ತೀರಾ ಸಣ್ಣ ಇದೀರಾ? ಯಾವುದೇ ಅಡ್ಡ ಪರಿಣಾಮ ಇಲ್ಲದೆ ದಪ್ಪ ಆಗಬೇಕಾದ್ರೆ ಹೀಗ್ ಮಾಡಿ

7 ಉಪಾಯಗಳು

 ಏನು ತಿಂದ್ರೂ ದಪ್ಪ ಆಗ್ತಿಲ್ಲಾ..... ಎಲ್ಲರ ಹಾಗೆ ಬಗೆ ಬಗೆ ಬಟ್ಟೆ ತೊಡೋಕಾಗ್ತಿಲ್ಲ ಅಂತ ತಲೆ ಮೇಲೆ ಕೈ ಹೊತ್ತು ಕೂತಿರೋರೆಲ್ಲಾ ಒಮ್ಮೆ ನೋಡಿ ನೀವು ಸರಿಯಾಗಿ ಊಟ ಮಾಡ್ತಿದೀರಾ ಅಂತ.

 ಜೊತೇಲಿ ತಿನ್ನೋ ಒಂದೇ ಕಾರಣ ಅಲ್ಲದೇ ಇನ್ನು ಹಲವಾರು ಕಾರಣಗಳು ನಿಮ್ಮ ದೇಹದ ತೂಕ ಹಾಗೆ ಆಕಾರನ ನಿರ್ಧಾರ ಮಾಡುತ್ತೆ.

1. ನಿಮ್ಮ ಊಟದಲ್ಲಿ ಪ್ರೋಟೀನ್ ಅಂಶ ಹೆಚ್ಚಿರೋಹಾಗೆ ನೋಡ್ಕೊಳ್ಳಿ

ಪ್ರೋಟೀನ್ ನ್ "ಬಿಲ್ಡಿಂಗ್ ಬ್ಲಾಕ್ಸ್" ಅಂತಾರೆ.... ಅಂದ್ರೆ ದೇಹನ ಕಟ್ಟೋ ಅಂಶ ಪ್ರೋಟೀನ್. ಹಾಗಾಗಿ ನಿಮ್ಮ ಊಟದಲ್ಲಿ ಪ್ರೋಟೀನ್ ಅಂಶ ಹೆಚ್ಚಿದ್ರೆ ದೇಹದ ತೂಕ ಹೆಚ್ಚಾಗುತ್ತೆ.

ದಿನಾ ಸೊಪ್ಪು ತರಕಾರಿ ಜೊತೆ ದ್ರಾಕ್ಷಿ ಗೋಡಂಬಿ ಎಲ್ಲಾನೂ ತಿನ್ನೋದು ಮರೀಬೇಡಿ.

ಮೂಲ

2. ಹಾಲು - ಹಾಲಿನ ಪದಾರ್ಥನ ದಿನ ನಿತ್ಯ ಸೇವಿಸಿ

ಹಾಲು ಅಂದ್ರೆ ಹಾಲು ಮಾತ್ರ... ಕಾಫಿ- ಟೀ ಅಲ್ಲ. ಕಾಫಿ- ಟೀ ನಲ್ಲಿ ಬಳಸೋ ಹಾಲು ನಿಮಗೇ ಯಾವುದೇ ರೀತಿ ಸಹಾಯ ಮಾಡಲ್ಲ.,

ರಾತ್ರಿ ಮಲಗೋವಾಗ ಗಟ್ಟಿ ಮೊಸರು ಸಕ್ಕರೆ ಜೊತೆ ತಿನ್ನಿ. ಬೇಡ ಅಂದ್ರೂ ದಪ್ಪ ಆಗ್ತೀರ.

ಮೂಲ

3. ಹೆಚ್ಚು ಸಾರಿ ತಿನ್ನೊ ಅಭ್ಯಾಸ ಮಾಡ್ಕೊಳ್ಳಿ

ಒಂದೇ ಸಾರಿ ತಿನ್ನೋಕಿಂತ ಎರಡು ಗಂಟೆಗೊಮ್ಮೆ ಸ್ವಲ್ಪ ಸ್ವಲ್ಪ ಆಹಾರ ತಿನ್ನೋ ಅಭ್ಯಾಸ ಮಾಡ್ಕೊಳ್ಳಿ ತಿನ್ನೋದು  ಮೈಗೆ ಹತ್ತುತ್ತೆ.

ಮೂಲ

4. ಮೊಟ್ಟೆ ದಿನಾ ತಿಂದ್ರೆ ಒಳ್ಳೇದು

ಮೊಟ್ಟೆ ದಿನಕ್ಕೆ ಒಂದಾದ್ರು ತಿನ್ನಿ, ಆದ್ರೆ ಬೇಯಿಸೇ ತಿನ್ನಬೇಕು.

ಇನ್ನು ಮಾಂಸಾಹಾರಿಗಳಾದ್ರೆ ವಾರಕ್ಕೊಮ್ಮೆ ಸೇವಿಸಿ, ಒಳ್ಳೇದು.

ಮೂಲ

5. ಹೊರಗಿನ ಆಹಾರ ತಿನ್ನೋದು ಕಡಿಮೆ ಮಾಡಿ

ಹೊರಗಿಂದು ಕರಿದಿದ್ದು ಎಲ್ಲ ತಿನ್ನೋದ್ರಿಂದ ನೀವು ತಿನ್ನೋ ಪೌಷ್ಠಿಕ ಆಹಾರ ಕೂಡ ಲಾಭ ಆಗಲ್ಲ. ಅದ್ರಿಂದ ಹೊರಗಿಂದು ತಿನ್ನೋದು ಕಡಿಮೆ ಮಾಡಿ.

ಮೂಲ

6. ನಿದ್ದೆ ಸರಿಯಾಗಿ ಮಾಡ್ಡೇ ಹೋದ್ರೆ ದಪ್ಪ ಆಗಲ್ಲ

ನಿಮ್ಮ ನಿದ್ದೆ - ಯೋಚ್ನೆಗಳ ಮೇಲೆ ಗಮನ ಇರಲಿ, ಇವುಗಳಲ್ಲಿ ವ್ಯತ್ಯಾಸ ಆದ್ರೂ ದಪ್ಪ ಆಗಲ್ಲ.

ಮೂಲ

7. ಕೆಟ್ಟ ಅಭ್ಯಾಸಗಳಿಂದ ದೂರ ಇರಿ

ಧೂಮಪಾನ- ಮಧ್ಯಪಾನ ಹೆಚ್ಚಾಗಿ ಮಾಡ್ತಿದ್ರೆ ಅದು ಕೂಡ ನಿಮ್ಮನ್ನ ದಪ್ಪ ಆಗೋಕೆ ಬಿಡಲ್ಲ.

ಮೂಲ

ಇದೆಲ್ಲ ಮಾಡೋಕೆ ಶುರು ಮಾಡಿ ನೋಡಿ, ಆದಷ್ಟು ಬೇಗ ದಪ್ಪ ಆಗ್ತೀರ, ಅದೂ ಆರೋಗ್ಯಕರವಾಗಿ.

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

9 ಸಾಮಾನ್ಯ ಸೌಂದರ್ಯ ಸಮಸ್ಯೆಗಳಿಗೆ ದುಬಾರಿ ಬ್ಯೂಟಿ ಟ್ರೀಟ್ಮೆಂಟ್ ಇಲ್ಲದೆ ಪರಿಹಾರ ಕಂಡ್ಕೊಳೋದು ಹೇಗೆ ನೋಡಿ

ಏನೇನೋ ಮಾಡ್ಕೊಂಡು ಪರದಾಡೋದ್ಯಾಕೆ?

ಪ್ರತಿಯೊಂದು ಹೆಣ್ಣಿಗೂ ತಾನು ತುಂಬಾ ಸುಂದರವಾಗಿ ಕಾಣಬೇಕು ಅನ್ನೋ ಆಸೆ ಇದ್ದೇ ಇರತ್ತೆ. ಆ ಕಾರಣಕ್ಕೆ ಎಷ್ಟೆಷ್ಟೋ ರೀತೀಲಿ ತಾನು ಹೇಗೆಲ್ಲಾ ಸುಂದರವಾಗಿ ಕಾಣಬೋದು ಅಂತ ಯೋಚೆ ಮಾಡ್ತಾನೇ ಇರ್ತಾಳೆ. ಇತ್ತೀಚೆಗೆ ಅಂಗಡಿನಲ್ಲಿ ಸಿಗೋ ಯಾವ ಪದಾರ್ಥನೂ ಕೂಡ ಬಳಸೋದಿಕ್ಕೆ ಮನಸ್ಸಾಗದೆ ಇದ್ರೂ , ತಾನು ಚೆನ್ನಾಗಿ ಕಾಣದಿದ್ದರೆ ಹೇಗೋ ಏನೋ ಅನ್ನೋ ಭಯದಲ್ಲಿ ಉಪಯೋಗಿಸೋದಕ್ಕೆ ಶುರು ಮಾಡ್ತಾಳೆ. ನೀವು ಅವರಲ್ಲಿ ಒಬ್ರಾ? ಖಂಡಿತ ಬೇಡಾರಿ... ಅಂತೆಕಂತೆ ಹೇಳ್ತಾ ಇರೋ ವಿಷ್ಯ ಗಮನ ಕೊಟ್ಟು ಕೇಳಿ. ನೈಸರ್ಗಿಕವಾಗಿ ಸಿಗೋ ಪದಾರ್ಥಗಳಿಂದಾನೇ ನಿಮ್ಮ ಅಂದ ಹೆಚ್ಚಿಸ್ಕೋಬೋದು.  

1. ರೆಪ್ಪೆ ಕೂದಲು ಉದ್ದವಾಗಿ, ದಟ್ಟವಾಗಿ, ಸುಂದರವಾಗಿ ಕಾಣ್ಬೇಕು ಅಂದ್ರೆ

ಕಣ್ರೆಪ್ಪೆ ಕೂದಲು ಚೆನ್ನಾಗಿ ಕಾಣೋದಕ್ಕೆ ಮನೆಯಲ್ಲಿ ತಯಾರಿಸುವ ಎಣ್ಣೆ ಮಿಶ್ರಣ ತುಂಬಾ ಒಳ್ಳೆಯದು. ಸಮಪ್ರಮಾಣದಲ್ಲಿ ಹರಳೆಣ್ಣೆ, ಬಾದಾಮಿ ಎಣ್ಣೆ, ಎಳ್ಳೆಣ್ಣೆ, ಕೊಬ್ಬರಿ ಎಣ್ಣೆ ಜೊತೆಗೆ ವಿಟಮಿನ್ ಇ ಕೂಡ ಸೇರ್ಸಿ ಒಂದು ಜಾರ್ನಲ್ಲಿ ಇಡಿ. ಎಲ್ಲ ಮಿಕ್ಸ್ ಆದ್ಮೇಲೆ ಅದನ್ನ ಡ್ರೈ ಆಗಿರೋ ಕಣ್ರೆಪ್ಪೆ ಮೇಲೆ ಹಚ್ಚಿ ಇಡೀ ರಾತ್ರಿ ಬಿಡಬೇಕು. ಈ ತರ ಒಂದೆರಡ್ ವಾರ ಪ್ರತಿ ದಿನ ಮಾಡಿ ನೋಡಿ. ಚೆನ್ನಾಗಿರೋ ರೆಪ್ಪೆಕೂದ್ಲು ನಿಮ್ಮದಾಗುತ್ತೆ.

ಮೂಲ

2.  ಕೂದಲು ತುಂಬಾ ಸೀಳ್ಕೊಂಡಿದ್ರೆ

ಕೂದಲಿನ ಆರೈಕೆ ತುಂಬಾ ಮುಖ್ಯ ಮತ್ತೆ ಅಷ್ಟೇ ಕಷ್ಟ. ಆದ್ರೆ ಪ್ರತಿ ದಿನ ನಾವದನ್ನ ನಾಳೆ ಮಾಡಿದ್ರೆ ಆಯ್ತು ಅಂದ್ಕೊಂಡು ದಿನಾಗ್ಲೂ ಮರ್ತೇ ಹೋಗ್ತೀವಿ. ಏನು ಮಾಡ್ಬಹುದು ಅಂದ್ರೆ, ಮನೇಲಿ ಇದಕ್ಕೋಸ್ಕರ ಒಂದು  ಮಾಸ್ಕ್ ತಯಾರು ಮಾಡಬಹುದು. ಒಂದು ಪಾತ್ರೇಲಿ ಮೊಟ್ಟೆಯ ಬಿಳಿ ಭಾಗ ಜೊತೆಗೆ ಮನೇಲಿ ಹೆಪ್ಪು ಮಾಡಿರೋ ಮೊಸರು ಇದರ ಜೊತೇಗೆ ಒಂದು ಟೇಬಲ್ ಸ್ಪೂನ್ ನಷ್ಟು ಹರಳೆಣ್ಣೆ ಮತ್ತಿನ್ನೊಂದು ಟೇಬಲ್ ಸ್ಪೂನಷ್ಟು ಕೊಬ್ಬರಿ ಎಣ್ಣೆ ಎಲ್ಲಾ ಸೇರ್ಸಿ ಚೆನ್ನಾಗಿ ಮಿಕ್ಸ್ ಮಾಡಿ. ಆಮೇಲೆ ಒಂದು ಸ್ಪೂನ್ ಬೆಣ್ಣೆ ಹಣ್ಣು ಮತ್ತು ಒಂದು ಟೇಬಲ್ ಸ್ಪೂನ್ ಜೊಜೊಬಾ ಆಯಿಲ್ ಸೇರಿಸಿ. ಎಲ್ಲಾನೂ ಚೆನ್ನಾಗಿ ಮಿಕ್ಸ್ ಮಾಡಿ. ಇದನ್ನ ನೇರವಾಗಿ ಕೂದಲಿಗೆ ಹಚ್ಚಿ ಅದರ ಮೇಲೆ ಒಂದು ಕವರ್ ಕ್ಯಾಪ್ ಹಾಕ್ಕೋಬೇಕು. ಹೀಗೆ ಒಂದು ಗಂಟೆ ಬಿಟ್ಟು ಆಮೇಲೆ ಉಗುರು ಬೆಚ್ಚಗಿನ ನೀರಿನಲ್ಲಿ ಕೂದಲನ್ನು ತೊಳೀಬೇಕು.

ಮೂಲ

3. ನಿಮ್ಮ ಕೈಗಳು ಸುಂದರವಾಗಿ, ಮೃದುವಾಗಿ ಇರ್ಬೇಕು ಅಂದ್ರೆ

ಸುಂದರವಾದ ಕೈಗಳು ನಿಮ್ಮದಾಗ್ಬೇಕು ಅಂದ್ರೆ ನೀವು ನಿತ್ಯ ಬಳ್ಸೋ ಕ್ರೀಮ್ಗೆ ಅಷ್ಟೇ ಪ್ರಮಾಣದ ವಿನೆಗರ್ ಸೇರಿಸಿ, ಅದನ್ನು ಪ್ರತಿ ರಾತ್ರಿ ಮಲಗೋ ಮೊದ್ಲು ಕೈಗಳಿಗೆ ಲೇಪಿಸಿ ಮಲಗಬೇಕು. ಎರಡು ವಾರಗಳ ಕಾಲ ಹೀಗೇ ತಪ್ಪದೆ ಮಾಡಿ ನೋಡಿ. ಎರಡು ವಾರಗಳ ನಂತರ ನಿಮ್ಮ ಕೈ ಎಷ್ಟು ಮೃದುವಾಗತ್ತೆ ಅಂತ ನೋಡಿ ಆಶ್ಚರ್ಯ ಪಡ್ತೀರ.

ಮೂಲ

4. ಕೂದಲು ನುಣುಪಾಗಿ ಮಿಂಚ್ಬೇಕು ಅಂದ್ರೆ

ಚೆನ್ನಾಗಿ ಹಣ್ಣಾಗಿರೋ ಬಾಳೆಹಣ್ ತೊಗೋಳಿ. ಅದನ್ನ ಚೆನ್ನಾಗಿ ಮಿಕ್ಸರ್ಗಾಕಿ ಬ್ಲೆಂಡ್ ಮಾಡಿ ಇದಕ್ಕೆ ಒಂದು ಟೇಬಲ್ ಸ್ಪೂನಷ್ಟು ಆಲಿವ್ ಆಯಿಲ್ ಬೆರೆಸಿ. ಮನೇಲೆ ಹೆಪ್ಪು ಹಾಕಿರೋ ಮೊಸರು ಒಂದು ಟೇಬಲ್ ಸ್ಪೂನ್ ಜೊತೆಗೆ ಎರಡು ಟೇಬಲ್ ಸ್ಪೂನ್ ನಷ್ಟು ಜೇನು ತುಪ್ಪ ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿ. ಒದ್ದೆ ಕೂದಲಿಗೆ ಈ ಮಿಶ್ರಣಾನ ಹಚ್ಚಿ ಅರ್ಧ ಗಂಟೆ ಆದ್ಮೇಲೆ ಉಗುರು ಬೆಚ್ಚಗಿರೋ ನೀರಲ್ಲಿ ತೊಳೀರಿ. ಆವಾಗ್ಲೆ ನಿಮ್ಮ ಕೂದಲು ಶೈನಿ ಶೈನಿ ಆಗಿರೋದನ್ನ ನೋಡಿ ಸಖತ್ ಖುಷಿ ಪಡ್ತೀರಿ.

ಮೂಲ

5.  ಒಣ ಚರ್ಮ ತೆಗೆದು ಹಾಕ್ಬೇಕು ಅಂದ್ರೆ

ಲೋಳೆ ಸರ ತುಂಬಾ ಒಳ್ಳೇ ಪದಾರ್ಥ. ಎಲ್ಲ ತರದ ಚರ್ಮದ ತೊಂದರೆಗಳಿಗೆ ಇದನ್ನ ಬಳಸ್ತಾರೆ. ಲೋಳೆಸರದ ಜ್ಯೂಸ್ ಗೆ ಮೂರು ಟೇಬಲ್ ಸ್ಪೂನಷ್ಟು ಬಿಸಿ ನೀರು ಹಾಕಿ ಮೂರು ಟೇಬಲ್ ಸ್ಪೂನ್ನಷ್ಟು ಆಲ್ಕೋ ಹಾಲ್ ಬೆರೆಸಿ  ಚೆನ್ನಾಗಿ ಮಿಕ್ಸ್ ಮಾಡಿ ಇದನ್ನು ಒಡೆದ ಚರ್ಮದ ಮೇಲೆ ಹಚ್ಬೇಕು. ಹೀಗೆ ಮಾಡೋದ್ರಿಂದ ಒಣ ಚರ್ಮದ ತೊಂದರೆ ನಿವಾರಣೆ ಆಗುತ್ತೆ. 

ಮೂಲ

6. ಉಗುರು ಆರೋಗ್ಯವಾಗಿ ಇಟ್ಕೊಬೇಕು ಅಂದ್ರೆ

ಉಗುರು ಸುಂದರವಾಗಿ ಆರೋಗ್ಯವಾಗಿ ಕಾಣಬೇಕು ಅಂದ್ರೆ ನಿಮ್ಮ ಉಗುರುಗಳಿಗೆ ನಿಂಬೆರಸದ ಸ್ನಾನ ಮಾಡಿಸ್ಬೇಕು. ಹೌದು ನಿಂಬೆ ರಸದಲ್ಲಿ ಒಂದ್ ಹದಿನೈದು ನಿಮಿಷ ನಿಮ್ಮ ಉಗುರುಗಳನ್ನ ನೆನೆಸೋದ್ರಿಂದ ನಿಮ್ಮ ಉಗುರುಗಳಿಗೆ ಒಳ್ಳೆಯ ಆರೋಗ್ಯ ಮತ್ತು ಆಕಾರ ಸಿಗುತ್ತೆ.

ಮೂಲ

7. ಒಣ ತುಟಿಗಳು ಆರೋಗ್ಯವಾಗಿ ಕಾಣ್ಬೇಕು ಅಂದ್ರೆ

ಕ್ಯಾರೆಟ್ ಜ್ಯೂಸ್ ಗೆ ನಿಂಬೆರಸ ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿ ಅದನ್ನ ತುಟಿಗಳಿಗೆ ಹಚ್ಚಿ ಏಳರಿಂದ ಹತ್ತು ನಿಮಿಷಗಳ ಕಾಲ ಹಾಗೇ ಬಿಡಿ ಆಮೇಲೆ ಬೆಚ್ಚಗಿರೋ ನೀರಿಂದ ತೊಳೀರಿ. ನಿಮ್ಮ ತುಟಿಗಳು ಕೋಮಲವಾಗಿರತ್ತೆ.

ಮೂಲ

8. ಕಣ್ಣಿನ ಸುತ್ತ ಆಗಿರೋ ಡಾರ್ಕ್ ಸರ್ಕಲ್ ತೆಗಿಬೇಕು ಅಂದ್ರೆ

ತಣ್ಣಗಿರೋ ಹಾಲಲ್ಲಿ ಹತ್ತಿ ಉಂಡೆಗಳನ್ನ ನೆನೆಸಿ ಅದನ್ನ ಕಣ್ಣಿನ ಮೇಲೆ ಪ್ರತಿದಿನ ಹದಿನೈದು ನಿಮಿಷಗಳ ಕಾಲ ಇಟ್ಕೋಳೋದನ್ನ ಅಭ್ಯಾಸ ಮಾಡ್ಕೊಳಿ. ಇದ್ರಿಂದ ಕಣ್ಣಿನ ಸುತ್ತ ಇರೋ ಕಪ್ಪು ಕಲೆ ಮಾಯ ಆಗೋಗುತ್ತೆ.  

ಮೂಲ

9. ಮುಖದ ಕಾಂತಿ ಹೆಚ್ಚಾಗ್ಬೇಕು ಅಂದ್ರೆ

ಟೊಮ್ಯಾಟೋ ಕತ್ತರಿಸಿ ಅದರ ಮೇಲೆ ಸಕ್ಕರೆ ಉದುರಿಸಿ ಇದನ್ನು ಮುಖದ ತುಂಬ ವೃತ್ತಾಕಾರದಲ್ಲಿ ಮುಖದ ಮೇಲೆ ಉಜ್ಜುತ್ತಾ ಬನ್ನಿ. ಹತ್ತು ನಿಮಿಷ ಹಾಗೇ ಬಿಡಿ. ಅದಾದ್ಮೇಲೆ ತಣ್ಣೀರಿಂದ ತೊಳೀರಿ. ನೀವು ಹೀಗೆ ವಾರಕ್ಕೆ ಮೂರು ನಾಲ್ಕು ಸರ್ತಿ ಮಾಡ್ಬೇಕು. 

ಮೂಲ

ಎಷ್ಟೊಂದು ಸುಲಭ ಅಲ್ವಾ ಇವೆಲ್ಲಾ? ಈ ಉಪಾಯಗಳನ್ನ ಮಾಡಿ, ನಿಮ್ಮ ಸೌಂದರ್ಯ ಹೆಚ್ಚಿಸ್ಕೊಂಡು, ಖುಷಿಯಾಗಿರಿ.  

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: