ಬೆಲ್ಲದಿಂದ ಇಷ್ಟೆಲ್ಲಾ ಲಾಭಗಳಿವೆ ಅಂತ ಗೊತ್ತಾದ್ರೆ ಅದರ ಸಿಹಿ ಸವಿಯಕ್ಕೆ ಸಂಕ್ರಾಂತಿ ತನಕ ಕಾಯ್ಬೇಕಾಗಿಲ್ಲ

ಚಳಿಗೆ ಸಕತ್ತಾಗಿ ತಿನ್ಬೇಕು ಅನ್ನಿಸತ್ತೆ!

ಎಳ್ಳು, ನೆಲಗಡಲೆ, ಬೆಲ್ಲ ಇವೆಲ್ಲ ದೇಹದಲ್ಲಿ ಉಷ್ಣತೆ ಹೆಚ್ಚಾಗೋಹಾಗೆ ಮಾಡುತ್ತೆ. ಸಂಕ್ರಾಂತಿ ಬಂತು ಅಂತ ಎಳ್ಳು ಬೆಲ್ಲದ ಬಗ್ಗೆ ಹೇಳ್ತಿದ್ದಾರೆ ಅನ್ಕೊಂಡ್ರಾ? ನಾವು ಇವತ್ತು ಮಾತಾಡ್ತಿರೋದು ಬರಿ ಬೆಲ್ಲದ ಬಗ್ಗೆ.

ಕಬ್ಬು, ಖರ್ಜೂರ ಅಥವಾ ತಾಳೆಯಿಂದ ಬೆಲ್ಲ ಮಾಡ್ತಾರೆ. ಇವೆಲ್ಲದರಲ್ಲೂ ಸಿಹಿ ಅಂಶ ಇರುತ್ತೆ. ಈ ಬೆಲ್ಲ ಯಾವುದ್ರಿಂದ ಮಾಡಿರ್ತಾರೆ ಅನ್ನೋದರ ಮೇಲೆ ಅದರ ಬಣ್ಣ ಇರುತ್ತೆ. ಬೆಲ್ಲದಲ್ಲಿ ತುಂಬಾನೇ ಔಷಧಿ ಗುಣಗಳಿವೆ. ಅದ್ಯಾವುದು ತಿಳ್ಕೊಳಿ, ಇಲ್ಲಿ 10 ಮಾತ್ರ ಪಟ್ಟಿ ಮಾಡಿದ್ದೀವಿ…

1. ವಯಸ್ಸಾದವರಂತೆ ಕಾಣದೆ ಇರೋಹಾಗೆ ಮಾಡುತ್ತೆ.

ಬೆಲ್ಲದಲ್ಲಿ ಝಿನ್ಕ್ , ಸೆಲೆನಿಯಮ್ ನಂತಹ ಮಿನರಲ್ಗಳು ಇವೆ. ಇದಕ್ಕೆ ನಮ್ಮ ದೇಹದಲ್ಲಿ ವಯಸ್ಸಾದ ಹಾಗೆ ಮಾಡೋ ಗುಣಗಳನ್ನ ತಡೆಯೋ ಶಕ್ತಿ ಇದೆ. ವಯಸ್ಸಾದಂತೆ ಕಾಣೋ ಸೋಂಕಿನ ವಿರುದ್ಧ ಹೊರಡೋ ಶಕ್ತಿ ಇದೆ. ನಮ್ಮ ದೇಹದಲ್ಲಿ ರೋಗ ನಿರೋಧಕ ಶಕ್ತಿನೂ ಹೆಚ್ಚಿಸುತ್ತೆ.

2. ಮಲಬದ್ದತೆಗೆ ಒಳ್ಳೆ ಪರಿಹಾರ ಸಿಗತ್ತೆ.

ಬೆಲ್ಲ ತಿನ್ನೋದ್ರಿಂದ ನಮ್ಮ ದೇಹದಲ್ಲಿ ಜೀರ್ಣಕ್ರಿಯೆ ಚೆನ್ನಾಗಿ ಆಗುತ್ತೆ. ಕರುಳಿನ ಚಲನವಲನ ಚೆನ್ನಾಗಿ ಆಗುವಂತೆ ಮಾಡುತ್ತೆ. ಇದ್ರಿಂದ ಮಲಬದ್ಧತೆ ಆಗೋದನ್ನ ತಪ್ಪಿಸುತ್ತೆ.

3. ದೇಹದಿಂದ ವಿಷಪದಾರ್ಥಗಳ್ನ ಹೊರಹಾಕಕ್ಕೆ ಸಹಾಯ ಮಾಡುತ್ತೆ.

ಬೆಲ್ಲ ನಮ್ಮ ದೇಹ, ಲಿವರ್ ಎರಡನ್ನೂ ಕ್ಲೀನ್ ಮಾಡಿ ಅಲ್ಲಿಂದ ವಿಷದ ಪದಾರ್ಥಗಳು ಹೊರಗೆ ಹೋಗೋಹಾಗೆ ಮಾಡುತ್ತೆ. ಹೀಗೆ ಆಗ್ಬೇಕು ಅಂದ್ರೆ ಚೂರು ಚೂರು ಬೆಲ್ಲ ತಿನ್ನುತ್ತಾ ಇರಿ.

cambodiatours.info

4. ಜ್ವರದ ಲಕ್ಷಣ ಇದ್ದಾಗ ತಿಂದ್ರೆ ಒಳ್ಳೆ ಮದ್ದು.

ಶೀತ, ನೆಗಡಿ, ಕೆಮ್ಮು  ಇದ್ದಾಗ ಇದನ್ನ ತಿನ್ನೋದ್ರಿಂದ ಜ್ವರ ಬರೋದನ್ನ ತಪ್ಪಿಸುತ್ತೆ

5. ರಕ್ತ ಶುದ್ದಿ ಮಾಡಕ್ಕೂ ಸಹಾಯ ಮಾಡುತ್ತೆ.

ಬೆಲ್ಲದಲ್ಲಿರೋ ಎಲ್ಲಕ್ಕಿಂತ ಮುಖ್ಯದ ಗುಣ ಅಂದ್ರೆ ರಕ್ತ ಶುದ್ದಿ ಮಾಡೋದು. ಒಂದು ನಿರ್ಧಿಷ್ಟ ಪ್ರಮಾಣದಲ್ಲಿ ದಿನನಿತ್ಯ ತಿನ್ನುತ್ತಾ ಬಂದ್ರೆ ಇದು ರಕ್ತ ಶುದ್ದಿ ಮಾಡುತ್ತೆ, ನಮ್ಮ ದೇಹದ ಆರೋಗ್ಯಾನೂ ಕಾಪಾಡುತ್ತೆ.

6. ಮೊಡವೆ ಕಮ್ಮಿ ಆಗುತ್ತೆ.

ಬೆಲ್ಲಕ್ಕೆ ಚರ್ಮದಲ್ಲಿ ಸುಕ್ಕು ಕಾಣಿಸದ ಹಾಗೆ ಮಾಡೋ ಗುಣ ಅಷ್ಟೇ ಅಲ್ಲದೆ ಮೊಡವೆ ಹಾಗೂ ಯಾವುದೇ ಕಲೆ ಇಲ್ಲದಹಾಗೆ ಮಾಡುತ್ತೆ.

healthyliving.natureloc.com

7. ಮುಟ್ಟಿನ ಪೂರ್ವ ಲಕ್ಷಣಗಳನ್ನ ಕಮ್ಮಿ ಮಾಡುತ್ತೆ.

ಮುಟ್ಟು ಕಾಣಿಸಿಕೊಳ್ಳೋದಕ್ಕೆ ಮುಂಚೆ ನಿಮಗೆ ನಿಮ್ಮ ಮೂಡ್ ಆಗಾಗ ಬದಲಾಗೋ ಲಕ್ಷಣ ಕಾಣಿಸುತ್ತ? ಇದು ಹಾರ್ಮೋನುಗಳ ವ್ಯತ್ಯಾಸದಿಂದ ಆಗೋದು. ಆಗಾಗ ಸ್ವಲ್ಪ ಬೆಲ್ಲ ತಿನ್ನಿ.ಇದ್ರಿಂದ ನಿಮ್ಮ ದೇಹದಲ್ಲಿ ಸಂತೋಷ ಉಂಟುಮಾಡುವ ರಸಗಳನ್ನ ಇದು ಉತ್ಪತ್ತಿ ಮಾಡುತ್ತೆ. ನಿಮ್ಮ ದೇಹಕ್ಕೆ ವಿಶ್ರಾಂತಿ ಸಿಕ್ಕಹಾಗೂ ಆಗುತ್ತೆ.

8. ಎಳ್ಳುಲ್ಲ + ಬೆಲ್ಲ ಉಸಿರಾಟದ ತೊಂದರೆ ಕಮ್ಮಿ ಮಾಡತ್ತೆ

ಬೆಲ್ಲ ತಿನ್ನೋದ್ರಿಂದ ಅಸ್ತಮಾದಂತಹ ಉಸಿರಾಟದ ತೊಂದರೆಗೆ ಪರಿಹಾರ ಸಿಗುತ್ತೆ. ನುರಿತ ತಜ್ಞರು ಹೇಳೋ ಪ್ರಕಾರ ಬೆಲ್ಲದ ಜೊತೆ ಎಳ್ಳು ಸೇರಿಸ್ಕೊಂಡು ತಿಂದ್ರೆ ತುಂಬಾನೇ ಒಳ್ಳೇದಂತೆ.

9. ತೂಕ ಕಮ್ಮಿ ಮಾಡ್ಕೊಳಕ್ಕೆ ಸಹಾಯ ಮಾಡುತ್ತೆ.

ದೇಹದ ತೂಕ ಕಮ್ಮಿ ಮಾಡ್ಕೊಳದಕ್ಕೂ ಇದು ಸಹಾಯ ಮಾಡುತ್ತೆ. ಬೆಲ್ಲದಲ್ಲಿ ಪೊಟ್ಯಾಸಿಯಂ ಅಂಶ ಇದೆ. ಇದು ನಮ್ಮ ದೇಹದ ಮೆಟಬಾಲಿಸಂ ಹೆಚ್ಚಾಗಿರೋಹಾಗೆ ಮಾಡಿ ದೇಹದಲ್ಲಿ ಹೆಚ್ಚು ನೀರು ಇಲ್ಲದಹಾಗೆ ಮಾಡುತ್ತೆ. ಇದ್ರಿಂದ ನಮ್ಮ ದೇಹದ ಕಾಪಾಡ್ಕೊಳೋದಕ್ಕೆ ಸಹಾಯ ಆಗುತ್ತೆ.

healthnparambariym.com

10. ಅನಿಮಿಯಾ / ರಕ್ತಹೀನತೆ ತಡೆಯತ್ತೆ.

ಬೆಲ್ಲದಲ್ಲಿ ಕಬ್ಬಿನ ಹಾಗೂ ವಿಟಮಿನ್ ಬಿ ಅಂಶ ಹೆಚ್ಚಾಗಿದೆ.ಬೆಲ್ಲ ತಿಂನ್ನೋದ್ರಿಂದ ರಕ್ತ ಹೀನತೆ ಆಗದೆ ನಮ್ಮ ದೇಹದಲ್ಲಿ ಕೊಂಪು ರಕ್ತ ಕಣಗಳು ಸರಿಯಾದ ಪ್ರಮಾದಲ್ಲಿ ಇರೋದಕ್ಕೆ ಸಹಾಯ ಮಾಡುತ್ತೆ. ಗರ್ಭಿಣಿಯರಿಗಂತೂ ತುಂಬಾನೇ ಒಳ್ಳೇದು. ದೇಹಕ್ಕೆ ತಕ್ಷಣ ಶಕ್ತಿ ಬರೋಹಾಗೆ ಮಾಡಿ ಆಯಾಸ ಹೋಗೋಹಾಗೆ ಮಾಡಿ, ಬಲಹೀನತೆ ಹೋಗಿಸುತ್ತೆ.

ಇಷ್ಟೆಲ್ಲಾ ಒಳ್ಳೆ ಗುಣ ಇರೋದ್ರಿಂದಾನೆ ನಮ್ಮಲ್ಲಿ ಸಾಮಾನ್ಯವಾಗಿ ದಿನನಿತ್ಯ ಅಡುಗೇಲೂ ಉಪಯೋಗಿಸೋದು.

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ಮಕ್ಕಳು ಸ್ಕೂಲಿಗೆ ಹೋಗೇ ಕಲೀಬೇಕೋ ಅಥ್ವಾ ಬೇರೆ ದಾರೀನೂ ಇದ್ಯೊ? ಉತ್ತರ ಇಲ್ಲಿದೆ

ಇತ್ತೀಚೆಗೆ ಚರ್ಚೆ ಆಗ್ತಿರೋ ವಿಷಯ.

ಸಾಮಾನ್ಯವಾಗಿ ಕಲಿಬೇಕು ಅಂದ್ರೆ ಮಕ್ಕಳು ಎಲ್ರ ಥರ ಸ್ಕೂಲ್ಗೆ ಹೋಗ್ಲೇಬೇಕು ಅಂದ್ಕೋತಾರೆ ಅಪ್ಪ-ಅಮ್ಮ. ಆದ್ರೆ, ಮಗು ನಂಗೆ ಎಲ್ಲರ ಥರ ಕಲ್ಯಕ್ ಆಗಲ್ಲ; ನಂಗೆ ಅವ್ರು-ಇವ್ರು ಕಲೀತಾರೆ ನೀನ್ ಮಾತ್ರ ಕಲೀತಿಲ್ಲ ಅಂದ್ರೆ ಕಷ್ಟ ಆಗತ್ತೆ; ಸ್ಕೂಲಲ್ ಕಲ್ಸೋ ಎಷ್ಟೋ ವಿಷಯ ಬೋರ್ ಆಗತ್ತೆ ಅಂದ್ರೆ ಏನ್ ಗತಿ? ಗಾಬರಿ ಆಗ್ಬೇಡಿ, ಅಂಥ  ಮಕ್ಕಳ್ಗಾಗೆ ಸರ್ಕಾರ ಶುರು ಮಾಡಿರೋ ಕಾರ್ಯಕ್ರಮದ ಬಗೆ ತಿಳಿಸ್ತೀವಿ. ಓದಿ...

1) ಮಕ್ಕಳು ಶಾಲೆ ಬಿಡಕ್ಕೆ ದುಡ್ಡೊಂದೇ ಕಾರಣ ಅಲ್ಲ

ತುಂಬಾ ಮಕ್ಕಳು ದುಡ್ಡಿಲ್ದೇನೋ, ಬೇರೆ ಯಾವ್ದೋ ಸಾಮಾಜಿಕ ಕಾರಣಕ್ಕೋ ಸ್ಕೂಲ್ ಬಿಡ್ತಿದ್ದಾರೆ. ಇನ್ನೂ ಕೆಲವ್ರು ಗಣಿತ, ವಿಜ್ಞಾನದಂಥ ಕಡ್ಡಾಯ ವಿಷಯ ಪಾಸಾಗ್ದೆ ಆಚೆ ಹೋಗ್ತಿದ್ದಾರೆ.

https://antekante.com/sites/default/files/images/e2b9befc3c6a3729c61e61487edd402c_1.jpg

2)  ಬಿಟ್ಟ ಮೇಲೆ ಮನಸ್ಸು ಬದ್ಲಾಯ್ತು ಅಂದರೆ ಏನ್ ಮಾಡೋದು ?

ಸ್ಕೂಲ್ ಒಂದ್ ಸರ್ತಿ ಬಿಟ್ಟ ಮೇಲೆ ಮತ್ತೆ ಸೇರ್ಕೊಳ್ಳೋದು ಅಷ್ಟು ಸುಲಭ ಅಲ್ಲ. ಹೆಚ್ಚಿನ ಓದಿಗಾಗಿ ಕಾಲೇಜು ಸೇರ್ಕೊಳ್ಳಕ್ಕೆ ಇನ್ನೂ ಪರದಾಡಬೇಕು. ಕೈಕಾಲು, ಆರೋಗ್ಯ ಎಲ್ಲ ಸರಿ ಇದ್ದು, ದುಡ್ಡು ಇದ್ದು, ದೊಡ್ಡ ಊರು ಹತ್ತಿರ ಇದ್ರೆ ಮಾತ್ರ ಹೇಗೋ ಓದು ಮುಗಿಸ್ಬೋದು. ಇಲ್ಲ ಅಂದ್ರೆ ಬೋ ಕಷ್ಟ.

opensocietyfoundations.org

3) ಸ್ಕೂಲ್ಗ್ ಹೋಗಿ ಓದಕ್ಕೆ ಆಗಲ್ಲ ಅನ್ನೋರ್ಗೆ ಅಂತಾನೇ ಸರ್ಕಾರ "ನ್ಯಾಷನಲ್  ಇನ್ಸ್ಟಿಟ್ಯೂಟ್ ಆಫ್  ಓಪನ್ ಸ್ಕೂಲ್" (NIOS) ತೆಗ್ದಿದೆ

ಹೀಗೆ, ಸ್ಕೂಲ್ ಬಿಟ್ಟೋರ್ಗೆ, ಸ್ಕೂಲ್ಗೆ ಸೇರ್ದೆ ಇರೋರ್ಗೆ, ಶಾಲೆಗಿಂತ ಬೇರೆ ರೀತಿ ಓದ್ಗೆ ಅವಕಾಶ ಮಾಡ್ಕೊಡ್ಬೇಕಿತ್ತು. ಇದಕ್ಕಾಗಿ ಓಪನ್ ಸ್ಕೂಲಿಂಗ್ ಎಂಬ ಬೇರೆ ಥರಾ ಕಲಿಸೋ ಯೋಜನೆ ಶುರು ಆಯ್ತು. ಇದೇ ಮುಂದೆ ೨೦೦೨ರಲ್ಲಿ "ನ್ಯಾಷನಲ್ ಇನ್ಸ್ಟಿಟ್ಯೂಟ್ ಆಫ್ ಓಪನ್ ಸ್ಕೂಲ್"(NIOS) ಅಂತ ಹೊಸ ಹೆಸ್ರು ತೊಗೋತು.

4) ಬಲವಂತ, ಒತ್ತಾಯ ಇಲ್ದೆ ಈ ಥರ ಕಲಿಯೋದು ಎಷ್ಟು ಆರಾಮ್ ಅಲ್ವ?

ಸುಲಭವಾಗಿ ಅರ್ಥ ಆಗೋ ಅಂತ ರೀತಿ ಮತ್ತು ಒಳ್ಳೇ ಕಲಿಕೆ ಎಲ್ಲಾರ್ಗೂ ಸಿಗ್ಬೇಕು, ಬೇಕಾದೋರ್ಗೆಲ್ಲಾ ತಲುಪಬೇಕು ಅನ್ನೋದೊಂದೇ ಉದ್ದೇಶ. ಪಿ.ಯು.ಸಿ.ವರೆಗೆ ಮಕ್ಕಳು ತಂತಂ ಭಾಷೇಲೇ, ಯಾವುದೇ ಬಲವಂತ, ಒತ್ತಾಯ ಇಲ್ದೆ ಕಲಿಯಕ್ಕೆ ಇರೋ ಒಳ್ಳೆ ಅವಕಾಶ.


5) ನಮ್ಗೆ ಇಷ್ಟವಾದ 5 ವಿಷಯ ಆಯ್ಕೆ ಮಾಡ್ಕೋಬೋದು. ಅಂದ್ರೆ, ಸ್ಕೂಲಲ್ ಕಲಿಸೊ ಯಾವ್ದಾದ್ರೂ ವಿಷಯ ಬೇಡ ಅನ್ಸಿದ್ರೆ ಕೈ ಬಿಡ್ಬೋದು !

ಸ್ಕೂಲಲ್ಲಿ ಬಲವಂತವಾಗಿ 6 ವಿಷಯ ಕಲೀಬೇಕು ಅನ್ನದು ಮಾಮೂಲಿ ಆದ್ರೆ, ಇಲ್ಲಿ ಯಾವ್ದಾದ್ರೂ 5 ವಿಷಯಾನ ಆರಿಸ್ಕೊಬೋದು—ಒಂದು ಭಾಷೆ ಕಡ್ಡಾಯ, ಬೇಕು ಅನ್ಸಿದ್ರೆ ಎರಡು ತೊಗೋಬೋದು. ಜಾಸ್ತಿ ವಿಷಯ ಬೇಕು ಅಂದ್ರೂನೂ ಕಲೀಬೋದು. ಮಧ್ಯೆ ಬೋರಾದ್ರೆ ಬದ್ಲಾಯಿಸ್ಕೋಬೋದು. ಯಾವ್ದು ಸುಲಭಾನೋ ಅದ್ರಲ್ಲಿ ಪರೀಕ್ಷೇಗೆ ಕೂತ್ಕೋಬೋದು.


6) ಮೂರು ಹಂತದಲ್ಲಿ ಈ ಕಾರ್ಯಕ್ರಮ ನಡೆಯತ್ತೆ.  ಜೀವನೋಪಾಯಕ್ಕಾಗಿ ಏನು ಬೇಕೋ ಅದನ್ ಕಲಿಯೋ ಅವಕಾಶಾನೂ ಇರುತ್ತೆ.

 

NIOS ಕಾರ್ಯಕ್ರಮ ಹೀಗಿರುತ್ತೆ, ನೋಡಿ: 3, 5 ಮತ್ತು 8ನೇ ತರಗತಿಗೆ ಸಮವಾಗಿ 3 ಹಂತ ಇರುತ್ತೆ. 4 ಎಸ್.ಎಸ್.ಎಲ್.ಸಿ. ಮತ್ತೆ, 5 ಪಿ.ಯು.ಸಿ. ಪ್ರತಿ ಹಂತ ದಾಟಿದ್ದಕ್ಕೆ NIOS ಪರೀಕ್ಷೆ ಮಾಡಿ, ಪಾಸಾದ್ರೆ ಪ್ರಮಾಣಪತ್ರಾನೂ ಕೊಡತ್ತೆ. ಈ ಪ್ರಮಾಣಪತ್ರಕ್ಕೆ ಬೇರೆ ಬೋರ್ಡ್ಗಳ ಪ್ರಮಾಣಪತ್ರದಷ್ಟೇ ಪವರ್ರು.

 

7)  ಆನ್ಲೈನ್ ಮೂಲಕ ಕೋರ್ಸ್ ಸೇರ್ಬೋದು, ಒಂದು ಕೋರ್ಸ್ ಮುಗ್ಸಕ್ಕೆ 5 ವರ್ಷ ಸಮಯ ಇದೆ, ಪಾಸ್ ಮಾಡೋಕೆ ಬೇಜಾನ್ ಅವಕಾಶ ಇದೆ.

ಈ ಕಾರ್ಯಕ್ರಮನ್ನ ನಡೆಸೋ ರೀತೀನೂ ಬೇರೇನೇ: ಮಾಧ್ಯಮಗಳ ಮೂಲಕ ಪುಕ್ಕಟೆ ಕಲಿಸೋ ಕಾರ್ಯಕ್ರಮಗಳು ಇರತ್ತೆ. ನೀವ್ ಕಲೀತಿದ್ದೀರೋ ಇಲ್ವೋ ಅಂತ ನೀವೆ ಕಂಡ್ಕೋಬೋದು. ನೀವ್ ಬೇಕು ಅಂದ್ರೆ, ಓದ್ಗೆ ಬೇಕಾಗೋ ಪುಸ್ತಕ, ವೀಡಿಯೋ, ಆಡಿಯೋ ಎಲ್ಲ NIOS ಪೂರೈಸತ್ತೆ. ಕನ್ನಡ್ದೋರಿಗೆ ಇದೆಲ್ಲ ಬರೀ ಇಂಗ್ಲೀಷಲ್ ಸಿಗತ್ತೆ. ಆದ್ರೆ ಎಸ್.ಎಸ್.ಎಲ್.ಸಿ. ಮತ್ತೆ ಪಿ.ಯು.ಸಿ. ಪರೀಕ್ಷೇನ ಮಾತ್ರ ಇಂಗ್ಲಿಷಲ್ಲೇ ಬರೀಬೇಕು ಅಂತಿಲ್ಲ, ಕನ್ನಡದಲ್ಲೂ ಬರೀಬೋದು.

8) ಪರೀಕ್ಷೆ ಹೇಗಿರತ್ತೆ ಅಂದ್ರೆ, ಮಕ್ಕಳು ಎಲ್ಲಾ ವಿಷಯಾನು ಒಂದೇ ಸಲ ಬರ್ದು ಮುಗಿಸ್ಬೇಕು ಅಂತೇನಿಲ್ಲ.

ವರ್ಷಕ್ಕೆ ಎರ್ಡು ಸರ್ತಿ ಪರೀಕ್ಷೆ ನಡೆಸ್ತಾರೆ. ಬೇಕು ಅನ್ನಿಸಿದಾಗ, ನಾನು ತಯಾರಾಗಿದೀನಿ ಅನ್ನಿಸ್ದಾಗ ಪರೀಕ್ಷೆಗ್ ಕೂತ್ಕೋಬೋದು. ಪಾಸಾಗಕ್ಕೆ 33% ಬೇಕೇ ಬೇಕು. ಆದ್ರೆ, ಜಾಸ್ತಿ ಬರ್ಬೇಕು ಅಂತ ಅನ್ಸಿದ್ರೆ ಮತ್ತೆ-ಮತ್ತೆ ಪರೀಕ್ಷೆ ತೊಗೋಬೋದು.

ಇನ್ನೂ ಹೆಚ್ಚು ಮಾಹಿತಿ ಬೇಕಿದ್ರೆ ಈ ವೆಬ್ ಸೈಟ್ ನೋಡಿ: www.nios.ac.in  ಅಥ್ವಾ ಇಲ್ಲಿಗೆ ಮಿಂಚಂಚೆ ಬರ್ದು ವಿಚಾರ್ಸಿ: rcdelhi@nios.ac.in, rcbengaluru@nios.ac.in.

ಇದಲ್ದೆ,  ದುಡ್ಡಿಲ್ದೆ ಈ ನಂಬರ್ಗೆ ಫೋನ್ ಮಾಡಿ ಕೇಳಿ: 18001809393.

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: