100 ವರ್ಷ ಆರೋಗ್ಯವಾಗಿ ಬದುಕಬೇಕು ಅಂತಿದ್ರೆ ಅಕ್ಕಿ ಗೋದಿ ಜೊತೆ ಈ 5 ಧಾನ್ಯಗಳ್ನೂ ತಿನ್ನಿ

ವಾರದಲ್ಲಿ 15 ಬಾರಿ ತಿಂದರೆ ಸಾಕು

ಕಿರುಧಾನ್ಯ

ಜೀವನದಲ್ಲಿ ಯಾವುದಾದರೂ ಖಾಯಿಲೆ ಬರಬಹುದು ಅಂತ ಅರೋಗ್ಯ ವಿಮೆ ಮಾಡಿಸ್ತೀವಿ. ಆ ವಿಮೆ ಕಂಪನಿಗಳಿಗೆ ಸಾವಿರಾರು ರೂಪಾಯಿ ದುಡ್ಡು ಸುರಿತೀವಿ. ಆಮೇಲೆ ಆಸ್ಪತ್ರೆಗೆ ಹೋಗಿ ನರಳಿ ಆ ದುಡ್ಡನ್ನ ಅತ್ತು ಕರೆದು ವಾಪಸ್ ತೊಗೊತೀವಿ (ಔರು ಕೊಟ್ರೆ). ಇಷ್ಟೆಲ್ಲಾ ಮಾಡೋ ಬದಲು ನಿಮ್ಮ ಹತ್ತಿರ ಇರೋ ದಿನಸಿ ಅಂಗಡಿಗೆ ಹೋಗಿ ಕೆಳಗೆ ತಿಳಿಸಿರೋ ಸಿರಿಧಾನ್ಯಗಳನ್ನ ತೊಗೊಂಡ್ ಬಂದು ತಿಂದ್ರೆ ನಮ್ ಕರ್ನಾಟಕದಲ್ಲಿ ಅರೋಗ್ಯ ವಿಮಾ ಕಂಪನಿಗಳಿಗೆ ಕೆಲಸಾನೇ ಇರಲ್ಲ.

ರುಚಿರುಚಿಯಾದ ಬಿಸಿಬೇಳೆಬಾತ್, ಪಲಾವ್, ಇಡ್ಲಿ, ದೋಸೆ, ನಿಪ್ಪಟ್ಟು, ಚಕ್ಕುಲಿ, ಉಪ್ಪಿಟ್ಟು, ರೊಟ್ಟಿ, ಪೊಂಗಲ್ ಎಲ್ಲಾ ಮಾಡ್ಕೊಂಡು ತಿಂದ್ರೆ ಅಕ್ಕಿ, ಗೋಧಿಗಿಂತ ಹೆಚ್ಚು ಕ್ಯಾಲ್ಶಿಯಂ, ಐರನ್ ಮತ್ತು ಫಾಸ್ಫರಸ್ ಮತ್ತು ಮ್ಯಾಂಗನೀಸ್ ಅಂಶ ಈ ಕೆಳಗಿನ ಧಾನ್ಯಗಳಿಂದ ಸಿಗತ್ತಂತೆ.

millets-meals-ganadhalu.wordpress.com_.jpgganadhalu

ಭಾರತದ ಅತೀ ಹೆಚ್ಚು ಆಯಸ್ಸು ಮತ್ತು ಅರೋಗ್ಯ ಇರೋರು ಹಿಮಾಲಯದ ತಪ್ಪಲಲ್ಲಿ ವಾಸಿಸುವ "ಹುಂಝ" ಜನಾಂಗದವರು. ಇದೇ ಸಿರಿಧಾನ್ಯಗಳನ್ನ (ಮಿಲ್ಲೆಟ್ಸ್) ದಿನಾ ತಿಂತಾರೆ.

ಭಾರತ, ಚೈನ ಮತ್ತು ನೈಜರ್ ದೇಶಗಳು ಅತಿ ಹೆಚ್ಚು ಸಿರಿಧಾನ್ಯ ಬೆಳೆಯುವ ದೇಶಗಳಾಗಿವೆ.

SeedFestival_millets_thealternative_in.jpg

ವಾಡಿಕೆಯಲ್ಲಿ ಅಕ್ಕಿ ಅಂತಾನೇ ಕರ್ಸ್ಕೊಳೋ 5 ಸಿರಿಧಾನ್ಯಗಳನ್ನ ತಿಂದು ಸಿರಿವಂತರಾಗಿ:

1. ತೆಳು ಹಳದಿ ಬಣ್ಣದ ನವಣೆ ಅಕ್ಕಿ ಶರೀರದ ನರನಾಡಿಗಳಿಗೆ ಹುರುಪು ಕೊಡತ್ತೆ.

ಸರ್ವಜ್ಞ ತನ್ನ ತ್ರಿಪದಿಯಲ್ಲಿ ಇದನ್ನ ಕೊಂಡಾಡಿದ್ದಾನೆ. ಮುಷ್ಟಿ ರೋಗ ತಡೆಗಟ್ಟತ್ತೆ. ಗರ್ಭಿಣಿಯರಿಗೆ ಒಳ್ಳೆಯದು. ಅಂಗಾಂಗಗಳ ಯಾವುದೇ ನೋವು ಕಡಿಮೆಯಾಗತ್ತೆ. ಬಾಣಂತಿಯರು 1 ವರ್ಷ ತಿನ್ನೋ ಹಾಗಿಲ್ಲ.

navane.jpg

2. ಮಾಸಲು ಬಿಳಿ ಬಣ್ಣದ ಸಾಮೆ ಅಕ್ಕಿ ಸಂತಾನೋತ್ಪತ್ತಿಯ ತೊಂದರೆಗಳನ್ನು ಸರಿಪಡಿಸತ್ತೆ.

ಹೆಣ್ಣು ಮಕ್ಕಳಲ್ಲಿ ಅಂಡಾಶಯದ ತೊಂದರೆಯನ್ನ ಸರಿಪಡ್ಸತ್ತೆ. ಗಂಡು ಮಕ್ಕಳಲ್ಲಿ ವೀರ್ಯಾಣುಗಳ ಕೊರತೆಯನ್ನ ನೀಗಿಸತ್ತೆ.

samai.jpg

3. ನಸುಗೆಂಪು ಬಣ್ಣದ ಆರ್ಕ ಅಕ್ಕಿ ದೇಹದಲ್ಲಿನ ರಕ್ತನ ಶುದ್ಧಿ ಮಾಡತ್ತೆ.

ರಕ್ತ ಶುದ್ಧಿಯಾದರೆ ಯಾವ ರೋಗವೂ ಹತ್ರ ಬರಲ್ಲ.

aarka.jpg

4. ಬಿಳಿ ಬಣ್ಣದ ಊದಲು ಅಕ್ಕಿ ಲಿವರ್ನ ಶುದ್ಧಿ ಮಾಡತ್ತೆ.

ಸಕ್ಕರೆ ಖಾಯಿಲೆಗೆ ಹೇಳಿ ಮಾಡಿಸಿದ ಪ್ರಕೃತಿಯ ಔಷಧಿ.

Udalu2.jpgkalakkalsamayal

5. ತಿಳಿ ಹಸಿರು ಬಣ್ಣದ ಕೊರಲೆ ಅಕ್ಕಿ ಪಚನಾಂಗಗಳ ಕಾರ್ಯ ದಕ್ಷತೆಯನ್ನ ಹೆಚ್ಚಿಸುತ್ತದೆ.

ಅತಿ ಹೆಚ್ಚು ನಾರಿನಂಶ ಇರತ್ತೆ. ಬೆಳಗ್ಗೆ ಎದ್ರೆ ಸಲೀಸಾಗಿ ಕಕಸ್ಸು ಆಗತ್ತೆ!

korle1.jpghomemadeonline

ಬೆಳಗ್ಗೆ ತಿಂಡಿ, ಮಧ್ಯಾಹ್ನ ಊಟ, ರಾತ್ರಿ ಊಟ ಅಂತ ದಿನಕ್ಕೆ 3 ಬಾರಿ ಆಹಾರ ಸೇವನೆ ಮಾಡ್ತೀವಿ. ಅಂದ್ರೆ ವಾರದಲ್ಲಿ 21 ಬಾರಿ ತಿಂತೀವಿ. ಅದ್ರಲ್ಲಿ 15 ಬಾರಿ ತಿನ್ನೋ ಆಹಾರದಲ್ಲಿ ಈ ಸಿರಿ/ಕಿರುಧಾನ್ಯಗಳನ್ನು ಅಳವಡಿಸಿಕೊಳ್ಳಿ. ಇನ್ನು 6 ಬಾರಿ ಅಕ್ಕಿ, ಗೋಧಿ ಅಥವಾ ರಾಗಿಯ ಪದಾರ್ಥ ತಿನ್ನುವುದರಿಂದ ಯಾವ ರೋಗವೂ ನಿಮ್ಮ ಹತ್ತಿರ ಸುಳಿಯಲ್ಲ.

ಅಕ್ಕಿ, ಗೋಧಿಗಳೆಲ್ಲ ಈ ಧಾನ್ಯಗಳ ಮುಂದೆ ನಾರಿನ ಅಂಶದ ದೃಷ್ಟಿಯಿಂದ ಏನೂ ಇಲ್ಲ. ಕೆಳಗೆ ನಮಗೆ ಗೊತ್ತಿರೋ ಎಲ್ಲಾ ಧಾನ್ಯಗಳ್ನ ಹೋಲಿಸಿದೀವಿ, ನೋಡಿ:

nutritionchart_millets.jpg

ಒಟ್ನಲ್ಲಿ ಮೇಲಿನ 5 ಧಾನ್ಯಗಳನ್ನ ತಿಂದರೆ ಮಧುಮೇಹ, ಮಲಬದ್ಧತೆ, ಸ್ಥೂಲಕಾಯತೆ ಇನ್ನೂ ಅನೇಕ ರೋಗಗಳು ಹೆದರ್ಕೊಂಡು ನಿಮ್ ಹತ್ರ ಕೂಡ ಸುಳಿಯೋದಿಲ್ವಂತೆ! 100 ವರ್ಷ ಆರೋಗ್ಯವಾಗಿ ಬಾಳಕ್ಕೆ ಈ ಧಾನ್ಯಗಳಿಗಿಂತ ವಿಮೆ ಇನ್ನೊಂದಿಲ್ಲ...

ಹೊರಚಿತ್ರ: indiawater

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ಹುಡುಗರಲ್ಲಿ ಈ 11 ಗುಣ ಇದ್ರೆ ಹುಡುಗೀರ್ಗೆ ತುಂಬ ಇಷ್ಟ, ಆದರೆ ಬಾಯಿ ಬಿಟ್ಟು ಹೇಳ್ಕೊಳಲ್ಲ

ಪೇಪರ್ ಲೀಕಾಗಿದೆ ಗೋರ್ಕೊಳಿ

ನಿಜ ಹೇಳ್ಬೇಕು ಅಂದ್ರೆ ಹಂಗೋ ಹಿಂಗೋ ಕಷ್ಟ ಪಟ್ಟು ಯೋಚ್ನೆ ಮಾಡಿ, ಲೆಕ್ಕ ಹಾಕಿ ನಮ್ಮ ಭವಿಷ್ಯ ಹಿಂಗೇ ಇರತ್ತೆ ಅಂತ ಬೇಕಾದ್ರೆ ಹೇಳ್ಬೋದು ಆದ್ರೆ ಈ ಹೆಣ್ಣಿನ ಮನಸ್ಸು ಹೆಂಗೆ ಅಂತ ಯಾವನಿಗೂ ಹೇಳಕ್ಕಾಗಿಲ್ಲ. ಇವತ್ತು ಇಷ್ಟ ಅಂತ ಹೇಳಿದ್ದು ನಾಳೆ ಬೇಕಾಗಿರಲ್ಲ ಅವ್ರಿಗೆ. ಅದಕ್ಕೆ ನಾವು ಏನೇನೋ ಸಂಶೋಧನೆ ಮಾಡಿ ತಕ್ಕಮಟ್ಟಿಗೆ ಹುಡುಗೀರು ಹುಡುಗರಲ್ಲಿ ಇಷ್ಟ ಪಡೋ ಗುಣಗಳನ್ನ ಇಲ್ಲಿ ಹೇಳಿದೀವಿ, ನೋಡಿ ತಿಳ್ಕೊಳಿ ಖಂಡಿತ ಬೇಕಾಗತ್ತೆ.

1. ಸ್ವಲ್ಪ 'ಮುಚ್ಚಿಟ್ಟ ಪುಸ್ತಕ'ದ ತರಹ ಇರೋ ಹುಡುಗ್ರು ಹುಡುಗೀರ್ಗೆ ಇಷ್ಟ ಆಗ್ತಾರೆ

ನೀವು ತುಂಬಾ ಒಪನ್ನಾಗಿ ಇರ್ಬಾರ್ದು, ನಿಮ್ಮ ಬಗ್ಗೆ ಎಲ್ಲೇ ವಿಷಯಗಳು ತುಂಬಾ ಸಲೀಸಾಗಿ ಗೊತ್ತಾಗ್ಬಾರ್ದು. ಹುಡುಗರ ಬಗ್ಗೆ ಹುಡ್ಗೀರು ವಿಶಯಾನ ತಿಳ್ಕೊಳಕ್ಕೆ ಎಷ್ಟ್ ಕಷ್ಟ ಪಡ್ತಾರೋ ಹುಡುಗರು ಅಷ್ಟ್ ಇಷ್ಟ ಆಗ್ತಾರಂತೆ. ಥು ಏನಪ್ಪಾ ಈ ಹುಡುಗ ಹೆಂಗೆ ಅಂತ ತಿಳ್ಕೊಳೋದು ಇವ್ನ್ ಬಗ್ಗೆ ಅಂತ ತಲೆಗೆ ಹುಡುಗಿ ಹುಳ ಬಿಟ್ಟ್ಕೊಂಡ್ಲು ಅಂದ್ರೆ ಹೆಚ್ಚುಕಮ್ಮಿ ಹುಡುಗ ಹುಡುಗೀಗೆ ಇಷ್ಟ ಆದಂಗೆ ಲೆಕ್ಕ 

ಮೂಲ

2. ತಮಾಷೆ ಮಾಡೋ ಹುಡುಗರು ಹುಡುಗೀರಿಗೆ ಇಷ್ಟ ಆಗ್ತಾರೆ

ಯಾವಾಗ್ಲೂ ತಮ್ ತಮಾಷೆಯಾಗಿ ಮಾತಾಡೋ ಹುಡುಗರು ಹುಡುಗೀರಿಗೆ ಇಷ್ಟ ಆಗ್ತಾರಂತೆ. ಹಾಗಂತ ನೀವು ಕಷ್ಟ ಪಟ್ಟು ಹುಡ್ಕಿ ಹುಡ್ಕಿ ತಮಾಷೆ ಮಾಡುದ್ರೆ ಏನು ಲಾಭ ಇಲ್ಲ, ಸಲೀಸಾಗಿ ಏನು ಕಷ್ಟ ಇಲ್ದೇನೆ ಹುಡುಗಿ ಮುಖದ ಮೇಲೆ ನಗು ತರ್ಸಬೇಕು.

ಮೂಲ

3. ತಮ್ಮ ಮೇಲೆ ತಮಗೆ ನಂಬಿಕೆ ಇರೋ ಹುಡುಗ್ರು ಇಷ್ಟ ಆಗ್ತಾರೆ

ಯಾವ ಹುಡುಗ ಧೈರ್ಯವಾಗಿ, ತನ್ನ ಮೇಲೆ ತಾನು ಭರವಸೆ ಇಟ್ಕೊಂಡಿರ್ತಾನೋ ಅವ್ನು ಹುಡುಗೀರಿಗೆ ಬೇಗ ಇಷ್ಟ ಆಗ್ತಾನೆ. ನಾನು ಇರೋದೇ ಹಿಂಗೇ ಅಂತ ಹೇಳೊವ್ರು, ಹುಡ್ಗೀರತ್ರ ಧೈರ್ಯವಾಗಿ ಹೋಗಿ ನೀವು ನನಗೆ ಇಷ್ಟ ಅಂತ ಭಾವನೆ ವ್ಯಕ್ತಪಡಿಸೋರು ಇಷ್ಟ ಆಗ್ತಾರಂತೆ. ಸುಮ್ನೆ ಹೇಗಪ್ಪಾ ಇವಳನ್ನ ಮಾತಾಡ್ಸೋದು ಅಂತ ಯೋಚ್ನೆ ಮಾಡ್ಕೊಂಡ್ ಕೊಟ್ಟಿರೋ ಹುಡುಗರನ್ನ ಯಾವ ಹುಡುಗೀನು ತಿರುಗ್ ನೋಡಲ್ಲ.

ಮೂಲ

4. ಇವತ್ತಿಂದಿವತ್ತು ನಾಳೆದು ನಾಳೆಗೆ ಅನ್ನೋ ಹುಡುಗರು ಇಷ್ಟ ಆಗ್ತಾರೆ

ತುಂಬಾ ಸಹಜವಾಗಿ ಆರಾಮಾಗಿ ಇರೋ ಹುಡುಗ್ರು ಹುಡ್ಗೀರಿಗೆ ಇಷ್ಟ ಆಗ್ತಾರಂತೆ, ನಾಳೆ ಅಥವಾ ಭವಿಷ್ಯದ ಬಗ್ಗೆ ಜಾಸ್ತಿ ತಲೆ ಕೆಡುಸ್ಕೊಬಾರದಂತೆ, ಎಲ್ಲದ್ದನ್ನು ಸಹಜವಾಗಿ, ಆರಾಮಾಗಿ, ಹೇಗ್ ಬರತ್ತೋ ಹಾಗೆ ಸಮಾಧಾನವಾಗಿ ತೊಗೊಳೋ ಹುಡುಗ್ರು ಬೇಗ ಇಷ್ಟ ಆಗೋಗ್ತಾರಂತೆ  

ಮೂಲ

5. ಭಾವನೇನ ಸಲೀಸಾಗಿ ವ್ಯಕ್ತಪಡಿಸೋ ಹುಡುಗ್ರು ಇಷ್ಟ ಆಗ್ತಾರೆ

ಮನಸ್ಸಿನ ಮಾತನ್ನ ಯಾವದೇ ಭಯ ಇಲ್ಲದೆ ನಾಚ್ಕೆ ಇಲ್ಲದೆ ಹೇಳ್ಕೊಳೋ ಹುಡುಗ್ರು ಬೇಗ ಇಷ್ಟ ಆಗ್ತಾರಂತೆ. ಎಲ್ಲರ ಮುಂದೆ ಮಾತಾಡುವಾಗ ಸಲೀಸಾಗಿ, ಗಡಿಬಿಡಿ ಮಾಡ್ಕೊಳ್ದೆ, ಬಣ್ಣ ಬಣ್ಣವಾಗಿ ಎಲ್ಲರಿಗೂ ಇಷ್ಟಾ ಆಗೋಥರ ಮಾತಾಡೋರು ಹುಡ್ಗೀರಿಗೆ ಬೇಗ ಹತ್ರ ಆಗ್ತಾರಂತೆ 

ಮೂಲ

6. ಸ್ವಾತಂತ್ರ್ಯ ಕೊಡೊ ಹುಡುಗ್ರು ಬೇಗ ಇಷ್ಟ ಆಗ್ತಾರೆ

ಹುಡ್ಗೀರಿಗೆ ತಮ್ಮನ್ನ ತಾವಾಗಿ ಇರಕ್ಕೆ ಬಿಡೋ ಹುಡುಗರು ಇಷ್ಟಾ ಆಗ್ತಾರಂತೆ, ಏನ್ ಹುಡುಗ್ರಿಗ್ ಮಾತ್ರ ಸ್ನೇಹಿತರು, ಮೋಜು ಮಸ್ತಿ ಸೀಮಿತಾನಾ? ಹುಡ್ಗೀರಿಗೂ ತಮ್ಮದೇ ಆದ ಒಂದು ಸಮಯ ಇರತ್ತೆ ಆಗ ಸ್ವಾತಂತ್ರ್ಯ ಕೊಡ್ಬೇಕು. ಎಲ್ಲಿದ್ದೆ, ಯಾವಾಗ್ ಬರ್ತೀಯ, ಏನು ಎತ್ತ ಅಂತ ದಿನಕ್ಕೆ 100 ಸತಿ ಫೋನ್ ಮಾಡಿ ತಲೆ ತಿನ್ನೋ ಹುಡುಗರು ಇಷ್ಟ ಆಗಲ್ವಂತೆ.

ಮೂಲ

7. ಬುದ್ದಿವಂತರು ಇಷ್ಟ ಆಗ್ತಾರೆ

ಬುದ್ದಿವಂತರು ಅಂದ್ರೆ ಪುಸ್ತಕದ ಹುಳುಗಳಲ್ಲ, ದೇಶ ಸುತ್ತಿ ಕೋಶ ಓದಿರೋರು. ಮಾತಾಡುವಾಗ ಹುಡುಗರು ಅವರ ಅನುಭವಾನ ಹೇಳೋದನ್ನ ಕೆಳಕ್ಕೆ ಹುಡ್ಗೀರಿಗೆ ತುಂಬಾ ಖುಷಿಯಂತೆ. ಏನು ಗೊತ್ತಿಲ್ದೆ ಸುಮ್ಮನೆ ಪೆದ್ದನ ತಾರಾ ಕೂತಿರೋರು ಚೂರು ಇಷ್ಟ ಆಗಲ್ಲವಂತೆ 

ಮೂಲ

8. ಸೂಕ್ಷ್ಮ ಜೀವಿ ಹುಡುಗರು ಅಂದ್ರೆ ಹುಡ್ಗೀರಿಗೆ ಇಷ್ಟ ಆಗ್ತಾರೆ

ಎಲ್ಲದನ್ನು ಎಲ್ಲಾಸತೀನು ಹೇಳಕ್ಕಾಗಲ್ಲ, ಕೆಲವೊಂದನ್ನ ಸನ್ನೆಗಳಲ್ಲೇ ಅರ್ತ ಮಾಡ್ಕೋಬೇಕಂತೆ. ಹುಡುಗರು ಬೇಗ ಸ್ಪಂದಿಸಬೇಕು ಅಂತ ಹುಡ್ಗೀರು ಇಷ್ಟ ಪಡ್ತಾರಂತೆ. ಸೂಕ್ಷ್ಮವಾದ ವಿಚಾರಾನ ಟಕ್ ಅಂತ ಅರ್ಥ ಮಾಡ್ಕೊಳೋ ಹುಡುಗರು ಬೇಗ ಇಷ್ಟ ಆಗ್ತಾರಂತೆ 

ಮೂಲ

9. ಇಷ್ಟವಾದ ಕೆಲಸದ ಗುಂಗಲ್ಲಿ ಮುಳುಗೋಗೋ ಹುಡುಗ್ರು ಇಷ್ಟ ಆಗ್ತಾರೆ

ತಮ್ಮ ಇಷ್ಟವಾದ ಕೆಲಸದ ಬಗ್ಗೆ ತುಂಬಾ ಗಮನ ಕೊಡೋರು, ಜೀವನದಲ್ಲಿ ಈ ಕೆಲಸ ಮಾಡಿ ನಾನು ಯಶಸ್ಸು ಪಡೀತೀನಿ ಅನ್ನೋರು, ತಮ ಕೆಲಸದಲ್ಲಿ ಹುಚ್ಚು ಹಿಡುಸ್ಕೊಳೋ ಹುಡುಗ್ರು ತುಂಬಾ ಇಷ್ಟ ಆಗ್ತಾರಂತೆ 

ಮೂಲ

10. ಹುಡುಗೀರ್ನ ಚೆನ್ನಾಗಿ ನೋಡ್ಕೊಳೋ ಹುಡುಗರು ಇಷ್ಟ ಆಗ್ತಾರೆ

ಹುಡ್ಗೀನ ಕಾಪಾಡ್ಕೊಳೋ ಹುಡುಗ್ರು, ಬರೀ ದೇಹದ ತಾಕತ್ತಲ್ಲ, ಮಾನಸಿಕವಾಗಿ ಅವಳಿಗೆ ಬಲ ಕೊಡೋರು, ಧೈರ್ಯವಾಗಿ ತನ್ನನ್ನ ತಾನು ಏನು ಅಂತ ಹೇಳ್ಕೊಳೋನು, ಇನ್ನೊಂದು ಹೆಣ್ಣಿಗೆ ಅಷ್ಟೇ ಮರ್ಯಾದೆ ಕೊಡೊ ಹುಡುಗರು ತುಂಬಾ ಇಷ್ಟ ಆಗ್ತಾರಂತೆ 

ಮೂಲ

11. ಚೆನ್ನಾಗಿ ಕಾಣೋ ಹುಡುಗ್ರು ಇಷ್ಟ ಆಗ್ತಾರೆ (ಇದು ಹೇಳ್ಲೇ ಬೇಕಿಲ್ಲ ಬಿಡಿ)

ಅಲಂಕಾರ ಅಂದ್ರೆ ನೀಟಾಗಿ, ಚೆನ್ನಾಗಿ ಕಾಣೋ ಹಾಗೆ ರೆಡಿ ಆಗೋ ಹುಡುಗರು, ಗಡ್ಡ ಬಿಟ್ರು ದಾಸಪ್ಪನ ತಾರಾ ಬಿಡಬಾರ್ದು ಒಳ್ಳೆ ಹೀರೋ ಥರ ಚೆನ್ನಾಗಿ ಅದನ್ನ ಅಲಂಕಾರ ಮಾಡ್ಕೊಳೋ ಹುಡುಗ್ರು, ಎಲ್ಲಾದ್ರೂ ಹೋದಾಗ ನಾಲ್ಕು ಜನರ ಕಣ್ಣಿಗೆ ಚೆನ್ನಾಗಿ ಕಾಣೋ ಹುಡುಗರು ಇಷ್ಟ ಆಗ್ತಾರಂತೆ.

ಮೂಲ

ನೋಡಿ ಇವೆಲ್ಲ ಬೇರೆ ಯಾರು ಹೇಳಲ್ಲ ನಿಮಗೆ 

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: