ಒಂದ್ ವಾರ ನಾವು ಹೇಳಿದ್ದು (ಮಾತ್ರ) ತಿಂದ್ರೆ ಅದ್ಯಾಕ್ ಸಣ್ಣ ಆಗಲ್ಲ ನೋಡೇ ಬಿಡಣ

ಯಾವುದೇ ಅಡ್ಡ ಪರಿಣಾಮಾನೂ ಇರಲ್ಲ

ತೂಕ ಇಳಿಸೋಕೆ ದಿನಕ್ಕೊಂದ್ ಹೊಸ ಉಪಾಯ ಯೋಚ್ನೆ ಮಾಡ್ತಾ ಇದ್ದೀರಾ? ನಾನ್ ಯಾವಾಗ ಸಣ್ಣ ಆಗೋದು, ಯಾವಾಗ ನಂಗೆ ಇಷ್ಟ ಆಗೋ ಎಲ್ಲಾ ಬಟ್ಟೆಗಳನ್ನ ಹಾಕೋದು, ಹೀಗೆಲ್ಲ ಯೋಚ್ನೆ ಮಾಡಿ ತಲೆ ಕೆಡಿಸ್ಕೊಂಡಿದೀರಾ? 

ನಮ್ಮನ್ನ ದಪ್ಪ ಅಂತ ಆಡ್ಕೊಳ್ಳೋರ್ ಮುಂದೆ ಸಣ್ಣ ಆಗಿ ತೊರ್ಸೋಕೆ ಕಾಯ್ತಾ ಇದ್ದೀರಾ? ಹಾಗಿದ್ರೆ 7 ದಿನ ಸಾಕು, ವ್ಯಾಯಾಮ ಇಲ್ದೇ ಆರೋಗ್ಯಕರವಾಗಿ ಸಣ್ಣ ಆಗೋ ಉಪಾಯ ಇಲ್ಲಿದೆ ನೋಡಿ.

ಇಲ್ಲಿ ಹೇಳಿರೋ ಡಯೆಟ್ ಮಾಡಿ ನೋಡಿ...ಮುಖದಲ್ಲಿ ಸುಕ್ಕು ಕೂಡ ಬರ್ದೆಯಿರೋ ಹಾಗೆ ಸಣ್ಣ ಆಗ್ತೀರಿ. ಅದೂ ವಾರಕ್ಕೆ 5-8 ಕೆ. ಜಿ ತೂಕ ಸಲೀಸಾಗಿ ಇಳಿಸಬಹುದು.

1. ಮೊದಲ್ನೇ ದಿನ

ನಿಮ್ಮ ಡಯೆಟ್ನ ಮೊದಲ್ನೇ ದಿನ, ಸ್ವಲ್ಪ ಕಷ್ಟ ಅನ್ಸುದ್ರೂ ಇಷ್ಟ ಆಗೋ ಹಾಗೆ ಎಲ್ಲ ಹಣ್ಣನ್ನೂ ತಿನ್ನಬಹುದು. ಆದ್ರೆ ನೆನಪಿರಲಿ - ದ್ರಾಕ್ಷಿ, ಪಚ್ಚ ಬಾಳೆಹಣ್ಣು, ಹಲಸು ಅಥವಾ ಮಾವಿನ ಹಣ್ಣಿನ ಹಾಗೆ ಹಣ್ಣುಗಳನ್ನ ಆಯ್ಕೆ ಮಾಡದೆ ನೀರಿನ ಅಂಶ ಹೆಚ್ಚಿರೋ ನಿಂಬೆ, ಕಿತ್ತಳೆ, ಕಲ್ಲಂಗಡಿ ಹೀಗೆ ಹಣ್ಣುಗಳನ್ನ ಸೇವಿಸೋದ್ರಿಂದ ತೂಕ ಬೇಗ ಕಡಿಮೆ ಆಗುತ್ತೆ.

ಹಣ್ಣುಗಳನ್ನ ಸಣ್ಣ ಸಣ್ಣದಾಗಿ ಹೆಚ್ಚಿ ತಿನ್ನಬಹುದು ಆದ್ರೆ , ಹಣ್ಣು ಅಂದ್ರೆ ಹಣ್ಣು ಮಾತ್ರ ಅದರ ಮೇಲೆ ಉಪ್ಪು ಅಥವಾ ಮೆಣಸು ಹಾಕೋದು ಬೇಡ ಅಥವಾ ಸಕ್ಕರೆ ಹಾಕಿ ಪಾನಕ ಮಾಡ್ಕೊಂಡು ಕುಡಿಯೋದು ಬೇಡ. ನಿಮಗೆಷ್ಟು ಸಾರಿ ಬೇಕು ಅನ್ಸುತ್ತೋ ಅಷ್ಟು ಬಾರಿ ತಿನ್ನಬಹುದು.

ಹಣ್ಣಿನ ದಿನ ಹೀಗಿರುತ್ತೆ.

2. ಎರಡನೇ ದಿನ

ಈ ದಿನ ಬರೀ ತರಕಾರಿ ದಿನ. ಮೊದ್ಲೇ ಹೇಳಿದ ಹಾಗೆ ಎಷ್ಟು ಬೇಕಾದ್ರೂ ತರಕಾರಿ ತಿನ್ನಬಹುದು. ಇಲ್ಲೊಂದು ವಿಶೇಷ ಏನಪ್ಪಾ ಅಂದ್ರೆ ತರಕಾರಿನ ನಿಮಗೆ ಹಸಿಯಾಗಿ ತಿನ್ನೋಕೆ ಕಷ್ಟ ಆದ್ರೆ ಬೇಯಿಸಿ ತಿನ್ನಬಹುದು...ಸ್ವಲ್ಪ ಉಪ್ಪಿನ ಜೊತೆ.

ಇನ್ನೂ ಬೇಕು ಅಂದ್ರೆ ಇಡೀ ದಿನದಲ್ಲಿ ಒಂದು ಆಲೂಗಡ್ಡೆ ತಿನ್ನಬಹುದು. ಆಲೂಗಡ್ಡೇನಲ್ಲಿ ಕಾರ್ಬೋಹೈಡ್ರೇಟ್ ಅಂಶ ಇರೋದ್ರಿಂದ ನಿಮ್ಮ ಇಡೀ ದಿನದ ಕೆಲಸಗಳಿಗೆ ಶಕ್ತಿ ಇರುತ್ತೆ.

ತರಕಾರಿ ಹೆಚ್ಚು ಸೇವಿಸೋದ್ರಿಂದ ದೇಹಕ್ಕೆ ನಾರಿನ ಅಂಶ ಹೆಚ್ಚು ಸೇರುತ್ತೆ ತೂಕ ಇಳಿಸೋಕೆ ಹೆಚ್ಚು ಸಹಾಯ ಆಗುತ್ತೆ.  

3. ಮೂರನೇ ದಿನ

ಮೊದಲೆರಡು ದಿನಗಳು ತಿಂದ ಎಲ್ಲ ಹಣ್ಣು ತರಕಾರಿಗಳನ್ನ ಈ ದಿನ ತಿನ್ನಬಹುದು. ಹಣ್ಣುಗಳಿಂದ ಕಾರ್ಬೋಹೈಡ್ರೇಟ್ ಅಂಶ ಸಿಗೋದ್ರಿಂದ ಆಲೂಗಡ್ಡೆ ತಿನ್ನೋ ಅಗತ್ಯ ಇರಲ್ಲ.

ಎಷ್ಟು ಬೇಕು ಅನ್ಸುತ್ತೋ ತಿನ್ನಿ, ದಿನದಲ್ಲಿ ಸ್ವಲ್ಪ ಸ್ವಲ್ಪ ಅಂತ  ಒಂದು ಹತ್ತು ಸಾರಿ ತಿಂದ್ರು ಪರವಾಗಿಲ್ಲ. ಜೊತೇಲಿ ಹೆಚ್ಚು ನೀರು ಕುಡೀರಿ. 

ನಿಮ್ಮನ್ನ ನಿಮ್ಮ ರುಚಿಯಾದ ಊಟ ಕರೀತಿದ್ರೆ ಸಣ್ಣ ಆದ್ಮೇಲೆ ನಿನ್ನ ಹತ್ರ ಬರ್ತೀನಿ ಅಂತ ಖುಷಿ ಇಂದ ಹೇಳಿ.

4. ನಾಲ್ಕನೇ ದಿನ

ಬಾಳೆ ಹಣ್ಣು ತಿನ್ನ ಬಾರ್ದು ಅಂತ ನಿಮ್ಮನ್ನ 3 ದಿನ ತಡೆದಿದ್ವಿ, ಜೊತೇಲಿ ಹಾಲು ಕೂಡ ಕುಡಿಯೋಕೆ ಬಿಟ್ಟಿರಲಿಲ್ಲ, ಬೇಸರ ಆಗಿತ್ತ?

ಇವತ್ತು ಆರಾಮಾಗಿ 5-6 ಬಾಳೆಹಣ್ಣು 3-4 ಲೋಟ (200 ಮಿ.ಲಿ) ಹಾಲು ಕುಡಿಬಹುದು.

ಅಯ್ಯೊ!!3 ದಿನ ಮಾಡಿದ್ದೆಲ್ಲಾ ವ್ಯರ್ಥ ಆಗುತ್ತೆ...ಹಾಲು ಬಾಳೆಹಣ್ಣು ತಿಂದ್ರೆ... ಅಂತ ಅನ್ದ್ಕೊಬೇಡಿ. 3 ದಿನದಿಂದ ಉಪ್ಪು ಸ್ವಲ್ಪ ಮಾತ್ರ ದೇಹಕ್ಕೆ ಹೋಗಿರೋದ್ರಿಂದ ಸೋಡಿಯಂ ಕೊರತೆ ಇರುತ್ತೆ, ಅದರ ಜೊತೇಲಿ ಪೊಟ್ಯಾಸಿಯಂನ ದೇಹಕ್ಕೆ ಸೇರಿಸೋದಕ್ಕೆ ಈ ಡಯೆಟ್. 

5. ಐದನೇ ದಿನ

ನಿಮಗೆ ಹಬ್ಬ ನೋಡಿ!! ಉಪ್ಪು ಖಾರ ತಿನ್ನದೇ ನಾಲಿಗೆ ರುಚಿಗಾಗಿ ಕಾದಿದ್ರೆ, ಈದಿನ ಆರಾಮಾಗಿ ಟೊಮೇಟೊ ಹಾಗೆ ತರಕಾರಿ ಮಾತ್ರ ಹಾಕಿ ಸೂಪ್ ಮಾಡ್ಕೊಂಡ್ ಕುಡೀಬಹುದು.

ಆದ್ರೆ ನೆನಪಿರಲಿ ಇಡೀ ದಿನ 6 ಟೊಮೇಟೊ ಮಾತ್ರ ತಿನ್ನಬಹುದು. ಸ್ವಲ್ಪ ಮೆಣಸು ಸ್ವಲ್ಪ ಉಪ್ಪು ಅಷ್ಟೇ ಮತ್ಯಾವ ಮಸಾಲೆನೂ ಬಳಸೋಹಾಗಿಲ್ಲ.

ಐದನೇ ದಿನ ನೀರನ್ನ ಹೆಚ್ಚು ಕುಡೀರಿ.

6. ಆರನೇ ದಿನ

ನಿನ್ನೆ ಟೊಮೇಟೊ ಹೆಚ್ಚು ತಿಂದಿರೋದ್ರಿಂದ ಇಂದು ಟೊಮೇಟೊ ಬಂದ್!

ಇವತ್ತಿನ ಡಯೆಟ್ನಲ್ಲಿ ನೀವು ಮೊಳಕೆ ಕಾಳನ್ನ ತಿನ್ನಬಹುದು. ಅದನ್ನ ಉಪ್ಪಿನ ಜೊತೆ ಬೇಯಿಸಿ ಅಥವಾ ಹೆಚ್ಚು ನೀರನ್ನ ಹಾಕಿ ಸೂಪ್ ತರ ಮಾಡಿ ಕುಡೀಬಹುದು.

ಇವತ್ತು ಎಷ್ಟು ನೀರು ಕುಡೀತೀರೊ ಅಷ್ಟೂ ಒಳ್ಳೇದು. 

7. ಏಳನೇ ದಿನ

ಇವತ್ತು ಆರಾಮಾಗಿ ಊಟ ಮಾಡಬಹುದು ನೋಡಿ. ನೀವು ಇಡೀ ಜೀವನದ ರುಚಿಯಾದ ಅಡಿಗೇನ ಇವತ್ತು ತಿಂತೀರಿ :-)

ಸಣ್ಣದೊಂದು ಚಪಾತಿ + ತರಕಾರಿ ಪಲ್ಯ + ಸ್ವಲ್ಪ ಅನ್ನ...ಇವತ್ತಿನ ಊಟ. 2 ಸಾರಿ ತಿನ್ನಬಹುದು, ಜೊತೆಗೆ ಹೆಚ್ಚು ನೀರು ಕುಡೀರಿ. ಇನ್ನೂ ಸಾಲಲ್ಲ ಅಂದ್ರೆ ಕಡಿಮೆ ಸಕ್ರೆ ಹಾಕಿರೋ ಪಾನಕ ತಗೊಬಹುದು.

ಈ 7 ದಿನಗಳಲ್ಲಿ ನೀವು ಎಷ್ಟು ಕಡಿಮೆ ಆಗಿದೀರಾ ನೋಡ್ಕೊಳ್ಳಿ..... ಖುಷಿ ಆಗುತ್ತೆ!!!

ಇನ್ನು ಹೆಚ್ಚು ತೂಕ ಕಡಿಮೆ ಮಾಡೋಕೆ 45 ನಿಮಿಷ ವಾಕಿಂಗ್ ಮಾಡಬಹುದು.

ಕಡಿಮೆ ಆದ ತೂಕ ಹೆಚ್ಚಾಗದ ಹಾಗೆ ನೋಡ್ಕೊಳ್ಳೋದು ಮಾತ್ರ ನಿಮ್ಮ ಜವಾಬ್ದಾರಿ!!!

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ಈ 6 ವಿಷಯ ತಿಳ್ಕೊಂಡ್ರೆ ಇನ್ಮೇಲೆ ಫೋನು, ಚಾರ್ಜರ್ ಎಲ್ಲಾ ತಗೊಳೋವಾಗ ಮೋಸ ಹೋಗಲ್ಲ

ಸ್ವಲ್ಪ ಹುಷಾರಾಗಿ ನೋಡ್ಬೇಕಷ್ಟೆ

ಹೆಸರಾಂತ ಬ್ರಾಂಡುಗಳನ್ನ ನಕಲು ಮಾಡಿ ಕಳಪೆ ಪ್ರಾಡಕ್ಟುಗಳನ್ನ ಮಾರ್ಕೆಟ್ಟಿಗೆ ಬಿಡೋದು ಮಾಮೂಲಿ. ತೆಗೊಳ್ವಾಗ ನಾವು ಹುಷಾರಾಗಿರ್ಬೇಕು. ಈ 6 ವಿಷ್ಯಗಳ್ನ ತಿಳ್ಕೊಂಡ್ರೆ, ಮೋಸ ಹೋಗೋದು ತಪ್ಪಿಸ್ಬಹುದು.

1. ಪ್ಯಾಕ್ ಮಾಡಿರೋ ರೀತಿ ಗಮನಿಸಿ- ದೊಡ್ಡ ಬ್ರಾಂಡುಗಳು ಪ್ಯಾಕೇಜಿಂಗ್ ಬಗ್ಗೆ ಕೂಡ ತುಂಬಾ ಗಮನ ಕೊಟ್ಟಿರ್ತಾರೆ

ಸಾಮಾನ್ಯವಾಗಿ ನಕಲಿ ಕಂಪೆನಿಗಳು ಪ್ಯಾಕೇಜಿಂಗ್ ಬಗ್ಗೆ ಜಾಸ್ತಿ ತಲೆ ಕೆಡಿಸ್ಕೊಳೊಲ್ಲ. ದೊಡ್ಡ ಬ್ರಾಂಡುಗಳು ಅವರ ಪ್ರಾಡಕ್ಟಿಗೆ ಯಾವ್ದೇ ಡ್ಯಾಮೇಜ್ ಆಗ್ದಿರೋ ರೀತಿ ತುಂಬ ಎಚ್ಚರಿಕೆಯಿಂದ ಪ್ಯಾಕ್ ಮಾಡಿರ್ತಾರೆ. ಫೋನಿನ ಮೂಲೆಗಳೆಲ್ಲ ಸರಿಯಾಗಿ ಹೊಂದ್ಕೊಂಡು ಕೂರೋ ರೀತಿ ಬಾಕ್ಸ್ ಡಿಸೈನ್ ಮಾಡಿರ್ತಾರೆ. ಇದನ್ನೆಲ್ಲ ಪರೀಕ್ಷೆ ಮಾಡಿ ನೋಡಿ. ಇದಲ್ಲದೆ ಬಾಕ್ಸಿನಲ್ಲಿ ಪ್ರಿಂಟ್ ಆಗಿರೋದನ್ನ ನೋಡಿ, ಫಾಂಟು ಒಂದೇ ರೀತಿ ಇರ್ಬೇಕು, ಪ್ರಿಂಟ್ ಆಗಿರೋದೆಲ್ಲ ಓದೋಕೆ ಆಗೋ ಹಾಗಿರ್ಬೇಕು.

ಮೂಲ

2. ಯೂಸರ್ ಮಾನ್ಯುವಲ್ ಇಂಗ್ಲಿಷ್ ಅಥವಾ ಭಾರತದ ಅಫಿಷಿಯಲ್ ಭಾಷೆಗಳಲ್ಲಿರ್ಬೇಕು, ನಿಮ್ಗೆ ಅರ್ಥಾನೇ ಆಗ್ದಿರೋ ಯಾವ್ದೋ ಭಾಷೆಯಲ್ಲಿರ್ಬಾರ್ದು

 ಯೂಸರ್ ಮ್ಯಾನ್ಯುವಲ್ ಯಾವುದೋ ನಿಮ್ಗೆ ಅರ್ಥ ಆಗ್ದಿರೋ ಭಾಷೆಯಲ್ಲಿದ್ರೆ ಅಥವಾ ಅದರಲ್ಲಿ ಸ್ಪೆಲ್ಲಿಂಗ್ ಮಿಸ್ಟೇಕುಗಳಿದ್ರೆ, ಅದು ಸ್ಮಗಲ್ ಆಗಿರೋ ಮಾಲು ಅಥವಾ ನಕಲಿ ಮಾಲು ಆಗಿರೋ ಸಂಭವ ಜಾಸ್ತಿ.

ಮೂಲ

3. ರಬ್ಬರ್, ಪ್ಲಾಸ್ಟಿಕ್, ಅಲ್ಯೂಮಿನಿಯಮ್ - ಯಾವ್ದೇ ಆದ್ರೂ ಒಳ್ಳೆ ಕ್ವಾಲಿಟೀದಿದ್ಯಾ ನೋಡಿ

ಎಲ್ಲೂ ಚೂಪುಚೂಪಾಗಿರೋ ಪ್ಲಾಸ್ಟಿಕ್ ಇರ್ಬಾರ್ದು. ಅದರ ಮೈ ಸಮವಾಗಿ ಇರ್ಬೇಕು, ಮೆತ್ತಗಿರ್ಬೇಕು. ಒಂದೊಂದು ಕಡೆ ಒಂದೊಂದು ರೀತಿ ಇದ್ರೆ, ನಕಲಿ ಆಗಿರೋ ಸಾಧ್ಯತೆ ಹೆಚ್ಚು. ಫೋನಿನ ಕ್ಯಾಮೆರಾ ಮತ್ತು ಫ್ಲ್ಯಾಶ್ಲೈಟಿನ ಕ್ವಾಲಿಟಿಯನ್ನೂ ನೋಡಿ. ಕೆಳಗಿನ ಚಿತ್ರದಲ್ಲಿ ಗೋಲ್ಡನ್ ಫ್ರೇಮ್ ಇರೋದು ಒರಿಜಿನಲ್, ಇನ್ನೊಂದು ನಕಲಿ. ಎರಡರಲ್ಲೂ ಕ್ಯಾಮೆರಾ ಮತ್ತು ಫ್ಲ್ಯಾಶ್ ಲೈಟ್ ಕೂರಿಸಿರೋ ರೀತಿ ನೋಡಿ. ಅಸಲಿಯಲ್ಲಿ ಸ್ಮೂತ್ ಫಿನಿಶಿಂಗ್ ಇದೆ, ನಕಲಿಯಲ್ಲಿ ಕಳಪೆ ಅಂತ ಗೊತ್ತಾಗೋ ರೀತಿ ಇದೆ.

ಮೂಲ

 

4. ಕಂಪೆನಿ ಲೋಗೋ ಗಮನಿಸಿ - ಸ್ಪೆಲ್ಲಿಂಗ್ ಮಿಸ್ಟೇಕ್ ಇದ್ಯಾ ಅಥ್ವಾ ಅವರ ಒರಿಜಿನಲ್ ಪ್ರಾಡಕ್ಟಿಗೆ ಹೋಲ್ಸಿದ್ರೆ ಏನಾದ್ರೂ ವ್ಯತ್ಯಾಸ ಇದ್ಯಾ ನೋಡಿ

ಯಾವ್ದೇ  ಕಂಪೆನಿಗೆ ಅದರ ಲೋಗೋ ಬಹಳ ಮುಖ್ಯ. ಅದರಲ್ಲಿ ಸ್ಪೆಲ್ಲಿಂಗ್ ಮಿಸ್ಟೇಕ್ ಆಗ್ಲಿ, ತಪ್ಪು ಫಾಂಟ್ ಆಗ್ಲಿ ಇರೋಕೆ ಸಾಧ್ಯಾನೇ ಇಲ್ಲ. ಅಲ್ಲದೆ ಲೋಗೋ ಅಳಿಸಿ ಹೋಗೋ ಥರ ಇರೊಲ್ಲ, ಎಷ್ಟೋ ವರ್ಷ ಉಪ್ಯೋಗ್ಸಿದ್ರೂ ಓದ್ಲಿಕ್ಕೆ ಆಗೋ ಹಾಗೆ ಇರುತ್ತೆ. ಆ ಕಂಪೆನಿಯ ವೆಬ್ಸೈಟಿನಲ್ಲಿ ಇರೋ ಪ್ರಾಡಕ್ಟುಗಳಲ್ಲಿರೋ ಲೋಗೋ ಜೊತೆ ಹೋಲಿಸಿ ನೋಡಿ. ಏನಾದ್ರೂ ವ್ಯತ್ಯಾಸ ಇದ್ರೆ ನಕಲಿ ಅನ್ನೋದ್ರಲ್ಲಿ ಸಂಶಯ ಇಲ್ಲ. ಕೆಳಗಿನ ಫೋಟೋದಲ್ಲಿರೋದು ನಕಲಿ ಪವರ್ ಬ್ಯಾಂಕು. ಅದರಲ್ಲಿರೋ ಲೋಗೋ ನಕಲಿ. ಅವರ ಅಫಿಷಿಯಲ್ ವೆಬ್ಸೈಟಿನಲ್ಲಿರೋ ಲೋಗೋ ನೋಡಿದ್ರೆ ಇದು ನಕಲಿ ಅಂತ ಗೊತ್ತಾಗುತ್ತೆ.

5. ಚಾರ್ಜರಿನ ಪ್ಲಾಸ್ಟಿಕ್ ಗಮನಿಸಿ - ಒಳ್ಳೆ ಕ್ವಾಲಿಟಿ ಇದ್ಯಾ, ಸಮವಾಗಿ ಮೆತ್ತಗಿರೋ ಪ್ಲಾಸ್ಟಿಕ್/ರಬ್ಬರ್ ಉಪ್ಯೋಗ್ಸಿದಾರಾ ನೋಡಿ

ಮೊದಲ್ನೆದಾಗಿ ಫೋನ್ ತೆಗೊಂಡಾಗ ಚಾರ್ಜರ್ ಇರ್ಲೇಬೇಕು. ಅದೇನಾದ್ರೂ ಸೆಪರೇಟ್ ಆಗಿ ತೆಗೋಬೇಕು ಅಂತ ಇದ್ರೆ ಇದು ಸ್ಮಗಲ್ ಮಾಡಿದ ಮಾಲು ಅಥ್ವಾ ನಕಲಿ ಮಾಲು ಅನ್ನೋದು ಖಂಡಿತ. ಚಾರ್ಜರ್ ಕೂಡ ಒಳ್ಳೆ ಕ್ವಾಲಿಟಿಯಲ್ಲಿರ್ಬೇಕು. ಚಾರ್ಜರಿನ ಪ್ಲಾಸ್ಟಿಕ್ಕು ಬೇರೆ ಬೇರೆ ಬಣ್ಣದಲ್ಲಿದ್ರೆ, ಎರಡು ಬಣ್ಣಗಳ ಮಧ್ಯೆ ಯಾವ್ದೇ ಗೆರೆ ಇರೊಲ್ಲ, ಅದು ಮೆತ್ತಗೆ ಇರುತ್ತೆ, ಮುಟ್ಟಿದಾಗ ಗೊತ್ತೇ ಆಗದ ಹಾಗೆ ಇರುತ್ತೆ. ಏನಾದ್ರೂ ಚೂಪಾಗಿರೋ ಗೆರೆಗಳು ಮಧ್ಯದಲ್ಲಿದ್ರೆ ನಕಲಿ ಆಗಿರೋ ಚಾನ್ಸ್ ಜಾಸ್ತಿ. ಕೆಳಗಿನ ಚಿತ್ರದಲ್ಲಿ ಎಡಗಡೆ ಇರೋದು ಅಸಲಿ, ಬಲಗಡೆಯದ್ದು ನಕಲಿ. ಎರಡರ ಫಿನಿಶಿಂಗ್ ಹೋಲಿಸಿ ನೋಡಿ.

ಮೂಲ

6. ವೈರು, ಪ್ಲಗ್ಗು ಸಾಕೆಟ್ಟಲ್ಲಿ ಸರಿಯಾಗಿ ಕೂರುತ್ತಾ, ರಬ್ಬರ್ ಒಳ್ಳೆ ಕ್ವಾಲಿಟಿ ಇದ್ಯಾ ನೋಡಿ

ವೈರು ಕೂಡ ಒಳ್ಳೆ ಕ್ವಾಲಿಟಿ ರಬ್ಬರಲ್ಲಿ ಮಾಡಿರ್ಬೇಕು. ಪ್ಲಗ್ ಮಾಡಿದಾಗ ಸ್ಮೂತ್ ಆಗಿ ಕೂರ್ಬೇಕು, ಸ್ವಲ್ಪ ಉದ್ದ ಹೆಚ್ಚಿದ್ರೆ, ಅಥ್ವಾ ಸ್ಮೂತ್ ಆಗಿ ಕೂರದಿದ್ರೆ ನಕಲಿ ಮಾಲಾಗಿರ್ಬಹುದು. ವೈರು ಫ್ಲೆಕ್ಸಿಬಲ್ ಇರ್ಬೇಕು, ಬಣ್ಣ ಸಮವಾಗಿರ್ಬೇಕು. ವೈರು, ಪ್ಲಗ್ಗುಗಳ ಮೇಲೆ ಏನಾದ್ರೂ ಸಿಂಬಲ್ಗಳಿದ್ರೆ ಅದು ಅಳಿಸಿ ಹೋಗೋ ಹಾಗಿರ್ಬಾರ್ದು. ನೋಡಿದಾಗ ಕಳಪೆ ಕ್ವಾಲಿಟಿ ಕಂಡ್ರೆ ಹುಷಾರಾಗಿ.

ಮೂಲ

ಅಫಿಷಿಯಲ್ ವೆಬ್ಸೈಟುಗಳು, ಹೆಸರುವಾಸಿ ಅಂಗಡಿಗಳಲ್ಲಿ ತೆಗೊಳ್ವಾಗ ನಕಲಿ ಆಗಿರೋ ಸಾಧ್ಯತೆ ಕಡಿಮೆ. ಬೇರೆ ಕಡೆ ತೆಗೊಳ್ವಾಗ ಹುಷಾರಾಗಿರ್ಬೇಕು. ಯಾವಾಗ್ಲೂ ನಮ್ಮ ಎಚ್ಚರಿಕೆಯಲ್ಲಿ ನಾವಿರೋದು ಒಳ್ಳೇದು. ಸರಿ ಅಲ್ವಾ?

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: