ಶಿವನ 3ನೇ ಕಣ್ಣು ಜಟೆ ತ್ರಿಶೂಲದಲ್ಲೆಲ್ಲ ಜೀವನದ ಈ 10 ಮುಖ್ಯವಾದ ಸಂದೇಶಗಳು ಅಡಗಿ ಕೂತಿವೆ

ಸಾಮಾನ್ಯವಾಗಿ ಇದು ಯಾರಿಗೂ ಗೊತ್ತಿರಲ್ಲ

ನಮ್ಮ ದೇವ್ರುಗಳಲ್ಲಿ ಭಾಳ ಬೇಗ ಒಲಿಯೋನು ಅಂದ್ರೆ ಶಿವ. ಭಕ್ತಿವಂತರಿಗೆ ಬೇಡಿದ್ದು ಕೊಡ್ತಾನೆ ಹಾಗೆ ಕೆಟ್ಟೋರಿಗೆ ಶಿಕ್ಷೆನೂ ಕೊಡ್ತಾನೆ. ಪುರಾಣದಲ್ಲಿ ಶಿವ ಅಂದ್ರೆ ಜಟಾಧಾರಿ, ತ್ರಿಶೂಲ ಹಿಡ್ಕೊತಾನೆ, ಮೈಗೆ ಭಸ್ಮ ಹಚ್ಚ್ಕೊತಾನೆ, ತಲೇಲಿ ಗಂಗೆ ಇರ್ತಾಳೆ, ಕತ್ತಿಗೆ ಹಾವು ಸುತ್ತ್ಕೊತಾನೆ....ಹೀಗೆಲ್ಲಾ ವರ್ಣನೆ ಮಾಡಿದಾರೆ. ನೋಡಕ್ಕೆ ವಿಚಿತ್ರವಾದ್ರೂ ಅದೇ ಒಂದೊಂದಾಗಿ ಬಿಡಿಸಿ ಹೀಗೆ ಯಾಕಿದಾನೆ ಅಂತ ತಿಳ್ಕೊಳ್ಳೊ ಪ್ರಯತ್ನ ಮಾಡಿದಾಗ ಜೀವನದ ಪಾಠಗಳನ್ನ ಕಲಿಸತ್ತೆ. ಮುಂದೆ ಓದಿ...

1. ಜಟೆ - "ಶಾಂತಿ ಸಮಾಧಾನದಿಂದ ಮಾಡಿದರೆ ಯಾವ ಕೆಲ್ಸ ಬೇಕಾದ್ರೂ ಸಾಧ್ಯ"

ದೇಹ, ಮನಸ್ಸು ಮತ್ತೆ ಆತ್ಮದ ಏಕಿಕರಣದ ಪ್ರತಿಬಿಂಬ ಶಿವನ ಜಟೆ.

ಪರೀಕ್ಷೆ ಪಾಸ್ ಮಾಡ್ಬೇಕು, ಆರೋಗ್ಯ ಸುಧಾರಿಸ್ಕೊಬೇಕು, ಕೆಲ್ಸದಲ್ಲಿ ಏಕಾಗ್ರತೆ ಬೆಳಸ್ಕೊಬೇಕು...ಈ ಸಂದರ್ಭಗಳಲ್ಲಿ ನಮ್ಮ ದೇಹ, ಮನ್ಸ್ಸು ಹಾಗೂ ಅಂತರಾತ್ಮ ಮೂರು ಒಂದೇ ದಿಕ್ಕಿನಲ್ಲಿ ಇರ್ಬೇಕು, ಶಾಂತಿ ಸಮಾಧಾನದಿಂದ ಇರ್ಬೇಕು. ಹೀಗಿದ್ರೆ ದೇಹದಲ್ಲಿ ಒಳ್ಳೆ ಹಾರ್ಮೋನ್ಗಳು ಬಿಡುಗಡೆ ಆಗತ್ವೆ, ಮನಸ್ಸಿಗೆ ಖುಷಿ ಆಗತ್ತೆ. ಇಮ್ಮ್ಯೂನಿಟಿ ಜಾಸ್ತಿ ಆಗತ್ತೆ. ಜೀವನದಲ್ಲಿ ಏನೇ ಕಷ್ಟ ಬಂದ್ರೂ ಎದುರಿಸಕ್ಕೆ ರೆಡಿ ಆಗ್ತೀವಿ, ಅದು ಕಷ್ಟ ಅನ್ಸೋದೇ ಇಲ್ಲ.

ಮೂಲ

2. ಮೂರನೇ ಕಣ್ಣು - "ಕಣ್ಣಲ್ಲಿ ನೋಡಿದ್ದನ್ನ ನಂಬದೆ ಮನಸ್ಸಿಂದ ಅರ್ಥ ಮಾಡ್ಕೊಬೇಕು"

ಶಿವನ ಮೂರನೇ ಕಣ್ಣು ಸಮಸ್ಯೆಗಳನ್ನ ನೋಡೊ ರೀತಿ ಹೇಳುತ್ತೆ. ಜೊತೇಲಿ ಅದನ್ನ ಪರಿಹರಿಸೋಕೆ ದಾರಿ ಕೂಡ ತೊರ್ಸುತ್ತೆ.

ಜೀವನದಲ್ಲಿ ಯಾವುದೇ ತೊಂದ್ರೆ ಬಂದಾಗ ಎರಡು ಕಣ್ಣಿಗೆ ಏನ್ ಕಾಣಿಸತ್ತೋ ಅದರ ಜೊತೆ ಇನ್ನೂ ಏನಿದೆ ಅಂತ ಯೋಚ್ನೆ ಮಾಡಿ ಅದೇನು ಅದರ ಹಿಂದಿನ ಕಾರಣವೇನು, ಸಮಸ್ಯೆ ಹೆಂಗೆ ಬಗೆಹರಿಸಿದ್ರೆ ಎಲ್ಲರಿಗೂ ಒಳ್ಳೆದು ಅನ್ನೋದರ ಸಂಕೇತ.

ಮೂಲ

3. ತ್ರಿಶೂಲ - "ಅಹಂಕಾರ ಬಿಟ್ಟು ಕೆಲ್ಸ ಮಾಡಬೇಕು"

ಮನುಷ್ಯನ ಮನಸ್ಸು, ಬುದ್ಧಿ ಹಾಗೆ ಅಹಂಕಾರದ ಪ್ರತೀಕ ತ್ರಿಶೂಲ. ಶಿವ ತನ್ನ ಅಹಂಕಾರಾನ ಮೆಟ್ಟಿ ನಿಂತಿದ್ದಾನೆ. ಬೇರೇಯೋರ ಅಹಂಕಾರನೂ ಅವ ಸಹಿಸೊಲ್ಲ.

ನಮ್ ಜೀವನದಲ್ಲಿ ಅಹಂ ಬಿಟ್ಟು ಕೆಲ್ಸ ಮಾಡಿದಾಗ ಇನ್ನೂ ಎತ್ತರಕ್ಕೇರ್ತೀವಿ. ಕೆಲಸ ಸಮರ್ಥವಾಗಿ ಮಾಡ್ತೀವಿ.

ಮೂಲ

4. ಧ್ಯಾನದ ಭಂಗಿ - "ಏಕಾಗ್ರತೆಗೆ ಧ್ಯಾನ ಮಾಡಬೇಕು"

ಅವನು ಧ್ಯಾನಕ್ಕೆ ಕೂರೋ ಭಂಗಿ ದಿನ ನಿತ್ಯದ ಜಂಜಾಟದಲ್ಲಿ ತಾಳ್ಮೆ ಹೇಳಿಕೊಡುತ್ತೆ.

ಮೂಲ

5. ವಿಭೂತಿ - "ಎಲ್ಲವೂ ಕ್ಷಣಿಕ"

ಜೀವನದಲ್ಲಿ ಎಲ್ಲವೂ ಕ್ಷಣಿಕ ಅನ್ನೋದು ವಿಭೂತಿಯ (ಭಸ್ಮ) ಸಂಕೇತ. 

ಜೀವನದಲ್ಲಿ ಸುಖವಾಗಿರಕ್ಕೆ ಏನ್ ಬೇಕೋ ಮಾಡಿ - ಚೆನ್ನಾಗಿ ಕಾಣ್ಸಕ್ಕೆ, ದುಡ್ಡು ಸಂಪಾದನೆ ಮಾಡಕ್ಕೆ. ಆದ್ರೆ ಅದೇ ಒಂದು ಗೀಳಾಗಿ ನಿಮ್ ದೇಹ ಮನಸ್ಸು ಹಾಳಗ್ಬಾರ್ದು ಅಂತ ಪಾಠ ಹೇಳತ್ತೆ.

ಮೂಲ

6. ನೀಲಕಂಠ - "ಬರೋ ಕೋಪಾನ ಒಳ್ಳೇದಕ್ಕೆ ಉಪ್ಯೋಗಿಸಬೇಕು"

ಕೋಪ ನುಂಗಿ, ಅದನ್ನ ಸಕಾರತ್ಮಕವಾಗಿ ಬಳಸಿ, ಯಾರಿಗೂ ತೊಂದರೆ ಮಾಡದೆ ಅದರಿಂದ ಒಳ್ಳೇದು ಮಾಡಿ ಅನ್ನೋದರ ಸಂಕೇತ.

ಮೂಲ

7. ಢಮರುಗ - "ವ್ಯಾಯಾಮ ಮಾಡಿ ದೇಹ ಮತ್ತು ಮನಸ್ಸನ್ನ ಶುದ್ಧ ಮಾಡ್ಕೋಬೇಕು"

ದೇಹನ ರೋಗ - ರುಜಿನದಿಂದ ದೂರ ಇಟ್ಟು ಶುದ್ಧವಾಗಿಡೋದರ ಸಂಕೇತ.

ಮೂಲ

8. ಗಂಗಾಧರ - "ನಿರ್ಧಾರಗಳನ್ನ ತೊಗೊಬೇಕಾದ್ರೆ ಚಿಕ್ಕ ಚಿಕ್ಕ ವಿಷಯಾನೂ ಗಮನಿಸಬೇಕು"

ತಲೆ ಮೇಲಿರೋ ಗಂಗೆ ಸಂಕೇತ ಅಂಧತೆ ಕೊನೆ ಆಗಿ ಜ್ಞಾನ ಬೆಳೀಬೇಕು ಅಂತ. ಯಾವುದೇ ಕೆಲ್ಸ ಮಾಡೊಕ್ಕೆ ಮುಂಚೆ ಸಾಕಷ್ಟು ರಿಸರ್ಚ್ ಮಾಡಿ. ಸುಮ್ನೆ ಏನೂ ಗೊತ್ತಿಲ್ಲದೆ ಮುನ್ನುಗೋದು ಬೇಡ, ಆಮೇಲೆ ಪಶ್ಚಾತಾಪ ಪಡೋದು ಬೇಡ ಅನ್ನೋ ಪಾಠ ಕಲ್ಸತ್ತೆ.

ಮೂಲ

9. ಕಮಂಡಲ - "ನಕಾರಾತ್ಮಕ ಭಾವನೆಗಳನ್ನ ಬಿಸಾಕಬೇಕು"

ಕಮಂಡಲ ದೇಹದಲ್ಲಿರೋ ಕೆಟ್ಟದೆಲ್ಲಾ ತೆಗೆದು ಹಾಕೋದರ ಸಂಕೇತ.

ಮನಸ್ಸು ದೇಹದಲ್ಲಿ ಬರೋ ನಕಾರಾತ್ಮಕ ಶಕ್ತಿಗಲನ್ನ ಆಚೆ ಹಾಕೊ ಪ್ರಯತ್ನ ಮಾಡಿ ಶುದ್ಧವಾಗಿ. ಇದ್ರಿಂದ ಅರೋಗ್ಯ ಕೂಡ ಕಾಪಾಡ್ಕೊಳ್ಳಿ ಅಂತ ಹೇಳತ್ತೆ.

ಮೂಲ

10. ಕತ್ತಿನಲ್ಲಿ ಹಾವು - "ಕೋಪ, ದುಃಖ, ಹತಾಶೆ ಭಾವನೆಗಳನ್ನ ಹದ್ದುಬಸ್ತಿನಲ್ಲಿ ಇಟ್ಕೋಬೇಕು"

ಕೋಪ, ದುಃಖ, ಬೇಸರ, ಹತಾಶೆ..ಈ ತರದ ಭಾವನೆ ಮನಸ್ಸಿಗೆ ಖುಷಿ ಕೊಡಲ್ಲ. ಆದಷ್ಟು ಆಗದೇ ಇರೋ ಹಾಗೆ ಕಂಟ್ರೋಲ್ ಮಾಡ್ಬೇಕು. ಆದ್ರೆ ವಿಧಿಯಿಲ್ಲದೆ ಜಾಸ್ತಿ ಆದಾಗ ಗಂಟಲೊಳಗಡೇನೇ ಇಟ್ಕೊಂಡ್ರೆ ಆರೋಗ್ಯ ಹಾಳು. ಆಚೆ ಹಾಕಿ, ಮನಸ್ಸು ಹಗೂರ ಮಾಡ್ಕೊಳಿ ಅಂತ ಪಾಠ ಹೇಳತ್ತೆ.

ಮೂಲ

ಇಷ್ಟು ಓದಿದ್ಮೇಲೆ ಶಿವ ಶಿವ ಅಂದಾಗಲೆಲ್ಲ ಈ ಮಾತುಗಳು ನೆನಪಾಗಿ ಜೀವನ ಇನ್ನಷ್ಟು ಅರ್ಥ ಆಗುತ್ತೆ.

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ಈ 6 ವಿಷಯ ತಿಳ್ಕೊಂಡ್ರೆ ಇನ್ಮೇಲೆ ಫೋನು, ಚಾರ್ಜರ್ ಎಲ್ಲಾ ತಗೊಳೋವಾಗ ಮೋಸ ಹೋಗಲ್ಲ

ಸ್ವಲ್ಪ ಹುಷಾರಾಗಿ ನೋಡ್ಬೇಕಷ್ಟೆ

ಹೆಸರಾಂತ ಬ್ರಾಂಡುಗಳನ್ನ ನಕಲು ಮಾಡಿ ಕಳಪೆ ಪ್ರಾಡಕ್ಟುಗಳನ್ನ ಮಾರ್ಕೆಟ್ಟಿಗೆ ಬಿಡೋದು ಮಾಮೂಲಿ. ತೆಗೊಳ್ವಾಗ ನಾವು ಹುಷಾರಾಗಿರ್ಬೇಕು. ಈ 6 ವಿಷ್ಯಗಳ್ನ ತಿಳ್ಕೊಂಡ್ರೆ, ಮೋಸ ಹೋಗೋದು ತಪ್ಪಿಸ್ಬಹುದು.

1. ಪ್ಯಾಕ್ ಮಾಡಿರೋ ರೀತಿ ಗಮನಿಸಿ- ದೊಡ್ಡ ಬ್ರಾಂಡುಗಳು ಪ್ಯಾಕೇಜಿಂಗ್ ಬಗ್ಗೆ ಕೂಡ ತುಂಬಾ ಗಮನ ಕೊಟ್ಟಿರ್ತಾರೆ

ಸಾಮಾನ್ಯವಾಗಿ ನಕಲಿ ಕಂಪೆನಿಗಳು ಪ್ಯಾಕೇಜಿಂಗ್ ಬಗ್ಗೆ ಜಾಸ್ತಿ ತಲೆ ಕೆಡಿಸ್ಕೊಳೊಲ್ಲ. ದೊಡ್ಡ ಬ್ರಾಂಡುಗಳು ಅವರ ಪ್ರಾಡಕ್ಟಿಗೆ ಯಾವ್ದೇ ಡ್ಯಾಮೇಜ್ ಆಗ್ದಿರೋ ರೀತಿ ತುಂಬ ಎಚ್ಚರಿಕೆಯಿಂದ ಪ್ಯಾಕ್ ಮಾಡಿರ್ತಾರೆ. ಫೋನಿನ ಮೂಲೆಗಳೆಲ್ಲ ಸರಿಯಾಗಿ ಹೊಂದ್ಕೊಂಡು ಕೂರೋ ರೀತಿ ಬಾಕ್ಸ್ ಡಿಸೈನ್ ಮಾಡಿರ್ತಾರೆ. ಇದನ್ನೆಲ್ಲ ಪರೀಕ್ಷೆ ಮಾಡಿ ನೋಡಿ. ಇದಲ್ಲದೆ ಬಾಕ್ಸಿನಲ್ಲಿ ಪ್ರಿಂಟ್ ಆಗಿರೋದನ್ನ ನೋಡಿ, ಫಾಂಟು ಒಂದೇ ರೀತಿ ಇರ್ಬೇಕು, ಪ್ರಿಂಟ್ ಆಗಿರೋದೆಲ್ಲ ಓದೋಕೆ ಆಗೋ ಹಾಗಿರ್ಬೇಕು.

ಮೂಲ

2. ಯೂಸರ್ ಮಾನ್ಯುವಲ್ ಇಂಗ್ಲಿಷ್ ಅಥವಾ ಭಾರತದ ಅಫಿಷಿಯಲ್ ಭಾಷೆಗಳಲ್ಲಿರ್ಬೇಕು, ನಿಮ್ಗೆ ಅರ್ಥಾನೇ ಆಗ್ದಿರೋ ಯಾವ್ದೋ ಭಾಷೆಯಲ್ಲಿರ್ಬಾರ್ದು

 ಯೂಸರ್ ಮ್ಯಾನ್ಯುವಲ್ ಯಾವುದೋ ನಿಮ್ಗೆ ಅರ್ಥ ಆಗ್ದಿರೋ ಭಾಷೆಯಲ್ಲಿದ್ರೆ ಅಥವಾ ಅದರಲ್ಲಿ ಸ್ಪೆಲ್ಲಿಂಗ್ ಮಿಸ್ಟೇಕುಗಳಿದ್ರೆ, ಅದು ಸ್ಮಗಲ್ ಆಗಿರೋ ಮಾಲು ಅಥವಾ ನಕಲಿ ಮಾಲು ಆಗಿರೋ ಸಂಭವ ಜಾಸ್ತಿ.

ಮೂಲ

3. ರಬ್ಬರ್, ಪ್ಲಾಸ್ಟಿಕ್, ಅಲ್ಯೂಮಿನಿಯಮ್ - ಯಾವ್ದೇ ಆದ್ರೂ ಒಳ್ಳೆ ಕ್ವಾಲಿಟೀದಿದ್ಯಾ ನೋಡಿ

ಎಲ್ಲೂ ಚೂಪುಚೂಪಾಗಿರೋ ಪ್ಲಾಸ್ಟಿಕ್ ಇರ್ಬಾರ್ದು. ಅದರ ಮೈ ಸಮವಾಗಿ ಇರ್ಬೇಕು, ಮೆತ್ತಗಿರ್ಬೇಕು. ಒಂದೊಂದು ಕಡೆ ಒಂದೊಂದು ರೀತಿ ಇದ್ರೆ, ನಕಲಿ ಆಗಿರೋ ಸಾಧ್ಯತೆ ಹೆಚ್ಚು. ಫೋನಿನ ಕ್ಯಾಮೆರಾ ಮತ್ತು ಫ್ಲ್ಯಾಶ್ಲೈಟಿನ ಕ್ವಾಲಿಟಿಯನ್ನೂ ನೋಡಿ. ಕೆಳಗಿನ ಚಿತ್ರದಲ್ಲಿ ಗೋಲ್ಡನ್ ಫ್ರೇಮ್ ಇರೋದು ಒರಿಜಿನಲ್, ಇನ್ನೊಂದು ನಕಲಿ. ಎರಡರಲ್ಲೂ ಕ್ಯಾಮೆರಾ ಮತ್ತು ಫ್ಲ್ಯಾಶ್ ಲೈಟ್ ಕೂರಿಸಿರೋ ರೀತಿ ನೋಡಿ. ಅಸಲಿಯಲ್ಲಿ ಸ್ಮೂತ್ ಫಿನಿಶಿಂಗ್ ಇದೆ, ನಕಲಿಯಲ್ಲಿ ಕಳಪೆ ಅಂತ ಗೊತ್ತಾಗೋ ರೀತಿ ಇದೆ.

ಮೂಲ

 

4. ಕಂಪೆನಿ ಲೋಗೋ ಗಮನಿಸಿ - ಸ್ಪೆಲ್ಲಿಂಗ್ ಮಿಸ್ಟೇಕ್ ಇದ್ಯಾ ಅಥ್ವಾ ಅವರ ಒರಿಜಿನಲ್ ಪ್ರಾಡಕ್ಟಿಗೆ ಹೋಲ್ಸಿದ್ರೆ ಏನಾದ್ರೂ ವ್ಯತ್ಯಾಸ ಇದ್ಯಾ ನೋಡಿ

ಯಾವ್ದೇ  ಕಂಪೆನಿಗೆ ಅದರ ಲೋಗೋ ಬಹಳ ಮುಖ್ಯ. ಅದರಲ್ಲಿ ಸ್ಪೆಲ್ಲಿಂಗ್ ಮಿಸ್ಟೇಕ್ ಆಗ್ಲಿ, ತಪ್ಪು ಫಾಂಟ್ ಆಗ್ಲಿ ಇರೋಕೆ ಸಾಧ್ಯಾನೇ ಇಲ್ಲ. ಅಲ್ಲದೆ ಲೋಗೋ ಅಳಿಸಿ ಹೋಗೋ ಥರ ಇರೊಲ್ಲ, ಎಷ್ಟೋ ವರ್ಷ ಉಪ್ಯೋಗ್ಸಿದ್ರೂ ಓದ್ಲಿಕ್ಕೆ ಆಗೋ ಹಾಗೆ ಇರುತ್ತೆ. ಆ ಕಂಪೆನಿಯ ವೆಬ್ಸೈಟಿನಲ್ಲಿ ಇರೋ ಪ್ರಾಡಕ್ಟುಗಳಲ್ಲಿರೋ ಲೋಗೋ ಜೊತೆ ಹೋಲಿಸಿ ನೋಡಿ. ಏನಾದ್ರೂ ವ್ಯತ್ಯಾಸ ಇದ್ರೆ ನಕಲಿ ಅನ್ನೋದ್ರಲ್ಲಿ ಸಂಶಯ ಇಲ್ಲ. ಕೆಳಗಿನ ಫೋಟೋದಲ್ಲಿರೋದು ನಕಲಿ ಪವರ್ ಬ್ಯಾಂಕು. ಅದರಲ್ಲಿರೋ ಲೋಗೋ ನಕಲಿ. ಅವರ ಅಫಿಷಿಯಲ್ ವೆಬ್ಸೈಟಿನಲ್ಲಿರೋ ಲೋಗೋ ನೋಡಿದ್ರೆ ಇದು ನಕಲಿ ಅಂತ ಗೊತ್ತಾಗುತ್ತೆ.

5. ಚಾರ್ಜರಿನ ಪ್ಲಾಸ್ಟಿಕ್ ಗಮನಿಸಿ - ಒಳ್ಳೆ ಕ್ವಾಲಿಟಿ ಇದ್ಯಾ, ಸಮವಾಗಿ ಮೆತ್ತಗಿರೋ ಪ್ಲಾಸ್ಟಿಕ್/ರಬ್ಬರ್ ಉಪ್ಯೋಗ್ಸಿದಾರಾ ನೋಡಿ

ಮೊದಲ್ನೆದಾಗಿ ಫೋನ್ ತೆಗೊಂಡಾಗ ಚಾರ್ಜರ್ ಇರ್ಲೇಬೇಕು. ಅದೇನಾದ್ರೂ ಸೆಪರೇಟ್ ಆಗಿ ತೆಗೋಬೇಕು ಅಂತ ಇದ್ರೆ ಇದು ಸ್ಮಗಲ್ ಮಾಡಿದ ಮಾಲು ಅಥ್ವಾ ನಕಲಿ ಮಾಲು ಅನ್ನೋದು ಖಂಡಿತ. ಚಾರ್ಜರ್ ಕೂಡ ಒಳ್ಳೆ ಕ್ವಾಲಿಟಿಯಲ್ಲಿರ್ಬೇಕು. ಚಾರ್ಜರಿನ ಪ್ಲಾಸ್ಟಿಕ್ಕು ಬೇರೆ ಬೇರೆ ಬಣ್ಣದಲ್ಲಿದ್ರೆ, ಎರಡು ಬಣ್ಣಗಳ ಮಧ್ಯೆ ಯಾವ್ದೇ ಗೆರೆ ಇರೊಲ್ಲ, ಅದು ಮೆತ್ತಗೆ ಇರುತ್ತೆ, ಮುಟ್ಟಿದಾಗ ಗೊತ್ತೇ ಆಗದ ಹಾಗೆ ಇರುತ್ತೆ. ಏನಾದ್ರೂ ಚೂಪಾಗಿರೋ ಗೆರೆಗಳು ಮಧ್ಯದಲ್ಲಿದ್ರೆ ನಕಲಿ ಆಗಿರೋ ಚಾನ್ಸ್ ಜಾಸ್ತಿ. ಕೆಳಗಿನ ಚಿತ್ರದಲ್ಲಿ ಎಡಗಡೆ ಇರೋದು ಅಸಲಿ, ಬಲಗಡೆಯದ್ದು ನಕಲಿ. ಎರಡರ ಫಿನಿಶಿಂಗ್ ಹೋಲಿಸಿ ನೋಡಿ.

ಮೂಲ

6. ವೈರು, ಪ್ಲಗ್ಗು ಸಾಕೆಟ್ಟಲ್ಲಿ ಸರಿಯಾಗಿ ಕೂರುತ್ತಾ, ರಬ್ಬರ್ ಒಳ್ಳೆ ಕ್ವಾಲಿಟಿ ಇದ್ಯಾ ನೋಡಿ

ವೈರು ಕೂಡ ಒಳ್ಳೆ ಕ್ವಾಲಿಟಿ ರಬ್ಬರಲ್ಲಿ ಮಾಡಿರ್ಬೇಕು. ಪ್ಲಗ್ ಮಾಡಿದಾಗ ಸ್ಮೂತ್ ಆಗಿ ಕೂರ್ಬೇಕು, ಸ್ವಲ್ಪ ಉದ್ದ ಹೆಚ್ಚಿದ್ರೆ, ಅಥ್ವಾ ಸ್ಮೂತ್ ಆಗಿ ಕೂರದಿದ್ರೆ ನಕಲಿ ಮಾಲಾಗಿರ್ಬಹುದು. ವೈರು ಫ್ಲೆಕ್ಸಿಬಲ್ ಇರ್ಬೇಕು, ಬಣ್ಣ ಸಮವಾಗಿರ್ಬೇಕು. ವೈರು, ಪ್ಲಗ್ಗುಗಳ ಮೇಲೆ ಏನಾದ್ರೂ ಸಿಂಬಲ್ಗಳಿದ್ರೆ ಅದು ಅಳಿಸಿ ಹೋಗೋ ಹಾಗಿರ್ಬಾರ್ದು. ನೋಡಿದಾಗ ಕಳಪೆ ಕ್ವಾಲಿಟಿ ಕಂಡ್ರೆ ಹುಷಾರಾಗಿ.

ಮೂಲ

ಅಫಿಷಿಯಲ್ ವೆಬ್ಸೈಟುಗಳು, ಹೆಸರುವಾಸಿ ಅಂಗಡಿಗಳಲ್ಲಿ ತೆಗೊಳ್ವಾಗ ನಕಲಿ ಆಗಿರೋ ಸಾಧ್ಯತೆ ಕಡಿಮೆ. ಬೇರೆ ಕಡೆ ತೆಗೊಳ್ವಾಗ ಹುಷಾರಾಗಿರ್ಬೇಕು. ಯಾವಾಗ್ಲೂ ನಮ್ಮ ಎಚ್ಚರಿಕೆಯಲ್ಲಿ ನಾವಿರೋದು ಒಳ್ಳೇದು. ಸರಿ ಅಲ್ವಾ?

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: