ನೀವು ಇಷ್ಟ ಪಟ್ಟೋರು ಬೇರೆಯೋರ್ನ ಮದುವೆ ಆದರೆ ಆ ನೋವು ಹೋಗಿಸಿಕೊಳಕ್ಕೆ 10 ವಿಧಾನಗಳು

ಇರುಳಾದ್ಮೇಲೆ ಹಗಲು ಬರ್ಲೇಬೇಕು ಅನ್ನೋದು ನೆನಪಿಡಿ

ಬೇರೆಯೋಳು

ನಮ್ಮ ಮನ್ಸಲ್ಲಿ ಮನೆ ಮಾಡ್ಕೊಳ್ಳೋ ಅವನು/ಅವಳನ್ನ ನಮ್ಮ ಬಾಳ ಸಂಗಾತಿ ಮಾಡ್ಕೊಳಕ್ಕಾಗಲ್ಲ, ಮದ್ವೆ ಮಾಡ್ಕೊಂಡು ಜೊತೇಲಿ ಜೀವನ ಮಾಡ್ಬೇಕು ಅನ್ಕೊಂಡಿದ್ದು ನಡೆಯಲ್ಲ, ಅವನು/ಳು ಬೇರೆಯೋರನ್ನ ಮದ್ವೆ ಆಗ್ತಿದಾರೆ ಅಂತ ಗೊತ್ತಾದಾಗ ಆಗೋ ನೋವು ಹೇಳತೀರದ್ದು. ದುಃಖ, ಅಳು, ಒಂಟಿತನ, ಎಲ್ಲಾ ಆವರಿಸಿಕೊಂಡುಬಿಡುತ್ತೆ. ಆ ನೋವು ಇಷ್ಟೇ ದಿನದಲ್ ವಾಸಿ ಆಗುತ್ತೆ ಅಂತ ಹೇಳಕ್ಕಾಗಲ್ಲ. ಕೆಲವ್ರಿಗೆ ಕೆಲವೇ ದಿನ್ದಲ್ಲಿ ಓಕೆ ಅನ್ನಿಸ್ಬೋದು. ಇನ್ ಕೆಲವರ್ಗೆ ವರ್ಷಗಟ್ಲೆ ಹಿಡೀಬೋದು.

ಮೂಲ

ನಿಮಗೇನಾದ್ರೂ ನೀವು ನಿಮ್ಮ ಲವ್ವರ್ರಿಂದ ದೂರ ಆದ್ಮೇಲೆ ಸಮಾಧಾನ ಮಾಡ್ಕೊಳಕ್ಕೆ ತುಂಬಾ ಟೈಮ್ ತಗೋತಿದೀರಿ ಅನ್ಸುದ್ರೆ ಒಂದ್ ಮಾತ್ ನೆನಪಿಟ್ಕೊಳಿ... ನೀವೊಬ್ರೆ ಅಲ್ಲ ಹೀಗಿರೋದು. ಜಗತ್ತಲ್ಲಿ ನಿಮ್ಮಂತೋರು ಕೋಟ್ಯಾಂತರ ಜನ ಇದ್ದಾರೆ. ಆ ಟೈಮಲ್ಲಿ ನಿಮಗೇನಾದ್ರೂ ಬೇಜಾರಾಗಿ ಅಳು ಬಂದ್ರೆ, ಅಥವಾ ಜೀವನದಲ್ಲಿ ಆಸಕ್ತಿ ಕಳಕೊಂಡಿದ್ರೆ ಅದ್ರಲ್ಲಿ ವಿಶೇಷಾನೂ ಇಲ್ಲ, ಕೆಟ್ಟದೂ ಇಲ್ಲ. ಇದು ತುಂಬಾ ಜನಕ್ಕೆ ಕಾಮನ್.  ಒಳಗಿನ ಗಾಯ ವಾಸಿ ಆಗ್ಬೇಕಾದ್ರೆ ಇವೆಲ್ಲಾ ಹಂತಗಳು. ಆದ್ರೆ ನೀವು ನಿಮ್ಮ ನೋವುಗಳಿಂದ ಬೇಗ ಚೇತರಿಸ್ಕೋಬೇಕು ಅಂದ್ರೆ ನೀವು ಈ ವಿಷಯಾನ ನೋಡೋ ರೀತಿ ಬದಲಾಯಿಸ್ಕೋಬೇಕು. ಹೇಗೆ ಅಂದ್ರಾ? ಮುಂದೆ ಓದಿ:

1. ಹಳೇ ಲವ್ವರ್ ಮರೆಯೋಕ್ಕೆ ಇಷ್ಟೇ ಟೈಮ್ ಅಂತ ಟಾರ್ಗೆಟ್ ಇಟ್ಕೋಬೇಡಿ

ಆಗ್ಲೇ ಹೇಳ್ದಂಗೆ, ಕೆಲವರು ಆಗಿದ್ದನ್ನ ಬೇಗ ಮರೀತಾರೆ. ಇನ್ ಕೆಲುವ್ರು ತುಂಬಾ ವರ್ಷಾನೇ ತಗೋತಾರೆ. ಇಟ್ಸೋಕೆ! "ಅಯ್ಯೋ!  ಇಷ್ಟು ದಿನ ಆದ್ರೂ ನಾನಿನ್ನೂ ಅದೆಲ್ಲಾ ಮರ್ತಿಲ್ವಲ್ಲ.." ಅಂತೆಲ್ಲಾ ಅನ್ಕೋಬೇಡಿ. ಕಾಲವೇ ಎಲ್ಲಾ ಗಾಯಾನೂ ವಾಸಿ ಮಾಡುತ್ತೆ. ಕಾಲಾಯ ತಸ್ಮೈ ನಮಃ. ಇಷ್ಟು ದಿನ ಆದ್ರೂ ಅವನ(ಳ)ನ್ನ ಮರೆಯಕ್ಕಾಗ್ತಿಲ್ಲ ಅನ್ನೋ ಒತ್ತಡ ನಿಮ್ಮ ಮನಸ್ಸಿನ ಮೇಲೆ ಹೇರಬೇಡಿ. ಅದರಿಂದ ಇನ್ನಷ್ಟು ಉರ್ಕೋತೀರಿ, ಅಷ್ಟೇ, ಇನ್ನೇನು ಆಗಲ್ಲ.

ಮೂಲ

2. ನಿಮ್ಮಲ್ಲಿ ಹುಟ್ಟೋ ಭಾವನೆಗಳನ್ನ ಅನುಭವಿಸಿ - ಭಾವನೆಗಳಿಂದ ದೂರ ಇರಬೇಡಿ

ಪ್ರೀತಿಸಿದೋರಿಂದ ದೂರ ಆದಾಗ ದುಃಖ ನೋವು ಎಲ್ಲಾ ಸಹಜ. ಇಂತಹ ಭಾವನೆಗಳು ಬಂದಾಗ "ಅದೆಲ್ಲಾ ಕೆಟ್ಟದು. ನೆಗೆಟಿವ್, ನನ್ನ ಮನಸ್ಸಿಗೆ ಬರಬಾರದು" ಅಂತ ದೂರ ತಳ್ಳಕ್ ಹೋಗ್ಬೇಡಿ. ಎಲ್ಲಾ ಭಾವನೆಗಳೂ ಸತ್ಯವಾದವೇ. ಅವನ್ನು ಅನುಭವಿಸೋದ್ರಿಂದಾನೇ ನಮ್ ಮನಸ್ಸು ಬೇಗ ವಾಸಿ ಆಗೋದು.  ಈ ನೋವಿಗೆ ಕೊನೇನೇ ಇಲ್ವೇನೋ ಅಂತೆಲ್ಲಾ ಅನ್ನಿಸ್ಬೋದು. ತಲೆ ಕೆಡಿಸ್ಕೋಬೇಡಿ. ಮುಂದೆ ಹೋಗ್ತಾ ಇರಿ.

3. ನಿಮ್ಮ ಹಳೇ ಲವ್ವರ್ನ ನಿಮ್ಮ ಫೋನಿಂದ, ಫೇಸ್ಬುಕ್ಕಿಂದ ಕಿತ್ತಾಕಿ

ಫೇಸ್ಬುಕ್ಕಲ್ಲಿ ಆಗಾಗ ನಿಮ್ ಹಳೇ ಲವರ್ ಏನ್ ಮಾಡ್ತಿದ್ದಾನೆ/ಳೆ ಅಂತ ನೋಡ್ತಾ ಇದ್ರೆ ಅದು ಆಗಿರೋ ಗಾಯಾನ ಕೆರ್ಕೊಂಡಂಗೆ - ಬೇಗ ವಾಸಿ ಆಗಕ್ ಬಿಡೋದೇ ಇಲ್ಲ. ಮುಲಾಜಿಲ್ದೇ ಕಿತ್ತಾಕಿ ಅವ್ರನ್ನ. ಮೊದ್ಮೊದ್ಲು ಬೇಜಾರ್ ಆಗ್ಬೋದು. ಸೊಲ್ಪ ದಿನ ಆಗ್ತಿದ್ದಂಗೆ ಏನೋ ಒಂಥರಾ ಬಿಡುಗಡೆ ಆದ ಭಾವನೆ ಬರುತ್ತೆ... ಒಂಥರಾ ಹೊಸ ಹುರುಪು ಬರುತ್ತೆ. ಅದ್ನೇ ಇಟ್ಕೊಂಡ್ ಮುನ್ನುಗ್ಗಿ.

ಮೂಲ

4. ನಿಮ್ಮನ್ನ ನೀವು ಪ್ರೀತಿಸೋದ್ ಮರೀಬೇಡಿ

ನಿಮ್ಮನ್ನ ಯಾರಾದ್ರೂ ದೂರ ಮಾಡ್ ಹೋದ್ರೆ "ಅಯ್ಯೋ, ನಾನ್ ಅವ್ರಿಗೆ ಯೋಗ್ಯವಲ್ಲವೇನೋ" ಅನ್ನೋ ಭಾವನೆ ತುಂಬಾ ಜನರಲ್ಲಿ ಬೇಗ ಬಂದ್ಬಿಡುತ್ತೆ. ಆದ್ರೆ ಒಂದ್ ವಿಷ್ಯ ನೆನಪಿಟ್ಕೊಳಿ... ನಿಮ್ಮ ಯೋಗ್ಯತೇನ ಅಳೆಯೋಕ್ಕೆ ಅವರ ಜೊತೆಗಿನ ಸಂಬಂಧ ಬೇಕಾಗಿಲ್ಲ. ನಿಮ್ಮನ್ನ ನೀವು ಗೌರವಿಸೋದು, ಪ್ರೀತಿಸೋದು ತುಂಬಾ ಮುಖ್ಯ. 

5. ನಿಮ್ಮ ಅನಿಸಿಕೆಗಳನ್ನ ಒಂದ್ ಕಡೆ ಬರ್ಕೊಳ್ಳಿ

ಇದೊಂದು ಅದ್ಬುತವಾದ ದಾರಿ. ನಮ್ಮ ಭಾವನೆಗಳನ್ನ ಹಾಳೆ ಮೇಲೆ ಬರೆದು, ಆಗಾಗ ಓದಿದ್ರೆ, ನಮ್ ಮನಸಲ್ಲಿರೋದನ್ನ ನಾವೇ ಬೇರೊಂದು ದೃಷ್ಟಿಕೋನದಿಂದ ನೋಡಕ್ ಸಾಧ್ಯವಾಗತ್ತೆ. ಇದ್ರಿಂದ ಎಷ್ಟೋ ಸಮಾಧಾನ ಆಗುತ್ತೆ. ಬರೀ ಭಾವನೆಗಳನ್ನ ಮಾತ್ರ ಅಲ್ಲ. ನಿಮ್ಮ ಲವರ್ ಜೊತೆ ಇದ್ದಾಗ ನಿಮಗೆ ಯಾವ್ ಯಾವ್ ವಿಷ್ಯ ಇಷ್ಟ ಆಗ್ತಿರ್ಲಿಲ್ವೋ ಅಂತಾ ವಿಷಯಗಳನ್ನೂ ಬರ್ಕೊಳ್ಳಿ. ಆಗ ನಿಮಗೇ ಗೊತ್ತಾಗತ್ತೆ ಅವರಿಂದ ದೂರ ಆಗ್ರಿದ್ರಿಂದ ಏನ್ ಒಳ್ಳೇದಾಯ್ತು ಅಂತ. ಕತೆ-ಕವನ ಏನಾದ್ರೂ ಬರೀತೀರಿ ಅಂದ್ರೆ ಇನ್ನೂ ಸೂಪರ್. ಎಷ್ಟೋ ಕವಿಗಳಿಗೆ ಮೊದಲು ಕವಿತೆ ಬರೆಯೋಕ್ಕೆ ಸ್ಪೂರ್ತಿ ಕೊಟ್ಟಿರೋದೇ ನೋವು-ವಿರಹ. ನಿಮ್ ಕೇಸೂ ಅದೇ ಆಗಿರ್ಬೋದು.

ಮೂಲ

6. ನಿಮ್ಮಲ್ಲಿ ಹುಟ್ಟೋ ಭಾವನೆಗಳನ್ನ ಪಾಸಿಟಿವ್ ಎನರ್ಜಿಯಾಗಿ ಮಾರ್ಪಡಿಸಿಕೊಳ್ಳಿ

ಚೀನಾ ದೇಶದಲ್ಲಿ ಒಂದ್ ಗಾದೆ ಇದೆ: "ನಿನಗೆ ಸಿಟ್ಟು ಬಂದಾಗ ಮರಗಳನ್ನುಕಡಿ" ಅಂತ. ಹಾಗಂತ ಮರ ಕಡೀಬೇಡ್ರಿ - ಅರಣ್ಯ ಇಲಾಖೆಯೋರ್ ಬಂದ್ ಹಿಡ್ಕೋತಾರೆ. ಆ ಗಾದೆ ಅರ್ಥ ಏನು ಅಂದ್ರೆ, ನಿಮ್ಮಲ್ಲಿ ಆಳವಾದ ಭಾವನೆಗಳು ಹುಟ್ಕೊಂಡಾಗ ಮೈ ಬಗ್ಸಿ ಕೆಲ್ಸ ಮಾಡಿ ಅಂತ. ನಿಮ್ಮ ಭಾವನೆಗಳಿಂದ ಹುಟ್ಟಿದ ಎನರ್ಜಿ ನಿಮ್ಮ ಕಸರತ್ತಲ್ಲಿ ಉಪಯೋಗ ಆಗುತ್ತೆ. ಉದಾಹರಣೆಗೆ, ಜಿಮ್‍ಗೆ ಹೋಗಿ, ಸೈಕಲ್ ಹೊಡೀರಿ. ಮೈ ಬಗ್ಸಿ ಕೆಲ್ಸ ಮಾಡೋದ್ರಿಂದ ನಿಮ್ ಮನಸ್ಸು ಶಾಂತವಾಗುತ್ತೆ. ನಿಮ್ ಸುತ್ತಾ ಹೆಚ್ಚು ಜನ ಇರೋಹಾಗೆ ನೋಡ್ಕೊಳ್ಳಿ. ಆಗ, ಪ್ರೀತಿ ಅಂದ್ರೆ ಕೇವಲ ಪ್ರೇಯಸಿ-ಪ್ರಿಯಕರನ ಮಧ್ಯೆ ಇರೋ ರೊಮ್ಯಾನ್ಸ್ ಮಾತ್ರ ಅಲ್ಲ ಅನ್ನೋದು ಅರ್ಥವಾಗತ್ತೆ.

ಮೂಲ

7. ತುಂಬಾ ದಿನ ಸಿಟ್ಟು ಇಟ್ಕೊಂಡು ದೂರ್ಕೊಂಡ್ ಕೂರ್ಬೇಡಿ

ಯಾರನ್ನೂ ದೂರಿ ಏನೂ ಪ್ರಯೋಜನ ಇಲ್ಲ. ದಿಟವಾಗ್ ಹೇಳ್ಬೇಕೂಂದ್ರೆ, ನೀವು ದೂರ್ ಹೇಳ್ಕೊಂಡ್ ಕೂತ್ಕೊಂಡಷ್ಟೂ ನಿಮ್ಮ ಮನಸ್ಸಿಗೆ ಸಮಾಧಾನ ಆಗೋದೇ ಇಲ್ಲ. ಇದ್ರಿಂದ ನಿಮ್ಗೇ ಲಾಸ್. ಆಗಿದ್ ಆಗೋಯ್ತು, ಮುಂದೇನು ಅಂತ ನೋಡಿ.

ಮೂಲ

8. ನಿಮ್ಮನ್ ನೀವೇ ಹಿಂಸೆ ಮಾಡ್ಕೋಬೇಡಿ

ನಿಮ್ಮ ಸಂಬಂಧ ಮುರಿದ್‍ಬೀಳಕ್ಕೆ ಕಾರಣಗಳನ್ನ ಹುಡುಕ್ಕೊಂಡು, ಅಯ್ಯೋ ನಾನ್ ಹಾಗ್ ಮಾಡ್ಬೋದಿತ್ತೇನೋ, ಹೀಗ್ ಮಾಡ್ಬೋದಿತ್ತೇನೋ ಅಂತೆಲ್ಲಾ ಅನಲೈಸ್ ಮಾಡ್ತಾ ಕೂತ್ಕೋಬೇಡಿ. ಅದ್ರಿಂದ ಏನೂ ಉಪಯೋಗ ಇಲ್ಲ. ಯೋಗ-ಧ್ಯಾನ ಮಾಡೋದ್ರಿಂದ ನೆಮ್ಮದಿ ಸಿಗುತ್ತೆ - ಮಾಡಿ. ಅಥವಾ ನಿಮಗಿಷ್ಟವಾದ ಬೇರೆ ಯಾವ್ದಾದ್ರೂ ಚಾಲೆಂಜಿಂಗ್ ಕೆಲಸದಲ್ಲಿ ಆಳವಾಗಿ ಮುಳುಗಿ. 

ಮೂಲ

9. ನಿಮ್ಗೆ ಅಂತ ಇದ್ದದ್ದು ಅದೊಂದೇ ಜೀವ ಅನ್ನೋದು ಸುಳ್ಳು

ಭೂಮಿ ಮೇಲೆ ಕೋಟ್ಯಾಂತರ ಜನ ಇದ್ದಾರೆ. ಪ್ರತಿಯೊಬ್ರೂ ಒಂದೊಂದ್ ಥರ ಇರ್ತಾರೆ. ನಿಮ್ಮ ಮನಸ್ಸಿಗೆ ಹತ್ರ ಆಗೋರು ಬೇರೆ ಯಾರಾದ್ರೂ ಸಿಕ್ಕೇ ಸಿಗ್ತಾರೆ. ನಿಮ್ಮ ಲವ್ವರ್ರಿಂದ ನೀವು ದೂರ ಆಗಿರೋದು ಬೇಸರದ ವಿಷಯಾನೇ ಇರಬೋದು. ಆದ್ರೆ ಆ ಸಂಬಂಧ ಉಳೀಲಿಲ್ಲ ಅಂದ್ರೆ, ನೀವು ಮದುವೆಯಾಗಿ ಜೊತೆಯಾಗಿರೋದು ಯಾವ್ದೋ ಕಾರಣಕ್ಕೆ ತಪ್ಪಿದೆ... ಇರ್ಲಿ ಬಿಡಿ. ಇಂಥಾ ಸನ್ನಿವೇಶಗಳನ್ನ ಎದ್ರುಸ್ತಾ ಹೋದಷ್ಟೂ ನೀವ್ ಗಟ್ಟಿ ಆಗ್ತೀರಿ, ಹೆಚ್ಚು ಮೆಚೂರಿಟಿ ಬೇಳೆಸ್ಕೋತೀರಿ. ಆ ಗಟ್ಟಿತನ ನಿಮ್ಮ ವ್ಯಕ್ತಿತ್ವವನ್ನ ಹೋಳೆಯೋಹಾಗ್ ಮಾಡುತ್ತೆ. ಅದರ ಹೊಳಪಿಂದ ಮತ್ತಷ್ಟು ಜನರನ್ನ ಸೆಳೀತೀರಿ. ನಿಮಗೆ ಯಾವುದು ಒಳ್ಳೇದೋ ಅದು ಸಿಕ್ಕೇ ಸಿಗುತ್ತೆ. ನಂಬಿಕೆ ಇರ್ಲಿ...

10. ಇರುಳಾದ್ಮೇಲೆ ಹಗಲು ಬರ್ಲೇಬೇಕು ಅನ್ನೋದು ನೆನಪಿಡಿ

ಇವತ್ತು ನಿಮ್ಮ ಪ್ರೇಯಸಿ/ಪ್ರಿಯಕರ ದೂರ ಆದಾಗ ಪ್ರಪಂಚಾನೇ ಕತ್ಲು ಅನ್ನಿಸ್ಬೋದು. ಆದ್ರೆ ಅದು ಸೊಲ್ಪ ದಿನ ಮಾತ್ರ. ಆಮೇಲೆ ಬೆಳಕು ಬಂದೇ ಬರುತ್ತೆ. ಆಗ ಜೀವನ ಎಷ್ಟು ಸುಂದರ ಅನ್ಸುತ್ತೆ. ಆಗಿದ್ದೆಲ್ಲಾ ಮರ್ತು ನಗ್‍ನಗ್ತಾ ಇರ್ತೀರಿ. ಹೊಸ ಮನುಷ್ಯರಾಗಿರ್ತೀರಿ, ಇನ್ನಷ್ಟು ಗಟ್ಟಿ ಆಗಿರ್ತೀರಿ. 

ಮೂಲ

ಜಗತ್ತಲ್ಲಿ ಕೋಟ್ಯಂತರ ಜನ ತಮ್ಮ ಪ್ರೇಯಸಿ-ಪ್ರಿಯಕರನ್ನ ಕಳಕೊಂಡಿರ್ತಾರೆ. ಪ್ರತಿಯೋಬ್ರೂ ತಮ್ ತಮ್ ರೀತೀಲೇ ಅದ್ರಿಂದ ಹೊರಗ್ ಬರ್ತಾರೆ. ಎಲ್ಲರಿಗೂ ಮುಂದೊಂದ್ ದಿನ ಒಳ್ಳೇದಾಗತ್ತೆ. ಕತ್ತಲು ಕಳದ್ ಮೇಲೆ ಬೆಳಕು ಬಂದೇ ಬರತ್ತೆ.

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ಉಪವಾಸ ಮಾಡೊದ್ರಿಂದ ಇಷ್ಟೆಲ್ಲಾ ಲಾಭ ಇದೆ ಅಂತ ಗೊತ್ತಾದ್ರೆ ಇನ್ಮೇಲೆ ನೀವೂ ಮಾಡ್ತೀರಿ

ಉಪವಾಸ ಬೇರೆ ಊಟ ಬಿಡೋದ್ ಬೇರೆ

ನಮ್ಮಲ್ಲಿ ಉಪವಾಸ ಮತ್ತೆ ಊಟ ಸ್ಕಿಪ್ ಮಾಡದು ಎರಡೂ ಒಂದೇ ಅನ್ನೊ ಭಾವನೆ ಇದೆ. ಆದರೆ ಅದು ತಪ್ಪು. ಹಾಗೆನೆ ಫಲಾಹಾರ ತಿನ್ಕೊಂಡು ಅದನ್ನ ಉಪವಾಸ ಅನ್ನೋರೂ ಇದಾರೆ. ಅದೂ ತಪ್ಪು ಕಲ್ಪನೆ. ಉಪವಾಸ ಅಂದ್ರೆ ತಿನ್ನಕ್ಕೆ ಸಮಯಯಿಲ್ದೆ ಊಟ ತಿಂಡಿ ಬಿಡೋದೂ ಅಲ್ಲ, ಹಾಲು ಹಣ್ಣು ಇಟ್ಕೊಂಡು ಅರ್ಧ ಹೊಟ್ಟೆ ತಿನ್ನೋದೂ ಅಲ್ಲ. ಬದಲಾಗಿ, ನಮ್ಮ ದೇಹದ ಅಂಗಾಂಗಗಳ್ಗೆ ಆಗಾಗ ರೆಸ್ಟ್ ಕೊಡ್ತ, ಅವುಗಳೂ ಚೂರು ಚೇತರುಸ್ಕೊಂಡು ಇನ್ನೂ ಚೆನ್ನಾಗ್ ಕೆಲ್ಸ ಮಾಡೋಹಾಗೆ, ಅವುಗಳಲ್ಲಿರೋ ವಿಷಕಾರಿ ಅಂಶ ಹೊರಗೋಗೋ ಹಾಗೆ ನೋಡ್ಕೊಳೋದು. ಇನ್ನು ಈ ಉಪವಾಸದಿಂದ ಏನೇನೆಲ್ಲ ಲಾಭ ಇದೆ ಅಂತ ಗೊತ್ತಾದ್ರೆ, ಖಂಡಿತ ತಿಂಗಳಿಗ್ ಒಂದೋ ಎರಡೋ ದಿನ ಉಪವಾಸ ಮಾಡೋ ಮನಸ್ಸು ಮಾಡ್ತಿರ.

ಉಪವಾಸ ಮಾಡೋದ್ರಿಂದ ಏನೇನಾಗತ್ತೆ ನಿಮ್ಗೋಸ್ಕರ ಕೊಟ್ಟೀದಿವಿ ಓದ್ನೋಡಿ...

1.  ಎಲ್ಲಕ್ಕಿಂತ ಮೊದ್ಲು ದೇಹದ ತೂಕ ಕಮ್ಮಿಯಾಗತ್ತೆ

ತೂಕ ಕಮ್ಮಿ ಮಾಡ್ಕೊಳಕ್ಕೆ, ಉಪವಾಸ ಮಾಡೋದು ತುಂಬ ಸುರಕ್ಷಿತವಾದ ವಿಧಾನ. ಎಷ್ಟೊಂದು ರಿಸರ್ಚ್ ಪ್ರಕಾರ, ನಿಮಗೆ ಸಾಧ್ಯವಾದಷ್ಟು ಕಾಲ ಆಗಾಗ ಉಪವಾಸ ಮಾಡಿದ್ರೆ, ದೇಹದಲ್ಲಿರೊ ಕೊಬ್ಬಿನ ಕೋಶಗಳು ಬರ್ನ್ ಆಗಿ, ಮಾಮೂಲಿ ಪಥ್ಯ ಮಾಡಕ್ಕಿಂತಾನೂ ಒಂದ್ ಕೈ ಹೆಚ್ಚಾಗೇ ತೂಕ ಕಮ್ಮಿಯಾಗತ್ತೆ.

ಹೇಗೆ ಅಂದ್ರೆ... ದೇಹದ ಕೊಬ್ಬು ನಮ್ಗೆ ದಿನನಿತ್ಯ ಕೆಲ್ಸ ಮಾಡಕ್ಕೆ ಬೇಕಾಗಿರೋಷ್ಟು ಶಕ್ತಿ ಕೊಡತ್ತೆ. ಜೊತೆಗೆ ದೇಹದಲ್ಲಿರೊ ಸಕ್ಕರೆ ಅಂಶಾನ ಇದಕ್ಕೋಸ್ಕರ ಬಳ್ಸಲ್ಲ. ಈ ವಿಷ್ಯ ಗೊತ್ತಾದ್ದಾಗಿಂದ ಎಷ್ಟೊಂದ್ ಜನ ಕ್ರೀಡಾಪಟುಗಳು ಕಾಂಪಿಟಿಷನ್ಗೋಸ್ಕರ ಆಗಾಗ ಉಪವಾಸ ಮಾಡಿ ತಮ್ಮ ದೇಹದ ತೂಕನ ಒಂದು ಲೆವೆಲ್ಗೆ ಕಮ್ಮಿ ಮಾಡ್ಕೊಳ್ಳೊ ಅಭ್ಯಾಸ ಇಟ್ಕೊಂಡಿದಾರಂತೆ. 

ಮೂಲ

2. ಇನ್ಸುಲಿನ್ ಪರಿಣಮಕಾರಿಯಾಗಿ ಕೆಲ್ಸ ಮಾಡತ್ತೆ

ಇನ್ಸುಲಿನ್ ನಮ್ ದೇಹಕ್ಕೆ ಎಷ್ಟ್ ಮುಖ್ಯ ಅಂತ ಗೊತ್ತೇ ಇದೆ. ಒಂದ್ಸಲ ಜಾಸ್ತಿ ಪ್ರಮಾಣ್ದಲ್ಲಿ ಬೇಕಾಗಿದ್ರೆ, ಇನ್ನೊಂದ್ಸಲ ಕಮ್ಮಿ ಬೇಕಾಗತ್ತೆ. ಇದನ್ನ ಸರಿಯಾಗಿ ನಿಭಾಯ್ಸೋದಕ್ಕೆ, ಇನ್ಸುಲಿನ್ ಅಗತ್ಯಕ್ಕೆ ತಕ್ಕಹಾಗೆ ಕೆಲ್ಸ ಮಾಡಕ್ಕೆ, ಉಪವಾಸ ಸಹಾಯ ಮಾಡತ್ತೆ.

ಇನ್ನೂ ಹೇಳ್ಬೇಕು ಅಂದ್ರೆ...ಸಕ್ಕರೆ ಮಟ್ಟವನ್ನ ಕಂಟ್ರೋಲ್ ಆಗತ್ತೆ. ಆಗಾಗ ಉಪ್ವಾಸ ಮಾಡೋದ್ರಿಂದ, ರಕ್ತಕ್ಕೆ ಗ್ಲೂಕೋಸ್ ಸರ್ಯಾದ ಪ್ರಮಾಣದಲ್ಲಿ ಪೂರೈಕೆ ಆಗತ್ತೆ.

ಮೂಲ

3. ಜೀರ್ಣಶಕ್ತಿ ಜಾಸ್ತಿ ಆಗತ್ತೆ

ಉಪವಾಸ ಮಾಡಿದಾಗ ಜೀರ್ಣಾಂಗಕ್ಕೆ ಒಳ್ಳೆ ರೆಸ್ಟ್ ಸಿಗತ್ತೆ. ಜೀರ್ಣಶಕ್ತಿ ಚೆನ್ನಾಗಿಲ್ಲ ಅಂದ್ರೆ, ಪಚನಕ್ರಿಯೆ ಸರಿಯಾಗ್ ಆಗಲ್ಲ. ಇದ್ರಿಂದ ಕೊಬ್ಬಿನಂಶ ಬರ್ನ್ ಆಗಲ್ಲ. ಕರುಳು ಸರ್ಯಾಗಿ ಕ್ಲೀನ್ ಆಗತ್ತೆ.

ಮೂಲ

4. ಆಯಸ್ಸು ಹೆಚ್ಚತ್ತೆ

ನಂಬ್ತಿರೋ ಇಲ್ವೋ ನಿಮಗ್ಬಿಟ್ಟಿದ್ದು ಆದ್ರೆ, ಕಮ್ಮಿ ತಿಂದಷ್ಟೂ ಜಾಸ್ತಿ ವರ್ಷ ಬದಕ್ತಿರ. ಕೆಲವು ಜನಾಂಗದ್ ಜನ ಈ ವಿಷ್ಯದಲ್ಲಿ ಕಟ್ಟುನಿಟ್ಟಾಗಿ ಪಥ್ಯ ಮಾಡ್ತಿರೋದ್ರಿಂದ ಅವ್ರ ಜೀವಿತಾವಧಿ ಜಾಸ್ತಿಯಾಗಿದೆ ಅಂತ ಎಷ್ಟೊಂದ್ ಸ್ಟಡಿಗಳೂ ಹೇಳತ್ವೆ.

ಇದರ ಹಿಂದೆ ಇರೋ ಲಾಜಿಕ್ ಏನಪ್ಪ ಅಂತೀರ? ಜೀರ್ಣಕ್ರಿಯೆ ನಿಧಾನ್ವಾಗ್ ಆಗೋದೂ, ಬೇಗ ವಯಸ್ಸಾಗಕ್ಕೆ ಒಂದ್ ದೊಡ್ಡ ಕಾರಣವಂತೆ. ಯಂಗಾಗಿ ಇರ್ಬೇಕು ಅಂದ್ರೆ ಆಗಾಗ ಉಪ್ವಾಸ ಮಾಡ್ಕೊಂಡು ಜೀರ್ಣಾಂಗಕ್ಕೆ ಒತ್ತಡ ಕಮ್ಮಿ ಮಾಡ್ಕೊಬೇಕು.

ಅದಕ್ಕೇ ತಾನೇ ಸಿರಿಧಾನ್ಯಗಳು ಈಗೀಗ ಮತ್ತೆ ಪ್ರಚಾರಕ್ಕೆ ಬರ್ತಿದೆ.

ಮೂಲ

5. ದಿನನಿತ್ಯ ಚೆನ್ನಾಗಿ ಹಸಿವಾಗತ್ತೆ

ದಿನಕ್ಕೆ 4 ಹೊತ್ತೂ ಹೊಟ್ಟೆ ತುಂಬಾ ತಿನ್ತಿದ್ರೆ ನಿಜವಾದ ಹಸಿವು ಏನು ಅಂತ ಹೇಗ್ ಗೊತ್ತಾಗತ್ತೆ ಹೇಳಿ? ಇದು ಗೊತ್ತಾಗ್ಬೇಕು ಅಂದ್ರೆ ಕನಿಷ್ಟ 12 ರಿಂದ 24 ಗಂಟೆ ಉಪವಾಸ ಇರ್ಬೇಕು.

ಉಪವಾಸ, ದೇಹದಲ್ಲಿರೊ ಹಾರ್ಮೋನ್ಗಳ್ನ ಆಕ್ಟಿವ್ ಮಾಡಿ ನಿಜವಾದ್ ಹಸಿವು ಏನಂತ ತೋರ್ಸತ್ತೆ. ಇನ್ನು ಬೊಜ್ಜಿರೋರ್ಗಂತೂ ಯಾವಾಗ್ ಹಸ್ವಾಗತ್ತೆ ಅಂತ ಗೊತ್ತಾಗದೇ ಇಲ್ಲ. ಹಸಿವಿರ್ಲಿ ಇಲ್ದೇ ಇರ್ಲಿ ಆಗಾಗ ಬ್ಯಾಟಿಂಗ್ ಮಾಡ್ತನೇ ಇರ್ತಾರೆ. ಅಂಥವ್ರಿಗೆ ಆಗಾಗ ಒಳ್ಗಡೆಯಿಂದ ಸಿಗ್ನಲ್ ಕೊಡಕ್ಕೆ ಈ ಉಪವಾಸ ಸಹಾಯ ಮಾಡತ್ತೆ.

ಉಪವಾಸ ರಿಸೆಟ್ ಬಟನ್ ಇದ್ದಹಾಗೆ: ಹೆಚ್ಚು ಹೊತ್ತು ಉಪವಾಸ ಮಾಡಿದಷ್ಟೂ ಸರಿಯಾಗಿರೋ ಹಾರ್ಮೋನ್ ಬಿಡುಗಡೆ ಮಾಡಕ್ಕೆ ದೇಹ ತನ್ನನ್ನ ತಾನು ರೆಡಿ ಮಾಡ್ಕೊಳತ್ತೆ. ಆಗ ನಿಜವಾದ ಹಸಿವಿನ ಮಹತ್ವ ಗೊತ್ತಾಗತ್ತೆ. ಇಲ್ಲಿ ಇನ್ನೊಂದ್ ವಿಷ್ಯ ಅಂದ್ರೆ ಹಾರ್ಮೋನ್ಗಳು ಸರಿಯಾಗ್ ಕೆಲ್ಸ ಮಾಡಿದ್ರೆ, ಬೇಗ ಹೊಟ್ಟೆ ತುಂಬತ್ತೆ. ಕುತ್ತಿಗೆಗ್ ಬರೋವರ್ಗೂ ತಿಂದು ತೊಂದ್ರೆ ಅನುಭವಿಸೋದು ತಪ್ಪತ್ತೆ.

ಮೂಲ

6. ತಿನ್ನೋ ಪದ್ಧತಿ ಸುಧಾರಿಸತ್ತೆ

ಹೊತ್ತೊತ್ತಿಗೆ ಸರಿಯಾಗ್ ತಿನ್ನೋ ಅಭ್ಯಾಸ ಇಲ್ದೋರಿಗೆ, ಕೆಲಸದ ಮಧ್ಯ ಊಟ ತಿಂಡಿಗೆ ಸಮಯ ಮಾಡ್ಕೊಳಕ್ ಆಗ್ದೇ ಇರೋರ್ಗೆ ಈ ಉಪವಾಸ ಒಂದು ವರ ಅಂತ ಹೇಳ್ಬೋದು.

ಆಗಾಗ ಉಪವಾಸ ಮಾಡ್ತಿದ್ರೆ, ಯಾವತ್ತಾದ್ರು ಮಧ್ಯಾಹ್ನದ್ ಊಟ ಸ್ಕಿಪ್ ಮಾಡ್ಬೇಕಾಗ್ ಬಂದಾಗ ಯಾವ್ ತೊಂದ್ರೆನೂ ಆಗಲ್ಲ. ನಿಮ್ ಲೈಫ್ ಸ್ಟೈಲ್ಗೆ ಹೊಂದ್ಕೊಂಡೋಗತ್ತೆ. ಜೊತೆಗೆ, ಯಾರು ಈ ಥರ ಟೈಮ್ ಟೈಮ್ ಗೆ ಸರಿಯಾಕ್ ತಿನ್ನಕ್ ಆಗಲ್ವೋ ಅಂಥೋರ್ಗೆ, ಆ ದಿನಕ್ಕೆ ಬೇಕಾಗಿರೋಷ್ಟು ಕ್ಯಾಲೋರಿನ ಒಂದೇ ಸಲ ತಿಂದು, ಮತ್ತೆ ಮುಂದಿನ್ ದಿನದ್ ವರ್ಗೂ ಊಟ ತಿಂಡಿ ಬಗ್ಗೆ ಯೋಚ್ನೆ ಮಾಡ್ದೇ ಇರೋ ಹಾಗೆ ಮಾಡತ್ತೆ.

ಮೂಲ

7. ಮೆದುಳು ಚುರುಕಾಗತ್ತೆ

ಮೆದುಳಲ್ಲಿ ಬ್ರೈನ್- ಡಿರೈವ್ಡ್ ನ್ಯೂರೋಟ್ರೋಫಿಕ್ ಫ್ಯಾಕ್ಟರ್ (ಬಿ ಡಿ ಎನ್ ಎಫ್) ಅನ್ನೋ ಪ್ರೋಟೀನ್ ಇರತ್ತೆ. ಉಪವಾಸ ಮಾಡೋದ್ರಿಂದ ಈ ಪ್ರೋಟೀನ್ ಹೆಚ್ಚು ಉತ್ಪತ್ತಿಯಾಗಿ ಮೆದುಳು ಚುರುಕಾಗಿ ಕೆಲ್ಸ ಮಾಡತ್ತೆ.

"ಬಿ ಡಿ ಎನ್ ಎಫ್" ಪ್ರೋಟೀನ್ ಮೆದುಳಿನ ಕೋಶಗಳ್ನ ಆಕ್ಟೀವ್ ಮಾಡಿ, ಹೊಸ ಹೊಸ ನರಕೋಶಗಳಾಗಿ ಬದಲಾಯಿಸತ್ತೆ. ಹಾಗೇನೆ ನರಗಳು ಆರೋಗ್ಯವಾಗಿರಕ್ಕೆ ಬೇಕಿರೋ ಬೇರೆ ಸಾಕಷ್ಟು ರಾಸಾಯನಿಕಗಳ್ನ ಟ್ರಿಗರ್ ಮಾಡತ್ತೆ.

ಇನ್ನೊಂದು ಮುಖ್ಯವಾದ ವಿಷ್ಯ ಅಂದ್ರೆ...ಆಲ್ಜೈಮರ್ ಮತ್ತೆ ಪಾರ್ಕಿನ್ಸನ್ ರೋಗದ ಮುಂದಿನ ಹಂತಗಳು ಬೇಗ ಬೇಗ ಬರ್ದೇಇರೋಹಾಗ್ ಈ ಪ್ರೋಟೀನ್, ಮೆದುಳಿನ ಕೊಶಗಳ್ನ ಕಾಪಾಡತ್ತೆ.

ಮೂಲ

8. ರೋಗನಿರೋಧಕ ಶಕ್ತಿ ಜಾಸ್ತಿಯಾಗೋದು ಖಂಡಿತ

ಆಗಾಗ ಉಪವಾಸ ಮಾಡೋದ್ರಿಂದ ರೋಗನಿರೋಧಕ ಶಕ್ತಿ ಹೆಚ್ಚಾಗತ್ತೆ ಯಾಕಂದ್ರೆ ಟೋಟಲ್ಲಾಗಿ ದೇಹಕ್ಕಾಗೋ ಹಾನಿ, ದೇಹದಲ್ಲಿ ಉರಿ, ಊತ ಇದನ್ನೆಲ್ಲಾ ಕಮ್ಮಿ ಮಾಡಿ ಕ್ಯಾನ್ಸರ್ ಬರ್ಸೋ ಜೀವಕೋಶಗಳಿಗೇ ಉಪವಾಸ ಹಾಕತ್ತೆ:-)

ನಮ್ ಸುತ್ತ ಮುತ್ತ ಇರೊ ಪ್ರಕೃತಿನಲ್ಲೂ ಇದನ್ನ ನೋಡ್ಬೋದು. ಪ್ರಾಣಿಗಳು ಹುಷಾರ್ ತಪ್ದಾಗ ಆಹಾರ ತೊಗೊಳೋದನ್ನ ಬಿಟ್ಟು ಉಪವಾಸ ಮಾಡಿ, ವಿಶ್ರಾಂತಿ ತೊಗೊಳತ್ವೆ. ಇದು ದೇಹದ ಒಳಗಿರೊ ಅಂಗಾಂಗಕ್ಕೆಲ್ಲ ಕೆಲ್ಸ ಕಮ್ಮಿ ಮಾಡಿ, ಇನ್ಫೆಕ್ಷನ್ ವಿರುದ್ಧ ದಾಳಿಮಾಡೋ ಶಕ್ತಿ ಕೊಡತ್ತೆ. ನಾವು ಮನುಷ್ಯ್ರು ಮಾತ್ರ ಬೇಕಿರ್ಲಿ, ಬೇಡ್ದೆಯಿರ್ಲಿ, ಚೆನ್ನಾಗಿರ್ಲಿ, ಹುಷಾರ್ ತಪ್ಪಿರ್ಲಿ, ತಿನ್ನಕ್ ಏನು ಅಂತ ತಲೆಕೆಡುಸ್ಕೊಳೋದು!!!! ತಿನ್ನೋದು ಆಮೇಲೆ ಗ್ಯಾಸ್ ಅಂತ ಮಾತ್ರೆ ತೊಗೊಳ್ಳೊದು ಈಗಿನ ಟ್ರೆಂಡ್ :-(

ಮೂಲ

9. ಉಪವಾಸದಿಂದ ಆತ್ಮ ಶುದ್ಧಿ, ಜ್ಞಾನೊದಯ ಆಗತ್ತೆ

ಉಪವಾಸ ಎಷ್ಟೊಂದ್ ಜನಕ್ಕೆ ಓದು, ಧ್ಯಾನ, ಯೋಗ, ಸಮರಕಲೆ ಇನ್ನು ಹಲಾವಾರು ಥರ ಅಭ್ಯಾಸಗಳ್ನ ತಮ್ಮ ಜೀವನ್ದಲ್ಲಿ ಜೊತೆ ಅಳವಡಿಸ್ಕೊಳಕ್ಕೆ ಸಹಾಯ ಮಾಡಿದೆ. ಹೊಟ್ಟೆ ಖಾಲಿ ಇದ್ರೆ, ಅಲ್ಲಿ ಜಾಸ್ತಿ ಶಕ್ತಿ ಶೇಖರಿಸತ್ತೆ. ಯಾಕಂದ್ರೆ ನಮ್ ದೇಹದಲ್ಲಿ, ತುಂಬ ಶಕ್ತಿ ಹೀರ್ಕೊಂಡು ಕೆಲ್ಸ ಮಾಡೋದು ಜೀರ್ಣಾಂಗ.

ಆತ್ಮ ಶುದ್ಧಿ, ಜ್ಞಾನೋದಯಕ್ಕೂ ಉಪವಾಸಕ್ಕೂ ನಂಟಿದೆ. ಇದು ಮಾನಸಿಕವಾಗಿ, ದೈಹಿಕವಾಗಿ ನೆಮ್ಮದಿಯಾಗಿರಕ್ಕೆ ಸಹಾಯ ಮಾಡತ್ತೆ. ಹಗುರವಾಗಿರೋ ದೇಹ ಮತ್ತೆ ನಮಗೆ ಏನ್ ಬೇಕು ಅಂತ ಸ್ಪಷ್ಟವಾಗಿರೊ ಮನಸ್ಸು ಇದ್ರೆ ಸುತ್ತ ಮುತ್ತ ನಡಿತಿರೋದ್ರ ಬಗ್ಗೆ ಹೆಚ್ಚು ಜಾಗ್ರತೆಯಿಂದ ಇರ್ತಿವೆ. ಜೊತೆಗೆ ಎಲ್ಲದರ ಬೆಲೆನೂ, ಪ್ರಾಮುಖ್ಯತೆನೂ ಗೊತ್ತಾಗತ್ತೆ.

ಮೂಲ

10. ಮೊಡವೆ ತೊಂದ್ರೆ ದೂರವಾಗತ್ತೆ ಹಾಗೆನೆ ಚರ್ಮ ಕೂಡ ಕ್ಲೀನ್ ಆಗತ್ತೆ

ಚರ್ಮಕ್ಕೆ ಸಂಬಂಧ ಪಟ್ಟಿರೋ ತೊಂದ್ರೆಯಿಂದ ಬೇಸತ್ತೋಗಿರೋರ್ಗೆ ಒಳ್ಳೆ ಉಪಾಯ ಅನ್ಬೋದು. ಯಾವಾಗ ಜೀರ್ಣಾಂಗಕ್ಕೆ ಹೆಚ್ಚು ಕೆಲ್ಸ ಇಲ್ದೆ ಸ್ವಲ್ಪ ಬಿಡುವಾಗಿರತ್ತೋ, ಆಗ ದೇಹ, ತನ್ನನ್ನ ತಾನು ರಿಪೇರಿ ಮಾಡ್ಕೊಳಕ್ಕೆ ಬೇರೆ ಬೇರೆ ಅಂಗಾಂಗದ ಬಗ್ಗೆ ಗಮನ ಹರಿಸ್ಬೋದು.

ಒಂದೇ ಒಂದಿನ ಉಪವಾಸ ಮಾಡೋದ್ರಿಂದ, ದೇಹದಲ್ಲಿರೋ ವಿಷಕಾರಿ ಅಂಶಯೆಲ್ಲಾ ಹೊರಗೆ ಹೋಗಿ, ಬೇರೆ ಎಲ್ಲಾ ಅಂಗಗಳೂ ಅಂದ್ರೆ ಯಕೃತ್ತ, ಮೂತ್ರಪಿಂಡ ಎಲ್ಲಾ ಕ್ಲೀನಾಗಿ ಕೆಲ್ಸ ಮಾಡ್ಕೊಂಡ್ ಹೋಗತ್ತಂತೆ.

ಮೂಲ

ತಿಂಗಳಲ್ಲಿ ಒಂದು ಅಥ್ವಾ ಎರಡು ದಿನ ಉಪವಾಸ ಮಾಡಿದ್ರೆ ಇಷ್ಟೆಲ್ಲಾ ಲಾಭ ಇದೆ. ನೀವೇ ಯೋಚ್ನೆ ಮಾಡಿ.

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: