ಈ 20 ವಿಷಯಗಳು ಗೊತ್ತಾದಾಗ ನಿಮಗೆ ಹುಲಿ ತುಂಬಾನೇ ಹತ್ತಿರ ಆಗುತ್ತೆ (ಹೆದುರ್ಕೋಬೇಡಿ, ಕಚ್ಚಲ್ಲ)

ಹಬ್ಬಿದಾ ಮಲೆ ಮಧ್ಯದೊಳಗಿನ ಅರ್ಬುದ ಇವನೇನೆ

ವಿಶ್ವದ ಹುಲಿಗಳ ಪೈಕಿ ಶೇ 70 ರಷ್ಟು ನಮ್ಮ ದೇಶದಲ್ಲಿ ಇದೆ. ವಿಶೇಷ ಏನಂದ್ರೆ ಅತಿ ಹೆಚ್ಚು ಹುಲಿಗಳಿರೋ ರಾಜ್ಯ ಕರ್ನಾಟಕ. 2016 ಸೆನ್ಸಸ್ ಪ್ರಕಾರ ಪ್ರಪಂಚದಲ್ಲಿ 3890 ಹುಲಿ ಇದೆ. ಮತ್ತೆ ನಮ್ ದೇಶದಲ್ಲೇ 2000 ಹುಲಿ ಇದೆ. ಅದ್ರಲ್ಲೂ ಕರ್ನಾಟಕ, ತಮಿಳುನಾಡಿ, ಕೇರಳ ಗೋವಾದಲ್ಲಿ ಸಿಕ್ಕಾಪಟ್ಟೆ ಹುಲಿ ಇದೆ. ನಮ್ ಪೋಸ್ಟ್ ಡಿಪಾರ್ಟೆಮೆಂಟು 1963ಲೇ ಹುಲಿ ಇರೋ ಸ್ಟ್ಯಾಂಪ್ ಬಿಟ್ಟಿತ್ತಂತೆ. ನಮ್ಮ ರಾಷ್ಟೀಯ ಪ್ರಾಣಿ ಹುಲಿ ಬಗ್ಗೆ ಕೆಳಗೆ ಕೊಟ್ಟಿರೋದನ್ನ ಓದಿದ್ರೆ ನಿಮ್ಮ ಕೂತೂಹಲ ಮತ್ತಷ್ಟು ಹೆಚ್ಚೋದ್ರಲ್ಲಿ ಸಂಶಯಾನೇ ಇಲ್ಲ ಬಿಡಿ.

1. ಹುಲಿಗೆ ರಾತ್ರಿ ಹೊತ್ತು ಮನುಷ್ಯಂಗಿಂತ 6 ಪಟ್ಟು ಹೆಚ್ಚು ಕಣ್ಣಿನ ಶಕ್ತಿ ಇರತ್ತೆ

ಬಂಗಾಲ ಹುಲಿ ಕಣ್ಣು ಹಳದೀ ಇದೆ. ಬಿಳೀ ಹುಲಿ ಕಣ್ಣು ನೀಲಿ ಬಣ್ಣ ಇರತ್ತೆ.

2. ಮರ ಕೆರೆದು, ಸುತ್ತ ಉಚ್ಚೆ ಹೊಯ್ದು ಏರಿಯಾ ಮಾರ್ಕ್ ಮಾಡಿಕೊಳತ್ತೆ. ಇದರ ಉಚ್ಚೆ ಸ್ಟ್ರಾಂಗ್ ಪಾಪ್ ಕಾರ್ನ್ ವಾಸನೆ ಇರೋದ್ರಿಂದ ಅದರ ಜಾಗದ ಹತ್ರ ಬೇರೆ ಪ್ರಾಣಿ ಸುಳಿಯಲ್ಲ
3.ಸುಮ್ ಸುಮ್ನೆ ಬೇರೆ ಪ್ರಾಣಿ ಮೇಲೆ ಘರ್ಜನೆ ಮಾಡಲ್ಲ. ಬೇರೆ ಹುಲೀನ ಮಾತಾಡ್ಸಕ್ಕೆ ಮಾತ್ರ ಘರ್ಜನೆ ಮಾಡತ್ತೆ
4. ಹಣೆ ಮೇಲಿನ ಪಟ್ಟೆ ಚೈನಾ ರಾಜರು ಇಟ್ಕೊತ್ತಿದ್ದ ಕಿರೀಟ ಚಿನ್ಹೆ ತರಾನೇ ಇದೆ

ಮನುಷ್ಯನ ಹೆಬ್ಬೆಟ್ಟಿನ ಗುರುತು ಇದ್ದಂಗೆ ಒಂದೊಂದ್ ಹುಲಿಗೆ ಒಂದೊಂದ್ ತರ ಪಟ್ಟೆ ಇರತ್ತೆ.

5. ಹುಲಿಗಳ ಮೈಮೇಲೆ ಇರೋ ಪಟ್ಟೆ ಅದರ ಚರ್ಮ ಶೇವ್ ಮಾಡಿದ ಮೇಲೂ ಇರತ್ತೆ
6. ಹುಲಿ ಸಕತ್ತಾಗಿ ಈಜತ್ತೆ

ಹುಲಿ ಮರಿಗಂತೂ ನೀರು ಅಂದ್ರೆ ಪ್ರಾಣ. ದೊಡ್ಡ ಹುಲಿಗಳೂ ಬೇಟೆ ಆಡಕ್ಕೆ ಸಿಕ್ಕಾಪಟ್ಟೆ ದೂರ ಈಜತ್ವೆ. ಒಂದಂತೂ 30 ಕಿ.ಮೀ ಈಜಿತ್ತಂತೆ.

7. ಭಾರತದಲ್ಲಿ ಬಂಗಾಲದ ಗಂಡು ಹುಲಿ 110-120 ಇಂಚು, ಹೆಣ್ಣು ಹುಲಿ 94 - 104 ಇಂಚು ಉದ್ದ ಇರತ್ತೆ

ಪ್ರಪಂಚದ ದೊಡ್ದ ಹುಲಿ ಸೈಬೀರಿಯಾ ಹುಲಿ. 3.5 ಮೀಟರ್ ಉದ್ದ ಇದ್ದು 300 ಕೆ.ಜಿ ಇರತ್ತೆ. ಪ್ರಪಂಚದ ಚಿಕ್ಕ ಹುಲಿ ಸುಮಾತ್ರಾಹುಲಿ. 2 ಮೀಟರ್ ಉದ್ದ ಮತ್ತೆ 100 ಕೆ.ಜಿ ಇರತ್ತೆ.

8. ವರ್ಷದಲ್ಲಿ ನಾಕೋ ಐದೋ ದಿನ ಮಾತ್ರ ಹೆಣ್ಣು ಹುಲಿ ಬಸುರಿ ಆಗೋದು

ಬರೀ 3-4 ತಿಂಗಳು ಬೇಕು ಹೆರಕ್ಕೆ. ಒಂದ್ಸಲಕ್ಕೆ ಎರಡೂ, ಮೂರು ಮರಿಗಳನ್ನ ಹಾಕತ್ವೆ.

9. ಹುಲಿಮರಿ ಹುಟ್ಟಿದ್ ತಕ್ಷಣ ಒಂದು ವಾರದ ತನಕ ಕಣ್ಣು ಕಾಣ್ಸಲ್ಲ.
10. ಹುಲಿ ರಾತ್ರಿ ಹೊತ್ತೇ ಜಾಸ್ತಿ ಬೇಟೆ ಆಡೋದು. ಯಾಕಂದ್ರೆ ಮನುಷ್ಯರಿಗೆ ಅಷ್ಟೊತ್ತಲ್ಲಿ ಚೆನ್ನಾಗಿ ಕಾಣಲ್ಲ.

ನಮ್ಮಲ್ಲಿ ಕಾಡ್ ಕಡೆ ಹೋಗೋವಾಗ ಜನ ತಲೆ ಹಿಂದೆ ಏನಾದ್ರೂ ಮಾಸ್ಕ್ ಹಾಕೊಂಡು ಹೋಗ್ತಾರೆ. ಹುಲಿ ಹಾರಿದ್ರೆ, ಅದನ್ನ ಹಿಡ್ಕೊಳ್ಲಿ ಅಂತ. ಹುಲಿ ಗುಟ್ಟಾಗಿ ಮೈಮೇಲೆ ಬಿದ್ದು ಅಟ್ಯಾಕ್ ಮಾಡತ್ತೆ.

11. ಖುಷಿ ಆದಾಗ ಹುಲಿಗೆ ಬೆಕ್ಕಿನ ತರ ಗುರುಗುಟ್ಟಕ್ಕೆ ಬರಲ್ಲ ಕಣ್ಣು ಚಿಕ್ಕದು ದೊಡ್ದದು ಮಾಡತ್ತೆ
12. ಎಷ್ಟೇ ಹತ್ರ ಹಾರ್ಬೇಕು ಅಂದ್ರೂ ಗಂಟೆಗೆ 60 ಕಿ.ಮಿ ಸ್ಪೀಡ್ನಲ್ಲಿ ಹಾರತ್ತೆ

ಹುಲಿ 6 m ದೂರ 5 m ಎತ್ತರದಲ್ಲಿ ಹಾರತ್ತೆ. ಅವುಗಳ ಕಾಲು ಎಷ್ಟು ಗಟ್ಟಿ ಇವೆ ಅಂದ್ರೆ, ಸತ್ರೂ ಬೀಳದೆ ನಿಂತಿರತ್ವೆ.

13. ಹುಲಿ ಸಿಂಹದ ಜೊತೆ ಕೂಡಿ ಹುಟ್ಟೋ ಮರಿಗೆ ಲೈಗರ್ ಅಂತ ಹೆಸರು

ಗಂಡು ಸಿಂಹ ಹೆಣ್ಣು ಹುಲಿ ಸೇರಿದ್ರೆ ದೊಡ್ಡ ಗಾತ್ರದ ಮರಿಗಳು ಹುಟ್ಟತ್ತೆ. ಆದ್ರೆ ಹೆಣ್ಣು ಸಿಂಹ ಗಂಡು ಹುಲಿ ಜೊತೆ ಸೇರಿದ್ರೆ ಮರಿಗಳು ಸಣ್ಣದಾಗಿರತ್ವೆ. ಇದಕ್ಕೆ ಸಿಂಹಗಳ ಜೀನ್ಸ್ ಕಾರಣ. ಲೈಗರ್ 4 ಮೀಟರ್ ಉದ್ದ ಇರತ್ತೆ. ಇವು ಬೆಕ್ಕಿನ ವಂಶದ ಅತೀ ದೊಡ್ಡ ಪ್ರಾಣಿಗಳು.

14. ತುಂಬಾ ದಿನ ಉಪ್ವಾಸ ಮಾಡಕ್ಕಾದ್ರೂ, ಬೇರೆ ಪ್ರಾಣಿಗಿಂತ ತುಂಬಾ ದೊಡ್ಡದಾಗಿರೋದ್ರಿಂದ ಹುಲಿ ಬೇಗ ಸುಸ್ತಾಗತ್ತೆ..

ಹುಲಿ ದೊಡ್ಡ ಪ್ರಾಣೀನ ಬೇಟೆ ಆಡಿ ಒಂದು 30 ಕೆ.ಜಿ ಮಾಂಸ ತಿಂದಿತ್ತು ಅಂದ್ರೆ ಅದು ಅರಗೋ ತನಕ ಉಪವಾಸ ಇರತ್ತೆ. ಆದ್ರೆ ನಂತರ 2-3 ವಾರದ ಒಳಗೆ ಏನಾದ್ರೂ ತಿನ್ನಕ್ಕೆ ಸಿಗಲಿಲ್ಲ ಅಂದ್ರೆ ಸತ್ತು ಹೋಗತ್ತೆ.ಇದಕ್ಕೆ ಹೋಲಿಸಿದ್ರೆ ಮನುಷ್ಯರು ಉಪವಾಸ ಮಾಡಿದ್ರೆ 30 – 40 ದಿನ ಬದುಕ್ತಾರೆ.

15. ಕರಡಿ, ಹುಲಿ ಸಾಮಾನ್ಯವಾಗಿ ಒಂದೇ ಕಾಡಲ್ಲಿ ಇರೋದ್ರಿಂದ, ಕರಡಿ ಹುಲಿಗೆ ತುಂಬಾ ಇಷ್ಟ

ಒಂದೊಂದ್ಸಲ ಕರಡಿ ಅಟಾಕ್ ಮಾಡೋ ಪ್ರಾಣಿಗಳ ಸದ್ದು ಮಾಡಿ ಕರಡಿ ಹತ್ತಿರ ಬರೋ ಹಾಗೆ ಮಾಡಾತ್ತೆ. ಸಾಮಾನ್ಯವಾಗಿ 10 cm ಕೋರೆಹಲ್ಲಿಂದ ಬಗೆದು ತಿನ್ನೋ ಹುಲಿಗಳು, ಒಂದೊಂದ್ಸಲ ಮುಂಗೈ ಬಳಸಿ ಹೊಡೆಯತ್ತೆ. ಒಂದೇ ಹೊಡೆತಕ್ಕೆ ಕರಡಿ ಬುರುಡೇನೆ ಒಡೆದು ಹೋಗತ್ತೆ.

16. ಹುಲಿಗೆ ತನ್ನ ಎಂಜಲ್ನಲ್ಲೇ ಆಂಟಿಸೆಪ್ಟಿಕ್ ಔಷಧಿ ಇರತ್ತೆ. ಗಾಯ ಆದ್ರೆ ನೆಕ್ಕೊಂಡು ವಾಸಿ ಮಾಡ್ಕೊಳತ್ತೆ
17. ಹುಲಿ ನಾಲಗೆ ಮೇಲೆ ಗಟ್ಟಿ ಬ್ರಶ್ ತರ ಸಾಕಷ್ಟು ಗಟ್ಟಿ ಕೂದಲು ಇದೆ. ಅದ್ರಿಂದ ಮೈಯೆಲ್ಲಾ ನೆಕ್ಕೊಂಡು ಬಾಚ್ಕೊಳತ್ತೆ
18. ಹುಲಿ ನಾಲಿಗೆ ಹಿಂಭಾಗದಿಂದ ನೀರು ಕುಡ್ಯತ್ತೆ. ನಮ್ ತರ ನಾಲಿಗೆ ಮುಂದೆ ಮಾಡ್ಕೊಂಡಲ್ಲ

ಯಾಕಂದ್ರೆ ಅದರ ನಾಲಿಗೆ ಮೇಲೆಲ್ಲಾ ಗಟ್ಟಿ ಕೂದ್ಲು ತರ ಇರೋದ್ರಿಂದ ನೀರನ್ನ ತುಂಬಿಟ್ಕೊಳ್ಳಕ್ಕೆ ಆಗಲ್ಲ. ಹಿಂಭಾಗದಿಂದ ನೀರಿನ ಹನಿಗಳನ್ನ ಹಾರಿಸಿಕೊಂದು ಬಾಯಿಗೆ ಹಾಕಿಕೊಳ್ಲತ್ತೆ.

19. ಹಿಮಕರಡಿ ಬಿಟ್ಟ್ರೆ ಹುಲಿ ಮಿದುಳು ಮಾಂಸಾಹಾರಿ ಪ್ರಾಣಿಗಳ ಪೈಕಿ ದೊಡ್ಡದು - 300 ಗ್ರಾಮ್ ಇರತ್ತೆ.

ಚಿಂಪಾಂಜಿ ಮಿದುಳಷ್ಟೇ ದೊಡ್ಡದಂತೆ. 

20. ಬೋನಲ್ಲಿ ಇಟ್ಟಿದ್ರೂ, ಕಾಡಲ್ಲೇ ಇದ್ರೂ, ಹುಲಿ ಆಯುಷ್ಯ 25 ವರ್ಷ ಅಷ್ಟೇ

ದಿನಾ ದಿನಾ ಒಂದೊಂದೇ ಹುಲಿ ಭೂಮಿಯಿಂದ ಮಾಯ ಆಗ್ತಾ ಇದೆ. ಇದನ್ನ ಉಳಿಸೋದು, ಬೆಳೆಸೋದು ನಮ್ಮದೇ ಜವಾಬ್ದಾರಿ!!! ಅಲ್ವಾ?? ಏನಂತೀರಾ?!

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ಒಂದಲ್ಲ ಒಂದ್ ರೀತೀಲಿ ದಿನಾ ಕರಿಬೇವು ತಿನ್ನೋರ್ಗೆ ಈ 11 ಲಾಭ ಗ್ಯಾರಂಟಿ

ಕೊಲೆಸ್ಟ್ರಾಲ್ ಕಡಿಮೆ ಮಾಡತ್ತೆ

ನಮ್ಮ ಕರ್ನಾಟಕ ಏನು ಭಾರತದಲ್ಲಿ ಎಲಾ ಕಡೆ ಕರ್ಬೇವು ಇಲ್ದೆ ಅಡುಗೆನೇ ಮಾಡಲ್ಲ. ಹಿಂದಿನ ಕಾಲದಿಂದ್ಲೂ ಈ ಪದ್ದತಿ ನಡ್ಕೊಂಡು ಬಂದಿದೆ. ಒಗ್ಗರಣೆಗೆ ಕರ್ಬೇವು ಇಲ್ದೆ ಎಲ್ಲಾದ್ರು ಅಡುಗೆ ಮಾಡೊದುಂಟೆ? ಕರ್ಬೇವಿನಲ್ಲಿ ವಿಟಮಿನ್ ಏ, ವಿಟಮಿನ್ ಬಿ, ಬಿ2, ವಿಟಮಿನ್ ಸಿ, ಕ್ಯಾಲ್ಸಿಯಮ್ ಹಾಗೂ ಕಬ್ಬಿಣದಂಶ ಹೆಚ್ಚಾಗಿ ಇರತ್ತೆ. ಹೊಟ್ಟೆಯಲ್ಲಿ ತಿಂದಿದ್ದು ಅರಗಕ್ಕೆ ಬೇಕಾಗೋ ರಾಸಾಯನಿಕ ಕಿಣ್ವಗಳು ಉತ್ಪತ್ತಿ ಆಗೋ ಹಾಗೆ ಪ್ರಚೋದಿಸತ್ತೆ. ನಮ್ ದೇಶ ನೋಡ್ಕೊಂಡು ಬೇರೆ ದೇಶಗಳಲ್ಲಿ ಕೂಡ ಕರ್ಬೇವು ಉಪ್ಯೋಗಿಸಕ್ಕೆ ಶುರು ಮಾಡಿದ್ದಾರೆ. ಕರ್ಬೇವಿನ ಎಣ್ಣೆ ಕೂಡ ಬಳಕೆ ಮಾಡ್ತಾರೆ. 

ಮಕ್ಕಳಿಗಂತೂ ಕರ್ಬೇವು ಯಾಕಾದ್ರೂ ಹಾಕ್ತಾರೋ, ಬರೀ ತೆಗೆಯೋದೇ ಆಗೋಗತ್ತೆ ಅಂತ ಬೇಜಾರ್ ಮಾಡ್ಕೊತಾರೆ. ಮಕ್ಕಳಿಗೇನ್ ಗೊತ್ತು ಅಲ್ವಾ? ಕರ್ಬೇವಿನ ಒಳ್ಳೆ ಗುಣಗಳ ಬಗ್ಗೆ ಇಲ್ಲಿ ಓದಿ ನಿಮ್ಮ ಮಕ್ಕಳಿಗೂ ತಿಳಿಸಿಕೊಡಿ.

1. ರುಚಿ ಹತ್ತದೆ ಇರೋ ನಾಲಿಗೆಗೆ ಕಿಕ್ ಕೊಡತ್ತೆ

ಏನೋ ಹುಷಾರ್ ತಪ್ಪಿ ಸಿಕ್ಕಾಪಟ್ಟೆ ಆಂಟಿಬಯಾಟಿಕ್ಸ್ ಮಾತ್ರೆ ತೊಗೊಂಡ ನಂತರ ನಾಲಿಗೆ ಬೆಂಡಾಗಿರೋ ಅನುಭವ ಆಗತ್ತಲ್ಲ ಆಗ ಕರ್ಬೇವಿನ ಚಟ್ನಿ ಅಥವಾ ಮೊದಲನೆ ಅನ್ನದಲ್ಲಿ ಕರ್ಬೇವಿನ ಚಟ್ನಿಪುಡಿ ಹಾಕೊಂಡು ತಿಂದ್ರೆ ನಾಲಿಗೆಯ ರುಚಿ ಸರಿಹೋಗತ್ತೆ. ಕರಿಬೇವಿನ ಚಿತ್ರಾನ್ನ ಜ್ವರ ಬಂದು ಹೋದ ನಂತರ ತಿಂದ್ರೆ ಸಕತ್ ಕಿಕ್ ಕೊಡತ್ತೆ. ಟ್ರೈ ಮಾಡಿ ನೋಡಿ.

ತೀರ ರುಚಿನೇ ಹತ್ತಲ್ಲ, ಹಸಿವೇ ಇಲ್ಲ ಅಂತ ಅನ್ನಿಸಿದಾಗ ಕರ್ಬೇವು ಪೇಸ್ಟ್ ಮಾಡ್ಕೊಂಡು ಸ್ವಲ್ಪ ಜೀರಿಗೆ ಪುಡಿ ಮತ್ತೆ ಕಪ್ಪು ಉಪ್ಪನ್ನ ಮಿಕ್ಸ್ ಮಾಡಿ ಮಜ್ಜಿಗೆಗೆ ಹಾಕಿ ಕುಡಿದ್ರೆ ಹೊಟ್ಟೆಗೆ ಒಳ್ಳೇದು.

2. ಸಿಕ್ಕಾಪಟ್ಟೆ ಪಿತ್ತ ಆಗಿದ್ರೆ ಕಡಿಮೆ ಮಾಡತ್ತೆ

ಬೆಳಗ್ಗೆ ಎದ್ದಾಗ ಒಂಥರಾ ತಲೆ ಸುತ್ತೋದು ಅಥವಾ ವಾಂತಿ ಆಗೋ ಹಾಗೆ ಆದ್ರೆ ಅಥವಾ ಹಳದಿ ರಸ ವಾಂತಿ ಆದ್ರೆ ನಮ್ ಮೈನಲ್ಲಿ ಪಿತ್ತ ಜಾಸ್ತಿ ಆಗಿದೆ ಅಂತ ಅರ್ಥ. ಆಗ ಕರ್ಬೇವ್ ಉಪ್ಯೋಗ್ಸಿ ಕಡಿಮೆ ಮಾಡೊಬೋದು, ಹೇಗೆ ಅಂದ್ರೇ...

ಒಂದು  - ಕರ್ಬೇವಿನ ಪೇಸ್ಟ್ ಮಾಡ್ಕೊಂಡು ಅದಕ್ಕೆ ಹುರಿದ ಉದ್ದಿನ ಕಾಳು ಮತ್ತು ಸ್ವಲ್ಪ ಉಪ್ಪು ಸೇರ್ಸ್ಕೊಂಡು ಒಂದೆರಡು ದಿನ ಬೆಳಗ್ಗೆ ಎದ್ದ ತಕ್ಷಣ ತಿನ್ನೋದು. ತಲೆಸುತ್ತು ಹಾಗೆ ವಾಂತಿ ಕಡಿಮೆ ಆಗತ್ತೆ ಇದ್ರಿಂದ.

ಎರಡನೇದು - ಕರ್ಬೇವಿನ ಪೇಸ್ಟ್ ಮಾಡ್ಕೊಂಡು ಅದಕ್ಕೆ ಸ್ವಲ್ಪ ನಿಂಬೆ ಹುಳಿ ಹಿಂಡಿ, ಸ್ವಲ್ಪ ಸಕ್ಕರೆ ಸೇರ್ಸಿ ತೊಗೊಳ್ಳೊದು. ಇದು ಕೂಡ ಪಿತ್ತ ಕಡಿಮೆ ಮಾಡತ್ತೆ.

3. ಕಣ್ಣಿಗೆ ಶಕ್ತಿ ಕೊಡತ್ತೆ, ಪೊರೆ ಬರೋ ಅವಕಾಶ ಕಡಿಮೆ

ದೃಷ್ಟಿ ದೋಷ ಇದ್ರೆ ಕಡಿಮೆ ಮಾಡತ್ತೆ. ಅದಕ್ಕೆ ಹೇಳೋದು ಊಟ-ತಿಂಡಿಗೆ ಹಾಕಿರೋ ಕರ್ಬೇವ್ನ ತಿನ್ನಿ, ಬಿಸಾಕ್ಬೇಡಿ ಅಂತ ದೊಡ್ಡೋರು :-)

ವಿಟಮಿನ್ ಏ ಹೆಚ್ಚಾಗಿ ಇರೋದ್ರಿಂದ ಕಣ್ಣಿನ ಪೊರೆ ಬರಕ್ಕೆ ತೀರಾ ವಯಸ್ಸಾಗೋ ತನಕ ಅವಕಾಶ ಮಾಡ್ಕೊಡಲ್ಲ. ಇದಲ್ದೆ ಕರ್ಬೇವಲ್ಲಿರೋ ಫೋಲಿಕ್ ಆಸಿಡ್ ಅಂಶ ನಾವು ತಿನ್ನೋ ಇತರ ಅಹಾರದಿಂದ ಕಬ್ಬಿಣದ ಅಂಶನ ನಮ್ ದೇಹ ಹೀರ್ಕೊಳ್ಳೊ ಹಾಗೆ ಮಾಡತ್ತೆ. ಆಯುರ್ವೇದದಲ್ಲಿ ಕರ್ಬೇವಿನ ಎಲೆ ಜ್ಯೂಸ್ ಮಾಡಿ ಕಣ್ಣಿಗೆ ಹಾಕಿ ದೃಷ್ಟಿಹೀನತೆಯನ್ನ ಪರಿಹಾರ ಮಾಡೋ ಪದ್ದತಿ ಇದ್ಯಂತೆ.

4. ಅಜೀರ್ಣ, ಹೊಟ್ಟೆ ಹುಣ್ಣು ಕಡಿಮೆ ಮಾಡತ್ತೆ

ಕರ್ಬೇವು ನೋಡಕ್ಕೆ ಬರೀ ಎಲೆ ಆದ್ರೆ ಹೊಟ್ಟೆ ಒಳಗೆ ಹೋದ್ರೆ ಜೀರ್ಣ ಆಗಕ್ಕೆ ಬೇಕಾದ ರಾಸಾಯನಿಕನ ಬೇಗ ಉತ್ಪತ್ತಿ ಆಗೋ ಹಾಗೆ ಪ್ರಚೋದನೆ ಮಾಡತ್ತೆ. ಇದಲ್ಲದೆ ನಮ್ ಮೈನಲ್ಲಿ ಕೊಬ್ಬು ಶೇಖರಣೆ ಆಗಕ್ಕೆ ಬಿಡಲ್ಲ. ಕರಗಿಸತ್ತೆ ಅಂದ್ರೆ ಜೀರ್ಣ ಆಗೋ ಹಾಗೆ ಮಾಡೊ ಶಕ್ತಿ ಕರ್ಬೇವಿನಲ್ಲಿದೆ.

ಇದಕ್ಕೆ ಒಂದು ಮುಷ್ಟಿ ಕರ್ಬೇವಿನ ಎಲೆ+ಕೆಂಪು ಮೆಣಸಿನಕಾಯಿ ತೊಗೊಂಡು ಸ್ವಲ್ಪ ತುಪ್ಪದಲ್ಲಿ ಹುರಿದು, ಅದಕ್ಕೆ ಉಪ್ಪು ಮತ್ತು ಹುಣಸೆಹಣ್ಣು ಹಾಕಿ ಚಟ್ನಿ ಅಥವಾ ಚಟ್ನಿಪುಡಿ ಮಾಡ್ಕೊಂಡು ಬಿಸ್ಬಿಸಿ ಅನ್ನಕ್ಕೆ ಹಾಕೊಂಡು ಊಟ ಮಾಡಿ. ಅಥವಾ ಒಂದು ಲೋಟ ಮಜ್ಜಿಗೆಗೆ ಕರ್ಬೇವಿನ ಎಲೆ ಮತ್ತೆ ಸ್ವಲ್ಪ ಇಂಗು ಹಾಕೊಂಡು ಊಟದ ನಂತರ ಕುಡಿರಿ. ಅಜೀರ್ಣ, ಭೇದಿ, ಹೊಟ್ಟೆ ಉಬ್ರ, ವಾಂತಿ, ತಲೆಶೂಲೆ ಎಲ್ಲಾ ಕಡಿಮೆ ಆಗತ್ತೆ.

ಮೂಲವ್ಯಾಧಿಗೆ ಕರ್ಬೇವಿನ ಚಿಗುರು ಎಲೆಗಳ್ನ ಜೇನುತುಪ್ಪದಲ್ಲಿ ಅದ್ದಿ ತಿಂದ್ರೆ ಸ್ವಲ್ಪ ಅರಾಮ ಸಿಗತ್ತೆ.

 

5. ಹೇಳೋದೇ ಬೇಕಾಗಿಲ್ಲ, ಡಯಾಬಿಟಿಸ್ಗೆ ಹೇಳಿ ಮಾಡ್ಸಿದ ಔಷಧಿ

ಡಯಾಬಿಟೀಸ್ ಇರೋರ್ಗೆ ಮೈಕೈಯೆಲ್ಲಾ ನೋವಿರತ್ತೆ, ಹಾಗೆ ಅವಾಗವಾಗ ತಲೆ ಸುತ್ತು, ಸುಸ್ತು ಮತ್ತೆ ಕಣ್ಣು ಮಂಜಾಗೋದು, ಕತ್ಲು ಕಟ್ಟೊದು ಎಲ್ಲಾ ಇರೋರು ಅವಾಗವಾಗ ಸ್ವಲ್ಪ ಕರ್ಬೇವಿನ ಎಲೆ ಹಾಕೊಂಡು ಜಗಿದ್ರೆ ಸ್ವಲ್ಪ ಮಟ್ಟಿಗೆ ಉತ್ತಮ ಆಗತ್ತೆ.

ಅಯ್ಯೋ ನಂಗೆ ಡಯಾಬಿಟೀಸ್ ಹೆರಿಡಿಟರಿ, ನಮ್ಮ ಅಪ್ಪ ಅಮ್ಮಂಗೆ ಇತ್ತು ಅಂತ ಅಳೋರಿಗೆ ಬೆಳಗಾನೆ ಎದ್ದು ಈ ತರ ಮಾಡ್ಬೋದು.

--- 10 ಕರ್ಬೇವಿನ ಎಲೇನ ಮೂರು ತಿಂಗಳ ಕಾಲ ಎಡಬಿಡದೆ ತಿನ್ನೋದು.

--- ಕರ್ಬೇವ್ನ ಬಿಸಿಲಲ್ಲಿ ಒಣಗಿಸಿಕೊಂಡು ಅದರ ಕಷಾಯ ಕೂಡ ಅಗಾಗ್ಗೆ ಕುಡಿಯೋದು

--- ಕರ್ಬೇವಿನ ಎಲೆ ಜೊತೆ ಒಂದೆರಡು ಮೆಣಸಿನ ಕಾಳನ್ನ ಅಗಿಯೋದು

ಹೀಗ್ ಮಾಡಿರೆ ಸಕ್ಕರೆ ಮಟ್ಟ ಹತೋಟಿಗೆ ಬರೋದಲ್ಲ್ದೆ ಬೊಜ್ಜು ಕೂಡ ಕಡಿಮೆ ಆಗತ್ತಂತೆ.

6. ಕೊಲೆಸ್ಟ್ರಾಲ್ ಕಡಿಮೆ ಮಾಡತ್ತೆ

ನಮ್ ಮೈನಲ್ಲಿ ಕೊಲೆಸ್ಟ್ರಾಲ್ ಜಾಸ್ತಿ ಆದ್ರೆ ಬೊಜ್ಜಿನ ಸಮಸ್ಯೆ, ಬ್ಲಡ್ ಪ್ರೆಶರ್ ಇನ್ನಿತರ ಖಾಯಿಲೆ ಬರತ್ತೆ ಅಲ್ವಾ. ಹಾಗಾಗಿ ನಾವು ಬಳಸೋ ಎಣ್ಣೆನ ಕೂಡ ಕರ್ಬೇವು ಹಾಕಿ ಕಾಯಿಸಿ ಶೋಧಿಸಿಟ್ಟುಕೊಂಡ್ರೆ ಎಣ್ಣೆಲಿರೋ ಕೊಲೆಸ್ಟ್ರಾಲ್ ಅಂಶ ಕಡಿಮೆಯಾಗತ್ತಂತೆ.

ಇದಕ್ಕೆ 1 kg ಅಡುಗೆ ಎಣ್ಣೇಲಿ 15-20 ಕರ್ಬೇವಿನ ಎಲೆ ಹಾಕಿ ರೆಡಿ ಮಾಡಿ. ಈ ಎಣ್ಣೇನ ಅಡುಗೆ ಮಾಡ್ಬೇಕಾದ್ರೆ ಉಪ್ಯೋಗ್ಸಿ.

ಕರ್ಬೇವಿನ ಎಣ್ಣೇನ ಸೋಪ್ ಮಾಡಕ್ಕೂ ಬಳಸ್ತಾರೆ.

7. ಭೇದಿ ನಿಲ್ಸಕ್ಕೆ ರಾಮಬಾಣ

40 gm ಕರ್ಬೇವು ಎಲೆ ತೊಗೊಂಡು, ಅದಕ್ಕೆ 10 gm ಜೀರಿಗೆ ಪುಡಿ ಹಾಕಿ ಕುಡೀಬೇಕು. ಆಮೇಲೆ ಒಂದು ಲೋಟ ಬೆಚ್ಚನೆಯ ನೀರನ್ನ ಕುಡೀಬೇಕು. 10 ನಿಮಿಷದ ನಂತರ ಒಂದು ಸ್ಪೂನ್ ಜೇನುತುಪ್ಪ ತಿನ್ಬೇಕು. ಹೀಗೆ ದಿನಕ್ಕೆ 3-4 ಟೈಮ್ ಮಾಡಿದರೆ ಭೇದಿ ನಿಲ್ಲತ್ತಂತೆ.

8. ಬಾಲನರೆ ತಡೆಯತ್ತೆ

ಹುಡ್ಗೂರು ಹುಡ್ಗೀರು ಇಬ್ರಿಗೂ ಈಗಿನ ಕಾಲದಲ್ಲಿ ಬಹಳ ಬೇಗ ಕೂದ್ಲು ನರೆ ಆಗೋದು ನೋಡ್ತಿದ್ದೀವಿ. ಅಂಥೋರು ಕರ್ಬೇವು ತಿಂದು ಕರ್ಬೇವು ತಲೆಗೆ ಹಚ್ಚ್ಕೊಂಡು ಬಿಳಿ ಕೂದ್ಲಾಗೋದನ್ನ ತಡಿಬೋದು. ತಲೆ ಹೊಟ್ಟು ಕೂಡ ಕಡಿಮೆ ಮಾಡ್ಕೊಬೋದು. ಹೀಗೆ ಮಾಡಿ:

ಒಂದು ಲೀಟರ್ ಕೊಬ್ಬರಿ ಎಣ್ಣೆ ಅಥವಾ ಎಳ್ಳೆಣ್ಣೆ ತೊಗೊಳ್ಳಿ. 10-20 ಕರ್ಬೇವಿನ ಎಲೆ ತೊಗೊಂಡು ಅದಕ್ಕೆ ಹಾಕಿ ಚೆನ್ನಾಗಿ ಒಲೆ ಮೇಲಿಟ್ಟು ಕಾಯಿಸಿ. ಕಾದ ಎಣ್ಣೆನ ಆರಕ್ಕೆ ಬಿಡಿ. ಆಮೇಲೆ ಬಾಟಲ್ನಲ್ಲಿ ತುಂಬಿಟ್ಟುಕೊಂಡು ತಲೆಸ್ನಾನ ಮಾಡೊ ಮುಂಚೆ ತಲೆ ಬುಡಕ್ಕೆ ಹಚ್ಚಿ ಚೆನ್ನಾಗಿ ಮಸಾಜ್ ಮಾಡಿ 15-20 ನಿಮಿಶ ಬಿಟ್ಬಿಡಿ. ನಂತರ ಸೀಗೆಕಾಯಿ ಅಥವಾ ಶಾಂಪೂ ಹಾಕಿ ತಲೆ ತೊಳೆದ್ರಾಯ್ತು! ವಾರಕ್ಕೆ ಒಂದೆರಡು ಬಾರಿ ಹೀಗೆ ಮಾಡಿದ್ರೆ ನರೆಕೂದ್ಲಾಗೋದನ್ನ ತಡಿಬೋದು.

ಇನ್ನೂ ಹೆಚ್ಚಿಗೆ ಮಾಡೊದಾದ್ರೆ ಇದೇ ಕೊಬ್ಬರಿ ಎಣ್ಣೆಗೆ ಕರ್ಬೇವ್ ಜೊತೆ ದಾಸವಾಳದ ಎಲೆ, ನಲ್ಲಿಕಾಯಿ ಹಾಗೂ ತುಳಸಿ ಎಲೆ ಹಾಕ್ಬೋದು.

9. ಮೂಳೆಗೆ ಬೇಕಾದ ಕ್ಯಾಲ್ಶಿಯಮ್ ಕೊಡತ್ತೆ

ಮೂಳೆ ಸೆವೆತದಿಂದ ಕಷ್ಟ ಪಡ್ತಿರೋರು ತಮ್ಮ ಊಟ ತಿಂಡೀಲಿ ಕರ್ಬೇವಿಗೆ ಆದ್ಯತೆ ಕೊಟ್ರೆ ಅದ್ರಿಂದ ಅವರ ದೇಹಕ್ಕೆ ಬೇಕಾದ ಕ್ಯಾಲ್ಶಿಯಮ್ ಪೂರೈಕೆ ಆಗತ್ತೆ.

10. ಮೊಡವೆ ಹೋಗ್ಸಿ ಚರ್ಮದ ಸೌಂದರ್ಯ ಹೆಚ್ಚಿಸತ್ತೆ

ಬೇಸಿಗೇಲಿ ಚರ್ಮದ ಮೇಲೆ ಚಿಕ್ಕ ಚಿಕ್ಕ ಗುಳ್ಲೆ ಏಳೋದುಂಟು. ಅದಕ್ಕೆ ಕರ್ಬೇವಿನ ಪೌಲ್ಟೀಸ್ ಅಥವಾ ಪೇಸ್ಟ್ ಹಚ್ಚಿದ್ರೆ ಬೇಗ ಉರಿ ಕಡಿಮೆ ಆಗಿ ಮಾಯತ್ತೆ.

ಕರ್ಬೇವ್ ಎಲೇನ ತೊಗೊಂಡು ಪೇಸ್ಟ್ ತರ ಮಾಡ್ಕೊಂಡು ಸ್ವಲ್ಪ ಅರಿಶಿನ ಮಿಕ್ಸ್ ಮಾಡಿ ಮುಖಕ್ಕೆ ಸ್ವಲ್ಪ ದಿನ ಹಚ್ಚುತ್ತಾ ಬಂದ್ರೆ ಮುಖದ ಚರ್ಮ ಸಿಕ್ಕಾಪಟ್ಟೆ ಕ್ಲೀನ್ ಅಂಡ್ ಕ್ಲಿಯರ್ ಆಗತ್ತೆ!

ಕರ್ಬೇವು ಗಿಡ ಕೂಡ ಹಣ್ಣು ಬಿಡತ್ತೆ. ಕಾಯಿ ಆಗಿದ್ದಾಗ ಹಸಿರು ಬಣ್ಣ, ಹಣ್ಣಾದಾಗ ನೇರಳೆ ಬಣ್ಣ ಇರತ್ತೆ. ಈ ಕಾಯಿ/ಹಣ್ಣಿನ ಜ್ಯೂಸ್ ತೊಗೊಂಡು ಅದಕ್ಕೆ ಸಮ ಪ್ರಮಾಣ ನಿಂಬೆ ರಸ ಹಾಕಿ ಹುಳ ಅಥವಾ ವಿಷದ ಹಾವು ಕಚ್ಚಿರೋ ಜಾಗಕ್ಕೆ ಹಚ್ಚಿದ್ರೆ ತಕ್ಷಣ ಉರಿ ಕಡಿಮೆ ಆಗತ್ತಂತೆ.

11. ಬಾಯಿ ದುರ್ವಾಸನೆ ವಸಡಿನ ಫಂಗಸ್ ಪ್ರಾಬ್ಲಂಗೂ ಕರ್ಬೇವು ಮದ್ದು

ಹಲ್ಲಿನ ಮೇಲೆ ಕೂತ್ಕೊಳೊ ಕೊಳೆ ಮತ್ತೆ ಅದ್ರಿಂದ ಉಂಟಾಗೋ ಕೆಟ್ಟ ವಾಸನೆನ ಕಡಿಮೆ ಮಾಡಕ್ಕೆ ಕರಿಬೇವು ಸಹಾಯ ಮಾಡತ್ತೆ. 

 

ನಿಮ್ಮ ದಿನನಿತ್ಯದ ಊಟ-ತಿಂಡೀಲಿ...ವಡೆ, ಚಿತ್ರಾನ್ನ, ಸಾರು, ಗೊಜ್ಜು, ತಂಬೂಳಿಗಳಿಗೆ ಕರ್ಬೇವು ಬಳಸುತ್ತಾ ಬನ್ನಿ. ಹಾಗೆ ಅದನ್ನ ಚೆಲ್ಲದೆ ತಿನ್ನೋ ಪ್ರಾಕ್ಟೀಸ್ ಕೂಡ ಮಾಡ್ಕೊಳ್ಳಿ ಅಂತ ಹೇಳಕ್ಕೆ ಮೇಲಿನ 11 ಕಾರಣಕ್ಕಿಂತ ಮತ್ತೇನ್ ಬೇಕು?

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: