ಎಷ್ಟು ಸಂಶೋಧನೆ ಮಾಡಿದರೂ ಇತಿಹಾಸದ ಈ 10 ಒಗಟುಗಳ್ನ ಯಾರಿಗೂ ಬಿಡಿಸಕ್ಕಾಗಿಲ್ಲ

ಶತಮಾನಗಳಿಂದ ಪ್ರಯತ್ನ ನಡೀತಿದೆ

ಇತಿಹಾಸದಲ್ಲಿ ಕೆಲವು ಪ್ರಶ್ನೆಗಳು ಪ್ರಶ್ನೆಗಳಾಗೇ ಉಳಿದೋಗಿವೆ.  ಕೆಲವು ಜಾಗಗಳಲ್ಲಿರೋ ವಿಚಿತ್ರಗಳನ್ನ ಇಲ್ಲಿ ಕೊಟ್ಟಿದಿವಿ. ನಮ್ಮ ತಲೆಮಾರಿನೊಳಗೆ ಈ ವಿಚಿತ್ರಗಳ ಬಗ್ಗೆ ಸಮಾಧಾನದ ಉತ್ತರ ಸಿಗುತ್ತೋ ಇಲ್ವೋ ಗೊತ್ತಿಲ್ಲ. ಆದ್ರೆ, ಔಗಳ ಬಗ್ಗೆ ತಿಳ್ಕೊಳೋದಕ್ಕೇನಂತೆ? ಬನ್ನಿ...

1. ಮೋವಾ ಹಕ್ಕಿಗಳು

ಮೋವಾ ಜಾತಿ ಹಕ್ಕಿಗಳು ನ್ಯೂಜೀಲ್ಯಾಂಡಲ್ಲಿ ಇರ್ತಿದ್ವಂತೆ. ಇವಕ್ಕೆ ಹಾರಕ್ಕಾಗಲ್ಲ; ಎಮು ಥರನೇ. 1500ನೇ ಇಸ್ವೀಲೇ ಇವುಗಳ ಸಂತತಿ ಮುಗಿದೋಯ್ತಂತೆ. ಮಾವೋರಿ ಜನಾಂಗದೋರೇ ಆ ಹಕ್ಕಿಗಳನ್ನ ಕೊಂದ್‍ಹಾಕಿದ್ರು ಅಂತಾರೆ ಕೆಲುವ್ರು. ಇಪ್ಪತ್ತನೇ ಶತಮಾನದಲ್ಲಿ ಒಂದ್ಸಲ ಅಲ್ಲಿಗೆ ಕೆಲುವು ವಿಜ್ಞಾನಿಗಳು ಹೋದಾಗ ಔರು ಅಕಸ್ಮಾತಾಗಿ ನೆಲದ ಮೇಲಿದಾ ಒಂದು ದೊಡ್ಡ ವಸ್ತು ಮೇಲೆ ಎಡುವುದ್ರಂತೆ. ಅದೇನೂಂತ ನೋಡುದ್ರೆ, ಅದು ಯಾವ್ದೋ ದೊಡ್ಡ ಹಕ್ಕಿ ಕಾಲು! ಅದ್‍ಹೆಂಗೋ ಅಷ್ಟೊಂದು ನೂರಾರು ವರ್ಷಗಳಿಂದ ಕೊಳೀದೇ ಉಳ್ಕೊಂಡಿದೆ ನೋಡಿ!! ಆಶ್ಚರ್ಯ ಅಲ್ವಾ?

2. ಸಕ್ಸೇವಮನ್ ಗುಡಿಗಳು, ಪೆರು

ಇಲ್ನೋಡಿ, ಇಷ್ಟು ದೊಡ್ಡ ಕಲ್ಲಿನ ಕಟ್ಟದ ಕಟ್ಟೋಕ್ಕೆ ಕಲ್ಲುಗಳ ಮಧ್ಯೆ ಒಂದ್ ಚೂರೂ ಸಿಮೆಂಟ್-ಮಣ್ಣು ಏನೂ ಬಳಸಿಲ್ವಂತೆ! ಆದ್ರೂ ಎರಡು ಕಲ್ಲುಗಳ ಮಧ್ಯೆ ಒಂದು ಪೇಪರ್ ಹೋಗೋವಷ್ಟು ಜಾಗ ಇಲ್ವಂತೆ!!! ಇಷ್ಟಾಗಿ ಕಲ್ಲುಗಳೆಲ್ಲಾ ನಯವಾಗಿವೆ, ಮೂಲೆಗಳು ಚೂಪಾಗಿಲ್ಲ, ಗುಂಡುಗಿವೆ! ಅದ್‍ಹೆಂಗ್ ಕಟ್ಟಿದ್ರೋಪ್ಪ ಇದನ್ನ!!!

3. ನೇಸರನ ಹೆಬ್ಬಾಗಿಲು (ಗೇಟ್ ಆಫ್ ದ ಸನ್), ಬೊಲಿವಿಯ

ಇದು ಬೊಲಿವಿಯಾದ ಟಿವನಕು ಅನ್ನೋ ಊರಲ್ಲಿದೆ. ಇದರ ಮೇಲೆ ಕೆತ್ತಿರೋದರ ಅರ್ಥ ಏನೂಂತ ಇನ್ನೂ ಕಂಡುಹಿಡಿಯಕ್ಕಾಗಿಲ್ವಂತೆ. ಅದು ಏನಾದ್ರೂ ಜ್ಯೋತಿಷ್ಯ ಶಾಸ್ತ್ರಕ್ಕೆ ಸಂಬಂಧಿಸಿದ್ದಿರಬೇಕು ಅಂತಾರೆ. ಕೆಲವ್ರ ಪ್ರಕಾರ ಈ ಜಾಗದಲ್ಲಿ ತುಂಬಾ ಹಿಂದೆ ದೊಡ್ಡ ಸಾಮ್ರಾಜ್ಯ ಯಾವ್ದಾದ್ರೂ ಇದ್ದಿರಬಹುದು.

4. ಲಾಂಜ್ಯೂ ಗುಹೆಗಳು, ಚೈನಾ

ಈ ಗುಹೆಗಳನ್ನ ಮಾಡಿರೋದು ಹೆಂಗೊತ್ತಾ? ಮರಳುಗಲ್ಲನ್ನ ಮನುಷ್ಯರೇ ಕೈಯ್ಯಿಂದ ಕೆತ್ತಿರೋದಂತೆ!!! ಇಷ್ಟು ದೊಡ್ಡ ಗುಹೆಗಳನ್ನ ಕೆತ್ತಕ್ಕೆ ಸಾವಿರಾರು ಜನ ಕೆಲ್ಸ ಮಾಡಿರಬೇಕು. ಆದ್ರೆ ಇತಿಹಾಸದಲ್ಲಿ ಎಲ್ಲೂ ಈ ಗುಹೆಗಳನ್ನ ಹೇಗೆ ಮಾಡಿದ್ರು ಅನ್ನೋದರ ಬಗ್ಗೆ ಮಾಹಿತಿ ಇಲ್ವಂತೆ.

5. ಅರ್ಧಂಬರ್ಧ ಮುಗಿಸಿರೋ ಓಬ್ಲಿಸ್ಕ್, ಈಜಿಪ್ಟ್

ಈ ಗರುಡಗಂಬದ ಥರ ಇರೋ ಆಕೃತೀನ ಬಂಡೆಯಿಂದಾನೇ ಕೆತ್ತಕ್ಕೆ ಶುರುಮಾಡಿ, ಆಮೇಲೆ ಬಂಡೇನೇ ಸೀಳು ಬಿಡ್ತು ಅಂತ ಅರ್ಧಕ್ಕೇ ಬಿಟ್ಟು ಹೋಗಿದ್ದಂತೆ. ಎಷ್ಟು ದೊಡ್ಡದಾಗಿದೆ ಅಲ್ವಾ?

6. ನೀರೊಳಗೆ ಇರೋ ಊರು ಯೋನಗುನಿ, ಜಪಾನ್

ನೀರಲ್ಲಿ ಡೈವ್ ಮಾಡೋದನ್ನ ಕಲಿಸೋ ಟ್ರೈನರ್ ಕಿಹಚಿರೋ ಅರಟಾಕೆ ಅನ್ನೋರು ಅಕಸ್ಮಾತಾಗಿ ನೀರೋಳಗೆ ಹೋದಾಗ ಈ ಊರನ್ನ ಗುರುತಿಸಿದ್ರಂತೆ. 10,000 ವರ್ಷದ ಹಿಂದೆ ಈ ಊರು ಮುಳುಗಿರಬೋದು ಅಂತಾರೆ ಕೆಲುವ್ರು. ಇನ್ ಕೆಲುವ್ರು ಅಷ್ಟೊಂದು ಹಿಂದೆ ಜನ ಇನ್ನೂ ಗುಹೆಗಳಲ್ಲಿರ್ತಿದ್ರು, ಊರುಗಳು ಕಟ್ಟೋದೇ ಗೊತ್ತಿರಲಿಲ್ಲ ಅಂತಾರೆ.

7. ಮೊಹಂಜಿದಾರೋ, ಪಾಕಿಸ್ತಾನ

ಎಷ್ಟೋ ವರ್ಷಗಳಿಂದ ಈ ಊರಿನ ಬಗ್ಗೆ ಇರೋ ಪ್ರಶ್ನೆಗಳಿಗೆ ಉತ್ತರ ಸಿಕ್ಕಿಲ್ಲ. 1922ರಲ್ಲಿ ಆರ್. ಡಿ. ಬ್ಯಾನರ್ಜಿ ಅನ್ನೋ ಆರ್ಕಿಯಾಲಜಿಸ್ಟ್ ಒಬ್ರು ಇಂಡಸ್ ನದಿಯ ಒಂದು ದ್ವೀಪದಲ್ಲಿ ಈ ನಾಗರೀಕತೇನ ಗುರುತಿಸಿದ್ರು. ಆದ್ರೆ ಈ ಊರಲ್ಲಿದ್ದ ಜನ ಎಲ್ಲ ಎಲ್ಹೋದ್ರು? ಇಂತಾ ಒಳ್ಳೆ ಊರು ಯಾಕ್ ಹಾಳಾಯ್ತು ಅನ್ನೋ ಪ್ರಶ್ನೆಗಳಿಗೆ ಎಷ್ಟು ಕೆದಕಿದ್ರೂ ಇನ್ನೂ ಉತ್ತರ ಸಿಕ್ಕಿಲ್ಲ.

8. ಎಲ್‍ಆನ್ಸಿನ ಹುಲ್ಲುಗಾವಲು, ಕೆನಡಾ

ಕೊಲಂಬಸ್ ಹುಟ್ಟಕ್ಕೂ ಮುಂಚೇನೇ ಉತ್ತರ ಅಮೇರಿಕಾನ ಕೆಲವು ಸಮುದ್ರ ಯಾತ್ರಿಕರು ತಲುಪಿ ಆಗ್ಲೇ ನೆಲೆಸಿದ್ರು ಅನ್ನೋದಕ್ಕೆ ಈ ಹುಲ್ಲುಗಾವಲೇ ಸಾಕ್ಷಿಯಂತೆ.

9. ಶಿಲಾಯುಗದ ಒಳದಾರಿಗಳು

ಶಿಲಾಯುಗದ ಜನರು ಬರೀ ಬೇಟೆ ಆಡ್ಕೊಂಡು ತಿನ್ಕೊಂಡ್ ಉಂಡ್ಕೊಂಡ್ ಅಲೀತಿದ್ದೋರಲ್ಲ ಅನ್ನೋದನ್ನ ಈ ಒಳದಾರಿಗಳು ಹೇಳುತ್ವೆ. ಈ ಒಳದಾರಿಗಳು ಈಗಿನ ಯೂರೋಪ್ ಉದ್ದಗಲಕ್ಕೂ, ಅಂದ್ರೆ ಸ್ಕಟ್‍ಲ್ಯಾಂಡಿಂದ ಟರ್ಕಿವರೆಗೂ ಎಲ್ಲಾ ಕಡೇನೂ ಇದೆಯಂತೆ. ಬಹುಶ ಚಳಿ ಮಳೆ ಏನೇ ಇದ್ರೂ ಓಡಾಡಕ್ಕಾಗಬೇಕು ಅಂತ ಈ ಥರ ಒಳದಾರಿಗಳನ್ನ ಮಾಡಿರಬೋದು ಅನ್ನೋದು ಒಂದು ವಾದ. ಇನ್ನೊಂದು ವಾದದ ಪ್ರಕಾರ ಬೇರೆ ಕ್ರೂರ ಪ್ರಾಣಿಗಳಿಂದ ಕಾಪಾಡಿಕೊಳಕ್ಕೆ ಈ ಥರ ದಾರಿ ಹುಡುಕ್ಕೊಂಡಿರಬೋದು.

10. ಕೋಸ್ಟಾ ರಿಕಾದ ಕಲ್ಲುಗುಂಡುಗಳು

ಈ ಕಲ್ಲುಗುಂಡುಗಳು ಪರ್ಫೆಕ್ಟ್ ಗುಂಡುಗಿವೆ. ಆದ್ರೆ ಇವುಗಳನ್ನ ಯಾರು ಮಾಡಿದ್ರು, ಯಾಕ್ ಮಾಡಿದ್ರು ಅನ್ನೋದು ಇನ್ನೂ ಗೊತ್ತಾಗಿಲ್ಲ. ಇದೇ ಊರ್ನೋರು ಕೆಲುವ್ರು ಇದ್ರಲ್ಲಿ ಚಿನ್ನ ಇರ್ಬೋದು ಅಂದ್ರಂತೆ. ಆಮೇಲೆ ಒಡೆದು ನೋಡ್ದಾಗ ಏನೂ ಇರಲಿಲ್ವಂತೆ.

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಮೆಚ್ಚಿನ ಅಂತೆಕಂತೆ ಈಗ YouTube ನಲ್ಲಿ

ಈ ಬಟನ್ ಒತ್ತಿ subscribe ಮಾಡಿಕೊಳ್ಳಿ:
 

ಅವಳು ನಿನ್ನವಳೇ ಆಗಿದ್ದರೆ ಈಗಾಗಲೇ ಈ 23 ಗುರುತುಗಳಲ್ಲಿ ಕೆಲವಾದರೂ‌ ಕಂಡಿರಬೇಕು

ಕಂಡಿದ್ದರೆ ನಿನ್ನ ಜೀವನಸಂಗಾತಿ ಅವಳೇ

ಜೀವನದಲ್ಲಿ ಇಂತ ಅದ್ಭುತ ನಡಿಯೋದು ಒಂದೇ ಒಂದು ಸತಿ. ನಿಮ್ಮ ಜೀವನಕ್ಕೆ ಬೆಳಕ್ ತರ ಬಂದು, ನಿಮ್ಮ ಸುಖ ದುಃಖದಲ್ಲೆಲ್ಲ ಜೊತೆಗಿದ್ದು, ಇವಳೇ ನಿಮ್ಮ ಸಂಗಾತಿ ಇರ್ಬೋದೆನೋ ಅಂತ ಅನ್ನಿಸ್ತಿದ್ರೆ, ಅವ್ಳಲ್ಲಿ ಈ ಕೆಳ್ಗಿರೊ ಗುಣಗಳಿದ್ರೆ ಡೌಟೇ ಬೇಡ ಅವ್ಳು ನಿಮ್ ಹುಡ್ಗಿ...

1. ಅವಳು ನಿಮ್ಮ್ ಜೊತೆ ಇದ್ದಾಗ ನಿಮಗೆ ಏನೋ ಒಂದು ಪ್ರೇರಣೆ, ನಿನ್ನೆಗಿಂತ ನನ್ನ ಜೀವನ ಇನ್ನು ಚೆನಾಗ್ ಆಗ್ಬೇಕು, ಕಷ್ಟ ಪಟ್ಟು ಜೀವನದಲ್ಲಿ ಇನ್ನು ಮೇಲೇರಬೇಕು ಅಂತ ಅನ್ನಿಸತ್ತೆ.

2. ಏಯ್ ಗಟ್ಟಿ ಗಂಡಸು ಮಾರ್ರೆ ನಾನು, ಯಾವ್ ಸೆಂಟಿಮೆಂಟು ನನ್ನತ್ರ ನಡಿಯಲ್ಲ, ಕಲ್ಲು ಬಂಡೆ ಥರ ನಾನು ಅಂತಿದ್ದ ನಿಮ್ಮನ್ನ, ಈ ಹುಡುಗಿ ಹೋಗ್ತಾಹೋಗ್ತಾ ಕರ್ಗೋಗೊ ಹಾಗೆ ಮಾಡ್ಬಿಡ್ತಾಳೆ. ಅವ್ಳು ನಿಮ್ಮಲ್ಲಿ ಪ್ರೀತಿ, ವಾತ್ಸಲ್ಯ, ಸಂತೋಷ ಒಂತರ ಎಲ್ಲ ಭಾವನೆ ನಿಮ್ಮಲ್ಲಿ ಶುರು ಆಗೋ ಹಾಗೆ ಮಾಡಿರ್ತಾಳೆ. ಅವ್ಳಿಗೆ ನಿಮ್ ಕಣ್ಣಲ್ಲೂ ನೀರ್ ಹಾಕ್ಸೋ ತಾಕತ್ತಿರತ್ತೆ... ಇಂತ ಭಾವನೆಗಳು ನಿಮ್ಗೆ ಮುಂಚೆ ಅನುಭವಕ್ಕೆ ಬಂದಿರಲ್ಲ.

3. ಇದೊಂತರ ವಿಚಿತ್ರ. ಅವ್ಳ ಖುಷಿ ನಿಮಗೆ ಖುಷಿ ಕೊಡತ್ತೆ. ಅವಳ ಒಂದು ನಗು ಸಾಕು ನಿಮಗೆ ಸಿಕ್ಕಾಪಟ್ಟೆ ಖುಷಿಯಾಗಿರಕ್ಕೆ, ಅವ್ಳ ನಗು ಕಾರಣ ನಿಮ್ಗೆ ಬೇಕಿರಲ್ಲ, ಅವ್ಳ್ ನಕ್ರೆ ಸಾಕು.

4. ನಿಮ್ಮ ಎಲ್ಲ ಯೋಚನೆ, ನಿಮ್ಮ ಟೆನ್ಷನ್ನು ಎಲ್ಲ ದೂರ ಆಗಕ್ಕೆ ಅವಳ ಒಂದೇ ಒಂದು ನಗು ಸಾಕು. ಆ ಒಂದ್ ಕ್ಷಣ ಏನೋ ಒಂತರ ನೆಮ್ಮದಿ ಸಿಗೊಹಾಗ್ ಮಾಡತ್ತೆ.

ಮೂಲ

5. ಅವಳ ನಗು ನಿಮಗೆ ಖುಷಿ ತರತ್ತೆ ಅಂತ ಯಾವಾಗ್ಲೂ ಅವ್ಳು ನಿಮ್ಮತ್ರ ನಗ್ತನೇ ಇರ್ಬೇಕಿಲ್ಲ... ಅವ್ಳ್ ಜೊತೆ ಟೈಮ್ ಸ್ಪೆಂಡ್ ಮಾಡೊ ಭಾಗ್ಯ ನಿಮ್ಗೆ ಸಿಕ್ಕಿದ್ರೆ ಸಾಕಾಗಿರತ್ತೆ. ಅವ್ಳ್ ಜೊತೆ ಇರೋ ಅಷ್ಟೂ ಹೊತ್ತು ನಿಮ್ಗೆ ಮಧುರವಾದ ಕ್ಷಣ ಅನ್ನಿಸ್ತಿರತ್ತೆ.

6. ಎರಡು ದೇಹ ಒಂದೇ ಜೀವ ನಿಮ್ಮದು ಅನ್ನಿಸತ್ತೆ.

7. ಅವಳ ಎಲ್ಲ ಭಾವನೆ ನಿಮಗೆ ಆಕರ್ಷಕವಾಗಿರತ್ತೆ, ಅವಳ ಬಗ್ಗೆ ಪೂರ್ತಿ ತಿಳ್ಕೊಬೇಕು ಅಂತ ಅನ್ನಿಸತ್ತೆ ನಿಮಗೆ... ಅವ್ಳಲ್ಲಿರೊ ಒಳ್ಳೇದು, ಕೆಟ್ಟದ್ದು ಮತ್ತೆ ಸುಮಾರಾಗಿರೊ ವಿಚಾರ್ವೆಲ್ಲ ನಿಮ್ಗೆ ಓಕೆ ಆಗೋಗಿರತ್ತೆ... ಅವ್ಳನ್ನ ನೀವು ಆರಾಧಿಸಕ್ಕೆ ಶುರು ಮಾದ್ಬಿಟ್ಟಿರ್ತೀರ.

8. ಅವಳು ನಿಮ್ಮ ಕಡೆ ನಡ್ಕೊಂಡು ಬರ್ತಿದ್ರೆ ನಿಮ್ ಕಣ್ಣಿಗೆ ಬೇರೇನೂ ಕಾಣಲ್ಲ... ಎಲ್ಲ ಮಂಜ್ ಮಂಜು ಆಗೋಗತ್ತೆ... ಬರಿ ಅವಳೊಬ್ಬಳೇ... ನಿಮ್ಮ ಟೆನ್ಷನ್ನು, ನಿಮ್ಮ ಕೆಲಸಗಳೆಲ್ಲ ನೆನಪಾಗದೇ ಇಲ್ಲ, ಇಡೀ ಜೀವನ ಹೀಗೆ ಅವ್ಳನ್ನ ನೋಡ್ಕೊಂಡು ನೆಮ್ಮದಿಯಾಗಿದ್ಬಿಡ್ಬೇಕು ಅನ್ನಿಸತ್ತೆ.

ಮೂಲ

9. ಇವತ್ತಿನ ತಂಕ ಯಾರ್ ಹತ್ರನೂ ಹೇಳಿರದ ಗುಟ್ಟನ್ನ ಇವಳ ಹತ್ರ ಹೇಳ್ಕೊಬೇಕು ಅನ್ನಿಸತ್ತೆ. ನಿಮ್ಮ ಭಾವನೆಗಳ್ನೆಲ್ಲ ಅವ್ಳ್ ಹತ್ರ ಹಂಚ್ಕೊಬೇಕು ಅನ್ನಿಸತ್ತೆ. ನಿಮ್ಮೆಲ್ಲಾ ಗುಟ್ಟುಗಳ್ನ ಅವ್ಳು ಕಾಪಾಡ್ತಾಳೆ.

10. ನಿಮಗೆ ಗೊತ್ತಿಲ್ಲದ ಹಾಗೆ ಅವಳು ನಿಮ್ಮ ಪ್ರಪಂಚ ಆಗ್ಬಿಟ್ಟಿರ್ತಾಳೆ. ನೀವು ನಿಮ್ಮ ಮುಂದಿನ ಜೀವನದ ಬಗ್ಗೆ ಮಾಡೋ ಪ್ರತಿಯೊಂದು ಯೋಚನೇಲು ಅವಳಿಗೆ ಜಾಗ ಕೊಟ್ಟಿರ್ತೀರ.

11. ಕನಸಲೂ ನೀನೆ ಮನಸಲೂ ನೀನೆ... ದಿನಾ ಕನಸಲ್ಲಿ ಅವಳೇ ಬರ್ತಾಳೆ. ನಿಮಗೆ ಅವಳ್ ಬಿಟ್ಟು ಬೇರೇನೂ ಬೇಕಿರಲ್ಲ.

12. ಯಾವತ್ತೂ ಅನುಭವಿಸದ ಅನ್ಯೋನ್ಯತೆ ನಿಮಗೆ ಅವ್ಳ ಬಗ್ಗೆ. ಅಪ್ಪಿ ತಪ್ಪಿ ಒಂದ್ಸತಿ ಅವ್ಳನ್ನ ಮುಟ್ಟಿದ್ರೆ ಮೈ ಜುಮ್ ಅನ್ನತ್ತೆ, ತಲೆ ನಿಲ್ಲದೇ ಇಲ್ಲ. ಅವ್ಳನ್ನ ನಿಮ್ಮ ತೋಳಲ್ಲಿ ತಬ್ಬಿ ಹಿಡ್ಕೊಬೇಕು ಅನ್ನಿಸತ್ತೆ, ಹೀಗೆ ಜೀವನ ಪೂರ್ತಿ ಒಟ್ಟಿಗೆ ಇರ್ಬೇಕು ಅನ್ನಿಸ್ತಿರತ್ತೆ.

ಮೂಲ

13. ಬರಿ ಅದೇ ಅಂತಲ್ಲ, ಜಾಸ್ತಿ ಸುತ್ತಾಡ್ಬೇಕು ಅನ್ನೊಹಾಗೆ ಮಾಡ್ತಾಳೆ, ಬೇರೆ ಬೇರೆ ಹೋಟೆಲ್ಲಿಗೆ ಹೋಗಿ ಹೊಸ-ಹೊಸ ತಿಂಡಿ ಊಟ ಟ್ರೈ ಮಾಡ್ಬೇಕು ಅನ್ನಿಸೋ ಹಾಗೆ ಮಾಡ್ತಾಳೆ. ಪ್ರತಿ ಕ್ಷಣ ಜಗತ್ತು ಹೊಸದಾಗಿ ಕಾಣೋಹಾಗೆ ಮಾಡ್ತಾಳೆ. ನಿಮ್ಮ ಜೀವನ  ಇನ್ನು ಕುತೂಹಲಕಾರಿ ಆಗತ್ತೆ.

14. ನಿಮ್ಮ ಸ್ನೇಹಿತರಿಗೆ, ಮನೆಯವರಿಗೆಲ್ಲ ಅವಳನ್ನ ಪರಿಚಯ ಮಾಡ್ಸ್ ಬೇಕು ಅನ್ನಿಸತ್ತೆ. ಅವಳೆಷ್ಟು ಒಳ್ಳೇವ್ಳು ಅಂತ ನಿಮ್ಮ ಮನೆಯವರಿಗೆ ಖಂಡಿತ ಗೊತ್ತಾಗತ್ತೆ ಅಂತ ನಿಮಗನ್ನಿಸತ್ತೆ... ಅವ್ಳ ಗುಣ ಎಲ್ಲಾರ್ಗೂ ಹಿಡ್ಸೋ ಅಂತದ್ದು ಅಂತ ನಿಮ್ಗೆ ಎಷ್ಟರಮಟ್ಟಿಗೆ ಅನ್ನಿಸತ್ತೆ ಅಂದ್ರೆ ಕೆಲವೊಮ್ಮೆ ಇವಳನ್ನ ನನಗಿಂತ ಜಾಸ್ತಿ ನನ್ನ ಸ್ನೇಹಿತರೆ ಇಷ್ಟ ಪಡ್ತಿದಾರಲ್ಲಪ್ಪ ಅಂತ ಅನ್ನಿಸಿಬಿಡತ್ತೆ.

15. ನಿಮ್ಮ ಬಗ್ಗೆ ತುಂಬ ಕಾಳಜಿ ಮತ್ತೆ ಪ್ರೀತಿ ತೋರುಸ್ತಾಳೆ ಅವಳು, ಹೇಗೆ ಅಂತ ಹೇಳಕ್ಕಾಗಲ್ಲ. ದಿನ ನೀರ್ ಕುಡಿ ಅಂತ ಹೇಳೋದ್ರಿಂದ ನಿಮ್ಮ ಹುಟ್ಟು ಹಬ್ಬಕ್ಕೆ ಅದ್ಭುತವಾಗಿ ಒಂದು ಸುರ್ಪ್ರೈಸ್ ರೆಡಿ ಮಾಡೊತನ್ಕ ಎಲ್ಲ ಮಾಡಿರ್ತಾಳೆ... ನಿಮ್ಮನ್ನ ಯಾವಾಗ್ಲೂ ಖುಷಿಯಾಗಿ ನೋಡ್ಬೇಕು ಅನ್ನೋದು ಅವಳ ಆಸೆ ಆಗಿರತ್ತೆ.

16. ಅವ್ಳಿಗೆ ನಿಮ್ಮ ನಿಜವಾದ ಮುಖ ನೀವ್ ತೋರಿಸ್ತೀರ. ನಿಮಗೆ ಮೆಚ್ಚಿಸಕ್ಕೆ ನಾಟಕ ಆಡ್ಬೇಕು ಅಂತ ಅನ್ಸಲ್ಲ. ನೀವಾಗಿ ಅವಳೊಂದಿಗೆ ಆರಾಮಾಗಿ ಇರಬಹುದು. ನಿಮ್ಮ ಎಲ್ಲ ತುಂಟತನ ಮತ್ತೆ ತರ್ಲೆಗಳು ಅವ್ಳು ನಿಮ್ಮನ್ನ ಹೆಚ್ಚೆಚ್ಚು ಪ್ರೀತ್ಸೋ ಹಾಗೆ ಮಾಡತ್ತೆ. ಅವಳ ಜೊತೆ ನಿಮಗೆ ಯಾವ್ದೇ ಹಿಂಜರಿಕೆ ಇರಲ್ಲ.

ಮೂಲ

17. ಅವಳು ಸ್ವಂತಂತ್ರವಾಗಿ ತನ್ನ ಕೆಲಸ ತಾನು ಮಾಡ್ಕೊಂಡು ಇರೋಂತ ಹುಡುಗಿ ಆಗಿದ್ರು ಯಾವಾಗಾದ್ರೂ ಸಹಾಯ ಬೇಕು ಅನ್ಸಿದ್ರೆ, ನಿಮ್ಮನ್ನ ಕೇಳ್ತಾಳೆ. ನೀವು ಇಲ್ಲ ಅನ್ನಲ್ಲ ಅಂತ ಅವ್ಳಿಗೆ ಚೆನ್ನಾಗಿ ಗೊತ್ತಿರತ್ತೆ. ಯಾವತ್ತೂ ನಿಮಗೆ ಮೋಸ ಮಾಡಬೇಕು ಅನ್ನೋ ಯೋಚ್ನೆ ಇರಲ್ಲ.

18. ನಿಮಗೆ ಚೆನ್ನಾಗಿ ಗೊತ್ತಿರತ್ತೆ ಇವ್ಳು ಯಾವಾಗ್ಲೂ ಎಂತ ಸಮಯದಲ್ಲೂ ಜೊತೇಗೆ ಇರ್ತಾಳೆ ಅಂತ. ಕೆಲವೊಮ್ಮೆ ನಿಮಗೆ ಏನು ತೋಚದೇ, ಇನ್ನೇನು ದಾರಿ ಇಲ್ಲ ಅಂದಾಗ ಕೂಡ, ಇವಳು ನಿಮ್ಮನ್ನ ಬಿಡದೇ ಬೆನ್ನೆಲುಬಾಗಿ ನಿಲ್ತಾಳೆ ಅನ್ನಿಸತ್ತೆ.

19. ಯಾವುದೇ ಅನುಮಾನ ಇಲ್ಲದೆ ಕಣ್ಣು ಮುಚ್ಚಿಕೊಂಡು ಎಲ್ಲ ಸಮಯದಲ್ಲೂ ನಂಬಬಹುದು. ಅವಳು ಎಲ್ಲಿ, ಯಾರ್ ಜೊತೆ, ಯಾವ ಸಮಯದಲ್ಲಿ ಇದ್ದಳು, ಯಾಕೆ ಇದ್ದಳು ಅನ್ನೋದೆಲ್ಲ ನಿಮ್ಗೆ ದೊಡ್ಡ ವಿಷ್ಯ ಅನ್ಸದೇ ಇಲ್ಲ, ಅವ್ಳ ಬಗ್ಗೆ ಬಲವಾದ್ ನಂಬಿಕೆ ನಿಮ್ಗಿರತ್ತೆ. ನಿಮ್ಮ ಸಂಬಂದಾನೆ ಹಾಗೆ! ಇಬ್ಬರು ಒಬ್ಬರನ್ನ ಒಬ್ಬರು ಅಷ್ಟು ನಂಬ್ತೀರಿ, ಅಷ್ಟೇ ಗೌರವ ಕೊಡ್ತೀರಿ.

20. ಅವ್ಳು ಯಾವದಾದ್ರು ಕಾರಣಕ್ಕೆ ಬೇಜಾರಾಗಿದ್ರೆ ನಿಮಗೆ ತಡ್ಕೊಳಕ್ಕಾಗಲ್ಲ, ಯಾರಾದ್ರೂ ಬೇಜಾರ್ ಮಾಡಿದ್ರೆ ನೀವು ಅವ್ರನ್ನ ಸುಮ್ನೆ ಬಿಡಲ್ಲ. ಅವಳು ದುಃಖ ಪಡೋದನ್ನ ನಿಮಗೆ ಸಹಿಸಿಕೊಳಕ್ಕೆ ಆಗದೇ ಇಲ್ಲ.

ಮೂಲ

21. ನೀವು ನಿಮ್ಮ ಮುಂದಿನ ದಿನಗಳಿಗೆ ಅಂತ ಮಾಡಿದ ಎಲ್ಲ ಯೋಚನೆಲಿ ನಿಮಗೆ ಗೊತ್ತಿಲ್ಲದ ಹಾಗೆ ಅವಳನ್ನು ಸೇರಿಸಿಕೊಂಡಿರ್ತೀರ. ನೀವು ಸುತ್ತಾಡಬೇಕು ಅನ್ಕೊಂಡಿರೋ ಜಾಗ, ನೀವು ಮಾಡ್ಬೇಕು ಅನ್ಕೊಂಡಿರೋ ಸಾಹಸ, ಹೀಗೇ ಎಲ್ಲದ್ರಲ್ಲೂ ಅವ್ಳು ಇದ್ದೇ ಇರ್ತಾಳೆ...

22. ನಿಮಗೆ ಸರ್ವಸ್ವಾನು ಅವಳೇ ಆಗಿರ್ತಾಳೆ. ನೀವು ರಾತ್ರಿ ಮಲಗುವಾಗ ತೊಗೊಳೋ ಕೊನೆ ಹೆಸರು ಅವಳದ್ದೇ, ಬೆಳಗ್ಗೆ ಎದ್ದಾಗ ಹೇಳೋ ಮೊದಲನೇ ಹೆಸರು ಅವಳದ್ದೇ. ನಿಮ್ಮೆಲ್ಲ ತುಂಟಾಟದಲ್ಲಿ ಅವಳು ಇರ್ತಾಳೆ, ಅವಳ ಜೊತೆ ನಿಮ್ಮ ಜೀವನ ಪೂರ್ತಿ ಕಳೀಬೇಕು ಅಂತ ಅನ್ನಿಸತ್ತೆ. ಹೌದು ಅವಳೇ ನಿಮ್ಮ ಪ್ರೇಯಸಿ, ಅವಳೇ ನಿಮ್ಮ ನಿಜವಾದ ಸಂಗಾತಿ.

23. ನಿಮ್ಮ ಬದುಕು ಸಾರ್ಥಕ ಅಂತ ಅನ್ನಿಸೋದು, ಬದುಕಿಗೆ ಒಂದು ಅರ್ಥ ಅಂತ ಸಿಗೋದು, ಅವಳು ನಿಮ್ಮ ಜೊತೆ ಇದ್ದಾಗ ಮಾತ್ರ.

ಮೂಲ

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: