ಈ 19 ದಿನಬಳಕೆ ಸಾಮಾನ್ ಮೇಲೆ expiry date ಬರೆದಿರಲ್ಲ, ಆದರೆ ನಾವ್ ಹೇಳ್ತೀವಿ ಕೇಳಿ

ನಮ್ಮ ಹುಷಾರಲ್ಲಿ ನಾವಿರಬೇಕು

ಕಾನೂನಿನ ಪ್ರಕಾರ ಕೆಳಗೆ ಕೊಟ್ಟಿರೋ ಸಾಮಾನ್ ಮೇಲೆ expiry date ಬರೆದಿರಲ್ಲ. ಹಾಗಂತ ಇವುಗಳ್ನ ಬಳಸೋದು ನಿಲ್ಲಿಸಲೇ ಬೇಕಾಗಿಲ್ಲ ಅಂತಲ್ಲ. ಒಂದೊಂದಾಗಿ ಓದ್ತಾ ಹೋಗಿ…

2-3 ವರ್ಷ ಆದ್ಮೇಲೆ ಸ್ಪಂಜ್ ಹಾಕಿರೋ ತಲೆದಿಂಬು ಬಳಸೋದು ಒಳ್ಳೇದಲ್ಲ. ಬಳಸಿದ್ರೆ ಅದು ಧೂಳನ್ನ ಆಕರ್ಷಿಸೋದಲ್ಲದೇ ಅದರ ಆಕಾರ ಹಾಳಾಗೋದ್ರಿಂದ ನಿಮ್ಮ ಕತ್ತಿಗೂ ನೋವಾಗುತ್ತೆ.

ಮೂಲ

ಚಪ್ಲಿಗಳನ್ನ 6 ತಿಂಗಳು ಮಾತ್ರ ಬಳಸಬಹುದು. ಹೆಚ್ಚು ಬಳಸಬೇಕಾದ್ರೂ ತೊಳೆದು ಬಳಸೋ ಅಭ್ಯಾಸ ಮಾಡ್ಕೊಳ್ಳಿ ಇಲ್ಲ ಅಂದ್ರೆ ಅದರಿಂದ ಫ಼ಂಗಸ್ ಹರಡುತ್ತೆ.

ಮೂಲ

ಸ್ನಾನಕ್ಕೆ ಬಳಸೋ ಸ್ಪಾಂಜ್ ಕೂಡ 2 ವಾರ ಆದ್ಮೇಲೆ ಬಳಸಿದ್ರೆ ಫ಼ಂಗಸ್ ಬೆಳಿಯುತ್ತೆ. ಬಳಸೋವಾಗ ಆಗಾಗ ಬಿಸಿ ನೀರಲ್ಲಿ ಕುದ್ದಿಸಿ ಬಳಸೋ ಅಭ್ಯಾಸ ಮಾಡ್ಕೊಳ್ಳಿ.

ಮೂಲ

1-2 ವರ್ಷಕ್ಕಿಂತ ಹೆಚ್ಚು ಟವಲ್ ಗಳನ್ನ ಬಳಸೋಹಾಗಿಲ್ಲ, ಯಾಕೆ ಗೊತ್ತಾ? ಅದನ್ನ ಆಗಾಗ ಒದ್ದೆ ಮಾಡೋದ್ರಿಂದ ಕೀಟಾಣುಗಳನ್ನ ಆಕರ್ಷಿಸುತ್ತೆ.

ಮೂಲ

ಸ್ನಾನದ ಮನೇಲಿ ಬಳಸೋ ಸ್ಟೂಲ್ನ 6 ತಿಂಗಳಿಗಿಂತ ಹೆಚ್ಚು ಬಳಸಬೇಡಿ, ಬಳಸೋವಾಗ ತೊಳೆದು ಬಳಸೋ ಅಭ್ಯಾಸ ಮಾಡ್ಕೊಳ್ಳಿ.

ಮೂಲ

3 ತಿಂಗಳು ಆಗ್ತಿದ್ದಂಗೇ ಟೂತ್ ಬ್ರಶ್ ಬದಲಾಯಿಸಿ. ಹಾಗೇ ಜ್ವರ, ನೆಗಡಿ, ಕೆಮ್ಮು ಇಂತಹ ಖಾಯಿಲೆಗಳು ಬಂದು ವಾಸಿ ಆದ್ಮೇಲೂ ಬದಲಾಯಿಸಿ. ಇಲ್ಲ ಅಂದ್ರೆ ಆ ಖಾಯಿಲೆಗಳು ಮತ್ತೆ ಬರಬಹುದು.

ಮೂಲ

ನಿಮ್ಮ ಬಚ್ಚಲು ತೊಳೆಯಕ್ಕೆ ಇಟ್ಟಿರೋ ಕ್ಲೀನರ್ಗಳನ್ನ 2 ತಿಂಗಳಿಗಿಂತ ಹೆಚ್ಚು ಇಡಬೇಡಿ, ಆಮೇಲೆ ಅದು ಬಳಸೋಕೆ ಯೋಗ್ಯ ಇಲ್ಲ.

ಮೂಲ

ಬಾಚಣಿಕೆ ಕೂಡ 1 ವರ್ಷಕ್ಕಿಂತ ಹೆಚ್ಚು ಬಳಸೋಹಾಗಿಲ್ಲ, ವಾರಕ್ಕೊಂದ್ ಸಾರಿ ಆದ್ರೂ ತೊಳೆದು ಬಳಸಿ.

ಇನ್ನು ನೈಸರ್ಗಿಕ ಬಾಚಣಿಕೆ ಆದ್ರೆ ಅದನ್ನ 7-10 ತಿಂಗಳ ವರೆಗೆ ಮಾತ್ರ ಬಳಸಬೇಕು.

ಮೂಲ

ಸೆಂಟು ಸರಿಯಾಗಿ ಮುಚ್ಚಿಟ್ಟಿದ್ರೆ 3 ವರ್ಷ ಬಳಸಬಹುದು ನೋಡಿ, ಅದಕ್ಕಿಂತ ಹೆಚ್ಚಲ್ಲ.

ಮೂಲ

ಮಕ್ಕಳನ್ನ ಸಮಾಧಾನ ಮಾಡೋಕಿಡೋ ಪೆಸಿಫೈಯರ್ನ 2-5 ವಾರಕ್ಕಿಂತ ಹೆಚ್ಚು ಬಳಸಬೇಡಿ. ಅದರಲ್ಲಿರೋ ಲೇಟೆಕ್ಸ್ ಅನ್ನೋ ಪದಾರ್ಥ ಬಳಸಿದ್ರೆ ಕಿಟಾಣುಗಳನ್ನ ಹರಡುತ್ತೆ.

ಮೂಲ

6 - 10 ವರ್ಷಕ್ಕಿಂತ ಹೆಚ್ಚು ನಿಮ್ಮ ಅಥವಾ ನಿಮ್ಮ ಮಕ್ಕಳ ಕಾರ್ ಸೀಟು ಬಳಸೋಕಾಗಲ್ಲ, ಅದರ ಆಕಾರ ಬದಲಾಗಿ ಹಾಳಾಗಿರುತ್ತೆ. 

ರಿಪೇರಿ ಮಾಡುಸ್ಕೊಳಿ ಇಲ್ಲಾ ಹೊಸಾದು ತೊಗೊಳಿ.

ಮೂಲ

ಒಳ ಉಡುಪುಗಳೂ ಅಷ್ಟೇ 1 - 2 ವರ್ಷಕ್ಕಿಂತ ಹೆಚ್ಚು ಬಳಸಿದ್ರೆ ಹಾಳಾಗಿರುತ್ತೆ, ನಿಮಗೆ ಕಸಿವಿಸಿ ಆಗಬಹುದು ಬಳಸೋಕೆ.

ಮೂಲ

ಓಡೋಕೆ ಬಳಸೋ ಶೂನ 250 - 350  ಮೈಲಿ ವರೆಗೂ ಓಡಿದ ಮೇಲೆ ಬಳಸೋಕಾಗಲ್ಲ.

ಅದರಲ್ಲಿ ಇರೋ  ಮೃದುತ್ವ ಕಡಿಮೆ ಆಗಿರುತ್ತೆ ಇನ್ನು ಹೆಚ್ಚು ಬಳಸಿದ್ರೆ ನಿಮ್ಮ ಮಂಡಿ ಮೇಲೆ ಪ್ರಭಾವ ಬೀರುತ್ತೆ.

ಮೂಲ

ಮನೇಲಿರೋ ಮಸಾಲೆ ಪದಾರ್ಥಗಳನ್ನ 1 -3  ವರ್ಷ ಮಾತ್ರ ಬಳಸಬಹುದು

 ಅದಾದಮೇಲೆ ಮಸಾಲೆ ಪದಾರ್ಥಗಳು ತಮ್ಮ ಸುವಾಸನೆ ಕಳೆದುಕೊಳ್ಳುತವೆ. ಇನ್ನು ಮಸಾಲೆ ಪುಡಿಗಳು 6 ತಿಂಗಳಿಗೆ ಮಾತ್ರ.

ಮೂಲ

ಅಕ್ಕಿ ಹಿಟ್ಟು ಗೋದಿ ಹಿಟ್ಟು ಮತ್ತಿತರ ಹಿಟ್ಟುಗಳು 6 - 12 ತಿಂಗಳಿಗೆ ಮಾತ್ರ ಬಳಸೋಕೆ ಯೋಗ್ಯ

ಮೂಲ

ಬೆಂಕಿ ನಂದಿಸೋಕಿರೋ ಸಾಧನಗಳನ್ನ 15 ವರ್ಷಕ್ಕಿಂತ ಹೆಚ್ಚು ಬಳಸೋಕಾಗಲ್ಲ.

ಜೊತೇಲಿ ಏನಾದ್ರು ಬಿರುಕು ಬಿದ್ದಿದ್ರೆ ಆದಷ್ಟು ಬೇಗ ಸರಿ ಪಡಿಸಿದೊಂದು ಒಳ್ಳೇದು.

ಮೂಲ

1 -2  ವರ್ಷ ಆದ್ಮೇಲೆ extension cord ಗಳನ್ನ ಬದಲಾಯಿಸಿ.

ಹೆಚ್ಚು ಬಳಸಿದ್ರೆ ಕರೆಂಟ್ ಇಂದ ತೊಂದರೆ ಆದೀತು . 

ಮೂಲ

ಮನೆ ಒರೆಸೋಕೆ ಬಳಸೋ ಲಿಕ್ವಿಡ್ಗಳು 3 ತಿಂಗಳಾದಮೇಲೆ ಉಪಯೋಗ ಇಲ್ಲ. 

ಮೂಲ

2 ವರ್ಷ ಆದ್ಮೇಲೆ ನಿಮ್ಮ ಮನೆ ಸೊಳ್ಳೆ ಬತ್ತಿ ಸೊಳ್ಳೆ ಸಾಯಿಸೋಲ್ಲ, ಆದ್ರೆ ನಿಮ್ಮ ಆರೋಗ್ಯಕ್ಕೆ  ತೊಂದ್ರೆ ಮಾಡಬಹುದು. 

ಮೂಲ

ಯಾವ ಯಾವ ವಸ್ತು ಎಷ್ಟು ವರ್ಷ ಆಗಿತ್ತು ತಂದು ನೆನಪು ಮಾಡ್ಕೊಳ್ಳಿ....

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ಬಟಾಣಿ ಇಷ್ಟಪಡೋರೆಲ್ಲಾ ಈ 14 ಲಾಭ ತಿಳ್ಕೊಂಡ್ರೆ ಮನೇಲೆ ಬೆಳ್ಕೊಳಕ್ಕೆ ಶುರು ಮಾಡ್ತೀರ

ವಾಯು ಅಂತ ಸ್ವಲ್ಪ ಜನ ಮುಖ ಮುರೀತಾರೆ

ಬಟಾಣಿ ತಿಂದ್ರೆ ವಾಯು ಬರತ್ತೆ ಅನ್ನೋರೆಲ್ಲಾ ಇಲ್ಕೇಳಿ. ಬಟಾಣಿ ಗಿಡ ನಮ್ ದೇಶದಲ್ಲಿ ಹುಟ್ಟಿದಲ್ಲ. ಇದು ವಿಚಿತ್ರವಾಗಿರೋ ಗಿಡಗಳ ಸಾಲ್ನಲ್ಲಿ ಸೇರತ್ತೆ. ಆದ್ರೂ ಕೂಡಾ ಇದ್ರ ಉಪಯೋಗ ಇದ್ಯಲ್ಲಾ ಅದು ಒಂದೆರಡಲ್ಲ. ಇದ್ರಲ್ಲಿರೋ ಪಿಷ್ಟ ಇದ್ನ ಸಿಹಿಯಾಗಿರೋವಾಗೆ ಮಾಡ್ಸತ್ತೆ. ಇದ್ರಲ್ಲಿರೋ ಫೈಟೋ ನ್ಯುಟ್ರಿಯಂಟ್ಸ್ ಹೊಟ್ಟೆಗೆ ಸಂಬಂಧಿಸಿದ ಕ್ಯಾನ್ಸರನ್ನ ಗುಣಪಡ್ಸತ್ತೆ. ಅಷ್ಟಲ್ಲದೇ ಉರಿಯೂತಕ್ಕೆ ಸಂಬಂಧಿಸಿದ ಯಾವ್ದೇ ತರದ ತೊಂದ್ರೆ ಇದ್ರೆ ಇದ್ರಲ್ಲಿರೋ ಫೈಟೋ ನ್ಯುಟ್ರಿಯಂಟ್ಸ್ ಕಮ್ಮಿ ಮಾಡ್ಸತ್ತೆ. ಪ್ರೋಟೀನ್ ಮತ್ತೆ ನಾರಿನ ಅಂಶ ಸಕ್ಕತ್ತಾಗಿ ಇರೋದ್ರಿಂದ ಮಧುಮೇಹ ಕಾಯಿಲೆಯನ್ನ ಕಮ್ಮಿ ಮಾಡ್ಸತ್ತೆ.

ಸ್ವಲ್ಪಾನೇ ಕೊಬ್ಬಿರೋದ್ರಿಂದ ಅಷ್ಟೇನ್ ತೊಂದ್ರೆ ಅಗಲ್ಲ. ಬೀಟಾ ಕೆರೋಟಿನ್ , ವಿಟಮಿನ್ ಇ ಸಹಿತ ಇದ್ರಲ್ಲಿದೆ. ಇಷ್ಟೆಲ್ಲಾ ಇರೋ ಬಟಾಣಿಯನ್ನ ನಾವಂತೂ ಮಸಾಲ್ ಪುರಿಯಲ್ಲಿ ಹಾಕಪ್ಪಾ ಇನ್ನೂ ಹಾಕಪ್ಪಾ ಅಂತ ಚಪ್ಪರಿಸ್ಕೊಂಡ್ ತಿಂದೇ ಇದ್ದೀವಿ ಬಿಡಿ. ಇದೇ ತರ ಇನ್ನೂ ಯಾವ್ದಲ್ಲ ಉಪಯೋಗಗಳಿದೆ ಅನ್ನೋದ್ನ ನೋಡ್ತಾ ಹೋಗೋಣ ಬನ್ನಿ. 

1. ಇದ್ರಲ್ಲಿರೋ ಪೌಷ್ಟಿಕಾಂಶಗಳು ಮಂಡಿ ನೋವು ಕಮ್ಮಿಮಾಡತ್ತೆ

ಬಟಾಣಿಗಳಲ್ಲಿ ಬೇರೆ ಬೇರೆ ತರದ ಬಟಾಣಿಗಳಿವೆ. ಫ್ಲಾವನೊಯ್ಡ್ ಗುಂಪಿನ ಬಟಾಣಿಗಳಲ್ಲಿ ಕ್ಯಟಾಚಿನ್ ಮತ್ತೆ ಎಪಿಕ್ಯಟಾಚಿನ್ ಅನ್ನೋ ಆಂಟಿ ಆಕ್ಸಿಡೆಂಟ್ ಇದೆಯಂತೆ. ಹಾಗೇ ಕೆರೋಟಿನಾಯ್ಡ್ ಗುಂಪಿನ ಬಟಾಣಿಗಳಲ್ಲಿ ಆಲ್ಫಾ ಕೆರೋಟಿನಾಯ್ಡ್ ಮತ್ತೆ ಬೀಟಾ ಕೆರೋಟಿನಾಯ್ಡ್ ಆಂಟಿ ಆಕ್ಸಿಡೆಂಟ್ ಇದ್ರೆ ಫಿನಾಲಿಕ್ ಗುಂಪಲ್ಲಿ ಫೆರುಲಿಕ್ ಮತ್ತೆ ಕೆಫಿಕ್ ಇದೆ. ವಿಟಮಿನ್ ಎ, ವಿಟಮಿನ್ ಸಿ, ವಿಟಮಿನ್ ಇ, ಮಿನ್ರಲ್, ಜಿಂಕ್, ಒಮೆಗಾ 3 ಫ್ಯಾಟಿ ಆಸಿಡ್, ಇದೆಲ್ಲದ್ರ ಭಂಡಾರಾನೇ ಬಟಾಣಿಗಳಲ್ಲಿ ಅಡ್ಗಿದೆಯಂತೆ. ಇದೆಲ್ಲದ್ರ ಸಹಾಯದಿಂದ ಮಧುಮೇಹ , ಹೃದಯದ ತೊಂದ್ರೆ , ಮಂಡಿ ನೋವ್ಗಳನ್ನ ಕಮ್ಮಿ ಮಾಡ್ತದಂತೆ. 

2. ರಕ್ತದಲ್ಲಿರೋ ಸಕ್ಕರೆ ಪ್ರಮಾಣ ಕಮ್ಮಿ ಮಾಡತ್ತೆ

ರಕ್ತದಲ್ಲಿರೋ ಸಕ್ಕರೆ ಪ್ರಮಾಣವನ್ನ ಕಮ್ಮಿ ಮಾಡ್ಸಕ್ಕೆ ಬಟಾಣಿ ಒಂದೊಳ್ಳೆ ಆಹಾರ ಅಂತ ಕೆಲ್ವು ಆಹಾರ ತಜ್ಞರು ಹೇಳಿದ್ದನ್ನ ಕೇಳಿದ್ ನೆನಪಿದೆ. ಆದ್ರೆ ಹೇಗ್ ಕಮ್ಮಿ ಮಾಡ್ಸತ್ತೆ ಅಂತ ಗೊತ್ತಿರ್ಲಿಲ್ಲ. ಇವಾಗ ಗೊತ್ತಾಗಿದ್ ಹೊಸ್ ವಿಷ್ಯ ಎನಂದ್ರೆ ಇದ್ರಲ್ಲಿರೋ ಪ್ರೋಟೀನ್ ಮತ್ತೆ ನಾರಿನ ಅಂಶ ಪಿಷ್ಟವನ್ನ ತುಂಡ್ಮಾಡಿ ಕಾರ್ಬೋಹೈಡ್ರೇಟ್ಸಗಳನ್ನ ಜೀರ್ಣಾಂಗವ್ಯೂಹದ ಕಡೆಗೆ ತಳ್ಳತ್ತೆ. ಈ ಕಾರ್ಬೋಹೈಡ್ರೇಟ್ಸಗಳು ರಕ್ತದಲ್ಲಿರೋ ಸಕ್ಕರೆಯ ಪ್ರಮಾಣಾನ ಕಡ್ಮೆ ಮಾಡ್ಸತ್ತೆ. 

ಮೂಲ

3. ಇದ್ರಲ್ಲಿರೋ ವಿಟಮಿನ್ ಬಿ ಅಂಶ ಹೃದಯ ಚನ್ನಾಗಿ ಕೆಲಸ ಮಾಡೋ ಹಾಗೆ ನೋಡ್ಕೊಳತ್ತೆ

ಹಾಳು ಮೂಳನ್ನೆಲ್ಲಾ ತಿಂದು ಹೊಟ್ಟೆ ಬರ್ಸಕೊಂಡು ಆಮೇಲೆ ನಿಧಾನವಾಗಿ ಬೇಡ್ದೇ ಇರೋ ಕೊಬ್ಬನ್ನ ಹೆಚ್ಸಿಕೊಂಡ್ರೆ ಹೃದಯದ ಕಾಯ್ಲೆ ಸಾಮಾನ್ಯ. ಬಟಾಣಿಯಲ್ಲಿರೋ ನಿಯಾಸಿನ್ ಅನ್ನೋ ಅಂಶ ಈ ಕೆಟ್ಟ್ ಕೊಬ್ಬನ್ನ ಕರ್ಗಸತ್ತೆ. ಇದ್ರ ಜೊತೆಗೆ ನಾನು ಸಾಥ್ ಕೊಡ್ತೀನಿ ಅಂತ ಒಮೆಗಾ 3 ಫ್ಯಾಟಿ ಆಸಿಡ್ ಬೇರೆ ಇದೆ. ಕೆಟ್ಟ್ ಕೊಬ್ಬಿನ ಜೊತೆ ಹೋಮೋ ಸಿಸ್ಟಿನ್ ಅನ್ನೋದ್ಬೇರೆ ಕೂಡ್ಕಂಡು ತುಂಬಾನೇ ತೊಂದ್ರೆ ಕೊಡತ್ತೆ. ಇದು ಸಹಜವಾಗೇ ಹುಟ್ಕೊಳ್ಳೋ ಅಮೈನೋ ಆಸಿಡ್. ರಕ್ತದಲ್ಲಿ ಇದ್ರ ಪ್ರಮಾಣ ಜಾಸ್ತಿಯಾದ್ರೆ ಹೃದಯ ಸಂಬಂಧಿ ಕಾಯಿಲೆ ಶುರುವಾಗತ್ತೆ. ಇದ್ನ ಕಮ್ಮಿ ಮಾಡ್ಬೇಕಂದ್ರೆ ವಿಟಮಿನ್ ಬಿ  ಜಾಸ್ತಿ ಪ್ರಮಾಣದಲ್ಲಿ ತಗೊಳ್ಬೇಕು. ಬಟಾಣಿಯಲ್ಲಿ ವಿಟಮಿನ್ ಬಿ1 ಬಿ2 ಬಿ3 ಬಿ6 ಇದೆಲ್ಲ ಇದೆ. ಇನ್ಯಾಕ್ ತಡ ಒಂದಿಷ್ಟ್ ಬಾಯ್ಗ್ ಹಾಕ್ಕೊಳ್ಳಿ. 

4. ಆಂಟಿ ಆಕ್ಸಿಡೆಂಟ್ಸ್ ಸಹಾಯದಿಂದ ಹೊಟ್ಟೆ ಕ್ಯಾನ್ಸರ್ ಬರೋದನ್ನ ತಡೆಗಟ್ಟತ್ತೆ

 ಒತ್ತಡ ಮತ್ತು ತಲೆಬಿಸಿ ಜಾಸ್ತಿ ಮಾಡ್ಕೊಳೋದ್ರಿಂದ ಕ್ಯಾನ್ಸರ್ ಬೆಳೀಬೋದು. ನಿಮ್ ದೇಹದಲ್ಲಿ ಆಂಟಿ ಆಕ್ಸಿಡೆಂಟ್ ಕಮ್ಮಿ ಇದ್ರೆ ಈ ಸಮಸ್ಯೆನಾ ಪರಿಹರ್ಸಕ್ಕೆ ಆಗಲ್ಲ. ಆಗ್ಲೇ ಹೇಳ್ದಾಗೆ ಬಟಾಣಿ ಆಂಟಿ ಆಕ್ಸಿಡೆಂಟ್ಗಳ ಭಂಡಾರಾವೇ ಆಗಿರೋದ್ರಿಂದ ಹೊಟ್ಟೆ ಕ್ಯಾನ್ಸರ್ ಇಂದ ನಮ್ಮನ್ನ ಕಾಪಾಡತ್ತೆ.

ಮೂಲ

5. ಬಟಾಣೀಲಿ ಕ್ಯಾಲೋರಿ ಕಮ್ಮಿ ಇರೋದ್ರಿಂದ ತೂಕ ಇಳಿಸ್ಕೊಳಕ್ಕೆ ಸಹಾಯ ಮಾಡತ್ತೆ

ಒಳ್ಳೆ ಪೋಷಕಾಂಶ ಮತ್ತೆ ಕಮ್ಮಿ ಕ್ಯಾಲೋರಿಯನ್ನ ಹೊಂದಿರೋ ಬಟಾಣಿ ನಿಮ್ ತೂಕ ಇಳ್ಸೋದ್ರಲ್ಲಿ ಅನುಮಾನಾನೇ ಇಲ್ಲ. ಒಂದು ಕಪ್ ಬಟಾಣಿಯಲ್ಲಿ ಸುಮಾರು 118 ಕ್ಯಾಲೋರಿಗಳು ಮಾತ್ರ ಇರತ್ತೆ. ಹಾಗೇ ನೀವ್ ಬಟಾಣಿ ತಿಂದಾದ್ಮೇಲೆ ಇನ್ನೇನ್ ತಿನ್ನೋಕೂ ಮನ್ಸ್ ಬರಲ್ಲ. ಯಾಕಂದ್ರೆ ನಿಮ್ ಹೊಟ್ಟೆ ಅದಾಗ್ಲೇ ತುಂಬಿರತ್ತೆ. ಅದಲ್ದೇ ಹೆಚ್ಚಿನ ಪ್ರಮಾಣದಲ್ಲಿರೋ ನಾರಿನಂಶ ನಮ್ಮನ್ನ ಹಾಳು ಮೂಳು ತಿನ್ನೋಕೆ ಅವಕಾಶ ಮಾಡ್ಕೊಡಲ್ಲ. ಬರೇ ಇದೆ ತಿಂದ್ರೆ ಸಾಕಾಗತ್ತ ಅನ್ನೋರ್ಗೆ ನಮ್ ಉತ್ತರ ಹೌದು. ಯಾಕಂದ್ರೆ ಬೇಯ್ಸಿದ ಬಟಾಣಿಗೆ ಸ್ವಲ್ಪ ಮಟ್ಟಿಗೆ ಉಪ್ಪನ್ನ ಹಾಕ್ಬಿಟ್ಟು ತಿಂದ್ರೆ ಸಕ್ಕತ್ತಾಗ್ ಶಕ್ತಿನೂ ಸಿಗತ್ತೆ. 

6. ಇದ್ರಲ್ಲಿರೋ ನಾರಿನಂಶ ಹೊಟ್ಟೆ ಕಟ್ಕೊಳ್ದೆ ಇರೋ ಹಾಗೆ ನೋಡ್ಕೊಳತ್ತೆ

ಮಲಬದ್ದತೆ ಇದ್ಯಲ್ಲಾ... ಅದು ಎಲ್ಲಾ ಕಾಯ್ಲೆಗೂ ಇಲ್ ಜಾಗ ಇದೆ ಬಾರಪ್ಪಾ ಅನ್ನತ್ತೆ. ಬಟಾಣಿಯಲ್ಲಿ ಹೆಚ್ಚಿನ ಪ್ರಮಾಣದ ನಾರಿನಂಶ ಇರೋದ್ರಿಂದ ಎಷ್ಟೋ ದಿನ್ಗಳಿಂದ ಕೂಡ್ಕಂಡಿರೋ  ತ್ಯಾಜ್ಯಗಳನ್ನ ಹೊರ್ಗಹಾಕ್ಲಿಕ್ಕೆ ಸಹಾಯ ಮಾಡತ್ತೆ. ಹಾಗೇ ಬಟಾಣಿ ಜೀರ್ಣಾಂಗ ವ್ಯವಸ್ಥೆಗೆ ತುಂಬಾನೇ ಸಾಥ್ ಕೊಡೋದೂ ಇದಕ್ಕೆ ಕಾರಣ ಇರ್ಬೋದು.

ಮೂಲ

7. ಇದ್ರಲ್ಲಿರೋ ವಿಟಮಿನ್ ಕೆ ಮೂಳೆಗೆ ಕ್ಯಾಲ್ಸಿಯಂ ಸರ್ಯಾಗ್ ಸಪ್ಲೈ ಮಾಡತ್ತೆ

ನಮ್ ಮೂಳೆ ಶಕ್ತಿಯುತವಾಗ್ಲಿಕ್ಕೆ ಕ್ಯಾಲ್ಸಿಯಂ ಬೇಕೇ ಬೇಕು. ನಾವೇನ್ ಕ್ಯಾಲ್ಸಿಯಂ ತಿಂದ್ರೂ ನಮ್ ದೇಹ ಅದ್ನ ಸರ್ಯಾಗ್ ತಗೊಳ್ಬೇಕು ತಾನೇ? ಅದ್ನ ಸರ್ಯಾಗ್ ದೇಹಕ್ಕೆ ಕಳ್ಸೋ ಜವಬ್ದಾರಿ ವಿಟಮಿನ್ ಕೆ ದು. ಒಂದ್ ತಟ್ಟೇ ಬೇಯ್ಸಿದ ಬಟಾಣಿಯಲ್ಲಿ ನಮ್ ದೇಹಕ್ಕೆ ಬೇಕಾಗೋ 50 ಪ್ರತಿಶತ ವಿಟಮಿನ್ ಕೆ ಸಿಗತ್ತಂತೆ. ಆಸ್ಟಿಯೋ ಪೊರೋಸಿಸ್ ಅನ್ನೋ ಕಾಯಿಲೆಗೆ ಪೋಲಿಕ್ ಆಮ್ಲ , ವಿಟಮಿನ್ ಬಿ 1 ಬೇಕೇ ಬೇಕು. ಅದು ಬಟಾಣಿಯಲ್ಲೇ ಜಾಸ್ತಿ ಇರೋದ್ರಿಂದ ಇನ್ನೇನ್ ಯೋಚ್ನೆ ಮಾಡ್ತಾ ಕೂತಿದ್ದೀರಾ ? ಹೋಗ್ಬಿಟ್ಟು ಬೇಯ್ಸಿ ತಿನ್ನಿ...

8. ಚರ್ಮ ಹೊಳಿಯೋ ಹಾಗೆ ಮಾಡಿ ಚಿಕ್ಕೋರ ತರ ಕಾಣೋಹಾಗೆ ಮಾಡತ್ತೆ

ನಮ್ ದೇಹದಲ್ಲಿ ಫ್ರೀ ರಾಡಿಕಲ್ ಅನ್ನೋ ಅಂಶ ಇಲ್ದೇ ಹೋಗಿದ್ರೆ ಬಿಸ್ಲು , ಚಳಿ , ಮಳೆಯಂತ ನಮ್ ಚರ್ಮ ಬೇಗನೇ ಸುಕ್ಕು ಗಟ್ತಿತ್ತು. ಬಟಾಣಿಯಲ್ಲಿರೋ ಆಂಟಿ ಆಕ್ಸಿಡೆಂಟ್ ಈ ಫ್ರೀ ರಾಡಿಕಲ್ಗಳ ಆಯಸ್ಸು ಮತ್ತು ಅದ್ರ ಶಕ್ತಿಯನ್ನ ಜಾಸ್ತಿ ಮಾಡ್ಸತ್ತೆ. ಇವು ನಮ್ ದೇಹದಲ್ಲಿರೋ ವಿಷಕಾರಿ ವಸ್ತುಗಳನ್ನ ಹೊಡ್ದೋಡ್ಸಿ ಸುಂದರವಾಗಿರೋ ಹಾಗೇ ನೋಡ್ಕೊಳ್ಳತ್ತೆ. ಹಾಗೇ ಇದ್ರಲ್ಲಿ ವಿಟಮಿನ್ ಸಿ ಪ್ರಮಾಣ ಜಾಸ್ತಿನೇ ಇರೋದ್ರಿಂದ ಚರ್ಮ ಹೊಳೆಯೋದ್ರಲ್ಲಿ ಎರ್ಡ್ ಮಾತಿಲ್ಲ.  

ಮೂಲ

9. ಕಣ್ಣಿನ ದೃಷ್ಟಿ ಚುರುಕು ಮಾಡತ್ತೆ

ಬಟಾಣಿಯಲ್ಲಿ ವಿಟಮಿನ್ ಎ ಇದೆಯಂತ ಆಗ್ಲೇ ಹೇಳಿದ್ವಿ ಅಲ್ವಾ? ಅದೇ ತರ ಲ್ಯುಟೀನ್ ಅನ್ನೋ ಆಂಟಿ ಆಕ್ಸಿಡೆಂಟ್ ಕೂಡಾ ಇದೆ. ಈ ಲ್ಯುಟೀನ್ ಅನ್ನೋದು ಕಣ್ಣಿಗೆ ಬರೋ ಕ್ಯಾನ್ಸರನ್ನ ತಡೆಯೋ ಏಜೆಂಟ್. ಅದೇ ತರ ಅಕ್ಷಿಪಟಲದ ಕಾರ್ಯಕ್ಕೆ ಎನಾದ್ರೂ ತೊಂದ್ರೆಯಾಗ್ದೇ ಇರೋ ಹಾಗೇ ನೋಡ್ಕೊಳ್ಳೋ ಕೆಲ್ಸ ಕೂಡ ಲ್ಯುಟೀನ್ ಮಾಡತ್ತೆ. ಒಂದೇ ಮಾತಲ್ಲಿ ಹೇಳ್ಬೇಕಂದ್ರೆ ಬಟಾಣಿ ಕಣ್ಣಿಗೂ ಒಳ್ಳೆಯದು. 

10. ಇದ್ರಲ್ಲಿರೋ ಫೋಲಿಕ್ ಆಸಿಡ್ ಹೊಟ್ಟೇಲಿರೋ ಮಗು ಚನ್ನಾಗಿ ಬೆಳ್ಯಕ್ಕೆ ಸಹಾಯ ಮಾಡತ್ತೆ

ಬಸುರಿ ಹೆಂಗಸರಿಗೆ ಫೋಲಿಕ್ ಆಸಿಡ್ ಮತ್ತೆ ವಿಟಮಿನ್ ಬಿ ಕಾಂಪ್ಲೆಕ್ಸ್ ಬೇಕೇ ಬೇಕು. ಬಟಾಣಿಯಲ್ಲಿ ಫೋಲಿಕ್ ಆಸಿಡ್ ಜಾಸ್ತಿ ಇರೋದ್ರಿಂದ ಬಸುರಿ ಹೆಂಗಸರು ಇದ್ನ ಕಣ್ಮುಚ್ಕೊಂಡು ತಿನ್ಬೋದು. ಇದ್ರಿಂದ ನರಮಂಡಲದ ವ್ಯವಸ್ಥೆ ಇನ್ನಷ್ಟು ಬಲವಾಗಿ ಹೆರಿಗೆ ಆಗೋದು ತುಂಬಾನೇ ಸುಲಭವಾಗತ್ತೆ. 

ಮೂಲ

11. ಆಗಾಗ ಹುಷಾರ್ ತಪ್ಪಿ ಬೀಳದೆ ಇರೋ ಹಾಗೆ ನೋಡ್ಕೊಳತ್ತೆ

ನಮ್ ದೇಹದಲ್ಲಿರೋ ವ್ಯಾಧಿ ಕ್ಷಮತ್ವ ನಿರ್ಧಾರ ಆಗೋದೇ ವಿಟಮಿನ್ ಎ ಮೂಲಕ. ಒಂದು ತಟ್ಟೇ ಬಟಾಣಿಯಲ್ಲಿ ಸುಮಾರು 22 % ವಿಟಮಿನ್ ಎ ನಮ್ ದೇಹಕ್ಕೆ ಸಿಗತ್ತಂತೆ. ಅದ್ಕೊಸ್ಕರ ಇಮ್ಯುನಿಟಿ ಇಲ್ಲಾಂತ ಕೊರಗ್ಬೇಡಿ. ಬಟಾಣಿ ತಿನ್ನಿ. ಉಸಿರಾಟದ ತೊಂದ್ರೆ ಆಗ್ದೆ ಇರಕ್ಕೂ ವಿಟಮಿನ್ ಎ ಬೇಕಾಗತ್ತೆ. 

12. ಖಿನ್ನತೆ ಕಮ್ಮಿ ಮಾಡತ್ತೆ

ಖಿನ್ನತೆ ಕಾಯ್ಲೇ ಫೋಲಿಕ್ ಆಮ್ಲ, ವಿಟಮಿನ್ಗಳ ಕೊರತೆಯಿಂದ ಬರೋದಂತೆ. ಅದ್ಕೆ ಖಿನ್ನತೆಯಿಂದ ಬಳಲ್ತಾ ಇರೋರಿಗೆ ನೀವು ಬಟಾಣಿಯನ್ನ ಪರಿಹಾರ ಅಂತ ಹೇಳ್ಬಹುದು. 

ಮೂಲ

13. ಚಳಿಗಾಲದಲ್ಲಿ ಕಾಲೂತ ಕಮ್ಮಿ ಮಾಡತ್ತೆ

ಚಳಿಗಾಳದಲ್ಲಿ ಪಾದ ಒಡೆಯೋದು , ಊದ್ಕಂಡ್ ಬಿಡೋದು, ತುರಿಕೆ ಬರೋದು ಇವೆಲ್ಲಾ ಸಾಮಾನ್ಯ. ಇದ್ಕೆ ಇಂಗ್ಲೀಷಲ್ಲಿ ಚಿಲ್ಬ್ಲೇನ್ಸ್ ಅಂತಾರೆ. ಬಟಾಣಿಯಲ್ಲಿ ಅದ್ಕೊಂದು ಒಳ್ಳೆ ಪರಿಹಾರ ಇದೆ. ಬಟಾಣಿ ಬೇಯ್ಸಿದ ನೀರು ತಗೊಂಡು ಅದ್ಕೆ ಒಂದಿಷ್ಟು ಎಳ್ಳೆಣ್ಣೆ ಹಾಕ್ಬಿಟ್ಟು ಅದ್ರಲ್ಲಿ ಪಾದಾನೋ ಕಾಲ್ಬೆರಳನ್ನೋ ಇಟ್ಬಿಟು ಸ್ವಲ್ಪ ಹೊತ್ತಾದ ನಂತರ ತೊಳಿಬೇಕು. ನಿಧಾನ ನಿಧಾನ ಊದ್ಕಂಡಿದ್ದು, ಕೆರೆತ ಇದ್ದಿದ್ದು ಕಮ್ಮಿಯಾಗ್ಬಿಡತ್ತೆ.

14. ಕೂದಲಿನ ಅಂದ ಕಾಪಾಡೋಕೆ ಇದ್ರಲ್ಲಿರೋ ವಿಟಮಿನ್ ಬಿ ಸಹಾಯ ಮಾಡತ್ತೆ 

ಬಟಾಣಿಯಲ್ಲಿರೋ ವಿಟಮಿನ್ ಬಿ , ಫೋಲೆಟ್ , ವಿಟಮಿನ್ ಬಿ 6 ಕೂದಲು ಬೇರಿನಿಂದ ಗಟ್ಟಿಯಾಗೋ ಹಾಗೆ ನೋಡ್ಕೊಳತ್ತೆ. ವಿಟಮಿನ್ ಸಿ ಅನ್ನೋದು ಕೂದ್ಲು ಉದ್ರದೇ ಇರೋ ಹಾಗೆ ಕಾಪಾಡತ್ತೆ. 

ಮೂಲ

ಬಟಾಣಿ ವಾಯು ಅಂದವ್ರೆಲ್ಲಾ, ಇದ್ನ ಓದಿದ್ಮೇಲೆ ಮೂಗಿನ್ ಮೇಲೆ ಬೆರಳಿಟ್ಕೊತಾರೆ ನೋಡಿ.

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: