ಹತ್ತಿರದೋರ್ನ ದೂರ ಮಾಡ್ಕೊಳೋ ಮುಂಚೆ ಈ 10 ವಿಷಯಗಳನ್ನ ಗಮನದಲ್ಲಿಟ್ಕೊಳಿ, ಸುಮ್ನೆ ಅಲ್ಲ

ಬಿಡ್ಬೇಕಾ... ಬೇಡ್ವಾ?

ಜೀವನದಲ್ಲಿ ನಮಗೆ ತುಂಬಾ ಇಷ್ಟವಾದೋರನ್ನ ದೂರ ಮಾಡಿಕೊಳ್ಳೋದು ಅಷ್ಟು ಸುಲಭವಾದ ಕೆಲಸ ಅಲ್ಲ. ಮನಸ್ಸಿಗೆ ತುಂಬಾನೇ ನೋವಾಗುತ್ತೆ. ನಿಮ್ಮ  ಜೀವನದಲ್ಲಿ ಒಂದು ವೇಳೆ ಅಂತ ಒಂದು ಸಂದರ್ಭ ಬಂದ್ರೆ ನಿರ್ಧಾರ ಮಾಡಕ್ಕೆ ಮುಂಚೆ ಒಂದ್ಸಲ ಈ ವಿಷಯಗಳ ಬಗ್ಗೆ ಗಮನ ಕೊಡಿ. 

10. ಬಿಡ್ಬೇಕು ಅಂತ ಮಾಡಿರೋ ನಿರ್ಧಾರ ಸರಿಯಾಗಿದ್ಯ ಅಂತ ಯೋಚ್ಸಿ

ಒಂದ್ಸಲ ನೀವು ಪ್ರೀತಿಸ್ತಿದ್ದವರನ್ನ ಅಥವಾ ನೀವು ಇನ್ನೂ ಹುಚ್ಚರ ತರ ಪ್ರೀತಿಸ್ತಿರೋ ವ್ಯಕ್ತಿನ ಬಿಡೋದು ಅಂದ್ರೆ ಅದು ತುಂಬಾ ಕಷ್ಟದ ಕೆಲಸ. ನೀವು ಆ ನಿರ್ಧಾರ ತೊಗೊಳಕ್ಕೆ ಮುಂಚೆ ನಿಮ್ಮನ್ನ ನೀವೇ ಈ ಪ್ರಶ್ನೆಗಳನ್ನ ಒಂದ್ಸರ್ತಿ ಕೇಳ್ಕೊಳಿ

ಇನ್ನು ಮುಂದೇನೂ ಅವರ ಜೊತೇಲಿ ಇದ್ರೆ ನಿಮಗೆ ತುಂಬಾ ನೋವಾಗುತ್ತಾ?

ಕಳೆದು ಹೋದ ದಿನಗಳು, ಆಗಿನ ನೆನಪು ನಿಮ್ಮನ್ನ ಮತ್ತೆ ಮತ್ತೆ ಕಾಡದೆ ಇರಲು ಯಾವುದಾದ್ರೂ ದಾರಿ ಇದೆಯಾ?

ಮುಂದೆ ಯಾವತ್ತಾದ್ರೂ ಅವರು ನಿಮ್ಮ ಕಣ್ಮುಂದೆ ಬಂದ್ರೆ ಅವರನ್ನ ನೋಡಕ್ಕೆ ನಿಮ್ಮ ಮನಸ್ಸು ಒಪ್ಪುತ್ತಾ?

ಆಗಿರೋದನ್ನೆಲ್ಲ ಮರೆಯೋ ಶಕ್ತಿ ನಿಮಗಿದ್ಯಾ?

ಈ ಎಲ್ಲಾ ಪ್ರಶ್ನೆಗಳಿಗೆ ಪ್ರಾಮಾಣಿಕವಾಗಿ ಉತ್ತರ ಕಂಡು ಹಿಡ್ಕೊಳಿ. ಆಮೇಲೆ ನಿರ್ಧಾರ ಮಾಡಿ.

9. ನಿಮ್ಮ ಜೀವನದ ನಿರ್ಧಾರ ನೀವೇ ತೊಗೊಳಿ, ಬೇರೆಯವ್ರಿಗೆ ಅವಕಾಶ ಕೊಡ್ಬೇಡಿ

ನಿಮಗೆ, ನಿಮ್ಮ ಜೀವನಕ್ಕೆ ಏನು ಒಳ್ಳೇದು ಅಂತ ನಿಮಗಿಂತ ಚೆನ್ನಾಗಿ ಬೇರೆ ಯಾರಿಗೂ ಗೊತ್ತಿರಲ್ಲ. ನಿಮ್ಮ ಬದಲು ನಿಮ್ಮ ಸ್ನೇಹಿತರೋ, ನಿಮ್ಮ ಮನೆಯವರೋ ನಿರ್ಧಾರ ಮಾಡೋದು ಸರಿಯಲ್ಲ. ನೀವು ಒಬ್ಬರೇ ಒಂದು ಕಡೆ ಕೂತು ಯೋಚ್ನೆ ಮಾಡಿ. ಯಾರು ಏನು ಅನ್ಕೋತಾರೋ ಅಂತ ಒಂದು ನಿಮಿಷಾನೂ ಯೋಚನೆ ಮಾಡದೇ ನಿರ್ಧಾರ ತೊಗೊಳ್ಳಿ.

ಮೂಲ

8. ಜೀವನದಲ್ಲಿ ಯಾರೇ ಆಗ್ಲಿ , ಯಾವುದೇ ವಿಷಯವಾಗ್ಲಿ ಶಾಶ್ವತ ಅಲ್ಲ ಅನ್ನೋ ಸತ್ಯ ಅರ್ಥಮಾಡ್ಕೊಳಿ

ನಿಮಗೆ ಅವರನ್ನ ಬಿಡೋದು ತುಂಬಾ ಕಷ್ಟ ಅನ್ನಿಸ್ತಿದ್ರೆ ಜೀವನದಲ್ಲಿ ಯಾರೇ ಆಗ್ಲಿ, ಯಾವುದೇ ವಿಷಯವಾಗ್ಲಿ ಶಾಶ್ವತವಲ್ಲ ಅನ್ನೋದನ್ನ ಅರ್ಥ ಮಾಡ್ಕೊಳಿ. ಜನ ಸಾಯಬಹುದು, ಗಂಡ ಹೆಂಡತಿ ಡೈವೋರ್ಸ್ ಆಗ್ಬಹುದು, ಸಂಬಂಧಗಳು ಮುರೀಬಹುದು, ಯಾವುದೂ ಕೊನೆ ತನಕ ಉಳಿಯಲ್ಲ. ನಾವು ಅವರನ್ನ ಉಳಿಸ್ಕೊಳಕ್ಕೆ ಪ್ರಯತ್ನ ಮಾಡಬಹುದು ಅಷ್ಟೇ. ನೀವು ಎಷ್ಟೇ ಪ್ರಯತ್ನ ಮಾಡಿದ್ರೂ ಅವರು ನಿಮ್ಮಿಂದ ದೂರ ಆದ್ರೆ ಅವರು ಹೋಗಿ ಖುಷಿಯಾಗಿರಲು ಬಿಡಿ. ನೀವು ಅವರನ್ನ ಉಳಿಸ್ಕೊಳಕ್ಕೆ ಮಾಡ್ತಿದ್ದ ಪ್ರಯತ್ನಾನಾ ನಿಮ್ಮ ಸಂತೋಷ ಕಂಡ್ಕೊಳಕ್ಕೆ ಉಪಯೋಗಿಸಿ.

7. ನಿಮ್ಮ ಸಂತೋಷ ಬೇರೆಯವರ ಮೇಲೆ ಅವಲಂಬಿಸಿರಬಾರ್ದು ಅಂತ ತಿಳ್ಕೊಳಿ

ನಿಮ್ಮ ಸಂತೋಷ ನಿಮ್ಮ ಕೈಲಿರ್ಬೇಕು, ಬೇರೆಯವರ ಮೇಲೆ ಅವಲಂಬಿಸಿರಬಾರ್ದು. ನಿಮ್ಮ ಸಂತೋಷಕ್ಕಾಗಿ ನೀವು ಬೇರೆಯವರ ಮೇಲೆ ಡಿಪೆಂಡ್ ಆಗಿದ್ರೆ ಒಂದಲ್ಲ ಒಂದು ದಿನ ತುಂಬಾ ಕಷ್ಟ ಆಗ್ಬಹುದು. ಬೇರೆಯವರನ್ನ ಪ್ರೀತಿಸಿ ಅವರ ಜೊತೆ ಸಂತೋಷವಾಗಿರೋದು ಒಳ್ಳೇದೇ. ಆದ್ರೆ ನಿಮ್ಮ ಸಂತೋಷ ಪೂರ್ತಿಯಾಗಿ ಅವರ ಮೇಲೆ ಅವಲಂಬಿಸಿದ್ರೆ ಖಂಡಿತ ಅದು ಒಳ್ಳೇದಲ್ಲ. ನಿಮ್ಮನ್ನ ನೀವು ಹೇಗೆ ಖುಷಿಯಾಗಿ ಇರೋ ಹಾಗೆ ನೋಡ್ಕೋಬೇಕು ಅಂತ ನಿಮಗೆ ಗೊತ್ತಿರ್ಬೇಕು. ನಿಮ್ಮ ಮೇಲೆ ನಿಮಗೆ ಪ್ರೀತಿ ಇರ್ಲಿ, ನಿಮ್ಮಲ್ಲೇ ಸಂತೋಷ ಕಂಡ್ಕೊಳಿ. ಆಗ ನಿಮ್ಮ ಸಂತೋಷಕ್ಕೆ ಬೇರೆಯವರ ಮೇಲೆ ಅವಲಂಬಿಸೋದನ್ನ ಬಿಡಬಹುದು. ಆಗ ದುರದೃಷ್ಟವಶಾತ್ ಹತ್ತಿರದವರನ್ನ ಬಿಡೋ ಸಂದರ್ಭ ಬಂದ್ರೆ ಅಷ್ಟೊಂದು ಕಷ್ಟ ಅನ್ಸಲ್ಲ. 

ಮೂಲ

6. ಹಳೆ ನೆನಪುಗಳು ಆದಷ್ಟೂ ನಿಮ್ಮನ್ನ ಕಾಡದೆ ಇರೋಹಾಗೆ ನೋಡ್ಕೊಳಿ

ಯಾರನ್ನಾದ್ರೂ ಬಿಡ್ಬೇಕು ಅಂದ್ರೆ ತುಂಬಾ ಕಷ್ಟ ಆಗಕ್ಕೆ ಒಂದು ಮುಖ್ಯ ಕಾರಣ ಅಂದ್ರೆ ಹಳೆಯ ನೆನಪುಗಳು. ನಾವು ಒಟ್ಟಾಗಿ ಕಳೆದ ಕ್ಷಣಗಳ ಬಗ್ಗೆ ಮನಸ್ಸಲ್ಲೇ ತುಂಬಾನೇ ಯೋಚ್ನೆ ಮಾಡ್ತಿರ್ತೀವಿ. ಹಿಂದೆ ಆಗಿರೋದರ ಬಗ್ಗೆ ಯೋಚ್ನೆ ಮಾಡೋದ್ರಿಂದ ದುಃಖ ಆಗುತ್ತೆ, ಮನಸ್ಸು ದುರ್ಬಲ ಆಗುತ್ತೆ ನಿಜ. ಅದಕ್ಕೆ ಸಾಧ್ಯವಾದಷ್ಟೂ ಈಗ ಏನಾಗ್ತಿದೆ, ಮುಂದೆ ಏನಾಗ್ಬೇಕು ಅದರ ಬಗ್ಗೆ ಯೋಚ್ನೆ ಮಾಡಿ. ಮುಂದಿನ ದಿನಗಳು ಹೇಗೆ ಚೆನ್ನಾಗಿರಬೇಕು, ನಿಮ್ಮ ಭವಿಷ್ಯ ಉಜ್ವಲವಾಗಿರಬೇಕೋ ಅಥವಾ ಹಿಂದೆ ಆಗಿದ್ದನ್ನ ನೆನಪು ಮಾಡ್ಕೊಂಡು ಅಳುತ್ತ ಕೂರ್ಬೇಕಾ ಅನ್ನೋ ನಿರ್ಧಾರ ನೀವೇ ಮಾಡ್ಬೇಕು.

5. ನಿಮ್ಮ ಜೀವನ ನೀವು ತಗೊಳೋ ನಿರ್ಧಾರಗಳ ಮೇಲೆ ನಿಂತಿರತ್ತೆ ಅಂತ ನೆನಪಿಟ್ಕೊಳಿ

ಪ್ರಪಂಚ ಯಾವತ್ತೂ ನಿಮ್ ಜೊತೇಲೂ ಇರಲ್ಲ, ನಿಮಗೆ ವಿರುದ್ಧವಾಗೂ ಇರಲ್ಲ. ಇದನ್ನ ಚೆನ್ನಾಗಿ ಅರ್ಥ ಮಾಡ್ಕೊಳಿ. ನಿಮ್ಮ ಜೀವನದ ಯಾವುದೇ ಒಂದು ದಿನ ಹೇಗೆ ಶುರು ಆಗ್ಬೇಕು ಹೇಗೆ ಮುಗಿಬೇಕು ಅನ್ನೋದು ನಿಮಗೆ ಬಿಟ್ಟಿದ್ದು. ಅವರ ಜೊತೇಲೆ ಇದ್ದು ದಿನ ನರಕಯಾತನೆ ಅನುಭವಿಸ್ಬೇಕಾ ಅಥವಾ ಅವರನ್ನ ಬಿಟ್ಟು ನೆಮ್ಮದಿಯಿಂದ, ಸಂತೋಷದಿಂದ ಇರ್ಬೇಕಾ? ಎಲ್ಲ ನಿಮ್ಮ್ ಕೈಯಲ್ಲೇ ಇದೆ, ಪ್ರಪಂಚ ಇದರ ಬಗ್ಗೆ ಏನೂ ಮಾಡಕ್ಕೆ ಬರಲ್ಲ, ನೀವು ಏನು ನಿರ್ಧಾರ ಮಾಡ್ತಿರೋ ಪ್ರಪಂಚ ಅದನ್ನೇ ಒಪ್ಪಿಕೊಳುತ್ತೆ.

ಮೂಲ

4. ಬಿಡ್ಬೇಕೋ ಬೇಡ್ವೋ ಅಂತ ಎರಡೆರ್ಡು ಮನಸ್ಸು ಮಾಡ್ಬೇಡಿ

ನಿಮ್ಮ ಜೀವನದಲ್ಲಿ ಏನು ಆಗ್ಬೇಕು, ಏನು ಆಗ್ಬಾರ್ದು ಅನ್ನೋ ನಿರ್ಧಾರ ನೀವು ಮಾಡ್ಬೇಕು. ದೂರ ಮಾಡ್ಬೇಕೊ ಬೇಡವೋ ಅಂತ ಎರಡೆರಡು ಮನಸ್ಸಿಟ್ಕೊಂಡು ಒಂದು ಗಟ್ಟಿಯಾದ ನಿರ್ಧಾರ ಮಾಡದೇ ದಿನ ಕಳೀತಿದ್ರೆ ಏನೂ ಉಪಯೋಗ ಇಲ್ಲ. ನೀವು ನಿಧಾನ ಮಾಡಿದಷ್ಟೂ ನಿಮ್ಮ ಮನಸ್ಸಿಗೆ ಹೆಚ್ಚು ನೋವಾಗುತ್ತೆ. ಒಂದೇ ಮನಸ್ಸಿಂದ ಒಂದು ಸರಿಯಾದ ನಿರ್ಧಾರ ಮಾಡಿ.

3. ದೌರ್ಬಲ್ಯಗಳನ್ನ ಕಿತ್ತು ಎಸೀರಿ

ನಿಮ್ಮ ಮನಸ್ಸಿನಲ್ಲಿರೋ ದೌರ್ಬಲ್ಯಗಳನ್ನ ಕಂಡುಹಿಡಿದು ಮೊದಲು ಅದನ್ನ ಕಿತ್ತು ಎಸೀರಿ. ಆ ದೌರ್ಬಲ್ಯಗಳೇನು, ಯಾಕೆ ನೀವು ಬಿಡ್ಬೇಕು ಅನ್ನೋ ನಿರ್ಧಾರ ತೊಗೊಳಕ್ಕೆ ಬಿಡ್ತಿಲ್ಲ ಅಂತ ಅರ್ಥ ಮಾಡ್ಕೊಳಿ. ಇದು ಚೆನ್ನಾಗೆ ಅರ್ಥ ಆದ್ಮೇಲೆ ದೌರ್ಬಲ್ಯಗಳನ್ನ ಕಿತ್ತೆಸದು ನಿಮ್ಮ ನಿರ್ಧಾರದ ಜೊತೆ ಮುಂದುವರೀರಿ.

ಮೂಲ

2. ನಿಮ್ಮ ಬೆಲೆ ಅರ್ಥ ಮಾಡ್ಕೊಳಿ

ಹಿಂದೆ ನಡೆದಿದ್ದನ್ನ, ಯಾಕೆ ಆಯಿತು, ಹೇಗೆ ಆಯಿತು ಅಂತ ಯೋಚ್ನೆ ಮಾಡ್ತಾ ಬಂದ್ರೆ , ಕಾರಣಗಳನ್ನ ಹುಡುಕ್ತಾ ಬಂದ್ರೆ, ಇದಕ್ಕೆ ಒಂದಲ್ಲ ಒಂದು ರೀತಿಲಿ ನಾವೇ ಕಾರಣ ಅನ್ನಿಸದಾಗ ನಾವು ತುಂಬಾ ಸಣ್ಣವರಾಗಿ ಕಾಣಿಸಿ, ನಮ್ ಕಣ್ಣಲ್ಲಿ ನಾವೇ ಬೆಲೆ ಕಳ್ಕೊಂಡ ಹಾಗೆ ಅನ್ಸುತ್ತೆ. ಆದ್ರೆ ಹಾಗೆ ಆಗೋದಕ್ಕೆ ಬಿಡಬೇಡಿ. ನಿಮ್ಮ ಬೆಲೆ ನೀವು ತಿಳ್ಕೊಂಡಿರೋದಕ್ಕಿಂತಲೂ ತುಂಬಾನೇ ಅಮೂಲ್ಯವಾದುದ್ದು. ಯಾವದನ್ನಾದ್ರೂ ಬಿಡಬೇಕು ಅಥವಾ ಯಾರಿಂದನಾದ್ರೂ ದೂರ ಆಗ್ಬೇಕು ಅಂದಾಗಲೇ ನಮ್ಮ ನಿಜವಾದ ಬೆಲೆ ನಮಗೆ ಅರ್ಥ ಆಗೋದು.

1. ಹಿಂದೆ ನಡೆದಿರೋದನ್ನ ನೋಡಿ ಪಾಠ ಕಲೀರಿ

ಪ್ರತಿ ದಿನಾನೂ ಹೊಸದೇ, ಒಂದಲ್ಲಾ ಒಂದು ತಪ್ಪು ಮಾಡಿರ್ತೀವಿ, ಹಾಗೇ ಮರೆತೂ ಬಿಡ್ತೀವಿ. ಆದ್ರೆ ಹಿಂದೆ ಮಾಡಿದ ತಪ್ಪಿಂದ ಪಾಠ ಕಲಿತು ಮುಂದೆ ಸರಿಯಾಗಿರೋ ಪ್ರಯತ್ನ ಮಾಡಲ್ಲ. ಅದಕ್ಕೇ ಹಿಂದೆ ಮಾಡಿದ ತಪ್ಪಿಂದ ಪಾಠ ಕಲಿತು ಸರಿ ಮಾಡ್ಕೊಂಡ್ರೆ ನಿಮ್ಮ ಮೇಲೆ ನಿಮಗೆ ಪ್ರೀತಿ, ಗೌರವ, ನಂಬಿಕೆ, ಮನೋ ಧೈರ್ಯಾನೂ ಹೆಚ್ಚುತ್ತೆ. ಬೇರೆಯವರೂ ನಿಮ್ಮನ್ನ ಇಷ್ಟ ಪಡ್ತಾರೆ.

ಮೂಲ

ನಿಮ್ಮ ನಿಲುವು ಏನೇ ಇರ್ಲಿ... ಚೆನ್ನಾಗಿ ಯೋಚಿಸಿ ನಿಮ್ಮ ಜೀವನಕ್ಕೆ ಯಾವುದು ಸರಿ... ನಿಮ್ಮ ಭವಿಷ್ಯಕ್ಕೆ ಏನು ಸರಿ ಅಂತ ಯೋಚಿಸಿ ಅದಕ್ಕೆ ಸರಿ ಹೊಂದೋ ನಿರ್ಧಾರ ತೊಗೊಳಿ.

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ಈ 10 ಚಿಕ್ಕ ಚಿಕ್ಕ ಬದಲಾವಣೆ ಮಾಡ್ಕೊಂಡ್ರೆ ನಿಮ್ಮ ಜೀವನ ದೊಡ್ಡ ರೀತೀಲಿ ಬದಲಾಗತ್ತೆ ಅನ್ನೋದ್ರಲ್ಲಿ ಸಂದೇಹಾನೆ ಇಲ್ಲ

ಒಂದೊಂದ್ಸರ್ತಿ ಊಹೂಂ ಅನ್ನೋಕ್ಕೂ ಗೊತ್ತಿರ್ಬೇಕು

ಜೀವನ ಅದರ ಎಲ್ಲ ರೂಪದಲ್ಲೂ ಕೆಲವೊಮ್ಮೆ ನಮಗೆ ಎಷ್ಟು ಮಾಡಿದ್ರೂ ಅಷ್ಟೇ ಅನ್ನೋ ಭಾವನೆ ಬರೋಹಾಗೆ ಮಾಡಬಹುದು. ಆದ್ರೆ ಜೀವನದಲ್ಲಿ ಒಂದೊಂದ್ಸರ್ತಿ ಎಷ್ಟೇ ಕಷ್ಟ ಬಂದ್ರೂ ಮನಸ್ಸಿದ್ದರೆ ಮಾರ್ಗ ಇದ್ದೇ ಇದೆ ಅನ್ನೋದು ನೆನಪಿರ್ಲಿ.

ಈ 10 ವಿಷಯದ ಬಗ್ಗೆ ಗಮನ ಕೊಟ್ರೆ ನಿಮ್ಮ ಜೀವನ ಬದಲಾಯಿಸಿಕೊಳ್ಳೋದಕ್ಕೆ ಸಹಾಯ ಆಗುತ್ತೆ. ಆದ್ರೆ ಒಂದು ನೆನಪಿರ್ಲಿ... ಇವೆಲ್ಲಾ ಝಟ್ ಪಟ್ ಅಂತ ಆಗೋ ಬದಲಾವಣೆಗಳಲ್ಲ... ಸಮಯ ಹಿಡಿದೇ ಹಿಡಿಯತ್ತೆ. ಆದ್ರೆ ಕೊನೇಲಿ ಖುಷಿಯಾಗೋದು ಖಂಡಿತಾ. 

1. ಬೆಳಗ್ಗೆ ಲೇಟಾಗಿ ಏಳೋ ಬದ್ಲು ಬೇಗ ಏಳೋ ಅಭ್ಯಾಸ ಮಾಡ್ಕೊಳಿ

ಹಲವಾರು ಸಂಶೋಧನೆ, ಅಧ್ಯಯನಗಳಿಂದ ಗೊತ್ತಾಗಿರೋದು ಏನಪ್ಪಾ ಅಂದ್ರೆ ಬೆಳಗ್ಗೆ ಬೇಗ ಎದ್ದವರು ಬೇರೆಯವರಿಗಿಂತ ಕೆಲಸ ತುಂಬಾ ಚೆನ್ನಾಗಿ ಮಾಡ್ತಾರೆ, ತುಂಬಾ ಖುಷಿಯಾಗೂ ಇರ್ತಾರೆ ಅಂತ. ದಿನದಲ್ಲಿ ಕೆಲವೇ ಗಂಟೆಗಳು ನಮಗೆ ಸಿಗೋದು, ಅದ್ರಲ್ಲಿ ನಿದ್ದೆಯಲ್ಲೇ ಹೆಚ್ಚು ಸಮಯ ಹಾಳಾದ್ರೆ ನಿಮಗೆ ಬೇರೆದಕ್ಕೆ ಇನ್ನೆಲ್ಲಿಂದ ಟೈಮ್ ಸಿಗುತ್ತೆ?

ಇನ್ನು ನಿಮ್ಮ ಆಫೀಸ್ 24 ಗಂಟೇನೂ ಕೆಲಸ ಮಾಡೊತರದ್ದಾದ್ರೆ, ಬೆಳಗ್ಗೆ ಬೇಗ ಹೋಗಿ, ಬೇಗ ವಾಪಸ್ ಬಂದ್ರೆ ನಿಮ್ಮ ಸ್ವಂತಕ್ಕೆ, ಮನೆಯವರ ಜೊತೆ ಕಳೆಯೋದಕ್ಕೆ... ಹೀಗೆ ಎಲ್ಲದಕ್ಕೂ ನಿಮಗೆ ಸಾಕಷ್ಟು ಟೈಮ್ ಸಿಗುತ್ತೆ.

ಮೂಲ

2. ಎಲ್ಲದಕ್ಕೂ ಸರಿ, ಆಯ್ತು, ಮಾಡ್ತೀನಿ ಅಂತ ಒಪ್ಕೊಳೋ ಬದ್ಲು ಆಗಾಗ ಇಲ್ಲ, ಮಾಡಕ್ಕಾಗಲ್ಲ ಅಂತ ಹೇಳೋ ಅಭ್ಯಾಸ ಬೆಳೆಸ್ಕೊಳಿ

ಎಲ್ಲ ಟೈಮಲ್ಲೂ ಸರಿ, ಆಯ್ತು , ಮಾಡ್ತೀನಿ ಅಂತ ಒಪ್ಕೋಳೋದು ಸರಿಯಲ್ಲ. ಹೀಗೆ ಒಪ್ಕೋಳೋದ್ರಿಂದ ನಿಮ್ಮ ಮಾಡ್ಬೇಕಾಗಿರೋ ಕೆಲಸದ ಪಟ್ಟಿಗೆ ಇನ್ನಷ್ಟು ಸೇರುತ್ತೆ, ಕೆಲಸದಲ್ಲಿ ಎಷ್ಟು ಮುಳುಗಿ ಹೋಗ್ತೀರಾ ಅಂದ್ರೆ ನಿಮಗೆ ಅಂತ ಸ್ವಲ್ಪ ಬಿಡುವು ಮಾಡ್ಕೊಳೋದು ತುಂಬಾ ಕಷ್ಟ ಆಗುತ್ತೆ.

ಆಗಾಗ ಸಮಯಕ್ಕೆ ತಕ್ಕಂತೆ ನೀವು ಇಲ್ಲ, ಆಗಲ್ಲ, ಅಂತ ಹೇಳೋ ರೂಢಿ ಮಾಡ್ಕೊಂಡ್ರೆ ಅನವಶ್ಯಕವಾಗಿ ನೀವು ಹೇಳಿದ್ದಕ್ಕೆಲ್ಲ ಒಪ್ಪಿಕೊಂಡು ಕೆಲಸ ಮಾಡ್ತೀರಾ ಅಂತ ಗೊತ್ತಿದ್ದೇ ನಿಮಗೆ ಕೆಲಸ ಹೇಳ್ತಾರಲ್ಲ... ಅದೆಲ್ಲಾ ನಿಲ್ಲುತ್ತೆ. ನಿಮ್ಮ ಕೆಲಸ, ಟೈಮ್ ಎಲ್ಲ ನಿಮ್ಮ ನಿಯಂತ್ರಣದಲ್ಲಿರುತ್ತೆ.

3. ಯಾವಾಗ್ಲೂ ಕೈಯ್ಯಲ್ಲಿ ಮೊಬೈಲ್ ಫೋನ್ ಹಿಡ್ಕೊಂಡು ಕೂರೋ ಬದ್ಲು ಹೊರಗೆ ಹೋಗಿ ಸುತ್ತಾಡ್ಕೊಂಡು ಬನ್ನಿ

ಈಗಿನ ಟೆಕ್ನಾಲಜಿಯಿಂದ ನಮಗೆ ತುಂಬಾನೇ ಉಪಯೋಗ ಆಗಿದೆ. ಆದ್ರೆ ಇತ್ತೀಚಿಗೆ ನಾವು ಅದ್ರಲ್ಲಿ ಎಷ್ಟು ಮುಳ್ಗಿರ್ತಿವಿ ಅಂದ್ರೆ ಅದು ಇಲ್ಲ ಅಂದ್ರೆ ನಮಗೆ ಕೈಕಾಲೇ ಓಡಲ್ಲ ಅನ್ನೋ ಹಾಗೆ ಆಡ್ತೀವಿ. ಅದ್ರಲ್ಲೂ ಈ ಸ್ಮಾರ್ಟ್ ಫೋನ್ ಬಂದ್ಮೇಲಂತೂ ನೆಟ್ವರ್ಕ್ ಸಿಕ್ಕಿಲ್ಲ, ಇಂಟರ್ನೆಟ್ ಕನೆಕ್ಟ್ ಆಗ್ತಿಲ್ಲ ಅಂದ್ರೆ ಏನೋ ಕಳ್ಕೊಂಡಿರೋವ್ರ ಹಾಗೆ ಪರದಾಡ್ತಿವಿ ( ನಮ್ಮ ಹತ್ತಿರದವರು ದೂರ ಆದಾಗ್ಲೂ ಹೀಗೆ ನಾವು ಆಡಿರಲ್ವೇನೋ). ಈ ಮೊಬೈಲ್ ಹತ್ತಿರ ಇದ್ದಷ್ಟೂ ನಾವು ಆಗಾಗ ಅದನ್ನ ನೋಡೋದು, ಅಲ್ಲೇನಾಗ್ತಿದೆ, ಇಲ್ಲೇನಾಗ್ತಿದೆ ಅಂತ ಹುಡುಕಾಡೊ ಪ್ರಯತ್ನ ಮಾಡ್ತಾ ಇರ್ತೀವಿ.

ಆಗಾಗ ಈ ಮೊಬೈಲ್ ಮನೇಲೆ ಬಿಟ್ಟು ಕನಿಷ್ಠ 10 -15 ನಿಮಿಷನಾದ್ರೂ ಪ್ರಶಾಂತವಾಗಿರೋ ಜಾಗಕ್ಕೆ ಹೋಗಿ ಸುತ್ತಾಡಿಕೊಂಡು ಬನ್ನಿ. ನೀವು ಇಲ್ಲಿವರ್ಗೂ ಯೋಚನೆ ಮಾಡಿರದ ವಿಚಾರಗಳು ನಿಮಗೆ ಹೊಳೆಯುತ್ತೆ. ಈ ವಿಷಯಗಳು ನಿಮ್ಮ ತಲೆಗೆ ಹೋದಾಗ ನೀವು ಯೋಚನೆ ಮಾಡೋ ರೀತೀನೂ ಬದ್ಲಾಗತ್ತೆ. ಇದು ನಿಮಗೆ ಒಂಥರಾ ಖುಷಿ, ಉತ್ಸಾಹ ತುಂಬುತ್ತೆ.

ಮೂಲ

4. ನಿಮ್ಮನ್ನ ನೀವು ತೆಗಳ್ಕೊಳೋ ಬದ್ಲು ಹೊಗಳ್ಕೊಳಿ

ಸ್ವಯಂ ಟೀಕೆ ಒಂದು ಒಳ್ಳೆ ಸ್ವಭಾವಾನೆ, ಯಾಕೆ ಅಂದ್ರೆ ನಿಮ್ಮನ್ನ ನೀವು ಟೀಕೆ ಮಾಡ್ಕೊಳ್ತಾ ಇದ್ರೆ ನಿಮಗೆ ಸಿಕ್ಕ ಸಣ್ಣ ಪುಟ್ಟ ಗೆಲುವಿಗೇ ಸುಮ್ಮನಿದ್ದು ವಿಶ್ರಾಂತಿ ತೊಗೊಳಕ್ಕೆ ಅದು ಬಿಡಲ್ಲ, ಯಾವಾಗ್ಲೂ ಇನ್ನೂ ಮುಂದೆ ಸಾಗೋ ಹಾಗೆ ಮಾಡತ್ತೆ.

ಆದ್ರೆ ಬರಿ ಟೀಕೆ ಮಾಡ್ತಿದ್ರೆ ಆಗಲ್ಲ, ನೀವು ನಿಮ್ಮ ಸಾಧನೆ, ಯಶಸ್ಸಿನ ಬಗ್ಗೆ ಹೆಮ್ಮೆ ಪಟ್ಕೊಳಕ್ಕೆ ಆಗಾಗ ಹೊಗಳಿಕೇನೂ ಬೇಕು. ಇಲ್ಲ ಅಂದ್ರೆ ನಿಮ್ಮ ಸಾಧನೆ ಬಗ್ಗೆ ನಿಮಗೆ ಮೆಚ್ಚುಗೆ, ಸಮಾಧಾನ ಏನೂ ಇರಲ್ಲ.

5. ರಜಾ ಅಂತ ಹೆಚ್ಚು ಮಲ್ಕೊಳೋ ಬದ್ಲು ಬೇಗ ಎದ್ದು ವ್ಯಾಯಾಮ ಮಾಡಿ

ಬಾಕಿದಿನ ಎಲ್ಲ ಬೇಗ ಎದ್ದು ಹೋಗ್ತೀವಿ, ಇವತ್ತಾದ್ರೂ ಜಾಸ್ತಿ ಮಲಗೋಣ ಅಂತ ಮಲಗೋದು ಬಿಡಿ. ಈ ರಜಾ ದಿನದ ಅದ್ರಲ್ಲೂ ವಾರಾಂತ್ಯದ 48 ಗಂಟೆ ತುಂಬಾನೇ ಮುಖ್ಯ. ಅದು ನಿಮಗೆ ಅಂತ ಇರೋ ಟೈಮ್. ಅದರ ಉಪಯೋಗ ಸರಿಯಾಗಿ ಮಾಡ್ಕೊಳಿ.

ಮಲಗಿ ಸಮಯ ಹಾಳುಮಾಡದೆ ಬೇರೆ ದಿನ ಮಾಡಕ್ಕೆ ಆಗದಿದ್ದ ವ್ಯಾಯಾಮ ಮಾಡಿ, ಬೇಗೆ ತಿಂಡಿ ಊಟ ಮುಗಿಸಿದ್ರೆ ಸಂಜೆ ಹೊತ್ತು ನಿಮ್ಮ ಮನೆಯವರ, ಸ್ನೇಹಿತರ ಜೊತೆ ಆರಾಮಾಗಿ ಇರೋದಕ್ಕೆ ಸಮಯ ಸಿಗುತ್ತೆ. ಲೇಟಾಗಿ ಇದ್ದಷ್ಟೂ ಸಮಯ ಕಮ್ಮಿ ಸಿಗುತ್ತೆ.

ಮೂಲ

6. ಕೂಲ್ ಡ್ರಿಂಕ್ಸ್ ಬದ್ಲು ನೀರು ಕುಡಿಯೋ ಅಭ್ಯಾಸ ಮಾಡ್ಕೊಳಿ

ಇತ್ತೀಚೆಗಂತೂ ಎಲ್ಲರೂ ಈ ಕೂಲ್ ಡ್ರಿಂಕ್ಸ್ ಕುಡಿಯೋದು ಹೆಚ್ಚು. ಇದ್ರಿಂದ ಸಕ್ಕರೆ ಕಾಯಿಲೆನೂ ಬರೋದು ಹೆಚ್ಚಾಗಿದೆ. ಅಷ್ಟೇ ಅಲ್ಲ ನಿಮ್ಮ ಹಲ್ಲು ಹಾಳು ಮಾಡೋದ್ರಲ್ಲೂ ಇದು ಎತ್ತಿದ ಕೈ. ಒಂದು ಅಧ್ಯಯನದ ಪ್ರಕಾರ, ಪ್ರತಿ 10 ಜನರಲ್ಲಿ ಒಬ್ರಿಗೆ  ಈ ಕೂಲ್ ಡ್ರಿಂಕ್ಸ್ ಕುಡಿಯೋದ್ರಿಂದ ಸಕ್ಕರೆ ಕಾಯಿಲೆ ಬಾರೋ ಸಾಧ್ಯತೆ ಹೆಚ್ಚಾಗ್ತಿದೆಯಂತೆ. ಅದನ್ನ ಬಿಟ್ಟು ನೀರು ಕುಡಿಯೋ ಅಭ್ಯಾಸ ಮಾಡ್ಕೊಳಿ.

ಇದ್ರಿಂದ ನಿಮ್ಮ ಹಲ್ಲು ಚೆನ್ನಾಗಿರೋದು ಮಾತ್ರ ಅಲ್ಲ, ಚರ್ಮದ ಆರೋಗ್ಯಕ್ಕೂ ಒಳ್ಳೇದು. ಈ ಕಾರಣಗಳು ನಿಮಗೆ ಕೂಲ್ ಡ್ರಿಂಕ್ಸ್ ಬಿಡೋದಕ್ಕೆ ಸರಿಯಾದದ್ದಲ್ಲ ಅನ್ನಿಸಿದ್ರೆ, ಒಂದು ಹಲ್ಲನ್ನ ಈ ಕೂಲ್ ಡ್ರಿಂಕ್ಸ್ ಒಳಗೆ ಹಾಕಿ ಒಂದು ರಾತ್ರಿ ಇಡೀ ಇಟ್ಟು ಮರುದಿನ ನೋಡಿ, ಅದರ ಗತಿ ಏನಾಗಿರುತ್ತೆ ಅಂತ ತಿಳ್ಕೊಂಡು ಆಮೇಲೆ ನೀವೇ ನಿರ್ಧಾರ ಮಾಡ್ಕೊಳಿ.

7. ಹಿಂದೆ ಆಗಿದ್ದನ್ನ ನೆನಸ್ಕೊಂಡು ಕೊರಗೋ ಬದ್ಲು ಮುಂದೆ ಏನ್ ಮಾಡ್ಬೋದು ಅಂತ ಪ್ಲಾನ್ ಮಾಡಿ

ಹಿಂದಿನ ನೆನಪುಗಳು ಎಷ್ಟೇ ನಮಗೆ ಖುಷಿ ಕೊಡುವಂತದ್ದಾಗಿದ್ರೂ ಅದ್ರಲ್ಲೇ ಮುಳಿಗಿರಬಾರ್ದು. ಅದು ಮುಗಿದು ಹೋಗಿರೋ ಕ್ಷಣ. ಇದು ಕೆಟ್ಟ ನೆನಪುಗಳಿಗೂ ಅನ್ವಯಿಸತ್ತೆ.

ನೀವು ನಿಮ್ಮ ಮುಂದಿನ ಗುರಿ ಏನು ಅಂತ ನಿರ್ಧಾರ ಮಾಡಿದ ಮೇಲೆ ನಿಮ್ಮ ಹಿಂದಿನ ನೆನಪುಗಳ ಬಗ್ಗೆ ಯೋಚ್ನೆ ಮಾಡೋದು ಕಮ್ಮಿ ಆಗುತ್ತೆ. ಎಲ್ಲಿ ವರೆಗೂ ನಾವು, ಹಿಂದೆ ಆಗಿದ್ರ ಬಗ್ಗೆ ತಲೆ ಕೆಡಿಸ್ಕೊತಿರ್ತೀವೋ , ಆಗ ನಮ್ಮ ಭವಿಷ್ಯ ಕಳೆದು ಹೋಗುತ್ತೆ. 

ಮೂಲ

8. ನನ್ನ್ ಕೈಯ್ಯಲ್ಲಿ ಏನೂ ಸಾಧಿಸಕ್ಕಾಗಲ್ಲ ಅಂತ ಕೈ ಚಲ್ಲೋ ಬದ್ಲು ಒಂದು ಕೊನೆ ಸರ್ತಿ ಪ್ರಯತ್ನ ಮಾಡಿ

ವಯಸ್ಸಾದಷ್ಟೂ ಕನಸುಗಳನ್ನ, ನಮ್ಮ ಗುರಿಗಳನ್ನ ಸಾಧಿಸಕ್ಕಾಗಲ್ಲ ಅಂತ ಕೈ ಬಿಡೋದೇ ಹೆಚ್ಚು. ಹೀಗೆ ನಮ್ಮ ಕನಸನ್ನ ಬಿಡೋ ಬದಲು ಯಾವುದಾದ್ರೂ ಸುಲಭವಾಗಿ ಸಾಧಿಸಬಹುದಾದ ಮೈಲಿಗಲ್ಲಿನ ಬಗ್ಗೆ ಯೋಚಿಸಿ. ಇಂತ ಕನಸಿನ, ಗುರಿ ಬಗ್ಗೆ ಯೋಚಿಸಿ, ಅದನ್ನ ಸಾಧಿಸಕ್ಕೆ ತುಂಬಾ ಹತ್ತಿರ ಹೋಗ್ತಿದ್ದೀವಿ ಅನ್ನಿಸದಾಗ ನಿಮಗೆ ತುಂಬಾನೇ ಖುಷಿ ಸಿಗುತ್ತೆ. ಮಕ್ಕಳು ಏನಾದ್ರು ಸಾಧನೆ ಮಾಡಿದಾಗ ಖುಷಿ ಪಡ್ತಾರಲ್ಲ ಆ ರೀತಿಯ ಖುಷಿ, ಸಮಾಧಾನ ಸಿಗುತ್ತೆ.

9. ಯಾವಾಗ್ಲೂ ಡಯೆಟ್ಟು ಅಂತ ತಲೆ ಕೆಡಿಸ್ಕೊಳೋ ಬದ್ಲು ಒಂದೊಂದ್ಸರ್ತಿ ರುಚಿಯಾಗಿರೋ ಊಟ ತಿಂಡಿ ತಿನ್ನಿ

ಪ್ರತಿಯೊಬ್ಬರ ಜೀವನದಲ್ಲೂ ಊಟ ತಿಂಡಿಗೆ ತಮ್ಮದೇ ಆದ ಪದ್ಧತಿ ಇರುತ್ತೆ. ಅದ್ರಲ್ಲೂ ನಮ್ಮ ದೇಹಕ್ಕೆ, ಆರೋಗ್ಯಕ್ಕೆ ಸರಿ ಹೊಂದೋ ಡಯಟ್ ಊಟ ತಿಂಡೀನ ಇಷ್ಟ ಇಲ್ಲ ಅಂದ್ರೂ ಬಲವಂತವಾಗಿ ತಿನ್ತಿರ್ತೀವಿ.

ಇದೆಲ್ಲ ಇದ್ದಿದ್ದೇ, ಆಗಾಗ ನಿಮಗಿಷ್ಟ ಆಗೋ ಸ್ವೀಟ್, ಐಸ್ ಕ್ರೀಮ್, ಪಿಜ್ಜಾ, ಬರ್ಗರ್ ಎಲ್ಲಾನೂ ತಿನ್ನಿ, ಆದ್ರೆ ಆಮೇಲೆ ಸರಿಯಾಗಿ ವ್ಯಾಯಾಮ ಮಾಡೋದನ್ನ ಮರೀಬೇಡಿ.

ಮೂಲ

10. ಯಾವಾಗ್ಲೂ ಕುಂಟ ನೆಪ ಕೊಡೋ ಬದ್ಲು ತಪ್ಪಾಗಿದ್ರೆ ಪ್ರಾಮಾಣಿಕವಾಗಿ ಒಪ್ಕೊಳಿ

ಪ್ರಾಮಾಣಿಕತೆ ಒಳ್ಳೇದು ಅಲ್ವ? ಕೆಲವೊಂದು ಸಲ ಅದು ನಿಮಗೆ ನೋವನ್ನೂ ಕೊಡಬಹುದು, ಆದ್ರೆ ನಿಮ್ಮಲ್ಲಿ ಬದಲಾವಣೆ ಬರ್ಬೇಕು, ನೀವು ಸುಧಾರಿಸ ಬೇಕು ಅಂದ್ರೆ ನೀವು ಪ್ರಾಮಾಣಿಕವಾಗಿರ್ಬೇಕು. ನೀವು ಪ್ರಾಮಾಣಿಕವಾಗಿರಕ್ಕೆ ಶುರು ಮಾಡಿದ್ರೆ, ನಿಮ್ಮ ಸಾಮರ್ಥ್ಯನೂ ಹೆಚ್ಚಾಗುತ್ತೆ. ಇದನ್ನ ತಿಳ್ಕೊಳೋ ಒಳ್ಳೆ ಸುಲಭ ವಿಧಾನ ಅಂದ್ರೆ ನೀವು ಪ್ರತಿಯೊಂದು ಕೆಲಸ ಮುಗಿಸಿದಾಗಲೂ ನೀವು ಮಾಡಿರೋ ಪ್ರಯತ್ನದ ಬಗ್ಗೆ ಪ್ರಶ್ನೆ ಮಾಡ್ಕೊಳಿ. ನೀವು ಯಾವುದಾದ್ರೂ ಪ್ರಾಜೆಕ್ಟ್ ಗೆ ಕೆಲಸ ಮಾಡ್ತಾ ಇದ್ರೆ, ನಿಮ್ಮ ಜೊತೇಲಿರೋ ಕೆಲಸಗಾರರಿಂದ ನಿಮ್ಮ ಸುಧಾರಣೆ ಬಗ್ಗೆ ತಿಳ್ಕೊಳಿ.

ಈ ಸಣ್ಣಪುಟ್ಟ ಬದಲಾವಣೆಗಳನ್ನ ಮಾಡ್ಕೊಂಡ್ರೆ ನಮ್ಮ ಜೀವನ ಬದಲಾಗೋದ್ರಲ್ಲಿ ಯಾವುದೇ ಅನುಮಾನ ಇಲ್ಲ!

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: