ಸಂತೋಷದಿಂದ ಜೀವನ ಮಾಡೋರಲ್ಲಿ ಸಾಮಾನ್ಯವಾಗಿ ಈ 21 ಗುಣಗಳ್ನ ನೋಡಬಹುದು

ಸಣ್ಣಪುಟ್ಟ ವಿಷಯಗಳಿಂದಲೂ ಮಜಾ ತೊಗೋತಾರೆ

ಒಂದ್ ಮಗೂನ ನೋಡಿದ್ರೆ ಆಹಾ ಎಷ್ಟ್ ಸಂತೋಷವಾಗಿದೆ ಅದು ಅನ್ಸತ್ತೆ. ಅದೇ ತರ "ನಗುನಗುತಾ ನಲಿ ನಲಿ ಏನೇ ಆಗಲಿ, ಎಲ್ಲಾ ಆ ದೇವನ ಕೃಪೆ ಎಂದೇ ನೀ ತಿಳಿ...'' ಅಂತ ಅಣ್ಣಾವ್ರ ಹಾಡು ಕೇಳ್ತಿದ್ರೆ ಎಂತವರಿಗೂ ಉತ್ಸಾಹ ಬಂದ್ ಬಿಡುತ್ತೆ. ಕೆಲವರು ಸಂತೋಷವನ್ನ ಎಲ್ಲೆಲ್ಲೋ ಹುಡುಕ್ತಾರೆ. ಅದು ಎಲ್ಲೂ ಸಿಗಲ್ಲ. ನಮ್ಮಲ್ಲೇ ಇರುತ್ತೆ. ಸಂತೋಷವಾಗಿ ಇರೋದು ಬಿಡೋದು ನಮ್ ಕೈಯಲ್ಲೇ ಇದೆ. ಜೀವನದಲ್ಲಿ ಸಂತೋಷವಾಗಿರೋರ ಈ 21 ಗುಣಗಳನ್ನ ನೋಡಿ...ನೀವೂ ಸಂತೋಷವಾಗಿರ್ತೀರ.

1. ಸಂತೋಷವಾಗಿರೋರು ಬೇರೆಯೋರ ಜೊತೆ ಜಾಸ್ತಿ ಬೆರೀತಾರೆ

ಇದು ತುಂಬಾ ಸಿಂಪಲ್ ಅನ್ಸತ್ತೆ ಅಲ್ವಾ. ನಾವ್ ಯಾಕ್ ಸಂತೋಷವಾಗಿಲ್ಲ ಅಂತ ಕೇಳ್ಕೊಂಡ್ರೆ...ನಮ್ಮ ಸುತ್ತಮುತ್ತ ಇರೋರೆ ಅದಕ್ಕೆ ಕಾರಣ. ಯಾವಾಗ್ಲೂ ಸಿಡಿಮಿಡಿ ಅಂತಾ ಇರೋರ್ವ ಜೊತೆಗಿದ್ರೆ ನೀವ್ ಸಂತೋಷವಾಗಿರಕ್ಕೆ ಸಾಧ್ಯವಿಲ್ಲ. ಸಂತೋಷವಾಗಿರೋರ ಜೊತೆಗೆ ಇದ್ರೆ ನಾವೂ ಸಂತೋಷವಾಗಿ ಇರ್ತೀವಿ. ಇದನ್ನ ನಾವ್ ಹೇಳ್ತಿಲ್ಲ. 20 ವರ್ಷಗಳ ಕಾಲ ವಿಜ್ಞಾನಿಗಳು ಸ್ಟಡಿ ಮಾಡಿ ಹೇಳ್ತಿರೋದು. 

2. ನಗೋದ್ರಲ್ಲಿ ಕಂಜೂಸ್ ತನ ಮಾಡಕ್ಕೋಗಲ್ಲ

ಅದೇನೋಪ್ಪ ಕೆಲವರು ನಗಕ್ಕೂ ಕಂಜೂಸ್ ಬುದ್ಧಿ ತೋರಿಸ್ತಾರೆ. ಆದರೆ ಸಂತೋಷವಾಗಿರೋರು ಧಾರಾಳವಾಗಿ ನಗ್ತಾರೆ. ನಗೋಂತ ಸಂದರ್ಭ ಸಮಯದಲ್ಲಿ ಸಂತೋಷವಾಗಿರೋರು ನಕ್ಕೇ ನಗ್ತಾರೆ. ನಗ್ಲಾ ಬೇಡ್ವಾ ಅಂತ ಯೋಚನೆ ಮಾಡಲ್ಲ.

3. ಕಷ್ಟ ಬಂದಾಗ ಹೇಗೆ ಎದುರಿಸಬೇಕು ಅಂತ ಅವರಿಗೆ ಗೊತ್ತು

ಸಂತೋಷವಾಗಿರೋರ ಒಂದು ಗುಣ ಅಂದ್ರೆ...ಅವ್ರಿಗೆ ಕಷ್ಟ ಬಂದಾಗ ಡಿಪ್ರೆಷನ್ ಗೆ ಒಳಗಾಗದೆ ಹಂತಹಂತವಾಗಿ ಚೇತರಿಸಿಕೊಳ್ತಾರೆ. ಹಿಂಗ್ ಆಗೋಯ್ತಲ್ಲಾ ಅಂತ ಅದನ್ನೇ ಯೋಚ್ನೆ ಮಾಡ್ತಾ ಕೂರಲ್ಲ. ಬಹಳ ಬೇಗ ಆ ಕೆಟ್ಟ ಘಟನೆಗಳನ್ನ ಮರೆತು ಹೊರಗ್ ಪ್ರಯತ್ನಿಸ್ತಾರೆ. ಪ್ರತಿಯೊಬ್ಬರ ಜೀವನದಲ್ಲಿ ಏನೋ ಒಂದು ಕೆಟ್ಟದ್ದು ನಡೆದುಹೋಗುತ್ತೆ. ಅದನ್ನೇ ಯೋಚ್ನೆ ಮಾಡ್ತಾ ಕೂರೋಕ್ಕಾಗಲ್ಲ ಅನ್ನೋದು ಸಂತೋಷವಾಗಿರೋರಿಗೆ ಗೊತ್ತು. ಏಳು ಸಲ ಬಿದ್ರೂನೂ ಎಂಟನೇ ಸಲ ಎದ್ದು ಕೂರೇ ಕೂರ್ತೀನಿ ಅನ್ನೋ ಛಲ ಅವರಲ್ಲಿರುತ್ತೆ.

4. ಅವರ ಸಂತೋಷದ ಹಿಂದೆ ಪ್ರಯತ್ನ ಇರುತ್ತೆ

ನಾನು ಸಂತೋಷವಾಗಿರ್ಬೇಕು ಅಂತ ಮನಸ್ನಲ್ಲಿ ಸದಾ ಅಂದ್ಕೋತಾ ಇದ್ರೆ...ನಿಜವಾಗ್ಲೂ ಸಂತೋಷವಾಗಿಯೇ ಇರ್ತಾರೆ. ಸಂತೋಷವಾಗಿರೋರು ಹಾಗೆ ಮನಸ್ನಲ್ಲಿ ಅಂದ್ಕೋತಾನೇ ಇರ್ತಾರೆ. ಅದಕ್ಕೆ ಅವರು ಸಂತೋಷವಾಗಿರ್ತಾರೆ. ಎಷ್ಟ್ ಸಿಂಪಲ್ ಅಲಾ?

5. ಸಣ್ಣಪುಟ್ಟ ಸಾಧನೆಗಳನ್ನ ಎಂಜಾಯ್ ಮಾಡ್ತಾರೆ

ಸಂತೋಷವಾಗಿರೋರ ರಹಸ್ಯ ಗುಣಗಳಲ್ಲಿ ಇದೂ ಒಂದು. ಅದು ಸಣ್ಣದೇ ಇರ್ಲಿ ದೊಡ್ದೇ ಇರ್ಲಿ...ಏನೇ ಸಾಧನೆ ಮಾಡಿದ್ರೂ ಎಂಜಾಯ್ ಮಾಡ್ತಾರೆ. ಇದ್ರಿಂದ ದಿನಪೂರ್ತಿ ಸಂತೋಷವಾಗಿರಕ್ಕೆ ಸಾಧ್ಯವಾಗುತ್ತೆ. ಇನ್ನಷ್ಟು ಸಾಧಿಸಕ್ಕೆ ಉತ್ಸಾಹ ಬರುತ್ತೆ.  

6. ಸಣ್ಣಪುಟ್ಟ ಸಂಗತಿಗಳಿಗೂ ಸಂತೋಷಪಡ್ತಾರೆ

ಎಲ್ಲೋ ಪಾರ್ಕಲ್ಲಿ ಬೆಂಚ್ ಮೇಲೆ ಕೂತು ಐಸ್ ಕ್ರೀಮ್ ತಿನ್ನೋದು, ನಾಯಿ ಜೊತೆ ಆಟ ಆಡೋದು, ಕಾಮನಬಿಲ್ಲು ನೋಡಿ ಕುಣಿದಾಡೋದು...ಇವೆಲ್ಲ ಸಣ್ಣಪುಟ್ಟ ಸಂಗತಿಗಳಾದ್ರೂ ಸಂತೋಷವಾಗಿರೋರು ಮಾತ್ರ  ಖುಷಿಯಾಗಿ ಇವನ್ನೆಲ್ಲಾ ಎಂಜಾಯ್ ಮಾಡ್ತಾರೆ. 

7. ಸಾಧ್ಯವಾದಷ್ಟು ಬೇರೆಯವರಿಗೆ ಸಹಾಯ ಮಾಡ್ತಾರೆ

ಅದು ಎಷ್ಟೇ ಬ್ಯುಸಿಯಾಗಿದ್ರೂ ತಮ್ಮ ಟೈಮನ್ನ ಬೇರೆಯರಿಗೂ ಕೊಡ್ತಾರೆ. ಇನ್ನೊಬ್ರಿಗೆ ಹೆಲ್ಪ್ ಮಾಡೋದು, ಸಮಾಜಿಕ ಕೆಲ್ಸಗಳಲ್ಲಿ ತೊಡಗಿಕೊಳ್ಳೋದು ಮಾಡ್ತಿರ್ತಾರೆ. ಇದ್ರಿಂದ ಅವರ ಮಾನಸಿಕ ಆರೋಗ್ಯ ಚೆನ್ನಾಗಿರುತ್ತೆ. ಆಟೋಮ್ಯಾಟಿಕ್ ಆಗಿ ಸಂತೋಷವಾಗಿರ್ತಾರೆ. 

8. ಕೆಲ್ಸದಲ್ಲಿ ತುಂಬಾ ಶ್ರದ್ಧೆ ತೋರಿಸ್ತಾರೆ

ಯಾವುದಾದ್ರೂ ಒಂದ್ ಕೆಲ್ಸ ಅಂತ ಮಾಡ್ತಿದ್ರೆ ಅದರಲ್ಲಿ ಸಂಪೂರ್ಣವಾಗಿ ಮುಳುಗ್ತಾರೆ. ಸವಾಲಿನ ಕೆಲಸಗಳನ್ನ ಮಾಡಕ್ಕೆ ಇಷ್ಟಪಡ್ತಾರೆ. ಇದ್ರಿಂದ ಗುರಿ ಮುಟ್ತಾರೆ. ಹಿಡಿದ ಕೆಲ್ಸದಲ್ಲಿ ಗೆಲ್ತಾರೆ. 

9. ಕೆಲಸಕ್ಕೆ ಬಾರದ್ದು ಮಾತಾಡೋ ಬದಲು ಉಪಯೋಗ ಆಗೋ ಚರ್ಚೆಗಳಲ್ಲಿ ಪಾಲ್ಗೊಳ್ತಾರೆ

ಕೆಲಸಕ್ಕೆ ಬಾರದ್ದನ್ನೆಲ್ಲಾ ಮಾತ್ನಾಡಕ್ಕೆ ಹೋಗಲ್ಲ. ಏನಾದ್ರೂ ಉಪಯೋಗ ಆಗೋ ಅಂತಹದ್ದು, ಮುಖ್ಯವಾದ ವಿಚಾರ ಇದ್ರೆ ಮಾತ್ರ ಮಾತನಾಡ್ತಾರೆ. ಸುಮ್ ಸುಮ್ನೆ ಹರಟೆ ಹೊದೆಯೋದು, ಕಾಫಿ ಆಯ್ತಾ, ತಿಂಡಿ ಆಯ್ತಾ, ಇನ್ನೇನ್ ಸಮಾಚಾರ, ಆಮೇಲೆ ಆ ಪಕ್ಕದ ಮನೆ... ಅಂತ ಮಾತಾಡ್ತಾ ಟೈಮಂತೂ  ವೇಸ್ಟ್ ಮಾಡಲ್ಲ. 

10. ಬೇರೆಯೋರ ಮೇಲೂ ಖರ್ಚು ಮಾಡ್ತಾರೆ

ನಮಗೆ ನಾವೇ ಖರ್ಚು ಮಾಡ್ಕೊಂಡು ತಿನ್ನೋದ್ರಲ್ಲಿ ಅರ್ಥ ಇಲ್ಲ. ಬೇರೆಯವರಿಗೆ ಖರ್ಚು ಮಾಡಿದ್ರೆ ಸಿಗೋ ಖುಷಿನೇ ಬೇರೆ. ಸಂತೋಷವಾಗಿರೋರು ಮಾಡೋದು ಅದನ್ನೇ. 

11. ಇನ್ನೊಬ್ಬರು ಹೇಳಿದ್ದನ್ನ ಚೆನ್ನಾಗಿ ಕೇಳ್ಸ್ಕೋತಾರೆ

ಬೇರೆಯವ್ರು ಮಾತಡ್ತಿರಬೇಕಾದ್ರೆ ಮಧ್ಯೆ ಮಾತಾಡೋದು ಮಾಡಕ್ಕೆ ಹೋಗಲ್ಲ. ಅವರು ಏನ್ ಹೇಳ್ತಿದ್ದಾರೆ ಅನ್ನೋದನ್ನ ಮೊದಲು ಕೇಳಿಸಿಕೊಂಡು ಆಮೇಲೆ ಉತ್ತರ ಕೊಡ್ತಾರೆ. ಇದರಿಂದ ಮನಸ್ಸು, ಬುದ್ಧಿ ಚೆನ್ನಾಗಿ ಕೆಲ್ಸ ಮಾಡುತ್ತೆ. ಬೇರೆಯರಿಗೂ ಇಷ್ಟ ಆಗ್ತಾರೆ. ಅವ್ರಿಗೂ ಸಂತೋಷ, ಇರ್ವಿಗೂ ಸಂತೋಷ ಅಷ್ಟೆ.

12. ಫೋನ್ ಮಾಡೋದಕ್ಕಿಂತ ಡೈರೆಕ್ಟಾಗಿ ಭೇಟಿ ಮಾಡಕ್ಕೆ ಇಷ್ಟಪಡ್ತಾರೆ

ಆಗಾಗ ಫೋನ್ ಮಾಡಿ ಕ್ಷೇಮ ಸಮಾಚಾರ ತಿಳ್ಕೊಳ್ಳೋದೋ, ಎಸ್ಎಂಎಸ್ ಮಾಡಿ ವಿಶ್ ಮಾಡೋದು. ಇಲ್ಲಾ ಅಂದ್ರೆ ಫೇಸ್-ಬುಕ್ಕಲ್ಲಿ ಒಂದ್ ಹಾಯ್ ಹೇಳೋದು ಮಾಡೋದ್ರ ಜೊತೆಗೆ  ನೇರವಾಗಿ ಭೇಟಿಯಾಗಿ ಮಾತಾಡ್ತಾರೆ. ಮುಖತಃ ಭೇಟಿಯಾಗಿ, ಕೈಕುಲುಕಿ, ಇಷ್ಟ ಆದವರನ್ನ ತಬ್ಕೊಂಡೋ ತಮ್ಮ ಪ್ರೀತಿಯನ್ನ, ಭಾವನೆಗಳನ್ನ ವ್ಯಕ್ತಪಡಿಸ್ತಾರೆ.  ಇದ್ರಿಂದ ಸಂಬಂಧಗಳು ಇನ್ನಷ್ಟು ಹತ್ತಿರವಾಗ್ತಾ ಹೋಗುತ್ತೆ. ಅವರ ಬಗ್ಗೆ ಒಳ್ಳೆ ಅಭಿಪ್ರಾಯ ಮೂಡುತ್ತೆ. ಸಂಬಂಧಗಳು ಚೆನ್ನಾಗಿದ್ರೆ ಎಲ್ರೂ ಸಂತೋಷವಾಗೇ ಇರ್ತಾರ್ರೆ ತಾನೆ?

13. ಪ್ರತಿಯೊಂದರಲ್ಲೂ ಒಳ್ಳೇದನ್ನೇ ನೋಡ್ತಾರೆ

ಅದು ಸರಿ ಇಲ್ಲ ಇದು ಸರಿ ಇಲ್ಲ ಅಂತ ತಲೆಕೆಡಿಸಿಕೊಳ್ಳಲ್ಲ. ಪ್ರತಿಯೊಂದರಲ್ಲೂ ಒಳ್ಳೇದನ್ನೇ ನೋಡ್ತಾರೆ. ಇದ್ರಿಂದ ಆರೋಗ್ಯನೂ ಚೆನ್ನಾಗಿರುತ್ತೆ. ಸುಮ್ ಸುಮ್ನೆ ಟೆನ್ಷನ್ ತಗೊಳ್ಳೋದ್ರಿಂದ ಪ್ರಯೋಜನ ಇಲ್ಲ ಅಂತ ಅವ್ರಿಗೆ ಗೊತ್ತು. ಪ್ರತಿಯೊಂದ್ರರಲ್ಲೂ ಒಳ್ಳೇದನ್ನೇ ಹುಡುಕೋದ್ರಿಂದ ಅವ್ರು ಸಂತೋಷವಾಗಿರಕ್ಕೆ ಸಾಧ್ಯವಾಗತ್ತೆ. 

14. ಒಳ್ಳೇ ಸಂಗೀತ ಕೇಳ್ತಾರೆ

ಸಂತೋಷವಾಗಿರೋರ ಇನ್ನೊಂದು ಸೀಕ್ರೆಟ್ ಗುಣ ಇದು. ಒಳ್ಳೆ ಸಂಗೀತ ಕೇಳೋದ್ರಿಂದ ಮನಸ್ಸು ಹಗುರ ಆಗುತ್ತೆ. ದೇಹ ಮತ್ತು ಮನಸ್ಸಿನ ನೋವುಗಳನ್ನ ಮರೀಬೋದು. ಸಂಗೀತದಲ್ಲೇ ಮೈಮರೀತಾ ಸಂತೋಷವಾರ್ಗಿತಾರೆ.

15. ಗ್ಯಾಜೆಟ್ಗಳಿಂದ ದೂರ ಇರೋದು ಹೇಗೆ ಅಂತ ಅವರಿಗೆ ಗೊತ್ತು

ಈ ಹೊತ್ತು ನಾನಾ ತರದ ಗ್ಯಾಜೆಟ್ ಗಳು ಬಂದಿದ್ದಾವೆ. ಅವೆಲ್ಲಾ ನಮ್ಮ ನೆಮ್ಮದಿ ಹಾಳು ಮಾಡೋ ಅಂತಾವೆ. ಅವುಗಳ ಜೊತೆ ಎಷ್ಟೊತ್ತು ಕಳೀಬೋದು ಅಂತ ಸಂತೋಷವಾಗಿರೋರಿಗೆ ಗೊತ್ತು. ಕಂಪ್ಯೂಟರು, ಸ್ಮಾರ್ಟ್ ಫೋನು, ಟ್ಯಾಬ್ಲೆಟ್ ಅದಕ್ಕೆಲ್ಲಾ ಎಷ್ಟ್ ಟೈಮ್ ಕೊಡ್ಬೇಕು ಅನ್ನೋದು ಅವರಿಗೆ ಗೊತ್ತು. ಆದಷ್ಟು ಅವುಗಳಿಂದ ದೂರ ಉಳಿಯಕ್ಕೆ ಪ್ರಯತ್ನ ಪಡ್ತಾರೆ. 

16. ಆಧ್ಯಾತ್ಮಿಕ ವಿಚಾರಗಳಲ್ಲಿ ಆಸಕ್ತಿ ಇಟ್ಕೊಂಡಿರ್ತಾರೆ

ಅದು ಯಾವುದೇ ಧರ್ಮ ಇರ್ಲಿ ಆಧ್ಯಾತ್ಮಿಕ ವಿಚಾರಗಳು ನಮ್ಮ ಮನಸ್ಸಿಗೆ ನೆಮ್ಮದಿ ಕೊಡ್ತಾವೆ. ಧ್ಯಾನ, ಭಕ್ತಿಯಂತಹ ಗುಣಗಳು ನಮ್ಮ ಮನಸ್ಸಿನ ಆರೋಗ್ಯಕ್ಕೆ ಬೇಕು. ಇದ್ರಿಂದ ದಿನನಿತ್ಯದ ಜಂಜಾಟಗಳಿಂದ ಸ್ವಲ್ಪ ಮುಕ್ತಿ ಸಿಗುತ್ತೆ.  ಆಧ್ಯಾತ್ಮಿಕ ವಿಚಾರಗಳಲ್ಲಿ ಆಸಕ್ತಿ ಇದ್ರೆ ಇದು ಸಾಧ್ಯವಾಗುತ್ತೆ. ಇದು ಸಂತೋಷವಾಗಿರೋರ ಇನ್ನೊಂದು ಗುಣ. 

17. ರೆಗ್ಯುಲರ್ ಆಗಿ ವ್ಯಾಯಾಮ ಮಾಡ್ತಾರೆ

ವ್ಯಾಯಾಮ ಮಾಡ್ದಾಗ ನಮ್ ದೇಹದಲ್ಲಿ ಎಂಜಾರ್ಪಿನ್ ಅನ್ನೋ ಕೆಮಿಕಲ್ ರಿಲೀಸ್ ಆಗುತ್ತೆ. ಇದು ನಾವು ಸಂತೋಷವಾಗಿರುವಂತೆ ಮಾಡುತ್ತೆ. ಕೋಪ ತಾಪಗಳು, ಮನಸ್ಸಿನ ಒತ್ತಡ, ಉದ್ವೇಗಗಳನ್ನ ವ್ಯಾಯಾಮ ಕಡಿಮೆ ಮಾಡುತ್ತೆ. ದೈಹಿಕವಾಗಿ ಆರೋಗ್ಯವಾಗಿದ್ರೆ ಮಾನಸಿಕ ಆರೋಗ್ಯಾನೂ ಚೆನ್ನಾಗಿರುತ್ತೆ. 

18. ಹಂಗೇ ಒಂದ್ ರೌಂಡ್ ವಾಕಿಂಗ್ ಹೋಗ್ ಬರ್ತಾರೆ

ನಮ್ಮ ಮನಸ್ಸಿಗೆ ವಾಕಿಂಗ್ ಒಳ್ಳೆ ಎಜರ್ಜಿ ಕೊಡುತ್ತೆ. ಪ್ರತಿದಿನ 20 ನಿಮಿಷ ವಾಕ್ ಮಾಡೋದ್ರಿಂದ ತಾಜಾ ಗಾಳಿ ಸಿಕ್ಕಿ ಮನಸ್ಸು ಹಗುರಾಗುತ್ತೆ. ಜಡತ್ವ, ಸೋಮಾರಿತನ ಬರಲ್ಲ. ಲವಲವಿಕೆಯಿಂದ ಇರಕ್ಕೆ ಸಾಧ್ಯವಾಗುತ್ತೆ. 

19. ನೋಡಿದರೆ ಸೋಮಾರಿ ಅನ್ನುವಷ್ಟು ನಿದ್ದೆ ಮಾಡ್ತಾರೆ

ಬೆಳಗ್ಗೆ ಯಾವ್ ಮಗ್ಗುಲಲ್ಲಿ ಎದ್ವಿ ಅನ್ನೋದು ಮುಖ್ಯ ಅಲ್ಲ. ಎಷ್ಟು ಚೆನ್ನಾಗಿ ನಿದ್ದೆ ಮಾಡಿದ್ವಿ ಅನ್ನೋದು ಆ ದಿನಾನ ನಿರ್ಧರ ಮಾಡುತ್ತೆ. ಯಾಕಂದ್ರೆ ಚೆನ್ನಾಗಿ ನಿದ್ದೆ ಮಾಡ್ಲಿಲ್ಲ ಅಂದ್ರೆ ಆ ದಿನ ಎಲ್ಲಾ ಒಂಥರಾ ಕಳೆದುಹೋಗುತ್ತೆ. ಸಂತೋಷವಾಗಿರೋರು ಕಣ್ತುಂಬ ನಿದ್ದೆ ಮಾಡ್ತಾರೆ. ಹಾಸಿಗೆ ಮೇಲೆ ಸೋಮಾರಿ ತರ ಮಲಕ್ಕೋತಾರೆ. 

20. ನಡಿವಾಗ ದೂರ ದೂರಕ್ಕೆ ಹೆಜ್ಜೆ ಹಾಕ್ತಾ ಬಿರಬಿರನೆ ನಡೀತಾರೆ

ಸಂತೋಷವಾಗಿರೋರು ನಡೆಯೋದನ್ನ ನೋಡಿದ್ರೇನೆ ಸಂತೋಷವಾಗುತ್ತೆ. ದೂರ ದೂರಕ್ಕೆ ಹೆಜ್ಜೆ ಹಾಕ್ತಾ, ಕೈಬೀಸ್ಕೊಂಡ್ ನಡೀತಾರೆ. ಇದ್ರಿಂದ ಮಿದುಳು ಚುರುಕಾಗಿ, ದೇಹ ಹಗುರಾಗಿ ಮನಸ್ಸು ಸಂತೋಷವಾಗಿರತ್ತಂತೆ.    

21. ಯಾವಾಗ್ಲೂ ನಗ್ ನಗ್ತಾ ಇರ್ತಾರೆ

ನಗು ಅನ್ನೋದು ಅದ್ಭುತ ಔಷಧ ಅಂತಾರೆ. ನಗೋದ್ರಿಂದ ಮಿದುಳಲ್ಲಿ ರಿಲೀಸ್ ಆಗೋ ಹಾರ್ಮೋನ್‍ಗಳು ಒತ್ತಡ ಮತ್ತು ನೋವನ್ನ ಕಡಿಮೆ ಮಾಡ್ತಾವೆ. ಆರೋಗ್ಯವಾಗಿರ್ಬೇಕು ಅಂದ್ರೆ ನಗುನಗುತ್ತಾ ಇರ್ಬೇಕು. ವ್ಯಾಯಾಮ ಮಾಡ್ದಷ್ಟೇ ಲಾಭ ನಗೋದ್ರಿಂದಲೂ ಆಗುತ್ತಂತೆ.   

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಮೆಚ್ಚಿನ ಅಂತೆಕಂತೆ ಈಗ YouTube ನಲ್ಲಿ

ಈ ಬಟನ್ ಒತ್ತಿ subscribe ಮಾಡಿಕೊಳ್ಳಿ:
 

ಅವಳು ನಿನ್ನವಳೇ ಆಗಿದ್ದರೆ ಈಗಾಗಲೇ ಈ 23 ಗುರುತುಗಳಲ್ಲಿ ಕೆಲವಾದರೂ‌ ಕಂಡಿರಬೇಕು

ಕಂಡಿದ್ದರೆ ನಿನ್ನ ಜೀವನಸಂಗಾತಿ ಅವಳೇ

ಜೀವನದಲ್ಲಿ ಇಂತ ಅದ್ಭುತ ನಡಿಯೋದು ಒಂದೇ ಒಂದು ಸತಿ. ನಿಮ್ಮ ಜೀವನಕ್ಕೆ ಬೆಳಕ್ ತರ ಬಂದು, ನಿಮ್ಮ ಸುಖ ದುಃಖದಲ್ಲೆಲ್ಲ ಜೊತೆಗಿದ್ದು, ಇವಳೇ ನಿಮ್ಮ ಸಂಗಾತಿ ಇರ್ಬೋದೆನೋ ಅಂತ ಅನ್ನಿಸ್ತಿದ್ರೆ, ಅವ್ಳಲ್ಲಿ ಈ ಕೆಳ್ಗಿರೊ ಗುಣಗಳಿದ್ರೆ ಡೌಟೇ ಬೇಡ ಅವ್ಳು ನಿಮ್ ಹುಡ್ಗಿ...

1. ಅವಳು ನಿಮ್ಮ್ ಜೊತೆ ಇದ್ದಾಗ ನಿಮಗೆ ಏನೋ ಒಂದು ಪ್ರೇರಣೆ, ನಿನ್ನೆಗಿಂತ ನನ್ನ ಜೀವನ ಇನ್ನು ಚೆನಾಗ್ ಆಗ್ಬೇಕು, ಕಷ್ಟ ಪಟ್ಟು ಜೀವನದಲ್ಲಿ ಇನ್ನು ಮೇಲೇರಬೇಕು ಅಂತ ಅನ್ನಿಸತ್ತೆ.

2. ಏಯ್ ಗಟ್ಟಿ ಗಂಡಸು ಮಾರ್ರೆ ನಾನು, ಯಾವ್ ಸೆಂಟಿಮೆಂಟು ನನ್ನತ್ರ ನಡಿಯಲ್ಲ, ಕಲ್ಲು ಬಂಡೆ ಥರ ನಾನು ಅಂತಿದ್ದ ನಿಮ್ಮನ್ನ, ಈ ಹುಡುಗಿ ಹೋಗ್ತಾಹೋಗ್ತಾ ಕರ್ಗೋಗೊ ಹಾಗೆ ಮಾಡ್ಬಿಡ್ತಾಳೆ. ಅವ್ಳು ನಿಮ್ಮಲ್ಲಿ ಪ್ರೀತಿ, ವಾತ್ಸಲ್ಯ, ಸಂತೋಷ ಒಂತರ ಎಲ್ಲ ಭಾವನೆ ನಿಮ್ಮಲ್ಲಿ ಶುರು ಆಗೋ ಹಾಗೆ ಮಾಡಿರ್ತಾಳೆ. ಅವ್ಳಿಗೆ ನಿಮ್ ಕಣ್ಣಲ್ಲೂ ನೀರ್ ಹಾಕ್ಸೋ ತಾಕತ್ತಿರತ್ತೆ... ಇಂತ ಭಾವನೆಗಳು ನಿಮ್ಗೆ ಮುಂಚೆ ಅನುಭವಕ್ಕೆ ಬಂದಿರಲ್ಲ.

3. ಇದೊಂತರ ವಿಚಿತ್ರ. ಅವ್ಳ ಖುಷಿ ನಿಮಗೆ ಖುಷಿ ಕೊಡತ್ತೆ. ಅವಳ ಒಂದು ನಗು ಸಾಕು ನಿಮಗೆ ಸಿಕ್ಕಾಪಟ್ಟೆ ಖುಷಿಯಾಗಿರಕ್ಕೆ, ಅವ್ಳ ನಗು ಕಾರಣ ನಿಮ್ಗೆ ಬೇಕಿರಲ್ಲ, ಅವ್ಳ್ ನಕ್ರೆ ಸಾಕು.

4. ನಿಮ್ಮ ಎಲ್ಲ ಯೋಚನೆ, ನಿಮ್ಮ ಟೆನ್ಷನ್ನು ಎಲ್ಲ ದೂರ ಆಗಕ್ಕೆ ಅವಳ ಒಂದೇ ಒಂದು ನಗು ಸಾಕು. ಆ ಒಂದ್ ಕ್ಷಣ ಏನೋ ಒಂತರ ನೆಮ್ಮದಿ ಸಿಗೊಹಾಗ್ ಮಾಡತ್ತೆ.

ಮೂಲ

5. ಅವಳ ನಗು ನಿಮಗೆ ಖುಷಿ ತರತ್ತೆ ಅಂತ ಯಾವಾಗ್ಲೂ ಅವ್ಳು ನಿಮ್ಮತ್ರ ನಗ್ತನೇ ಇರ್ಬೇಕಿಲ್ಲ... ಅವ್ಳ್ ಜೊತೆ ಟೈಮ್ ಸ್ಪೆಂಡ್ ಮಾಡೊ ಭಾಗ್ಯ ನಿಮ್ಗೆ ಸಿಕ್ಕಿದ್ರೆ ಸಾಕಾಗಿರತ್ತೆ. ಅವ್ಳ್ ಜೊತೆ ಇರೋ ಅಷ್ಟೂ ಹೊತ್ತು ನಿಮ್ಗೆ ಮಧುರವಾದ ಕ್ಷಣ ಅನ್ನಿಸ್ತಿರತ್ತೆ.

6. ಎರಡು ದೇಹ ಒಂದೇ ಜೀವ ನಿಮ್ಮದು ಅನ್ನಿಸತ್ತೆ.

7. ಅವಳ ಎಲ್ಲ ಭಾವನೆ ನಿಮಗೆ ಆಕರ್ಷಕವಾಗಿರತ್ತೆ, ಅವಳ ಬಗ್ಗೆ ಪೂರ್ತಿ ತಿಳ್ಕೊಬೇಕು ಅಂತ ಅನ್ನಿಸತ್ತೆ ನಿಮಗೆ... ಅವ್ಳಲ್ಲಿರೊ ಒಳ್ಳೇದು, ಕೆಟ್ಟದ್ದು ಮತ್ತೆ ಸುಮಾರಾಗಿರೊ ವಿಚಾರ್ವೆಲ್ಲ ನಿಮ್ಗೆ ಓಕೆ ಆಗೋಗಿರತ್ತೆ... ಅವ್ಳನ್ನ ನೀವು ಆರಾಧಿಸಕ್ಕೆ ಶುರು ಮಾದ್ಬಿಟ್ಟಿರ್ತೀರ.

8. ಅವಳು ನಿಮ್ಮ ಕಡೆ ನಡ್ಕೊಂಡು ಬರ್ತಿದ್ರೆ ನಿಮ್ ಕಣ್ಣಿಗೆ ಬೇರೇನೂ ಕಾಣಲ್ಲ... ಎಲ್ಲ ಮಂಜ್ ಮಂಜು ಆಗೋಗತ್ತೆ... ಬರಿ ಅವಳೊಬ್ಬಳೇ... ನಿಮ್ಮ ಟೆನ್ಷನ್ನು, ನಿಮ್ಮ ಕೆಲಸಗಳೆಲ್ಲ ನೆನಪಾಗದೇ ಇಲ್ಲ, ಇಡೀ ಜೀವನ ಹೀಗೆ ಅವ್ಳನ್ನ ನೋಡ್ಕೊಂಡು ನೆಮ್ಮದಿಯಾಗಿದ್ಬಿಡ್ಬೇಕು ಅನ್ನಿಸತ್ತೆ.

ಮೂಲ

9. ಇವತ್ತಿನ ತಂಕ ಯಾರ್ ಹತ್ರನೂ ಹೇಳಿರದ ಗುಟ್ಟನ್ನ ಇವಳ ಹತ್ರ ಹೇಳ್ಕೊಬೇಕು ಅನ್ನಿಸತ್ತೆ. ನಿಮ್ಮ ಭಾವನೆಗಳ್ನೆಲ್ಲ ಅವ್ಳ್ ಹತ್ರ ಹಂಚ್ಕೊಬೇಕು ಅನ್ನಿಸತ್ತೆ. ನಿಮ್ಮೆಲ್ಲಾ ಗುಟ್ಟುಗಳ್ನ ಅವ್ಳು ಕಾಪಾಡ್ತಾಳೆ.

10. ನಿಮಗೆ ಗೊತ್ತಿಲ್ಲದ ಹಾಗೆ ಅವಳು ನಿಮ್ಮ ಪ್ರಪಂಚ ಆಗ್ಬಿಟ್ಟಿರ್ತಾಳೆ. ನೀವು ನಿಮ್ಮ ಮುಂದಿನ ಜೀವನದ ಬಗ್ಗೆ ಮಾಡೋ ಪ್ರತಿಯೊಂದು ಯೋಚನೇಲು ಅವಳಿಗೆ ಜಾಗ ಕೊಟ್ಟಿರ್ತೀರ.

11. ಕನಸಲೂ ನೀನೆ ಮನಸಲೂ ನೀನೆ... ದಿನಾ ಕನಸಲ್ಲಿ ಅವಳೇ ಬರ್ತಾಳೆ. ನಿಮಗೆ ಅವಳ್ ಬಿಟ್ಟು ಬೇರೇನೂ ಬೇಕಿರಲ್ಲ.

12. ಯಾವತ್ತೂ ಅನುಭವಿಸದ ಅನ್ಯೋನ್ಯತೆ ನಿಮಗೆ ಅವ್ಳ ಬಗ್ಗೆ. ಅಪ್ಪಿ ತಪ್ಪಿ ಒಂದ್ಸತಿ ಅವ್ಳನ್ನ ಮುಟ್ಟಿದ್ರೆ ಮೈ ಜುಮ್ ಅನ್ನತ್ತೆ, ತಲೆ ನಿಲ್ಲದೇ ಇಲ್ಲ. ಅವ್ಳನ್ನ ನಿಮ್ಮ ತೋಳಲ್ಲಿ ತಬ್ಬಿ ಹಿಡ್ಕೊಬೇಕು ಅನ್ನಿಸತ್ತೆ, ಹೀಗೆ ಜೀವನ ಪೂರ್ತಿ ಒಟ್ಟಿಗೆ ಇರ್ಬೇಕು ಅನ್ನಿಸ್ತಿರತ್ತೆ.

ಮೂಲ

13. ಬರಿ ಅದೇ ಅಂತಲ್ಲ, ಜಾಸ್ತಿ ಸುತ್ತಾಡ್ಬೇಕು ಅನ್ನೊಹಾಗೆ ಮಾಡ್ತಾಳೆ, ಬೇರೆ ಬೇರೆ ಹೋಟೆಲ್ಲಿಗೆ ಹೋಗಿ ಹೊಸ-ಹೊಸ ತಿಂಡಿ ಊಟ ಟ್ರೈ ಮಾಡ್ಬೇಕು ಅನ್ನಿಸೋ ಹಾಗೆ ಮಾಡ್ತಾಳೆ. ಪ್ರತಿ ಕ್ಷಣ ಜಗತ್ತು ಹೊಸದಾಗಿ ಕಾಣೋಹಾಗೆ ಮಾಡ್ತಾಳೆ. ನಿಮ್ಮ ಜೀವನ  ಇನ್ನು ಕುತೂಹಲಕಾರಿ ಆಗತ್ತೆ.

14. ನಿಮ್ಮ ಸ್ನೇಹಿತರಿಗೆ, ಮನೆಯವರಿಗೆಲ್ಲ ಅವಳನ್ನ ಪರಿಚಯ ಮಾಡ್ಸ್ ಬೇಕು ಅನ್ನಿಸತ್ತೆ. ಅವಳೆಷ್ಟು ಒಳ್ಳೇವ್ಳು ಅಂತ ನಿಮ್ಮ ಮನೆಯವರಿಗೆ ಖಂಡಿತ ಗೊತ್ತಾಗತ್ತೆ ಅಂತ ನಿಮಗನ್ನಿಸತ್ತೆ... ಅವ್ಳ ಗುಣ ಎಲ್ಲಾರ್ಗೂ ಹಿಡ್ಸೋ ಅಂತದ್ದು ಅಂತ ನಿಮ್ಗೆ ಎಷ್ಟರಮಟ್ಟಿಗೆ ಅನ್ನಿಸತ್ತೆ ಅಂದ್ರೆ ಕೆಲವೊಮ್ಮೆ ಇವಳನ್ನ ನನಗಿಂತ ಜಾಸ್ತಿ ನನ್ನ ಸ್ನೇಹಿತರೆ ಇಷ್ಟ ಪಡ್ತಿದಾರಲ್ಲಪ್ಪ ಅಂತ ಅನ್ನಿಸಿಬಿಡತ್ತೆ.

15. ನಿಮ್ಮ ಬಗ್ಗೆ ತುಂಬ ಕಾಳಜಿ ಮತ್ತೆ ಪ್ರೀತಿ ತೋರುಸ್ತಾಳೆ ಅವಳು, ಹೇಗೆ ಅಂತ ಹೇಳಕ್ಕಾಗಲ್ಲ. ದಿನ ನೀರ್ ಕುಡಿ ಅಂತ ಹೇಳೋದ್ರಿಂದ ನಿಮ್ಮ ಹುಟ್ಟು ಹಬ್ಬಕ್ಕೆ ಅದ್ಭುತವಾಗಿ ಒಂದು ಸುರ್ಪ್ರೈಸ್ ರೆಡಿ ಮಾಡೊತನ್ಕ ಎಲ್ಲ ಮಾಡಿರ್ತಾಳೆ... ನಿಮ್ಮನ್ನ ಯಾವಾಗ್ಲೂ ಖುಷಿಯಾಗಿ ನೋಡ್ಬೇಕು ಅನ್ನೋದು ಅವಳ ಆಸೆ ಆಗಿರತ್ತೆ.

16. ಅವ್ಳಿಗೆ ನಿಮ್ಮ ನಿಜವಾದ ಮುಖ ನೀವ್ ತೋರಿಸ್ತೀರ. ನಿಮಗೆ ಮೆಚ್ಚಿಸಕ್ಕೆ ನಾಟಕ ಆಡ್ಬೇಕು ಅಂತ ಅನ್ಸಲ್ಲ. ನೀವಾಗಿ ಅವಳೊಂದಿಗೆ ಆರಾಮಾಗಿ ಇರಬಹುದು. ನಿಮ್ಮ ಎಲ್ಲ ತುಂಟತನ ಮತ್ತೆ ತರ್ಲೆಗಳು ಅವ್ಳು ನಿಮ್ಮನ್ನ ಹೆಚ್ಚೆಚ್ಚು ಪ್ರೀತ್ಸೋ ಹಾಗೆ ಮಾಡತ್ತೆ. ಅವಳ ಜೊತೆ ನಿಮಗೆ ಯಾವ್ದೇ ಹಿಂಜರಿಕೆ ಇರಲ್ಲ.

ಮೂಲ

17. ಅವಳು ಸ್ವಂತಂತ್ರವಾಗಿ ತನ್ನ ಕೆಲಸ ತಾನು ಮಾಡ್ಕೊಂಡು ಇರೋಂತ ಹುಡುಗಿ ಆಗಿದ್ರು ಯಾವಾಗಾದ್ರೂ ಸಹಾಯ ಬೇಕು ಅನ್ಸಿದ್ರೆ, ನಿಮ್ಮನ್ನ ಕೇಳ್ತಾಳೆ. ನೀವು ಇಲ್ಲ ಅನ್ನಲ್ಲ ಅಂತ ಅವ್ಳಿಗೆ ಚೆನ್ನಾಗಿ ಗೊತ್ತಿರತ್ತೆ. ಯಾವತ್ತೂ ನಿಮಗೆ ಮೋಸ ಮಾಡಬೇಕು ಅನ್ನೋ ಯೋಚ್ನೆ ಇರಲ್ಲ.

18. ನಿಮಗೆ ಚೆನ್ನಾಗಿ ಗೊತ್ತಿರತ್ತೆ ಇವ್ಳು ಯಾವಾಗ್ಲೂ ಎಂತ ಸಮಯದಲ್ಲೂ ಜೊತೇಗೆ ಇರ್ತಾಳೆ ಅಂತ. ಕೆಲವೊಮ್ಮೆ ನಿಮಗೆ ಏನು ತೋಚದೇ, ಇನ್ನೇನು ದಾರಿ ಇಲ್ಲ ಅಂದಾಗ ಕೂಡ, ಇವಳು ನಿಮ್ಮನ್ನ ಬಿಡದೇ ಬೆನ್ನೆಲುಬಾಗಿ ನಿಲ್ತಾಳೆ ಅನ್ನಿಸತ್ತೆ.

19. ಯಾವುದೇ ಅನುಮಾನ ಇಲ್ಲದೆ ಕಣ್ಣು ಮುಚ್ಚಿಕೊಂಡು ಎಲ್ಲ ಸಮಯದಲ್ಲೂ ನಂಬಬಹುದು. ಅವಳು ಎಲ್ಲಿ, ಯಾರ್ ಜೊತೆ, ಯಾವ ಸಮಯದಲ್ಲಿ ಇದ್ದಳು, ಯಾಕೆ ಇದ್ದಳು ಅನ್ನೋದೆಲ್ಲ ನಿಮ್ಗೆ ದೊಡ್ಡ ವಿಷ್ಯ ಅನ್ಸದೇ ಇಲ್ಲ, ಅವ್ಳ ಬಗ್ಗೆ ಬಲವಾದ್ ನಂಬಿಕೆ ನಿಮ್ಗಿರತ್ತೆ. ನಿಮ್ಮ ಸಂಬಂದಾನೆ ಹಾಗೆ! ಇಬ್ಬರು ಒಬ್ಬರನ್ನ ಒಬ್ಬರು ಅಷ್ಟು ನಂಬ್ತೀರಿ, ಅಷ್ಟೇ ಗೌರವ ಕೊಡ್ತೀರಿ.

20. ಅವ್ಳು ಯಾವದಾದ್ರು ಕಾರಣಕ್ಕೆ ಬೇಜಾರಾಗಿದ್ರೆ ನಿಮಗೆ ತಡ್ಕೊಳಕ್ಕಾಗಲ್ಲ, ಯಾರಾದ್ರೂ ಬೇಜಾರ್ ಮಾಡಿದ್ರೆ ನೀವು ಅವ್ರನ್ನ ಸುಮ್ನೆ ಬಿಡಲ್ಲ. ಅವಳು ದುಃಖ ಪಡೋದನ್ನ ನಿಮಗೆ ಸಹಿಸಿಕೊಳಕ್ಕೆ ಆಗದೇ ಇಲ್ಲ.

ಮೂಲ

21. ನೀವು ನಿಮ್ಮ ಮುಂದಿನ ದಿನಗಳಿಗೆ ಅಂತ ಮಾಡಿದ ಎಲ್ಲ ಯೋಚನೆಲಿ ನಿಮಗೆ ಗೊತ್ತಿಲ್ಲದ ಹಾಗೆ ಅವಳನ್ನು ಸೇರಿಸಿಕೊಂಡಿರ್ತೀರ. ನೀವು ಸುತ್ತಾಡಬೇಕು ಅನ್ಕೊಂಡಿರೋ ಜಾಗ, ನೀವು ಮಾಡ್ಬೇಕು ಅನ್ಕೊಂಡಿರೋ ಸಾಹಸ, ಹೀಗೇ ಎಲ್ಲದ್ರಲ್ಲೂ ಅವ್ಳು ಇದ್ದೇ ಇರ್ತಾಳೆ...

22. ನಿಮಗೆ ಸರ್ವಸ್ವಾನು ಅವಳೇ ಆಗಿರ್ತಾಳೆ. ನೀವು ರಾತ್ರಿ ಮಲಗುವಾಗ ತೊಗೊಳೋ ಕೊನೆ ಹೆಸರು ಅವಳದ್ದೇ, ಬೆಳಗ್ಗೆ ಎದ್ದಾಗ ಹೇಳೋ ಮೊದಲನೇ ಹೆಸರು ಅವಳದ್ದೇ. ನಿಮ್ಮೆಲ್ಲ ತುಂಟಾಟದಲ್ಲಿ ಅವಳು ಇರ್ತಾಳೆ, ಅವಳ ಜೊತೆ ನಿಮ್ಮ ಜೀವನ ಪೂರ್ತಿ ಕಳೀಬೇಕು ಅಂತ ಅನ್ನಿಸತ್ತೆ. ಹೌದು ಅವಳೇ ನಿಮ್ಮ ಪ್ರೇಯಸಿ, ಅವಳೇ ನಿಮ್ಮ ನಿಜವಾದ ಸಂಗಾತಿ.

23. ನಿಮ್ಮ ಬದುಕು ಸಾರ್ಥಕ ಅಂತ ಅನ್ನಿಸೋದು, ಬದುಕಿಗೆ ಒಂದು ಅರ್ಥ ಅಂತ ಸಿಗೋದು, ಅವಳು ನಿಮ್ಮ ಜೊತೆ ಇದ್ದಾಗ ಮಾತ್ರ.

ಮೂಲ

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: