ಕೆಲಸದಲ್ಲಿ ದೊಡ್ಡ ಮಟ್ಟಕ್ಕೆ ಹೋಗೋ ಆಸೆ ಇದ್ರೆ ಈ 12 ತಪ್ಪುಗಳನ್ನ ಮಾಡ್ಬೇಡಿ

ಮರಳಿ ಯತ್ನವ ಮಾಡು ಅಂತ ದೊಡ್ಡೋರ್ ಹೇಳಿಲ್ವಾ?

ಜೀವನದಲ್ಲಿ ಸಾಧನೆ ಮಾಡ್ಬೇಕು ಅಂತ ಎಲ್ಲರಿಗೂ ಆಸೆ ಇದ್ದೆ ಇರತ್ತೆ, ಆದರೆ ಮುಕ್ಕಾಲ್ವಾಸಿ ಜನಕ್ಕೆ ಸಾಧಿಸಕ್ಕೆ ಆಗಲ್ಲ. ಆಗಲ್ಲ ಅಂತ ಹೇಳೋದಕ್ಕಿಂತ ಸರಿಯಾದ ರೀತೀಲಿ ಪ್ರಯತ್ನ ಮಾಡಿರಲ್ಲ ಅಂತ ಹೇಳ್ಬೋದು. ದಿನದ 24 ಗಂಟೇನ ಹೇಗೆ ಬಳಸಿಕೊಳ್ತೀವಿ ಅನ್ನೋದರ ಮೇಲೆ ನಾವು ಸಾಧಿಸುತ್ತೀವಾ, ಇಲ್ವಾ ಅಂತ ನಿರ್ಧಾರ ಆಗತ್ತೆ. ಸಾಧನೆ ಇಡೀ ಪ್ರಪಂಚಕ್ಕೆ ಗೊತ್ತಾಗಬೇಕು ಅಂತಿಲ್ಲ. ನಿಮ್ಮ ನಿಮ್ಮ ಮನಸಲ್ಲಿ ಏನ್ ಮಾಡ್ಬೇಕು ಅಂತ ಅಂದ್ಕೊಂಡಿರ್ತೀರೋ ಅದನ್ನ ಸರಿಯಾಗಿ ಮಾಡಿ ಮುಗ್ಸಿದ್ರೆ  ಅದೇ ಸಾಧನೆ. ನಿಜವಾಗ್ಲೂ ಸಾಧನೆ ಮಾಡಿರೋರು ಬೇರೆಯವರು ಮಾಡುವ ಈ 12 ತಪ್ಪುಗಳನ್ನ ಮಾಡಲ್ಲ. ಅದನ್ನ ನೀವೂ ಮಾಡ್ಬೇಡಿ. ಅದ್ಯಾವ್ದು ಅಂತ ತಿಳ್ಕೊಳೋಣ ಬನ್ನಿ,

1. ನಿಮ್ಮ ತಲೆ ಮೇಲೆ ಸಿಕ್ಕಾಪಟ್ಟೆ ಕೆಲಸ ಹೇರ್ಕೊಳ್ಳೋದು

ಸಿಕ್ಕಾಪಟ್ಟೆ ಕೆಲಸ ಮಾಡಿಬಿಟ್ರೆ ಸಾಧನೆ ಮಾಡಿದಂಗಲ್ಲ, ಕತ್ತೆ ಕೂಡ ಸಿಕ್ಕಾಪಟ್ಟೆ ದುಡಿಯತ್ತೆ! ನಮ್ಮ ಕೆಲಸಾನ ಜಾಣ್ಮೆಯಿಂದ, ಇರೋ ಸಮಯದಲ್ಲಿ ಸರಿಯಾಗಿ ಮಾಡಿ ನಿಭಾಯಿಸಬೇಕು. ಇಲ್ಲ ಅಂದ್ರೆ ಸಮಯ ಸುಮ್ಮನೆ ಹಾಳಾಗತ್ತೆ ಅಷ್ಟೆ. ಮತ್ತೆ, ಎಲ್ಲ ಕೆಲಸಾನೂ ನಾನೇ ಮಾಡಿ ಮುಗಿಸ್ತೀನಿ ಅಂತ ಯಾವತ್ತೂ ನಿರ್ಧರಿಸಬಾರದು. ಬೇರೊಬ್ಬರ ಸಹಾಯ ತಗೊಂಡ್ರೆ ಕೆಲಸ ಬೇಗ, ಚನ್ನಾಗಿ ಮುಗಿಯತ್ತೆ ಅಂದ್ರೆ ಯಾಕ್ ಬೇಡ ಹೇಳಿ?

2. ಬೇಡ್ದೆ ಇರೋ ಅಷ್ಟು ಮೊಬೈಲು, ಕಂಪ್ಯೂಟರ್ರು ಉಪ್ಯೋಗ್ಸೋದು

ಸಾಧನೆ ಮಾಡುವವರು ಹೆಚ್ಚಾಗಿ ಫೇಸ್ಬುಕ್, ವಾಟ್ಸಾಪ್... ಇದಕ್ಕೆಲ್ಲ ದಾಸರಾಗಿರಲ್ಲ. ಒಳ್ಳೆ ಮಾಹಿತಿ ಇದ್ರೆ ಅದನ್ನ ತಿಳ್ಕೊಂಡು ಉಪಯೋಗಿಸೋದು ತಪ್ಪಲ್ಲ ಆದ್ರೆ ಸುಖಾ-ಸುಮ್ಮನೆ ಹೆಚ್ಚಿನ ಸಮಯ ಇದ್ರಲ್ಲೇ ಹಾಳಾಗತ್ತೆ ಅನ್ನೋದು ತಿಳ್ಕೊಂಡಿರಬೇಕು.

ಮೂಲ

3. ಪ್ಲಾನ್ ಇಲ್ದೆ, ಯೋಚನೆ ಮಾಡದೆ ಕೆಲಸ ಮಾಡೋದು 

ಯಾವದೇ ಕೆಲಸ ಆದ್ರೂ ಅಷ್ಟೇ, ಮೊದಲು ಯೋಚನೆ ಮಾಡಿ, ಒಂದು ಪ್ಲಾನ್ ಹಾಕ್ಕೊಂಡು ಅದರ ಪ್ರಕಾರ ಕೆಲಸ ಮಾಡಬೇಕು, ಸುಮ್ಮನೆ ಯರ್ರಾಬಿರ್ರಿ ಕೆಲಸ ಮಾಡಿದರೆ ಎಲ್ಲ ಉಲ್ಟಾ-ಪಲ್ಟಾ ಆಗಿಬಿಡುತ್ತೆ. ಏನೂ ಪ್ರಯೋಜನ ಆಗಲ್ಲ.

4. ಕೆಲಸದ್ಮೇಲೆ ಸರಿಯಾಗಿ ಗಮನ ಕೊಡದೆ ಇರೋದು 

ಕ್ಷಣಕ್ಕೊಮ್ಮೆ ಮನಸು ಊಸರವಳ್ಳಿ ಥರ ಬದಲಾಯಿಸಬಾರದು. ಇದು ಮೊದಲು ಮಾಡ್ಬೇಕು ಅಂತ ಒಮ್ಮೆ ನಿರ್ಧರಿಸಿದ್ರೆ ಅದನ್ನೇ ಮೊದಲು ಮಾಡಿ ಮುಗಿಸಬೇಕು. ಇದನ್ನ ಮಾಡ್ತೀನಿ, ಅಯ್ಯೋ ಇಲ್ಲ ಇದು ಬೇಡ ಮೊದಲು ಅದನ್ನ ಮಾಡ್ತೀನಿ ಇಲ್ಲ ಇಲ್ಲ ಇನ್ನೊಂದ್ ಮಾಡ್ತೀನಿ ಅಂತ ಇದ್ರೆ... ಕೊನೆಗೆ ಯಾವ್ದು ಆಗಲ್ಲ, ಸುಮ್ನೆ ಸಮಯ ಹಾಳಾಗತ್ತೆ.

ಮೂಲ

5. ತಡರಾತ್ರಿ ವರೆಗೂ ಕೆಲಸ ಮಾಡೋದು 

ನಿಮ್ಮ ಕೆಲಸದ ಸಮಯ ಎಷ್ಟ್ ಇದೆ ಅಷ್ಟ್ ಕೆಲಸ ಮಾಡಿ, ಸಮಯ ಆದರೂ ನಿಮ್ಮ ಕೆಲಸ ಮುಗೀತಿಲ್ಲ ಅಂದ್ರೆ ಕಷ್ಟ. ಮಾಡೋ ಕೆಲಸ ಬೇಗ ಮಾಡಿ ಮುಗಿಸಿ. ಸುಮ್ಸುಮ್ನೆ ಜಾಸ್ತಿ ಸಮಯ ಹಾಳುಮಾಡ್ಕೊಬೇಡಿ. ಕೆಲಸ ಎಷ್ಟ್ ಮುಖ್ಯಾನೋ ರೆಸ್ಟ್ ತೊಗೊಳೋದು ಕೂಡ ಅಷ್ಟೇ ಮುಖ್ಯ. ಸರಿಯಾದ ನಿದ್ದೆ ಸಿಕ್ಕಾಪಟ್ಟೆ ಮುಖ್ಯ ಅನ್ನೋದು ತಿಳ್ಕೊಂಡಿರಿ.

6. ಕೆಲಸಾನ ಅರ್ಧದಲ್ಲೇ ಬಿಟ್ಬಿಡೋದು

ಯಾವುದೇ ಸಾಧನೆ ಮಾಡಿರೋ ವ್ಯಕ್ತೀನೇ ನೋಡಿ, ಯಾವತ್ತೂ ಅರೆಬರೆ ಕೆಲಸ ಮಾಡಿ ಬಿಟ್ಟು ಹೋಗಲ್ಲ, ಇರೋ ಕೆಲಸಾನ ಶ್ರದ್ದೆಯಿಂದ ಪೂರ್ತಿ ಮುಗಿಸ್ತಾರೆ. ನಾಳೆ ಮಾಡೋದನ್ನ ಇವತ್ತೇ ಮಾಡು, ಇವತ್ತು ಮಾಡೋದನ್ನ ಈಗ್ಲೇ ಮಾಡು ಅನ್ನೋ ಮಾತು ಪಾಲಿಸಿ.

ಮೂಲ

7. ಸರಿಯಾಗಿ ವಿಚಾರ ಕೇಳಿಸಿಕೊಳ್ಳದೆ ಇರೋದು 

ಒಳ್ಳೆ ಮಾತುಗಾರ ಮೊದಲು ಒಳ್ಳೆ ಕೇಳುಗ ಆಗಿರ್ತಾನೆ. ಯಾವುದೇ ವಿಚಾರ ಆದ್ರೂ ಯಾರಾದರೂ ಹೇಳುವಾಗ ಮೊದಲು ಸರಿಯಾಗಿ ಕೇಳಿಸಿಕೊಳ್ಳಬೇಕು, ನಂತರ ಯೋಚನೆ ಮಾಡಿ ನಿರ್ಧಾರ ಮಾಡಬೇಕು. ಇಲ್ಲ ಅಂದ್ರೆ ಅರ್ಧ ತುಂಬಿದ ಕೊಡದ ಥರ ಬರೀ ಸದ್ದು ಮಾಡೋರಾಗ್ತೀವಿ ಅಷ್ಟೇ!

8. ಎಲ್ಲಾ ಕೆಲ್ಸಾನೂ ಒಬ್ನೇ ಮಾಡ್ತೀನಿ ಅನ್ನೋದು

ಕೆಲವೊಮ್ಮೆ ಒಬ್ಬರೇ ಮಾಡುವುದು ಉತ್ತಮ. ಆದ್ರೆ ಒಂದು ತಂಡ ಅಂತ ಇದ್ದಾಗ ಪ್ರತಿಯೊಬ್ಬರ ವಿಚಾರ ತಿಳಿದು, ಬೆರೆತು, ಎಲ್ಲರೊಡನೆ ಕೆಲಸ ಮಾಡಬೇಕು. ಇಲ್ಲ ಅಂದ್ರೆ ನಿಮ್ಮ ಹೆಗಲ ಮೇಲೆ ಸುಮ್ಮನೆ ಭಾರ ಜಾಸ್ತಿ ಆಗತ್ತೆ. ಈ ಸ್ಟ್ರೆಸ್ ಇಂದ ಕೆಲಸ ಸರ್ಯಾಗಿ ಆಗ್ದೇನೂ ಇರ್ಬೋದು.

ಮೂಲ

9. ಹೊಸದನ್ನ ಕಲಿಯದೇ ಇರೋದು 

ಹೊಸದನ್ನ ಕಲಿತು, ಹೊಸತನಕ್ಕೆ ನಮ್ಮನ್ನ ನಾವು ಅಳವಡಿಸಿಕೊಳ್ಳಬೇಕು. ಇಲ್ಲದಿದ್ದರೆ ಬೆಲೆ ಇರೋದಿಲ್ಲ. ಕಾಲಕ್ಕೆ ತಕ್ಕಂತೆ ಬದಲಾಗೋದನ್ನ ಕಲಿಯಬೇಕು. ಹೊಸ ಟೆಕ್ನಾಲಜಿ, ಹೊಸ ವಿಷಯ ಆಗಾಗ ತಿಳ್ಕೋಬೇಕು. ನಮ್ ಮೆದುಳಿಗೆ ತುಂಬಾ ಶಕ್ತಿ ಇದೆ, ಅದನ್ನ ಸರ್ಯಾಗಿ ಉಪ್ಯೋಗಿಸ್ಲಿಲ್ಲ ಅಂದ್ರೆ, ಅದೂ ಬೇರೇ ಸಾಮಾನ್ಯ ವಸ್ತುಗಳ ಥರಾನೇ ಜಡ್ಡು ಹಿಡಿಯತ್ತೆ!

10. ಉಪಯೋಗವಿಲ್ಲದ ಮೀಟಿಂಗ್ ಮಾಡೋದು

ಒಂದು ತಂಡದ ಮುಖ್ಯಸ್ಥ ಅಂತ ಆದಾಗ, ಮೀಟಿಂಗಳು ಮಾಮೂಲು. ಆದ್ರೆ ಸುಮ್ನೆ ಬೇಡದ ಮಾಮೂಲಿ ಕೆಲಸಕ್ಕೆ ಮೀಟಿಂಗ್ ಮಾಡೋದು ಸುಮ್ನೆ ಎಲ್ಲರ ಸಮಯ ಹಾಳುಮಾಡುತ್ತೆ ಅಷ್ಟೆ. ದೊಡ್ಡ ದೊಡ್ಡ ವ್ಯಕ್ತಿಗಳನ್ನ ನೋಡಿದ್ರೆ ಗೊತ್ತಾಗುತ್ತೆ... ಅವರಿಗೆ ಏನಾದ್ರೂ ಮುಖ್ಯವಾದ ವಿಚಾರ ಹೇಳಬೇಕು ಅಂತ ಇದ್ರೆ ಮಾತ್ರ ಮೀಟಿಂಗ್,  ಇಲ್ಲ ಅಂದ್ರೆ ಯಾವ ಮೀಟಿಂಗು ಇರಲ್ಲ 

ಮೂಲ

11. ಯಾವುದ್ರಲ್ಲೂ ಒಂದು ವ್ಯವಸ್ಥೆ ಇಲ್ದೇ ಇರೋದು

ನಾವು ಕೆಲಸ ಚೆನ್ನಾಗಿ ಮಾಡ್ಬೇಕು ಅಂದ್ರೆ ನಮ್ಮ ಸುತ್ತ ಮುತ್ತ ಇರೋ ಜಾಗಾನ ಚೆನ್ನಾಗಿ ಇಟ್ಕೋಬೇಕು. ಉದಾಹರಣೆಗೆ ಆಫೀಸಲ್ಲಿ ಫೈಲ್ಗಳನ್ನೇ ತೊಗೋಳಿ. ನಮ್ಮ ಐಡಿಯಾ ಪ್ರಕಾರ ಎಲ್ಲಾದನ್ನೂ ಬೇರೆ ಬೇರೆ ಮಾಡಿ ಸರಿಯಾಗಿ ಜೋಡಿಸಿ ಇಟ್ಕೋಬೇಕು. ಇಲ್ಲ ಅಂದ್ರೆ ನಮಗೆ ಬೇಕಾದಾಗ ಅದು ಸಿಗ್ದೇ ಇದ್ರೆ ಸಖತ್ ಕಸಿವಿಸಿಯಾಗತ್ತೆ.

12. ಇಲ್ಲ ಸಲ್ಲದ ಅಡಚಣೆ ತಂದ್ಕೊಳೋದು 

ಗಮನ ಕೊಟ್ಟು ಒಂದು ಕೆಲಸ ಮಾಡ್ತಿರ್ಬೇಕಾದ್ರೆ ಯಾರಾದ್ರೂ ಬಂದು ಡಿಸ್ಟರ್ಬ್ ಮಾಡಿದ್ರೆ, ಇಲ್ಲ ನಿಮ್ಮ ಗಮನ ಬೇರೆ ಕಡೆ ಹೋದ್ರೆ... ಫೋನು, ಮೆಸೇಜ್, ಫೇಸ್ಬುಕ್ ಅಂತ ನಿಮ್ಮ ಗಮನ ಹಾಳಾಯ್ತು ಅಂದ್ರೆ ಮತ್ತೆ ನೀವು ಅಷ್ಟೇ ಗಮನ ಕೊಟ್ಟು ಕೆಲಸ ಮಾಡಕ್ಕೆ 25ನಿಮಿಷ ಬೇಕಾಗತ್ತೆ! ಇದನ್ನಾ ನಾವ್ ಹೇಳ್ತಿಲ್ಲಾ, ಸಂಶೋಧನೆ ಮಾಡಿ ಕಂಡು ಹಿಡಿದಿರೋದು.

ಮೂಲ

ಇದೆಲ್ಲಾ ಚಿಕ್ಕ ಚಿಕ್ಕ ವಿಷಯಗಳೇ ಆದ್ರೂ, ಬದ್ಲಾಯಿಸ್ಕೊಂಡ್ರೆ ದೊಡ್ಡ ಮಟ್ಟದಲ್ಲಿ ಸಹಾಯ ಆಗುತ್ತೆ. ಟ್ರೈ ಮಾಡಿ, ನಿಮ್ಗೇ ಗೊತ್ತಾಗತ್ತೆ...

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ಈ 10 ಚಿಕ್ಕ ಚಿಕ್ಕ ಬದಲಾವಣೆ ಮಾಡ್ಕೊಂಡ್ರೆ ನಿಮ್ಮ ಜೀವನ ದೊಡ್ಡ ರೀತೀಲಿ ಬದಲಾಗತ್ತೆ ಅನ್ನೋದ್ರಲ್ಲಿ ಸಂದೇಹಾನೆ ಇಲ್ಲ

ಒಂದೊಂದ್ಸರ್ತಿ ಊಹೂಂ ಅನ್ನೋಕ್ಕೂ ಗೊತ್ತಿರ್ಬೇಕು

ಜೀವನ ಅದರ ಎಲ್ಲ ರೂಪದಲ್ಲೂ ಕೆಲವೊಮ್ಮೆ ನಮಗೆ ಎಷ್ಟು ಮಾಡಿದ್ರೂ ಅಷ್ಟೇ ಅನ್ನೋ ಭಾವನೆ ಬರೋಹಾಗೆ ಮಾಡಬಹುದು. ಆದ್ರೆ ಜೀವನದಲ್ಲಿ ಒಂದೊಂದ್ಸರ್ತಿ ಎಷ್ಟೇ ಕಷ್ಟ ಬಂದ್ರೂ ಮನಸ್ಸಿದ್ದರೆ ಮಾರ್ಗ ಇದ್ದೇ ಇದೆ ಅನ್ನೋದು ನೆನಪಿರ್ಲಿ.

ಈ 10 ವಿಷಯದ ಬಗ್ಗೆ ಗಮನ ಕೊಟ್ರೆ ನಿಮ್ಮ ಜೀವನ ಬದಲಾಯಿಸಿಕೊಳ್ಳೋದಕ್ಕೆ ಸಹಾಯ ಆಗುತ್ತೆ. ಆದ್ರೆ ಒಂದು ನೆನಪಿರ್ಲಿ... ಇವೆಲ್ಲಾ ಝಟ್ ಪಟ್ ಅಂತ ಆಗೋ ಬದಲಾವಣೆಗಳಲ್ಲ... ಸಮಯ ಹಿಡಿದೇ ಹಿಡಿಯತ್ತೆ. ಆದ್ರೆ ಕೊನೇಲಿ ಖುಷಿಯಾಗೋದು ಖಂಡಿತಾ. 

1. ಬೆಳಗ್ಗೆ ಲೇಟಾಗಿ ಏಳೋ ಬದ್ಲು ಬೇಗ ಏಳೋ ಅಭ್ಯಾಸ ಮಾಡ್ಕೊಳಿ

ಹಲವಾರು ಸಂಶೋಧನೆ, ಅಧ್ಯಯನಗಳಿಂದ ಗೊತ್ತಾಗಿರೋದು ಏನಪ್ಪಾ ಅಂದ್ರೆ ಬೆಳಗ್ಗೆ ಬೇಗ ಎದ್ದವರು ಬೇರೆಯವರಿಗಿಂತ ಕೆಲಸ ತುಂಬಾ ಚೆನ್ನಾಗಿ ಮಾಡ್ತಾರೆ, ತುಂಬಾ ಖುಷಿಯಾಗೂ ಇರ್ತಾರೆ ಅಂತ. ದಿನದಲ್ಲಿ ಕೆಲವೇ ಗಂಟೆಗಳು ನಮಗೆ ಸಿಗೋದು, ಅದ್ರಲ್ಲಿ ನಿದ್ದೆಯಲ್ಲೇ ಹೆಚ್ಚು ಸಮಯ ಹಾಳಾದ್ರೆ ನಿಮಗೆ ಬೇರೆದಕ್ಕೆ ಇನ್ನೆಲ್ಲಿಂದ ಟೈಮ್ ಸಿಗುತ್ತೆ?

ಇನ್ನು ನಿಮ್ಮ ಆಫೀಸ್ 24 ಗಂಟೇನೂ ಕೆಲಸ ಮಾಡೊತರದ್ದಾದ್ರೆ, ಬೆಳಗ್ಗೆ ಬೇಗ ಹೋಗಿ, ಬೇಗ ವಾಪಸ್ ಬಂದ್ರೆ ನಿಮ್ಮ ಸ್ವಂತಕ್ಕೆ, ಮನೆಯವರ ಜೊತೆ ಕಳೆಯೋದಕ್ಕೆ... ಹೀಗೆ ಎಲ್ಲದಕ್ಕೂ ನಿಮಗೆ ಸಾಕಷ್ಟು ಟೈಮ್ ಸಿಗುತ್ತೆ.

ಮೂಲ

2. ಎಲ್ಲದಕ್ಕೂ ಸರಿ, ಆಯ್ತು, ಮಾಡ್ತೀನಿ ಅಂತ ಒಪ್ಕೊಳೋ ಬದ್ಲು ಆಗಾಗ ಇಲ್ಲ, ಮಾಡಕ್ಕಾಗಲ್ಲ ಅಂತ ಹೇಳೋ ಅಭ್ಯಾಸ ಬೆಳೆಸ್ಕೊಳಿ

ಎಲ್ಲ ಟೈಮಲ್ಲೂ ಸರಿ, ಆಯ್ತು , ಮಾಡ್ತೀನಿ ಅಂತ ಒಪ್ಕೋಳೋದು ಸರಿಯಲ್ಲ. ಹೀಗೆ ಒಪ್ಕೋಳೋದ್ರಿಂದ ನಿಮ್ಮ ಮಾಡ್ಬೇಕಾಗಿರೋ ಕೆಲಸದ ಪಟ್ಟಿಗೆ ಇನ್ನಷ್ಟು ಸೇರುತ್ತೆ, ಕೆಲಸದಲ್ಲಿ ಎಷ್ಟು ಮುಳುಗಿ ಹೋಗ್ತೀರಾ ಅಂದ್ರೆ ನಿಮಗೆ ಅಂತ ಸ್ವಲ್ಪ ಬಿಡುವು ಮಾಡ್ಕೊಳೋದು ತುಂಬಾ ಕಷ್ಟ ಆಗುತ್ತೆ.

ಆಗಾಗ ಸಮಯಕ್ಕೆ ತಕ್ಕಂತೆ ನೀವು ಇಲ್ಲ, ಆಗಲ್ಲ, ಅಂತ ಹೇಳೋ ರೂಢಿ ಮಾಡ್ಕೊಂಡ್ರೆ ಅನವಶ್ಯಕವಾಗಿ ನೀವು ಹೇಳಿದ್ದಕ್ಕೆಲ್ಲ ಒಪ್ಪಿಕೊಂಡು ಕೆಲಸ ಮಾಡ್ತೀರಾ ಅಂತ ಗೊತ್ತಿದ್ದೇ ನಿಮಗೆ ಕೆಲಸ ಹೇಳ್ತಾರಲ್ಲ... ಅದೆಲ್ಲಾ ನಿಲ್ಲುತ್ತೆ. ನಿಮ್ಮ ಕೆಲಸ, ಟೈಮ್ ಎಲ್ಲ ನಿಮ್ಮ ನಿಯಂತ್ರಣದಲ್ಲಿರುತ್ತೆ.

3. ಯಾವಾಗ್ಲೂ ಕೈಯ್ಯಲ್ಲಿ ಮೊಬೈಲ್ ಫೋನ್ ಹಿಡ್ಕೊಂಡು ಕೂರೋ ಬದ್ಲು ಹೊರಗೆ ಹೋಗಿ ಸುತ್ತಾಡ್ಕೊಂಡು ಬನ್ನಿ

ಈಗಿನ ಟೆಕ್ನಾಲಜಿಯಿಂದ ನಮಗೆ ತುಂಬಾನೇ ಉಪಯೋಗ ಆಗಿದೆ. ಆದ್ರೆ ಇತ್ತೀಚಿಗೆ ನಾವು ಅದ್ರಲ್ಲಿ ಎಷ್ಟು ಮುಳ್ಗಿರ್ತಿವಿ ಅಂದ್ರೆ ಅದು ಇಲ್ಲ ಅಂದ್ರೆ ನಮಗೆ ಕೈಕಾಲೇ ಓಡಲ್ಲ ಅನ್ನೋ ಹಾಗೆ ಆಡ್ತೀವಿ. ಅದ್ರಲ್ಲೂ ಈ ಸ್ಮಾರ್ಟ್ ಫೋನ್ ಬಂದ್ಮೇಲಂತೂ ನೆಟ್ವರ್ಕ್ ಸಿಕ್ಕಿಲ್ಲ, ಇಂಟರ್ನೆಟ್ ಕನೆಕ್ಟ್ ಆಗ್ತಿಲ್ಲ ಅಂದ್ರೆ ಏನೋ ಕಳ್ಕೊಂಡಿರೋವ್ರ ಹಾಗೆ ಪರದಾಡ್ತಿವಿ ( ನಮ್ಮ ಹತ್ತಿರದವರು ದೂರ ಆದಾಗ್ಲೂ ಹೀಗೆ ನಾವು ಆಡಿರಲ್ವೇನೋ). ಈ ಮೊಬೈಲ್ ಹತ್ತಿರ ಇದ್ದಷ್ಟೂ ನಾವು ಆಗಾಗ ಅದನ್ನ ನೋಡೋದು, ಅಲ್ಲೇನಾಗ್ತಿದೆ, ಇಲ್ಲೇನಾಗ್ತಿದೆ ಅಂತ ಹುಡುಕಾಡೊ ಪ್ರಯತ್ನ ಮಾಡ್ತಾ ಇರ್ತೀವಿ.

ಆಗಾಗ ಈ ಮೊಬೈಲ್ ಮನೇಲೆ ಬಿಟ್ಟು ಕನಿಷ್ಠ 10 -15 ನಿಮಿಷನಾದ್ರೂ ಪ್ರಶಾಂತವಾಗಿರೋ ಜಾಗಕ್ಕೆ ಹೋಗಿ ಸುತ್ತಾಡಿಕೊಂಡು ಬನ್ನಿ. ನೀವು ಇಲ್ಲಿವರ್ಗೂ ಯೋಚನೆ ಮಾಡಿರದ ವಿಚಾರಗಳು ನಿಮಗೆ ಹೊಳೆಯುತ್ತೆ. ಈ ವಿಷಯಗಳು ನಿಮ್ಮ ತಲೆಗೆ ಹೋದಾಗ ನೀವು ಯೋಚನೆ ಮಾಡೋ ರೀತೀನೂ ಬದ್ಲಾಗತ್ತೆ. ಇದು ನಿಮಗೆ ಒಂಥರಾ ಖುಷಿ, ಉತ್ಸಾಹ ತುಂಬುತ್ತೆ.

ಮೂಲ

4. ನಿಮ್ಮನ್ನ ನೀವು ತೆಗಳ್ಕೊಳೋ ಬದ್ಲು ಹೊಗಳ್ಕೊಳಿ

ಸ್ವಯಂ ಟೀಕೆ ಒಂದು ಒಳ್ಳೆ ಸ್ವಭಾವಾನೆ, ಯಾಕೆ ಅಂದ್ರೆ ನಿಮ್ಮನ್ನ ನೀವು ಟೀಕೆ ಮಾಡ್ಕೊಳ್ತಾ ಇದ್ರೆ ನಿಮಗೆ ಸಿಕ್ಕ ಸಣ್ಣ ಪುಟ್ಟ ಗೆಲುವಿಗೇ ಸುಮ್ಮನಿದ್ದು ವಿಶ್ರಾಂತಿ ತೊಗೊಳಕ್ಕೆ ಅದು ಬಿಡಲ್ಲ, ಯಾವಾಗ್ಲೂ ಇನ್ನೂ ಮುಂದೆ ಸಾಗೋ ಹಾಗೆ ಮಾಡತ್ತೆ.

ಆದ್ರೆ ಬರಿ ಟೀಕೆ ಮಾಡ್ತಿದ್ರೆ ಆಗಲ್ಲ, ನೀವು ನಿಮ್ಮ ಸಾಧನೆ, ಯಶಸ್ಸಿನ ಬಗ್ಗೆ ಹೆಮ್ಮೆ ಪಟ್ಕೊಳಕ್ಕೆ ಆಗಾಗ ಹೊಗಳಿಕೇನೂ ಬೇಕು. ಇಲ್ಲ ಅಂದ್ರೆ ನಿಮ್ಮ ಸಾಧನೆ ಬಗ್ಗೆ ನಿಮಗೆ ಮೆಚ್ಚುಗೆ, ಸಮಾಧಾನ ಏನೂ ಇರಲ್ಲ.

5. ರಜಾ ಅಂತ ಹೆಚ್ಚು ಮಲ್ಕೊಳೋ ಬದ್ಲು ಬೇಗ ಎದ್ದು ವ್ಯಾಯಾಮ ಮಾಡಿ

ಬಾಕಿದಿನ ಎಲ್ಲ ಬೇಗ ಎದ್ದು ಹೋಗ್ತೀವಿ, ಇವತ್ತಾದ್ರೂ ಜಾಸ್ತಿ ಮಲಗೋಣ ಅಂತ ಮಲಗೋದು ಬಿಡಿ. ಈ ರಜಾ ದಿನದ ಅದ್ರಲ್ಲೂ ವಾರಾಂತ್ಯದ 48 ಗಂಟೆ ತುಂಬಾನೇ ಮುಖ್ಯ. ಅದು ನಿಮಗೆ ಅಂತ ಇರೋ ಟೈಮ್. ಅದರ ಉಪಯೋಗ ಸರಿಯಾಗಿ ಮಾಡ್ಕೊಳಿ.

ಮಲಗಿ ಸಮಯ ಹಾಳುಮಾಡದೆ ಬೇರೆ ದಿನ ಮಾಡಕ್ಕೆ ಆಗದಿದ್ದ ವ್ಯಾಯಾಮ ಮಾಡಿ, ಬೇಗೆ ತಿಂಡಿ ಊಟ ಮುಗಿಸಿದ್ರೆ ಸಂಜೆ ಹೊತ್ತು ನಿಮ್ಮ ಮನೆಯವರ, ಸ್ನೇಹಿತರ ಜೊತೆ ಆರಾಮಾಗಿ ಇರೋದಕ್ಕೆ ಸಮಯ ಸಿಗುತ್ತೆ. ಲೇಟಾಗಿ ಇದ್ದಷ್ಟೂ ಸಮಯ ಕಮ್ಮಿ ಸಿಗುತ್ತೆ.

ಮೂಲ

6. ಕೂಲ್ ಡ್ರಿಂಕ್ಸ್ ಬದ್ಲು ನೀರು ಕುಡಿಯೋ ಅಭ್ಯಾಸ ಮಾಡ್ಕೊಳಿ

ಇತ್ತೀಚೆಗಂತೂ ಎಲ್ಲರೂ ಈ ಕೂಲ್ ಡ್ರಿಂಕ್ಸ್ ಕುಡಿಯೋದು ಹೆಚ್ಚು. ಇದ್ರಿಂದ ಸಕ್ಕರೆ ಕಾಯಿಲೆನೂ ಬರೋದು ಹೆಚ್ಚಾಗಿದೆ. ಅಷ್ಟೇ ಅಲ್ಲ ನಿಮ್ಮ ಹಲ್ಲು ಹಾಳು ಮಾಡೋದ್ರಲ್ಲೂ ಇದು ಎತ್ತಿದ ಕೈ. ಒಂದು ಅಧ್ಯಯನದ ಪ್ರಕಾರ, ಪ್ರತಿ 10 ಜನರಲ್ಲಿ ಒಬ್ರಿಗೆ  ಈ ಕೂಲ್ ಡ್ರಿಂಕ್ಸ್ ಕುಡಿಯೋದ್ರಿಂದ ಸಕ್ಕರೆ ಕಾಯಿಲೆ ಬಾರೋ ಸಾಧ್ಯತೆ ಹೆಚ್ಚಾಗ್ತಿದೆಯಂತೆ. ಅದನ್ನ ಬಿಟ್ಟು ನೀರು ಕುಡಿಯೋ ಅಭ್ಯಾಸ ಮಾಡ್ಕೊಳಿ.

ಇದ್ರಿಂದ ನಿಮ್ಮ ಹಲ್ಲು ಚೆನ್ನಾಗಿರೋದು ಮಾತ್ರ ಅಲ್ಲ, ಚರ್ಮದ ಆರೋಗ್ಯಕ್ಕೂ ಒಳ್ಳೇದು. ಈ ಕಾರಣಗಳು ನಿಮಗೆ ಕೂಲ್ ಡ್ರಿಂಕ್ಸ್ ಬಿಡೋದಕ್ಕೆ ಸರಿಯಾದದ್ದಲ್ಲ ಅನ್ನಿಸಿದ್ರೆ, ಒಂದು ಹಲ್ಲನ್ನ ಈ ಕೂಲ್ ಡ್ರಿಂಕ್ಸ್ ಒಳಗೆ ಹಾಕಿ ಒಂದು ರಾತ್ರಿ ಇಡೀ ಇಟ್ಟು ಮರುದಿನ ನೋಡಿ, ಅದರ ಗತಿ ಏನಾಗಿರುತ್ತೆ ಅಂತ ತಿಳ್ಕೊಂಡು ಆಮೇಲೆ ನೀವೇ ನಿರ್ಧಾರ ಮಾಡ್ಕೊಳಿ.

7. ಹಿಂದೆ ಆಗಿದ್ದನ್ನ ನೆನಸ್ಕೊಂಡು ಕೊರಗೋ ಬದ್ಲು ಮುಂದೆ ಏನ್ ಮಾಡ್ಬೋದು ಅಂತ ಪ್ಲಾನ್ ಮಾಡಿ

ಹಿಂದಿನ ನೆನಪುಗಳು ಎಷ್ಟೇ ನಮಗೆ ಖುಷಿ ಕೊಡುವಂತದ್ದಾಗಿದ್ರೂ ಅದ್ರಲ್ಲೇ ಮುಳಿಗಿರಬಾರ್ದು. ಅದು ಮುಗಿದು ಹೋಗಿರೋ ಕ್ಷಣ. ಇದು ಕೆಟ್ಟ ನೆನಪುಗಳಿಗೂ ಅನ್ವಯಿಸತ್ತೆ.

ನೀವು ನಿಮ್ಮ ಮುಂದಿನ ಗುರಿ ಏನು ಅಂತ ನಿರ್ಧಾರ ಮಾಡಿದ ಮೇಲೆ ನಿಮ್ಮ ಹಿಂದಿನ ನೆನಪುಗಳ ಬಗ್ಗೆ ಯೋಚ್ನೆ ಮಾಡೋದು ಕಮ್ಮಿ ಆಗುತ್ತೆ. ಎಲ್ಲಿ ವರೆಗೂ ನಾವು, ಹಿಂದೆ ಆಗಿದ್ರ ಬಗ್ಗೆ ತಲೆ ಕೆಡಿಸ್ಕೊತಿರ್ತೀವೋ , ಆಗ ನಮ್ಮ ಭವಿಷ್ಯ ಕಳೆದು ಹೋಗುತ್ತೆ. 

ಮೂಲ

8. ನನ್ನ್ ಕೈಯ್ಯಲ್ಲಿ ಏನೂ ಸಾಧಿಸಕ್ಕಾಗಲ್ಲ ಅಂತ ಕೈ ಚಲ್ಲೋ ಬದ್ಲು ಒಂದು ಕೊನೆ ಸರ್ತಿ ಪ್ರಯತ್ನ ಮಾಡಿ

ವಯಸ್ಸಾದಷ್ಟೂ ಕನಸುಗಳನ್ನ, ನಮ್ಮ ಗುರಿಗಳನ್ನ ಸಾಧಿಸಕ್ಕಾಗಲ್ಲ ಅಂತ ಕೈ ಬಿಡೋದೇ ಹೆಚ್ಚು. ಹೀಗೆ ನಮ್ಮ ಕನಸನ್ನ ಬಿಡೋ ಬದಲು ಯಾವುದಾದ್ರೂ ಸುಲಭವಾಗಿ ಸಾಧಿಸಬಹುದಾದ ಮೈಲಿಗಲ್ಲಿನ ಬಗ್ಗೆ ಯೋಚಿಸಿ. ಇಂತ ಕನಸಿನ, ಗುರಿ ಬಗ್ಗೆ ಯೋಚಿಸಿ, ಅದನ್ನ ಸಾಧಿಸಕ್ಕೆ ತುಂಬಾ ಹತ್ತಿರ ಹೋಗ್ತಿದ್ದೀವಿ ಅನ್ನಿಸದಾಗ ನಿಮಗೆ ತುಂಬಾನೇ ಖುಷಿ ಸಿಗುತ್ತೆ. ಮಕ್ಕಳು ಏನಾದ್ರು ಸಾಧನೆ ಮಾಡಿದಾಗ ಖುಷಿ ಪಡ್ತಾರಲ್ಲ ಆ ರೀತಿಯ ಖುಷಿ, ಸಮಾಧಾನ ಸಿಗುತ್ತೆ.

9. ಯಾವಾಗ್ಲೂ ಡಯೆಟ್ಟು ಅಂತ ತಲೆ ಕೆಡಿಸ್ಕೊಳೋ ಬದ್ಲು ಒಂದೊಂದ್ಸರ್ತಿ ರುಚಿಯಾಗಿರೋ ಊಟ ತಿಂಡಿ ತಿನ್ನಿ

ಪ್ರತಿಯೊಬ್ಬರ ಜೀವನದಲ್ಲೂ ಊಟ ತಿಂಡಿಗೆ ತಮ್ಮದೇ ಆದ ಪದ್ಧತಿ ಇರುತ್ತೆ. ಅದ್ರಲ್ಲೂ ನಮ್ಮ ದೇಹಕ್ಕೆ, ಆರೋಗ್ಯಕ್ಕೆ ಸರಿ ಹೊಂದೋ ಡಯಟ್ ಊಟ ತಿಂಡೀನ ಇಷ್ಟ ಇಲ್ಲ ಅಂದ್ರೂ ಬಲವಂತವಾಗಿ ತಿನ್ತಿರ್ತೀವಿ.

ಇದೆಲ್ಲ ಇದ್ದಿದ್ದೇ, ಆಗಾಗ ನಿಮಗಿಷ್ಟ ಆಗೋ ಸ್ವೀಟ್, ಐಸ್ ಕ್ರೀಮ್, ಪಿಜ್ಜಾ, ಬರ್ಗರ್ ಎಲ್ಲಾನೂ ತಿನ್ನಿ, ಆದ್ರೆ ಆಮೇಲೆ ಸರಿಯಾಗಿ ವ್ಯಾಯಾಮ ಮಾಡೋದನ್ನ ಮರೀಬೇಡಿ.

ಮೂಲ

10. ಯಾವಾಗ್ಲೂ ಕುಂಟ ನೆಪ ಕೊಡೋ ಬದ್ಲು ತಪ್ಪಾಗಿದ್ರೆ ಪ್ರಾಮಾಣಿಕವಾಗಿ ಒಪ್ಕೊಳಿ

ಪ್ರಾಮಾಣಿಕತೆ ಒಳ್ಳೇದು ಅಲ್ವ? ಕೆಲವೊಂದು ಸಲ ಅದು ನಿಮಗೆ ನೋವನ್ನೂ ಕೊಡಬಹುದು, ಆದ್ರೆ ನಿಮ್ಮಲ್ಲಿ ಬದಲಾವಣೆ ಬರ್ಬೇಕು, ನೀವು ಸುಧಾರಿಸ ಬೇಕು ಅಂದ್ರೆ ನೀವು ಪ್ರಾಮಾಣಿಕವಾಗಿರ್ಬೇಕು. ನೀವು ಪ್ರಾಮಾಣಿಕವಾಗಿರಕ್ಕೆ ಶುರು ಮಾಡಿದ್ರೆ, ನಿಮ್ಮ ಸಾಮರ್ಥ್ಯನೂ ಹೆಚ್ಚಾಗುತ್ತೆ. ಇದನ್ನ ತಿಳ್ಕೊಳೋ ಒಳ್ಳೆ ಸುಲಭ ವಿಧಾನ ಅಂದ್ರೆ ನೀವು ಪ್ರತಿಯೊಂದು ಕೆಲಸ ಮುಗಿಸಿದಾಗಲೂ ನೀವು ಮಾಡಿರೋ ಪ್ರಯತ್ನದ ಬಗ್ಗೆ ಪ್ರಶ್ನೆ ಮಾಡ್ಕೊಳಿ. ನೀವು ಯಾವುದಾದ್ರೂ ಪ್ರಾಜೆಕ್ಟ್ ಗೆ ಕೆಲಸ ಮಾಡ್ತಾ ಇದ್ರೆ, ನಿಮ್ಮ ಜೊತೇಲಿರೋ ಕೆಲಸಗಾರರಿಂದ ನಿಮ್ಮ ಸುಧಾರಣೆ ಬಗ್ಗೆ ತಿಳ್ಕೊಳಿ.

ಈ ಸಣ್ಣಪುಟ್ಟ ಬದಲಾವಣೆಗಳನ್ನ ಮಾಡ್ಕೊಂಡ್ರೆ ನಮ್ಮ ಜೀವನ ಬದಲಾಗೋದ್ರಲ್ಲಿ ಯಾವುದೇ ಅನುಮಾನ ಇಲ್ಲ!

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: