ನಿಜವಾದ ಗಂಡಸರು ಯಾವುದೇ ಕಾರಣಕ್ಕೂ ಹೆಂಗಸರ ಜೊತೆ ಈ 8 ರೀತಿಯಲ್ಲಿ ನಡ್ಕೊಳಲ್ಲ

ಬರಿ ಗಡ್ಡ ಮೀಸೆ ಇದ್ರೆ ಗಂಡ್ಸಾಗಕ್ಕಾಗಲ್ಲ

ಗಡ್ಡ ಮೀಸೆ ಬಂತಕ್ಷಣ ಗಂಡಸು ಅಂತ ಅನ್ನಕ್ ಆಗಲ್ಲ ಸ್ವಾಮಿ, ಗಂಡಸು ತನ್ನ ಜೀವನದಲ್ಲಿ ಯಾವತ್ತು ನಿಜ್ವಾಗ್ಲೂ ಗಂಡ್ಸಾಗ್ತಾನೆ? ಎಷ್ಟೋ ಜನ ಸಣ್ಣ ವಯ್ಸಲ್ಲೆ ದೊಡ್ಡೋರಾಗ್ತಾರೆ, ಎಷ್ಟೋ ಜನ ಎಷ್ಟ್ ವಯಸ್ಸಾದ್ರೂ ಇನ್ನು ಎಳ್ಸ್ ಎಳಸಾಗ್ ಆಡ್ತಿರ್ತಾರೆ. ನಿಜವಾಗಿ ಗಂಡ್ಸಾದೋನು ಹೆಂಗಿರ್ತಾನೆ ಅಂತ ಗೊತ್ತಾ, ಅವ್ನು ಯಾವತ್ತು ಈ ೮ ಕೆಲ್ಸಾನ ಮಾಡಲ್ಲ. ಯಾವ್ದು ಅಂತ ತಿಳ್ಕೊಳಿ.

1. ಹೆಂಗಸಿಗೆ ನೀನು ನೋಡಕ್ಕೆ ಹಾಗಿರ್ಬೇಕು, ಹೀಗಿರ್ಬೇಕು ಅಂತ ಹೇಳಲ್ಲ 

ನಿಜ್ವಾದ್ ಗಂಡ್ಸಾದೋನು ಹೆಂಗಸಿಗೆ ನಿನ್ ತಲೆಕೂದ್ಲು ಹಿಂಗ್ ಮಾಡ್ಕೋ, ನೀ ಈ ಡ್ರೆಸ್ಸೆ ಹಾಕ್ಕೊ, ನೀ ಸಣ್ಣ ಆಗು, ನೀ ಈ ತರಾನೆ ಇರ್ಬೇಕು, ಹೀಗೆಲ್ಲ ಯಾವತ್ತು ಹೇಳೋದಿಲ್ಲ. ತನ್ನ ಸ್ವಾರ್ಥಕ್ಕೋಸ್ಕರ ಹೆಂಗಸಿನ ಆತ್ಮವಿಶ್ವಾಸಾನ ಸ್ವಾಭಿಮಾನಾನ ಯಾವತ್ತು ಹಾಳುಮಾಡೋದಿಲ್ಲ.

2. ಹೆಂಗಸಿನ ಸ್ವಂತ ವಿಷಯ ಸುಮ್ ಸುಮ್ನೆ ಕೆದುಕಲ್ಲ

ನಿಮ್ಮ ಮಧ್ಯೆ ಯಾವುದೇ ಗುಟ್ಟಿರಲ್ಲ, ಎಲ್ಲ ವಿಷಯಾನು ಹೇಳ್ಕೋತೀರಾ. ನಿಜವಾದ ಗಂಡಸು ಯಾವತ್ತು ಹೆಂಗಸಿನ  ಫೋನು, ಡೈರಿ ಇವನ್ನೆಲ್ಲ ಚೆಕ್ ಮಾಡಲ್ಲ. ಸುಮ್ ಸುಮ್ನೆ ಸಂಶಯ ಪಡಲ್ಲ.

3. ಎಂಥ ಕಷ್ಟ ಬಂದರೂ ಓಡೋಗಲ್ಲ 

ನಾವೆಲ್ಲಾ ಟೀನೇಜಲ್ಲಿ ಏನಾದ್ರು ಕಷ್ಟ ಬಂದ್ರೆ ತಪ್ಪುಸ್ಕೊಳಕ್ಕೆ ನೋಡ್ತಿದ್ವಿ, ಆದ್ರೆ ಒಬ್ಬ ಜವಾಬ್ದಾರಿ ಇರೋ ಗಂಡಸು ತಪ್ಪುಸ್ಕೊಳಲ್ಲ. ಕಷ್ಟ ಬಂದಾಗ ಅದನ್ನ ಎದುರಿಸಿ ನಿಲ್ಲಬೇಕು ಅಂತ ಅವನಿಗೆ ಗೊತ್ತಿರತ್ತೆ. ಯಾವತ್ತೂ ಓಡೋಗೋಬುದ್ದಿ ಅವ್ನಿಗೆ ಇರಲ್ಲ.

4. ಭಾವನೆ ವ್ಯಕ್ತಪಡಿಸೋದನ್ನ ದೌರ್ಬಲ್ಯ ಅಂದ್ಕೊಳಲ್ಲ

ಗಂಡಸು ಅಳ್ತಿದ್ರೆ, ಥು ಅಳ್ತಿದೀಯಾ ಗಂಡ್ಸ ನೀನು ಅಂತ ಕೇಳ್ತಾರೆ. ಆದ್ರೆ ನಿಜವಾದ ಗಂಡಸು ಖುಷಿಯಾದಾಗ ಖುಷಿ ಪಡ್ತಾನೆ, ನೋವಾದಾಗ ಅಳ್ತಾನೆ, ತನ್ನ ಭಾವನೇನ ವ್ಯಕ್ತಪಡುಸ್ತಾನೆ. ಅಳೋರೆಲ್ಲ ಕೈಲಾಗ್ದೋರು ಅಂತ ಯಾವತ್ತೂ ಅಂದುಕೊಳಲ್ಲ.

5. ಬರಿ ಇವತ್ತಿನ ಬಗ್ಗೆ ಯೋಚ್ನೆ ಮಾಡಲ್ಲ 

ಯರ್ರಾ ಬಿರ್ರಿ ಬೇಡದೆ ಇರೋದಕ್ಕೆಲ್ಲ ಖರ್ಚ್ ಮಾಡಲ್ಲ. ದುಂದು ವ್ಯಚ್ಚ ಮಾಡಲ್ಲ. ನಾಳೆ ಬಗ್ಗೆ, ಮುಂದಿನ ದಿನಗಳ ಬಗ್ಗೆ ಯೋಚ್ನೆ ಮಾಡಿ ದುಡ್ಡನ್ನ ಖರ್ಚ್ ಮಾಡ್ತಾನೆ. ಸುಮ್ನೆ ಪಾರ್ಟಿ ಮಾಡದು, ಅವಶ್ಯಕತೆ ಇಲ್ಲದೆ ಇದ್ರೂ ತೊಗೊಳೋದು ಹೀಗೆಲ್ಲ ದುಡ್ಡನ್ನ ಉಡಾಯ್ಸಲ್ಲ.

6. ಹೆಂಡ್ತೀಗಿಂತ ಸ್ನೇಹಿತರೇ ಮುಖ್ಯ ಅಂತ ಹೇಳಲ್ಲ 

ಸ್ನೇಹಿತರ ಜೊತೆ ಅಷ್ಟೇ ಚೆನ್ನಾಗಿರ್ತಾನೆ, ಅಷ್ಟೇ ಮಜಾ ಮಾಡ್ತಾನೆ, ಸುತ್ತಾಡ್ತಾನೆ ಆದ್ರೆ ಹೆಂಡ್ತೀಗೂ ಅಷ್ಟೇ ಪ್ರಾಮುಖ್ಯತೆ ಕೊಡ್ತಾನೆ. ಯಾವತ್ತೂ ಸ್ನೇಹಿತರು ಹೇಳಿದ್ದೆ ವೇದವಾಕ್ಯ ಅಂತ ಆಡಲ್ಲ. ಹೆಂಡತಿ ಮಾತಿಗೆ ಗೌರವ ಕೊಡ್ತಾನೆ.

7. ಯಾವತ್ತೂ ಅಮ್ಮ ಹೇಳಿದ ಮಾತಿಗೆ ಬೆಲೆ ಕೊಡದೆ ಇರಲ್ಲ 

ಅಮ್ಮ ಹೇಳಿದ ಮಾತಿಗೆ ಅಷ್ಟ್ ಬೆಲೆ ಕೊಡ್ತಾನೆ. ಏನೇ ಆಗ್ಲಿ ತಾಯೀನೇ ಸರ್ವಸ್ವ. ಅಮ್ಮ ಅಂದ್ರೆ ಜೀವ ಕೊಡಕ್ಕೂ ಸಿದ್ದ. ಯಾವತ್ತೂ ಅಮ್ಮ ಹಾಕಿದ್ ಗೆರೆ ದಾಟಲ್ಲ.

8. ಹೆಂಗಸಿಗೆ ತುಂಬಾ ಮರ್ಯಾದೆ ಕೊಡ್ತಾನೆ, ಯಾವದೇ ಕಾರಣಕ್ಕೂ ಕೈ ಮಾಡಲ್ಲ 

ನಿಜವಾದ ಗಂಡಸು ಯಾವತ್ತೂ ಹೆಣ್ಣಿನ ಮೇಲೆ ಕೈ ಮಾಡಲ್ಲ, ಅಷ್ಟೇ ಅಲ್ಲ ಯಾವದೇ ರೀತಿ ಹಿಂಸೆ ಮಾಡಲ್ಲ. ಬರಿ ಹೊಡಿಯೋದು, ಬಯ್ಯೋದು ಅಂತಲ್ಲ, ಯಾವತ್ತೂ ಹೆಣ್ಣಿನ ಮನಸನ್ನ ನೋಯಿಸೋಲ್ಲ.

ಇಂಥ ಗಂಡಸರು ಬೇಕು. ಸರೀನಾ?

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ಕೆಟ್ಟ ಅಭ್ಯಾಸ ನಿಲ್ಲಿಸೋದಕ್ಕಿಂತ ಒಂದು ಒಳ್ಳೆ ಅಭ್ಯಾಸ ಶುರು ಮಾಡ್ಕೊಳ್ಳೊದು ಸುಲಭ ಯಾಕೆ ತಿಳ್ಕೊಳಿ

ಕೆಟ್ಟ ಅಭ್ಯಾಸ ತಾನೇ ನಿಂತೋಗತ್ತೆ :-)

ಕಿಟ್ಕಿ ನೋಡಿದ್ರೆ ಅವಕಾಶಗಳು ಕೈ ಬೀಸಿ ಕರೀತಾ ಇವೆ ಅನ್ಸತ್ತೆ , ಬಾಗಿಲು ಮುಚ್ಚಿದ್ರೆ ಒಳ್ಗಡೆಯಿಂದ ಲಾಕ್ ಆಗಿಲ್ಲ ಅನ್ನೋ ಆತ್ಮವಿಶ್ವಾಸ ಪುಟಿದೇಳತ್ತೆ , ಗಡಿಯಾರ ನೋಡ್ತಾ ಇದ್ರೆ ಸಮಯ ಅತ್ಯಮೂಲ್ಯ ಅನ್ಸತ್ತೆ , ಫ್ಯಾನ್ ನೋಡಿದ್ರೆ ಪ್ರತಿ ಗಾಳಿಯು ನಮ್ಮ ಉಸಿರಾಟಕ್ಕೆ ಸಹಾಯ ಮಾಡ್ತಾ ಇದೆಯಲ್ಲ ಅನ್ಸತ್ತೆ  ಆದ್ರೆ ಬೆಡ್ ನೋಡಿದ್ರೆ ಮಲ್ಗಬೇಕು ಅನ್ಸತಾ ಅಲ್ವಾ ? ಎನ್ ಮಾಡ್ಲಿ  ಮಲಗ್ಲಾ ? ಇದೊಂದೇ ಅಲ್ಲ ಇನ್ನೂ ಕೆಳ್ಗೆ ಹೋಗ್ನೋಡಿ. 

ಉದಾಹರಣೆ ಒಂದು :  "ನಾನ್ ಎಷ್ಟ್ ಸಲ ಬಡ್ಕೊಂಡಿದ್ದೀನಿ , ಅವ್ರ ಮನೇಲ್ ಹೋಗಿ ಊರಿಂದೆಲ್ಲಾ ವಿಷ್ಯ ಮನೆಗೆ ತಗೊಂಡ್ ಬಂದ್ , ನನ್ ಜೊತೆ ಮಾತಾಡ್ಬೇಡ್ ಅಂತ . ನಂದೇ ನಂಗೆ ಜಾಸ್ತಿಯಾಗಿದೆ  . ಅದ್ರಲ್ಲಿ ಇದೊಂದು"

ಉದಾಹರಣೆ ಎರಡು :    " ಪುಣ್ಯಾತ್ಮ ಕರೆಂಟ್ ಬಿಲ್ಲ್ ಕಟ್ಟೋದು ನಾವೇ . ಸ್ನಾನ ಮಾಡಿದ್ಮೇಲೆ  ಆ ಗೀಸರ್ ಆಫ್ ಮಾಡೋಕೆ ನಿಂಗೆ ನೆನಪಿರಲ್ವಾ. ಕಳೆದ ತಿಂಗಳಿನ ಬಿಲ್ಲನ್ನ ಇನ್ನೂ ಕಟ್ಟಿಲ್ಲ ಅಲ್ವಾ ನೀನು  " 

ಉದಾಹರಣೆ ಮೂರು : " ನಾನ್ ಎನ್ ಹೇಳಿದ್ದೀನಿ ಅಂತ ನಿಂಗ್  ನೆನಪಿದೆಯಾ ? ಕೆಲ್ಸ ಮಾಡೋವಾಗ ಮೊಬೈಲನ್ನ ಬಳ್ಸಬಾರ್ದಂತ ಹೇಳಿದ್ದಿನಿ ತಾನೆ" 

ಉದಾಹರಣೆ ನಾಲ್ಕು : " ಯಾವಾಗ್ ನೋಡಿದ್ರೂ ಟಿ ವಿ ನೋಡ್ತಾ ಇರ್ತೀಯಾ ಮಾಡ್ಲಿಕ್ಕೆ ಬೇರೆ ಎನೂ ಕೆಲ್ಸ ಇಲ್ವಾ ನಿಂಗೆ " 

ಹೀಗೆ ಸೇರ್ಸತಾ ಹೋದ್ರೆ ಇವತ್ತಿಗೆ ಮುಗೀಯಲ್ಲಾರಿ ಇದು. ದಿನನಿತ್ಯ ನಾವ್ ಮಾಡೋ ಈ ಕೆಲ್ಸಗಳು ನಮ್ಗೆ ತಪ್ಪು ಅನ್ಸಲ್ಲ. ಆದ್ರೆ ಬೇರೆಯವ್ರಿಗೆ ಕೆಟ್ಟ್ ಅಭ್ಯಾಸ ಅನ್ಸಬಿಡತ್ತೆ. ನಾನ್ ಮಾಡಿದ್ದೇ ಸರಿ , ನಾನ್ ಹೇಳಿದ್ದೇ ಸರಿಯಂತ ವಾದ ಶುರುವಾದ್ರೆ ಸಂಬಂಧಗಳು ಚೆನ್ನಾಗಿರಲ್ಲ. ಹಾಗಂತ ಈ ಕೆಟ್ಟ್ ಅಭ್ಯಾಸಗಳನ್ನ ಬಿಡೋದು ಅಷ್ಟು ಸುಲಭ ಇದೆಯಾ ಅಂತ ನೀವ್ ಕೇಳ್ಬಹುದು. ಸುಲಭ ಇಲ್ಲಾಂತ ನಮ್ಗೂ ಗೊತ್ತು ಕಣ್ರೀ. ಕೆಟ್ಟ್ ಅಭ್ಯಾಸಗಳನ್ನ ಬಿಡೋದಕ್ಕಿಂತ ಹೊಸ್ದಾಗಿರೋ  ಒಂದು ಒಳ್ಳೆ ಅಭ್ಯಾಸವನ್ನ ರೂಢಿಸ್ಕೊಂಡ್ರೆ ತನ್ನಿಂದ ತಾನೇ ಆ ಕೆಟ್ಟ್ ಅಭ್ಯಾಸ ಕಮ್ಮಿಯಾಗಬಹುದಲ್ವಾ ? ನೀವೇಷ್ಟೇ ತಿಪ್ಪರಲಾಗಾ ಹಾಕಿ ಕೆಟ್ಟ್ ಅಭ್ಯಾಸಾನ ಕಮ್ಮಿ ಮಾಡ್ಕೊಳ್ತೀನಿ ಅಂದಷ್ಟು ಜಾಸ್ತಿನೇ ಆಗತ್ತೆ.

https://i0.wp.com/www.loyaldetermined.com/wp-content/uploads/2016/09/mastering-bad-habbits-2.jpg?ssl=1

ನಮ್ಗೆ ಯಾವ್ದು ಖುಷಿ ಕೊಡತ್ತೋ ಅದನ್ನೇ ನಾವು ಪದೇ ಪದೇ ಮಾಡ್ತಾ ಇರ್ತೇವೆ 

ಬೇಜಾರಾದಾಗಲೆಲ್ಲ ಬಾರಿಗೆ ಹೋಗಿ ಕುಡಿಯೋದ್ರಿಬಹುದು , ಬೇಕರಿ ಮತ್ತೆ ಸಿಹಿ ಪದಾರ್ಥಗಳನ್ನ ಜಾಸ್ತಿನೇ ತಿನ್ನೋದು , ಟಿ ವಿ ಮುಂದೆ ಜಾಸ್ತಿ ಕೂತ್ಕೊಳ್ಳೋದು , ಮೊಬೈಲ್ನಲ್ಲಿ ಗೇಮ್ ಆಡ್ತಾ ಇರೋದು ಇದ್ರಿಂದೆಲ್ಲಾ ಡೋಪಮೈನ್ ಹಾರ್ಮೋನ್ ಬಿಡುಗಡೆಯಾಗತ್ತೆ. ಈ ಡೋಪಮೈನ್ ಹಾರ್ಮೋನ್ ನಮ್ ಮನಸ್ಸಿಗೆ ಖುಷಿ ಕೊಡೋ ಹಾರ್ಮೋನ್. ಮನುಷ್ಯನಿಗೆ ಅದ್ರಿಂದ ಖುಷಿ ಸಿಗತ್ತೆ ಅಂದ್ಮೇಲೆ , ಅದು ಕೆಟ್ಟದ್ದು ಅದ್ನ ಬಿಟ್ಟ್ ಬಿಡು ಅಂತ ಯಾರೇ ಹೇಳಿದ್ರೂ ಹೇಗ್ ತಾನೇ ಬಿಟ್ಬಿಡೋಕೆ ಸಾಧ್ಯ. ಆಫೀಸ್ ಕೆಲ್ಸ ಎಲ್ಲಾ ಮುಗಿದ್ಮೇಲೆ ಸ್ವಲ್ಪ ವರ್ಕೌಟ್ ಮಾಡ್ಬೇಕು ಅಂತ ಮನ್ಸಾದ್ರೆ , ಟಿ ವಿ ನೋಡಿದ್ ತಕ್ಷಣ ನಾಳೆ ಮಾಡಿದ್ರಾಯ್ತು ಬಿಡು ಅಂತ ಹೇಳಲ್ವಾ ? 70 ಪ್ರತಿಶತ ಸಿಗ್ರೇಟ್ ಸೇದೋರು ಹೇಳೋದ್ ಒಂದೇ ಡಯ್ಲಾಗ್ " ಬಿಡ್ಬೇಕಂತ ನಾನು ತುಂಬಾನೇ ಪ್ರಯತ್ನ ಪಡ್ತೇನೆ ಆದ್ರೆ ಆಗ್ತಾ ಇಲ್ಲ " 

http://www.thechangeblog.com/wp-content/uploads/2010/12/change-bad-habits.jpg
 

ಅದ್ಕೆ ನಿಮ್ ಕೆಟ್ಟ್ ಅಭ್ಯಾಸ ಹಾಗೇ ಇರ್ಲಿ ಸ್ವಲ್ಪದಿನದ ಮಟ್ಟಿಗೆ ಅದ್ರ ಜೊತೆ ಒಂದಿಷ್ಟು ಒಳ್ಳೆ ಅಭ್ಯಾಸಗಳನ್ನ ಸೇರ್ಸಕೊಳ್ಳಿ. ಹೇಗ್ ಸೇರ್ಸಕ್ಕೊಳ್ಳೋದು ಅಂದ್ರಾ ಕೆಳ್ಗಡೆ ಒದಿ. 

1) ನಿಮ್ಮನ್ನ ನೀವು ಕೆಟ್ಟದಾಗಿ ಕಲ್ಪನೆ ಮಾಡ್ಕೊಳ್ಳೊದ್ನ ಕಮ್ಮಿ ಮಾಡ್ಕೊಳ್ಳಿ

ನನಗೆ ಈ ತರದ ಕೆಟ್ಟ್ ಅಭ್ಯಾಸಗಳಿವೆ ಅದ್ನ ನಾನೇದ್ರೂ ಮಾಡಿ ಇವತ್ತೇ ನಿಲ್ಸಬೇಕು. ಬೇರೆಯವ್ರಿಗೆ ಹೋಲಿಸಿ ನೋಡಿದ್ರೆ ಬೇಡ ಬಿಡಿ ನಂಗೆ ತುಂಬಾನೇ ಕೆಟ್ಟ್ ಅಭ್ಯಾಸಗಳಿವೆ. ಈ ತರದ ಮಾತುಗಳು ನಿಮ್ಮನ್ನ ಋಣಾತ್ಮಕ ಚಿಂತನೆಗಳಿಗೆ ದಾರಿ ಮಾಡ್ಕೊಡತ್ತೆ. ಇದ್ರಿಂದ ನೀವು ಎನೂ ಪ್ರಯೋಜನಕ್ಕೆ ಇಲ್ಲಾ ಅನ್ನೋದೇ ಜಾಸ್ತಿಯಾಗಿ ನಿಮ್ಗೆ ಕೇಳತ್ತೆ ಹೊರ್ತು ನಾನ್ ಎನ್ ಬೇಕಾದ್ರೂ ಮಾಡಬಲ್ಲೆ ಅನ್ನೋ ಆತ್ಮ ವಿಶ್ವಾಸ ಬರಲ್ಲಾರೀ. ಅದ್ಕೆ ಇವತ್ತಿನಿಂದಾನೇ ಇದ್ನ ನಿಲ್ಸಿಬಿಡಿ ಆಯ್ತಾ.

ನಿಮ್ ತಪ್ಪುಗಳನ್ನ ನೋಡ್ಕಂಡು ನೀವು ನಗಾಡ್ತಿರಿ ಅಂದ್ರೆ ನಿಮ್ಗೆ ಎನನಬೇಕು ನೀವೆ ಹೇಳಿ. ಕೆಟ್ಟ್ ಅಭ್ಯಾಸವನ್ನ ನಿಲ್ಸಿತೀನಿ ಅಂದಾಗ ನಾನ್ ಮಾಡ್ತಾ ಇರೋದು ನಿಜವಾಗ್ಲೂ ಕೆಟ್ಟದ್ದಾ ಅನ್ನೋ ಮಾತು ನಿಮ್ಮಲ್ಲೇ ಬರತ್ತೆ. ಈ ಮಾತು ಬಂತಂದ್ರೆ ಸಾಕು ನಿಮ್ಗಿರೋ ಅಭ್ಯಾಸದ ಬಗ್ಗೆ ಸಾವಿರಾರು ಒಳ್ಳೆಯ ಕಾರಣಗಳು ಹುಟ್ಕೊಳ್ತವೆ. ಉದಾಹರಣೆಗೆ : ನೀವು ಊಟ ಮಾಡೋಕ್ಕಿಂತ ಮುಂಚೆ ಒಂದ್ 90 ಹಾಕಿ ಮಲ್ಗಬೇಕು ಅಂತಿದ್ರೆ ನಾಳೆಯಿಂದ ನೀವೆ ಹೇಳ್ತಿರಿ " ನಾನ್ ನಾಳೆಯಿಂದ ಇದ್ನ ಬಿಡ್ಬೇಕು ಅಂತ " ಆದ್ರೆ ನಾಳೆ ಅದೇ ಸಮಯಕ್ಕೆ ನಿಮ್ಗೆ ತಡ್ಕೊಳ್ಳೋಕ್ ಆಗಲ್ಲ 90 ಬಿದ್ದೇ ಬೀಳತ್ತೆ. ಅದ್ರ ಬದಲು ಈ ವಾರ 60 ಮುಂದಿನ ವಾರ 30 ಅಂತ ಶುರು ಹಚ್ಕೊಂಡ್ರೆ ಒಂದಲ್ಲ ಒಂದಿನ ಬಿಡ್ಬಹುದು ತಾನೇ ? 

http://2.bp.blogspot.com/-0Saek6evfBg/UChcURRbBJI/AAAAAAAABWs/09EoxjNfDB8/s1600/feeling-guilty.jpg
 

2) ಯೋಚನೆಯ ದಾರಿಯನ್ನ ಬದಲಾಯಿಸಿ 

ಯಾವಾಗ ನೀವು ಹೊಸದಾದ ಅಭ್ಯಾಸವನ್ನ ಶುರು ಮಾಡ್ಕೊಳ್ತಿರೋ ಆ ಅಭ್ಯಾಸ ಯಾವ್ದೇ ಕಾರಣಕ್ಕೂ ದೈಹಿಕ ಹಾಗೂ ಮಾನಸಿಕವಾಗಿ ನಿಮ್ಗೆ ತೊಂದ್ರೆ ಕೊಡ್ಬಾರ್ದು. ನೀವು ನಿಮ್ಮ ಹೊಸ ಅಭ್ಯಾಸದಿಂದ ಖುಷಿಯಾಗಿರಬೇಕೇ ಹೊರತು ಕಷ್ಟ ಪಟ್ಟವರ ತರ ಅಲ್ಲ. ಹೊಸದಾದ ಅಭ್ಯಾಸವನ್ನ ಮಾಡೋದಕ್ಕಿಂತ ಮುಂಚೆ ಅಥ್ವಾ ಕೆಟ್ಟ್ ಅಭ್ಯಾಸವನ್ನ ಕಂಡುಹಿಡಿಯೋದಕ್ಕಿಂತ ಮುಂಚೆ ನೀವು ಒಬ್ಬ ಪತ್ತೇದಾರಿ ಇಲ್ಲಾ ವಿಜ್ನಾನಿ ತರ ಯೋಚ್ನೆ ಮಾಡ್ಬೇಕು. ಇದು ಸ್ವಲ್ಪ ಕಷ್ಟ್ ಅನ್ಸಿದ್ರೂ ಆದ್ರೆ ದೊಡ್ಡ್  ಸಂಗ್ತಿ ಅಲ್ಲ ಬಿಡಿ. 

ಒಂದೇ ಒಂದ್ಸಲ ಯೋಚ್ನೆ ಮಾಡಿ . ಆ ನಿಮ್ ಕೆಟ್ಟ್ ಅಭ್ಯಾಸ ನಿಮ್ಗೆ ಹೇಗ್ ಶುರುವಾಯ್ತು ಅಂತ ಕಂಡುಹಿಡೀರಿ. ಕಂಡುಹಿಡಿದ್ಮೇಲೆ , ನೀವು ಅದ್ಕೆ ಅಷ್ಟು ಅಂಟ್ಕೊಂಡಿರ್ಲಿಕ್ಕೆ ಕಾರಣ ಯಾವ್ದು ಅಂತ ಕಂಡುಹೀಡಿರಿ. ಉದಾಹರಣೆಗೆ ಸುಮಾರು ವರ್ಷದಿಂದ ನೀವು ಬ್ರೆಡ್ ಜಾಮೇ ನಿಮ್ ಬೆಳಿಗ್ಗೆ ತಿಂಡಿಯಾಗಿದ್ರೆ ಒಂದ್ಸಲ ಯೋಚ್ನೆ ಮಾಡಿ. ಒಂದೋ ನಿಮ್ಗೆ ಬೆಳಿಗ್ಗೆ ಎಳಕ್ಕೆ ಕಷ್ಟ್ ಆಗ್ತಾ ಇರ್ಬಹುದು ಇಲ್ಲ ಒಳ್ಳೆ ರೀತಿಯ ತಿಂಡಿಯನ್ನ ತಯಾರ್ ಮಾಡ್ಲಿಕ್ಕೆ ಸೋಂಬೇರಿತನ ಇರಬಹುದು ಅಲ್ವಾ . ಈವಾಗ ನೀವ್ ಎನ್ ಮಾಡ್ಬೇಕಂದ್ರೆ  ಒಂದ್ ಕೈ  ನೋಡೆ ಬಿಡೋಣ " ದಿನ ದಿನ ಬೇರೆ ಬೇರೆ ತಿಂಡಿ ತಯಾರ್ ಮಾಡೋಕೆ ನಿಮ್ ಮನ್ಸನ್ನ ತಯಾರ್ ಮಾಡ್ಕೊಳ್ಳಿ. ಬೆಳಿಗ್ಗೆ ತಿನ್ಬೇಕಲ್ಲಾ ಅಂತ ಮಾಡ್ಬೇಡಿ ಎನಾದ್ರೂ ಕಲಿಯೋಣ ಅಂತ ಶುರು ಹಚ್ಕೊಳ್ಳಿ.  ನೆನಪಿರ್ಲಿ ನಿಮ್ಮ ಹೊಸ ಅಭ್ಯಾಸ ಮೊದ್ಲಿರೋ ಅಭ್ಯಾಸದಷ್ಟೇ ಖುಷಿಕೊಡ್ಬೇಕು ಅಷ್ಟೇ. 

http://images5.fanpop.com/image/photos/29100000/Be-Different-think-different-29142411-900-600.jpg
ಯಾವಾಗ ಹೊಸ ಅಭ್ಯಾಸವೂ ನಿಮ್ಗೆ ಅಷ್ಟೇ ಸಮಧಾನ ಕೊಡತ್ತೋ ಅಲ್ಲಿಂದಾನೇ ನಿಮ್ಗೆ ಗೊತ್ತೇ ಇಲ್ಲದಾಗೆ ನೀವು ಬದಲಾಗ್ತೀರಿ. ಬದಲಾವಣೆ ಜಗದ ನಿಯಮ ಅಂತ ಶ್ರೀ ಕೃಷ್ಣ ಹೇಳಿಲ್ವಾ.

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: