ಕರ್ನಾಟಕ ಪೋಲೀಸ್ ಬಗ್ಗೆ ಸಾಮಾನ್ಯವಾಗಿ ಯಾರಿಗೂ ಗೊತ್ತಿಲ್ಲದಿರುವ 14 ಐತಿಹಾಸಿಕ ಸತ್ಯಗಳು

ತೋಟಿ-ತಳವಾರರು, ಅಮಲ್ದಾರರು, ಕಟ್ಟುಬಿಡಿ, ನೀರಗಂಟೆ ಇವರಿಂದ ಇವತ್ತಿನ ವರೆಗೆ

ಪೋಲೀಸ್ ಆಗ ಈಗ

ಕರ್ನಾಟಕಲ್ಲಿ ಪೊಲೀಸ್ ವ್ಯವಸ್ಥೆಗೆ ಸುಮಾರು 200ಕ್ಕೂ ಹೆಚ್ಚು ವರ್ಷದ ಇತಿಹಾಸ ಇದೆ. ಬೇರೆ ಬೇರೆ ಕಾಲಮಾನದಲ್ಲಿ ಬೇರೆ ಬೇರೆ ಥರ ವ್ಯವಸ್ಥೆಗಳನ್ನ ಕಂಡು ಬೆಳೆದಿದೆ ನಮ್ಮ ಕರ್ನಾಟಕ ಪೊಲೀಸ್ ವ್ಯವಸ್ಥೆ. ಬನ್ನಿ ಚುಟುಕಾಗಿ ಎಲ್ಲಾ ತಿಳ್ಕೊಳೋರಂತೆ...

1. ಮೊದಲು ನಮ್ಮಲ್ಲಿ ಪೋಲೀಸ್ನೋರು ಅಂತ ಯಾರೂ ಇರ್ಲಿಲ್ಲ

ಆದ್ರೆ ತೋಟಿ-ತಳವಾರರು, ಅಮಲ್ದಾರರು, ಕಟ್ಟುಬಿಡಿ, ನೀರಗಂಟೆ, ಹೀಗೆ ಬೇರೆ ಬೇರೆ ಹೆಸರಿನ ಕಸುಬಿನೋರು ಇವತ್ತು ಪೊಲೀಸ್ನೋರು ಮಾಡೋ ಬೇರ್ ಬೇರೆ ಕೆಲ್ಸ ಮಾಡ್ತಿದ್ರು.

ಮೂಲ

2. ಮೈಸೂರು ಸಂಸ್ಥಾನದಲ್ಲಿ ಮೊದಲ ಸಲ ಪೊಲೀಸ್ ಅನ್ನೋ ಹುದ್ದೆ ಹುಟ್ಟಿಕೊಂಡಿದ್ದು ಮುಮ್ಮಡಿ ಕೃಷ್ಣರಾಜ ಒಡೆಯರ್ ಕಾಲದಲ್ಲಿ

ರಾಜರ ಕೆಳಗಿದ್ದ ಒಂದು ಸೈನ್ಯದ ತುಕಡಿಗೆ ಬ್ರಿಟೀಶರು ಈ ಕೆಲಸ ಹಚ್ಚಿದರು. ಮೇಲ್ವಿಚಾರಣೆಗೆ ಬ್ರಿಟೀಶರ ಒಬ್ಬ ಅಧಿಕಾರೀನ ಕೂರ್ಸಿದ್ರು. ತಾಲೂಕ್ ಲೆವೆಲ್ಲಲ್ಲಿ ಅಮಲುದಾರರೇ ಪೊಲೀಸ್ ಮುಖ್ಯಸ್ಥರಾಗಿರ್ತಿದ್ರು.

ಮೂಲ

3. ಸೈನ್ಯದ ತುಕಡಿಯಿಂದ 1817ರ ಹೊತ್ತಿಗೆ ಪೊಲೀಸ್ ಜವಾಬ್ದಾರಿ ಊರ ಪಟೇಲರಿಗೆ, ಶಾನುಭೋಗರಿಗೆ ಬಂತು

ಆದ್ರೆ ಔರ್ಗೆ ಈ ಕೆಲ್ಸಕ್ಕೆ ಯಾವ್ದೇ ಸಂಬಳ, ರಜ, ಓಡಾಡಕ್ ಗಾಡಿ ಅವೆಲ್ಲಾ ಕೊಡ್ತಿರ್ಲಿಲ್ಲ! ಆದ್ರೆ ಮಹಾರಾಜ್ರು ಔರ್ಗೆ ಭಕ್ಷೀಸ್ ಅಂತ ನೆಲ, ಬೇಳೆ-ಕಾಳು, ಹೀಗೆಲ್ಲಾ ಇನಾಮು ಕೊಡ್ತಿದ್ರಂತೆ.

4. ಏಕೀಕರಣಕ್ಕಿಂತ ಮುಂಚೆ ನಮ್ಮಲ್ಲಿ 4 ಕಡೆ 4 ತರಹ ಪೊಲೀಸ್ ವ್ಯವಸ್ಥೆ ಇತ್ತು

ಕರ್ನಾಟಕ ರಾಜ್ಯ ಆಗೋಕ್ಕೆ ಮೊದ್ಲು ನಮ್ ನಾಡು 4 ಪಾಲಾಗಿತ್ತು, ಹಾಗಾಗಿ ಮೈಸೂರು, ಬಾಂಬೆ ಕರ್ನಾಟಕ, ಹೈದರಾಬಾದ್ ಕರ್ನಾಟಕ, ಮದ್ರಾಸ್ ಪ್ರೆಸಿಡೆನ್ಸಿ - ಈ ಥರ ಬೇರ್ ಬೇರೆ ಕಡೆ ಬೇರ್ ಬೇರೆ ಥರ ಪೊಲೀಸ್ ವ್ಯವಸ್ಥೆ ಇತ್ತು.

ಮೂಲ

5. ಬೆಳಗಾವಿ, ಧಾರವಾಡ, ಬಿಜಾಪುರ, ಕಾರವಾರಗಳಲ್ಲಿ ಪೊಲೀಸ್ ವ್ಯವಸ್ಥೆ ಶುರುವಾಗಿದ್ದು 1827ರಲ್ಲಿ

ಬಾಂಬೆ ಪ್ರೆಸಿಡೆನ್ಸಿಯೋರ ಕೆಳಗಿತ್ತು ಆ ಜಿಲ್ಲೆಗಳು.

6. ನಿಜಾಮರ ಆಳ್ವಿಕೇಲಿದ್ದ ಹೈದರಾಬಾದ್ ಕರ್ನಾಟಕದಲ್ಲಿ ಪೊಲೀಸರನ್ನ "ಸದರ್-ಅಲಿ-ಮೊಹಮ್" ಅನ್ತಾ ಇದ್ರಂತೆ

ಈ ಪ್ರದೇಶ ಭಾರತಕ್ಕೆ ಸೇರಿದ ಮೇಲೆ ಈ ವ್ಯವಸ್ಥೆ ನಿಲ್ತು.

7. 1853ರಲ್ಲಿ ಬ್ರಿಟೀಷರು ಪೊಲೀಸ್ ಕಾಯ್ದೆ ಅಂತ ತಂದ್ರು. ಆಗ ಲಾರ್ಡ್ ಕಬ್ಬನ್ ಪೋಲೀಸ್ ಕಮಿಶನರ್ ಆದರು

ಕಬ್ಬನ್ ಪಾರ್ಕಿಗೆ ಇವರ ಹೆಸ್ರೇ ಇಟ್ಟಿರೋದು.

ಮೂಲ

8. ಪೊಲೀಸ್ ಕೆಲ್ಸಕ್ಕೆ ಸೇರೋರಿಗೆ ತರಬೇತಿ ಅಂತ ಶುರುವಾಗಿದ್ದು 1892ರಲ್ಲಿ

ಪರೀಕ್ಷೆ ನಡೆಸಿ ಪೊಲೀಸ್ ಕೆಲಸಕ್ಕೆ ಆಯ್ಕೆ ಮಾಡ್ಕೊಳ್ಳೋ ಪದ್ದತಿ ಬಂದಿದ್ದೇ ಆವಾಗ. ಅದಕ್ ಮುಂಚೆ ಪೊಲೀಸರಿಗೆ ಈಗಿನ್ ಥರ ಯಾವ್ದೇ ಟ್ರೈನಿಂಗ್ ಇರ್ತಿರ್ಲಿಲ್ವಂತೆ.

ಮೂಲ

9. ಮೊದಲ ದರ್ಜೆ ಆಫಿಸರ್ ಸಂಬಳ 30-50 ರುಪಾಯಿ ಇತ್ತು ಅಷ್ಟೆ!

ಜೊತೆಗೆ ಉಳ್ಕೊಳಕ್ಕೆ, ಮನೆ ಖರ್ಚಿಗೆ 10 ರುಪಾಯ್ ಕೊಡ್ತಿದ್ರಂತೆ. ಜಮೆದಾರ, ದಫೇದಾರ, ಕಾನ್ಸ್ಟೇಬಲ್ಲುಗಳಿಗೆ 10 ರುಪಾಯ್ ಸಂಬಳ ಬರ್ತಿತ್ತಂತೆ.

10. ಬೆಂಗಳೂರಲ್ಲಿ ಮೊದಮೊದಲ ಟ್ರಾಫಿಕ್ ಪೊಲೀಸ್ ಸ್ಟೇಶನ್ನುಗಳು ಅಂದ್ರೆ ಉಪ್ಪಾರ್ ಪೇಟೆ, ಹಲಸೂರ್ ಗೇಟ್ ಮತ್ತೆ ಕಲಾಸಿಪಾಳ್ಯ ಸ್ಟೇಶನ್ನುಗಳು

11. ರಾಜ್ಯ ಪೊಲೀಸರಿಗೆಲ್ಲಾ ಒಂದೇ ಥರದ ಯೂನಿಫಾರಂ ಬಂದಿದ್ದು 1956ರಲ್ಲಿ

1956ರಲ್ಲಿ ಕರ್ನಾಟಕ ರಾಜ್ಯ ರಚನೆ ಆಯ್ತು; ಆಗ ಮೈಸೂರು ಅನ್ನೋ ಹೆಸರಿತ್ತು. ಮೊದ್ಲೇ ಹೇಳ್ದಂಗೆ 4 ಬೇರೆ ಬೇರೆ ಥರ ಇದ್ದ ಪೊಲೀಸ್ ವ್ಯವಸ್ಥೆ ಒಂದು ಸೂರಿನಡಿ ಬಂದು, ಮೈಸೂರು ರಾಜ್ಯ ಪೊಲೀಸರಿಗೆಲ್ಲಾ ಒಂದೇ ಥರದ ಯೂನಿಫಾರಂ ಬಂದಿದ್ದೇ ಆವಾಗ.

ಮೂಲ

12. ಕರ್ನಾಟಕದ ಎಲ್ಲಾ ಕಡೇಲೂ ಒಂದೇ ಥರದ ಕಾನೂನು-ಸುವ್ಯವಸ್ಥೆಯ ಸೇವೆ ಕೊಡ್ಬೇಕು ಅಂತ 1963ರಲ್ಲಿ ಕರ್ನಾಟಕ ಪೊಲೀಸ್ ಕಾಯ್ದೆ ಅಂತ ಜಾರಿಗೆ ತಂದ್ರು

1965ರಲ್ಲಿ ಅದು ಚಾಲ್ತಿಗೆ ಬಂತು.

13. ಇವಾಗಿರೋ ಪೊಲೀಸ್ ವ್ಯವಸ್ಥೆಯ ರೂವಾರಿ ದೇವರಾಜ್ ಅರಸು

1972ರಲ್ಲಿ ಔರ್ ಮುಖ್ಯಮಂತ್ರಿ ಆಗಿದ್ದಾಗ ಹೋಮ್ ಮಿನಿಸ್ಟ್ರೂ ಔರೇ ಆಗಿದ್ರು. ಪೊಲೀಸ್ ವ್ಯವಸ್ಥೇನ ಚನ್ನಾಗಿ ರೂಪಿಸಿದ್ರು.

ಮೂಲ

14. ಈಗ ಕರ್ನಾಟಕದಲ್ಲಿ ಒಟ್ಟು 80,000+ ಮಂದಿ ಪೊಲೀಸರಿದ್ದಾರೆ; 800+ ಪೊಲೀಸ್ ಸ್ಟೇಶನ್ನುಗಳಿವೆ

ಮೂಲ

ಮಾಹಿತಿ: ಮೂಲ

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ವಿಜ್ಞಾನದ ಪ್ರಕಾರ ಚಂದ್ರ ಇಲ್ಲದೆ ಹೋದರೆ ಭೂಮಿಗೆ ಏನಾಗುತ್ತೆ ಅಂತ ಕೇಳಿ ಆಶ್ಚರ್ಯ ಪಡ್ತೀರಿ

ಯೋಚನೇನೂ ಮಾಡಕ್ಕಾಗಲ್ಲ

ನಮ್ಮ ಭೂಮಿಗೆ ತುಂಬಾ ಹತ್ತಿರದವನು ಚಂದ್ರ. ಭೂಮಿ ಮೇಲಿರೋ ಎಲ್ಲಾ ಜೀವಿಗಳ ವಿಕಾಸಕ್ಕೆ ಸಹಾಯ ಮಾಡಿರೋದು ಮಾತ್ರ ಅಲ್ಲ, ನಮ್ಮ ಭೂಮಿ ಸರಿಯಾಗಿ ವಿಕಾಸ ಆಗಕ್ಕೂ ಸಹಾಯ ಮಾಡಿದಾನೆ ಅಂತಾರೆ. ಸುಮಾರು 4.5 ಬಿಲಿಯನ್ ವರ್ಷಗಳ ಹಿಂದೆ ಮಂಗಳ ಗ್ರಹದಷ್ಟು ದೊಡ್ಡದಾಗಿರೋ ಒಂದು ಗ್ರಹದ್ ಚೂರು ನಮ್ಮ ಭೂಮಿಗೆ ಬಡೀತಂತೆ. ಆಗ ಹುಟ್ಟಿದೋನೇ ಚಂದ್ರ. ಭೂಮಿಯಿಂದ ಬೇರೆ ಆದ್ರೂ ಅದಿಕ್ಕೆ ಅಂಟ್ಕೊಂಡೇ ಅವತ್ತಿಂದ ಸುತ್ತಾ ಇದಾನೆ.

ಅದೇನೋ ಸರಿ; ಇವನೇನಾದ್ರೂ ಇಲ್ದೇ ಹೋದ್ರೆ ಏನಾಗತ್ತೆ? ಈ ಕೆಳಗಿನ ಐದು ಅಂಶ ಅಂತೂ ಗ್ಯಾರಂಟಿ ಅನ್ನತ್ತೆ ವಿಜ್ಞಾನ. ನೀವೇ ನೋಡಿ...

1. ರಾತ್ರಿ ಕತ್ಲೋ ಕತ್ತಲು!

ಚಂದ್ರ ಇಲ್ದೇ ಇದ್ರೆ ರಾತ್ರಿ ಕತ್ಲು ಸಿಕ್ಕಾಪಟ್ಟೆ ಜಾಸ್ತಿ ಆಗತ್ತೆ. ಚಂದ್ರ ಬಿಟ್ರೆ ದೊಡ್ಡದಾಗಿ ಕಾಣೋದು ಶುಕ್ರ. ಆದ್ರೆ ಶುಕ್ರನ್ ಬೆಳಕು ಕತ್ಲೆ ಹೋಗ್ಸಲ್ಲ. ಶುಕ್ರ ತುಂಬಾ ದೊಡ್ಡದಾಗಿ ಕಾಣ್ವಾಗ ಇರೋದಕ್ಕಿಂತ ಪೂರ್ಣಚಂದ್ರ 2000 ಪಟ್ಟು ದೊಡ್ಡದಾಗಿ ಕಾಣ್ತಾನೆ.

2. ವರ್ಷದಲ್ಲಿ 1,100-1,400 ದಿನ, ದಿನಕ್ಕೆ 6 - 8 ಗಂಟೆ ಆಗೋಗತ್ತೆ

ಯಾಕಂದ್ರೆ ಭೂಮಿ ತಿರುಗೋದಿಕ್ಕೆ ಚಂದ್ರ ಒಂಥರಾ ಬ್ರೇಕ್ ಹಾಕಿದಾನೆ. ಅವನ ಗುರುತ್ವಾಕರ್ಷಣೆಯಿಂದ ಭೂಮಿ ಸ್ಪೀಡು ಕಮ್ಮಿ ಆಗಿದೆ. ಈ ಬ್ರೇಕ್ ಇಲ್ದೇ ಇದ್ರೆ ಭೂಮಿ ಇನ್ನೂ ತುಂಬಾ ವೇಗವಾಗಿ ತಿರುಗ್ತಾ ಇತ್ತು. ಕಣ್ಮುಚ್ಚಿ ಕಣ್ ತೆಗೆಯೋದ್ರಲ್ಲಿ ಒಂದು ದಿನ ಮುಗಿಯತ್ತೇನೋ, ಚಂದ್ರ ಇಲ್ದಿದ್ರೆ

3. ಸಮುದ್ರದಲ್ಲಿ ಅಲೆಗಳು ಏಳಲ್ಲ

ಸೂರ್ಯ ಭೂಮಿಗಿಂತ 400 ಪಟ್ಟು ದೊಡ್ಡದು, ಸುಮಾರು 400 ಪಟ್ಟು ದೂರಾನೂ ಇದೆ. ಅದಕ್ಕೆ ಇವೆರಡೂ ಭೂಮಿಯಿಂದ ಒಂದೇ ಗಾತ್ರ ಇರೋ ಹಾಗೆ ಕಾಣೋದು. ಸೂರ್ಯ ಚಂದ್ರಂಗಿಂತ 27 ಮಿಲಿಯನ್ ಪಟ್ಟು ದೊಡ್ಡದಾಗಿದೆ. ಹಾಗಂತ ಚಂದ್ರ ಇಲ್ದೆ ಹೋದ್ರೆ ಸಮುದ್ರದಲ್ಲಿ ಏಳೋ ಅಲೆ ಇನ್ನೂ ದೊಡ್ದ ಗಾತ್ರದ್ದಿರತ್ತೆ ಅಂತ ಅನ್ಕೊಂಡ್ರೆ ತಪ್ಪು. ಸೂರ್ಯನಿಂದ ಉಂಟಾಗೋ ಅಲೆಗೆ ಚಂದ್ರನ ಅಲೆಯ 40% ಶಕ್ತಿ ಮಾತ್ರಾನೇ ಇರೋದು. ಈಗ ಉಕ್ಕೋ ಎತ್ರಕ್ಕಿಂದ ಕಾಲು ಭಾಗ ಉಕ್ಕತ್ತೇನೋ ಅಷ್ಟೇ.

4. ಗ್ರಹಣಗಳೇ ಆಗಲ್ಲ

ಚಂದ್ರಗ್ರಹಣಾನೂ ಇಲ್ಲ; ಸೂರ್ಯಗ್ರಹಣಾನೂ ಇಲ್ಲ – ಸೂರ್ಯ ಮತ್ತೆ ಭೂಮಿ ಮಧ್ಯ ಯಾರೂ ಬರಲ್ವಲ್ಲ ಆಗ. ಚಂದ್ರ ಬಿಟ್ರೆ ಭೂಮಿ ಮತ್ತೆ ಸೂರ್ಯನ ಮಧ್ಯೆ ಹಾಯೋದು ಶುಕ್ರಗ್ರಹ ಮಾತ್ರ. ಅಂದ್ರೆ ಶುಕ್ರಗ್ರಹಣ! ಅದ್ಯಾವಾಗಾಗತ್ತೋ ಯಾರ್ ಬಲ್ರು?

5. ಪರಿಸರದಲ್ಲಿ ಏನೇನೋ ಏರುಪೇರುಗಳಾಗುತ್ತವೆ

ಚಂದ್ರ ಭೂಮಿನ ಹಿಡ್ಕೊಂಡಿದಾನೋ, ಅಥವಾ ಭೂಮಿ ಚಂದ್ರನ್ನ ಹಿಡ್ಕೊಂಡಿದ್ಯೋ! ಅಂತೂ ಇವೆರಡೂ ಒಂದನ್ನೊಂದು ಕಂಟ್ರೋಲ್  ಮಾಡ್ತಿವೆ. ಆದ್ರೆ ಚಂದ್ರ ಇಲ್ದೇ ಇದ್ರೆ ಭೂಮಿ ಅಕ್ಷರೇಖೆ ಆಗ್ಗಾಗ್ಗ ವಿಪರೀತವಾಗಿ ಅಚಾನಕ ಬದಲಾಗಿ ಬಿಡತ್ತೆ. ಈಗ ಚಂದ್ರನ ಪ್ರಭಾವದಿಂದ ಸರಿಯಾಗಿ 23.5 ಡಿಗ್ರೀನಲ್ಲೇ ತಿರುಗ್ತಾ ಇದೆ. ಚಂದ್ರ ಏನಾರ ಇಲ್ಲಾ ಅಂದ್ರೆ ಭೂಮಿ ತುಂಬಾ ತಿರಗ್ ಬಹುದು ಅಥವಾ ತಿರಗ್ದೇ ನೆಟ್ಟಗೆ ಇರಬಹುದು. ಆಗ ಋತುಗಳೇ ಇಲ್ದೇ ಹೋಗಬಹುದು; ಅಥವಾ ವಿಚಿತ್ರ ಅನ್ನೋ ತರ ಋತುಗಳು ಬರಬಹುದು. ನಾವು ಬುಧಗ್ರಹದ್ ತರ ಸಮತಟ್ಟಾಗಿ ಸುತ್ತಾ ಇರ್ತೀವಿ ಅಥವಾ ಯುರೇನಸ್ ತರ ಚಿತ್ರವಿಚಿತ್ರ ವಾತಾವರಣದಲ್ಲಿ ಬಿದ್ದು ಹೊರಳಾಡ್ತಿರ್ತೀವಿ!!

ಅದಕ್ಕೇ ಹೇಳೋದು, ಭೂಮಿಗೂ ಸೂರ್ಯಂಗೂ ಮಧ್ಯ ಏನೇನೇ ಬಂದ್ರೂ, ಭೂಮಿಗೂ ಚಂದ್ರಂಗೂ ಮಧ್ಯ ಏನೂ ಬರೋದಿಲ್ಲ ಅಂತ. ಅಂತ ಅಪೂರ್ವವಾದ ಸಂಬಂಧ ಭೂಮಿ-ಚಂದ್ರಂದು. ಅಲ್ವಾ?

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: