ಈ 11 ರೀತಿಯ ಅಪ್ಪುಗೆಗಳಲ್ಲಿ ಯಾವುದಕ್ಕೆ ಏನ್ ಅರ್ಥ ಅಂತ ತಿಳ್ಕೊಂಡಿರಿ ಬೇಕಾಗುತ್ತೆ

ಒಂದೊಂದ್ ಒಂದೊಂಥರ

ಆಪ್ಪುಗೆ

ಜೀವನದಲ್ಲಿ ಪ್ರತಿಯೊಬ್ಬರಿಗೂ ಒಂದಲ್ಲಾ ಒಂದು ರೀತಿಯಲ್ಲಿ ತಬ್ಬಿಕೊಳ್ಳೋ ಸಂದರ್ಭ ಬಂದೇ ಬರುತ್ತೆ. ಸುಖ ದುಃಖ, ನೋವು ನಲಿವು, ಸೋಲು ಗೆಲುವನ್ನು ತಬ್ಬಿಕೊಳ್ಳೋ ಮೂಲಕ ವ್ಯಕ್ತಪಡಿಸ್ತೀವಿ. ತಬ್ಬಿಕೊಳ್ಳೋದ್ರಲ್ಲೂ ನಾನಾ ಬಗೆಗಳಿವೆ ಅಂತ ಸಂಶೋಧಕರು ಕಂಡುಹಿಡಿದಿದ್ದಾರೆ. ಅಷ್ಟೇ ಅಲ್ಲ ಅವುಗಳ ಗುಟ್ಟನ್ನೂ ಬಿಡಿಸಿದ್ದಾರೆ. 

1. ಸೊಂಟ ಬಳಸಿ ಅಪ್ಕೊಳೋದು - ಭರವಸೆ


ನಾನಿದ್ದೀನಿ ಭಯಬೇಡ ಅನ್ನೋ ಭರವಸೆ ನೀಡೋ ಅಪ್ಪುಗೆ ಇದು. ಹೆಣ್ಣಿನ ಬೆನ್ನಿಗೆ ಆಸರೆಯಾಗಿ ನಿಂತಿರುವುದು, ತಬ್ಬಿ ಹಿಡಿದಿರುವ ರೀತಿ ಹೆಣ್ಣಿಗೆ ರಕ್ಷಣೆ ಕೊಡೋ ಭರವಸೆ ನೀಡುತ್ತೆ. ಪ್ರೇಮಿಗಳ ನಡುವಿನ ಅನ್ಯೋನ್ಯತೆಯ ಸಂಕೇತ ಇದು. 

2.  ಒಬ್ಬರನ್ನೊಬ್ಬರು ಬಳಸಿ ಅಪ್ಪಿಕೊಳ್ಳೋದು - ನಂಬಿಕೆ


ಈ ರೀತಿಯ ಅಪ್ಪುಗೆ ನಂಬಿಕೆಯ ಸಂಕೇತ. ಬಿಗಿಯಾಗಿ ಅಪ್ಪಿಕೊಂಡ ಬಳಿಕ ಒಬ್ಬರ ಬೆನ್ನನ್ನು ಮತ್ತೊಬ್ಬರು ನಯವಾಗಿ ತಟ್ಟೋದು, ಉಜ್ಜೋದು ಒಬ್ಬರ ಮೇಲೊಬ್ಬರಿಗೆ ತುಂಬಾ ಭರವಸೆ ಇದೆ ಎಂಬುದನ್ನು ತೋರಿಸುತ್ತದೆ.  ಬೆನ್ನಿ ಹಿಂದಿನಿಂದ ಏನ್ ಬೇಕಾದ್ರೂ ಮಾಡಬಹುದು. ಆದ್ರೆ ಆ ರೀತಿ ನಾನಲ್ಲ ಎಂಬುದನ್ನು ಈ ರೀತಿಯ ಅಪ್ಪುಗೆ ಸೂಚಿಸುತ್ತೆ.

3. ಅಪ್ಪಿಕೊಂಡು ಬೆನ್ನುತಟ್ಟೋದು - ಗೆಳೆತನ


ಇದು ಗೆಳೆತನದ, ಪರಸ್ಪರ ಸಲಿಗೆ, ವಿಶ್ವಾಸ, ನಂಬಿಕೆ, ಗಾಡಸ್ನೇಹದ ಸಂಕೇತ. ಈ ಅಪ್ಪುಗೆಯಲ್ಲಿ ಎಲ್ಲೂ ರೊಮ್ಯಾಂಟಿಕ್ ಭಾವನೆ ಬರಲ್ಲ. ಇದೊಂದು ಅಪ್ಪಟ ಸ್ನೇಹದ ಅಪ್ಪುಗೆ. 

4. ಕೊರಳನ್ನು ಸುತ್ತಿಬಳಸುವ ಅಪ್ಪುಗೆ - ಪ್ರೇಮ


ಇದು ಪ್ರೇಮಿಗಳಿಗೆ ಮೀಸಲಾದ ಅಪ್ಪುಗೆ. ಇಲ್ಲಿ ಗಂಡು-ಹೆಣ್ಣಿನ ನಡುವೆಯ ಪ್ರೀತಿಯನ್ನು ಬಿಟ್ಟು ಬೇರೆ ಯಾವ ಅರ್ಥವೂ ಇಲ್ಲ. ಒಬ್ಬರು ಕೊರಳನ್ನು ಸುತ್ತಿ ಬಳಸಿದರೆ ಇನ್ನೊಬ್ಬರು ಸೊಂಟ ಸುತ್ತಿ ಬಳಸಿ ಅಪ್ಪಿಕೊಳ್ಳೋದು. ಇನ್ನೂ ಈಗಷ್ಟೇ ಪ್ರೀತಿಸುತ್ತಿರೋರ ಅಪ್ಪುಗೆ ಇದು. 

5. ಭುಜ ಬಳಸಿ ಅಪ್ಪುಕೊಳ್ಳೋದು - ಹತ್ತಿರದ ಗೆಳೆತನ


ಇಬ್ಬರು ಏನೋ ಕರಾಮತ್ತು ಮಾಡಿರುವವರ ಅಪ್ಪುಗೆ ಇದು! ಒಮ್ಮೊಮ್ಮೆ ಹತ್ತಿರದ ಫ್ರೆಂಡ್ಸ್ ಕೂಡ ಈ ರೀತಿ ಅಪ್ಪಿಕೊಳ್ತಾರೆ. ಈ ರೀತಿ ಯಾರೇ ಅಪ್ಪಿಕೊಂಡ್ರು ಅದ್ರ ಅರ್ಥ ಎಷ್ಟು ಬಿಗಿಯಾಗಿ ಅಪ್ಪಿಕೊಳ್ತಾರೋ ಅಷ್ಟು ಗಾಢವಾಗಿದೆ ಅವರ ಸಂಬಂಧ ಅಂತ.

6. ಉಸಿರಾಡಕ್ಕೆ ಆಗದಂತೆ ಬಿಗಿದಪ್ಪುವುದು - "ಬಿಟ್ಟಿರಲಾರೆವು"


ಇಬ್ಬರಿಗೂ ಬಿಡಿಸಿಕೊಂಡರೆ ಸಾಕು ಅನ್ನಿಸುತ್ತೆ. ಎಷ್ಟು ಸಾಧ್ಯವೋ ಅಷ್ಟು ಬಿಗಿಯಾಗಿ ಅಪ್ಪಿಕೊಳ್ತಾರೆ. ನಾವಿಬ್ಬರೂ ಬಿಟ್ಟಿರಲಾರೆವು ಎಂಬುದರ ಸಂಕೇತ ಈ ಅಪ್ಪುಗೆ.  

7.  ಎತ್ತಿ ಮುದ್ದಾಡೋ ಅಪ್ಪುಗೆ - ಪ್ರೇಮ


ಇದು ಪ್ರೇಮಿಗಳಿಗೆ ಮಾತ್ರ ಸಂಬಂಧಪಟ್ಟ ಅಪ್ಪುಗೆ. ಒಬ್ಬರನ್ನು ಎತ್ತಿಕೊಂಡೋ ಅಥ್ವಾ ಕೂತ ಭಂಗಿಯಲ್ಲಿ ಅಪ್ಪಿಕೊಳ್ಳೋದು. ಹೆಚ್ಚಿಗೇನು ಹೇಳೋದು ಬೇಡ ಪ್ರೇಮಿಗಳನ್ನು ಪ್ರೇಮಲೋಕದಲ್ಲಿ ತೇಲಾಡಿಸೋ ಅಪ್ಪುಗೆ ಇದು.   

8. ಹಿಂಜರಿಕೆಯ ಅಪ್ಪುಗೆ - ಇನ್ನೂ ಗಟ್ಟಿಯಲ್ಲದ ಪ್ರೇಮ


ಅಪ್ಪಿಕೊಳ್ಳಲೋ ಬೇಡವೋ ಅನ್ನೋ ರೀತಿ ಇರುತ್ತೆ. ಇಬ್ಬರೂ ಸಾಕಷ್ಟು ದೂರ ನಿಂತೇ ಅಪ್ಪಿಕೊಳ್ತಾರೆ. ಇಬ್ಬರ ನಡುವಿನ ಸಂಬಂಧಗಳು ಗಾಢವಾಗಿಲ್ಲ ಎಂಬುದನ್ನು ತೋರಿಸುತ್ತೆ. ಇಬ್ಬರ ನಡುವಿನ ಅಂತರವನ್ನ ಈ ಅಪ್ಪುಗೆ ತೋರಿಸುತ್ತೆ. 

9. ಕಣ್ಣಲ್ಲಿ ಕಣ್ಣಿಟ್ಟು ನೋಡ್ತಾ ಅಪ್ಪಿಕೊಳ್ಳೋದು - ಬಿಡಿಸಲಾರದ ಬಾಂಧವ್ಯ


ಇದು ಎರಡು ಮನಸುಗಳನ್ನ ಬೆಸೆಯೋ ಅಪ್ಪುಗೆ. ಇಬ್ಬರೂ ಹೇಗೆ ಅಪ್ಪಿಕೊಂಡರೂ ಪರ್ವಾಗಿಲ್ಲ ಇಲ್ಲಿ ಕಣ್ಣುಕಣ್ಣು ಕಲೆತಾಗ ಮನವು ಉಯ್ಯಾಲೆಯಂತೆ ತೂಗುವುದು ಮುಖ್ಯ. ಇದು ಗಾಢಪ್ರೇಮದ, ಬಿಡಿಸಲಾರದ ಬಾಂಧವ್ಯದ ಸಂಕೇತ ತೋರಿಸುತ್ತೆ.

10. ಒಬ್ಬರು ಮಾತ್ರ ಗಟ್ಟಿಯಾಗಿ ಅಪ್ಪಿಕೊಳ್ಳೋದು - ಒಬ್ಬರು ಮಾತ್ರ ಪ್ರೀತಿಸುತ್ತಿರುವ ಸಂಕೇತ


ಒಬ್ರು ಸುಮ್ನೆ ಇರ್ತಾರೆ ಆದ್ರೆ ಇನ್ನೊಬ್ರು ಬಿಗಿಯಾಗಿ ಅವರನ್ನು ಅಪ್ಪಿಕೊಳ್ತಾರೆ. ಇದು ಇಬ್ಬರ ನಡುವೆ ಸಂಬಂಧಗಳು ತಾಳತಪ್ಪಿವೆ ಎಂಬುದನ್ನು ತೋರಿಸುತ್ತೆ.  ಇಬ್ಬರ ನಡುವೆ ನಿಜವಾದ ಸ್ನೇಹ ಸಂಬಂಧ ಇಲ್ಲ ಎಂಬುದಕ್ಕೆ ನಿದರ್ಶನ ಇದು. 

11. ಒಬ್ಬರ ಜೇಬಲ್ಲಿ ಇನ್ನೊಬ್ರು ಕೈಯಿಟ್ಟು ಅಪ್ಪಿಕೊಳ್ಳೋದು - ಅತಿ ಹೆಚ್ಚು ಸಲುಗೆ


ಇಬ್ಬರ ನಡುವೆ ತುಂಬಾ ಸಲುಗೆ ಇದೆ ಎಂಬುದನ್ನು ಇದು ತೋರಿಸುತ್ತೆ.  ಇಬ್ಬರದ್ದೂ ಒಳ್ಳೆ ಜೋಡಿ ಎಂಬುದನ್ನು ಈ ರೀತಿಯ ಅಪ್ಪುಗೆ ತೋರಿಸುತ್ತೆ. ಸಂಬಂಧ ಇನ್ನಷ್ಟು ಗಟ್ಟಿಯಾಗಲು ಹೆಚ್ಚಿನ ಕಷ್ಟ ಪಡಬೇಕಾಗಿಲ್ಲ ಈ ರೀತಿ ಅಪ್ಪಿಕೊಳ್ಳೋರು. 

ಚಿತ್ರಗಳುಃ ಮೂಲ

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ಫೇಸ್ಬುಕ್ ಚರ್ಚೆ:

ರಾಮಾಯಣ ಅರಿದು ಕುಡಿದಿದ್ದರೆ ಮಾತ್ರ ನಿಮಗೆ ಈ 10 ವಿಚಿತ್ರ ಸತ್ಯಗಳು ಗೊತ್ತಿರಕ್ಕೆ ಸಾಧ್ಯ

ಇಲ್ಲದಿದ್ದರೆ ಬಹಳ ಆಶ್ಚರ್ಯ ಆಗುತ್ತೆ

ಕೆಲವ್ರು ರಾಮಾಯಣ ಮತ್ತೆ ಮಹಾಭಾರತ ಅರಿದು ಕುಡಿದು ಬಿಟ್ಟಿದ್ದೀವಿ ಅಂತಿರ್ತಾರೆ. ಆದ್ರೂ ಕೆಲವೊಂದು ವಿಷಯಗಳು ಎಷ್ಟೋ ಮಂದಿಗೆ ಗೊತ್ತಿರಲ್ಲ. ವಾಲ್ಮೀಕಿ ಬರೆದಿರೋಂತ ರಾಮಾಯಣದ ರಾಮ, ಲಕ್ಷ್ಮಣ, ಸೀತೆ ಇಂದಿನವ್ರಿಗೂ ಆದರ್ಶ. ಈವತ್ತಿಗೂ ರಾಮಾಯಣ, ಅದ್ರ ಪಾತ್ರಗಳು ನಮಗೆಲ್ಲಾ ದಾರಿ ತೋರಿಸೋ ತರಹ ಇವೆ. ಆದ್ರೂ ರಾಮಾಯಣದ  ಬಗ್ಗೆ ಎಷ್ಟೋ ಸತ್ಯಗಳು ಜನಕ್ಕೆ ಗೊತ್ತಿರಲ್ಲ. ಮಹಾನ್ ಪಂಡಿತರಿಗೆ ಮಾತ್ರ ಗೊತ್ತಿರುವಂಥ 10 ವಿಚಿತ್ರ ಸತ್ಯಗಳನ್ನು ನಾವಿಲ್ಲಿ ಕೊಡ್ತಿದ್ದೇವೆ.

1. ರಾಮನಿಗೆ ಶಾಂತಾ ಅಂತ ಒಬ್ಬಳು ಅಕ್ಕ ಇರ್ತಾಳೆ

ದಶರಥನಿಗೆ ಕೌಸಲ್ಯೆಯಿಂದ ಹುಟ್ಟಿದ ಮಗಳು ಇವಳು. ಅಂಗದೇಶದ ರಾಜ ರೋಮಪಾದ ಅವಳನ್ನ ದತ್ತು ತೊಗೊಂಡಿರ್ತಾನೆ.

2. ರಾವಣನಿಗೆ 10 ತಲೆಗಳು ಬಂದದ್ದು ಈಶ್ವರನಿಂದ

ಈಶ್ವರನ ಪರಮ ಭಕ್ತನಾಗಿದ್ದ ರಾವಣ. ಘೋರ ತಪಸ್ಸು ಮಾಡಿ ತಲೆಯನ್ನೇ ಈಶ್ವರನಿಗೆ ಅರ್ಪಿಸಿದ್ದ. ಆದರೂ ತಲೆ ಮತ್ತೆ ಬೆಳೀತಿತ್ತಂತೆ. ಹತ್ತು ಸಲ ತಲೆ ಈಶ್ವರನಿಗೆ ಅರ್ಪಿಸಿದರೂ ಅದು ಮತ್ತೆಮತ್ತೆ ಬೆಳೀತಾನೇ ಇತ್ತಂತೆ. ಕೊನೆಗೆ ಶಿವನು ಪ್ರತ್ಯಕ್ಷನಾಗಿ ಎಲ್ಲಾ ಹತ್ತು ತಲೆಗಳನ್ನು ವಾಪಸ್ಸು ಕೊಟ್ನಂತೆ. ಹಾಗಾಗಿ ರಾವಣನಿಗೆ 10 ತಲೆಗಳು ಬಂದವು ಅಂತ ಪುರಾಣ ಹೇಳುತ್ತೆ.

3. ರಾವಣನಿಗಿಂತ ಮೊದಲು ಲಂಕೇನ ಕುಬೇರ ಆಳ್ತಿರ್ತಾನೆ

ಲಂಕೆಯನ್ನ ಕಟ್ಟಿ ಆಳ್ತಾ ಇದ್ದದ್ದು ಕುಬೇರ. ಅವನ ಮಲಣ್ಣ ರಾವಣ ಯುದ್ದ ಮಾಡಿ ಕುಬೇರನಿಂದ ಲಂಕೆಯನ್ನ ಕಿತ್ತುಕೊಂಡ ಅಂತ ಪುರಾಣ ಹೇಳುತ್ತೆ.

 

4. ಲಕ್ಷ್ಮಣ ಶೇಷನಾಗನ (ಆದಿಶೇಷನ) ಅವತಾರ

ವಿಷ್ಣುವಿನ ಅವತಾರ ರಾಮ ಅನ್ನೋದು ಎಲ್ರಿಗೂ ಗೊತ್ತು. ಆದರೆ ಶೇಷನಾಗನ ಅವತಾರ ಲಕ್ಷ್ಮಣ ಅನ್ನೋದು ಬಹಳಷ್ಟು ಮಂದಿಗೆ ಗೊತ್ತಿಲ್ಲ.   

5. ಹದಿನಾಲ್ಕು ವರ್ಷಗಳ ವನವಾಸದಲ್ಲಿ ಲಕ್ಷ್ಮಣ ನಿದ್ದೇನೇ ಮಾಡಲ್ಲ

ಯಾಕಂದ್ರೆ ವನವಾಸದಲ್ಲಿದ್ದ ರಾಮ ಮತ್ತೆ ಸೀತೆಯನ್ನ ಕಣ್ಣಲ್ಲಿ ಕಣ್ಣಿಟ್ಟು ನೋಡ್ಕೋಬೇಕಾಗಿತ್ತು. ಅದಕ್ಕಾಗಿ ತನಗೆ ನಿದ್ದೆ ಬರದೆ ಇರೋಹಂಗೆ ನಿದ್ರಾದೇವಿಯ ವರ ಪಡ್ಕೊಂಡಿರ್ತಾನೆ ಲಕ್ಷ್ಮಣ.

6. ಶ್ರೀಕೃಷ್ಣನನ್ನ ಬೇಟೆಗಾರನಾಗಿ ಬಂದು ಕೊಂದದ್ದು ವಾಲಿ

ಮರದ ಕೆಳಗೆ ಮಲಗಿ ನಿದ್ದೆ ಮಾಡ್ತಿದ್ದಾಗ ಶ್ರೀಕೃಷ್ಣನನ್ನ ಜರಾ ಅನ್ನೋ ಬೇಟೆಗಾರ ಬಾಣಬಿಟ್ಟು ಕೊಂದ. ಈ ಬೇಟೆಗಾರ ಬೇರೆ ಯಾರು ಅಲ್ಲ, ವಾಲಿ ಅವತಾರ. 

7. ಲಕ್ಷ್ಮಣ ಸಾಯೋದು ರಾಮನ ಒಂದು ಮಾತಿಂದ

ಒಮ್ಮೆ ಯಮಧರ್ಮನನ್ನು ರಾಮ ಭೇಟಿಯಾಗಿ ನಮ್ಮಿಬ್ಬರ ಮಾತುಕತೆಗೆ ಯಾರೇ ಬಂದು ಅಡ್ಡಿಪಡಿಸಿದ್ರೂ ಅವರನ್ನ ಸಾಯಿಸಿಬಿಡು ಅಂತ ಕೇಳ್ಕೊಂಡಿದ್ದ. ಅದೇ ಟೈಮಿಗೆ ಪಾಪ ಲಕ್ಷ್ಮಣ ಬರ್ತಾನೆ. ರಾಮನನ್ನ ಮಾತಾಡ್ಬೇಕು ಅಂತಾನೆ. ಆಗ ರಾಮ ಹೇಳಿದಂಗೆ ಲಕ್ಷ್ಮಣನ್ನ ಯಮ ಸಾಯಿಸ್ತಾನೆ.

8. ಹನುಮಂತನಿಗೆ ಒಂದು ಹೂವಿನಿಂದ ಭಜರಂಗಬಲಿ ಅಂತ ಹೆಸರು ಬಂತು

ಸಿಂಧೂರ ಹೂವು ತಲೆ ಮೇಲೆ ಇದ್ದಷ್ಟು ಹೊತ್ತು ರಾಮ ಆರೋಗ್ಯವಾಗಿರ್ತಾನೆ ಅಂತ ಹನುಮಂತನಿಗೆ ಒಮ್ಮೆ ಸೀತೆ ಹೇಳಿದ್ಲು. ಅದನ್ನ ಕೇಳಿ ಹನುಮ ದೇಹವನ್ನೇ ಸಿಂಧೂರವಾಗಿ ಬದಲಾಯಿಸಿಕೊಂಡಿದ್ದ. ಭಜರಂಗ್ ಅಂದ್ರೆ ಸಿಂಧೂರ ಅಂತ ಅರ್ಥ. ತನ್ನನ್ನು ತಾನು ಸಿಂಧೂರವಾಗಿಸಿಕೊಂಡ ಕಾರಣ ಭಜರಂಗಬಲಿ ಅಂತ ಹೆಸರು ಬಂತು.

9. ಅಳಿಲು ಬೆನ್ನ ಮೇಲೆ ಮೂರು ಗೆರೆ ಇರೋದಕ್ಕೆ ರಾಮ ಕಾರಣ

ಲಂಕೆಗೆ ಹೋಗ್ಬೇಕಾದ್ರೆ ಕಪಿಸೈನ ರಾಮಸೇತು ಕಟ್ಟಿತು. ಅದನ್ನ ಕಟ್ಟಬೇಕಾದ್ರೆ ಅಳಿಲುಗಳು ಮಣ್ಣನ್ನ ತಂದುಕೊಡ್ತಿದ್ವು. ಇದನ್ನ ಕಂಡ ಕಪಿಸೈನ್ಯ ನಗಾಡ್ತಿತ್ತು. ಆದರೆ ರಾಮನು ಅವುಗಳ ಅಳಿಲು ಸೇವೆಯನ್ನ ತುಂಬಾ ಇಷ್ಟಪಟ್ಟಿದ್ದ. ಅಳಿಲನ್ನ ಎತ್ಕೊಂಡು ಬೆನ್ನು ಸವರಿದಾಗ ಈ ಮೂರು ಗೆರೆಗಳು ಮೂಡಿದ್ವಂತೆ. 

 

10. ಶೂರ್ಪಣಖೀಗೆ ಅಣ್ಣ ರಾವಣನ್ನ ಸಾಯಿಸಬೇಕು ಅನ್ನೋ ಬಯಕೆ ಇರುತ್ತೆ

ಇದು ನಿಜವಾಗ್ಲೂ ಅಚ್ಚರಿ ಪಡೋಂತ ಸಂಗತಿ. ಶೂರ್ಪಣಕಿಯ ಗಂಡ ದುಷ್ಟಬುದ್ಧಿ ಅನ್ನೋನ್ನ ರಾವಣ ಸಾಯಿಸಿರ್ತಾನೆ. ಕೆಲವು ರಾಮಾಯಣಗಳಲ್ಲಿ ರಾವಣನ ಮೇಲೆ ಸೇಡು ತೀರಿಸಿಕೊಳಕ್ಕೆ ಶೂರ್ಪಣಕಿ ದೊಡ್ಡ ನಾಟಕ ಮಾಡಿ, ಯುದ್ಧ ಆಗೋಹಾಗೆ ನೋಡ್ಕೊಂಡು ರಾವಣನ ಸಾವಿಗೆ ಕಾರಣ ಆಗ್ತಾಳೆ.

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: