ಲಹರಿ ಕಂಪನಿಯೋರು ಕಿರಿಕ್ ಪಾರ್ಟಿಗೆ ಮಾಡ್ತಿರೋ ಕಿರಿಕ್ಗೆ ಟ್ವಿಟರ್ ಹತ್ಕೊಂಡ್ ಉರೀತಿದೆ

ಅಂತೂ ಕನ್ನಡದ ಫಿಲಂಗಳಿಗೆ ಒಂದಲ್ಲ ಒಂದು ಕಷ್ಟ ಕೊಡ್ತಾರಪ್ಪ

ನೆನ್ನೆ ಸಕ್ಕತ್ ಕಿರೀಕ್ ಆಗಿದೆ.

ಲಹರಿ ಮ್ಯೂಸಿಕ್ನೋರು ರಕ್ಷಿತ್ ಶೆಟ್ಟಿ ತೆಗ್ದಿರೋ ಕಿರಿಕ್ ಪಾರ್ಟಿ ಫಿಲಂ ರಿಲೀಸ್ ಆಗದೆ ಇರೋಹಂಗೆ ಕೋರ್ಟಲ್ಲಿ ಒಂದು ಸ್ಟೇ ಆರ್ಡರ್ ತಂದಿದಾರೆ

"ಹೇ ಹೂ ಆರ್ ಯೂ" ಅನ್ನೋ‌ ಹಾಡು ಶಾಂತಿ ಕ್ರಾಂತಿ ಚಿತ್ರದ ಒಂದು ಹಾಡಿನ ಕಾಪಿರೈಟ್ ಉಲ್ಲಂಘಿಸ್ತಾ ಇದೆ ಅನ್ನೋದು ಅವರ ವಾದ. ಆದರೆ ಎರಡೂ ಹಾಡಿನ ಸ್ವರಗಳಿಗೆ ಹೋಲಿಕೇನೇ ಇಲ್ಲ ಅನ್ನೋದು ಸ್ಪಷ್ಟ ಅಂತ ಕಿರೀಕ್ ಪಾರ್ಟಿ ತಂಡ ಗಟ್ಟಿಯಾಗಿ ನಿಂತಿದೆ. ಪುಷ್ಕರ ಮಲ್ಲಿಕಾರ್ಜುನಯ್ಯ ಅವರು ಈ ಬಗ್ಗೆ ಒಂದು ದೊಡ್ಡ ಫೇಸ್ಬುಕ್ ಪೋಸ್ಟ್ ಬರ್ದಿದಾರೆ.

ಲಹರಿ ಮ್ಯೂಸಿಕ್ನೋರಿಗೆ ಈ ಹಾಡಿನ ಬಗ್ಗೆ ಡಿಸೆಂಬರ್ 2ನೇ ತಾರೀಕಿಂದಾನೇ ಗೊತ್ತಿತ್ತು.

ಆಗಲೇ ಅವರು ಕ್ಯಾತೆ ಎತ್ತಿ 20 ಲಕ್ಷ ರೂ ಕೊಟ್ಟುಬಿಡಿ, ಸೆಟಲ್ ಮಾಡ್ಕೊಳೋಣ ಅಂತ ಬೇರೆ ಹೇಳಿದ್ದರಂತೆ.

ಆದರೆ ಯಾವುದೇ ಕಾನೂನಿನ ಉಲ್ಲಂಘನೆ ಮಾಡಿಲ್ಲ ಅನ್ನೋ ನಿಟ್ಟಿನಲ್ಲಿ ಕಿರಿಕ್ ಪಾರ್ಟಿ ತಂಡ ಇದಕ್ಕೆ ಒಪ್ಪಿರಲಿಲ್ಲ. ಲಹರಿನೋರು ಅವತ್ತಿಂದ ಇವತ್ತಿನ ವರೆಗೆ ಸುಮ್ಮನೆ ಇದ್ದುಬಿಟ್ಟು ರಿಲೀಸ್ ಆಗೋ ಹಿಂದಿನ ದಿನ ತಮ್ಮ ಕಿರಿಕ್ ಶುರು ಮಾಡಿದಾರೆ… ನೋಟೀಸ್ ಕಳಸಿ.

ಇದೇ ತರಹ ಹಿಂದೇನೂ ರಣವಿಕ್ರಮ ಮತ್ತೆ ಮೈನಾ ಫಿಲಂಗಳು ರಿಲೀಸ್ ಆಗುವಾಗಲೂ ಈ ಲಹರಿ ಮ್ಯೂಸಿಕ್ನೋರು ಕನ್ನಡಿಗರಿಗೆ ತೊಂದರೆ ಕೊಟ್ಟಿದಾರೆ, ಇದು ಅದರದೇ ಮುಂದುವರಿಕೆ ಅನ್ನೋದು ಕಿರಿಕ್ ಪಾರ್ಟಿ ತಂಡದ ವಾದ. ಆದರೂ ಇನ್ನೇನು ಫಿಲಂ ರಿಲೀಸ್ ಆಗಬೇಕು ಅಂದಾಗ ಕೋರ್ಟು ಕಚೇರಿ ಅಂತ ಅಲೆಯಕ್ಕಾಗಲ್ಲ ಅಂತ ಪಾಪ ಕಿರಿಕ್ ಪಾರ್ಟಿ ತಂಡದೋರು ಆ ಹಾಡ್ನ ಡಿಲೀಟ್ ಮಾಡಿ ಫಿಲಂ ರಿಲೀಸ್ ಮಾಡ್ತಿದಾರೆ.

ಜನ ಲಹರಿ ಕಂಪನಿ ಮಾಲೀಕ ವೇಲೂಗೆ ಕ್ಯಾಕರಿಸಿ ಉಗೀತಿದಾರೆ. ಕನ್ನಡಿಗರು ಯಾರ ಕಡೆ ಇದಾರೆ ಅನ್ನೋದಂತೂ ಸ್ಪಷ್ಟ.

ಇಲ್ಲಿ ನೋಡಿ, ಗೊತ್ತಾಗುತ್ತೆ.

ಟ್ರೋಲ್ ಕನ್ನಡ ಅನ್ನೋ ಟ್ವಿಟರ್ ಹ್ಯಾಂಡಲ್ನೋರು ತಮ್ಮ ಭಾವನೆಗಳ್ನ ವ್ಯಕ್ತ ಪಡ್ಸಿದ್ದು ಹೀಗೆ:

ಓತ್ಲಾ ಅಂತೂ ಒಂದು ಹಾಡೇ ಬುಟ್ಬುಟ್ಟೌನೆ:

ಪ್ರವೀಣ್ ವೈದ್ಯ ಅನ್ನೋರು ಏನ್ ಹೇಳಿದಾರೆ ನೋಡಿ:

ಅರ್ಪಿತಾ ಭಟ್ ಅಂತೂ ಕಿರಿಕ್-ಗೇ ಕಿರಿಕಾ ಅಂತ ಕೇಳಿದಾರೆ:

ಒಂದ್ ತಿಂಗ್ಳಿಂದ ಏನ್ ಮಾಡ್ತಿದ್ರಿ ಅಂತ ರಾಜಶೇಖರ್ ಪಾಟೀಲ್ ಕೇಳಿದ್ದು ಹೀಗೆ:

ಬಿ. ಶ್ರೀನಿವಾಸ ಅನ್ನೋರು ಕಿರಿಕ್ ಪಾರ್ಟಿ ಫಿಲಮ್ಮಿಂದಾನೇ ಒಂದು ಸೀನ್ ತೊಗೊಂಡು ಮೆಮೆ ಮಾಡಿ ಚೆಚ್ಚಿದಾರೆ:

ಚೇತನ್ ಸೆಂಡಿಗೆಣ್ಣವರ್ ಕೂಡ ಇಷ್ಟ್ ದಿನ ಏನ್ ಮಾಡ್ತಿದ್ರಿ ಅಂತ ಕೇಳಿದಾರೆ:

@hinduwarrior15 ಅನ್ನೋರಂತೂ ರಕ್ಷಿತ್ ಶೆಟ್ಟಿ ಅಭಿಮಾನಿಗಳ ಭಾವನೆಗಳಿಗೆ ಹೀಗೆ ಕನ್ನಡಿ ಹಿಡಿದಿದಾರೆ:

 

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ಬಟಾಣಿ ಇಷ್ಟಪಡೋರೆಲ್ಲಾ ಈ 14 ಲಾಭ ತಿಳ್ಕೊಂಡ್ರೆ ಮನೇಲೆ ಬೆಳ್ಕೊಳಕ್ಕೆ ಶುರು ಮಾಡ್ತೀರ

ವಾಯು ಅಂತ ಸ್ವಲ್ಪ ಜನ ಮುಖ ಮುರೀತಾರೆ

ಬಟಾಣಿ ತಿಂದ್ರೆ ವಾಯು ಬರತ್ತೆ ಅನ್ನೋರೆಲ್ಲಾ ಇಲ್ಕೇಳಿ. ಬಟಾಣಿ ಗಿಡ ನಮ್ ದೇಶದಲ್ಲಿ ಹುಟ್ಟಿದಲ್ಲ. ಇದು ವಿಚಿತ್ರವಾಗಿರೋ ಗಿಡಗಳ ಸಾಲ್ನಲ್ಲಿ ಸೇರತ್ತೆ. ಆದ್ರೂ ಕೂಡಾ ಇದ್ರ ಉಪಯೋಗ ಇದ್ಯಲ್ಲಾ ಅದು ಒಂದೆರಡಲ್ಲ. ಇದ್ರಲ್ಲಿರೋ ಪಿಷ್ಟ ಇದ್ನ ಸಿಹಿಯಾಗಿರೋವಾಗೆ ಮಾಡ್ಸತ್ತೆ. ಇದ್ರಲ್ಲಿರೋ ಫೈಟೋ ನ್ಯುಟ್ರಿಯಂಟ್ಸ್ ಹೊಟ್ಟೆಗೆ ಸಂಬಂಧಿಸಿದ ಕ್ಯಾನ್ಸರನ್ನ ಗುಣಪಡ್ಸತ್ತೆ. ಅಷ್ಟಲ್ಲದೇ ಉರಿಯೂತಕ್ಕೆ ಸಂಬಂಧಿಸಿದ ಯಾವ್ದೇ ತರದ ತೊಂದ್ರೆ ಇದ್ರೆ ಇದ್ರಲ್ಲಿರೋ ಫೈಟೋ ನ್ಯುಟ್ರಿಯಂಟ್ಸ್ ಕಮ್ಮಿ ಮಾಡ್ಸತ್ತೆ. ಪ್ರೋಟೀನ್ ಮತ್ತೆ ನಾರಿನ ಅಂಶ ಸಕ್ಕತ್ತಾಗಿ ಇರೋದ್ರಿಂದ ಮಧುಮೇಹ ಕಾಯಿಲೆಯನ್ನ ಕಮ್ಮಿ ಮಾಡ್ಸತ್ತೆ.

ಸ್ವಲ್ಪಾನೇ ಕೊಬ್ಬಿರೋದ್ರಿಂದ ಅಷ್ಟೇನ್ ತೊಂದ್ರೆ ಅಗಲ್ಲ. ಬೀಟಾ ಕೆರೋಟಿನ್ , ವಿಟಮಿನ್ ಇ ಸಹಿತ ಇದ್ರಲ್ಲಿದೆ. ಇಷ್ಟೆಲ್ಲಾ ಇರೋ ಬಟಾಣಿಯನ್ನ ನಾವಂತೂ ಮಸಾಲ್ ಪುರಿಯಲ್ಲಿ ಹಾಕಪ್ಪಾ ಇನ್ನೂ ಹಾಕಪ್ಪಾ ಅಂತ ಚಪ್ಪರಿಸ್ಕೊಂಡ್ ತಿಂದೇ ಇದ್ದೀವಿ ಬಿಡಿ. ಇದೇ ತರ ಇನ್ನೂ ಯಾವ್ದಲ್ಲ ಉಪಯೋಗಗಳಿದೆ ಅನ್ನೋದ್ನ ನೋಡ್ತಾ ಹೋಗೋಣ ಬನ್ನಿ. 

1. ಇದ್ರಲ್ಲಿರೋ ಪೌಷ್ಟಿಕಾಂಶಗಳು ಮಂಡಿ ನೋವು ಕಮ್ಮಿಮಾಡತ್ತೆ

ಬಟಾಣಿಗಳಲ್ಲಿ ಬೇರೆ ಬೇರೆ ತರದ ಬಟಾಣಿಗಳಿವೆ. ಫ್ಲಾವನೊಯ್ಡ್ ಗುಂಪಿನ ಬಟಾಣಿಗಳಲ್ಲಿ ಕ್ಯಟಾಚಿನ್ ಮತ್ತೆ ಎಪಿಕ್ಯಟಾಚಿನ್ ಅನ್ನೋ ಆಂಟಿ ಆಕ್ಸಿಡೆಂಟ್ ಇದೆಯಂತೆ. ಹಾಗೇ ಕೆರೋಟಿನಾಯ್ಡ್ ಗುಂಪಿನ ಬಟಾಣಿಗಳಲ್ಲಿ ಆಲ್ಫಾ ಕೆರೋಟಿನಾಯ್ಡ್ ಮತ್ತೆ ಬೀಟಾ ಕೆರೋಟಿನಾಯ್ಡ್ ಆಂಟಿ ಆಕ್ಸಿಡೆಂಟ್ ಇದ್ರೆ ಫಿನಾಲಿಕ್ ಗುಂಪಲ್ಲಿ ಫೆರುಲಿಕ್ ಮತ್ತೆ ಕೆಫಿಕ್ ಇದೆ. ವಿಟಮಿನ್ ಎ, ವಿಟಮಿನ್ ಸಿ, ವಿಟಮಿನ್ ಇ, ಮಿನ್ರಲ್, ಜಿಂಕ್, ಒಮೆಗಾ 3 ಫ್ಯಾಟಿ ಆಸಿಡ್, ಇದೆಲ್ಲದ್ರ ಭಂಡಾರಾನೇ ಬಟಾಣಿಗಳಲ್ಲಿ ಅಡ್ಗಿದೆಯಂತೆ. ಇದೆಲ್ಲದ್ರ ಸಹಾಯದಿಂದ ಮಧುಮೇಹ , ಹೃದಯದ ತೊಂದ್ರೆ , ಮಂಡಿ ನೋವ್ಗಳನ್ನ ಕಮ್ಮಿ ಮಾಡ್ತದಂತೆ. 

2. ರಕ್ತದಲ್ಲಿರೋ ಸಕ್ಕರೆ ಪ್ರಮಾಣ ಕಮ್ಮಿ ಮಾಡತ್ತೆ

ರಕ್ತದಲ್ಲಿರೋ ಸಕ್ಕರೆ ಪ್ರಮಾಣವನ್ನ ಕಮ್ಮಿ ಮಾಡ್ಸಕ್ಕೆ ಬಟಾಣಿ ಒಂದೊಳ್ಳೆ ಆಹಾರ ಅಂತ ಕೆಲ್ವು ಆಹಾರ ತಜ್ಞರು ಹೇಳಿದ್ದನ್ನ ಕೇಳಿದ್ ನೆನಪಿದೆ. ಆದ್ರೆ ಹೇಗ್ ಕಮ್ಮಿ ಮಾಡ್ಸತ್ತೆ ಅಂತ ಗೊತ್ತಿರ್ಲಿಲ್ಲ. ಇವಾಗ ಗೊತ್ತಾಗಿದ್ ಹೊಸ್ ವಿಷ್ಯ ಎನಂದ್ರೆ ಇದ್ರಲ್ಲಿರೋ ಪ್ರೋಟೀನ್ ಮತ್ತೆ ನಾರಿನ ಅಂಶ ಪಿಷ್ಟವನ್ನ ತುಂಡ್ಮಾಡಿ ಕಾರ್ಬೋಹೈಡ್ರೇಟ್ಸಗಳನ್ನ ಜೀರ್ಣಾಂಗವ್ಯೂಹದ ಕಡೆಗೆ ತಳ್ಳತ್ತೆ. ಈ ಕಾರ್ಬೋಹೈಡ್ರೇಟ್ಸಗಳು ರಕ್ತದಲ್ಲಿರೋ ಸಕ್ಕರೆಯ ಪ್ರಮಾಣಾನ ಕಡ್ಮೆ ಮಾಡ್ಸತ್ತೆ. 

ಮೂಲ

3. ಇದ್ರಲ್ಲಿರೋ ವಿಟಮಿನ್ ಬಿ ಅಂಶ ಹೃದಯ ಚನ್ನಾಗಿ ಕೆಲಸ ಮಾಡೋ ಹಾಗೆ ನೋಡ್ಕೊಳತ್ತೆ

ಹಾಳು ಮೂಳನ್ನೆಲ್ಲಾ ತಿಂದು ಹೊಟ್ಟೆ ಬರ್ಸಕೊಂಡು ಆಮೇಲೆ ನಿಧಾನವಾಗಿ ಬೇಡ್ದೇ ಇರೋ ಕೊಬ್ಬನ್ನ ಹೆಚ್ಸಿಕೊಂಡ್ರೆ ಹೃದಯದ ಕಾಯ್ಲೆ ಸಾಮಾನ್ಯ. ಬಟಾಣಿಯಲ್ಲಿರೋ ನಿಯಾಸಿನ್ ಅನ್ನೋ ಅಂಶ ಈ ಕೆಟ್ಟ್ ಕೊಬ್ಬನ್ನ ಕರ್ಗಸತ್ತೆ. ಇದ್ರ ಜೊತೆಗೆ ನಾನು ಸಾಥ್ ಕೊಡ್ತೀನಿ ಅಂತ ಒಮೆಗಾ 3 ಫ್ಯಾಟಿ ಆಸಿಡ್ ಬೇರೆ ಇದೆ. ಕೆಟ್ಟ್ ಕೊಬ್ಬಿನ ಜೊತೆ ಹೋಮೋ ಸಿಸ್ಟಿನ್ ಅನ್ನೋದ್ಬೇರೆ ಕೂಡ್ಕಂಡು ತುಂಬಾನೇ ತೊಂದ್ರೆ ಕೊಡತ್ತೆ. ಇದು ಸಹಜವಾಗೇ ಹುಟ್ಕೊಳ್ಳೋ ಅಮೈನೋ ಆಸಿಡ್. ರಕ್ತದಲ್ಲಿ ಇದ್ರ ಪ್ರಮಾಣ ಜಾಸ್ತಿಯಾದ್ರೆ ಹೃದಯ ಸಂಬಂಧಿ ಕಾಯಿಲೆ ಶುರುವಾಗತ್ತೆ. ಇದ್ನ ಕಮ್ಮಿ ಮಾಡ್ಬೇಕಂದ್ರೆ ವಿಟಮಿನ್ ಬಿ  ಜಾಸ್ತಿ ಪ್ರಮಾಣದಲ್ಲಿ ತಗೊಳ್ಬೇಕು. ಬಟಾಣಿಯಲ್ಲಿ ವಿಟಮಿನ್ ಬಿ1 ಬಿ2 ಬಿ3 ಬಿ6 ಇದೆಲ್ಲ ಇದೆ. ಇನ್ಯಾಕ್ ತಡ ಒಂದಿಷ್ಟ್ ಬಾಯ್ಗ್ ಹಾಕ್ಕೊಳ್ಳಿ. 

4. ಆಂಟಿ ಆಕ್ಸಿಡೆಂಟ್ಸ್ ಸಹಾಯದಿಂದ ಹೊಟ್ಟೆ ಕ್ಯಾನ್ಸರ್ ಬರೋದನ್ನ ತಡೆಗಟ್ಟತ್ತೆ

 ಒತ್ತಡ ಮತ್ತು ತಲೆಬಿಸಿ ಜಾಸ್ತಿ ಮಾಡ್ಕೊಳೋದ್ರಿಂದ ಕ್ಯಾನ್ಸರ್ ಬೆಳೀಬೋದು. ನಿಮ್ ದೇಹದಲ್ಲಿ ಆಂಟಿ ಆಕ್ಸಿಡೆಂಟ್ ಕಮ್ಮಿ ಇದ್ರೆ ಈ ಸಮಸ್ಯೆನಾ ಪರಿಹರ್ಸಕ್ಕೆ ಆಗಲ್ಲ. ಆಗ್ಲೇ ಹೇಳ್ದಾಗೆ ಬಟಾಣಿ ಆಂಟಿ ಆಕ್ಸಿಡೆಂಟ್ಗಳ ಭಂಡಾರಾವೇ ಆಗಿರೋದ್ರಿಂದ ಹೊಟ್ಟೆ ಕ್ಯಾನ್ಸರ್ ಇಂದ ನಮ್ಮನ್ನ ಕಾಪಾಡತ್ತೆ.

ಮೂಲ

5. ಬಟಾಣೀಲಿ ಕ್ಯಾಲೋರಿ ಕಮ್ಮಿ ಇರೋದ್ರಿಂದ ತೂಕ ಇಳಿಸ್ಕೊಳಕ್ಕೆ ಸಹಾಯ ಮಾಡತ್ತೆ

ಒಳ್ಳೆ ಪೋಷಕಾಂಶ ಮತ್ತೆ ಕಮ್ಮಿ ಕ್ಯಾಲೋರಿಯನ್ನ ಹೊಂದಿರೋ ಬಟಾಣಿ ನಿಮ್ ತೂಕ ಇಳ್ಸೋದ್ರಲ್ಲಿ ಅನುಮಾನಾನೇ ಇಲ್ಲ. ಒಂದು ಕಪ್ ಬಟಾಣಿಯಲ್ಲಿ ಸುಮಾರು 118 ಕ್ಯಾಲೋರಿಗಳು ಮಾತ್ರ ಇರತ್ತೆ. ಹಾಗೇ ನೀವ್ ಬಟಾಣಿ ತಿಂದಾದ್ಮೇಲೆ ಇನ್ನೇನ್ ತಿನ್ನೋಕೂ ಮನ್ಸ್ ಬರಲ್ಲ. ಯಾಕಂದ್ರೆ ನಿಮ್ ಹೊಟ್ಟೆ ಅದಾಗ್ಲೇ ತುಂಬಿರತ್ತೆ. ಅದಲ್ದೇ ಹೆಚ್ಚಿನ ಪ್ರಮಾಣದಲ್ಲಿರೋ ನಾರಿನಂಶ ನಮ್ಮನ್ನ ಹಾಳು ಮೂಳು ತಿನ್ನೋಕೆ ಅವಕಾಶ ಮಾಡ್ಕೊಡಲ್ಲ. ಬರೇ ಇದೆ ತಿಂದ್ರೆ ಸಾಕಾಗತ್ತ ಅನ್ನೋರ್ಗೆ ನಮ್ ಉತ್ತರ ಹೌದು. ಯಾಕಂದ್ರೆ ಬೇಯ್ಸಿದ ಬಟಾಣಿಗೆ ಸ್ವಲ್ಪ ಮಟ್ಟಿಗೆ ಉಪ್ಪನ್ನ ಹಾಕ್ಬಿಟ್ಟು ತಿಂದ್ರೆ ಸಕ್ಕತ್ತಾಗ್ ಶಕ್ತಿನೂ ಸಿಗತ್ತೆ. 

6. ಇದ್ರಲ್ಲಿರೋ ನಾರಿನಂಶ ಹೊಟ್ಟೆ ಕಟ್ಕೊಳ್ದೆ ಇರೋ ಹಾಗೆ ನೋಡ್ಕೊಳತ್ತೆ

ಮಲಬದ್ದತೆ ಇದ್ಯಲ್ಲಾ... ಅದು ಎಲ್ಲಾ ಕಾಯ್ಲೆಗೂ ಇಲ್ ಜಾಗ ಇದೆ ಬಾರಪ್ಪಾ ಅನ್ನತ್ತೆ. ಬಟಾಣಿಯಲ್ಲಿ ಹೆಚ್ಚಿನ ಪ್ರಮಾಣದ ನಾರಿನಂಶ ಇರೋದ್ರಿಂದ ಎಷ್ಟೋ ದಿನ್ಗಳಿಂದ ಕೂಡ್ಕಂಡಿರೋ  ತ್ಯಾಜ್ಯಗಳನ್ನ ಹೊರ್ಗಹಾಕ್ಲಿಕ್ಕೆ ಸಹಾಯ ಮಾಡತ್ತೆ. ಹಾಗೇ ಬಟಾಣಿ ಜೀರ್ಣಾಂಗ ವ್ಯವಸ್ಥೆಗೆ ತುಂಬಾನೇ ಸಾಥ್ ಕೊಡೋದೂ ಇದಕ್ಕೆ ಕಾರಣ ಇರ್ಬೋದು.

ಮೂಲ

7. ಇದ್ರಲ್ಲಿರೋ ವಿಟಮಿನ್ ಕೆ ಮೂಳೆಗೆ ಕ್ಯಾಲ್ಸಿಯಂ ಸರ್ಯಾಗ್ ಸಪ್ಲೈ ಮಾಡತ್ತೆ

ನಮ್ ಮೂಳೆ ಶಕ್ತಿಯುತವಾಗ್ಲಿಕ್ಕೆ ಕ್ಯಾಲ್ಸಿಯಂ ಬೇಕೇ ಬೇಕು. ನಾವೇನ್ ಕ್ಯಾಲ್ಸಿಯಂ ತಿಂದ್ರೂ ನಮ್ ದೇಹ ಅದ್ನ ಸರ್ಯಾಗ್ ತಗೊಳ್ಬೇಕು ತಾನೇ? ಅದ್ನ ಸರ್ಯಾಗ್ ದೇಹಕ್ಕೆ ಕಳ್ಸೋ ಜವಬ್ದಾರಿ ವಿಟಮಿನ್ ಕೆ ದು. ಒಂದ್ ತಟ್ಟೇ ಬೇಯ್ಸಿದ ಬಟಾಣಿಯಲ್ಲಿ ನಮ್ ದೇಹಕ್ಕೆ ಬೇಕಾಗೋ 50 ಪ್ರತಿಶತ ವಿಟಮಿನ್ ಕೆ ಸಿಗತ್ತಂತೆ. ಆಸ್ಟಿಯೋ ಪೊರೋಸಿಸ್ ಅನ್ನೋ ಕಾಯಿಲೆಗೆ ಪೋಲಿಕ್ ಆಮ್ಲ , ವಿಟಮಿನ್ ಬಿ 1 ಬೇಕೇ ಬೇಕು. ಅದು ಬಟಾಣಿಯಲ್ಲೇ ಜಾಸ್ತಿ ಇರೋದ್ರಿಂದ ಇನ್ನೇನ್ ಯೋಚ್ನೆ ಮಾಡ್ತಾ ಕೂತಿದ್ದೀರಾ ? ಹೋಗ್ಬಿಟ್ಟು ಬೇಯ್ಸಿ ತಿನ್ನಿ...

8. ಚರ್ಮ ಹೊಳಿಯೋ ಹಾಗೆ ಮಾಡಿ ಚಿಕ್ಕೋರ ತರ ಕಾಣೋಹಾಗೆ ಮಾಡತ್ತೆ

ನಮ್ ದೇಹದಲ್ಲಿ ಫ್ರೀ ರಾಡಿಕಲ್ ಅನ್ನೋ ಅಂಶ ಇಲ್ದೇ ಹೋಗಿದ್ರೆ ಬಿಸ್ಲು , ಚಳಿ , ಮಳೆಯಂತ ನಮ್ ಚರ್ಮ ಬೇಗನೇ ಸುಕ್ಕು ಗಟ್ತಿತ್ತು. ಬಟಾಣಿಯಲ್ಲಿರೋ ಆಂಟಿ ಆಕ್ಸಿಡೆಂಟ್ ಈ ಫ್ರೀ ರಾಡಿಕಲ್ಗಳ ಆಯಸ್ಸು ಮತ್ತು ಅದ್ರ ಶಕ್ತಿಯನ್ನ ಜಾಸ್ತಿ ಮಾಡ್ಸತ್ತೆ. ಇವು ನಮ್ ದೇಹದಲ್ಲಿರೋ ವಿಷಕಾರಿ ವಸ್ತುಗಳನ್ನ ಹೊಡ್ದೋಡ್ಸಿ ಸುಂದರವಾಗಿರೋ ಹಾಗೇ ನೋಡ್ಕೊಳ್ಳತ್ತೆ. ಹಾಗೇ ಇದ್ರಲ್ಲಿ ವಿಟಮಿನ್ ಸಿ ಪ್ರಮಾಣ ಜಾಸ್ತಿನೇ ಇರೋದ್ರಿಂದ ಚರ್ಮ ಹೊಳೆಯೋದ್ರಲ್ಲಿ ಎರ್ಡ್ ಮಾತಿಲ್ಲ.  

ಮೂಲ

9. ಕಣ್ಣಿನ ದೃಷ್ಟಿ ಚುರುಕು ಮಾಡತ್ತೆ

ಬಟಾಣಿಯಲ್ಲಿ ವಿಟಮಿನ್ ಎ ಇದೆಯಂತ ಆಗ್ಲೇ ಹೇಳಿದ್ವಿ ಅಲ್ವಾ? ಅದೇ ತರ ಲ್ಯುಟೀನ್ ಅನ್ನೋ ಆಂಟಿ ಆಕ್ಸಿಡೆಂಟ್ ಕೂಡಾ ಇದೆ. ಈ ಲ್ಯುಟೀನ್ ಅನ್ನೋದು ಕಣ್ಣಿಗೆ ಬರೋ ಕ್ಯಾನ್ಸರನ್ನ ತಡೆಯೋ ಏಜೆಂಟ್. ಅದೇ ತರ ಅಕ್ಷಿಪಟಲದ ಕಾರ್ಯಕ್ಕೆ ಎನಾದ್ರೂ ತೊಂದ್ರೆಯಾಗ್ದೇ ಇರೋ ಹಾಗೇ ನೋಡ್ಕೊಳ್ಳೋ ಕೆಲ್ಸ ಕೂಡ ಲ್ಯುಟೀನ್ ಮಾಡತ್ತೆ. ಒಂದೇ ಮಾತಲ್ಲಿ ಹೇಳ್ಬೇಕಂದ್ರೆ ಬಟಾಣಿ ಕಣ್ಣಿಗೂ ಒಳ್ಳೆಯದು. 

10. ಇದ್ರಲ್ಲಿರೋ ಫೋಲಿಕ್ ಆಸಿಡ್ ಹೊಟ್ಟೇಲಿರೋ ಮಗು ಚನ್ನಾಗಿ ಬೆಳ್ಯಕ್ಕೆ ಸಹಾಯ ಮಾಡತ್ತೆ

ಬಸುರಿ ಹೆಂಗಸರಿಗೆ ಫೋಲಿಕ್ ಆಸಿಡ್ ಮತ್ತೆ ವಿಟಮಿನ್ ಬಿ ಕಾಂಪ್ಲೆಕ್ಸ್ ಬೇಕೇ ಬೇಕು. ಬಟಾಣಿಯಲ್ಲಿ ಫೋಲಿಕ್ ಆಸಿಡ್ ಜಾಸ್ತಿ ಇರೋದ್ರಿಂದ ಬಸುರಿ ಹೆಂಗಸರು ಇದ್ನ ಕಣ್ಮುಚ್ಕೊಂಡು ತಿನ್ಬೋದು. ಇದ್ರಿಂದ ನರಮಂಡಲದ ವ್ಯವಸ್ಥೆ ಇನ್ನಷ್ಟು ಬಲವಾಗಿ ಹೆರಿಗೆ ಆಗೋದು ತುಂಬಾನೇ ಸುಲಭವಾಗತ್ತೆ. 

ಮೂಲ

11. ಆಗಾಗ ಹುಷಾರ್ ತಪ್ಪಿ ಬೀಳದೆ ಇರೋ ಹಾಗೆ ನೋಡ್ಕೊಳತ್ತೆ

ನಮ್ ದೇಹದಲ್ಲಿರೋ ವ್ಯಾಧಿ ಕ್ಷಮತ್ವ ನಿರ್ಧಾರ ಆಗೋದೇ ವಿಟಮಿನ್ ಎ ಮೂಲಕ. ಒಂದು ತಟ್ಟೇ ಬಟಾಣಿಯಲ್ಲಿ ಸುಮಾರು 22 % ವಿಟಮಿನ್ ಎ ನಮ್ ದೇಹಕ್ಕೆ ಸಿಗತ್ತಂತೆ. ಅದ್ಕೊಸ್ಕರ ಇಮ್ಯುನಿಟಿ ಇಲ್ಲಾಂತ ಕೊರಗ್ಬೇಡಿ. ಬಟಾಣಿ ತಿನ್ನಿ. ಉಸಿರಾಟದ ತೊಂದ್ರೆ ಆಗ್ದೆ ಇರಕ್ಕೂ ವಿಟಮಿನ್ ಎ ಬೇಕಾಗತ್ತೆ. 

12. ಖಿನ್ನತೆ ಕಮ್ಮಿ ಮಾಡತ್ತೆ

ಖಿನ್ನತೆ ಕಾಯ್ಲೇ ಫೋಲಿಕ್ ಆಮ್ಲ, ವಿಟಮಿನ್ಗಳ ಕೊರತೆಯಿಂದ ಬರೋದಂತೆ. ಅದ್ಕೆ ಖಿನ್ನತೆಯಿಂದ ಬಳಲ್ತಾ ಇರೋರಿಗೆ ನೀವು ಬಟಾಣಿಯನ್ನ ಪರಿಹಾರ ಅಂತ ಹೇಳ್ಬಹುದು. 

ಮೂಲ

13. ಚಳಿಗಾಲದಲ್ಲಿ ಕಾಲೂತ ಕಮ್ಮಿ ಮಾಡತ್ತೆ

ಚಳಿಗಾಳದಲ್ಲಿ ಪಾದ ಒಡೆಯೋದು , ಊದ್ಕಂಡ್ ಬಿಡೋದು, ತುರಿಕೆ ಬರೋದು ಇವೆಲ್ಲಾ ಸಾಮಾನ್ಯ. ಇದ್ಕೆ ಇಂಗ್ಲೀಷಲ್ಲಿ ಚಿಲ್ಬ್ಲೇನ್ಸ್ ಅಂತಾರೆ. ಬಟಾಣಿಯಲ್ಲಿ ಅದ್ಕೊಂದು ಒಳ್ಳೆ ಪರಿಹಾರ ಇದೆ. ಬಟಾಣಿ ಬೇಯ್ಸಿದ ನೀರು ತಗೊಂಡು ಅದ್ಕೆ ಒಂದಿಷ್ಟು ಎಳ್ಳೆಣ್ಣೆ ಹಾಕ್ಬಿಟ್ಟು ಅದ್ರಲ್ಲಿ ಪಾದಾನೋ ಕಾಲ್ಬೆರಳನ್ನೋ ಇಟ್ಬಿಟು ಸ್ವಲ್ಪ ಹೊತ್ತಾದ ನಂತರ ತೊಳಿಬೇಕು. ನಿಧಾನ ನಿಧಾನ ಊದ್ಕಂಡಿದ್ದು, ಕೆರೆತ ಇದ್ದಿದ್ದು ಕಮ್ಮಿಯಾಗ್ಬಿಡತ್ತೆ.

14. ಕೂದಲಿನ ಅಂದ ಕಾಪಾಡೋಕೆ ಇದ್ರಲ್ಲಿರೋ ವಿಟಮಿನ್ ಬಿ ಸಹಾಯ ಮಾಡತ್ತೆ 

ಬಟಾಣಿಯಲ್ಲಿರೋ ವಿಟಮಿನ್ ಬಿ , ಫೋಲೆಟ್ , ವಿಟಮಿನ್ ಬಿ 6 ಕೂದಲು ಬೇರಿನಿಂದ ಗಟ್ಟಿಯಾಗೋ ಹಾಗೆ ನೋಡ್ಕೊಳತ್ತೆ. ವಿಟಮಿನ್ ಸಿ ಅನ್ನೋದು ಕೂದ್ಲು ಉದ್ರದೇ ಇರೋ ಹಾಗೆ ಕಾಪಾಡತ್ತೆ. 

ಮೂಲ

ಬಟಾಣಿ ವಾಯು ಅಂದವ್ರೆಲ್ಲಾ, ಇದ್ನ ಓದಿದ್ಮೇಲೆ ಮೂಗಿನ್ ಮೇಲೆ ಬೆರಳಿಟ್ಕೊತಾರೆ ನೋಡಿ.

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: