ಜೀವನದಲ್ಲಿ ಚನ್ನಾಗಿ ದುಡ್ಡು ಮಾಡೋ ಆಸೆ ಇದ್ದರೆ ಈ 10 ನಿಯಮಗಳನ್ನ ಗಮನದಲ್ಲಿಡಿ

ಬರೀ ಗಾಣದ ಎತ್ತಿನ ಥರ ಕಷ್ಟ ಪಟ್ರೆ ಏನೂ ಪ್ರಯೋಜನ ಇಲ್ಲ

ಫೆರಾರಿ

ಚನ್ನಾಗಿ ದುಡ್ ಮಾಡೋದು ಹೇಗೆ ಅನ್ನೋ ಪ್ರಶ್ನೆ ಕೋಟ್ಯಾಂತರ ಜನರನ್ನ ಹಲವಾರು ವರ್ಷಗಳಿಂದ ಕಾಡ್ತಾನೇ ಇದೆ. ಅದ್ರಲ್ಲೂ ಹಾಸಿಗೆ ಇಲ್ದೇ ನೆಲದ ಮೇಲೆ ಮಲಗಿ ಎದ್ದ ಬಡವರಿಗೆ, ಹಾಸಿಗೆ ಇದ್ದಷ್ಟೇ ಕಾಲು ಚಾದಿದ್ದ ತಕ್ಕಮಟ್ಟಿಗಿರೋರಿಗೆ "ಯಾವಾಗ ನನ್ನ ಸೈಜಿನ ಹಾಸಿಗೆ ನಾನು ಹೊಲಿಸ್ಕೋತಿನೋ" ಅನ್ನೋ ಹಂಬಲ ಇದ್ದೇ ಇರುತ್ತೆ.

"ತಕ್ಕಮಟ್ಟಿಗಿರೋದೇ ಆರಾಮ" ಅನ್ನೋ ಮಧ್ಯಮ ವರ್ಗದವರಿಗೆ ಒಂದು ಮಟ್ಟ ಆದ್ಮೇಲೆ ಬೆಳೆಯೋದು ಹೇಗೆ ಅಂತಾನೇ ಗೊತ್ತಾಗದೇ ಅಲ್ಲೇ ನಿಂತ ನೀರಾಗಿಬಿಡ್ತಾರೆ

ಇಷ್ಟೊಂದು ಕಷ್ಟ ಪಟ್ರೂ ನಮ್ ಹತ್ರ ಯಾಕೆ ಬಿಡುಗಾಸೂ ಉಳೀತಿಲ್ಲ ಅನ್ನೋ ಪ್ರಶ್ನೇಲೇ ಜೀವನ ಕಳೆದು ಬಿಡ್ತಾರೆ.

ಮೂಲ

ಈ "ತಕ್ಕಮಟ್ಟಿಗಿರೋರಿಗೂ" "ಚನ್ನಾಗಿ ದುಡ್ಡು ಮಾಡೋರಿಗೂ" ನಡುವೆ ಇರೋ ವ್ಯತ್ಯಾಸ ಔರು ಜೀವನಾನ ಹೇಗೆ ನೋಡ್ತಾರೆ ಅನ್ನೋದರಲ್ಲಿದೆ

ನಮ್ಮಲ್ಲಿ 3 ಥರ ದುಡ್ಡು ಮಾಡಿರೋರಿದಾರೆ: (1) ತಲತಲಾಂತರದಿಂದ ಗಂಟಿಟ್ಟಿರೋರು, (2) ಅಡ್ಡದಾರೀಲಿ ದುಡ್ಡು ಮಾಡಿರೋರು, (3) ತಮ್ಮ ಸ್ವಂತ ಬಲದಿಂದ ದುಡಿದು ಹಣ ಸಂಪಾದಿಸೋರು. ಈಗ ಮೊದಲೆರಡು ಬಿಟ್ಟು ಮೂರನೇ ರೀತಿ ಜನರ ಬಗ್ಗೆ ನೋಡಣ. ಇವರು ದುಡ್ಡು ಮಾಡೋದು ಹೇಗೆ? ಬರೀ ಕಷ್ಟ ಪಟ್ರೆ ಸಾಕಾ? ಬೇರೆ ಏನಾದ್ರೂ ಮಾಡ್ಬೇಕಾ? ನೋಡಣ ಬನ್ನಿ...

ಮೂಲ

1. ದುಡ್ಡು ಮಾಡ್ಬೇಕು ಅಂದ್ರೆ "ಯಾವಾಗ್ಲೂ ಆರಾಮಾಗಿರಬೇಕು" ಅನ್ನೋದು ಬಿಟ್ಟು ಕೆಲಸಕ್ಕೆ ನಿಲ್ಲಿ

ಒಂದನೇ ತಾರೀಖು ಸರಿಯಾಗಿ ಸಂಬಳ ಬಂದುಬಿಡ್ಬೇಕು, ಏನೂ ತೊಂದ್ರೆ ಆಗ್ಬಾರ್ದು, ಅನ್ನೋ ಮನಸ್ತಿತಿ ನಿಮ್ಮನ್ನ ಬೆಳೆಯಕ್ಕೇ ಬಿಡಲ್ಲ. ನಿಮ್ಮದೇ ಸ್ವಂತ ಕಂಪನಿ ಇದ್ರೆ ಇನ್ನೂ ಹೆಚ್ಚಿಗೆ ದುಡೀಬೋದು ಅನ್ನೋದಾದ್ರೆ ಕೆಲಸ ಬಿಟ್ಟು ನಿಮ್ಮದೇ ಬಿಸಿನೆಸ್ಸಿಗೆ ಕೈ ಹಾಕಿ ನೋಡಿ. ಅದ್ರಿಂದ ಜೀವನ ಸೊಲ್ಪ ದಿನ ಕಷ್ಟ ಅನ್ನಿಸಬೋದು. ಆದ್ರೆ ಆ ಸೊಲ್ಪ ದಿನ ದಾಟಿದ ಮೇಲೆ ಸಿಗೋ ಗಳಿಕೆ ನೀವು ಸಂಬಳದ ಕೆಲಸದಲ್ಲಿ ಜೀವನ ಎಲ್ಲಾ ದುಡಿದ್ರೂ ಸಿಗದೇ ಇರೋವಂತದ್ದು. ಅಕಸ್ಮಾತ್ ನೀವು ಅನ್ಕೊಂಡಂಗೆ ಬಿಸಿನೆಸ್ ನಡೀದೇ ಹೋದ್ರೆ ಹೊಸದೇನಾದ್ರೂ ಯೋಚ್ನೆ ಮಾಡಿ. ನಿಂತ ನೀರಾಗಬೇಡಿ.

ಮೂಲ

2. ಏನು ಬೇಕು ಎಷ್ಟು ಬೇಕು ಅಂತ ತೂಗಿ ನೋಡಿ ಖರ್ಚು ಮಾಡಿ

ಬೇಕಾದ್ದು-ಬೇಡದ್ದು ಎಲ್ಲಾ ಕೊಂಡ್ಕೋತಿದ್ರೆ ಆಗಲ್ಲ... ದುಡಿಯೋ ವಿಷಯದಲ್ಲಿ ರಿಸ್ಕ್ ತಗೊಂಡು ಮುಂದುವರೆಯೋರು ಖರ್ಚುಮಾಡುವಾಗ ನೋಡ್ಕೊಂಡು ಖರ್ಚು ಮಾಡ್ತಾರೆ. ಮಧ್ಯಮ ವರ್ಗದೋರು ಹೊಸ ಕಾರ್ ತಗೊಂಡ್ರೆ ಇವ್ರು ಬಳಸಿರೋ ಕಾರನ್ನೇ ತಗೋತಾರೆ. ಇವರಿಗೆ ಓಡಾಡೋಕ್ಕೆ ಚನ್ನಾಗಿರೋ ಒಳ್ಳೆ ಕಾರ್ ಬೇಕು ಅಷ್ಟೇ ಹೊರೆತು "ಶೋರೂಮಿಂದ ಕಾರು ತಗೊಂಡೆ" ಅನ್ನೋ "ಕೊಂಬು" ಬೇಕಿರೋದಿಲ್ಲ. ನೀವು ಹತ್ತು ಲಕ್ಷ ದುಡಿದು, ಹತ್ತೂ ಲಕ್ಷ ಖರ್ಚು ಮಾಡಿದ್ರೆ ಏನ್ರೀ ಪ್ರಯೋಜನ?

ಮೂಲ

3. ಬೇರೆಯೋರ ಕಂಪನೀಲಿ ಕೆಲಸ ಮಾಡೋ ಬದಲು, ನಿಮ್ದೇ ಬಿಸಿನೆಸ್ ಮಾಡಿ

ಗಮನಿಸಿ ನೋಡಿ, ಹಣವಂತರಾಗಿರೋರೆಲ್ಲಾ ಔರೌರ ಬಿಸಿನೆಸ್ಸಿಂದಾನೇ... ಬೇರೆಯೋರತ್ರ ಕೆಲಸ ಹುಡುಕೋರು ಬರೀ ತಮ್ಮ ಕೆಲಸ ಹೋಗದೇಹೋದ್ರೆ ಸಾಕು, ಸಂಬಳ ಬರ್ತಿದ್ರೆ ಸಾಕು ಅನ್ನೋ ಮನೋಭಾವನೇಲೇ ಇರ್ತಾರೆ. ಆದ್ರೆ ಹಣವಂತರ ಗುಣ ಹಾಗಲ್ಲ. ಎಷ್ಟು ಜನರನ್ನ ದುಡಿಸಿಕೊಂಡ್ರೆ ಎಷ್ಟು ಸಂಪಾದಿಸಬೋದು ಅಂತ ಯೋಚಿಸ್ತಾರೆ.

ಮೂಲ

4. ಬಿಸಿನೆಸ್ ವಿಷಯದಲ್ಲಿ ಯಾರಿಂದ ನೀವು ಕಲೀಬೋದೋ ಅಂತೋರ ಸಹವಾಸ ಮಾಡಿ!

ಒಂದು ಸಮೀಕ್ಷೆಯ ಪ್ರಕಾರ ನಿಮ್ಮ ದುಡಿಮೆ ನಿಮ್ಮ ತುಂಬಾ ಹತ್ತಿರದ 3 ಗೆಳೆಯರ ದುಡಿಮೆಯ ಸರಾಸರಿ ಆಗಿರುತ್ತೆ. ನೀವು ಜಾಸ್ತಿ ದುಡೀಬೇಕು ಅನ್ನೋದಾದ್ರೆ ಜಾಸ್ತಿ ದುಡಿಯೋರ ಜೊತೆ ಬೆರೀಬೇಕು. ಅದರ ಅರ್ಥ... ಹೆಚ್ಚು ಗಳಿಸೋಕ್ಕೆ ಆಗ್ತಾ ಇರೋರ ಜೊತೇಲಿದ್ದು ಔರ್ ಹೇಗೆ ಯೋಚಿಸ್ತಾರೆ, ಹೇಗೆ ಬಿಸಿನೆಸ್ಸಲ್ಲಿ ಹಣ ಹೂಡ್ತಾರೆ, ಔರಿಂದ ನಾನು ಏನ್ ಕಲೀಬೋದು ಅನ್ನೋದನ್ನ ನೋಡಬೇಕು. ಅದ್ರಿಂದ ನಿಮ್ಮ ದುಡಿಮೇಲೂ ಬೆಳವಣಿಗೆ ಆಗುತ್ತೆ. ನೀವು ದುಡ್ಡು ಮಾಡಬೇಕಾದ್ರೆ ನೀವೂ ದುಡ್ ಮಾಡಿರೋರ ಥರ ಯೋಚಿಸೋದು ಕಲೀಬೇಕು.

ಮೂಲ

5. ಮೊದಮೊದಲು ದುಡ್ಡಿನ ಬಗ್ಗೆ ಜಾಸ್ತಿ ತಲೆ ಕೆಡಿಸ್ಕೋಬೇಡಿ, ಚನ್ನಾಗಿ ಕೆಲಸ ಕಲಿಯೋದು ನೋಡಿ

ಮೊದಮೊದಲು ಕೆಲಸಕ್ಕೆ ಸೇರ್ದಾಗ ಏನೂ ಗೊತ್ತಿರಲ್ಲ ಅಂತ ಕಮ್ಮಿ ಸಂಬಳಕ್ಕೆ ಕೆಲಸಕ್ಕೆ ಒಪ್ಕೋತೀರಿ. ಆದ್ರೆ ಸೊಲ್ಪ ದಿನ ಆದ್ಮೇಲೆ ಯಾರು ಸಂಬಳ ಜಾಸ್ತಿ ಕೊಡ್ತಾರೋ ಔರ್ ಹತ್ರ ಕೆಲಸಕ್ಕೆ ಹೋಗ್ತೀರಿ.  ಆದ್ರೆ ದುಡಿಯೋದು ಎಷ್ಟು ಮುಖ್ಯಾನೋ ಕಲಿಯೋದೂ ಅಷ್ಟೇ ಮುಖ್ಯ. ಹೆಚ್ಚಿಗೆ ಸಂಬಳ ಬರ್ತಿದ್ರೆ ಸಾಕು ಅನ್ನೋರು ತಕ್ಕ ಮಟ್ಟಿಗೇ ಉಳಿಯೋ ಸಾಧ್ಯತೆ ಹೆಚ್ಚು. ನೀವು ಸೇಲ್ಸ್ ಅಥವಾ ಮಾರ್ಕೆಟಿಂಗ್ ನಲ್ಲಿ ಇದ್ದೀರಿ ಅಂತಿಟ್ಕೊಳಿ, ನಿಮ್ಮ ಕೌಶಲಗಳನ್ನ ಹೆಚ್ಚಿಸಿಕೊಳ್ಳಿ, ನಿಮಗಿಂತ ತಿಳಿದೋರಿಂದ ಚನ್ನಾಗಿ ಕಲೀರಿ. ಬರೀ ದುಡಿಮೆ ಬಗ್ಗೆ ತಲೆ ಕೆಡಿಸ್ಕೊಳ್ಳೋದು ಬಿಟ್ಟು ಚನ್ನಾಗಿ ವಿಷಯಗಳನ್ನ ತಿಳ್ಕೊಂಡು ಆಮೇಲೆ ಮೇಲೆ ತಮ್ಮ ಸ್ವಂತ ಉದ್ದಿಮೆ ಮಾಡಿ ದುಡ್ಡು ಮಾಡಿ.

ಮೂಲ

6. ಬಂದ ದುಡ್ಡನ್ನ ಖರ್ಚು ಮಾಡಿ ಉಡಾಯಿಸೋ ಬದ್ಲು ಕೂಡಿಟ್ಕೊಳಿ 

ಈ ಕ್ರೆಡಿಟ್ ಕಾರ್ಡನ್ನ ಉಜ್ಜಿ ಬೇಕಾದ್ದು ಬೇಡದ್ದು ಎಲ್ಲಾ ತಗೊಳ್ಳೋ ನಮ್ಮ ಮಿಡಲ್ ಕ್ಲಾಸ್ ಜನರನ್ನ ನೋಡ್ತಿದ್ರೆ, ಯಪ್ಪಾ! ಇವ್ರು ಇಲ್ದೇ ಇರೋ ದುಡ್ಡನ್ನ ಖರ್ಚುಮಾಡಿ, ಬೇಡದೇ ಇರೋ ವಸ್ತು ತಗೊಂಡು, ಕೆಲಸಕ್ಕೆ ಬಾರದೋರನ್ನ ಮೆಚ್ಚಿಸಕ್ಕೆ ಹೋಗ್ತಾ ಇದಾರಲ್ಲ ಅನ್ಸುತ್ತೆ. ನೀವೂ ಹಾಗ್ ಮಾಡ್ಬೇಡಿ. ಕೈಲಿ ಯಾವಾಗ್ಲೂ ದುಡ್ಡಿರಬೇಕು. ಮನೆ ತುಂಬಾ ಬೇಡದೇ ಇರೋ ವಸ್ತುಗಳನ್ನ ತುಂಬಿಕೊಂಡು ಏನ್ ಮಾಡ್ತೀರಿ? ಅವುವಳಲ್ಲಿ ಕೆಲವನ್ನ ಮಾರಕ್ಕೆ ಹೋದ್ರೆ ಒಳ್ಳೇ ಬೆಲೆನೂ ಸಿಗಲ್ಲ. ಬೆಲೆ ಕಳ್ಕೊಳೋ ಅಂತಾ ವಸ್ತುಗಳ ಮೇಲೆ ತುಂಬಾ ಖರ್ಚು ಮಾಡ್ಬೇಡಿ. ಹಳೆ ಮನೇನೇ ಚನ್ನಾಗಿಟ್ಕೊಳಿ, ಸುಮ್ನೆ ಸಾಲ ಮಾಡಿ ಲಕ್ಷಗಟ್ಟಲೆ ಸುರಿದು ಬೇರೆ ಯಾರೋ ಕಟ್ಟಿರೋ ಮನೆ ಥರ ಮನೆ ಕಟ್ಟೋಕ್ಕೆ ಹೋಗ್ಬೇಡಿ. ಮೂರು ನಾಕು ಥರ ಚಪ್ಪಲಿ ತಗೊಳ್ಳೋಕ್ಕಿಂತ ಅದೇ ದುಡ್ಡನ್ನ ಶೇರು ಮಾರ್ಕೆಟ್ಟಲ್ಲಿ ಹಾಕಿ. ಡಬ್ಬಲ್ ಮಾಡಿ... ಗಂಟು ಮಾಡಿ.. ಕಳೀಬೇಡಿ.

ಮೂಲ

7. ಆದ್ರೆ, ಬರೀ ಇರೋ ದುಡ್ಡನ್ನ ಕೂಡಿಟ್ರೆ ಸಾಲ್ದು, ಸಂಪಾದನೆ ಮಾಡ್ತಾನೇ ಇರಬೇಕು

ಹಣ ಉಳಿಸೋದು ತುಂಬಾ ಮುಖ್ಯ... ನಿಜ.. ಆದ್ರೆ ಇರೋ ದುಡ್ಡನ್ನೇ ಉಳಿಸಿ ಹಣವಂತ ಆಗ್ತೀನಿ ಅನ್ನೋದು ಗೆಲ್ಲೋ ಮಂತ್ರ ಅಲ್ಲ. ನಿಮ್ಮ ಹತ್ರ ಸಮಯ ಇದೆ... ಅದನ್ನ ಖರ್ಚು ಮಾಡಿ ಎಷ್ಟು ದುಡೀಬೋದು ಅಂತ ನೋಡಿ.

ಮೂಲ

8. ಹಣದ ವಿಷಯದಲ್ಲಿ "ಮನಸ್ಸಿಗೆ ಏನನ್ನಿಸುತ್ತೆ" ಅನ್ನೋದಕ್ಕಿಂತ "ಲೆಕ್ಕ ಏನು ಹೇಳುತ್ತೆ" ಅನ್ನೋದು ಮುಖ್ಯ

ಸಣ್ಣ ಪುಟ್ಟ ಫಂಕ್ಷನ್ನುಗಳನ್ನ ಮನೆ ಮಟ್ಟಿಗೆ ಮಾಡೋದು ಬಿಟ್ಟು ದೊಡ್ಡದಾಗೇ ಮಾಡಬೇಕು ಅನ್ನೋ ಭ್ರಮೆ ನಮ್ಮವರಲ್ಲಿ ತುಂಬಾ ಇದೆ... ಅದರಲ್ಲೂ ಮಧ್ಯಮ ವರ್ಗದೋರಿಗೆ ತುಂಬಾ ಇದೆ.. ಅವರೇನನ್ಕೋತಾರೋ, ಇವರೇನನ್ಕೋತಾರೋ ಅನ್ನೋದೆಲ್ಲಾ ಬಿಟ್ಬಿಡಿ.. ನೀವು ಖರ್ಚು ಮಾಡ್ಬೇಕಾದ್ರೆ ಅದಕ್ಕೆ ಸರಿಯಾದ ತರ್ಕ ಇರಬೇಕು. ಯಾವುದಕ್ಕೆ ಖರ್ಚು ಮಾಡೋದು ಸರಿ, ಯಾವುದು ಬೇಡದ್ದು ಅನ್ನೋ ಲೆಕ್ಕ ಮಾಡಿ ತೀರ್ಮಾನ ತಗೊಳಿ. ಬೇಡದೇ ಇರೋ ವಿಷ್ಯಗಳಿಗೆ ದುಡ್ಡು ಹಾಕೋದು ಬಿಟ್ಟು ಅದನ್ನೇ ಸರಿಯಾದ ಕಡೆ ಹೂಡಿಕೆ ಮಾಡಿ ಬೆಳೆಸೋದು ನೋಡಿ...

ಮೂಲ

9. ಯಾರಾದ್ರೂ ನಗ್ಲಿ, ನೀವು ಕನಸು ಕಾಣೋದ್ರಲ್ಲಿ ಚೌಕಾಸಿ ಮಾಡ್ಕೋಬೇಡಿ...

ಯಾರು ಚಿಕ್ಕ ಕನಸು ಕಾಣ್ತಾರೋ ಔರು ಚಿಕ್ಕದಾಗೇ ಇರ್ತಾರೆ. ದೊಡ್ಡ ಕನಸು ಕಾಣೋರು ಮಾತ್ರ ಬೆಳೀತಾರೆ. ಹಾಗಂತ ಬರೀ ಕನಸು ಕಂಡ್ರೆ ಸಾಲದು.. ಅದರ ಕಡೆಗೆ ಕೆಲಸ ಮಾಡ್ತಾ ಹೋಗಬೇಕು. ಸುಲಭವಾಗಿ ಗಳಿಸೋಕ್ಕೆ ಆಗೋ ಗುರಿಗಳನ್ನ ಇಟ್ಕೊಂಡ್ರೆ ಏನೂ ಪ್ರಯೋಜನ ಇಲ್ಲ. ಯಾರಾದ್ರೂ ನಗ್ಲಿ, ನಿಮ್ಮ ಕನಸು ದೊಡ್ಡದಾಗೇ ಇರ್ಲಿ... ಗುರಿ ಇಟ್ಕೊಳುವಾಗ ಚೌಕಾಸಿ ಬೇಡ... ಕೋಟಿ ಕೊಟಿ ದುಡಿಯೋ ಕನಸಿರಲಿ.

ಮೂಲ

10. ಬರೀ ಗಾಣದ ಎತ್ತಿನ ಥರ ಕಷ್ಟ ಪಟ್ರೆ ಏನೂ ಪ್ರಯೋಜನ ಇಲ್ಲ, ಇರೋ ಸಂಪನ್ಮೂಲಗಳನ್ನ ಚನ್ನಾಗಿ ಬಳಸ್ಕೊಳ್ಳಿ

ನೀವೇ ಕೂತ್ಕೊಂಡು ಕೆಲ್ಸ ಮಾಡ್ತಿದ್ರೆ ನೂರೊರ್ಷ ಆದ್ರೂ ತುಂಬಾ ದುಡ್ಡು ಮಾಡಕ್ಕಾಗಲ್ಲ. ಬೇರೆಯೋರ ಕೈಲಿ ಕೆಲಸ ಮಾಡಿಸ್ಬೇಕು, ಗಳಿಸಿದ್ದನ್ನ ಇನ್ನೊಂದು ಕಡೆ ಹೂಡಿಕೆ ಮಾಡಿ ಹೆಚ್ಚಿಸಬೇಕು. ನಿಮ್ಮ ಸಮಯಾನ ಉಳಿಸ್ಕೊಂಡು ಆ ಹೊತ್ತಲ್ಲಿ ನಿಮ್ಮ ಬಿಸಿನೆಸ್ಸನ್ನ ಹೇಗೆ ಬೆಳೆಸ್ಬೋದು ಅನ್ನೋದರ ಬಗ್ಗೆ ಯೋಚಿಸಿ... ಆಗ ನಿಮ್ಮ ಬಿಸಿನೆಸ್ಸು ಬೆಳೆಯುತ್ತೆ.

ಮೂಲ

ನೆನಪಿಟ್ಕೊಳಿ... ಚನ್ನಾಗಿ ದುಡ್ಡು ಮಾಡ್ಬೇಕಾದರೆ ದುಡ್ಡು ಮಾಡಿರೋರ ಥರ ಯೋಚನೆ ಮಾಡೋದು ಮುಖ್ಯ.

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ಉಪವಾಸ ಮಾಡೊದ್ರಿಂದ ಇಷ್ಟೆಲ್ಲಾ ಲಾಭ ಇದೆ ಅಂತ ಗೊತ್ತಾದ್ರೆ ಇನ್ಮೇಲೆ ನೀವೂ ಮಾಡ್ತೀರಿ

ಉಪವಾಸ ಬೇರೆ ಊಟ ಬಿಡೋದ್ ಬೇರೆ

ನಮ್ಮಲ್ಲಿ ಉಪವಾಸ ಮತ್ತೆ ಊಟ ಸ್ಕಿಪ್ ಮಾಡದು ಎರಡೂ ಒಂದೇ ಅನ್ನೊ ಭಾವನೆ ಇದೆ. ಆದರೆ ಅದು ತಪ್ಪು. ಹಾಗೆನೆ ಫಲಾಹಾರ ತಿನ್ಕೊಂಡು ಅದನ್ನ ಉಪವಾಸ ಅನ್ನೋರೂ ಇದಾರೆ. ಅದೂ ತಪ್ಪು ಕಲ್ಪನೆ. ಉಪವಾಸ ಅಂದ್ರೆ ತಿನ್ನಕ್ಕೆ ಸಮಯಯಿಲ್ದೆ ಊಟ ತಿಂಡಿ ಬಿಡೋದೂ ಅಲ್ಲ, ಹಾಲು ಹಣ್ಣು ಇಟ್ಕೊಂಡು ಅರ್ಧ ಹೊಟ್ಟೆ ತಿನ್ನೋದೂ ಅಲ್ಲ. ಬದಲಾಗಿ, ನಮ್ಮ ದೇಹದ ಅಂಗಾಂಗಗಳ್ಗೆ ಆಗಾಗ ರೆಸ್ಟ್ ಕೊಡ್ತ, ಅವುಗಳೂ ಚೂರು ಚೇತರುಸ್ಕೊಂಡು ಇನ್ನೂ ಚೆನ್ನಾಗ್ ಕೆಲ್ಸ ಮಾಡೋಹಾಗೆ, ಅವುಗಳಲ್ಲಿರೋ ವಿಷಕಾರಿ ಅಂಶ ಹೊರಗೋಗೋ ಹಾಗೆ ನೋಡ್ಕೊಳೋದು. ಇನ್ನು ಈ ಉಪವಾಸದಿಂದ ಏನೇನೆಲ್ಲ ಲಾಭ ಇದೆ ಅಂತ ಗೊತ್ತಾದ್ರೆ, ಖಂಡಿತ ತಿಂಗಳಿಗ್ ಒಂದೋ ಎರಡೋ ದಿನ ಉಪವಾಸ ಮಾಡೋ ಮನಸ್ಸು ಮಾಡ್ತಿರ.

ಉಪವಾಸ ಮಾಡೋದ್ರಿಂದ ಏನೇನಾಗತ್ತೆ ನಿಮ್ಗೋಸ್ಕರ ಕೊಟ್ಟೀದಿವಿ ಓದ್ನೋಡಿ...

1.  ಎಲ್ಲಕ್ಕಿಂತ ಮೊದ್ಲು ದೇಹದ ತೂಕ ಕಮ್ಮಿಯಾಗತ್ತೆ

ತೂಕ ಕಮ್ಮಿ ಮಾಡ್ಕೊಳಕ್ಕೆ, ಉಪವಾಸ ಮಾಡೋದು ತುಂಬ ಸುರಕ್ಷಿತವಾದ ವಿಧಾನ. ಎಷ್ಟೊಂದು ರಿಸರ್ಚ್ ಪ್ರಕಾರ, ನಿಮಗೆ ಸಾಧ್ಯವಾದಷ್ಟು ಕಾಲ ಆಗಾಗ ಉಪವಾಸ ಮಾಡಿದ್ರೆ, ದೇಹದಲ್ಲಿರೊ ಕೊಬ್ಬಿನ ಕೋಶಗಳು ಬರ್ನ್ ಆಗಿ, ಮಾಮೂಲಿ ಪಥ್ಯ ಮಾಡಕ್ಕಿಂತಾನೂ ಒಂದ್ ಕೈ ಹೆಚ್ಚಾಗೇ ತೂಕ ಕಮ್ಮಿಯಾಗತ್ತೆ.

ಹೇಗೆ ಅಂದ್ರೆ... ದೇಹದ ಕೊಬ್ಬು ನಮ್ಗೆ ದಿನನಿತ್ಯ ಕೆಲ್ಸ ಮಾಡಕ್ಕೆ ಬೇಕಾಗಿರೋಷ್ಟು ಶಕ್ತಿ ಕೊಡತ್ತೆ. ಜೊತೆಗೆ ದೇಹದಲ್ಲಿರೊ ಸಕ್ಕರೆ ಅಂಶಾನ ಇದಕ್ಕೋಸ್ಕರ ಬಳ್ಸಲ್ಲ. ಈ ವಿಷ್ಯ ಗೊತ್ತಾದ್ದಾಗಿಂದ ಎಷ್ಟೊಂದ್ ಜನ ಕ್ರೀಡಾಪಟುಗಳು ಕಾಂಪಿಟಿಷನ್ಗೋಸ್ಕರ ಆಗಾಗ ಉಪವಾಸ ಮಾಡಿ ತಮ್ಮ ದೇಹದ ತೂಕನ ಒಂದು ಲೆವೆಲ್ಗೆ ಕಮ್ಮಿ ಮಾಡ್ಕೊಳ್ಳೊ ಅಭ್ಯಾಸ ಇಟ್ಕೊಂಡಿದಾರಂತೆ. 

ಮೂಲ

2. ಇನ್ಸುಲಿನ್ ಪರಿಣಮಕಾರಿಯಾಗಿ ಕೆಲ್ಸ ಮಾಡತ್ತೆ

ಇನ್ಸುಲಿನ್ ನಮ್ ದೇಹಕ್ಕೆ ಎಷ್ಟ್ ಮುಖ್ಯ ಅಂತ ಗೊತ್ತೇ ಇದೆ. ಒಂದ್ಸಲ ಜಾಸ್ತಿ ಪ್ರಮಾಣ್ದಲ್ಲಿ ಬೇಕಾಗಿದ್ರೆ, ಇನ್ನೊಂದ್ಸಲ ಕಮ್ಮಿ ಬೇಕಾಗತ್ತೆ. ಇದನ್ನ ಸರಿಯಾಗಿ ನಿಭಾಯ್ಸೋದಕ್ಕೆ, ಇನ್ಸುಲಿನ್ ಅಗತ್ಯಕ್ಕೆ ತಕ್ಕಹಾಗೆ ಕೆಲ್ಸ ಮಾಡಕ್ಕೆ, ಉಪವಾಸ ಸಹಾಯ ಮಾಡತ್ತೆ.

ಇನ್ನೂ ಹೇಳ್ಬೇಕು ಅಂದ್ರೆ...ಸಕ್ಕರೆ ಮಟ್ಟವನ್ನ ಕಂಟ್ರೋಲ್ ಆಗತ್ತೆ. ಆಗಾಗ ಉಪ್ವಾಸ ಮಾಡೋದ್ರಿಂದ, ರಕ್ತಕ್ಕೆ ಗ್ಲೂಕೋಸ್ ಸರ್ಯಾದ ಪ್ರಮಾಣದಲ್ಲಿ ಪೂರೈಕೆ ಆಗತ್ತೆ.

ಮೂಲ

3. ಜೀರ್ಣಶಕ್ತಿ ಜಾಸ್ತಿ ಆಗತ್ತೆ

ಉಪವಾಸ ಮಾಡಿದಾಗ ಜೀರ್ಣಾಂಗಕ್ಕೆ ಒಳ್ಳೆ ರೆಸ್ಟ್ ಸಿಗತ್ತೆ. ಜೀರ್ಣಶಕ್ತಿ ಚೆನ್ನಾಗಿಲ್ಲ ಅಂದ್ರೆ, ಪಚನಕ್ರಿಯೆ ಸರಿಯಾಗ್ ಆಗಲ್ಲ. ಇದ್ರಿಂದ ಕೊಬ್ಬಿನಂಶ ಬರ್ನ್ ಆಗಲ್ಲ. ಕರುಳು ಸರ್ಯಾಗಿ ಕ್ಲೀನ್ ಆಗತ್ತೆ.

ಮೂಲ

4. ಆಯಸ್ಸು ಹೆಚ್ಚತ್ತೆ

ನಂಬ್ತಿರೋ ಇಲ್ವೋ ನಿಮಗ್ಬಿಟ್ಟಿದ್ದು ಆದ್ರೆ, ಕಮ್ಮಿ ತಿಂದಷ್ಟೂ ಜಾಸ್ತಿ ವರ್ಷ ಬದಕ್ತಿರ. ಕೆಲವು ಜನಾಂಗದ್ ಜನ ಈ ವಿಷ್ಯದಲ್ಲಿ ಕಟ್ಟುನಿಟ್ಟಾಗಿ ಪಥ್ಯ ಮಾಡ್ತಿರೋದ್ರಿಂದ ಅವ್ರ ಜೀವಿತಾವಧಿ ಜಾಸ್ತಿಯಾಗಿದೆ ಅಂತ ಎಷ್ಟೊಂದ್ ಸ್ಟಡಿಗಳೂ ಹೇಳತ್ವೆ.

ಇದರ ಹಿಂದೆ ಇರೋ ಲಾಜಿಕ್ ಏನಪ್ಪ ಅಂತೀರ? ಜೀರ್ಣಕ್ರಿಯೆ ನಿಧಾನ್ವಾಗ್ ಆಗೋದೂ, ಬೇಗ ವಯಸ್ಸಾಗಕ್ಕೆ ಒಂದ್ ದೊಡ್ಡ ಕಾರಣವಂತೆ. ಯಂಗಾಗಿ ಇರ್ಬೇಕು ಅಂದ್ರೆ ಆಗಾಗ ಉಪ್ವಾಸ ಮಾಡ್ಕೊಂಡು ಜೀರ್ಣಾಂಗಕ್ಕೆ ಒತ್ತಡ ಕಮ್ಮಿ ಮಾಡ್ಕೊಬೇಕು.

ಅದಕ್ಕೇ ತಾನೇ ಸಿರಿಧಾನ್ಯಗಳು ಈಗೀಗ ಮತ್ತೆ ಪ್ರಚಾರಕ್ಕೆ ಬರ್ತಿದೆ.

ಮೂಲ

5. ದಿನನಿತ್ಯ ಚೆನ್ನಾಗಿ ಹಸಿವಾಗತ್ತೆ

ದಿನಕ್ಕೆ 4 ಹೊತ್ತೂ ಹೊಟ್ಟೆ ತುಂಬಾ ತಿನ್ತಿದ್ರೆ ನಿಜವಾದ ಹಸಿವು ಏನು ಅಂತ ಹೇಗ್ ಗೊತ್ತಾಗತ್ತೆ ಹೇಳಿ? ಇದು ಗೊತ್ತಾಗ್ಬೇಕು ಅಂದ್ರೆ ಕನಿಷ್ಟ 12 ರಿಂದ 24 ಗಂಟೆ ಉಪವಾಸ ಇರ್ಬೇಕು.

ಉಪವಾಸ, ದೇಹದಲ್ಲಿರೊ ಹಾರ್ಮೋನ್ಗಳ್ನ ಆಕ್ಟಿವ್ ಮಾಡಿ ನಿಜವಾದ್ ಹಸಿವು ಏನಂತ ತೋರ್ಸತ್ತೆ. ಇನ್ನು ಬೊಜ್ಜಿರೋರ್ಗಂತೂ ಯಾವಾಗ್ ಹಸ್ವಾಗತ್ತೆ ಅಂತ ಗೊತ್ತಾಗದೇ ಇಲ್ಲ. ಹಸಿವಿರ್ಲಿ ಇಲ್ದೇ ಇರ್ಲಿ ಆಗಾಗ ಬ್ಯಾಟಿಂಗ್ ಮಾಡ್ತನೇ ಇರ್ತಾರೆ. ಅಂಥವ್ರಿಗೆ ಆಗಾಗ ಒಳ್ಗಡೆಯಿಂದ ಸಿಗ್ನಲ್ ಕೊಡಕ್ಕೆ ಈ ಉಪವಾಸ ಸಹಾಯ ಮಾಡತ್ತೆ.

ಉಪವಾಸ ರಿಸೆಟ್ ಬಟನ್ ಇದ್ದಹಾಗೆ: ಹೆಚ್ಚು ಹೊತ್ತು ಉಪವಾಸ ಮಾಡಿದಷ್ಟೂ ಸರಿಯಾಗಿರೋ ಹಾರ್ಮೋನ್ ಬಿಡುಗಡೆ ಮಾಡಕ್ಕೆ ದೇಹ ತನ್ನನ್ನ ತಾನು ರೆಡಿ ಮಾಡ್ಕೊಳತ್ತೆ. ಆಗ ನಿಜವಾದ ಹಸಿವಿನ ಮಹತ್ವ ಗೊತ್ತಾಗತ್ತೆ. ಇಲ್ಲಿ ಇನ್ನೊಂದ್ ವಿಷ್ಯ ಅಂದ್ರೆ ಹಾರ್ಮೋನ್ಗಳು ಸರಿಯಾಗ್ ಕೆಲ್ಸ ಮಾಡಿದ್ರೆ, ಬೇಗ ಹೊಟ್ಟೆ ತುಂಬತ್ತೆ. ಕುತ್ತಿಗೆಗ್ ಬರೋವರ್ಗೂ ತಿಂದು ತೊಂದ್ರೆ ಅನುಭವಿಸೋದು ತಪ್ಪತ್ತೆ.

ಮೂಲ

6. ತಿನ್ನೋ ಪದ್ಧತಿ ಸುಧಾರಿಸತ್ತೆ

ಹೊತ್ತೊತ್ತಿಗೆ ಸರಿಯಾಗ್ ತಿನ್ನೋ ಅಭ್ಯಾಸ ಇಲ್ದೋರಿಗೆ, ಕೆಲಸದ ಮಧ್ಯ ಊಟ ತಿಂಡಿಗೆ ಸಮಯ ಮಾಡ್ಕೊಳಕ್ ಆಗ್ದೇ ಇರೋರ್ಗೆ ಈ ಉಪವಾಸ ಒಂದು ವರ ಅಂತ ಹೇಳ್ಬೋದು.

ಆಗಾಗ ಉಪವಾಸ ಮಾಡ್ತಿದ್ರೆ, ಯಾವತ್ತಾದ್ರು ಮಧ್ಯಾಹ್ನದ್ ಊಟ ಸ್ಕಿಪ್ ಮಾಡ್ಬೇಕಾಗ್ ಬಂದಾಗ ಯಾವ್ ತೊಂದ್ರೆನೂ ಆಗಲ್ಲ. ನಿಮ್ ಲೈಫ್ ಸ್ಟೈಲ್ಗೆ ಹೊಂದ್ಕೊಂಡೋಗತ್ತೆ. ಜೊತೆಗೆ, ಯಾರು ಈ ಥರ ಟೈಮ್ ಟೈಮ್ ಗೆ ಸರಿಯಾಕ್ ತಿನ್ನಕ್ ಆಗಲ್ವೋ ಅಂಥೋರ್ಗೆ, ಆ ದಿನಕ್ಕೆ ಬೇಕಾಗಿರೋಷ್ಟು ಕ್ಯಾಲೋರಿನ ಒಂದೇ ಸಲ ತಿಂದು, ಮತ್ತೆ ಮುಂದಿನ್ ದಿನದ್ ವರ್ಗೂ ಊಟ ತಿಂಡಿ ಬಗ್ಗೆ ಯೋಚ್ನೆ ಮಾಡ್ದೇ ಇರೋ ಹಾಗೆ ಮಾಡತ್ತೆ.

ಮೂಲ

7. ಮೆದುಳು ಚುರುಕಾಗತ್ತೆ

ಮೆದುಳಲ್ಲಿ ಬ್ರೈನ್- ಡಿರೈವ್ಡ್ ನ್ಯೂರೋಟ್ರೋಫಿಕ್ ಫ್ಯಾಕ್ಟರ್ (ಬಿ ಡಿ ಎನ್ ಎಫ್) ಅನ್ನೋ ಪ್ರೋಟೀನ್ ಇರತ್ತೆ. ಉಪವಾಸ ಮಾಡೋದ್ರಿಂದ ಈ ಪ್ರೋಟೀನ್ ಹೆಚ್ಚು ಉತ್ಪತ್ತಿಯಾಗಿ ಮೆದುಳು ಚುರುಕಾಗಿ ಕೆಲ್ಸ ಮಾಡತ್ತೆ.

"ಬಿ ಡಿ ಎನ್ ಎಫ್" ಪ್ರೋಟೀನ್ ಮೆದುಳಿನ ಕೋಶಗಳ್ನ ಆಕ್ಟೀವ್ ಮಾಡಿ, ಹೊಸ ಹೊಸ ನರಕೋಶಗಳಾಗಿ ಬದಲಾಯಿಸತ್ತೆ. ಹಾಗೇನೆ ನರಗಳು ಆರೋಗ್ಯವಾಗಿರಕ್ಕೆ ಬೇಕಿರೋ ಬೇರೆ ಸಾಕಷ್ಟು ರಾಸಾಯನಿಕಗಳ್ನ ಟ್ರಿಗರ್ ಮಾಡತ್ತೆ.

ಇನ್ನೊಂದು ಮುಖ್ಯವಾದ ವಿಷ್ಯ ಅಂದ್ರೆ...ಆಲ್ಜೈಮರ್ ಮತ್ತೆ ಪಾರ್ಕಿನ್ಸನ್ ರೋಗದ ಮುಂದಿನ ಹಂತಗಳು ಬೇಗ ಬೇಗ ಬರ್ದೇಇರೋಹಾಗ್ ಈ ಪ್ರೋಟೀನ್, ಮೆದುಳಿನ ಕೊಶಗಳ್ನ ಕಾಪಾಡತ್ತೆ.

ಮೂಲ

8. ರೋಗನಿರೋಧಕ ಶಕ್ತಿ ಜಾಸ್ತಿಯಾಗೋದು ಖಂಡಿತ

ಆಗಾಗ ಉಪವಾಸ ಮಾಡೋದ್ರಿಂದ ರೋಗನಿರೋಧಕ ಶಕ್ತಿ ಹೆಚ್ಚಾಗತ್ತೆ ಯಾಕಂದ್ರೆ ಟೋಟಲ್ಲಾಗಿ ದೇಹಕ್ಕಾಗೋ ಹಾನಿ, ದೇಹದಲ್ಲಿ ಉರಿ, ಊತ ಇದನ್ನೆಲ್ಲಾ ಕಮ್ಮಿ ಮಾಡಿ ಕ್ಯಾನ್ಸರ್ ಬರ್ಸೋ ಜೀವಕೋಶಗಳಿಗೇ ಉಪವಾಸ ಹಾಕತ್ತೆ:-)

ನಮ್ ಸುತ್ತ ಮುತ್ತ ಇರೊ ಪ್ರಕೃತಿನಲ್ಲೂ ಇದನ್ನ ನೋಡ್ಬೋದು. ಪ್ರಾಣಿಗಳು ಹುಷಾರ್ ತಪ್ದಾಗ ಆಹಾರ ತೊಗೊಳೋದನ್ನ ಬಿಟ್ಟು ಉಪವಾಸ ಮಾಡಿ, ವಿಶ್ರಾಂತಿ ತೊಗೊಳತ್ವೆ. ಇದು ದೇಹದ ಒಳಗಿರೊ ಅಂಗಾಂಗಕ್ಕೆಲ್ಲ ಕೆಲ್ಸ ಕಮ್ಮಿ ಮಾಡಿ, ಇನ್ಫೆಕ್ಷನ್ ವಿರುದ್ಧ ದಾಳಿಮಾಡೋ ಶಕ್ತಿ ಕೊಡತ್ತೆ. ನಾವು ಮನುಷ್ಯ್ರು ಮಾತ್ರ ಬೇಕಿರ್ಲಿ, ಬೇಡ್ದೆಯಿರ್ಲಿ, ಚೆನ್ನಾಗಿರ್ಲಿ, ಹುಷಾರ್ ತಪ್ಪಿರ್ಲಿ, ತಿನ್ನಕ್ ಏನು ಅಂತ ತಲೆಕೆಡುಸ್ಕೊಳೋದು!!!! ತಿನ್ನೋದು ಆಮೇಲೆ ಗ್ಯಾಸ್ ಅಂತ ಮಾತ್ರೆ ತೊಗೊಳ್ಳೊದು ಈಗಿನ ಟ್ರೆಂಡ್ :-(

ಮೂಲ

9. ಉಪವಾಸದಿಂದ ಆತ್ಮ ಶುದ್ಧಿ, ಜ್ಞಾನೊದಯ ಆಗತ್ತೆ

ಉಪವಾಸ ಎಷ್ಟೊಂದ್ ಜನಕ್ಕೆ ಓದು, ಧ್ಯಾನ, ಯೋಗ, ಸಮರಕಲೆ ಇನ್ನು ಹಲಾವಾರು ಥರ ಅಭ್ಯಾಸಗಳ್ನ ತಮ್ಮ ಜೀವನ್ದಲ್ಲಿ ಜೊತೆ ಅಳವಡಿಸ್ಕೊಳಕ್ಕೆ ಸಹಾಯ ಮಾಡಿದೆ. ಹೊಟ್ಟೆ ಖಾಲಿ ಇದ್ರೆ, ಅಲ್ಲಿ ಜಾಸ್ತಿ ಶಕ್ತಿ ಶೇಖರಿಸತ್ತೆ. ಯಾಕಂದ್ರೆ ನಮ್ ದೇಹದಲ್ಲಿ, ತುಂಬ ಶಕ್ತಿ ಹೀರ್ಕೊಂಡು ಕೆಲ್ಸ ಮಾಡೋದು ಜೀರ್ಣಾಂಗ.

ಆತ್ಮ ಶುದ್ಧಿ, ಜ್ಞಾನೋದಯಕ್ಕೂ ಉಪವಾಸಕ್ಕೂ ನಂಟಿದೆ. ಇದು ಮಾನಸಿಕವಾಗಿ, ದೈಹಿಕವಾಗಿ ನೆಮ್ಮದಿಯಾಗಿರಕ್ಕೆ ಸಹಾಯ ಮಾಡತ್ತೆ. ಹಗುರವಾಗಿರೋ ದೇಹ ಮತ್ತೆ ನಮಗೆ ಏನ್ ಬೇಕು ಅಂತ ಸ್ಪಷ್ಟವಾಗಿರೊ ಮನಸ್ಸು ಇದ್ರೆ ಸುತ್ತ ಮುತ್ತ ನಡಿತಿರೋದ್ರ ಬಗ್ಗೆ ಹೆಚ್ಚು ಜಾಗ್ರತೆಯಿಂದ ಇರ್ತಿವೆ. ಜೊತೆಗೆ ಎಲ್ಲದರ ಬೆಲೆನೂ, ಪ್ರಾಮುಖ್ಯತೆನೂ ಗೊತ್ತಾಗತ್ತೆ.

ಮೂಲ

10. ಮೊಡವೆ ತೊಂದ್ರೆ ದೂರವಾಗತ್ತೆ ಹಾಗೆನೆ ಚರ್ಮ ಕೂಡ ಕ್ಲೀನ್ ಆಗತ್ತೆ

ಚರ್ಮಕ್ಕೆ ಸಂಬಂಧ ಪಟ್ಟಿರೋ ತೊಂದ್ರೆಯಿಂದ ಬೇಸತ್ತೋಗಿರೋರ್ಗೆ ಒಳ್ಳೆ ಉಪಾಯ ಅನ್ಬೋದು. ಯಾವಾಗ ಜೀರ್ಣಾಂಗಕ್ಕೆ ಹೆಚ್ಚು ಕೆಲ್ಸ ಇಲ್ದೆ ಸ್ವಲ್ಪ ಬಿಡುವಾಗಿರತ್ತೋ, ಆಗ ದೇಹ, ತನ್ನನ್ನ ತಾನು ರಿಪೇರಿ ಮಾಡ್ಕೊಳಕ್ಕೆ ಬೇರೆ ಬೇರೆ ಅಂಗಾಂಗದ ಬಗ್ಗೆ ಗಮನ ಹರಿಸ್ಬೋದು.

ಒಂದೇ ಒಂದಿನ ಉಪವಾಸ ಮಾಡೋದ್ರಿಂದ, ದೇಹದಲ್ಲಿರೋ ವಿಷಕಾರಿ ಅಂಶಯೆಲ್ಲಾ ಹೊರಗೆ ಹೋಗಿ, ಬೇರೆ ಎಲ್ಲಾ ಅಂಗಗಳೂ ಅಂದ್ರೆ ಯಕೃತ್ತ, ಮೂತ್ರಪಿಂಡ ಎಲ್ಲಾ ಕ್ಲೀನಾಗಿ ಕೆಲ್ಸ ಮಾಡ್ಕೊಂಡ್ ಹೋಗತ್ತಂತೆ.

ಮೂಲ

ತಿಂಗಳಲ್ಲಿ ಒಂದು ಅಥ್ವಾ ಎರಡು ದಿನ ಉಪವಾಸ ಮಾಡಿದ್ರೆ ಇಷ್ಟೆಲ್ಲಾ ಲಾಭ ಇದೆ. ನೀವೇ ಯೋಚ್ನೆ ಮಾಡಿ.

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: