ಆಲೂಗೆಡ್ಡೇನ ಈ 11 ರೀತಿ ಬಳಸೋದು ನೀವು ಇನ್ನೆಲ್ಲೂ ಕೇಳಿರಲ್ಲ

ಚರ್ಮದ ಸಮಸ್ಯೆಗಳಿಗೆ ಇದು ಒಳ್ಳೆ ಔಷಧಿ

ಸಣ್ಣ ಆಗೋಕೆ ಅಂತ ಎಲ್ಲರೂ ಅಲೂಗಡ್ಡೆ ತಿನ್ನೋದನ್ನ ಬಿಡ್ಬೇಕು ಅಂತ ಸಾಮಾನ್ಯವಾಗಿ ಕೇಳಿರ್ತೀವಿ. ಆದರೆ ಇದರಲ್ಲಿರೋ ಸಾಕಷ್ಟು ಒಳ್ಳೆ ಅಂಶಗಳ ಬಗ್ಗೆ ಗಮನಾನೇ ಹರಿಸಿರೋದಿಲ್ಲ. ಆಲೂಗಡ್ಡೇಲಿ ವಿಟಮಿನ್ ಬಿ, ಸಿ, ಐರನ್, ಕ್ಯಾಲ್ಷಿಯಂ, ಮ್ಯಾಂಗನೀಸ್ ಹಾಗೆ ಫಾಸ್ಫರಸ್ ನಂತಹ ಪೌಷ್ಟಿಕಾಂಶಗಳಿರೋದ್ರಿಂದ ಇದನ್ನ ತಿನ್ನೋದು ಒಳ್ಳೇದು. ಅದರಲ್ಲೂ ಸಣ್ಣ ಆಗಬೇಕು ಅನ್ಕೊಳ್ಳೋರು ಇದನ್ನ ಹುರಿದು ತಿನ್ನಬೇಕಂತೆ. ಕೆಳಗಿರೋ ಪಟ್ಟಿ ನೋಡಿ... ಅಲೂಗಡ್ಡೆ ಎಷ್ಟು ಒಳ್ಳೇದು ಅಂತ ನಿಮಗೇ ಗೊತ್ತಾಗುತ್ತೆ. 

1. ಕೂದಲಿನ ಸಮಸ್ಯೆಗಳಿದ್ರೆ ಆಲೂಗೆಡ್ಡೆ ಬೇಯ್ಸಿರೋ ನೀರು ಉಪ್ಯೋಗ್ಸಿ

ಆಲೂಗೆಡ್ಡೆ ಬೇಯಿಸಿದ ನೀರಲ್ಲಿ ಒಂದು ಸಣ್ಣ ಆಲೂಗೆಡ್ಡೆಯನ್ನ ಮಾಶ್ ಮಾಡಿ ಈ ನೀರಲ್ಲಿ ಕೂದಲನ್ನ ತೊಳೆದರೆ ಕೂದಲು ಮೃದು ಆಗಿ ಹೊಳೆಯೋದಲ್ಲದೇ ತಲೆಹೊಟ್ಟು ಮತ್ತು ಕೂದಲು ಉದುರೋ ಸಮಸ್ಯೆಗಳೂ ಪರಿಹಾರ ಸಿಗುತ್ತೆ.

2. ಅಸಿಡಿಟಿ ಮತ್ತು ಮಲಬದ್ಧತೆ ತೊಂದರೆಗಳಿದ್ರೆ ಆಲೂಗೆಡ್ಡೆ ತಿನ್ನಿ

 ಆಸಿಡಿಟಿ ಹಾಗು ಮಲಬದ್ಧತೆನ ಕಡಿಮೆ ಮಾಡೋಕೆ ಆಲೂಗೆಡ್ಡೆನ ಹುರಿದು ತಿನ್ನಬೇಕಂತೆ. ಇದರಲ್ಲಿರೋ ಪೊಟ್ಯಾಷಿಯಂ ಅಸಿಡಿಟಿ ಕಮ್ಮಿ ಮಾಡಕ್ಕೆ ಸಹಾಯ ಮಾಡುತ್ತೆ.

ಮೂಲ

3.ಮುಖದ ಕಾಂತಿ ಹೆಚ್ಚಿಸಕ್ಕೆ ಆಲೂಗೆಡ್ಡೆ ಬಳಸಿ

ಆಲೂಗೆಡ್ಡೆ ತುರಿದು ಅದನ್ನ ಮುಖಕ್ಕೆ ಹಚ್ಚಿ 10 ರಿಂದ 15 ನಿಮಿಷ ಬಿಡಿ. ಈ ರೀತಿ ಪ್ರತಿದಿನ ಮಾಡ್ತಾ ಬಂದ್ರೆ, ಮುಖದ ಕಾಂತಿ ಹೆಚ್ಚಾಗತ್ತೆ.

4. ಆಲೂಗೆಡ್ಡೆ ಜ್ಯೂಸ್ ಹಚ್ಕೊಂಡು ಮೊಡವೆ ಕಮ್ಮಿ ಮಾಡ್ಕೊಳಿ

ಹಸಿ ಆಲೂಗೆಡ್ಡೆ ತುರಿದು, ಅದನ್ನ ಜ್ಯೂಸ್ ಮಾಡಿ. ಈ ಆಲೂಗೆಡ್ಡೆ ಜ್ಯೂಸಿಗೆ ಸ್ವಲ್ಪ ನಿಂಬೆ ರಸ ಸೇರ್ಸಿ, ಅದನ್ನ ಮೊಡವೆ ಮೇಲೆ ಹಚ್ಕೊಂಡ್ರೆ, ಮೊಡವೆಗಳು ದಪ್ಪ ಆಗೋದನ್ನ ತಡಿಯತ್ತೆ.

ಮೂಲ

5. ಹುರಿದ ಆಲೂಗೆಡ್ಡೆ ತಿಂದು ದೇಹದಲ್ಲಿರೋ ಗಂಟುಗಳನ್ನ ಹೋಗಿಸ್ಕೊಳಿ

3 ರಿಂದ 4 ಆಲೂಗೆಡ್ಡೇನ ಹುರಿದು, ಅದರ ಸಿಪ್ಪೆ ತೆಗೆದು, ಉಪ್ಪು ಮೆಣಸು ಹಾಕಿ ತಿನ್ನಿ. ಇದ್ರಿಂದ ನಿಮ್ಮ ದೇಹದಲ್ಲಿರೋ ಗಂಟುಗಳನ್ನ ಹೋಗ್ಸಕ್ಕೆ ಸಹಾಯ ಆಗುತ್ತೆ.

6. ಚರ್ಮದ ಸುಕ್ಕು ಕಡಿಮೆ ಮಾಡ್ಕೊಳೋಕೆ ಆಲೂಗೆಡ್ಡೆ ರಸ ಬಳಸಿ

ಮುಲ್ತಾನಿ ಮಿಟ್ಟಿ ಜೊತೆ ಆಲೂಗೆಡ್ಡೆ ಜ್ಯೂಸ್ ಸೇರ್ಸಿ ಸುಕ್ಕಾಗಿರೋ ಜಾಗಕ್ಕೆ ಹಚ್ಕೊಂಡ್ರೆ, ಈ ಸುಕ್ಕು... ಸ್ಟ್ರೆಚ್ ಮಾರ್ಕ್ಸ್ ಎಲ್ಲಾ ಮಾಯ ಆಗೋಗತ್ತೆ!

 

ಮೂಲ

7. ದೇಹ ಟ್ಯಾನ್ ಆಗಿದ್ರೆ ಆಲೂಗೆಡ್ಡೆ ಹಚ್ಚಿ

ಕೈ, ಕಾಲು, ಹಣೆ ಮತ್ತು ಬೆನ್ನಲ್ಲಾಗೋ ಟ್ಯಾನ್ ಹೋಗ್ಸಕ್ಕೆ ಆಲೂಗೆಡ್ಡೇನ ಬಿಲ್ಲೆಗಳ ತರ ತುಂಡು ಮಾಡಿ, ಟ್ಯಾನ್ ಆಗಿರೋ ಜಾಗದಲ್ಲಿ ಉಜ್ಜಿ. ಹೀಗೇ ದಿನಾ ಮಾಡ್ತಾ ಬಂದ್ರೆ, ಒಂದು ತಿಂಗಳಲ್ಲಿ ನಿಮ್ಮ ಚರ್ಮದಲ್ಲಾಗಿರೋ ಟ್ಯಾನ್ ಮಾಸಿರತ್ತೆ.

8. ಊತ ಕಡಿಮೆ ಮಾಡೋಕೆ ಬೇಯಿಸಿದ ಅಲೂಗೆಡ್ಡೆ ಹಚ್ಚಿ

ಆಲೂಗೆಡ್ಡೇನ ಸಣ್ಣ ಸಣ್ಣ ತುಂಡುಗಳಾಗಿ ಕತ್ತರಿಸಿ ಅದಕ್ಕೆರಡರಷ್ಟು ನೀರನ್ನ ಹಾಕಿ ಬೇಯಿಸಿ. ನೀರು ಕುದ್ದ ಮೇಲೆ, ಆಲೂಗೆಡ್ಡೆ ಮಸಿದು ಈ ಮಿಶ್ರಣಾನ ಊತ ಆಗಿರೋ ಭಾಗದ ಮೇಲೆ ಹಚ್ಚಿ. ಊತ ಇಳಿಯತ್ತೆ.

ಮೂಲ

9. ಅಲರ್ಜೀ ಆಗಿದ್ರೆ ಆಲೂಗೆಡ್ಡೆ ಜ್ಯೂಸ್ ಕುಡೀರಿ

ಹಸಿ ಆಲೂಗೆಡ್ಡೇನ ತುರಿದು ಜ್ಯೂಸ್ ಮಾಡಿ ಕುಡೀರಿ... ಅಲರ್ಜಿ ಕಮ್ಮಿಯಾಗತ್ತೆ.

10. ಮೂಲವ್ಯಾಧಿಗೆ ಆಲೂಗೆಡ್ಡೆ ಬೇಯ್ಸಿದ ನೀರು ಕುಡೀರಿ

ಮೂಲವ್ಯಾಧಿ ಇದ್ರೆ, ಆಲೂಗೆಡ್ಡೆ ಮತ್ತು ಅದರ ಎಲೆಗಳನ್ನ ಚನ್ನಾಗಿ ಕುದಿಸಿ... ಬೆಚ್ಚಗೆ ಮಾಡಿ ಆ ನೀರು ಕುಡೀರಿ.

ಮೂಲ

11. ಚರ್ಮ ಚನ್ನಾಗಿರಕ್ಕೆ ಅಲೂಗೆಡ್ಡೆ ಬೇಯಿಸಿದ ನೀರಲ್ಲಿ ಸ್ನಾನ ಮಾಡಿ

ಆಲೂಗೆಡ್ಡೆ ಬೇಯ್ಸಿದ ನೀರನ್ನ ಎಸೀಬೇಡಿ. ಅದನ್ನ ನೀವು ಸ್ನಾನ ಮಾಡೋ ನೀರಿಗೆ ಸೇರ್ಸಿ ಸ್ನಾನ ಮಾಡಿ. ಇದ್ರಿಂದ ತ್ವಚೆ ಚನ್ನಾಗಾಗತ್ತೆ.

ಇಷ್ಟು ದಪ್ಪದ ಆಲೂಗಡ್ಡೇಲಿ ಇಷ್ಟೆಲ್ಲಾ ವಿಷ್ಯ ಇದೆ ಅಂತ ಗೊತ್ತಿತ್ತಾ?

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನವರಾತ್ರೀಲಿ ಯಾವ ದಿನ ಯಾವ ಬಣ್ಣದ ಬಟ್ಟೆ ಹಾಕ್ಕೊಂಡ್ರೆ ಒಳ್ಳೇದು ಅಂತ ತಿಳ್ಕೊಳಿ

ಐದನೇ ದಿನ ಬಿಳಿ ಬಣ್ಣ

ದೇಶ ಪೂರ್ತಿ ನವರಾತ್ರಿ ಸಂಭ್ರಮ ಕಳೆಕಟ್ಟಿದೆ. ಕರ್ನಾಟಕದಲ್ಲಿ ದಸರ ಫೇಮಸ್ಸಾದ್ರೆ, ತಮಿಳುನಾಡಲ್ಲಿ ಗೊಲು, ಪಶ್ಚಿಮ ಬಂಗಾಳದಲ್ಲಿ ದುರ್ಗಾ ಪೂಜೆ... ಹೀಗೆ. ಈ ಹಬ್ಬದ ಸಂದರ್ಭದಲ್ಲಿ ಯಾವತ್ತು ದೇವಿಯ ಯಾವ ರೂಪದ ಪೂಜೆ ಮಾಡ್ತಾರೆ? ಯಾವ ದಿನ ಯಾವ ಬಣ್ಣದ ಬಟ್ಟೇ ಹಾಕ್ಕೊಂಡ್ರೆ ಒಳ್ಳೇದು?  ಯಾವ ಫಲಗಳಲನ್ನ ಪಡ್ಕೋಬೋದು ಅನ್ನೋ ಕಿರು ಪರಿಚಯ ಇಲ್ಲಿದೆ ನೋಡಿ.

1. ಮೊದಲ ದಿನ ಹಳದಿ ಬಣ್ಣ

ನವರಾತ್ರಿಯ ಮೊದಲನೇ ದಿನ ಶೈಲಪುತ್ರೀ ಅಂದ್ರೆ ಪರ್ವತ ರಾಜನ ಮಗಳ ಪೂಜೆ ಮಾಡ್ತಾರೆ.ಇವಳು ಬ್ರಹ್ಮ-ವಿಷ್ಣು- ಮಹೇಶ್ವರರ ಸಾಕಾರ ಅಂತ ಹೇಳ್ತಾರೆ. ತ್ರಿಶೂಲ ಹಾಗೂ ಕಮಲದ ಹೂವನ್ನ ಕೈಯಲ್ಲಿ ಹಿಡಿದಿರೋ ಈ ಮಾತೆಯ ವಾಹನ  ಗೂಳಿ. ಈ ದೇವಿಯನ್ನ ಸತಿ, ಭವಾನಿ, ಪಾರ್ವತಿ ಹಾಗೆ ಹೇಮಾವತಿ ಅನ್ನೋ ಹೆಸರಿಂದಾನೂ ಕರೀತಾರೆ.

ಮೊದಲನೇ ದಿನದ ಈ ದೇವಿ ಪೂಜೆಗೆ ಹಳದಿ ಬಣ್ಣದ ಬಟ್ಟೆ ಹಾಕ್ಕೊಂಡ್ರೆ ಒಳ್ಳೇದು ಅಂತಾರೆ.

ಮೂಲ

2. ಎರಡನೇ ದಿನ ಹಸಿರು ಬಣ್ಣ

ಕೈಯಲ್ಲಿ ಜಪಮಾಲೆ ಹಾಗೂ ಕಮಂಡಲ ಹಿಡಿದಿರೋ ದೇವಿಯ ಈ ಅವತಾರವನ್ನ ಬ್ರಹ್ಮಚಾರಿಣಿ ಅಂತ ಹೇಳ್ತಾರೆ. ಎರಡನೇ ದಿನದ ಪೂಜೆ ಬ್ರಹ್ಮಚಾರಿಣಿಗೆ ಸಲ್ಲುತ್ತೆ. ಈ ರೂಪ ಸಂತೋಷ, ಶಾಂತಿ ಹಾಗೂ ಸಮೃದ್ಧಿಯ ಸಂಕೇತ. ಬ್ರಹ್ಮಚಾರಿಣಿ ಆಶ್ರಮದಲ್ಲಿರೋ ಶ್ರದ್ದಾ ಭಕ್ತಿಯಿಂದ ಕೂಡಿರೋ ತಪಸ್ವಿನಿಯ ರೂಪ. ಹಾಗಾಗೇ ಈ ದೇವಿಯನ್ನ ಮೋಕ್ಷಕ್ಕೆ  ದಾರಿ ತೋರಿಸೋಳು ಅಂತಾನೂ ಹೇಳ್ತಾರೆ.

ಈ ರೂಪದ ದೇವಿಯನ್ನ ಪೂಜೆ ಮಾಡಕ್ಕೆ ಹಸಿರು ಬಣ್ಣದ ಬಟ್ಟೆ ಹಾಕ್ಕೊಂಡ್ರೆ ಒಳ್ಳೇದು.

ಮೂಲ

3. ಮೂರನೇ ದಿನ ಬೂದು ಬಣ್ಣ

ಚಂದ್ರಘಂಟ ಅನ್ನೋ ಹೆಸರಿಂದ ಪ್ರಸಿದ್ಧಿಯಾಗಿರೋ ಈ ದೇವಿಯ ಪೂಜೆ ಮೂರನೇ ದಿನ ಮಾಡ್ಬೇಕು. ಇವಳನ್ನ ಚಂದ್ರಿಕಾ, ರಣಚಂಡಿ ಅನ್ನೋ ಹೆಸರಿಂದಾನೂ ಕರೀತಾರೆ. ಈಕೆಯ ಹಣೆ ಮೇಲೆ ಘಂಟೆಯಾಕಾರದಲ್ಲಿ ಅರ್ಧ ಚಂದ್ರ ಇದ್ದಾನೆ. ಜೀವನದಲ್ಲಿ ಶಾಂತಿ ಹಾಗೂ ಅಭ್ಯುದಯಕ್ಕಾಗಿ ಈ ದೇವಿಯ ಪೂಜೆ ಮಾಡ್ತಾರೆ. ಪ್ರಕಾಶಮಾನವಾದ ಮೈಬಣ್ಣ ಹೊಂದಿರೋ ಈ ದೇವಿ ವಾಹನ ಸಿಂಹ. ಹತ್ತು ಕೈ, ಮೂರು ಕಣ್ಣು, ಎಲ್ಲ ಕೈಯ್ಯಲ್ಲೂ ಆಯುಧಗಳನ್ನ ಹೊಂದಿರೋ ಈ ದೇವಿ ಯುದ್ಧ ಹಾಗೂ ಶೌರ್ಯದ ಅಧಿದೇವತೆ. ರಾಕ್ಷಸರ, ಕೆಟ್ಟವರ ವಿರುದ್ಧ ಯುದ್ಧ ಮಾಡಕ್ಕೆ ಅಂತಾನೆ ಇವಳ ಮೂರನೇ ಕಣ್ಣು ಯಾವಾಗ್ಲೂ ತೆಗೆದಿರುತ್ತೆ ಅಂತಾರೆ.

ಈ ದಿನದ ಪೂಜೆ ಮಾಡಕ್ಕೆ ಬೂದುಬಣ್ಣದ ಬಟ್ಟೆ ಧರಿಸಿದ್ರೆ ಒಳ್ಳೇದು.

ಮೂಲ

4. ನಾಲ್ಕನೇ ದಿನ ಕಿತ್ತಳೆ ಬಣ್ಣ

ಕೂಷ್ಮಾಂಡಾ ದೇವಿ ತನ್ನ ನಗು ಮುಖಕ್ಕೆ ಹೆಸರುವಾಸಿ. ದೇವಿಯ ಈ ರೂಪಾನ ಪ್ರಪಂಚದ ಸೃಷ್ಟಿಕರ್ತೆ ಅಂತ ಕರೀತಾರೆ. ಈ ದೇವಿ ಆರೋಗ್ಯ, ಶಕ್ತಿ ಹಾಗೂ ಸಂಪತ್ತನ್ನು ದಯಪಾಲಿಸ್ತಾಳಂತೆ. ಈ ದೇವಿಯ ಪೂಜೆ ನಾಲ್ಕನೇ ದಿನ ನಡೆಯುತ್ತೆ. ಈ ದೇವಿಗೆ 8 -10 ಕೈ ಇದೆ. ಆಯುಧಗಳು, ಜಪಮಾಲೆ ಮುಂತಾದವನ್ನು ಕೈಯಲ್ಲಿ ಹಿಡಿದಿದ್ದಾಳೆ. ಅವಳ ಪ್ರಕಾಶವು ಎಲ್ಲ ದಿಕ್ಕುಗಳಲ್ಲೂ ಹರಡುತ್ತಂತೆ.

ಈ ದೇವಿಯ ಪೂಜೆ ಮಾಡಕ್ಕೆ ಕಿತ್ತಳೆ ಬಣ್ಣದ ಬಟ್ಟೆ ಹಾಕ್ಕೊಂಡ್ರೆ ಒಳ್ಳೇದು.

ಮೂಲ

5. ಐದನೇ ದಿನ ಬಿಳಿ ಬಣ್ಣ

ನವರಾತ್ರಿಯ ಐದನೆಯ ದಿನ ಸ್ಕಂದ ಮಾತೆ ಪೂಜೆ ಮಾಡ್ಬೇಕು. ಹೆಸರೇ ಹೇಳೋ ತರ ಈ ದೇವಿ ಯುದ್ಧಗಳ ಅಧಿಪತಿ ಸ್ಕಂದ ಅಥವಾ ಕಾರ್ತಿಕೇಯನ ತಾಯಿ. ಸಿಂಹದ ಮೇಲೆ ಕೂತಿರೋ ಈ ದೇವಿಗೆ ನಾಲ್ಕು ಕೈಗಳಿದ್ದು, ಒಂದ್ಕಡೆ ಕಮಲ, ಕಮಂಡಲ, ಮಗ ಸ್ಕಂದನ್ನ ಹಿಡಿದುಕೊಂಡು ಮತ್ತೊಂದು ಕೈಯಲ್ಲಿ ಅಭಯ ಹಸ್ತ ತೋರಿಸ್ತಾಳೆ. ಇವಳನ್ನ ಭಕ್ತಿಯಿಂದ ಪೂಜಿಸೋ ಭಕ್ತರು ಎಷ್ಟೇ ಅನಕ್ಷರಸ್ಥರಾಗಿದ್ರೂ ಜ್ಞಾನ ಸಾಗರವನ್ನೇ ನೀಡುತ್ತಾಳಂತೆ. ಅಷ್ಟೇ ಅಲ್ಲ ಈ ದೇವಿ ಮೋಕ್ಷ, ಸಂಪತ್ತು, ಸಮೃದ್ಧಿ, ಹಾಗೂ ಶಕ್ತಿ ಕೊಡ್ತಾಳೆ ಅಂತ ಹೇಳ್ತಾರೆ.

ಈ ದಿನಕ್ಕೆ ಸರಿ ಹೊಂದೋದು ಬಿಳಿ ಬಟ್ಟೆ.

ಮೂಲ

6. ಆರನೇ ದಿನ ಕೆಂಪು ಬಣ್ಣ

ಹಿಂದೆ ಕಾತ್ಯ ಅನ್ನೋ ಋಷಿ ಇದ್ದ. ಅವನಿಗೆ ದೇವೀನ ತನ್ನ ಮಗಳಾಗಿ ಪಡಿಯೋ ಆಸೆಯಾಗುತ್ತೆ. ಅದಕ್ಕಾಗಿ ಕಠಿಣ ತಪಸ್ಸು ಮಾಡಿ ದೇವಿಯ ಅನುಗ್ರಹದಿಂದ ಅವಳನ್ನೇ ತನ್ನ ಮಗಳಾಗಿ ಪಡೀತಾನೆ. ಕಾತ್ಯನ ಮಗಳಾಗಿ ಹುಟ್ಟಿದ್ರಿಂದ ದೇವಿಗೆ ಕಾತ್ಯಾಯನಿ ಅನ್ನೋ ಹೆಸರು ಬರುತ್ತೆ. ಮದುವೆ ಆಗ್ದೇ ಇರೋ ಹೆಣ್ಣು ಮಕ್ಕಳು ಈ ದೇವಿಯ ಪೂಜೆ ಮಾಡೋದ್ರಿಂದ ತಮಗೆ ಇಷ್ಟವಾಗೋ ಪುರುಷನೇ ಗಂಡನಾಗಿ ಸಿಗ್ತಾನಂತೆ.

ಈ ದಿನದ ಪೂಜೆಗೆ ಕೆಂಪು ಬಣ್ಣದ ಬಟ್ಟೆ ಹಾಕ್ಕೊಂಡ್ರೆ ಒಳ್ಳೇದಂತೆ.

ಮೂಲ

7. ಏಳನೇ ದಿನ ನೀಲಿ ಬಣ್ಣ

ನವರಾತ್ರಿಯ ಏಳನೇ ದಿನ ಕಾಳ ರಾತ್ರಿ ದೇವಿ ಪೂಜೆಗೆ ಮೀಸಲು. ಕಾಳಿ, ಭದ್ರಕಾಳಿ, ಮಹಾಕಾಳಿ, ಭೈರವಿ, ರುದ್ರಾಣಿ, ಚಂಡಿ ಅಂತಾನೂ ಈ ದೇವೀನ ಕರೀತಾರೆ. ಈ ದೇವಿಗೆ ತುಂಬಾ ಅಗಲವಾದ ಕಣ್ಣಿದೆ. ಇವಳ ಉಸಿರಲ್ಲಿ ಬೆಂಕಿ ಇದೆ. ಫಳ ಫಳ ಮಿನುಗೋ ಖಡ್ಗ ಈ ದೇವಿ ಆಯುಧ.

ನೀಲಿ ಬಣ್ಣದ ಉಡುಪು ಈ ದಿನದ ಪೂಜೆಗೆ ಒಳ್ಳೇದು

ಮೂಲ

8. ಎಂಟನೇ ದಿನ ಗುಲಾಬಿ ಬಣ್ಣ

ಎಂಟನೇ ದಿನ ಮಹಾ ಗೌರಿ ಪೂಜೆ. ಈ ದೇವಿ ಶಾಂತಿ ಹಾಗು ಬುದ್ದಿವಂತಿಕೆಗೆ ಹೆಸರುವಾಸಿ. ಈ ದೇವಿ ಹಿಮಾಲಯದ ಕಾಡಿನಲ್ಲಿ ಕಠಿಣ ತಪಸ್ಸು ಮಾಡುವಾಗ ಅವಳ ಬಿಳಿ ಬಣ್ಣ ಹೋಗಿ ಕಪ್ಪಾಯಿತಂತೆ. ಆಮೇಲೆ ಶಿವ ಗಂಗೆಯ ನೀರಿಂದ ಅವಳನ್ನ ಸ್ವಚ್ಛಗೊಳಿಸಿದಾಗ ಮತ್ತೆ ಬಿಳಿ ಬಣ್ಣ ವಾಪಸ್ ಬಂತಂತೆ.

ಮಹಾ ಗೌರಿ ಪೂಜೆಗೆ ಗುಲಾಬಿ ಬಣ್ಣದ ಬಟ್ಟೆ ಒಳ್ಳೇದಂತೆ.

ಮೂಲ

9. ಒಂಭತ್ತನೇ ದಿನ ನೇರಳೆ ಬಣ್ಣ

ಹೆಸರೇ ಹೇಳೋ ತರ ಈ ದೇವಿ ಸಿದ್ದಿ ಕೊಡೋದ್ರಿಂದ ಸಿದ್ಧಿದಾತ್ರಿ ಇವಳನ್ನ ಅಂತಾರೆ. ಈ ದೇವಿಯ ವಾಹನ ಸಿಂಹ. ನಾಲ್ಕು ಕೈಗಳಿರೋ ಈ ದೇವಿ ಕೈಯಲ್ಲಿ ಕಮಲ, ಗದೆ, ಚಕ್ರ ಹಾಗೂ ಶಂಖ ಹಿಡ್ಕೊಂಡಿದ್ದಾಳೆ.

ಈ ದಿನದ ಪೂಜೆಗೆ ನೇರಳೆ ಬಣ್ಣದ ಬಟ್ಟೆ ಒಳ್ಳೇದು ಅಂತಾರೆ.

ಮೂಲ

ನವದುರ್ಗೇರ ಬಗ್ಗೆ ಎಷ್ಟೊಂದು ವಿಷ್ಯ ಗೊತ್ತಾಯ್ತು ನೋಡಿದ್ರಾ? ದೇವೀನ ಒಳ್ಳೆ ಮನಸ್ಸಿಂದ ಪೂಜೆ ಮಾಡಿ, ಎಲ್ರೂ ಅವಳ ಕೃಪೆಗೆ ಪಾತ್ರರಾಗೋಣ!

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: