ಈ ಒಡೆಯರ್ ಕಾಲದ ಸೋಪಿನ ಬಗ್ಗೆ ನೀವು ತಿಳ್ಕೊಬೇಕಾದ 13 ಘಮಘಮ ಅನ್ನೋ ಸತ್ಯಗಳು

2016ಕ್ಕೆ 100 ವರ್ಷ ಆಯ್ತು

ಮಾರುಕಟ್ಟೆಗೆ ಅದೆಷ್ಟೋ ಸೌಂದರ್ಯ ಸಾಬೂನುಗಳು ಬಂದ್ವು ಹೋದ್ವು. ಆದ್ರೆ ನೂರು ವರ್ಷಗಳಿಂದ ಮಾರ್ಕೆಟಲ್ಲಿ ರಾಣಿ ತರಹ ಮೆರೀತಿರೋ ಸೋಪು ಅಂದ್ರೆ ಅದು ಮೈಸೂರು ಸ್ಯಾಂಡಲ್. ಈ ಸೋಪು ಬಂದು ನೂರು ವರ್ಷ ಆಗಿದೆ ಅಂದ್ರೆ ಸುಮ್ನೆನೆ ಮಾತ? ಮೇ 10ಕ್ಕೆ ಸೆಂಚುರಿ ಪೂರೈಸಿದೆ ನಮ್ಮ ಗಂಧದ ಬೀಡಿನ ಹೆಮ್ಮೆಯ ಸೋಪು ಮೈಸೂರು ಸ್ಯಾಂಡಲ್. ಬೀಲೇಟೆಡ್ ಹ್ಯಾಪಿ ಬರ್ತ್ ಡೇ ಹೇಳುತ್ತಾ ಜನ ಈ ಸೋಪಿನ ಬಗ್ಗೆ ತಿಳ್ಕೋಬೇಕಾದ 13 ವಿಷಯಗಳಿವೆ.  

 

1. ಇದನ್ನ 100% ಶುದ್ಧ ಗಂಧದೆಣ್ಣೆಯಿಂದ ಮಾಡ್ತಾರೆ

ಶೇ.100ರಷ್ಟು ಶುದ್ಧವಾದ ಗಂಧದ ಎಣ್ಣೆಯಿಂದ ತಯಾರಾಗೋ ಈ ಜಗತ್ತಿನಲ್ಲಿ ಸಿಗೋ ಏಕೈಕ ಸೋಪು ಅಂದ್ರೆ ಮೈಸೂರು ಸ್ಯಾಂಡಲ್.

2. ಇದು ಕರ್ನಾಟಕ ಸರ್ಕಾರದ ಒಂದು ಉದ್ದಿಮೆ

ಕರ್ನಾಟಕ ಸರ್ಕಾರಿ ಸ್ವಾಮ್ಯದ ಕರ್ನಾಟಕ ಸೋಪ್ಸ್ ಮತ್ತು ಡಿಜರ್ಜೆಂಟ್ಸ್ ಲಿಮಿಟೆಡ್ (KSDL) ತಯಾರಿಸುವ ಬ್ರ್ಯಾಂಡ್ ಇದು. ಗೌರ್ನಮೆಂಟ್ ಸೋಪ್ ಫ್ಯಾಕ್ಟರಿಯೊಂದಿಗೆ ಶಿವಮೊಗ್ಗ ಮತ್ತು ಮೈಸೂರಿನ ಗಂಧದೆಣ್ಣೆ ಫ್ಯಾಕ್ಟರಿಗಳು 1980ರಲ್ಲಿ ವಿಲೀನವಾಗುವ ಮೂಲಕ ಸ್ಥಾಪನೆಯಾಯ್ತು ಕೆಎಸ್ ಡಿಎಲ್.  

3. ಗೌರ್ನಮೆಂಟ್ ಸೋಪ್ ಫ್ಯಾಕ್ಟರಿ ಕಟ್ಟಿಸಿದ್ದು ನಾಲ್ವಡಿ ಕೃಷ್ಣರಾಜ ಒಡೆಯರು

ನಾಲ್ಕನೇ ಕೃಷ್ಣರಾಜ ಒಡೆಯರು ಬೆಂಗಳೂರಿನಲ್ಲಿ ಗೌರ್ನಮೆಂಟ್ ಸೋಪ್ ಫ್ಯಾಕ್ಟರಿ ಸ್ಥಾಪಿಸಿದ ಮೇಲೆ ಈ ಸೋಪನ್ನು 1916ರಿಂದ ತಯಾರಿಸಲಾಗುತ್ತಿದೆ. ಮೊದಲನೇ ಮಹಾಯುದ್ಧದಿಂದಾಗಿ ಯೂರೋಪ್ ಗೆ ಗಂಧದ ರಫ್ತು ನಿಂತೋಯ್ತು. ಆಗ ಇಲ್ಲೇ ಸಂಗ್ರಹವಾದ ಗಂಧದ ಮರಗಳನ್ನು ಬಳಸಿಕೊಳ್ಳುವ ಉದ್ದೇಶದಿಂದ ಈ ಫ್ಯಾಕ್ಟರಿ ಆರಂಭಿಸಿದರು.

4. ಯಾರೋ ಕೊಟ್ಟ ಸ್ಯಾಂಡಲ್ ಸೋಪ್ ಉಡುಗೊರೆಯಿಂದ ಅವರಿಗೆ ಸೋಪ್ ತಯಾರಿಸೋ ಐಡಿಯಾ ಬಂತು

ಒಮ್ಮೆ ಮೈಸೂರಿನ ಮಹಾರಾಜಗೆ ಭಾರತದಲ್ಲೇ ತೆಗೆದ ಗಂಧದ ಎಣ್ಣೆಯಿಂದ ತಯಾರಿಸಿದ ಸೋಪ್ ಉಡುಗೊರೆಯಾಗಿ ಸಿಕ್ತು. ಅರೆ ಗಂಧದೆಣ್ಣೆಯಿಂದ ನಾವೂ ಯಾಕೆ ಸೋಪ್ ತಯಾರಿಸ್ಬಾರ್ದು ಎಂಬ ಐಡಿಯಾ ಹೊಳೆದದ್ದು ಆಗ್ಲೆ.     

5. ಬರೀ 2 ವರ್ಷದಲ್ಲಿ ಐಡಿಯಾನ ಕಾರ್ಯರೂಪಕ್ಕೆ ತಂದರು

ಈ ಗಂಧದೆಣ್ಣೆ ಸೋಪ್ ಏನೋ ಉಡುಗೊರೆಯಾಗಿ ಅವರ ಕೈಗೆ ಸಿಕ್ತು, ಮೈಸೂರು ಸ್ಯಾಂಡಲ್ ಸೋಪ್ ತಯಾರಿಸೋ ಐಡಿಯಾನೂ ಬಂತು. ಆದ್ರದು ಕಾರ್ಯರೂಪಕ್ಕೆ ತರಲು ಎರಡು ವರ್ಷ ಬೇಕಾಯ್ತು. 

6. ಮೊದಲನೆ ಮೈಸೂರು ಸ್ಯಾಂಡಲ್ ಸೋಪ್ ತಯಾರಾಗಿದ್ದು 1918ರಲ್ಲಿ

ಗಂಧದೆಣ್ಣೆ ಬಳಸಿ ಸೋಪ್ ತಯಾರಿಸಕ್ಕೆ ರಸಾಯನಶಾಸ್ತ್ರಜ್ಞರಾದ ಎಸ್ ಜಿ ಶಾಸ್ತ್ರಿ ಮುಂದಾದ್ರು. 1918ರಲ್ಲಿ ಮೊದಲ ಮೈಸೂರು ಸ್ಯಾಂಡಲ್ ಸೋಪ್ ಹಾಗೂ ಗಂಧದೆಣ್ಣೆ ಪರಿಮಳದ ನೋಟನ್ನು ಮಾರುಕಟ್ಟೆಗೆ ಬಿಡಲಾಯಿತು. 

7. ಮೈಸೂರು ಸ್ಯಾಂಡಲ್ ಸೋಪಿನ ಮೊದಲ ರಾಯಭಾರಿ ಎಂ.ಎಸ್.ಧೋನಿ

2006ರಲ್ಲಿ ಮೈಸೂರು ಸ್ಯಾಂಡಲ್ ಸೋಪ್ ನ ಮೊದಲ ರಾಯಭಾರಿಯಾಗಿ ಭಾರತ ಕ್ರಿಕೆಟಿಗ ಮಹೇಂದ್ರ ಸಿಂಗ್ ಧೋನಿ ಆಯ್ಕೆಯಾದರು.
 

8. ನೈಸರ್ಗಿಕ ಗಂಧದೆಣ್ಣೆಯಿಂದ ತಯಾರಾಗೋ ಏಕೈಕ ಸೋಪ್ ಇದು

ನೈಸರ್ಗಿಕ ಗಂಧದೆಣ್ಣೆಯಿಂದ ತಯಾರಾದ ಇಡೀ ಜಗತ್ತಲ್ಲಿ ಸಿಗೋ ಏಕೈಕ ಸೋಪ್ ಇದು ಅಂತ 2006ರಲ್ಲಿ ಇದನ್ನು ಭೌಗೋಳಿಕವಾಗಿ ಗುರುತಿಸಲಾಗಿದೆ. ಅದೇ ರೀತಿ ಮೈಸೂರು ಸ್ಯಾಂಡಲ್ ವುಡ್ ಆಯಿಲ್ ಹಾಗೂ ಮೈಸೂರು ಕಸೂತಿಯನ್ನೂ ಗುರುತಿಸಲಾಗಿದೆ. 

9. KSDL ಸೋಪ್ ಫ್ಯಾಕ್ಟರೀಲಿ ವರ್ಷಕ್ಕೆ 26,000 ಟನ್ ಸೋಪು ತಯಾರಿಸ್ತಾರೆ

ಮಾರ್ಚ್ 2006ರ ಪ್ರಕಾರ, ಭಾರತದಲ್ಲಿ ತಯಾರಾಗುವ ಹಾಗೂ ಮಾರುಕಟ್ಟೆ ಬರುವ 450 ಸಾವಿರ ಟನ್ ಸೋಪ್ ಗಳಲ್ಲಿ ಮೈಸೂರು ಸ್ಯಾಂಡಲ್ ವುಡ್ ಸೋಪಿನ ಪಾಲು 6,500 ಟನ್. ಬೆಂಗಳೂರಿನ ಕೆಎಸ್ ಡಿಎಲ್ ಸೋಪ್ ಫ್ಯಾಕ್ಟರಿಗೆ ದೇಶದಲ್ಲೇ ಅತ್ಯಧಿಕ ಉತ್ಪದನಾ ಸಾಮರ್ಥ್ಯವಿದ್ದು ವರ್ಷಕ್ಕೆ 26,000 ಟನ್ ಉತ್ಪಾದಿಸಲಾಗುತ್ತೆ. 

10. ಈ ಕಂಪನಿ 2013-14ರಲ್ಲಿ ರೂ. 32.84 ಕೋಟಿ ಲಾಭ ಮಾಡ್ತು

2013-14ರಲ್ಲಿ ಈ ಕಂಪನಿ 315.72 ಕೋಟಿ ರೂಪಾಯಿ ಸರಕನ್ನು ಮಾರಾಟ ಮಾಡುವ ಮೂಲಕ ಒಟ್ಟು ರೂ. 32.84 ಕೋಟಿ ಲಾಭ ಗಳಿಸಿತ್ತು. 
 

11. ಮಿಲೇನಿಯಂ ಅನ್ನೋ ಹೆಸರಿನ ಸೂಪರ್ ಪ್ರೀಮಿಯಂ ಸೋಪ್ ಬೆಲೆ ರೂ. 720!!!

2012ರಲ್ಲಿ ಕೆಎಸ್ ಡಿಎಲ್, ಅತ್ಯಧಿಕ ಬೆಲೆಯ ಮಿಲೇನಿಯಂ ಹೆಸರಿನ ಸೂಪರ್ ಪ್ರೀಮಿಯಂ ಸೋಪ್ ಬಿಡುಗಡೆ ಮಾಡಿತು. 150 ಗ್ರಾಂ ಬಾರಿನ ಬೆಲೆ ರೂ.720, ದೇಶದಲ್ಲಿ ತಯಾರಾದ ಅತ್ಯಧಿಕ ಬೆಲೆಯ ಸೋಪ್ ಇದಾಗಿದ್ದು, ಪ್ರತಿ ಸೋಪ್ ಬಾರ್ ಶೇ.3ರಷ್ಟು ಶುದ್ಧ ಗಂಧದೆಣ್ಣೆಯಿಂದ ತಯಾರಿಸಲಾಗಿತ್ತು. 

12. ಸೋಪ್ ಅಷ್ಟೇ ಅಲ್ಲ ಡಿಟರ್ಜೆಂಟ್ ಗಳು, ಕಾಸ್ಮೆಟಿಕ್ ಗಳ್ನ ಕೂಡ ಇದೇ ಕಂಪನಿ ತಯಾರಿಸುತ್ತೆ

ಬೆಂಗಳೂರು, ಮೈಸೂರು ಮತ್ತು ಶಿವಮೊಗ್ಗದಲ್ಲಿ ಕೆಎಸ್ ಡಿಎಲ್ ಘಟಕಗಳಿದ್ದು ಸೋಪ್ ಗಳು, ಡಿಟರ್ಜೆಂಟ್ ಗಳು ಹಾಗೂ ಕಾಸ್ಮೆಟಿಕ್ ಗಳನ್ನು ತಯಾರಿಸಲಾಗುತ್ತೆ.

13. ಈಗ ಮೈಸೂರು ಸ್ಯಾಂಡಲ್ ಸೋಪ್ಗೆ 100 ವರ್ಷ

ಮೇ.10, 2016ಕ್ಕೆ ಕೆಎಸ್ ಡಿಎಲ್ ಮೈಸೂರು ಸ್ಯಾಂಡಲ್ ಸೋಪ್ ತಯಾರಿಸಲು ಶುರುಮಾಡಿ 100 ವರ್ಷಗಳಾಗಿವೆ. ನಮ್ಮ ಮೈಸೂರು ಸೋಪ್ ಬಗ್ಗೆ ಕರ್ನಾಟಕದ ಜನ ಹೆಮ್ಮೆ ಪಡುವ ದಿನ ಇದು. 

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ನಿಮ್ಮ ಕಣ್ಣು ಗುಡ್ಡೆ ಯಾವ ಬಣ್ಣ ಇದೆ ಅನ್ನೋದ್ರಿಂದ ನಿಮ್ಮ ವ್ಯಕ್ತಿತ್ವದ ಬಗ್ಗೆ ಇಷ್ಟು ಹೇಳಬಹುದು

ಕಣ್ ಕಣ್ಣ ಸಲಿಗೆ

ಕಣ್ಗಳನ್ನ ನಮ್ ಆತ್ಮದ ಕಿಟ್ಕಿ ಇದ್ದಾಗೆ ಅಂತ ಕರೀತಾರೆ. ಯಾರದಾದರೂ ಕಣ್ಗಳನ್ನ ಒಂದೇ ಸಮ್ನೇ ನೋಡ್ತಾ ಇದ್ರೆ ಅವ್ರ್ ಮನ್ಸ್ ಎನು ಅವ್ರ್ ಮೂಡ್ ಹೇಗಿದೆ ಅನ್ನೋದನ್ನೆಲ್ಲಾ ತಿಳ್ಕೊಬಹುದಂತೆ. ಬರೇ ಕಣ್ಣಿನಿಂದ ಅವ್ರು ಸಿಟ್ಟಾಗಿದ್ದಾರಾ? ಇಲ್ಲಾ ಸಮಧಾನದಿಂದ ಇದ್ದಾರ ಅನ್ನೋದನೆಲ್ಲಾ ತಿಳಿಬಹುದು . ಕೆಲ್ವರ ಕಣ್ಗಳು ನೋಡೊಕೆ ತುಂಬಾ ಚೆನ್ನಾಗಿದೆಯಂತ ನಿಮ್ಗೆ ದೇವ್ರು ಕೊಟ್ಟಿರೋ ಆ ಎರಡು ಕಣ್ಗಳ ಬಗ್ಗೆ ಖುಷಿಯಿರ್ಲಿ. ಫಳ ಫಳ ಹೊಳೆಯೋ ಆ ಕಣ್ಗಳನ್ನ ನೋಡಿದ್ರೆ ಇನ್ನೊಬ್ರಿಗೆ ಆಕರ್ಷಣೆಯಾಗೋದು ಸಹಜ. ಅದ್ಕೆ ಮಗಾ ನಾನ್ ಅವ್ಳ ಕಣ್ ನೋಡಿಯೇ ಬಿದ್ಬಿಟ್ಟೆ ಅಂತಾರಲ್ವ ನಮ್ ಹುಡ್ಗರು. ಬರೇ ಇದ್ ಮಾತ್ರ ಅಲ್ಲಾ ಕಣ್ಣಿಂದ ನಾವ್ ಯಾವ್ ತರದವ್ರು, ನಮ್ ಗುಣ ಹೇಗೆ ಅನ್ನೋದನ್ನೆಲ್ಲಾ ತಿಳ್ಕೊಬಹುದು. 

1) ಕಪ್ಪು ಕಣ್ಗುಡ್ಡೆ ಇರೋರು ತುಂಬಾನೇ ಜವಬ್ದಾರಿಯ ಮನುಷ್ಯರು

ಒಂದ್ ಆಶ್ಚರ್ಯದ ವಿಷ್ಯ ಎನಂದ್ರೆ ಕಪ್ಪಾಗಿರೋ ಕಣ್ ಗುಡ್ಡೆ ಇರೋದು ತುಂಬಾನೇ ಅಪರೂಪ ಅಂತೆ. ನಾವ್ ಎನ್ ನೋಡ್ತಾ ಇದ್ದೀವೋ ಆ ಕಣ್ ಗುಡ್ಡೆಗಳ ಬಣ್ಣ ಗಾಢವಾದ ಕಂದು ಬಣ್ಣ.

ಕಪ್ಪಾಗಿರೋದು ಅಥ್ವಾ ಗಾಢ ಕಂದು ಬಣ್ಣದ ಕಣ್ಣುಗುಡ್ಡೆಯು ರಹಸ್ಯಕ್ಕೆ ,ಕತ್ತಲಿಗೆ, ಒಳ್ಗಡೆ ಅಡ್ಗಿರೋ ವಿಷ್ಯಗಳನ್ನ ಸೂಚ್ಸತ್ತೆ. ಈ ತರ ಕಣ್ಗುಡ್ಡೆ ಇರೋರು ತುಂಬಾನೇ ನಂಬಿಕೆಯುಳ್ಳವರು ಮತ್ತೆ ಜವಬ್ದಾರಿಯನ್ನ ತಗೊಳ್ಳೊ ಜಾಯಮಾನದವ್ರಂತೆ. ರಹಸ್ಯನ್ನಾ ಮುಚ್ಚಿಡೋದರ್ಲ್ಲಿ ಇವ್ರದ್ದು ಎತ್ತಿದ್ ಕೈ ಯಾವ್ದೇ ಕಾರಣಕ್ಕೂ ಯಾರ್ ಹತ್ರಾನು ಹೇಳಲ್ಲ.

ಇವ್ರುಗಳು  ಜನ್ರನ್ನ ನಂಬೋದಾಗ್ಲಿ ಅಥ್ವಾ ಪ್ರೀತಿ ಪ್ರೇಮದ ಸಂಭಂದ ಬೆಳ್ಸೊವಾಗ ಹಿಂದೆ ಮುಂದೆ ಸಾವಿರ ಸಲ ಯೋಚ್ನೇ ಮಾಡ್ತಾರೆ ಆದ್ರೆ ಒಂದ್ಸಲ ಬೇಳ್ಸದ್ರೋ ಸಾಯೋವರ್ಗೂ ಕೈ ಬಿಡೋರಲ್ಲ. ತುಂಬಾನೇ ಪರಿಶ್ರಮ ಜೀವಿಗಳು ಎನೇ ಆದ್ರೂ ಎಲ್ಲವೂ ಸರಿಯಾಗ್ ಇರ್ಬೇಕು ಅಷ್ಟೇ. ಆಧ್ಯಾತ್ಮದ ಗಾಳಿಯೂ ಕೂಡಾ ಇವ್ರಲ್ಲಿರತ್ತೆ.

ಮೂಲ

2) ಕಂದು ಬಣ್ಣದ ಕಣ್ಗುಡ್ಡೆಯುಳ್ಳವರು ಸರಳ ಜೀವಿಗಳು

ಸಾಮಾನ್ಯವಾಗಿ ನಮ್ ನಿಮ್ಮೆಲ್ಲರ ಕಣ್ಗುಡ್ಡೆ ಕಂದು ಬಣ್ಣದ್ದೇ. ಕಂದು ಬಣ್ಣದ ಕಣ್ಗುಡ್ಡೆಯುಳ್ಳವರು ತುಂಬಾನೇ ಆಕರ್ಷಣೆಯ ಜೊತೆಗೆ ಧ್ರಡತೆಯುಳ್ಳವರು.

ಈ ಕಣ್ಗುಡ್ಡೆಯನ್ನ ಭೂಮಿಗೆ ಹೋಲಿಸ್ತಾರೆ. ಅದ್ಕೊಸ್ಕರನೇ ಇವ್ರುಗಳು ಸರಳವಾದ ಜೀವ್ನ ನಡೆಸ್ತಾರೆ. ತುಂಬಾನೇ ಕ್ರಿಯಾಶೀಲರಾಗಿರ್ತಾರೆ. ಪ್ರಾಮಾಣಿಕತೆ, ಸ್ವತಂತ್ರತೆ, ಕಾಳಜಿಯನ್ನೊದು ಇವ್ರಲ್ಲಿ ಸಾಮಾನ್ಯವಾಗಿರತ್ತೆ.

ಇವ್ರುಗಳು ವಾಸ್ತವದಲ್ಲಿ ಬದ್ಕತಾರೆ. ಆದ್ರೆ ಕಾಳಜಿ ಪ್ರೀತಿಯನ್ನೋದು ಬಂದ್ ಬಿಟ್ರೆ ವಾಸ್ತವ ಲೆಕ್ಕಕ್ಕೆ ಬರಲ್ಲ.  ಧ್ರಡತೆ, ಕಾಳಜಿ, ಪ್ರಾಮಾಣಿಕತೆ ಇವ್ರಲ್ಲಿದ್ರೂ ಕೆಲ್ವೊಮ್ಮೆ ತಮ್ಮನ್ನ ಆ ರೀತಿ ಗುಣದವ್ರು ಅಂತ ತೋರ್ಸ್ಕೊಳ್ಳೊಕ್ಕೆ ತುಂಬಾನೇ ಕಷ್ಟ ಪಡ್ತಾರೆ.

ಇವ್ರುಗಳು ತುಂಬಾನೇ ಶಕ್ತಿಶಾಲಿಯಾಗಿದ್ದರೂ ಪ್ರೇಮ ಜೀವಿ ಕಣ್ರೀ. ಎನೇ ಹೇಳಿದ್ರೂ ಇವ್ರುಗಳು ಮಾಡ್ತಾರೆ ಆದ್ರೆ ಅವ್ರ ಕೆಲ್ಸದಿಂದ ನೀವ್ ಖುಷಿಯಾಗೋದ್ ಬಿಡೋದ್ ನಿಮ್ಗೆ ಬಿಟ್ಟಿದ್ದು.

ಮೂಲ

3) ಕಂದು ಮತ್ತೆ ಹಸಿರು ಬಣ್ಣದ ಕಣ್ಗುಡ್ಡೆಯುಳ್ಳವರು ಸಾಹಸ ಪ್ರವ್ರತ್ತಿಯವರು

ಕಂದು ಮತ್ತೆ ಹಸಿರು ಬಣ್ಣದಿಂದ ಕೂಡಿದ ಈ ಕಣ್ಗುಡ್ಡೆಯನ್ನ ಎಷ್ಟ್ ಸಲ ನೋಡಿದ್ರೂ ಸಾಕಾಗಲ್ಲ. ಅಷ್ಟು ಚೆನ್ನಾಗಿದೆಯಲ್ವ. ಈ ತರ ಕಣ್ಗುಡ್ಡೆಯಳ್ಳವರಿಗೆ  ಒಳ್ಳೆ ಟೇಸ್ಟ್ ಇರತ್ತಂತೆ.

ತುಂಬಾನೇ ಸ್ವಾಭಾವಿಕ ಗುಣ ಇರೋ ಇವ್ರು ಸಾಹಸ ಅಂದ್ರೆ ಯಾವ್ ಸಮಯದಲ್ಲಿ ಬೇಕಾದ್ರೂ ರೆಡಿಯಾಗಿರ್ತಾರೆ. ಎನಾದ್ರೂ ಒಂದ್ ಕೆಲ್ಸ್ ಮಾಡ್ತಾ ಇದ್ರೆ  ಅದೇನು ಅದೇಕೆ ಹಾಗೆ ಅಂತ ಸಾವಿರ ಪ್ರಶ್ನೆ ಕೇಳಲ್ಲ. ಅದ್ರ ಜೊತೆಗೆ ತಾವು ಮಾಡ್ಕಂಡು ಹೋಗ್ಬಿಡ್ತಾರೆ. ಸಿಕ್ಕಾಪಟ್ಟೆ ಧೈರ್ಯ ಇರೋ ಇವ್ರನ್ನ ಒಂಟಿತನ ಆಗಾಗ ಕಾಡ್ತಾ ಇರತ್ತೆ.

ಯಾವಾಗ್ಲೂ ಹೊಸತನ್ನ ಹುಡಕ್ತಾ ಇರ್ತಾರೆ . ಇವ್ರನ್ನ ಪ್ರೀತಿಸ್ಬೇಕಾದ್ರೆ ಇವ್ರ ತರ ಇರೋರೆ ಆಗಿರ್ಬೇಕು ಇಲ್ಲಾಂದ್ರೆ ಆ ಸಂಬಂಧ ತುಂಬಾ ದಿನ ನಿಲ್ಲಲ್ಲ. ಚೇಷ್ಟೆ ಸ್ವಭಾವ ಹೊಂದಿರೋ ಇವ್ರು ಸಿಟ್ಟಾದ್ರೆ ತಡ್ಕೊಳ್ಳಕ್ಕಾಗಲ್ಲ. ಒಂದ್ ವೇಳೆ ಅವ್ರ ಸಿಟ್ಟನ್ನ ಕಂಟ್ರೋಲ್ ಮಾಡಿದ್ರೆ ನಿಮ್ನ ಬಿಟ್ ಕೊಡಲ್ಲ.

ಮೂಲ

4) ಬೂದು ಬಣ್ಣದವರು ಎಲ್ಲಾ ವಿಷಯಗಳ್ನ ಸೀರಿಯಸ್ಸಾಗಿ ತೊಗೋತಾರೆ

ಜೀವ್ನ ಅಂದ್ರೆ ಬರೇ  ಬ್ಲಾಕ್ ಆಂಡ್ ವೈಟ್ ಅಲ್ಲ. ಬೇರೆ ತರದ ಬಣ್ಣಗಳಿಗೂ ಅಲ್ ಜಾಗ ಇದೆ. ಅದೇ ತರ ಬೂದು ಬಣ್ಣದ ಕಣ್ಗುಡ್ಡೆಯಳ್ಳವರು ನಾಯಕತ್ವಕ್ಕೆ ಹೇಳ್ ಮಾಡ್ಸದವ್ರು.

ನಡತೆ ವಿಷ್ಯಕ್ಕೆ ಬಂದಾಗ ಇವ್ರುಗಳು ತುಂಬಾನೇ ಸ್ಟ್ರಾಂಗ್.  ಬುದ್ದಿವಂತಿಕೆ ಚಾಣಾಕ್ಷತನ ಇವ್ರ್ ಹುಟ್ಟು ಗುಣ. ಹಾಗಂತ ಇವ್ರು ಮಹಾ ಕೋಪಿಷ್ಟರಲ್ಲ  ಸಾಧು ಸ್ವಭಾವದವ್ರು. ಎನೇ ವಿಷ್ಯ ಇದ್ರೂ ಅದ್ನ ಸೀರಿಯಸ್ಸಾಗಿ ತಗಂಡು ಮಾಡ್ತಾರೆ. ಇವ್ರಿಗೆ ಪ್ರೀತಿ ಪ್ರೇಮ ಇನ್ನೊಬ್ರ ಜೊತೆ ಟೈಮ್ ಪಾಸ್ ಮಾಡೋ ವಸ್ತು ಅಲ್ವೇ ಅಲ್ಲ ಅದೆಲ್ಲ ಸಿರಿಯಸ್ಸಾಗೀಯೆ ತಗೊಳ್ತಾರೆ .

ಕ್ರಿಯಾಶೀಲ, ಕಲ್ಪನಾತ್ಮಕ ಜೀವಿ, ಹೊಂದಿಕೊಳ್ಳುವ ಗುಣಗಳು ಇರೋದ್ರಿಂದಾನೆ ಇವ್ರನ್ನ ನಾಯಕತ್ವಕ್ಕೆ ಲಾಯಕ್ಕಾದಾವ್ರು ಅಂತಾರೇ. ವಿಚಾರವಾದ, ವಿಶ್ಲೇಷಣೆ, ಒಳ್ಗಿರೋ ಶಕ್ತಿ ಇವೆಲ್ಲದ್ರ ಸಹಾಯದಿಂದ ಯಾವ್ದೇ ಪರಿಸ್ಥಿತಿಯಲ್ಲಿಯೂ ಸಹ ಅದ್ನ ತಮ್ಗ ಹೇಗ್ ಬೇಕೊ ಹಾಗೆ ಮಾಡ್ಸ್ಕೊಳ್ತಾರೆ.

ಮೂಲ

5) ಹಸಿರು ಕಣ್ಗುಡ್ಡೆಯವರನ್ನ ಅರ್ಥ ಮಾಡ್ಕೊಳ್ಳೋದು ಕಷ್ಟ

ಹಸಿರು ಕಣ್ಗುಡ್ಡೆ ಯಾವಾಗ್ಲೂ ಒಳ್ಳೆಯ ಗಾಳಿಗೆ ಸಂಬಂಧಿಸತ್ತೆ. ಪುನರ್ ಯವ್ವನ ಅನ್ನೋದು ಎಲ್ಲ್ ಪರಿಸ್ಥಿತಿಯಲ್ಲಿ ಸಹಾಯ ಮಾಡತ್ತೆ. ನಿಗೂಢತೆಯನ್ನೊದು ಇವ್ರಲ್ಲಿ ಜನ್ಮತ ಇರತ್ತೆ. ಒಗಟೊಗಟಾಗಿ ಇರ್ತಾರೆ. ಯಾರ್ಗೂ ಅಷ್ಟು ಸುಲಭದಲ್ಲಿ ಅರ್ಥ ಆಗೋರಲ್ಲ.

ಇವ್ರನ್ನ ಸ್ವಲ್ಪ ಹೊತ್ತು ನೋಡ್ತಾ ಇದ್ರೆ ಸಾಕು ವಶೀಕರಣ ಆದವ್ರ ತರ ಅವ್ರಗೇ ಬಿದ್ ಬಿಡ್ತೀರಿ. ಎನಾದ್ರೂ ಹೊಸ ವಿಷ್ಯ ಇದ್ರೆ ಅದರ ಬಗ್ಗೆ ಎಲ್ಲಕ್ಕಿಂತ ಜಾಸ್ತಿ ಆಸಕ್ತಿ ತೋರ್ಸತಾರೆ. ಜೀವ್ನನಾ ತುಂಬಾನೇ ಖುಷಿಯಿಂದ ಅನುಭವಿಸ್ತಾರೆ  ಎಲ್ಲಾ ಮಜಲಿನ ರುಚಿಯನ್ನ ಅನುಭವಿಸಿರ್ತಾರೆ.

ಬೇಗನೇ ಹೊಟ್ಟೆಕಿಚ್ಚು ಬರತ್ತೆ. ಆದ್ರೂ ಇವ್ರ ಕಣ್ ನೋಡಿ ಅದೆಲ್ಲ ಅಷ್ಟು ಲೆಕ್ಕಕ್ಕೆ ಬರಲ್ಲ. ಬೇರೆ ಜನ್ರು ಇವ್ರ ಕಡೇ  ಬೀಳೊಕೆ ಕೆಲವು ಸೆಕೆಂಡು ಸಾಕು. 

ಮೂಲ

6) ನೀಲಿ ಕಣ್ಣಿನವ್ರು ಸಿಕ್ರೆ ಯೋಚ್ನೇ ಮಾಡ್ಬೇಡಿ ಮದುವೆ ಮಾಡ್ಕೊಂಡ್ ಬಿಡಿ 

ಎನೋ ಒಂದ್ ಬಿಟ್ಟೆ ಅನ್ಕೊಂಡ್ರಾ? ನೀಲಿ ಕಣ್ಗಳ ಬಗ್ಗೆ ಹೇಳ್ದೇ ಇದ್ರೆ ಈ ಟಾಫಿಕ್ ಮುಗಿಯಲ್ಲ ಬಿಡಿ. ಜಗತ್ತಿನ ಅದೇಷ್ಟೊ ಜನ ನನ್ ಕಣ್ ಹೀಗಿರ್ಬೇಕು ಅಂತೇಳೋ ಬಣ್ಣ ಇದು.

ತುಂಬ ಬೇಗ ಎಲ್ರಿಗೂ ಇಷ್ಟ್ ಆಗ್ತಾರೆ. ಶಾಂತಿ, ಕ್ರೀಯಾಶೀಲತೆ, ಯವ್ವನ  ಇವ್ರಲ್ಲಿ ತುಂಬಿ ತುಳಕ್ತಾ ಇರತ್ತೆ. ಕರುಣೆಯಿಂದ ಇವ್ರು ಜನ್ರಿಗೆ ಬೇಗ ಹತ್ರ್ ಆಗ್ತಾರೆ. ಇವ್ರ ಜೊತೆ ಮಾಡೊ ಸಂಬಂಧ ಅಜರಾಮರ ಇದ್ದಾಗೆ.  ಇನ್ನೊಬ್ರ ಖುಷಿಯನ್ನ ನೋಡೊದು ಇವ್ರ ಮೊದಲ ಕೆಲ್ಸ.  ಈ ತರ ಗುಣ ಇರೋದು ತುಂಬಾನೇ ಕಮ್ಮಿ.

ಹೊರಗಿನ ಪ್ರಪಂಚದಲ್ಲಿ ಅವ್ರುಗಳು ತಮ್ಮನ್ನ ತೊಡಗಿಸಿಕೊಳ್ಳೊಕೆ ತುಂಬಾನೇ ಇಷ್ಟ ಪಡ್ತಾರೆ. ಇವ್ರುಗಳು ಸಂಬಂಧ ಬೆಳ್ಸೋವಾಗ ಧೀರ್ಘವಾಗಿಯೇ ಇರ್ಬೇಕು ಸರಿಯಾಗಿರ್ಬೇಕು ಅಂತ ಯೋಚ್ನೇ ಮಾಡಿ ಬೆಳ್ಸತಾರೆ ಕಾಟಚಾರಕ್ಕೆ ಬೆಳ್ಸೋ ಜಾತಿ ಇವ್ರದಲ್ಲ. ಅದೇನ್ ಬೇಕಾದ್ರೂ ಆಗ್ಲಿ ತಾವ್ ಇಷ್ಟ ಪಡೋರನ್ನ ಬಿಟ್ ಕೊಡಲ್ಲ. ಅವ್ರು ಮುಂದೆ ಬಂದು ಎಲ್ಲವನ್ನ ತಾವೇ ತಗಂಡು ತಮ್ಗಿಷ್ಟವಾದವ್ರನ್ನ ಉಳ್ಸಕೊಳ್ತಾರೆ.

ಮೂಲ

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: