ನಮ್ಮ ಪುರಾಣಗಳಿಗೆ ಗ್ರೀಕ್ ಪುರಾಣಗಳು ಎಷ್ಟು ಹತ್ತಿರ ಅಂತ ಕೇಳಿ ಆಶ್ಚರ್ಯ ಪಡ್ತೀರಿ

ರಾಮಾಯಣ, ಟ್ರೋಜನ್ ಯುದ್ಧ ಒಂದೇ ತರ

ಎಲ್ಲಿ ಭಾರತ ಎಲ್ಲಿ ಗ್ರೀಸ್? ಏನ್ ಪುರಾಣ?

ಮನುಷ್ಯಂಗೆ ಗೊತ್ತಿರೋ ಹಳೇ ಪುರಾಣಗಳು ಯಾವುದು ಅಂದ್ರೆ...ಒಂದು ನಮ್ಮ ಭಾರತದ್ದು . ಇನ್ನೊಂದು ಗ್ರೀಕ್ ದೇಶದ್ದು. ಈ ಎರಡು ಹಳೇ ಪುರಾಣಗಳಲ್ಲಿ ನಿಜಕ್ಕೂ ಎಷ್ಟು ಸಾಮ್ಯತೆ ಇದೆ ಅಂತ ನೀವು ತಿಳ್ಕೊಂಡ್ರೆ ಆಶ್ಚರ್ಯ ಆಗೋದಂತೂ ಖಂಡಿತ.

1. ನಮ್ಮ ಇಂದ್ರ ಇದ್ದ ಹಾಗೆ ಅಲ್ಲಿ ಜ಼್ಯುಸ್ ದೇವರು

ಅತಿ ಹೆಚ್ಚು ಆಶ್ಚರ್ಯ ಹುಟ್ಟಿಸೋದು ಇದೇನೆ.

ನಮ್ಮ ಇಂದ್ರ ಹೇಗೆ ದೇವತೆಗಳಿಗೆ ರಾಜನೋ ಹಾಗೆ ಜ಼್ಯುಸ್ ಕೂಡ, ಅದಲ್ಲದೇ ಅವರ ಆಯುಧಗಳು ಕೂಡ ಒಂದೇ ತರ.

ಇವರಿಬ್ಬರಿಗೆ ಎಷ್ಟು ಹೋಲಿಕೆಗಳಿವೆ ಅಂದ್ರೆ ಅವರ ವಾಸಸ್ಥಳ ಕೂಡ ಒಂದೇ ತರ ಇವೆ. ಇಂದ್ರ ಇರೋದು ಮೇರು ಪರ್ವತ ಆದ್ರೆ, ಜ಼್ಯುಸ್ ಇರೋದು ಒಲಂಪಸ್ ಪರ್ವತ.

2. ಕರ್ಣನ್ನ ಹೋಲೋ ಅಚಿಲ್ಲಿಸ್ ಅಲ್ಲಿದ್ದಾನೆ

ನಮ್ಮ ಕರ್ಣನ ಹಾಗೆ ಅಜೇಯನಾಗಿ ಉಳಿದ ಅಚಿಲ್ಲಿಸ್ ಕೂಡ ಅವನ ತರದ್ದೇ ರಕ್ಷಾಕವಚ ಧರಿಸುತಿದ್ದನಂತೆ. ಜೊತೇಲಿ ಇಬ್ಬರೂ ಅವರವರ ಕಥೆಗಳಲ್ಲಿ ಅತ್ಯಂತ ದೊಡ್ಡ ಯುಧ್ಧಪಟುಗಳು.

ಈ ಇಬ್ಬರು ದೇವಮಾನವರನ್ನೂ ಅವರವರ ತಾಯಂದಿರು ಯುಧ್ಧಕ್ಕೆ ಮೊದಲು ಯುಧ್ಧ ಮಾಡದ ಹಾಗೆ ಕೆಳ್ಕೊಂಡಿದ್ರಂತೆ.

ಇಬ್ಬರ ಗ್ರಂಥಗಳನ್ನ ಓದಿದ್ರೆ ಗೊತ್ತಾಗುತ್ತೆ, ಎರಡೂ ಕಡೆ ಯುಧ್ಧ ಮುಗಿಯೋದು ಇವರಿಬ್ಬರ ಸಾವಿನಿಂದ.

ಕೆಲವರು ಅಚಿಲ್ಲಿಸ್ ನ ಭೀಷ್ಮನಿಗೆ ಹೋಲಿಸ್ತಾರೆ , ಇಬ್ಬರೂ ಗಂಗಾಪುತ್ರರು ಅನ್ನೋ ಕಾರಣಕ್ಕೆ.

3. ನಮ್ಮ ರಾಮಾಯಣದ ಹಾಗೆ ಅಲ್ಲಿ ಟ್ರೋಜನ್ ಯುದ್ಧ 

ಎರಡೂ ಯುದ್ಧಗಳು ನಡೆದಿದ್ದು ಹೆಣ್ಣಿಗಾಗಿ.

ಸೀತೇನ ರಾವಣ ಹೊತ್ತುಕೊಂಡು ಹೋದಾಗ ರಾಮಾಯಣ ಆದ್ರೆ, ಪ್ಯಾರಿಸ್ ಜೊತೆ ಹೆಲೆನ್ ಓಡಿ ಹೋದಾಗ ಟ್ರೋಜನ್ ಯುದ್ಧ ಆಗುತ್ತೆ.

4. ಎರಡೂ ಕಡೆ ತ್ರಿಮೂರ್ತಿಗಳು ಇದ್ದಾರೆ

ನಮ್ಮಲ್ಲಿ ಬ್ರಹ್ಮ-ವಿಷ್ಣು- ಮಹೇಶ್ವರ ಹೇಗೋ ಹಾಗೆ ಜ಼್ಯುಸ್- ಹೇಡೀಸ್ -ಪೊಸೈಡಾನ್ ಇದ್ದಾರೆ, ಇವರು ಸ್ವರ್ಗ -ಪಾತಾಳ- ಸಾಗರಗಳ ಪಾಲಕರು.

5. ನಮ್ಮ ಹಾಗೆ ಅಲ್ಲಿಯೂ ಪ್ರತಿಯೊಂದಕ್ಕೂ ಬೇರೆ ಬೇರೆ ದೇವರಿದ್ದಾರೆ

ನಮ್ಮಲ್ಲಿರೋ ಹಾಗೆ ವಾಯು-ಅಗ್ನಿ ಹೀಗೆ ಎಲ್ಲಕ್ಕೋ ಅಲ್ಲಿ ಬೇರೆ ಬೇರೆ ದೇವರುಗಳಿದ್ದರೆ. ನಮ್ಮ ಹಾಗೆ ಸಂಪತ್ತಿಗೆ, ವಿದ್ಯೆಗೆ ಅಲ್ಲಿ ಕೂಡ ದೇವರಿದ್ದಾರೆ.

ಅದಿರ್ಲಿ. ನಮ್ಮ ಹಾಗೆ ದೇವಶಿಲ್ಪಿ ವಿಶ್ವಕರ್ಮನ ತರ ಅವರಲ್ಲೂ ಒಬ್ಬ ದೇವನಿದ್ದಾನೆ, ಎಂಥಾ ಸಾಮ್ಯತೆ ನೋಡಿ!

6. ನಮ್ಮ ಯಮಧರ್ಮನ ಹಾಗೆ ಅಲ್ಲಿ ಹೇಡೀಸ್ 

ಇಬ್ಬರೂ ಪಾತಾಳದ ಅಧಿಪತಿಗಳು. ಇಬ್ಬರಿಗೂ ಮನುಷ್ಯನ ಪಾಪ ಪುಣ್ಯ ಲೆಕ್ಕ ಹಾಕಿ ಸ್ವರ್ಗನೋ ನರಕಾನೋ ತೋರ್ಸೋ ಜವಾಬ್ದಾರಿ ಅಷ್ಟೆ.

7. ಸಪ್ತ ಋಷಿಗಳ ಹಾಗೆ ಸಪ್ತ ಸೋದರಿಯರು

ನಮ್ಮಲ್ಲಿ ಹೇಗೆ ಸಪ್ತ ಋಷಿಗಳು ತಾರೆಗಳಾಗಿ ಕಾಣ್ತಾರೆ ಅಂತಿದ್ಯೋ ಹಾಗೆ ಅವರ ಸಪ್ತ ಸೋದರಿಯರೂ ಕೂಡ ತಾರೆಗಳು. ಅವರನ್ನ ಪ್ಲಿಯಡೀಸ್ ಅಂತಾರೆ.

8. ಸಂಪಾತಿ ಹಾಗೆ ಅವರಲ್ಲಿ ಇಕಾರಸ್

ಇಕಾರಸ್ ಹಾಗೆ ಡೇಡರಸ್ ಕಥೆ ಕೇಳಿದ್ರೆ ನೀವು ಅದು ನಮ್ಮ ಜಟಾಯು ಸಂಪಾತಿ  ಕತೆ ಇದ್ದ ಹಾಗೆ ಇದೆ ಅಂತೀರಿ.

ಹಾರಾಡ್ತಾ ಸೂರ್ಯನ ಕಡೆ ಹೋಗೋ ಜಟಾಯುನ ಕಾಪಾಡೋಕೆ ಹೋಗ್ತಾನೆ ಸಂಪಾತಿ. ಜಟಾಯು ಉಳಿತಾನಾದರೂ ಅವನ ರೆಕ್ಕೆಗಳು ಬೆಂಕಿಗೆ ಸಿಕ್ಕಿ ಸುಟ್ಟು ಹೋಗುತ್ತೆ.... ಅಲ್ಲಿ ಇಕಾರಸ್ ಹಾಗೆ ಡೇಡರಸ್ ಕಥೆ ಕೂಡ ಇದೇ ತರ ಇದೆ. 

9. ನಾರದನ್ನ ಹೋಲೊ ಹರ್ಮೆಸ್  

ಇಬ್ಬರೂ ವಿಷಯಗಳನ್ನ ಹೇಳುತ್ತಾ ಸಾಗೋ ವ್ಯಕಿಗಳು. ಜೊತೇಲಿ ಪ್ರಭಾವಿ ದೇವರುಗಳ ಮಕ್ಕಳು. ಹೀಗೆ ಸಾಕಷ್ಟು ಸಾಮ್ಯತೆ ಇವೆ.

ಕೆಲವೊಮ್ಮೆ ಈ ಇಬ್ಬರು ಬಲಶಾಲಿಗಳು, ಕುತಂತ್ರಿಗಳಾಗಿದ್ದೂ ಇದೆ. ಇಬ್ಬರಿಗೂ ಮತ್ತೊಬ್ಬರನ್ನ ದಾರಿತಪ್ಪಿಸೋಕೆ ಚೆನ್ನಾಗೆ ಗೊತ್ತಿತ್ತು.

ಮೂಲ

ಇದನ್ನ ಓದಿದ್ರೆ ಮನುಷ್ಯರು ಎಲ್ಲ ಕಡೆ ಒಂದೇ ತರ ಅನ್ಸುತ್ತೆ. ಏನಂತೀರಾ?

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

9 ಸಾಮಾನ್ಯ ಸೌಂದರ್ಯ ಸಮಸ್ಯೆಗಳಿಗೆ ದುಬಾರಿ ಬ್ಯೂಟಿ ಟ್ರೀಟ್ಮೆಂಟ್ ಇಲ್ಲದೆ ಪರಿಹಾರ ಕಂಡ್ಕೊಳೋದು ಹೇಗೆ ನೋಡಿ

ಏನೇನೋ ಮಾಡ್ಕೊಂಡು ಪರದಾಡೋದ್ಯಾಕೆ?

ಪ್ರತಿಯೊಂದು ಹೆಣ್ಣಿಗೂ ತಾನು ತುಂಬಾ ಸುಂದರವಾಗಿ ಕಾಣಬೇಕು ಅನ್ನೋ ಆಸೆ ಇದ್ದೇ ಇರತ್ತೆ. ಆ ಕಾರಣಕ್ಕೆ ಎಷ್ಟೆಷ್ಟೋ ರೀತೀಲಿ ತಾನು ಹೇಗೆಲ್ಲಾ ಸುಂದರವಾಗಿ ಕಾಣಬೋದು ಅಂತ ಯೋಚೆ ಮಾಡ್ತಾನೇ ಇರ್ತಾಳೆ. ಇತ್ತೀಚೆಗೆ ಅಂಗಡಿನಲ್ಲಿ ಸಿಗೋ ಯಾವ ಪದಾರ್ಥನೂ ಕೂಡ ಬಳಸೋದಿಕ್ಕೆ ಮನಸ್ಸಾಗದೆ ಇದ್ರೂ , ತಾನು ಚೆನ್ನಾಗಿ ಕಾಣದಿದ್ದರೆ ಹೇಗೋ ಏನೋ ಅನ್ನೋ ಭಯದಲ್ಲಿ ಉಪಯೋಗಿಸೋದಕ್ಕೆ ಶುರು ಮಾಡ್ತಾಳೆ. ನೀವು ಅವರಲ್ಲಿ ಒಬ್ರಾ? ಖಂಡಿತ ಬೇಡಾರಿ... ಅಂತೆಕಂತೆ ಹೇಳ್ತಾ ಇರೋ ವಿಷ್ಯ ಗಮನ ಕೊಟ್ಟು ಕೇಳಿ. ನೈಸರ್ಗಿಕವಾಗಿ ಸಿಗೋ ಪದಾರ್ಥಗಳಿಂದಾನೇ ನಿಮ್ಮ ಅಂದ ಹೆಚ್ಚಿಸ್ಕೋಬೋದು.  

1. ರೆಪ್ಪೆ ಕೂದಲು ಉದ್ದವಾಗಿ, ದಟ್ಟವಾಗಿ, ಸುಂದರವಾಗಿ ಕಾಣ್ಬೇಕು ಅಂದ್ರೆ

ಕಣ್ರೆಪ್ಪೆ ಕೂದಲು ಚೆನ್ನಾಗಿ ಕಾಣೋದಕ್ಕೆ ಮನೆಯಲ್ಲಿ ತಯಾರಿಸುವ ಎಣ್ಣೆ ಮಿಶ್ರಣ ತುಂಬಾ ಒಳ್ಳೆಯದು. ಸಮಪ್ರಮಾಣದಲ್ಲಿ ಹರಳೆಣ್ಣೆ, ಬಾದಾಮಿ ಎಣ್ಣೆ, ಎಳ್ಳೆಣ್ಣೆ, ಕೊಬ್ಬರಿ ಎಣ್ಣೆ ಜೊತೆಗೆ ವಿಟಮಿನ್ ಇ ಕೂಡ ಸೇರ್ಸಿ ಒಂದು ಜಾರ್ನಲ್ಲಿ ಇಡಿ. ಎಲ್ಲ ಮಿಕ್ಸ್ ಆದ್ಮೇಲೆ ಅದನ್ನ ಡ್ರೈ ಆಗಿರೋ ಕಣ್ರೆಪ್ಪೆ ಮೇಲೆ ಹಚ್ಚಿ ಇಡೀ ರಾತ್ರಿ ಬಿಡಬೇಕು. ಈ ತರ ಒಂದೆರಡ್ ವಾರ ಪ್ರತಿ ದಿನ ಮಾಡಿ ನೋಡಿ. ಚೆನ್ನಾಗಿರೋ ರೆಪ್ಪೆಕೂದ್ಲು ನಿಮ್ಮದಾಗುತ್ತೆ.

ಮೂಲ

2.  ಕೂದಲು ತುಂಬಾ ಸೀಳ್ಕೊಂಡಿದ್ರೆ

ಕೂದಲಿನ ಆರೈಕೆ ತುಂಬಾ ಮುಖ್ಯ ಮತ್ತೆ ಅಷ್ಟೇ ಕಷ್ಟ. ಆದ್ರೆ ಪ್ರತಿ ದಿನ ನಾವದನ್ನ ನಾಳೆ ಮಾಡಿದ್ರೆ ಆಯ್ತು ಅಂದ್ಕೊಂಡು ದಿನಾಗ್ಲೂ ಮರ್ತೇ ಹೋಗ್ತೀವಿ. ಏನು ಮಾಡ್ಬಹುದು ಅಂದ್ರೆ, ಮನೇಲಿ ಇದಕ್ಕೋಸ್ಕರ ಒಂದು  ಮಾಸ್ಕ್ ತಯಾರು ಮಾಡಬಹುದು. ಒಂದು ಪಾತ್ರೇಲಿ ಮೊಟ್ಟೆಯ ಬಿಳಿ ಭಾಗ ಜೊತೆಗೆ ಮನೇಲಿ ಹೆಪ್ಪು ಮಾಡಿರೋ ಮೊಸರು ಇದರ ಜೊತೇಗೆ ಒಂದು ಟೇಬಲ್ ಸ್ಪೂನ್ ನಷ್ಟು ಹರಳೆಣ್ಣೆ ಮತ್ತಿನ್ನೊಂದು ಟೇಬಲ್ ಸ್ಪೂನಷ್ಟು ಕೊಬ್ಬರಿ ಎಣ್ಣೆ ಎಲ್ಲಾ ಸೇರ್ಸಿ ಚೆನ್ನಾಗಿ ಮಿಕ್ಸ್ ಮಾಡಿ. ಆಮೇಲೆ ಒಂದು ಸ್ಪೂನ್ ಬೆಣ್ಣೆ ಹಣ್ಣು ಮತ್ತು ಒಂದು ಟೇಬಲ್ ಸ್ಪೂನ್ ಜೊಜೊಬಾ ಆಯಿಲ್ ಸೇರಿಸಿ. ಎಲ್ಲಾನೂ ಚೆನ್ನಾಗಿ ಮಿಕ್ಸ್ ಮಾಡಿ. ಇದನ್ನ ನೇರವಾಗಿ ಕೂದಲಿಗೆ ಹಚ್ಚಿ ಅದರ ಮೇಲೆ ಒಂದು ಕವರ್ ಕ್ಯಾಪ್ ಹಾಕ್ಕೋಬೇಕು. ಹೀಗೆ ಒಂದು ಗಂಟೆ ಬಿಟ್ಟು ಆಮೇಲೆ ಉಗುರು ಬೆಚ್ಚಗಿನ ನೀರಿನಲ್ಲಿ ಕೂದಲನ್ನು ತೊಳೀಬೇಕು.

ಮೂಲ

3. ನಿಮ್ಮ ಕೈಗಳು ಸುಂದರವಾಗಿ, ಮೃದುವಾಗಿ ಇರ್ಬೇಕು ಅಂದ್ರೆ

ಸುಂದರವಾದ ಕೈಗಳು ನಿಮ್ಮದಾಗ್ಬೇಕು ಅಂದ್ರೆ ನೀವು ನಿತ್ಯ ಬಳ್ಸೋ ಕ್ರೀಮ್ಗೆ ಅಷ್ಟೇ ಪ್ರಮಾಣದ ವಿನೆಗರ್ ಸೇರಿಸಿ, ಅದನ್ನು ಪ್ರತಿ ರಾತ್ರಿ ಮಲಗೋ ಮೊದ್ಲು ಕೈಗಳಿಗೆ ಲೇಪಿಸಿ ಮಲಗಬೇಕು. ಎರಡು ವಾರಗಳ ಕಾಲ ಹೀಗೇ ತಪ್ಪದೆ ಮಾಡಿ ನೋಡಿ. ಎರಡು ವಾರಗಳ ನಂತರ ನಿಮ್ಮ ಕೈ ಎಷ್ಟು ಮೃದುವಾಗತ್ತೆ ಅಂತ ನೋಡಿ ಆಶ್ಚರ್ಯ ಪಡ್ತೀರ.

ಮೂಲ

4. ಕೂದಲು ನುಣುಪಾಗಿ ಮಿಂಚ್ಬೇಕು ಅಂದ್ರೆ

ಚೆನ್ನಾಗಿ ಹಣ್ಣಾಗಿರೋ ಬಾಳೆಹಣ್ ತೊಗೋಳಿ. ಅದನ್ನ ಚೆನ್ನಾಗಿ ಮಿಕ್ಸರ್ಗಾಕಿ ಬ್ಲೆಂಡ್ ಮಾಡಿ ಇದಕ್ಕೆ ಒಂದು ಟೇಬಲ್ ಸ್ಪೂನಷ್ಟು ಆಲಿವ್ ಆಯಿಲ್ ಬೆರೆಸಿ. ಮನೇಲೆ ಹೆಪ್ಪು ಹಾಕಿರೋ ಮೊಸರು ಒಂದು ಟೇಬಲ್ ಸ್ಪೂನ್ ಜೊತೆಗೆ ಎರಡು ಟೇಬಲ್ ಸ್ಪೂನ್ ನಷ್ಟು ಜೇನು ತುಪ್ಪ ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿ. ಒದ್ದೆ ಕೂದಲಿಗೆ ಈ ಮಿಶ್ರಣಾನ ಹಚ್ಚಿ ಅರ್ಧ ಗಂಟೆ ಆದ್ಮೇಲೆ ಉಗುರು ಬೆಚ್ಚಗಿರೋ ನೀರಲ್ಲಿ ತೊಳೀರಿ. ಆವಾಗ್ಲೆ ನಿಮ್ಮ ಕೂದಲು ಶೈನಿ ಶೈನಿ ಆಗಿರೋದನ್ನ ನೋಡಿ ಸಖತ್ ಖುಷಿ ಪಡ್ತೀರಿ.

ಮೂಲ

5.  ಒಣ ಚರ್ಮ ತೆಗೆದು ಹಾಕ್ಬೇಕು ಅಂದ್ರೆ

ಲೋಳೆ ಸರ ತುಂಬಾ ಒಳ್ಳೇ ಪದಾರ್ಥ. ಎಲ್ಲ ತರದ ಚರ್ಮದ ತೊಂದರೆಗಳಿಗೆ ಇದನ್ನ ಬಳಸ್ತಾರೆ. ಲೋಳೆಸರದ ಜ್ಯೂಸ್ ಗೆ ಮೂರು ಟೇಬಲ್ ಸ್ಪೂನಷ್ಟು ಬಿಸಿ ನೀರು ಹಾಕಿ ಮೂರು ಟೇಬಲ್ ಸ್ಪೂನ್ನಷ್ಟು ಆಲ್ಕೋ ಹಾಲ್ ಬೆರೆಸಿ  ಚೆನ್ನಾಗಿ ಮಿಕ್ಸ್ ಮಾಡಿ ಇದನ್ನು ಒಡೆದ ಚರ್ಮದ ಮೇಲೆ ಹಚ್ಬೇಕು. ಹೀಗೆ ಮಾಡೋದ್ರಿಂದ ಒಣ ಚರ್ಮದ ತೊಂದರೆ ನಿವಾರಣೆ ಆಗುತ್ತೆ. 

ಮೂಲ

6. ಉಗುರು ಆರೋಗ್ಯವಾಗಿ ಇಟ್ಕೊಬೇಕು ಅಂದ್ರೆ

ಉಗುರು ಸುಂದರವಾಗಿ ಆರೋಗ್ಯವಾಗಿ ಕಾಣಬೇಕು ಅಂದ್ರೆ ನಿಮ್ಮ ಉಗುರುಗಳಿಗೆ ನಿಂಬೆರಸದ ಸ್ನಾನ ಮಾಡಿಸ್ಬೇಕು. ಹೌದು ನಿಂಬೆ ರಸದಲ್ಲಿ ಒಂದ್ ಹದಿನೈದು ನಿಮಿಷ ನಿಮ್ಮ ಉಗುರುಗಳನ್ನ ನೆನೆಸೋದ್ರಿಂದ ನಿಮ್ಮ ಉಗುರುಗಳಿಗೆ ಒಳ್ಳೆಯ ಆರೋಗ್ಯ ಮತ್ತು ಆಕಾರ ಸಿಗುತ್ತೆ.

ಮೂಲ

7. ಒಣ ತುಟಿಗಳು ಆರೋಗ್ಯವಾಗಿ ಕಾಣ್ಬೇಕು ಅಂದ್ರೆ

ಕ್ಯಾರೆಟ್ ಜ್ಯೂಸ್ ಗೆ ನಿಂಬೆರಸ ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿ ಅದನ್ನ ತುಟಿಗಳಿಗೆ ಹಚ್ಚಿ ಏಳರಿಂದ ಹತ್ತು ನಿಮಿಷಗಳ ಕಾಲ ಹಾಗೇ ಬಿಡಿ ಆಮೇಲೆ ಬೆಚ್ಚಗಿರೋ ನೀರಿಂದ ತೊಳೀರಿ. ನಿಮ್ಮ ತುಟಿಗಳು ಕೋಮಲವಾಗಿರತ್ತೆ.

ಮೂಲ

8. ಕಣ್ಣಿನ ಸುತ್ತ ಆಗಿರೋ ಡಾರ್ಕ್ ಸರ್ಕಲ್ ತೆಗಿಬೇಕು ಅಂದ್ರೆ

ತಣ್ಣಗಿರೋ ಹಾಲಲ್ಲಿ ಹತ್ತಿ ಉಂಡೆಗಳನ್ನ ನೆನೆಸಿ ಅದನ್ನ ಕಣ್ಣಿನ ಮೇಲೆ ಪ್ರತಿದಿನ ಹದಿನೈದು ನಿಮಿಷಗಳ ಕಾಲ ಇಟ್ಕೋಳೋದನ್ನ ಅಭ್ಯಾಸ ಮಾಡ್ಕೊಳಿ. ಇದ್ರಿಂದ ಕಣ್ಣಿನ ಸುತ್ತ ಇರೋ ಕಪ್ಪು ಕಲೆ ಮಾಯ ಆಗೋಗುತ್ತೆ.  

ಮೂಲ

9. ಮುಖದ ಕಾಂತಿ ಹೆಚ್ಚಾಗ್ಬೇಕು ಅಂದ್ರೆ

ಟೊಮ್ಯಾಟೋ ಕತ್ತರಿಸಿ ಅದರ ಮೇಲೆ ಸಕ್ಕರೆ ಉದುರಿಸಿ ಇದನ್ನು ಮುಖದ ತುಂಬ ವೃತ್ತಾಕಾರದಲ್ಲಿ ಮುಖದ ಮೇಲೆ ಉಜ್ಜುತ್ತಾ ಬನ್ನಿ. ಹತ್ತು ನಿಮಿಷ ಹಾಗೇ ಬಿಡಿ. ಅದಾದ್ಮೇಲೆ ತಣ್ಣೀರಿಂದ ತೊಳೀರಿ. ನೀವು ಹೀಗೆ ವಾರಕ್ಕೆ ಮೂರು ನಾಲ್ಕು ಸರ್ತಿ ಮಾಡ್ಬೇಕು. 

ಮೂಲ

ಎಷ್ಟೊಂದು ಸುಲಭ ಅಲ್ವಾ ಇವೆಲ್ಲಾ? ಈ ಉಪಾಯಗಳನ್ನ ಮಾಡಿ, ನಿಮ್ಮ ಸೌಂದರ್ಯ ಹೆಚ್ಚಿಸ್ಕೊಂಡು, ಖುಷಿಯಾಗಿರಿ.  

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: