ಒಂದೇ ಒಂದು ಶರ್ಟ್ ಇಟ್ಕೊಂಡು ದುಬೈಗೆ ಹೋಗಿ ಬಿಲಿಯನೇರ್ ಆದ ಕನ್ನಡಿಗನ ಕಥೆ

ಸಾಲ ತೀರಿಸಕ್ಕೆ ಹೋಗಿದ್ದಂತೆ

ನಮ್ಮ ಮಂಗಳೂರು ಮೂಲದ ಶೆಟ್ರ ಕಥೆಯಿದು. ಕೇಳ್ತಾ ಇದ್ರೆ ಕನ್ನಡಿಗರಾದ ನಮಗೆ ಹೆಮ್ಮೆ ಅನ್ಸತ್ತೆ. ಉಡುಪಿ ಜಿಲ್ಲೆಯ ಕಾಪು ಅನ್ನೋ ಊರಲ್ಲಿ ಹುಟ್ಟಿದ ಇವರ ಪೂರ್ತಿ ಹೆಸರು ಬಾವಗುತ್ತು ರಘುರಾಮ್ ಶೆಟ್ಟಿ ಅಂತ. ಆದರಿವ್ರು ಬಿ.ಆರ್. ಶೆಟ್ಟಿ ಅಂತ್ಲೇ ಫೇಮಸ್ಸು. ದುಬೈಯಲ್ಲಿರೋ ಜಗತ್ತಿನ ಅತಿ ಎತ್ತರದ ಬಿಲ್ಡಿಂಗ್ ಬುರ್ಜ್ ಖಲೀಫಾದ 100ನೇ ಫ್ಲೋರ್ ಮಾಲೀಕರು. ಅದೇ ಬಿಲ್ಡಿಂಗ್ನ 141ನೇ ಫ್ಲೋರಲ್ಲಿ ಆಫೀಸು ಓಪನ್ ಮಾಡಿದ್ದಾರೆ ಶೆಟ್ರು. ಇಷ್ಟೆಲ್ಲಾ ಹೇಗೆ ಸಾಧಿಸಿದ್ರು, ಸಂಪಾದಿಸಿದ್ರು ಅಂತ ಕೇಳಿದ್ರೆ ಅಚ್ಚರಿಯಾಗತ್ತೆ.

1. 50 ಸಾವಿರ ರೂಪಾಯಿ ಸಾಲ ತೀರ್ಸಕ್ಕೆ ಅಂತ ಅವ್ರು ದುಬೈಗೆ ಹೋಗಿದ್ದು

ಆ ಹೊತ್ತು ಅವ್ರ ಹತ್ರ ಇದ್ದಿದ್ದು ಒಂದೇ ಒಂದು ಷರ್ಟು. ಅದ್ರ ಜೊತೆಗೆ 50 ಸಾವಿರ ರೂಪಾಯಿ ಸಾಲ ಇತ್ತು. ಅದನ್ನ ತೀರ್ಸಕ್ಕೆ ಅಂತ ದುಬೈಗೆ ಹೋದ್ರು. 50 ಸಾವಿರ ಸಂಪಾದನೆ ಮಾಡ್ಕೊಂಡು ಬಂದು ಸಾಲ ತೀರ್ಸೋಣ ಅಂತ 1973ರಲ್ಲಿ ದುಬೈ ಹೋಗ್ತಾರೆ.

2. ಈ ಹೊತ್ತು ಕೋಟಿಗಟ್ಟಲೆ ಸಂಪಾದ್ನೆ ಮಾಡಿದ್ದು, ಅದನ್ನ ಸಮಾಜಕ್ಕೆ ಬಳಸ್ತಾರಂತೆ

ಈಗ ಅವ್ರಿಗೆ 74 ವರ್ಷ ವಯಸ್ಸಾಗಿದೆ. ಯುಎಇಯಲ್ಲಿರೋ ಕನ್ನಡಿಗರಿಗೆಲ್ಲಾ ಶೆಟ್ರು ಅಂತ್ಲೇ ಪರಿಚಯ. ಈ ಹೊತ್ತು ಕೋಟಿಗಟ್ಲೆ ದುಡ್ದು ಮಾಡಿರೋ ಅವರು ಸಮಾಜಕ್ಕೆ, ಅದ್ರಲ್ಲೂ ತಾಯ್ನಾಡಿಗೆ ಅದನ್ನ ಹಿಂತಿರುಗಿಸ್ಬೇಕು ಅಂತ ಮನಸ್ಸು ಮಾಡಿದ್ದಾರಂತೆ. ಕೆರೆಯ ನೀರನು ಕೆರೆಗೆ ಚೆಲ್ಲಿ ಅನ್ನೋ ಫಿಲಾಸಫಿ ಅವರ್ದು.

3. ಜೋಗ ಜಲಪಾತ ಅಭಿವೃದ್ಧಿ ಮಾಡಕ್ಕೆ ಕೈಹಾಕಿದ್ದಾರೆ ಶೆಟ್ರು

"ಭಗವಂತ ನನಗೆ ಎಲ್ಲಾನೂ ಕೊಟ್ಟಿದ್ದಾನೆ. ಅವ್ನ ಕೃಪೆಯಿಂದ ಇಷ್ಟೆಲ್ಲಾ ದುಡ್ಡು ಸಂಪಾದನೆ ಮಾಡ್ದೆ. ಈಗ ನಮ್ಮ ನಾಡಿಗೆ ಏನಾದ್ರೂ ಮಾಡ್ಬೇಕು ಅಂತ ಇದೆ. ಅದಕ್ಕಾಗಿ ಜೋಗ ಜಲಪಾತಾನ ಅಭಿವೃದ್ಧಿ ಮಾಡಕ್ಕೆ ಹೊರಟಿದ್ದೀನಿ ಅಂತಾರೆ ಶೆಟ್ರು. 
 

4. ಒಂದು ಕಾಲ್ದಲ್ಲಿ ಸಮಾಜ ಸೇವೆ ಮಾಡಕ್ಕೋಗಿ ಎಲ್ಲಾನೂ ಕಳ್ಕೊಂಡಿದ್ರಂತೆ

"ಒಂದು ಕಾಲದಲ್ಲಿ ಸಮಾಜ ಸೇವೆ ಮಾಡಕ್ಕೋಗಿ ಎಲ್ಲಾನೂ ಕಳ್ಕೊಂಡೆ. ಈ ಹೊತ್ತು ದೇವ್ರು ಅದ್ರ ಹತ್ತು ಪಟ್ಟು ವಾಪಸ್ ಕೊಟ್ಟಿದ್ದಾನೆ. ಅದನ್ನ ಮತ್ತೆ ಸಮಾಜ ಸೇವೆಗೆ ಖರ್ಚು ಮಾಡ್ತೀನಿ" ಅಂತಾರೆ ಈ ಇಳಿವಯಸ್ಸಲ್ಲೂ ಗಟ್ಟಿಮುಟ್ಟಾಗಿರೋ ಶೆಟ್ರು.
 

5. "ನನ್ನತ್ರ ಇದ್ದಿದ್ದು ಒಂದೇ ಷರ್ಟು, ರಾತ್ರಿ ಒಗೆಯೋದು ಬೆಳಗ್ಗೆ ಅದನ್ನೇ ಹಾಕ್ಕೋಳ್ಳೋದು ಮಾಡ್ತಿದ್ದೆ"

"ಮೆಡಿಕಲ್ ರೆಫ್ರಸೆಂಟೇಟಿವ್ ಕೆಲಸಕ್ಕೆ ಅಂತ ಯುಎಇಗೆ ಹೋದಾಗ ನನ್ನತ್ರ ಇದ್ದಿದ್ದು ಒಂದೇ ಒಂದು ಷರ್ಟು. ಅದ್ರ ಜೊತೆಗೆ ಪಾರ್ಟ್ ಟೈಮ್ ಕೆಲಸಾನೂ ಮಾಡ್ತಿದ್ದೆ. ನನಗೆ ಇನ್ನೂ ನೆನಪಿದೆ. ನನ್ನತ್ರ ಇದ್ದದ್ದು ಒಂದೇ ಒಂದು ಷರ್ಟು. ರಾತ್ರಿ ಒಗೆಯೋದು, ಬೆಳಗ್ಗೆ ಅದನ್ನೇ ಹಾಕ್ಕೊಳ್ಳೋದು ಮಾಡ್ತಿದ್ದೆ. ಆಮೇಲೆ ಪಾರ್ಟ್ಟೈಮ್ ಕೆಲಸದಲ್ಲಿ ಬಂದ ಕಮೀಷನ್ ದುಡ್ಡಲ್ಲಿ 10 ದಿನಾರ್ ಕೊಟ್ಟು ಹೊಸ ಶರ್ಟ್ ತಗೊಂಡಿದ್ದೆ." ಅಂತ ಹಳೆ ದಿನಗಳನ್ನ ನೆನಸ್ಕೊಳ್ತಾರೆ ಅವರು. 
 

6. "ದುಬೈ ವಿಪರೀತ ಬಿಸ್ಲಲ್ಲೂ ಆಸ್ಪತ್ರೆಯಿಂದ ಆಸ್ಪತ್ರೆಗೆ ಮೆಡಿಸಿನ್ ಮಾರಕ್ಕೆ ಹೋಗ್ತಿದ್ದೆ"

"ನಾನು ಫಾರ್ಮಸಿ ಓದ್ದ ಕಾರಣ, ಅಲ್ಲಿನ ಡಾ. ಇಸ್ಮಾಯಿಲ್ ಫಾಹಿಮಾ ಫಾರ್ಮಾಸಿಯಲ್ಲಿ ಫಾರ್ಮಾಸಿಟ್ ಆಗಿ ಕೆಲ್ಸಕ್ಕೆ ಸೇರ್ಕೊಂಡೆ. ಮೊದ್ಲೇ ಅಲ್ಲಿ ವಿಪರೀಪ ಬಿಸ್ಲು. ಅಂತದ್ದರಲ್ಲಿ ನಾನು ಆಸ್ಪತ್ರೆಯಿಂದ ಆಸ್ಪತ್ರೆಗೆ ಮೆಡಿಸಿನ್ಸ್ ಸೇಲ್ ಮಾಡಕ್ಕೆ ಹೋಗ್ತಿದ್ದೆ. ನನ್ನ ಜೀವನಕ್ಕೆ ಟರ್ನಿಂಗ್ ಪಾಯಿಂಟ್ ಕೊಟ್ಟ ಫಾಹಿಮಾ ಅವ್ರಿಗೆ ನಾನು ಯಾವತ್ತೂ ಋಣಿ" ಅಂತಾರೆ ಶೆಟ್ರು.
 

7. ಯುಎಇಲಿ ಶೆಟ್ರು ಆಸ್ಪತ್ರೆ ಓಪನ್ ಮಾಡ್ತಾಗ ಜನ ನಗಾಡ್ತಿದ್ರಂತೆ

ಯುಎಇಲಿ ಶೆಟ್ರು ಚಿಕ್ಕದಾಗಿ ಒಂದು ಆಸ್ಪತ್ರೆ ಶುರು ಮಾಡ್ತಾರೆ. ಇವರನ್ನ ನೋಡಿ ಸುಮಾರು ಜನ ನಗಾಡ್ತಾರೆ. ಯುಎಇ ಸರ್ಕಾರ ಮೆಡಿಕಲ್ ಫೆಸಿಲಿಟೀಸು ಫ್ರೀಯಾಗಿ ಕೊಡ್ತಿದ್ರೆ ಇವ್ರೇನ್ರಿ ಆಸ್ಪತ್ರೆ ಓಪನ್ ಮಾಡಿದ್ದಾರೆ ಅಂತ ನಗಾಡ್ತಿದ್ರಂತೆ. ನಗೋವ್ರು ನಗ್ತಾನೇ ಇದ್ರು, ಆದ್ರೆ ಶೆಟ್ರು ಮಾತ್ರ ತಲೆಕೆಡಿಸಿಕೊಳ್ಳಲಿಲ್ಲ. ತಮ್ಮ ಪ್ರಯತ್ನ ಮಾಡ್ತಾನೇ ಇದ್ರು. ಈಹೊತ್ತು ಅವರ ಆಸ್ಪತ್ರೆಗಳಲ್ಲಿ ವರ್ಷಕ್ಕೆ 25 ಲಕ್ಷ ರೋಗಿಗಳು ಚಿಕಿತ್ಸೆ ಪಡೀತಿದ್ದಾರಂತೆ. ಒಟ್ಟು 15 ಮೆಡಿಕಲ್ ಸೆಂಟರ್ಗಳು ಇದ್ದಾವಂತೆ. 
 

8. ಶೆಟ್ರು ತೀರಾ ಬಡತನದಲ್ಲೇನು ಹುಟ್ಲಿಲ್ಲ, ಅವರ್ದು ಜಮೀನ್ದಾರಿ ಕುಟುಂಬ

"ನಾನು ಹುಟ್ಟಿದ್ದು ಶ್ರೀಮಂತ ಮನೆತನದಲ್ಲೇ. ನಮ್ದು ಜಮೀನ್ದಾರರ ಕುಟುಂಬ. ಆದ್ರೂ ಎಲ್ಲಾ ಕಳ್ಕೊಂಡ್ವಿ. ನನಗೆ ಉಳಿದಿದ್ದ ಕೊನೆ ಆಯ್ಕೆ ಅಂದ್ರೆ ಯುಎಇಗೆ ಹೋಗೋದು. ಮೇ 3, 1973ರಲ್ಲಿ ಹೊರಟೆ. ನಮ್ಮ ತಂದೆ ಶಂಭು ಶೆಟ್ಟಿ ಮೇಲಿನ ನಂಬಿಕೆಯಿಂದ ನನಗೆ ಸಾಲ ಕೊಟ್ಟಿದ್ರು. ಆ ಸಾಲಾನ ಹೇಗಾದ್ರು ಮಾಡಿ ತೀರಿಸ್ಲೇಬೇಕಿತ್ತು" ಅಂತ ಆ ದಿನಗಳನ್ನ ನೆನಪಿಸ್ಕೊಳ್ತಾರೆ ಶೆಟ್ರು. ಈಹೊತ್ತು ಬುರ್ಜ್ ಖಲೀಫಾದಲ್ಲಿರೋ ಅವ್ರ ಎರಡು ಫ್ಲೋರ್ ಬೆಲೆ 250 ಲಕ್ಷ ಡಾಲರ್. 
 

9. ಶೆಟ್ರ ಗೋಬ್ಲಲ್ ಮನಿ ಟ್ರಾನ್ಸಫರ್ ಕಂಪನಿ ಹೆಸ್ರು-ಯುಎಇ ಎಕ್ಸ್‌ಚೇಂಜ್

"ಅಪ್ಪಅಮ್ಮ, ಬಂಧುಬಳಗ, ಹೆಂಡ್ತಿ ಮಕ್ಕಳನ್ನ ಬಿಟ್ಟು ಎಲ್ಲೋ ದೂರದ ದೇಶಗಳಲ್ಲಿ ಇರೋರಿಗೆ ಅನುಕೂಲ ಆಗ್ಲಿ ಅಂತ ಯುಎಇ ಎಕ್ಸ್‌ಚೇಂಜ್ ಶುರು ಮಾಡ್ದೆ. ಇದೊಂದು ಗ್ಲೋಬಲ್ ಮನಿ ಟ್ರಾನ್ಸರ್ ಕಂಪನಿ. 32 ದೇಶಗಳಲ್ಲಿ ಕೆಲಸ ಮಾಡ್ತಿರೋ ಇದ್ರಲ್ಲಿ 750 ಜನ ಡೈರೆಕ್ಟ್ ಆಫೀಸರ್ಸ್ ಇದ್ದಾರೆ. 40 ದೇಶಗಳ 10,000 ಜನಕ್ಕೆ ಕೆಲಸ ಕೊಟ್ಟಿದೆ” ಅಂತ ತಮ್ಮ ಕಂಪನಿ ಬಗ್ಗೆ ಹೆಮ್ಮೆಯಿಂದ ಹೇಳ್ಕೋತಾರೆ ಶೆಟ್ಟಿ.
 

10. "ಸಮಾಜ ನಮ್ಗೆ ಇಷ್ಟೆಲ್ಲಾ ಕೊಟ್ಟಿದೆ, ತಿರುಗಿ ಅದನ್ನ ಸಮಾಜಕ್ಕೆ ಕೊಡೋದು ನಮ್ ಕರ್ತವ್ಯ"

ಅಬುದಾಬಿ ಸರ್ಕಾರ ಇವ್ರಿಗೆ ’ಆರ್ಡರ್ ಆಫ್ ಅಬುದಬಿ’ ಅನ್ನೋ ಆ ದೇಶದ ಅತಿದೊಡ್ಡ ನಾಗರೀಕ ಪ್ರಶಸ್ತಿ ಕೊಟ್ಟಿದೆ. ನಮ್ಮ ಸರ್ಕಾರ 2009ರಲ್ಲಿ ಪದ್ಮಶ್ರೀ ಅವಾರ್ಡ್ ಕೊಟ್ಟಿದೆ. "ಸಮಾಜ ನಮ್ಮನ್ನ ಈ ಮಟ್ಟಕ್ಕೆ ಬೆಳ್ಸಿದೆ, ಎಲ್ಲವನ್ನ ಕೊಟ್ಟಿದೆ. ಅದನ್ನ ತಿರುಗಿ ಸಮಾಜಕ್ಕೆ ಕೊಡೋದು ನಮ್ಮ ಕರ್ತವ್ಯ. ನಿಮ್ಮ ಸಕ್ಸಸನ್ನ ಶೇರ್ ಮಾಡ್ಕೊಂದ್ರೆ ಅದು ಡಬಲ್ ಆಗುತ್ತೆ. ನಾನು ನಂಬಿರೋ ಸಿದ್ದಾಂತ ಇದೇ. ಅದು ನನ್ನ ಎಂದಿಗೂ ಕೈಬಿಟ್ಟಿಲ್ಲ" ಅಂತಾರೆ ಬಿ.ಆರ್.ಶೆಟ್ಟಿ. 

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಮೆಚ್ಚಿನ ಅಂತೆಕಂತೆ ಈಗ YouTube ನಲ್ಲಿ

ಈ ಬಟನ್ ಒತ್ತಿ subscribe ಮಾಡಿಕೊಳ್ಳಿ:
 

ಅವಳು ನಿನ್ನವಳೇ ಆಗಿದ್ದರೆ ಈಗಾಗಲೇ ಈ 23 ಗುರುತುಗಳಲ್ಲಿ ಕೆಲವಾದರೂ‌ ಕಂಡಿರಬೇಕು

ಕಂಡಿದ್ದರೆ ನಿನ್ನ ಜೀವನಸಂಗಾತಿ ಅವಳೇ

ಜೀವನದಲ್ಲಿ ಇಂತ ಅದ್ಭುತ ನಡಿಯೋದು ಒಂದೇ ಒಂದು ಸತಿ. ನಿಮ್ಮ ಜೀವನಕ್ಕೆ ಬೆಳಕ್ ತರ ಬಂದು, ನಿಮ್ಮ ಸುಖ ದುಃಖದಲ್ಲೆಲ್ಲ ಜೊತೆಗಿದ್ದು, ಇವಳೇ ನಿಮ್ಮ ಸಂಗಾತಿ ಇರ್ಬೋದೆನೋ ಅಂತ ಅನ್ನಿಸ್ತಿದ್ರೆ, ಅವ್ಳಲ್ಲಿ ಈ ಕೆಳ್ಗಿರೊ ಗುಣಗಳಿದ್ರೆ ಡೌಟೇ ಬೇಡ ಅವ್ಳು ನಿಮ್ ಹುಡ್ಗಿ...

1. ಅವಳು ನಿಮ್ಮ್ ಜೊತೆ ಇದ್ದಾಗ ನಿಮಗೆ ಏನೋ ಒಂದು ಪ್ರೇರಣೆ, ನಿನ್ನೆಗಿಂತ ನನ್ನ ಜೀವನ ಇನ್ನು ಚೆನಾಗ್ ಆಗ್ಬೇಕು, ಕಷ್ಟ ಪಟ್ಟು ಜೀವನದಲ್ಲಿ ಇನ್ನು ಮೇಲೇರಬೇಕು ಅಂತ ಅನ್ನಿಸತ್ತೆ.

2. ಏಯ್ ಗಟ್ಟಿ ಗಂಡಸು ಮಾರ್ರೆ ನಾನು, ಯಾವ್ ಸೆಂಟಿಮೆಂಟು ನನ್ನತ್ರ ನಡಿಯಲ್ಲ, ಕಲ್ಲು ಬಂಡೆ ಥರ ನಾನು ಅಂತಿದ್ದ ನಿಮ್ಮನ್ನ, ಈ ಹುಡುಗಿ ಹೋಗ್ತಾಹೋಗ್ತಾ ಕರ್ಗೋಗೊ ಹಾಗೆ ಮಾಡ್ಬಿಡ್ತಾಳೆ. ಅವ್ಳು ನಿಮ್ಮಲ್ಲಿ ಪ್ರೀತಿ, ವಾತ್ಸಲ್ಯ, ಸಂತೋಷ ಒಂತರ ಎಲ್ಲ ಭಾವನೆ ನಿಮ್ಮಲ್ಲಿ ಶುರು ಆಗೋ ಹಾಗೆ ಮಾಡಿರ್ತಾಳೆ. ಅವ್ಳಿಗೆ ನಿಮ್ ಕಣ್ಣಲ್ಲೂ ನೀರ್ ಹಾಕ್ಸೋ ತಾಕತ್ತಿರತ್ತೆ... ಇಂತ ಭಾವನೆಗಳು ನಿಮ್ಗೆ ಮುಂಚೆ ಅನುಭವಕ್ಕೆ ಬಂದಿರಲ್ಲ.

3. ಇದೊಂತರ ವಿಚಿತ್ರ. ಅವ್ಳ ಖುಷಿ ನಿಮಗೆ ಖುಷಿ ಕೊಡತ್ತೆ. ಅವಳ ಒಂದು ನಗು ಸಾಕು ನಿಮಗೆ ಸಿಕ್ಕಾಪಟ್ಟೆ ಖುಷಿಯಾಗಿರಕ್ಕೆ, ಅವ್ಳ ನಗು ಕಾರಣ ನಿಮ್ಗೆ ಬೇಕಿರಲ್ಲ, ಅವ್ಳ್ ನಕ್ರೆ ಸಾಕು.

4. ನಿಮ್ಮ ಎಲ್ಲ ಯೋಚನೆ, ನಿಮ್ಮ ಟೆನ್ಷನ್ನು ಎಲ್ಲ ದೂರ ಆಗಕ್ಕೆ ಅವಳ ಒಂದೇ ಒಂದು ನಗು ಸಾಕು. ಆ ಒಂದ್ ಕ್ಷಣ ಏನೋ ಒಂತರ ನೆಮ್ಮದಿ ಸಿಗೊಹಾಗ್ ಮಾಡತ್ತೆ.

ಮೂಲ

5. ಅವಳ ನಗು ನಿಮಗೆ ಖುಷಿ ತರತ್ತೆ ಅಂತ ಯಾವಾಗ್ಲೂ ಅವ್ಳು ನಿಮ್ಮತ್ರ ನಗ್ತನೇ ಇರ್ಬೇಕಿಲ್ಲ... ಅವ್ಳ್ ಜೊತೆ ಟೈಮ್ ಸ್ಪೆಂಡ್ ಮಾಡೊ ಭಾಗ್ಯ ನಿಮ್ಗೆ ಸಿಕ್ಕಿದ್ರೆ ಸಾಕಾಗಿರತ್ತೆ. ಅವ್ಳ್ ಜೊತೆ ಇರೋ ಅಷ್ಟೂ ಹೊತ್ತು ನಿಮ್ಗೆ ಮಧುರವಾದ ಕ್ಷಣ ಅನ್ನಿಸ್ತಿರತ್ತೆ.

6. ಎರಡು ದೇಹ ಒಂದೇ ಜೀವ ನಿಮ್ಮದು ಅನ್ನಿಸತ್ತೆ.

7. ಅವಳ ಎಲ್ಲ ಭಾವನೆ ನಿಮಗೆ ಆಕರ್ಷಕವಾಗಿರತ್ತೆ, ಅವಳ ಬಗ್ಗೆ ಪೂರ್ತಿ ತಿಳ್ಕೊಬೇಕು ಅಂತ ಅನ್ನಿಸತ್ತೆ ನಿಮಗೆ... ಅವ್ಳಲ್ಲಿರೊ ಒಳ್ಳೇದು, ಕೆಟ್ಟದ್ದು ಮತ್ತೆ ಸುಮಾರಾಗಿರೊ ವಿಚಾರ್ವೆಲ್ಲ ನಿಮ್ಗೆ ಓಕೆ ಆಗೋಗಿರತ್ತೆ... ಅವ್ಳನ್ನ ನೀವು ಆರಾಧಿಸಕ್ಕೆ ಶುರು ಮಾದ್ಬಿಟ್ಟಿರ್ತೀರ.

8. ಅವಳು ನಿಮ್ಮ ಕಡೆ ನಡ್ಕೊಂಡು ಬರ್ತಿದ್ರೆ ನಿಮ್ ಕಣ್ಣಿಗೆ ಬೇರೇನೂ ಕಾಣಲ್ಲ... ಎಲ್ಲ ಮಂಜ್ ಮಂಜು ಆಗೋಗತ್ತೆ... ಬರಿ ಅವಳೊಬ್ಬಳೇ... ನಿಮ್ಮ ಟೆನ್ಷನ್ನು, ನಿಮ್ಮ ಕೆಲಸಗಳೆಲ್ಲ ನೆನಪಾಗದೇ ಇಲ್ಲ, ಇಡೀ ಜೀವನ ಹೀಗೆ ಅವ್ಳನ್ನ ನೋಡ್ಕೊಂಡು ನೆಮ್ಮದಿಯಾಗಿದ್ಬಿಡ್ಬೇಕು ಅನ್ನಿಸತ್ತೆ.

ಮೂಲ

9. ಇವತ್ತಿನ ತಂಕ ಯಾರ್ ಹತ್ರನೂ ಹೇಳಿರದ ಗುಟ್ಟನ್ನ ಇವಳ ಹತ್ರ ಹೇಳ್ಕೊಬೇಕು ಅನ್ನಿಸತ್ತೆ. ನಿಮ್ಮ ಭಾವನೆಗಳ್ನೆಲ್ಲ ಅವ್ಳ್ ಹತ್ರ ಹಂಚ್ಕೊಬೇಕು ಅನ್ನಿಸತ್ತೆ. ನಿಮ್ಮೆಲ್ಲಾ ಗುಟ್ಟುಗಳ್ನ ಅವ್ಳು ಕಾಪಾಡ್ತಾಳೆ.

10. ನಿಮಗೆ ಗೊತ್ತಿಲ್ಲದ ಹಾಗೆ ಅವಳು ನಿಮ್ಮ ಪ್ರಪಂಚ ಆಗ್ಬಿಟ್ಟಿರ್ತಾಳೆ. ನೀವು ನಿಮ್ಮ ಮುಂದಿನ ಜೀವನದ ಬಗ್ಗೆ ಮಾಡೋ ಪ್ರತಿಯೊಂದು ಯೋಚನೇಲು ಅವಳಿಗೆ ಜಾಗ ಕೊಟ್ಟಿರ್ತೀರ.

11. ಕನಸಲೂ ನೀನೆ ಮನಸಲೂ ನೀನೆ... ದಿನಾ ಕನಸಲ್ಲಿ ಅವಳೇ ಬರ್ತಾಳೆ. ನಿಮಗೆ ಅವಳ್ ಬಿಟ್ಟು ಬೇರೇನೂ ಬೇಕಿರಲ್ಲ.

12. ಯಾವತ್ತೂ ಅನುಭವಿಸದ ಅನ್ಯೋನ್ಯತೆ ನಿಮಗೆ ಅವ್ಳ ಬಗ್ಗೆ. ಅಪ್ಪಿ ತಪ್ಪಿ ಒಂದ್ಸತಿ ಅವ್ಳನ್ನ ಮುಟ್ಟಿದ್ರೆ ಮೈ ಜುಮ್ ಅನ್ನತ್ತೆ, ತಲೆ ನಿಲ್ಲದೇ ಇಲ್ಲ. ಅವ್ಳನ್ನ ನಿಮ್ಮ ತೋಳಲ್ಲಿ ತಬ್ಬಿ ಹಿಡ್ಕೊಬೇಕು ಅನ್ನಿಸತ್ತೆ, ಹೀಗೆ ಜೀವನ ಪೂರ್ತಿ ಒಟ್ಟಿಗೆ ಇರ್ಬೇಕು ಅನ್ನಿಸ್ತಿರತ್ತೆ.

ಮೂಲ

13. ಬರಿ ಅದೇ ಅಂತಲ್ಲ, ಜಾಸ್ತಿ ಸುತ್ತಾಡ್ಬೇಕು ಅನ್ನೊಹಾಗೆ ಮಾಡ್ತಾಳೆ, ಬೇರೆ ಬೇರೆ ಹೋಟೆಲ್ಲಿಗೆ ಹೋಗಿ ಹೊಸ-ಹೊಸ ತಿಂಡಿ ಊಟ ಟ್ರೈ ಮಾಡ್ಬೇಕು ಅನ್ನಿಸೋ ಹಾಗೆ ಮಾಡ್ತಾಳೆ. ಪ್ರತಿ ಕ್ಷಣ ಜಗತ್ತು ಹೊಸದಾಗಿ ಕಾಣೋಹಾಗೆ ಮಾಡ್ತಾಳೆ. ನಿಮ್ಮ ಜೀವನ  ಇನ್ನು ಕುತೂಹಲಕಾರಿ ಆಗತ್ತೆ.

14. ನಿಮ್ಮ ಸ್ನೇಹಿತರಿಗೆ, ಮನೆಯವರಿಗೆಲ್ಲ ಅವಳನ್ನ ಪರಿಚಯ ಮಾಡ್ಸ್ ಬೇಕು ಅನ್ನಿಸತ್ತೆ. ಅವಳೆಷ್ಟು ಒಳ್ಳೇವ್ಳು ಅಂತ ನಿಮ್ಮ ಮನೆಯವರಿಗೆ ಖಂಡಿತ ಗೊತ್ತಾಗತ್ತೆ ಅಂತ ನಿಮಗನ್ನಿಸತ್ತೆ... ಅವ್ಳ ಗುಣ ಎಲ್ಲಾರ್ಗೂ ಹಿಡ್ಸೋ ಅಂತದ್ದು ಅಂತ ನಿಮ್ಗೆ ಎಷ್ಟರಮಟ್ಟಿಗೆ ಅನ್ನಿಸತ್ತೆ ಅಂದ್ರೆ ಕೆಲವೊಮ್ಮೆ ಇವಳನ್ನ ನನಗಿಂತ ಜಾಸ್ತಿ ನನ್ನ ಸ್ನೇಹಿತರೆ ಇಷ್ಟ ಪಡ್ತಿದಾರಲ್ಲಪ್ಪ ಅಂತ ಅನ್ನಿಸಿಬಿಡತ್ತೆ.

15. ನಿಮ್ಮ ಬಗ್ಗೆ ತುಂಬ ಕಾಳಜಿ ಮತ್ತೆ ಪ್ರೀತಿ ತೋರುಸ್ತಾಳೆ ಅವಳು, ಹೇಗೆ ಅಂತ ಹೇಳಕ್ಕಾಗಲ್ಲ. ದಿನ ನೀರ್ ಕುಡಿ ಅಂತ ಹೇಳೋದ್ರಿಂದ ನಿಮ್ಮ ಹುಟ್ಟು ಹಬ್ಬಕ್ಕೆ ಅದ್ಭುತವಾಗಿ ಒಂದು ಸುರ್ಪ್ರೈಸ್ ರೆಡಿ ಮಾಡೊತನ್ಕ ಎಲ್ಲ ಮಾಡಿರ್ತಾಳೆ... ನಿಮ್ಮನ್ನ ಯಾವಾಗ್ಲೂ ಖುಷಿಯಾಗಿ ನೋಡ್ಬೇಕು ಅನ್ನೋದು ಅವಳ ಆಸೆ ಆಗಿರತ್ತೆ.

16. ಅವ್ಳಿಗೆ ನಿಮ್ಮ ನಿಜವಾದ ಮುಖ ನೀವ್ ತೋರಿಸ್ತೀರ. ನಿಮಗೆ ಮೆಚ್ಚಿಸಕ್ಕೆ ನಾಟಕ ಆಡ್ಬೇಕು ಅಂತ ಅನ್ಸಲ್ಲ. ನೀವಾಗಿ ಅವಳೊಂದಿಗೆ ಆರಾಮಾಗಿ ಇರಬಹುದು. ನಿಮ್ಮ ಎಲ್ಲ ತುಂಟತನ ಮತ್ತೆ ತರ್ಲೆಗಳು ಅವ್ಳು ನಿಮ್ಮನ್ನ ಹೆಚ್ಚೆಚ್ಚು ಪ್ರೀತ್ಸೋ ಹಾಗೆ ಮಾಡತ್ತೆ. ಅವಳ ಜೊತೆ ನಿಮಗೆ ಯಾವ್ದೇ ಹಿಂಜರಿಕೆ ಇರಲ್ಲ.

ಮೂಲ

17. ಅವಳು ಸ್ವಂತಂತ್ರವಾಗಿ ತನ್ನ ಕೆಲಸ ತಾನು ಮಾಡ್ಕೊಂಡು ಇರೋಂತ ಹುಡುಗಿ ಆಗಿದ್ರು ಯಾವಾಗಾದ್ರೂ ಸಹಾಯ ಬೇಕು ಅನ್ಸಿದ್ರೆ, ನಿಮ್ಮನ್ನ ಕೇಳ್ತಾಳೆ. ನೀವು ಇಲ್ಲ ಅನ್ನಲ್ಲ ಅಂತ ಅವ್ಳಿಗೆ ಚೆನ್ನಾಗಿ ಗೊತ್ತಿರತ್ತೆ. ಯಾವತ್ತೂ ನಿಮಗೆ ಮೋಸ ಮಾಡಬೇಕು ಅನ್ನೋ ಯೋಚ್ನೆ ಇರಲ್ಲ.

18. ನಿಮಗೆ ಚೆನ್ನಾಗಿ ಗೊತ್ತಿರತ್ತೆ ಇವ್ಳು ಯಾವಾಗ್ಲೂ ಎಂತ ಸಮಯದಲ್ಲೂ ಜೊತೇಗೆ ಇರ್ತಾಳೆ ಅಂತ. ಕೆಲವೊಮ್ಮೆ ನಿಮಗೆ ಏನು ತೋಚದೇ, ಇನ್ನೇನು ದಾರಿ ಇಲ್ಲ ಅಂದಾಗ ಕೂಡ, ಇವಳು ನಿಮ್ಮನ್ನ ಬಿಡದೇ ಬೆನ್ನೆಲುಬಾಗಿ ನಿಲ್ತಾಳೆ ಅನ್ನಿಸತ್ತೆ.

19. ಯಾವುದೇ ಅನುಮಾನ ಇಲ್ಲದೆ ಕಣ್ಣು ಮುಚ್ಚಿಕೊಂಡು ಎಲ್ಲ ಸಮಯದಲ್ಲೂ ನಂಬಬಹುದು. ಅವಳು ಎಲ್ಲಿ, ಯಾರ್ ಜೊತೆ, ಯಾವ ಸಮಯದಲ್ಲಿ ಇದ್ದಳು, ಯಾಕೆ ಇದ್ದಳು ಅನ್ನೋದೆಲ್ಲ ನಿಮ್ಗೆ ದೊಡ್ಡ ವಿಷ್ಯ ಅನ್ಸದೇ ಇಲ್ಲ, ಅವ್ಳ ಬಗ್ಗೆ ಬಲವಾದ್ ನಂಬಿಕೆ ನಿಮ್ಗಿರತ್ತೆ. ನಿಮ್ಮ ಸಂಬಂದಾನೆ ಹಾಗೆ! ಇಬ್ಬರು ಒಬ್ಬರನ್ನ ಒಬ್ಬರು ಅಷ್ಟು ನಂಬ್ತೀರಿ, ಅಷ್ಟೇ ಗೌರವ ಕೊಡ್ತೀರಿ.

20. ಅವ್ಳು ಯಾವದಾದ್ರು ಕಾರಣಕ್ಕೆ ಬೇಜಾರಾಗಿದ್ರೆ ನಿಮಗೆ ತಡ್ಕೊಳಕ್ಕಾಗಲ್ಲ, ಯಾರಾದ್ರೂ ಬೇಜಾರ್ ಮಾಡಿದ್ರೆ ನೀವು ಅವ್ರನ್ನ ಸುಮ್ನೆ ಬಿಡಲ್ಲ. ಅವಳು ದುಃಖ ಪಡೋದನ್ನ ನಿಮಗೆ ಸಹಿಸಿಕೊಳಕ್ಕೆ ಆಗದೇ ಇಲ್ಲ.

ಮೂಲ

21. ನೀವು ನಿಮ್ಮ ಮುಂದಿನ ದಿನಗಳಿಗೆ ಅಂತ ಮಾಡಿದ ಎಲ್ಲ ಯೋಚನೆಲಿ ನಿಮಗೆ ಗೊತ್ತಿಲ್ಲದ ಹಾಗೆ ಅವಳನ್ನು ಸೇರಿಸಿಕೊಂಡಿರ್ತೀರ. ನೀವು ಸುತ್ತಾಡಬೇಕು ಅನ್ಕೊಂಡಿರೋ ಜಾಗ, ನೀವು ಮಾಡ್ಬೇಕು ಅನ್ಕೊಂಡಿರೋ ಸಾಹಸ, ಹೀಗೇ ಎಲ್ಲದ್ರಲ್ಲೂ ಅವ್ಳು ಇದ್ದೇ ಇರ್ತಾಳೆ...

22. ನಿಮಗೆ ಸರ್ವಸ್ವಾನು ಅವಳೇ ಆಗಿರ್ತಾಳೆ. ನೀವು ರಾತ್ರಿ ಮಲಗುವಾಗ ತೊಗೊಳೋ ಕೊನೆ ಹೆಸರು ಅವಳದ್ದೇ, ಬೆಳಗ್ಗೆ ಎದ್ದಾಗ ಹೇಳೋ ಮೊದಲನೇ ಹೆಸರು ಅವಳದ್ದೇ. ನಿಮ್ಮೆಲ್ಲ ತುಂಟಾಟದಲ್ಲಿ ಅವಳು ಇರ್ತಾಳೆ, ಅವಳ ಜೊತೆ ನಿಮ್ಮ ಜೀವನ ಪೂರ್ತಿ ಕಳೀಬೇಕು ಅಂತ ಅನ್ನಿಸತ್ತೆ. ಹೌದು ಅವಳೇ ನಿಮ್ಮ ಪ್ರೇಯಸಿ, ಅವಳೇ ನಿಮ್ಮ ನಿಜವಾದ ಸಂಗಾತಿ.

23. ನಿಮ್ಮ ಬದುಕು ಸಾರ್ಥಕ ಅಂತ ಅನ್ನಿಸೋದು, ಬದುಕಿಗೆ ಒಂದು ಅರ್ಥ ಅಂತ ಸಿಗೋದು, ಅವಳು ನಿಮ್ಮ ಜೊತೆ ಇದ್ದಾಗ ಮಾತ್ರ.

ಮೂಲ

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: