ಈ 18 ಪೈಂಟಿಂಗ್ ನಿಮ್ಮ ಕಣ್ಣಿಗೆ ಮೋಸ ಮಾಡದಿದ್ರೆ ಕೇಳಿ

ನೋಡ್ತಿದ್ರೆ ನೋಡ್ತಾನೇ ಇರೋಣ ಅನ್ಸತ್ತೆ!

ಈ ಚಿತ್ರಕಲೆ ಅನ್ನೋದು ಬಹಳಾನೇ ಕಷ್ಟವಾದ ಕೆಲಸ... ಅಲ್ವಾ ಮತ್ತೆ? ಒಂದು ನಿರ್ಜೀವ ವಸ್ತೂಗೆ ಜೀವ ತುಂಬಿದ ಹಾಗದು. ಆದ್ರಿಂದ ಈ ಚಿತ್ರ ಕಲಾವಿದರ ಕ್ರಿಯಾತ್ಮಕತೆಗೆ ನಾವೆಷ್ಟು ಭೇಷ್ ಅಂದ್ರೂ ಕಮ್ಮೀನೇ. ನಮ್ಮ ಮಧ್ಯ ಈ ಕಲೆ ಹೇರಳವಾಗಿರೋರು ಎಷ್ಟೋ ಜನ ಇದ್ದಾರೆ. ಬಣ್ಣದ ಮೂಲಕ ಕಾಗದದ ಮೇಲೊಂದು ನಿರ್ಜೀವ ವಸ್ತುಗೆ ಜೀವ ತುಂಬ್ತಾರೆ. ಇಲ್ಲೊಬ್ಬ ಇದ್ದಾನೆ ನೋಡಿ... 

ಇಟಲಿಯ ಮಿಲಾನೋ ನಗರದ ಎಮ್ಯಾನ್ಯುಲ್  ದಸ್ಕ್ಯಾನಿಯೋ ಎಂಬ ಈ ಕಲಾವಿದ ತನ್ನ 18 -19 ನೆ ವಯಸ್ಸಿನಲ್ಲಿದ್ದಾಗ್ಲೇ ಈ ಕಲೆಯ ಬಗ್ಗೆ ವಿಶೇಷವಾದ ಆಸಕ್ಕಿ ಬೆಳಸಿಕೊಂಡು, ಅದನ್ನ ಚೆನ್ನಾಗಿ ಅಭ್ಯಾಸ ಮಾಡಿ ಈಗ ಅದ್ಭುತವಾದ ಚಿತ್ರಗಳನ್ನ ರಚಿಸ್ತಾನೆ. ಇವನು ಕುಂಚ ಹಿಡಿದು ಮಾಡಿರೋ ಚಿತ್ರಗಳನ್ನ ನೋಡಿದ್ರೆ ಅದು ಚಿತ್ರ ಅಲ್ಲ... ಬದಲಿಗೆ ನಿಜವಾದ ವಸ್ತು, ಮನುಷ್ಯರೇ ನಮ್ಮ ಕಣ್ಮುಂದೆ ಬಂದು ನಿಂತಿದ್ದಾರೆ ಅನ್ಸತ್ತೆ. ಇಲ್ಲಿ ಇನ್ನೊಂದ್ ವಿಷ್ಯ ಏನ್ಗೊತ್ತಾ? ಅವ್ನು ಹತ್ತಾರು ಬಣ್ಣಗಳನ್ನ ಉಪ್ಯೋಗ್ಸಿ ಚಿತ್ರ ಬರಿಯಲ್ಲ, ಇವ್ನು ಬಹುತೇಕವಾಗಿ ಚಿತ್ರಕ್ಕೆ ಉಪ್ಯೋಗ್ಸೋದು ಬರೀ ಇಜ್ಲು ಮತ್ತು ಗ್ರಾಫೈಟ್ ಅಷ್ಟೆ! ಅದ್ರಲ್ಲೇ ಎಷ್ಟೊಂದ್ ಎಫೆಕ್ಟ್ ಇರತ್ತೆ ನೋಡಿ!

1. ನಾವು ಸಯಾಮಿಗಳು ಅನ್ಕೊಂಡ್ರಾ ???

ಮೂಲ

2. ಈ ಬಂಧನಗಳಿಂದ ಮುಕ್ತಿ ಯಾವಾಗ ಅಂತ ಕೇಳ್ತಿರೋ ಹಾಗಿದೆ!

ಮೂಲ

3. ನನ್ನ ಭವಿಷ್ಯ ಹೇಗಿದೆ ಅಂತ ನನ್ನ ಕೈ ನೋಡಿ ಹೇಳ್ತೀರಾ ?

ಮೂಲ

4. ಜೀವ್ನಾನ ಎಳೆಎಳೆಯಾಗಿ ಬಿಡಿಸಿ ನೋಡೋದು ಅಂತಾರಲ್ಲ... ಹೀಗೆನಾ?

ಮೂಲ

5. ಆಮೆ ಎಷ್ಟು ದೊಡ್ಡ ಬೆಟ್ಟಾನ ತನ್ನ ಬೆನ್ಮೇಲೆ ಹೊತ್ಕೊಂಡ್ ಹೋಗ್ತಿರೋ ಹಾಗಿದೆ!

ಮೂಲ

6. ನಾನೂ ಹೊರಗಿನ ಪ್ರಪಂಚ ನೋಡ್ಬೇಕು...

ಮೂಲ

7. ಇಬ್ರೂ ಸೇರಿ ಕೆಲಸ ಮಾಡಿದ್ರೆ ಬೇಗ ಮುಗಿಸ್ಬೋದು... ಏನಂತೀಯಾ?

ಮೂಲ

8. ಒಬ್ಬ ಕಲಾವಿದನ್ನ ಇನ್ನೊಬ್ಬ ಕಲಾವಿದಾನೇ ಅರ್ಥ ಮಾಡ್ಕೊಳಕ್ಕೆ ಸಾಧ್ಯ

ಮೂಲ

9. ಸ್ವಪ್ನ ಸುಂದರೀನೂ ಕನಸು ಕಾಣ್ತಿರೋ ಹಾಗಿದೆ!

ಮೂಲ

10. ಇದು ನನ್ನ ಮಗು... ನಾನು ಯಾರಿಗೂ ಕೊಡಲ್ಲ!

ಮೂಲ

11. ಬೇಲೂರಿನ ದರ್ಪಣ ಸುಂದರಿಯಿಂದ ಸ್ಫೂರ್ತಿ ತಗೊಂಡಿರೋ ಹಾಗಿದೆ

ಮೂಲ

12. ನೀರು ಕೂಡಾ ಸಮಯದ ತರಾನೇ... ಕೈಯಲ್ಲಿ ಹಿಡ್ಕೊಳಕ್ಕಾಗಲ್ಲ!

ಮೂಲ

ನೋಡಿ ಖುಷಿ ಆಯ್ತಾ? ಈಗ ಗುಸ್ತಾವೋ ಸಿಲ್ವಾ ನ್ಯೂನಿಜ್ ಅನ್ನೋ ಮತ್ತೊಬ್ಬ ಕಲಾವಿದನ ಕೆಲಸ ತೋರ್ಸ್ತೀವಿ ನೋಡಿ. ಇವ್ನು ಈಜಾಡೋರ 3D ಚಿತ್ರಗಳನ್ನ ಅದ್ಭುತವಾಗಿ ಬಿಡಿಸ್ತಾನೆ. ಕೆಲವು ಆಯ್ದ ಚಿತ್ರಗಳನ್ನ ನಿಮಗಾಗಿ ಕೊಟ್ಟಿದ್ದೀವಿ ನೋಡಿ.

13. ಅಯ್ಯೋ ಇನ್ನೊಂದು ಸ್ವಲ ಮೇಕಪ್ ಮಾಡ್ಬೇಕಿತ್ತು... ಅಷ್ಟರೊಳಗೆ ಯಾಕಮ್ಮ ನೀರಿಗೆ ಬಿದ್ದೆ?

ಮೂಲ

14. ಅಬ್ಬಾ! ಇದೇನು ಬಾಯೋ ಬಾವೀನೋ?

ಮೂಲ

15. ಈಜಾಡ್ಕೊಂಡೇ ಕನ್ನಡೀಲಿ ನೋಡ್ಕೊತಿರೋ ಹಾಗಿದೆ ನೋಡಿ!

ಮೂಲ

16. ಒಂದೆರಡು ನಿಮಿಷ ಇರಪ್ಪ... ನಾನೇ ಮೇಲಕ್ಕೆ ಎದ್ದು ಬರ್ತೀನಿ

ಮೂಲ

17. ಬರಿ ಬ್ರಷ್ ಇಟ್ಕೊಂಡೇ ಇಬ್ರನ್ನೂ ಉಳಿಸೋ ಪ್ರಯತ್ನಾನಾ?

ಮೂಲ

18. ಸುಸ್ತಾಯ್ತಾ .. ಬಾ ಎತ್ಕೋತೀನಿ

ಮೂಲ

ಇವುಗಳನ್ನ ಪೈಂಟಿಂಗ್ ಅನ್ನೋಕ್ಕಿಂತಾ ನಿಜ್ವಾದ ಮನುಷ್ಯರ ಫೋಟೋಗಳು ಅಂದ್ರೆ ಹೆಚ್ಚು ಸೂಕ್ತವಾಗಿರುತ್ತೇನೋ ಅಲ್ವಾ?  ಇಂಥಾ ಅದ್ಭುತ ಕಲಾವಿದರಿಗೆ ನಮ್ಮದೊಂದು ಜೋರಾದ್ ಚಪ್ಪಾಳೆ!

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನವರಾತ್ರೀಲಿ ಯಾವ ದಿನ ಯಾವ ಬಣ್ಣದ ಬಟ್ಟೆ ಹಾಕ್ಕೊಂಡ್ರೆ ಒಳ್ಳೇದು ಅಂತ ತಿಳ್ಕೊಳಿ

ಐದನೇ ದಿನ ಬಿಳಿ ಬಣ್ಣ

ದೇಶ ಪೂರ್ತಿ ನವರಾತ್ರಿ ಸಂಭ್ರಮ ಕಳೆಕಟ್ಟಿದೆ. ಕರ್ನಾಟಕದಲ್ಲಿ ದಸರ ಫೇಮಸ್ಸಾದ್ರೆ, ತಮಿಳುನಾಡಲ್ಲಿ ಗೊಲು, ಪಶ್ಚಿಮ ಬಂಗಾಳದಲ್ಲಿ ದುರ್ಗಾ ಪೂಜೆ... ಹೀಗೆ. ಈ ಹಬ್ಬದ ಸಂದರ್ಭದಲ್ಲಿ ಯಾವತ್ತು ದೇವಿಯ ಯಾವ ರೂಪದ ಪೂಜೆ ಮಾಡ್ತಾರೆ? ಯಾವ ದಿನ ಯಾವ ಬಣ್ಣದ ಬಟ್ಟೇ ಹಾಕ್ಕೊಂಡ್ರೆ ಒಳ್ಳೇದು?  ಯಾವ ಫಲಗಳಲನ್ನ ಪಡ್ಕೋಬೋದು ಅನ್ನೋ ಕಿರು ಪರಿಚಯ ಇಲ್ಲಿದೆ ನೋಡಿ.

1. ಮೊದಲ ದಿನ ಹಳದಿ ಬಣ್ಣ

ನವರಾತ್ರಿಯ ಮೊದಲನೇ ದಿನ ಶೈಲಪುತ್ರೀ ಅಂದ್ರೆ ಪರ್ವತ ರಾಜನ ಮಗಳ ಪೂಜೆ ಮಾಡ್ತಾರೆ.ಇವಳು ಬ್ರಹ್ಮ-ವಿಷ್ಣು- ಮಹೇಶ್ವರರ ಸಾಕಾರ ಅಂತ ಹೇಳ್ತಾರೆ. ತ್ರಿಶೂಲ ಹಾಗೂ ಕಮಲದ ಹೂವನ್ನ ಕೈಯಲ್ಲಿ ಹಿಡಿದಿರೋ ಈ ಮಾತೆಯ ವಾಹನ  ಗೂಳಿ. ಈ ದೇವಿಯನ್ನ ಸತಿ, ಭವಾನಿ, ಪಾರ್ವತಿ ಹಾಗೆ ಹೇಮಾವತಿ ಅನ್ನೋ ಹೆಸರಿಂದಾನೂ ಕರೀತಾರೆ.

ಮೊದಲನೇ ದಿನದ ಈ ದೇವಿ ಪೂಜೆಗೆ ಹಳದಿ ಬಣ್ಣದ ಬಟ್ಟೆ ಹಾಕ್ಕೊಂಡ್ರೆ ಒಳ್ಳೇದು ಅಂತಾರೆ.

ಮೂಲ

2. ಎರಡನೇ ದಿನ ಹಸಿರು ಬಣ್ಣ

ಕೈಯಲ್ಲಿ ಜಪಮಾಲೆ ಹಾಗೂ ಕಮಂಡಲ ಹಿಡಿದಿರೋ ದೇವಿಯ ಈ ಅವತಾರವನ್ನ ಬ್ರಹ್ಮಚಾರಿಣಿ ಅಂತ ಹೇಳ್ತಾರೆ. ಎರಡನೇ ದಿನದ ಪೂಜೆ ಬ್ರಹ್ಮಚಾರಿಣಿಗೆ ಸಲ್ಲುತ್ತೆ. ಈ ರೂಪ ಸಂತೋಷ, ಶಾಂತಿ ಹಾಗೂ ಸಮೃದ್ಧಿಯ ಸಂಕೇತ. ಬ್ರಹ್ಮಚಾರಿಣಿ ಆಶ್ರಮದಲ್ಲಿರೋ ಶ್ರದ್ದಾ ಭಕ್ತಿಯಿಂದ ಕೂಡಿರೋ ತಪಸ್ವಿನಿಯ ರೂಪ. ಹಾಗಾಗೇ ಈ ದೇವಿಯನ್ನ ಮೋಕ್ಷಕ್ಕೆ  ದಾರಿ ತೋರಿಸೋಳು ಅಂತಾನೂ ಹೇಳ್ತಾರೆ.

ಈ ರೂಪದ ದೇವಿಯನ್ನ ಪೂಜೆ ಮಾಡಕ್ಕೆ ಹಸಿರು ಬಣ್ಣದ ಬಟ್ಟೆ ಹಾಕ್ಕೊಂಡ್ರೆ ಒಳ್ಳೇದು.

ಮೂಲ

3. ಮೂರನೇ ದಿನ ಬೂದು ಬಣ್ಣ

ಚಂದ್ರಘಂಟ ಅನ್ನೋ ಹೆಸರಿಂದ ಪ್ರಸಿದ್ಧಿಯಾಗಿರೋ ಈ ದೇವಿಯ ಪೂಜೆ ಮೂರನೇ ದಿನ ಮಾಡ್ಬೇಕು. ಇವಳನ್ನ ಚಂದ್ರಿಕಾ, ರಣಚಂಡಿ ಅನ್ನೋ ಹೆಸರಿಂದಾನೂ ಕರೀತಾರೆ. ಈಕೆಯ ಹಣೆ ಮೇಲೆ ಘಂಟೆಯಾಕಾರದಲ್ಲಿ ಅರ್ಧ ಚಂದ್ರ ಇದ್ದಾನೆ. ಜೀವನದಲ್ಲಿ ಶಾಂತಿ ಹಾಗೂ ಅಭ್ಯುದಯಕ್ಕಾಗಿ ಈ ದೇವಿಯ ಪೂಜೆ ಮಾಡ್ತಾರೆ. ಪ್ರಕಾಶಮಾನವಾದ ಮೈಬಣ್ಣ ಹೊಂದಿರೋ ಈ ದೇವಿ ವಾಹನ ಸಿಂಹ. ಹತ್ತು ಕೈ, ಮೂರು ಕಣ್ಣು, ಎಲ್ಲ ಕೈಯ್ಯಲ್ಲೂ ಆಯುಧಗಳನ್ನ ಹೊಂದಿರೋ ಈ ದೇವಿ ಯುದ್ಧ ಹಾಗೂ ಶೌರ್ಯದ ಅಧಿದೇವತೆ. ರಾಕ್ಷಸರ, ಕೆಟ್ಟವರ ವಿರುದ್ಧ ಯುದ್ಧ ಮಾಡಕ್ಕೆ ಅಂತಾನೆ ಇವಳ ಮೂರನೇ ಕಣ್ಣು ಯಾವಾಗ್ಲೂ ತೆಗೆದಿರುತ್ತೆ ಅಂತಾರೆ.

ಈ ದಿನದ ಪೂಜೆ ಮಾಡಕ್ಕೆ ಬೂದುಬಣ್ಣದ ಬಟ್ಟೆ ಧರಿಸಿದ್ರೆ ಒಳ್ಳೇದು.

ಮೂಲ

4. ನಾಲ್ಕನೇ ದಿನ ಕಿತ್ತಳೆ ಬಣ್ಣ

ಕೂಷ್ಮಾಂಡಾ ದೇವಿ ತನ್ನ ನಗು ಮುಖಕ್ಕೆ ಹೆಸರುವಾಸಿ. ದೇವಿಯ ಈ ರೂಪಾನ ಪ್ರಪಂಚದ ಸೃಷ್ಟಿಕರ್ತೆ ಅಂತ ಕರೀತಾರೆ. ಈ ದೇವಿ ಆರೋಗ್ಯ, ಶಕ್ತಿ ಹಾಗೂ ಸಂಪತ್ತನ್ನು ದಯಪಾಲಿಸ್ತಾಳಂತೆ. ಈ ದೇವಿಯ ಪೂಜೆ ನಾಲ್ಕನೇ ದಿನ ನಡೆಯುತ್ತೆ. ಈ ದೇವಿಗೆ 8 -10 ಕೈ ಇದೆ. ಆಯುಧಗಳು, ಜಪಮಾಲೆ ಮುಂತಾದವನ್ನು ಕೈಯಲ್ಲಿ ಹಿಡಿದಿದ್ದಾಳೆ. ಅವಳ ಪ್ರಕಾಶವು ಎಲ್ಲ ದಿಕ್ಕುಗಳಲ್ಲೂ ಹರಡುತ್ತಂತೆ.

ಈ ದೇವಿಯ ಪೂಜೆ ಮಾಡಕ್ಕೆ ಕಿತ್ತಳೆ ಬಣ್ಣದ ಬಟ್ಟೆ ಹಾಕ್ಕೊಂಡ್ರೆ ಒಳ್ಳೇದು.

ಮೂಲ

5. ಐದನೇ ದಿನ ಬಿಳಿ ಬಣ್ಣ

ನವರಾತ್ರಿಯ ಐದನೆಯ ದಿನ ಸ್ಕಂದ ಮಾತೆ ಪೂಜೆ ಮಾಡ್ಬೇಕು. ಹೆಸರೇ ಹೇಳೋ ತರ ಈ ದೇವಿ ಯುದ್ಧಗಳ ಅಧಿಪತಿ ಸ್ಕಂದ ಅಥವಾ ಕಾರ್ತಿಕೇಯನ ತಾಯಿ. ಸಿಂಹದ ಮೇಲೆ ಕೂತಿರೋ ಈ ದೇವಿಗೆ ನಾಲ್ಕು ಕೈಗಳಿದ್ದು, ಒಂದ್ಕಡೆ ಕಮಲ, ಕಮಂಡಲ, ಮಗ ಸ್ಕಂದನ್ನ ಹಿಡಿದುಕೊಂಡು ಮತ್ತೊಂದು ಕೈಯಲ್ಲಿ ಅಭಯ ಹಸ್ತ ತೋರಿಸ್ತಾಳೆ. ಇವಳನ್ನ ಭಕ್ತಿಯಿಂದ ಪೂಜಿಸೋ ಭಕ್ತರು ಎಷ್ಟೇ ಅನಕ್ಷರಸ್ಥರಾಗಿದ್ರೂ ಜ್ಞಾನ ಸಾಗರವನ್ನೇ ನೀಡುತ್ತಾಳಂತೆ. ಅಷ್ಟೇ ಅಲ್ಲ ಈ ದೇವಿ ಮೋಕ್ಷ, ಸಂಪತ್ತು, ಸಮೃದ್ಧಿ, ಹಾಗೂ ಶಕ್ತಿ ಕೊಡ್ತಾಳೆ ಅಂತ ಹೇಳ್ತಾರೆ.

ಈ ದಿನಕ್ಕೆ ಸರಿ ಹೊಂದೋದು ಬಿಳಿ ಬಟ್ಟೆ.

ಮೂಲ

6. ಆರನೇ ದಿನ ಕೆಂಪು ಬಣ್ಣ

ಹಿಂದೆ ಕಾತ್ಯ ಅನ್ನೋ ಋಷಿ ಇದ್ದ. ಅವನಿಗೆ ದೇವೀನ ತನ್ನ ಮಗಳಾಗಿ ಪಡಿಯೋ ಆಸೆಯಾಗುತ್ತೆ. ಅದಕ್ಕಾಗಿ ಕಠಿಣ ತಪಸ್ಸು ಮಾಡಿ ದೇವಿಯ ಅನುಗ್ರಹದಿಂದ ಅವಳನ್ನೇ ತನ್ನ ಮಗಳಾಗಿ ಪಡೀತಾನೆ. ಕಾತ್ಯನ ಮಗಳಾಗಿ ಹುಟ್ಟಿದ್ರಿಂದ ದೇವಿಗೆ ಕಾತ್ಯಾಯನಿ ಅನ್ನೋ ಹೆಸರು ಬರುತ್ತೆ. ಮದುವೆ ಆಗ್ದೇ ಇರೋ ಹೆಣ್ಣು ಮಕ್ಕಳು ಈ ದೇವಿಯ ಪೂಜೆ ಮಾಡೋದ್ರಿಂದ ತಮಗೆ ಇಷ್ಟವಾಗೋ ಪುರುಷನೇ ಗಂಡನಾಗಿ ಸಿಗ್ತಾನಂತೆ.

ಈ ದಿನದ ಪೂಜೆಗೆ ಕೆಂಪು ಬಣ್ಣದ ಬಟ್ಟೆ ಹಾಕ್ಕೊಂಡ್ರೆ ಒಳ್ಳೇದಂತೆ.

ಮೂಲ

7. ಏಳನೇ ದಿನ ನೀಲಿ ಬಣ್ಣ

ನವರಾತ್ರಿಯ ಏಳನೇ ದಿನ ಕಾಳ ರಾತ್ರಿ ದೇವಿ ಪೂಜೆಗೆ ಮೀಸಲು. ಕಾಳಿ, ಭದ್ರಕಾಳಿ, ಮಹಾಕಾಳಿ, ಭೈರವಿ, ರುದ್ರಾಣಿ, ಚಂಡಿ ಅಂತಾನೂ ಈ ದೇವೀನ ಕರೀತಾರೆ. ಈ ದೇವಿಗೆ ತುಂಬಾ ಅಗಲವಾದ ಕಣ್ಣಿದೆ. ಇವಳ ಉಸಿರಲ್ಲಿ ಬೆಂಕಿ ಇದೆ. ಫಳ ಫಳ ಮಿನುಗೋ ಖಡ್ಗ ಈ ದೇವಿ ಆಯುಧ.

ನೀಲಿ ಬಣ್ಣದ ಉಡುಪು ಈ ದಿನದ ಪೂಜೆಗೆ ಒಳ್ಳೇದು

ಮೂಲ

8. ಎಂಟನೇ ದಿನ ಗುಲಾಬಿ ಬಣ್ಣ

ಎಂಟನೇ ದಿನ ಮಹಾ ಗೌರಿ ಪೂಜೆ. ಈ ದೇವಿ ಶಾಂತಿ ಹಾಗು ಬುದ್ದಿವಂತಿಕೆಗೆ ಹೆಸರುವಾಸಿ. ಈ ದೇವಿ ಹಿಮಾಲಯದ ಕಾಡಿನಲ್ಲಿ ಕಠಿಣ ತಪಸ್ಸು ಮಾಡುವಾಗ ಅವಳ ಬಿಳಿ ಬಣ್ಣ ಹೋಗಿ ಕಪ್ಪಾಯಿತಂತೆ. ಆಮೇಲೆ ಶಿವ ಗಂಗೆಯ ನೀರಿಂದ ಅವಳನ್ನ ಸ್ವಚ್ಛಗೊಳಿಸಿದಾಗ ಮತ್ತೆ ಬಿಳಿ ಬಣ್ಣ ವಾಪಸ್ ಬಂತಂತೆ.

ಮಹಾ ಗೌರಿ ಪೂಜೆಗೆ ಗುಲಾಬಿ ಬಣ್ಣದ ಬಟ್ಟೆ ಒಳ್ಳೇದಂತೆ.

ಮೂಲ

9. ಒಂಭತ್ತನೇ ದಿನ ನೇರಳೆ ಬಣ್ಣ

ಹೆಸರೇ ಹೇಳೋ ತರ ಈ ದೇವಿ ಸಿದ್ದಿ ಕೊಡೋದ್ರಿಂದ ಸಿದ್ಧಿದಾತ್ರಿ ಇವಳನ್ನ ಅಂತಾರೆ. ಈ ದೇವಿಯ ವಾಹನ ಸಿಂಹ. ನಾಲ್ಕು ಕೈಗಳಿರೋ ಈ ದೇವಿ ಕೈಯಲ್ಲಿ ಕಮಲ, ಗದೆ, ಚಕ್ರ ಹಾಗೂ ಶಂಖ ಹಿಡ್ಕೊಂಡಿದ್ದಾಳೆ.

ಈ ದಿನದ ಪೂಜೆಗೆ ನೇರಳೆ ಬಣ್ಣದ ಬಟ್ಟೆ ಒಳ್ಳೇದು ಅಂತಾರೆ.

ಮೂಲ

ನವದುರ್ಗೇರ ಬಗ್ಗೆ ಎಷ್ಟೊಂದು ವಿಷ್ಯ ಗೊತ್ತಾಯ್ತು ನೋಡಿದ್ರಾ? ದೇವೀನ ಒಳ್ಳೆ ಮನಸ್ಸಿಂದ ಪೂಜೆ ಮಾಡಿ, ಎಲ್ರೂ ಅವಳ ಕೃಪೆಗೆ ಪಾತ್ರರಾಗೋಣ!

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: