ಗೊತ್ತಿದ್ದೋ ಗೊತ್ತಿಲ್ಲದೇನೋ ಈ 9 ಸುಳ್ಳು ನಿಮಗೆ ನೀವೇ ಹೇಳ್ಕೋತಿದ್ರೆ ಮೊದ್ಲು ಬಿಟ್ಟುಬಿಡಿ, ಒಳ್ಳೇದು

"ಅವಳು ಸಿಕ್ಕರೆ ಮಾತ್ರ ನಾನು ಖುಷಿಯಾಗಿರಕ್ಕೆ ಸಾಧ್ಯ"

ಜೀವನಾನೆ ಒಂತರಾ ಉಲ್ಟಾ ಪಲ್ಟಾ, ನಂಬೇಕಾದನ್ನೆ ನಂಬಿರಲ್ಲ ಯಾವ್ದೋ ಹಳಸಿಹೋಗಿರೊ ಸುಳ್ನ್ ನಂಬ್ತೀವಿ. ಇಲ್ಲಿ ಕೆಳಗಡೆ ಸುಳ್ಳನ್ನ ಕೊಟ್ಟಿದೀವಿ ಅದನ್ನ ಇಲ್ಲಿತಂಕ ನಂಬುತ ಬಂದಿದೀರ ಆದ್ರೆ ಇನ್ಮುಂದೆ ನಂಬೇಡಿ.

1. "ನನಗೆ ಅವಳು/ಅವನು ಸಿಕ್ಕರೆ ಮಾತ್ರ ಖುಷಿಯಾಗಿರಕ್ಕೆ ಸಾಧ್ಯ"

ಯಾರಾದರೂ ಲವ್ ಮಾಡಿದಾರೆ ಅಂದ ತಕ್ಷಣ ಅವರು ಖುಷ್ಯಾಗಿದಾರೆ ಅಂತ ಅಲ್ಲ. ಮನ್ಸಿಗೆ ನೆಮ್ಮದಿ ಇಲ್ಲದಿರೋ ಸಂಬಂಧಕ್ಕಿಂತ ಆರಾಮಾಗಿ ಒಬ್ನೇ ಇರೋದೇ ವಾಸಿ. ಮೊದ್ಲು ನೀವು ನಿಮ್ಮಲ್ಲಿ ನಿಮ್ಮನ್ನ ಹುಡುಕ್ಕೊಳಿ. ಸಂಬಂಧ ಹಳಸಿಹೋದಾಗ್ಲೂ ನೀವು ಆರಾಮಾಗಿರೋದು ಹೇಗೆ ಅಂತ ಗೊತ್ತಾಗತ್ತೆ.

ಮೂಲ

2. "ನನಗೆ ಇಷ್ಟವಾದ್ದು ಸಿಕ್ಕರೆ ಮಾತ್ರ ನಾನು ಖುಷಿಯಾಗಿರಕ್ಕೆ ಸಾಧ್ಯ"

ಖುಷಿಯಾಗಿರಕ್ಕೆ ನಮ್ಮ ಆಸೆಪಟ್ಟಿದೆಲ್ಲಾ ಸಿಗ್ಬೇಕು ಅಂತೇನಿಲ್ಲ. ಎಷ್ಟೋ ಸತಿ ಏನೋ ದೊಡ್ಡದನ್ನಾ ಪಡ್ಕೊಳಕ್ ಹೋಗಿ ನಮಗೆ ಸಿಗೋ ಚಿಕ್ಕ ಚಿಕ್ಕ ಖುಶಿನಾ ಕಳ್ಕೋತೀವಿ. ಜೀವನಾನೆ ಹಂಗೆ ತಲಪೋ ಜಾಗಕ್ಕಿಂತ ಹೋಗೋ ದಾರೀಲೆ ಖುಷಿ ಪಡ್ಬೇಕು. ಪ್ರತಿಕ್ಷಣಾನು ಖುಷಿ ಪಡಿ. ಇಲ್ಲದೆ ಇರೋದ್ರುಬಗ್ಗೆ ಕೋರ್ಗದಕ್ಕಿಂತ ಇರೋದ್ರಲ್ಲಿ ಖುಷಿಯಾಗಿರಿ. ಇವತ್ತಿನ ದಿನ ಬೇಕು ಅಂದ್ರು ಮತ್ತೆ ಸಿಗಲ್ಲ.

ಮೂಲ

3. "ಕಣ್ಣಿಗೆ ಕಾಣಿಸಿದರೆ ಮಾತ್ರ ನೋವಿದೆ ಅಂತ ಅರ್ಥ"

ಇದ್ರಂತ ದೊಡ್ಡ್ ಸುಳ್ಳು ಮತ್ತೊಂದಿಲ್ಲ. ನೋವ್ವು ಅಂದ್ರೆ ಬರಿ ಗಾಯ ಆಗತ್ತೆ, ಅಳ್ತಾ ಇರ್ಬೇಕು ಅಂತ ಅಲ್ಲ. ಎಷ್ಟೋ ಜನ ಸಿಕ್ಕಾಪಟ್ಟೆ ನೊವ್ವ್ ತಿಂತಿದ್ರು ಎದ್ರುಗಡೆ ನಗ್ತಾ ನಗ್ತಾ ಇರ್ತಾರೆ. ನಿಜ್ವಾದ್ ನೋವ್ವು ಯಾವತ್ತೂ ಕಣ್ಣಿಗೆ ಸುಲಭವಾಗಿ ಕಾಣ್ಸಲ್ಲ. ಯಾರನ್ನು ಅವ್ರ್ ಹಿಂಗೇ ಇವ್ರ್ ಹಿಂಗೇ ಅಂತ ಬರಿ ನೋಡಿ ನಿರ್ಧಾರ ಮಾಡ್ಬೇಡಿ. ಅಷ್ಟೊಂದ್ ಪುರ್ಸೊತ್ತಿದ್ರೆ ಬೇರೆ ಯಾವ್ದಾದ್ರು ಒಳ್ಳೆ ಕೆಲ್ಸಕ್ಕೆ ಸಮಯ ಉಪಯೋಗುಸ್ಕೊಳಿ 

ಮೂಲ

4. "ಜೀವನದಲ್ಲಿ ಇಂತಿಂಥದ್ದು ಆಗಬೇಕು, ಇಲ್ಲದಿದ್ದರೆ ಅದು ಜೀವನವೇ ಅಲ್ಲ"

ಇದಂತೂ ತುಂಬಾ ಕೆಟ್ಟ ಚಾಳಿ. ಜೇವ್ನ ಹಿಂಗೇ ಇರ್ಬೇಕು ಅಂತ ಅದೆಂಗ್ ಅನ್ಕೋತೀರಾ. ಏನೋ ಆಗತ್ತೆ, ಹಿಂಗೇ ಇರತ್ತೆ ಅಂತ ಅಂದ್ಕೊಳದು ಹಂಗಾಗದೆ ಇದ್ದಾಗ ಬೇಜಾರ್ ಮಾಡ್ಕೊಳದು. ಜೀವನ ಯಾವತ್ತೂ ಅನ್ಕೊಂಡಂಗಿರಲ್ಲ. ಅದು ಬಂದಂಗೆ ನಾವ್ ನಡೀಬೇಕು ಅಂತ ತಿಳ್ಕೊಳಿ. ನಾವ್ ಹೆಂಗ್ ಯೋಚ್ನೆ ಮಾಡ್ತೀವಿ ಹಂಗಿರತ್ತೆ. ಸ್ವಲ್ಪ ಜನ ಬಾಗ್ಲು ಅರ್ಧ ಮುಚ್ಚಿದೆ ಅಂತಾರೆ ಸ್ವಲ್ಪ ಜನ ಬಾಗ್ಲು ಅರ್ಧ ತೆಗ್ದಿದೆ ಅಂತಾರೆ. ನಿಮ್ಮ್ ಜೀವನ ನಿಮ್ಮ ಅನಿಸಿಕೆ. ಹಿಂಗೇ ಇರತ್ತೆ ಹಂಗೆ ಇರತ್ತೆ ಅನ್ನೋದೆಲ್ಲ ಸುಳ್ಳು.

ಮೂಲ

5. "ನಾನು ಅವರ ತರಹ ಇರ್ಬೇಕು"

ಯಾಕೆ ಅಂತ ಪ್ರಶ್ನೆ ಮಾಡ್ಕೊಳಿ, ನೀವು ಇನ್ನೊಬ್ರು ತಾರಾ ಯಾಕಿರಬೇಕು, ನೀವು ಆ ಥರ ಇರ್ಬೇಕು ಅಂತ ಅನ್ಕೊಂಡು ಇರಕ್ಕೆ ಆಗ್ದೇ ಇದ್ರೆ ತುಂಬಾ ನೋವ್ವಗತ್ತೆ. ನೆಮ್ಮದಿ ಹಾಳಾಗತ್ತೆ. ನೀವು ನೀವಾಗಿರಿ ಇನ್ಯಾರತರಾನೋ ಇರ್ಬೇಡಿ.

ಮೂಲ

6. "ಕೆಲವರು ಪುಣ್ಯ ಮಾಡಿರೋರು ಮಾತ್ರ ಚೆನ್ನಾಗಿ ಜೀವನ ಮಾಡ್ತಾರೆ"

ಯಾರಬೇಕಾದ್ರು ಚೆನಾಗ್ ಜೀವನ ಮಾಡಬೋದು ಅನ್ನೋದನ್ನ ತಿಳ್ಕೊಳಿ. ಒಂದ್ಕೆಲ್ಸ ಮಾಡಿ ಪ್ರತಿ ದಿನ ಎದ್ದ್ ತಕ್ಷಣ ಇವತ್ತಿನ ದಿನ ಸಖತ್ತಾಗಿರತ್ತೆ ಅಂತ ಹೇಳೋದನ್ನ ರೂಡಿ ಮಾಡ್ಕೊಳಿ, ಒಂದು ತಿಂಗಳಾದ್ಮೇಲೆ ಹಿಂದೆ ತಿರುಗ್ನೋಡಿ ಎಷ್ಟು ಸುಂದರವಾಗಿ ಜೀವನ ಮಾಡಿದೀರಾ ಅಂತ ನಿಮಗೆ ಆಶ್ಚರ್ಯ ಆಗತ್ತೆ.

7. "ಕಷ್ಟಗಳು ಇಲ್ಲದಿದ್ದರೇನೇ ಒಳ್ಳೇದು"

ಇದು ಶುದ್ಧ ಸುಳ್ಳು. ಎಷ್ಟೋ ಸತಿ ಸರಿಯಾದದ್ದು ಏನು ಅಂತ ತಿಳ್ಕೊಳಕ್ಕೆ ತಪ್ಪು ಮಾಡ್ಬೇಕಾಗತ್ತೆ. ಕಷ್ಟ ಇದ್ರೆ ಮಾತ್ರ ಸುಳ್ಳಿನ ಬೆಲೆ ಗೊತ್ತಾಗದು. ನೀರಿಗೆ ಬೀಳ್ದೆ ಈಜ್ ಕಲ್ಯಕ್ಕಾಗಲ್ಲ. ಕೆಲವೊಮ್ಮೆ ಖುಷಿ ಅನ್ನೋದನ್ನ ಅರ್ಥ ಮಾಡ್ಕೊಳಕ್ಕೆ ನೋವ್ವನ್ನ ಪಡಲೇಬೇಕಾಗತ್ತೆ. ಗೆಲ್ಲೋದ್ರು ಮಜಾ ಸೋತವನಿಗೆ ಮಾತ್ರ ಗೊತ್ತಾಗದು. ಕಷ್ಟ ಅನ್ನೋದು ಜೀವನ ಕಲಸೋ ಒಳ್ಳೆ ಪಾಠ. ಯಾವತ್ತಿಗೂ ಈ ಪಾಠ ಬಿಟ್ಟೋಗ್ಬಾರ್ದು. ನೋವನ್ನ ನುಂಗಿ, ಕಷ್ಟಾನಾ ಎದುರಿಸಿ ಗಟ್ಟಿಯಾಗಿ ನಿಲ್ಲೋನೆ ನಿಜ್ವಾಗ್ಲೂ ಗೆಲ್ಲೋದು.

ಮೂಲ

8. "ಪಾರದರ್ಶಕವಾಗಿ ಇರೋದಕ್ಕಿಂತ ಒಳಗೊಂದು ಹೊರಗೊಂದು ಇದ್ದರೇ ಒಳ್ಳೇದು"

ನಿಜ್ವಾಗ್ಲೂ ಇದು ಕಷ್ಟಾನೇ. ನೀವು ಐ ಲವ್ ಯು ಅಂತ ಹೇಳಿ ಪ್ರೀತಿ ಮಾಡ್ದೆ ಇದ್ರೆ ಗೊತ್ತಾಗೋಗತ್ತೆ. ಆದ್ರೆ ನಿಜ್ವಾಗ್ಲೂ ಮನಸಲ್ಲಿ ಏನ್ ಅನ್ಕೊಂಡಿರ್ತೀರಿ ಅದನ್ನ ಹೇಳೋದೇ ಬೇಕಿಲ್ಲ ತಾನಾಗ್ತಾನೆ ಎದ್ರುಗಿರೋ ವ್ಯಕ್ತಿಗೆ ಗೊತ್ತಾಗಿರತ್ತೆ. ಮಾತಿಗಿಂತ ಮುಂಚೆ ಮನಸ್ಸಿಗೆ ಗೊತ್ತಾಗಿರತ್ತೆ. ಮೋಸ ಮಾಡ್ದೆ ಅಂತ ನೀವ್ ಅನ್ಕೊಂಡ್ರು ನೀವ್ ಏನು ಅಂತ ಗೊತ್ತಾಗಾಗಿರತ್ತೆ .

9. "ಕನಸು ಕಾಣೋದರಿಂದ ಉಪಯೋಗ ಇಲ್ಲ"

ಕನಸು ಯಾವತ್ತೂ ಟೈಮ್ ಹಾಳುಮಾಡಲ್ಲ. ಕನಸಿಂದ ಏನೋ ಒಂದು ಖುಷಿ, ಕಣ್ಣಿಗೆ ಕಾಣಿಸದೆ ಇದ್ರೂ ಏನೋ ಮಜಾ, ಇದನ್ನ ಮಾಡ್ಬೇಕು ಅನ್ನೋ ಛಲ ಇವೆಲ್ಲ ನಮಗೆ ಸಿಗತ್ತೆ. ಜಾಸ್ತಿ ಹೊತ್ತೇನೂ ಕನಸ್ಸು ಬೀಳಲ್ಲ ಆದ್ರೆ ಆ ಕೆಲವು ಕ್ಷಣ ಯಾವತ್ತೂ ಅದ್ಭುತಾನೆ. ಆದ್ರೆ ನಾವ್ ಏನಾದ್ರೂ ದೊಡ್ಡದಾಗಿ ಯೋಚ್ನೆ ಮಾಡುದ್ರೆ ಅದನ್ನ ಕನಸಲ್ಲಿ ಕಂಡು ಸಾಧಿಸೋ ಛಲ ಬಂದೆ ಬರತ್ತೆ. 

ಮೂಲ

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಮೆಚ್ಚಿನ ಅಂತೆಕಂತೆ ಈಗ YouTube ನಲ್ಲಿ

ಈ ಬಟನ್ ಒತ್ತಿ subscribe ಮಾಡಿಕೊಳ್ಳಿ:
 

ದೇವರು ನನಗ್ಯಾಕೆ ಇಷ್ಟು ಕಷ್ಟ ಕೊಟ್ಟಿದಾನೆ ಅನ್ನಿಸಿದಾಗ ಈ 22 ಸತ್ಯಗಳ್ನ ನೆನಪು ಮಾಡ್ಕೊಳಿ

ಕಷ್ಟ ಯಾವತ್ತೂ ಕ್ಷಣಿಕ ಕಣ್ರೀ

ಕಷ್ಟ ಬಂದಾಗ ವೆಂಕಟರಮಣನ ಹತ್ತಿರ ಹೋಗೋದು ಇದ್ದೇ ಇದೆ. ಅದರ ಜೊತೆಗೆ ನೀವು ಯೋಚನೆ ಮಾಡೋ ದಿಕ್ಕು ಕೂಡ ಬದಲಾಗಬೇಕಿದೆ. ಕೆಳಗೆ ಕೊಟ್ಟಿರೋ 21 ಪಾಯಿಂಟ್ಗಳ್ನ ನೆನಪಿಡಿ, ಆಗ ನಿಮ್ಮ ಕಷ್ಟ ಕಡಿಮೆ ಆಗೋದ್ರಲ್ಲಿ ಸಂದೇಹ ಇಲ್ಲ:

1. ನಿಮ್ಮನ್ನ ನೀವು ಬದಲಾಯಿಸಿಕೋಬೋದು. ನಿಮ್ಮ ಜೀವನದಲ್ಲಿ... ನಿಮ್ಮ ವ್ಯಕ್ತಿತ್ವದಲ್ಲಿ... ನಿಮಗೆ ಇಷ್ಟವಿಲ್ಲದಿರೋದು ಏನೇನಿದೆಯೋ ಅದರಲ್ಲಿ ಪ್ರತಿಯೊಂದನ್ನೂ ಬದಲಾಯಿಸ್ಕೋಬೋದು.

ಎಷ್ಟೋ ಸಲ ಪ್ರಪಂಚ ನಮಗೆ ಕೊಡೋ ಸಂದೇಶಾನೇ ಬೇರೆ. ನೀನು ಇರೋದೇ ಹೀಗೆ, ನೀನು ಉದ್ಧಾರ ಆಗಲ್ಲ ಅಂತೆಲ್ಲ ಹೇಳ್ತಾ ಇರುತ್ತೆ. ಆದರೆ ಅದೆಲ್ಲ ಸುಳ್ಳು. ನೀವು ಮನಸ್ಸು ಮಾಡಿದರೆ ನಿಮ್ಮನ್ನ ನೀವು ಬದಲಾಯಿಸಿಕೋಬೋದು. ಆದರೆ ಅದಕ್ಕೆ ಮೊದಲಾಗಿ ನಿಮಗೆ ಏನ್ ಬದಲಾಗಬೇಕು ಅನ್ನೋದು ಗೊತ್ತಿರಬೇಕು. ಅದರ ಬಗ್ಗೆ ಸರಿಯಾಗಿ ಯೋಚನೆ ಮಾಡುದ್ರೆ ಹೇಗೆ ಬದಲಾಯಿಸಿಕೋಬೇಕು ಅನ್ನೋದೂ ಸುಲಭವಾಗಿ ನಿಮಗೇ ಅರ್ಥ ಆಗುತ್ತೆ.

2. ನೀವು ಸಂತೋಷವನ್ನ ನಿಮ್ಮ ನೆನ್ನೆಗಳಲ್ಲಿ ಅಥವಾ ನಾಳೆಗಳಲ್ಲಿ ಹುಡುಕಬೇಕಾಗಿಲ್ಲ. ಅದು ಈ ಕ್ಷಣದಲ್ಲೇ ಇದೆ.

ಇದನ್ನಂತೂ ಬಹಳ ಕೇಳಿರ್ತೀರಿ. ಅದರೆ ಇದು ನೂರಕ್ಕೆ ನೂರು ನಿಜ. ಸಂತೋಷ ಅನ್ನೋದು ಒಂದು ಮನಃಸ್ಥಿತಿ ಅಷ್ಟೇ. ಸಂತೋಷವಾಗಿದೀನಿ ಅನ್ಕೊಂಡ್ರೆ ಇದೀರಿ, ಇಲ್ಲ ಅನ್ಕೊಂಡ್ರೆ ಇಲ್ಲ. ನಿಮ್ಮ ಸುತ್ತ ಮುತ್ತ ತಿರುಗಿ ನೋಡಿ, ಅದರಲ್ಲೆಲ್ಲ ಸಂತೋಷ ಅಡಗಿದೆ. ನಿಮ್ಮೊಳಗೆ ನೀವೇ ಇಣುಕಿ ನೋಡಿ, ಅಲ್ಲೂ ಅಡಗಿದೆ.

3. ನಿಮಗೆ ಗೊತ್ತಿಲ್ಲದೆ ನಿಮ್ಮಿಂದ ಸ್ಫೂರ್ತಿ ಪಡ್ಕೊಂಡೋರು ಕೂಡ ಇರ್ತಾರೆ.

ನೀವು ಅನ್ಕೊಂಡಿರಬಹುದು, ನೀವು ಪೂರ್ತಿ ವೇಸ್ಟು ಅಂತ. ಆದರೆ ಹಾಗೇನಿಲ್ಲ. ನಿಮ್ಮ ಈ ಉಪಯೋಗವಿಲ್ಲದ ಚಿಂತನೆಯ ಸುಳಿಯಲ್ಲಿ ಸಿಕ್ಕಿಕೊಂಡು ನಿಮಗೇನೇ ನಿಮ್ಮಲ್ಲಿರೋ ಒಳ್ಳೆ ಗುಣಗಳು ಕಾಣಿಸ್ತಾ ಇರಲ್ಲ, ಅಷ್ಟೇ. ಅದು ಬೇರೆಯವರಿಗೆ ಕಾಣಿಸ್ತಾ ಇರುತ್ತೆ. ಉದಾಹರಣೆಗೆ ನೀವು ಬಹಳ ವಿನಯದಿಂದ ನಡ್ಕೋತಾ ಇರಬಹುದು. ಆ ವಿನಯವನ್ನ ಜನ ಗಮನಿಸದೆ ಇರೋದಿಲ್ಲ. ಅದು ನನಗೂ ಇದ್ದರೆ ಒಳ್ಳೇದು ಅಂತ ಅನ್ಕೊಳೋರೂ ಇರ್ತಾರೆ.

4. ಕಷ್ಟ ಪಡೋದ್ರಿಂದ ನೀವು ಇನ್ನಷ್ಟು ಗಟ್ಟಿ ಆಗ್ತೀರಿ.

ಬೆಟ್ಟ ಹತ್ತೋದ್ರಿಂದ ಕೈಕಾಲು ಗಟ್ಟಿ ಆಗುತ್ತೆ. ಕಷ್ಟ ಅಂತ ಸುಮ್ನೆ ಕೂತಿದ್ದರೆ ಆಗುತ್ತಾ? ಆದ್ದರಿಂದ ಪಡಬೇಕು ಕಣ್ರೀ, ಕಷ್ಟ ಪಡಬೇಕು. ಪೂರ್ತಿ ಸುಖದಲ್ಲೆ‌ ಬೆಳೆದೋರು ಕಷ್ಟದಲ್ಲಿ ಬೆಳದೋರಷ್ಟು ಗಟ್ಟಿ ಅಲ್ಲ.

5. ನೀವು ಮಾಡಿರೋ ತಪ್ಪುಗಳಿಗೆ ಇನ್ನೊಂದು ಹೆಸರಿದೆ: "ಅನುಭವ". ತಪ್ಪುಗಳು 'ಏನ್ ಮಾಡಬಾರದು' ಅಂತ ಹೇಳಿ ಕೊಡುತ್ತವೆ ತಾನೆ? ಆದ್ದರಿಂದ ತಪ್ಪು ಒಂಥರಾ ಗುರು ಇದ್ದಂಗೆ!

ಅಯ್ಯೋ... ಜೀವನದಲ್ಲಿ ತಪ್ಪಾಗಿ ಹೋಗಿದೆ ಅಂತ ತಲೆ ಮೇಲೆ ಕೈ ಕಟ್ಟಿ  ಕೂತ್ಕೊಂಡ್ರೆ ಏನ್ ಉಪಯೋಗ? ಅದರಿಂದ ಕಲಿಯೋದು ಕಲೀರಿ, ಆ ತಪ್ಪಿಗೆ "ನಮಸ್ಕಾರ ಗುರುವೇ" ಅಂತ ಹೇಳಿ ಮುಂದಿನ ದಾರಿ ನೋಡಿ.

6. ನಿಮ್ಮ ಜೀವನದ ದಿಕ್ಕನ್ನೇ ಬದಲಾಯಿಸಿಬಿಡುವಂಥ ವ್ಯಕ್ತಿಯೊಬ್ಬ ನಿಮಗೆ ಯಾವಾಗ ಬೇಕಾದರೂ ಸಿಗಬಹುದು

ಆ ವ್ಯಕ್ತೀನ ನೀವು ಇಲ್ಲೀವರೆಗೆ ಭೇಟಿ ಮಾಡಿಲ್ಲ, ಅಷ್ಟೇ. ಅಥವಾ ಭೇಟಿ ಮಾಡಿದ್ದರೂ ಫಿಲಮ್ಮಲ್ಲಿ ತೋರಿಸೋ ಹಾಗೆ ನಿಮಗೆ ಗೊತ್ತಾಗಿಲ್ಲ, ಅಷ್ಟೇ. ನಿಮ್ಮ ಕಣ್ಣು ಬಿಟ್ಟಿದ್ದರೆ ಇವತ್ತಲ್ಲ ನಾಳೆ ಆ ವ್ಯಕ್ತಿ ಸಿಕ್ಕೇ ಸಿಗ್ತಾನೆ/ಳೆ.

7. ಈಗ ನೀವು ಎಷ್ಟೇ ಕಷ್ಟದಲ್ಲಿದ್ದರೂ... ಎಷ್ಟೇ‌ ನೋವು ಅನುಭವಿಸ್ತಾ ಇದ್ದರೂ... ಇಷ್ಟು ಮಾತ್ರ ನೆನಪಿಡಿ: ಪರಿಸ್ಥಿತಿ ಇನ್ನೂ ಕೆಟ್ಟದಾಗಿರಬಹುದಿತ್ತು! ಅಷ್ಟೇ ಅಲ್ಲ, ನೀವು ಪಡ್ತಿರೋ ಕಷ್ಟ ಶಾಶ್ವತವೇನಲ್ಲ.

ಸುಖ, ದುಃಖ ಎರಡೂ ಇದ್ದು ಹೋಗುವಂಥದ್ದು. ಆದ್ದರಿಂದ ಕಷ್ಟದಲ್ಲಿದೀನಿ, ನೋವು ಅನುಭವಿಸ್ತಾ ಇದೀನಿ ಅಂತ ತುಂಬಾ ನೊಂದುಕೊಬೇಡಿ. ಉದಾಹರಣೆಗೆ... ಆಕ್ಸಿಡೆಂಟ್ ಆಗಿ ಕಾಲು ಮುರಿದಿದ್ದರೆ ಇನ್ನೂ ದೊಡ್ಡ ಅನಾಹುತ ತಪ್ಪಿದೆ ಅಂತ ಸಂತೋಷವಾಗಿರಿ. 2 ತಿಂಗಳಲ್ಲಿ ನಡೆಯೋ ಹಾಗೆ ಆಗುತ್ತೆ ಅಂತ ಡಾಕ್ಟರ್ ಹೇಳಿದರೆ ಸಂತೋಷ ಪಡಿ.

8. ವಯಸ್ಸು, ಜಾತಿ, ಧರ್ಮ, ಲಿಂಗ, ನೋಟ, ದುಡ್ಡು, ನಿಮ್ಮ ಡಿಗ್ರೀ... ಇದ್ಯಾವುದೂ ಮುಖ್ಯವಲ್ಲ. ನೀವು ಮಾಡೋ ಕೆಲಸ, ನಿಮ್ಮ ಮೇಲೆ ನಿಮಗಿರೋ ನಂಬಿಕೆ - ಇವೆರಡೇ ಮುಖ್ಯ.

ನಿಮ್ಮ ಕೆಲಸಾನೇ ಮುಖ್ಯ ಕಣ್ರೀ. ಇವತ್ತಿಂದ ಸರಿಯಾಗಿ ದುಡಿಯೋ ಛಲ ನಿಮಗಿದ್ದರೆ, ನಿಮ್ಮ ಮೇಲೆ ನಿಮಗೆ ನಂಬಿಕೆ ಇದ್ದರೆ ನಿಮ್ಮ ವಯಸ್ಸು ಜಾತಿ ಗೀತಿ ಎಲ್ಲಾ ಅಷ್ಟು ಮುಖ್ಯ ಅಲ್ಲ.

9. ಇವತ್ತು ತೀರಾ ಕಷ್ಟ ಅನ್ನಿಸ್ತಾ ಇದ್ರೆ ನೆನಪಿಡಿ: ನಾಳೆ ಅನ್ನೋದೂ ಇದೆ. ಕಾಯಿರಿ.

ಎಷ್ಟೋ ಸಮಸ್ಯೆಗಳು ತಮ್ಮಷ್ಟಕ್ಕೆ ತಾವೇ ಸ್ವಲ್ಪ ಸಮಯ ಕೊಟ್ಟರೆ ಮಾಯ ಆಗೋಗ್ತವೆ. ಸ್ವಲ್ಪ ತಾಳ್ಮೆ ಇರಲಿ. ಎಲ್ಲಾ ಇವತ್ತೇ ಸರಿಯಾಗ್ಬೇಕು ಅಂತ ಯಾಕ್ ಅನ್ಕೋತೀರಿ?

10. ನಿಮಗೆ ಗೊತ್ತಿಲ್ಲದೆ ನಿಮ್ಮ ತರಹ ಅದು ಮಾಡಬೇಕು, ಇದು ಮಾಡಬೇಕು, ನಿಮ್ಮ ತರಹ ಇರಬೇಕು ಅನ್ಕೊಳೋರಿರ್ತಾರೆ.

ಹೌದು ಕಣ್ರೀ, ನೀವು ಒಂಥರಾ ರೋಲ್ ಮಾಡೆಲ್ಲು. ನಿಮಗೂ ಒಳ್ಳೇ ಅಭ್ಯಾಸಗಳಿವೆ. ನಿಮ್ಮಿಂದಾನೂ ಜನ ಕಲೀತಾರೆ. ಬೇಕಾದರೆ ನೀವೇ ಕೂತ್ಕೊಂದು ಲೆಕ್ಕ ಹಾಕಬಹುದು, ಯಾರ್ಯಾರು ಅಂತ.

11. ನೀವು ಯಾವುದರ ಬಗ್ಗೆ ಯೋಚ್ನೆ ಮಾಡ್ತೀರೋ ಅದು ನಿಮ್ಮ ಜೀವನಕ್ಕೆ ಹರ್ಕೊಂಡ್ ಬರುತ್ತೆ. ಆದ್ದರಿಂದ ಯಾವಾಗಲೂ ಒಳ್ಳೇ ಯೋಚನೆ ಮಾಡಿ.

ಇದೊಂದು ವಿಚಿತ್ರವಾದ ಸತ್ಯ. "ಅಸ್ತು ದೇವತೆಗಳು" ಅಂತ ಇರ್ತಾರೆ ಅಂತಾರೆ. ಅವರು ಎಲ್ಲಾದಕ್ಕೂ "ಆಸ್ತು, ಅಸ್ತು" ಅಂತಿರ್ತಾರಂತೆ ಅಂತ ನೀವು ಕೇಳಿರಬಹುದು. ಇದೇನು ಬರೀ ಬೊಕ್ಕಳೆ ಅಲ್ಲ. ನಿಜಕ್ಕೂ ನಮ್ಮ ಮನಸ್ಸು ಏನು ಕೆಳುತ್ತೋ ಅದು ಆಗುತ್ತೆ ಅಂತ ಈಗ ಪ್ರಪಂಚದಲ್ಲೆಲ್ಲ ಮಾತಾಡ್ತಿದಾರೆ.

12. ಚಿಕ್ಕ ಚಿಕ್ಕ ಗೆಲುವುಗಳ್ನ ಮರೀಬೇಡಿ, ಅವುಗಳಿಂದಲೇ ದೊಡ್ಡದನ್ನ ಸಾಧಿಸಕ್ಕಾಗೋದು.

ನೀವು ಹಾಕ್ಕೊಂಡಿರೋ ಗುರಿ ದೊಡ್ಡದೇ ಇರಬಹುದು, ಆದ್ರೆ ಎಲ್ಲಾ ಒಂದೇ ಸಲ ಆಗಲ್ಲವಲ್ಲ? ಏಣಿ ಹತ್ತಬೇಕಾದರೆ ಒಂದೊಂದಾಗಿ ಕೋಲಿನ ಮೇಲೆ ಕಾಲು ಇಟ್ಕೊಂಡು ಹೋಗಬೇಕು ತಾನೇ? ಒಂದೇ ಸಲಕ್ಕೆ ಮೇಲೆ ಹೋಗಬೇಕು ಅಂದ್ರೆ?

13. ಹಿಂದಿನ ಸೋಲುಗಳಿಗೆ ನಿಮ್ಮ ಅನುಮತಿ ಇಲ್ಲದೆ ನಿಮ್ಮ ಭವಿಷ್ಯ ತೀರ್ಮಾನಿಸೋ ಶಕ್ತಿ ಇಲ್ಲ. ಆದ್ದರಿಂದ ಅದರಿಂದ ಕಲೀಬೇಕಾದ್ದು ಕಲಿತು ಮುಂದ್-ಮುಂದಕ್ಕೆ ಹೋಗ್ತಾ ಇರಿ.

ಆಗಿದ್ದರ ಬಗ್ಗೆ ಬರೀ ಗೊಳೋ ಅಂತ ಕೂತಿದ್ರೆ ಏನ್ ಉಪಯೋಗ? ಅದರ ಬದಲು ಕಲಿಯೋದು ಕಲೀರಿ, ಮುಂದೆ ಏನ್ ಮಾಡ್ಬೇಕು ಅಂತ ಯೋಚ್ನೆ ಮಾಡಿ. ಆಗಲೇ ಹೇಳಿದ್ವಲ್ಲ, ತಪ್ಪು ಒಂಥರಾ ಗುರು ಇದ್ದಂಗೆ ಅಂತ?

14. ನಿಮ್ಮ ಹತ್ತಿರ ಯಾವುದು ಇಲ್ಲ ಅನ್ನೋ ಯೋಚನೆ ಬಿಟ್ಟು ಯಾವುದು ಇದೆ ಅನ್ನೋದರ ಬಗ್ಗೆ ಯೋಚನೆ ಮಾಡಿ, ಆಗ ನಿಮಗೇ ಗೊತ್ತಾಗುತ್ತೆ, ನೀವೇನು ಅಷ್ಟು ಕೆಟ್ಟದಾಗಿರೋ ಜೀವನ ಮಾಡ್ತಿಲ್ಲ ಅಂತ.

ನನ್ನ ಹತ್ತಿರ ಕಾರ್ ಇಲ್ಲ, ಸ್ವಂತ ಮನೆ ಇಲ್ಲ... ಅಂತ ಅತ್ಕೊಂಡ್ ಕೂತ್ಕೊಂಡ್ರೆ ಅವೆಲ್ಲ ಸಿಕ್ಕಿ ಬಿಡುತ್ತಾ? ಅದರ ಬದಲು ಬೈಕೂ ಇಲ್ಲದಿರೋರು, ಬಾಡಿಗೆ ಮನೇನೂ ಇಲ್ಲದಿರೋರು ಇದಾರೆ ಅಂತ ನೆನಪಿಟ್ಟುಕೊಳ್ಳಿ. ಇವತ್ತಲ್ಲ ನಾಳೆ ನಿಮಗೆ ಕಾರೂ‌ ಸಿಗುತ್ತೆ, ಸ್ವಂತ ಮನೇನೂ ಮಾಡ್ಕೋತೀರಿ. ನೀವು ಅನ್ಕೊಂಡಿರೋಷ್ಟು ಬಡವರೇನು ನೀವಲ್ಲ.

15. ಸಾಮಾನ್ಯವಾಗಿ ರೋಗ ಬರೋದೇ ಸರಿಯಾಗಿಲ್ಲದಿರೋ ಜೀವನಶೈಲಿಯಿಂದ, ಒತ್ತಡದಿಂದ. ನಿಮ್ಮ ಅಭ್ಯಾಸಗಳ್ನ ಬದಲಾಯಿಸಿಕೊಳ್ಳಿ, ಆಗ ಆರೋಗ್ಯದಿಂದ ಇರ್ತೀರಿ.

ಸಾಮಾನ್ಯವಾಗಿ ರೋಗ ಬಂದ್ರೆ ಅದು ನಿಮ್ಮ ತಪ್ಪೇ. ಮೇಲೆ ಹೇಳಿದಂಗೆ ಆ ತಪ್ಪಿಂದ ಕಲೀಬೇಕಾದ್ದನ್ನ ಕಲೀರಿ, ಅಷ್ಟೇ.

16. ನಿಮ್ಮ ತರಹ ಬೇರೆ ಯಾರೂ ಇಲ್ಲ. ನಿಮ್ಮ ನಿಮ್ಮತನವನ್ನ ಬೇರೆ ಯಾರೂ ಕಿತ್ಕೊಂಡ್ ಹೋಗಕ್ಕಾಗಲ್ಲ.

ನಿಮಗೆ ನಿಮ್ಮದೇ ಆದ ಪ್ರತಿಭೆ ಇದೆ. ನ್ಯೂನತೆಗಳೂ ಇವೆ. ನಿಮ್ಮ ತರಹಾನೇ ಬೇರೆ ಯಾರಿದಾರೆ ಹೇಳಿ? ನೀವು ಪ್ರಪಂಚದಲ್ಲಿ ಮಾಡಕ್ಕಾಗೋದನ್ನ ಬೇರೆ ಯಾರ ಕೈಯಲ್ಲೂ ಮಾಡಕ್ಕಾಗಲ್ಲ ಅಂತ ನೆನಪಿಡಿ. ಈ "ಶಕ್ತಿ"ಯನ್ನ ಯಾರೂ ಕಿತ್ಕೊಂಡ್ ಹೋಗಕ್ಕೂ ಆಗಲ್ಲ.

17. ಜೀವನದಲ್ಲಿ ಅವಕಾಶಗಳಿಗೆ ಬರ ಇಲ್ಲ. ನಿಮ್ಮ ಮುಂದೆ ಬಂದು ನಿಂತಾಗ ನಿಮಗೆ ಅದು ಅವಕಾಶ ಅಂತ ಅರ್ಥ ಆಗಬೇಕು, ನೀವು ಅದನ್ನ ತೊಗೋಬೇಕಷ್ಟೆ.

ಎಲ್ಲ ನಾವು ಅನ್ಕೊಂಡಂಗೆ ಕಣ್ರೀ. ನನಗೆ ಎಲ್ಲಾ ಕಟ್ಟದಾಗುತ್ತೆ ಅನ್ಕೊಂಡ್ರೆ ಕೆಟ್ಟದೇ ಆಗುತ್ತೆ. ಒಳ್ಳೇದಾಗುತ್ತೆ ಅನ್ಕೊಂಡ್ರೆ ಒಳ್ಳೇದಾಗುತ್ತೆ. ಎಣ್ಣೆ ಬಂದಾಗ ಕಣ್ಣು ಮುಚ್ಕೊಂಡು ಕೂತ್ಕೋಬೇಡಿ.

18. ಅನವಶ್ಯಕವಾಗಿ ಅವಸರ ಪಟ್ಕೋಬೇಡಿ. ಸರಿಯಾಗಿ ಯೋಚನೆ ಮಾಡಿ ನೋಡಿ, ಸರಿಯಾಗಿ ಪ್ಲಾನ್ ಮಾಡಿ ನೋಡಿ, ಆಗ ನಿಮಗೇ ಅರ್ಥ ಆಗುತ್ತೆ. ಹಾಗಂತ ಟೈಂ ವೇಸ್ಟ್ ಮಾಡಬೇಡಿ.

ಇತ್ತೀಚೆಗೆ ಪ್ರತಿಯೊಂದಕ್ಕೂ ಅವಸರ ಮಾಡ್ಕೋತಿದೀವಿ ಅನ್ನಿಸಲ್ವಾ ನಿಮಗೆ? ಇದೊಂಥರ ವಿಚಿತ್ರ. ನಿಜಕ್ಕೂ ಅಷ್ಟೆಲ್ಲ ಅವಸರ ಬೇಕಾಗೇ ಇರಲ್ಲ. ಆದರೂ ಬೇಗ್-ಬೇಗ ಆಗಬೇಕು ಅನ್ನೋ ಹುಚ್ಚು. ಯಾಕ್ ಬೇಕು? ಅದರ ಬದಲು ಸರಿಯಾಗಿ ಪ್ಲಾನ್ ಮಾಡ್ಕೊಂಡ್ರೆ ರೋಗ ಬರಲ್ಲ ರೀ.

19. ನಿಮಗೆ ಇಷ್ಟವಿಲ್ಲದಿರೋ ಕೆಲಸವನ್ನ ಜೀವನ ಇಡೀ ಮಾಡಬೇಕು ಅಂತೇನಿಲ್ಲ. ನಿಜಕ್ಕೂ ನಿಮ್ಮ ಬಾಸ್ ನೀವೇನೇ. ಕಾಲ ಕೂಡಿ ಬಂದಾಗ ಬಿಟ್ಟು ಬೇರೆ ಕೆಲಸ ಹುಡುಕ್ಕೊಳಿ.

ನಮ್ಮ ಹಿಂದಿನ ಪೀಳಿಗೆಯೋರು ಸಿಕ್ಕಿರೋ ಒಂದ್ ಕೆಲಸಕ್ಕೆ ಇಡೀ ಜೀವನ ಕೊಡ್ತಿದ್ರು. ಆದ್ರೆ ಈಗ ಹಾಗೆ ಮಾಡಬೇಕಗಿಲ್ಲ. ದಿನಾ ಕೆಲಸಕ್ಕೆ ಹೋಗಬೇಕಲ್ಲಪ್ಪ, ಆ ಕಷ್ಟ ಪಡಬೇಕಲ್ಲಪ್ಪ ಅಂತ ಹೋಗ್ತಾ ಇದ್ರೆ ನಿಮಗೆ ಬೇರೆ ದಾರಿ ಇದೆ. ನಿಮ್ಮ ಯೋಗ್ಯತೆ ಎಂಥದ್ದು, ನಿಮಗೆ ಎಂಥ ಕೆಲಸ ಬೇಕು ಅಂತ ಯೋಚನೆ ಮಾಡ್ತಾ ಇರಿ. ಸಿಕ್ಕಾಗ ಹಾರಿಕೊಳ್ಳಿ.

20. ಬೇರೆಯೋರು ಹೇಳಿದ್ದನ್ನೇ ತಲೆ ಮೇಲೆ ಕೂಡಿಸಿಕೊಂಡು ನಿಮ್ಮ ಜೀವನದ ಗುರಿ ಮಾಡ್ಕೋಬೇಕಾಗಿಲ್ಲ. ನಿಮ್ಮ ಗುರಿ ನೀವೇ ಕಂಡಿಡ್ಕೊಳಿ.

ಎಲ್ಲಾರೂ ಅವರವರಿಗೆ ಬೇಕಾದಂಥ ಗುರಿ ಇಟ್ಕೊಂಡಿರ್ತಾರೆ. ನಿಮ್ಮದು ನೀವು ಇಟ್ಕೊಳಿ. ಇಲ್ಲಾಂದ್ರೆ ನಿಮಗೆ ಜೀವನದಲ್ಲಿ ಕಷ್ಟ ಖಂಡಿತ. ಇನ್ನೊಬ್ಬರ ಬಟ್ಟೆ ಹಾಕ್ಕೊಂಡಂಗೆ ಅದು - ಎಲ್ಲೆಲ್ಲೋ ಟೈಟು, ಎಲ್ಲೆಲ್ಲೋ ಲೂಸು!

21. ನಾಳೆ ಏನಾಗುತ್ತೆ ಅಂತ ಯಾರಿಗೂ ಖಡಾಖಂಡಿತವಾಗಿ ಗೊತ್ತಿಲ್ಲ. ಒಳ್ಳೇದಾಗುತ್ತೆ ಅಂತ ಬೇಕಾದ್ರೂ ಅನ್ಕೋಬೋದು, ಕೆಟ್ಟದಾಗುತ್ತೆ ಅಂತ ಬೇಕಾದ್ರೂ ಅನ್ಕೋಬೋದು.

ನೀವೇ ಕೆಟ್ಟದು ಯೋಚನೆ ಮಾಡ್ಕೊಂಡ್ರೆ ಹೇಗೆ? ಆಗಲೇ ಹೇಳಿದ್ವಲ್ಲ, "ಅಸ್ತು ದೇವತೆಗಳು" ಅಂತ ಇರ್ತಾರೆ ಅಂತ? ನನಗೆ ಕೆಟ್ಟದಾಗುತ್ತೆ ಅನ್ಕೊಂಡ್ರೆ "ಆಸ್ತು" (ಹಂಗೇ ಆಗಲಿ)‌ ಅಂತಾರೆ ಅವರು. ನನಗೆ ಒಳ್ಳೇದಾಗುತ್ತೆ ಅನ್ಕೊಂಡ್ರೆ ಅದಕ್ಕೂ "ಅಸ್ತು" ಅಂತಾರೆ. ನಿಮಗೆ ಒಳ್ಳೇದೇ ಆಗಬೇಕು ತಾನೆ?

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: