ಜನ ನಿಮ್ನ ಇನ್ನಷ್ಟು ಜಾಸ್ತಿ ಇಷ್ಟ ಪಡಬೇಕಾದ್ರೆ ಆದಷ್ಟು ಬೇಗ ನಿಮ್ಮ ನಡವಳಿಕೇಲಿ ಈ 9 ಬದಲಾವಣೆ ಮಾಡ್ಕೊಳಿ

ಕಡಿಮೆ ಮಾತಾಡಿ, ಹೆಚ್ಚು ಕೇಳಿಸ್ಕೊಳಿ

ಕೆಲವರು ಏನೇ ಮಾಡಿದರೂ ಜನ ಅವರನ್ನ ಇಷ್ಟಪಡಲ್ಲ. ಇನ್ನೂ ಕೆಲವರು ಏನೇ ಮಾಡಿದರೂ ತುಂಬಾನೇ ಇಷ್ಟಪಡ್ತಾರೆ. ಯಾಕೆ? ಅಂತೋರಿಗೆ ಕೆಲವೊಂದು ಉಪಾಯಗಳು ಗೊತ್ತಿರ್ತವೆ. ನಿಮಗೂ ಅಷ್ಟೇ ಇಲ್ಲಿರೋಂತ 9 ಉಪಾಯ ಗೊತ್ತಿದ್ರೆ ಜನ ನಿಮ್ಮನ್ನ ತುಂಬಾ ಇಷ್ಟ ಪಡ್ತಾರೆ. ಆ ಉಪಾಯಗಳನ್ನ ಒಂದೊಂದಾಗಿ ನೋಡ್ತಾ ಹೋಗೋಣ ಬನ್ನಿ.

1. ಬೇರೆಯವರಿಗೆ ಆದಷ್ಟು ಸಹಾಯ ಮಾಡಿ, ಆದರೆ ಅದಕ್ಕೆ ಪ್ರತಿಯಾಗಿ ಏನನ್ನೂ ನಿರೀಕ್ಷಿಸಕ್ಕೆ ಹೋಗಬೇಡಿ

ಜನರಿಗೆ ತುಂಬ ಇಷ್ಟ ಆಗೋರು ಪ್ರತಿಯೊಂದರಲ್ಲಿ ಗೆಲ್ಲಬೇಕು ಅಂತ ಬಯಸಲ್ಲ. ಬೇರೆಯರಿಗೆ ಜಾಸ್ತಿ ಸಹಾಯ ಮಾಡ್ತಾರೆ. ಆದರೆ ಅವರಿಂದ ಏನನ್ನೂ ನಿರೀಕ್ಷಿಸಲ್ಲ. ತಪ್ಪು, ಸೋಲು ಒಪ್ಪಿಕೊಳ್ಳೋದ್ರಲ್ಲಿ ಯಾವುದೇ ಹಿಂಜರಿಕೆ ಇರಲ್ಲ. ನಾನು ಇಂತದ್ದರಲ್ಲಿ ವೀಕ್ ಇದ್ದೀನಿ ಎಂದು ಮನಸ್ಸು ಬಿಚ್ಚಿ ಮಾತಾಡ್ತಾರೆ. ಈ ರೀತಿ ಎಲ್ಲರೂ ಮಾಡಕ್ಕಾಗಲ್ಲ ಅಲ್ವಾ? ಅದಕ್ಕೆ ಅಂತೋರನ್ನ ಜನ ಇಷ್ಟಪಡೋದು. "ನಿನ್ನನ್ನ ಕಂಡ್ರೆ ನನಗೆ ಅಸೂಯೆ" ಅಥವಾ "ನನಗಿದು ಗೊತ್ತಾಗ್ತಿಲ್ಲ ಸ್ವಲ್ಪ ಹೇಳ್ಕೊಡ್ರಪ್ಪಾ" ಅಂತ ಕೇಳ್ತಾರೆ. ಯಾಕಂದ್ರೆ ಜನ ಪ್ರಾಮಾಣಿಕತೆ ಮತ್ತೆ ನಿಜವಾದ ಭಾವನೆಗಳನ್ನು ಗೌರವಿಸ್ತಾರೆ ಅಂತ ಅವರಿಗೆ ಚೆನ್ನಾಗಿ ಗೊತ್ತು.

2. ಕಣ್ಣಲ್ಲಿ ಕಣ್ಣಿಟ್ಟು ಮಾತಾಡಿ; ಈ ಕಲೆ ಗೊತ್ತಿಲ್ಲದಿದ್ದರೆ ಕಲಿತುಕೊಳ್ಳಿ

ಜನ ಯಾರ್ನ ಇಷ್ಟ ಪಡ್ತಾರೋ ಅವರು ಮುಖ್ಯವಾಗಿ ಕಣ್ಣಲ್ಲಿ ಕಣ್ಣಿಟ್ಟು ನೋಡ್ತಾ ಮಾತಾಡ್ತಾರೆ - ಬೇಕಾದರೆ ಗಮನಿಸಿ. ನೀವು ಒಂದು ಸ್ಮೈಲ್ ಕೊಟ್ರೆ ಅವರೂ ಅಷ್ಟೇ ನಗ್ತಾರೆ. ಹುಬ್ಬುಗಂಟಿಕ್ಕಿ ಮಾತಾಡಲ್ಲ. ಹೇಳಿದ್ದನ್ನೇ ಮತ್ತೆ ಮತ್ತೆ ಹೇಳಕ್ಕೋಗಲ್ಲ. ಬೇರೆಯವರು ಹೇಳಿದ್ದನ್ನ ಕೇಳಿಸ್ಕೋತಾರೆ. ಅವರ ಭಾವನೆಗಳನ್ನ ಅರ್ಥ ಮಾಡ್ಕೋತಾರೆ. ಏನ್ ಮಾತಾಡ್ತಿದ್ದಾರೆ ಅನ್ನೋದ್ರ ಕಡೆಗೆ ಅವರ ಗಮನ ಇರುತ್ತೆ. ಇದ್ರಿಂದ ಅವರು ಕೊಡೋಂತ ಸಲಹೆ ಸೂಚನೆ ನಂಬಲಿಕ್ಕೆ ಸಾಧ್ಯವಾಗುತ್ತೆ. ಆಗ ಆಟೋಮ್ಯಾಟಿಕ್ ಆಗಿ ಜನ ಇಷ್ಟಪಡ್ತಾರೆ.

3. ಬೋರ್ ಆಗೋಹಂಗೆ ಮಾತಾಡಬೇಡಿ, ನಿಮ್ಮ ಮಾತಲ್ಲಿ ಕುತೂಹಲ ಇರಬೇಕು

ಕೆಲವರು ಮಾತಾಡಬೇಕಾದರೆ ಮುಖ ಬೇರೆ ಕಡೆ ತಿರುಗಿಸೋದು, ನನಗೆ ಒಪ್ಪಿಗೆ ಇಲ್ಲಾಂತ ಭಾವನೆಗಳನ್ನ ತೋರಿಸ್ಕೋತಿರ್ತಾರೆ. ಆದರೆ ಎಲ್ಲರಿಗೂ ಇಷ್ಟ ಆಗೋಂತವ್ರು ಈ ರೀತಿ ಮಾಡಲ್ಲ. ಸಂಭಾಷಣೆ, ಮಾತು ಆದಷ್ಟು ಆಸಕ್ತಿಕರವಾಗಿರುವಂತೆ ನೋಡ್ಕೋತಾರೆ. ಇದರಿಂದ ಉಂಟಾಗುವ ಪಾಸಿಟೀವ್ ಎಮೋಷನ್ಸ್ ಇಷ್ಟಪಡೋ ಹಂಗೆ ಮಾಡುತ್ತೆ.

4. ಆದಾಗ ಬೇರೆಯೋರ್ನ ಮುಟ್ಟಿ ಮಾತಾಡಿಸಿ; ಇದ್ರಿಂದ ನಂಬಿಕೆ ವಿಶ್ವಾಸ ಬೆಳೆಯುತ್ತೆ

ಯಾರನ್ನೇ ಆಗಲಿ ಮುಟ್ಟಿ ಮಾತಾಡಿಸೋದ್ರಿಂದ ಇನ್ನಷ್ಟು ಆತ್ಮೀಯತೆ ಬೆಳೆಯುತ್ತೆ. ಮಾತಿಗಿಂತ ಸ್ಪರ್ಶ ಮುಖ್ಯವಾಗುತ್ತೆ. ಸ್ಪರ್ಶಿಸೋದ್ರಿಂದ ಮಾತಲ್ಲಿ ಹೇಳಲಿಕ್ಕಾಗದಂತ 12 ತರದ ಭಾವನೆಗಳು ನಮ್ಮಲ್ಲಿ ಉಂಟಾಗುತ್ತವಂತೆ. ಜನ ಯಾರ್ನ ತುಂಬ ಇಷ್ಟ ಪಡ್ತಾರೋ‌ ಅವರು ಯಾರನ್ನೇ ಆಗಲಿ ಹಾರೈಸಬೇಕಾದ್ರೆ ಬೆನ್ನು ತಟ್ತಾರೆ ಅಥವಾ ಕೈಕುಲುಕ್ತಾರೆ. ಸಂದರ್ಭ ನೋಡ್ಕೊಂಡು ಪ್ರತಿಕ್ರಿಯಿಸ್ತಾರೆ. ಇದ್ರಿಂದ ನಂಬಿಕೆ, ವಿಶ್ವಾಸ ಬೆಳೆಯುತ್ತೆ.

5. ನಿಮ್ಮ ಮಾತಿಗೆ ತಕ್ಕಂಗೆ ಮುಖದ ಭಾವನೆಗಳಿರಲಿ; ಆಗ ಜನ ನುಮ್ಮನ್ನ ಇಷ್ಟಪಡ್ತಾರೆ

ಜನ ಯಾರ್ನ ತುಂಬ ಇಷ್ಟ ಪಡ್ತಾರೋ ಅವರು ಮುಖಭಾವನೆಗಳನ್ನ ವ್ಯಕ್ತಪಡಿಸೋದ್ರಲ್ಲಿ ಎಕ್ಸ್‌ಪರ್ಟ್ ಆಗಿರ್ತಾರೆ. ಅದೆಷ್ಟೇ ಬೋರಿಂಗ್ ಕಥೆಯಾದರೂ ಆಸಕ್ತಿ ಕೆರಳಿಸುವಂತೆ ಹೇಳುವ ಕಲೆ ಇವರಿಗಿರುತ್ತೆ. ಕಥೆ, ಮಾತಿಗೆ ತಕ್ಕಂತೆ ಮುಖದ ಭಾವ ಬದಲಾಗುತ್ತಿರುತ್ತೆ. ಎದುರುಗಡೆ ಇರೋರಿಗೆ ಅವರ ಮಾತಿನ ಶೈಲಿ ಮುಖದ ಭಾವನೆಗಳಿಂದ ಇಷ್ಟ ಆಗ್ತಾರೆ.

6. ಅಯ್ಯೋ ನಾನು ಸಿಲ್ಲಿಯಾಗಿ ಕಾಣ್ತೀನಿ ಅನ್ನೋಂತ ಭಯ ಬಿಟ್ಟು ಎಲ್ಲರ ಜೊತೆ ಬೆರೀರಿ

ಜನ ಯಾರ್ನ ತುಂಬ ಇಷ್ಟ ಪಡ್ತಾರೋ ಅವರು ಅಯ್ಯೋ ನಾನು ಒಡ್ಡೊಡ್ದಾಗಿ ಕಾಣ್ತೀನಿ. ಸಿಲ್ಲಿಯಾಗಿ ಕಾಣ್ತಿದ್ದೀನಿ. ಯಾರು ಏನು ಅಂದ್ಕೋತಾರೋ ಏನೋ ಅಂತ ಭಯ ಬೀಳಲ್ಲ. ಯಾಕಂದ್ರೆ ಜನಕ್ಕೆ ಗೊತ್ತು ಯಾರು ಏನು ಅಂತ. ಒಂದು ವೇಳೆ ಆ ತರದ್ದೆಲ್ಲಾ ಮುಚ್ಚಿಟ್ರೆ ಜನ ನೋಡಿ ನಗೋ ಹಂಗೆ ಆಗುತ್ತೆ ಅಷ್ಟೆ.

7. ತುಂಬ ಪ್ರಶ್ನೆ ಕೇಳಿ; ಕೇಳಕ್ಕೆ ಹಿಂಜರೀಬೇಡಿ

ಜನ ಯಾರ್ನ ತುಂಬ ಇಷ್ಟ ಪಡ್ತಾರೋ ಅವರು ಪ್ರಶ್ನೆ ಕೇಳೋದರಲ್ಲಿ ನಿಪುಣರಾಗಿರ್ತಾರೆ. ಪ್ರಶ್ನೆಗಳನ್ನ ಜಾಸ್ತಿ ಕೇಳಿ ನಿಮ್ಮ ಬಗ್ಗೆ ಹೆಚ್ಚಾಗಿ ಮಾತಾಡ್ತಾರೆ. ಪ್ರಶ್ನೆ ಕೇಳೆಕ್ಕೆ ಯಾವುದೇ ಹಿಂಜರಿಕೆ ಇರಲ್ಲ. ಎಲ್ಲವನ್ನೂ ಓಪನ್ ಆಗಿ ಹೇಳ್ಕೋತಾರೆ. ಇದ್ರಿಂದ ನೀವು ಏನ್ ಯೋಚ್ನೆ ಮಾಡ್ತಿದ್ದೀರಿ ಅನ್ನೋದ್ರ ಜೊತೆಗೆ ಇಬ್ಬಾ ನಡುವೆ ಒಳ್ಳೆ ನಂಬಿಕೆ ಬರೋ ತರಹ ಮಾಡುತ್ತೆ. ಯಾವುದೇ ವ್ಯಕ್ತಿಯನ್ನ ಮೀಟ್ ಆದಾಗ ಜಾಸ್ತಿ ಪ್ರಶ್ನೆ ಕೇಳ್ತಾರೆ. ಅವರಲ್ಲೂ ಇರೋಂತ ಕಾಮನ್ ಗುಣ, ವಿಷಯಾನ ಹೇಳ್ಕೋತಾರೆ. 

8. ಒಂದೇ ಒಂದ್ಸಲ ಮೀಟ್ ಆಗಿದ್ರೂ ಹೆಸರನ್ನ ಮಾತ್ರ ಮರೀಬೇಡಿ

ಜನ ಯಾರ್ನ ಇಷ್ಟ ಪಡ್ತಾರೋ ಅವರು ಚೆನ್ನಾಗಿ ಹೆಸರು ನೆನಪಲ್ಲಿಟ್ಕೋತಾರೆ. ಅಷ್ಟೇ ಅಲ್ಲ ಸಣ್ಣಪುಟ್ಟ ಸಂಗತಿಗಳನ್ನ ಕರಾರುವಕ್ಕಾಗಿ ಹೇಳ್ತಾರೆ. ಯಾವಾಗ್ಲೋ ಒಂದ್ಸ ಮೀಟ್ ಆಗಿದ್ರೂ ಹೆಸರು ಜ್ಞಾಪಕ ಇಟ್ಕೊಂಡಿರ್ತಾರೆ. ಇದ್ರಿಂದ ಅವರನ್ನ ಇಷ್ಟಪಡೋಕೆ ಸಾಧ್ಯವಾಗುತ್ತೆ. ಮಾತುಕತೆ ಇನ್ನಷ್ಟು ಸೊಗಸಾಗಿ ಸಾಗೋ ತರಹ ಆಗುತ್ತೆ. ಎದುರುಗಡೆ ಇರೋಂತ ವ್ಯಕ್ತಿಯಲ್ಲಿ ಯಾವಾಗ್ಲೂ ಪಾಸಿಟೀವ್ ಗುಣಗಳನ್ನೇ ನೋಡ್ತಿರ್ತಾರೆ. ಅವರ ಗೆಳೆಯ, ಸಂಬಂಧಿ, ಸಾಕು ನಾಯಿ ಹೆಸರು ಜ್ಞಾಪಕ ಇಟ್ಕೊಂಡಿರ್ತಾರೆ. 

9. ಮಾತು ಕಡಿಮೆ ಮಾಡಿ ಕೇಳಿಸಿಕೊಳೋದು ಜಾಸ್ತಿ ಮಾಡಿ

ಸುಮಾರು ಮಂದಿ ಬೇರೆಯೋರು ಹೇಳೋದನ್ನ ಕೇಳಿಸ್ಕೊಳ್ಳೋದೆ ಇಲ್ಲ. ಅವರವರಿಗೆ ತೋಚಿದ್ದನ್ನ ಮಾತಾಡ್ತಿರ್ತಾರೆ. ಜನಕ್ಕೆ ಇಷ್ಟ ಆಗೋ ಅಂತಾವ್ರು ಮೊದ್ಲು ಕಿವಿಗೊಟ್ಟು ಕೇಳಿಸ್ಕೋತಾರೆ, ಅರ್ಥ ಮಾಡ್ಕೋತಾರೆ. ಆಮೇಲೆ ತಮ್ಮಲ್ಲಿನ ಕಾಮನ್ ವಿಚಾರಗಳೊಂದಿಗೆ ತಾಳೆ ಮಾಡ್ಕೊಂಡು ಮಾತಾಡ್ತಾರೆ. ಆಗ ಸಂಬಂಧಗಳು ಚೆನ್ನಾಗಿರ್ತಾರೆ ಅಲ್ವಾ? ಜನ ಇಷ್ಟ ಪಡೋಂತ ವ್ಯಕ್ತಿಗಳು ಮಾಡೋದು ಇದಿನ್ನೇ.

 

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ಮನಸಲ್ಲಿ ಇಲ್ಲ ಅಂತಿದ್ರೂ ಹೊರಗೆ ಹೂಂ ಅಂತಿದ್ದೀರಾ? ಇಲ್ಲ ಅನ್ನೋದು ಹೇಗೆ ಅಂತ ಕಲೀರಿ

"ಅಯ್ಯೋ ಬೇಜಾರು ಮಾಡ್ಕೊಂಡು ಬಿಟ್ರೆ"

ನಮ್ಮಲ್ಲಿ ಸುಮಾರು ಜನ ಬೇರೇವ್ರಿಗೆ ಅಂತಾನೇ ಬದುಕ್ತಾರೆ. ಎಲ್ಲರಿಗೂ ಸಮಯ ಮಾಡ್ಕೊತಾರೆ, ಎಲ್ಲರ ಬೇಡಿಕೆ ಪೂರೈಸ್ತಾರೆ, ಮಿತಿ ಮೀರಿ ತಮಗೆ ಆಗದಿದ್ರೂ ಒಪ್ಕೊಂಡ ಕೆಲಸ ಮಾಡ್ತಾರೆ, ಕಡೆಗೆ ತಮಗೆ ಅಂತ ತಮ್ಮ ಜೀವನದಲ್ಲೇ ಸ್ವಲ್ಪ ಸಮಯ ಇಲ್ದೆ ಆಗತ್ತೆ. ಇದೆಲ್ಲದಕ್ಕೂ ಕಾರಣ ’ಇಲ್ಲ’ ಅನ್ನೋಕ್ಕೆ ಹಿಂಜರಿಕೆ.

ನೀವೂ ಹೀಗೇ ಮಾಡ್ತೀರಾ? ಹಾಗಾದ್ರೆ ನೀವು ನಿಮ್ಮ ಜೀವನದಲ್ಲಿ ನಿಜವಾಗಿ ಮಾಡಬೇಕು ಅನ್ಕೊಂಡಿದ್ದೇ ಬೇರೆ, ನೀವು ಮಾಡ್ತಿರೋದೇ ಬೇರೆ ಆಗಿರತ್ತೆ. ಇಡೀ ದಿನ ಪುರಸೊತ್ತಿಲ್ಲದೇ ದುಡಿದ್ರೂ ನಿಮ್ಮಲ್ಲಿ ತೃಪ್ತಿ ಕಮ್ಮಿ ಆಯಾಸ ಜಾಸ್ತಿ ಕಾಣ್ಸತ್ತೆ. ಇದಕ್ಕೆ ಪರಿಹಾರ ಏನಂದ್ರೆ, ’ಇಲ್ಲ’, ’ಆಗಲ್ಲ’ ಅಂತ ಹೇಳೋ ಅಭ್ಯಾಸ ಮಾಡ್ಕೊಳೋದು. ಆಗ ಬೇರೇವ್ರ ಕೆಲಸ ಮಾಡೋದು ಕಮ್ಮಿ ಆಗಿ ನಮಗೆ ಬೇಕಾದ ಕೆಲಸ ಮಾಡೋಕ್ಕೆ ಸಮಯ ಸಿಗತ್ತೆ. ತುಂಬಾ ಕೆಲಸಗಳನ್ನ ಮಾಡೋ ಬದಲು ಮುಖ್ಯವಾದ ಕೆಲಸಗಳನ್ನ ಖುಷಿಯಿಂದ ಮಾಡಬಹುದು. ಹೀಗೆ ಮಾಡೋದ್ರಿಂದ ನೀವೂ ಖುಷಿಯಾಗಿರ್ತೀರಿ, ಯಾರಿಗೂ ನಿಮ್ಮಿಂದ ನಿರಾಸೆ ಕೂಡ ಆಗಲ್ಲ.

ಯಶಸ್ವಿಯಾದೋರು ’ಇಲ್ಲ’ ಅನ್ನೋಕ್ಕೆ ಭಯ ಪಡಲ್ಲ

’ಇಲ್ಲ’ ಅನ್ನೋದ್ರಿಂದ ನಿಮ್ಮ ದೃಷ್ಟಿಕೋನ ಬದಲಾಗತ್ತೆ. ಏನು ಮಾಡ್ಬೋದು ಅನ್ನೋಕ್ಕಿಂತ ಏನು ಮಾಡಬೇಕು ಅಂತ ಯೋಚಿಸ್ತೀರಿ. ಜೀವನ ಬಂದ ಹಾಗೆ ತೊಗೊಳೋ ಬದಲು, ನಿಮಗೆ ಬೇಕಾದ ಜೀವನ ರೂಪಿಸ್ಕೊಳೋ ಕಡೆ ಗಮನ ಹರಿಸ್ತೀರಿ. ಓಪ್ರಾ ವಿನ್ಫ್ರೀ ಅವರೂ ಸಹ ಹೂಂ ಅಂದೂ ಅಂದೂ ಅನುಭವಿಸಿ, ಬಹಳ ತಡವಾಗಿ ತಮಗೇನು ಬೇಕು ಅನ್ನೋ ಕಡೆ ಗಮನ ಹರಿಸಿದ್ದಂತೆ. ವಾರೆನ್ ಬುಫೆ ಪ್ರಕಾರ ಯಶಸ್ವಿ ವ್ಯಕ್ತಿಗಳು ಹೂಂ ಅನ್ನೋಕ್ಕಿಂತ ಇಲ್ಲ ಅನ್ನೋದೇ ಹೆಚ್ಚಂತೆ.

ಯಾಕೆ ಹೂಂ ಅನ್ನೋ ಒತ್ತಡ?

i.kinja-img.com

ಚಿಕ್ಕಂದಿನಿಂದ ಸ್ಕೂಲ್ ಮುಗಿಸೋಕ್ಕೆ, ಕಾಲೇಜ್ ಅಲ್ಲಿ ಪಾಸಾಗೋಕ್ಕೆ, ಕೆಲಸ ಪಡೆಯೋಕ್ಕೆ, ಪ್ರೋಮೋಶನ್ ಪಡೆಯೋಕ್ಕೆ, ಸಂಬಂಧ ಬೆಳೆಸೋಕ್ಕೆ, ಸ್ನೇಹಿತರನ್ನ ಉಳಿಸಿಕೊಳ್ಳೋಕ್ಕೆ ಹೀಗೆ ಎಲ್ಲದಕ್ಕು ಹೂಂ ಅಂತ ಹೇಳ್ತಾನೇ ಬಂದಿದೀವಿ. ನಮ್ಮನ್ನ ಬೆಳ್ಸಿರೋದು ಹಾಗೇನೆ. ಬೇರೇವ್ರಿಗೆ ಸಹಾಯ ಮಾಡಬೇಕು, ಇಲ್ಲ ಅನ್ನೋದು ತಪ್ಪು, ಕೈಲಾಗೋದಕ್ಕಿಂತ ಜಾಸ್ತಿ ಮಾಡಿದ್ರೆ ಯಶಸ್ಸು ಸಿಗತ್ತೆ, ದೊಡ್ದವರಿಗೆ ಇಲ್ಲ ಅನ್ಬಾರ್ದು, ಇಂಥ ಮಾತುಗಳನ್ನೇ ಪಾಲಿಸ್ತಾ ಇದ್ದೀವಿ. ಬೇರೇವ್ರ ಮಾತು ಅಷ್ಟೇ ಅಲ್ಲ, ನಮ್ಮ ಮೇಲೆ ನಾವೇ ಒತ್ತಡ ಹೇರಿಕೊಳ್ತೀವಿ ಕೂಡ. ಬೇರೇವ್ರಿಗಿಂತ ಜಾಸ್ತಿ ಕೆಲಸ ಮಾಡಬೇಕು ಅನ್ನೋ ತುಡಿತ, ಎಲ್ಲರಿಗೂ ಸಾಕಷ್ಟು ಸಮಯ ಕೊಡಬೇಕು ಅನ್ನೋ ಆಸೆ ನಮ್ಮ ಬಾಯಿಗೆ ಬೀಗ ಹಾಕತ್ತೆ. ಒಟ್ನಲ್ಲಿ ಎಷ್ಟೇ ಮಾಡಿದ್ರೂ ಇನ್ನೂ ಮಾಡಬಹುದಿತ್ತು ಅಂತಾನೇ ಅನ್ಸತ್ತೆ.

'ಇಲ್ಲ' ಅನ್ನೋದು ಹೇಗೆ?

’ಇಲ್ಲ’ ಅನ್ನೋದು ಅಷ್ಟು ಸುಲಭ ಅಲ್ಲ. ಆದರೆ ಅದರಿಂದ ಆಗೋ ಲಾಭಗಳು ಬಹಳಷ್ಟು. ’ಇಲ್ಲ’ ಅನ್ನೋದು ರೂಢಿ ಮಾಡ್ಕೊಳೋಕ್ಕೆ ಈ ಸಲಹೆಗಳನ್ನ ಪಾಲಿಸಿ:

1. ಯಾರದ್ದೋ ಹಂಗಿಗೆ ಸಿಲುಕಿ ಹೂಂ ಅನ್ಬೇಡಿ

ಯಾರದ್ದೋ ಹಂಗಿಗೆ ಸಿಲುಕಿ, ’ಇಲ್ಲ ಅಂದ್ರೆ ಏನ್ ಅನ್ಕೊಳ್ತಾರೋ’ ಅಂತ ಹೂಂ ಅಂತಿದ್ದೀರಾ? ನಿಜವಾಗಿ ಅದು ನಿಮ್ಮ ಜವಾಬ್ದಾರಿ ಹೌದಾ ಅಲ್ವಾ ಅಂತ ಯೋಚಿಸಿ. ಅದಕ್ಕೂ ಮುಖ್ಯವಾದ, ನಿಮಗೆ ಸಂಬಂಧ ಪಟ್ಟ ಜವಾಬ್ದಾರಿಗಳು ಇದ್ಯಾ ಅಂತ ಯೋಚನೆ ಮಾಡಿ.

2. ವಿಷಯಗಳನ್ನ ತಿಳ್ಕೊಳೋ ಅವಕಾಶ ತಪ್ಪಿ ಹೋಗತ್ತೆ ಅನ್ನೋ ಭಯ ಬೇಡ

ಕೆಲಸ ಮಾಡಿಲ್ಲ ಅಂದ್ರೆ ವಿಷಯಗಳು ತಿಳಿಯಲ್ಲ, ಏಳಿಗೆ ಆಗಲ್ಲ ಅನ್ನೋ ಭಯ. ಕುಟುಂಬ, ಸ್ನೇಹಿತರಿಗೆ ಸಮಯ ಕೊಡದೆ ಇದ್ರೆ ಅವರ ಜೊತೆ ಮಜಾ ಮಾಡೋಕ್ಕಾಗಲ್ಲ ಅನ್ನೋ ಕೊರಗು ನಿಮ್ಮಲ್ಲಿದ್ರೆ ’ಇಲ್ಲ’ ಅನ್ನೋದು ಕಷ್ಟಾನೇ. ನಾವು ಮನಸ್ಸಿಂದ ಹೂಂ ಅಂತಿದೀವಾ ಅಥವಾ ಈ ಭಯದಿಂದಾನಾ ಅಂತ ಯೋಚನೆ ಮಾಡೋದು ಮುಖ್ಯ. ಇಂಥ ಭಯಗಳಿಂದ ಒಳ್ಳೇದೇನೂ ಆಗಲ್ಲ.

3. ಏನ್ ಅನ್ಕೊಳ್ತಾರೋ ಅನ್ನೋ ಅಳುಕು ಬೇಡ

’ಇಲ್ಲ’ ಅಂದ್ರೆ ಏನ್ ಅನ್ಕೊಳ್ತಾರೋ, ಎಷ್ಟು ಬೇಜಾರು ಮಾಡ್ಕೊಳ್ತಾರೋ ಅಂತ ಹೂಂ ಅನ್ನಬೇಡಿ. ಯಾರಿಗೋ ನಿರಾಸೆ ಆಗಬಾರದು ಅಂತೆ ನೀವೇ ನಿರಾಶರಾಗೋದು ಸರಿಯೇ? ’ಇಲ್ಲ’ ಅಂದ್ರೆ ನಿಮಗೆ ಅಷ್ಟು ಸಮಯ ಕೊಡೋಕ್ಕಾಗಲ್ಲ ಅನ್ಕೊತಾರೆ ಅಷ್ಟೆ.

4. ಕೇಳಿದ ತಕ್ಷಣ ಹೂಂ ಅನ್ಬೇಡಿ

sarumbear.com
ಆ ಸಮಯದಲ್ಲಿ ಸರಿ ಅನ್ಸಿ ಅಥವಾ ಒತ್ತಡದಲ್ಲಿ ಹೂಂ ಅನ್ನೋದರ ಬದಲು ಸ್ವಲ್ಪ ಯೋಚನೆ ಮಾಡಿ. ನಿಮ್ಮ ಕೈಯಲ್ಲಿ ಈ ಕೆಲಸ ಆಗತ್ತಾ? ಅದಕ್ಕೆ ಸಾಕಷ್ಟು ಸಮಯ ಇದ್ಯಾ? ಎಲ್ಲಾ ಯೋಚನೆ ಮಾಡಿ ಆಮೇಲೆ ನಿಮ್ಮ ಉತ್ತರ ಹೇಳಿ.

5. ’ಇಲ್ಲ’ ಅಂತ ವಿನಯದಿಂದ ಹೇಳಿ

’ಇಲ್ಲ’ ಅಂತ ಹೇಳೋ ನಿರ್ಧಾರ ಮಾಡಿದ್ರೆ ಅದನ್ನ ಹೇಗೆ ಹೇಳೋದು ಅಂತ ಕೂಡ ಸರಿಯಾಗಿ ಯೋಚಿಸಿ. ನಿಮ್ಮ ಬಳಿ ಸಮಯ ಇಲ್ಲ, ಅದಕ್ಕೆ ನೀವು ನಿರಾಕರಿಸ್ತಿದೀರ ಅನ್ನೋದು ಆ ವ್ಯಕ್ತಿಗೆ ಸ್ಪಷ್ಟವಾಗಿ ಅರ್ಥ ಆಗಬೇಕು. ಏನೂ ಹೇಳದೇ ಸುಮ್ಮನೆ ಇರೋದು ತಪ್ಪು. ಹಾಗಂತ ತುಂಬಾ ಉದ್ದ ಕಾರಣಗಳನ್ನ ಕೊಡೋದೂ ತಪ್ಪು. ಚಿಕ್ಕದಾಗಿ, ಚೊಕ್ಕವಾಗಿ ವಿನಯದಿಂದ ಮಾತಾಡಿ. ಮತ್ತೊಮ್ಮೆ ಸಮಯ ಇದ್ದಾಗ ಅವರ ಕೆಲಸ ಮಾಡೋಕ್ಕೆ ಸಿದ್ಧ ಅನ್ನಿ. ಆಗ ಮುಂಬರೋ ಅವಕಾಶಗಳು ತಪ್ಪಿ ಹೋಗಲ್ಲ.

6. ’ಇಲ್ಲ’ ಅನ್ನೋ ಬದಲು ’ಆದರೆ’ ಅಂತ ಹೇಳಿ ನೋಡಿ

hrinasia.com
ಒಂದೇ ಸಲ ’ಇಲ್ಲ’ ಅನ್ನೋ ಬದಲು. ’ಸರಿ, ಆದರೆ..’ ಅಂತ ನಿಮ್ಮ ಬೇಡಿಕೆ ಅವರ ಮುಂದೆ ಇಡಿ. “ಈಗಲೇ ಆಗಲ್ಲ ಆದರೆ ಮುಂದೆ ಮಾಡ್ತೀನಿ” ಅಂತ ಅಥವಾ “ಮಾಡ್ತೀನಿ, ಆದರೆ ಒಂದು ಭಾಗ ಮಾತ್ರ ಸಾಧ್ಯ” ಅಂತ ಹೇಳಿ.

’ಇಲ್ಲ’ ಅನ್ನೋದು ಒಂದು ಕಲೆ

’ಇಲ್ಲ’ ಅನ್ನೋ ಕಲೆ ಆರಾಮ ಅಥವಾ ಸುಲಭ ಅಲ್ಲ. ಅದನ್ನ ರೂಢಿ ಮಾಡ್ಕೊಳ್ಳೋಕ್ಕೆ ಸಮಯ ಮತ್ತು ಸಮಾಧಾನ ಬೇಕು. ಎಲ್ಲಾದಕ್ಕೂ ಹೂಂ ಅನ್ನೋ ಅಭ್ಯಾಸದೋರಿಗೆ ಇದು ಕಷ್ಟ.

ನಿಮ್ಮ ಸಮಯ ನಿಮ್ಮ ಸ್ವತ್ತು

ablueribbonresume.com
ನಿಮಗಿರೋ ಸಮಯದಲ್ಲಿ ಏನೇನು ಕೆಲಸ ಮಾಡಬೇಕು, ಯಾವ್ದಕ್ಕೆ ಎಷ್ಟು ಸಮಯ ಕೊಡ್ಬೇಕು ಎಲ್ಲ ನಿಮಗೆ ಬಿಟ್ಟು ಬೇರೆ ಯಾರಿಗೂ ಗೊತ್ತಿರಲ್ಲ.

ಬೇಡದ್ದಕ್ಕೆ ಇಲ್ಲ ಅಂದ್ರೆ ಬೇಕಾದ್ದು ಮಾಡಕ್ಕೆ ಸಮಯ ಸಿಗತ್ತೆ

ನಿಮ್ಮ ಅಮೂಲ್ಯವಾದ ಸಮಯವನ್ನ ಸರಿಯಾಗಿ ಬಳಸೋ ಅವಕಾಶ ನಿಮಗೆ ನೀವು ಕೊಟ್ಕೊಳಿ. ಇಲ್ಲ ಅನ್ನಿಸ್ದಾಗ ’ಇಲ್ಲ’ ಅನ್ನೋದ್ರಿಂದ ಅದು ಸಾಧ್ಯ.

ನಿಮ್ಮ ಒಳ್ಳೆಯತನ ದುರುಪಯೋಗ ಪಡೆಸ್ಕೊಳೋ ಸ್ನೇಹಿತರಿಗೆ, ಮಿತಿ ಮೀರಿ ಕೆಲಸ ಕೊಡೋ ಬಾಸ್, ಸಾಲ ವಾಪಸ್ ಮಾಡದೇ ಇರೋ ಸಂಬಂಧಿಗೆ ಈ ಸಲ ಇಲ್ಲ ಅನ್ನೋದನ್ನ ಮರೀಬೇಡಿ.

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: