ಭೂಮಿ ಮೇಲಿನ ಸ್ವರ್ಗ ಬನವಾಸಿಗೆ ಆದಷ್ಟು ಬೇಗ ಟ್ರಿಪ್ ಹಾಕಕ್ಕೆ 9 ಚಿನ್ನದಂಥ ಕಾರಣಗಳು

ಬನವಾಸಿ ಸ್ಪೆಶಲ್ ಪೈನಾಪಲ್ ಗೊಜ್ಜು

ಉತ್ತರ ಕರ್ನಾಟಕದ ಬೆಟ್ಟದ ಮಧ್ಯದಲ್ಲೆಲ್ಲೋ ಕಳೆದೇ ಹೋಗಿರೋ ಒಂದೂರಿನ ಬಗ್ಗೆ ಇವತ್ತೊಂಚೂರು ಹೇಳ್ತಿವಿ ಕೇಳಿ. ಕದಂಬ ರಾಜವಂಶಸ್ಥರು ಆಳ್ವಿಕೆ ಮಾಡೋವಾಗ ಅಂದ್ರೆ 4ನೇ ಶತಮಾನದಲ್ಲಿ ಈ ಬನವಾಸಿನೇ ಅವರ ರಾಜಧಾನಿ ಆಗಿತ್ತು. ಆಮೇಲೆ ಅದೆಷ್ಟೋ ರಾಜರು ರಾಜವಂಶಸ್ಥರು ಆಳಿದ್ದು ಈವಾಗ ಇತಿಹಾಸ. ಇತಿಹಾಸದ ಪುಟ ತಿರುವಿ ನೋಡಿದ್ರೆ ಬನವಾಸಿಯ ಬಗ್ಗೆ ಎಷ್ಟೆಲ್ಲಾ ವಿಶೇಷ ವಿಷಯಗಳು ಗೊತ್ತಾಗುತ್ತೋ ಅಷ್ಟೇ ವಿಶೇಷ ಅಲ್ಲಿನ ಪ್ರಕೃತಿಗೂ ಇದೆ. ವಸಂತಕಾಲ ಶುರುವಾಗ್ತಾ ಇದ್ದಂಗೆ ಹಸಿರನ್ನೇ ಹೊದ್ದಿರೋ ಹಾಗೆ ಭತ್ತದ ಗದ್ದೆಗಳು , ಜುಳು ಜುಳು ಹರಿಯೋ ನದಿ , ಅಲ್ಲಲ್ಲಿ ಧುಮ್ಮಿಕ್ಕೊ ಜಲಪಾತಗಳು ಅಬ್ಬಾ!! ಮತ್ತೇನ್ ಬೇಕು ಬನವಾಸಿ ಸುಂದರವಾದ ಊರು ಅಂತ ಹೇಳೋದಕ್ಕೆ?

ಚಾಗದ ಭೋಗದಕ್ಕರದ ಗೇಯದ ಗೊಟ್ಟಿಯಲಂಪಿನಿಂಪುಗಳ್ಗಾಗರವಾದ ಮಾನಸರೆ ಮಾನಸರಂತವರಾಗಿ ಪುಟ್ಟಲೇ| ನಾಗಿಯುಮೇನೊ ತೀರ್ದಪುದೆ ತೀರದೊಡಂ ಮರಿದುಂಬಿಯಾಗಿ ಮೇಣ್ ಕೋಗಿಲೆಯಾಗಿ ಪುಟ್ಟುವುದು ನಂದನದೊಳ್ ಬನವಾಸಿ ದೇಶದೊಳ್ ||

[ತ್ಯಾಗ, ಭೋಗ, ವಿದ್ಯೆ, ಸಂಗೀತ, ಕೂಟ - ಇವೆಲ್ಲಾ ಇರೋ ಜೀವನಾನ ಸಾಗಿಸೋರೆ ನಿಜವಾದ ಮನುಷ್ಯರು. ಅಂಥೋರಾಗಿ ಹುಟ್ಬೇಕು. ಇಲ್ದಿದ್ರೆ ಬನವಾಸೀಲಿ ಮರಿದುಂಬಿನೋ ಕೋಗಿಲೆಯಾಗೋ ಹುಟ್ಬೇಕು.]

ಹೀಗೆ ಹೇಳಿದ್ದು ಆದಿಕವಿ ಪಂಪ. ಆತ 10ನೇ ಶತಮಾನದಲ್ಲಿ ಬನವಾಸಿಲೇ ಜೀವನ ಮಾಡ್ತಿದ್ದ. ಅಲ್ಲಿಗೆ ನೀವು ಆದಷ್ಟು ಬೇಗ ಒಂದು ಟ್ರಿಪ್ ಹಾಕಕ್ಕೆ ಕೆಲವು ಬಲವಾದ ಕಾರಣಗಳ್ನ ಕೊಡ್ತೀವಿ, ಕೇಳಿ.

1. ಪಂಪನ ಬನವಾಸಿ ಒಂದು ಸ್ವರ್ಗ

ಪಂಪ ಹೇಳಿರೋ ಮಾತು ಎಷ್ಟು ನಿಜ ಅನ್ಸುತ್ತೆ ಗೊತ್ತಾ? ಕಾರಣ ಏನಪ್ಪಾ ಅಂದ್ರೆ ಈ ಬನವಾಸಿಲಿ ಎಲ್ಲಾ ಕಾಲದಲ್ಲೂ ಒಂದೊಂದು ಹೊಸತನ ಬರುತ್ತೆ. ಚಳಿಗಾಲದಲ್ಲಿ  ಬನವಾಸಿಲ್ಲಿರೋ ಎಲ್ಲಾ ಕೆರೆಗಳೂ ತಾವರೆ ಹೂಗಳಿಂದ ತುಂಬಿ ನಿಂತಿರುತ್ತೆ. ಮಳೆಗಾಲದಲ್ಲಿ ಮಂಜು ಮುಸ್ಕಿರೋ ವಾತಾವರಣ ಜೊತೆಗೆ ಅಲ್ಲಲ್ಲಿ ಜಲಪಾತಗಳನ್ನ ಸೃಷ್ಟಿ ಮಾಡುತ್ತೆ. ವಸಂತಕಾಲದಲ್ಲಿ ತಣ್ಣಗಿರೋ ಗಾಳಿ ಅದರ ಜೊತೆ ಎಲ್ಲಾ ಹೂಗಳ ಪರಿಮಳ ಕೂಡ ಹೊತ್ತು ಬರುತ್ತೆ. ಮತ್ತೇನ್ ಬೇಕು ಬನವಾಸಿ ಸ್ವರ್ಗ ಅಂತ ಹೇಳೋಕೆ?

ಮೂಲ

2. ಬನವಾಸಿಗೆ ವನವಾಸಿಕ, ಜಯಂತಿಪುರ, ಕೊಂಕಣಪುರ, ನಂದನವನ, ಕನಕಾವತಿ, ಜಲದುರ್ಗಾ, ಸಂಜಯಂತಿ ಹೀಗೆ ಎಷ್ಟೆಷ್ಟೋ ಹೆಸರಿದೆ

ಬೇರೆ ಬೇರೆ ರಾಜವಂಶಗಳು ಆಳಿದ್ರಿಂದ, ಬೇರೆ ಬೇರೆ ದೇಶದ ವಿದ್ವಾಂಸರು ಭೇಟಿ ಕೊಟ್ಟಿದ್ರಿಂದ ಬನವಾಸಿಗೆ ಇಷ್ಟೊಂದು ಹೆಸ್ರು. ಈ ಊರಿನ ಬಗ್ಗೆ ಗ್ರೀಕ್-ರೋಮನ್ ಬರಹಗಾರ ಟಾಲೆಮಿ 2ನೇ ಶತಮಾನದಲ್ಲೇ ತನ್ನ ಬರಹಗಳಲ್ಲಿ ಬರಕೊಂಡಿದ್ದಾನೆ. ಬರಿ ಟಾಲೆಮಿ ಮಾತ್ರ ಅಲ್ಲ ಪರ್ಷಿಯನ್ ವಿದ್ವಾಂಸ ಆಲ್ಬರೂನಿ ಕೂಡ ಇಲ್ಲಿರೋ ಸುಂದರ ದೇವಸ್ಥಾನಗಳ ಬಗ್ಗೆ , ವರದಾ ನದಿ, ಕೋಟೆಗಳ ಬಗ್ಗೆ, ಜೊತೆಗೆ ಅಲ್ಲಿ ಸಿಗೋ ಊಟತಿಂಡಿ ಎಲ್ಲದರ ಬಗ್ಗೆನೂ ಬರ್ದಿದ್ದಾನೆ. ಇದೊಂದು ಮಾಯಾ ನಗರ ಅಂತ ಚಾಮರಸ ಮತ್ತೆ ಕಾಳಿದಾಸ ಕೂಡ ಪದ್ಯ ಬರ್ದಿದಾರೆ.

ಮೂಲ

3. ಮಧುಕೇಶ್ವರ ದೇವಸ್ಥಾನದಲ್ಲಿ ಜೇನುಬಣ್ಣದ ಶಿವಲಿಂಗ ಇದೆ

ಕದಂಬರು ಈ ಊರನ್ನ ಆಳ್ತಾ ಇದ್ದಾಗ ಈ ಮಧುಕೇಶ್ವರ ದೇವಸ್ಥಾನ ಕಟ್ಟಿದ್ದಾರೆ. ಮೊದ್ಲು ಇದು ಮಾಧವ ಅಂದ್ರೆ ವಿಷ್ಣುವೀಣೆ ದೇವಸ್ಥಾನ ಆಗಿತ್ತು. ಆದ್ರೆ ಆಮೇಲೆ ಆಳ್ವಿಕೆ ಮಾಡಿದ್ದ ಹೊಯ್ಸಳರು, ಚಾಲುಕ್ಯರು, ಸೌಂದ ಮತ್ತೆ ವಿಜಯನಗರದ ಅರಸರು ಈ ದೇವಸ್ಥಾನಡಾ ವಾಸ್ತುಶಿಲ್ಪನಾ ಬದ್ಲಾವಣೆ ಮಾಡಿದ್ದಾರೆ. ಪೂರ್ವ ದಿಕ್ಕಿಗೆ ಮುಖ ಮಾಡಿರೋ ಮಧುಕೇಶ್ವರ ದೇವಸ್ಥಾನದಲ್ಲಿ (ಮಧು) ಜೇನುಬಣ್ಣದ ಶಿವಲಿಂಗ ಇದೆ. ಇದರ ಜೊತೆಗೆ ಮಹಿಷಾಸುರ ಮರ್ದಿನಿ, ಗಣೇಶ, ನಂದಿ, ಪಾರ್ವತಿ, ವೀರಭದ್ರ, ನರಸಿಂಹ, ಬಸವಲಿಂಗೇಶ್ವರ ಗುಡಿಗಳೂ ಇವೆ.

 

ಮೂಲ

4. ನೆಲ ಅಗೆದಾಗ ಮಧುಕೇಶ್ವರ ದೇವಸ್ಥಾನದಲ್ಲಿ ಶಾತವಾಹನರ ಕಾಲದ ಶಾಸನ ಸಿಕ್ಕಿವೆ

ಬ್ರಾಹ್ಮಿ, ಪ್ರಾಕೃತ ಭಾಷೆಯ ಬರಹಗಳಿರೋ ನಾಗನ ವಿಗ್ರಹಗಳನ್ನ ಕೆತ್ತನೆಗಳನ್ನ ನೀವಿಲ್ಲಿ ನೋಡ್ಬೋದು. 3ನೇ ಶತಮಾನದಲ್ಲಿ ಆಳಿದ್ದ ಶಾತವಾಹನರ ದೊರೆ ಪುಳುಮಾವಿಯ ಧರ್ಮಪತ್ನಿ ಸವಿನೆನಪಿಗೊಸ್ಕರ ಕೆತ್ತಿರೋ ಕಲ್ಲಿನ ವಿಗ್ರಹಗಳು, ರೋಮನ್ನರ ಕಲ್ಲಿನ ನಾಣ್ಯ, ಮಣ್ಣಿನಿಂದ ಮಾಡಿರೋ ಸ್ಕಂದ - ಕಾರ್ತಿಕೇಯನ ಮೂರ್ತಿಗಳು, ಮರದಲ್ಲಿ ಕೆತ್ತಿರೋ ರಥ ಎಲ್ಲವೂ ನೆಲ ಅಗೆದಾಗ ಸಿಕ್ಕಿವೆ.

ಮೂಲ

5. ಬನವಾಸಿ ಕಲೆ- ಸಂಸ್ಕೃತಿಗೆ ಹೆಸರುವಾಸಿ "ಕದಂಬೋತ್ಸವ"

ಸಂಭ್ರಮವಾಗಿ ಪ್ರತಿ ವರ್ಷ ಆಚರಿಸೋ ಕದಂಬೋತ್ಸವ 3 ದಿನ ನಡೆಯೋ ಹಬ್ಬ. ಸಾಕಷ್ಟು ಜನ ಕಲಾವಿದರು, ಸಂಗೀತಗಾರರು, ನೃತ್ಯಗಾರರು, ಕುಂಬಾರರು, ರಂಗೋಲಿ ಕಲಾವಿದರು, ಕೆತ್ತನೆ ಕೆಲಸ ಮಾಡೋರು, ಬಡಗಿಗಳು, ಬನವಾಸಿಯ ಕಳೆದುಹೋದ ಸಂಭ್ರಮವನ್ನ ಮತ್ತೆ ನೆನಪಿಸೋ ಕೆಲಸವನ್ನ ಈ ಮೂರೂ ದಿನ ಮಾಡ್ತಾರೆ. 

ಮೂಲ

6. ಬನವಾಸಿ ಸ್ಪೆಶಲ್ ಪೈನಾಪಲ್ ಗೊಜ್ಜು

ಬನವಾಸಿ ಊರು ಮಳೆಗಾಲ ಶುರುವಾಗ್ತಿದ್ದಾಗೆ ಹಸಿರು ಹೊದ್ದುಕೊಂಡಿರೋದನ್ನ ನೋಡೋದೇ ಕಣ್ಣಿಗೆ ಒಂಥರಾ ಹಬ್ಬ. ಅದಕ್ಕೆ ಕಾರಣ ಅಲ್ಲಿರೋ ಭತ್ತದ ಗದ್ದೆ. ಈ ಬನವಾಸಿನಲ್ಲಿ ತುಂಬಾ ರುಚಿಯಾಗಿರೋ ಪೈನಾಪಲ್ ಬೆಳೀತಾರೆ. ಹಾಗೆ ತಿನ್ನೋದ್ರ ಜೊತೆ ಪೈನಾಪಲ್ಲಿಂದ ಮಾಡಿರೋ ಗೊಜ್ಜು ತಿನ್ಬೇಕು.  ಇದನ್ನ ಅಲ್ಲಿನ ಖಾನಾವಳಿಗಳಲ್ಲಿ ಅಕ್ಕಿ, ಜೋಳ ಮತ್ತೆ ಸಜ್ಜೆಯಿಂದ ಮಾಡಿರೋ ರೊಟ್ಟಿಗಳ ಜೊತೆ ಪಲ್ಯ , ಚಟ್ನಿ, ಉಪ್ಪಿನಕಾಯಿ ಮತ್ತೆ ಪೈನಾಪಲ್ ಗೊಜ್ಜೂ ಕೊಡ್ತಾರೆ. ಸೂಪರರಾಗಿರುತ್ತೆ.

ಮೂಲ

7. ಬನವಾಸಿಯ ಹೊರಭಾಗದಲ್ಲಿರೋ ಗುಡ್ನಾಪುರದಲ್ಲಿ ರಾಜಾ ರವಿವರ್ಮನ ಕಂಬ ಇದೆ

ಭವ್ಯವಾದ ಮನೆಗಳೂ, ನೃತ್ಯ ಮಾಡೋಕ್ಕೆ ಇದ್ದಂತ ಹಾಲ್ ಅಷ್ಟೇ ಅಲ್ಲ ಒಂದಷ್ಟು ಜೈನ ತೀರ್ಥಂಕರರ ವಿಗ್ರಹಗಳೂ, ದೇವಸ್ಥಾನ, ಎಲ್ಲವೂ ಮಳೆ ನೀರು ಹೆಚ್ಚಾಗಿ ಕೆರೆ ತುಂಬಿ ಹರಿದು ಮುಳುಗೋಗಿರೋದನ್ನೂ ನೋಡ್ಬೋದು. ಪ್ರಾಚ್ಯವಸ್ತು ಸಂಗ್ರಹಕಾರರ ಹುಡ್ಕಿರೋ ಒಂದ್ ವಿಶೇಷವಾದ ಕಂಬ ಇದೆ. ಇದ್ರಲ್ಲಿ ಕದಂಬ ರಾಜ ರವಿವರ್ಮನ ಬಗ್ಗೆ ಕೆತ್ತಿದಾರೆ.

ಮೂಲ

8. ಬಳಪದ ಕಲ್ಲಲ್ಲಿ ಕಟ್ಟಿರೋ ಬಳ್ಳಿಗಾವಿಯ ಕೇದಾರೇಶ್ವರ ದೇವಸ್ಥಾನ

ಬನವಾಸಿಯ ಸುಮಾರು 43 ದೂರಲ್ಲಿರೋ ಶಿರಾಳಿಕೊಪ್ಪ ಅನ್ನೋ ಟೌನ್ ನಲ್ಲೆ ಬಳ್ಳಿಗಾವಿ ಅನ್ನೋ ಹಳ್ಳಿ ಇದೆ. ಸುಮಾರು 54 ದೇವಸ್ಥಾನಗಳನ್ನೂ ನಾವಿಲ್ಲಿ ನೋಡಬೋದು. ಶೈವರಿಗೆ, ವೈಷ್ಣವರಿಗೆ, ಜೈನರಿಗೆ, ಬೌದ್ಧರಿಗೆ ಹೀಗೆ ಎಲ್ಲರ ಆರಾಧನೆಗೂ ಇಲ್ಲಿ ದೇವಾಲಯ ಇದೆ. ಒಂದೆರಡು ದೇವಸ್ಥಾನ ಚಾಲುಕ್ಯರ ಆಳ್ವಿಕೆಯ ನಂತರ ಕಟ್ಟಿರೋದು ಅಂತಾರೆ. ಇಲ್ಲಿರೋ ಕೇದಾರೇಶ್ವರನ ದೇವಸ್ಥಾನ ಕಟ್ಟಿರೋದು ಬಳಪದ ಕಲ್ಲಲ್ಲಿ. ಚಾಲುಕ್ಯ - ಹೊಯ್ಸಳ ಎರಡೂ ಶೈಲಿಗಳನ್ನೂ ನಾವಿಲ್ಲಿ ನೋಡಬೋದು. ಸುಮಾರು 11ನೇ ಶತಮಾನದಲ್ಲಿ ಇದನ್ನ ಕಟ್ಟಿದ್ದಾರೆ ಅನ್ನತ್ತೆ ಇತಿಹಾಸ. ಈ ದೇವಸ್ಥಾನದ ಪ್ರಾಕಾರದಲ್ಲೇ ಒಂದು ಮ್ಯೂಸಿಯಂ ಕೂಡ ಇದೆ.

ಮೂಲ

9. ಬೇಡವಾದ ರತ್ನ ಅನ್ನಿಸಿಕೊಂಡಿರೋ ಬೆಳ್ಳಗಾವಿಯ ತ್ರಿಪುರಾಂತಕೇಶ್ವರ ದೇವಸ್ಥಾನ

ಬೇರೆ ದೇವಸ್ಥಾನಗಳಿಗೆ ಹೋಲಿಸಿದ್ರೆ ಈ ದೇವಸ್ಥಾನ ಅದ್ಯಾಕೋ ಏನೋ ಹೆಚ್ಚು ಪ್ರಚಾರ ಪಡೆದಿಲ್ಲ. ಆದ್ರೆ ಇಲ್ಲಿನ ಕೆತ್ತನೆಗಳು ಮಾತ್ರ ತುಂಬಾ ತುಂಬಾ ಅದ್ಭುತವಾಗಿದೆ. ಕಲ್ಲಿನಲ್ಲಿ ಮಾಡಿರೋ ಕಿಟಕಿಗಳು, ನೃತ್ಯಭಂಗಿಯಲ್ಲಿರೋ ಹುಡುಗಿಯರ ವಿಗ್ರಹಗಳು, ಆಭರಣ ತೊಟ್ಟಿರೋ ದ್ವಾರಪಾಲಕರು, ಪಂಚತಂತ್ರ ಕತೆಗಳ ಕೆತ್ತನೆಗಳು ಇವೆಲ್ಲಾ ಖಂಡಿತಾ ನೋಡಲೇಬೇಕಾದ ಜಾಗ.

ಮೂಲ

ಇಷ್ಟೆಲ್ಲಾ ಗೊತ್ತಾದ್ಮೇಲೆ ಬನವಾಸಿ ನೋಡ್ಲೇಬೇಕು ಅನ್ನಿಸ್ತಾ? ಹಾಗಾದ್ರೆ ಇಲ್ಕೇಳಿ

ಶಿರಸಿಯಿಂದ 22 ಕಿಮಿ ದೂರಲ್ಲಿರೋ ಈ ಬನವಾಸಿಗೆ  ಶಿವಮೊಗ್ಗ, ಹಾವೇರಿಯಿಂದ ಬಸ್ಸು, ಟ್ರೇನು ಎರಡೂ  ಸಿಗುತ್ತೆ. ಶಿರಸಿಯಿಂದ ಬನವಾಸಿಗೂ ಬೇಕಾದಷ್ಟು ಬಸ್ಸುಗಳಿವೆ.

ಬನವಾಸಿಗೆ ಹೋದೋರು ಇವನ್ನೆಲ್ಲಾ ತಿನ್ನದೇ ಬರ್ಲೇಬೇಡಿ.

ಖಾನಾವಳಿಗಳಲ್ಲಿ ಅಕ್ಕಿ ಜೋಳ ಸಜ್ಜೆ ನವಣೆಗಳಲ್ಲಿ ಮಾಡಿರೋ ರೊಟ್ಟಿ ಪಲ್ಯ ಚಟ್ನಿ ಉಪ್ಪಿನಕಾಯಿ ತಿನ್ಲೆಬೇಕು. ಸಿಹಿ ತಿಂಡಿ ಇಷ್ಟ ಪಡೋರು  ಇಲ್ಲಿ ಮಾಡೋ ಒಬ್ಬಟ್ಟು ತಿನ್ನೋದನ್ನ ಮರಿಲೇಬೇಡಿ. ಪೈನಾಪಲ್ ತಿನ್ನದೇ ವಾಪಸ್ ಬರ್ಬೇಡಿ.

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

9 ಸಾಮಾನ್ಯ ಸೌಂದರ್ಯ ಸಮಸ್ಯೆಗಳಿಗೆ ದುಬಾರಿ ಬ್ಯೂಟಿ ಟ್ರೀಟ್ಮೆಂಟ್ ಇಲ್ಲದೆ ಪರಿಹಾರ ಕಂಡ್ಕೊಳೋದು ಹೇಗೆ ನೋಡಿ

ಏನೇನೋ ಮಾಡ್ಕೊಂಡು ಪರದಾಡೋದ್ಯಾಕೆ?

ಪ್ರತಿಯೊಂದು ಹೆಣ್ಣಿಗೂ ತಾನು ತುಂಬಾ ಸುಂದರವಾಗಿ ಕಾಣಬೇಕು ಅನ್ನೋ ಆಸೆ ಇದ್ದೇ ಇರತ್ತೆ. ಆ ಕಾರಣಕ್ಕೆ ಎಷ್ಟೆಷ್ಟೋ ರೀತೀಲಿ ತಾನು ಹೇಗೆಲ್ಲಾ ಸುಂದರವಾಗಿ ಕಾಣಬೋದು ಅಂತ ಯೋಚೆ ಮಾಡ್ತಾನೇ ಇರ್ತಾಳೆ. ಇತ್ತೀಚೆಗೆ ಅಂಗಡಿನಲ್ಲಿ ಸಿಗೋ ಯಾವ ಪದಾರ್ಥನೂ ಕೂಡ ಬಳಸೋದಿಕ್ಕೆ ಮನಸ್ಸಾಗದೆ ಇದ್ರೂ , ತಾನು ಚೆನ್ನಾಗಿ ಕಾಣದಿದ್ದರೆ ಹೇಗೋ ಏನೋ ಅನ್ನೋ ಭಯದಲ್ಲಿ ಉಪಯೋಗಿಸೋದಕ್ಕೆ ಶುರು ಮಾಡ್ತಾಳೆ. ನೀವು ಅವರಲ್ಲಿ ಒಬ್ರಾ? ಖಂಡಿತ ಬೇಡಾರಿ... ಅಂತೆಕಂತೆ ಹೇಳ್ತಾ ಇರೋ ವಿಷ್ಯ ಗಮನ ಕೊಟ್ಟು ಕೇಳಿ. ನೈಸರ್ಗಿಕವಾಗಿ ಸಿಗೋ ಪದಾರ್ಥಗಳಿಂದಾನೇ ನಿಮ್ಮ ಅಂದ ಹೆಚ್ಚಿಸ್ಕೋಬೋದು.  

1. ರೆಪ್ಪೆ ಕೂದಲು ಉದ್ದವಾಗಿ, ದಟ್ಟವಾಗಿ, ಸುಂದರವಾಗಿ ಕಾಣ್ಬೇಕು ಅಂದ್ರೆ

ಕಣ್ರೆಪ್ಪೆ ಕೂದಲು ಚೆನ್ನಾಗಿ ಕಾಣೋದಕ್ಕೆ ಮನೆಯಲ್ಲಿ ತಯಾರಿಸುವ ಎಣ್ಣೆ ಮಿಶ್ರಣ ತುಂಬಾ ಒಳ್ಳೆಯದು. ಸಮಪ್ರಮಾಣದಲ್ಲಿ ಹರಳೆಣ್ಣೆ, ಬಾದಾಮಿ ಎಣ್ಣೆ, ಎಳ್ಳೆಣ್ಣೆ, ಕೊಬ್ಬರಿ ಎಣ್ಣೆ ಜೊತೆಗೆ ವಿಟಮಿನ್ ಇ ಕೂಡ ಸೇರ್ಸಿ ಒಂದು ಜಾರ್ನಲ್ಲಿ ಇಡಿ. ಎಲ್ಲ ಮಿಕ್ಸ್ ಆದ್ಮೇಲೆ ಅದನ್ನ ಡ್ರೈ ಆಗಿರೋ ಕಣ್ರೆಪ್ಪೆ ಮೇಲೆ ಹಚ್ಚಿ ಇಡೀ ರಾತ್ರಿ ಬಿಡಬೇಕು. ಈ ತರ ಒಂದೆರಡ್ ವಾರ ಪ್ರತಿ ದಿನ ಮಾಡಿ ನೋಡಿ. ಚೆನ್ನಾಗಿರೋ ರೆಪ್ಪೆಕೂದ್ಲು ನಿಮ್ಮದಾಗುತ್ತೆ.

ಮೂಲ

2.  ಕೂದಲು ತುಂಬಾ ಸೀಳ್ಕೊಂಡಿದ್ರೆ

ಕೂದಲಿನ ಆರೈಕೆ ತುಂಬಾ ಮುಖ್ಯ ಮತ್ತೆ ಅಷ್ಟೇ ಕಷ್ಟ. ಆದ್ರೆ ಪ್ರತಿ ದಿನ ನಾವದನ್ನ ನಾಳೆ ಮಾಡಿದ್ರೆ ಆಯ್ತು ಅಂದ್ಕೊಂಡು ದಿನಾಗ್ಲೂ ಮರ್ತೇ ಹೋಗ್ತೀವಿ. ಏನು ಮಾಡ್ಬಹುದು ಅಂದ್ರೆ, ಮನೇಲಿ ಇದಕ್ಕೋಸ್ಕರ ಒಂದು  ಮಾಸ್ಕ್ ತಯಾರು ಮಾಡಬಹುದು. ಒಂದು ಪಾತ್ರೇಲಿ ಮೊಟ್ಟೆಯ ಬಿಳಿ ಭಾಗ ಜೊತೆಗೆ ಮನೇಲಿ ಹೆಪ್ಪು ಮಾಡಿರೋ ಮೊಸರು ಇದರ ಜೊತೇಗೆ ಒಂದು ಟೇಬಲ್ ಸ್ಪೂನ್ ನಷ್ಟು ಹರಳೆಣ್ಣೆ ಮತ್ತಿನ್ನೊಂದು ಟೇಬಲ್ ಸ್ಪೂನಷ್ಟು ಕೊಬ್ಬರಿ ಎಣ್ಣೆ ಎಲ್ಲಾ ಸೇರ್ಸಿ ಚೆನ್ನಾಗಿ ಮಿಕ್ಸ್ ಮಾಡಿ. ಆಮೇಲೆ ಒಂದು ಸ್ಪೂನ್ ಬೆಣ್ಣೆ ಹಣ್ಣು ಮತ್ತು ಒಂದು ಟೇಬಲ್ ಸ್ಪೂನ್ ಜೊಜೊಬಾ ಆಯಿಲ್ ಸೇರಿಸಿ. ಎಲ್ಲಾನೂ ಚೆನ್ನಾಗಿ ಮಿಕ್ಸ್ ಮಾಡಿ. ಇದನ್ನ ನೇರವಾಗಿ ಕೂದಲಿಗೆ ಹಚ್ಚಿ ಅದರ ಮೇಲೆ ಒಂದು ಕವರ್ ಕ್ಯಾಪ್ ಹಾಕ್ಕೋಬೇಕು. ಹೀಗೆ ಒಂದು ಗಂಟೆ ಬಿಟ್ಟು ಆಮೇಲೆ ಉಗುರು ಬೆಚ್ಚಗಿನ ನೀರಿನಲ್ಲಿ ಕೂದಲನ್ನು ತೊಳೀಬೇಕು.

ಮೂಲ

3. ನಿಮ್ಮ ಕೈಗಳು ಸುಂದರವಾಗಿ, ಮೃದುವಾಗಿ ಇರ್ಬೇಕು ಅಂದ್ರೆ

ಸುಂದರವಾದ ಕೈಗಳು ನಿಮ್ಮದಾಗ್ಬೇಕು ಅಂದ್ರೆ ನೀವು ನಿತ್ಯ ಬಳ್ಸೋ ಕ್ರೀಮ್ಗೆ ಅಷ್ಟೇ ಪ್ರಮಾಣದ ವಿನೆಗರ್ ಸೇರಿಸಿ, ಅದನ್ನು ಪ್ರತಿ ರಾತ್ರಿ ಮಲಗೋ ಮೊದ್ಲು ಕೈಗಳಿಗೆ ಲೇಪಿಸಿ ಮಲಗಬೇಕು. ಎರಡು ವಾರಗಳ ಕಾಲ ಹೀಗೇ ತಪ್ಪದೆ ಮಾಡಿ ನೋಡಿ. ಎರಡು ವಾರಗಳ ನಂತರ ನಿಮ್ಮ ಕೈ ಎಷ್ಟು ಮೃದುವಾಗತ್ತೆ ಅಂತ ನೋಡಿ ಆಶ್ಚರ್ಯ ಪಡ್ತೀರ.

ಮೂಲ

4. ಕೂದಲು ನುಣುಪಾಗಿ ಮಿಂಚ್ಬೇಕು ಅಂದ್ರೆ

ಚೆನ್ನಾಗಿ ಹಣ್ಣಾಗಿರೋ ಬಾಳೆಹಣ್ ತೊಗೋಳಿ. ಅದನ್ನ ಚೆನ್ನಾಗಿ ಮಿಕ್ಸರ್ಗಾಕಿ ಬ್ಲೆಂಡ್ ಮಾಡಿ ಇದಕ್ಕೆ ಒಂದು ಟೇಬಲ್ ಸ್ಪೂನಷ್ಟು ಆಲಿವ್ ಆಯಿಲ್ ಬೆರೆಸಿ. ಮನೇಲೆ ಹೆಪ್ಪು ಹಾಕಿರೋ ಮೊಸರು ಒಂದು ಟೇಬಲ್ ಸ್ಪೂನ್ ಜೊತೆಗೆ ಎರಡು ಟೇಬಲ್ ಸ್ಪೂನ್ ನಷ್ಟು ಜೇನು ತುಪ್ಪ ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿ. ಒದ್ದೆ ಕೂದಲಿಗೆ ಈ ಮಿಶ್ರಣಾನ ಹಚ್ಚಿ ಅರ್ಧ ಗಂಟೆ ಆದ್ಮೇಲೆ ಉಗುರು ಬೆಚ್ಚಗಿರೋ ನೀರಲ್ಲಿ ತೊಳೀರಿ. ಆವಾಗ್ಲೆ ನಿಮ್ಮ ಕೂದಲು ಶೈನಿ ಶೈನಿ ಆಗಿರೋದನ್ನ ನೋಡಿ ಸಖತ್ ಖುಷಿ ಪಡ್ತೀರಿ.

ಮೂಲ

5.  ಒಣ ಚರ್ಮ ತೆಗೆದು ಹಾಕ್ಬೇಕು ಅಂದ್ರೆ

ಲೋಳೆ ಸರ ತುಂಬಾ ಒಳ್ಳೇ ಪದಾರ್ಥ. ಎಲ್ಲ ತರದ ಚರ್ಮದ ತೊಂದರೆಗಳಿಗೆ ಇದನ್ನ ಬಳಸ್ತಾರೆ. ಲೋಳೆಸರದ ಜ್ಯೂಸ್ ಗೆ ಮೂರು ಟೇಬಲ್ ಸ್ಪೂನಷ್ಟು ಬಿಸಿ ನೀರು ಹಾಕಿ ಮೂರು ಟೇಬಲ್ ಸ್ಪೂನ್ನಷ್ಟು ಆಲ್ಕೋ ಹಾಲ್ ಬೆರೆಸಿ  ಚೆನ್ನಾಗಿ ಮಿಕ್ಸ್ ಮಾಡಿ ಇದನ್ನು ಒಡೆದ ಚರ್ಮದ ಮೇಲೆ ಹಚ್ಬೇಕು. ಹೀಗೆ ಮಾಡೋದ್ರಿಂದ ಒಣ ಚರ್ಮದ ತೊಂದರೆ ನಿವಾರಣೆ ಆಗುತ್ತೆ. 

ಮೂಲ

6. ಉಗುರು ಆರೋಗ್ಯವಾಗಿ ಇಟ್ಕೊಬೇಕು ಅಂದ್ರೆ

ಉಗುರು ಸುಂದರವಾಗಿ ಆರೋಗ್ಯವಾಗಿ ಕಾಣಬೇಕು ಅಂದ್ರೆ ನಿಮ್ಮ ಉಗುರುಗಳಿಗೆ ನಿಂಬೆರಸದ ಸ್ನಾನ ಮಾಡಿಸ್ಬೇಕು. ಹೌದು ನಿಂಬೆ ರಸದಲ್ಲಿ ಒಂದ್ ಹದಿನೈದು ನಿಮಿಷ ನಿಮ್ಮ ಉಗುರುಗಳನ್ನ ನೆನೆಸೋದ್ರಿಂದ ನಿಮ್ಮ ಉಗುರುಗಳಿಗೆ ಒಳ್ಳೆಯ ಆರೋಗ್ಯ ಮತ್ತು ಆಕಾರ ಸಿಗುತ್ತೆ.

ಮೂಲ

7. ಒಣ ತುಟಿಗಳು ಆರೋಗ್ಯವಾಗಿ ಕಾಣ್ಬೇಕು ಅಂದ್ರೆ

ಕ್ಯಾರೆಟ್ ಜ್ಯೂಸ್ ಗೆ ನಿಂಬೆರಸ ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿ ಅದನ್ನ ತುಟಿಗಳಿಗೆ ಹಚ್ಚಿ ಏಳರಿಂದ ಹತ್ತು ನಿಮಿಷಗಳ ಕಾಲ ಹಾಗೇ ಬಿಡಿ ಆಮೇಲೆ ಬೆಚ್ಚಗಿರೋ ನೀರಿಂದ ತೊಳೀರಿ. ನಿಮ್ಮ ತುಟಿಗಳು ಕೋಮಲವಾಗಿರತ್ತೆ.

ಮೂಲ

8. ಕಣ್ಣಿನ ಸುತ್ತ ಆಗಿರೋ ಡಾರ್ಕ್ ಸರ್ಕಲ್ ತೆಗಿಬೇಕು ಅಂದ್ರೆ

ತಣ್ಣಗಿರೋ ಹಾಲಲ್ಲಿ ಹತ್ತಿ ಉಂಡೆಗಳನ್ನ ನೆನೆಸಿ ಅದನ್ನ ಕಣ್ಣಿನ ಮೇಲೆ ಪ್ರತಿದಿನ ಹದಿನೈದು ನಿಮಿಷಗಳ ಕಾಲ ಇಟ್ಕೋಳೋದನ್ನ ಅಭ್ಯಾಸ ಮಾಡ್ಕೊಳಿ. ಇದ್ರಿಂದ ಕಣ್ಣಿನ ಸುತ್ತ ಇರೋ ಕಪ್ಪು ಕಲೆ ಮಾಯ ಆಗೋಗುತ್ತೆ.  

ಮೂಲ

9. ಮುಖದ ಕಾಂತಿ ಹೆಚ್ಚಾಗ್ಬೇಕು ಅಂದ್ರೆ

ಟೊಮ್ಯಾಟೋ ಕತ್ತರಿಸಿ ಅದರ ಮೇಲೆ ಸಕ್ಕರೆ ಉದುರಿಸಿ ಇದನ್ನು ಮುಖದ ತುಂಬ ವೃತ್ತಾಕಾರದಲ್ಲಿ ಮುಖದ ಮೇಲೆ ಉಜ್ಜುತ್ತಾ ಬನ್ನಿ. ಹತ್ತು ನಿಮಿಷ ಹಾಗೇ ಬಿಡಿ. ಅದಾದ್ಮೇಲೆ ತಣ್ಣೀರಿಂದ ತೊಳೀರಿ. ನೀವು ಹೀಗೆ ವಾರಕ್ಕೆ ಮೂರು ನಾಲ್ಕು ಸರ್ತಿ ಮಾಡ್ಬೇಕು. 

ಮೂಲ

ಎಷ್ಟೊಂದು ಸುಲಭ ಅಲ್ವಾ ಇವೆಲ್ಲಾ? ಈ ಉಪಾಯಗಳನ್ನ ಮಾಡಿ, ನಿಮ್ಮ ಸೌಂದರ್ಯ ಹೆಚ್ಚಿಸ್ಕೊಂಡು, ಖುಷಿಯಾಗಿರಿ.  

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: