ಯಾವಾಗ್ಲೂ ಕರೆಕ್ಟ್ ಟೈಮ್ ಫಾಲೋ ಮಾಡೋರಿಗೆ ಈ 10 ಪರದಾಟಗಳು ಎಂದಿಗೂ ತಪ್ಪಲ್ಲ

ಯಾರಿಗ್ ಹೇಳೋಣ ನಮ್ಮ ಪ್ರಾಬ್ಲಮ್ಮು?

ಎಲ್ಲಾರೂ ಹೇಳ್ತಾರೆ... ಸಮಯಕ್ಕೆ ಸರಿಯಾಗಿ ಬರ್ತೀನಿ, ಸರಿಯಾದ ಸಮಯಕ್ಕೆ ಬರ್ಬೇಕು... ಹಾಗೇ, ಹೀಗೆ ಅಂತ. ಈ ಮಾತು ಮಾಮೂಲು, ಆದ್ರೆ ಏನ್ ಮಾಡೋದು... ಮುಕ್ಕಾಲ್ವಾಸಿ ಜನ ಸೋಂಬೇರಿಗಳೇ... ಆದ್ರೆ ಕೆಲವೊಬ್ರು ನನ್ನಂತೋರು ಇರ್ತಾರೆ... ಬಡ್ಡಿಮಗಂದು ಅದೇನ್ ಮಾಡಿದ್ರೂ ಕರೆಕ್ಟ್ ಟೈಮಿಗೆ ಹೋಗಿರ್ತೀವಿ! ಬೇಕು ಬೇಕು ಅಂತ ನಿಧಾನ ಮಾಡಿ ಹೋಗಕ್ಕೆ ಬರೋದೇ ಇಲ್ಲ. ನನ್ನಂತವರ ಪರದಾಟ ಯಾರಿಗ್ ಹೇಳದು? ಆಗ್ಲೇ ಹೇಳ್ದಾಗೆ ಪ್ರಪಂಚದಲ್ಲಿ ಸ್ವಲ್ಪ ಸೋಂಬೇರಿಗಳು ಜಾಸ್ತಿನೇ... ಅದಕ್ಕೆ ಸಮಯ ಸರಿಯಾಗಿ ಪಾಲಿಸೋರ ಪ್ರಾಬ್ಲಮ್ಮು ತಿಳ್ಕೊಳಿ ಅಂತ ಇದನ್ನ ಬರೀತಿದೀನಿ. ಓದಿ... 

1. ತಡವಾಗಿ ಬಂದೋರ ಎಲ್ಲಾ ಉತ್ತರಗಳನ್ನೂ ಕೇಳಿ ಸಹಿಸ್ಕೊಬೇಕು, ಪುಣ್ಯಾತ್ಮರು ಏನ್ ಏನ್ ಕಾರಣ ಹೇಳ್ತಾರಪ್ಪ! ಕೆಲವೊಮ್ಮೆ ಲೇಟಾಗಿ ಬಂದೋರು ನಿಜ ಹೇಳಿದ್ರೂ ನಮಗೆ ಸುಳ್ಳು ಅನ್ನಿಸಿಬಿಡುತ್ತೆ.

ಮೂಲ

2. ಲೇಟಾಗಿ ಬರೋವ್ರಿಗೆ ಕಾಯ್ಬೇಕಾದ್ರೆ... ಅದ್ಯಾಕ್ ಗುರು ಇಷ್ಟ್ ಲೇಟ್ ಮಾಡ್ತಾರೆ ಅನ್ಸತ್ತೆ. ಹಾಗೇ ಯಾವಾಗ್ಲೂ ಲೇಟಾಗೇ ಬರ್ತಾರಲ್ಲ, ಇವ್ರಿಗೇನೂ ಅನ್ಸೋದೇ ಇಲ್ವಾ ಅಂತಾನೂ ಅನ್ಸತ್ತೆ.  ಯಾಕಂದ್ರೆ ನಮಗೆ ಯಾರ್ನಾದ್ರೂ ಕಾಯ್ಸೋದು ಅಂದ್ರೆ ನಾಚಿಕೆ!

ಮೂಲ

3. ಕೆಲವೊಬ್ಬರು ಲೇಟಾಗಿ ಬಂದ್ರೂ ಬಾಯ್ ಮಾತಿಗೂ ಸಾರಿ ಕೇಳಲ್ಲ! ಒಳಗಡೆ ಉರೀತಿದ್ರೂ ಸುಮ್ನೆ ಸಹಿಸ್ಕೊಬೇಕಾಗತ್ತೆ!

ಮೂಲ

4. ಕೆಲವೊಮ್ಮೆ ಯಾವ್ದೋ ಪಾರ್ಟಿ/ಸಮಾರಂಭಕ್ಕೆ ಸರಿಯಾದ ಟೈಮಿಗೆ ಹೋದಾಗ, ಇನ್ನೂ ಕಸ ಹೊಡಿಯೋನೂ ಬಂದಿರಲ್ಲ! ಸರಿಯಾದ ಜಾಗಕ್ಕೆ, ಸರಿಯಾದ ದಿನ ಬಂದಿದೀವಾ? ಯೋಚ್ನೆ ಮಾಡೋಹಂಗೆ ಆಗ್ಬಿಡತ್ತೆ!

ಮೂಲ

5. ಬೇಗ ಬಂದು ಬೇರೋವ್ರಿಗೆ ಕಾಯೋ ಟೈಮ್ ಇದ್ಯಲ್ಲ... ಯಾರಿಗ್ ಫೋನ್ ಮಾಡಣ? ಏನಂತ ಮಾತಾಡಣ? ಅಯ್ಯೋ! ಅಂಥಾ ಟೈಮಲ್ಲಿ ಬೋರ್ ಆಗೋಷ್ಟು ಯಾವಾಗ್ಲೂ ಆಗಲ್ಲ!

ಮೂಲ

6. ಅದ್ರಲ್ಲೂ ಈ ರೋಡಲ್ಲಿ ನಿಂತ್ಕೊಂಡ್ ಕಾಯ್ಬೇಕಾದ್ರೆ ಹೋಗೋರ್ ಬರೋರೆಲ್ಲ ಮುಖ್-ಮುಖ ನೋಡ್ಕೊಂಡ್ ಹೋಗ್ತಾರಲ್ಲ, ಒಳ್ಳೆ ಕಳ್ಳನ ಥರ ನೋಡ್ತಾರೆ! ಈ ಮುಜುಗರ ಯಾವನಿಗೂ ಬೇಡಪ್ಪ...

ಮೂಲ

7. ಕಾದು ಕಾದು ಸಾಕಾಗಿ, ಸುಸ್ತಾಗಿ ಕೂರಕ್ಕೆ ಅಂತ ಜಾಗ ಹುಡುಕೋ ಹಣೆಬರಹ ಯಾರಿಗೂ ಬೇಡ ಅನ್ನಿಸಿಬಿಡುತ್ತೆ!

ಮೂಲ

8. ನೀವೇನಾದ್ರೂ ಊಟ ತುಂಬಾ ಇಷ್ಟ ಪಡೋರಾಗಿದ್ದು, ಹೋಟೆಲ್-ಗೀಟಲಲ್ಲಿ ಕಾಯ್ಬೇಕಾದಾಗ ಆಗೋ ಬೇಜಾರು... ಛೆ! ಕಾಯೋದಕ್ಕಿಂತ ನಾವೇ ಊಟ ಮಾಡೋದ್ ವಾಸಿ ಅನ್ನಿಸತ್ತೆ! ಹಾಗೇ ತಿನ್ನಕ್ಕೂ ಜನ ಹೇಗ್ ಲೇಟ್ ಮಾಡ್ಬೋದು ಅನ್ನೋ ಯೋಚನೇನೂ ಬರತ್ತೆ.

ಮೂಲ

9. ಯಾವ್ದಾದ್ರು ಮುಖ್ಯವಾದ ದಿನ ಬಂದ್ರಂತೂ ನಿಧಾನಕ್ಕೆ ಎದ್ದೇಳಕ್ಕೆ ಸಾಧ್ಯಾನೇ ಇಲ್ಲ. ಅಪ್ಪಿ ತಪ್ಪಿ ಕಷ್ಟ ಪಟ್ಟು ಮಲಗಕ್ಕೆ ಪ್ರಯತ್ನ ಪಟ್ರೂ ನಿದ್ದೆ ಬರಲ್ಲ.

ಮೂಲ

10. ಇದೆಲ್ಲದಕ್ಕಿಂತ ಮುಖ್ಯವಾದ ವಿಚಾರ ಅಂದ್ರೆ, ಬೇಕು ಅಂತ ನಿಧಾನಕ್ಕೆ ಹೋಗಕ್ಕೆ ಪ್ರಯತ್ನ ಮಾಡಿದ್ರೂ ಜಪ್ಪಯ್ಯ ಅಂದ್ರೂ ನಿಧಾನಕ್ಕೆ ಹೋಗಕ್ಕಾಗಲ್ಲ!

ಸೋಂಬೇರಿಗಳೆಲ್ಲ ಇದನ್ನ ಓದಿ ನಗ್ತಾ ಇದ್ದೀರಾ? ನಮ್ ಕಷ್ಟಾನೂ ಸ್ವಲ್ಪ ಅರ್ಥ ಮಾಡ್ಕೊಳ್ರಿ ಪ್ಲೀಸ್! 

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನವರಾತ್ರೀಲಿ ಯಾವ ದಿನ ಯಾವ ಬಣ್ಣದ ಬಟ್ಟೆ ಹಾಕ್ಕೊಂಡ್ರೆ ಒಳ್ಳೇದು ಅಂತ ತಿಳ್ಕೊಳಿ

ಐದನೇ ದಿನ ಬಿಳಿ ಬಣ್ಣ

ದೇಶ ಪೂರ್ತಿ ನವರಾತ್ರಿ ಸಂಭ್ರಮ ಕಳೆಕಟ್ಟಿದೆ. ಕರ್ನಾಟಕದಲ್ಲಿ ದಸರ ಫೇಮಸ್ಸಾದ್ರೆ, ತಮಿಳುನಾಡಲ್ಲಿ ಗೊಲು, ಪಶ್ಚಿಮ ಬಂಗಾಳದಲ್ಲಿ ದುರ್ಗಾ ಪೂಜೆ... ಹೀಗೆ. ಈ ಹಬ್ಬದ ಸಂದರ್ಭದಲ್ಲಿ ಯಾವತ್ತು ದೇವಿಯ ಯಾವ ರೂಪದ ಪೂಜೆ ಮಾಡ್ತಾರೆ? ಯಾವ ದಿನ ಯಾವ ಬಣ್ಣದ ಬಟ್ಟೇ ಹಾಕ್ಕೊಂಡ್ರೆ ಒಳ್ಳೇದು?  ಯಾವ ಫಲಗಳಲನ್ನ ಪಡ್ಕೋಬೋದು ಅನ್ನೋ ಕಿರು ಪರಿಚಯ ಇಲ್ಲಿದೆ ನೋಡಿ.

1. ಮೊದಲ ದಿನ ಹಳದಿ ಬಣ್ಣ

ನವರಾತ್ರಿಯ ಮೊದಲನೇ ದಿನ ಶೈಲಪುತ್ರೀ ಅಂದ್ರೆ ಪರ್ವತ ರಾಜನ ಮಗಳ ಪೂಜೆ ಮಾಡ್ತಾರೆ.ಇವಳು ಬ್ರಹ್ಮ-ವಿಷ್ಣು- ಮಹೇಶ್ವರರ ಸಾಕಾರ ಅಂತ ಹೇಳ್ತಾರೆ. ತ್ರಿಶೂಲ ಹಾಗೂ ಕಮಲದ ಹೂವನ್ನ ಕೈಯಲ್ಲಿ ಹಿಡಿದಿರೋ ಈ ಮಾತೆಯ ವಾಹನ  ಗೂಳಿ. ಈ ದೇವಿಯನ್ನ ಸತಿ, ಭವಾನಿ, ಪಾರ್ವತಿ ಹಾಗೆ ಹೇಮಾವತಿ ಅನ್ನೋ ಹೆಸರಿಂದಾನೂ ಕರೀತಾರೆ.

ಮೊದಲನೇ ದಿನದ ಈ ದೇವಿ ಪೂಜೆಗೆ ಹಳದಿ ಬಣ್ಣದ ಬಟ್ಟೆ ಹಾಕ್ಕೊಂಡ್ರೆ ಒಳ್ಳೇದು ಅಂತಾರೆ.

ಮೂಲ

2. ಎರಡನೇ ದಿನ ಹಸಿರು ಬಣ್ಣ

ಕೈಯಲ್ಲಿ ಜಪಮಾಲೆ ಹಾಗೂ ಕಮಂಡಲ ಹಿಡಿದಿರೋ ದೇವಿಯ ಈ ಅವತಾರವನ್ನ ಬ್ರಹ್ಮಚಾರಿಣಿ ಅಂತ ಹೇಳ್ತಾರೆ. ಎರಡನೇ ದಿನದ ಪೂಜೆ ಬ್ರಹ್ಮಚಾರಿಣಿಗೆ ಸಲ್ಲುತ್ತೆ. ಈ ರೂಪ ಸಂತೋಷ, ಶಾಂತಿ ಹಾಗೂ ಸಮೃದ್ಧಿಯ ಸಂಕೇತ. ಬ್ರಹ್ಮಚಾರಿಣಿ ಆಶ್ರಮದಲ್ಲಿರೋ ಶ್ರದ್ದಾ ಭಕ್ತಿಯಿಂದ ಕೂಡಿರೋ ತಪಸ್ವಿನಿಯ ರೂಪ. ಹಾಗಾಗೇ ಈ ದೇವಿಯನ್ನ ಮೋಕ್ಷಕ್ಕೆ  ದಾರಿ ತೋರಿಸೋಳು ಅಂತಾನೂ ಹೇಳ್ತಾರೆ.

ಈ ರೂಪದ ದೇವಿಯನ್ನ ಪೂಜೆ ಮಾಡಕ್ಕೆ ಹಸಿರು ಬಣ್ಣದ ಬಟ್ಟೆ ಹಾಕ್ಕೊಂಡ್ರೆ ಒಳ್ಳೇದು.

ಮೂಲ

3. ಮೂರನೇ ದಿನ ಬೂದು ಬಣ್ಣ

ಚಂದ್ರಘಂಟ ಅನ್ನೋ ಹೆಸರಿಂದ ಪ್ರಸಿದ್ಧಿಯಾಗಿರೋ ಈ ದೇವಿಯ ಪೂಜೆ ಮೂರನೇ ದಿನ ಮಾಡ್ಬೇಕು. ಇವಳನ್ನ ಚಂದ್ರಿಕಾ, ರಣಚಂಡಿ ಅನ್ನೋ ಹೆಸರಿಂದಾನೂ ಕರೀತಾರೆ. ಈಕೆಯ ಹಣೆ ಮೇಲೆ ಘಂಟೆಯಾಕಾರದಲ್ಲಿ ಅರ್ಧ ಚಂದ್ರ ಇದ್ದಾನೆ. ಜೀವನದಲ್ಲಿ ಶಾಂತಿ ಹಾಗೂ ಅಭ್ಯುದಯಕ್ಕಾಗಿ ಈ ದೇವಿಯ ಪೂಜೆ ಮಾಡ್ತಾರೆ. ಪ್ರಕಾಶಮಾನವಾದ ಮೈಬಣ್ಣ ಹೊಂದಿರೋ ಈ ದೇವಿ ವಾಹನ ಸಿಂಹ. ಹತ್ತು ಕೈ, ಮೂರು ಕಣ್ಣು, ಎಲ್ಲ ಕೈಯ್ಯಲ್ಲೂ ಆಯುಧಗಳನ್ನ ಹೊಂದಿರೋ ಈ ದೇವಿ ಯುದ್ಧ ಹಾಗೂ ಶೌರ್ಯದ ಅಧಿದೇವತೆ. ರಾಕ್ಷಸರ, ಕೆಟ್ಟವರ ವಿರುದ್ಧ ಯುದ್ಧ ಮಾಡಕ್ಕೆ ಅಂತಾನೆ ಇವಳ ಮೂರನೇ ಕಣ್ಣು ಯಾವಾಗ್ಲೂ ತೆಗೆದಿರುತ್ತೆ ಅಂತಾರೆ.

ಈ ದಿನದ ಪೂಜೆ ಮಾಡಕ್ಕೆ ಬೂದುಬಣ್ಣದ ಬಟ್ಟೆ ಧರಿಸಿದ್ರೆ ಒಳ್ಳೇದು.

ಮೂಲ

4. ನಾಲ್ಕನೇ ದಿನ ಕಿತ್ತಳೆ ಬಣ್ಣ

ಕೂಷ್ಮಾಂಡಾ ದೇವಿ ತನ್ನ ನಗು ಮುಖಕ್ಕೆ ಹೆಸರುವಾಸಿ. ದೇವಿಯ ಈ ರೂಪಾನ ಪ್ರಪಂಚದ ಸೃಷ್ಟಿಕರ್ತೆ ಅಂತ ಕರೀತಾರೆ. ಈ ದೇವಿ ಆರೋಗ್ಯ, ಶಕ್ತಿ ಹಾಗೂ ಸಂಪತ್ತನ್ನು ದಯಪಾಲಿಸ್ತಾಳಂತೆ. ಈ ದೇವಿಯ ಪೂಜೆ ನಾಲ್ಕನೇ ದಿನ ನಡೆಯುತ್ತೆ. ಈ ದೇವಿಗೆ 8 -10 ಕೈ ಇದೆ. ಆಯುಧಗಳು, ಜಪಮಾಲೆ ಮುಂತಾದವನ್ನು ಕೈಯಲ್ಲಿ ಹಿಡಿದಿದ್ದಾಳೆ. ಅವಳ ಪ್ರಕಾಶವು ಎಲ್ಲ ದಿಕ್ಕುಗಳಲ್ಲೂ ಹರಡುತ್ತಂತೆ.

ಈ ದೇವಿಯ ಪೂಜೆ ಮಾಡಕ್ಕೆ ಕಿತ್ತಳೆ ಬಣ್ಣದ ಬಟ್ಟೆ ಹಾಕ್ಕೊಂಡ್ರೆ ಒಳ್ಳೇದು.

ಮೂಲ

5. ಐದನೇ ದಿನ ಬಿಳಿ ಬಣ್ಣ

ನವರಾತ್ರಿಯ ಐದನೆಯ ದಿನ ಸ್ಕಂದ ಮಾತೆ ಪೂಜೆ ಮಾಡ್ಬೇಕು. ಹೆಸರೇ ಹೇಳೋ ತರ ಈ ದೇವಿ ಯುದ್ಧಗಳ ಅಧಿಪತಿ ಸ್ಕಂದ ಅಥವಾ ಕಾರ್ತಿಕೇಯನ ತಾಯಿ. ಸಿಂಹದ ಮೇಲೆ ಕೂತಿರೋ ಈ ದೇವಿಗೆ ನಾಲ್ಕು ಕೈಗಳಿದ್ದು, ಒಂದ್ಕಡೆ ಕಮಲ, ಕಮಂಡಲ, ಮಗ ಸ್ಕಂದನ್ನ ಹಿಡಿದುಕೊಂಡು ಮತ್ತೊಂದು ಕೈಯಲ್ಲಿ ಅಭಯ ಹಸ್ತ ತೋರಿಸ್ತಾಳೆ. ಇವಳನ್ನ ಭಕ್ತಿಯಿಂದ ಪೂಜಿಸೋ ಭಕ್ತರು ಎಷ್ಟೇ ಅನಕ್ಷರಸ್ಥರಾಗಿದ್ರೂ ಜ್ಞಾನ ಸಾಗರವನ್ನೇ ನೀಡುತ್ತಾಳಂತೆ. ಅಷ್ಟೇ ಅಲ್ಲ ಈ ದೇವಿ ಮೋಕ್ಷ, ಸಂಪತ್ತು, ಸಮೃದ್ಧಿ, ಹಾಗೂ ಶಕ್ತಿ ಕೊಡ್ತಾಳೆ ಅಂತ ಹೇಳ್ತಾರೆ.

ಈ ದಿನಕ್ಕೆ ಸರಿ ಹೊಂದೋದು ಬಿಳಿ ಬಟ್ಟೆ.

ಮೂಲ

6. ಆರನೇ ದಿನ ಕೆಂಪು ಬಣ್ಣ

ಹಿಂದೆ ಕಾತ್ಯ ಅನ್ನೋ ಋಷಿ ಇದ್ದ. ಅವನಿಗೆ ದೇವೀನ ತನ್ನ ಮಗಳಾಗಿ ಪಡಿಯೋ ಆಸೆಯಾಗುತ್ತೆ. ಅದಕ್ಕಾಗಿ ಕಠಿಣ ತಪಸ್ಸು ಮಾಡಿ ದೇವಿಯ ಅನುಗ್ರಹದಿಂದ ಅವಳನ್ನೇ ತನ್ನ ಮಗಳಾಗಿ ಪಡೀತಾನೆ. ಕಾತ್ಯನ ಮಗಳಾಗಿ ಹುಟ್ಟಿದ್ರಿಂದ ದೇವಿಗೆ ಕಾತ್ಯಾಯನಿ ಅನ್ನೋ ಹೆಸರು ಬರುತ್ತೆ. ಮದುವೆ ಆಗ್ದೇ ಇರೋ ಹೆಣ್ಣು ಮಕ್ಕಳು ಈ ದೇವಿಯ ಪೂಜೆ ಮಾಡೋದ್ರಿಂದ ತಮಗೆ ಇಷ್ಟವಾಗೋ ಪುರುಷನೇ ಗಂಡನಾಗಿ ಸಿಗ್ತಾನಂತೆ.

ಈ ದಿನದ ಪೂಜೆಗೆ ಕೆಂಪು ಬಣ್ಣದ ಬಟ್ಟೆ ಹಾಕ್ಕೊಂಡ್ರೆ ಒಳ್ಳೇದಂತೆ.

ಮೂಲ

7. ಏಳನೇ ದಿನ ನೀಲಿ ಬಣ್ಣ

ನವರಾತ್ರಿಯ ಏಳನೇ ದಿನ ಕಾಳ ರಾತ್ರಿ ದೇವಿ ಪೂಜೆಗೆ ಮೀಸಲು. ಕಾಳಿ, ಭದ್ರಕಾಳಿ, ಮಹಾಕಾಳಿ, ಭೈರವಿ, ರುದ್ರಾಣಿ, ಚಂಡಿ ಅಂತಾನೂ ಈ ದೇವೀನ ಕರೀತಾರೆ. ಈ ದೇವಿಗೆ ತುಂಬಾ ಅಗಲವಾದ ಕಣ್ಣಿದೆ. ಇವಳ ಉಸಿರಲ್ಲಿ ಬೆಂಕಿ ಇದೆ. ಫಳ ಫಳ ಮಿನುಗೋ ಖಡ್ಗ ಈ ದೇವಿ ಆಯುಧ.

ನೀಲಿ ಬಣ್ಣದ ಉಡುಪು ಈ ದಿನದ ಪೂಜೆಗೆ ಒಳ್ಳೇದು

ಮೂಲ

8. ಎಂಟನೇ ದಿನ ಗುಲಾಬಿ ಬಣ್ಣ

ಎಂಟನೇ ದಿನ ಮಹಾ ಗೌರಿ ಪೂಜೆ. ಈ ದೇವಿ ಶಾಂತಿ ಹಾಗು ಬುದ್ದಿವಂತಿಕೆಗೆ ಹೆಸರುವಾಸಿ. ಈ ದೇವಿ ಹಿಮಾಲಯದ ಕಾಡಿನಲ್ಲಿ ಕಠಿಣ ತಪಸ್ಸು ಮಾಡುವಾಗ ಅವಳ ಬಿಳಿ ಬಣ್ಣ ಹೋಗಿ ಕಪ್ಪಾಯಿತಂತೆ. ಆಮೇಲೆ ಶಿವ ಗಂಗೆಯ ನೀರಿಂದ ಅವಳನ್ನ ಸ್ವಚ್ಛಗೊಳಿಸಿದಾಗ ಮತ್ತೆ ಬಿಳಿ ಬಣ್ಣ ವಾಪಸ್ ಬಂತಂತೆ.

ಮಹಾ ಗೌರಿ ಪೂಜೆಗೆ ಗುಲಾಬಿ ಬಣ್ಣದ ಬಟ್ಟೆ ಒಳ್ಳೇದಂತೆ.

ಮೂಲ

9. ಒಂಭತ್ತನೇ ದಿನ ನೇರಳೆ ಬಣ್ಣ

ಹೆಸರೇ ಹೇಳೋ ತರ ಈ ದೇವಿ ಸಿದ್ದಿ ಕೊಡೋದ್ರಿಂದ ಸಿದ್ಧಿದಾತ್ರಿ ಇವಳನ್ನ ಅಂತಾರೆ. ಈ ದೇವಿಯ ವಾಹನ ಸಿಂಹ. ನಾಲ್ಕು ಕೈಗಳಿರೋ ಈ ದೇವಿ ಕೈಯಲ್ಲಿ ಕಮಲ, ಗದೆ, ಚಕ್ರ ಹಾಗೂ ಶಂಖ ಹಿಡ್ಕೊಂಡಿದ್ದಾಳೆ.

ಈ ದಿನದ ಪೂಜೆಗೆ ನೇರಳೆ ಬಣ್ಣದ ಬಟ್ಟೆ ಒಳ್ಳೇದು ಅಂತಾರೆ.

ಮೂಲ

ನವದುರ್ಗೇರ ಬಗ್ಗೆ ಎಷ್ಟೊಂದು ವಿಷ್ಯ ಗೊತ್ತಾಯ್ತು ನೋಡಿದ್ರಾ? ದೇವೀನ ಒಳ್ಳೆ ಮನಸ್ಸಿಂದ ಪೂಜೆ ಮಾಡಿ, ಎಲ್ರೂ ಅವಳ ಕೃಪೆಗೆ ಪಾತ್ರರಾಗೋಣ!

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: