1878ರಿಂದ ಇವತ್ತಿನ ವರೆಗೆ ಮೈಸೂರಿನ ಮಹಾರಾಣೀರಾಗಿ ಬಂದ ನಾರೀಮಣಿಗಳ ರೋಮಾಂಚಕ ಕಥೆ

ರಾಜನ ಬಗ್ಗೆ ಗೊತ್ತಾದ್ರೆ ರಾಣಿ ಬಗ್ಗೆ ಗೊತ್ತಾದಂಗಲ್ಲವಲ್ಲ, ಅದಕ್ಕೆ

ರಾಣೀರು

ಮೈಸೂರು ಒಡೆಯರ ಬಗ್ಗೆ ಸಿಗೋ ಅಷ್ಟು ಮಾಹಿತಿ ಅವರ ಹೆಂಡ್ತೀರ ಬಗ್ಗೆ ಸಿಗೋದು ಕಷ್ಟ. ಇತಿಹಾಸದ ಪುಟಗಳನ್ನು ಕೆದಕ್ತಾ ಹೋದ್ರೆ ಅವರ ಅರ್ಧಾಂಗಿಯರ ಬಗ್ಗೆ ಸಿಗೋದು ಅರ್ಧಂಬರ್ಧ ಮಾಹಿತಿ ಅಷ್ಟೇ. ಈಗ ಯದುವೀರ್ ಕೃಷ್ಣದತ್ತ ಚಾಮರಾಜ ಒಡೆಯರ್ ವರಿಸಿರುವ ತ್ರಿಷಿಕಾ ಕುಮಾರಿ ಸಿಂಗ್ ಅವರ ವಿಚಾರವೇ ತಗೊಳ್ಳಿ. ಅವ್ರ ವಿವರಗಳನ್ನ ಬಹಳ ಗುಟ್ಟಾಗಿ ಇಟ್ಟಿದ್ರು. ಈಗ್ಲೂ ಅಷ್ಟೇ ರಾಜಸ್ಥಾನದ ದುಂಗಾರಪುರ ರಾಜವಂಶಸ್ಥೆ ಎಂಬುದನ್ನು ಬಿಟ್ಟರೆ ಹೆಚ್ಚಿನ ಮಾಹಿತಿ ಸಿಗೋದು ಕಷ್ಟ. ಶ್ರೀಕಂಠದತ್ತ ನರಸಿಂಹ ರಾಜ ಒಡೆಯರ್ ಅವರ ಪತ್ನಿ ಪ್ರಮೋದಾ ದೇವಿ ಅವರ ಬಗ್ಗೆಯೂ ಅಷ್ಟಕ್ಕಷ್ಟೇ. ಹಾಗಂತ ಇವ್ರು ಮದುವೆಯಾದವರೆಲ್ಲಾ ರಾಜವಂಶಸ್ಥರೇನಲ್ಲ. ಎಲ್ಲೆಲ್ಲಿಂದಲೋ ಹೆಣ್ಣು ತಂದಿದ್ದಾರೆ. ಕಂಕುಳಲ್ಲಿ ಮಗು ಇಟ್ಕೊಂಡ್ ಊರೆಲ್ಲಾ ಅಲೆಯೋದು ಯಾಕೆ ಅಂತ ನಮ್ಮ ರಾಜ್ಯದವರನ್ನೇ ಮದ್ವೆ ಯಾಗಿದ್ದಾರೆ. ಈ ಹಿನ್ನೆಲೆಯಲ್ಲಿ ಮೈಸೂರು ಒಡೆಯರ ಹೆಂಡ್ತೀರ ಬಗ್ಗೆ ಒಂದಿಷ್ಟು. 

1. ಮಹಾರಾಣಿ ಕೆಂಪ ನಂಜಮ್ಮಣ್ಣಿ ವಾಣಿ ವಿಲಾಸ ಸನ್ನಿಧಾನ (10ನೇ ಚಾಮರಾಜ ಒಡೆಯರ್ ಹೆಂಡ್ತಿ): 1866-1934  

ಮೂಲ

ಮೈಸೂರು ರಾಣಿಯರಲ್ಲೇ ಬಹಳ ಫೇಮಸ್ಸು. ಮೈಸೂರು ಸಂಸ್ಥಾನದಲ್ಲೇ ಒಂದು ಅಪರೂಪದ ರತ್ನ ಅಂತ ಇರ್ವನ್ನ ಬಣ್ಣಿಸಲಾಗಿದೆ. ಯಾಕಂದ್ರೆ ಇವ್ರ ಪರಿಪಾಲನೆ, ಮೈಸೂರು ರಾಜಪ್ರತಿನಿಧಿಯಾಗಿ, ಮಗನಿಗೆ (ನಾಲ್ವಡಿ ಕೃಷ್ಣರಾಜ ಒಡೆಯರ್) ಸೂಕ್ತ ವಿದ್ಯಾಭ್ಯಾಸ, ಆಡಳಿತ ತರಬೇತಿ ಇವುಗಳನ್ನು ಮಹಾರಾಣಿಯವರು ತೀವ್ರ ನಿಗಾ ವಹಿಸಿ ನಡೆಸಿದುದರ ಪರಿಣಾಮವಾಗಿ, ಮೈಸೂರು ರಾಜ್ಯಕ್ಕೆ ಒಬ್ಬ ಸಮರ್ಥ ಆಡಳಿತಗಾರರಾಗಿ ನಾಲ್ವಡಿ ಕೃಷ್ಣರಾಜ ಒಡೆಯರು ದೊರಕಿದರು.

ಕೆಂಪನಂಜಮ್ಮಣ್ಣಿ ಹುಟ್ಟಿದ್ದು 1866ರಲ್ಲಿ. ಅವರ ತಂದೆತಾಯಿ ನರಸೇ ಅರಸು ಹಾಗೂ ಕೆಂಪನಂಜಮ್ಮಣ್ಣಿ. 26.5.1878ರಲ್ಲಿ ಚಾಮರಾಜ ಒಡೆಯರ್ ಅವರನ್ನು ಮದುವೆಯಾದರು. 1884ರಲ್ಲಿ ನಾಲ್ವಡಿ ಕೃಷ್ಣರಾಜೇಂದ್ರ ಒಡೆಯರ್ ಅವರಿಗೆ ಜನ್ಮ ನೀಡಿದರು. ಇವರಿಗೆ ಕಂಠೀರವ ನರಸಿಂಹರಾಜ ಒಡೆಯರ್ ಸೇರಿ ಮೂವರು ಪುತ್ರಿಯರೂ ಇದ್ದಾರೆ. 

ತಮ್ಮ 69ನೇ ವಯಸ್ಸಿನಲ್ಲಿ ಅನಾರೋಗ್ಯದ ಕಾರಣ ಮಹಾರಾಣಿ ಕೆಂಪ ನಂಜಮ್ಮಣ್ಣಿ ಅವರು ಜುಲೈ 7, 1934ರಲ್ಲಿ ವಿಧಿವಶರಾದರು. ಅವರು ಏಕಾದಶಿ, ಉತ್ತರಾಯಣ ಕಾಲದಲ್ಲಿ ತೀರಿಕೊಂಡ ಕಾರಣ ಬಹಳ ಶುಭಕರವಾದ ಹಾಗೂ ಅಪರೂಪದ ಘಳಿಗೆ ಎಂದು ಅಂದಿನ ಜನ ಭಾವಿಸಿದ್ದರು.  

2. ಮಹಾರಾಣಿ ಲಕ್ಷ್ಮೀವಿಲಾಸ ಸನ್ನಿಧಾನ ಶ್ರೀ ಪ್ರತಾಪಕುಮಾರೀ ಅಮ್ಮಣ್ಣಿ (ನಾಲ್ವಡಿ ಕೃಷ್ಣರಾಜ ಒಡೆಯರ್ ಹೆಂಡ್ತಿ): 1889 - ?

ಮೂಲ

ಜೂನ್ 6, 1900ರಲ್ಲಿ ಇವರ ಮದುವೆಯಾಯಿತು. ಅಂದಿನ ಕಾಥಿಯಾವಾಡ ಪ್ರದೇಶದ (ಇಂದಿನ ಗುಜರಾತ್) ರಾಣಾ ಶ್ರೀ ಬನೆ ಸಿನ್ಹಜಿ ಸಾಹಿಬ್ ಅವರ ಕಿರಿಯ ಮಗಳು ಈಕೆ. ಇದಕ್ಕಿಂತ ಹೆಚ್ಚಿನ ಮಾಹಿತಿ ನಮಗೆ ಸಿಕ್ಕಿಲ್ಲ.  

3. ಮಹಾರಾಣಿ ತ್ರಿಪುರ ಸುಂದರಿ ಅಮ್ಮಣ್ಣಿ (ಜಯ ಚಾಮರಾಜ ಒಡೆಯರ್ ಹೆಂಡ್ತಿ): ? - 1982 

ಮೂಲ
ಮಹಾರಾಣಿಯಾಗಿದ್ದ ಇವರು ಬಳಿಕ ಮೈಸೂರಿನ ರಾಜಮಾತೆ ಅನ್ನಿಸಿಕೊಂಡರು. ಇವರ ಮೂಲ ಮೈಸೂರು. ತಂದೆ ಬಾಲ ನಂಜರಾಜ ಅರಸ್ ಮೈಸೂರು ಸರ್ಕಾರದಲ್ಲಿ ಸೇವೆ ಸಲ್ಲಿಸುತ್ತಿದ್ದರು. ರಜಪೂತ ವಂಶಸ್ಥರ ರಾಜಕುಮಾರಿ ಚಾರ್ಕರಿ ಅವರನ್ನ ಜಯ ಚಾಮರಾಜೇಂದ್ರ ಒಡೆಯರ್ 1938ರಲ್ಲಿ ಮದುವೆಯಾಗಿದ್ದರು. ಆದ್ರೆ ಇವರಿಗೆ ಮಕ್ಕಳಾಗಲಿಲ್ಲ. ಎರಡನೇ ಮದುವೆಗೆ ಶ್ರೀಮಂತ ಮನೆತನದ, ಶಾಸ್ತ್ರ ಸಂಪ್ರದಾಯಗಳು ಗೊತ್ತಿರೋ ಕನ್ನಡದ ವಧುವನ್ನು ಮದುವೆಯಾಗಲು ನಿರ್ಧರಿಸಿದ್ರು. ಆದ್ರೆ ವಧು ಕಡೆಯವರು ಅಷ್ಟು ಬೇಗ ತಮ್ಮ ಮಗಳನ್ನು ಕೊಡಲು ಒಪ್ಪಲಿಲ್ಲ. ಜಾತಕಗಳನ್ನು ಪರಿಶೀಲಿಸಿ, ಕುಂಡಲಿಗಳನ್ನು ತಿರುವಿಹಾಕಿ ಕಡೆಗೆ ಒಪ್ಪಿದ್ರು. ಪಕ್ಕಾ ಸಂಪ್ರದಾಯದ ಪ್ರಕಾರ ಏಪ್ರಿಲ್ 30, 1944ರಲ್ಲಿ ಮದುವೆ ಮಾಡಿಕೊಟ್ರು. 

ಆ ಕಾಲದಲ್ಲೇ ನೂರಾರು ಜನ ಗಣ್ಯಾತಿಗಣ್ಯರು ಮದ್ವೆಗೆ ಬಂದಿದ್ರು. ಮೈಸೂರಿನ ಅಂಬಾ ವಿಲಾಸ ಅರಮನೆಯಲ್ಲಿ ಮದ್ವೆ ಅದ್ದೂರಿಯಾಗಿ ನಡೀತು. ಈ ದಂಪತಿಗಳಿಗೆ ಆರು ಜನ ಮಕ್ಕಳು. ಮದುವೆ ಬಳಿಕವೂ ಮಹಾರಾಜರ ಸಪತ್ನಿಯಾದ ಚಾರ್ಕರಿ ಜೊತೆಗೂ ಹೊಂದಿಕೊಂಡು ಹೋಗಿದ್ದು ಇವ್ರ ದೊಡ್ಡಗುಣ.   

4. ಮಹಾರಾಣಿ ಪ್ರಮೋದಾ ದೇವಿ (ಶ್ರೀಕಂಠದತ್ತ ನರಸಿಂಹ ರಾಜ ಒಡೆಯರ್ ಹೆಂಡ್ತಿ)

ಮೂಲ

ಶ್ರೀಕಂಠದತ್ತ ನರಸಿಂಹ ರಾಜ ಒಡೆಯರ್ 1976ರಲ್ಲಿ ಪ್ರಮೋದಾ ದೇವಿ ಅವರನ್ನು ವರಿಸಿದರು. ಮೈಸೂರಿನ ಬೆಟ್ಟದ ಕೋಟೆ ಅರಸರ ಕುಟುಂಬ ಇವರದು. ಈ ದಂಪತಿಗಳಿಗೆ ಮಕ್ಕಳಿಲ್ಲ. ಆದ್ದರಿಂದ ಯದುವೀರ್ನ ದತ್ತು ತೊಗೊಂಡ್ರು.

5. ತ್ರಿಷಿಕಾ ಕುಮಾರಿ ಸಿಂಗ್ (ಯದುವೀರ್ ಕೃಷ್ಣದತ್ತ ಚಾಮರಾಜ ಒಡೆಯರ್ ಹೆಂಡ್ತಿ):

ಮೂಲ

1994ರಲ್ಲಿ ಹುಟ್ಟಿದ ತ್ರಿಷಿಕಾ ರಾಜಸ್ಥಾನದ ದುಂಗಾರಪುರ ರಾಜವಂಶಸ್ಥೆ. ತಂದೆ ಹೆಸರು ಹರ್ಷವರ್ಧನ್ ಸಿಂಗ್, ತಾಯಿ ಮಹೇಶ್ವರಿ ಕುಮಾರಿ. ತಂದೆ ತಾಯಿಗೆ ಈಕೆ ಎರಡನೇ ಮಗಳಾಗಿದ್ದು ಯದುವೀರ್ ಕೃಷ್ಣದತ್ತ ಚಾಮರಾಜ ಒಡೆಯರ್ ಜೊತೆಗೆ ಇವರ ಮದ್ವೆ ಸೋಮವಾರ 27, 2016ರಂದು 9.5ರಿಂದ 9.35ರ ಶುಭ ಘಳಿಗೆಯಲ್ಲಿ ಅದ್ದೂರಿಯಾಗಿ ನೆರವೇರಿತು. 

ಮೂಲ

ಒಂದು ವರ್ಷದ ಹಿಂದೆಯೇ ಇವರಿಬ್ಬರ ನಿಶ್ಚಿತಾರ್ಥವಾಗಿತ್ತು. 27.6.2016ರ ಬೆಳಗ್ಗೆ 6.30ರಿಂದಲೇ ಮದನ ವಿಲಾಸ ಬಾಗಿಲಿನಿಂದ ದಿಬ್ಬಣ ಪಯಣ, ಆನೆ ಬಾಗಿನಲ್ಲಿ ಭತ್ತ ಮತ್ತು ಅವರೆಕಾಳಿನಿಂದ ವರನ ಸ್ವಾಗತ. ಸವಾರ್ ತೊಟ್ಟಿಯಲ್ಲಿ ವರನನ್ನು ಪೂರ್ವಾಭಿಮುಖವಾಗಿ ನಿಲ್ಲಿಸಿ ವಧುವಿನ ಕಡೆಯವರಿಂದ ಆರತಿ ಮಾಡಲಾಯಿತು. ಈ ಸಂಪ್ರದಾಯಗಳು ಈಗ ಎಷ್ಟು ಜನಕ್ಕೆ ಗೊತ್ತೋ ಏನೋ?

ಮೂಲ

ಆ ಬಳಿಕ ವಧುವಿನ ಮನೆಯಲ್ಲಿ ಗೌರಿ ಪೂಜೆ ನಡೆಯಿತು. 7 ಗಂಟೆಗೆ ವರನನ್ನು ಕಳ್ಯಾಣ ಮಂಟಪಕ್ಕೆ ಕರೆತರಲಾಯಿತು. ಶ್ರೀಗಣಪತಿ ಪೂಜೆ, ಬೃಹಸ್ಪತಿ ಪೂಜೆ, ಕನ್ಯಾಪ್ರತಿಗ್ರಹ ಪೂಜೆಗಳು ನಡೆದವು. 

ಮೂಲ

ಕನ್ಯಾ ನಿರೀಕ್ಷಣೆ, ಮಹಾಸಂಕಲ್ಪ, ಗೋತ್ರ ಪ್ರವರ, ಕನ್ಯಾದಾನ, ಅಕ್ಷತಾರೋಪಣೆ, ಸಂಬಂಧ ಮಾಲೆ, ಕಂಕಣ ಧಾರಣೆ, ದಾಕ್ಷಾಯಣ ಪೂಜೆ, ಮಾಂಗಲ್ಯ ಧಾರಣೆ, ಅಗ್ನಿಮುಖ ಲಾಜಾ ಹೋಮ, ಆರತಿ, ಶ್ರೀಮಠಗಳ ಫಲಮಂತ್ರಾಕ್ಷತೆ, ದೇವಾಲಯಗಳ ಪ್ರಸಾದ ಸಮರ್ಪಣೆ ನಡೀತು. 

ಮೂಲ

ಇವರಿಬ್ಬರ ಮದುವೆ ರಿಸೆಪ್ಷನ್ಗೆ ಈಗಿನ ಸ್ಟೈಲಲ್ಲಿ ಒಂದು ಕರೆಯೋಲೆ ಮಾಡ್ಸಿದಾರೆ, ಇಲ್ಲಿದೆ ನೋಡಿ:

ಮೈಸೂರು ಒಡೆಯರ ಹೆಂಡ್ತೀರ ಬಗ್ಗೆ ನಿಮಗೆ ಏನಾದ್ರೂ ಇನ್ನೂ ಹೆಚ್ಚಿನ ಮಾಹಿತಿ ಗೊತ್ತಿದ್ರೆ ದಯವಿಟ್ಟು ಕಾಮೆಂಟ್ ಬಾಕ್ಸಲ್ಲಿ ಹಾಕಿ.

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ಫೇಸ್ಬುಕ್ ಚರ್ಚೆ:

2017ರಲ್ಲಿ ಒತ್ತಡ ಕಡಿಮೆ ಮಾಡ್ಕೊಂಡು ಜೀವನ ಸವೀಬೇಕು ಅಂತಿದ್ರೆ ಇಲ್ಲಿ ಸ್ವಲ್ಪ ಕೇಳಿ

ಸುಂದರ ಬದುಕು ನಿಮ್ಮದಾಗಿಸಿಕೊಳ್ಳೋ ಆಸೆ ಇದ್ರೆ

ಬೆಳಗಾದ್ರೆ ಕೆಲಸಕ್ಕೆ ಓಡೋ ಭರಾಟೆಲಿರ್ತೀವಿ, ಹೆಣ್ಣುಮಕ್ಕಳಾದ್ರೆ ಮನೆ ಕೆಲಸ ಎಲ್ಲ ಮುಗಿಸಿ ಓಡಬೇಕು, ಕೆಲಸದಲ್ಲೆನು ಒತ್ತಡಕ್ಕೆ ಕೊರತೇನ? ಇದೆಲ್ಲ ಮುಗಿದಮೇಲೆ ನನ್ನನ್ನ ಗಮನಿಸಿಕೊಳ್ತಿಲ್ಲಾ ಅನ್ನೋ ಗಂಡ/ ಹೆಂಡತಿ, ಆಡೋಕು ನನ್ನ ಜೊತೆ ಬರೋಲ್ವಾ ಅನ್ನೋ ಮಕ್ಕಳು....... ಯಾಕಪ್ಪ ಜೀವನ ಅನ್ಸುತ್ತೆ ದಿನದ ಕೊನೆಲಿ. 

ಇದೆಲ್ಲಾ ನಿಮಗೂ ಅನ್ನಿಸ್ತಿದ್ರೆ ಖಂಡಿತ ಇವೆಲ್ಲದರ ಬಗ್ಗೆ ಗಮನ ಹರಿಸೋಕು ಇದು ಸರಿಯಾದ ಸಮಯ.

1. ದಾರಿ ತಪ್ಪಿಸೋರ್ನ ದೂರ ಇಡಿ

ಕೆಲವರನ್ನ ಕಷ್ಟದಲ್ಲಿ ಭೇಟಿ ಮಾಡೋಕೆ ಪ್ಲ್ಯಾನ್ ಮಾಡಿರ್ತೀರಿ. ಆದ್ರೆ ಅವರನ್ನ ಭೇಟಿ ಮಾಡಿದ್ರೆ ಬೇಡದ ಮಾತುಗಳು, ಬೇಡದ ವಿಷಯಗಳು ನಿಮ್ಮನ್ನ ಕಾಡುತ್ತೆ ಅನ್ನಿಸಿದ್ರೆ ಅಂಥವರ ಜೊತೆ ಕಳೆಯೋ ಸಮಯಾನ ಕಡಿಮೆ ಮಾಡಿಕೊಳ್ಳಿ. ಸಾಧ್ಯ ಆದ್ರೆ ಅಂಥವರನ್ನ ಭೇಟಿ ಮಾಡದೇ ಇರೋದೆ ಒಳ್ಳೇದು.

ಅವರೇ ಕಾಫಿಗೋ ಊಟಕ್ಕೋ ಕರೆದರೆ ಹೋಗದೇ ಇರೋಕೆ ನೆಪ ಹುಡುಕಿ, ಖುಷಿ ಆಗಿರ್ತೀರಿ.

ಮೂಲ

2. ಯಾವಾಗಲೂ ಲೇಟು ಅನ್ನಿಸಿಕೋಬೇಡಿ, ನಿಮ್ಮ ದಿನಾನ ಸರಿಯಾಗಿ ಪ್ಲಾನ್ ಮಾಡಿ

ದಿನ ತಡವಾಗಿ ಹೋಗಿ ಹೋಗಿ ಒತ್ತಡ ಜಾಸ್ತಿ ಆಗ್ತಿದ್ರೆ ನಿಮ್ಮ ದಿನದ ಪ್ಲ್ಯಾನ್ ನಲ್ಲಿ ಬದಲಾವಣೆ ಮಾಡಿಕೊಳ್ಳಿ. ಗಾಡಿ ಓಡಿಸೋ ಸಮಯ, ಟ್ರಾಫಿಕ್ ಜೊತೇಲಿ ನಿಮ್ಮ ಸಣ್ಣ ಪುಟ್ಟ ಕೆಲಸಗಳಿಗೂ ಸಮಯ ಕೊಟ್ಟು ಪ್ಲ್ಯಾನ್ ಮಾಡಿ,  ಬಸ್ ಬೇಗ ಹತ್ತಿ, ಅರ್ಧ ಗಂಟೆ ಮುಂಚೆ ಮನೆಯಿಂದ ಹೊರಡಿ, ಆಗ ಸಮಯಕ್ಕೆ ಸರಿಯಾಗಿ ನಿಮ್ಮ ಕೆಲಸಗಳು ಆಗುತ್ವೆ.

ಮೂಲ

3. ಮಾಡಬೇಕಾದ ಕೆಲಸ ಬೆಟ್ಟದಂಗೆ ಬೆಳೀಬಾರದು… ಹಂಗೆ ನೋಡ್ಕೊಳಿ

ಬೆಳಗಾದ ತಕ್ಷಣ ನಿಮ್ಮ ಕಣ್ಮುಂದೆ ರಾಶಿ ರಾಶಿ ಕೆಲಸ ಕಂಡ್ರೆ ಯಾರಿಗೆ ತಾನೆ ಖುಷಿ ಆಗುತ್ತೆ ಹೇಳಿ!! ಆದ್ರೆ ಹಾಗಂತ ನಾವು ತಪ್ಪಿಸ್ಕೊಳ್ಳೋಹಾಗೂ ಇಲ್ಲ ಅಲ್ವ? ಆದ್ರಿಂದ ನಿಮ್ಮ ಕೆಲಸಗಳ ಎರಡು ಪಟ್ಟಿ ಮಾಡ್ಕೊಳ್ಳಿ. ಒಂದು ನಿಮಗೆ ಖುಷಿ ಕೊಡೋದು ಮತ್ತೊಂದು ನಿಮಗೆ ಇಷ್ಟ ಆಗದ್ದು. ಈಗ ಇವರಡನ್ನೊ ಸಮಾನವಾಗಿ ಮಾಡುತ್ತಾ ಹೋಗಿ.

ನಿಮಗೆ ನಿಮ್ಮ ಹೆಂಡತಿನ ಶಾಪಿಂಗ್ ಕರ್ಕೊಂಡು ಹೋಗೋದು ಇಷ್ಟ ಇಲ್ಲ ಅಂದ್ರೆ, ನಿಮಗೆ ಬೇಕಾದನ್ನು ನೀವೂ ಕೊಳ್ಳಬಹುದಾದ ಅಂಗಡಿಗೆ ಹೋಗಿ. ನಿಮಗೆ ಬೇಕಾದ್ದು ನೀವು ತಗೊಳ್ಳಿ ಅವರಿಗೆ ಬೇಕದ್ದು ಅವರು ತಗೋತಾರೆ, ಕೆಲಸ ಖುಷಿಲೇ ಮುಗೀತಲ್ವ?

ಮೂಲ

4. ನಿಮ್ಮ ಸಾಮಾನು ಚೆಲ್ಲಾಪಿಲ್ಲಿ ಆಗದೆ ಇರೋಹಂಗೆ ನೋಡ್ಕೊಳ್ಳಿ

ವಾರ ಇಡೀ ಬ್ಯುಸಿ ಆಗಿರೋ ನಿಮಗೆ ಬಳಸಿದ ವಸ್ತುಗಳನ್ನ ಅದದೇ ಜಾಗಗಳಿಗೆ ಸೇರಿಸೋದು ಕಷ್ಟ ಆಗಿ ನಾಳೆ ನಾಳೆ ಅನ್ಕೋತಾ ಒಂದು ರಾಶಿ ಆಗಿದ್ರೆ ಅದನ್ನೆಲ್ಲ ಶನಿವಾರ ಮಾಡಬೇಕನ್ನೋ ಒತ್ತಡ ಕಾಡುತ್ತಿದ್ರೆ. ಬೇಸರ ಇಲ್ಲದೆ ನಿಮಗಿಷ್ಟ ಆಗೋ ಸಂಗೀತ ಕೇಳುತ್ತ ಕೆಲಸ ಮಾಡಿ, ಜೊತೇಲಿ ಕೆಲಸ ಎಲ್ಲ ಮುಗಿದ ಮೇಲೆ ನಿಮಗಿಷ್ಟ ಆಗೋ ಜಾಗಕ್ಕೆ ಹೋಗೋ ಪ್ಲಾನ್ ಮಾಡ್ಕೊಳ್ಳಿ ಆಗ ಒತ್ತಡ ಇರಲ್ಲ.

ಮೂಲ

5. ಭಿನ್ನಾಭಿಪ್ರಾಯಗಳನ್ನ ಪಕ್ಕಕ್ಕಿಡಿ

ಎಷ್ಟೋ ಸಾರಿ ಎದುರಿಗೆ ಇರೋ ವ್ಯಕ್ತಿಗೆ ನಮ್ಮ ಮನಸ್ಸಿನಲ್ಲಿರೋ ಮಾತು ಹೇಳೋಕಾಗ್ದೆ ಒಳಗೊಳಗೇ ಗೊಣಗಾಡ್ತ ಇರ್ತೀವಿ. ಇದು ನಿಮಗೆ ಒತ್ತಡ ಹೇರುತ್ತೆ. ಇದರಿಂದ ಹೊರಬರೋಕೆ ಮಾತುಗಳನ್ನ ಆಡೋ ಅಭ್ಯಾಸ ಮಾಡಿಕೊಂಡ್ರೆ ಒಳ್ಳೇದು ಇಲ್ಲ ಅಂದ್ರೆ 10 ನಿಮಿಷಕ್ಕಿಂತ ಹೆಚ್ಚು ಯಾವುದೇ ವಿಷಯಕ್ಕೂ ತಲೆ ಕೆಡಿಸಿಕೊಳಲ್ಲ ಅಂತ ನಿರ್ಧಾರ ಮಾಡಿ. ಅಕಸ್ಮಾತ್ ನಿಮ್ಮ ಮನಸ್ಸು ನಿಮ್ಮ ಮಾತು ಕೇಳ್ತಿಲ್ಲ ಅಂದ್ರೆ ಒಂದು ಪೇಪರ್ ನಲ್ಲಿ ನಿಮಗನ್ನಿಸಿದ್ದನ್ನೆಲ್ಲ ಬರೆದು ಸುಟ್ಟು ಹಾಕಿ, ಮನಸ್ಸು ನಿರಾಳ ಅನ್ಸುತ್ತೆ.

ಮೂಲ

6. ಇಲ್ಲ/ಆಗಲ್ಲ ಅನ್ನೋದನ್ನ ಅಭ್ಯಾಸ ಮಾಡ್ಕೊಳ್ಳಿ

ಯಾರಾರು ಏನಾರು ಕೆಲಸ ಹೇಳಿದಾಗ ಮನಸ್ಸು ಆಗಲ್ಲ ಅಂತಿದ್ರು ತುಟಿ ಹೂ ಅನ್ನೋಕೆ ಬಿಡಬೇಡಿ. ನಿಮಗಿಷ್ಟ ಇಲ್ಲದ್ದನ್ನ ಕೇಳಿದ್ರೆ ಇಲ್ಲ ಅನ್ನೋ ಅಭ್ಯಾಸ ಮಾಡ್ಕೊಳ್ಳಿ ಅಥವಾ ಆ ಕೆಲಸ ಇಷ್ಟ ಪಡೋ ವ್ಯಕ್ತಿಗೆ ಅದನ್ನ ಹೇಳೋ ಅಭ್ಯಾಸ ಮಾಡ್ಕೊಳ್ಳಿ ನಿಮಗೂ ಖುಷಿ ಅವರಿಗೂ ಖುಷಿ. ಹತ್ತು ಕೆಲಸ ಒಪ್ಪಿಕೊಂಡು ಸರಿಯಾಗಿ ಮಾಡದೇ ಇರೋಕ್ಕಿಂತ ಒಂದನ್ನ ಸರಿಯಾಗಿ ಮಾಡೋದು ಒಳ್ಳೇದಲ್ವಾ?

ಮೂಲ

7. ಮನೆಯೋರ ಜೊತೆ ಹೆಂಗಿರಬೇಕು ಅಂತ ತಿಳ್ಕೊಳಿ

ಯಾವುದಾದ್ರೂ ಹಬ್ಬ ಹರಿದಿನಗಳಲ್ಲಿ ಎಲ್ಲರೂ ಒಂದು ಕಡೆ ಸೇರಿ ಮಾತಾಡೋ ಪರಿಸ್ಥಿತೀಲಿ ನಿಮಗೆ ಅಲ್ಲಿಂದ ಓಡೋಗ್ಬೇಕು ಅಂತ ಅನ್ಸಿದ್ರೆ ನಿಮಗೆ ನಿಮ್ಮ ಕುಟುಂಬದಲ್ಲೂ ಒತ್ತಡ ಇದೆ ಅಂತರ್ಥ. ನೆಂಟರ ಕೊಂಕು, ಅದಕ್ಕೆ ತಲೆ ಆಡಿಸೋ ಅಪ್ಪ - ಅಮ್ಮ ನಿಮಗೆ ಹಿಂಸೆ ಅನ್ನಿಸ್ತಿದ್ರೆ ಅವ್ರನ್ನೆಲ್ಲ ಬದಿಗಿಟ್ಟು ಯೋಚ್ನೆ ಮಾಡಿ ಅಥವಾ ಅವರು ಮಾತು ಆರಂಬಿಸೋಕೆ ಮುಂಚೆ ನೀವೇ ನಿಮಗಿಷ್ಟ ಆಗೋ ಮಾತು ಶುರು ಮಾಡಿ, ಇನ್ನು ಕಷ್ಟ ಅನ್ಸಿದ್ರೆ ಸ್ವಲ್ಪ ಸಮಯ ಮಾತ್ರ ಅವರ ಜೊತೆಲಿರಿ, ನಿಮಗೆ ಹೆಚ್ಚು ತೊಂದ್ರೆ ಕೊಡೊ ಸಂಬಂಧಗಳು ದೂರ ಇದ್ದಷ್ಟು ಒಳ್ಳೇದು.

ಮೂಲ

8. ಹಿಂದೆ ಮಾಡಿದ ಕೆಲಸ ಆಡಿದ ಮಾತು ಮರೆತುಬಿಡಿ

ಹಿಂದೆ ಯಾರ ಜೊತೆಲಾದ್ರೂ ಜಗಳ ಆಡಿದ್ರೆ ಅಥವಾ ಚಿಕ್ಕವಯಸ್ಸಿನಲ್ಲಿ ಯಾವತ್ತಾದ್ರೂ ತಪ್ಪು ಮಾಡಿದ್ರೆ ಅದನ್ನೇ ಮೆಲುಕು ಹಾಕೋದು ಬಿಡಿ, ಅದರಿಂದ ಏನೂ ಬದಲಾಗಲ್ಲ ಅನ್ನೋದು ನಿಮಗೆ ಗೊತ್ತಿದೆ ತಾನೇ. ನೆನ್ನೆ ಬಗ್ಗೆ ಯೋಚ್ನೆ ಮಾಡೋದ್ರಿಂದ ನೀವು ಅದೇ ಘಟನೆಗಳಲ್ಲಿ ಜೀವನ ಮಾಡೋದು ಹೆಚ್ಚು, ಅದು ನಿಜ ಜೀವನದ ಒತ್ತಡಕ್ಕಿಂತ ನಿಮಗೆ ಹೆಚ್ಚು ತೊಂದ್ರೆ ಕೊಡುತ್ತೆ. ಹಳೇದನ್ನ ಮರೆಯೋ ಪ್ರಯತ್ನ ಮಾಡಿ ಅಥವಾ ಬೇರೆ ವಿಷಯಗಳಲ್ಲಿ ನಿಮ್ಮನ್ನ ತೊಡಗಿಸಿಕೊಳ್ಳಿ.

ಮೂಲ

ಕೇಳಿದ್ರೇನೇ ನಿರಾಳ ಅನ್ಸುತ್ತೆ ಇನ್ನು ಮಾಡಿದ್ರೆ.... ಹಾಗಿದ್ರೆ ತಡ ಯಾಕೆ?

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: