ಹಂಪೆ ಬಗ್ಗೆ ಈ 20 ಅದ್ಭುತವಾದ ವಿಷಯಗಳು ಗೊತ್ತಾದ್ರೆ ನಿಮ್ಮ ಮುಂದಿನ ಟ್ರಿಪ್ಪು ಗ್ಯಾರಂಟಿ ಅಲ್ಲೀಗೇ

ಒಂದೊಂದ್ ಕಡೆ ವಿಜ್ಞಾನಿಗಳೇ ತಲೆ ಕೆರ್ಕೋಬೇಕು ಹಂಗಿದೆ

1. ಸಾಕ್ಷಾತ್ ಶ್ರೀರಾಮನೇ ಬೇಕಾದಾಷ್ಟು ಸಲ ಹಂಪೆಗೆ ಭೇಟಿ ಕೊಟ್ಟಿದ್ದನಂತೆ

ರಾಮಾಯಣದ ಪ್ರಕಾರ ಶ್ರೀರಾಮ ಮತ್ತವನ ತಮ್ಮ ಲಕ್ಷ್ಮಣ ಇಬ್ರೂ ಸೀತೆಯ ಹುಡುಕಾಟದಲ್ಲಿದ್ದಾಗ ವಾಲಿ ಮತ್ತೆ ಸುಗ್ರೀವರ ಸಹಾಯವನ್ನ ಕೇಳೋ ಸಲುವಾಗಿ ಸಾಕಷ್ಟು ಸಲ ಹಂಪೆಗೆ  ಭೇಟಿ ಕೊಟ್ಟಿದ್ರಂತೆ.

ಮೂಲ

2. ಸುಗ್ರೀವ ವಾಸ ಮಾಡ್ತಿದ್ದ ಗುಹೆ ಇರೋದು ಇಲ್ಲೇ

ವಾನರರ ರಾಜ ಅನ್ನಿಸ್ಕೊಂಡಿದ್ದ ಸುಗ್ರೀವ ಈ ಗುಹೆನೆಲ್ಲೇ ವಾಸ ಮಾಡ್ತಾ ಇದ್ದ ಅಂತ ಈಗ್ಲೂ ಜನ ನಂಬ್ತಾರೆ. ಅಷ್ಟೇ ಅಲ್ಲ ಇದೇ ಜಾಗದಲ್ಲೇ ರಾವಣ ಸೀತೆನ ಅಪಹರಿಸ್ಕೊಂಡು ಹೋಗೋವಾಗ ಆಕೆ ತನ್ನ ಎಲ್ಲಾ ಆಭರಣಗಳನ್ನೂ ಬಿಸಾಕಿ ತನ್ನ ಅಪಹರಣದ ವಿಶ್ಯ ತಿಳಿಯೋಕೆ ಸಹಾಯ ಮಾಡಿದ್ಲಂತೆ. ಇಲ್ಲೇ ಒಂದು ಕಲ್ಲಿನ ಮೇಲಿರೋ ಡಿಸೈನ್ ನೋಡಿ ಜನ ಈಗ್ಲೂ ಇದೆ ಸೀತೆಯ ಸೀರೆ ಅಂತಂದ್ಕೊಂಡಿದಾರೆ.  

ಮೂಲ

3. ಯುನೆಸ್ಕೋ ಪ್ರಕಾರ ಹಂಪೆ ಅಳಿವಿನಂಚಿನಲ್ಲಿರೋ ಪ್ರಪಂಚದ ಪಾರಂಪರಿಕ ಪ್ರದೇಶಗಳಲ್ಲಿ ಒಂದು

ಬೇಜಾರಿನ ವಿಶ್ಯ ಏನಂದ್ರೆ ಒಂದು ಕಾಲದಲ್ಲಿ ವೈಭವಕ್ಕೆ ಎರಡನೇ ಹೆಸರಾಗಿದ್ದ ಹಂಪೆ ಈಗ ಹಾಳು ಬಿದ್ದ ಹಂಪೆ ಆಗಿದೆ. ಅಷ್ಟು ಮಾತ್ರ ಅಲ್ಲ ಈಗ ಈ ಹಾಳು ಬಿದ್ದಿರೋ ಹಂಪೆ ಯುನೆಸ್ಕೋದ ಕಣ್ಣಲ್ಲಿ " ಅಳಿವಿನಂಚಿನಲ್ಲಿರೋ ಪ್ರಪಂಚದ ಪಾರಂಪರಿಕ ಪ್ರದೇಶಗಳಲ್ಲಿ ಒಂದು" .ತುಂಗಭದ್ರಾ ನದಿಗೆ ಅಡ್ಡಲಾಗಿ ಸೇತುವೆ ನಿರ್ಮಾಣ ಆಗಬೇಕಾ ಬೇಡ್ವಾ ಅನ್ನೋ ವಿವಾದದ ಮಧ್ಯೆ, ಈ ಪ್ರದೇಶ ಅಳಿವಿನಂಚಲ್ಲಿದೆ ಅಂತ 1999 ರಲ್ಲಿ ಯುನೆಸ್ಕೋ ಘೋಷಣೆ ಮಾಡಿದೆ.

ಮೂಲ

4. ಹಂಪೆ ಸುಮಾರು 600 ವರ್ಷಗಳಷ್ಟು ಹಳೇದು

ಹಂಪೆನಲ್ಲಿರೋ ಪೈಂಟಿಗ್ಸು ಏಷ್ಟು ಹಳೇದು ಅಂದ್ರೆ ಬಹುಶಃ ನಮ್ಮ ತಾತನೋರ ತಾತ ಕೂಡ ಇನ್ನೂ ಹುಟ್ಟಿರಲಿಲ್ಲ ಆಗ ಬರೆದಿರೋದು ಅನ್ಸುತ್ತೆ. ಆದ್ರೆ ಈ ಪೈಂಟಿಂಗ್ಸನ್ನ ನಾವೀಗ್ಲೂ ನೋಡ್ಬಹುದು.

ಮೂಲ

5. ಹಂಪೆ ನೋಡೋಕೆ ಮೈ ಕೈ ಗಟ್ಟಿಯಾಗಿರ್ಬೇಕು, ಯಾಕಂದ್ರೆ ಸಿಕ್ಕಾಪಟ್ಟೆ ದೊಡ್ಡದು

ಒಟ್ಟು 24 ಚದರ ಕಿಲೋಮೀಟರ್ ಇದೆ.

ಮೂಲ

6. ವಿಜಯನಗರದ ಮುಖ್ಯವಾದ ಟಂಕಸಾಲೆ ಇದ್ದದ್ದು ಹಂಪಿನಲ್ಲೇ

ವಿಜಯನಗರ ಕಾಲದಲ್ಲಿ ಚಿನ್ನ,  ಬೆಳ್ಳಿ ಮತ್ತೆ ತಾಮ್ರದ ನಾಣ್ಯಗಳ ಮೇಲೆ ದೇವರ ಚಿತ್ರ, ಪ್ರಾಣಿ ಪಕ್ಷಿಗಳ ಚಿತ್ರವನ್ನ ಮುದ್ರಿಸಿ ಉಪಯೋಗಿಸ್ತಾ ಇದ್ರು. ನಾವೂ ಈಗಲೂ ಆ ವೈಭವಾನ ಗೋಡೆಗಳಲ್ಲಿ ನೋಡಬಹುದು. 

ಮೂಲ

7. ಹಂಪೆಯಲ್ಲಿ ಮೊಟ್ಟಮೊದಲಿಗೆ ಜನರು ಇದ್ದ ದಾಖಲೆಗಳು ಕ್ರಿ.ಶ. 1 ನೇ ಶತಮಾನದಲ್ಲಿ

ಅಂದ್ರೆ ನಮ್ ಹೆಮ್ಮೆಯ ಹಂಪೆ ಅದೆಷ್ಟು ಪುರಾತನವಾದದ್ದೋ ಯೋಚ್ಸಿ.

ಮೂಲ

8. ಹಿಂದೂ ಧರ್ಮದ ಅಪಾರ ಹಿರಿಮೆ ಮತ್ತು ವೈಭವಗಳ್ನ ಹಂಪೇಲಿ ನೋಡ್ಬೋದು

ಅದು ಹೇಗೆ ಅಂತೀರ? ಹಂಪೆನಲ್ಲಿರೋ ಹಜ಼ಾರ್ ರಾಮ ದೇವಸ್ಥಾನ ಮಂದಿರ ಇದು ಹಿಂದೂ ಪುರಾಣದ ಬಗ್ಗೆ ಸಾಕಷ್ಟು ವಿಷ್ಯ ತಿಳಿಸಿ ಕೊಡುತ್ತೆ. ಸಾವಿರಾರು ಕೆತ್ತನೆಗಳು, ಬರಹಗಳೂ, ಚಿತ್ರ ಚಿತ್ತಾರಗಳೂ ರಾಮಾಯಣದ ಕತೆಯನ್ನ ಸಾರಿ ಸಾರಿ ಹೇಳ್ತಾ ಇವೆ.

ಮೂಲ

9. ಇನ್ನೂ ಪೂಜೆ ನಡೀತಿರೋ ಕೆಲವೇ ಹಳೇ ದೇವಸ್ಥಾನಗಳಲ್ಲಿ ಹಂಪೆ ದೇವಸ್ಥಾನ ಕೂಡ ಒಂದು (ಇಡೀ ಭಾರತದಲ್ಲಿ)

ವಿರೂಪಾಕ್ಷ ದೇವಸ್ಥಾನ ಅಥವಾ ಪಂಪಾಪತಿ ದೇವಸ್ಥಾನ ಅಂತ ಕರೆಯೋ ಈ ದೇವಸ್ಥಾನದ ಎತ್ತರ 120 ಅಡಿ. ಶಿವನ ವಿಗ್ರಹದ ಜೊತೇನೇ ಭುವನೇಶ್ವರಿ ಮತ್ತೆ ಪಂಪನ ವಿಗ್ರಹಗಳೂ ಈ ದೇವಸ್ಥಾನದಲ್ಲಿದೆ.ವಿರೂಪಾಕ್ಷ ಅಂದ್ರೆ ಮೂರು ಕಣ್ಣಿರೋ ಶಿವ ಅಂತ ಅರ್ಥ. ಈ ದೇವಸ್ಥಾನದಲ್ಲಿ ೭ನೇ ಶತಮಾನದಿಂದ್ಲೇ ಪೂಜೆ ಆಚರಣೆ ಎಲ್ಲಾ ನಡೀತಾ ಬಂದಿದೆ. 

ಮೂಲ

10  ಹಂಪೆ ಸುತ್ತಮುತ್ತ ತುಂಬಾ ಸೊಗಸಾಗಿರೋ ಸ್ಥಳಗಳೂ ಕೂಡ ನೋಡೋಕೆ ಸಿಗುತ್ತೆ.

ಮೂರು ತಲೆ ಇರೋ ನಂದಿ ಹಾಗೆ ನೋಡಲೇಬೇಕಗಿರೋವಂತಾ ಜಾಗಗಳಲ್ಲಿ ಒಂದು.

ಮೂಲ

11. ವಿರೂಪಾಕ್ಷ ದೇವಸ್ಥಾನದ ಮುಂದಿರೋ ಆನೆಗೆ ದುಡ್ಡು ಕೊಟ್ರೆ ಆಶೀರ್ವಾದ ಮಾಡುತ್ತೆ :-)

ಎಲ್ಲಾ ದೇವಸ್ಥಾನಗಳಲ್ಲಿರೋ ಹಾಗೇ ಈ ವೀರೂಪಾಕ್ಷ ದೇವಸ್ಥಾನದಲ್ಲೂ ಆನೆ ಒಂದಿದೆ. ದೇವಸ್ಥಾನದ ಒಳಗೆ ಹೋಗ್ತಾ ಅದರ ಎರಡನೇ ಗೋಪುರದ ಹತ್ತಿರ ಹೋಗ್ತಿದ್ದಂಗೇ ನಿಮಗೊಂದು ಆನೆ ಕಾಣುತ್ತೆ. ಆ ಆನೆ ನೀವು ಕೊಡೋ 1 ರೂಪಾಯನ್ನ ಟಪಕ್ಕಂತ ಸೊಂಡ್ಲಲ್ಲಿ ಎತ್ಕೊಂಡು ನಿಮಗೆ ಆಶೀರ್ವಾದನೂ ಮಾಡತ್ತೆ. ಕಾಸು ಕೊಡದೆ ಇದ್ರೆ ಆಶೀರ್ವಾದ ಕಟ್. ಅದಕ್ಕೆ ಈ ಆನೇನ ತುಂಟ ಅಂದಿದ್ದು.

ಮೂಲ

12. ಅಲ್ಲೊಂದು ಕಡೆ ಗೋಪುರದ ನೆರಳು ತಲೆಕೆಳಗಾಗಿ ಕಾಣುತ್ತೆ!

ಹಂಪೆ ಒಂಥರಾ ವಿಜ್ಞಾನ ಮತ್ತೆ ಪ್ರಕೃತಿ ಎರಡರ ಮಿಶ್ರಣ ಅನ್ನಬಹುದು. ದೇವಸ್ಥಾನದ ಹಿಂದೆ ಇರೋ ಒಂದಷ್ಟು ಮೆಟ್ಟಿಲು ಹತ್ತಿ ಹೋದ್ರೆ ಹಿಂದಿನ ಬಾಗಿಲನ್ನ ತಲುಪೋ ಮೊದ್ಲೇ ನಿಮ್ಮ ಬಲಭಾಗಕ್ಕೊಂದು ಕತ್ತಲೆ ಕೋಣೆ ಕಾಣ್ಸುತ್ತೆ. ಆ ಕತ್ಲೆ ರೂಮ್ನಲ್ಲಿರೋ ಒಂದು ಗೋಡೆನಲ್ಲಿ ಒಂದು ಸೀಳಿಕೆ ಇದೆ. ಆ ಸೀಳು ಗೋಡೆಯಿಂದ ರೂಮೊಳಗೆ ಬೀಳೋ ಸೂರ್ಯನ ಕಿರಣಗಳು ಎದುರ್ಗಡೆ ಇರೋ ಗೋಡೆ ಮೇಲೆ ಬೀಳುತ್ತೆ. ಆದ್ರೆ ಅಲ್ಲಿ ಬೀಳೋ ಗೋಪುರದ ನೆರಳು ಮಾತ್ರ ತಲೆಕೆಳಗಾಗಿರುತ್ತೆ. ತುಂಬಾ ಜನ ತುಂಬ್ಕೊಂಡು ನುಗ್ಗಾಟ ಇಲ್ದೇ ಇದ್ರೆ ಈ ನೆರಳಿನ ವಿಚಿತ್ರಾನ ಕಣ್ತುಂಬಾ ನೋಡ್ಬೋದು. 

ಮೂಲ

13. ಇತಿಹಾಸ, ಪುರಾಣ ಎಲ್ಲವೂ ಇದೆ ಹಂಪೇಲಿ

ಹೇಮ ಕೂಟ ಅಂತ ಒಂದು ಪರ್ವತ ಇದೆ ಇಲ್ಲಿ. ಅದ್ರ ಜೊತೇನೇ ಒಂದು ಪುರಾಣದ ಕತೆ ಕೂಡ ಇದೆ. ಅದೇನಪ್ಪಾ ಅಂದ್ರೆ, ಶಿವ ಕಾಮನನ್ನ ತನ್ನ ಮೂರ್ನೇಕಣ್ಣಿಂದ ಸುಟ್ಟು ಭಸ್ಮ ಮಾಡಿದ್ದು ಇಲ್ಲೇ ಅಂತ. ಅದೇ ಕಾರಣಕ್ಕೆ ಇಲ್ಲಿ ವಿರೂಪಕ್ಷ ಅನ್ನೋ ಹೆಸ್ರಲ್ಲಿ ಶಿವನನ್ನ ಕರ್ಯೋದು. ಅಷ್ಟೇ ಅಲ್ಲ ಇಲ್ಲಿರೋ ಸುಮಾರು ಎಲ್ಲಾ ದೇವಸ್ಥಾನದಲ್ಲೂ ಇರೋದು ಶಿವಲಿಂಗನೇ.

ಮೂಲ

14. ಗಣೇಶನ ಹೆಸರು ಮಾತ್ರ ಸಾಸಿವೆ ಕಾಳು, ಆದರೆ ಇರೋದು 8 ಅಡಿ!

ಹೊಟ್ಟೆಗೆ ಹಾವ್ ಸುತ್ಕೊಂಡು ಒಂದ್ಕಯ್ಯಲಿ ಮೋದ್ಕ, ಇನ್ನೊಂದ್ಕಯ್ಯಲ್ಲಿ ದಂತ, ಮತ್ತೊಂದ್ಕಯ್ಯಲ್ಲಿ ಪಾಶ, ಇನ್ನೊಂದು ಅಭಯ ಹಸ್ತ ಇಟ್ಕೊಂಡಿರೋ ಗಣೇಶ ಇರೋದು ಬರೋಬ್ಬರಿ 8 ಅಡಿ. ಆದ್ರೆ ಹೆಸ್ರು ಮಾತ್ರ ಅದ್ಯಾಕೋ ಸಾಸಿವೆಕಾಳು ಗಣೇಶ ಅಂತ. ಈ ಗಣೇಶ ಸ್ವಲ್ಪ ಭಿನ್ನ ಆಗಿದ್ರೂ ನೋಡೋಕೆ ತುಂಬಾ ಚೆಂದ ಇದಾನೆ.

ಮೂಲ

15. ತೆಪ್ಪದಲ್ಲಿ ನದಿ ದಾಟೋ ಮಜಾನೇ ಮಜಾ

ನದಿ ದಾಟೋದಿಕ್ಕೆ ತೆಪ್ಪ ಉಪಯೋಗ್ಸೋದು ನಿಮ್ಗೆಲ್ಲಾ ಗೊತ್ತೇ ಇರುತ್ತೆ. ಬುಟ್ಟಿ ತರ ಇಓ ಈ  ತೆಪ್ಪದಲ್ಲಿ ಸುಮಾರು 6-8 ಜನ ಒಟ್ಟಿಗೆ ಕೂತ್ಕೊಂಡು ನದಿ ದಾಟ್ಬೋದು.  ಇದೆಲ್ಲಿದ್ಯಪ್ಪಾ ಹಂಪೇಲಿ ಅಂದ್ಕೊಂಡ್ರಾ. ವಿರೂಪಾಕ್ಷ ದೇವಸ್ಥಾನ, ಕೋದಂಡರಾಮನ ದೇವಸ್ಥಾನ ಮತ್ತೆ ವಿಠ್ಠಲನ ದೇವಸ್ಥಾನದ ಹತ್ರ.

ಮೂಲ

16. ಗೂಗಲ್ಲಲ್ಲಿ ಜನ ಜಾಸ್ತಿ ಹುಡುಕೋ ಕರ್ನಾಟಕದ ಐತಿಹಾಸಿಕ ಸ್ಥಳಗಳಲ್ಲಿ ಹಂಪೇನೇ ಮೊದಲನೇದು

2014 ರ ಸರ್ವೇ ಪ್ರಕಾರ ಕರ್ನಾಟಕದಲ್ಲಿರೋ ಪ್ರಸಿದ್ದ ಐತಿಹಾಸಿಕ ಸ್ಥಳ ಅಂತ ಸರ್ಚ್ ಆಗಿರೋ ಜಾಗ ಅಂದ್ರೆ ಹಂಪೆ. ಹಾಗಾದ್ರೆ ಈ ಊರು ಅದೆಷ್ಟು ಫ಼ೇಮಸ್ಸೋ ನೀವೇ ಲೆಕ್ಕ ಹಾಕಿ.

ಮೂಲ

17. ಕಮಲ ಮಹಲ್ / ಲೋಟಸ್ ಮಹಲ್ ಕೇಳಿದೀರಾ? ಇದು ಆ ಕಾಲದ ಶ್ರೀಮಂತ ಹೆಂಗಸರ ಅರಮನೆ

ಇದು ಆಗಿನ ಕಾಲದ ಶ್ರೀಮಂತ ಕುಟುಂಬ ಅತ್ವಾ ರಾಜರ ಕುಟುಂಬದ ಹೆಂಗಸರಿಗೋಸ್ಕರ ಕಟ್ಟಲಾಗಿದ್ದ ಕಟ್ಟಡ. ಸಿಕಾಪಟ್ಟೆ ಸೂಪರ್ರಾಗಿದೆ.

ಮೂಲ

18. ಕೃಷ್ಣದೇವರಾಯನ ಕಾಲದಲ್ಲಿ ಚಿನ್ನ ಬೆಳ್ಳಿ ವಜ್ರ ವೈಢೂರ್ಯಗಳ್ನ ತಕ್ಕಡಿಯಲ್ಲಿ ಹಾಕಿ ತೂಗ್ತಿದ್ರಲ್ಲ, ಆ ಮಾರುಕಟ್ಟೆ ಬೀದಿ ಈಗಲೂ ನೋಡಕ್ಕೆ ಸಿಗುತ್ತೆ

1 ಕಿ.ಮೀ. ಗೂ ಜಾಸ್ತಿ ಜಾಗದಲ್ಲಿ ಈ ಮಾರ್ಕೆಟ್ ಇದೆ. ಆ ಕಾಲದಲ್ಲಿ ಹೇಗೆಲ್ಲಾ ಮಾರ್ಕೆಟ್ ಇತ್ತು ಅನ್ನೋದು ನೋಡ್ಲೇಬೇಕು. ಈಗ್ಲೂ ವ್ಯಾಪರ ನಡೆಯುತ್ತೆ, ಆದ್ರೆ  ಯಾವ ಗದ್ಲ ಗಲಾಟೆ ಇಲ್ಲದಿರೋವಾಗ ಓಡಾಡೋದ್ರ ಮಜಾನೇ ಬೇರೆ.

 

ಮೂಲ

19. ಸಂಗೀತದ ಸ್ವರಗಳು ಬರೋ ಕಂಬಗಳು ಬೇರೆ ಎಲ್ಲೂ ನೋಡೋಕೆ ಸಿಗೋದಿಲ್ಲ

ವಿಠ್ಠಲನ ದೇವಸ್ಥಾನದಲ್ಲಿ 56 ಸಂಗೀತದ ಕಂಬಗಳಿವೆ. ಈ ಕಂಬಗಳನ್ನ ಅದ್ ಹೇಗೆ ಮಾಡಿದಾರೋ ಗೊತ್ತಿಲ್ಲ ಆದ್ರೆ ಇದರ ಮೇಲೆ ಕೈಯ್ಯಿಂದ ತಟ್ಟಿದ್ರೆ ತಬಲದ ಹಾಗೇ ಇವೂ ಕೂಡ ಸುಮಧುರವಾಗಿ ಸಂಗೀತ ಹೊಮ್ಮಿಸುತ್ತೆ.

ಮೂಲ

20. ಮಾಲ್ಯಂತ ಬೆಟ್ಟದಲ್ಲಿ ಲಕ್ಷ್ಮಣ ಬಾಣ ಹೊಡೆದು ಮಾಡಿರೋ ಒಂದು ಗುಹೆ ಇದೆ

ರಾಮ ಲಕ್ಷ್ಮಣ ಇಬ್ರೂ ಸೀತೆ ಹುಡುಕ್ಕೊಂಡು ಈ ಬೆಟ್ಟಕ್ಕೆ ಬಂದ್ರಂತೆ. ಆಗ ಜೋರ್ ಮಳೆ ಶುರು ಆಗೋಯ್ತಂತೆ. ನಿಲ್ಲೋಕೆ ಜಾಗನೇ ಇಲ್ದೇ ಲಕ್ಷ್ಮಣ ತನ್ನ ಬಾಣದಿಂದ ಒಂದು ಗುಹೆ ನಿರ್ಮಾಣ ಮಾಡಿದ್ನಂತೆ. ರಾಮನಿಗೇ ಮೀಸಲಾಗಿರೋ ಇಲ್ಲಿನ ದೇವಸ್ಥಾನದಲ್ಲಿ ಈ ಕತೆಯ ಕೆತ್ತನೆ ಮಾಡಿಟ್ಟಿದಾರೆ. ಈಗ್ಲೂ ಆ ಗುಹೆ ಹಾಗೇ ಇದೆ.

ಮೂಲ

ಕಣ್ಣಾರೆ ನೋಡ್ಬೇಕು ಅನ್ನಿಸ್ತಿಲ್ವಾ? ಹೋಗಿ ಬನ್ನಿ ಮತ್ತೆ!

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ಈ 10 ಚಿಕ್ಕ ಚಿಕ್ಕ ಬದಲಾವಣೆ ಮಾಡ್ಕೊಂಡ್ರೆ ನಿಮ್ಮ ಜೀವನ ದೊಡ್ಡ ರೀತೀಲಿ ಬದಲಾಗತ್ತೆ ಅನ್ನೋದ್ರಲ್ಲಿ ಸಂದೇಹಾನೆ ಇಲ್ಲ

ಒಂದೊಂದ್ಸರ್ತಿ ಊಹೂಂ ಅನ್ನೋಕ್ಕೂ ಗೊತ್ತಿರ್ಬೇಕು

ಜೀವನ ಅದರ ಎಲ್ಲ ರೂಪದಲ್ಲೂ ಕೆಲವೊಮ್ಮೆ ನಮಗೆ ಎಷ್ಟು ಮಾಡಿದ್ರೂ ಅಷ್ಟೇ ಅನ್ನೋ ಭಾವನೆ ಬರೋಹಾಗೆ ಮಾಡಬಹುದು. ಆದ್ರೆ ಜೀವನದಲ್ಲಿ ಒಂದೊಂದ್ಸರ್ತಿ ಎಷ್ಟೇ ಕಷ್ಟ ಬಂದ್ರೂ ಮನಸ್ಸಿದ್ದರೆ ಮಾರ್ಗ ಇದ್ದೇ ಇದೆ ಅನ್ನೋದು ನೆನಪಿರ್ಲಿ.

ಈ 10 ವಿಷಯದ ಬಗ್ಗೆ ಗಮನ ಕೊಟ್ರೆ ನಿಮ್ಮ ಜೀವನ ಬದಲಾಯಿಸಿಕೊಳ್ಳೋದಕ್ಕೆ ಸಹಾಯ ಆಗುತ್ತೆ. ಆದ್ರೆ ಒಂದು ನೆನಪಿರ್ಲಿ... ಇವೆಲ್ಲಾ ಝಟ್ ಪಟ್ ಅಂತ ಆಗೋ ಬದಲಾವಣೆಗಳಲ್ಲ... ಸಮಯ ಹಿಡಿದೇ ಹಿಡಿಯತ್ತೆ. ಆದ್ರೆ ಕೊನೇಲಿ ಖುಷಿಯಾಗೋದು ಖಂಡಿತಾ. 

1. ಬೆಳಗ್ಗೆ ಲೇಟಾಗಿ ಏಳೋ ಬದ್ಲು ಬೇಗ ಏಳೋ ಅಭ್ಯಾಸ ಮಾಡ್ಕೊಳಿ

ಹಲವಾರು ಸಂಶೋಧನೆ, ಅಧ್ಯಯನಗಳಿಂದ ಗೊತ್ತಾಗಿರೋದು ಏನಪ್ಪಾ ಅಂದ್ರೆ ಬೆಳಗ್ಗೆ ಬೇಗ ಎದ್ದವರು ಬೇರೆಯವರಿಗಿಂತ ಕೆಲಸ ತುಂಬಾ ಚೆನ್ನಾಗಿ ಮಾಡ್ತಾರೆ, ತುಂಬಾ ಖುಷಿಯಾಗೂ ಇರ್ತಾರೆ ಅಂತ. ದಿನದಲ್ಲಿ ಕೆಲವೇ ಗಂಟೆಗಳು ನಮಗೆ ಸಿಗೋದು, ಅದ್ರಲ್ಲಿ ನಿದ್ದೆಯಲ್ಲೇ ಹೆಚ್ಚು ಸಮಯ ಹಾಳಾದ್ರೆ ನಿಮಗೆ ಬೇರೆದಕ್ಕೆ ಇನ್ನೆಲ್ಲಿಂದ ಟೈಮ್ ಸಿಗುತ್ತೆ?

ಇನ್ನು ನಿಮ್ಮ ಆಫೀಸ್ 24 ಗಂಟೇನೂ ಕೆಲಸ ಮಾಡೊತರದ್ದಾದ್ರೆ, ಬೆಳಗ್ಗೆ ಬೇಗ ಹೋಗಿ, ಬೇಗ ವಾಪಸ್ ಬಂದ್ರೆ ನಿಮ್ಮ ಸ್ವಂತಕ್ಕೆ, ಮನೆಯವರ ಜೊತೆ ಕಳೆಯೋದಕ್ಕೆ... ಹೀಗೆ ಎಲ್ಲದಕ್ಕೂ ನಿಮಗೆ ಸಾಕಷ್ಟು ಟೈಮ್ ಸಿಗುತ್ತೆ.

ಮೂಲ

2. ಎಲ್ಲದಕ್ಕೂ ಸರಿ, ಆಯ್ತು, ಮಾಡ್ತೀನಿ ಅಂತ ಒಪ್ಕೊಳೋ ಬದ್ಲು ಆಗಾಗ ಇಲ್ಲ, ಮಾಡಕ್ಕಾಗಲ್ಲ ಅಂತ ಹೇಳೋ ಅಭ್ಯಾಸ ಬೆಳೆಸ್ಕೊಳಿ

ಎಲ್ಲ ಟೈಮಲ್ಲೂ ಸರಿ, ಆಯ್ತು , ಮಾಡ್ತೀನಿ ಅಂತ ಒಪ್ಕೋಳೋದು ಸರಿಯಲ್ಲ. ಹೀಗೆ ಒಪ್ಕೋಳೋದ್ರಿಂದ ನಿಮ್ಮ ಮಾಡ್ಬೇಕಾಗಿರೋ ಕೆಲಸದ ಪಟ್ಟಿಗೆ ಇನ್ನಷ್ಟು ಸೇರುತ್ತೆ, ಕೆಲಸದಲ್ಲಿ ಎಷ್ಟು ಮುಳುಗಿ ಹೋಗ್ತೀರಾ ಅಂದ್ರೆ ನಿಮಗೆ ಅಂತ ಸ್ವಲ್ಪ ಬಿಡುವು ಮಾಡ್ಕೊಳೋದು ತುಂಬಾ ಕಷ್ಟ ಆಗುತ್ತೆ.

ಆಗಾಗ ಸಮಯಕ್ಕೆ ತಕ್ಕಂತೆ ನೀವು ಇಲ್ಲ, ಆಗಲ್ಲ, ಅಂತ ಹೇಳೋ ರೂಢಿ ಮಾಡ್ಕೊಂಡ್ರೆ ಅನವಶ್ಯಕವಾಗಿ ನೀವು ಹೇಳಿದ್ದಕ್ಕೆಲ್ಲ ಒಪ್ಪಿಕೊಂಡು ಕೆಲಸ ಮಾಡ್ತೀರಾ ಅಂತ ಗೊತ್ತಿದ್ದೇ ನಿಮಗೆ ಕೆಲಸ ಹೇಳ್ತಾರಲ್ಲ... ಅದೆಲ್ಲಾ ನಿಲ್ಲುತ್ತೆ. ನಿಮ್ಮ ಕೆಲಸ, ಟೈಮ್ ಎಲ್ಲ ನಿಮ್ಮ ನಿಯಂತ್ರಣದಲ್ಲಿರುತ್ತೆ.

3. ಯಾವಾಗ್ಲೂ ಕೈಯ್ಯಲ್ಲಿ ಮೊಬೈಲ್ ಫೋನ್ ಹಿಡ್ಕೊಂಡು ಕೂರೋ ಬದ್ಲು ಹೊರಗೆ ಹೋಗಿ ಸುತ್ತಾಡ್ಕೊಂಡು ಬನ್ನಿ

ಈಗಿನ ಟೆಕ್ನಾಲಜಿಯಿಂದ ನಮಗೆ ತುಂಬಾನೇ ಉಪಯೋಗ ಆಗಿದೆ. ಆದ್ರೆ ಇತ್ತೀಚಿಗೆ ನಾವು ಅದ್ರಲ್ಲಿ ಎಷ್ಟು ಮುಳ್ಗಿರ್ತಿವಿ ಅಂದ್ರೆ ಅದು ಇಲ್ಲ ಅಂದ್ರೆ ನಮಗೆ ಕೈಕಾಲೇ ಓಡಲ್ಲ ಅನ್ನೋ ಹಾಗೆ ಆಡ್ತೀವಿ. ಅದ್ರಲ್ಲೂ ಈ ಸ್ಮಾರ್ಟ್ ಫೋನ್ ಬಂದ್ಮೇಲಂತೂ ನೆಟ್ವರ್ಕ್ ಸಿಕ್ಕಿಲ್ಲ, ಇಂಟರ್ನೆಟ್ ಕನೆಕ್ಟ್ ಆಗ್ತಿಲ್ಲ ಅಂದ್ರೆ ಏನೋ ಕಳ್ಕೊಂಡಿರೋವ್ರ ಹಾಗೆ ಪರದಾಡ್ತಿವಿ ( ನಮ್ಮ ಹತ್ತಿರದವರು ದೂರ ಆದಾಗ್ಲೂ ಹೀಗೆ ನಾವು ಆಡಿರಲ್ವೇನೋ). ಈ ಮೊಬೈಲ್ ಹತ್ತಿರ ಇದ್ದಷ್ಟೂ ನಾವು ಆಗಾಗ ಅದನ್ನ ನೋಡೋದು, ಅಲ್ಲೇನಾಗ್ತಿದೆ, ಇಲ್ಲೇನಾಗ್ತಿದೆ ಅಂತ ಹುಡುಕಾಡೊ ಪ್ರಯತ್ನ ಮಾಡ್ತಾ ಇರ್ತೀವಿ.

ಆಗಾಗ ಈ ಮೊಬೈಲ್ ಮನೇಲೆ ಬಿಟ್ಟು ಕನಿಷ್ಠ 10 -15 ನಿಮಿಷನಾದ್ರೂ ಪ್ರಶಾಂತವಾಗಿರೋ ಜಾಗಕ್ಕೆ ಹೋಗಿ ಸುತ್ತಾಡಿಕೊಂಡು ಬನ್ನಿ. ನೀವು ಇಲ್ಲಿವರ್ಗೂ ಯೋಚನೆ ಮಾಡಿರದ ವಿಚಾರಗಳು ನಿಮಗೆ ಹೊಳೆಯುತ್ತೆ. ಈ ವಿಷಯಗಳು ನಿಮ್ಮ ತಲೆಗೆ ಹೋದಾಗ ನೀವು ಯೋಚನೆ ಮಾಡೋ ರೀತೀನೂ ಬದ್ಲಾಗತ್ತೆ. ಇದು ನಿಮಗೆ ಒಂಥರಾ ಖುಷಿ, ಉತ್ಸಾಹ ತುಂಬುತ್ತೆ.

ಮೂಲ

4. ನಿಮ್ಮನ್ನ ನೀವು ತೆಗಳ್ಕೊಳೋ ಬದ್ಲು ಹೊಗಳ್ಕೊಳಿ

ಸ್ವಯಂ ಟೀಕೆ ಒಂದು ಒಳ್ಳೆ ಸ್ವಭಾವಾನೆ, ಯಾಕೆ ಅಂದ್ರೆ ನಿಮ್ಮನ್ನ ನೀವು ಟೀಕೆ ಮಾಡ್ಕೊಳ್ತಾ ಇದ್ರೆ ನಿಮಗೆ ಸಿಕ್ಕ ಸಣ್ಣ ಪುಟ್ಟ ಗೆಲುವಿಗೇ ಸುಮ್ಮನಿದ್ದು ವಿಶ್ರಾಂತಿ ತೊಗೊಳಕ್ಕೆ ಅದು ಬಿಡಲ್ಲ, ಯಾವಾಗ್ಲೂ ಇನ್ನೂ ಮುಂದೆ ಸಾಗೋ ಹಾಗೆ ಮಾಡತ್ತೆ.

ಆದ್ರೆ ಬರಿ ಟೀಕೆ ಮಾಡ್ತಿದ್ರೆ ಆಗಲ್ಲ, ನೀವು ನಿಮ್ಮ ಸಾಧನೆ, ಯಶಸ್ಸಿನ ಬಗ್ಗೆ ಹೆಮ್ಮೆ ಪಟ್ಕೊಳಕ್ಕೆ ಆಗಾಗ ಹೊಗಳಿಕೇನೂ ಬೇಕು. ಇಲ್ಲ ಅಂದ್ರೆ ನಿಮ್ಮ ಸಾಧನೆ ಬಗ್ಗೆ ನಿಮಗೆ ಮೆಚ್ಚುಗೆ, ಸಮಾಧಾನ ಏನೂ ಇರಲ್ಲ.

5. ರಜಾ ಅಂತ ಹೆಚ್ಚು ಮಲ್ಕೊಳೋ ಬದ್ಲು ಬೇಗ ಎದ್ದು ವ್ಯಾಯಾಮ ಮಾಡಿ

ಬಾಕಿದಿನ ಎಲ್ಲ ಬೇಗ ಎದ್ದು ಹೋಗ್ತೀವಿ, ಇವತ್ತಾದ್ರೂ ಜಾಸ್ತಿ ಮಲಗೋಣ ಅಂತ ಮಲಗೋದು ಬಿಡಿ. ಈ ರಜಾ ದಿನದ ಅದ್ರಲ್ಲೂ ವಾರಾಂತ್ಯದ 48 ಗಂಟೆ ತುಂಬಾನೇ ಮುಖ್ಯ. ಅದು ನಿಮಗೆ ಅಂತ ಇರೋ ಟೈಮ್. ಅದರ ಉಪಯೋಗ ಸರಿಯಾಗಿ ಮಾಡ್ಕೊಳಿ.

ಮಲಗಿ ಸಮಯ ಹಾಳುಮಾಡದೆ ಬೇರೆ ದಿನ ಮಾಡಕ್ಕೆ ಆಗದಿದ್ದ ವ್ಯಾಯಾಮ ಮಾಡಿ, ಬೇಗೆ ತಿಂಡಿ ಊಟ ಮುಗಿಸಿದ್ರೆ ಸಂಜೆ ಹೊತ್ತು ನಿಮ್ಮ ಮನೆಯವರ, ಸ್ನೇಹಿತರ ಜೊತೆ ಆರಾಮಾಗಿ ಇರೋದಕ್ಕೆ ಸಮಯ ಸಿಗುತ್ತೆ. ಲೇಟಾಗಿ ಇದ್ದಷ್ಟೂ ಸಮಯ ಕಮ್ಮಿ ಸಿಗುತ್ತೆ.

ಮೂಲ

6. ಕೂಲ್ ಡ್ರಿಂಕ್ಸ್ ಬದ್ಲು ನೀರು ಕುಡಿಯೋ ಅಭ್ಯಾಸ ಮಾಡ್ಕೊಳಿ

ಇತ್ತೀಚೆಗಂತೂ ಎಲ್ಲರೂ ಈ ಕೂಲ್ ಡ್ರಿಂಕ್ಸ್ ಕುಡಿಯೋದು ಹೆಚ್ಚು. ಇದ್ರಿಂದ ಸಕ್ಕರೆ ಕಾಯಿಲೆನೂ ಬರೋದು ಹೆಚ್ಚಾಗಿದೆ. ಅಷ್ಟೇ ಅಲ್ಲ ನಿಮ್ಮ ಹಲ್ಲು ಹಾಳು ಮಾಡೋದ್ರಲ್ಲೂ ಇದು ಎತ್ತಿದ ಕೈ. ಒಂದು ಅಧ್ಯಯನದ ಪ್ರಕಾರ, ಪ್ರತಿ 10 ಜನರಲ್ಲಿ ಒಬ್ರಿಗೆ  ಈ ಕೂಲ್ ಡ್ರಿಂಕ್ಸ್ ಕುಡಿಯೋದ್ರಿಂದ ಸಕ್ಕರೆ ಕಾಯಿಲೆ ಬಾರೋ ಸಾಧ್ಯತೆ ಹೆಚ್ಚಾಗ್ತಿದೆಯಂತೆ. ಅದನ್ನ ಬಿಟ್ಟು ನೀರು ಕುಡಿಯೋ ಅಭ್ಯಾಸ ಮಾಡ್ಕೊಳಿ.

ಇದ್ರಿಂದ ನಿಮ್ಮ ಹಲ್ಲು ಚೆನ್ನಾಗಿರೋದು ಮಾತ್ರ ಅಲ್ಲ, ಚರ್ಮದ ಆರೋಗ್ಯಕ್ಕೂ ಒಳ್ಳೇದು. ಈ ಕಾರಣಗಳು ನಿಮಗೆ ಕೂಲ್ ಡ್ರಿಂಕ್ಸ್ ಬಿಡೋದಕ್ಕೆ ಸರಿಯಾದದ್ದಲ್ಲ ಅನ್ನಿಸಿದ್ರೆ, ಒಂದು ಹಲ್ಲನ್ನ ಈ ಕೂಲ್ ಡ್ರಿಂಕ್ಸ್ ಒಳಗೆ ಹಾಕಿ ಒಂದು ರಾತ್ರಿ ಇಡೀ ಇಟ್ಟು ಮರುದಿನ ನೋಡಿ, ಅದರ ಗತಿ ಏನಾಗಿರುತ್ತೆ ಅಂತ ತಿಳ್ಕೊಂಡು ಆಮೇಲೆ ನೀವೇ ನಿರ್ಧಾರ ಮಾಡ್ಕೊಳಿ.

7. ಹಿಂದೆ ಆಗಿದ್ದನ್ನ ನೆನಸ್ಕೊಂಡು ಕೊರಗೋ ಬದ್ಲು ಮುಂದೆ ಏನ್ ಮಾಡ್ಬೋದು ಅಂತ ಪ್ಲಾನ್ ಮಾಡಿ

ಹಿಂದಿನ ನೆನಪುಗಳು ಎಷ್ಟೇ ನಮಗೆ ಖುಷಿ ಕೊಡುವಂತದ್ದಾಗಿದ್ರೂ ಅದ್ರಲ್ಲೇ ಮುಳಿಗಿರಬಾರ್ದು. ಅದು ಮುಗಿದು ಹೋಗಿರೋ ಕ್ಷಣ. ಇದು ಕೆಟ್ಟ ನೆನಪುಗಳಿಗೂ ಅನ್ವಯಿಸತ್ತೆ.

ನೀವು ನಿಮ್ಮ ಮುಂದಿನ ಗುರಿ ಏನು ಅಂತ ನಿರ್ಧಾರ ಮಾಡಿದ ಮೇಲೆ ನಿಮ್ಮ ಹಿಂದಿನ ನೆನಪುಗಳ ಬಗ್ಗೆ ಯೋಚ್ನೆ ಮಾಡೋದು ಕಮ್ಮಿ ಆಗುತ್ತೆ. ಎಲ್ಲಿ ವರೆಗೂ ನಾವು, ಹಿಂದೆ ಆಗಿದ್ರ ಬಗ್ಗೆ ತಲೆ ಕೆಡಿಸ್ಕೊತಿರ್ತೀವೋ , ಆಗ ನಮ್ಮ ಭವಿಷ್ಯ ಕಳೆದು ಹೋಗುತ್ತೆ. 

ಮೂಲ

8. ನನ್ನ್ ಕೈಯ್ಯಲ್ಲಿ ಏನೂ ಸಾಧಿಸಕ್ಕಾಗಲ್ಲ ಅಂತ ಕೈ ಚಲ್ಲೋ ಬದ್ಲು ಒಂದು ಕೊನೆ ಸರ್ತಿ ಪ್ರಯತ್ನ ಮಾಡಿ

ವಯಸ್ಸಾದಷ್ಟೂ ಕನಸುಗಳನ್ನ, ನಮ್ಮ ಗುರಿಗಳನ್ನ ಸಾಧಿಸಕ್ಕಾಗಲ್ಲ ಅಂತ ಕೈ ಬಿಡೋದೇ ಹೆಚ್ಚು. ಹೀಗೆ ನಮ್ಮ ಕನಸನ್ನ ಬಿಡೋ ಬದಲು ಯಾವುದಾದ್ರೂ ಸುಲಭವಾಗಿ ಸಾಧಿಸಬಹುದಾದ ಮೈಲಿಗಲ್ಲಿನ ಬಗ್ಗೆ ಯೋಚಿಸಿ. ಇಂತ ಕನಸಿನ, ಗುರಿ ಬಗ್ಗೆ ಯೋಚಿಸಿ, ಅದನ್ನ ಸಾಧಿಸಕ್ಕೆ ತುಂಬಾ ಹತ್ತಿರ ಹೋಗ್ತಿದ್ದೀವಿ ಅನ್ನಿಸದಾಗ ನಿಮಗೆ ತುಂಬಾನೇ ಖುಷಿ ಸಿಗುತ್ತೆ. ಮಕ್ಕಳು ಏನಾದ್ರು ಸಾಧನೆ ಮಾಡಿದಾಗ ಖುಷಿ ಪಡ್ತಾರಲ್ಲ ಆ ರೀತಿಯ ಖುಷಿ, ಸಮಾಧಾನ ಸಿಗುತ್ತೆ.

9. ಯಾವಾಗ್ಲೂ ಡಯೆಟ್ಟು ಅಂತ ತಲೆ ಕೆಡಿಸ್ಕೊಳೋ ಬದ್ಲು ಒಂದೊಂದ್ಸರ್ತಿ ರುಚಿಯಾಗಿರೋ ಊಟ ತಿಂಡಿ ತಿನ್ನಿ

ಪ್ರತಿಯೊಬ್ಬರ ಜೀವನದಲ್ಲೂ ಊಟ ತಿಂಡಿಗೆ ತಮ್ಮದೇ ಆದ ಪದ್ಧತಿ ಇರುತ್ತೆ. ಅದ್ರಲ್ಲೂ ನಮ್ಮ ದೇಹಕ್ಕೆ, ಆರೋಗ್ಯಕ್ಕೆ ಸರಿ ಹೊಂದೋ ಡಯಟ್ ಊಟ ತಿಂಡೀನ ಇಷ್ಟ ಇಲ್ಲ ಅಂದ್ರೂ ಬಲವಂತವಾಗಿ ತಿನ್ತಿರ್ತೀವಿ.

ಇದೆಲ್ಲ ಇದ್ದಿದ್ದೇ, ಆಗಾಗ ನಿಮಗಿಷ್ಟ ಆಗೋ ಸ್ವೀಟ್, ಐಸ್ ಕ್ರೀಮ್, ಪಿಜ್ಜಾ, ಬರ್ಗರ್ ಎಲ್ಲಾನೂ ತಿನ್ನಿ, ಆದ್ರೆ ಆಮೇಲೆ ಸರಿಯಾಗಿ ವ್ಯಾಯಾಮ ಮಾಡೋದನ್ನ ಮರೀಬೇಡಿ.

ಮೂಲ

10. ಯಾವಾಗ್ಲೂ ಕುಂಟ ನೆಪ ಕೊಡೋ ಬದ್ಲು ತಪ್ಪಾಗಿದ್ರೆ ಪ್ರಾಮಾಣಿಕವಾಗಿ ಒಪ್ಕೊಳಿ

ಪ್ರಾಮಾಣಿಕತೆ ಒಳ್ಳೇದು ಅಲ್ವ? ಕೆಲವೊಂದು ಸಲ ಅದು ನಿಮಗೆ ನೋವನ್ನೂ ಕೊಡಬಹುದು, ಆದ್ರೆ ನಿಮ್ಮಲ್ಲಿ ಬದಲಾವಣೆ ಬರ್ಬೇಕು, ನೀವು ಸುಧಾರಿಸ ಬೇಕು ಅಂದ್ರೆ ನೀವು ಪ್ರಾಮಾಣಿಕವಾಗಿರ್ಬೇಕು. ನೀವು ಪ್ರಾಮಾಣಿಕವಾಗಿರಕ್ಕೆ ಶುರು ಮಾಡಿದ್ರೆ, ನಿಮ್ಮ ಸಾಮರ್ಥ್ಯನೂ ಹೆಚ್ಚಾಗುತ್ತೆ. ಇದನ್ನ ತಿಳ್ಕೊಳೋ ಒಳ್ಳೆ ಸುಲಭ ವಿಧಾನ ಅಂದ್ರೆ ನೀವು ಪ್ರತಿಯೊಂದು ಕೆಲಸ ಮುಗಿಸಿದಾಗಲೂ ನೀವು ಮಾಡಿರೋ ಪ್ರಯತ್ನದ ಬಗ್ಗೆ ಪ್ರಶ್ನೆ ಮಾಡ್ಕೊಳಿ. ನೀವು ಯಾವುದಾದ್ರೂ ಪ್ರಾಜೆಕ್ಟ್ ಗೆ ಕೆಲಸ ಮಾಡ್ತಾ ಇದ್ರೆ, ನಿಮ್ಮ ಜೊತೇಲಿರೋ ಕೆಲಸಗಾರರಿಂದ ನಿಮ್ಮ ಸುಧಾರಣೆ ಬಗ್ಗೆ ತಿಳ್ಕೊಳಿ.

ಈ ಸಣ್ಣಪುಟ್ಟ ಬದಲಾವಣೆಗಳನ್ನ ಮಾಡ್ಕೊಂಡ್ರೆ ನಮ್ಮ ಜೀವನ ಬದಲಾಗೋದ್ರಲ್ಲಿ ಯಾವುದೇ ಅನುಮಾನ ಇಲ್ಲ!

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: