ಇಡೀ ಪ್ರಪಂಚದಲ್ಲಿ ಕನ್ನಡಿಗರು ಮಾತ್ರ ಕೈ ಹಾಕಬಹುದಾದ 23 ವಿಶೇಷವಾದ ಜಾಗಗಳು

ಬೇರೆಯೋರು ಮಾಡಿದರೆ ತಪ್ಪಾಗಬಹುದು

ಕೈ

ಕನ್ನಡ ಒಂದು ವಿಶೇಷವಾದ ಭಾಷೆ. ಅಲ್ಲ, ನಮ್ಮದು ಅಂತ ಮಾತ್ರ ಹೇಳ್ತಾ ಇಲ್ಲ, ಅದರ ಸೊಗಡೇ ಬೇರೆ. ಉದಾಹರಣೆಗೆ ನಾವು ‘ಕೈ’ ಅನ್ನೋ ಪದವನ್ನ ಹೇಗೆಲ್ಲ ಬಳಸ್ತೀವಿ ನೋಡಿ... ಈ ಜಾಗದಲ್ಲೆಲ್ಲ ಇಂಗ್ಲಿಷಲ್ಲಿ ‘hand' ಅನ್ನೋ ಪದವನ್ನಾಗಲಿ ಬೇರೆ ಭಾಷೆಯಲ್ಲಿ ಕೈ ಅನ್ನೋ ಪದವನ್ನಾಗಲಿ ಬಳಸಕ್ಕೆ ಬರಲ್ಲ. ಅದು ಆಯಾ ಭಾಷೆಯಲ್ಲಿ ತಪ್ಪಾಗುತ್ತೆ. ಆದರೆ ನಮ್ಮ ಭಾಷೆಯ ಸೊಗಡು ನೋಡಿ:

1) ಅನ್ನ ಬಡಿಸಕ್ಕೆ ಕೈ ಜೊತೆಗೆ ನಮಗೆ ಅನ್ನದ ‘ಕೈ’ ಬೇಕು

ಮೂಲ

2) ರೈಲುಗಳಿಗೆ ಸಿಗ್ನಲ್ ಕೊಡೋ ಈ ಗುರುತು ನಮಗೆ ‘ಕೈ’ಮರ

ಮೂಲ

3) ದೋಸೆ ಗೀಸೆ ಮಾಡಕ್ಕೆ ನಾವು ಉಪಯೋಗಿಸೋದು ಮೊಗಚೋ ‘ಕೈ’

ಮೂಲ

4) ಬೀಗ ತೆಗೆಯಕ್ಕೆ ಬೀಗದ ‘ಕೈ’ ಇಲ್ಲದೆ ಹೋದರೆ ಹೇಗೆ?

ಮೂಲ

5) ಯಾವುದಾದರೂ ಕೆಲಸ ನಮಗೆ ಆಗತ್ತೆ ಅಥವಾ ಆಗಲ್ಲ ಅಂದ್ರೆ ಸಾಲದು, ಅದು ನಮ್ಮ ‘ಕೈ’ಯಲ್ಲಿ ಆಗಬೇಕು ಅಥವಾ ಆಗದೆ ಇರಬೇಕು

ಮೂಲ

6) ಒಂದು ಸರ್ಕಲ್ ಬರೆಯಕ್ಕೆ ನಮಗೆ ‘ಕೈ’ವಾರ ಬೇಕು

ಮೂಲ

7) ಪರ್ಸನಲ್ ಲೋನ್ ಅನ್ನೋದು ನಮ್ಮ ಸಂಸ್ಕೃತಿಯಲ್ಲಿ ‘ಕೈ’ಸಾಲ

ಮೂಲ

8) ಎಷ್ಟೋ ಸಲ ನಮ್ಮಲ್ಲಿ ಹೊಡಿಯಲ್ಲ, ‘ಕೈ’ಮಾಡ್ತಾರೆ

ಮೂಲ

9) ಇನ್ನು ಬರ್ತೀನಿ ಅಂತ, ಮದುವೆ ಮಾಡ್ಕೋತೀನಿ ಅಂತ... ಹೀಗೆ ಒಂದಲ್ಲ ಒಂದು ಮಾತು ಕೊಟ್ಟು ‘ಕೈ’ ಕೊಡೋದಂತೂ ಸರ್ವೇ ಸಾಮಾನ್ಯ

ಮೂಲ

10) ನಾವು ಆಗೊಲ್ಲ ಅಂತ ಹಾಗೇ ಬಿಡಲ್ಲ, ‘ಕೈ’ ಬಿಡ್ತೀವಿ

ಮೂಲ

11) ಪೋಲಿ ಹುಡುಗ್ರು ಹುಡುಗೀರ್ಗೆ ‘ಕೈ’ ಬಿಡೋದು ಕೇಳಿರ್ತೀರಿ

ಮೂಲ

12) ನಮ್ಮಲ್ಲಿ ತಲುಪಬೇಕಾಗಿದ್ದು ಸುಮ್ಮನೆ ತಲುಪಲ್ಲ, ‘ಕೈ’ ಸೇರುತ್ತೆ

ಮೂಲ

13) ನಾವು ದೇವರು ದೊಡ್ಡೋರು ಯಾರಾದರೂ ಸಿಕ್ಕಾಗ ‘ಕೈ’ ಮುಗೀತೀವಿ

ಮೂಲ

14) ನಮ್ಮಲ್ಲಿ ‘ಕೈ’ ಹಿಡಿದರೆ ಮುಗೀತು ಕತೆ -- ಮದುವೆ ಅಂತಾನೇ ಅರ್ಥ

ಮೂಲ

15) ನಾವು ಕೆಲಸದಲ್ಲಿ ಒಂದೊಂದ್ಸಲ ಸುಮ್ಮನೆ ತೊಡಗಿಕೊಳಲ್ಲ, ಅದಕ್ಕೆ ‘ಕೈ’ ಹಾಕ್ತೀವಿ

ಮೂಲ

16) ಬರೀ ಬಾಯಲ್ಲಿ ಹೇಳಿದ್ದು ಸಾಕಾಗದೆ ಇದ್ದಾಗ ‘ಕೈ’ಸನ್ನೆ ಮಾಡ್ತೀವಿ

ಮೂಲ

17) ನಾವು ಒಂದೊಂದ್ಸಲ ಕೊಡಿ ಅಂತ ಬೇಡ್ಕೊಳಲ್ಲ, ‘ಕೈ’ ಚಾಚ್ತೀವಿ ಅಥವಾ ‘ಕೈ’ ಒಡ್ಡುತೀವಿ

ಮೂಲ

18) ನಾವು ಎಷ್ಟೇ ಪ್ರಯತ್ನ ಪಟ್ಟರೂ ಒಂದೊಂದ್ಸಲ ಪರಿಸ್ಥಿತಿ ‘ಕೈ’ಮೀರಿ ಹೋಗುತ್ತೆ

ಮೂಲ

19) ಹಾಗೇ ಒಂದೊಂದ್ಸಲ ಪರಿಸ್ಥಿತಿಯಿಂದ ‘ಕೈಕೈ’ ಹಿಸುಕಿಕೊಳೋ ಹಾಗಾಗುತ್ತೆ

ಮೂಲ

20) ಕೆಲಸಕ್ಕೆ ಯಾವ ಅಂಗಾಂಗ ಬೇಕಾದರೂ ಸರಿ, ಬೇರೆಯೋರ್ ಜೊತೆ ಕೆಲಸದಲ್ಲಿ ‘ಕೈ’ ಜೋಡಿಸದೆ ಬೇರೆ ದಾರಿ ಇಲ್ಲ

ಮೂಲ

21) ನಮಗೇನಾದರೂ ಸಕ್ಕತ್ ಸಿಟ್ಟು ಬಂದ್ರೆ ಒಂದ್ ‘ಕೈ’ ನೋಡ್ಕೋತೀವಿ

ಮೂಲ

22) ಒಂದೊಂದ್ಸಲ ಬೇರೆಯೋರ್ ಕೈಯಲ್ಲಿ ಮಾಡ್ಸಕ್ಕಾಗಲ್ಲ ಅಂತ ನಾವೇ ‘ಕೈ’ಯಾರೆ ಮಾಡಿಬಿಡ್ತೀವಿ

ಮೂಲ

23) ಮನೇಲೇ ತರ್ಕಾರಿ ಗಿರ್ಕಾರಿ ಬೆಳೆಯೋ ಜಾಗಕ್ಕೆ ನಾವು ‘ಕೈ’ತೋಟ ಅಂತೀವಿ

ಮೂಲ

ಸಿರಿಗನ್ನಡಂ ಗೆಲ್ಗೆ! ಸಿರಿಗನ್ನಡಂ ಬಾಳ್ಗೆ!

ಹೊರಚಿತ್ರದ ಮೂಲ

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ಈ 6 ವಿಷಯ ತಿಳ್ಕೊಂಡ್ರೆ ಇನ್ಮೇಲೆ ಫೋನು, ಚಾರ್ಜರ್ ಎಲ್ಲಾ ತಗೊಳೋವಾಗ ಮೋಸ ಹೋಗಲ್ಲ

ಸ್ವಲ್ಪ ಹುಷಾರಾಗಿ ನೋಡ್ಬೇಕಷ್ಟೆ

ಹೆಸರಾಂತ ಬ್ರಾಂಡುಗಳನ್ನ ನಕಲು ಮಾಡಿ ಕಳಪೆ ಪ್ರಾಡಕ್ಟುಗಳನ್ನ ಮಾರ್ಕೆಟ್ಟಿಗೆ ಬಿಡೋದು ಮಾಮೂಲಿ. ತೆಗೊಳ್ವಾಗ ನಾವು ಹುಷಾರಾಗಿರ್ಬೇಕು. ಈ 6 ವಿಷ್ಯಗಳ್ನ ತಿಳ್ಕೊಂಡ್ರೆ, ಮೋಸ ಹೋಗೋದು ತಪ್ಪಿಸ್ಬಹುದು.

1. ಪ್ಯಾಕ್ ಮಾಡಿರೋ ರೀತಿ ಗಮನಿಸಿ- ದೊಡ್ಡ ಬ್ರಾಂಡುಗಳು ಪ್ಯಾಕೇಜಿಂಗ್ ಬಗ್ಗೆ ಕೂಡ ತುಂಬಾ ಗಮನ ಕೊಟ್ಟಿರ್ತಾರೆ

ಸಾಮಾನ್ಯವಾಗಿ ನಕಲಿ ಕಂಪೆನಿಗಳು ಪ್ಯಾಕೇಜಿಂಗ್ ಬಗ್ಗೆ ಜಾಸ್ತಿ ತಲೆ ಕೆಡಿಸ್ಕೊಳೊಲ್ಲ. ದೊಡ್ಡ ಬ್ರಾಂಡುಗಳು ಅವರ ಪ್ರಾಡಕ್ಟಿಗೆ ಯಾವ್ದೇ ಡ್ಯಾಮೇಜ್ ಆಗ್ದಿರೋ ರೀತಿ ತುಂಬ ಎಚ್ಚರಿಕೆಯಿಂದ ಪ್ಯಾಕ್ ಮಾಡಿರ್ತಾರೆ. ಫೋನಿನ ಮೂಲೆಗಳೆಲ್ಲ ಸರಿಯಾಗಿ ಹೊಂದ್ಕೊಂಡು ಕೂರೋ ರೀತಿ ಬಾಕ್ಸ್ ಡಿಸೈನ್ ಮಾಡಿರ್ತಾರೆ. ಇದನ್ನೆಲ್ಲ ಪರೀಕ್ಷೆ ಮಾಡಿ ನೋಡಿ. ಇದಲ್ಲದೆ ಬಾಕ್ಸಿನಲ್ಲಿ ಪ್ರಿಂಟ್ ಆಗಿರೋದನ್ನ ನೋಡಿ, ಫಾಂಟು ಒಂದೇ ರೀತಿ ಇರ್ಬೇಕು, ಪ್ರಿಂಟ್ ಆಗಿರೋದೆಲ್ಲ ಓದೋಕೆ ಆಗೋ ಹಾಗಿರ್ಬೇಕು.

ಮೂಲ

2. ಯೂಸರ್ ಮಾನ್ಯುವಲ್ ಇಂಗ್ಲಿಷ್ ಅಥವಾ ಭಾರತದ ಅಫಿಷಿಯಲ್ ಭಾಷೆಗಳಲ್ಲಿರ್ಬೇಕು, ನಿಮ್ಗೆ ಅರ್ಥಾನೇ ಆಗ್ದಿರೋ ಯಾವ್ದೋ ಭಾಷೆಯಲ್ಲಿರ್ಬಾರ್ದು

 ಯೂಸರ್ ಮ್ಯಾನ್ಯುವಲ್ ಯಾವುದೋ ನಿಮ್ಗೆ ಅರ್ಥ ಆಗ್ದಿರೋ ಭಾಷೆಯಲ್ಲಿದ್ರೆ ಅಥವಾ ಅದರಲ್ಲಿ ಸ್ಪೆಲ್ಲಿಂಗ್ ಮಿಸ್ಟೇಕುಗಳಿದ್ರೆ, ಅದು ಸ್ಮಗಲ್ ಆಗಿರೋ ಮಾಲು ಅಥವಾ ನಕಲಿ ಮಾಲು ಆಗಿರೋ ಸಂಭವ ಜಾಸ್ತಿ.

ಮೂಲ

3. ರಬ್ಬರ್, ಪ್ಲಾಸ್ಟಿಕ್, ಅಲ್ಯೂಮಿನಿಯಮ್ - ಯಾವ್ದೇ ಆದ್ರೂ ಒಳ್ಳೆ ಕ್ವಾಲಿಟೀದಿದ್ಯಾ ನೋಡಿ

ಎಲ್ಲೂ ಚೂಪುಚೂಪಾಗಿರೋ ಪ್ಲಾಸ್ಟಿಕ್ ಇರ್ಬಾರ್ದು. ಅದರ ಮೈ ಸಮವಾಗಿ ಇರ್ಬೇಕು, ಮೆತ್ತಗಿರ್ಬೇಕು. ಒಂದೊಂದು ಕಡೆ ಒಂದೊಂದು ರೀತಿ ಇದ್ರೆ, ನಕಲಿ ಆಗಿರೋ ಸಾಧ್ಯತೆ ಹೆಚ್ಚು. ಫೋನಿನ ಕ್ಯಾಮೆರಾ ಮತ್ತು ಫ್ಲ್ಯಾಶ್ಲೈಟಿನ ಕ್ವಾಲಿಟಿಯನ್ನೂ ನೋಡಿ. ಕೆಳಗಿನ ಚಿತ್ರದಲ್ಲಿ ಗೋಲ್ಡನ್ ಫ್ರೇಮ್ ಇರೋದು ಒರಿಜಿನಲ್, ಇನ್ನೊಂದು ನಕಲಿ. ಎರಡರಲ್ಲೂ ಕ್ಯಾಮೆರಾ ಮತ್ತು ಫ್ಲ್ಯಾಶ್ ಲೈಟ್ ಕೂರಿಸಿರೋ ರೀತಿ ನೋಡಿ. ಅಸಲಿಯಲ್ಲಿ ಸ್ಮೂತ್ ಫಿನಿಶಿಂಗ್ ಇದೆ, ನಕಲಿಯಲ್ಲಿ ಕಳಪೆ ಅಂತ ಗೊತ್ತಾಗೋ ರೀತಿ ಇದೆ.

ಮೂಲ

 

4. ಕಂಪೆನಿ ಲೋಗೋ ಗಮನಿಸಿ - ಸ್ಪೆಲ್ಲಿಂಗ್ ಮಿಸ್ಟೇಕ್ ಇದ್ಯಾ ಅಥ್ವಾ ಅವರ ಒರಿಜಿನಲ್ ಪ್ರಾಡಕ್ಟಿಗೆ ಹೋಲ್ಸಿದ್ರೆ ಏನಾದ್ರೂ ವ್ಯತ್ಯಾಸ ಇದ್ಯಾ ನೋಡಿ

ಯಾವ್ದೇ  ಕಂಪೆನಿಗೆ ಅದರ ಲೋಗೋ ಬಹಳ ಮುಖ್ಯ. ಅದರಲ್ಲಿ ಸ್ಪೆಲ್ಲಿಂಗ್ ಮಿಸ್ಟೇಕ್ ಆಗ್ಲಿ, ತಪ್ಪು ಫಾಂಟ್ ಆಗ್ಲಿ ಇರೋಕೆ ಸಾಧ್ಯಾನೇ ಇಲ್ಲ. ಅಲ್ಲದೆ ಲೋಗೋ ಅಳಿಸಿ ಹೋಗೋ ಥರ ಇರೊಲ್ಲ, ಎಷ್ಟೋ ವರ್ಷ ಉಪ್ಯೋಗ್ಸಿದ್ರೂ ಓದ್ಲಿಕ್ಕೆ ಆಗೋ ಹಾಗೆ ಇರುತ್ತೆ. ಆ ಕಂಪೆನಿಯ ವೆಬ್ಸೈಟಿನಲ್ಲಿ ಇರೋ ಪ್ರಾಡಕ್ಟುಗಳಲ್ಲಿರೋ ಲೋಗೋ ಜೊತೆ ಹೋಲಿಸಿ ನೋಡಿ. ಏನಾದ್ರೂ ವ್ಯತ್ಯಾಸ ಇದ್ರೆ ನಕಲಿ ಅನ್ನೋದ್ರಲ್ಲಿ ಸಂಶಯ ಇಲ್ಲ. ಕೆಳಗಿನ ಫೋಟೋದಲ್ಲಿರೋದು ನಕಲಿ ಪವರ್ ಬ್ಯಾಂಕು. ಅದರಲ್ಲಿರೋ ಲೋಗೋ ನಕಲಿ. ಅವರ ಅಫಿಷಿಯಲ್ ವೆಬ್ಸೈಟಿನಲ್ಲಿರೋ ಲೋಗೋ ನೋಡಿದ್ರೆ ಇದು ನಕಲಿ ಅಂತ ಗೊತ್ತಾಗುತ್ತೆ.

5. ಚಾರ್ಜರಿನ ಪ್ಲಾಸ್ಟಿಕ್ ಗಮನಿಸಿ - ಒಳ್ಳೆ ಕ್ವಾಲಿಟಿ ಇದ್ಯಾ, ಸಮವಾಗಿ ಮೆತ್ತಗಿರೋ ಪ್ಲಾಸ್ಟಿಕ್/ರಬ್ಬರ್ ಉಪ್ಯೋಗ್ಸಿದಾರಾ ನೋಡಿ

ಮೊದಲ್ನೆದಾಗಿ ಫೋನ್ ತೆಗೊಂಡಾಗ ಚಾರ್ಜರ್ ಇರ್ಲೇಬೇಕು. ಅದೇನಾದ್ರೂ ಸೆಪರೇಟ್ ಆಗಿ ತೆಗೋಬೇಕು ಅಂತ ಇದ್ರೆ ಇದು ಸ್ಮಗಲ್ ಮಾಡಿದ ಮಾಲು ಅಥ್ವಾ ನಕಲಿ ಮಾಲು ಅನ್ನೋದು ಖಂಡಿತ. ಚಾರ್ಜರ್ ಕೂಡ ಒಳ್ಳೆ ಕ್ವಾಲಿಟಿಯಲ್ಲಿರ್ಬೇಕು. ಚಾರ್ಜರಿನ ಪ್ಲಾಸ್ಟಿಕ್ಕು ಬೇರೆ ಬೇರೆ ಬಣ್ಣದಲ್ಲಿದ್ರೆ, ಎರಡು ಬಣ್ಣಗಳ ಮಧ್ಯೆ ಯಾವ್ದೇ ಗೆರೆ ಇರೊಲ್ಲ, ಅದು ಮೆತ್ತಗೆ ಇರುತ್ತೆ, ಮುಟ್ಟಿದಾಗ ಗೊತ್ತೇ ಆಗದ ಹಾಗೆ ಇರುತ್ತೆ. ಏನಾದ್ರೂ ಚೂಪಾಗಿರೋ ಗೆರೆಗಳು ಮಧ್ಯದಲ್ಲಿದ್ರೆ ನಕಲಿ ಆಗಿರೋ ಚಾನ್ಸ್ ಜಾಸ್ತಿ. ಕೆಳಗಿನ ಚಿತ್ರದಲ್ಲಿ ಎಡಗಡೆ ಇರೋದು ಅಸಲಿ, ಬಲಗಡೆಯದ್ದು ನಕಲಿ. ಎರಡರ ಫಿನಿಶಿಂಗ್ ಹೋಲಿಸಿ ನೋಡಿ.

ಮೂಲ

6. ವೈರು, ಪ್ಲಗ್ಗು ಸಾಕೆಟ್ಟಲ್ಲಿ ಸರಿಯಾಗಿ ಕೂರುತ್ತಾ, ರಬ್ಬರ್ ಒಳ್ಳೆ ಕ್ವಾಲಿಟಿ ಇದ್ಯಾ ನೋಡಿ

ವೈರು ಕೂಡ ಒಳ್ಳೆ ಕ್ವಾಲಿಟಿ ರಬ್ಬರಲ್ಲಿ ಮಾಡಿರ್ಬೇಕು. ಪ್ಲಗ್ ಮಾಡಿದಾಗ ಸ್ಮೂತ್ ಆಗಿ ಕೂರ್ಬೇಕು, ಸ್ವಲ್ಪ ಉದ್ದ ಹೆಚ್ಚಿದ್ರೆ, ಅಥ್ವಾ ಸ್ಮೂತ್ ಆಗಿ ಕೂರದಿದ್ರೆ ನಕಲಿ ಮಾಲಾಗಿರ್ಬಹುದು. ವೈರು ಫ್ಲೆಕ್ಸಿಬಲ್ ಇರ್ಬೇಕು, ಬಣ್ಣ ಸಮವಾಗಿರ್ಬೇಕು. ವೈರು, ಪ್ಲಗ್ಗುಗಳ ಮೇಲೆ ಏನಾದ್ರೂ ಸಿಂಬಲ್ಗಳಿದ್ರೆ ಅದು ಅಳಿಸಿ ಹೋಗೋ ಹಾಗಿರ್ಬಾರ್ದು. ನೋಡಿದಾಗ ಕಳಪೆ ಕ್ವಾಲಿಟಿ ಕಂಡ್ರೆ ಹುಷಾರಾಗಿ.

ಮೂಲ

ಅಫಿಷಿಯಲ್ ವೆಬ್ಸೈಟುಗಳು, ಹೆಸರುವಾಸಿ ಅಂಗಡಿಗಳಲ್ಲಿ ತೆಗೊಳ್ವಾಗ ನಕಲಿ ಆಗಿರೋ ಸಾಧ್ಯತೆ ಕಡಿಮೆ. ಬೇರೆ ಕಡೆ ತೆಗೊಳ್ವಾಗ ಹುಷಾರಾಗಿರ್ಬೇಕು. ಯಾವಾಗ್ಲೂ ನಮ್ಮ ಎಚ್ಚರಿಕೆಯಲ್ಲಿ ನಾವಿರೋದು ಒಳ್ಳೇದು. ಸರಿ ಅಲ್ವಾ?

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: