ದುಬಾರಿ ಬೆಲೆಯ ಸೂಟ್ ತೊಗೊಬೇಕಾದ್ರೆ ಈ 7 ವಿಷಯಗಳನ್ನ ಗಮನದಲ್ಲಿಟ್ಕೊಳಿ, ಬೇಕಾಗತ್ತೆ

ಮತ್ತೆ ಮತ್ತೆ ಸೂಟ್ ಹಾಕೋತೀರಿ!

ಸೂಟ್ ಹಾಕ್ಕೊಂಡು ಎಲ್ಲರ ಎದ್ರಿಗೆ ಮಿರ ಮಿರ ಮಿಂಚ್ಬೇಕಾದ್ರೆ ನಿಮ್ಗೊಂದಿಷ್ಟು ವಿಷ್ಯ ಗೊತ್ತಿರ್ಲೇಬೇಕು. ಅದಕ್ಕೇ ಅಂತೆಕಂತೆ ನಿಮ್ಗೋಸ್ಕರ ಸೂಟಲ್ಲಿ ಸ್ಟೈಲಾಗಿ ಕಾಣಕ್ಕೆ ಏನ್ ಮಾಡ್ಬೇಕು ಅಂತ ಹೇಳಿದ್ದೀವಿ... ಓದ್ಕೊಳಿ ಬೇಕಾಗತ್ತೆ! ಮದ್ವೆಗಾದ್ರೂ ಒಂದು ಸೂಟ್ ತೊಗೊಬೇಕಲ್ವಾ?

1. ಶರ್ಟ್ - ಅಳತೆ ಸರ್ಯಾಗಿದ್ಯಾ ನೋಡಿ

ಒಂದು ಶರ್ಟ್ ಪರ್ಫೆಕ್ಟ್ ಅಂತಾ ನೀವೇನಾದ್ರೂ ನಿರ್ಧಾರ ಮಾಡ್ಬೇಕಾದ್ರೆ ಈ ನಾಲ್ಕು ವಿಷ್ಯಗಳನ್ನ ಗಮನದಲ್ಲಿಟ್ಕೋಬೇಕು... ತೋಳಿನ ಉದ್ದ , ಭುಜದ ಅಳತೆ, ಸೊಂಟ ಮತ್ತು ಕುತ್ತಿಗೆ ಪಟ್ಟಿ. ಇದೇ ನಾಲ್ಕು ಆಯುಧಗಳು. 

ತೋಳಿನ ಉದ್ದ 

ಶರ್ಟ್ ಹಾಕ್ಕೊಳ್ಳೊವಾಗ ಕೈ ಮೇಲಕ್ಕೆತ್ತಿ ಶರ್ಟ್ ಫಿಟ್ ಪರೀಕ್ಷೆ ಮಾಡೋದ್ನ ಇವತ್ತೇ ನಿಲ್ಸಿ. ಅದ್ರ ಬದ್ಲು ಕೈಯನ್ನ ಆರಾಮಾಗಿ ಸೈಡಲ್ಲಿ ಬಿಟ್ಬಿಡಿ. ಈಗ ನೋಡಿ... ನಿಮ್ ಶರ್ಟ್ ಮಣಿಕಟ್ಟು ಮತ್ತು ಹೆಬ್ಬೆರಳಿನ ಕೆಳಭಾಗದ ಮಧ್ಯ ನಿಂತಿದ್ರೆ ನಿಮ್ ಶರ್ಟ್ ತೋಳಿನ ಉದ್ದ ಸರ್ಯಾಗಿದೆ ಅಂತ ಅರ್ಥ. ಒಂದ್ವೇಳೆ ತೋಳಿನ ಉದ್ದ ಮಣಿಕಟ್ಟಿನ ಮೇಲಿದ್ರೆ ಆ ಶರ್ಟ್ ನಿಮ್ಗೆ ಚಿಕ್ಕದಾಗಿದೆ ಅಂತ ಅರ್ಥ. ಹೆಬ್ಬೆರಳಿನ ತುದಿ ವರೆಗೆ ಬಂದ್ಬಿಟ್ರೆ ಆ ಶರ್ಟ್ ನಿಮ್ಗೆ ದೊಗಳೆ ಅಂತರ್ಥ.

ಮೂಲ

ಭುಜದ ಅಳತೆ 

 ಇದ್ನ ನೋಡೋವಾಗ ಸ್ವಲ್ಪ ಹುಷಾರಾಗಿರ್ಬೇಕು. ಶರ್ಟ್ ಹಾಕ್ಕೋಳ್ಳೋವಾಗ, ನಿಮ್ ಶರ್ಟಿನ ಭುಜದ ಕಟ್, ನಿಮ್ಮ ಭುಜ ಮತ್ತು ಕೈ ಸೇರೋ ಜಾಗಕ್ಕೆ ಸರೀಗೆ ಹೊಂದ್ಕೋಬೇಕು. ನಿಮಗಿದು ಸರಿಯಾಗಿ ಕಾಣಿಸ್ತಿಲ್ಲ ಅಂದ್ರೆ ಬೇರೆಯವರ ಹತ್ರ ಕೇಳಿ.

ಮೂಲ

ಸೊಂಟದ ಅಳತೆ

ಸೊಂಟಕ್ಕೆ ಶರ್ಟ್ ಹೇಗ್ ಫಿಟ್ಟಾಗಿದೆ ಅಂತ ಗೊತ್ತಾಗ್ಬೇಕಾದ್ರೆ ಯಾರಾನ್ನಾದ್ರೂ ತಬ್ಕೊಳಿ . ಯಾರೂ ಸಿಗ್ಲಿಲ್ಲಾಂದ್ರೆ ಯಾವ್ದಾದ್ರೂ ಒಂದ್ ವಸ್ತೂನಾದ್ರೂ ತಬ್ಕೊಳ್ಳಿ. ಇದೆಲ್ಲ ಆಗಲ್ಲಪ್ಪಾಂದ್ರೆ, ನಿಮ್ಮ ಎರಡೂ ಕೈಯನ್ನ ಮೇಲಕ್ಕೆತ್ತಿ ನೋಡಿ. ಇನ್ ಶರ್ಟ್ ಮಾಡಿದ್ದಾಗ ಉಸಿರಾಡಕ್ಕೆ ಕಷ್ಟ ಆಗ್ತಿದ್ರೆ, ಶರ್ಟ್ ಚಿಕ್ಕದಿದೆ ಅಂತ ಅರ್ಥ. ಇನ್ನು, ಇನ್ ಶರ್ಟ್ ಮಾಡ್ದಾಗ, ತುಂಬಾ ಬಟ್ಟೆ ಹೊರಗ್ ಬಂದು, ಶರ್ಟ್ ಉಬ್ಬಿದ ತರ ಕಾಣ್ತಿದ್ರೆ, ನಿಮಗೆ ಆ ಶರ್ಟ್ ದೊಡ್ಡು ಅಂತ ಅರ್ಥ.

ಮೂಲ

ಕುತ್ತಿಗೆ ಪಟ್ಟಿ

ಕುತ್ತಿಗೆ ಪಟ್ಟಿ ಸರ್ಯಾಗ್ ಕೂತ್ಕೊಂಡಿದೆಯಾ ಇಲ್ವಾ ಅಂತ ನೋಡ್ಬೇಕಾದ್ರೆ ಮೊದ್ಲು ಶರ್ಟನ ಮೇಲ್ಗಡೆ ಗುಂಡಿ ಹಾಕ್ಕೊಳಿ. ಆಮೇಲೆ ಮಧ್ಯದ ಬೆರಳು ಮತ್ತೆ ತೋರ್ಬೆರಳ ಸಹಾಯದಿಂದ ಒಂದ್ಸಲ ಒಳ್ಗಡೆಯಿಂದ ಸರ್ಕಲ್ ಹಾಕಿ. ಒಂದ್ವೇಳೆ ಜಾಗ ಜಾಸ್ತಿಯಿದ್ರೆ ಶರ್ಟ್ ದೊಡ್ಡದಾಗಿದೆಯಂತರ್ಥ. ಕಡ್ಮೆಯಿದ್ರೆ ಮಲ್ಕೊಂಡಾಗ ಉಸಿರುಗಟ್ಸತ್ತೆ. 

ಮೂಲ

2. ಪ್ಯಾಂಟ್ - ಹಾಕ್ಕೊಂಡಾಗ ಮುಂದೆ ಸ್ವಲ್ಪ ಸುಕ್ಕು ಬರೋದನ್ನ ಆರಿಸ್ಕೊಳಿ

ಪ್ಯಾಂಟ್ ಯಾವಾಗ್ಲೂ ಸ್ಟ್ರೈ ಟ್ ಕಟ್ ಇರ್ಬೇಕು. ಜೊತೆಗೆ ಮುಂದೆ ಸ್ವಲ್ಪ ಮಟ್ಟಿಗೆ ಸುಕ್ಕಿದ್ರೆ ಒಳ್ಳೇದು. ಒಂದ್ಸಲ ಕನ್ನಡಿ ಮುಂದೆ ನಿಂತು ಪರೀಕ್ಷೆ ಮಾಡ್ಕೊಳ್ಳಿ. ತುಂಬಾ ಜನರು ಪ್ಯಾಂಟ್ ಸರ್ಯಾಗಿದೆಯಾ ಇಲ್ಲಾಂತ ನಿರ್ಧಾರ ಮಾಡೋದು ಹಿಂದೆ ನೋಡಿ.

ನಿಮ್ ಪ್ಯಾಂಟೆಲ್ಲಾದ್ರೂ ನಿಮ್ ಹಿಂದ್ಗಡೆ ಭಾಗಕ್ಕೆ ಅಂಟ್ಕೊಂಡಿರೋ ತರ ಇದ್ರೆ ಅಥ್ವಾ ಚೀಲದ ತರ ಉಬ್ಬಿದ್ರೆ ಸರ್ಯಾಗಿಲ್ಲ ಅಂತರ್ಥ. ಇವೆರಡ್ರ ಮಧ್ಯೆ ಇರೋ ಅಳತೆ ಸರಿಯಾಗಿರತ್ತೆ.

ಮೂಲ

ಮೂಲ

3. ಜ್ಯಾಕೆಟ್ - ಒಳಗೆ ಹಾಕಿರೋ ಶರ್ಟ್ ತೋಳ್ಗಿಂತಾ ಜ್ಯಾಕೆಟ್ ತೋಳು ಚಿಕ್ಕದಿದ್ಯಾ ನೋಡ್ಕೊಳಿ

ಜ್ಯಾಕೆಟ್ನ ಹಾಕ್ಕೊಂಡಾಗ, ಅದ್ರ ತೋಳಿನ ಉದ್ದ ಶರ್ಟ್ನ ತೋಳಿನ ಉದ್ದಕ್ಕಿಂತ ಸ್ವಲ್ಪ ಕಡ್ಮೆ ಇರ್ಬೇಕು. ನಿಮ್ ಶರ್ಟಿನ್ ತೋಳು ಜ್ಯಾಕೆಟ್ ತೋಳಿಂದ ಇಣುಕಿ ನೋಡ್ತಿರೋ ಹಾಗಿರ್ಬೇಕು ಅಷ್ಟೆ. 

ಇನ್ನು ನಿಮ್ ಜ್ಯಾಕೆಟ್ ತೋಳು, ನಿಮ್ ಕೈ ಶುರುವಾಗೋ ಜಾಗಕ್ಕೆ ಒಂದೆರಡಿಂಚು ಹಿಂದೇನೆ ಇರ್ಬೇಕು ಮತ್ತೆ ನಿಮ್ ಹಿಂದಿನ ಭಾಗಾನ ಕವರ್ ಮಾಡ್ಬೇಕು. ನಿಮ್ ಜ್ಯಾಕೆಟಲ್ಲಿ ಮೂರು ಗುಂಡಿಯಿದ್ರೆ, ಮಧ್ಯದ ಗುಂಡೀನ ನೀವು  ಹಾಕ್ಕೊಳ್ಳೇಬೇಕು. ಮೊದ್ಲನೇಯದು ನಿಮ್ಮಿಷ್ಟ... ಆದ್ರೆ ಕೊನೇದ್ ಮಾತ್ರ ಹಾಕ್ಕೊಳ್ಳೇಬಾರ್ದು.

ಮೂಲ

4. ಯಾರ್ ಯಾರಿಗೆ ಯಾವ ಜ್ಯಾಕೆಟ್ - ನಿಮ್ಮ ಎತ್ತರ ಮತ್ತು ಮೈಕಟ್ಟು ನೋಡಿ ತಗೊಳಿ

ಎತ್ತರವಾಗಿ ತೆಳ್ಳಗಿರೋರು

ಇವ್ರು ಯಾವ್ದೇ ತರದ ಜ್ಯಾಕೆಟ್ ಹಾಕೊಂಡ್ರೂ ಚನ್ನಾಗಿ ಕಾಣತ್ತೆ.

ಎತ್ತರವಾಗಿ ಕಟ್ಟುಮಸ್ತಾಗಿರೋರು

ಇವ್ರಿಗೆ ಎರಡು ಗುಂಡಿ ಇರೋ ಜ್ಯಾಕೇಟ್ ತುಂಬಾನೇ ಸೂಕ್ತ ಅಂತಾರೆ. ಒಂದೇ ಗುಂಡಿ ಇರೋ ಸ್ವಲ್ಪ ಗಿಡ್ಡವಾಗಿರೋ ಜ್ಯಾಕೆಟ್ ಕೂಡಾ ಒಳ್ಳೇದು.

ಮೂಲ

ಕುಳ್ಳಗೆ ಸಣ್ಣ ಇರೋರು

ಸೊಂಟದ ಕೆಳ್ಗೆ ನೀಳವಾಗಿರೋ "ವಿ" ಶೇಪನಲ್ಲಿರೋ ಜ್ಯಾಕೆಟ್ ಒಳ್ಳೇದು ಎರಡು ಕಡೇ ಎದೆ ಉಬ್ಬಿಕೊಂಡಿರೋ ಅಥವಾ ಮೂರು-ನಾಲ್ಕು ಗುಂಡಿ ಇರೋ ಜ್ಯಾಕೆಟ್ ಸರಿ ಬರಲ್ಲ.

ಕುಳ್ಳಗೆ ದಪ್ಪಕ್ಕಿರೋರು

ಕುತ್ತಿಗೆ ಕೆಳ್ಗೆ ಸ್ವಲ್ಪ ಮಟ್ಟಿಗೆ ವಿ ಶೇಪ್ ಬರೋ ಹಾಗೆ ಇರೋ ಜ್ಯಾಕೆಟ್ ತಗೊಳ್ಳಿ. ನಿಮ್ಗೂ ಎರಡು ಕಡೇ ಎದೆ ಉಬ್ಬಿಕೊಂಡಿರೋ ಅಥವಾ ಮೂರು-ನಾಲ್ಕು ಗುಂಡಿ ಇರೋ ಜ್ಯಾಕೆಟ್ ಸರಿ ಬರಲ್ಲ. 

ಮೂಲ

5. ಟೈ - ನಿಮ್ ಸೂಟಿಗೆ ಹೊಂದೋ ಟೈ ಕಟ್ಕೊಳಿ

ಸೂಟ್ ಅಂದ್ಮೇಲೆ ಟೈ ಕಟ್ಟಿಲ್ಲಾಂದ್ರೆ ಹೇಗೆ ಹೇಳಿ? ನಿಮ್ ಸೂಟಿಗೆ ಹೊಂದೋ, ಒಳ್ಳೆ ಪ್ಯಾಟರ್ನ್ ಇರೋ ಟೈ ಹಾಕೊಳಿ. ಖಂಡಿತ್ವಾಗ್ಲೂ ಕಾರ್ಟೂನ್ ಮತ್ತಿತರ ಬೊಂಬೆಗಳಿರೋ ಟೈ ಹಾಕೋಬೇಡಿ. ಜೋಕರ್ ತರ ಕಾಣಿಸ್ತೀರ. ಟೈ ಕಟ್ಟಕ್ಕೆ ವಿಂಡ್ಸರ್ ನಾಟ್ ಸರಿ. ಅದನ್ನ ಹೇಗ್ ಕಟ್ಕೊಳೋದು ಅಂತ ತೋರ್ಸಿದೀವಿ ನೋಡಿ.

ಮೂಲ

6. ಟೈಮ್ ಇಲ್ಲಾಂದ್ರೆ ಬೊ ಟೈ ಕಟ್ಟಿ

ವಿಂಡ್ಸರ್ ತರದ ಟೈಗಳ್ನ ಕಟ್ಟೋಕಾಗ್ಲಿಲ್ಲ ಅಂದ್ರೆ ಬೋ ಟೈ ಕಟ್ಕೊಳಿ. ಸಮಯಾನೂ ಉಳಿಯತ್ತೆ.

ಮೂಲ

7. ಬೆಲ್ಟ್ ಮತ್ತೆ ಶೂ - ಒಂದೇ ಬಣ್ಣದ್ದಿರೋ ಹಾಗೆ ನೋಡ್ಕೊಳಿ

ಸೂಟ್ ಹಾಕ್ಕೊಂಡ್ಮೇಲೆ ನಿಮ್ ಬೆಲ್ಟ್ ಮತ್ತೆ ನಿಮ್ ಶೂ ಒಂದೇ ಬಣ್ಣದಲ್ಲಿರ್ಬೇಕು. ಹಾಗೇ ಕಾಲ್ಚೀಲ ಗಾಢವಾದ ಬಣ್ಣದಲ್ಲಿರ್ಬೇಕು. 

ಮೂಲ

ತಗೊಂಡ್ಮೇಲೆ ನೀವ್ ಇದ್ನೆಲ್ಲಾ ಮಾಡ್ಲೇಬೇಕು. ಇಲ್ಲಾಂದ್ರೆ ಅದ್ರ ಬೆಲೆನೇ ಹೋಗ್ಬಿಡತ್ತೆ. 

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ಈ 10 ಚಿಕ್ಕ ಚಿಕ್ಕ ಬದಲಾವಣೆ ಮಾಡ್ಕೊಂಡ್ರೆ ನಿಮ್ಮ ಜೀವನ ದೊಡ್ಡ ರೀತೀಲಿ ಬದಲಾಗತ್ತೆ ಅನ್ನೋದ್ರಲ್ಲಿ ಸಂದೇಹಾನೆ ಇಲ್ಲ

ಒಂದೊಂದ್ಸರ್ತಿ ಊಹೂಂ ಅನ್ನೋಕ್ಕೂ ಗೊತ್ತಿರ್ಬೇಕು

ಜೀವನ ಅದರ ಎಲ್ಲ ರೂಪದಲ್ಲೂ ಕೆಲವೊಮ್ಮೆ ನಮಗೆ ಎಷ್ಟು ಮಾಡಿದ್ರೂ ಅಷ್ಟೇ ಅನ್ನೋ ಭಾವನೆ ಬರೋಹಾಗೆ ಮಾಡಬಹುದು. ಆದ್ರೆ ಜೀವನದಲ್ಲಿ ಒಂದೊಂದ್ಸರ್ತಿ ಎಷ್ಟೇ ಕಷ್ಟ ಬಂದ್ರೂ ಮನಸ್ಸಿದ್ದರೆ ಮಾರ್ಗ ಇದ್ದೇ ಇದೆ ಅನ್ನೋದು ನೆನಪಿರ್ಲಿ.

ಈ 10 ವಿಷಯದ ಬಗ್ಗೆ ಗಮನ ಕೊಟ್ರೆ ನಿಮ್ಮ ಜೀವನ ಬದಲಾಯಿಸಿಕೊಳ್ಳೋದಕ್ಕೆ ಸಹಾಯ ಆಗುತ್ತೆ. ಆದ್ರೆ ಒಂದು ನೆನಪಿರ್ಲಿ... ಇವೆಲ್ಲಾ ಝಟ್ ಪಟ್ ಅಂತ ಆಗೋ ಬದಲಾವಣೆಗಳಲ್ಲ... ಸಮಯ ಹಿಡಿದೇ ಹಿಡಿಯತ್ತೆ. ಆದ್ರೆ ಕೊನೇಲಿ ಖುಷಿಯಾಗೋದು ಖಂಡಿತಾ. 

1. ಬೆಳಗ್ಗೆ ಲೇಟಾಗಿ ಏಳೋ ಬದ್ಲು ಬೇಗ ಏಳೋ ಅಭ್ಯಾಸ ಮಾಡ್ಕೊಳಿ

ಹಲವಾರು ಸಂಶೋಧನೆ, ಅಧ್ಯಯನಗಳಿಂದ ಗೊತ್ತಾಗಿರೋದು ಏನಪ್ಪಾ ಅಂದ್ರೆ ಬೆಳಗ್ಗೆ ಬೇಗ ಎದ್ದವರು ಬೇರೆಯವರಿಗಿಂತ ಕೆಲಸ ತುಂಬಾ ಚೆನ್ನಾಗಿ ಮಾಡ್ತಾರೆ, ತುಂಬಾ ಖುಷಿಯಾಗೂ ಇರ್ತಾರೆ ಅಂತ. ದಿನದಲ್ಲಿ ಕೆಲವೇ ಗಂಟೆಗಳು ನಮಗೆ ಸಿಗೋದು, ಅದ್ರಲ್ಲಿ ನಿದ್ದೆಯಲ್ಲೇ ಹೆಚ್ಚು ಸಮಯ ಹಾಳಾದ್ರೆ ನಿಮಗೆ ಬೇರೆದಕ್ಕೆ ಇನ್ನೆಲ್ಲಿಂದ ಟೈಮ್ ಸಿಗುತ್ತೆ?

ಇನ್ನು ನಿಮ್ಮ ಆಫೀಸ್ 24 ಗಂಟೇನೂ ಕೆಲಸ ಮಾಡೊತರದ್ದಾದ್ರೆ, ಬೆಳಗ್ಗೆ ಬೇಗ ಹೋಗಿ, ಬೇಗ ವಾಪಸ್ ಬಂದ್ರೆ ನಿಮ್ಮ ಸ್ವಂತಕ್ಕೆ, ಮನೆಯವರ ಜೊತೆ ಕಳೆಯೋದಕ್ಕೆ... ಹೀಗೆ ಎಲ್ಲದಕ್ಕೂ ನಿಮಗೆ ಸಾಕಷ್ಟು ಟೈಮ್ ಸಿಗುತ್ತೆ.

ಮೂಲ

2. ಎಲ್ಲದಕ್ಕೂ ಸರಿ, ಆಯ್ತು, ಮಾಡ್ತೀನಿ ಅಂತ ಒಪ್ಕೊಳೋ ಬದ್ಲು ಆಗಾಗ ಇಲ್ಲ, ಮಾಡಕ್ಕಾಗಲ್ಲ ಅಂತ ಹೇಳೋ ಅಭ್ಯಾಸ ಬೆಳೆಸ್ಕೊಳಿ

ಎಲ್ಲ ಟೈಮಲ್ಲೂ ಸರಿ, ಆಯ್ತು , ಮಾಡ್ತೀನಿ ಅಂತ ಒಪ್ಕೋಳೋದು ಸರಿಯಲ್ಲ. ಹೀಗೆ ಒಪ್ಕೋಳೋದ್ರಿಂದ ನಿಮ್ಮ ಮಾಡ್ಬೇಕಾಗಿರೋ ಕೆಲಸದ ಪಟ್ಟಿಗೆ ಇನ್ನಷ್ಟು ಸೇರುತ್ತೆ, ಕೆಲಸದಲ್ಲಿ ಎಷ್ಟು ಮುಳುಗಿ ಹೋಗ್ತೀರಾ ಅಂದ್ರೆ ನಿಮಗೆ ಅಂತ ಸ್ವಲ್ಪ ಬಿಡುವು ಮಾಡ್ಕೊಳೋದು ತುಂಬಾ ಕಷ್ಟ ಆಗುತ್ತೆ.

ಆಗಾಗ ಸಮಯಕ್ಕೆ ತಕ್ಕಂತೆ ನೀವು ಇಲ್ಲ, ಆಗಲ್ಲ, ಅಂತ ಹೇಳೋ ರೂಢಿ ಮಾಡ್ಕೊಂಡ್ರೆ ಅನವಶ್ಯಕವಾಗಿ ನೀವು ಹೇಳಿದ್ದಕ್ಕೆಲ್ಲ ಒಪ್ಪಿಕೊಂಡು ಕೆಲಸ ಮಾಡ್ತೀರಾ ಅಂತ ಗೊತ್ತಿದ್ದೇ ನಿಮಗೆ ಕೆಲಸ ಹೇಳ್ತಾರಲ್ಲ... ಅದೆಲ್ಲಾ ನಿಲ್ಲುತ್ತೆ. ನಿಮ್ಮ ಕೆಲಸ, ಟೈಮ್ ಎಲ್ಲ ನಿಮ್ಮ ನಿಯಂತ್ರಣದಲ್ಲಿರುತ್ತೆ.

3. ಯಾವಾಗ್ಲೂ ಕೈಯ್ಯಲ್ಲಿ ಮೊಬೈಲ್ ಫೋನ್ ಹಿಡ್ಕೊಂಡು ಕೂರೋ ಬದ್ಲು ಹೊರಗೆ ಹೋಗಿ ಸುತ್ತಾಡ್ಕೊಂಡು ಬನ್ನಿ

ಈಗಿನ ಟೆಕ್ನಾಲಜಿಯಿಂದ ನಮಗೆ ತುಂಬಾನೇ ಉಪಯೋಗ ಆಗಿದೆ. ಆದ್ರೆ ಇತ್ತೀಚಿಗೆ ನಾವು ಅದ್ರಲ್ಲಿ ಎಷ್ಟು ಮುಳ್ಗಿರ್ತಿವಿ ಅಂದ್ರೆ ಅದು ಇಲ್ಲ ಅಂದ್ರೆ ನಮಗೆ ಕೈಕಾಲೇ ಓಡಲ್ಲ ಅನ್ನೋ ಹಾಗೆ ಆಡ್ತೀವಿ. ಅದ್ರಲ್ಲೂ ಈ ಸ್ಮಾರ್ಟ್ ಫೋನ್ ಬಂದ್ಮೇಲಂತೂ ನೆಟ್ವರ್ಕ್ ಸಿಕ್ಕಿಲ್ಲ, ಇಂಟರ್ನೆಟ್ ಕನೆಕ್ಟ್ ಆಗ್ತಿಲ್ಲ ಅಂದ್ರೆ ಏನೋ ಕಳ್ಕೊಂಡಿರೋವ್ರ ಹಾಗೆ ಪರದಾಡ್ತಿವಿ ( ನಮ್ಮ ಹತ್ತಿರದವರು ದೂರ ಆದಾಗ್ಲೂ ಹೀಗೆ ನಾವು ಆಡಿರಲ್ವೇನೋ). ಈ ಮೊಬೈಲ್ ಹತ್ತಿರ ಇದ್ದಷ್ಟೂ ನಾವು ಆಗಾಗ ಅದನ್ನ ನೋಡೋದು, ಅಲ್ಲೇನಾಗ್ತಿದೆ, ಇಲ್ಲೇನಾಗ್ತಿದೆ ಅಂತ ಹುಡುಕಾಡೊ ಪ್ರಯತ್ನ ಮಾಡ್ತಾ ಇರ್ತೀವಿ.

ಆಗಾಗ ಈ ಮೊಬೈಲ್ ಮನೇಲೆ ಬಿಟ್ಟು ಕನಿಷ್ಠ 10 -15 ನಿಮಿಷನಾದ್ರೂ ಪ್ರಶಾಂತವಾಗಿರೋ ಜಾಗಕ್ಕೆ ಹೋಗಿ ಸುತ್ತಾಡಿಕೊಂಡು ಬನ್ನಿ. ನೀವು ಇಲ್ಲಿವರ್ಗೂ ಯೋಚನೆ ಮಾಡಿರದ ವಿಚಾರಗಳು ನಿಮಗೆ ಹೊಳೆಯುತ್ತೆ. ಈ ವಿಷಯಗಳು ನಿಮ್ಮ ತಲೆಗೆ ಹೋದಾಗ ನೀವು ಯೋಚನೆ ಮಾಡೋ ರೀತೀನೂ ಬದ್ಲಾಗತ್ತೆ. ಇದು ನಿಮಗೆ ಒಂಥರಾ ಖುಷಿ, ಉತ್ಸಾಹ ತುಂಬುತ್ತೆ.

ಮೂಲ

4. ನಿಮ್ಮನ್ನ ನೀವು ತೆಗಳ್ಕೊಳೋ ಬದ್ಲು ಹೊಗಳ್ಕೊಳಿ

ಸ್ವಯಂ ಟೀಕೆ ಒಂದು ಒಳ್ಳೆ ಸ್ವಭಾವಾನೆ, ಯಾಕೆ ಅಂದ್ರೆ ನಿಮ್ಮನ್ನ ನೀವು ಟೀಕೆ ಮಾಡ್ಕೊಳ್ತಾ ಇದ್ರೆ ನಿಮಗೆ ಸಿಕ್ಕ ಸಣ್ಣ ಪುಟ್ಟ ಗೆಲುವಿಗೇ ಸುಮ್ಮನಿದ್ದು ವಿಶ್ರಾಂತಿ ತೊಗೊಳಕ್ಕೆ ಅದು ಬಿಡಲ್ಲ, ಯಾವಾಗ್ಲೂ ಇನ್ನೂ ಮುಂದೆ ಸಾಗೋ ಹಾಗೆ ಮಾಡತ್ತೆ.

ಆದ್ರೆ ಬರಿ ಟೀಕೆ ಮಾಡ್ತಿದ್ರೆ ಆಗಲ್ಲ, ನೀವು ನಿಮ್ಮ ಸಾಧನೆ, ಯಶಸ್ಸಿನ ಬಗ್ಗೆ ಹೆಮ್ಮೆ ಪಟ್ಕೊಳಕ್ಕೆ ಆಗಾಗ ಹೊಗಳಿಕೇನೂ ಬೇಕು. ಇಲ್ಲ ಅಂದ್ರೆ ನಿಮ್ಮ ಸಾಧನೆ ಬಗ್ಗೆ ನಿಮಗೆ ಮೆಚ್ಚುಗೆ, ಸಮಾಧಾನ ಏನೂ ಇರಲ್ಲ.

5. ರಜಾ ಅಂತ ಹೆಚ್ಚು ಮಲ್ಕೊಳೋ ಬದ್ಲು ಬೇಗ ಎದ್ದು ವ್ಯಾಯಾಮ ಮಾಡಿ

ಬಾಕಿದಿನ ಎಲ್ಲ ಬೇಗ ಎದ್ದು ಹೋಗ್ತೀವಿ, ಇವತ್ತಾದ್ರೂ ಜಾಸ್ತಿ ಮಲಗೋಣ ಅಂತ ಮಲಗೋದು ಬಿಡಿ. ಈ ರಜಾ ದಿನದ ಅದ್ರಲ್ಲೂ ವಾರಾಂತ್ಯದ 48 ಗಂಟೆ ತುಂಬಾನೇ ಮುಖ್ಯ. ಅದು ನಿಮಗೆ ಅಂತ ಇರೋ ಟೈಮ್. ಅದರ ಉಪಯೋಗ ಸರಿಯಾಗಿ ಮಾಡ್ಕೊಳಿ.

ಮಲಗಿ ಸಮಯ ಹಾಳುಮಾಡದೆ ಬೇರೆ ದಿನ ಮಾಡಕ್ಕೆ ಆಗದಿದ್ದ ವ್ಯಾಯಾಮ ಮಾಡಿ, ಬೇಗೆ ತಿಂಡಿ ಊಟ ಮುಗಿಸಿದ್ರೆ ಸಂಜೆ ಹೊತ್ತು ನಿಮ್ಮ ಮನೆಯವರ, ಸ್ನೇಹಿತರ ಜೊತೆ ಆರಾಮಾಗಿ ಇರೋದಕ್ಕೆ ಸಮಯ ಸಿಗುತ್ತೆ. ಲೇಟಾಗಿ ಇದ್ದಷ್ಟೂ ಸಮಯ ಕಮ್ಮಿ ಸಿಗುತ್ತೆ.

ಮೂಲ

6. ಕೂಲ್ ಡ್ರಿಂಕ್ಸ್ ಬದ್ಲು ನೀರು ಕುಡಿಯೋ ಅಭ್ಯಾಸ ಮಾಡ್ಕೊಳಿ

ಇತ್ತೀಚೆಗಂತೂ ಎಲ್ಲರೂ ಈ ಕೂಲ್ ಡ್ರಿಂಕ್ಸ್ ಕುಡಿಯೋದು ಹೆಚ್ಚು. ಇದ್ರಿಂದ ಸಕ್ಕರೆ ಕಾಯಿಲೆನೂ ಬರೋದು ಹೆಚ್ಚಾಗಿದೆ. ಅಷ್ಟೇ ಅಲ್ಲ ನಿಮ್ಮ ಹಲ್ಲು ಹಾಳು ಮಾಡೋದ್ರಲ್ಲೂ ಇದು ಎತ್ತಿದ ಕೈ. ಒಂದು ಅಧ್ಯಯನದ ಪ್ರಕಾರ, ಪ್ರತಿ 10 ಜನರಲ್ಲಿ ಒಬ್ರಿಗೆ  ಈ ಕೂಲ್ ಡ್ರಿಂಕ್ಸ್ ಕುಡಿಯೋದ್ರಿಂದ ಸಕ್ಕರೆ ಕಾಯಿಲೆ ಬಾರೋ ಸಾಧ್ಯತೆ ಹೆಚ್ಚಾಗ್ತಿದೆಯಂತೆ. ಅದನ್ನ ಬಿಟ್ಟು ನೀರು ಕುಡಿಯೋ ಅಭ್ಯಾಸ ಮಾಡ್ಕೊಳಿ.

ಇದ್ರಿಂದ ನಿಮ್ಮ ಹಲ್ಲು ಚೆನ್ನಾಗಿರೋದು ಮಾತ್ರ ಅಲ್ಲ, ಚರ್ಮದ ಆರೋಗ್ಯಕ್ಕೂ ಒಳ್ಳೇದು. ಈ ಕಾರಣಗಳು ನಿಮಗೆ ಕೂಲ್ ಡ್ರಿಂಕ್ಸ್ ಬಿಡೋದಕ್ಕೆ ಸರಿಯಾದದ್ದಲ್ಲ ಅನ್ನಿಸಿದ್ರೆ, ಒಂದು ಹಲ್ಲನ್ನ ಈ ಕೂಲ್ ಡ್ರಿಂಕ್ಸ್ ಒಳಗೆ ಹಾಕಿ ಒಂದು ರಾತ್ರಿ ಇಡೀ ಇಟ್ಟು ಮರುದಿನ ನೋಡಿ, ಅದರ ಗತಿ ಏನಾಗಿರುತ್ತೆ ಅಂತ ತಿಳ್ಕೊಂಡು ಆಮೇಲೆ ನೀವೇ ನಿರ್ಧಾರ ಮಾಡ್ಕೊಳಿ.

7. ಹಿಂದೆ ಆಗಿದ್ದನ್ನ ನೆನಸ್ಕೊಂಡು ಕೊರಗೋ ಬದ್ಲು ಮುಂದೆ ಏನ್ ಮಾಡ್ಬೋದು ಅಂತ ಪ್ಲಾನ್ ಮಾಡಿ

ಹಿಂದಿನ ನೆನಪುಗಳು ಎಷ್ಟೇ ನಮಗೆ ಖುಷಿ ಕೊಡುವಂತದ್ದಾಗಿದ್ರೂ ಅದ್ರಲ್ಲೇ ಮುಳಿಗಿರಬಾರ್ದು. ಅದು ಮುಗಿದು ಹೋಗಿರೋ ಕ್ಷಣ. ಇದು ಕೆಟ್ಟ ನೆನಪುಗಳಿಗೂ ಅನ್ವಯಿಸತ್ತೆ.

ನೀವು ನಿಮ್ಮ ಮುಂದಿನ ಗುರಿ ಏನು ಅಂತ ನಿರ್ಧಾರ ಮಾಡಿದ ಮೇಲೆ ನಿಮ್ಮ ಹಿಂದಿನ ನೆನಪುಗಳ ಬಗ್ಗೆ ಯೋಚ್ನೆ ಮಾಡೋದು ಕಮ್ಮಿ ಆಗುತ್ತೆ. ಎಲ್ಲಿ ವರೆಗೂ ನಾವು, ಹಿಂದೆ ಆಗಿದ್ರ ಬಗ್ಗೆ ತಲೆ ಕೆಡಿಸ್ಕೊತಿರ್ತೀವೋ , ಆಗ ನಮ್ಮ ಭವಿಷ್ಯ ಕಳೆದು ಹೋಗುತ್ತೆ. 

ಮೂಲ

8. ನನ್ನ್ ಕೈಯ್ಯಲ್ಲಿ ಏನೂ ಸಾಧಿಸಕ್ಕಾಗಲ್ಲ ಅಂತ ಕೈ ಚಲ್ಲೋ ಬದ್ಲು ಒಂದು ಕೊನೆ ಸರ್ತಿ ಪ್ರಯತ್ನ ಮಾಡಿ

ವಯಸ್ಸಾದಷ್ಟೂ ಕನಸುಗಳನ್ನ, ನಮ್ಮ ಗುರಿಗಳನ್ನ ಸಾಧಿಸಕ್ಕಾಗಲ್ಲ ಅಂತ ಕೈ ಬಿಡೋದೇ ಹೆಚ್ಚು. ಹೀಗೆ ನಮ್ಮ ಕನಸನ್ನ ಬಿಡೋ ಬದಲು ಯಾವುದಾದ್ರೂ ಸುಲಭವಾಗಿ ಸಾಧಿಸಬಹುದಾದ ಮೈಲಿಗಲ್ಲಿನ ಬಗ್ಗೆ ಯೋಚಿಸಿ. ಇಂತ ಕನಸಿನ, ಗುರಿ ಬಗ್ಗೆ ಯೋಚಿಸಿ, ಅದನ್ನ ಸಾಧಿಸಕ್ಕೆ ತುಂಬಾ ಹತ್ತಿರ ಹೋಗ್ತಿದ್ದೀವಿ ಅನ್ನಿಸದಾಗ ನಿಮಗೆ ತುಂಬಾನೇ ಖುಷಿ ಸಿಗುತ್ತೆ. ಮಕ್ಕಳು ಏನಾದ್ರು ಸಾಧನೆ ಮಾಡಿದಾಗ ಖುಷಿ ಪಡ್ತಾರಲ್ಲ ಆ ರೀತಿಯ ಖುಷಿ, ಸಮಾಧಾನ ಸಿಗುತ್ತೆ.

9. ಯಾವಾಗ್ಲೂ ಡಯೆಟ್ಟು ಅಂತ ತಲೆ ಕೆಡಿಸ್ಕೊಳೋ ಬದ್ಲು ಒಂದೊಂದ್ಸರ್ತಿ ರುಚಿಯಾಗಿರೋ ಊಟ ತಿಂಡಿ ತಿನ್ನಿ

ಪ್ರತಿಯೊಬ್ಬರ ಜೀವನದಲ್ಲೂ ಊಟ ತಿಂಡಿಗೆ ತಮ್ಮದೇ ಆದ ಪದ್ಧತಿ ಇರುತ್ತೆ. ಅದ್ರಲ್ಲೂ ನಮ್ಮ ದೇಹಕ್ಕೆ, ಆರೋಗ್ಯಕ್ಕೆ ಸರಿ ಹೊಂದೋ ಡಯಟ್ ಊಟ ತಿಂಡೀನ ಇಷ್ಟ ಇಲ್ಲ ಅಂದ್ರೂ ಬಲವಂತವಾಗಿ ತಿನ್ತಿರ್ತೀವಿ.

ಇದೆಲ್ಲ ಇದ್ದಿದ್ದೇ, ಆಗಾಗ ನಿಮಗಿಷ್ಟ ಆಗೋ ಸ್ವೀಟ್, ಐಸ್ ಕ್ರೀಮ್, ಪಿಜ್ಜಾ, ಬರ್ಗರ್ ಎಲ್ಲಾನೂ ತಿನ್ನಿ, ಆದ್ರೆ ಆಮೇಲೆ ಸರಿಯಾಗಿ ವ್ಯಾಯಾಮ ಮಾಡೋದನ್ನ ಮರೀಬೇಡಿ.

ಮೂಲ

10. ಯಾವಾಗ್ಲೂ ಕುಂಟ ನೆಪ ಕೊಡೋ ಬದ್ಲು ತಪ್ಪಾಗಿದ್ರೆ ಪ್ರಾಮಾಣಿಕವಾಗಿ ಒಪ್ಕೊಳಿ

ಪ್ರಾಮಾಣಿಕತೆ ಒಳ್ಳೇದು ಅಲ್ವ? ಕೆಲವೊಂದು ಸಲ ಅದು ನಿಮಗೆ ನೋವನ್ನೂ ಕೊಡಬಹುದು, ಆದ್ರೆ ನಿಮ್ಮಲ್ಲಿ ಬದಲಾವಣೆ ಬರ್ಬೇಕು, ನೀವು ಸುಧಾರಿಸ ಬೇಕು ಅಂದ್ರೆ ನೀವು ಪ್ರಾಮಾಣಿಕವಾಗಿರ್ಬೇಕು. ನೀವು ಪ್ರಾಮಾಣಿಕವಾಗಿರಕ್ಕೆ ಶುರು ಮಾಡಿದ್ರೆ, ನಿಮ್ಮ ಸಾಮರ್ಥ್ಯನೂ ಹೆಚ್ಚಾಗುತ್ತೆ. ಇದನ್ನ ತಿಳ್ಕೊಳೋ ಒಳ್ಳೆ ಸುಲಭ ವಿಧಾನ ಅಂದ್ರೆ ನೀವು ಪ್ರತಿಯೊಂದು ಕೆಲಸ ಮುಗಿಸಿದಾಗಲೂ ನೀವು ಮಾಡಿರೋ ಪ್ರಯತ್ನದ ಬಗ್ಗೆ ಪ್ರಶ್ನೆ ಮಾಡ್ಕೊಳಿ. ನೀವು ಯಾವುದಾದ್ರೂ ಪ್ರಾಜೆಕ್ಟ್ ಗೆ ಕೆಲಸ ಮಾಡ್ತಾ ಇದ್ರೆ, ನಿಮ್ಮ ಜೊತೇಲಿರೋ ಕೆಲಸಗಾರರಿಂದ ನಿಮ್ಮ ಸುಧಾರಣೆ ಬಗ್ಗೆ ತಿಳ್ಕೊಳಿ.

ಈ ಸಣ್ಣಪುಟ್ಟ ಬದಲಾವಣೆಗಳನ್ನ ಮಾಡ್ಕೊಂಡ್ರೆ ನಮ್ಮ ಜೀವನ ಬದಲಾಗೋದ್ರಲ್ಲಿ ಯಾವುದೇ ಅನುಮಾನ ಇಲ್ಲ!

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: