ಈ 13 ಸಲಹೆಗಳ್ನ ಗಂಭೀರವಾಗಿ ತೊಗೊಂಡ್ರೆ ಎಂಥಾ ಕಷ್ಟದಿಂದ ಬೇಕಾದರೂ ಪಾರಾಗ್ತೀರಿ

ಎಲ್ಲರಿಗೂ ಅನ್ವಯಿಸುವ ಸಲಹೆಗಳಿವು

ಬೇಜಾರು

ಮೂಲ

ಕಷ್ಟ ಅನ್ನೋದು ನಮ್ಮೆಲ್ಲರಿಗೂ ಬಂದಿದೆ, ಎಲ್ಲರೂ ಅದರಿಂದ ಹೊರಕ್ಕೂ ಬಂದಿದೀವಿ. ಆದರೆ ಕಷ್ಟದಿಂದ ಹೊರಬರೋದು ಎಲ್ಲರಿಗೂ ಸುಲಭ ಏನಲ್ಲ. ಕೆಲವರು ಬಹಳ ಬೇಗ ಹೊರಕ್ಕೆ ಬರ್ತಾರಲ್ಲ, ಅದು ಹೇಗೆ? ನಿಜವಾಗಲೂ ನೋಡಿದರೆ ಅದಕ್ಕೆ ಕಾರಣ ಅವರ ದೃಷ್ಟಿಕೋನ. ಈ 13 ಸಲಹೆಗಳ್ನ ನೀವು ನೆನಪಲ್ಲಿ ಇಟ್ಕೊಂಡ್ರೆ ಕಷ್ಟ ಬಂದಾಗ ನಿಮ್ಮ ಸಹಾಯಕ್ಕೆ ಬರ್ತವೆ:

1. ಇರೋದನ್ನ ಇದೆ ಅಂತ ಒಪ್ಕೊಳಿ

ಬುದ್ಧ ಹೇಳುವ ಪ್ರಕಾರ ಇರೋದನ್ನ ಇದೆ ಅಂತ ಒಪ್ಕೊಳ್ದೆ ಇರೋದರಿಂದಲೇ ಮನುಷ್ಯ ದುಃಖ ಅನುಭವಿಸೋದು. ಸ್ವಲ್ಪ ಯೋಚಿಸಿ ನೋಡಿ, ನಿಮಗೇ ಅರ್ಥವಾಗುತ್ತೆ. ಮನುಷ್ಯರು, ವ್ಯವಸ್ಥೆಗಳು... ಇವೆಲ್ಲ ಹೇಗೆದೆಯೋ ಅದನ್ನ ಹಾಗೇ ಒಪ್ಪಿಕೊಳ್ಳದೆ ಇರೋದ್ರಿಂದಾನೇ ನಮಗೆ ದುಃಖ ಆಗೋದು... ಹೌದು ತಾನೇ? ನಿಮಗೆ ಅದನ್ನ ಬದಲಾಯಿಸಕ್ಕೆ ಆದ್ರೆ ಬದಲಾಯಿಸಿ. ಆಗದೆ ಹೋದರೆ ನಿಮ್ಮ ಮುಂದೆ ಎರಡು ದಾರಿ ಇದೆ: (1) ಇರೋದನ್ನ ಇರೋಹಾಗೆ ಒಪ್ಕೊಂಡು ಮುಂದುವರೆಯೋದು, (2) ಒಪ್ಪಿಕೊಳ್ಳದೆ ದುಃಖ ಅನುಭವಿಸೋದು. ಆಯ್ಕೆ ನಿಮ್ಮದು.

2. ಇದೆ ಅನ್ಕೊಂಡ್ರೆ ಮಾತ್ರ ತೊಂದರೆ

ಎಷ್ಟೋ ಸಲ ನಾವೇ ನಮ್ಮ ವೈರಿಗಳಾಗಿಬಿಡ್ತೀವಿ... ಯಾಕಂದ್ರೆ ತೊಂದರೆ ಇದೆ ಇದೆ ಇದೆ ಅಂತ ಅನ್ಕೋತಿರೋದ್ರಿಂದಲೇ ತೊಂದರೆ ಹುಟ್ಟಿಕೊಂಡು ಕೆಟ್ಟ ಯೋಚನೆಗಳು ಶುರು ಆಗ್ತವೆ. ಇದರ ಬದಲು ‘ಇದು ನನಗೆ ಪಾಠ ಕಲಿಸಕ್ಕೆ ಬಂದಿರೋ ಪರಿಸ್ಥಿತಿ’ ಅಂತಲೋ ಇನ್ಯಾವುದೋ ರೀತಿಯಲ್ಲೋ ಯೋಚನೆ ಮಾಡಿದರೆ ತೊಂದರೆ ಮಾಯ ಆಗಿಹೋಗುವ ಸಾಧ್ಯತೇನೂ ಇರುತ್ತೆ.

3. ಬದಲಾವಣೆ ಆಗಬೇಕು ಅನ್ನೋದಾದರೆ ಅದನ್ನ ನಿಮ್ಮಿಂದಾನೇ ಶುರು ಮಾಡಿ

ಎಷ್ಟೋ ಸಲ ಪ್ರಪಂಚದಲ್ಲಿ ಅದು ಸರೀಗಿಲ್ಲ ಇದು ಸರೀಗಿಲ್ಲ ಅಂತ ನೊಂದುಕೊಂಡು ಕೂತಿರ್ತೀವಿ. ಅದು ಬದಲಾಗಲ್ಲ, ನಮ್ಮ ನೋವು ಹೋಗಲ್ಲ. ಈ ಕಷ್ಟದಿಂದ ಪಾರಾಗಕ್ಕೆ ಮೊದಲು ನಾವು ನಮ್ಮಲ್ಲೇ ಬದಲಾವಣೆ ತಂದುಕೋಬೇಕು. ಅದರಿಂದ ಪ್ರಪಂಚ ಬದಲಾಗುವ ಸಾಧ್ಯತೆ ಇರುತ್ತೆ... ಬದಲಾಗದೆ ಹೋದರೂ ನಮಗೆ ಬೇಕಾದ ಪ್ರಪಂಚ ಕಟ್ಟೋದರಲ್ಲಿ ನಮ್ಮ ಕೆಲಸ ನಾವು ಮಾಡಿದೀವಿ ಅನ್ನೋ ತೃಪ್ತಿ ನಮಗಿರುತ್ತೆ.

4. ಸೋಲು ಅನ್ನೋದೇನೂ ಇಲ್ಲ. ಇರೋದು ಕಲಿಯುವುದಕ್ಕೆ ಅವಕಾಶಗಳು ಮಾತ್ರ.

‘ಸೋಲು’ ಅನ್ನೋ ಪದವನ್ನೇ ನಿಮ್ಮ ತಲೆಯಿಂದ ತೆಗೆದು ಹಾಕಿಬಿಡಿ. ಜೀವನದಲ್ಲಿ ಉದ್ಧಾರ ಆಗಿರೋರೆಲ್ಲ ಸೋತೇ ಗೆದ್ದಿರೋದು. ಒಂದಲ್ಲ ಎರಡಲ್ಲ, ಹಲವಾರು ಸಲ ಸೋತೇ ಜನ ಗೆಲ್ಲೋದು. ಈ ‘ಸೋಲು’ಗಳಿಂದ ಏನು ಕಲೀಬೇಕೋ ಅದನ್ನ ಕಲಿತು ಮುನ್ನುಗ್ಗೋದು ಕಲ್ತುಕೊಳ್ಳಿ.

5. ನಿಮಗೆ ಬೇಕಾಗಿದ್ದು ಸಿಗದೆ ಹೋದರೆ ಇನ್ನೂ ಚೆನ್ನಾಗಿರೋದು ಏನೋ ಬರ್ತಿದೆ ಅಂತ ಅರ್ಥ

ಇದನ್ನ ನಂಬೋದು ಕಷ್ಟ ಅನ್ನಿಸಬಹುದು, ಆದರೆ ನಿಜ. ನಿಮ್ಮ ಜೀವನದಲ್ಲಿ ಹಿಂದೆ ನಡೆದಿರೋದರ ಬಗ್ಗೆ ಯೋಚಿಸಿ ನೋಡಿ, ಆಗ ನಿಮಗೇ ಗೊತ್ತಾಗುತ್ತೆ... ಹಿಂದೆ ನಿಮಗೆ ಸಿಗದೆ ಹೋಗಿರೋದು ನಿಮಗೆ ಒಳ್ಳೇದೇ ಆಗಿದೆ ಅಂತ. ನೀವು ಇಷ್ಟ ಪಡ್ತಿದ್ದ ಕೆಲಸ ಸಿಕ್ಕಲಿಲ್ಲ ಅನ್ಕೊಳ್ಳಿ... ಅದರಲ್ಲಿ ನಿಮಗೆ ಬೇಕಾದಷ್ಟು ಫ್ರೀ ಟೈಮ್ ಸಿಗ್ತಿತ್ತು ಅಂತ ಏನ್ ಗ್ಯಾರಂಟಿ? ಅದರ ಬದಲಾಗಿ ಇವತ್ತು ನಿಮಗೆ ಸಿಕ್ಕಿರೋ ಕೆಲಸದಲ್ಲಿ ಸಾಕಷ್ಟು ಫ್ರೀ ಟೈಮ್ ಸಿಗ್ತಿದ್ದರೆ ಅದೇ ವಾಸಿ ಅಲ್ವಾ? ಆಗೋದೆಲ್ಲ ಒಳ್ಳೇದಕ್ಕೇ ಆಗುತ್ತೆ ಅಂತ ನಂಬಿ, ಒಳ್ಳೇದು.

ಮೂಲ

6. ಈಗಿನ ಕ್ಷಣದಲ್ಲಿ ಮೈಮರೆಯೋದನ್ನ ಕಲೀರಿ

ಈ ಕ್ಷಣ ಇನ್ನೆಂದಿಗೂ ಬರಲ್ಲ. ಪ್ರತಿಯೊಂದು ಕ್ಷಣದಲ್ಲೂ ಎಷ್ಟು ಆನಂದ ಇದೆ ಅನ್ನೋದನ್ನ ನೀವು ಅನುಭವಿಸೇ ಕಲೀಬೇಕು. ಈಗಿನ ಕ್ಷಣವನ್ನ ನೀವು ಬಿಟ್ಟುಬಿಟ್ಟರೆ ನಿಮಗೆ ಆನಂದ ಹೇಗೆ ಸಿಕ್ಕೀತು? ಆದ್ದರಿಂದ ಈಗಿನ ಕ್ಷಣದಲ್ಲೇ ಮೈಮರೆತು ಆನಂದದಲ್ಲಿ ಮುಳುಗೋದನ್ನ ಕಲೀರಿ. ಆನಂದ ಅನ್ನೋದು ಯಾವತ್ತೂ ಭವಿಷ್ಯದಲ್ಲೇ ಸಿಗುತ್ತೆ ಅನ್ನೋಹಾಗೆ ಜೀವನ ಮಾಡಿದರೆ ಆ ಭವಿಷ್ಯ ಎಂದಿಗೂ ಬರೋದೇ ಇಲ್ಲ!

7. ಬಯಕೆಗಳಿಗೆ ಅಂಟುಕೊಳ್ಳೋದು ಬಿಟ್ಟುಬಿಡಿ

ಈ ಅಂಟುಕೊಳ್ಳೋದೇ ಒಂದು ದೊಡ್ಡ ಸಮಸ್ಯೆ. ಸಾಮಾನ್ಯವಾಗಿ ಜನರಿಗೆ ಏನಾದರೂ ಬಯಕೆ ಇದ್ದರೆ ಅದನ್ನ ತುಂಬಾ ಹಚ್ಚಿಕೊಂಡಿರ್ತಾರೆ. ಆ ಬಯಕೆ ಈಡೇರದೆ ಹೋದರೆ ಅವರ ತಲೆಮೆಲೆ ಆಕಾಶವೇ ಬಿದ್ದಹಾಗೆ ಆಗುತ್ತೆ. ಈ ಅಂಟಿಕೊಳ್ಳೋದು, ಹಚ್ಚಿಕೊಳ್ಳೋದನ್ನೆಲ್ಲ ಬಿಟ್ಟು ದೂರ ನಿಲ್ಲುವುದನ್ನ ಕಲೀರಿ. ಅಂದರೆ ನೀವು ಬಯಕೇನೇ ಇಟ್ಟುಕೊಳ್ಳಬೇಡಿ ಅಂತ ಅರ್ಥ ಅಲ್ಲ, ಬಯಸಿದ್ದು ಸಿಗದೆ ಹೋದರೆ ತೀರಾ ದುಃಖ ಪಡೋದು, ಸಿಕ್ಕರೆ ತೀರಾ ಸಂತೋಷ ಪಡೋದು... ಇದನ್ನ ಬಿಟ್ಟುಬಿಡಿ.

8. ನಿಮ್ಮ ಹೆದರಿಕೆಗಳ್ನ ಅರ್ಥ ಮಾಡಿಕೊಳ್ಳಿ, ಅದರಿಂದ ಇನ್ನಷ್ಟು ಬೆಳೀರಿ

ಯಾವುದರ ಬಗ್ಗೆ ನಿಮಗೆ ಹೆದರಿಕೆ ಇದೆಯೋ ಅದನ್ನ ಮೊದಲು ಒಪ್ಪಿಕೊಳ್ಳಿ, ಆಮೇಲೆ ನಿಮಗೆ ಯಾಕೆ ಹೆದರಿಕೆ ಇದೆ ಅಂತ ಯೋಚಿಸ್ತಾ ಹೋಗಿ. ಆಗ ನಿಧಾನವಾಗಿ ನಿಮಗೇ ಆ ಹೆದರಿಕೆ ಹೊರಟುಹೋಗುತ್ತೆ. ಹೋದ ಮೇಲೆ ನಿಮಗೇ ನಗು ಬಂದರೂ ಬರಬಹುದು... ಇಷ್ಟಕ್ಕೆ ನಾನು ಹೆದರಿಕೊಳ್ತಾ ಇದ್ದೆನಲ್ಲ ಅಂತ!

9. ಸಂತೋಷ ಪಡಕ್ಕೆ ಹಿಂಜರೀಬೇಡಿ

ಇದನ್ನ ನಂಬಕ್ಕೆ ನಿಮಗೆ ಕಷ್ಟ ಅನ್ನಿಸಬಹುದು, ಆದರೆ ಎಷ್ಟೋ ಜನ ಸಂತೋಷ ಪಡಕ್ಕೆ ಹಿಂಜರೀತಾರೆ. ಅಷ್ಟೇ ಅಲ್ಲ, ಅವರಿಗೆ ಸಂತೋಷವಾಗಿ ಇರೋದು ಹೇಗೆ ಅಂತಾನೂ ಗೊತ್ತಿಲ್ಲ. ಕೆಲವರಿಗೆ ತಮ್ಮ ತೊಂದರೆಗಳು, ಗಲಾಟೆ-ಗದ್ದಲಗಳೆಲ್ಲ ಎಷ್ಟು ಒಗ್ಗಿ ಹೋಗಿರ್ತವೆ ಅಂದ್ರೆ ಅವರಿಗೆ ಅವುಗಳಿಲ್ಲದೆ ಹೋದರೆ ಜೀವನಾನೇ ಮುಂದೆ ಸಾಗಲ್ಲ! ಆದ್ದರಿಂದ ನೀವು ಸಂತೋಷ ಪಡಕ್ಕೆ ಹಿಂಜರೀಬೇಡಿ. ಆ ಸಂತೋಷ ಒಂದೆರಡು ಕ್ಷಣದ್ದೇ ಆಗಿದ್ದರೂ ಅದನ್ನ ಕಡೆಗಣಿಸಿ ಕಷ್ಟಗಳ ಮೇಲೆ ಗಮನ ಹರಿಸಬೇಡಿ.

10. ಇನ್ನೊಬ್ಬರಿಗೆ ಹೋಲಿಸಿಕೊಳ್ಳಬೇಡಿ

ಹೋಲಿಸಿಕೊಳ್ಳಲೇ ಬೇಕು ಅನ್ನೋದಾದರೆ ನಿಮಗಿಂತ ಕಷ್ಟದಲ್ಲಿ ಇರೋರ ಜೊತೆ ಹೋಲಿಸಿಕೊಳ್ಳಿ. ಕೆಲಸ ಇಲ್ಲವಾ? ನಿಮ್ಮ ಅಪ್ಪ ಅಮ್ಮ ನಿಮ್ನ ನೋಡ್ಕೋತಿದಾರೆ ಅಂತ ಖುಷಿ ಪಡಿ... ಯಾಕಂದ್ರೆ ಎಷ್ಟೋ ತಂದೆತಾಯಂದಿರಿಗೆ ಅದನ್ನೂ ಮಾಡಕ್ಕಾಗಲ್ಲ. ನೀವು ನೋಡಕ್ಕೆ ಐಶ್ವರ್ಯ ರೈ ತರಹ ಇಲ್ಲವಾ? ಪರವಾಗಿಲ್ಲ, ಆದರೆ ಎಷ್ಟೋ ಹುಡುಗೀರ್ಗಿಂತ ನೀವು ಚೆನ್ನಾಗಿದೀರಿ ಅನ್ನೋದನ್ನ ಮರೀಬೇಡಿ.

11. ಜನ ನಿಮಗೆ ಕೆಟ್ಟದು ಮಾಡಕ್ಕೆ ಕಾಯ್ತಿದಾರೆ ಅನ್ಕೊಳೋದು ಬಿಟ್ಟುಬಿಡಿ

ಜನ ನಿಮಗೆ ಏನನ್ನೂ ಮಾಡಕ್ಕಾಗಲ್ಲ. ನೀವು ಮಾಡಿಸಿಕೊಂಡರೆ ಮಾತ್ರ ನಿಮಗೆ ಬೇಡದೆ ಇರೋದು ಆಗುತ್ತೆ ಅಷ್ಟೆ. ಆದ್ದರಿಂದ ನಿಮ್ಮ ಜೀವನದಲ್ಲಿ ಏನಾಗುತ್ತೋ ಅದನ್ನೆಲ್ಲ ಪೂರ್ತಿಯಾಗಿ ನಿಮ್ಮ ಹತೋಟಿಯಲ್ಲಿ ಇಟ್ಟುಕೊಳ್ಳಿ. ನಿಮ್ಮ ದಾರಿ ನೀವೇ ನೋಡ್ಕೊಳಿ. ಆಗ ನಿಮಗೆ ಯಾರು ಕೆಟ್ಟದು ಮಾಡಕ್ಕೆ ಸಾಧ್ಯ?

12. ಬದಲಾವಣೆ ಜಗತ್ತಿನ ನಿಯಮ ಅನ್ನೋದನ್ನ ಮರೀಬೇಡಿ

ನಮಗೆ ಬಂದಿರೋ ಕಷ್ಟ ಎಂದೆಂದಿಗೂ ಹೀಗೇ ಇರುತ್ತೆ ಅನ್ಕೊಳಕ್ಕೆ ಯಾವ ಕಾರಣಾನೂ ಇಲ್ಲ. ಈ ಪ್ರಪಂಚದಲ್ಲಿ ಬದಲಾಗದೆ ಇರೋದು ಏನೂ ಇಲ್ಲ. ಆದರೆ ಇದನ್ನು ಕೂಡ ನೆನಪಿಡಿ: ಬದಲಾವಣೆ ತಾನಾಗೇ ಆದರೆ ಅದು ನಿಮಗೆ ಬೇಕಾದ ರೀತಿಯಲ್ಲೇ ಆಗುತ್ತೆ ಅಂತ ಹೇಳಕ್ಕಾಗಲ್ಲ. ಆದ್ದರಿಂದ ಆ ಬದಲಾವಣೇನ ತರೋದರಲ್ಲಿ ನಿಮ್ಮ ಕೈನೂ ಸೇರಿಸಿ.

13. ಜೀವನದಲ್ಲಿ ಅದ್ಭುತಗಳು ನಡೀತವೆ ಅನ್ನೋ ನಂಬಿಕೆ ಇರಲಿ

ನಿಮ್ಮ ಸುತ್ತಮುತ್ತಲಲ್ಲೇ ಅದ್ಭುತಗಳು ನಡೀತಾ ಇರುತ್ತವೆ... ನೀವು ಕಣ್ಬಿಟ್ಟು ನೋಡಬೇಕಷ್ಟೆ. ಸಾವಿನ ಬಾಯಿಗೆ ಹೋದೋರು ವಾಪಸ್ ಬರ್ತಾರೆ, ಕಡು ಬಡತನದಲ್ಲಿದ್ದೋರು ಒಳ್ಳೇ ಜೀವನ ಮಾಡೋಹಂಗೆ ಆಗ್ತಾರೆ, ರೋಗದಿಂದ ನರಳ್ತಾ ಇರೋರಿಗೆ ಗುಣವಾಗುತ್ತೆ... ಇವೆಲ್ಲ ನಡೀತಾನೇ ಇರುತ್ತೆ. ಇವುಗಳು ನಡೀತವೆ ಅನ್ನೋ ನಂಬಿಕೆ ಒಂದಿರಲಿ, ಸಾಕು. ಹೌದು, ಅಷ್ಟೇ ಸಾಕು...

ಮೂಲ

ಈ ಮೇಲಿನ ಮಾತುಗಳ್ನ ನೆನಪಿಟ್ಟುಕೊಳ್ಳಿ, ಆಗ ಯಾವ ಕಷ್ಟವೂ ಕಷ್ಟವಾಗಿ ಉಳಿಯಲ್ಲ...

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ಉಪವಾಸ ಮಾಡೊದ್ರಿಂದ ಇಷ್ಟೆಲ್ಲಾ ಲಾಭ ಇದೆ ಅಂತ ಗೊತ್ತಾದ್ರೆ ಇನ್ಮೇಲೆ ನೀವೂ ಮಾಡ್ತೀರಿ

ಉಪವಾಸ ಬೇರೆ ಊಟ ಬಿಡೋದ್ ಬೇರೆ

ನಮ್ಮಲ್ಲಿ ಉಪವಾಸ ಮತ್ತೆ ಊಟ ಸ್ಕಿಪ್ ಮಾಡದು ಎರಡೂ ಒಂದೇ ಅನ್ನೊ ಭಾವನೆ ಇದೆ. ಆದರೆ ಅದು ತಪ್ಪು. ಹಾಗೆನೆ ಫಲಾಹಾರ ತಿನ್ಕೊಂಡು ಅದನ್ನ ಉಪವಾಸ ಅನ್ನೋರೂ ಇದಾರೆ. ಅದೂ ತಪ್ಪು ಕಲ್ಪನೆ. ಉಪವಾಸ ಅಂದ್ರೆ ತಿನ್ನಕ್ಕೆ ಸಮಯಯಿಲ್ದೆ ಊಟ ತಿಂಡಿ ಬಿಡೋದೂ ಅಲ್ಲ, ಹಾಲು ಹಣ್ಣು ಇಟ್ಕೊಂಡು ಅರ್ಧ ಹೊಟ್ಟೆ ತಿನ್ನೋದೂ ಅಲ್ಲ. ಬದಲಾಗಿ, ನಮ್ಮ ದೇಹದ ಅಂಗಾಂಗಗಳ್ಗೆ ಆಗಾಗ ರೆಸ್ಟ್ ಕೊಡ್ತ, ಅವುಗಳೂ ಚೂರು ಚೇತರುಸ್ಕೊಂಡು ಇನ್ನೂ ಚೆನ್ನಾಗ್ ಕೆಲ್ಸ ಮಾಡೋಹಾಗೆ, ಅವುಗಳಲ್ಲಿರೋ ವಿಷಕಾರಿ ಅಂಶ ಹೊರಗೋಗೋ ಹಾಗೆ ನೋಡ್ಕೊಳೋದು. ಇನ್ನು ಈ ಉಪವಾಸದಿಂದ ಏನೇನೆಲ್ಲ ಲಾಭ ಇದೆ ಅಂತ ಗೊತ್ತಾದ್ರೆ, ಖಂಡಿತ ತಿಂಗಳಿಗ್ ಒಂದೋ ಎರಡೋ ದಿನ ಉಪವಾಸ ಮಾಡೋ ಮನಸ್ಸು ಮಾಡ್ತಿರ.

ಉಪವಾಸ ಮಾಡೋದ್ರಿಂದ ಏನೇನಾಗತ್ತೆ ನಿಮ್ಗೋಸ್ಕರ ಕೊಟ್ಟೀದಿವಿ ಓದ್ನೋಡಿ...

1.  ಎಲ್ಲಕ್ಕಿಂತ ಮೊದ್ಲು ದೇಹದ ತೂಕ ಕಮ್ಮಿಯಾಗತ್ತೆ

ತೂಕ ಕಮ್ಮಿ ಮಾಡ್ಕೊಳಕ್ಕೆ, ಉಪವಾಸ ಮಾಡೋದು ತುಂಬ ಸುರಕ್ಷಿತವಾದ ವಿಧಾನ. ಎಷ್ಟೊಂದು ರಿಸರ್ಚ್ ಪ್ರಕಾರ, ನಿಮಗೆ ಸಾಧ್ಯವಾದಷ್ಟು ಕಾಲ ಆಗಾಗ ಉಪವಾಸ ಮಾಡಿದ್ರೆ, ದೇಹದಲ್ಲಿರೊ ಕೊಬ್ಬಿನ ಕೋಶಗಳು ಬರ್ನ್ ಆಗಿ, ಮಾಮೂಲಿ ಪಥ್ಯ ಮಾಡಕ್ಕಿಂತಾನೂ ಒಂದ್ ಕೈ ಹೆಚ್ಚಾಗೇ ತೂಕ ಕಮ್ಮಿಯಾಗತ್ತೆ.

ಹೇಗೆ ಅಂದ್ರೆ... ದೇಹದ ಕೊಬ್ಬು ನಮ್ಗೆ ದಿನನಿತ್ಯ ಕೆಲ್ಸ ಮಾಡಕ್ಕೆ ಬೇಕಾಗಿರೋಷ್ಟು ಶಕ್ತಿ ಕೊಡತ್ತೆ. ಜೊತೆಗೆ ದೇಹದಲ್ಲಿರೊ ಸಕ್ಕರೆ ಅಂಶಾನ ಇದಕ್ಕೋಸ್ಕರ ಬಳ್ಸಲ್ಲ. ಈ ವಿಷ್ಯ ಗೊತ್ತಾದ್ದಾಗಿಂದ ಎಷ್ಟೊಂದ್ ಜನ ಕ್ರೀಡಾಪಟುಗಳು ಕಾಂಪಿಟಿಷನ್ಗೋಸ್ಕರ ಆಗಾಗ ಉಪವಾಸ ಮಾಡಿ ತಮ್ಮ ದೇಹದ ತೂಕನ ಒಂದು ಲೆವೆಲ್ಗೆ ಕಮ್ಮಿ ಮಾಡ್ಕೊಳ್ಳೊ ಅಭ್ಯಾಸ ಇಟ್ಕೊಂಡಿದಾರಂತೆ. 

ಮೂಲ

2. ಇನ್ಸುಲಿನ್ ಪರಿಣಮಕಾರಿಯಾಗಿ ಕೆಲ್ಸ ಮಾಡತ್ತೆ

ಇನ್ಸುಲಿನ್ ನಮ್ ದೇಹಕ್ಕೆ ಎಷ್ಟ್ ಮುಖ್ಯ ಅಂತ ಗೊತ್ತೇ ಇದೆ. ಒಂದ್ಸಲ ಜಾಸ್ತಿ ಪ್ರಮಾಣ್ದಲ್ಲಿ ಬೇಕಾಗಿದ್ರೆ, ಇನ್ನೊಂದ್ಸಲ ಕಮ್ಮಿ ಬೇಕಾಗತ್ತೆ. ಇದನ್ನ ಸರಿಯಾಗಿ ನಿಭಾಯ್ಸೋದಕ್ಕೆ, ಇನ್ಸುಲಿನ್ ಅಗತ್ಯಕ್ಕೆ ತಕ್ಕಹಾಗೆ ಕೆಲ್ಸ ಮಾಡಕ್ಕೆ, ಉಪವಾಸ ಸಹಾಯ ಮಾಡತ್ತೆ.

ಇನ್ನೂ ಹೇಳ್ಬೇಕು ಅಂದ್ರೆ...ಸಕ್ಕರೆ ಮಟ್ಟವನ್ನ ಕಂಟ್ರೋಲ್ ಆಗತ್ತೆ. ಆಗಾಗ ಉಪ್ವಾಸ ಮಾಡೋದ್ರಿಂದ, ರಕ್ತಕ್ಕೆ ಗ್ಲೂಕೋಸ್ ಸರ್ಯಾದ ಪ್ರಮಾಣದಲ್ಲಿ ಪೂರೈಕೆ ಆಗತ್ತೆ.

ಮೂಲ

3. ಜೀರ್ಣಶಕ್ತಿ ಜಾಸ್ತಿ ಆಗತ್ತೆ

ಉಪವಾಸ ಮಾಡಿದಾಗ ಜೀರ್ಣಾಂಗಕ್ಕೆ ಒಳ್ಳೆ ರೆಸ್ಟ್ ಸಿಗತ್ತೆ. ಜೀರ್ಣಶಕ್ತಿ ಚೆನ್ನಾಗಿಲ್ಲ ಅಂದ್ರೆ, ಪಚನಕ್ರಿಯೆ ಸರಿಯಾಗ್ ಆಗಲ್ಲ. ಇದ್ರಿಂದ ಕೊಬ್ಬಿನಂಶ ಬರ್ನ್ ಆಗಲ್ಲ. ಕರುಳು ಸರ್ಯಾಗಿ ಕ್ಲೀನ್ ಆಗತ್ತೆ.

ಮೂಲ

4. ಆಯಸ್ಸು ಹೆಚ್ಚತ್ತೆ

ನಂಬ್ತಿರೋ ಇಲ್ವೋ ನಿಮಗ್ಬಿಟ್ಟಿದ್ದು ಆದ್ರೆ, ಕಮ್ಮಿ ತಿಂದಷ್ಟೂ ಜಾಸ್ತಿ ವರ್ಷ ಬದಕ್ತಿರ. ಕೆಲವು ಜನಾಂಗದ್ ಜನ ಈ ವಿಷ್ಯದಲ್ಲಿ ಕಟ್ಟುನಿಟ್ಟಾಗಿ ಪಥ್ಯ ಮಾಡ್ತಿರೋದ್ರಿಂದ ಅವ್ರ ಜೀವಿತಾವಧಿ ಜಾಸ್ತಿಯಾಗಿದೆ ಅಂತ ಎಷ್ಟೊಂದ್ ಸ್ಟಡಿಗಳೂ ಹೇಳತ್ವೆ.

ಇದರ ಹಿಂದೆ ಇರೋ ಲಾಜಿಕ್ ಏನಪ್ಪ ಅಂತೀರ? ಜೀರ್ಣಕ್ರಿಯೆ ನಿಧಾನ್ವಾಗ್ ಆಗೋದೂ, ಬೇಗ ವಯಸ್ಸಾಗಕ್ಕೆ ಒಂದ್ ದೊಡ್ಡ ಕಾರಣವಂತೆ. ಯಂಗಾಗಿ ಇರ್ಬೇಕು ಅಂದ್ರೆ ಆಗಾಗ ಉಪ್ವಾಸ ಮಾಡ್ಕೊಂಡು ಜೀರ್ಣಾಂಗಕ್ಕೆ ಒತ್ತಡ ಕಮ್ಮಿ ಮಾಡ್ಕೊಬೇಕು.

ಅದಕ್ಕೇ ತಾನೇ ಸಿರಿಧಾನ್ಯಗಳು ಈಗೀಗ ಮತ್ತೆ ಪ್ರಚಾರಕ್ಕೆ ಬರ್ತಿದೆ.

ಮೂಲ

5. ದಿನನಿತ್ಯ ಚೆನ್ನಾಗಿ ಹಸಿವಾಗತ್ತೆ

ದಿನಕ್ಕೆ 4 ಹೊತ್ತೂ ಹೊಟ್ಟೆ ತುಂಬಾ ತಿನ್ತಿದ್ರೆ ನಿಜವಾದ ಹಸಿವು ಏನು ಅಂತ ಹೇಗ್ ಗೊತ್ತಾಗತ್ತೆ ಹೇಳಿ? ಇದು ಗೊತ್ತಾಗ್ಬೇಕು ಅಂದ್ರೆ ಕನಿಷ್ಟ 12 ರಿಂದ 24 ಗಂಟೆ ಉಪವಾಸ ಇರ್ಬೇಕು.

ಉಪವಾಸ, ದೇಹದಲ್ಲಿರೊ ಹಾರ್ಮೋನ್ಗಳ್ನ ಆಕ್ಟಿವ್ ಮಾಡಿ ನಿಜವಾದ್ ಹಸಿವು ಏನಂತ ತೋರ್ಸತ್ತೆ. ಇನ್ನು ಬೊಜ್ಜಿರೋರ್ಗಂತೂ ಯಾವಾಗ್ ಹಸ್ವಾಗತ್ತೆ ಅಂತ ಗೊತ್ತಾಗದೇ ಇಲ್ಲ. ಹಸಿವಿರ್ಲಿ ಇಲ್ದೇ ಇರ್ಲಿ ಆಗಾಗ ಬ್ಯಾಟಿಂಗ್ ಮಾಡ್ತನೇ ಇರ್ತಾರೆ. ಅಂಥವ್ರಿಗೆ ಆಗಾಗ ಒಳ್ಗಡೆಯಿಂದ ಸಿಗ್ನಲ್ ಕೊಡಕ್ಕೆ ಈ ಉಪವಾಸ ಸಹಾಯ ಮಾಡತ್ತೆ.

ಉಪವಾಸ ರಿಸೆಟ್ ಬಟನ್ ಇದ್ದಹಾಗೆ: ಹೆಚ್ಚು ಹೊತ್ತು ಉಪವಾಸ ಮಾಡಿದಷ್ಟೂ ಸರಿಯಾಗಿರೋ ಹಾರ್ಮೋನ್ ಬಿಡುಗಡೆ ಮಾಡಕ್ಕೆ ದೇಹ ತನ್ನನ್ನ ತಾನು ರೆಡಿ ಮಾಡ್ಕೊಳತ್ತೆ. ಆಗ ನಿಜವಾದ ಹಸಿವಿನ ಮಹತ್ವ ಗೊತ್ತಾಗತ್ತೆ. ಇಲ್ಲಿ ಇನ್ನೊಂದ್ ವಿಷ್ಯ ಅಂದ್ರೆ ಹಾರ್ಮೋನ್ಗಳು ಸರಿಯಾಗ್ ಕೆಲ್ಸ ಮಾಡಿದ್ರೆ, ಬೇಗ ಹೊಟ್ಟೆ ತುಂಬತ್ತೆ. ಕುತ್ತಿಗೆಗ್ ಬರೋವರ್ಗೂ ತಿಂದು ತೊಂದ್ರೆ ಅನುಭವಿಸೋದು ತಪ್ಪತ್ತೆ.

ಮೂಲ

6. ತಿನ್ನೋ ಪದ್ಧತಿ ಸುಧಾರಿಸತ್ತೆ

ಹೊತ್ತೊತ್ತಿಗೆ ಸರಿಯಾಗ್ ತಿನ್ನೋ ಅಭ್ಯಾಸ ಇಲ್ದೋರಿಗೆ, ಕೆಲಸದ ಮಧ್ಯ ಊಟ ತಿಂಡಿಗೆ ಸಮಯ ಮಾಡ್ಕೊಳಕ್ ಆಗ್ದೇ ಇರೋರ್ಗೆ ಈ ಉಪವಾಸ ಒಂದು ವರ ಅಂತ ಹೇಳ್ಬೋದು.

ಆಗಾಗ ಉಪವಾಸ ಮಾಡ್ತಿದ್ರೆ, ಯಾವತ್ತಾದ್ರು ಮಧ್ಯಾಹ್ನದ್ ಊಟ ಸ್ಕಿಪ್ ಮಾಡ್ಬೇಕಾಗ್ ಬಂದಾಗ ಯಾವ್ ತೊಂದ್ರೆನೂ ಆಗಲ್ಲ. ನಿಮ್ ಲೈಫ್ ಸ್ಟೈಲ್ಗೆ ಹೊಂದ್ಕೊಂಡೋಗತ್ತೆ. ಜೊತೆಗೆ, ಯಾರು ಈ ಥರ ಟೈಮ್ ಟೈಮ್ ಗೆ ಸರಿಯಾಕ್ ತಿನ್ನಕ್ ಆಗಲ್ವೋ ಅಂಥೋರ್ಗೆ, ಆ ದಿನಕ್ಕೆ ಬೇಕಾಗಿರೋಷ್ಟು ಕ್ಯಾಲೋರಿನ ಒಂದೇ ಸಲ ತಿಂದು, ಮತ್ತೆ ಮುಂದಿನ್ ದಿನದ್ ವರ್ಗೂ ಊಟ ತಿಂಡಿ ಬಗ್ಗೆ ಯೋಚ್ನೆ ಮಾಡ್ದೇ ಇರೋ ಹಾಗೆ ಮಾಡತ್ತೆ.

ಮೂಲ

7. ಮೆದುಳು ಚುರುಕಾಗತ್ತೆ

ಮೆದುಳಲ್ಲಿ ಬ್ರೈನ್- ಡಿರೈವ್ಡ್ ನ್ಯೂರೋಟ್ರೋಫಿಕ್ ಫ್ಯಾಕ್ಟರ್ (ಬಿ ಡಿ ಎನ್ ಎಫ್) ಅನ್ನೋ ಪ್ರೋಟೀನ್ ಇರತ್ತೆ. ಉಪವಾಸ ಮಾಡೋದ್ರಿಂದ ಈ ಪ್ರೋಟೀನ್ ಹೆಚ್ಚು ಉತ್ಪತ್ತಿಯಾಗಿ ಮೆದುಳು ಚುರುಕಾಗಿ ಕೆಲ್ಸ ಮಾಡತ್ತೆ.

"ಬಿ ಡಿ ಎನ್ ಎಫ್" ಪ್ರೋಟೀನ್ ಮೆದುಳಿನ ಕೋಶಗಳ್ನ ಆಕ್ಟೀವ್ ಮಾಡಿ, ಹೊಸ ಹೊಸ ನರಕೋಶಗಳಾಗಿ ಬದಲಾಯಿಸತ್ತೆ. ಹಾಗೇನೆ ನರಗಳು ಆರೋಗ್ಯವಾಗಿರಕ್ಕೆ ಬೇಕಿರೋ ಬೇರೆ ಸಾಕಷ್ಟು ರಾಸಾಯನಿಕಗಳ್ನ ಟ್ರಿಗರ್ ಮಾಡತ್ತೆ.

ಇನ್ನೊಂದು ಮುಖ್ಯವಾದ ವಿಷ್ಯ ಅಂದ್ರೆ...ಆಲ್ಜೈಮರ್ ಮತ್ತೆ ಪಾರ್ಕಿನ್ಸನ್ ರೋಗದ ಮುಂದಿನ ಹಂತಗಳು ಬೇಗ ಬೇಗ ಬರ್ದೇಇರೋಹಾಗ್ ಈ ಪ್ರೋಟೀನ್, ಮೆದುಳಿನ ಕೊಶಗಳ್ನ ಕಾಪಾಡತ್ತೆ.

ಮೂಲ

8. ರೋಗನಿರೋಧಕ ಶಕ್ತಿ ಜಾಸ್ತಿಯಾಗೋದು ಖಂಡಿತ

ಆಗಾಗ ಉಪವಾಸ ಮಾಡೋದ್ರಿಂದ ರೋಗನಿರೋಧಕ ಶಕ್ತಿ ಹೆಚ್ಚಾಗತ್ತೆ ಯಾಕಂದ್ರೆ ಟೋಟಲ್ಲಾಗಿ ದೇಹಕ್ಕಾಗೋ ಹಾನಿ, ದೇಹದಲ್ಲಿ ಉರಿ, ಊತ ಇದನ್ನೆಲ್ಲಾ ಕಮ್ಮಿ ಮಾಡಿ ಕ್ಯಾನ್ಸರ್ ಬರ್ಸೋ ಜೀವಕೋಶಗಳಿಗೇ ಉಪವಾಸ ಹಾಕತ್ತೆ:-)

ನಮ್ ಸುತ್ತ ಮುತ್ತ ಇರೊ ಪ್ರಕೃತಿನಲ್ಲೂ ಇದನ್ನ ನೋಡ್ಬೋದು. ಪ್ರಾಣಿಗಳು ಹುಷಾರ್ ತಪ್ದಾಗ ಆಹಾರ ತೊಗೊಳೋದನ್ನ ಬಿಟ್ಟು ಉಪವಾಸ ಮಾಡಿ, ವಿಶ್ರಾಂತಿ ತೊಗೊಳತ್ವೆ. ಇದು ದೇಹದ ಒಳಗಿರೊ ಅಂಗಾಂಗಕ್ಕೆಲ್ಲ ಕೆಲ್ಸ ಕಮ್ಮಿ ಮಾಡಿ, ಇನ್ಫೆಕ್ಷನ್ ವಿರುದ್ಧ ದಾಳಿಮಾಡೋ ಶಕ್ತಿ ಕೊಡತ್ತೆ. ನಾವು ಮನುಷ್ಯ್ರು ಮಾತ್ರ ಬೇಕಿರ್ಲಿ, ಬೇಡ್ದೆಯಿರ್ಲಿ, ಚೆನ್ನಾಗಿರ್ಲಿ, ಹುಷಾರ್ ತಪ್ಪಿರ್ಲಿ, ತಿನ್ನಕ್ ಏನು ಅಂತ ತಲೆಕೆಡುಸ್ಕೊಳೋದು!!!! ತಿನ್ನೋದು ಆಮೇಲೆ ಗ್ಯಾಸ್ ಅಂತ ಮಾತ್ರೆ ತೊಗೊಳ್ಳೊದು ಈಗಿನ ಟ್ರೆಂಡ್ :-(

ಮೂಲ

9. ಉಪವಾಸದಿಂದ ಆತ್ಮ ಶುದ್ಧಿ, ಜ್ಞಾನೊದಯ ಆಗತ್ತೆ

ಉಪವಾಸ ಎಷ್ಟೊಂದ್ ಜನಕ್ಕೆ ಓದು, ಧ್ಯಾನ, ಯೋಗ, ಸಮರಕಲೆ ಇನ್ನು ಹಲಾವಾರು ಥರ ಅಭ್ಯಾಸಗಳ್ನ ತಮ್ಮ ಜೀವನ್ದಲ್ಲಿ ಜೊತೆ ಅಳವಡಿಸ್ಕೊಳಕ್ಕೆ ಸಹಾಯ ಮಾಡಿದೆ. ಹೊಟ್ಟೆ ಖಾಲಿ ಇದ್ರೆ, ಅಲ್ಲಿ ಜಾಸ್ತಿ ಶಕ್ತಿ ಶೇಖರಿಸತ್ತೆ. ಯಾಕಂದ್ರೆ ನಮ್ ದೇಹದಲ್ಲಿ, ತುಂಬ ಶಕ್ತಿ ಹೀರ್ಕೊಂಡು ಕೆಲ್ಸ ಮಾಡೋದು ಜೀರ್ಣಾಂಗ.

ಆತ್ಮ ಶುದ್ಧಿ, ಜ್ಞಾನೋದಯಕ್ಕೂ ಉಪವಾಸಕ್ಕೂ ನಂಟಿದೆ. ಇದು ಮಾನಸಿಕವಾಗಿ, ದೈಹಿಕವಾಗಿ ನೆಮ್ಮದಿಯಾಗಿರಕ್ಕೆ ಸಹಾಯ ಮಾಡತ್ತೆ. ಹಗುರವಾಗಿರೋ ದೇಹ ಮತ್ತೆ ನಮಗೆ ಏನ್ ಬೇಕು ಅಂತ ಸ್ಪಷ್ಟವಾಗಿರೊ ಮನಸ್ಸು ಇದ್ರೆ ಸುತ್ತ ಮುತ್ತ ನಡಿತಿರೋದ್ರ ಬಗ್ಗೆ ಹೆಚ್ಚು ಜಾಗ್ರತೆಯಿಂದ ಇರ್ತಿವೆ. ಜೊತೆಗೆ ಎಲ್ಲದರ ಬೆಲೆನೂ, ಪ್ರಾಮುಖ್ಯತೆನೂ ಗೊತ್ತಾಗತ್ತೆ.

ಮೂಲ

10. ಮೊಡವೆ ತೊಂದ್ರೆ ದೂರವಾಗತ್ತೆ ಹಾಗೆನೆ ಚರ್ಮ ಕೂಡ ಕ್ಲೀನ್ ಆಗತ್ತೆ

ಚರ್ಮಕ್ಕೆ ಸಂಬಂಧ ಪಟ್ಟಿರೋ ತೊಂದ್ರೆಯಿಂದ ಬೇಸತ್ತೋಗಿರೋರ್ಗೆ ಒಳ್ಳೆ ಉಪಾಯ ಅನ್ಬೋದು. ಯಾವಾಗ ಜೀರ್ಣಾಂಗಕ್ಕೆ ಹೆಚ್ಚು ಕೆಲ್ಸ ಇಲ್ದೆ ಸ್ವಲ್ಪ ಬಿಡುವಾಗಿರತ್ತೋ, ಆಗ ದೇಹ, ತನ್ನನ್ನ ತಾನು ರಿಪೇರಿ ಮಾಡ್ಕೊಳಕ್ಕೆ ಬೇರೆ ಬೇರೆ ಅಂಗಾಂಗದ ಬಗ್ಗೆ ಗಮನ ಹರಿಸ್ಬೋದು.

ಒಂದೇ ಒಂದಿನ ಉಪವಾಸ ಮಾಡೋದ್ರಿಂದ, ದೇಹದಲ್ಲಿರೋ ವಿಷಕಾರಿ ಅಂಶಯೆಲ್ಲಾ ಹೊರಗೆ ಹೋಗಿ, ಬೇರೆ ಎಲ್ಲಾ ಅಂಗಗಳೂ ಅಂದ್ರೆ ಯಕೃತ್ತ, ಮೂತ್ರಪಿಂಡ ಎಲ್ಲಾ ಕ್ಲೀನಾಗಿ ಕೆಲ್ಸ ಮಾಡ್ಕೊಂಡ್ ಹೋಗತ್ತಂತೆ.

ಮೂಲ

ತಿಂಗಳಲ್ಲಿ ಒಂದು ಅಥ್ವಾ ಎರಡು ದಿನ ಉಪವಾಸ ಮಾಡಿದ್ರೆ ಇಷ್ಟೆಲ್ಲಾ ಲಾಭ ಇದೆ. ನೀವೇ ಯೋಚ್ನೆ ಮಾಡಿ.

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: