ಜಾಗರಣೆ ಮಾಡೋರು ಮಾಡದೆ ಇರೋರು ಎಲ್ಲರಿಗೂ ಶಿವನ ಬಗ್ಗೆ ತಿಳಿದಿರಬೇಕಾದ 24 ಅದ್ಭುತ ವಿಷಯಗಳು

ಶಿವ ಅಂದ್ರೆ ಸತ್ವ, ರಜಸ್ ಮತ್ತು ತಮೋ ಗುಣಗಳಿಂದ ಮುಕ್ತನಾದವನು

ಶಿವ

ಶಿವ ಶಿವ ಎಂದ್ರೆ ಭಯವಿಲ್ಲ, ಶಿವ ನಾಮಕೆ ಸಾಟಿ ಬೇರಿಲ್ಲ ಅಂತ ನಮ್ಮ ಜನ ಹಾಡು ಕಟ್ಟಿ ಅನಾದಿಕಾಲದಿಂದಲೂ ಶಿವನಾಮ ಸ್ಮರಣೆ ಮಾಡುತ್ತಿದ್ದಾರೆ. ಶಿವರಾತ್ರಿ ದಿನ ಶಿವ ಪೂಜೆ ಒಂದೇ ಒಂದು ಬಿಲ್ಪತ್ರೆಯಿಂದ ಮಾಡಿದರೂ ಸಾಕು, ಸಿವ ಮೆಚ್ತಾನೆ ಅಂತ ನಂಬಿಕೆ ಇದೆ.

ಶಿವ ಎಲ್ಲಾ ದೇವರಿಗಿಂತ ಬೇಗ ವರ ಕೊಡ್ತಾನೆ ಅಂತ ನಮ್ಮ ಪುರಾಣಗಳಲ್ಲಿ ಹೇಳುವ ಸಾಕಷ್ಟು ದೃಷ್ಟಾಂತಗಳಿವೆ. ಹಾಗೆ ಶಿವನ ಬಗ್ಗೆ ಇಲ್ಲಿ ಕೊಟ್ಟಿರುವ 24 ವಿಷಯಗಳು ಕೆಲವರಿಗೆ ಭಕ್ತಿಯ ಧಾರೆಯಾಗಿ, ಇನ್ನೂ ಕೆಲವರಿಗೆ ಆಶ್ಚರ್ಯದ ಮಾಹಿತಿಯಾಗಿ ಆಗಲಿವೆ.

1. ‘ಶಿವ’ ಅನ್ನೋ ಪದದ ಮೂಲ ಶ್ರೀ ರುದ್ರಂ ಚಮಕಮ್ (ಕೃಷ್ಣಯಜುರ್ವೇದದ ತೈತ್ತಿರೀಯ ಸಂಹಿತೆ)

ಶಿವ ಪದದಲ್ಲಿ "ಶಿ" ಅಂದ್ರೆ ಪವಿತ್ರ ಅಂತ ಅರ್ಥ.

shiva-1.jpg

2. ವಿಷ್ಣು ಸಹಸ್ರನಾಮದ 27ನೇ ಮತ್ತು 600ನೇ ಹೆಸ್ರು ಶಿವಂದು

ಆದಿ ಶಂಕರರ ಪ್ರಕಾರ ಶಿವ ಅನ್ನೋ ಹೆಸರಿಗೆ ಹಲವು ಅರ್ಥಗಳಿವೆ - ಪವಿತ್ರವಾದದ್ದು, ಪ್ರಕೃತಿಯ ಮೂರು ಗುಣ ಸತ್ವ, ರಜಸ್ ಮತ್ತು ತಮೋ ಗುಣಗಳ ಹಿಡಿತಕ್ಕೆ ಒಳಗಾಗದವ ಎಂದೂ, ತನ್ನ ಹೆಸರು ಉಚ್ಚಾರಣೆ ಮಾತ್ರದಿಂದಲೇ ಭಕ್ತರನ್ನು ಉದ್ದರಿಸುವನೂ ಶಿವ ಎಂದೂ ಅರ್ಥ ಇದೆ.

3. ಶೈವರು ಶಿವನನ್ನು ಮಹಾದೇವ, ಮಹೇಶ್ವರ, ಪರಮೇಶ್ವರ ಅಂತ ಕರೀತಾರೆ

4. ಮಹಾಭಾರತದ ಅನುಶಾಸನ ಪರ್ವ ಶಿವ ಸಹಸ್ರನಾಮದ ಮೂಲವಂತೆ

"ಮಹಾನ್ಯಾಸ"ದಲ್ಲಿ ಶಿವನ ದಶಸಹಸ್ರನಾಮ ಸಿಗುತ್ತದೆ. ಶ್ರೀ ರುದ್ರ ಚಮಕಮ್ (ಶತರುದ್ರಿಯಾ) ದಲ್ಲೂ ಶಿವನ ಹಲವು ನಾಮಸ್ಮರಣೆ ಸಿಗುತ್ತದೆ.

5. ಭಾರತ ದೇಶದ ಜನ ಅವರವರ ಆರಾಧ್ಯದೈವಗಳ ಹೆಸರಿಗೆ ‘ಈಶ್ವರ’ ಅಂತ ಸೇರಿಸುತ್ತ ಬಂದಂತೆ ಶಿವ ಜನಪ್ರಿಯನಾದ

ಶಿವನ ಈಗಿನ ರೂಪ ಅನೇಕ ವರ್ಷಗಳಿಂದ ಜನರ ಅಭಿಪ್ರಾಯಗಳನ್ನು ಕ್ರೂಢಿಕರಿಸಿ ಬಂದಿರುವುದು. ನಮ್ಮ ಸ್ಥಳೀಯ ಅನುಷ್ಠಾನಕ್ಕೆ ಸರ್ಯಾಗಿ ಜನ ಶಿವನಿಗೆ ಅನೇಕ ಹೆಸರುಗಳನ್ನು ಕೊಟ್ಟು ಎಲ್ಲಾದಕ್ಕೂ "ಈಶ್ವರ" ಅಂತ ಸೇರ್ಸಿ ಭೂತೇಶ್ವರ, ಚಂಡೇಶ್ವರ, ಹಾತಕೇಶ್ವರ ಅಂತ ಕರ್ಯಕ್ಕೆ ಶುರು ಮಾಡಿದ್ರು.

6. ಮಹಾರಾಷ್ಟ್ರದ ಜೆಜೂರಿ ಅನ್ನೋ ಊರ್ನಲ್ಲಿ ಖಂಡೋಬ ಅನ್ನೋದು ಶಿವನ ಸ್ಥಳೀಯ ಹೆಸ್ರು.

ಲಿಂಗದ ರೂಪದಲ್ಲಿ ಪೂಜಿಸುತ್ತಾರೆ. ಸೂರ್ಯ ಮತ್ತು ಕಾರ್ತಿಕೇಯನ ಜೊತೆ ಸೇರಿಸಿ ಕಥೆ ಹೇಳ್ತಾರೆ.

7. ವೇದಗಳಲ್ಲಿ ಬರೋ ಪುರುಷ, ರುದ್ರ, ಅಗ್ನಿ, ವಾಯು, ಪ್ರಜಾಪತಿ ಮುಂತಾದ ದೇವತೆಗಳು ಬೇರೆ ಯಾರೂ ಅಲ್ಲ ಶಿವನೇ ಅಂತ ಗುರುತಿಸಿದ್ದರಿಂದ ಶಿವನ ಜನಪ್ರಿಯತೆ ಹೆಚ್ಚುತ್ತಾ ಬಂತು.

8. ಶಿವ ಮತ್ತು ರುದ್ರ ಅನ್ನೋ ಎರಡು ಹೆಸರನ್ನ ನಾವು ಒಂದೇ ತರಾ ಉಪಯೋಗಿಸ್ತೀವಿ.

ರುದ್ರ ಗಾಳಿ ಅಥವಾ ಬಿರುಗಾಳಿ ಮತ್ತು ಬೇಟೆಗೆ ಸಂಬಂಧಿಸಿದ ವೈದಿಕ ದೇವತೆ. "ಗರ್ಜಿಸುವವ" ಎಂದೇ ಹೇಳ್ತಾರೆ. ಋಗ್ವೇದದಲ್ಲಿ, ರುದ್ರನನ್ನು "ಪ್ರಬಲರಲ್ಲಿ ಅತ್ಯಂತ ಪ್ರಬಲ" ಎಂದು ಹೊಗಳಲಾಗಿದೆ.

9. ಮೊದಮೊದಲು ‘ಶಿವ’ ಅನ್ನೋ ಪದ ದೇವತೆಗಳ ಹೆಸರಿಗೆ ವಿಶೇಷಣ ಪದವಾಗಿ ಉಪ್ಯೋಗ ಆಗ್ತಿತ್ತು

1700 ಮತ್ತು 1100 ಕ್ರಿ.ಪೂ ಅವಧಿಯಲ್ಲಿ ಕಂಡುಬಂದ ಅತ್ಯಂತ ಪುರಾತನ ಅನ್ನಿಸಿಕೊಂಡಿರೋ ಋಗ್ವೇದದಲ್ಲಿ ರುದ್ರ ಅನ್ನೋ ದೇವತೆಯನ್ನ ಹೆಸರಿಸಿದ್ದರು. ರುದ್ರ ಮತ್ತು ಶಿವ ಅನ್ನೊ ಪದಗಳನ್ನ ನಾವು ಒಂದೇ ತರ ಬಳಕೆ ಮಾಡೊದಾದ್ರೂ ಶಿವ ಅನ್ನೋ ಪದ ದೇವತೆಗಳ ಗುಣ ವರ್ಣನೆ ಮಾಡೊಕ್ಕೆ ಉಪ್ಯೋಗ ಮಾಡೋದು ಅಂತ "ರುದ್ರಂ" ಶ್ಲೋಕ ಮಾಲೆಯಲ್ಲಿ ಕಂಡುಬರತ್ತೆ. ಅದ್ರಲ್ಲೇ ಇಂದ್ರ, ಮಿತ್ರ ಅತ್ತು ಅಗ್ನಿಯನ್ನ ಶಿವ ಅಂತ ವರ್ಣನೆ ಮಾಡ್ತಾರೆ.

10. ರುದ್ರ ಶಿವನಿಗಿಂತ ಹಳೆಯವನು

ರುದ್ರ ದೇವನ ಅಸ್ಥಿತ್ವ ಶಿವನಿಗಿಂತ ಹಳೇದು ಅಂತ ವೇದಗಳು ಹೇಳತ್ತೆ. ಕೈಯಲ್ಲಿ ಬಾಣ ಹಿಡಿದಿರುವುದು ರುದ್ರನ ಮುಖ್ಯ ಲಕ್ಷಣವೆಂದು, ಶರ್ವ ಅನ್ನೋ ಹೆಸರಿಂದನೂ ಶಿವನನ್ನು ಕರೀತಾರೆ. ಶರ್ವ ಅಂದ್ರೆ "ಕತ್ತಲನ್ನು ಹೊಡೆದೋಡಿಸುವ ಶಕ್ತಿ" ಅಂತ ಹೇಳ್ತಾರೆ.

11. ರುದ್ರ ಮತ್ತು ಅಗ್ನಿಗೆ ತುಂಬಾ ಹತ್ತಿರದ ಸಂಬಂಧ ಇದೆ.

ವೇದದ ಪ್ರಕಾರ ರುದ್ರ ಶಿವ ಆಗೋವಾಗ ಅಗ್ನಿಯು ಎತ್ತಿನ ರೂಪ ತೊಗೊತಾನೆ, ನಂದಿಯಾಗ್ತಾನೆ. ಶಿವನು ಭೈರವ ರೂಪದಲ್ಲಿ ಉರಿಯುತ್ತಿರುವ ಕೂದಲನ್ನು ಹೊಂದುತ್ತಾನೆ.

12. ಋಗ್ವೇದದಲ್ಲಿ ಇಂದ್ರನ್ನ ಶಿವ ಅಂತ ಕರೆದಿದೆ.

ಅದೇ ಋಗ್ವೇದದಲ್ಲಿ ರುದ್ರ ದೇವತೆ ಮರುತಗಳ ತಂದೆ ಆದ್ರೆ ಇಂದ್ರನ ತರ ಯುದ್ಧನಿರತನಾಗಿರುವುದಿಲ್ಲ ಎಂದು ಹೇಳಿದೆ.

13. ಭೀಮ್ಬೆಟ್ಕ ಕಲ್ಲಿನ ಶಾಸನಗಳಲ್ಲಿ ಶಿವನ ಕುಣಿತ, ಶಿವನ ತ್ರಿಶೂಲ ಮತ್ತು ಅವನ ವಾಹನ ನಂದಿಯ ಚಿತ್ರಗಳಿವೆ. ಬೇರೆ ಯಾವ ದೇವತೆಗಳೂ ಇಲ್ಲ.

ಕ್ರಿ.ಪೂ 400-200ರಲ್ಲಿ ಶ್ವೇತಾಶ್ವತರ ಉಪನಿಷತ್ತು ಪ್ರಾಬಲ್ಯಕ್ಕೆ ಬರೋ ಮುಂಚೆ ರುದ್ರನ ರೂಪ ಸ್ಪಷ್ಟವಾಗುತ್ತಾ ಬಂತಂತೆ. ಇದ್ರಲ್ಲಿ ರುದ್ರ ಮತ್ತು ಶಿವನ ವ್ಯಕ್ತಿತ್ವವನ್ನು ಸೃಷ್ಟಿ ಮತ್ತು ಲಯದ ಪ್ರಕ್ರಿಯೆಗೆ ಹೋಲಿಸಿದ್ದಾರೆ. ಇದ್ರಿಂದನೇ ಶೈವ ಸಂಸೃತಿ ಹುಟ್ಟಿತು ಅಂತ ಪತಂಜಲಿ ಮಾಹಾಭಾಷ್ಯ ಮತ್ತು ಮಹಭಾರತದಲ್ಲಿ ಉಲ್ಲೇಖವಿದೆ.

14. ಶಿವನ ತ್ರಿಶೂಲ ಮನುಷ್ಯನ ಮೂರು ಮುಖಗಳನ್ನ ತೋರಿಸತ್ತೆ

ಯಾವ ಮೂರು ಮುಖಗಳು? ಒಳಮುಖ, ಹೊರಮುಖ ಹಾಗೂ ಸುತ್ತಲಿನ ಪ್ರಪಂಚ. ತ್ರಿಶೂಲದ ಬುಡದಲ್ಲಿ ಈ ಮೂರು ಲೀನವಾಗತ್ತೆ. ಶಿವನು ಒಂದು ಕೈಯಲ್ಲಿ ತ್ರಿಶೂಲ ಮತ್ತೊಂದು ಕೈಯಲ್ಲಿ ಅರ್ಧಚಂದ್ರನ್ನ ಹಿಡಿದಿರ್ತಾನೆ. ಮೈಬಣ್ಣ ಹಿಮಪರ್ವತದ ಹಾಗೆ ಇರತ್ತೆ. ಕತ್ತಿನ ಸುತ್ತ ಐದು ಹಾವನ್ನು ಸುತ್ತಿಕೊಂಡು, ತಲೆ ಬುರುಡೆಗಳ ಸರಮಾಲೆಯನ್ನ ಹಾಕಿರುತ್ತಾನೆ ಮತ್ತು ಸದಾ ಅವನ ಮೂರ್ತಿನ ದಕ್ಷಿಣಕ್ಕೆ ಮುಖ ಮಾಡಿ ಇಡುವುದು ಪದ್ದತಿ.

 

15. ಶಿವನಿಗಿರುವ ಮೂರನೆಯ ಕಣ್ಣಿನಿಂದ ಅವನಿಗೆ "ತ್ರ್ಯಂಬಕ"ನೆಂಬ ಹೆಸರು ಬಂತು.

ವೇದದ ಪ್ರಕಾರ ತ್ರ್ಯಂಬಕ ಅಂದ್ರೆ ಮೂರು ಅಮ್ಮಂದಿರು ಅಂತ. ಈ ಮೂರು ಅಮ್ಮಂದಿರನ್ನು ಅಂಬಿಕಾ ದೇವತೆ ಅಂತ ಹೇಳತ್ತೆ. ಶಿವನಿಗೆ ಸಿಟ್ಟು ಬಂದ್ರೆ ತನ್ನ ಮೂರನೆ ಕಣ್ಣನ್ನ ತೆಗೀತಾನೆ, ಮುಂದಿರೋದೆಲ್ಲಾ ಸುಟ್ಟು ಬೂದಿಯಾಗತ್ತೆ ಅಂತ ನಂಬಿಕೆ ಇದೆ.

16. ಋಗ್ವೇದದ ಪ್ರಕಾರ ಶಿವನ ತಲೆ ಮೇಲಿರೋ ಚಂದ್ರ ಅಲಂಕಾರಕ್ಕೆ ಮಾತ್ರವಲ್ಲ, ಸೃಷ್ಟಿಯ ಆದಿ-ಅಂತ್ಯದ ಪ್ರತೀಕವಾಗಿದೆ.

ಶಿವನ ತಲೆಯ ಮೇಲೆ ಚಂದ್ರ ಇರೋದ್ರಿಂದ ಚಂದ್ರಶೇಖರ ಅಂತ ಹೆಸ್ರು ಬಂದಿದೆ.

17. ಶಿವನ ಮೈಮೇಲಿನ ಬೂದಿ ಸಕಲ ಜೀವರಾಶಿಗಳ ಅಂತ್ಯವನ್ನು ಸೂಚಿಸುತ್ತೆ

ಭೈರವನಾದ ಶಿವನು ಸ್ಮಶಾನವಾಸಿ ಅಂತ ಹೇಳ್ತಾರೆ.

vibhuti-rudraksha-ratna.com_.jpg

18. ಸಮುದ್ರ ಮಂಥನದಲ್ಲಿ ಹಲಾಹಲ ವಿಷ ಎಷ್ಟು ಶಕ್ತಿಯುತವಾಗಿತ್ತು ಅಂದ್ರೆ ಶಿವ ನೀಲಕಂಠನಾದ.

 ಸಮುದ್ರ ಮಂಥನದಲ್ಲಿ ಅಮೃತ ಸಿಗೋ ಮುಂಚೆ ಹಾಲಹಲ ವಿಷ ಉಕ್ಕಿ ಬಂತು. ಆಗ ಶಿವ ಅದನ್ನು ಕುಡಿದನು. ತಕ್ಷಣ ಪಾರ್ವತಿ ಆ ವಿಷ ಶಿವನ ಹೊಟ್ಟೆ ತಲುಪದಿರಲಿ ಅಂತ ಶಿವನ ಕತ್ತನ್ನು ಗಟ್ಟಿಯಾಗಿ ಹಿಡಿದಳು. ಆದ್ರೆ ವಿಷ ಎಷ್ಟು ಶಕ್ತಿಯುತವಾಗಿತ್ತೂ ಅಂದ್ರೆ ಶಿವ ನೀಲಕಂಠನಾದ.

nilakantha-.youtube.com_.jpg

19. ಶಿವನ ಮುಡಿಯಲ್ಲಿ ಗಂಗೆ ಇದ್ದು ಅಲ್ಲಿಂದ ಭೂಮಿಗೆ ಅಮೃತಧಾರೆಯಾಗಿ ಹರೀತಾಳೆ.

ಭಗೀರಥನ ಪ್ರಯತ್ನದಿಂದ ಗಂಗೆ ಭೂಲೋಕಕ್ಕೆ ಬರಲು ಒಪ್ಪಿದಳು. ಆದರೆ ತನ್ನ ವೇಗವನ್ನು ತಡೆಯುವರಾರು? ಎಂದು ಕೇಳಿದಾಗ, ಭಗೀರಥ ಶಿವನನ್ನು ಒಪ್ಪಿಸಿದ. ಗಂಗೆ ಶಿವನ ತಲೆಯ ಮೇಲೆ ಬಿದ್ದು ಅಲ್ಲಿಂದ ಕೆಳಗೆ ಇಳಿದಳು. ಶಿವ ಗಂಗೆಯನ್ನು ತನ್ನ ಮುಡಿಯಲ್ಲಿ ಇಟ್ಟುಕೊಂಡ.

shiva-19.jpg

20. ಶಿವನ ಎಡಗೈನಲ್ಲಿರೋ ಡಮರುಗದಿಂದ ಹೊರಟ ಓಂ ಶಬ್ದದಿಂದಲೇ ಸಂಸೃತ ಭಾಷೆ ಹುಟ್ಟಿದ್ದು

ಡಮರುಗ ಶಬ್ದಬ್ರಹ್ಮನ ಆವಾಸ ಸ್ಥಾನ.

shiva-20.jpg

21. ಶಿವ ಪಶುಗಳ (ಪ್ರಾಣಿ ಪಕ್ಷಿಗಳ) ರಕ್ಷಕನಾಗಿದ್ದುದರಿಂದ ಪಶುಪತಿ ಎನಿಸಿಕೊಳ್ತಾನೆ

ಶಿವನ ವಾಹನ ನಂದಿ, ಅಂದರೆ ಎತ್ತು. ಎತ್ತು ಧರ್ಮದ ಪ್ರತಿಕ. ಆದ್ರಿಂದ ಶಿವ ಧರ್ಮ ರಕ್ಷಕನೆಂದೂ ತೋರಿಸುತ್ತದೆ.

shiva-21.jpg

22. ಶಿವನ ವಾಸಸ್ಥಾನ ಹಿಮಾಲಯದ ಕೈಲಾಸ ಪರ್ವತ.

ಈಗಲೂ ಕೈಲಾಸ ಪರ್ವತ ಲಿಂಗಾಕಾರದಲ್ಲಿದೆ ಎಂದು ನಂಬುತ್ತಾರೆ.

shiva-22.jpg

23. ನಾಟ್ಯ ಹಾಗೂ ಸಂಗೀತದ ದೇವತೆಯಾಗಿ ಶಿವ ನಟರಾಜ ಎನಿಸಿಕೊಂಡ

ಶಿವ ಸಹಸ್ರನಾಮದಲ್ಲಿ ನರ್ತಕ, ನಿತ್ಯನರ್ತ ಇದೆ. ಗಂಡಸರ ಕಾಲ-ಮಹಾಕಾಲ ನೃತ್ಯಪ್ರಕಾರ ತಾಂಡವ ನೃತ್ಯವಾಯಿತು. ಪಾರ್ವತಿಯ ನೃತ್ಯ ಲಾಸ್ಯವಾಯಿತು. ತಾಂಡವ-ಲಾಸ್ಯ ನೃತ್ಯ ಜಗತ್ತಿನ ಸೃಷ್ಟಿ-ಲಯದ ಪ್ರತಿಕವಾಗಿದೆ.

shiva-23-ishtadevata.com_.jpg

24. ಪಾರ್ವತಿಗೆ ಅಮರತ್ವದ ರಹಸ್ಯ ಹೇಳುತ್ತಾ ಶಿವ ಜಮ್ಮು-ಕಾಶ್ಮೀರದ ಶ್ರೀನಗರದಿಂದ ಸುಮಾರು 141 ಕಿ.ಮೀ. ದೂರಲ್ಲಿನ ಪೆಹಲ್ಗಾಂ ದಾರಿಯಲ್ಲಿ ಅಮರನಾಥ ಗುಹೆಗೆ ಹೋಗಿ ಅಮರೇಶ್ವರನಾದ.

ಶಿವನ ಕೊರಳಿನಲ್ಲಿದ್ದ ರುಂಡ ಮಾಲೆಯನ್ನು ಕಂಡ ಪಾರ್ವತಿ ಒಮ್ಮೆ ಆ ಬಗ್ಗೆ ಪ್ರಶ್ನಿಸುತ್ತಾಳೆ. ಅದು ಹೇಗೆ ಬಂತು ಮತ್ತು ಅದರ ಐತಿಹ್ಯವೇನು ಎಂದು. ಇದಕ್ಕೆ ಉತ್ತರಿಸುವ ಶಿವ ತಾನು ಹುಟ್ಟಿದಾಗನಿಂದಲೇ ತನ್ನ ಕೊರಳಲ್ಲಿ ಈ ರುಂಡ ಮಾಲೆ ಇದೆ. ನೀನು ಹುಟ್ಟಿದಾಗ ಇದಕ್ಕೆ ಮತ್ತೊಂದು ಮಣಿ ರಿಸಿದೆ ಎಂದು ಹೇಳುತ್ತಾನೆ. ಆಗ ದೇವಿ ಪಾರ್ವತಿ ಹುಟ್ಟು ಸಾವಿನ ಕುರಿತು  ಪ್ರಶ್ನಿಸುತ್ತಾಳೆ - ಎಲ್ರೂ ಸಾಯ್ತಾರೆ. ಆದರೆ ನೀವು ಮಾತ್ರ ಅಮರರಾಗಿದ್ದೀರಿ. ಅದು ಹೇಗೆ ಎಂದು. ಆರಂಭದಲ್ಲಿ ಶಿವ ಈ ಪ್ರಶ್ನೆಗೆ ಉತ್ತರಿಸಲು ನಿರಾಕರಿಸುತ್ತಾನೆ. ಆದರೆ ಪಟ್ಟು ಬಿಡದ ದೇವಿ ಪಾರ್ವತಿ ಪದೇ ಪದೇ ಈ ಬಗ್ಗೆ ಪ್ರಶ್ನಿಸುತ್ತಿರುತ್ತಾಳೆ. ಅಂತಿಮವಾಗಿ ಶಿವ ಪಾರ್ವತಿಗೆ ಅಮರತ್ವದ ರಹಸ್ಯವನ್ನು ಹೇಳಲು ಸಿದ್ಧನಾಗುತ್ತಾನೆ. ಇದೇ ಅಮರಕಥಾ ಎಂದು ಹೇಳಲಾಗುತ್ತದೆ.

shiva-24-kannada.nativeplanet.com_.jpg

ಹೊರಚಿತ್ರ: ಮೂಲ

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ಕುರುವಂಶಕ್ಕೆ ನಾಂದಿ ಹಾಡಿದ ಈ ರಾಜ ರಾಣಿ ಕಥೆ ಕೇಳಿ ಮಹಾಭಾರತ ಇನ್ನಷ್ಟು ಅರ್ಥ ಆಯ್ತು ಅಂತೀರಿ

ವಸಿಷ್ಟರ ಸಹಾಯದಿಂದ...

ಮಹಾಭಾರತ, ಕೌರವರು, ಪಾಂಡವರು ಅಂತ ಓದಿದ್ದೀವಿ, ಕೇಳಿದ್ದೀವಿ. ಕುರುವಂಶದ ಮೂಲ ಏನು? ಕುರುವಂಶ ಹೇಗೆ ಹುಟ್ಟಿದ್ದು? ಕುರುವಂಶ ಯಾರಿಂದ ಶುರು ಆಗಿದ್ದು ? ಇದನ್ನ ಇವತ್ತು ತಿಳ್ಕೊಳೋಣ.

ಸೂರ್ಯನ ಮಗಳು ತಪತಿ

ಸೂರ್ಯ ದೇವನಿಗೆ ಒಬ್ಬಳು ಅತೀ ಸುಂದರ  ಮಗಳು ಇರ್ತಾಳೆ , ಅವಳೇ ತಪತಿ. ಮೂರೂ ಲೋಕದಲ್ಲಿ ಅವಳ ಸೌಂದರ್ಯಕ್ಕೆ ಸರಿಸಾಟಿ ಯಾರೂ ಇರಲಿಲ್ಲ. ಅವಳ ಸೌಂದರ್ಯದ ಬಗ್ಗೆ ಹೇಳೋದಕ್ಕೆ ಪದಗಳೇ ಸಾಲೋದಿಲ್ಲ. ಸೂರ್ಯದೇವನಿಗೆ ಇವಳನ್ನು ಯಾರಿಗೆ ಕೊಟ್ಟು ಮಾಡುವೆ ಮಾಡಬೇಕು ಅನ್ನೋ ಯೋಚ್ನೆ ಶುರು ಆಗುತ್ತೆ. ಅವಳ ಹಾಗೆ ಸ್ಪುರದ್ರೂಪಿಯೂ ಅವಳನ್ನೂ ಹೆಚ್ಚಾಗಿ ಪ್ರೀತಿಸುವ ವರನ್ನು ಹುಡುಕಿ ಮಾಡುವೆ ಮಾಡಿಕೊಡಬೇಕು ಅಂತ ನಿರ್ಧಾರ ಮಾಡ್ತಾನೆ.

ಚಂದ್ರವಂಶದ ರಾಜ ಸಮವರ್ಣ

ಚಂದ್ರ ವಂಶದಲ್ಲಿ ಒಬ್ಬ ರಾಜ ಹುಟ್ಟಿರ್ತಾನೆ, ಅವನೇ ಸಮವರ್ಣ. ಅವನು ಸ್ಪುರದ್ರೂಪಿಯೂ ಸುಂದರವಾದ ಶರೀರವುಳ್ಳವನೂ ಆಗಿರ್ತಾನೆ, ಅಷ್ಟೇ ಅಲ್ಲ ಅವನು ಒಳ್ಳೆ ತಪಸ್ವಿ ಕೂಡ ಆಗಿರ್ತಾನೆ. ಅವನು ಒಳ್ಳೆ ಹೆಸರು, ಗೌರವ ಹಾಗೂ ಯಶಸ್ಸು ಪಡೀಬೇಕು ಅಂತ ಪ್ರತಿನಿತ್ಯವೂ ಅರ್ಘ್ಯ, ಪಾದ್ಯ, ಹೂವು, ಗಂಧ ಮುಂತಾದವನ್ನೆಲ್ಲ ಅರ್ಪಿಸಿ ಸೂರ್ಯದೇವನ ಪೂಜೆ ಮಾಡ್ತಿರ್ತಾನೆ. ಇವನು ಇಡೀ ಜಂಬೂ ದ್ವೀಪಕ್ಕೆ ಅಧಿಪತಿಯಾಗಿರ್ತಾನೆ. ಸ್ನೇಹಿತರಿಗೆ ಚಂದ್ರನಂತೆ ತಂಪಾಗಿದ್ದರೂ ಶತ್ರುಗಳಿಗೆ ಸೂರ್ಯನಷ್ಟೇ ಸುಡ್ತಿರ್ತಾನೆ.

ಒಂದುಸಲ ರಾಜ ಬೆಟ್ಟಗುಡ್ಡಗಳ ಮಧ್ಯೆ ದಟ್ಟ ಕಾಡಿನ ಒಳಗೆ ಹೋಗ್ತಾನೆ

ಕೆಲವು ಮೂಲಗಳ ಪ್ರಕಾರ ಪಾಂಚಾಲ ರಾಜನ ವಿರುದ್ಧ ಯುದ್ಧದಲ್ಲಿ ಸೋಲಿನ ಅವಮಾನದಿಂದ ತಪ್ಪಿಸಿಕೊಳ್ಳೋದಕ್ಕೆ ತಲೆಮರೆಸಿಕೊಂಡು ಹೋದ ಅನ್ನೋ ಉಲ್ಲೇಖ ಇದೆ. ಹೀಗೆ ಕಾದಿಲ್ಲಯ್ಯ ಸುತ್ತಾಡುತ್ತ ನೀರು ಆಹಾರ ಇಲ್ಲದೆ ಅವನ ಕುದುರೆಗಳು ದಾರಿ ಮಧ್ಯೆ ನಿಲ್ಲುತ್ತವೆ. ಅವನ್ನು ಅಲ್ಲೇ ಬಿಟ್ಟು ರಾಜ ಮುಂದೆ ಹೋಗ್ತಾನೆ.

ತಪತಿ ಹಾಗೂ ಸಮವರ್ಣನ ಭೇಟಿಗೆ ಒಂದು ಸಂದರ್ಭ ಕೂಡಿ ಬರತ್ತೆ

ಸುತ್ತಾಟದಿಂದ ಬಳಲಿದ ರಾಜ ನೆಲಕ್ಕೆ ಬೀಳ್ತಾನೆ. ಅವನು ಆಕಾಶದಕಡೆಗೆ ತಿರುಗಿದಾಗ ಪ್ರಕಾಶಮವಾದ ಬೆಳಕೊಂದು ಹೊರಹೊಮ್ಮುತ್ತಿರೋದು ಕಾಣ್ಸುತ್ತೆ. ಕುತೂಹಲದಿಂದ ಹತ್ತಿರ ಬಂದಾಗ, ಯಾವುದೇ ಕೊಂಕಿಲ್ಲದ, ರೂಪವತಿ ಕಾಣಿಸುತ್ತಾಳೆ. ಅವಳ ಸೌನ್ದರ್ಯ ಕಣ್ಣು ಕುಕ್ಕುವಹಾಗಿತ್ತು. ಅವಳ ಹೊಳೆಯುವ ಮೈಕಾಂತಿ ಆ ದಟ್ಟ ಕಾಡಿನಲ್ಲಿ ಆಗತಾನೆ ಸೂರ್ಯೋದಯ ಆಗ್ತಿದೆಯೇನೋ ಅನ್ನೋ ಭಾವನೆ ಮೂಡಿಸುತ್ತಿತ್ತು. ಅವಳ ಚರ್ಮದ ಬಣ್ಣ ಚಿನ್ನದ ಹೊಳಪಿನಂತೆ ಇತ್ತು. ಅವಳ ಸೌಂದರ್ಯಕ್ಕೆ ಮಾರು ಹೋದ ಈ ರಾಜ ಒಂದು ಕ್ಷಣವೂ ಅವಳಿಂದ ದೃಷ್ಟಿ ಬೇರೆ ಕಡೆ ಸರಿಸಲಿಲ್ಲ. ಅವನ ಹೃದಯ ಮನ್ಮಥನ ಬಾಣ ಚುಚ್ಚಿ ನೋವಿನಿಂದ ಒದ್ದಾಡುತ್ತಿರುವಹಾಗಿತ್ತು.  ಅವಳ ಸೌಂದರ್ಯಕ್ಕೆ ಮಾರುಹೋದ ರಾಜನು ಅವಳನ್ನ ನೀನು ಸಾಮಾನ್ಯ ಮ್ಸನುಷ್ಯಳೂ, ಗಂಧರ್ವ ಕನ್ಯೆಯೋ ಅಥವಾ ಯಕ್ಷ ಲೋಕದವಳಂತೆಯೂ ಕಾಣುತ್ತಿಲ್ಲ. ಅಸುರ ಮಾಯೆಯಂತೆಯೂ ಕಾಣುತ್ತಿಲ್ಲ ಯಾಕೆ ಅಂದ್ರೆ ಯಾವುದೇ ಅಸುರ ಶಕ್ತಿಯೂ ನನ್ನ ಹತ್ತಿರ ಸುಳಿಯುವುದಿಲ್ಲ. ನೀನೇನು ಐಶ್ವರ್ಯ ದೇವತೆಯಾ? ಸಾಧ್ಯವಿಲ್ಲ ಯಾಕೆ ಆದ್ರೆ ನಿನ್ನಮೇಲೆ ನನಗೆ ಕಾಮ, ಮೋಹೇ ಹೆಚ್ಚಾಗಿದೆ. ಓ ಅಪ್ರತಿಮ ಸುಂದರಿಯೇ ನೀನು ಯಾರು ? ನನ್ನ ಜೀವನ ಪರ್ಯಂತ ನೀನು ನನ್ನ ಜೊತೆಯಾಗಿರಬೇಕು ಇದುವರೆಗೂ ನನ್ನ ಜೀವನ ಬರಡಾಗಿತ್ತು, ಆದರೆ ನಿನ್ನನ್ನು ನೋಡಿದಮೇಲೆ ನನಗೆ ಜೀವನದಮೇಲೆ ಆಸಕ್ತಿ ಶುರುವಾಗ್ತಿದೆ ಅಂತ ನಿನಗಾಗಿಯೇ ಬದುಕಬೇಕು ಅನ್ನಿಸುತ್ತಿದೆ ಅಂತ ಹೇಳ್ತಾನೆ.

ರಾಜ ಇನ್ನೂ ಮಾತಾಡ್ತಾ ಇರ್ತಾನೆ ಅಷ್ಟ್ರಲ್ಲೇ ತಪತಿ ಮಾಯ ಆಗ್ತಾಳೆ. ರಾಜ ಪ್ರಜ್ಞೆ ಕಳ್ಕೊಂಡು ಕೆಳಗೆ ಬೀಳ್ತಾನೆ

ಮತ್ತೆ ಅಲ್ಲೆಲ್ಲ ಕಟ್ಟಲು ಕವಿಯುತ್ತೆ. ಅವಳ ಕಣ್ಮರೆಯಿಂದ ಬಹಳ ಬೇಸರ ಹಾಗೂ ನೋವಿನಿಂದ ರಾಜ ಪ್ರಜ್ಞೆ ಕಳೆದುಕೊಂಡು ಕೆಳಗೆ ಬೀಳ್ತಾನೆ. ಅವನ ಮನಸ್ಸಿನ ತುಂಬಾ ಅವನು ಈಗತಾನೇ ಭೇಟಿಯಾಗಿದ್ದ ಆ ರೂಪಾವತಿಯ ಧ್ಯಾನವೇ ತುಂಬಿರುತ್ತೆ.

ಇಂತಹ ಒಳ್ಳೆಯ ಸ್ಪುರದ್ರೂಪಿ ರಾಜನು ಜ್ಞಾನವಿಲ್ಲದೆ ಬಿದ್ದಿರುವುದನ್ನು ನೋಡಿ ತಪತಿ ಮತ್ತೊಮ್ಮೆ ಪ್ರತ್ಯಕ್ಷಳಾಗಿ ಅವನಿಗೆ ನೀರು ಚುಮುಕಿಸುತ್ತಾಳೆ, ಅವನಿಗೆ ಜ್ಞಾನ ಬರುತ್ತೆ. ಕಣ್ಬಿಟ್ಟ ಕೂಡಲೇ ತನ್ನ ಪ್ರೇಯಸಿ ನಿಂತಿರುವುದನ್ನು ನೋಡಿ ಅವನಿಗೆ ಅದು ಕನಸೋ ತನ್ನ ಭ್ರಮೆಯೋ ಅನ್ನೋ ಸಂಶಯ ಬರುತ್ತೆ. ಆಗ ತಪತಿಯನ್ನು ತನ್ನ ಭ್ರಮೆ ದೂರ ಮಾಡುವಂತೆ ಕೇಳಿಕೊಳ್ತಾನೆ. ಹಾಗೆಯೆ ಬ್ರಹ್ಮನು ಹೇಗೆ ಕಮಲವನ್ನು ಕಂಡು ಆಕರ್ಷಿತನಾಗಿದ್ದನೋ, ಹಾಗೆಯೆ ನನಗೂ ನಿನ್ನ್ನಮೇಲೆ ಸೆಳೆತ ಇದೆ,

ತಪತಿ ಮತ್ತೆ ಪ್ರತ್ಯಕ್ಷ ಆಗ್ತಾಳೆ. ಆಗ ರಾಜ "ನೀನು ನನ್ನ ಹೆಂಡತಿಯಾಗಿರು" ಅಂತ ಹೇಳ್ತಾನೆ.

ಇದಕ್ಕುತ್ತರವಾಗಿ ತಪತಿಯು, ರಾಜ ಇದು ನಿನ್ನ ಭ್ರಮೆಯಲ್ಲ ವಾಸ್ತವ. ಈ ಮೂರು ಲೋಕದಲ್ಲೇ  ನಿನ್ನಷ್ಟು ಧೈರ್ಯಶಾಲಿ , ಸುಪ್ರಸಿದ್ದ ಹಾಗೂ ಸ್ಪುರದ್ರೂಪಿ ಪುರುಷರು ಯಾರೂ ಇಲ್ಲ. ನೀನು ನನ್ನನ್ನು ಎಷ್ಟು ಪ್ರೀತಿಸುತ್ತೀಯಾ ಅಂತ ನನಗೆ ಗೊತ್ತಿದೆ. ನಾನು ಕಣ್ಮರೆಯಾದ ತಕ್ಷಣ ನೀನು ಜ್ಞಾನ ಕಳೆದುಕೊಳ್ಳುತ್ತಿರುವುದು, ನಿನ್ನನ್ನು ಪಡೆಯಲು ನಾನು ಎಷ್ಟು ಅದೃಷ್ಟಶಾಲಿ ಅಂತ ತಿಳಿಸುತ್ತೆ. ಆದರೆ ನಾನು ಯಾವುದೇ ನಿರ್ಧಾರ ತೆಗದುಕೊಳ್ಳಲ್ಲು ಸ್ವತಂತ್ರಳಲ್ಲ. ನಾನು ನನ್ನ ತಂದೆ ಸೂರ್ಯದೇವನ ನಿರ್ಧಾರದಂತೆ ನಡೆಯುತ್ತೇನೆ, ಅವನು ಒಪ್ಪಿದರೆ ನಾನು ನಿನ್ನ ಚರಣದಾಸಿಯಾಗಿ ಇರುತ್ತೇನೆ ಅಂತ ಹೇಳ್ತಾಳೆ.

https://kathakids.com
ತಂದೆ ಸೂರ್ಯದೇವನ ಒಪ್ಪಿಗೆ ಇಲ್ಲದೆ ಈ ಮದ್ವೆ ನಡೆಯಲ್ಲ ಅಂತ ಹೇಳಿ ತಪತಿ ಅಲ್ಲಿಂದ ಸೂರ್ಯ ಲೋಕಕ್ಕೆ ಹೋಗ್ತಾಳೆ

ರಾಜ ಮತ್ತೆ ಯಾವುದೇ ಚಲನವಲನಗಳಿಲ್ಲದೆ ಕೆಳಗೆ ಬೀಳ್ತಾನೆ. ಇದುವರೆಗೂ ಯಾವುದೇ ದೇವಕನ್ಯೆ ಮನುಷ್ಯನ ಜೊತೆ ವಿವಾಹ ಆಗಿರುವ ಪ್ರಸಂಗವೇ ಇಲ್ಲ. ಸೂರ್ಯ ತನ್ನ ಆರಾಧ್ಯ ದೈವ, ಅವನ ಮಗಳನ್ನು ತನಗೆ ಕೊಡು ಅಂತೇ ಹೇಗೆ ಕೇಳೋದು?  ಆದರೆ ಅವನ ಮನಸ್ಸು ಅವಳನ್ನೇ ಹಂಬಲಿಸುತ್ತಿರುತ್ತೆ, ರಾಜ ಮತ್ತೆ ತನ್ನ ಜ್ಞಾನ ಕಳೆದುಕೊಂಡು ಧಾನ್ಯದ ರಾಶಿ ಕೆಳಗೆ ಜಾರುವಂತೆ ನೆಲಕ್ಕೆ ಬೀಳ್ತಾನೆ.

ರಾಜ ಕಾಡಲ್ಲೇ ನೀರು ಅಹಾರ ಇಲ್ಲದೆ ದಿನಾ ಕಳಿತಾನೆ  

ಎಷ್ಟು ದಿನ ಕಳೆದರೂ ರಾಜ ಬರದಿದ್ದನ್ನು ನೋಡಿ ಮಂತ್ರಿಗಳು ಅವನನ್ನು ಕಾಡಿನಲ್ಲಿ ಹುಡುಕುತ್ತಾ ಸುತ್ತಾಡುವಾಗ, ರಾಜ ನೆಲದಮೇಲೆ ಬಿದ್ದಿರುವುದನ್ನು ನೋಡ್ತಾರೆ. ರಾಜ ನೀರು ಆಹಾರ ಏನೂ ಇಲ್ಲದೆ ಹೇಗೆ ಆಗಿದ್ದನೆಂದು ಅದರ ವ್ಯವಸ್ಥೆ ಮಾಡ್ತಾರೆ. ಆದರೆ ರಾಜ ಏನನ್ನೂ ಮುಟ್ಟುವುದಿಲ್ಲ. ನಂತರ ರಾಜ ವೈದ್ಯರನ್ನು ಕರೆಸಿ ತೋರಿಸಿದಾಗ, ರಾಜ ಮಾನಸಿಕವಾಗಿ ತೊಂದರೆಗೆ ಒಳಗಾಗಿದ್ದಾರೆ ಅಂತ ಹೇಳ್ತಾರೆ. ರಾಜನ್ನ ಕರೆದುಕೊಂಡು ಹೋಗಕ್ಕೆ ಪ್ರಯತ್ನ ಪಟ್ಟಾಗ ತಾನು ಕಾಡು ಬಿಟ್ಟು ಹೋಗುವುದಕ್ಕೆ, ನೀರು ಆಹಾರ ತೆಗದುಕೊಳ್ಳೋದಕ್ಕೆ ನಿರಾಕರಿಸುತ್ತಾನೆ. ತನ್ನ ದೇಹ, ರೆಪ್ಪೆ ಏನೂ ಚಲಿಸದೆ ಹಾಗೆ ನಿಶ್ಚಲವಾಗಿ ಸೂರ್ಯನನ್ನೇ ದಿಟ್ಟಿಸುತ್ತಾ  ಕಾಡಿನ ಮಧ್ಯೆ ಮಲಗಿರುವ ರಾಜನನ್ನು ನೋಡಿ ಮಂತ್ರಿಗಳಿಗೆ ಆತಂಕ ಆಗುತ್ತೆ. ರಾಜ್ಯದ ಮಂತ್ರಿಗಳು,ಪ್ರಜೆಗಳು ಎಲ್ಲರೂ ತಮ್ಮ ರಾಜನ ಆರೋಗ್ಯಕ್ಕಾಗಿ ಪೂಜೆ, ಪುನಸ್ಕಾರ ಮಾಡ್ತಾರೆ. 

ಸಮವರ್ಣ ಅನಾರೋಗ್ಯದ ಸ್ಥಿತೀಲಿ ಇರೋದು ವಸಿಷ್ಠ ಮುನಿಗೆ ಗೊತ್ತಾಗಿ ಸೂರ್ಯನಿಂದ ಮಾತು ಪಡ್ಕೊತಾರೆ

ಇದೇ ಸಮಯದಲ್ಲಿ ವಸಿಷ್ಠ ಮುನಿ ಅದೇ ದಾರಿಯಲ್ಲಿ ಹೋಗ್ತಿರ್ತಾರೆ, ತನ್ನ ದಿವ್ಯ ದೃಷ್ಟಿಯಿಂದ ಸಮವರ್ಣನಿಗೆ ಈ ಗತಿ ಯಾಕೆ ಬಂತು ಅಂತ ತಿಳ್ಕೋತಾರೆ. ತನ್ನ ತಪೋಬಲದಿಂದ ಸೂರ್ಯಲೋಕಕ್ಕೆ ಹೋಗ್ತಾರೆ.

ಬ್ರಹ್ಮರ್ಷಿನಾ ಕಂಡು ಸೂರ್ಯಂಗೆ ತುಂಬಾ ಸಂತೋಷವಾಗುತ್ತೆ. ನಿಮ್ಮ ಪಾದಸ್ಪರ್ಶದಿಂದ ಸೂರ್ಯಲೋಕ ಪಾವನವಾಯಿತೆಂದೂ... ನೀವು ಏನು ಕೇಳಿದ್ರೂ ಕೊಡುವೆ ಅಂತ ಹೇಳ್ತಾನೆ. 

ಆಗ ವಸಿಷ್ಠರು ರಾಜ ಸಮವರ್ಣನ್ನ ನಿನ್ನ ಅಳಿಯ ಮಾಡ್ಕೊ. ಮೂರೂ ಲೋಕದಲ್ಲಿ ಇವನಂತ ಉತ್ತಮ, ಉದಾತ್ತ ಗುಣಗಳಿರೋ ರಾಜ ನಿನಗೆ ಸಿಗಲ್ಲ. ಪ್ರಜೆಗಳೆಂದರೆ ಅವನಿಗೆ ತುಂಬಾನೇ ಪ್ರೀತಿ. ರೂಪಾವತಿಯಾದ ನಿನ್ನ ಮಗಳು ತಪತಿಗೆ ಇವನೇ ಸೂಕ್ತ ಹಾಗೂ ಯೋಗ್ಯ ವರ ಅಂತ ಹೇಳ್ತಾರೆ.

ವಸಿಷ್ಠರ ಮಾತಿಂದ ಸೂರ್ಯನಿಗೆ ತುಂಬಾನೇ ಸಂತೋಷವಾಗುತ್ತೆ. ನನ್ನ ಮಗಳ ಪಾಲಿಗೆ ಅದೃಷ್ಟ ಒಲಿದು ಬಂದಿದೆ. ಅದರಲ್ಲೂ ಬ್ರಹ್ಮರ್ಷಿಯೊಬ್ಬರು ಇಂತಹ ಒಳ್ಳೆ ಸಂಬಂಧ ತಂದಿರೋವಾಗ ಬೇಡ ಅನ್ನೋ ಅಹಂಕಾರಿ ಅಲ್ಲ. ಅವನನ್ನೇ ಅಳಿಯ ಮಾಡ್ಕೊಬೇಕು ಅನ್ನೋ ಆಸೆ ನಂಗೂ ಇತ್ತು. ನನ್ನ ಭಾರ ಕಮ್ಮಿ ಮಾಡಿದ್ರಿ ಅಂತಾ ಹೇಳ್ತಾನೆ.

ತಪತಿ ಸಮವರ್ಣನ್ನ ಮದ್ವೆಯಾಗಿ ಕಾಡಲ್ಲೇ ಸಂಸಾರ ಹೂಡ್ತಾರೆ   

ಆ ಕ್ಷಣವೇ ತಪತಿ ಹಾಗೂ ಸೂರ್ಯ ಕಾಡಿನಲ್ಲಿ ಪ್ರತ್ಯಕ್ಷ  ಆಗ್ತಾರೆ. ಕಾಡೆಲ್ಲಾ ಬೆಳಕಿನಿಂದ ಜಗಮಗಿಸುತ್ತಿರುತ್ತೆ. ಈ ಬೆಳಕಿಂದ ಎಚ್ಚರಗೊಂಡ ರಾಜ ಸೂರ್ಯ ಹಾಗೂ ಪ್ರೇಯಸಿ ತಪತಿಯನ್ನು ಕಂಡು  ತನ್ನ 12 ದಿನಗಳ ಉಪವಾಸ ಮುಗಿಸಿ ನೀರು, ಆಹಾರ  ಸೇವಿಸಲು ಒಪ್ಕೋತಾನೆ. ಹಾಗೆ ವಸಿಷ್ಠರಿಗೆ ಧನ್ಯವಾದ ಹೇಳ್ತಾನೆ.

ಮೂರೋ ಲೋಕಗಳಲ್ಲಿ ಇವರ ಮದುವೆ ಆಚರಿಸಿ ಕೊಂಡಾಡುತ್ತಾರೆ. ರಾಜ ಸಮವರ್ಣ ತನ್ನ ಮಂತ್ರಿಗಳಿಗೆ ರಾಜ್ಯಭಾರ ನೋಡಿಕೊಳ್ಳೂ ಹೇಳಿ ಮುಂದಿನ 12 ವರ್ಷ ಅದೇ ಕಾಡಿನಲ್ಲಿ ಸಂಸಾರ ಮಾಡ್ತಾನೆ.

ಅಳಿಯ ಮಗಳ ಒಳಿತಿಗೆ ಸೂರ್ಯದೇವ ಮಳೆ ತಡೀತಾನೆ. ತಂಗಾಳಿ, ಹೂವು ಹಣ್ಣು  ಎಲ್ಲ ಯೆಥೇಚ್ಛವಾಗಿ ಸಿಗೋ ಹಾಗೆ ಮಾಡ್ತಾನೆ.

12 ವರ್ಷಗಳ ಕಾಲ ತನ್ನ ಹೆಂಡತಿಯ ಪ್ರೀತಿಯಲ್ಲಿ ಮುಳುಗಿರುವಾಗ, ಮಳೆ ಇಲ್ಲದೆ ಅವನ ರಾಜ್ಯದ ಪ್ರಜೆಗಳು ಕಾಯಿಲೆಗಳಿಂದ ನರಳಿ ಸಾಯುತ್ತಿದ್ದು  ಎಲ್ಲ ಸ್ಮಶಾನದಂತೆ ಕಾಣಲು ಶುರುವಾಗಿರುತ್ತೆ.


 

ವಸಿಷ್ಟರ ಮಾತಿನ ಪ್ರಕಾರ 12 ವರ್ಷ ಆದ್ಮೇಲೆ ಸಮವರ್ಣ ಹಾಗೂ ತಪತಿ ರಾಜ್ಯಕ್ಕೆ ವಾಪಸ್ಸಗ್ತಾರೆ. 

ಸೂರ್ಯ ಮಳೆ ಬರುವ ಹಾಗೆ ಮಾಡ್ತಾನೆ. ಜನರು ಫಸಲು ಬೆಳೆದು, ಆರೋಗ್ಯದಿಂದ ನಿಮ್ಮದಿಯಿಂದ ಇರೋಹಾಗೆ ಆಗುತ್ತೆ.

ಈ ಅಪೂರ್ವ ಜೋಡಿಗೆ ಹುಟ್ಟಿದ ಮಗನೇ ಸರ್ವಕಾಲಿಕ ಶ್ರೇಷ್ಠ ರಾಜ "ಕುರು"

ಈ ವಿಷಯವನ್ನ ಗಂಧರ್ವರು ಅರ್ಜುನನಿಗೆ ತನ್ನ ಪೂರ್ವಜರ ಹುಟ್ಟಿನ ಬಗ್ಗೆ ಹೇಳಿದ್ದು. 

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: