ಸ್ಲಮ್ಮಲ್ಲಿ ಬೆಳೆದ ಕೆ.ಪಿ.ನಂಜುಂಡಿ ಕೋಟ್ಯಾಧಿಪತಿಯಾದ ಈ ಕಥೆಯಿಂದ ಪ್ರತಿಯೊಬ್ಬರೂ ಕಲಿಯೋದಿದೆ

ಸ್ಲಂನೋನು ಅಂತ ಹುಡುಗ್ರು ದೂರ ಇಡ್ತಿದ್ರಂತೆ

ಈ ಹೊತ್ತು ಕೆ.ಪಿ. ನಂಜುಂಡಿ ಹೆಸ್ರು ಕೇಳ್ದೋರು ಇಲ್ಲ. ಅವ್ರ ಕಥೆ ಕೇಳ್ತಾ ಹೋದ್ರೆ ಇನ್ನೂ ಇಂಟರೆಸ್ಟಿಂಗ್ ಆಗಿದೆ. ಇದೆಲ್ಲಾ ಹೆಂಗ್ ಸಾಧ್ಯ ಆಯ್ತು ಅನ್ನಿಸುತ್ತೆ. ನಾನೂ ಅವರ ತರಹ ಆಗ್ಬೇಕು ಅಂದಕೊಳ್ತೀವಿ. ಸಾಕಷ್ಟು ತಿರುವುಗಳಿಂದ ಕೂಡಿರೋ ಅವ್ರ ಜೀವನ ಯಾವುದೇ ಸಿನಿಮಾಗೂ ಕಮ್ಮಿ ಇಲ್ಲ. ಗೋಲ್ಡ್ ಬ್ಯುಸಿನೆಸ್ ಮಾಡೋ ಇವ್ರು ಕೋಟಿಗಟ್ಟಲೆ ಆಸ್ತಿಪಾಸ್ತಿ ಮಾಡಿ ಒಳ್ಳೆ ಹೆಸರು ಮಾಡಿದ್ದಾರೆ. ಇವ್ರ ಬ್ಯುಸಿನೆಸ್ ಟರ್ನ್ ಓವರ್ 1000 ಕೋಟಿ ರೂಪಾಯಿ ಅಂದ್ರೆ ಅರ್ಥ ಮಾಡ್ಕೊಳ್ಳಿ. ಒಂದರ್ಥದಲ್ಲಿ 24 ಕ್ಯಾರೆಟ್ ''ಬಂಗಾರದ ಮನುಷ್ಯ''. ಆದ್ರೆ 37 ವರ್ಷಗಳ ಹಿಂದೆ ಇವ್ರ ಬದುಕು ಹೀಗಿರಲಿಲ್ಲ ಅಂದ್ರೆ ನೀವು ನಂಬೋದಿಲ್ಲ. ಇವರ ಈ ಕಥೆ ಕೇಳಿ ನಿಮ್ಮ ಭವಿಷ್ಯದಲ್ಲಿ ನಿಮಗೆ ಇನ್ನಷ್ಟು ಭರವಸೆ ಹುಟ್ಟುತ್ತೆ... ಇನ್ನಷ್ಟು ಸಾಧಿಸುವ ಛಲ ಬರುತ್ತೆ...

ಮನೆಯಲ್ಲಿ ಕಿತ್ತು ತಿನ್ನೋ ಬಡತನ ಇತ್ತು, ವಾಸ ಇದ್ದದ್ದು ಬೆಂಗಳೂರಿನ ಸ್ಲಂಗಳಲ್ಲಿ

ಫ್ಲ್ಯಾಶ್ ಬ್ಯಾಕ್ ಗೆ ಹೋದ್ರೆ, 14 ವರ್ಷದ ಒಬ್ಬ ಹುಡುಗ, ಕಪ್ಪು ಬಣ್ಣ, ಸಾಧಾರಣ ಮೈಕಟ್ಟು, ಬೆಂಗಳೂರಿನ ಸ್ಲಂಗಳಲ್ಲಿ ವಾಸ. ಮನೆಯಲ್ಲಿ ಕಡುಬಡತನ. ಹೊಟ್ಟೆಗೆ ಹಿಟ್ಟಿಲ್ಲದ ದಿನಗಳು. ಆಗ ಚಿಕ್ಕ ಹುಡುಗ ನಂಜುಂಡಿ ಏನ್ ಮಾಡ್ತಾನೆ ಗೊತ್ತಾ, ಎರಡು ದಿನ ಸ್ಕೂಲಲ್ಲಿ ಮಧ್ಯಾಹ್ನದ ಊಟ ಮಾಡಲ್ಲ. ದಿನಕ್ಕೆ ನಾಲ್ಕು ರೊಟ್ಟಿಗಳಂತೆ ಉಳಿಸಿ ಮೂರನೇ ದಿನ 12 ರೊಟ್ಟಿಗಳನ್ನು ಮನೆಗೆ ತಂದು ಎಲ್ರಿಗೂ ಹಂಚ್ತಾನೆ.

ಚಿಕ್ಕಂದಿನಲ್ಲೇ ತಂದೆ ತೀರ್ಕೊಂಡ್ ಬಿಟ್ರು; ತಾಯಿ, ಅಣ್ಣ ಕುಡಿತದ ಚಟಕ್ಕೆ ಬಿದ್ರು

ಇವ್ರ ತಂದೆ, ಅಕ್ಕಸಾಲಿಗ, ತುಂಬಾ ಕಷ್ಟದ ದುಡಿಮೆ ಇವರ್ದು. ಆದ್ರೆ ಎಂಟು ಜನ ಮಕ್ಕಳನ್ನು ಪೋಷಿಸೋದಕ್ಕೆ ಬಹಳ ಕಷ್ಟಪಡ್ತಿದ್ರು. ನಾಲ್ಕನೇ ಮಗ ನಂಜುಂಡಿ, 12 ತರಗತಿ ಓದ್ತಿರಬೇಕಾದ್ರೆ ತಂದೆ ಲಿವರ್ ಕ್ಯಾನ್ಸರ್ ನಿಂದ ತೀರಿಕೊಂಡ್ ಬಿಟ್ರು. ಇಂತಹ ಪರಿಸ್ಥಿತೀಲಿ ತಾಯಿ ಮತ್ತು ಅಣ್ಣ ಕುಡಿತದ ಚಟಕ್ಕೆ ಬಿದ್ದು ಸಂಸಾರದ ನೊಗ ಇನ್ನೂ ಎಳೆಯ ತರುಣನಾದ ನಂಜುಂಡಿ ಹೆಗಲ ಮೇಲೆ ಬಿತ್ತು.

ಸ್ಲಂ ಹುಡುಗ ಅಂತೇಳಿ ಕ್ಲಾಸ್ಮೇಟ್ಗಳು ಹತ್ತಿರ ಸೇರಿಸ್ತಿರ್ಲಿಲ್ಲ

"ಮೋರಿ ಪಕ್ಕ ನಾವು ವಾಸವಾಗಿದ್ವಿ, ಮೇನ್ ರೋಡ್ (ಎಚ್ ಸಿದ್ದಯ್ಯ ರೋಡೇ) ನಮಗೆ ಟಾಯ್ಲೆಟ್. ನಾನು ಸ್ಲಂನೋನು ಅಂತ ನನ್ನ ಕ್ಲಾಸ್ ಮೇಟ್ ಗಳಿಗೆ ಗೊತ್ತಾಗಿ ನನ್ ಜೊತೆ ಸೇರ್ತಿರಲಿಲ್ಲ. ಇವತ್ತು ಬೆಂಗಳೂರಿನ ಶ್ರೀಮಂತರಲ್ಲಿ ನಾನೊಬ್ಬ ಅಂತ ಗುರಿತಿಸಿಕೊಂಡಿದ್ದರೂ ಆಗಾಗ ನಾನಿದ್ದ ಸ್ಲಂಗಳಿಗೆ ಹೋಗ್ತಿರ್ತಿನಿ" ಅಂತಾರೆ ನಂಜುಂಡಿ.

ಬೆಳಗ್ಗೆ ಕೆಲಸ, ಸಂಜೆ ಕಾಲೇಜು, ರಾತ್ರಿ ಆಟೋ ರಿಕ್ಷಾ ಓಡಿಸಕ್ಕೆ ಶುರು ಮಾಡಿದ್ರು

ನಂಜುಂಡಿ ಅವರಿಗೆ 18 ವರ್ಷ ಇದ್ದಾಗ ಅವ್ರ ಕುಟುಂಬದಲ್ಲೇ ಬಡತನ, ಹಸಿವು, ಅಪಮಾನ, ಸಾವುನೋವು ಎಲ್ಲವನ್ನೂ ನೋಡಿದವ್ರು. ಚಿಕ್ಕ ವಯಸ್ಸಿಗೆ ಇಷ್ಟೆಲ್ಲಾ ಜವಾಬ್ದಾರಿಗಳು ಬೆನ್ನತ್ತಿದ್ರೂ ಕುಡಿತ, ಬೀಡಿ ಸಿಗರೇಟಿನಂತಹ ಕೆಟ್ಟ ಸಹವಾಸಕ್ಕೆ ಬೀಳಲಿಲ್ಲ. ತಂದೆಯ ವೃತ್ತಿಯನ್ನು (ಅಕ್ಕಸಾಲಿಗ) ಮುಂದುವರೆಸಿದರು. ಬೆಳಗ್ಗೆ ಕೆಲಸ, ಸಂಜೆ ಕಾಲೇಜು, ರಾತ್ರಿ ಆಟೋ ರಿಕ್ಷಾ ಓಡಿಸೋದು. ಈ 24 ಗಂಟೆಗಳ ಓಟದಲ್ಲಿ ಅವರಿಗೆ ನಿದ್ದೆ ಮಾಡಲು ಟೈಮ್ ಸಿಗ್ತಿದಿದ್ದು ಆಟೋದಲ್ಲೇ.

ನಂಜುಂಡಿ ಜೀವನಕ್ಕೆ ಹೊಸ ತಿರುವು ಸಿಕ್ಕಿದ್ದೇ ತಂಗಿ ಬಿಚ್ಚಿಕೊಟ್ಟ 15 ಗ್ರಾಂ ತಾಳಿಯಿಂದ

ಇಷ್ಟೆಲ್ಲಾ ಕಷ್ಟಪಡ್ತಿದ್ರೂ ಸಾಕಾಗ್ತಿರಲಿಲ್ಲ. ಒಂದ್ಸಲ ತನ್ನ ತಂಗಿಯ 15 ಗ್ರಾಂ ತಾಳಿಯನ್ನು ಕೇಳಿದ್ರು. ಅವ್ರ ತಂಗಿ ಇಲ್ಲ ಅನ್ನದೆ ಸಂತೋಷದಿಂದ ತಾಳಿ ಬಿಚ್ಚಿಕೊಟ್ಟಿದ್ರು. ಇದ್ರಿಂದ ಸಣ್ಣಸಣ್ಣ ಚಿನ್ನದ ಆಭರಣಗಳನ್ನು ತಯಾರಿಸಿದ್ರು ನಂಜುಂಡಿ. ಆ ದಿನಗಳಲ್ಲಿ ಇಂತಹವ್ರು ಚಿನ್ನವನ್ನು ಮಾರೋದು ಅಷ್ಟು ಸುಲಭ ಇರಲಿಲ್ಲ.

ಕದ್ದು ತಯಾರಿಸಿದ್ ಇರ್ಬೇಕು ಅಂತ ಇವ್ರ ಆಭರಣ ತಗೋಳ್ಳೋಕೆ ಅನುಮಾನ ಪಡ್ತಿದ್ರು

''ತಗೊಳ್ಳಿ ತಗೊಳ್ಳಿ ಅಂತ ಚಿನ್ನದ ವ್ಯಾಪಾರಿಗಳ ಕಾಲಿಗೆ ಬೀಳ್ತಿದ್ದೆ. ಕದ್ದು ತಯಾರಿಸಿರೋ ಆಭರಣಗಳಿರಬೇಕಿವು ಅಂತ ಕೆಲವ್ರು ಅನುಮಾನಿಸ್ತಿದ್ರು. ನನ್ನ ತಂದೆಯವರ ಬಗ್ಗೆ ಗೊತ್ತಿದ್ದ ಕಾರಣ, ನಿಧಾನಕ್ಕೆ ಕೊಂಡುಕೊಳ್ಳೋಕೆ ಶುರು ಮಾಡಿದ್ರು''

ವ್ಯಾಪಾರಿಗಳು ನಂಬಕ್ಕೆ ಶುರು ಮಾಡಿದ ಮೇಲೆ ತಮ್ಮ ಗೆಟಪ್ ಕೂಡ ಚೇಂಜ್ ಮಾಡ್ಕೊಂಡ್ರು

ತಮಾಷೆ ಸಂಗತಿ ಅಂದ್ರೆ, ಚಿನ್ನದ ವ್ಯಾಪಾರಿಗಳು ಇವ್ರನ್ನ ನಂಬೋಕ್ಕೆ ಶುರು ಮಾಡಿದ ಮೇಲೆ ನಂಜುಂಡಿ ತಮ್ಮ ವೇಷಭೂಷಣಗಳನ್ನ ಬದಲಾಯಿಸಿಕೊಂಡ್ರು. "ಸ್ಲಂನಲ್ಲಿ ಬೆಳೆದಿದ್ನಲ್ಲ, ರೆಟ್ಟೆಯಲ್ಲಿ ಬಲನೂ ಇತ್ತು, ಆದ್ರೆ ನೋಡೋರಿಗೆ ಚೆನ್ನಾಗಿ ಕಾಣ್ತಿರಲಿಲ್ಲ. ಒರಟೊರಟಾಗಿ ಇದ್ದ ಕಾರಣ ರೌಡಿ ತರಹ ಕಾಣ್ತಿದ್ದೆ. ಜೀರೋ ಪವರ್ ಗ್ಲಾಸ್ ಹಾಕ್ಕೊಳ್ಳೋಕೆ ಶುರು ಮಾಡಿದ ಮೇಲೆ ನನ್ನ ಚಹರೆ ಬದಲಾಯ್ತು" ಅಂತಾರೆ ನಂಜುಂಡಿ.

ಬ್ಯುಸಿನೆಸಲ್ಲಿ ಹಣ ಬರೋಕೆ ಶುರುವಾಯ್ತು, ಅಲ್ಲೇ ಇದ್ದ ಮನೆಯೊಂದನ್ನು ಭೋಗ್ಯಕ್ಕೆ ಹಾಕ್ಕೊಂಡ್ರು

ಕೆಲವು ತಿಂಗಳು ಹೀಗೇ ಹೆಣಗಾಡಿದ ಮೇಲೆ, ಸಂಪಾದನೆ ಒಂದು ಹಂತಕ್ಕೆ ಬಂತು. ಕೈಗೆ ಹಣ ಬರ್ತಿದ್ದಂಗೆ ಐದು ಆಟೋ ರಿಕ್ಷಾಗಳು ಹಾಗೂ ಒಂದು ಕಾರ್ಗೋ ವ್ಯಾನ್ ತಗೊಂಡ್ರು. ಅಲ್ಲೇ ಹತ್ತಿರದಲ್ಲಿದ್ದ ಮನೇನ ಭೋಗ್ಯಕ್ಕೆ ಹಾಕ್ಕೊಂಡ್ರು.

ಫಸ್ಟ್ ಟೈಂ ಮನೆಯಲ್ಲಿ ಕರೆಂಟ್ ನೋಡ್ದಾಗ ಇವ್ರ ವಯಸ್ಸು 18 ವರ್ಷ!

''ನಮ್ಮ ಪಾಲಿಗದು ಅರಮನೆ ಇದ್ದಂತೆ, ಅಡುಗೆಮನೆ, ಹಾಲು, ಟಾಯ್ ಲೆಟ್, ಪವರ್ ಸಪ್ಲೈ ಎಲ್ಲವೂ ಇತ್ತು. ಫಸ್ಟ್ ಟೈಮ್ ಮನೆಯಲ್ಲಿ ಕರೆಂಟ್ ಬಳಸಿದಾಗ ನನ್ನ ವಯಸ್ಸು 18 ವರ್ಷಗಳು'' ಅಂತ ಹಳೆಯ ದಿನಗಳನ್ನ ನೆನೆಸ್ಕೋತಾರೆ ನಂಜುಂಡಿ.

ಕನ್ನಡ ಸಿನಿಮಾಗಳಿಗೆ ಫೈನಾನ್ಸ್ ಮಾಡಕ್ಕೆ ಶುರು ಮಾಡಿದ್ರು, ಗೋಲ್ಡ್ ಬ್ಯುಸಿನೆಸ್ ಗೂ ಕೈಹಾಕಿದ್ರು

ದಿನ ಕಳೆದಂತೆ ಇವ್ರ ಹಣಕಾಸು ಸ್ಥಿತಿ ಸುಧಾರಿಸ್ತಾ ಹೋಯ್ತು. ಇದೇ ಟೈಮಲ್ಲಿ ನಂಜುಂಡಿ ಅವ್ರಿಗೆ ಸಿನಿಮಾಗಳ ಬಗ್ಗೆ ಆಸಕ್ತಿ ಬೆಳೀತು. ಕನ್ನಡ ಸಿನಿಮಾಗಳಿಗೆ ಫೈನಾನ್ಸ್ ಮಾಡ್ತಿದ್ರು. ಆಗ ಚಿತ್ರೋದ್ಯಮದಲ್ಲಿ ಇವ್ರ ಹೆಸರು ಬಹಳ ಚಾಲ್ತಿಯಲ್ಲಿತ್ತು. ಸಿನಿಮಾಗಳಿಗೆ ಫಂಡಿಂಗ್ ಮಾಡೋದು, ಡಿಸ್ಟ್ರಿಬ್ಯೂಷನ್ ಗೆ ಕೈಹಾಕಿದ ಮೇಲೆ ಒಳ್ಳೆ ಆದಾಯ ಬರಕ್ಕೆ ಶುರುವಾಯ್ತು. ಚಿನ್ನದ ಬಳಕೆ ಆಗ ಜೂಮ್ ನಲ್ಲಿತ್ತು ಆ ಟೈಮಲ್ಲೇ ಗೋಲ್ಡ್ ಬ್ಯುಸಿನೆಸ್ ಗೆ ಕೈಹಾಕಿದರು.

ಇವತ್ತು ದಕ್ಷಿಣ ಭಾರತದಲ್ಲೇ ಹೆಸರಾಂತ ಲಕ್ಷ್ಮಿ ಗೋಲ್ಡ್ಸ್ ಪ್ಯಾಲೇಸ್ ಮತ್ತು ವಿಶ್ವವಾಣಿ ಮಾಲೀಕ

ಅವತ್ತು ಸ್ಲಂನಲ್ಲಿದ್ದ ಹುಡುಗ ಇವತ್ತು ದಕ್ಷಿಣ ಭಾರತದಲ್ಲಿ ಹಲವು ಮಳಿಗೆಗಳಿರೋ ಲಕ್ಷ್ಮಿ ಗೋಲ್ಡ್ಸ್ ಪ್ಯಾಲೇಸ್ ಮಾಲೀಕ ಅಂದ್ರೆ ನಂಬೋದು ಕಷ್ಟ. ಇದರ ಜೊತೆಗೆ ಐದು ರೇಶ್ಮೆ ಶೋರೂಂಗಳೂ ಇವೆ (ನಾಲ್ಕು ಫ್ಲೋರ್ ಗಳ ಶೋರೂಂಗಳಲ್ಲಿ ಗೋಲ್ಡ್ ಮತ್ತು ಸಿಲ್ಕ್ ಗಾಗಿ ತಲಾ ಎರಡೆರಡು ಮಹಡಿಗಳಿರುತ್ತವೆ). ಮುಂದಿನ ಮೂರು ವರ್ಷಗಳಲ್ಲಿ ದಾವಣಗೆರೆಯಲ್ಲಿ ಚಿತ್ರಮಂದಿರ, ಮೈಸೂರಿನಲ್ಲಿ ಸ್ಟಾರ್ ಹೋಟೆಲ್ ಕಟ್ಟಲು ಸುಮಾರು 300 ಕೋಟಿ ರೂಪಾಯಿ ತೊಡಗಿಸ್ತಿದ್ದಾರೆ. ಅಷ್ಟೇ ಅಲ್ಲ, ಇವರು ವಿಶ್ವೇಶ್ವರಭಟ್ಟರ ಜೊತೆ ಸೇರಿ ವಿಶ್ವವಾಣಿ ಅನ್ನೋ ಪತ್ರಿಕೇನೂ ನಡೆಸ್ತಾ ಇದಾರೆ.

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ಫೇಸ್ಬುಕ್ ಚರ್ಚೆ:

ಒಂದಲ್ಲ ಒಂದ್ ರೀತೀಲಿ ದಿನಾ ಕರಿಬೇವು ತಿನ್ನೋರ್ಗೆ ಈ 11 ಲಾಭ ಗ್ಯಾರಂಟಿ

ಕೊಲೆಸ್ಟ್ರಾಲ್ ಕಡಿಮೆ ಮಾಡತ್ತೆ

ನಮ್ಮ ಕರ್ನಾಟಕ ಏನು ಭಾರತದಲ್ಲಿ ಎಲಾ ಕಡೆ ಕರ್ಬೇವು ಇಲ್ದೆ ಅಡುಗೆನೇ ಮಾಡಲ್ಲ. ಹಿಂದಿನ ಕಾಲದಿಂದ್ಲೂ ಈ ಪದ್ದತಿ ನಡ್ಕೊಂಡು ಬಂದಿದೆ. ಒಗ್ಗರಣೆಗೆ ಕರ್ಬೇವು ಇಲ್ದೆ ಎಲ್ಲಾದ್ರು ಅಡುಗೆ ಮಾಡೊದುಂಟೆ? ಕರ್ಬೇವಿನಲ್ಲಿ ವಿಟಮಿನ್ ಏ, ವಿಟಮಿನ್ ಬಿ, ಬಿ2, ವಿಟಮಿನ್ ಸಿ, ಕ್ಯಾಲ್ಸಿಯಮ್ ಹಾಗೂ ಕಬ್ಬಿಣದಂಶ ಹೆಚ್ಚಾಗಿ ಇರತ್ತೆ. ಹೊಟ್ಟೆಯಲ್ಲಿ ತಿಂದಿದ್ದು ಅರಗಕ್ಕೆ ಬೇಕಾಗೋ ರಾಸಾಯನಿಕ ಕಿಣ್ವಗಳು ಉತ್ಪತ್ತಿ ಆಗೋ ಹಾಗೆ ಪ್ರಚೋದಿಸತ್ತೆ. ನಮ್ ದೇಶ ನೋಡ್ಕೊಂಡು ಬೇರೆ ದೇಶಗಳಲ್ಲಿ ಕೂಡ ಕರ್ಬೇವು ಉಪ್ಯೋಗಿಸಕ್ಕೆ ಶುರು ಮಾಡಿದ್ದಾರೆ. ಕರ್ಬೇವಿನ ಎಣ್ಣೆ ಕೂಡ ಬಳಕೆ ಮಾಡ್ತಾರೆ. 

ಮಕ್ಕಳಿಗಂತೂ ಕರ್ಬೇವು ಯಾಕಾದ್ರೂ ಹಾಕ್ತಾರೋ, ಬರೀ ತೆಗೆಯೋದೇ ಆಗೋಗತ್ತೆ ಅಂತ ಬೇಜಾರ್ ಮಾಡ್ಕೊತಾರೆ. ಮಕ್ಕಳಿಗೇನ್ ಗೊತ್ತು ಅಲ್ವಾ? ಕರ್ಬೇವಿನ ಒಳ್ಳೆ ಗುಣಗಳ ಬಗ್ಗೆ ಇಲ್ಲಿ ಓದಿ ನಿಮ್ಮ ಮಕ್ಕಳಿಗೂ ತಿಳಿಸಿಕೊಡಿ.

1. ರುಚಿ ಹತ್ತದೆ ಇರೋ ನಾಲಿಗೆಗೆ ಕಿಕ್ ಕೊಡತ್ತೆ

ಏನೋ ಹುಷಾರ್ ತಪ್ಪಿ ಸಿಕ್ಕಾಪಟ್ಟೆ ಆಂಟಿಬಯಾಟಿಕ್ಸ್ ಮಾತ್ರೆ ತೊಗೊಂಡ ನಂತರ ನಾಲಿಗೆ ಬೆಂಡಾಗಿರೋ ಅನುಭವ ಆಗತ್ತಲ್ಲ ಆಗ ಕರ್ಬೇವಿನ ಚಟ್ನಿ ಅಥವಾ ಮೊದಲನೆ ಅನ್ನದಲ್ಲಿ ಕರ್ಬೇವಿನ ಚಟ್ನಿಪುಡಿ ಹಾಕೊಂಡು ತಿಂದ್ರೆ ನಾಲಿಗೆಯ ರುಚಿ ಸರಿಹೋಗತ್ತೆ. ಕರಿಬೇವಿನ ಚಿತ್ರಾನ್ನ ಜ್ವರ ಬಂದು ಹೋದ ನಂತರ ತಿಂದ್ರೆ ಸಕತ್ ಕಿಕ್ ಕೊಡತ್ತೆ. ಟ್ರೈ ಮಾಡಿ ನೋಡಿ.

ತೀರ ರುಚಿನೇ ಹತ್ತಲ್ಲ, ಹಸಿವೇ ಇಲ್ಲ ಅಂತ ಅನ್ನಿಸಿದಾಗ ಕರ್ಬೇವು ಪೇಸ್ಟ್ ಮಾಡ್ಕೊಂಡು ಸ್ವಲ್ಪ ಜೀರಿಗೆ ಪುಡಿ ಮತ್ತೆ ಕಪ್ಪು ಉಪ್ಪನ್ನ ಮಿಕ್ಸ್ ಮಾಡಿ ಮಜ್ಜಿಗೆಗೆ ಹಾಕಿ ಕುಡಿದ್ರೆ ಹೊಟ್ಟೆಗೆ ಒಳ್ಳೇದು.

2. ಸಿಕ್ಕಾಪಟ್ಟೆ ಪಿತ್ತ ಆಗಿದ್ರೆ ಕಡಿಮೆ ಮಾಡತ್ತೆ

ಬೆಳಗ್ಗೆ ಎದ್ದಾಗ ಒಂಥರಾ ತಲೆ ಸುತ್ತೋದು ಅಥವಾ ವಾಂತಿ ಆಗೋ ಹಾಗೆ ಆದ್ರೆ ಅಥವಾ ಹಳದಿ ರಸ ವಾಂತಿ ಆದ್ರೆ ನಮ್ ಮೈನಲ್ಲಿ ಪಿತ್ತ ಜಾಸ್ತಿ ಆಗಿದೆ ಅಂತ ಅರ್ಥ. ಆಗ ಕರ್ಬೇವ್ ಉಪ್ಯೋಗ್ಸಿ ಕಡಿಮೆ ಮಾಡೊಬೋದು, ಹೇಗೆ ಅಂದ್ರೇ...

ಒಂದು  - ಕರ್ಬೇವಿನ ಪೇಸ್ಟ್ ಮಾಡ್ಕೊಂಡು ಅದಕ್ಕೆ ಹುರಿದ ಉದ್ದಿನ ಕಾಳು ಮತ್ತು ಸ್ವಲ್ಪ ಉಪ್ಪು ಸೇರ್ಸ್ಕೊಂಡು ಒಂದೆರಡು ದಿನ ಬೆಳಗ್ಗೆ ಎದ್ದ ತಕ್ಷಣ ತಿನ್ನೋದು. ತಲೆಸುತ್ತು ಹಾಗೆ ವಾಂತಿ ಕಡಿಮೆ ಆಗತ್ತೆ ಇದ್ರಿಂದ.

ಎರಡನೇದು - ಕರ್ಬೇವಿನ ಪೇಸ್ಟ್ ಮಾಡ್ಕೊಂಡು ಅದಕ್ಕೆ ಸ್ವಲ್ಪ ನಿಂಬೆ ಹುಳಿ ಹಿಂಡಿ, ಸ್ವಲ್ಪ ಸಕ್ಕರೆ ಸೇರ್ಸಿ ತೊಗೊಳ್ಳೊದು. ಇದು ಕೂಡ ಪಿತ್ತ ಕಡಿಮೆ ಮಾಡತ್ತೆ.

3. ಕಣ್ಣಿಗೆ ಶಕ್ತಿ ಕೊಡತ್ತೆ, ಪೊರೆ ಬರೋ ಅವಕಾಶ ಕಡಿಮೆ

ದೃಷ್ಟಿ ದೋಷ ಇದ್ರೆ ಕಡಿಮೆ ಮಾಡತ್ತೆ. ಅದಕ್ಕೆ ಹೇಳೋದು ಊಟ-ತಿಂಡಿಗೆ ಹಾಕಿರೋ ಕರ್ಬೇವ್ನ ತಿನ್ನಿ, ಬಿಸಾಕ್ಬೇಡಿ ಅಂತ ದೊಡ್ಡೋರು :-)

ವಿಟಮಿನ್ ಏ ಹೆಚ್ಚಾಗಿ ಇರೋದ್ರಿಂದ ಕಣ್ಣಿನ ಪೊರೆ ಬರಕ್ಕೆ ತೀರಾ ವಯಸ್ಸಾಗೋ ತನಕ ಅವಕಾಶ ಮಾಡ್ಕೊಡಲ್ಲ. ಇದಲ್ದೆ ಕರ್ಬೇವಲ್ಲಿರೋ ಫೋಲಿಕ್ ಆಸಿಡ್ ಅಂಶ ನಾವು ತಿನ್ನೋ ಇತರ ಅಹಾರದಿಂದ ಕಬ್ಬಿಣದ ಅಂಶನ ನಮ್ ದೇಹ ಹೀರ್ಕೊಳ್ಳೊ ಹಾಗೆ ಮಾಡತ್ತೆ. ಆಯುರ್ವೇದದಲ್ಲಿ ಕರ್ಬೇವಿನ ಎಲೆ ಜ್ಯೂಸ್ ಮಾಡಿ ಕಣ್ಣಿಗೆ ಹಾಕಿ ದೃಷ್ಟಿಹೀನತೆಯನ್ನ ಪರಿಹಾರ ಮಾಡೋ ಪದ್ದತಿ ಇದ್ಯಂತೆ.

4. ಅಜೀರ್ಣ, ಹೊಟ್ಟೆ ಹುಣ್ಣು ಕಡಿಮೆ ಮಾಡತ್ತೆ

ಕರ್ಬೇವು ನೋಡಕ್ಕೆ ಬರೀ ಎಲೆ ಆದ್ರೆ ಹೊಟ್ಟೆ ಒಳಗೆ ಹೋದ್ರೆ ಜೀರ್ಣ ಆಗಕ್ಕೆ ಬೇಕಾದ ರಾಸಾಯನಿಕನ ಬೇಗ ಉತ್ಪತ್ತಿ ಆಗೋ ಹಾಗೆ ಪ್ರಚೋದನೆ ಮಾಡತ್ತೆ. ಇದಲ್ಲದೆ ನಮ್ ಮೈನಲ್ಲಿ ಕೊಬ್ಬು ಶೇಖರಣೆ ಆಗಕ್ಕೆ ಬಿಡಲ್ಲ. ಕರಗಿಸತ್ತೆ ಅಂದ್ರೆ ಜೀರ್ಣ ಆಗೋ ಹಾಗೆ ಮಾಡೊ ಶಕ್ತಿ ಕರ್ಬೇವಿನಲ್ಲಿದೆ.

ಇದಕ್ಕೆ ಒಂದು ಮುಷ್ಟಿ ಕರ್ಬೇವಿನ ಎಲೆ+ಕೆಂಪು ಮೆಣಸಿನಕಾಯಿ ತೊಗೊಂಡು ಸ್ವಲ್ಪ ತುಪ್ಪದಲ್ಲಿ ಹುರಿದು, ಅದಕ್ಕೆ ಉಪ್ಪು ಮತ್ತು ಹುಣಸೆಹಣ್ಣು ಹಾಕಿ ಚಟ್ನಿ ಅಥವಾ ಚಟ್ನಿಪುಡಿ ಮಾಡ್ಕೊಂಡು ಬಿಸ್ಬಿಸಿ ಅನ್ನಕ್ಕೆ ಹಾಕೊಂಡು ಊಟ ಮಾಡಿ. ಅಥವಾ ಒಂದು ಲೋಟ ಮಜ್ಜಿಗೆಗೆ ಕರ್ಬೇವಿನ ಎಲೆ ಮತ್ತೆ ಸ್ವಲ್ಪ ಇಂಗು ಹಾಕೊಂಡು ಊಟದ ನಂತರ ಕುಡಿರಿ. ಅಜೀರ್ಣ, ಭೇದಿ, ಹೊಟ್ಟೆ ಉಬ್ರ, ವಾಂತಿ, ತಲೆಶೂಲೆ ಎಲ್ಲಾ ಕಡಿಮೆ ಆಗತ್ತೆ.

ಮೂಲವ್ಯಾಧಿಗೆ ಕರ್ಬೇವಿನ ಚಿಗುರು ಎಲೆಗಳ್ನ ಜೇನುತುಪ್ಪದಲ್ಲಿ ಅದ್ದಿ ತಿಂದ್ರೆ ಸ್ವಲ್ಪ ಅರಾಮ ಸಿಗತ್ತೆ.

 

5. ಹೇಳೋದೇ ಬೇಕಾಗಿಲ್ಲ, ಡಯಾಬಿಟಿಸ್ಗೆ ಹೇಳಿ ಮಾಡ್ಸಿದ ಔಷಧಿ

ಡಯಾಬಿಟೀಸ್ ಇರೋರ್ಗೆ ಮೈಕೈಯೆಲ್ಲಾ ನೋವಿರತ್ತೆ, ಹಾಗೆ ಅವಾಗವಾಗ ತಲೆ ಸುತ್ತು, ಸುಸ್ತು ಮತ್ತೆ ಕಣ್ಣು ಮಂಜಾಗೋದು, ಕತ್ಲು ಕಟ್ಟೊದು ಎಲ್ಲಾ ಇರೋರು ಅವಾಗವಾಗ ಸ್ವಲ್ಪ ಕರ್ಬೇವಿನ ಎಲೆ ಹಾಕೊಂಡು ಜಗಿದ್ರೆ ಸ್ವಲ್ಪ ಮಟ್ಟಿಗೆ ಉತ್ತಮ ಆಗತ್ತೆ.

ಅಯ್ಯೋ ನಂಗೆ ಡಯಾಬಿಟೀಸ್ ಹೆರಿಡಿಟರಿ, ನಮ್ಮ ಅಪ್ಪ ಅಮ್ಮಂಗೆ ಇತ್ತು ಅಂತ ಅಳೋರಿಗೆ ಬೆಳಗಾನೆ ಎದ್ದು ಈ ತರ ಮಾಡ್ಬೋದು.

--- 10 ಕರ್ಬೇವಿನ ಎಲೇನ ಮೂರು ತಿಂಗಳ ಕಾಲ ಎಡಬಿಡದೆ ತಿನ್ನೋದು.

--- ಕರ್ಬೇವ್ನ ಬಿಸಿಲಲ್ಲಿ ಒಣಗಿಸಿಕೊಂಡು ಅದರ ಕಷಾಯ ಕೂಡ ಅಗಾಗ್ಗೆ ಕುಡಿಯೋದು

--- ಕರ್ಬೇವಿನ ಎಲೆ ಜೊತೆ ಒಂದೆರಡು ಮೆಣಸಿನ ಕಾಳನ್ನ ಅಗಿಯೋದು

ಹೀಗ್ ಮಾಡಿರೆ ಸಕ್ಕರೆ ಮಟ್ಟ ಹತೋಟಿಗೆ ಬರೋದಲ್ಲ್ದೆ ಬೊಜ್ಜು ಕೂಡ ಕಡಿಮೆ ಆಗತ್ತಂತೆ.

6. ಕೊಲೆಸ್ಟ್ರಾಲ್ ಕಡಿಮೆ ಮಾಡತ್ತೆ

ನಮ್ ಮೈನಲ್ಲಿ ಕೊಲೆಸ್ಟ್ರಾಲ್ ಜಾಸ್ತಿ ಆದ್ರೆ ಬೊಜ್ಜಿನ ಸಮಸ್ಯೆ, ಬ್ಲಡ್ ಪ್ರೆಶರ್ ಇನ್ನಿತರ ಖಾಯಿಲೆ ಬರತ್ತೆ ಅಲ್ವಾ. ಹಾಗಾಗಿ ನಾವು ಬಳಸೋ ಎಣ್ಣೆನ ಕೂಡ ಕರ್ಬೇವು ಹಾಕಿ ಕಾಯಿಸಿ ಶೋಧಿಸಿಟ್ಟುಕೊಂಡ್ರೆ ಎಣ್ಣೆಲಿರೋ ಕೊಲೆಸ್ಟ್ರಾಲ್ ಅಂಶ ಕಡಿಮೆಯಾಗತ್ತಂತೆ.

ಇದಕ್ಕೆ 1 kg ಅಡುಗೆ ಎಣ್ಣೇಲಿ 15-20 ಕರ್ಬೇವಿನ ಎಲೆ ಹಾಕಿ ರೆಡಿ ಮಾಡಿ. ಈ ಎಣ್ಣೇನ ಅಡುಗೆ ಮಾಡ್ಬೇಕಾದ್ರೆ ಉಪ್ಯೋಗ್ಸಿ.

ಕರ್ಬೇವಿನ ಎಣ್ಣೇನ ಸೋಪ್ ಮಾಡಕ್ಕೂ ಬಳಸ್ತಾರೆ.

7. ಭೇದಿ ನಿಲ್ಸಕ್ಕೆ ರಾಮಬಾಣ

40 gm ಕರ್ಬೇವು ಎಲೆ ತೊಗೊಂಡು, ಅದಕ್ಕೆ 10 gm ಜೀರಿಗೆ ಪುಡಿ ಹಾಕಿ ಕುಡೀಬೇಕು. ಆಮೇಲೆ ಒಂದು ಲೋಟ ಬೆಚ್ಚನೆಯ ನೀರನ್ನ ಕುಡೀಬೇಕು. 10 ನಿಮಿಷದ ನಂತರ ಒಂದು ಸ್ಪೂನ್ ಜೇನುತುಪ್ಪ ತಿನ್ಬೇಕು. ಹೀಗೆ ದಿನಕ್ಕೆ 3-4 ಟೈಮ್ ಮಾಡಿದರೆ ಭೇದಿ ನಿಲ್ಲತ್ತಂತೆ.

8. ಬಾಲನರೆ ತಡೆಯತ್ತೆ

ಹುಡ್ಗೂರು ಹುಡ್ಗೀರು ಇಬ್ರಿಗೂ ಈಗಿನ ಕಾಲದಲ್ಲಿ ಬಹಳ ಬೇಗ ಕೂದ್ಲು ನರೆ ಆಗೋದು ನೋಡ್ತಿದ್ದೀವಿ. ಅಂಥೋರು ಕರ್ಬೇವು ತಿಂದು ಕರ್ಬೇವು ತಲೆಗೆ ಹಚ್ಚ್ಕೊಂಡು ಬಿಳಿ ಕೂದ್ಲಾಗೋದನ್ನ ತಡಿಬೋದು. ತಲೆ ಹೊಟ್ಟು ಕೂಡ ಕಡಿಮೆ ಮಾಡ್ಕೊಬೋದು. ಹೀಗೆ ಮಾಡಿ:

ಒಂದು ಲೀಟರ್ ಕೊಬ್ಬರಿ ಎಣ್ಣೆ ಅಥವಾ ಎಳ್ಳೆಣ್ಣೆ ತೊಗೊಳ್ಳಿ. 10-20 ಕರ್ಬೇವಿನ ಎಲೆ ತೊಗೊಂಡು ಅದಕ್ಕೆ ಹಾಕಿ ಚೆನ್ನಾಗಿ ಒಲೆ ಮೇಲಿಟ್ಟು ಕಾಯಿಸಿ. ಕಾದ ಎಣ್ಣೆನ ಆರಕ್ಕೆ ಬಿಡಿ. ಆಮೇಲೆ ಬಾಟಲ್ನಲ್ಲಿ ತುಂಬಿಟ್ಟುಕೊಂಡು ತಲೆಸ್ನಾನ ಮಾಡೊ ಮುಂಚೆ ತಲೆ ಬುಡಕ್ಕೆ ಹಚ್ಚಿ ಚೆನ್ನಾಗಿ ಮಸಾಜ್ ಮಾಡಿ 15-20 ನಿಮಿಶ ಬಿಟ್ಬಿಡಿ. ನಂತರ ಸೀಗೆಕಾಯಿ ಅಥವಾ ಶಾಂಪೂ ಹಾಕಿ ತಲೆ ತೊಳೆದ್ರಾಯ್ತು! ವಾರಕ್ಕೆ ಒಂದೆರಡು ಬಾರಿ ಹೀಗೆ ಮಾಡಿದ್ರೆ ನರೆಕೂದ್ಲಾಗೋದನ್ನ ತಡಿಬೋದು.

ಇನ್ನೂ ಹೆಚ್ಚಿಗೆ ಮಾಡೊದಾದ್ರೆ ಇದೇ ಕೊಬ್ಬರಿ ಎಣ್ಣೆಗೆ ಕರ್ಬೇವ್ ಜೊತೆ ದಾಸವಾಳದ ಎಲೆ, ನಲ್ಲಿಕಾಯಿ ಹಾಗೂ ತುಳಸಿ ಎಲೆ ಹಾಕ್ಬೋದು.

9. ಮೂಳೆಗೆ ಬೇಕಾದ ಕ್ಯಾಲ್ಶಿಯಮ್ ಕೊಡತ್ತೆ

ಮೂಳೆ ಸೆವೆತದಿಂದ ಕಷ್ಟ ಪಡ್ತಿರೋರು ತಮ್ಮ ಊಟ ತಿಂಡೀಲಿ ಕರ್ಬೇವಿಗೆ ಆದ್ಯತೆ ಕೊಟ್ರೆ ಅದ್ರಿಂದ ಅವರ ದೇಹಕ್ಕೆ ಬೇಕಾದ ಕ್ಯಾಲ್ಶಿಯಮ್ ಪೂರೈಕೆ ಆಗತ್ತೆ.

10. ಮೊಡವೆ ಹೋಗ್ಸಿ ಚರ್ಮದ ಸೌಂದರ್ಯ ಹೆಚ್ಚಿಸತ್ತೆ

ಬೇಸಿಗೇಲಿ ಚರ್ಮದ ಮೇಲೆ ಚಿಕ್ಕ ಚಿಕ್ಕ ಗುಳ್ಲೆ ಏಳೋದುಂಟು. ಅದಕ್ಕೆ ಕರ್ಬೇವಿನ ಪೌಲ್ಟೀಸ್ ಅಥವಾ ಪೇಸ್ಟ್ ಹಚ್ಚಿದ್ರೆ ಬೇಗ ಉರಿ ಕಡಿಮೆ ಆಗಿ ಮಾಯತ್ತೆ.

ಕರ್ಬೇವ್ ಎಲೇನ ತೊಗೊಂಡು ಪೇಸ್ಟ್ ತರ ಮಾಡ್ಕೊಂಡು ಸ್ವಲ್ಪ ಅರಿಶಿನ ಮಿಕ್ಸ್ ಮಾಡಿ ಮುಖಕ್ಕೆ ಸ್ವಲ್ಪ ದಿನ ಹಚ್ಚುತ್ತಾ ಬಂದ್ರೆ ಮುಖದ ಚರ್ಮ ಸಿಕ್ಕಾಪಟ್ಟೆ ಕ್ಲೀನ್ ಅಂಡ್ ಕ್ಲಿಯರ್ ಆಗತ್ತೆ!

ಕರ್ಬೇವು ಗಿಡ ಕೂಡ ಹಣ್ಣು ಬಿಡತ್ತೆ. ಕಾಯಿ ಆಗಿದ್ದಾಗ ಹಸಿರು ಬಣ್ಣ, ಹಣ್ಣಾದಾಗ ನೇರಳೆ ಬಣ್ಣ ಇರತ್ತೆ. ಈ ಕಾಯಿ/ಹಣ್ಣಿನ ಜ್ಯೂಸ್ ತೊಗೊಂಡು ಅದಕ್ಕೆ ಸಮ ಪ್ರಮಾಣ ನಿಂಬೆ ರಸ ಹಾಕಿ ಹುಳ ಅಥವಾ ವಿಷದ ಹಾವು ಕಚ್ಚಿರೋ ಜಾಗಕ್ಕೆ ಹಚ್ಚಿದ್ರೆ ತಕ್ಷಣ ಉರಿ ಕಡಿಮೆ ಆಗತ್ತಂತೆ.

11. ಬಾಯಿ ದುರ್ವಾಸನೆ ವಸಡಿನ ಫಂಗಸ್ ಪ್ರಾಬ್ಲಂಗೂ ಕರ್ಬೇವು ಮದ್ದು

ಹಲ್ಲಿನ ಮೇಲೆ ಕೂತ್ಕೊಳೊ ಕೊಳೆ ಮತ್ತೆ ಅದ್ರಿಂದ ಉಂಟಾಗೋ ಕೆಟ್ಟ ವಾಸನೆನ ಕಡಿಮೆ ಮಾಡಕ್ಕೆ ಕರಿಬೇವು ಸಹಾಯ ಮಾಡತ್ತೆ. 

 

ನಿಮ್ಮ ದಿನನಿತ್ಯದ ಊಟ-ತಿಂಡೀಲಿ...ವಡೆ, ಚಿತ್ರಾನ್ನ, ಸಾರು, ಗೊಜ್ಜು, ತಂಬೂಳಿಗಳಿಗೆ ಕರ್ಬೇವು ಬಳಸುತ್ತಾ ಬನ್ನಿ. ಹಾಗೆ ಅದನ್ನ ಚೆಲ್ಲದೆ ತಿನ್ನೋ ಪ್ರಾಕ್ಟೀಸ್ ಕೂಡ ಮಾಡ್ಕೊಳ್ಳಿ ಅಂತ ಹೇಳಕ್ಕೆ ಮೇಲಿನ 11 ಕಾರಣಕ್ಕಿಂತ ಮತ್ತೇನ್ ಬೇಕು?

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: