗಳು ರೇಗಿಸ್ತಾರೆ, ಹೀರೋ ಪೋಲೀಸ್ ಬಂದು ಔಳ್ನ ಜೋಪಾನ್ವಾಗಿ ಕರ್ಕೊಂಡೋಗ್ತಾನೆ. ಇಷ್ಟೇ ತಾನೆ ಸೀನು? ಅಲ್ಲಿ ಫೈಟ್ ಬದ್ಲು ಈ ಥರ ಸೊಗಸಾದ ಹಾಡು ಹಾಕ್ಬೋದು ಅನ್ನೋ ಯೋಚ್ನೆ ಬಂದಿದ್ರೆ ಅದು ನಮ್ ರವಿಗೆ ಮಾತ್ರ... ಎಂತಾ ಕ್ರಿಯೇಟಿವಿಟಿ ನೋಡಿ....! ಅಂತಾ ವಿಶೇಷಾನ ನಮ್ ಹಂಸಲೇಖ ಭರ್ಜರಿಯಾಗಿ ಮ್ಯೂಸಿಕ್ ಕೊಟ್ಟು ನಿಭಾಯ್ಸಿದಾರೆ.

3. ಇದು ಕಾಮಿಡಿ ಫಿಲಮ್ಮಲ್ಲ... ಆದ್ರೂ ಹೀರೋ ಹೀರೋಯಿನ್ನನ್ನ ಕಿಡ್ನಾಪ್ ಮಾಡೋ ಸೀನು ಎಷ್ಟು ಕಾಮಿಡಿಯಾಗಿದೆ ನೋಡಿ!

ಹೀರೋ ಹೀರೋಯಿನ್ನನ್ನ ಕಿಡ್ನಾಪ್ ಮಾಡಕ್ಕೆ ಬರ್ತಾನೆ, ಅಲ್ಲಿ ಡಾಕೂಗಳ ವೇಶದಲ್ಲಿ ಹೀರೋ ಕಡೆಯೋರೇ ಹೋಗಿ ಗಲಾಟೆ ಮಾಡ್ತಾರೆ. ಆಗ ಪೊಲೀಸ್ ವೇಶದಲ್ಲಿ ಬಂದು ಹೀರೋ ಹೀರೋಯಿನ್ನನ್ನ ಕಾಪಾಡೋ ನೆಪದಲ್ಲಿ ಕಿಡ್ನಾಪ್ ಮಾಡ್ತಾನೆ. ಇದನ್ನ ಹಾಡಲ್ಲಿ ಹಾಕಿ, "ರಾಧೆ, ನೀ ಕೈಯ್ಯ ಪಿಡಿದು ಕರೆದೊಯ್ಯೆನಲು..." ಅನ್ನೋ ಸಾಲಿಗೆ ಸಿಂಕ್ ಮಾಡಿರೋ ಕಲಾತ್ಮಕತೆಗೆ ಇನ್ನೊಂದು ಹೆಸರೇ ರವಿಚಂದ್ರನ್! ಈ ಸಿನ್ಮಾದ ಮೂಲ ಹಿಂದೀಯ "ಹೀರೋ" ಚಿತ್ರ. ಆದ್ರೆ ಕನ್ನಡದಲ್ಲಿ ರವಿಚಂದ್ರನ್ ಆ ಚಿತ್ರನ ತಮ್ ಸ್ಟೈಲಲ್ಲೇ ಮಾಡಿದಾರೆ.

4. ಊರಿಗೆ ಬರೋ ಹೊಸಬ ನೀರಿಗೆ ಪರದಾಡುವಾಗ ಎಂತಾ ಹಾಡ್ ಹೇಳ್ಬೋದು ಅಂತ ನಮ್ ಹಂಸಲೇಖರಿಗೆ ಎಷ್ಟು ಚನ್ನಾಗ್ ಗೊತ್ತು ನೋಡಿ!

ಈ ಹಾಡಲ್ಲಿ ನಡ್ಯೋ ಸನ್ನಿವೇಶ ತೋರ್ಸಕ್ಕೆ ಒಂದೇ ನಿಮ್‍ಷ ಸಾಕು. ಆದ್ರೆ ಇವ್ರಿಗೆ ಅಲ್ಲಿ ಒಂದ್ ಸೊಗಸಾದ ಹಾಡಲ್ಲಿ ಏನೇನೋ ಹೇಳ್ಬೋದು ಅನ್ನೋದು ತೋಚಿದೆ ನೋಡಿ.

5. ಕರೆಯೋಲೆ ಕೊಡೋದಕ್ಕೂ ಒಂದ್ ಹಾಡು! ಅದೇನು ವೆರೈಟಿನಪ್ಪ ಇವ್ರ ಹಾಡುಗಳು!

ಮದುವೆ ಮುಂಜಿಗಳಿಗೆ ಮನೆಮನೆಗ್ ಹೋಗಿ ಕರೆಯೋ ರೀತೀನೇ ಒಂದ್ ಹಾಡು ಮಾಡೋದು ಅಪರೂಪದಲ್ಲಿ ಅಪರೂಪ. ಕರೆಯುವಾಗ ಎಲ್ರೂ ಬಳ್ಸೋ ಯಾವುದೇ ವಿಶ್ಯಾನೂ ಬಿಡದೇ ಕೊನೆಗೆ "ಸಂಜೆ ಏಳಕ್ಕೆ ಮರೀಬೇಡಿ ಅಕ್ಕ, ಗಂಡು ಹೆಣ್ಣು ಕೂರಿತೀವಿ ಅಕ್ಕಪಕ್ಕ" ಅಂತ ರಿಸೆಪ್‍ಷನ್ನಿಗೂ ಬನ್ನಿ ಅಂತ ಹೇಳೋ ಸೆಂಟಿಮೆಂಟನ್ನ ಹೆಂಗ್ ಪದಗಳಲ್ಲಿ ಹಿಡಿದಿಟ್ಟಿದಾರ್ ನೋಡ್ರಿ... 

6. ಒಂದ್ ಕೋಳೀನ ಅಟ್ಟುಸ್ಕೊಂಡ್ ಹೋಗಕ್ಕೂ ಒಂದ್ ಹಾಡು ಜಗತ್ತಲ್ಲೇ ಎಲ್ಲೂ ಇಲ್ವೇನೋ!

ಹೀರೋಯಿನ್ ಮುಖಕ್ಕೆ ಒಂದ್ ಕೋಳಿ ಬಂದು ಪರಚ್ಬಿಡುತ್ತೆ. ಅದಕ್ಕೇ ಹೀರೋ ಆ ಕೋಳಿ ಮೇಲೆ ಕೋಪ ಮಾಡ್ಕೊಂಡು ಆ ಕೋಳೀನ ಇಲ್ಲ ಅನ್ನಿಸ್ಬಿಡ್ತೀನ ಅಂತ ಅಟ್ಟುಸ್ಕೊಂಡ್ ಹೋಗೋವಾಗ ಈ ಹಾಡ್ ಹೇಳ್ತಾನೆ! ನಂಬಕ್ಕೇ ಆಗಲ್ಲ ಈ ಥರ ಎಲ್ಲಾ ಸನ್ನಿವೇಶಕ್ಕೂ ಹಾಡು ಬಂದಿರೋದು.

ನಿಜ ಹೇಳ್ಬೇಕು ಅಂದ್ರೆ ಇನ್ನೂ ಎಷ್ಟೋ ಹಾಡ್ಗಳಿವೆ... ಇಲ್ಲಿ 6 ಹೇಳಿದಿನಿ ಅಷ್ಟೇ. ರವಿಚಂದ್ರನ್-ಹಂಸಲೇಖ ಜೋಡಿ ಬೇರೆ ಆಗಿದ್ರಿಂದ ನಮ್ಮಂತಾ ಸಿನ್ಮಾ ಪ್ರಿಯರಿಗೆ ಎಷ್ಟು ದೊಡ್ ನಷ್ಟ ಆಗಿದೆ ಅಂತ ಯಾರಿಗ್ ಹೇಳೋಣ? ಔರಿಬ್ರೂ ಮತ್ತೆ ಒಂದಾಗಿ ಇನ್ನೊಂದಿಷ್ಟು ಹೊಸತನ ತರಬೇಕು. ಈಗಿನ ಪೀಳೀಗೇಗೂ ಸ್ಪೂರ್ತಿ ಆಗ್ಬೇಕು.. ಅದೇ ನನ್ನಾಸೆ.

 

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ಅವಳು ನಿನ್ನವಳೇ ಆಗಿದ್ದರೆ ಈಗಾಗಲೇ ಈ 23 ಗುರುತುಗಳಲ್ಲಿ ಕೆಲವಾದರೂ‌ ಕಂಡಿರಬೇಕು

ಕಂಡಿದ್ದರೆ ನಿನ್ನ ಜೀವನಸಂಗಾತಿ ಅವಳೇ

ಜೀವನದಲ್ಲಿ ಇಂತ ಅದ್ಭುತ ನಡಿಯೋದು ಒಂದೇ ಒಂದು ಸತಿ. ನಿಮ್ಮ ಜೀವನಕ್ಕೆ ಬೆಳಕ್ ತರ ಬಂದು, ನಿಮ್ಮ ಸುಖ ದುಃಖದಲ್ಲೆಲ್ಲ ಜೊತೆಗಿದ್ದು, ಇವಳೇ ನಿಮ್ಮ ಸಂಗಾತಿ ಇರ್ಬೋದೆನೋ ಅಂತ ಅನ್ನಿಸ್ತಿದ್ರೆ, ಅವ್ಳಲ್ಲಿ ಈ ಕೆಳ್ಗಿರೊ ಗುಣಗಳಿದ್ರೆ ಡೌಟೇ ಬೇಡ ಅವ್ಳು ನಿಮ್ ಹುಡ್ಗಿ...

1. ಅವಳು ನಿಮ್ಮ್ ಜೊತೆ ಇದ್ದಾಗ ನಿಮಗೆ ಏನೋ ಒಂದು ಪ್ರೇರಣೆ, ನಿನ್ನೆಗಿಂತ ನನ್ನ ಜೀವನ ಇನ್ನು ಚೆನಾಗ್ ಆಗ್ಬೇಕು, ಕಷ್ಟ ಪಟ್ಟು ಜೀವನದಲ್ಲಿ ಇನ್ನು ಮೇಲೇರಬೇಕು ಅಂತ ಅನ್ನಿಸತ್ತೆ.

2. ಏಯ್ ಗಟ್ಟಿ ಗಂಡಸು ಮಾರ್ರೆ ನಾನು, ಯಾವ್ ಸೆಂಟಿಮೆಂಟು ನನ್ನತ್ರ ನಡಿಯಲ್ಲ, ಕಲ್ಲು ಬಂಡೆ ಥರ ನಾನು ಅಂತಿದ್ದ ನಿಮ್ಮನ್ನ, ಈ ಹುಡುಗಿ ಹೋಗ್ತಾಹೋಗ್ತಾ ಕರ್ಗೋಗೊ ಹಾಗೆ ಮಾಡ್ಬಿಡ್ತಾಳೆ. ಅವ್ಳು ನಿಮ್ಮಲ್ಲಿ ಪ್ರೀತಿ, ವಾತ್ಸಲ್ಯ, ಸಂತೋಷ ಒಂತರ ಎಲ್ಲ ಭಾವನೆ ನಿಮ್ಮಲ್ಲಿ ಶುರು ಆಗೋ ಹಾಗೆ ಮಾಡಿರ್ತಾಳೆ. ಅವ್ಳಿಗೆ ನಿಮ್ ಕಣ್ಣಲ್ಲೂ ನೀರ್ ಹಾಕ್ಸೋ ತಾಕತ್ತಿರತ್ತೆ... ಇಂತ ಭಾವನೆಗಳು ನಿಮ್ಗೆ ಮುಂಚೆ ಅನುಭವಕ್ಕೆ ಬಂದಿರಲ್ಲ.

3. ಇದೊಂತರ ವಿಚಿತ್ರ. ಅವ್ಳ ಖುಷಿ ನಿಮಗೆ ಖುಷಿ ಕೊಡತ್ತೆ. ಅವಳ ಒಂದು ನಗು ಸಾಕು ನಿಮಗೆ ಸಿಕ್ಕಾಪಟ್ಟೆ ಖುಷಿಯಾಗಿರಕ್ಕೆ, ಅವ್ಳ ನಗು ಕಾರಣ ನಿಮ್ಗೆ ಬೇಕಿರಲ್ಲ, ಅವ್ಳ್ ನಕ್ರೆ ಸಾಕು.

4. ನಿಮ್ಮ ಎಲ್ಲ ಯೋಚನೆ, ನಿಮ್ಮ ಟೆನ್ಷನ್ನು ಎಲ್ಲ ದೂರ ಆಗಕ್ಕೆ ಅವಳ ಒಂದೇ ಒಂದು ನಗು ಸಾಕು. ಆ ಒಂದ್ ಕ್ಷಣ ಏನೋ ಒಂತರ ನೆಮ್ಮದಿ ಸಿಗೊಹಾಗ್ ಮಾಡತ್ತೆ.

ಮೂಲ

5. ಅವಳ ನಗು ನಿಮಗೆ ಖುಷಿ ತರತ್ತೆ ಅಂತ ಯಾವಾಗ್ಲೂ ಅವ್ಳು ನಿಮ್ಮತ್ರ ನಗ್ತನೇ ಇರ್ಬೇಕಿಲ್ಲ... ಅವ್ಳ್ ಜೊತೆ ಟೈಮ್ ಸ್ಪೆಂಡ್ ಮಾಡೊ ಭಾಗ್ಯ ನಿಮ್ಗೆ ಸಿಕ್ಕಿದ್ರೆ ಸಾಕಾಗಿರತ್ತೆ. ಅವ್ಳ್ ಜೊತೆ ಇರೋ ಅಷ್ಟೂ ಹೊತ್ತು ನಿಮ್ಗೆ ಮಧುರವಾದ ಕ್ಷಣ ಅನ್ನಿಸ್ತಿರತ್ತೆ.

6. ಎರಡು ದೇಹ ಒಂದೇ ಜೀವ ನಿಮ್ಮದು ಅನ್ನಿಸತ್ತೆ.

7. ಅವಳ ಎಲ್ಲ ಭಾವನೆ ನಿಮಗೆ ಆಕರ್ಷಕವಾಗಿರತ್ತೆ, ಅವಳ ಬಗ್ಗೆ ಪೂರ್ತಿ ತಿಳ್ಕೊಬೇಕು ಅಂತ ಅನ್ನಿಸತ್ತೆ ನಿಮಗೆ... ಅವ್ಳಲ್ಲಿರೊ ಒಳ್ಳೇದು, ಕೆಟ್ಟದ್ದು ಮತ್ತೆ ಸುಮಾರಾಗಿರೊ ವಿಚಾರ್ವೆಲ್ಲ ನಿಮ್ಗೆ ಓಕೆ ಆಗೋಗಿರತ್ತೆ... ಅವ್ಳನ್ನ ನೀವು ಆರಾಧಿಸಕ್ಕೆ ಶುರು ಮಾದ್ಬಿಟ್ಟಿರ್ತೀರ.

8. ಅವಳು ನಿಮ್ಮ ಕಡೆ ನಡ್ಕೊಂಡು ಬರ್ತಿದ್ರೆ ನಿಮ್ ಕಣ್ಣಿಗೆ ಬೇರೇನೂ ಕಾಣಲ್ಲ... ಎಲ್ಲ ಮಂಜ್ ಮಂಜು ಆಗೋಗತ್ತೆ... ಬರಿ ಅವಳೊಬ್ಬಳೇ... ನಿಮ್ಮ ಟೆನ್ಷನ್ನು, ನಿಮ್ಮ ಕೆಲಸಗಳೆಲ್ಲ ನೆನಪಾಗದೇ ಇಲ್ಲ, ಇಡೀ ಜೀವನ ಹೀಗೆ ಅವ್ಳನ್ನ ನೋಡ್ಕೊಂಡು ನೆಮ್ಮದಿಯಾಗಿದ್ಬಿಡ್ಬೇಕು ಅನ್ನಿಸತ್ತೆ.

ಮೂಲ

9. ಇವತ್ತಿನ ತಂಕ ಯಾರ್ ಹತ್ರನೂ ಹೇಳಿರದ ಗುಟ್ಟನ್ನ ಇವಳ ಹತ್ರ ಹೇಳ್ಕೊಬೇಕು ಅನ್ನಿಸತ್ತೆ. ನಿಮ್ಮ ಭಾವನೆಗಳ್ನೆಲ್ಲ ಅವ್ಳ್ ಹತ್ರ ಹಂಚ್ಕೊಬೇಕು ಅನ್ನಿಸತ್ತೆ. ನಿಮ್ಮೆಲ್ಲಾ ಗುಟ್ಟುಗಳ್ನ ಅವ್ಳು ಕಾಪಾಡ್ತಾಳೆ.

10. ನಿಮಗೆ ಗೊತ್ತಿಲ್ಲದ ಹಾಗೆ ಅವಳು ನಿಮ್ಮ ಪ್ರಪಂಚ ಆಗ್ಬಿಟ್ಟಿರ್ತಾಳೆ. ನೀವು ನಿಮ್ಮ ಮುಂದಿನ ಜೀವನದ ಬಗ್ಗೆ ಮಾಡೋ ಪ್ರತಿಯೊಂದು ಯೋಚನೇಲು ಅವಳಿಗೆ ಜಾಗ ಕೊಟ್ಟಿರ್ತೀರ.

11. ಕನಸಲೂ ನೀನೆ ಮನಸಲೂ ನೀನೆ... ದಿನಾ ಕನಸಲ್ಲಿ ಅವಳೇ ಬರ್ತಾಳೆ. ನಿಮಗೆ ಅವಳ್ ಬಿಟ್ಟು ಬೇರೇನೂ ಬೇಕಿರಲ್ಲ.

12. ಯಾವತ್ತೂ ಅನುಭವಿಸದ ಅನ್ಯೋನ್ಯತೆ ನಿಮಗೆ ಅವ್ಳ ಬಗ್ಗೆ. ಅಪ್ಪಿ ತಪ್ಪಿ ಒಂದ್ಸತಿ ಅವ್ಳನ್ನ ಮುಟ್ಟಿದ್ರೆ ಮೈ ಜುಮ್ ಅನ್ನತ್ತೆ, ತಲೆ ನಿಲ್ಲದೇ ಇಲ್ಲ. ಅವ್ಳನ್ನ ನಿಮ್ಮ ತೋಳಲ್ಲಿ ತಬ್ಬಿ ಹಿಡ್ಕೊಬೇಕು ಅನ್ನಿಸತ್ತೆ, ಹೀಗೆ ಜೀವನ ಪೂರ್ತಿ ಒಟ್ಟಿಗೆ ಇರ್ಬೇಕು ಅನ್ನಿಸ್ತಿರತ್ತೆ.

ಮೂಲ

13. ಬರಿ ಅದೇ ಅಂತಲ್ಲ, ಜಾಸ್ತಿ ಸುತ್ತಾಡ್ಬೇಕು ಅನ್ನೊಹಾಗೆ ಮಾಡ್ತಾಳೆ, ಬೇರೆ ಬೇರೆ ಹೋಟೆಲ್ಲಿಗೆ ಹೋಗಿ ಹೊಸ-ಹೊಸ ತಿಂಡಿ ಊಟ ಟ್ರೈ ಮಾಡ್ಬೇಕು ಅನ್ನಿಸೋ ಹಾಗೆ ಮಾಡ್ತಾಳೆ. ಪ್ರತಿ ಕ್ಷಣ ಜಗತ್ತು ಹೊಸದಾಗಿ ಕಾಣೋಹಾಗೆ ಮಾಡ್ತಾಳೆ. ನಿಮ್ಮ ಜೀವನ  ಇನ್ನು ಕುತೂಹಲಕಾರಿ ಆಗತ್ತೆ.

14. ನಿಮ್ಮ ಸ್ನೇಹಿತರಿಗೆ, ಮನೆಯವರಿಗೆಲ್ಲ ಅವಳನ್ನ ಪರಿಚಯ ಮಾಡ್ಸ್ ಬೇಕು ಅನ್ನಿಸತ್ತೆ. ಅವಳೆಷ್ಟು ಒಳ್ಳೇವ್ಳು ಅಂತ ನಿಮ್ಮ ಮನೆಯವರಿಗೆ ಖಂಡಿತ ಗೊತ್ತಾಗತ್ತೆ ಅಂತ ನಿಮಗನ್ನಿಸತ್ತೆ... ಅವ್ಳ ಗುಣ ಎಲ್ಲಾರ್ಗೂ ಹಿಡ್ಸೋ ಅಂತದ್ದು ಅಂತ ನಿಮ್ಗೆ ಎಷ್ಟರಮಟ್ಟಿಗೆ ಅನ್ನಿಸತ್ತೆ ಅಂದ್ರೆ ಕೆಲವೊಮ್ಮೆ ಇವಳನ್ನ ನನಗಿಂತ ಜಾಸ್ತಿ ನನ್ನ ಸ್ನೇಹಿತರೆ ಇಷ್ಟ ಪಡ್ತಿದಾರಲ್ಲಪ್ಪ ಅಂತ ಅನ್ನಿಸಿಬಿಡತ್ತೆ.

15. ನಿಮ್ಮ ಬಗ್ಗೆ ತುಂಬ ಕಾಳಜಿ ಮತ್ತೆ ಪ್ರೀತಿ ತೋರುಸ್ತಾಳೆ ಅವಳು, ಹೇಗೆ ಅಂತ ಹೇಳಕ್ಕಾಗಲ್ಲ. ದಿನ ನೀರ್ ಕುಡಿ ಅಂತ ಹೇಳೋದ್ರಿಂದ ನಿಮ್ಮ ಹುಟ್ಟು ಹಬ್ಬಕ್ಕೆ ಅದ್ಭುತವಾಗಿ ಒಂದು ಸುರ್ಪ್ರೈಸ್ ರೆಡಿ ಮಾಡೊತನ್ಕ ಎಲ್ಲ ಮಾಡಿರ್ತಾಳೆ... ನಿಮ್ಮನ್ನ ಯಾವಾಗ್ಲೂ ಖುಷಿಯಾಗಿ ನೋಡ್ಬೇಕು ಅನ್ನೋದು ಅವಳ ಆಸೆ ಆಗಿರತ್ತೆ.

16. ಅವ್ಳಿಗೆ ನಿಮ್ಮ ನಿಜವಾದ ಮುಖ ನೀವ್ ತೋರಿಸ್ತೀರ. ನಿಮಗೆ ಮೆಚ್ಚಿಸಕ್ಕೆ ನಾಟಕ ಆಡ್ಬೇಕು ಅಂತ ಅನ್ಸಲ್ಲ. ನೀವಾಗಿ ಅವಳೊಂದಿಗೆ ಆರಾಮಾಗಿ ಇರಬಹುದು. ನಿಮ್ಮ ಎಲ್ಲ ತುಂಟತನ ಮತ್ತೆ ತರ್ಲೆಗಳು ಅವ್ಳು ನಿಮ್ಮನ್ನ ಹೆಚ್ಚೆಚ್ಚು ಪ್ರೀತ್ಸೋ ಹಾಗೆ ಮಾಡತ್ತೆ. ಅವಳ ಜೊತೆ ನಿಮಗೆ ಯಾವ್ದೇ ಹಿಂಜರಿಕೆ ಇರಲ್ಲ.

ಮೂಲ

17. ಅವಳು ಸ್ವಂತಂತ್ರವಾಗಿ ತನ್ನ ಕೆಲಸ ತಾನು ಮಾಡ್ಕೊಂಡು ಇರೋಂತ ಹುಡುಗಿ ಆಗಿದ್ರು ಯಾವಾಗಾದ್ರೂ ಸಹಾಯ ಬೇಕು ಅನ್ಸಿದ್ರೆ, ನಿಮ್ಮನ್ನ ಕೇಳ್ತಾಳೆ. ನೀವು ಇಲ್ಲ ಅನ್ನಲ್ಲ ಅಂತ ಅವ್ಳಿಗೆ ಚೆನ್ನಾಗಿ ಗೊತ್ತಿರತ್ತೆ. ಯಾವತ್ತೂ ನಿಮಗೆ ಮೋಸ ಮಾಡಬೇಕು ಅನ್ನೋ ಯೋಚ್ನೆ ಇರಲ್ಲ.

18. ನಿಮಗೆ ಚೆನ್ನಾಗಿ ಗೊತ್ತಿರತ್ತೆ ಇವ್ಳು ಯಾವಾಗ್ಲೂ ಎಂತ ಸಮಯದಲ್ಲೂ ಜೊತೇಗೆ ಇರ್ತಾಳೆ ಅಂತ. ಕೆಲವೊಮ್ಮೆ ನಿಮಗೆ ಏನು ತೋಚದೇ, ಇನ್ನೇನು ದಾರಿ ಇಲ್ಲ ಅಂದಾಗ ಕೂಡ, ಇವಳು ನಿಮ್ಮನ್ನ ಬಿಡದೇ ಬೆನ್ನೆಲುಬಾಗಿ ನಿಲ್ತಾಳೆ ಅನ್ನಿಸತ್ತೆ.

19. ಯಾವುದೇ ಅನುಮಾನ ಇಲ್ಲದೆ ಕಣ್ಣು ಮುಚ್ಚಿಕೊಂಡು ಎಲ್ಲ ಸಮಯದಲ್ಲೂ ನಂಬಬಹುದು. ಅವಳು ಎಲ್ಲಿ, ಯಾರ್ ಜೊತೆ, ಯಾವ ಸಮಯದಲ್ಲಿ ಇದ್ದಳು, ಯಾಕೆ ಇದ್ದಳು ಅನ್ನೋದೆಲ್ಲ ನಿಮ್ಗೆ ದೊಡ್ಡ ವಿಷ್ಯ ಅನ್ಸದೇ ಇಲ್ಲ, ಅವ್ಳ ಬಗ್ಗೆ ಬಲವಾದ್ ನಂಬಿಕೆ ನಿಮ್ಗಿರತ್ತೆ. ನಿಮ್ಮ ಸಂಬಂದಾನೆ ಹಾಗೆ! ಇಬ್ಬರು ಒಬ್ಬರನ್ನ ಒಬ್ಬರು ಅಷ್ಟು ನಂಬ್ತೀರಿ, ಅಷ್ಟೇ ಗೌರವ ಕೊಡ್ತೀರಿ.

20. ಅವ್ಳು ಯಾವದಾದ್ರು ಕಾರಣಕ್ಕೆ ಬೇಜಾರಾಗಿದ್ರೆ ನಿಮಗೆ ತಡ್ಕೊಳಕ್ಕಾಗಲ್ಲ, ಯಾರಾದ್ರೂ ಬೇಜಾರ್ ಮಾಡಿದ್ರೆ ನೀವು ಅವ್ರನ್ನ ಸುಮ್ನೆ ಬಿಡಲ್ಲ. ಅವಳು ದುಃಖ ಪಡೋದನ್ನ ನಿಮಗೆ ಸಹಿಸಿಕೊಳಕ್ಕೆ ಆಗದೇ ಇಲ್ಲ.

ಮೂಲ

21. ನೀವು ನಿಮ್ಮ ಮುಂದಿನ ದಿನಗಳಿಗೆ ಅಂತ ಮಾಡಿದ ಎಲ್ಲ ಯೋಚನೆಲಿ ನಿಮಗೆ ಗೊತ್ತಿಲ್ಲದ ಹಾಗೆ ಅವಳನ್ನು ಸೇರಿಸಿಕೊಂಡಿರ್ತೀರ. ನೀವು ಸುತ್ತಾಡಬೇಕು ಅನ್ಕೊಂಡಿರೋ ಜಾಗ, ನೀವು ಮಾಡ್ಬೇಕು ಅನ್ಕೊಂಡಿರೋ ಸಾಹಸ, ಹೀಗೇ ಎಲ್ಲದ್ರಲ್ಲೂ ಅವ್ಳು ಇದ್ದೇ ಇರ್ತಾಳೆ...

22. ನಿಮಗೆ ಸರ್ವಸ್ವಾನು ಅವಳೇ ಆಗಿರ್ತಾಳೆ. ನೀವು ರಾತ್ರಿ ಮಲಗುವಾಗ ತೊಗೊಳೋ ಕೊನೆ ಹೆಸರು ಅವಳದ್ದೇ, ಬೆಳಗ್ಗೆ ಎದ್ದಾಗ ಹೇಳೋ ಮೊದಲನೇ ಹೆಸರು ಅವಳದ್ದೇ. ನಿಮ್ಮೆಲ್ಲ ತುಂಟಾಟದಲ್ಲಿ ಅವಳು ಇರ್ತಾಳೆ, ಅವಳ ಜೊತೆ ನಿಮ್ಮ ಜೀವನ ಪೂರ್ತಿ ಕಳೀಬೇಕು ಅಂತ ಅನ್ನಿಸತ್ತೆ. ಹೌದು ಅವಳೇ ನಿಮ್ಮ ಪ್ರೇಯಸಿ, ಅವಳೇ ನಿಮ್ಮ ನಿಜವಾದ ಸಂಗಾತಿ.

23. ನಿಮ್ಮ ಬದುಕು ಸಾರ್ಥಕ ಅಂತ ಅನ್ನಿಸೋದು, ಬದುಕಿಗೆ ಒಂದು ಅರ್ಥ ಅಂತ ಸಿಗೋದು, ಅವಳು ನಿಮ್ಮ ಜೊತೆ ಇದ್ದಾಗ ಮಾತ್ರ.

ಮೂಲ

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: