ಬಟ್ಟೆ ಮೇಲೆ ಇಂಕು, ಸಾರು, ಕಾಫಿ, ಟೀ, ಏನೇ ಬಿದ್ರೂ ಸುಲಭವಾಗಿ ಹೋಗುಸ್ಕೊಳೋದು ಹೆಂಗೆ ಅಂತ ಕೇಳಿ

ಬಿದ್ದಿದ್ದೇ ಗೊತ್ತಾಗಲ್ಲ

ಬಟ್ಟೆಗಳ ಮೇಲೆ ಅಂಟಿರೋ ಕಲೇನ ತೆಗೆಯೋದು ಒಂದು ಕಲೇನೆ! ಅದ್ರಲ್ಲೂ ತುಂಬಾ ಬೆಲೆ ಬಾಳೋ ಬಟ್ಟೆ ಮೇಲೆ ಬಿದ್ರಂತೂ ಮುಗ್ದೇ ಹೋಯ್ತು. ಬಟ್ಟೆಗೆ ಅಂಟ್ಕೊಂಡಿರೋ ಕಲೇನ ತೆಗೆಯಕ್ಕೆ ಅಂಗಡೀಗ್ಳಲ್ಲಿ ನೂರಾರು ತರದ ಸೋಪು ಪೌಡ್ರು ಸಿಗ್ತಾವೆ. ಆದ್ರೆ ಜಾಹೀರಾತಿನಲ್ಲಿ ಹೇಳ್ದಷ್ಟು ಸುಲಭ ಅಲ್ಲ ಕಲೇನೆ ತೆಗೆಯೋದು. ಬಿಳಿ ಬಟ್ಟೆಗಳಿಗಾದ್ರೆ ಎಷ್ಟೇ ಕಲೆ ತೆಗೆದ್ರೂ ಒಂಚೂರು ಅದ್ರ ಶೇಡ್ ಹಾಗೇ ಉಳ್ಕೊಂಡ್ ಬಿಟ್ಟಿರುತ್ತೆ.

    1. ಬಟ್ಟೆಗೆ ಅಂಟಿಕೊಂಡ ಕಾಫಿ ಮತ್ತೆ ಟೀ ಕಲೆಗಳನ್ನ ತೆಗೀಬೇಕು ಅಂದ್ರೆ ಆದಷ್ಟು ಬೇಗ ಅದನ್ನ ಸ್ಪಂಜಿನಿಂದ ಒರೆಸ್ಬೇಕು, ಆಮೇಲೆ ಕಲೆ ಇರೋ ಜಾಗಕ್ಕೆ ಸ್ವಲ್ಪ ಉಪ್ಪು ಹಾಕ್ಬೇಕು. ಕಲೆ ಒಣಗಿದ ಮೇಲೆ ಅರ್ಧ ಗಂಟೆ ತಣ್ಣೀರಲ್ಲಿ ನೆನಸಿ ಆಮೇಲೆ ಮಾಮೂಲಿ ತರಹ ಒಗೆದುಕೋ ಬೇಕು. 

    s-media-cache-ak0.pinimg.com

    2. ಒಂದ್ ವೇಳೆ ಬೆವರಿನ ಕಲೆಗಳೇನಾದ್ರೂ ಆಗಿದ್ರೆ, ಮೊದಲು ಪುಡಿಯುಪ್ಪಿನಿಂದ ಉಜ್ಜಿ, ಆಮೇಲೆ ಬಿಸಿಲಲ್ಲಿ ಒಣಗಿಸಿದ ಮೇಲೆ ಬಟ್ಟೇನ ಒಗೀರಿ.

    thestyleexpress.files.wordpress.com

    3. ಇಂಕ್ ಕಲೆಗಳನ್ನ ತೆಗೀಬೇಕು ಅಂದ್ರೆ ಹೇರ್-ಸ್ಪ್ರೇ ಅಥವಾ ಆಲ್ಕೋಹಾಲ್ ಹಾಕಿ ತೆಗೀಬೋದು. 

    anthonyscleaners.com

    4. ಎಣ್ಣೆ ಕಲೆ ತೆಗೀಬೇಕು ಅಂದ್ರೆ ಜೋಳದಹಿಟ್ಟು ಅಥವಾ ಟಾಲ್ಕ್ ಪೌಡರನ್ನ ಕಲೆ ಮೇಲೆ ಉಜ್ಜಿ 20 ನಿಮಿಷ ಬಿಡಿ. ಆಮೇಲೆ ಮೆತ್ತಗಿರೋಂತ ಬಟ್ಟೆ ಅಥವಾ ಬ್ರಶ್ ಹಾಕಿ ತೊಳೀರಿ.

    aos.iacpublishinglabs.com

    5. ಲಿಪ್-ಸ್ಟಿಕ್ ಕಲೆ ಆಗಿದ್ರೆ (ಕಂಗ್ರಾಟ್ಸ್!) ಪಾತ್ರೆ ತೊಳೆಯೋ ಲಿಕ್ವಿಡ್ ಸೋಪು + ನೀರು ಬೆರಸಿಕೊಂಡು ಒರೆಸಿ, ಮಂಗಮಾಯ!

    t2.uccdn.com

    6. ಬಟ್ಟೆಗೆ ಬಬ್ಬಲ್ ಗಮ್ ಅಥವಾ ಚ್ಯೂಯಿಂಗ್ ಗಮ್ ಅಂಟಿಕೊಂಡಿದ್ರೆ ಮೊದಲು ಅದರ ಮೇಲೆ ಐಸ್ ಇಡಿ. ಚೆನ್ನಗಿ ತಣ್ಣಗಾಗಿ ತಾನೇ ಬಂದುಬಿಡುತ್ತೆ.

    onmogul.s3.amazonaws.com

    7. ಟೀ ಮತ್ತೆ ಕಾಫಿ ಕಲೆಗಳನ್ನ ಗ್ಲಿಸರಿನ್ ಹಾಕಿ ಕೂಡ ತೆಗೀಬೋದು.

    media2.intoday.in

    8. ಸಾರು, ಹುಳಿ ಏನಾದರೂ‌ ಬಿದ್ದರೆ ನೀರು ಮತ್ತೆ ಗ್ಲಿಸರಿನನ್ನ ಅರ್ಧ-ಅರ್ಧ ಬೆರೆಸಿಕೊಂಡು, ಕಲೆ ಆಗಿರೋ ಜಾಗದಲ್ಲಿ ಬಟ್ಟೆ ಹಿಂದ್-ಗಡೆ ಹಾಕಿ ತೊಳೀಬೇಕು.

    pad1.whstatic.com

    9. ಹುಲ್ಲು ಗಿಡಬಳ್ಳಿಗಳಿಂದ ಆದ ಕಲೆಗಳನ್ನ ತೆಗೀಬೇಕು ಅಂದ್ರೆ ಮೆತ್ತಗಿರೋ ಹತ್ತಿಬಟ್ಟೆ ಆಲ್ಕೋಹಾಲಲ್ಲಿ ಅದ್ದಿ ಕಲೆ ಇರೋ ಜಾಗಕ್ಕೆ ಹಾಕ್ಬೇಕು. ಆಮೇಲೆ ಬಟ್ಟೆ ವಾಶ್ ಮಾಡ್ಕೋಬೇಕು.

    cdn5.littlethings.com

    10. ಆಗ್ತಾನೇ ಬಟ್ಟೆಗೆ ಅಂಟಿಕೊಂಡಿರೋ ಹಣ್ಣು ಮತ್ತೆ ವೈನ್ ಕಲೆಗಳನ್ನ ತೆಗೀಬೇಕು ಅಂದ್ರೆ ನಿಂಬೆರಸಕ್ಕೆ ಉಪ್ಪು ಸೇರಿಸಿಕೊಂಡು ಉಜ್ಜಿ.

    img.wonderhowto.com

    11. ತುಕ್ಕಿನ ಕಲೆ ಆಗಿದ್ರೆ ಮೊದ್ಲು ಒಂದು ನಿಂಬೇಹಣ್ಣಿಗೆ ಉಪ್ಪು ಹಚ್ಚಿಕೊಂಡು ರಸ ಅಂತುಕೊಳೋಹಾಗೆ ಆ ಜಾಗದಲ್ಲಿ ಮೆಲ್ಲಗೆ ಒರೆಸಿ. ಆಮೇಲೆ ಬಿಸಿಲಲ್ಲಿ ಒಣಗಾಕಿ. ಒಣಗಿದ ಮೇಲೆ ಬಟ್ಟೆ ಒಗೀರಿ. ಕಲೆ ಮಾಯ!

    jtbmetaldesigns.files.wordpress.com

    ಅಂದಹಾಗೆ, ಕಲೆ ಆದ ಕೂಡಲೆ ಏನ್ ಮಾಡಬೇಕು, ಏನ್ ಮಾಡಬಾರದು ಅಂತ ಗೊತ್ತಿರಲಿ:

    1. ಒಂದು ಬಿಳೀ ಕಾಗದ ಅಥವಾ ಬಟ್ಟೆಯನ್ನ ನೀರಲ್ಲಿ ನೆನಸ್ಕೊಂಡು ಒರೆಸಿ.
    2. ಪೇಸ್ಟು, ಗಟ್ಟಿಯಾಗಿರೋಂತ ಪದಾರ್ಥ ಅಂಟ್ಕೊಂಡಿದ್ರೆ ಚಾಕು ಉಪಯೋಗಿಸಿ.
    3. ಯಾವುದೇ ಕಾರಣಕ್ಕೂ ಸೋಪು ಹಾಕಿ ಉಜ್ಜೋದಕ್ಕೆ ಹೋಗ್ಬೇಡಿ. ಆಗತಾನೆ ಆಗಿರೋ ಕಲೆ ಆದ್ರಿಂದ ಅದು ಬಟ್ಟೆಗೆ ಇನ್ನಷ್ಟು ಅಂಟಿಕೊಳ್ಳುತ್ತೆ.
    4. ಕಲೇನ ತೆಗಿಬೇಕಾದ್ರೆ ತುಂಬಾ ಉಜ್ಜೋದಕ್ಕೆ ಹೋಗ್ಬೇಡಿ. ಇದ್ರಿಂದ ಬಟ್ಟೆ ಹರಿಯೋ ಚಾನ್ಸ್ ಇರುತ್ತೆ, ಬಣ್ಣ ಹೋಗ್ಬೋದು, ಬಟ್ಟೆ ಹಾಳಾಗ್ಬೋದು.
    5. ತುಂಬಾ ಬಿಸಿ ನೀರು ಹಾಕಿ ತೊಳೀಬೇಡಿ. ಕಲೆ ಇನ್ನಷ್ಟು ಅಂಟಿಕೊಳ್ಳತ್ತೆ. ಬೆಚ್ಚಗಿನ ಅಥವಾ ತಣ್ಣೀರನ್ನೇ ಉಪಯೋಗಿಸಿ.
    6. ಬಟ್ಟೆ ಮೇಲಿರೋ ಕಲೆ ಸಂಪೂರ್ಣವಾಗಿ ಹೋಗೋ ತನಕ ಐರನ್ ಮಾಡಕ್ಕೆ ಹೋಗ್ಬೇಡಿ. ಯಾಕಂದ್ರೆ ಆ ಕಲೆ ಇನ್ನಷ್ಟು ಅಂಟಿಕೊಳ್ಳುತ್ತೆ.
    7. ಕಲೆ ತೆಗೆಯಕ್ಕೆ ಮೊದಲು ಮೈಲ್ಡ್ ಆಗಿರೋ ಸ್ಟೈನ್ ರಿಮೂವರ್ ಬಳಸಿ, ಆಮೇಲೆ ಸ್ವಲ್ಪ ಸ್ಟ್ರಾಂಗ್ ಆಗಿರೋದನ್ನ ಬಳಸಿ.
    8. ಕೆಲವೊಂದು ಬಟ್ಟೆಗಳಿಗೆ ಕಲೆ ಅಂಟಿಕೊಂಡ್ರೆ ಹೋಗುತ್ತೋ ಇಲ್ವಾ ಅಂತ ಸ್ಪಾಟ್ ಟೆಸ್ಟ್ ಮಾಡಿಕೊಳ್ಳೋದು ಉತ್ತಮ. ಯಾಕಂದ್ರೆ ಆಮೇಲೆ ಒದ್ದಾಡೋ ಪರಿಸ್ಥಿತಿ ಬರಲ್ಲ.

    ಇಷ್ಟು ಗೊತ್ತಿದ್ದರೆ ನೀವು ಬಟ್ಟೆ ಮೇಲೆ ಬಿದ್ದಿರೋ ಕಲೆ ತೆಗೆಯೋ ತಜ್ಞರು :-)

    ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

    ಮಕ್ಕಳು ಸ್ಕೂಲಿಗೆ ಹೋಗೇ ಕಲೀಬೇಕೋ ಅಥ್ವಾ ಬೇರೆ ದಾರೀನೂ ಇದ್ಯೊ? ಉತ್ತರ ಇಲ್ಲಿದೆ

    ಇತ್ತೀಚೆಗೆ ಚರ್ಚೆ ಆಗ್ತಿರೋ ವಿಷಯ.

    ಸಾಮಾನ್ಯವಾಗಿ ಕಲಿಬೇಕು ಅಂದ್ರೆ ಮಕ್ಕಳು ಎಲ್ರ ಥರ ಸ್ಕೂಲ್ಗೆ ಹೋಗ್ಲೇಬೇಕು ಅಂದ್ಕೋತಾರೆ ಅಪ್ಪ-ಅಮ್ಮ. ಆದ್ರೆ, ಮಗು ನಂಗೆ ಎಲ್ಲರ ಥರ ಕಲ್ಯಕ್ ಆಗಲ್ಲ; ನಂಗೆ ಅವ್ರು-ಇವ್ರು ಕಲೀತಾರೆ ನೀನ್ ಮಾತ್ರ ಕಲೀತಿಲ್ಲ ಅಂದ್ರೆ ಕಷ್ಟ ಆಗತ್ತೆ; ಸ್ಕೂಲಲ್ ಕಲ್ಸೋ ಎಷ್ಟೋ ವಿಷಯ ಬೋರ್ ಆಗತ್ತೆ ಅಂದ್ರೆ ಏನ್ ಗತಿ? ಗಾಬರಿ ಆಗ್ಬೇಡಿ, ಅಂಥ  ಮಕ್ಕಳ್ಗಾಗೆ ಸರ್ಕಾರ ಶುರು ಮಾಡಿರೋ ಕಾರ್ಯಕ್ರಮದ ಬಗೆ ತಿಳಿಸ್ತೀವಿ. ಓದಿ...

    1) ಮಕ್ಕಳು ಶಾಲೆ ಬಿಡಕ್ಕೆ ದುಡ್ಡೊಂದೇ ಕಾರಣ ಅಲ್ಲ

    ತುಂಬಾ ಮಕ್ಕಳು ದುಡ್ಡಿಲ್ದೇನೋ, ಬೇರೆ ಯಾವ್ದೋ ಸಾಮಾಜಿಕ ಕಾರಣಕ್ಕೋ ಸ್ಕೂಲ್ ಬಿಡ್ತಿದ್ದಾರೆ. ಇನ್ನೂ ಕೆಲವ್ರು ಗಣಿತ, ವಿಜ್ಞಾನದಂಥ ಕಡ್ಡಾಯ ವಿಷಯ ಪಾಸಾಗ್ದೆ ಆಚೆ ಹೋಗ್ತಿದ್ದಾರೆ.

    https://antekante.com/sites/default/files/images/e2b9befc3c6a3729c61e61487edd402c_1.jpg

    2)  ಬಿಟ್ಟ ಮೇಲೆ ಮನಸ್ಸು ಬದ್ಲಾಯ್ತು ಅಂದರೆ ಏನ್ ಮಾಡೋದು ?

    ಸ್ಕೂಲ್ ಒಂದ್ ಸರ್ತಿ ಬಿಟ್ಟ ಮೇಲೆ ಮತ್ತೆ ಸೇರ್ಕೊಳ್ಳೋದು ಅಷ್ಟು ಸುಲಭ ಅಲ್ಲ. ಹೆಚ್ಚಿನ ಓದಿಗಾಗಿ ಕಾಲೇಜು ಸೇರ್ಕೊಳ್ಳಕ್ಕೆ ಇನ್ನೂ ಪರದಾಡಬೇಕು. ಕೈಕಾಲು, ಆರೋಗ್ಯ ಎಲ್ಲ ಸರಿ ಇದ್ದು, ದುಡ್ಡು ಇದ್ದು, ದೊಡ್ಡ ಊರು ಹತ್ತಿರ ಇದ್ರೆ ಮಾತ್ರ ಹೇಗೋ ಓದು ಮುಗಿಸ್ಬೋದು. ಇಲ್ಲ ಅಂದ್ರೆ ಬೋ ಕಷ್ಟ.

    opensocietyfoundations.org

    3) ಸ್ಕೂಲ್ಗ್ ಹೋಗಿ ಓದಕ್ಕೆ ಆಗಲ್ಲ ಅನ್ನೋರ್ಗೆ ಅಂತಾನೇ ಸರ್ಕಾರ "ನ್ಯಾಷನಲ್  ಇನ್ಸ್ಟಿಟ್ಯೂಟ್ ಆಫ್  ಓಪನ್ ಸ್ಕೂಲ್" (NIOS) ತೆಗ್ದಿದೆ

    ಹೀಗೆ, ಸ್ಕೂಲ್ ಬಿಟ್ಟೋರ್ಗೆ, ಸ್ಕೂಲ್ಗೆ ಸೇರ್ದೆ ಇರೋರ್ಗೆ, ಶಾಲೆಗಿಂತ ಬೇರೆ ರೀತಿ ಓದ್ಗೆ ಅವಕಾಶ ಮಾಡ್ಕೊಡ್ಬೇಕಿತ್ತು. ಇದಕ್ಕಾಗಿ ಓಪನ್ ಸ್ಕೂಲಿಂಗ್ ಎಂಬ ಬೇರೆ ಥರಾ ಕಲಿಸೋ ಯೋಜನೆ ಶುರು ಆಯ್ತು. ಇದೇ ಮುಂದೆ ೨೦೦೨ರಲ್ಲಿ "ನ್ಯಾಷನಲ್ ಇನ್ಸ್ಟಿಟ್ಯೂಟ್ ಆಫ್ ಓಪನ್ ಸ್ಕೂಲ್"(NIOS) ಅಂತ ಹೊಸ ಹೆಸ್ರು ತೊಗೋತು.

    4) ಬಲವಂತ, ಒತ್ತಾಯ ಇಲ್ದೆ ಈ ಥರ ಕಲಿಯೋದು ಎಷ್ಟು ಆರಾಮ್ ಅಲ್ವ?

    ಸುಲಭವಾಗಿ ಅರ್ಥ ಆಗೋ ಅಂತ ರೀತಿ ಮತ್ತು ಒಳ್ಳೇ ಕಲಿಕೆ ಎಲ್ಲಾರ್ಗೂ ಸಿಗ್ಬೇಕು, ಬೇಕಾದೋರ್ಗೆಲ್ಲಾ ತಲುಪಬೇಕು ಅನ್ನೋದೊಂದೇ ಉದ್ದೇಶ. ಪಿ.ಯು.ಸಿ.ವರೆಗೆ ಮಕ್ಕಳು ತಂತಂ ಭಾಷೇಲೇ, ಯಾವುದೇ ಬಲವಂತ, ಒತ್ತಾಯ ಇಲ್ದೆ ಕಲಿಯಕ್ಕೆ ಇರೋ ಒಳ್ಳೆ ಅವಕಾಶ.


    5) ನಮ್ಗೆ ಇಷ್ಟವಾದ 5 ವಿಷಯ ಆಯ್ಕೆ ಮಾಡ್ಕೋಬೋದು. ಅಂದ್ರೆ, ಸ್ಕೂಲಲ್ ಕಲಿಸೊ ಯಾವ್ದಾದ್ರೂ ವಿಷಯ ಬೇಡ ಅನ್ಸಿದ್ರೆ ಕೈ ಬಿಡ್ಬೋದು !

    ಸ್ಕೂಲಲ್ಲಿ ಬಲವಂತವಾಗಿ 6 ವಿಷಯ ಕಲೀಬೇಕು ಅನ್ನದು ಮಾಮೂಲಿ ಆದ್ರೆ, ಇಲ್ಲಿ ಯಾವ್ದಾದ್ರೂ 5 ವಿಷಯಾನ ಆರಿಸ್ಕೊಬೋದು—ಒಂದು ಭಾಷೆ ಕಡ್ಡಾಯ, ಬೇಕು ಅನ್ಸಿದ್ರೆ ಎರಡು ತೊಗೋಬೋದು. ಜಾಸ್ತಿ ವಿಷಯ ಬೇಕು ಅಂದ್ರೂನೂ ಕಲೀಬೋದು. ಮಧ್ಯೆ ಬೋರಾದ್ರೆ ಬದ್ಲಾಯಿಸ್ಕೋಬೋದು. ಯಾವ್ದು ಸುಲಭಾನೋ ಅದ್ರಲ್ಲಿ ಪರೀಕ್ಷೇಗೆ ಕೂತ್ಕೋಬೋದು.


    6) ಮೂರು ಹಂತದಲ್ಲಿ ಈ ಕಾರ್ಯಕ್ರಮ ನಡೆಯತ್ತೆ.  ಜೀವನೋಪಾಯಕ್ಕಾಗಿ ಏನು ಬೇಕೋ ಅದನ್ ಕಲಿಯೋ ಅವಕಾಶಾನೂ ಇರುತ್ತೆ.

     

    NIOS ಕಾರ್ಯಕ್ರಮ ಹೀಗಿರುತ್ತೆ, ನೋಡಿ: 3, 5 ಮತ್ತು 8ನೇ ತರಗತಿಗೆ ಸಮವಾಗಿ 3 ಹಂತ ಇರುತ್ತೆ. 4 ಎಸ್.ಎಸ್.ಎಲ್.ಸಿ. ಮತ್ತೆ, 5 ಪಿ.ಯು.ಸಿ. ಪ್ರತಿ ಹಂತ ದಾಟಿದ್ದಕ್ಕೆ NIOS ಪರೀಕ್ಷೆ ಮಾಡಿ, ಪಾಸಾದ್ರೆ ಪ್ರಮಾಣಪತ್ರಾನೂ ಕೊಡತ್ತೆ. ಈ ಪ್ರಮಾಣಪತ್ರಕ್ಕೆ ಬೇರೆ ಬೋರ್ಡ್ಗಳ ಪ್ರಮಾಣಪತ್ರದಷ್ಟೇ ಪವರ್ರು.

     

    7)  ಆನ್ಲೈನ್ ಮೂಲಕ ಕೋರ್ಸ್ ಸೇರ್ಬೋದು, ಒಂದು ಕೋರ್ಸ್ ಮುಗ್ಸಕ್ಕೆ 5 ವರ್ಷ ಸಮಯ ಇದೆ, ಪಾಸ್ ಮಾಡೋಕೆ ಬೇಜಾನ್ ಅವಕಾಶ ಇದೆ.

    ಈ ಕಾರ್ಯಕ್ರಮನ್ನ ನಡೆಸೋ ರೀತೀನೂ ಬೇರೇನೇ: ಮಾಧ್ಯಮಗಳ ಮೂಲಕ ಪುಕ್ಕಟೆ ಕಲಿಸೋ ಕಾರ್ಯಕ್ರಮಗಳು ಇರತ್ತೆ. ನೀವ್ ಕಲೀತಿದ್ದೀರೋ ಇಲ್ವೋ ಅಂತ ನೀವೆ ಕಂಡ್ಕೋಬೋದು. ನೀವ್ ಬೇಕು ಅಂದ್ರೆ, ಓದ್ಗೆ ಬೇಕಾಗೋ ಪುಸ್ತಕ, ವೀಡಿಯೋ, ಆಡಿಯೋ ಎಲ್ಲ NIOS ಪೂರೈಸತ್ತೆ. ಕನ್ನಡ್ದೋರಿಗೆ ಇದೆಲ್ಲ ಬರೀ ಇಂಗ್ಲೀಷಲ್ ಸಿಗತ್ತೆ. ಆದ್ರೆ ಎಸ್.ಎಸ್.ಎಲ್.ಸಿ. ಮತ್ತೆ ಪಿ.ಯು.ಸಿ. ಪರೀಕ್ಷೇನ ಮಾತ್ರ ಇಂಗ್ಲಿಷಲ್ಲೇ ಬರೀಬೇಕು ಅಂತಿಲ್ಲ, ಕನ್ನಡದಲ್ಲೂ ಬರೀಬೋದು.

    8) ಪರೀಕ್ಷೆ ಹೇಗಿರತ್ತೆ ಅಂದ್ರೆ, ಮಕ್ಕಳು ಎಲ್ಲಾ ವಿಷಯಾನು ಒಂದೇ ಸಲ ಬರ್ದು ಮುಗಿಸ್ಬೇಕು ಅಂತೇನಿಲ್ಲ.

    ವರ್ಷಕ್ಕೆ ಎರ್ಡು ಸರ್ತಿ ಪರೀಕ್ಷೆ ನಡೆಸ್ತಾರೆ. ಬೇಕು ಅನ್ನಿಸಿದಾಗ, ನಾನು ತಯಾರಾಗಿದೀನಿ ಅನ್ನಿಸ್ದಾಗ ಪರೀಕ್ಷೆಗ್ ಕೂತ್ಕೋಬೋದು. ಪಾಸಾಗಕ್ಕೆ 33% ಬೇಕೇ ಬೇಕು. ಆದ್ರೆ, ಜಾಸ್ತಿ ಬರ್ಬೇಕು ಅಂತ ಅನ್ಸಿದ್ರೆ ಮತ್ತೆ-ಮತ್ತೆ ಪರೀಕ್ಷೆ ತೊಗೋಬೋದು.

    ಇನ್ನೂ ಹೆಚ್ಚು ಮಾಹಿತಿ ಬೇಕಿದ್ರೆ ಈ ವೆಬ್ ಸೈಟ್ ನೋಡಿ: www.nios.ac.in  ಅಥ್ವಾ ಇಲ್ಲಿಗೆ ಮಿಂಚಂಚೆ ಬರ್ದು ವಿಚಾರ್ಸಿ: rcdelhi@nios.ac.in, rcbengaluru@nios.ac.in.

    ಇದಲ್ದೆ,  ದುಡ್ಡಿಲ್ದೆ ಈ ನಂಬರ್ಗೆ ಫೋನ್ ಮಾಡಿ ಕೇಳಿ: 18001809393.

    ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: