ನಮ್ಮ ದೇಶದಲ್ಲಿ ಸಿಗೋ ಈ 8 ಅದ್ಭುತ ಪ್ರವಾಸದ ಅನುಭವಗಳನ್ನ ನೀವು ಜೀವನದಲ್ಲಿ ಒಂದ್ಸರ್ತಿ ಆದ್ರೂ ಸವೀಲೇಬೇಕು

ನಮ್ ದೇಶದ ಮುಂದೆ ಯಾವ್ದೂ ಇಲ್ಲ!

 ' ದೇಶ ಸುತ್ತಿ ನೋಡು, ಕೋಶ ಓದಿ ನೋಡು ’ ಅಂತ ನಮ್ ಹಿರಿಯರು ಹೇಳಿರೋ ಮಾತು 100% ನಿಜ ಕಣ್ರೀ. ಬೇರೆ ಬೇರೆ ಜಾಗಗಳನ್ನ ಸುತ್ತಿದಾಗ ಅಲ್ಲಿ ಸಿಗೋ ಅನುಭವ , ಕಲಿಯೋ ವಿಷಯಗಳು ಅಗಾಧ. ಹಾಗೇ, ನೀವು ಬೇರೆ ಬೇರೆ ಜಾಗಗಳಿಗೆ ಹೋದಾಗ ಪ್ರತಿಯೊಂದು ಸ್ಥಳದಲ್ಲೂ  ಅಗಾಧವಾದ ಸೌಂದರ್ಯ ತುಂಬ್ಕೊಂಡಿದೆ ಅನ್ನೋದು ಅರ್ಥ ಆಗತ್ತೆ. ಅಂತಹ ಸೌಂದರ್ಯವನ್ನ ನಾವ್ ನೋಡ್ದೇ ಹೋದ್ರೆ, ಆಸ್ವಾದಿಸ್ದೆ ಹೋದ್ರೆ, ನಮ್ ಜೀವ್ನಾನೇ ವ್ಯರ್ಥ. ಅಯ್ಯೋ ಹೋಗ್ರಿ, ಯಾರ್ ಅಷ್ಟ್ ಅಷ್ಟ್ ದೂರ ದೇಶ ಬಿಟ್ಟು ದೇಶಕ್ಕ್ ಹೋಗಿ, ಲಕ್ಷಾಂತರ ರುಪಾಯಿ ಖರ್ಚ್ ಮಾಡ್ಕೊಂಡ್ ಬರ್ತಾರೆ ಅಂತ ಗೊಣಗ್ಬೇಡಿ. ಯಾಕಂದ್ರೆ, ನಾವೀಗ ಹೇಳ್ತಿರೋ ಜಾಗಗಳೆಲ್ಲಾ ನಮ್ ದೇಶದ್ದೇ... ಹಾಗೇ, ನಾವು ಜಾಗಗಳನ್ನ ಸುತ್ತಿದಾಗ, ನಮಗೆ ಸಿಗೋ ಅನುಭವ, ಸಂತೋಷ ಕೋಟಿ ರುಪಾಯ್ಗೂ ಮೀರಿದ್ದು ಅಂತ ಅರ್ಥ ಮಾಡ್ಕೊಳಿ. ಭಾರತದಲ್ಲಿರೋ ಈ ಸ್ಥಳಗಳೆನ್ನೆಲ್ಲಾ ನೋಡಿದ್ರೆ ಮೈನವಿರೇಳೋದು ಗ್ಯಾರೆಂಟಿ. ಅಲ್ಲಿನ ಈ 8 ಪ್ರವಾಸದ ಅನುಭವಗಳನ್ನ ಯಾವ್ದೇ ಕಾರಣಕ್ಕೂ ಮಿಸ್ ಮಾಡ್ಕೋಬೇಡಿ.

1. ಲಡಾಕಿನ ಹೆಪ್ಪುಗಟ್ಟಿದ ನದೀಲಿ ಟ್ರೆಕ್ಕಿಂಗ್

ಸುತ್ಲೂ ಹೆಪ್ಪುಗಟ್ಟಿದ ನೀರು. ಅಕ್ಕ ಪಕ್ಕ ಬೆಟ್ಟಗಳ ಸಾಲು. ಹೆಪ್ಪುಗಟ್ಟಿರೋ ನೀರು ಯಾವಾಗ ಬೇಕಾದ್ರೂ ಕರ್ಗಬಹುದು. ಹಾಗಂತ ಜೀವಕ್ಕೇನೂ ಅಪಾಯ ಇಲ್ಲ. ಆರಾಮಾಗಿ ಟ್ರೆಕ್ಕಿಂಗ್ ಮಾಡ್ಬಹುದು. ಇದು ಲಡಾಕಿನ ಝನ್ಸ್ಕಾರ್ ನದಿ. ಇಲ್ಲಿಗೆ ಚಳಿಗಾಲದಲ್ಲಿ ಹೋದ್ರೆ ಇನ್ನೂ ಮಜಾ ಇರತ್ತೆ!

ಮೂಲ

2. ಗುಜರಾತಿನ ಉಪ್ಪಿನ ಮರುಭೂಮೀಲಿ ಒಂಟೆ ಸವಾರಿ

ಮರುಭೂಮಿ ಅಂದ್ರೆ ಹೇಗಿರತ್ತೆ ಹೇಳಿ? ಎಲ್ನೋಡಿದ್ರೂ ಮರಳು ತಾನೇ? ಆದ್ರೆ ಗುಜರಾತಿನ ಕಚ್ನಲ್ಲಿರೋ ರಣ್ ಅನ್ನೋ ಸ್ಥಳಕ್ಕೊಮ್ಮೆ ಹೋಗ್ನೋಡಿದ್ರೆ ನಿಮ್ಗೆ ಮರಳು ಸಿಗೋಲ್ಲ, ಬದ್ಲಾಗಿ ಉಪ್ಪಿನ ಮರುಭೂಮಿ ಸಿಗತ್ತೆ. ಇಲ್ಲಿ ಎಲ್ನೋಡಿದ್ರೂ ಉಪ್ಪೇ. ಅಲ್ಲಿನ ಒಂಟೆ ಸವಾರಿ ಮತ್ತೆ ಬೆಳದಿಂಗಳ ಊಟ ನಿಮ್ಮ ಲಿಸ್ಟಲ್ಲಿ ಇರ್ಲೇಬೇಕು.

ಮೂಲ

3. ವಾಘಾ ಬಾರ್ಡರ್ರಲ್ಲಿ ಬೀಟಿಂಗ್ ರಿಟ್ರೇಟ್

"ಭಾರತ - ಪಾಕಿಸ್ತಾನ "

ಈ ಎರಡು ದೇಶಗಳ ಹೆಸ್ರು ಕೇಳ್ದಾಗ ಯುದ್ದ, ಕ್ರಿಕೆಟ್...  ಹೀಗೆ ಹಲವು ವಿಷ್ಯಗಳು ಕಣ್ಮುಂದೆ ಹಾದೋಗತ್ತೆ. ಆದ್ರೆ ಈ ವಾಘಾ ಗಡೀಲಿ ಗೇಟ್ ಮುಚ್ಚೋ ಮುಂದೆ ದಿನಾ ನಡಿಯೋ ಬೇಟಿಂಗ್ ರಿಟ್ರೀಟ್ ನೋಡಕ್ಕೆ ಎರಡು ಕಣ್ಣೂ ಸಾಲಲ್ಲ! ಇದ್ರಲ್ಲಿ ಪಾಲ್ಗೊಳ್ಳೋ ಎರಡೂ ದೇಶದ ಸೈನಿಕರ ಭಾವೋದ್ರೇಕ ನೋಡ್ತಿದ್ರೆ, ಎರಡೂ ದೇಶಗಳ ಪ್ರಜೆಗಳಿಗೆ ದೇಶಪ್ರೇಮ ಉಕ್ಕಿ ಬರತ್ತೆ. ಒಂದ್ಸಲ ಸಾಧ್ಯ ಆದ್ರೆ ನೋಡ್ಕಂಡು ಬನ್ನಿ. 

ಮೂಲ

4.  ಕಾಶ್ಮೀರದ ದಾಲ್ ಸರೋವರದಲ್ಲಿ ದೋಣಿ ವಿಹಾರ

ಕಾಶ್ಮೀರ ತನ್ನ ಪ್ರಕೃತಿ ಸೌಂದರ್ಯಕ್ಕೆ ಹೆಸರುವಾಸಿ. ಶ್ರೀನಗರ್ ಶಿಕಾರಾ ಬೋಟಲ್ಲಿ ಕೂತ್ಕಂಡು ಒಮ್ಮೆ ಸುತ್ತ ಮುತ್ತ ಇರೋ ಪರಿಸರ ನೋಡಿ. ಜೀವನ ಇಡಿ ಈ ಅನುಭವ ಮರಿಯಲ್ಲ ನೀವು!

ಮೂಲ

5. ಮನಾಲಿಯ ಇಗ್ಲೂನಲ್ಲೊಂದು ರಾತ್ರಿ 

ನಿಮ್ಗೊಂದ್ ಚಾಲೆಂಜು. ಚಳಿಯೆಲ್ಲ ನನ್ಗೆ ತಾಗಲ್ಲ ಅಂತ ನೀವು ಕೊಚ್ಕೊಳೋದಾದ್ರೆ ಮನಾಲೀಲಿರೋ ಇಗ್ಲೂಗಳಿಗೆ ಹೋಗಿ ಒಂದು ರಾತ್ರಿ ಕಳೆದು ಬನ್ನಿ. ಅಂಟಾರ್ಟಿಕಾಲಿರೋ ಎಸ್ಕಿಮೋ ತರ ಜೀವನ ಕಳೀಬೋದು.ಸುತ್ತಾ ಮಂಜುಗಡ್ಡೆ... ಚಳೀನೋ ಚಳಿ... ಒಂಥರಾ ಮಜಾ ಇರತ್ತೆ.

ಮೂಲ

6. ಕಾಶಿ ಗಂಗೆ ಆರತಿ ವೈಭವ

ನಮ್ಮಲ್ಲಿ ಎಲ್ಲಾ ಧಾರ್ಮಿಕ ಕ್ಷೇತ್ರಗಳ ಪೈಕಿ ಕಾಶಿಗೆ ಹೆಚ್ಚಿನ ಮಹತ್ವ ಕೊಡ್ತೀವಿ. ಯಾಕಂದ್ರೆ ಇಲ್ಲೇ ಪವಿತ್ರ ಗಂಗಾ ನದಿ ಹರಿಯೋದು. ಸುತ್ತ ಮುತ್ತಲೂ ಮಂತ್ರಘೋಷ , ಹೂವಿನ ಸುವಾಸನೆ , ಸಜ್ಜನರ ದಂಡು , ಆಧ್ಯಾತ್ಮದ ರುಚಿ... ಇನ್ನೂ ಹಲವು ದೃಶ್ಯಗಳ ಜೊತೆ ಗಂಗಾ ನದಿಗೆ ಆರತಿ ಬೆಳಗೋ ನೋಟ ವರ್ಣಿಸಕ್ಕೇ ಆಗಲ್ಲ. ಇದನ್ನ ಅನುಭವಿಸಿದ್ರೇನೇ ಅದರ ವೈಭವ ಗೊತ್ತಾಗೋದು. ಗಂಧರ್ವ ಲೋಕಕ್ಕೆ ಹೋದ ತರ ಅನುಭವ ಆಗತ್ತೆ.

ಮೂಲ

7. ಗಂಟೆ ಗಂಟೆಗೂ ಬಣ್ಣ ಬದ್ಲಾಯಿಸೋ ಲಡಾಕಿನ ನದಿಗಳ ಸೊಬಗು

ನದಿಯ ಬಣ್ಣ ಯಾವ್ದಪ್ಪಾ ಅಂತ ಕೇಳಿದ್ರೆ ನೀಲಿನೋ, ಹಸಿರೋ ಇಲ್ಲಾ ಇನ್ನೇನೋ ಹೇಳ್ತಿವಿ. ಆದ್ರೆ ಪ್ರತಿ ಗಂಟೆಗೊಮ್ಮೆ ನೀರಿನ ಬಣ್ಣ ಬದ್ಲಾಯ್ಸೀ ನದಿ ಬಗ್ಗೆ ಏನ್ಹೇಳೋದು? ಹೌದು... ಪ್ಯಾಂಗೋಂಗ್ ಮತ್ತೆ ಮೋರಿರಿ ಅನ್ನೋ ನದಿಗಳು ಲಡಾಕ್ನಲ್ಲಿದೆ ಅವು ಹೀಗೇ ಗಂಟೆ, ಗಂಟೆಗೂ ಬಣ್ಣ ಬದ್ಲಾಯಿಸುತ್ವೆ. ಎದ್ರಗಡೆ ನಿಂತು ನೋಡಿದ್ರೆ ನಿಮ್ಮ ಬಾಯಿಂದ ಮಾತೇ ಹೊರಡಲ್ಲ.

ಮೂಲ

8. ಅಂಡಮಾನಲ್ಲಿ ಸ್ಕೂಬಾ ಡೈವಿಂಗ್

ಸ್ಕೂಬಾ ಡೈವಿಂಗ್ ಮಾಡಕ್ಕೆ ಫಾರಿನ್ಗೆ ಹೋಗ್ಬೇಕಂತಿಲ್ಲ... ಅಂಡಮಾನಿಗೆ ಹೋಗಿ ಸಾಕು.  ಹವಳದ ದ್ವೀಪದಲ್ಲಿ, ಮೀನು ಮತ್ತು ನೀರಲ್ಲಿರೋ ಇನ್ನಷ್ಟು ಪ್ರಾಣಿಗಳ ಮಧ್ಯೆ ಸಮಯ ಕಳೆಯೋದ್ರ ಮಜಾನೇ ಬೇರೆ. 

ಮೂಲ

ನೋಡಿದ್ರಲ್ಲಾ? ನಿಮ್ ಮುಂದಿನ್ ಟ್ರಿಪ್ ಎಲ್ಲಿಗೆ ಹೇಳಿ ಮತ್ತೆ...

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ಈ 10 ಚಿಕ್ಕ ಚಿಕ್ಕ ಬದಲಾವಣೆ ಮಾಡ್ಕೊಂಡ್ರೆ ನಿಮ್ಮ ಜೀವನ ದೊಡ್ಡ ರೀತೀಲಿ ಬದಲಾಗತ್ತೆ ಅನ್ನೋದ್ರಲ್ಲಿ ಸಂದೇಹಾನೆ ಇಲ್ಲ

ಒಂದೊಂದ್ಸರ್ತಿ ಊಹೂಂ ಅನ್ನೋಕ್ಕೂ ಗೊತ್ತಿರ್ಬೇಕು

ಜೀವನ ಅದರ ಎಲ್ಲ ರೂಪದಲ್ಲೂ ಕೆಲವೊಮ್ಮೆ ನಮಗೆ ಎಷ್ಟು ಮಾಡಿದ್ರೂ ಅಷ್ಟೇ ಅನ್ನೋ ಭಾವನೆ ಬರೋಹಾಗೆ ಮಾಡಬಹುದು. ಆದ್ರೆ ಜೀವನದಲ್ಲಿ ಒಂದೊಂದ್ಸರ್ತಿ ಎಷ್ಟೇ ಕಷ್ಟ ಬಂದ್ರೂ ಮನಸ್ಸಿದ್ದರೆ ಮಾರ್ಗ ಇದ್ದೇ ಇದೆ ಅನ್ನೋದು ನೆನಪಿರ್ಲಿ.

ಈ 10 ವಿಷಯದ ಬಗ್ಗೆ ಗಮನ ಕೊಟ್ರೆ ನಿಮ್ಮ ಜೀವನ ಬದಲಾಯಿಸಿಕೊಳ್ಳೋದಕ್ಕೆ ಸಹಾಯ ಆಗುತ್ತೆ. ಆದ್ರೆ ಒಂದು ನೆನಪಿರ್ಲಿ... ಇವೆಲ್ಲಾ ಝಟ್ ಪಟ್ ಅಂತ ಆಗೋ ಬದಲಾವಣೆಗಳಲ್ಲ... ಸಮಯ ಹಿಡಿದೇ ಹಿಡಿಯತ್ತೆ. ಆದ್ರೆ ಕೊನೇಲಿ ಖುಷಿಯಾಗೋದು ಖಂಡಿತಾ. 

1. ಬೆಳಗ್ಗೆ ಲೇಟಾಗಿ ಏಳೋ ಬದ್ಲು ಬೇಗ ಏಳೋ ಅಭ್ಯಾಸ ಮಾಡ್ಕೊಳಿ

ಹಲವಾರು ಸಂಶೋಧನೆ, ಅಧ್ಯಯನಗಳಿಂದ ಗೊತ್ತಾಗಿರೋದು ಏನಪ್ಪಾ ಅಂದ್ರೆ ಬೆಳಗ್ಗೆ ಬೇಗ ಎದ್ದವರು ಬೇರೆಯವರಿಗಿಂತ ಕೆಲಸ ತುಂಬಾ ಚೆನ್ನಾಗಿ ಮಾಡ್ತಾರೆ, ತುಂಬಾ ಖುಷಿಯಾಗೂ ಇರ್ತಾರೆ ಅಂತ. ದಿನದಲ್ಲಿ ಕೆಲವೇ ಗಂಟೆಗಳು ನಮಗೆ ಸಿಗೋದು, ಅದ್ರಲ್ಲಿ ನಿದ್ದೆಯಲ್ಲೇ ಹೆಚ್ಚು ಸಮಯ ಹಾಳಾದ್ರೆ ನಿಮಗೆ ಬೇರೆದಕ್ಕೆ ಇನ್ನೆಲ್ಲಿಂದ ಟೈಮ್ ಸಿಗುತ್ತೆ?

ಇನ್ನು ನಿಮ್ಮ ಆಫೀಸ್ 24 ಗಂಟೇನೂ ಕೆಲಸ ಮಾಡೊತರದ್ದಾದ್ರೆ, ಬೆಳಗ್ಗೆ ಬೇಗ ಹೋಗಿ, ಬೇಗ ವಾಪಸ್ ಬಂದ್ರೆ ನಿಮ್ಮ ಸ್ವಂತಕ್ಕೆ, ಮನೆಯವರ ಜೊತೆ ಕಳೆಯೋದಕ್ಕೆ... ಹೀಗೆ ಎಲ್ಲದಕ್ಕೂ ನಿಮಗೆ ಸಾಕಷ್ಟು ಟೈಮ್ ಸಿಗುತ್ತೆ.

ಮೂಲ

2. ಎಲ್ಲದಕ್ಕೂ ಸರಿ, ಆಯ್ತು, ಮಾಡ್ತೀನಿ ಅಂತ ಒಪ್ಕೊಳೋ ಬದ್ಲು ಆಗಾಗ ಇಲ್ಲ, ಮಾಡಕ್ಕಾಗಲ್ಲ ಅಂತ ಹೇಳೋ ಅಭ್ಯಾಸ ಬೆಳೆಸ್ಕೊಳಿ

ಎಲ್ಲ ಟೈಮಲ್ಲೂ ಸರಿ, ಆಯ್ತು , ಮಾಡ್ತೀನಿ ಅಂತ ಒಪ್ಕೋಳೋದು ಸರಿಯಲ್ಲ. ಹೀಗೆ ಒಪ್ಕೋಳೋದ್ರಿಂದ ನಿಮ್ಮ ಮಾಡ್ಬೇಕಾಗಿರೋ ಕೆಲಸದ ಪಟ್ಟಿಗೆ ಇನ್ನಷ್ಟು ಸೇರುತ್ತೆ, ಕೆಲಸದಲ್ಲಿ ಎಷ್ಟು ಮುಳುಗಿ ಹೋಗ್ತೀರಾ ಅಂದ್ರೆ ನಿಮಗೆ ಅಂತ ಸ್ವಲ್ಪ ಬಿಡುವು ಮಾಡ್ಕೊಳೋದು ತುಂಬಾ ಕಷ್ಟ ಆಗುತ್ತೆ.

ಆಗಾಗ ಸಮಯಕ್ಕೆ ತಕ್ಕಂತೆ ನೀವು ಇಲ್ಲ, ಆಗಲ್ಲ, ಅಂತ ಹೇಳೋ ರೂಢಿ ಮಾಡ್ಕೊಂಡ್ರೆ ಅನವಶ್ಯಕವಾಗಿ ನೀವು ಹೇಳಿದ್ದಕ್ಕೆಲ್ಲ ಒಪ್ಪಿಕೊಂಡು ಕೆಲಸ ಮಾಡ್ತೀರಾ ಅಂತ ಗೊತ್ತಿದ್ದೇ ನಿಮಗೆ ಕೆಲಸ ಹೇಳ್ತಾರಲ್ಲ... ಅದೆಲ್ಲಾ ನಿಲ್ಲುತ್ತೆ. ನಿಮ್ಮ ಕೆಲಸ, ಟೈಮ್ ಎಲ್ಲ ನಿಮ್ಮ ನಿಯಂತ್ರಣದಲ್ಲಿರುತ್ತೆ.

3. ಯಾವಾಗ್ಲೂ ಕೈಯ್ಯಲ್ಲಿ ಮೊಬೈಲ್ ಫೋನ್ ಹಿಡ್ಕೊಂಡು ಕೂರೋ ಬದ್ಲು ಹೊರಗೆ ಹೋಗಿ ಸುತ್ತಾಡ್ಕೊಂಡು ಬನ್ನಿ

ಈಗಿನ ಟೆಕ್ನಾಲಜಿಯಿಂದ ನಮಗೆ ತುಂಬಾನೇ ಉಪಯೋಗ ಆಗಿದೆ. ಆದ್ರೆ ಇತ್ತೀಚಿಗೆ ನಾವು ಅದ್ರಲ್ಲಿ ಎಷ್ಟು ಮುಳ್ಗಿರ್ತಿವಿ ಅಂದ್ರೆ ಅದು ಇಲ್ಲ ಅಂದ್ರೆ ನಮಗೆ ಕೈಕಾಲೇ ಓಡಲ್ಲ ಅನ್ನೋ ಹಾಗೆ ಆಡ್ತೀವಿ. ಅದ್ರಲ್ಲೂ ಈ ಸ್ಮಾರ್ಟ್ ಫೋನ್ ಬಂದ್ಮೇಲಂತೂ ನೆಟ್ವರ್ಕ್ ಸಿಕ್ಕಿಲ್ಲ, ಇಂಟರ್ನೆಟ್ ಕನೆಕ್ಟ್ ಆಗ್ತಿಲ್ಲ ಅಂದ್ರೆ ಏನೋ ಕಳ್ಕೊಂಡಿರೋವ್ರ ಹಾಗೆ ಪರದಾಡ್ತಿವಿ ( ನಮ್ಮ ಹತ್ತಿರದವರು ದೂರ ಆದಾಗ್ಲೂ ಹೀಗೆ ನಾವು ಆಡಿರಲ್ವೇನೋ). ಈ ಮೊಬೈಲ್ ಹತ್ತಿರ ಇದ್ದಷ್ಟೂ ನಾವು ಆಗಾಗ ಅದನ್ನ ನೋಡೋದು, ಅಲ್ಲೇನಾಗ್ತಿದೆ, ಇಲ್ಲೇನಾಗ್ತಿದೆ ಅಂತ ಹುಡುಕಾಡೊ ಪ್ರಯತ್ನ ಮಾಡ್ತಾ ಇರ್ತೀವಿ.

ಆಗಾಗ ಈ ಮೊಬೈಲ್ ಮನೇಲೆ ಬಿಟ್ಟು ಕನಿಷ್ಠ 10 -15 ನಿಮಿಷನಾದ್ರೂ ಪ್ರಶಾಂತವಾಗಿರೋ ಜಾಗಕ್ಕೆ ಹೋಗಿ ಸುತ್ತಾಡಿಕೊಂಡು ಬನ್ನಿ. ನೀವು ಇಲ್ಲಿವರ್ಗೂ ಯೋಚನೆ ಮಾಡಿರದ ವಿಚಾರಗಳು ನಿಮಗೆ ಹೊಳೆಯುತ್ತೆ. ಈ ವಿಷಯಗಳು ನಿಮ್ಮ ತಲೆಗೆ ಹೋದಾಗ ನೀವು ಯೋಚನೆ ಮಾಡೋ ರೀತೀನೂ ಬದ್ಲಾಗತ್ತೆ. ಇದು ನಿಮಗೆ ಒಂಥರಾ ಖುಷಿ, ಉತ್ಸಾಹ ತುಂಬುತ್ತೆ.

ಮೂಲ

4. ನಿಮ್ಮನ್ನ ನೀವು ತೆಗಳ್ಕೊಳೋ ಬದ್ಲು ಹೊಗಳ್ಕೊಳಿ

ಸ್ವಯಂ ಟೀಕೆ ಒಂದು ಒಳ್ಳೆ ಸ್ವಭಾವಾನೆ, ಯಾಕೆ ಅಂದ್ರೆ ನಿಮ್ಮನ್ನ ನೀವು ಟೀಕೆ ಮಾಡ್ಕೊಳ್ತಾ ಇದ್ರೆ ನಿಮಗೆ ಸಿಕ್ಕ ಸಣ್ಣ ಪುಟ್ಟ ಗೆಲುವಿಗೇ ಸುಮ್ಮನಿದ್ದು ವಿಶ್ರಾಂತಿ ತೊಗೊಳಕ್ಕೆ ಅದು ಬಿಡಲ್ಲ, ಯಾವಾಗ್ಲೂ ಇನ್ನೂ ಮುಂದೆ ಸಾಗೋ ಹಾಗೆ ಮಾಡತ್ತೆ.

ಆದ್ರೆ ಬರಿ ಟೀಕೆ ಮಾಡ್ತಿದ್ರೆ ಆಗಲ್ಲ, ನೀವು ನಿಮ್ಮ ಸಾಧನೆ, ಯಶಸ್ಸಿನ ಬಗ್ಗೆ ಹೆಮ್ಮೆ ಪಟ್ಕೊಳಕ್ಕೆ ಆಗಾಗ ಹೊಗಳಿಕೇನೂ ಬೇಕು. ಇಲ್ಲ ಅಂದ್ರೆ ನಿಮ್ಮ ಸಾಧನೆ ಬಗ್ಗೆ ನಿಮಗೆ ಮೆಚ್ಚುಗೆ, ಸಮಾಧಾನ ಏನೂ ಇರಲ್ಲ.

5. ರಜಾ ಅಂತ ಹೆಚ್ಚು ಮಲ್ಕೊಳೋ ಬದ್ಲು ಬೇಗ ಎದ್ದು ವ್ಯಾಯಾಮ ಮಾಡಿ

ಬಾಕಿದಿನ ಎಲ್ಲ ಬೇಗ ಎದ್ದು ಹೋಗ್ತೀವಿ, ಇವತ್ತಾದ್ರೂ ಜಾಸ್ತಿ ಮಲಗೋಣ ಅಂತ ಮಲಗೋದು ಬಿಡಿ. ಈ ರಜಾ ದಿನದ ಅದ್ರಲ್ಲೂ ವಾರಾಂತ್ಯದ 48 ಗಂಟೆ ತುಂಬಾನೇ ಮುಖ್ಯ. ಅದು ನಿಮಗೆ ಅಂತ ಇರೋ ಟೈಮ್. ಅದರ ಉಪಯೋಗ ಸರಿಯಾಗಿ ಮಾಡ್ಕೊಳಿ.

ಮಲಗಿ ಸಮಯ ಹಾಳುಮಾಡದೆ ಬೇರೆ ದಿನ ಮಾಡಕ್ಕೆ ಆಗದಿದ್ದ ವ್ಯಾಯಾಮ ಮಾಡಿ, ಬೇಗೆ ತಿಂಡಿ ಊಟ ಮುಗಿಸಿದ್ರೆ ಸಂಜೆ ಹೊತ್ತು ನಿಮ್ಮ ಮನೆಯವರ, ಸ್ನೇಹಿತರ ಜೊತೆ ಆರಾಮಾಗಿ ಇರೋದಕ್ಕೆ ಸಮಯ ಸಿಗುತ್ತೆ. ಲೇಟಾಗಿ ಇದ್ದಷ್ಟೂ ಸಮಯ ಕಮ್ಮಿ ಸಿಗುತ್ತೆ.

ಮೂಲ

6. ಕೂಲ್ ಡ್ರಿಂಕ್ಸ್ ಬದ್ಲು ನೀರು ಕುಡಿಯೋ ಅಭ್ಯಾಸ ಮಾಡ್ಕೊಳಿ

ಇತ್ತೀಚೆಗಂತೂ ಎಲ್ಲರೂ ಈ ಕೂಲ್ ಡ್ರಿಂಕ್ಸ್ ಕುಡಿಯೋದು ಹೆಚ್ಚು. ಇದ್ರಿಂದ ಸಕ್ಕರೆ ಕಾಯಿಲೆನೂ ಬರೋದು ಹೆಚ್ಚಾಗಿದೆ. ಅಷ್ಟೇ ಅಲ್ಲ ನಿಮ್ಮ ಹಲ್ಲು ಹಾಳು ಮಾಡೋದ್ರಲ್ಲೂ ಇದು ಎತ್ತಿದ ಕೈ. ಒಂದು ಅಧ್ಯಯನದ ಪ್ರಕಾರ, ಪ್ರತಿ 10 ಜನರಲ್ಲಿ ಒಬ್ರಿಗೆ  ಈ ಕೂಲ್ ಡ್ರಿಂಕ್ಸ್ ಕುಡಿಯೋದ್ರಿಂದ ಸಕ್ಕರೆ ಕಾಯಿಲೆ ಬಾರೋ ಸಾಧ್ಯತೆ ಹೆಚ್ಚಾಗ್ತಿದೆಯಂತೆ. ಅದನ್ನ ಬಿಟ್ಟು ನೀರು ಕುಡಿಯೋ ಅಭ್ಯಾಸ ಮಾಡ್ಕೊಳಿ.

ಇದ್ರಿಂದ ನಿಮ್ಮ ಹಲ್ಲು ಚೆನ್ನಾಗಿರೋದು ಮಾತ್ರ ಅಲ್ಲ, ಚರ್ಮದ ಆರೋಗ್ಯಕ್ಕೂ ಒಳ್ಳೇದು. ಈ ಕಾರಣಗಳು ನಿಮಗೆ ಕೂಲ್ ಡ್ರಿಂಕ್ಸ್ ಬಿಡೋದಕ್ಕೆ ಸರಿಯಾದದ್ದಲ್ಲ ಅನ್ನಿಸಿದ್ರೆ, ಒಂದು ಹಲ್ಲನ್ನ ಈ ಕೂಲ್ ಡ್ರಿಂಕ್ಸ್ ಒಳಗೆ ಹಾಕಿ ಒಂದು ರಾತ್ರಿ ಇಡೀ ಇಟ್ಟು ಮರುದಿನ ನೋಡಿ, ಅದರ ಗತಿ ಏನಾಗಿರುತ್ತೆ ಅಂತ ತಿಳ್ಕೊಂಡು ಆಮೇಲೆ ನೀವೇ ನಿರ್ಧಾರ ಮಾಡ್ಕೊಳಿ.

7. ಹಿಂದೆ ಆಗಿದ್ದನ್ನ ನೆನಸ್ಕೊಂಡು ಕೊರಗೋ ಬದ್ಲು ಮುಂದೆ ಏನ್ ಮಾಡ್ಬೋದು ಅಂತ ಪ್ಲಾನ್ ಮಾಡಿ

ಹಿಂದಿನ ನೆನಪುಗಳು ಎಷ್ಟೇ ನಮಗೆ ಖುಷಿ ಕೊಡುವಂತದ್ದಾಗಿದ್ರೂ ಅದ್ರಲ್ಲೇ ಮುಳಿಗಿರಬಾರ್ದು. ಅದು ಮುಗಿದು ಹೋಗಿರೋ ಕ್ಷಣ. ಇದು ಕೆಟ್ಟ ನೆನಪುಗಳಿಗೂ ಅನ್ವಯಿಸತ್ತೆ.

ನೀವು ನಿಮ್ಮ ಮುಂದಿನ ಗುರಿ ಏನು ಅಂತ ನಿರ್ಧಾರ ಮಾಡಿದ ಮೇಲೆ ನಿಮ್ಮ ಹಿಂದಿನ ನೆನಪುಗಳ ಬಗ್ಗೆ ಯೋಚ್ನೆ ಮಾಡೋದು ಕಮ್ಮಿ ಆಗುತ್ತೆ. ಎಲ್ಲಿ ವರೆಗೂ ನಾವು, ಹಿಂದೆ ಆಗಿದ್ರ ಬಗ್ಗೆ ತಲೆ ಕೆಡಿಸ್ಕೊತಿರ್ತೀವೋ , ಆಗ ನಮ್ಮ ಭವಿಷ್ಯ ಕಳೆದು ಹೋಗುತ್ತೆ. 

ಮೂಲ

8. ನನ್ನ್ ಕೈಯ್ಯಲ್ಲಿ ಏನೂ ಸಾಧಿಸಕ್ಕಾಗಲ್ಲ ಅಂತ ಕೈ ಚಲ್ಲೋ ಬದ್ಲು ಒಂದು ಕೊನೆ ಸರ್ತಿ ಪ್ರಯತ್ನ ಮಾಡಿ

ವಯಸ್ಸಾದಷ್ಟೂ ಕನಸುಗಳನ್ನ, ನಮ್ಮ ಗುರಿಗಳನ್ನ ಸಾಧಿಸಕ್ಕಾಗಲ್ಲ ಅಂತ ಕೈ ಬಿಡೋದೇ ಹೆಚ್ಚು. ಹೀಗೆ ನಮ್ಮ ಕನಸನ್ನ ಬಿಡೋ ಬದಲು ಯಾವುದಾದ್ರೂ ಸುಲಭವಾಗಿ ಸಾಧಿಸಬಹುದಾದ ಮೈಲಿಗಲ್ಲಿನ ಬಗ್ಗೆ ಯೋಚಿಸಿ. ಇಂತ ಕನಸಿನ, ಗುರಿ ಬಗ್ಗೆ ಯೋಚಿಸಿ, ಅದನ್ನ ಸಾಧಿಸಕ್ಕೆ ತುಂಬಾ ಹತ್ತಿರ ಹೋಗ್ತಿದ್ದೀವಿ ಅನ್ನಿಸದಾಗ ನಿಮಗೆ ತುಂಬಾನೇ ಖುಷಿ ಸಿಗುತ್ತೆ. ಮಕ್ಕಳು ಏನಾದ್ರು ಸಾಧನೆ ಮಾಡಿದಾಗ ಖುಷಿ ಪಡ್ತಾರಲ್ಲ ಆ ರೀತಿಯ ಖುಷಿ, ಸಮಾಧಾನ ಸಿಗುತ್ತೆ.

9. ಯಾವಾಗ್ಲೂ ಡಯೆಟ್ಟು ಅಂತ ತಲೆ ಕೆಡಿಸ್ಕೊಳೋ ಬದ್ಲು ಒಂದೊಂದ್ಸರ್ತಿ ರುಚಿಯಾಗಿರೋ ಊಟ ತಿಂಡಿ ತಿನ್ನಿ

ಪ್ರತಿಯೊಬ್ಬರ ಜೀವನದಲ್ಲೂ ಊಟ ತಿಂಡಿಗೆ ತಮ್ಮದೇ ಆದ ಪದ್ಧತಿ ಇರುತ್ತೆ. ಅದ್ರಲ್ಲೂ ನಮ್ಮ ದೇಹಕ್ಕೆ, ಆರೋಗ್ಯಕ್ಕೆ ಸರಿ ಹೊಂದೋ ಡಯಟ್ ಊಟ ತಿಂಡೀನ ಇಷ್ಟ ಇಲ್ಲ ಅಂದ್ರೂ ಬಲವಂತವಾಗಿ ತಿನ್ತಿರ್ತೀವಿ.

ಇದೆಲ್ಲ ಇದ್ದಿದ್ದೇ, ಆಗಾಗ ನಿಮಗಿಷ್ಟ ಆಗೋ ಸ್ವೀಟ್, ಐಸ್ ಕ್ರೀಮ್, ಪಿಜ್ಜಾ, ಬರ್ಗರ್ ಎಲ್ಲಾನೂ ತಿನ್ನಿ, ಆದ್ರೆ ಆಮೇಲೆ ಸರಿಯಾಗಿ ವ್ಯಾಯಾಮ ಮಾಡೋದನ್ನ ಮರೀಬೇಡಿ.

ಮೂಲ

10. ಯಾವಾಗ್ಲೂ ಕುಂಟ ನೆಪ ಕೊಡೋ ಬದ್ಲು ತಪ್ಪಾಗಿದ್ರೆ ಪ್ರಾಮಾಣಿಕವಾಗಿ ಒಪ್ಕೊಳಿ

ಪ್ರಾಮಾಣಿಕತೆ ಒಳ್ಳೇದು ಅಲ್ವ? ಕೆಲವೊಂದು ಸಲ ಅದು ನಿಮಗೆ ನೋವನ್ನೂ ಕೊಡಬಹುದು, ಆದ್ರೆ ನಿಮ್ಮಲ್ಲಿ ಬದಲಾವಣೆ ಬರ್ಬೇಕು, ನೀವು ಸುಧಾರಿಸ ಬೇಕು ಅಂದ್ರೆ ನೀವು ಪ್ರಾಮಾಣಿಕವಾಗಿರ್ಬೇಕು. ನೀವು ಪ್ರಾಮಾಣಿಕವಾಗಿರಕ್ಕೆ ಶುರು ಮಾಡಿದ್ರೆ, ನಿಮ್ಮ ಸಾಮರ್ಥ್ಯನೂ ಹೆಚ್ಚಾಗುತ್ತೆ. ಇದನ್ನ ತಿಳ್ಕೊಳೋ ಒಳ್ಳೆ ಸುಲಭ ವಿಧಾನ ಅಂದ್ರೆ ನೀವು ಪ್ರತಿಯೊಂದು ಕೆಲಸ ಮುಗಿಸಿದಾಗಲೂ ನೀವು ಮಾಡಿರೋ ಪ್ರಯತ್ನದ ಬಗ್ಗೆ ಪ್ರಶ್ನೆ ಮಾಡ್ಕೊಳಿ. ನೀವು ಯಾವುದಾದ್ರೂ ಪ್ರಾಜೆಕ್ಟ್ ಗೆ ಕೆಲಸ ಮಾಡ್ತಾ ಇದ್ರೆ, ನಿಮ್ಮ ಜೊತೇಲಿರೋ ಕೆಲಸಗಾರರಿಂದ ನಿಮ್ಮ ಸುಧಾರಣೆ ಬಗ್ಗೆ ತಿಳ್ಕೊಳಿ.

ಈ ಸಣ್ಣಪುಟ್ಟ ಬದಲಾವಣೆಗಳನ್ನ ಮಾಡ್ಕೊಂಡ್ರೆ ನಮ್ಮ ಜೀವನ ಬದಲಾಗೋದ್ರಲ್ಲಿ ಯಾವುದೇ ಅನುಮಾನ ಇಲ್ಲ!

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: