ಈ ಜಾಗದಲ್ಲಿ 30 ಸೆಕೆಂಡ್ ಒತ್ಕೊಳೋದ್ರಿಂದ ನಿಮಗೆ ಏನ್ ಲಾಭ ಇದೆ ಅಂತ ಕೇಳಿ ಆಶ್ಚರ್ಯ ಪಡ್ತೀರಿ

ಬಸುರೀರು ಮಾತ್ರ ಮಾಡಕ್ಕೆ ಹೋಗ್ಬೇಡಿ

ತಲೆನೋವಿನಷ್ಟು ಕಿರಿಕಿರಿ ಇನ್ಯಾವ ನೋವೂ ಇರಲ್ಲ ನೋಡಿ

ಮೂಗಿರೋ ತನಕ ನೆಗಡಿ ತಪ್ಪಾತ್ತಾ? ಹಂಗೆ ತಲೆ ಇರೋವರ್ಗೂ ತಲೆನೋವು ತಪ್ಪಿದ್ದಲ್ಲ. ತಲೆನೋವು ಬಂದಾಗ ನಾವ್ ಏನ್ ಮಾಡ್ತೀವಿ, ಪುಸಕ್ ಅಂತ ಒಂದು ಗುಳಿಗೆ ನುಂಗ್‌ ಬಿಡ್ತೀವಿ. ಇಲ್ಲಾ ಯಾವ್ದಾದ್ರೂ ಬಾಮನ್ನ ಹಣೆಗೆ ಚೆನ್ನಾಗಿ ತಿಕ್ಕೋತೀವಿ. ಆ ಕ್ಷಣಕ್ಕೆ ತಲೆನೋವು ಕಡಿಮೆ ಆಗತ್ತೆ ಅನ್ನಿ.

ಆದರೆ ಯಾವುದೇ ಔಷಧಿ ಇಲ್ದಂಗೆ, ಬಾಮು ಕ್ರೀಮು ಉಪಯೋಗಿಸ್ದೆ ತಲೆನೋವು ಕಡಿಮೆ ಮಾಡ್ಕೊಳ್ಳಕ್ಕೆ ಆಗಲ್ವಾ? ಅದಕ್ಕೂ ನಮ್ ಕೈಯಲ್ಲೇ ಇದೆ ಮದ್ದು...

ಬರೀ 30 ಸೆಕೆಂಡಲ್ಲಿ ತಲೆನೋವು ಕಡಿಮೆ ಮಾಡ್ಕೊಳ್ಳೋದು ಹೇಗೆ ಅಂತ ನಾವು ಹೇಳ್ಕೊಡ್ತೀವಿ ಬನ್ನಿ.

ನಮ್ ದೇಹದಲ್ಲಿ ಆಕ್ಟೀವ್ ಸ್ಪಾಟ್‌ಗಳು ಅಂತ ಇರ್ತಾವೆ. ಆ ಜಾಗದಲ್ಲಿ ಮಸಾಜ್ ಮಾಡ್ಕೊಂಡಾಗ ನೋವು ಕಡಿಮೆ ಆಗೋದ್ರ ಜೊತೆಗೆ ರಿಲ್ಯಾಕ್ಸ್ ಕೂಡ ಆಗ್ತೀವಿ. ಅದೇ ರೀತಿ ಆಕ್ಯುಫ್ರೆಶರ್ ತಂತ್ರ ಬಳಸಿ ತಲೆನೋವನ್ನೂ ಕಡಿಮೆ ಮಾಡ್ಕೋಬೋದು.

ತಲೆನೋವನ್ನು ಕಡಿಮೆ ಮಾಡೋ ಆಕ್ಟೀವ್ ಸ್ಪಾಟ್ ನಮ್ಮ ಅಂಗೈಯಲ್ಲೇ ಇರೋದು. ಎಡಗೈನ ಹೆಬ್ಬೆರಳು ಮತ್ತೆ ತೋರುಬೆರಳಿನ ನಡುವೆ ಒತ್ತಿಹಿಡಿದಾಗ ಅಲ್ಲೊಂದು ಮಾಂಸಖಂಡ ಸಿಗುತ್ತೆ. ಅದೇ ಆಕ್ಟೀವ್ ಸ್ಪಾಟ್.

ಈಗ ನೀವು ಮಾಡ್ಬೇಕಾಗಿದ್ದಿಷ್ಟೇ. ಈ ಆಕ್ಟೀವ್ ಸ್ಪಾಟಲ್ಲಿ ಬಲಗೈ ಹೆಬ್ಬೆರಳು ಮತ್ತೆ ತೋರುಬೆರಳಿಂದ ಒತ್ತಿ ಹಿಡ್ಕೊಳ್ಳಿ. ಹೆಬ್ಬೆರಳು ಮೇಲಿರ್ಬೇಕು. ಹಾಗೆ ತೋರ್ಬೆರಳು ಕೆಳಗಿರ್ಬೇಕು. 30 ಸೆಕೆಂಡ್ ಕಾಲ ಹಾಗೇ ಒತ್ತಿ ಹಿಡ್ಕೊಳ್ಳಿ. ಅದಾದ್ಮೇಲೆ ಬಲಗೈಗೂ ಹಂಗೆ ಮಾಡ್ಕೊಳ್ಳಿ. 30 ಸೆಕೆಂಡ್ ಒತ್ತಿ ಹಿಡ್ಕೊಳ್ಳಿ. ಇದನ್ನ ನೀವು ಕರೆಕ್ಟಾಗಿ ಮಾಡ್ಕೊಂದ್ರೆ 30 ಸೆಕೆಂಡಲ್ಲಿ ತಲೆನೋವು ಮಾಯ ಆಗುತ್ತೆ.

ಅಂದಹಾಗೆ ಹೇಳೋದು ಮರೆತೆ...ಬಸುರಾಗಿರೋ ಹೆಂಗಸ್ರು ಇದನ್ನ ಮಾಡೋ ಹಂಗಿಲ್ಲ, ಯಾಕಂದ್ರೆ ಗರ್ಭಪಾತ ಆಗೋ ಅಪಾಯ ಇದೆ. ಆದ್ದರಿಂದ ಬಸುರಿ ಹೆಂಗಸ್ರೆ ತಲೆನೋವಿಗೆ ನೀವು ಹೀಗ್ ಮಾಡೋಕೆ ಹೋಗ್ಬೇಡಿ. ನೀವು ಡಾಕ್ಟ್ರತ್ರ ತೋರಿಸ್ಕೊಳ್ಳೋದೆ ಒಳ್ಳೇದು.

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ಎಳ್ಳಿಂದ ಆರೋಗ್ಯದಲ್ಲಿ ಈ 10 ನಂಬಲಾರದ ಬದಲಾವಣೆ ಆಗುತ್ತೆ ನೋಡಿ

ಮೂರ್ತಿ ಚಿಕ್ಕದಾದರೂ ಕೀರ್ತಿ ದೊಡ್ಡದು

ಎಳ್ಳು ಮೊದಲು ಬೆಳೆಸಿದ್ದು ಭಾರತದಲ್ಲೇ. ನಮ್ಮ ಪುರಾಣ ಪುಣ್ಯಕಥೇಲೆಲ್ಲಾ ಎಳ್ಳಿನ ಬಗ್ಗೆ ಹೇಳಿದಾರೆ. ಭಾರತದಿಂದ ಇದು ಬೇರೆ ದೇಶಗಳಿಗೆ, ಆಫ್ರಿಕಾ, ಏಷ್ಯಾ ಮತ್ತೆ ಅರಬ್ ದೇಶಗಳಿಗೆ ಹೋಯ್ತಂತೆ. ಇವತ್ತು ಭಾರತ, ಚೈನಾ ಮತ್ತೆ ಮೆಕ್ಸಿಕೋ ದೇಶಗಳು ಎಳ್ಳನ್ನ ತುಂಬಾ ಬೆಳ್ಯೋ ದೇಶಗಳಾಗಿವೆ. ಎಳ್ಳಿನಲ್ಲಿ ಕಾಪರ್, ಮ್ಯಾಂಗನೀಸ್ ಮಾತ್ರ ಅಲ್ಲ ಕ್ಯಾಲ್ಷಿಯಂ, ಮಗ್ನೀಷಿಯಂ, ಕಬ್ಬಿಣ, ಫಾಸ್ಪರಸ್, ವಿಟಮಿನ್ ಬಿ1, ಇನ್ನೂ ಏನೇನೋ ಇದೆ. ಇದರ ಜೊತೆ ಸೆಸಾಮಿನ್ ಮತ್ತೆ ಸೆಸಮೊಲಿನ್ ಅನ್ನೋ ಎರಡು ವಸ್ತು ಎಳ್ಳಲ್ಲಿದೆ. ಇದ್ರಲ್ಲಿರೋ ಲಿಗ್ನಾನ್ ಅನ್ನೋ ನಾರಿನಂಶ ಕೊಲೆಸ್ಟ್ರಾಲ್ ಕಮ್ಮಿ ಮಾಡುತ್ತೆ.

1. ಎಳ್ಳಲ್ಲಿರೋ ಕಾಪರ್ ಕೀಲುನೋವು ಕಮ್ಮಿ ಮಾಡತ್ತೆ

ಕಾಪರ್ ರುಮಾಟಿಡ್ ಆಥ್ರಿಟಿಸ್ ಗೆ ಒಳ್ಳೇ ಔಷಧಿ. ಇದು enzyme system ಅಲ್ಲಿನ ಊತ ಕಮ್ಮಿ  ಮಾಡತ್ತೆ. ಅಲ್ಲದೇ ರಕ್ತನಾಳ, ಮೂಳೆ ಮತ್ತು ಕೀಲುಗಳಿಗೆ ಶಕ್ತಿ ಕೊಡೋ ಕೊಲ್ಲಾಜಿನ್ ಮತ್ತೆ ಎಲಾಸ್ಟಿಕ್ ಗೆ ಲಿಂಕ್ ಮಾಡತ್ತೆ.

greatlifeandmore.com

2. ಮೆಗ್ನೀಷಿಯಂ ರಕ್ತನಾಳ ಮತ್ತೆ ಉಸಿರಾಟಕ್ಕೆ ಶಕ್ತಿ ಕೊಡತ್ತೆ

ಮಗ್ನೀಷಿಯಂ ಆಸ್ತಮಾಗೆ ಒಳ್ಳೇ ಔಷಧ. ರಕ್ತದೊತ್ತಡ, ಸ್ಟ್ರೋಕ್ ಮತ್ತೆ ಡಯಾಬಿಟಿಸ್ ಕೂಡ ಇದ್ರಿಂದ ಕಮ್ಮಿ ಆಗತ್ತೆ. ಮೈಗ್ರೇನ್ ತಲೆನೋವು ಬರಿಸೋ trigeminal blood vessel spasm ನ ಕೂಡ ಕಮ್ಮಿ ಮಾಡತ್ತೆ. ಅಲ್ಲದೆ ಮುಟ್ಟುನಿಲ್ಲೋ ಸಮಯದಲ್ಲಿ ಹೆಂಗಸರಿಗೆ ಆಗೋ ತೊಂದ್ರೆಗಳನ್ನೂ ಕಮ್ಮಿ ಮಾಡತ್ತೆ.

images.wisegeek.com

3. ವಿಟಮಿನ್-ಬಿ ಆತಂಕದ ಸ್ವಭಾವವನ್ನ ಕಮ್ಮಿ ಮಾಡತ್ತೆ

ಎಳ್ಳಿನಲ್ಲಿ ಆತಂಕ ಕಮ್ಮಿ ಮಾಡೋ ಎಷ್ಟೊಂದು ಗುಣಗಳಿವೆ. ಇದರಲ್ಲಿರೋ ಮಗ್ನೀಷಿಯಂ ಮತ್ತೆ ಕ್ಯಾಲ್ಷಿಯಂ ಸ್ನಾಯುಗಳು ಬಿಗಿಯೋದು ಮತ್ತೆ ಬಿಟ್ಟುಕೊಳ್ಳೋದಿಕ್ಕೆ ಸಹಾಯ ಮಾಡತ್ತೆ. ಇದರಲ್ಲಿರೋ ಥಯಾಮಿನ್ ಖಿನ್ನತೆ, ಮೂಡಿ ಆಗೋದು, ಸ್ನಾಯುಗಳ ಬಿಗಿತ ಎಲ್ಲಾ ಕಮ್ಮಿ ಮಾದತ್ತೆ.

media.newindianexpress.com

4. ಕೊಲೋನ್ ಕ್ಯಾನ್ಸರ್, ಆಸ್ಟಿಯೋಪೊರೋಸಿಸ್, ಮೈಗ್ರೇನ್ ಮತ್ತು ಮುಟ್ಟಿನ ನೋವುಗಳ್ನ ಕಮ್ಮಿ ಮಾಡತ್ತೆ

ಎಳ್ಳಲ್ಲಿರೋ ಕ್ಯಾಲ್ಷಿಯಂ ಕೊಲೊನ್ ಕಣಗಳಲ್ಲಿ ಕ್ಯಾನ್ಸರ್ ಕಾರಕ ಕೆಮಿಕಲ್ಸ್ ನ ಕಮ್ಮಿ ಮಾಡತ್ತೆ. ಆಥ್ರಿಟಿಸ್, ಮುಟ್ಟುನಿಲ್ಲೋದು, ಇಂತಾ ಟೈಮಲ್ಲಿ ಮೂಳೆ ಸವೆಯೋದನ್ನ ತಪ್ಪಿಸತ್ತೆ. ಮೈಗ್ರೇನ್ ತಲೆನೋವು ಮತ್ತೆ ಮುಟ್ಟಿನ ನೋವುಗಳನ್ನ ಕೂಡ ಕಮ್ಮಿ ಆಗತ್ತೆ.

il3.picdn.net

5. ಮೂಳೆಗಳ್ನ ಗಟ್ಟಿ ಮಾಡತ್ತೆ

ಎಳ್ಳಿನಂತ ಜಿಂಕ್ ಜಾಸ್ತಿ ಇರೋ ಆಹಾರ ತಿಂದ್ರೆ ಮೂಳೆ ಗಟ್ಟಿ ಆಗತ್ತೆ. ಆಸ್ಟಿಯೋಪೊರೊಸಿಸ್ ಅಂತಾ ಮೂಳೆ ಸವೆತದ ರೋಗಗಳು ಹೆಂಗಸರಲ್ಲಿ ಜಾಸ್ತಿ ಇದ್ರೂ, ವಯಸ್ಸಾದ ಗಂಡಸರಿಗೂ ಬರತ್ತೆ. ಜಿಂಕ್ ಕಮ್ಮಿ ಆದಷ್ಟೂ ಈ ರೋಗ ಬರೋ ಛಾನ್ಸಸ್ ಜಾಸ್ತಿ. ಎಳ್ಳಲ್ಲಿರೋ ಜಿಂಕ್ ಇದನ್ನ ಕಮ್ಮಿ ಮಾಡತ್ತೆ.

finedininglovers.cdn.crosscast-system.com

6. ಕೊಲೆಸ್ಟ್ರಾಲ್ ಕಮ್ಮಿ ಮಾಡತ್ತೆ

ಕಪ್ಪು ಎಳ್ಳಿನಲ್ಲಿ ಫೈಟೋಸ್ಟಿರಾಲ್ ಅನ್ನೋ ಒಂದು ವಸ್ತು ಇರತ್ತೆ. ಇದು ಕೊಲೆಸ್ಟ್ರಾಲ್ ತರಾನೇ ಇರತ್ತಂತೆ. ಇದನ್ನ ತಿಂದ್ರೆ ರಕ್ತದಲ್ಲಿರೋ ಕೊಲೆಸ್ಟ್ರಾಲ್ ಕಮ್ಮಿ ಆಗೋದ್ ಮಾತ್ರ ಅಲ್ಲ; ಕೆಲವು ಕ್ಯಾನ್ಸರ್ ಬೆಳ್ಯೋದೂ ತಪ್ಪತ್ತೆ.

img.allw.mn

7. ಬ್ಯಾಕ್ಟಿರೀಯ, ಫಂಗಸ್ ಮತ್ತೆ ಯೀಸ್ಟ್ ಇನ್ ಫೆಕ್ಷನ್ ಕಮ್ಮಿ ಮಾಡತ್ತೆ

ಎಳ್ಳೆಣ್ಣೆ ಊತ ಕಮ್ಮಿ ಮಾಡತ್ತೆ. ಅದಿಕ್ಕೆ ಸಣ್ಣಪುಟ್ಟ ಗಾಯಗಳಿಗೆ ಹಚ್ಚಿದ್ರೆ, ಬೇಗ ವಾಸಿ ಆಗತ್ತೆ. ಇದು ಬ್ಯಾಕ್ಟಿರೀಯಾ ಮತ್ತೆ ಫಂಗಸ್ ಬೆಳ್ಯೋದನ್ನ ಕೂಡ ತಡ್ಯೋದ್ರಿಂದ ಇವುಗಳಿಂದ ಬರೋ ಎಷ್ಟೋ ರೋಗಗಳನ್ನ ಕಮ್ಮಿ ಮಾಡತ್ತೆ. ಬೆಚ್ಚಗಿರೋ ನೀರಿಗೆ ಎಳ್ಳೆಣ್ಣೆ ಹಾಕಿಕೊಂಡು ಆ ಜಾಗದಲ್ಲೆಲ್ಲಾ ಹಚ್ಕೊಂಡ್ರೆ, ಯೀಸ್ಟ್ ಇನ್ ಫೆಕ್ಷನ್ ಕಮ್ಮಿ ಆಗತ್ತೆ.

2.wlimg.com

8. ಎಳ್ಳೆಣ್ಣೆ ಚರ್ಮಕ್ಕೆ ಹೊಳಪು ನೀಡತ್ತೆ

ಎಳ್ಳೆಣ್ಣೆ ಹಚ್ಕೊಳ್ಳೋದ್ರಿಂದ ಚರ್ಮದ ಹೊಳಪು ಜಾಸ್ತಿ ಆಗತ್ತೆ. ಚರ್ಮದಲ್ಲಿರೋ ಸಣ್ಣಪುಟ್ಟ ಗಾಯಗಳು ಮತ್ತೆ ಗೀರುಗಳೂ ಮಾಯ ಆಗತ್ವೆ. ಮುಖದ ಚರ್ಮ ಗಟ್ಟಿ ಮಾಡಿ, ಚರ್ಮದ pores ಗಳು ದೊಡ್ಡದಾಗೋದನ್ನ ಎಳ್ಳೆಣ್ಣೆ ತಡ್ಯತ್ತೆ. ಎಳ್ಳೆಣ್ಣೆಯಿಂದ ಮುಖ ಚೆನ್ನಾಗಿ ತಿಕ್ಕಿ ಅಕ್ಕಿ ಅಥವಾ ಕಡ್ಲೆಹಿಟ್ಟಿನಿಂದ ಉಜ್ಜಿ ತೊಳೆದುಕೊಂಡ್ರೆ ಇಂತಾ pore ಎಲ್ಲಾ ಮುಚ್ಚೋಗತ್ತೆ.

mojepedzelki.blog.pl

9. ತಲೆಬುರುಡೆಯ ಸಮಸ್ಯೆಗಳನ್ನ ಎಳ್ಳೆಣ್ಣೆ ಕಮ್ಮಿ ಮಾಡತ್ತೆ

ತಲೆಬುರುಡೆ ಆರೋಗ್ಯವಾಗಿರಕ್ಕೆ ಬೇಕಾದ ವಿಟಮಿನ್ ಮಿನರಲ್ ಎಲ್ಲಾ ಎಳ್ಳೆಣ್ಣೆಯಿಂದ ಸಿಗತ್ತೆ. ಎಳ್ಳೆಣ್ಣೆ ಹಾಕ್ಕೊಂಡು ತಲೆ ಮಸಾಜ್ ಮಾಡಿದ್ರೆ ತಲೆಹೊಟ್ಟು, ಒಣಒಣ ಅನ್ನೋದು ಎಲ್ಲಾ ಕಮ್ಮಿ ಆಗತ್ತೆ. ಕೂದಲು ಉದುರೋದು ಕಮ್ಮಿ ಆಗತ್ತೆ.

healthadvisorgroup.com

10. ಎಳ್ಳೆಣ್ಣೆ ರೇಡಿಯೇಷನ್ ಡ್ಯಾಮೇಜಿಂದ ರಕ್ಷಣೆ ಕೊಡತ್ತೆ

ಎಳ್ಳೆಣ್ಣೆ ಮತ್ತೆ ಎಳ್ಳಿನ ಬೀಜಗಳಲ್ಲಿರೋ ಸೆಸಾಮೋಲ್ ರೇಡಿಯೇಷನ್ ನಿಂದ DNAಗೆ ಹಾನಿ ಆಗೋದನ್ನ ತಪ್ಪಿಸತ್ತೆ. ಇದು ಕರುಳು ಮತ್ತು ಸ್ಪ್ಲೀನ್ಗೆ ಹಾನಿ ಆಗೋದನ್ನೂ ತಡಿಯತ್ತೆ.

dosaikal.files.wordpress.com

ಗೊತ್ತಿತ್ತಾ?? ಇನ್ನೇನು ಮತ್ತೆ? ಎಳ್ಳುಂಡೆ ಜಮಾಯಿಸಿ ಮತ್ತೆ!!! ಎಳ್ಳಿಗೆ ಎಳ್ಳು ನೀರು ಬಿಡೋ ಬದ್ಲು ಗೊಜ್ಜು ಮಾಡಿ ಉಡಾಯಿಸಿ!!

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: