ಆಗುಂಬೆ ಬಗ್ಗೆ ಈ ಮಾಹಿತಿ ಮತ್ತು ಈ ಫೋಟೋಗಳು ನಿಮ್ನ 2 ನಿಮಿಷ ಹಿಡಿದು ಇಟ್ಕೊಳೋದ್ರಲ್ಲಿ ಸಂದೇಹವೇ ಇಲ್ಲ

ಕಾಳಿಂಗಸರ್ಪಗಳ ರಾಜಧಾನಿ ಇದು

ಆಗುಂಬೆ

ಆಗುಂಬೆ ಶಿವಮೊಗ್ಗ ಜಿಲ್ಲೆ ತೀರ್ಥಹಳ್ಳಿ ತಾಲೂಕಿನ ಊರು. ಪ್ರಕೃತಿ ಸೌಂದರ್ಯಕ್ಕೆ ಹೆಸರಾದ ಪಶ್ಚಿಮ ಘಟ್ಟದಲ್ಲಿದೆ ಇದು. ಈ ಊರು ಮಳೆಗೆ ಬಹಳ ಹೆಸರುವಾಸಿ!

ಟ್ರೆಕ್ಕಿಂಗ್ ಹೋಗೋರ್ಗೆ, ಹಸಿರು, ಮಳೆ ಕಾಡು ಇಷ್ಟಪಡೋರ ಸ್ವರ್ಗ.

ಮೂಲ

ಸಕ್ಕತ್ ಅಂದ್ರೆ ಸಕ್ಕತ್ ಮಳೆ ಬೀಳೋದ್ರಿಂದ ಇದನ್ನ ''ದಕ್ಷಿಣದ ಚಿರಾಪುಂಜಿ'' ಅಂತ ಕೆಲವರು ಕರೆದಿದ್ದಾರೆ.

ಇಲ್ಲಿ ಸೂರ್ಯ ಮುಳುಗೋದನ್ನ ನೋಡಿಲ್ಲ ಅಂದ್ರೆ ಈ ಜನ್ಮ ಹೆಚ್ಚು ಕಡಿಮೆ ವೇಸ್ಟು ಅಂತಾನೇ ಅರ್ಥ...

ಮೂಲ

ಇಲ್ಲಿನ ಸನ್ ಸೆಟ್ ಪಾಯಿಂಟ್ ಪ್ರಮುಖ ಆಕರ್ಷಣೆಯ ಸ್ಥಳ. ಅರೇಬಿಯನ್ ಸಮುದ್ರದಲ್ಲಿ ಸೂರ್ಯ ಮುಳುಗುತ್ತಿರುವುದನ್ನು ನೋಡುವುದೇ ಆನಂದ. ನಮ್ಮಿಂದ ಸ್ವಲ್ಪವೇ ದೂರದಲ್ಲಿ ಸೂರ್ಯ ಇದ್ದಂತೆ ಭಾಸವಾಗುತ್ತದೆ. 

‘ಆಗುಂಬೆಯ ಪ್ರೇಮ ಸಂಜೆಯ’ ನೋಟ ವರ್ಣಿಸಕ್ಕೇ ಸಾಧ್ಯವಿಲ್ಲ!

ಮೂಲ

ಮಂಜುಮಂಜಿನ ಮುಂಜಾನೆಗಳು... ತಂಗಾಳಿಯಲ್ಲಿ ತೇಲಿ ಹೋಗುವಂತಿರುವ ಸಂಜೆಗಳು... ರಾತ್ರಿ ಸುರಿವ ಮಳೆಗಳ್ನ ಅನುಭವಿಸಿಯೇ ತೀರಬೇಕು.

ಟ್ರೆಕ್ಕಿಂಗ್/ಹೈಕಿಂಗ್ ಮೂಲಕ ಪಶ್ಚಿಮ ಘಟ್ಟಗಳ ಸೌಂದರ್ಯವನ್ನು ಸವೀಬಹುದು.

ಮೂಲ

ಆಗುಂಬೆಯ ಕಾಡಲ್ಲಿ ಅಲೆದಾಡೋದೆ ಒಂದು ರೋಮಾಂಚಕ ಅನುಭವ

ಕಾಡಿನಲ್ಲಿ ಹಾಗೇ ಹೊರಟರೆ ಎದುರಾಗ್ತವೆ ಎಮ್ಕಾಲ್ ಕೆರೆ, ಬರ್ಕಾನಾ ಜಲಪಾತ.

14ನೇ ಶತಮಾನದ ಹೊಯ್ಸಳರ ಆಳ್ವಿಕೆಯಲ್ಲಿ ಕಟ್ಟಿರೋ ಒಂದು ಕೃಷ್ಣನ ದೇವಸ್ಥಾನವೂ ಇಲ್ಲಿದೆ. ಕೈಮುಗಿದು ಮುಂದೆ ಹೋಗಬಹುದು.

ದಕ್ಷಿಣ ಭಾರತದಲ್ಲಿ ಹೊಯ್ಸಳ ಸಾಮ್ರಾಜ್ಯ ವಿಸ್ತರಿಸುತ್ತಿದ್ದ ಸಮಯ ಅದು. ಹಾಗಾಗಿ ಕಲೆ ಸಂಸ್ಕೃತಿಗೂ ಸಾಕಷ್ಟು ಪ್ರಾಮುಖ್ಯತೆ ಕೊಟ್ಟಿದ್ದರು ಹೊಯ್ಸಳರು. 10 ರಿಂದ 14ನೇ ಶತಮಾನದವರೆಗೂ ಹೊಯ್ಸಳಲು ರಾಜ್ಯಭಾರ ನಡೆಸಿದರು. ಚಾಲುಕ್ಯರು ಹಾಗೂ ಕಲಚೂರಿಗಳ ನಡುವಿನ ಕಾದಾಟಗಳನ್ನು ಉಪಯೋಗಿಸಿಕೊಂಡು ಹಂತಹಂತವಾಗಿ ಮೇಲಕ್ಕೆ ಬಂದರು. ಕಾವೇರಿ ನದಿಯ ಸಂಪದ್ಭರಿತವಾದ ಪ್ರದೇಶಗಳನ್ನು ಆಕ್ರಮಿಸಿಕೊಂಡು ತಮ್ಮ ಸಾಮ್ರಾಜ್ಯ ವಿಸ್ತರಿಸಿಕೊಂಡರು.

ಮೂಲ
(ಹೊಯ್ಸಳರ ಕಾಲದ ವೇಣುಗೊಪಾಲ ದೇವಾಲಯ)

ಆಗುಂಬೆಯಲ್ಲಿ ಮನೆಗಳು ಸ್ವಲ್ಪ ಹೀಗಿರ್ತವೆ:

ಮೂಲ

ಆರ್ ಕೆ ನಾರಾಯಣ್ ಅವರ ''ಮಾಲ್ಗುಡಿ ಡೇಸ್'' ಮೊದಲು ಶೂಟ್ ಮಾಡಿದ್ದು ಇಲ್ಲೇ. ಆರ್ ಕೆ ಲಕ್ಷ್ಮಣ್ ಅವರ ಕಾದಂಬರಿ ಆಧಾರಿಸಿದ ಈ ಧಾರಾವಾಹೀನ ನಿರ್ದೇಶಿಸಿದ್ದು ಶಂಕರ್ ನಾಗ್.

ಮೂಲ

ಈಕೆ ಕಸ್ತೂರಿ ಅಕ್ಕ. ಆಗುಂಬೆಯಲ್ಲಿರೋ ಇವರ ಮನೆಯಲ್ಲೇ ಮಾಲ್ಗುಡಿ ಡೇಸ್ ತೆಗೆದಿದ್ದು:

ಮೂಲ

ಸುಮಾರು ಎಪಿಸೋಡ್ಸ್ ಚಿತ್ರೀಕರಣಗೊಂಡದ್ದು ಆಗುಂಬೆಯಲ್ಲಿ. 2004ರಲ್ಲಿ ಹೊಸ ಎಪಿಸೋಡ್ ಗಳನ್ನು ಕವಿತಾ ಲಂಕೇಶ್ ಅವರ ಡೈರೆಕ್ಷನ್ ನಲ್ಲಿ ಆಗುಂಬೆಯಲ್ಲಿ ಚಿತ್ರೀಕರಿಸಿಕೊಳ್ಳಲಾಯ್ತು.

ಮೂಲ

ಕಾಳಿಂಗ ಸರ್ಪಗಳ ತವರು ಮನೆ ಆಗುಂಬೆ...

ಅವುಗಳ ರಕ್ಷಣೆಗೆ ಈ ಪ್ರದೇಶ ಮೀಸಲಾಗಿದೆ. ಇಲ್ಲಿರೋ ರೈನ್ ಫಾರೆಸ್ಟ್ ರೀಸರ್ಚ್ ಸೆಂಟರ್ ಒಂದು ದೊಡ್ಡ ಆಕರ್ಷಣೆ. ಇದನ್ನ ಸ್ಥಾಪಿಸಿದ್ದು ರೋಮುಲಸ್ ವೈಟೇಕರ್ ಅನ್ನೋರು. ಅದಕ್ಕೆ ಹೊಂದಿಕೊಂಡಂತೆ ಸುವಿಶಾಲ ಪ್ರದೇಶದಲ್ಲಿ ಈ ರಕ್ಷಿತ ತಾಣ ಇದೆ.

ಮೂಲ

ಆಗುಂಬೇನ ಕಾಳಿಂಗಸರ್ಪಗಳ ರಾಜಧಾನಿ ಅಂತಾರೆ.

ಇಲ್ಲಿ ಬಹಳ ಕಿಂಗ್ ಕೋಬ್ರಾಗಳಿದ್ದರೂ ಜನಕ್ಕೆ ಅವುಗಳಿಂದ ಅಷ್ಟಾಗಿ ತೊಂದರೆ ಏನು ಆಗ್ತಿಲ್ಲ.

ಮೂಲ

ಕಾಳಿಂಗಸರ್ಪಗಳ ಬಗ್ಗೆ ಜಗತ್ತಿನಲ್ಲೇ ಮೊದಲ ಬಾರಿಗೆ ರೇಡಿಯೊ ಟೆಲಿಮೆಟ್ರಿ ಪ್ರಾಜೆಕ್ಟ್ ಹಮ್ಮಿಕೊಂಡ ಕೀರ್ತಿ ಆಗುಂಬೆ ರೈನ್ ಫಾರೆಸ್ಟ್ ರೀಸರ್ಚ್ ಸ್ಟೇಷನ್ಗೆ ಸಲ್ಲುತ್ತದೆ.

ಇದರಿಂದ ಕಿಂಗ್ ಕೋಬ್ರಾಗಳ ಅಧ್ಯಯ ಮಾಡಲು, ಅವುಗಳ ಸಂತತಿಯನ್ನು ಉಳಿಸಲು ಸಹಕಾರಿಯಾಗಿದೆ. 

ಮೂಲ

ಇನ್ನೊಂದು ವಿಶೇಷ ಅಂದ್ರೆ ಆಯುರ್ವೇದದಲ್ಲಿ ಬಳಸೋ ಗಿಡಗಂಟೆಗಳನ್ನ ಇಲ್ಲಿ ರಕ್ಷಿಸಿ ಬೆಳೆಸ್ತಾರೆ...

ಮೂಲ

ಇಲ್ಲಿ ಸಿಕ್ಕ ಹೊಸ ಸಸ್ಯಪ್ರಾಣಿ ವೈವಿಧ್ಯಗಳ ಹೀಗಿವೆ:-

  • Selenops agumbensis : ಒಂದು ಜಾತಿಯ ಜೇಡ
  • Tarenna agumbensis : ಕುರುಚಲು ಗಿಡ
  • Drosophila agumbensis : ಚಿಕ್ಕ ಕೀಟ
  • Irenopsis agumbensis : ಒಂದು ಜಾತಿಯ ಶಿಲೀಂಧ್ರ
  • Hygroaster agumbensis : ಒಂದು ಜಾತಿಯ ಶಿಲೀಂಧ್ರ
  • Dactylaria agumbensis : ಒಂದು ಜಾತಿಯ ಶಿಲೀಂಧ್ರ
  • Caudalejeunea pluriplicata : ಲಿವರ್ ಆಕಾರದ ಸಸ್ಯ
  • Notothylas dissecta : ಮಧ್ಯ ಅಮೆರಿಕಾದಲ್ಲಿ ಮಾತ್ರ ಸಿಗುವ ನೀರಲ್ಲಿ ಬೆಳೆಯುವ ಈ ಗಿಡ ಮೊಟ್ಟಮೊದಲ ಬಾರಿಗೆ ಆಗುಂಬೆಯಲ್ಲಿ, ಏಷ್ಯಾದಲ್ಲೇ ಮೊದಲು ಕಂಡುಹಿಡಿಯಲಾಯಿತು. 
  • Cyclotoma alleni : ಆಗುಂಬೆಯಲ್ಲಿ ಸಿಕ್ಕ ಜೀರುಂಡೆ 

ಆಗುಂಬೆ ಔಷಧೀಯ ಸಸ್ಯಗಳ ಸಂರಕ್ಷಣಾ ಪ್ರದೇಶವೂ ಹೌದು

ಮೂಲ

ಇಲ್ಲಿ ಹೇರಳವಾಗಿ ಸಸ್ಯ ಸಂಪತ್ತು ಇದ್ದು, ಅವುಗಳಲ್ಲಿ ಬಹುತೇಕ ಔಷಧೀಯ ಗುಣಗಳುಳ್ಳ ಸಸ್ಯಗಳಿವೆ. ಆಗುಂಬೇನ ಹಸಿರುಹೊನ್ನು ಅಂತಲೂ ಕರೆಯುತ್ತಾರೆ. 1999ರಲ್ಲಿ ಔಷಧೀಯ ಸಸ್ಯಗಳ ಸಂರಕ್ಷಣೆಗೆ ಆಗುಂಬೆ ಮೆಡಿಸಿನಲ್ ಪ್ಲಾಂಟ್ಸ್ ಕನ್ಸರ್ವೇಷನ್ ಏರಿಯಾ (MPCA) ಅನ್ನೋ ಸಂಸ್ಥೇನ ಸ್ಥಾಪಿಸಿದರು.

ಮೂಲ
ಇಲ್ಲಿ 371 ಬಗೆಯ ವೈವಿಧ್ಯಮಯ ಸಸ್ಯಗಳನ್ನು ಗುರುತಿಸಲಾಗಿದ್ದು ಅವುಗಳಲ್ಲಿ 182 ಸಸ್ಯಗಳಲ್ಲಿ ಔಷಧೀಯ ಗುಣಗಳಿವೆ ಎಂದು MPCA ಸಮೀಕ್ಷೆ ಹೇಳುತ್ತದೆ. ಕೆಲವೊಂದು ಅವನತಿಯ ಅಂಚಿನಲ್ಲಿದ್ದು ಅವುಗಳನ್ನು ಕೆಂಪುಪಟ್ಟಿಗೆ ಸೇರಿಸಲಾಗಿದೆ. ಅವುಗಳ ಪಟ್ಟಿ ಹೀಗಿದೆ. 

  • Adenia hondala
  • Celastrus paniculatus
  • Garcinia gummi-gutta
  • Myristica dactyloides
  • Persia macrantha
  • Vateria indica
  • Salacia oblonga (ಇದು ಕೇವಲ ಪಶ್ಚಿಮ ಘಟ್ಟಗಳು ಹಾಗೂ ಶ್ರೀಲಂಕಾದಲ್ಲಿ ಮಾತ್ರ ಕಾಣಸಿಗುತ್ತದೆ).

ಅಗುಂಬೆಯಲ್ಲಿ ನೋಡಬಹುದಾದ ಇನ್ನೊಂದಿಷ್ಟು ಜಾಗಗಳು ಹೀಗಿವೆ...

ಒನಕೆ ಅಬ್ಬಿ ಜಲಪಾತ

ಮೂಲ
ಆಗುಂಬೆ ಸಮೀಪ ಇರುವ ಇನ್ನೊಂದು ಜಲಪಾತ. ಒನಕೆ ತರಹ ನೇರವಾಗಿ ನೀರು ಧುಮ್ಮಿಕ್ಕಿವ ಕಾರಣ ಇದಕ್ಕೆ ಆ ಹೆಸರು ಬಂದಿದೆ. 

ಕುಂಚಿಕಲ್ ಫಾಲ್ಸ್

ಮೂಲ
ಭಾರತದಲ್ಲೇ ಅತ್ಯಧಿಕವಾಗಿ ನೀರು ಧುಮ್ಮಿಕ್ಕುವ ಜಲಪಾತ ಇದು. ಜಗತ್ತಿನಲ್ಲಿ ಅತ್ಯಧಿಕ ನೀರು ಧುಮ್ಮಿಕ್ಕುವ ಜಲಪಾತಗಳಲ್ಲಿ ಇದಕ್ಕೆ 116ನೇ ಸ್ಥಾನ. ವಾರಾಹಿ ನದಿ ನಿರ್ಮಿಸಿರುವ ಈ ಜಲಪಾತದ ಎತ್ತರ 1493 ಅಡಿಗಳು/455 ಮೀಟರ್ ಗಳು.

ಬರ್ಕಾನಾ ಫಾಲ್ಸ್

ಮೂಲ

ಭಾರತದ 10ನೇ ಅತಿ ಎತ್ತರದ ವಾಟರ್ ಫಾಲ್ ಇದು. ಇದರ ಎತ್ತರ 850 ಅಡಿ/259 ಮೀಟರ್ ಗಳು. ಸೀತಾ ನದಿ ನಿರ್ಮಿಸಿದ ವಾಟರ್ ಫಾಲ್ಸ್ ಇದು.

ಮಾಹಿತಿ: ಮೂಲ

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ನಿಮ್ಮ ಕಣ್ಣು ಗುಡ್ಡೆ ಯಾವ ಬಣ್ಣ ಇದೆ ಅನ್ನೋದ್ರಿಂದ ನಿಮ್ಮ ವ್ಯಕ್ತಿತ್ವದ ಬಗ್ಗೆ ಇಷ್ಟು ಹೇಳಬಹುದು

ಕಣ್ ಕಣ್ಣ ಸಲಿಗೆ

ಕಣ್ಗಳನ್ನ ನಮ್ ಆತ್ಮದ ಕಿಟ್ಕಿ ಇದ್ದಾಗೆ ಅಂತ ಕರೀತಾರೆ. ಯಾರದಾದರೂ ಕಣ್ಗಳನ್ನ ಒಂದೇ ಸಮ್ನೇ ನೋಡ್ತಾ ಇದ್ರೆ ಅವ್ರ್ ಮನ್ಸ್ ಎನು ಅವ್ರ್ ಮೂಡ್ ಹೇಗಿದೆ ಅನ್ನೋದನ್ನೆಲ್ಲಾ ತಿಳ್ಕೊಬಹುದಂತೆ. ಬರೇ ಕಣ್ಣಿನಿಂದ ಅವ್ರು ಸಿಟ್ಟಾಗಿದ್ದಾರಾ? ಇಲ್ಲಾ ಸಮಧಾನದಿಂದ ಇದ್ದಾರ ಅನ್ನೋದನೆಲ್ಲಾ ತಿಳಿಬಹುದು . ಕೆಲ್ವರ ಕಣ್ಗಳು ನೋಡೊಕೆ ತುಂಬಾ ಚೆನ್ನಾಗಿದೆಯಂತ ನಿಮ್ಗೆ ದೇವ್ರು ಕೊಟ್ಟಿರೋ ಆ ಎರಡು ಕಣ್ಗಳ ಬಗ್ಗೆ ಖುಷಿಯಿರ್ಲಿ. ಫಳ ಫಳ ಹೊಳೆಯೋ ಆ ಕಣ್ಗಳನ್ನ ನೋಡಿದ್ರೆ ಇನ್ನೊಬ್ರಿಗೆ ಆಕರ್ಷಣೆಯಾಗೋದು ಸಹಜ. ಅದ್ಕೆ ಮಗಾ ನಾನ್ ಅವ್ಳ ಕಣ್ ನೋಡಿಯೇ ಬಿದ್ಬಿಟ್ಟೆ ಅಂತಾರಲ್ವ ನಮ್ ಹುಡ್ಗರು. ಬರೇ ಇದ್ ಮಾತ್ರ ಅಲ್ಲಾ ಕಣ್ಣಿಂದ ನಾವ್ ಯಾವ್ ತರದವ್ರು, ನಮ್ ಗುಣ ಹೇಗೆ ಅನ್ನೋದನ್ನೆಲ್ಲಾ ತಿಳ್ಕೊಬಹುದು. 

1) ಕಪ್ಪು ಕಣ್ಗುಡ್ಡೆ ಇರೋರು ತುಂಬಾನೇ ಜವಬ್ದಾರಿಯ ಮನುಷ್ಯರು

ಒಂದ್ ಆಶ್ಚರ್ಯದ ವಿಷ್ಯ ಎನಂದ್ರೆ ಕಪ್ಪಾಗಿರೋ ಕಣ್ ಗುಡ್ಡೆ ಇರೋದು ತುಂಬಾನೇ ಅಪರೂಪ ಅಂತೆ. ನಾವ್ ಎನ್ ನೋಡ್ತಾ ಇದ್ದೀವೋ ಆ ಕಣ್ ಗುಡ್ಡೆಗಳ ಬಣ್ಣ ಗಾಢವಾದ ಕಂದು ಬಣ್ಣ.

ಕಪ್ಪಾಗಿರೋದು ಅಥ್ವಾ ಗಾಢ ಕಂದು ಬಣ್ಣದ ಕಣ್ಣುಗುಡ್ಡೆಯು ರಹಸ್ಯಕ್ಕೆ ,ಕತ್ತಲಿಗೆ, ಒಳ್ಗಡೆ ಅಡ್ಗಿರೋ ವಿಷ್ಯಗಳನ್ನ ಸೂಚ್ಸತ್ತೆ. ಈ ತರ ಕಣ್ಗುಡ್ಡೆ ಇರೋರು ತುಂಬಾನೇ ನಂಬಿಕೆಯುಳ್ಳವರು ಮತ್ತೆ ಜವಬ್ದಾರಿಯನ್ನ ತಗೊಳ್ಳೊ ಜಾಯಮಾನದವ್ರಂತೆ. ರಹಸ್ಯನ್ನಾ ಮುಚ್ಚಿಡೋದರ್ಲ್ಲಿ ಇವ್ರದ್ದು ಎತ್ತಿದ್ ಕೈ ಯಾವ್ದೇ ಕಾರಣಕ್ಕೂ ಯಾರ್ ಹತ್ರಾನು ಹೇಳಲ್ಲ.

ಇವ್ರುಗಳು  ಜನ್ರನ್ನ ನಂಬೋದಾಗ್ಲಿ ಅಥ್ವಾ ಪ್ರೀತಿ ಪ್ರೇಮದ ಸಂಭಂದ ಬೆಳ್ಸೊವಾಗ ಹಿಂದೆ ಮುಂದೆ ಸಾವಿರ ಸಲ ಯೋಚ್ನೇ ಮಾಡ್ತಾರೆ ಆದ್ರೆ ಒಂದ್ಸಲ ಬೇಳ್ಸದ್ರೋ ಸಾಯೋವರ್ಗೂ ಕೈ ಬಿಡೋರಲ್ಲ. ತುಂಬಾನೇ ಪರಿಶ್ರಮ ಜೀವಿಗಳು ಎನೇ ಆದ್ರೂ ಎಲ್ಲವೂ ಸರಿಯಾಗ್ ಇರ್ಬೇಕು ಅಷ್ಟೇ. ಆಧ್ಯಾತ್ಮದ ಗಾಳಿಯೂ ಕೂಡಾ ಇವ್ರಲ್ಲಿರತ್ತೆ.

ಮೂಲ

2) ಕಂದು ಬಣ್ಣದ ಕಣ್ಗುಡ್ಡೆಯುಳ್ಳವರು ಸರಳ ಜೀವಿಗಳು

ಸಾಮಾನ್ಯವಾಗಿ ನಮ್ ನಿಮ್ಮೆಲ್ಲರ ಕಣ್ಗುಡ್ಡೆ ಕಂದು ಬಣ್ಣದ್ದೇ. ಕಂದು ಬಣ್ಣದ ಕಣ್ಗುಡ್ಡೆಯುಳ್ಳವರು ತುಂಬಾನೇ ಆಕರ್ಷಣೆಯ ಜೊತೆಗೆ ಧ್ರಡತೆಯುಳ್ಳವರು.

ಈ ಕಣ್ಗುಡ್ಡೆಯನ್ನ ಭೂಮಿಗೆ ಹೋಲಿಸ್ತಾರೆ. ಅದ್ಕೊಸ್ಕರನೇ ಇವ್ರುಗಳು ಸರಳವಾದ ಜೀವ್ನ ನಡೆಸ್ತಾರೆ. ತುಂಬಾನೇ ಕ್ರಿಯಾಶೀಲರಾಗಿರ್ತಾರೆ. ಪ್ರಾಮಾಣಿಕತೆ, ಸ್ವತಂತ್ರತೆ, ಕಾಳಜಿಯನ್ನೊದು ಇವ್ರಲ್ಲಿ ಸಾಮಾನ್ಯವಾಗಿರತ್ತೆ.

ಇವ್ರುಗಳು ವಾಸ್ತವದಲ್ಲಿ ಬದ್ಕತಾರೆ. ಆದ್ರೆ ಕಾಳಜಿ ಪ್ರೀತಿಯನ್ನೋದು ಬಂದ್ ಬಿಟ್ರೆ ವಾಸ್ತವ ಲೆಕ್ಕಕ್ಕೆ ಬರಲ್ಲ.  ಧ್ರಡತೆ, ಕಾಳಜಿ, ಪ್ರಾಮಾಣಿಕತೆ ಇವ್ರಲ್ಲಿದ್ರೂ ಕೆಲ್ವೊಮ್ಮೆ ತಮ್ಮನ್ನ ಆ ರೀತಿ ಗುಣದವ್ರು ಅಂತ ತೋರ್ಸ್ಕೊಳ್ಳೊಕ್ಕೆ ತುಂಬಾನೇ ಕಷ್ಟ ಪಡ್ತಾರೆ.

ಇವ್ರುಗಳು ತುಂಬಾನೇ ಶಕ್ತಿಶಾಲಿಯಾಗಿದ್ದರೂ ಪ್ರೇಮ ಜೀವಿ ಕಣ್ರೀ. ಎನೇ ಹೇಳಿದ್ರೂ ಇವ್ರುಗಳು ಮಾಡ್ತಾರೆ ಆದ್ರೆ ಅವ್ರ ಕೆಲ್ಸದಿಂದ ನೀವ್ ಖುಷಿಯಾಗೋದ್ ಬಿಡೋದ್ ನಿಮ್ಗೆ ಬಿಟ್ಟಿದ್ದು.

ಮೂಲ

3) ಕಂದು ಮತ್ತೆ ಹಸಿರು ಬಣ್ಣದ ಕಣ್ಗುಡ್ಡೆಯುಳ್ಳವರು ಸಾಹಸ ಪ್ರವ್ರತ್ತಿಯವರು

ಕಂದು ಮತ್ತೆ ಹಸಿರು ಬಣ್ಣದಿಂದ ಕೂಡಿದ ಈ ಕಣ್ಗುಡ್ಡೆಯನ್ನ ಎಷ್ಟ್ ಸಲ ನೋಡಿದ್ರೂ ಸಾಕಾಗಲ್ಲ. ಅಷ್ಟು ಚೆನ್ನಾಗಿದೆಯಲ್ವ. ಈ ತರ ಕಣ್ಗುಡ್ಡೆಯಳ್ಳವರಿಗೆ  ಒಳ್ಳೆ ಟೇಸ್ಟ್ ಇರತ್ತಂತೆ.

ತುಂಬಾನೇ ಸ್ವಾಭಾವಿಕ ಗುಣ ಇರೋ ಇವ್ರು ಸಾಹಸ ಅಂದ್ರೆ ಯಾವ್ ಸಮಯದಲ್ಲಿ ಬೇಕಾದ್ರೂ ರೆಡಿಯಾಗಿರ್ತಾರೆ. ಎನಾದ್ರೂ ಒಂದ್ ಕೆಲ್ಸ್ ಮಾಡ್ತಾ ಇದ್ರೆ  ಅದೇನು ಅದೇಕೆ ಹಾಗೆ ಅಂತ ಸಾವಿರ ಪ್ರಶ್ನೆ ಕೇಳಲ್ಲ. ಅದ್ರ ಜೊತೆಗೆ ತಾವು ಮಾಡ್ಕಂಡು ಹೋಗ್ಬಿಡ್ತಾರೆ. ಸಿಕ್ಕಾಪಟ್ಟೆ ಧೈರ್ಯ ಇರೋ ಇವ್ರನ್ನ ಒಂಟಿತನ ಆಗಾಗ ಕಾಡ್ತಾ ಇರತ್ತೆ.

ಯಾವಾಗ್ಲೂ ಹೊಸತನ್ನ ಹುಡಕ್ತಾ ಇರ್ತಾರೆ . ಇವ್ರನ್ನ ಪ್ರೀತಿಸ್ಬೇಕಾದ್ರೆ ಇವ್ರ ತರ ಇರೋರೆ ಆಗಿರ್ಬೇಕು ಇಲ್ಲಾಂದ್ರೆ ಆ ಸಂಬಂಧ ತುಂಬಾ ದಿನ ನಿಲ್ಲಲ್ಲ. ಚೇಷ್ಟೆ ಸ್ವಭಾವ ಹೊಂದಿರೋ ಇವ್ರು ಸಿಟ್ಟಾದ್ರೆ ತಡ್ಕೊಳ್ಳಕ್ಕಾಗಲ್ಲ. ಒಂದ್ ವೇಳೆ ಅವ್ರ ಸಿಟ್ಟನ್ನ ಕಂಟ್ರೋಲ್ ಮಾಡಿದ್ರೆ ನಿಮ್ನ ಬಿಟ್ ಕೊಡಲ್ಲ.

ಮೂಲ

4) ಬೂದು ಬಣ್ಣದವರು ಎಲ್ಲಾ ವಿಷಯಗಳ್ನ ಸೀರಿಯಸ್ಸಾಗಿ ತೊಗೋತಾರೆ

ಜೀವ್ನ ಅಂದ್ರೆ ಬರೇ  ಬ್ಲಾಕ್ ಆಂಡ್ ವೈಟ್ ಅಲ್ಲ. ಬೇರೆ ತರದ ಬಣ್ಣಗಳಿಗೂ ಅಲ್ ಜಾಗ ಇದೆ. ಅದೇ ತರ ಬೂದು ಬಣ್ಣದ ಕಣ್ಗುಡ್ಡೆಯಳ್ಳವರು ನಾಯಕತ್ವಕ್ಕೆ ಹೇಳ್ ಮಾಡ್ಸದವ್ರು.

ನಡತೆ ವಿಷ್ಯಕ್ಕೆ ಬಂದಾಗ ಇವ್ರುಗಳು ತುಂಬಾನೇ ಸ್ಟ್ರಾಂಗ್.  ಬುದ್ದಿವಂತಿಕೆ ಚಾಣಾಕ್ಷತನ ಇವ್ರ್ ಹುಟ್ಟು ಗುಣ. ಹಾಗಂತ ಇವ್ರು ಮಹಾ ಕೋಪಿಷ್ಟರಲ್ಲ  ಸಾಧು ಸ್ವಭಾವದವ್ರು. ಎನೇ ವಿಷ್ಯ ಇದ್ರೂ ಅದ್ನ ಸೀರಿಯಸ್ಸಾಗಿ ತಗಂಡು ಮಾಡ್ತಾರೆ. ಇವ್ರಿಗೆ ಪ್ರೀತಿ ಪ್ರೇಮ ಇನ್ನೊಬ್ರ ಜೊತೆ ಟೈಮ್ ಪಾಸ್ ಮಾಡೋ ವಸ್ತು ಅಲ್ವೇ ಅಲ್ಲ ಅದೆಲ್ಲ ಸಿರಿಯಸ್ಸಾಗೀಯೆ ತಗೊಳ್ತಾರೆ .

ಕ್ರಿಯಾಶೀಲ, ಕಲ್ಪನಾತ್ಮಕ ಜೀವಿ, ಹೊಂದಿಕೊಳ್ಳುವ ಗುಣಗಳು ಇರೋದ್ರಿಂದಾನೆ ಇವ್ರನ್ನ ನಾಯಕತ್ವಕ್ಕೆ ಲಾಯಕ್ಕಾದಾವ್ರು ಅಂತಾರೇ. ವಿಚಾರವಾದ, ವಿಶ್ಲೇಷಣೆ, ಒಳ್ಗಿರೋ ಶಕ್ತಿ ಇವೆಲ್ಲದ್ರ ಸಹಾಯದಿಂದ ಯಾವ್ದೇ ಪರಿಸ್ಥಿತಿಯಲ್ಲಿಯೂ ಸಹ ಅದ್ನ ತಮ್ಗ ಹೇಗ್ ಬೇಕೊ ಹಾಗೆ ಮಾಡ್ಸ್ಕೊಳ್ತಾರೆ.

ಮೂಲ

5) ಹಸಿರು ಕಣ್ಗುಡ್ಡೆಯವರನ್ನ ಅರ್ಥ ಮಾಡ್ಕೊಳ್ಳೋದು ಕಷ್ಟ

ಹಸಿರು ಕಣ್ಗುಡ್ಡೆ ಯಾವಾಗ್ಲೂ ಒಳ್ಳೆಯ ಗಾಳಿಗೆ ಸಂಬಂಧಿಸತ್ತೆ. ಪುನರ್ ಯವ್ವನ ಅನ್ನೋದು ಎಲ್ಲ್ ಪರಿಸ್ಥಿತಿಯಲ್ಲಿ ಸಹಾಯ ಮಾಡತ್ತೆ. ನಿಗೂಢತೆಯನ್ನೊದು ಇವ್ರಲ್ಲಿ ಜನ್ಮತ ಇರತ್ತೆ. ಒಗಟೊಗಟಾಗಿ ಇರ್ತಾರೆ. ಯಾರ್ಗೂ ಅಷ್ಟು ಸುಲಭದಲ್ಲಿ ಅರ್ಥ ಆಗೋರಲ್ಲ.

ಇವ್ರನ್ನ ಸ್ವಲ್ಪ ಹೊತ್ತು ನೋಡ್ತಾ ಇದ್ರೆ ಸಾಕು ವಶೀಕರಣ ಆದವ್ರ ತರ ಅವ್ರಗೇ ಬಿದ್ ಬಿಡ್ತೀರಿ. ಎನಾದ್ರೂ ಹೊಸ ವಿಷ್ಯ ಇದ್ರೆ ಅದರ ಬಗ್ಗೆ ಎಲ್ಲಕ್ಕಿಂತ ಜಾಸ್ತಿ ಆಸಕ್ತಿ ತೋರ್ಸತಾರೆ. ಜೀವ್ನನಾ ತುಂಬಾನೇ ಖುಷಿಯಿಂದ ಅನುಭವಿಸ್ತಾರೆ  ಎಲ್ಲಾ ಮಜಲಿನ ರುಚಿಯನ್ನ ಅನುಭವಿಸಿರ್ತಾರೆ.

ಬೇಗನೇ ಹೊಟ್ಟೆಕಿಚ್ಚು ಬರತ್ತೆ. ಆದ್ರೂ ಇವ್ರ ಕಣ್ ನೋಡಿ ಅದೆಲ್ಲ ಅಷ್ಟು ಲೆಕ್ಕಕ್ಕೆ ಬರಲ್ಲ. ಬೇರೆ ಜನ್ರು ಇವ್ರ ಕಡೇ  ಬೀಳೊಕೆ ಕೆಲವು ಸೆಕೆಂಡು ಸಾಕು. 

ಮೂಲ

6) ನೀಲಿ ಕಣ್ಣಿನವ್ರು ಸಿಕ್ರೆ ಯೋಚ್ನೇ ಮಾಡ್ಬೇಡಿ ಮದುವೆ ಮಾಡ್ಕೊಂಡ್ ಬಿಡಿ 

ಎನೋ ಒಂದ್ ಬಿಟ್ಟೆ ಅನ್ಕೊಂಡ್ರಾ? ನೀಲಿ ಕಣ್ಗಳ ಬಗ್ಗೆ ಹೇಳ್ದೇ ಇದ್ರೆ ಈ ಟಾಫಿಕ್ ಮುಗಿಯಲ್ಲ ಬಿಡಿ. ಜಗತ್ತಿನ ಅದೇಷ್ಟೊ ಜನ ನನ್ ಕಣ್ ಹೀಗಿರ್ಬೇಕು ಅಂತೇಳೋ ಬಣ್ಣ ಇದು.

ತುಂಬ ಬೇಗ ಎಲ್ರಿಗೂ ಇಷ್ಟ್ ಆಗ್ತಾರೆ. ಶಾಂತಿ, ಕ್ರೀಯಾಶೀಲತೆ, ಯವ್ವನ  ಇವ್ರಲ್ಲಿ ತುಂಬಿ ತುಳಕ್ತಾ ಇರತ್ತೆ. ಕರುಣೆಯಿಂದ ಇವ್ರು ಜನ್ರಿಗೆ ಬೇಗ ಹತ್ರ್ ಆಗ್ತಾರೆ. ಇವ್ರ ಜೊತೆ ಮಾಡೊ ಸಂಬಂಧ ಅಜರಾಮರ ಇದ್ದಾಗೆ.  ಇನ್ನೊಬ್ರ ಖುಷಿಯನ್ನ ನೋಡೊದು ಇವ್ರ ಮೊದಲ ಕೆಲ್ಸ.  ಈ ತರ ಗುಣ ಇರೋದು ತುಂಬಾನೇ ಕಮ್ಮಿ.

ಹೊರಗಿನ ಪ್ರಪಂಚದಲ್ಲಿ ಅವ್ರುಗಳು ತಮ್ಮನ್ನ ತೊಡಗಿಸಿಕೊಳ್ಳೊಕೆ ತುಂಬಾನೇ ಇಷ್ಟ ಪಡ್ತಾರೆ. ಇವ್ರುಗಳು ಸಂಬಂಧ ಬೆಳ್ಸೋವಾಗ ಧೀರ್ಘವಾಗಿಯೇ ಇರ್ಬೇಕು ಸರಿಯಾಗಿರ್ಬೇಕು ಅಂತ ಯೋಚ್ನೇ ಮಾಡಿ ಬೆಳ್ಸತಾರೆ ಕಾಟಚಾರಕ್ಕೆ ಬೆಳ್ಸೋ ಜಾತಿ ಇವ್ರದಲ್ಲ. ಅದೇನ್ ಬೇಕಾದ್ರೂ ಆಗ್ಲಿ ತಾವ್ ಇಷ್ಟ ಪಡೋರನ್ನ ಬಿಟ್ ಕೊಡಲ್ಲ. ಅವ್ರು ಮುಂದೆ ಬಂದು ಎಲ್ಲವನ್ನ ತಾವೇ ತಗಂಡು ತಮ್ಗಿಷ್ಟವಾದವ್ರನ್ನ ಉಳ್ಸಕೊಳ್ತಾರೆ.

ಮೂಲ

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: