ಸೈಕಾಲಜಿ ಪ್ರಕಾರ ತುಂಬಾ ಹತ್ತಿರದವರು ಮನಸ್ಸಿಗೆ ನೋವು ಕೊಟ್ಟಾಗ ಕ್ಷಮಿಸೋದು ಹೇಗೆ ತಿಳ್ಕೊಂಡ್ರೆ ಜಾಣರಾಗ್ತೀರಿ

ಹಿಡ್ಕೊಳಕ್ಕೂ ಆಗಲ್ಲ ಬಿಡಕ್ಕೂ ಆಗಲ್ಲ ಅನ್ನೋ ಪರಿಸ್ಥಿತಿ

ನಮ್ಮ ಜೊತೆ ಯಾರೇ ಆಗ್ಲಿ ಸರಿಯಾಗಿ ನಡ್ಕೊಂಡಿಲ್ಲ ಅಂದಾಗ ಮನ್ನಸ್ಸಿಗೆ ತುಂಬಾನೇ ನೋವಾಗುತ್ತೆ.

ಕೆಟ್ಟ ಅನುಭವಗಳು ನಮ್ಮ ಮನಸ್ಸಿನಲ್ಲಿ ತುಂಬಾ ಆಳವಾಗಿ ಬೇರೂರುತ್ತೆ, ಯಾಕೆ ಅಂದ್ರೆ ಈ ಕೆಟ್ಟ ಅನುಭವಗಳ ದೀರ್ಘಾವಧಿಯ ಪರಿಣಾಮ ಕೆಟ್ಟದಾಗಿರುತ್ತೆ. ಅದು ನಮ್ಮ ಮೆದುಳಲ್ಲಿ ಅಚ್ಚಾಗಿ ಉಳಿಯುತ್ತೆ. ಸುಲಭವಾಗಿ ಮರೆಯೋದಕ್ಕಾಗಲ್ಲ. ಉದ್ವೇಗ ನಮ್ಮ ಮನಸ್ಸನ್ನ ತುಂಬಿಕೊಳ್ಳುತ್ತೆ. ಹಾಗಾಗೇ ಯಾವುದೇ ರೀತಿಯ ಕಹಿ ಅನುಭವಗಳು, ಅದರಲ್ಲೂ ನಮ್ಮ ಯಾವ ಘಟನೆಗಳು ನಮ್ಮ ಭಾವನೆಗಳ ಜೊತೆ ಬೆಸೆದಿರುತ್ತೋ ಅದು ನೆನಪಲ್ಲಿ ಇದ್ದೆ ಇರುತ್ತೆ.

ಬೇರೆಯವರಿಂದಾದ ನೋವಿಗೆ ಇರೋ ಒಂದೇ ಒಂದು ಪರಿಹಾರ ಅಂದ್ರೆ ಕ್ಷಮೆ.

ಕ್ಷಮೆ ಅಂದ ಮಾತ್ರಕ್ಕೆ ನೀವು ಎಲ್ಲ ಮರೆತು ಮುಂದುವರಿತೀರಿ ಅಂತಾನೂ ಅಲ್ಲ ಹಾಗೆ ಅವರು ಮಾಡಿರೋ ನೋವಿಂದ ಅವರನ್ನ ಮುಕ್ತಗೊಳಿಸ್ತೀರಿ ಅಂತಾನೂ ಅಲ್ಲ. ಬದಲಿಗೆ ಕ್ಷಮಾಪಣೆ ಅನ್ನೋದು ಆಗಿರೋ ಘಟನೆಗೆ ನಿಮ್ಮನ್ನ ಅಥವಾ ಬೇರೆಯವರನ್ನ ಶಿಕ್ಷೆಗೆ ಗುರಿಪಡಿಸಬೇಕಾ ಅಥವಾ ಸಹಾನುಭೂತಿಯಿಂದ ಬಿಟ್ಟು ಬಿಡಬೇಕಾ ಅನ್ನೋ ಆಯ್ಕೆ ಅಷ್ಟೇ.

thoughtsfreak.files.wordpress.com

ನಮ್ಮನ್ನ ನಾವು ಕ್ಷಮಿಸಿಕೊಳ್ಳೋದಕ್ಕೆ, ಬೇರೆಯವರನ್ನ ಕ್ಷಮಿಸೋದಕ್ಕೆ ಎರಡಕ್ಕೂ ಸಹಾಯ ಮಾಡಕ್ಕೆ ಈ ಕೆಳಗಿನ 10 ಉಪಾಯಗಳ್ನ ನೆನಪಲ್ಲಿಟ್ಕೊಳ್ಳಿ. ನೀವೇ ಜಾಣರಾಗ್ತೀರಿ. ಆಗೋ ಡ್ಯಾಮೇಜ್ ಕಮ್ಮಿಯಾಗತ್ತೆ!

1. ಕ್ಷಮೆ ಅನ್ನೊದು ಎಲ್ಲಾ ಸಂದರ್ಭದಲ್ಲೂ ಸಾಧ್ಯ, ನೆನಪಿರ್ಲಿ

ಯಾರನ್ನಾದ್ರೂ ಕ್ಷಮಿಸಬೇಕು ಅಂದ್ರೆ, ಕ್ಷಮೆ ಸಾಧ್ಯ ಅನ್ನೋದು ಗೊತ್ತಿರಬೇಕು. ಕನಿಷ್ಠ ಪಕ್ಷ ಕ್ಷಮೆ ಅನ್ನೋದು ನಮ್ಮ ತೊಂದರೆಗೆ ಒಂದು ಪರಿಹಾರ ಅನ್ನೋದು ಗೊತ್ತಿರಬೇಕು.

2. ಏನು ಮಾಡಬೇಕು ಅನ್ನೋ ಆಯ್ಕೆ ಬಂದಾಗ, ಕ್ಷಮಿಸಿ

ಕ್ಷಮೆ ಅನ್ನೋದು ಬಲವಂತವಾಗಿ ಬರ್ಬಾರ್ದು, ಅದು ಮನಃಪೂರ್ವಕವಾಗಿ ಬರ್ಬೇಕು. ಕ್ಷಮಿಸಿದ್ದಿವೆ ಅಂದ ಮಾತ್ರಕ್ಕೆ ಅವರು ನೋವು ಮಾಡಿರೋದನ್ನೆಲ್ಲ ಮರೆತು ಮುಂದುವರಿತಿದ್ದೀವಿ ಅಂತ ಅಲ್ಲ. ಇದನ್ನ ಅರ್ಥ ಮಾಡ್ಕೊಂಡು ಕ್ಷಮಿಸಿದರೆ ನಿಮ್ಮ ಮನಸ್ಸಿನಲ್ಲಿ ಒಳ್ಳೆ ಭಾವನೆಗಳು ಬೆಳೆಯುತ್ತೆ. ಅಷ್ಟೇ ಅಲ್ಲ ನಾವು ಕ್ಸಮಿಸಿದ್ದು ಒಳ್ಳೇದೇ ಅಂತ ಅನ್ನಿಸೋಹಾಗೂ ಮಾಡುತ್ತೆ.

3. ನೋವಿಗೆ ಕಾರಣರಾದವರ ಪಟ್ಟಿ ಮಾಡಿ, ಕಮ್ಮಿ ನೋವು ಕೊಟ್ಟವರನ್ನ ಮೊದ್ಲು ಕ್ಷಮಿಸಿ

ಚಿಕ್ಕವಯಸ್ಸಿನಿಂದನೂ ನಿಮಗೆ ನೋವು ಕೊಟ್ಟವರ ಪಟ್ಟಿ ಮಾಡ್ಕೊಳಿ. ಆಮೇಲೆ ನಿಮಗೆ ಯಾರು ತುಂಬಾ ಹೆಚ್ಚು ನೋವು ಕೊಟ್ರೋ ಅವರನ್ನು 1, 2 ಅಂತ ಸ್ಥಾನಮಾನ ಕೊಡ್ತಾ ಬನ್ನಿ.

ನಿಮಗೆ ತುಂಬಾ ಕಮ್ಮಿ ನೋವು ಕೊಟ್ಟವರನ್ನ ಮೊದಲು ಕ್ಷಮಿಸಿ ಆಮೇಲೆ ಮುಂದುವರೀರಿ. ನಿಮ್ಮ ಭಾವನೆಗಳು ಇದಕ್ಕೆ ಹೊಂದಿಕೊಳ್ಳೋದಕ್ಕೆ  ಸ್ವಲ್ಪ ಟೈಮ್ ಕೊಡಿ.

ಆಮೇಲೆ ನಿಮ್ಮ ಪಟ್ಟಿಯಲ್ಲಿ ಕೊನೆಯಿಂದ 2 ಸ್ಥಾನ ಪಡೆದವರನ್ನ ಕ್ಷಮಿಸೋದಕ್ಕೆ ಮುಂದುವರೀರಿ.

webservicesct.com

4. ಕೋಪ ತಡ್ಕೊಬೇಡಿ, ಹೊರಕ್ಕೆ ಹಾಕಿ

ಇದು ಒಂದುತರ ಚೆಕ್ಲಿಸ್ಟ್ ಇದ್ದಹಾಗೆ. ಕೋಪ ಬಂದಾಗ ನೀವು ಹೇಗಿರ್ತೀರಿ? ಕೋಪ ಬಂದಾಗ ಅದನ್ನ ಹೇಗೆ ಕಂಟ್ರೋಲ್ ಮಾಡ್ಕೋತೀರಿ? ನೀವು ಅಂದುಕೊಂಡಿದ್ದಕ್ಕಿಂತ ಹೆಚ್ಚು ಕೋಪ ಬಂತಾ? ಕೋಪ ಬಂದಾಗ ನಿಮ್ಮಲ್ಲಿ ಏನು ದೈಹಿಕ ಬದಲಾವಣೆ ಆಯ್ತು ?

ಒಂದುಸಲ ನೀವು ನಿಮ್ಮ ಕೋಪದಿಂದ ಆಗೋ ಪರಿಣಾಮದ ಬಗ್ಗೆ ಯೋಚನೆ ಮಾಡಿದ್ರೆ ಸಾಕು, ಕೋಪ ಒಳ್ಳೇದಾ ಅಲ್ವಾ? ನೀವು ಕೋಪ ಬಿಡ್ಬೇಕಾ ಬೇಡ್ವಾ ಅನ್ನೋದು ಅರ್ಥ ಆಗುತ್ತೆ.

5. ಮಾತಿಗೆ ತಕ್ಕಂತೆ ನಡ್ಕೊಳಿ

ಈ ಮೇಲಿನ ಹಂತ ದಾಟಿದ ಮೇಲೆ ನೀವು ಕ್ಷಮಿಸೋದಕ್ಕೆ ರೆಡಿ ಆಗ್ಬೇಕು. ತುಂಬಾ ಜನಕ್ಕೆ ಈ ಹಂತ ದಾಟಿದಮೇಲೆ ಕೋಪದಿಂದ ಎಷ್ಟು ದುಃಖ ಆಗಿತ್ತು, ಈಗ ಕ್ಷಮಿಸೋದ್ರಿಂದ ಏನು ಬದಲಾವಣೆ ಆಗುತ್ತೆ ನೋಡೋಣ ಅಂತ ಅನ್ಸೇ ಅನ್ಸುತ್ತೆ.

6. ಬೇರೆಯವರನ್ನೂ ಲೆಕ್ಕಕ್ಕೆ ಇಟ್ಕೊಳಿ.

ನಿಜವಾದ ಕ್ಷಮಿಸೋ ಕೆಲಸ ಇಲ್ಲೇ ಶುರು ಆಗೋದು. ಯಾಕೆ ಅಂದ್ರೆ ಇಲ್ಲಿ ನೀವು ಬೇರೆಯವರನ್ನ ನೋಡೋ ರೀತೀನೇ ಬದಲಾಗುತ್ತೆ. ಅವರಿಗೆ ಏನಾದ್ರು ನೋವು, ಬೇಜಾರು ಆಗಿತ್ತಾ? ಅದಕ್ಕೆ ಅವರು ನಿಮಗೆ ನೋವಾಗೋ ಹಾಗೆ ನಡೆದುಕೊಂಡ್ರ? ಈ ಎಲ್ಲ ವಿಷಯಗಳನ್ನ ಯೋಚಿಸಬೇಕಾಗುತ್ತೆ.

rd.com

7. ಮನುಷ್ಯತ್ವಕ್ಕೆ , ಬೇರೆಯವರ ವ್ಯಕ್ತಿತ್ವಕ್ಕೆ ಗೌರವ ಕೊಡಿ.

ಎಲ್ಲರೂ ಹುಟ್ಟಿದ್ದೀವಿ, ಎಲ್ಲರೂ ಒಂದಲ್ಲ ಒಂದು ದಿನ ಸಾಯ್ತೀವಿ, ಪೆಟ್ಟಾದ್ರೆ ನಮಗೂ ರಕ್ತ ಬರುತ್ತೆ, ಬೇರೆಯವರಿಗೂ ರಕ್ತ ಬರುತ್ತೆ. ಇಬ್ಬರ  ಡಿಎನ್ಎ ಬೇರೆ ಇರುತ್ತೆ. ನಾವು ಸತ್ತಮೇಲೆ ನಮ್ಮ ತರಾನೇ ಮತ್ತೊಬ್ರು ಹುಟ್ಟೋದಿಲ್ಲ. ನಿಮ್ಮ ಮತ್ತು ಅವರ ವ್ಯಕ್ತಿತ್ವ, ವಿಶೇಷತೆ, ಎಲ್ಲ ಬೇರೆ ಬೇರೆ ಇರುತ್ತೆ. ನಿಮ್ಮ ಹಾಗೆ ಅವರನ್ನೂ, ಅವರಲ್ಲಿರೋ ಗುಣಾನೂ, ವ್ಯಕ್ತಿತ್ವಾನೂ ಬೇರೆ ಯಾರೂ ತುಂಬಕ್ಕೆ ಆಗದೆ ಇರೋದು ಅನ್ನೋದು ಗಮನದಲ್ಲಿ ಇರ್ಲಿ.

8. ಮನಸ್ಸು ಹಗುರ ಮಾಡ್ಕೊಳಿ.

ಗೊತ್ತಿದ್ದೋ ಗೊತ್ತಿಲ್ದೇನೂ ನಿಮಗೆ ಬೇರೆಯವರಿಂದ ನೋವಾಗಿದ್ರೆ ನಿಮ್ಮ ಮನಸ್ಸು ಆ ನೋವಿಂದ ಕಲ್ಲಾಗಿರುತ್ತೆ. ಆದ್ರೆ ಕ್ಷಮಿಸೋದ್ರಿಂದ, ಕೆಟ್ಟ ಕೋಪದಿಂದ ನಿಮ್ಮ ಮೇಲೆ, ನಿಮ್ಮ ಮನಸ್ಸಿನ ಮೇಲೆ ಆಗೋ ಕೆಟ್ಟ ಪರಿಣಾಮ ತಪ್ಪುತ್ತೆ. ಕೋಪ, ನೋವು ಕಮ್ಮಿಯಾಗಿ ಮನಸ್ಸು ಹಗುರ ಆಗುತ್ತೆ.

9. ನೋವನ್ನ ನುಂಗಿಬಿಡಿ.

ಬೇಜಾರಾದಾಗ ಕಠಿಣ ಭಾವನೆಗಳು ಬರೋದು ಸಹಜ. ಏನೇ ಆಗಿದ್ರೂ ಕ್ಷಮಿಸಬೇಕು ಅಂದಾಗ ನೋವೂ ಆಗುತ್ತೆ. ಆದ್ರೆ ಈ ನೋವನ್ನ ನುಂಗೋದ್ರಿಂದ ನಾವು ಮುಂದುವರಿಯೋದಕ್ಕೆ ಸಹಾಯ ಆಗುತ್ತೆ.

ನಮಗೆ ಯಾರು ನೋವೂ ಕೊಟ್ರೋ ಅವರಿಗೆ ನೋವೂ ಕೊಡದೆ ಇರೋದು, ನಮ್ಮಲ್ಲಿ ಮನುಷ್ಯತ್ವನೆ ಇಲ್ಲ ಅಂದುಕೊಂಡವರಲ್ಲಿ ನಾವು ಮನುಷ್ಯತ್ವ ಗುರುತಿಸ್ತಾ ಇದ್ದಿವಿ ಅಂದ್ರೆ, ಯಾರಿಗೆ ನಮ್ಮ ಬಗ್ಗೆ ಮೃದು ಭಾವನೆ ಇರಲಿಲ್ವೋ ಅವರಿಗೆ ನಾವು ಮೃದುಭಾವನೆ ತೋರಿಸ್ತಿದ್ದೀವಿ ಅಂದ್ರೆ ನಾವು ಯಾರು? ಖಂಡಿತವಾಗಿಯೂ ನಾವು ಅಂದುಕೊಂಡಿದ್ದಕ್ಕಿಂತಾನೂ ಹೆಚ್ಚು ಗಟ್ಟಿ ಮನಸ್ಸು, ಹೆಚ್ಚು ಆತ್ಮ ವಿಶ್ವಾಸ ಇರೋವ್ರು.

https://228main.files.wordpress.com/2017/06/canstockphoto16671762.jpg?w=620

10. ಮನಸ್ಸು ಗಟ್ಟಿಯಾಗುತ್ತೆ ಸಂತೋಷಾನೂ ಸಿಗುತ್ತೆ.

ನೋವಾಗಿರೋವ್ರು ಅದೇ ರೀತಿ ಇರೋವ್ರನ್ನ ನೋಡಿದಾಗ ತುಂಬಾ ಹತ್ತಿರ ಆಗ್ತಾರೆ. ತಮ್ಮ ಸುತ್ತ ಮುತ್ತ ಅಂತದೇ ಜನ ಇದ್ದಾರೆ ಅಂತ ಗೊತ್ತಾದಾಗ ಅವರಿಗೆ ಸಮಾಧಾನ ಹೇಳೋ ಪ್ರಯತ್ನ ಮಾಡ್ತಾರೆ. ಆಗಿರೋ ನೋವೂ ಮರೆಯೋದಕ್ಕೆ ತುಂಬಾನೇ ಸಮಯ ಬೇಕಾಗುತ್ತೆ, ಆದ್ರೆ ದಿನ ಕೆಳೆದಹಾಗೆ ನಿಮ್ಮ ಮನಸ್ಸು ಗಟ್ಟಿಯಾಗುತ್ತೆ, ಸಂತೋಷಾನೂ ಸಿಗುತ್ತೆ.

11. ರಿಪೀಟ್ ಮಾಡಿ.

ನೀವು ಮಾಡಿರೋ ಪಟ್ಟಿ ನೆನಪಿದೆ ಅಲ್ವಾ, ಈಗ ನೀವು ತುಂಬಾ ಕಮ್ಮಿ ನೋವು ಮಾಡಿರೋವ್ರನ್ನ ಕ್ಷಮಿಸಿ ಆಮೇಲೆ ಅವರಿಗಿಂತ ಮೇಲಿರೋವ್ರನ್ನ ಹೀಗೆ ಸೆಲೆಕ್ಟ್ ಮಾಡ್ಕೊಂಡು ಅವರನ್ನ ಕ್ಷಮಿಸೋದನ್ನ ರಿಪೀಟ್ ಮಾಡ್ತಾ ಇರಿ. ಹೀಗೆ ಮಾಡ್ತಾ ಮಾಡ್ತಾ ನಿಮ್ಮ ಪಟ್ಟಿಯಲ್ಲಿ ಇನ್ನು ಯಾರೂ ಇರೋದಿಲ್ಲ.

ನೀವು ಅಂದುಕೊಂಡಿದ್ದಕ್ಕಿಂತ ಬೇಗಾನೆ ನೀವು ನಿಮಗೆ ನೋವು ಕೊಟ್ಟವರನ್ನ ಕ್ಷಮಿಸಿರ್ತೀರಿ. ಒಳ್ಳೆಯ, ಸಂತೋಷದ ಸಾರ್ಥಕ ಜೀವನ ನಡೆಸ್ತಿರ್ತೀರಿ.

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ಮಕ್ಕಳು ಸ್ಕೂಲಿಗೆ ಹೋಗೇ ಕಲೀಬೇಕೋ ಅಥ್ವಾ ಬೇರೆ ದಾರೀನೂ ಇದ್ಯೊ? ಉತ್ತರ ಇಲ್ಲಿದೆ

ಇತ್ತೀಚೆಗೆ ಚರ್ಚೆ ಆಗ್ತಿರೋ ವಿಷಯ.

ಸಾಮಾನ್ಯವಾಗಿ ಕಲಿಬೇಕು ಅಂದ್ರೆ ಮಕ್ಕಳು ಎಲ್ರ ಥರ ಸ್ಕೂಲ್ಗೆ ಹೋಗ್ಲೇಬೇಕು ಅಂದ್ಕೋತಾರೆ ಅಪ್ಪ-ಅಮ್ಮ. ಆದ್ರೆ, ಮಗು ನಂಗೆ ಎಲ್ಲರ ಥರ ಕಲ್ಯಕ್ ಆಗಲ್ಲ; ನಂಗೆ ಅವ್ರು-ಇವ್ರು ಕಲೀತಾರೆ ನೀನ್ ಮಾತ್ರ ಕಲೀತಿಲ್ಲ ಅಂದ್ರೆ ಕಷ್ಟ ಆಗತ್ತೆ; ಸ್ಕೂಲಲ್ ಕಲ್ಸೋ ಎಷ್ಟೋ ವಿಷಯ ಬೋರ್ ಆಗತ್ತೆ ಅಂದ್ರೆ ಏನ್ ಗತಿ? ಗಾಬರಿ ಆಗ್ಬೇಡಿ, ಅಂಥ  ಮಕ್ಕಳ್ಗಾಗೆ ಸರ್ಕಾರ ಶುರು ಮಾಡಿರೋ ಕಾರ್ಯಕ್ರಮದ ಬಗೆ ತಿಳಿಸ್ತೀವಿ. ಓದಿ...

1) ಮಕ್ಕಳು ಶಾಲೆ ಬಿಡಕ್ಕೆ ದುಡ್ಡೊಂದೇ ಕಾರಣ ಅಲ್ಲ

ತುಂಬಾ ಮಕ್ಕಳು ದುಡ್ಡಿಲ್ದೇನೋ, ಬೇರೆ ಯಾವ್ದೋ ಸಾಮಾಜಿಕ ಕಾರಣಕ್ಕೋ ಸ್ಕೂಲ್ ಬಿಡ್ತಿದ್ದಾರೆ. ಇನ್ನೂ ಕೆಲವ್ರು ಗಣಿತ, ವಿಜ್ಞಾನದಂಥ ಕಡ್ಡಾಯ ವಿಷಯ ಪಾಸಾಗ್ದೆ ಆಚೆ ಹೋಗ್ತಿದ್ದಾರೆ.

https://antekante.com/sites/default/files/images/e2b9befc3c6a3729c61e61487edd402c_1.jpg

2)  ಬಿಟ್ಟ ಮೇಲೆ ಮನಸ್ಸು ಬದ್ಲಾಯ್ತು ಅಂದರೆ ಏನ್ ಮಾಡೋದು ?

ಸ್ಕೂಲ್ ಒಂದ್ ಸರ್ತಿ ಬಿಟ್ಟ ಮೇಲೆ ಮತ್ತೆ ಸೇರ್ಕೊಳ್ಳೋದು ಅಷ್ಟು ಸುಲಭ ಅಲ್ಲ. ಹೆಚ್ಚಿನ ಓದಿಗಾಗಿ ಕಾಲೇಜು ಸೇರ್ಕೊಳ್ಳಕ್ಕೆ ಇನ್ನೂ ಪರದಾಡಬೇಕು. ಕೈಕಾಲು, ಆರೋಗ್ಯ ಎಲ್ಲ ಸರಿ ಇದ್ದು, ದುಡ್ಡು ಇದ್ದು, ದೊಡ್ಡ ಊರು ಹತ್ತಿರ ಇದ್ರೆ ಮಾತ್ರ ಹೇಗೋ ಓದು ಮುಗಿಸ್ಬೋದು. ಇಲ್ಲ ಅಂದ್ರೆ ಬೋ ಕಷ್ಟ.

opensocietyfoundations.org

3) ಸ್ಕೂಲ್ಗ್ ಹೋಗಿ ಓದಕ್ಕೆ ಆಗಲ್ಲ ಅನ್ನೋರ್ಗೆ ಅಂತಾನೇ ಸರ್ಕಾರ "ನ್ಯಾಷನಲ್  ಇನ್ಸ್ಟಿಟ್ಯೂಟ್ ಆಫ್  ಓಪನ್ ಸ್ಕೂಲ್" (NIOS) ತೆಗ್ದಿದೆ

ಹೀಗೆ, ಸ್ಕೂಲ್ ಬಿಟ್ಟೋರ್ಗೆ, ಸ್ಕೂಲ್ಗೆ ಸೇರ್ದೆ ಇರೋರ್ಗೆ, ಶಾಲೆಗಿಂತ ಬೇರೆ ರೀತಿ ಓದ್ಗೆ ಅವಕಾಶ ಮಾಡ್ಕೊಡ್ಬೇಕಿತ್ತು. ಇದಕ್ಕಾಗಿ ಓಪನ್ ಸ್ಕೂಲಿಂಗ್ ಎಂಬ ಬೇರೆ ಥರಾ ಕಲಿಸೋ ಯೋಜನೆ ಶುರು ಆಯ್ತು. ಇದೇ ಮುಂದೆ ೨೦೦೨ರಲ್ಲಿ "ನ್ಯಾಷನಲ್ ಇನ್ಸ್ಟಿಟ್ಯೂಟ್ ಆಫ್ ಓಪನ್ ಸ್ಕೂಲ್"(NIOS) ಅಂತ ಹೊಸ ಹೆಸ್ರು ತೊಗೋತು.

4) ಬಲವಂತ, ಒತ್ತಾಯ ಇಲ್ದೆ ಈ ಥರ ಕಲಿಯೋದು ಎಷ್ಟು ಆರಾಮ್ ಅಲ್ವ?

ಸುಲಭವಾಗಿ ಅರ್ಥ ಆಗೋ ಅಂತ ರೀತಿ ಮತ್ತು ಒಳ್ಳೇ ಕಲಿಕೆ ಎಲ್ಲಾರ್ಗೂ ಸಿಗ್ಬೇಕು, ಬೇಕಾದೋರ್ಗೆಲ್ಲಾ ತಲುಪಬೇಕು ಅನ್ನೋದೊಂದೇ ಉದ್ದೇಶ. ಪಿ.ಯು.ಸಿ.ವರೆಗೆ ಮಕ್ಕಳು ತಂತಂ ಭಾಷೇಲೇ, ಯಾವುದೇ ಬಲವಂತ, ಒತ್ತಾಯ ಇಲ್ದೆ ಕಲಿಯಕ್ಕೆ ಇರೋ ಒಳ್ಳೆ ಅವಕಾಶ.


5) ನಮ್ಗೆ ಇಷ್ಟವಾದ 5 ವಿಷಯ ಆಯ್ಕೆ ಮಾಡ್ಕೋಬೋದು. ಅಂದ್ರೆ, ಸ್ಕೂಲಲ್ ಕಲಿಸೊ ಯಾವ್ದಾದ್ರೂ ವಿಷಯ ಬೇಡ ಅನ್ಸಿದ್ರೆ ಕೈ ಬಿಡ್ಬೋದು !

ಸ್ಕೂಲಲ್ಲಿ ಬಲವಂತವಾಗಿ 6 ವಿಷಯ ಕಲೀಬೇಕು ಅನ್ನದು ಮಾಮೂಲಿ ಆದ್ರೆ, ಇಲ್ಲಿ ಯಾವ್ದಾದ್ರೂ 5 ವಿಷಯಾನ ಆರಿಸ್ಕೊಬೋದು—ಒಂದು ಭಾಷೆ ಕಡ್ಡಾಯ, ಬೇಕು ಅನ್ಸಿದ್ರೆ ಎರಡು ತೊಗೋಬೋದು. ಜಾಸ್ತಿ ವಿಷಯ ಬೇಕು ಅಂದ್ರೂನೂ ಕಲೀಬೋದು. ಮಧ್ಯೆ ಬೋರಾದ್ರೆ ಬದ್ಲಾಯಿಸ್ಕೋಬೋದು. ಯಾವ್ದು ಸುಲಭಾನೋ ಅದ್ರಲ್ಲಿ ಪರೀಕ್ಷೇಗೆ ಕೂತ್ಕೋಬೋದು.


6) ಮೂರು ಹಂತದಲ್ಲಿ ಈ ಕಾರ್ಯಕ್ರಮ ನಡೆಯತ್ತೆ.  ಜೀವನೋಪಾಯಕ್ಕಾಗಿ ಏನು ಬೇಕೋ ಅದನ್ ಕಲಿಯೋ ಅವಕಾಶಾನೂ ಇರುತ್ತೆ.

 

NIOS ಕಾರ್ಯಕ್ರಮ ಹೀಗಿರುತ್ತೆ, ನೋಡಿ: 3, 5 ಮತ್ತು 8ನೇ ತರಗತಿಗೆ ಸಮವಾಗಿ 3 ಹಂತ ಇರುತ್ತೆ. 4 ಎಸ್.ಎಸ್.ಎಲ್.ಸಿ. ಮತ್ತೆ, 5 ಪಿ.ಯು.ಸಿ. ಪ್ರತಿ ಹಂತ ದಾಟಿದ್ದಕ್ಕೆ NIOS ಪರೀಕ್ಷೆ ಮಾಡಿ, ಪಾಸಾದ್ರೆ ಪ್ರಮಾಣಪತ್ರಾನೂ ಕೊಡತ್ತೆ. ಈ ಪ್ರಮಾಣಪತ್ರಕ್ಕೆ ಬೇರೆ ಬೋರ್ಡ್ಗಳ ಪ್ರಮಾಣಪತ್ರದಷ್ಟೇ ಪವರ್ರು.

 

7)  ಆನ್ಲೈನ್ ಮೂಲಕ ಕೋರ್ಸ್ ಸೇರ್ಬೋದು, ಒಂದು ಕೋರ್ಸ್ ಮುಗ್ಸಕ್ಕೆ 5 ವರ್ಷ ಸಮಯ ಇದೆ, ಪಾಸ್ ಮಾಡೋಕೆ ಬೇಜಾನ್ ಅವಕಾಶ ಇದೆ.

ಈ ಕಾರ್ಯಕ್ರಮನ್ನ ನಡೆಸೋ ರೀತೀನೂ ಬೇರೇನೇ: ಮಾಧ್ಯಮಗಳ ಮೂಲಕ ಪುಕ್ಕಟೆ ಕಲಿಸೋ ಕಾರ್ಯಕ್ರಮಗಳು ಇರತ್ತೆ. ನೀವ್ ಕಲೀತಿದ್ದೀರೋ ಇಲ್ವೋ ಅಂತ ನೀವೆ ಕಂಡ್ಕೋಬೋದು. ನೀವ್ ಬೇಕು ಅಂದ್ರೆ, ಓದ್ಗೆ ಬೇಕಾಗೋ ಪುಸ್ತಕ, ವೀಡಿಯೋ, ಆಡಿಯೋ ಎಲ್ಲ NIOS ಪೂರೈಸತ್ತೆ. ಕನ್ನಡ್ದೋರಿಗೆ ಇದೆಲ್ಲ ಬರೀ ಇಂಗ್ಲೀಷಲ್ ಸಿಗತ್ತೆ. ಆದ್ರೆ ಎಸ್.ಎಸ್.ಎಲ್.ಸಿ. ಮತ್ತೆ ಪಿ.ಯು.ಸಿ. ಪರೀಕ್ಷೇನ ಮಾತ್ರ ಇಂಗ್ಲಿಷಲ್ಲೇ ಬರೀಬೇಕು ಅಂತಿಲ್ಲ, ಕನ್ನಡದಲ್ಲೂ ಬರೀಬೋದು.

8) ಪರೀಕ್ಷೆ ಹೇಗಿರತ್ತೆ ಅಂದ್ರೆ, ಮಕ್ಕಳು ಎಲ್ಲಾ ವಿಷಯಾನು ಒಂದೇ ಸಲ ಬರ್ದು ಮುಗಿಸ್ಬೇಕು ಅಂತೇನಿಲ್ಲ.

ವರ್ಷಕ್ಕೆ ಎರ್ಡು ಸರ್ತಿ ಪರೀಕ್ಷೆ ನಡೆಸ್ತಾರೆ. ಬೇಕು ಅನ್ನಿಸಿದಾಗ, ನಾನು ತಯಾರಾಗಿದೀನಿ ಅನ್ನಿಸ್ದಾಗ ಪರೀಕ್ಷೆಗ್ ಕೂತ್ಕೋಬೋದು. ಪಾಸಾಗಕ್ಕೆ 33% ಬೇಕೇ ಬೇಕು. ಆದ್ರೆ, ಜಾಸ್ತಿ ಬರ್ಬೇಕು ಅಂತ ಅನ್ಸಿದ್ರೆ ಮತ್ತೆ-ಮತ್ತೆ ಪರೀಕ್ಷೆ ತೊಗೋಬೋದು.

ಇನ್ನೂ ಹೆಚ್ಚು ಮಾಹಿತಿ ಬೇಕಿದ್ರೆ ಈ ವೆಬ್ ಸೈಟ್ ನೋಡಿ: www.nios.ac.in  ಅಥ್ವಾ ಇಲ್ಲಿಗೆ ಮಿಂಚಂಚೆ ಬರ್ದು ವಿಚಾರ್ಸಿ: rcdelhi@nios.ac.in, rcbengaluru@nios.ac.in.

ಇದಲ್ದೆ,  ದುಡ್ಡಿಲ್ದೆ ಈ ನಂಬರ್ಗೆ ಫೋನ್ ಮಾಡಿ ಕೇಳಿ: 18001809393.

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: