ಈ 15 ಫೋಟೋಗಳ್ನ ನೋಡಿದರೆ ರಾಮಾಯಣ ಬರೀ ಕತೆಯಲ್ಲ ನಿಜವಾಗಿ ನಡೆದಿರಬೇಕು ಅನ್ನಿಸುತ್ತೆ

ಗಮನಿಸಿ: ಇದೆಲ್ಲ ಬರೆದಿರೋ ಚಿತ್ರಗಳಲ್ಲ

ಲೇಪಕ್ಷಿ

1) ರಾಮ ವನವಾಸದಲ್ಲಿದ್ದಾಗ ಹನುಮಂತ ಅಯೋಧ್ಯೆಯಲ್ಲಿ ಕಾಯ್ತಿದ್ದ ಜಾಗ ಈಗ ಹನುಮಾನ್ ಗರ್ಹೀ ಅನ್ನೋ ದೇವಸ್ಥಾನ ಆಗಿದೆ ಅಂತಾರೆ

2) ನೇಪಾಳದಲ್ಲಿರೋ ಜನಕಪುರ ಅನ್ನೋ ಊರಲ್ಲಿ ಒಂದು ಜಾನಕಿ ದೇವಸ್ಥಾನ ಇದೆ. ಜಾನಕಿ ಅನ್ನೋದು ಸೀತೆಯ ಇನ್ನೊಂದು ಹೆಸರು.

3) ರಾಮ ಸೀತೆ ಮತ್ತು ಲಕ್ಷ್ಮಣರು ವನವಾಸಕ್ಕೆ ಹೋದಾಗ ಪಂಚವಟಿ ಅನ್ನೋ ಜಾಗದಲ್ಲಿ ಒಂದು ಗುಡಿಸಿಲು ಮಾಡ್ಕೊಂಡಿದ್ರು. ಅದು ನಾಸಿಕ್ ಹತ್ತಿರ ಇರೋ ಒಂದು ಜಾಗ. ಹತ್ತಿರದಲ್ಲಿರೋ ತಪೋವನ ಅನ್ನೋ ಊರಲ್ಲಿ ಲಕ್ಷ್ಮಣ ಶೂರ್ಪಣಖಿ ಮೂಗು ಕುಯ್ದಿದ್ದು ಅಂತಾರೆ.

4) ರಾವಣ ಸೀತೆನ ಹಾರಿಸಿಕೊಂಡು ಹೋದಾಗ ಜಟಾಯು ಔನ್ನ ತಡೆಯಕ್ಕೆ ಪ್ರಯತ್ನ ಮಾಡಿದ್ದು ಎಲ್ಲರಿಗೂ ಗೊತ್ತಿದೆ. ಆಂಧ್ರಪ್ರದೇಶದಲ್ಲಿರೋ ಲೇಪಕ್ಷಿ ಅಥವಾ ನಮ್ಮ ಗೋಕರ್ಣದಲ್ಲಿ ಜಟಾಯು ಸತ್ತಿದ್ದು ಅಂತಾರೆ.

5) ಲೇಪಕ್ಷಿಯಲ್ಲಿ ಒಂದು ದೊಡ್ಡ ಪಾದದ ಗುರುತಿದೆ. ಅದು ಹುನಮಂತಂದು ಅಂತಾರೆ.

6) ಭಾರತಕ್ಕೂ ಲಂಕೆಗೂ ನಡುವೆ ಕಟ್ಟಲ್ಪಟ್ಟ ರಾಮಸೇತು ಇವತ್ತಿಗೂ ಇದೆ, ಆದರೆ ನೀರೊಳಗೆ ಮುಳುಗಿಹೋಗಿದೆ

7) ರಾವಣ ಎಷ್ಟು ದೊಡ್ಡ ಶಿವಭಕ್ತನಾಗಿದ್ದ ಅಂದ್ರೆ ಇವತ್ತಿಗೂ ಶ್ರೀಲಂಕಾದಲ್ಲಿರೋ ಕೋನೇಶ್ವರಂ ದೇವಸ್ಥಾನದಲ್ಲಿ ಔನ್ನ ದೇವರಾಗಿ ಪೂಜೆ ಮಾಡ್ತಾರೆ.

8) ಆ ದೇವಸ್ಥಾನದಲ್ಲಿರೋ ರಾವಣನ ವಿಗ್ರಹ ಇಲ್ಲಿದೆ. 10 ತಲೆಗಳಿರೋದು ಸ್ವಲ್ಪ ನಂಬಕ್ಕಾಗಲ್ಲ ತಾನೆ? ಅದು ರಾವಣ ಆಳ್ತಿದ್ದ 10 ರಾಜ್ಯಗಳ್ನ ಸೂಚಿಸುತ್ತೆ ಅಂತಾರೆ. 10 ಕಿರೀಟಗಳು ಅವನ ಹತ್ತಿರ ಇದ್ದವು ಅಂತಾರೆ.

9) ಆ ದೇವಸ್ಥಾನದ ಹತ್ತಿರ ಹಲವಾರು ಬಿಸಿನೀರು ಬಾವಿಗಳ್ನ ರಾವಣಾನೇ ಕಟ್ಟಿಸಿದ ಅಂತಾರೆ. ಅವುಗಳು ಇವತ್ತಿಗೂ ಇವೆ.

10) ರಾವಣ ಸೀತೇನ ಲಂಕೆಗೆ ಕರ್ಕೊಂಡ್ ಬಂದಾಗ ಔಳ್ನ ‘ಸೀತಾ ಕೊಟುವ’ ಅನ್ನೋ ಜಾಗದಲ್ಲಿ ಇರಿಸಿದ್ದನಂತೆ. ಅದು ಇವತ್ತಿನ ದಿನ ಶ್ರೀಲಂಕಾದಲ್ಲಿ ಒಂದು ಪ್ರವಾಸಿ ತಾಣ ಆಗಿದೆ.

11) ಅಲ್ಲಿಂದ ಸೀತೇನ ಒಂದು ಸುಂದರವಾದ ಕಾಡಿಗೆ ಕರ್ಕೊಂಡ್ ಹೋದನಂತೆ. ವಾಲ್ಮೀಕಿ ರಾಮಾಯಣದಲ್ಲಿ ಅದಕ್ಕೆ ಅಶೋಕವಾಟಿಕಾ ಅಂದಿದೆ. ಇವತ್ತಿಗೂ ಶ್ರೀಲಂಕಾದಲ್ಲಿ ಅಶೋಕವನಂ ಅನ್ನೋ ನಿಜವಾದ ಜಾಗ ಇದೆ.

12) ಹನುಮಂತ ಅಶೋಕವಾಟಿಕಾ ತಲುಪಿದಾಗ ಒಂದು ದೈತ್ಯವೇಶದಲ್ಲಿದ್ದ ಅಂತಾರೆ. ಅಲ್ಲಿಯ ಕೆರೆಯ ಒಂದು ತೀರದಲ್ಲಿ ಹನುಮಂತನ ಕಾಲ್ಗುರುತು ಇವತ್ತಿಗೂ ಇದೆ ಅಂತಾರೆ.

13) ಹನುಮಂತ ಲಂಕೆಗೆ ಬೆಂಕಿ ಹಚ್ಚಿದ ಅಂತ ಕೇಳಿರ್ತೀವಿ... ಆದರೆ ನಿಜಕ್ಕೂ ಅವನು ಬೆಂಕಿಯಿಟ್ಟಿದ್ದು ರಾವಣನ ಅರಮನೆಯ ಕೆಲವು ಭಾಗಗಳಿಗೆ ಅನ್ನೋ ವದಂತಿಯಿದೆ. ಇಲ್ಲಿಯ ನೆಲ ಸ್ವಲ್ಪ ಕಪ್ಪು... ಬೇರೆಯೆಲ್ಲೂ ಹಾಗಿಲ್ಲ. ಈ ಕೆಳಗಿನ ಚಿತ್ರ ಉಸ್ಸನ್ಗೊಡ ಅನ್ನೋ ಊರ್ದು... ರಾವಣನ ಪುಷ್ಪಕವಿಮಾನ ಇಲ್ಲೇ ನೆಲ ಮುಟ್ಟಿದ್ದು ಅಂತಾರೆ.

14) ಲಂಕೆಯಿಂದ ಸೀತೇನ ಕರ್ಕೊಂಡು ಬಂದ ಮೇಲೆ ಅವಳು ಅಗ್ನಿಪರೀಕ್ಷೆಗೆ ಒಳಪಡೋದು ನಿಮಗೆ ಗೊತ್ತಿದೆ. ಇದು ನಡೆದಿದ್ದು ಶ್ರೀಲಂಕಾದಲ್ಲಿರೋ ದಿವುರುಂಪೊಲ ಅನ್ನೋ ಊರಲ್ಲಿ ಅಂತಾರೆ. ಇವತ್ತಿಗೂ ಸರಿಯಾಗಿ ಅದೇ ಜಾಗದಲ್ಲಿ ಒಂದು ಮರ ಇದೆ, ಅಲ್ಲೇ ಆ ಊರಿನ ಪಂಚಾಯತಿ ನಡೆಯುತ್ತೆ.

15) ಕಟ್ಟಕಡೆಯದಾಗಿ - ನಿಮಗೆಲ್ಲರಿಗೂ ಗೊತ್ತಿರುವಂತೆ ವಾಲಿ-ಸುಗ್ರೀವರು ಇದ್ದ ಕಿಷ್ಕಿಂಧೆ ಬೇರೆ ಯಾವುದೂ ಅಲ್ಲ, ನಮ್ಮ ಹಂಪಿ! ಕೆಳಗಿನ ಫೋಟೋ ಸುಗ್ರೀವನ ಗುಹೆ... ಈಗಲೂ ಹೋಗಿ ನೋಡಬಹುದು...

ಚಿತ್ರಗಳ ಮೂಲ

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ಈ 6 ವಿಷಯ ತಿಳ್ಕೊಂಡ್ರೆ ಇನ್ಮೇಲೆ ಫೋನು, ಚಾರ್ಜರ್ ಎಲ್ಲಾ ತಗೊಳೋವಾಗ ಮೋಸ ಹೋಗಲ್ಲ

ಸ್ವಲ್ಪ ಹುಷಾರಾಗಿ ನೋಡ್ಬೇಕಷ್ಟೆ

ಹೆಸರಾಂತ ಬ್ರಾಂಡುಗಳನ್ನ ನಕಲು ಮಾಡಿ ಕಳಪೆ ಪ್ರಾಡಕ್ಟುಗಳನ್ನ ಮಾರ್ಕೆಟ್ಟಿಗೆ ಬಿಡೋದು ಮಾಮೂಲಿ. ತೆಗೊಳ್ವಾಗ ನಾವು ಹುಷಾರಾಗಿರ್ಬೇಕು. ಈ 6 ವಿಷ್ಯಗಳ್ನ ತಿಳ್ಕೊಂಡ್ರೆ, ಮೋಸ ಹೋಗೋದು ತಪ್ಪಿಸ್ಬಹುದು.

1. ಪ್ಯಾಕ್ ಮಾಡಿರೋ ರೀತಿ ಗಮನಿಸಿ- ದೊಡ್ಡ ಬ್ರಾಂಡುಗಳು ಪ್ಯಾಕೇಜಿಂಗ್ ಬಗ್ಗೆ ಕೂಡ ತುಂಬಾ ಗಮನ ಕೊಟ್ಟಿರ್ತಾರೆ

ಸಾಮಾನ್ಯವಾಗಿ ನಕಲಿ ಕಂಪೆನಿಗಳು ಪ್ಯಾಕೇಜಿಂಗ್ ಬಗ್ಗೆ ಜಾಸ್ತಿ ತಲೆ ಕೆಡಿಸ್ಕೊಳೊಲ್ಲ. ದೊಡ್ಡ ಬ್ರಾಂಡುಗಳು ಅವರ ಪ್ರಾಡಕ್ಟಿಗೆ ಯಾವ್ದೇ ಡ್ಯಾಮೇಜ್ ಆಗ್ದಿರೋ ರೀತಿ ತುಂಬ ಎಚ್ಚರಿಕೆಯಿಂದ ಪ್ಯಾಕ್ ಮಾಡಿರ್ತಾರೆ. ಫೋನಿನ ಮೂಲೆಗಳೆಲ್ಲ ಸರಿಯಾಗಿ ಹೊಂದ್ಕೊಂಡು ಕೂರೋ ರೀತಿ ಬಾಕ್ಸ್ ಡಿಸೈನ್ ಮಾಡಿರ್ತಾರೆ. ಇದನ್ನೆಲ್ಲ ಪರೀಕ್ಷೆ ಮಾಡಿ ನೋಡಿ. ಇದಲ್ಲದೆ ಬಾಕ್ಸಿನಲ್ಲಿ ಪ್ರಿಂಟ್ ಆಗಿರೋದನ್ನ ನೋಡಿ, ಫಾಂಟು ಒಂದೇ ರೀತಿ ಇರ್ಬೇಕು, ಪ್ರಿಂಟ್ ಆಗಿರೋದೆಲ್ಲ ಓದೋಕೆ ಆಗೋ ಹಾಗಿರ್ಬೇಕು.

ಮೂಲ

2. ಯೂಸರ್ ಮಾನ್ಯುವಲ್ ಇಂಗ್ಲಿಷ್ ಅಥವಾ ಭಾರತದ ಅಫಿಷಿಯಲ್ ಭಾಷೆಗಳಲ್ಲಿರ್ಬೇಕು, ನಿಮ್ಗೆ ಅರ್ಥಾನೇ ಆಗ್ದಿರೋ ಯಾವ್ದೋ ಭಾಷೆಯಲ್ಲಿರ್ಬಾರ್ದು

 ಯೂಸರ್ ಮ್ಯಾನ್ಯುವಲ್ ಯಾವುದೋ ನಿಮ್ಗೆ ಅರ್ಥ ಆಗ್ದಿರೋ ಭಾಷೆಯಲ್ಲಿದ್ರೆ ಅಥವಾ ಅದರಲ್ಲಿ ಸ್ಪೆಲ್ಲಿಂಗ್ ಮಿಸ್ಟೇಕುಗಳಿದ್ರೆ, ಅದು ಸ್ಮಗಲ್ ಆಗಿರೋ ಮಾಲು ಅಥವಾ ನಕಲಿ ಮಾಲು ಆಗಿರೋ ಸಂಭವ ಜಾಸ್ತಿ.

ಮೂಲ

3. ರಬ್ಬರ್, ಪ್ಲಾಸ್ಟಿಕ್, ಅಲ್ಯೂಮಿನಿಯಮ್ - ಯಾವ್ದೇ ಆದ್ರೂ ಒಳ್ಳೆ ಕ್ವಾಲಿಟೀದಿದ್ಯಾ ನೋಡಿ

ಎಲ್ಲೂ ಚೂಪುಚೂಪಾಗಿರೋ ಪ್ಲಾಸ್ಟಿಕ್ ಇರ್ಬಾರ್ದು. ಅದರ ಮೈ ಸಮವಾಗಿ ಇರ್ಬೇಕು, ಮೆತ್ತಗಿರ್ಬೇಕು. ಒಂದೊಂದು ಕಡೆ ಒಂದೊಂದು ರೀತಿ ಇದ್ರೆ, ನಕಲಿ ಆಗಿರೋ ಸಾಧ್ಯತೆ ಹೆಚ್ಚು. ಫೋನಿನ ಕ್ಯಾಮೆರಾ ಮತ್ತು ಫ್ಲ್ಯಾಶ್ಲೈಟಿನ ಕ್ವಾಲಿಟಿಯನ್ನೂ ನೋಡಿ. ಕೆಳಗಿನ ಚಿತ್ರದಲ್ಲಿ ಗೋಲ್ಡನ್ ಫ್ರೇಮ್ ಇರೋದು ಒರಿಜಿನಲ್, ಇನ್ನೊಂದು ನಕಲಿ. ಎರಡರಲ್ಲೂ ಕ್ಯಾಮೆರಾ ಮತ್ತು ಫ್ಲ್ಯಾಶ್ ಲೈಟ್ ಕೂರಿಸಿರೋ ರೀತಿ ನೋಡಿ. ಅಸಲಿಯಲ್ಲಿ ಸ್ಮೂತ್ ಫಿನಿಶಿಂಗ್ ಇದೆ, ನಕಲಿಯಲ್ಲಿ ಕಳಪೆ ಅಂತ ಗೊತ್ತಾಗೋ ರೀತಿ ಇದೆ.

ಮೂಲ

 

4. ಕಂಪೆನಿ ಲೋಗೋ ಗಮನಿಸಿ - ಸ್ಪೆಲ್ಲಿಂಗ್ ಮಿಸ್ಟೇಕ್ ಇದ್ಯಾ ಅಥ್ವಾ ಅವರ ಒರಿಜಿನಲ್ ಪ್ರಾಡಕ್ಟಿಗೆ ಹೋಲ್ಸಿದ್ರೆ ಏನಾದ್ರೂ ವ್ಯತ್ಯಾಸ ಇದ್ಯಾ ನೋಡಿ

ಯಾವ್ದೇ  ಕಂಪೆನಿಗೆ ಅದರ ಲೋಗೋ ಬಹಳ ಮುಖ್ಯ. ಅದರಲ್ಲಿ ಸ್ಪೆಲ್ಲಿಂಗ್ ಮಿಸ್ಟೇಕ್ ಆಗ್ಲಿ, ತಪ್ಪು ಫಾಂಟ್ ಆಗ್ಲಿ ಇರೋಕೆ ಸಾಧ್ಯಾನೇ ಇಲ್ಲ. ಅಲ್ಲದೆ ಲೋಗೋ ಅಳಿಸಿ ಹೋಗೋ ಥರ ಇರೊಲ್ಲ, ಎಷ್ಟೋ ವರ್ಷ ಉಪ್ಯೋಗ್ಸಿದ್ರೂ ಓದ್ಲಿಕ್ಕೆ ಆಗೋ ಹಾಗೆ ಇರುತ್ತೆ. ಆ ಕಂಪೆನಿಯ ವೆಬ್ಸೈಟಿನಲ್ಲಿ ಇರೋ ಪ್ರಾಡಕ್ಟುಗಳಲ್ಲಿರೋ ಲೋಗೋ ಜೊತೆ ಹೋಲಿಸಿ ನೋಡಿ. ಏನಾದ್ರೂ ವ್ಯತ್ಯಾಸ ಇದ್ರೆ ನಕಲಿ ಅನ್ನೋದ್ರಲ್ಲಿ ಸಂಶಯ ಇಲ್ಲ. ಕೆಳಗಿನ ಫೋಟೋದಲ್ಲಿರೋದು ನಕಲಿ ಪವರ್ ಬ್ಯಾಂಕು. ಅದರಲ್ಲಿರೋ ಲೋಗೋ ನಕಲಿ. ಅವರ ಅಫಿಷಿಯಲ್ ವೆಬ್ಸೈಟಿನಲ್ಲಿರೋ ಲೋಗೋ ನೋಡಿದ್ರೆ ಇದು ನಕಲಿ ಅಂತ ಗೊತ್ತಾಗುತ್ತೆ.

5. ಚಾರ್ಜರಿನ ಪ್ಲಾಸ್ಟಿಕ್ ಗಮನಿಸಿ - ಒಳ್ಳೆ ಕ್ವಾಲಿಟಿ ಇದ್ಯಾ, ಸಮವಾಗಿ ಮೆತ್ತಗಿರೋ ಪ್ಲಾಸ್ಟಿಕ್/ರಬ್ಬರ್ ಉಪ್ಯೋಗ್ಸಿದಾರಾ ನೋಡಿ

ಮೊದಲ್ನೆದಾಗಿ ಫೋನ್ ತೆಗೊಂಡಾಗ ಚಾರ್ಜರ್ ಇರ್ಲೇಬೇಕು. ಅದೇನಾದ್ರೂ ಸೆಪರೇಟ್ ಆಗಿ ತೆಗೋಬೇಕು ಅಂತ ಇದ್ರೆ ಇದು ಸ್ಮಗಲ್ ಮಾಡಿದ ಮಾಲು ಅಥ್ವಾ ನಕಲಿ ಮಾಲು ಅನ್ನೋದು ಖಂಡಿತ. ಚಾರ್ಜರ್ ಕೂಡ ಒಳ್ಳೆ ಕ್ವಾಲಿಟಿಯಲ್ಲಿರ್ಬೇಕು. ಚಾರ್ಜರಿನ ಪ್ಲಾಸ್ಟಿಕ್ಕು ಬೇರೆ ಬೇರೆ ಬಣ್ಣದಲ್ಲಿದ್ರೆ, ಎರಡು ಬಣ್ಣಗಳ ಮಧ್ಯೆ ಯಾವ್ದೇ ಗೆರೆ ಇರೊಲ್ಲ, ಅದು ಮೆತ್ತಗೆ ಇರುತ್ತೆ, ಮುಟ್ಟಿದಾಗ ಗೊತ್ತೇ ಆಗದ ಹಾಗೆ ಇರುತ್ತೆ. ಏನಾದ್ರೂ ಚೂಪಾಗಿರೋ ಗೆರೆಗಳು ಮಧ್ಯದಲ್ಲಿದ್ರೆ ನಕಲಿ ಆಗಿರೋ ಚಾನ್ಸ್ ಜಾಸ್ತಿ. ಕೆಳಗಿನ ಚಿತ್ರದಲ್ಲಿ ಎಡಗಡೆ ಇರೋದು ಅಸಲಿ, ಬಲಗಡೆಯದ್ದು ನಕಲಿ. ಎರಡರ ಫಿನಿಶಿಂಗ್ ಹೋಲಿಸಿ ನೋಡಿ.

ಮೂಲ

6. ವೈರು, ಪ್ಲಗ್ಗು ಸಾಕೆಟ್ಟಲ್ಲಿ ಸರಿಯಾಗಿ ಕೂರುತ್ತಾ, ರಬ್ಬರ್ ಒಳ್ಳೆ ಕ್ವಾಲಿಟಿ ಇದ್ಯಾ ನೋಡಿ

ವೈರು ಕೂಡ ಒಳ್ಳೆ ಕ್ವಾಲಿಟಿ ರಬ್ಬರಲ್ಲಿ ಮಾಡಿರ್ಬೇಕು. ಪ್ಲಗ್ ಮಾಡಿದಾಗ ಸ್ಮೂತ್ ಆಗಿ ಕೂರ್ಬೇಕು, ಸ್ವಲ್ಪ ಉದ್ದ ಹೆಚ್ಚಿದ್ರೆ, ಅಥ್ವಾ ಸ್ಮೂತ್ ಆಗಿ ಕೂರದಿದ್ರೆ ನಕಲಿ ಮಾಲಾಗಿರ್ಬಹುದು. ವೈರು ಫ್ಲೆಕ್ಸಿಬಲ್ ಇರ್ಬೇಕು, ಬಣ್ಣ ಸಮವಾಗಿರ್ಬೇಕು. ವೈರು, ಪ್ಲಗ್ಗುಗಳ ಮೇಲೆ ಏನಾದ್ರೂ ಸಿಂಬಲ್ಗಳಿದ್ರೆ ಅದು ಅಳಿಸಿ ಹೋಗೋ ಹಾಗಿರ್ಬಾರ್ದು. ನೋಡಿದಾಗ ಕಳಪೆ ಕ್ವಾಲಿಟಿ ಕಂಡ್ರೆ ಹುಷಾರಾಗಿ.

ಮೂಲ

ಅಫಿಷಿಯಲ್ ವೆಬ್ಸೈಟುಗಳು, ಹೆಸರುವಾಸಿ ಅಂಗಡಿಗಳಲ್ಲಿ ತೆಗೊಳ್ವಾಗ ನಕಲಿ ಆಗಿರೋ ಸಾಧ್ಯತೆ ಕಡಿಮೆ. ಬೇರೆ ಕಡೆ ತೆಗೊಳ್ವಾಗ ಹುಷಾರಾಗಿರ್ಬೇಕು. ಯಾವಾಗ್ಲೂ ನಮ್ಮ ಎಚ್ಚರಿಕೆಯಲ್ಲಿ ನಾವಿರೋದು ಒಳ್ಳೇದು. ಸರಿ ಅಲ್ವಾ?

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: