ಅಂದ-ಚಂದಕ್ಕಿಂತ ಹೆಚ್ಚಾಗಿ ಈ 10 ಗುಣಗಳು ಹುಡ್ಗೀರಲ್ಲಿದ್ರೆ ಹುಡುಗರಿಗೆ ಇಷ್ಟ ಆಗ್ತಾರೆ

ಸ್ವಲ್ಪ ನಗಿಸಕ್ಕೆ ಗೊತ್ತಿರ್ಬೇಕು

ಯಾವದೇ ಗಂಡಾಗ್ಲಿ, ಹುಡುಗಿ ಅಂದವಾಗಿರ್ಬೇಕು, ಬೊಂಬೆ ತರ ಇರ್ಬೇಕು... ಹಾಗಿರ್ಬೇಕು, ಹೀಗಿರ್ಬೇಕು ಅಂತ ಆಸೆ ಪಡೋದು ಮಾಮೂಲು... ಹಾಗಂತ ಯಾವಾಗ್ಲೂ ಬರಿ ಅಂದಾನೆ ಮುಖ್ಯ ಅಂತ ಯಾವ್ ಹುಡ್ಗ ಕೂಡ ಹೇಳಲ್ಲ. ಹುಡುಗಿ ಅಂದಕ್ಕಿಂತ ಹುಡುಗಿಯ ಒಳ್ಳೆ ಗುಣಾನೇ ಹುಡುಗ್ರಿಗೆ ತುಂಬಾ ಇಷ್ಟ ಆಗೋದು. ಹುಡುಗ್ರು ಯಾವತ್ತೂ ಹುಡುಗಿ ಬರೀ ಚೆಂದ ಇರ್ಬೇಕು ಅಂತಾರೆ ಅನ್ನೋದು ಅತಿ ದೊಡ್ಡ ಸುಳ್ಳು. ಅಂದಕ್ಕಿಂತಾ ಈ 10 ಗುಣ ಹುಡ್ಗೀಗಿದ್ರೆ ಹುಡುಗರು ಬೇಗ ಇಷ್ಟ ಪಡ್ತಾರೆ... ಬನ್ನಿ ಯಾವ್ ಯಾವ್ದು ಅಂತ ನೋಡಣ.

1. ಹುಡುಗನಿಗೆ ಬೆನ್ನೆಲುಬಾಗಿ ನಿಲ್ಬೇಕು

ಪ್ರತಿ ಯಶಸ್ವೀ ಗಂಡಿನ ಹಿಂದೆ ಹೆಣ್ಣು ಇದ್ದೇ ಇರ್ತಾಳೆ ಅಂತ ಕೇಳಿದ್ದೀವಿ, ಈ ಮಾತು ನೂರಕ್ಕೆ ನೂರು ಸತ್ಯ. ಹುಡುಗರಿಗೂ ಇದೇ ಗುಣ ಇಷ್ಟ ಆಗೋದು. ನಿಜವಾಗ್ಲೂ ಇಷ್ಟ ಪಡೋ ಹುಡುಗರು, ಹುಡುಗಿ ಯಾವತ್ತೂ ನನ್ನ ಕೆಲಸಕ್ಕೆ ಸಹಾಯ ಮಾಡ್ಬೇಕು, ಮಾನಸಿಕವಾಗಿ ನನಗೆ ಸಪೋರ್ಟ್ ಮಾಡ್ಬೇಕು ಅಂತ ಆಸೆ ಪಡ್ತಾರೆ. ಇಂತ ಗುಣ ಇರೋ ಹುಡ್ಗೀನ ತುಂಬಾ ಇಷ್ಟ ಪಡ್ತಾರೆ.

2. ಹುಡ್ಗನಿಗಾಗಿ ಸ್ವಲ್ಪ ಸಮಯ ಮೀಸಲಿಡ್ಬೇಕು

ಈ ಗಿಫ್ಟ್, ಟ್ರಿಪ್, ಪಾರ್ಟಿ ಇವೆಲ್ಲಾ ಯಾರ್ ಬೇಕಾದ್ರೂ ಮಾಡ್ತಾರೆ, ಆದ್ರೆ ಪ್ರತಿ ಹುಡ್ಗ ಇಷ್ಟ ಪಡೋದು ಒಂದೇ... ಹುಡುಗಿ ನನಗೆ ಅಂತ ಸ್ವಲ್ಪ ಸಮಯ ಕೊಡಬೇಕು ಅಂತ. ನಿಜ ಹೇಳ್ತೀನಿ ಸ್ವಾಮೀ ಸಮಯಕ್ಕೆ ಇರೋ ಬೆಲೆ ಬೇರೆ ಯಾವುದಕ್ಕೂ ಇಲ್ಲ. ಹುಡುಗಿ ಎಷ್ಟೇ ಬ್ಯುಸಿ ಇದ್ರೂ ಹುಡುಗನಿಗೆ ಅಂತ ಸ್ವಲ್ಪ ಸಮಯ ಕೊಟ್ರೆ ನಿಜವಾಗ್ಲೂ ಹುಡುಗನಿಗೆ ಸಿಕ್ಕಾಪಟ್ಟೆ ಖುಷಿಯಾಗತ್ತೆ. ಇಂತಾ ಹುಡುಗೀರನ್ನೇ ಹುಡುಗರು ಬೇಗ ಇಷ್ಟ ಪಡೋದು 

ಮೂಲ

3. ತನ್ನ ಹುಡ್ಗನನ್ನ ನಂಬಬೇಕು

ಯಾವ್ ಹುಡುಗ್ರೂ ಸರಿ ಇಲ್ಲ, ಎಲ್ಲಾ ಕೆಟ್ಟೋರು ಅಂತ ತೀರ್ಮಾನ ಮಾಡೋ ಹುಡುಗೀರು ಜಪ್ಪಯ್ಯ ಅಂದ್ರು ಹುಡುಗರಿಗೆ ಇಷ್ಟ ಆಗಲ್ಲ. ಎಲ್ಲರೂ ಒಳ್ಳೇವ್ರೆ, ನಂಬಿಕೆ ಮುಖ್ಯ. ಯಾರು ನಿಜವಾಗ್ಲೂ ನಂಬಿಕೆಗೆ ತಕ್ಕಂತೆ ನಡ್ಕೊತಾರೊ ಅಂತವರು ಹುಡುಗರಿಗೆ ಬೇಗ ಇಷ್ಟ ಆಗ್ಬಿಡ್ತಾರೆ 

4. ಮಾತಾಡುವಾಗ ಹೇಳಿದ್ದನ್ನ ಸರಿಯಾಗಿ " ಕೇಳಿಸ್ಕೋಬೇಕು "

ಸಾಮಾನ್ಯವಾಗಿ ಹುಡುಗೀರು ಸಿಕ್ಕಾಪಟ್ಟೆ ಮಾತಾಡ್ತಾರೆ, ಆದ್ರೆ ಇನ್ನೊಬ್ರು ಮಾತಾಡೋದನ್ನ ಅಷ್ಟೇ ಗಮನ ಕೊಟ್ಟು ಕೇಳುಸ್ಕೊತಾರಾ? ಪ್ರತಿದಿನ ಜೀವನದಲ್ಲಿ ಏನೆಲ್ಲಾ ನಡೆಯತ್ತೆ ಅದನ್ನ ಹಂಚ್ಕೊಳಕ್ಕೆ ಪ್ರತಿ ಗಂಡಿಗೂ ಒಂದು ಜೀವ ಬೇಕು, ಸುಮ್ನೆ ಕೋಲೆಬಸವನ ಥರ ತಲೆ ಅಲ್ಲಾಡುಸ್ಕೊಂಡು ಹು೦-ಹೂ೦ ಅನ್ನೋರಲ್ಲ, ಹೇಳಿದ್ದನ್ನ ಕೇಳಿಸಿಕೊಂಡು ಸರಿಯಾಗಿ ಸ್ಪಂದಿಸಬೇಕು. ಇಂತ ಗುಣ ಹುಡುಗರಿಗೆ ಬೇಗ ಇಷ್ಟ ಆಗತ್ತೆ.   

ಮೂಲ

5. ಸ್ವಲ್ಪ ನಗಿಸಕ್ಕೆ ಗೊತ್ತಿರ್ಬೇಕು

ಬರಿ ಅಂದ, ಸೌಂದರ್ಯಾನೆ ಎಲ್ಲರೂ ನೋಡಲ್ಲ... ಗುಣ, ಸ್ವಭಾವ ತುಂಬಾ ಮುಖ್ಯ. ಜೀವನದ ಜಂಜಾಟದಲ್ಲಿ ಸಿಕ್ಕಾಕೊಂಡು ಮೊದ್ಲೆ ಸಕಾಗಿರತ್ತೆ. ಇನ್ನು ಈ ಕಡೇನೂ ಬರೀ ಟೆನ್ಷನ್ ಆದ್ರೆ ಹೇಗೆ ಹೇಳಿ? ಆದ್ರಿಂದ ಸ್ವಲ್ಪ ಕಾಮಿಡಿ ಮಾಡೋ ಹುಡುಗೀರು ಹುಡುಗ್ರಿಗೆ ತುಂಬಾ ಬೇಗ ಇಷ್ಟ ಆಗ್ತಾರೆ. 

6. ಚನ್ನಾಗಿ ಅಡಿಗೆ ಮಾಡಕ್ಕೆ ಬರ್ಬೇಕು

ಇದೊಂದು ಸತ್ಯವಾದ ಮಾತು. ಹಾಗಂತ ಹುಡುಗೀರು ಯಾವಾಗ್ಲೂ ಅಡಿಗೆ ಮನೇಲೇ ಇರ್ಬೇಕು ಅಂತ ಅಲ್ಲ. ಆದ್ರೆ ತನ್ನೋಳು ಮಾಡಿರೋ ಇಷ್ಟವಾದ ಅಡಿಗೇನ ಆರಾಮಾಗಿ ಮನೇಲಿ ಕೂತ್ಕೊಂಡು ತಿನ್ನೋ ಖುಷಿ ಯಾವ ಸ್ಟಾರ್ ಹೋಟೆಲಲ್ಲಿ ಕೂತ್ಕೊಂಡು ತಿಂದ್ರೂ ಆಗಲ್ಲ. ಮನೇಲಿ ತನ್ನೋಳು ಮಾಡಿದ ಊಟ ತಿಂದ್ರೆ ಏನೋ ಒಂತರ ತೃಪ್ತಿ. 

ಮೂಲ

7. ಏನಾದ್ರೂ ಸಾಧಿಸೋ ಛಲ ಇರ್ಬೇಕು

ಅಯ್ಯೋ ನಂಗೇನೂ ಆಸೆ ಇಲ್ಲ, ಆರಾಮಾಗಿ ಅಡಿಗೆ ಮಾಡ್ಕೊಂಡು ಮನೇಲೇ ಇರ್ತೀನಿ ಅನ್ನೋರಿಗಿಂತ, ನನ್ನ ಜೀವನ, ನನ್ನ ಕನಸು, ನನ್ನ ಆಸೆ ಅಂತ ಇದೆ, ಇದ್ನೆಲ್ಲಾ ನಾ ಸಾಧಿಸಬೇಕು... ಜೀವನದಲ್ಲಿ ಇನ್ನೂ ಮೇಲಕ್ಕೆ ಬರಬೇಕು, ನನ್ನ ಕನಸೆಲ್ಲಾ ನನಸಾಗಬೇಕು ಅಂತ ತನ್ನ ಗುರಿ ಕಡೆಗೆ ಮುನ್ನುಗ್ಗೋ ಗುಣ ಹುಡ್ಗೀರಲ್ಲಿದ್ರೆ ಇಷ್ಟ ಆಗತ್ತೆ.

8. ಡಯಟ್ಟು ಗಿಯಟ್ಟು ಅಂದೇ ಊಟ ಸರಿಯಾಗಿ ಮಾಡ್ಬೇಕು 

ಹೆಚ್ಚಿನ ಹುಡುಗೀರು ತೆಳ್ಳಗಿರ್ಬೇಕು, ಹಾಗಿರ್ಬೇಕು, ಹೀಗಿರ್ಬೇಕು ಅಂತ ಸರಿಯಾಗ್ ತಿನ್ನಲ್ಲ. ಸುಮ್ನೆ ಡಯಟ್ಟು ಅಂತ ಸ್ವಲ್ಪಾನೆ ತಿನ್ನದು, ತಿಂದೆ ಇರೋದು... ಈ ಥರ ದೊಂಬ್ರಾಟ ಆಡೋರು ಇಷ್ಟ ಆಗಲ್ಲ. ಊಟಾನ ಅಚ್ಚುಕಟ್ಟಾಗಿ ಇಷ್ಟ ಪಟ್ಟು, ಊಟದ ರುಚೀನ ಎಂಜಾಯ್ ಮಾಡ್ಕೊಂಡು, ಡಯಟ್ಟು ಗಿಯಟ್ಟು ಅಂತ ತಲೆಕೆಡುಸ್ಕೊಳ್ದೆ, ನೆಮ್ಮದಿಯಾಗಿ ಊಟ ಮಾಡೋರು ಇಷ್ಟ ಆಗ್ತಾರೆ.

ಮೂಲ

9. ಭಾವನೆಗೆ ಬೆಲೆ ಕೊಡ್ಬೇಕು

ಹೆಣ್ಣು ಯಾವತ್ತೂ ಭಾವಜೀವಿ ಅಂತ ಹೇಳ್ತಾರೆ, ಆದ್ರೆ ಎಷ್ಟೋ ಹೆಣ್ಣುಮಕ್ಕಳು ಭಾವನೆಗೆ ಬೆಲೆ ಕೊಡಲ್ಲ. ಭಾವನೆಗೆ ಬೆಲೆ ಕೊಡೋರು, ಮನಸ್ಸಿನ ಭಾವನೇನ ಹೇಳ್ದೆ ತಿಳ್ಕೊಳೋರು ಅಷ್ಟೇ ಅಲ್ಲ ತಮ್ಮ ಭಾವನೇನ ಚನ್ನಾಗಿ ವ್ಯಕ್ತಪಡಿಸೋರು ಇಷ್ಟ ಆಗ್ತಾರೆ. ಅದು ಬಿಟ್ಟು ಸುಮ್ನೆ ಕಲ್ಲು ಗುಂಡಿನ ತರ ಭಾವನೇನೇ ಇಲ್ದೆ ಇರೋರೋ, ಅಥ್ವಾ ಹುಡ್ಗಾನೇ ಎಲ್ಲಾ ಅರ್ಥ ಮಾಡ್ಕೋಬೇಕು ಅಂತ ಅನ್ಕೊಳೋರ ಸಹವಾಸಾನೇ ಹುಡುಗ್ರಿಗೆ ಬೇಡ ಅನ್ನಿಸ್ಬಿಡತ್ತೆ.

10. ತನ್ನ ಕಾಲ್ಮೇಲೆ ತಾನು ನಿಂತು ಸ್ವತಂತ್ರವಾಗಿರ್ಬೇಕು

ತನ್ನ ಗುರಿಯ ಕಡೆ ಗಮನ ಕೊಟ್ಟು, ಅಯ್ಯೋ ಅವ್ರಿಲ್ಲ ಇವ್ರಿಲ್ಲ ಅಂತ ಯಾರ್ ಮೇಲೂ ಡಿಪೆಂಡ್ ಆಗ್ದೇ, ನನ್ನ ಕನಸನ್ನ ನಾನು ಸಾಧಿಸ್ತೀನಿ, ನಾನು ಸ್ವತಂತ್ರವಾಗಿ ಜೀವಿಸ್ತೀನಿ ಅನ್ನೋ ಗುಣ ತುಂಬಾ ಇಷ್ಟ ಆಗತ್ತೆ. ತಾವು ಮಾಡೋ ಕೆಲಸದಲ್ಲಿ ಯಶಸ್ಸು ಸಾಧಿಸ್ದಾಗ, ಅವಳ ಕಣ್ಣಲ್ಲಿ ಒಂದು ಮಿಂಚು ಕಾಣತ್ತೆ ನೋಡಿ... ಆ ಖುಷೀನ ಬಾಯ್ಮಾತಲ್ಲಿ ಹೇಳಕ್ಕಾಗಲ್ಲ.

ಮೂಲ

ಈ ಪಟ್ಟಿ ಇನ್ನೂ ಬೆಳೀತಾನೇ ಹೋಗತ್ತೆ. ಆದ್ರೆ ತುಂಬಾ ಹುಡ್ಗರನ್ನ ಕೇಳಿ, ಅವ್ರ ಪ್ರಕಾರ ತೀರಾ ಮುಖ್ಯ ಅನ್ಸಿದ್ ಹತ್ತನ್ನ ಇಲ್ಲಿ ಕೊಟ್ಟಿದ್ದೀವಿ ಅಷ್ಟೆ. ಇನ್ನೂ ಯಾವ್ಯಾವ ಗುಣ ಮುಖ್ಯ ಅಂತ ನಿಮಗನ್ಸತ್ತೆ?

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ಈ 10 ಚಿಕ್ಕ ಚಿಕ್ಕ ಬದಲಾವಣೆ ಮಾಡ್ಕೊಂಡ್ರೆ ನಿಮ್ಮ ಜೀವನ ದೊಡ್ಡ ರೀತೀಲಿ ಬದಲಾಗತ್ತೆ ಅನ್ನೋದ್ರಲ್ಲಿ ಸಂದೇಹಾನೆ ಇಲ್ಲ

ಒಂದೊಂದ್ಸರ್ತಿ ಊಹೂಂ ಅನ್ನೋಕ್ಕೂ ಗೊತ್ತಿರ್ಬೇಕು

ಜೀವನ ಅದರ ಎಲ್ಲ ರೂಪದಲ್ಲೂ ಕೆಲವೊಮ್ಮೆ ನಮಗೆ ಎಷ್ಟು ಮಾಡಿದ್ರೂ ಅಷ್ಟೇ ಅನ್ನೋ ಭಾವನೆ ಬರೋಹಾಗೆ ಮಾಡಬಹುದು. ಆದ್ರೆ ಜೀವನದಲ್ಲಿ ಒಂದೊಂದ್ಸರ್ತಿ ಎಷ್ಟೇ ಕಷ್ಟ ಬಂದ್ರೂ ಮನಸ್ಸಿದ್ದರೆ ಮಾರ್ಗ ಇದ್ದೇ ಇದೆ ಅನ್ನೋದು ನೆನಪಿರ್ಲಿ.

ಈ 10 ವಿಷಯದ ಬಗ್ಗೆ ಗಮನ ಕೊಟ್ರೆ ನಿಮ್ಮ ಜೀವನ ಬದಲಾಯಿಸಿಕೊಳ್ಳೋದಕ್ಕೆ ಸಹಾಯ ಆಗುತ್ತೆ. ಆದ್ರೆ ಒಂದು ನೆನಪಿರ್ಲಿ... ಇವೆಲ್ಲಾ ಝಟ್ ಪಟ್ ಅಂತ ಆಗೋ ಬದಲಾವಣೆಗಳಲ್ಲ... ಸಮಯ ಹಿಡಿದೇ ಹಿಡಿಯತ್ತೆ. ಆದ್ರೆ ಕೊನೇಲಿ ಖುಷಿಯಾಗೋದು ಖಂಡಿತಾ. 

1. ಬೆಳಗ್ಗೆ ಲೇಟಾಗಿ ಏಳೋ ಬದ್ಲು ಬೇಗ ಏಳೋ ಅಭ್ಯಾಸ ಮಾಡ್ಕೊಳಿ

ಹಲವಾರು ಸಂಶೋಧನೆ, ಅಧ್ಯಯನಗಳಿಂದ ಗೊತ್ತಾಗಿರೋದು ಏನಪ್ಪಾ ಅಂದ್ರೆ ಬೆಳಗ್ಗೆ ಬೇಗ ಎದ್ದವರು ಬೇರೆಯವರಿಗಿಂತ ಕೆಲಸ ತುಂಬಾ ಚೆನ್ನಾಗಿ ಮಾಡ್ತಾರೆ, ತುಂಬಾ ಖುಷಿಯಾಗೂ ಇರ್ತಾರೆ ಅಂತ. ದಿನದಲ್ಲಿ ಕೆಲವೇ ಗಂಟೆಗಳು ನಮಗೆ ಸಿಗೋದು, ಅದ್ರಲ್ಲಿ ನಿದ್ದೆಯಲ್ಲೇ ಹೆಚ್ಚು ಸಮಯ ಹಾಳಾದ್ರೆ ನಿಮಗೆ ಬೇರೆದಕ್ಕೆ ಇನ್ನೆಲ್ಲಿಂದ ಟೈಮ್ ಸಿಗುತ್ತೆ?

ಇನ್ನು ನಿಮ್ಮ ಆಫೀಸ್ 24 ಗಂಟೇನೂ ಕೆಲಸ ಮಾಡೊತರದ್ದಾದ್ರೆ, ಬೆಳಗ್ಗೆ ಬೇಗ ಹೋಗಿ, ಬೇಗ ವಾಪಸ್ ಬಂದ್ರೆ ನಿಮ್ಮ ಸ್ವಂತಕ್ಕೆ, ಮನೆಯವರ ಜೊತೆ ಕಳೆಯೋದಕ್ಕೆ... ಹೀಗೆ ಎಲ್ಲದಕ್ಕೂ ನಿಮಗೆ ಸಾಕಷ್ಟು ಟೈಮ್ ಸಿಗುತ್ತೆ.

ಮೂಲ

2. ಎಲ್ಲದಕ್ಕೂ ಸರಿ, ಆಯ್ತು, ಮಾಡ್ತೀನಿ ಅಂತ ಒಪ್ಕೊಳೋ ಬದ್ಲು ಆಗಾಗ ಇಲ್ಲ, ಮಾಡಕ್ಕಾಗಲ್ಲ ಅಂತ ಹೇಳೋ ಅಭ್ಯಾಸ ಬೆಳೆಸ್ಕೊಳಿ

ಎಲ್ಲ ಟೈಮಲ್ಲೂ ಸರಿ, ಆಯ್ತು , ಮಾಡ್ತೀನಿ ಅಂತ ಒಪ್ಕೋಳೋದು ಸರಿಯಲ್ಲ. ಹೀಗೆ ಒಪ್ಕೋಳೋದ್ರಿಂದ ನಿಮ್ಮ ಮಾಡ್ಬೇಕಾಗಿರೋ ಕೆಲಸದ ಪಟ್ಟಿಗೆ ಇನ್ನಷ್ಟು ಸೇರುತ್ತೆ, ಕೆಲಸದಲ್ಲಿ ಎಷ್ಟು ಮುಳುಗಿ ಹೋಗ್ತೀರಾ ಅಂದ್ರೆ ನಿಮಗೆ ಅಂತ ಸ್ವಲ್ಪ ಬಿಡುವು ಮಾಡ್ಕೊಳೋದು ತುಂಬಾ ಕಷ್ಟ ಆಗುತ್ತೆ.

ಆಗಾಗ ಸಮಯಕ್ಕೆ ತಕ್ಕಂತೆ ನೀವು ಇಲ್ಲ, ಆಗಲ್ಲ, ಅಂತ ಹೇಳೋ ರೂಢಿ ಮಾಡ್ಕೊಂಡ್ರೆ ಅನವಶ್ಯಕವಾಗಿ ನೀವು ಹೇಳಿದ್ದಕ್ಕೆಲ್ಲ ಒಪ್ಪಿಕೊಂಡು ಕೆಲಸ ಮಾಡ್ತೀರಾ ಅಂತ ಗೊತ್ತಿದ್ದೇ ನಿಮಗೆ ಕೆಲಸ ಹೇಳ್ತಾರಲ್ಲ... ಅದೆಲ್ಲಾ ನಿಲ್ಲುತ್ತೆ. ನಿಮ್ಮ ಕೆಲಸ, ಟೈಮ್ ಎಲ್ಲ ನಿಮ್ಮ ನಿಯಂತ್ರಣದಲ್ಲಿರುತ್ತೆ.

3. ಯಾವಾಗ್ಲೂ ಕೈಯ್ಯಲ್ಲಿ ಮೊಬೈಲ್ ಫೋನ್ ಹಿಡ್ಕೊಂಡು ಕೂರೋ ಬದ್ಲು ಹೊರಗೆ ಹೋಗಿ ಸುತ್ತಾಡ್ಕೊಂಡು ಬನ್ನಿ

ಈಗಿನ ಟೆಕ್ನಾಲಜಿಯಿಂದ ನಮಗೆ ತುಂಬಾನೇ ಉಪಯೋಗ ಆಗಿದೆ. ಆದ್ರೆ ಇತ್ತೀಚಿಗೆ ನಾವು ಅದ್ರಲ್ಲಿ ಎಷ್ಟು ಮುಳ್ಗಿರ್ತಿವಿ ಅಂದ್ರೆ ಅದು ಇಲ್ಲ ಅಂದ್ರೆ ನಮಗೆ ಕೈಕಾಲೇ ಓಡಲ್ಲ ಅನ್ನೋ ಹಾಗೆ ಆಡ್ತೀವಿ. ಅದ್ರಲ್ಲೂ ಈ ಸ್ಮಾರ್ಟ್ ಫೋನ್ ಬಂದ್ಮೇಲಂತೂ ನೆಟ್ವರ್ಕ್ ಸಿಕ್ಕಿಲ್ಲ, ಇಂಟರ್ನೆಟ್ ಕನೆಕ್ಟ್ ಆಗ್ತಿಲ್ಲ ಅಂದ್ರೆ ಏನೋ ಕಳ್ಕೊಂಡಿರೋವ್ರ ಹಾಗೆ ಪರದಾಡ್ತಿವಿ ( ನಮ್ಮ ಹತ್ತಿರದವರು ದೂರ ಆದಾಗ್ಲೂ ಹೀಗೆ ನಾವು ಆಡಿರಲ್ವೇನೋ). ಈ ಮೊಬೈಲ್ ಹತ್ತಿರ ಇದ್ದಷ್ಟೂ ನಾವು ಆಗಾಗ ಅದನ್ನ ನೋಡೋದು, ಅಲ್ಲೇನಾಗ್ತಿದೆ, ಇಲ್ಲೇನಾಗ್ತಿದೆ ಅಂತ ಹುಡುಕಾಡೊ ಪ್ರಯತ್ನ ಮಾಡ್ತಾ ಇರ್ತೀವಿ.

ಆಗಾಗ ಈ ಮೊಬೈಲ್ ಮನೇಲೆ ಬಿಟ್ಟು ಕನಿಷ್ಠ 10 -15 ನಿಮಿಷನಾದ್ರೂ ಪ್ರಶಾಂತವಾಗಿರೋ ಜಾಗಕ್ಕೆ ಹೋಗಿ ಸುತ್ತಾಡಿಕೊಂಡು ಬನ್ನಿ. ನೀವು ಇಲ್ಲಿವರ್ಗೂ ಯೋಚನೆ ಮಾಡಿರದ ವಿಚಾರಗಳು ನಿಮಗೆ ಹೊಳೆಯುತ್ತೆ. ಈ ವಿಷಯಗಳು ನಿಮ್ಮ ತಲೆಗೆ ಹೋದಾಗ ನೀವು ಯೋಚನೆ ಮಾಡೋ ರೀತೀನೂ ಬದ್ಲಾಗತ್ತೆ. ಇದು ನಿಮಗೆ ಒಂಥರಾ ಖುಷಿ, ಉತ್ಸಾಹ ತುಂಬುತ್ತೆ.

ಮೂಲ

4. ನಿಮ್ಮನ್ನ ನೀವು ತೆಗಳ್ಕೊಳೋ ಬದ್ಲು ಹೊಗಳ್ಕೊಳಿ

ಸ್ವಯಂ ಟೀಕೆ ಒಂದು ಒಳ್ಳೆ ಸ್ವಭಾವಾನೆ, ಯಾಕೆ ಅಂದ್ರೆ ನಿಮ್ಮನ್ನ ನೀವು ಟೀಕೆ ಮಾಡ್ಕೊಳ್ತಾ ಇದ್ರೆ ನಿಮಗೆ ಸಿಕ್ಕ ಸಣ್ಣ ಪುಟ್ಟ ಗೆಲುವಿಗೇ ಸುಮ್ಮನಿದ್ದು ವಿಶ್ರಾಂತಿ ತೊಗೊಳಕ್ಕೆ ಅದು ಬಿಡಲ್ಲ, ಯಾವಾಗ್ಲೂ ಇನ್ನೂ ಮುಂದೆ ಸಾಗೋ ಹಾಗೆ ಮಾಡತ್ತೆ.

ಆದ್ರೆ ಬರಿ ಟೀಕೆ ಮಾಡ್ತಿದ್ರೆ ಆಗಲ್ಲ, ನೀವು ನಿಮ್ಮ ಸಾಧನೆ, ಯಶಸ್ಸಿನ ಬಗ್ಗೆ ಹೆಮ್ಮೆ ಪಟ್ಕೊಳಕ್ಕೆ ಆಗಾಗ ಹೊಗಳಿಕೇನೂ ಬೇಕು. ಇಲ್ಲ ಅಂದ್ರೆ ನಿಮ್ಮ ಸಾಧನೆ ಬಗ್ಗೆ ನಿಮಗೆ ಮೆಚ್ಚುಗೆ, ಸಮಾಧಾನ ಏನೂ ಇರಲ್ಲ.

5. ರಜಾ ಅಂತ ಹೆಚ್ಚು ಮಲ್ಕೊಳೋ ಬದ್ಲು ಬೇಗ ಎದ್ದು ವ್ಯಾಯಾಮ ಮಾಡಿ

ಬಾಕಿದಿನ ಎಲ್ಲ ಬೇಗ ಎದ್ದು ಹೋಗ್ತೀವಿ, ಇವತ್ತಾದ್ರೂ ಜಾಸ್ತಿ ಮಲಗೋಣ ಅಂತ ಮಲಗೋದು ಬಿಡಿ. ಈ ರಜಾ ದಿನದ ಅದ್ರಲ್ಲೂ ವಾರಾಂತ್ಯದ 48 ಗಂಟೆ ತುಂಬಾನೇ ಮುಖ್ಯ. ಅದು ನಿಮಗೆ ಅಂತ ಇರೋ ಟೈಮ್. ಅದರ ಉಪಯೋಗ ಸರಿಯಾಗಿ ಮಾಡ್ಕೊಳಿ.

ಮಲಗಿ ಸಮಯ ಹಾಳುಮಾಡದೆ ಬೇರೆ ದಿನ ಮಾಡಕ್ಕೆ ಆಗದಿದ್ದ ವ್ಯಾಯಾಮ ಮಾಡಿ, ಬೇಗೆ ತಿಂಡಿ ಊಟ ಮುಗಿಸಿದ್ರೆ ಸಂಜೆ ಹೊತ್ತು ನಿಮ್ಮ ಮನೆಯವರ, ಸ್ನೇಹಿತರ ಜೊತೆ ಆರಾಮಾಗಿ ಇರೋದಕ್ಕೆ ಸಮಯ ಸಿಗುತ್ತೆ. ಲೇಟಾಗಿ ಇದ್ದಷ್ಟೂ ಸಮಯ ಕಮ್ಮಿ ಸಿಗುತ್ತೆ.

ಮೂಲ

6. ಕೂಲ್ ಡ್ರಿಂಕ್ಸ್ ಬದ್ಲು ನೀರು ಕುಡಿಯೋ ಅಭ್ಯಾಸ ಮಾಡ್ಕೊಳಿ

ಇತ್ತೀಚೆಗಂತೂ ಎಲ್ಲರೂ ಈ ಕೂಲ್ ಡ್ರಿಂಕ್ಸ್ ಕುಡಿಯೋದು ಹೆಚ್ಚು. ಇದ್ರಿಂದ ಸಕ್ಕರೆ ಕಾಯಿಲೆನೂ ಬರೋದು ಹೆಚ್ಚಾಗಿದೆ. ಅಷ್ಟೇ ಅಲ್ಲ ನಿಮ್ಮ ಹಲ್ಲು ಹಾಳು ಮಾಡೋದ್ರಲ್ಲೂ ಇದು ಎತ್ತಿದ ಕೈ. ಒಂದು ಅಧ್ಯಯನದ ಪ್ರಕಾರ, ಪ್ರತಿ 10 ಜನರಲ್ಲಿ ಒಬ್ರಿಗೆ  ಈ ಕೂಲ್ ಡ್ರಿಂಕ್ಸ್ ಕುಡಿಯೋದ್ರಿಂದ ಸಕ್ಕರೆ ಕಾಯಿಲೆ ಬಾರೋ ಸಾಧ್ಯತೆ ಹೆಚ್ಚಾಗ್ತಿದೆಯಂತೆ. ಅದನ್ನ ಬಿಟ್ಟು ನೀರು ಕುಡಿಯೋ ಅಭ್ಯಾಸ ಮಾಡ್ಕೊಳಿ.

ಇದ್ರಿಂದ ನಿಮ್ಮ ಹಲ್ಲು ಚೆನ್ನಾಗಿರೋದು ಮಾತ್ರ ಅಲ್ಲ, ಚರ್ಮದ ಆರೋಗ್ಯಕ್ಕೂ ಒಳ್ಳೇದು. ಈ ಕಾರಣಗಳು ನಿಮಗೆ ಕೂಲ್ ಡ್ರಿಂಕ್ಸ್ ಬಿಡೋದಕ್ಕೆ ಸರಿಯಾದದ್ದಲ್ಲ ಅನ್ನಿಸಿದ್ರೆ, ಒಂದು ಹಲ್ಲನ್ನ ಈ ಕೂಲ್ ಡ್ರಿಂಕ್ಸ್ ಒಳಗೆ ಹಾಕಿ ಒಂದು ರಾತ್ರಿ ಇಡೀ ಇಟ್ಟು ಮರುದಿನ ನೋಡಿ, ಅದರ ಗತಿ ಏನಾಗಿರುತ್ತೆ ಅಂತ ತಿಳ್ಕೊಂಡು ಆಮೇಲೆ ನೀವೇ ನಿರ್ಧಾರ ಮಾಡ್ಕೊಳಿ.

7. ಹಿಂದೆ ಆಗಿದ್ದನ್ನ ನೆನಸ್ಕೊಂಡು ಕೊರಗೋ ಬದ್ಲು ಮುಂದೆ ಏನ್ ಮಾಡ್ಬೋದು ಅಂತ ಪ್ಲಾನ್ ಮಾಡಿ

ಹಿಂದಿನ ನೆನಪುಗಳು ಎಷ್ಟೇ ನಮಗೆ ಖುಷಿ ಕೊಡುವಂತದ್ದಾಗಿದ್ರೂ ಅದ್ರಲ್ಲೇ ಮುಳಿಗಿರಬಾರ್ದು. ಅದು ಮುಗಿದು ಹೋಗಿರೋ ಕ್ಷಣ. ಇದು ಕೆಟ್ಟ ನೆನಪುಗಳಿಗೂ ಅನ್ವಯಿಸತ್ತೆ.

ನೀವು ನಿಮ್ಮ ಮುಂದಿನ ಗುರಿ ಏನು ಅಂತ ನಿರ್ಧಾರ ಮಾಡಿದ ಮೇಲೆ ನಿಮ್ಮ ಹಿಂದಿನ ನೆನಪುಗಳ ಬಗ್ಗೆ ಯೋಚ್ನೆ ಮಾಡೋದು ಕಮ್ಮಿ ಆಗುತ್ತೆ. ಎಲ್ಲಿ ವರೆಗೂ ನಾವು, ಹಿಂದೆ ಆಗಿದ್ರ ಬಗ್ಗೆ ತಲೆ ಕೆಡಿಸ್ಕೊತಿರ್ತೀವೋ , ಆಗ ನಮ್ಮ ಭವಿಷ್ಯ ಕಳೆದು ಹೋಗುತ್ತೆ. 

ಮೂಲ

8. ನನ್ನ್ ಕೈಯ್ಯಲ್ಲಿ ಏನೂ ಸಾಧಿಸಕ್ಕಾಗಲ್ಲ ಅಂತ ಕೈ ಚಲ್ಲೋ ಬದ್ಲು ಒಂದು ಕೊನೆ ಸರ್ತಿ ಪ್ರಯತ್ನ ಮಾಡಿ

ವಯಸ್ಸಾದಷ್ಟೂ ಕನಸುಗಳನ್ನ, ನಮ್ಮ ಗುರಿಗಳನ್ನ ಸಾಧಿಸಕ್ಕಾಗಲ್ಲ ಅಂತ ಕೈ ಬಿಡೋದೇ ಹೆಚ್ಚು. ಹೀಗೆ ನಮ್ಮ ಕನಸನ್ನ ಬಿಡೋ ಬದಲು ಯಾವುದಾದ್ರೂ ಸುಲಭವಾಗಿ ಸಾಧಿಸಬಹುದಾದ ಮೈಲಿಗಲ್ಲಿನ ಬಗ್ಗೆ ಯೋಚಿಸಿ. ಇಂತ ಕನಸಿನ, ಗುರಿ ಬಗ್ಗೆ ಯೋಚಿಸಿ, ಅದನ್ನ ಸಾಧಿಸಕ್ಕೆ ತುಂಬಾ ಹತ್ತಿರ ಹೋಗ್ತಿದ್ದೀವಿ ಅನ್ನಿಸದಾಗ ನಿಮಗೆ ತುಂಬಾನೇ ಖುಷಿ ಸಿಗುತ್ತೆ. ಮಕ್ಕಳು ಏನಾದ್ರು ಸಾಧನೆ ಮಾಡಿದಾಗ ಖುಷಿ ಪಡ್ತಾರಲ್ಲ ಆ ರೀತಿಯ ಖುಷಿ, ಸಮಾಧಾನ ಸಿಗುತ್ತೆ.

9. ಯಾವಾಗ್ಲೂ ಡಯೆಟ್ಟು ಅಂತ ತಲೆ ಕೆಡಿಸ್ಕೊಳೋ ಬದ್ಲು ಒಂದೊಂದ್ಸರ್ತಿ ರುಚಿಯಾಗಿರೋ ಊಟ ತಿಂಡಿ ತಿನ್ನಿ

ಪ್ರತಿಯೊಬ್ಬರ ಜೀವನದಲ್ಲೂ ಊಟ ತಿಂಡಿಗೆ ತಮ್ಮದೇ ಆದ ಪದ್ಧತಿ ಇರುತ್ತೆ. ಅದ್ರಲ್ಲೂ ನಮ್ಮ ದೇಹಕ್ಕೆ, ಆರೋಗ್ಯಕ್ಕೆ ಸರಿ ಹೊಂದೋ ಡಯಟ್ ಊಟ ತಿಂಡೀನ ಇಷ್ಟ ಇಲ್ಲ ಅಂದ್ರೂ ಬಲವಂತವಾಗಿ ತಿನ್ತಿರ್ತೀವಿ.

ಇದೆಲ್ಲ ಇದ್ದಿದ್ದೇ, ಆಗಾಗ ನಿಮಗಿಷ್ಟ ಆಗೋ ಸ್ವೀಟ್, ಐಸ್ ಕ್ರೀಮ್, ಪಿಜ್ಜಾ, ಬರ್ಗರ್ ಎಲ್ಲಾನೂ ತಿನ್ನಿ, ಆದ್ರೆ ಆಮೇಲೆ ಸರಿಯಾಗಿ ವ್ಯಾಯಾಮ ಮಾಡೋದನ್ನ ಮರೀಬೇಡಿ.

ಮೂಲ

10. ಯಾವಾಗ್ಲೂ ಕುಂಟ ನೆಪ ಕೊಡೋ ಬದ್ಲು ತಪ್ಪಾಗಿದ್ರೆ ಪ್ರಾಮಾಣಿಕವಾಗಿ ಒಪ್ಕೊಳಿ

ಪ್ರಾಮಾಣಿಕತೆ ಒಳ್ಳೇದು ಅಲ್ವ? ಕೆಲವೊಂದು ಸಲ ಅದು ನಿಮಗೆ ನೋವನ್ನೂ ಕೊಡಬಹುದು, ಆದ್ರೆ ನಿಮ್ಮಲ್ಲಿ ಬದಲಾವಣೆ ಬರ್ಬೇಕು, ನೀವು ಸುಧಾರಿಸ ಬೇಕು ಅಂದ್ರೆ ನೀವು ಪ್ರಾಮಾಣಿಕವಾಗಿರ್ಬೇಕು. ನೀವು ಪ್ರಾಮಾಣಿಕವಾಗಿರಕ್ಕೆ ಶುರು ಮಾಡಿದ್ರೆ, ನಿಮ್ಮ ಸಾಮರ್ಥ್ಯನೂ ಹೆಚ್ಚಾಗುತ್ತೆ. ಇದನ್ನ ತಿಳ್ಕೊಳೋ ಒಳ್ಳೆ ಸುಲಭ ವಿಧಾನ ಅಂದ್ರೆ ನೀವು ಪ್ರತಿಯೊಂದು ಕೆಲಸ ಮುಗಿಸಿದಾಗಲೂ ನೀವು ಮಾಡಿರೋ ಪ್ರಯತ್ನದ ಬಗ್ಗೆ ಪ್ರಶ್ನೆ ಮಾಡ್ಕೊಳಿ. ನೀವು ಯಾವುದಾದ್ರೂ ಪ್ರಾಜೆಕ್ಟ್ ಗೆ ಕೆಲಸ ಮಾಡ್ತಾ ಇದ್ರೆ, ನಿಮ್ಮ ಜೊತೇಲಿರೋ ಕೆಲಸಗಾರರಿಂದ ನಿಮ್ಮ ಸುಧಾರಣೆ ಬಗ್ಗೆ ತಿಳ್ಕೊಳಿ.

ಈ ಸಣ್ಣಪುಟ್ಟ ಬದಲಾವಣೆಗಳನ್ನ ಮಾಡ್ಕೊಂಡ್ರೆ ನಮ್ಮ ಜೀವನ ಬದಲಾಗೋದ್ರಲ್ಲಿ ಯಾವುದೇ ಅನುಮಾನ ಇಲ್ಲ!

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: