ಐಂದ್ರಿತಾ ರೇ ಜೀವನದಲ್ಲಿ ಹಲ್ಲಿನ ಪಾತ್ರ ಎಷ್ಟು ದೊಡ್ಡದು ಅಂತ ಕೇಳಿ ದಿನಕ್ಕೆ 4 ಸಲ ಉಜ್ಜಕ್ ಹೊರಟೀರಿ

ಉಪಯೋಗ ಇಲ್ಲ

ಐಂದ್ರಿತಾ

ಒಂದು ಪದ ಕಟ್ಟಿದೀನಿ ಕೇಳುವಂಥವರಾಗಿ:

ರಾಜಾಸ್ಥಾದಲ್ಲಿ ಹುಟ್ಟಿದ ಈ ಬೆಂಗಾಲಿ ಸ್ವೀಟು

ಅವಳ ನಗುವಲ್ಲಿ ಕಾಣೋ ಮುತ್ತಿನಂತಹ ಟೀತು

ಕನ್ನಡಿಗರ ಕಣ್ಣಿಗೆ ಕೊಟ್ಟಿತು ಟ್ರೀಟು

ಬನ್ನಿ ಅವಳ ಹೆಸ್ರಲ್ಲೇ ಹೊಡ್ಯಣ ಒಂದು ಬೀಟು

ಮೂಲ

ಇಂಡಿಯನ್ ಏರ್ ಫೋರ್ಸಲ್ಲಿ ಹಲ್ಲಿನ ಡಾಕ್ಟರ್ ಆಗಿದ್ದ ಐಂದ್ರಿತನ್ ತಂದೆ ಎ.ಕೆ. ರೇ ಮುಂಬೈಯಿಂದ ಬೆಂಗಳೂರಿಗೆ ಎತ್ತಂಗಡಿ ಆಗಿ ಬಂದ್ರು. ಇಲ್ಲಿಂದ ಕಥೆ ಶುರು.

ಮನೆಯೋರ್ನೆಲ್ಲ ಕರ್ಕೊಂಡ್ ಬಂದ್ರು.

ಮೂಲ

ತಂದೆ ಹಲ್ಲಿನ್ ಡಾಕ್ಟರ್ ಅಂದ್ಮೇಲೆ ಮಗಳು ಬಿಡ್ತಾಳಾ? ಬಾಲ್ಡ್ವಿನ್ ಸ್ಕೂಲು ಗೀಲು ಎಲ್ಲ ಮುಗಿದ ಮೇಲೆ ತಾನೂ ಬೆಂಗಳೂರಿನ ಅಂಬೇಡ್ಕರ್ ಕಾಲೇಜಲ್ಲಿ ಡೆಂಟಿಸ್ಟ್ ಕೋರ್ಸ್ ಮುಗಿಸಿದಳು ಐಂದ್ರಿತಾ.

ತಂದೆಗೆ ತಕ್ಕ ಮಗಳು ಅನ್ನಿಸ್ಕೊಂಡ್ಳು.

ಮೂಲ

ಡೆಂಟಿಸ್ಟು ಬೇರೆಯೋರ ಹಲ್ಲು ರಿಪೇರಿ ಮಾಡಬೇಕು ತಾನೇ? ಅದರ ಬದಲಾಗಿ ಮಾಡೆಲಿಂಗ್ ಸೇರ್ಕೊಂಡು ತನ್ನ ಹಲ್ನೇ ಎಲ್ಲರಿಗೂ ತೋರ್ಸಕ್ಕೆ ಶುರು ಮಾಡಿದಳು...

ಮಾಡೆಲ್ಗಳಿಗೆ ನಗೂನೇ ಮುಖ್ಯ. ನಗೂಗೆ ಹಲ್ಲೇ ಮುಖ್ಯ.

ಮೂಲ

ಐಂದ್ರಿತನ್ ಹಲ್ನ ಸ್ವಲ್ಪ ಹತ್ತಿರದಿಂದ ನೋಡಿ... ಆಹಾ! ಒಂದೊಂದೂ ಮುತ್ತಿದ್ದಂಗಿದೆ ತಾನೇ? ಅದಿಲ್ಲದೆ ಐಂದ್ರಿತನ್ ನಗು ಐಂದ್ರಿತನ್ ನಗು ಆಗ್ತಿತ್ತಾ?

ಮೂಲ

ಇನ್ನೂ ಒಂದ್ಸಲಿ ನೋಡಿ:

ಮೂಲ

ಆಮೇಲೆ... ಮಾಡಲಿಂಗ್ ಮಾಡ್ಕೊಂಡು ಸಿನ್ಮಾಗೆ ಬಂದು ಸೇರಿದಾಗಲೂ ಐಂದ್ರಿತನ ನಗೂನೇ ಜನರ ಮೇಲೆ ಹೆಚ್ಚು ಮೋಡಿ ಮಾಡಿರೋದು... ಏನೇನೋ ಉತ್ತರಗಳು, ಏನೇನೋ ಪ್ರಶ್ನೆಗಳು ಆ ನಗೂನಲ್ಲಿವೆ...

ಮೂಲ

ಆ ನಗು ಐಂದ್ರಿತಂಗೆ ತಂದುಕೊಟ್ಟ ಹೆಸರು, ಅವಾರ್ಡುಗಳು ಒಂದಲ್ಲ ಎರಡಲ್ಲ.

2008ರಲ್ಲಿ ಬಂದ "ಮೆರವಣಿಗೆ" ಇವಳ ಮೊದಲ ಸಿನ್ಮಾ... ಆದ್ರೆ ಇವಳನ್ನ ಜಾಸ್ತಿ ನೆನಪಿಸೋ ಫಿಲಂ ಅಂದ್ರೆ "ಮನಸಾರೆ". ಅರೆ ಹುಚ್ಚಿ ಪಾತ್ರದಲ್ಲಿ ಇವಳ ಸಕ್ಕತ್ ಅಭಿನಯಕ್ಕೆ ಇವಳಿಗೆ ಸುವರ್ಣ, ಸೌತ್ ಸ್ಕೋಪ್ ಮತ್ತು ಅಕ್ಕಾ ಅವಾರ್ಡುಗಳು ಸಿಕ್ತು. 2011ರಲ್ಲಿ SIIMA ಪ್ರಶಸ್ತಿ ಕೊಡೋರ ಒಳಗಿನ "ಪರಮಾತ್ಮ" ಮೆಚ್ಚಿಕೊಂಡು ಅವಾರ್ಡು ಕೊಡೋ ಹಾಗೆ ಮಾಡಿದ.  ಆಮೇಲೆ ಪ್ರೇಮ್ ಅಡ್ಡ, ಕಾಂಚನ, ಕಡ್ಡಿಪುಡಿ ಅದ್ರಲ್ಲೆಲ್ಲಾ ಚಿಕ್ ಚಿಕ್ ಸ್ಪೆಶಲ್ ರೋಲುಗಳು. ಫೋಟೋ ನೋಡುವಾಗ ಹಲ್ಲು ಮೇಲೆ ಗಮನ ಇರಲಿ. ಕಡ್ಡಿಪುಡೀಲಿ "ಸೌಂದರ್ಯ ಸಮರ"ಕ್ಕೆ ಸೋತಿದ್ದು ನೆನಪಿದ್ಯಾ? ಆಮೇಲ್ ಬಂತು ನೋಡಿ "ಭಜರಂಗಿ"... ಸೂಪರ್ ಹಿಟ್ಟೂ ಆಯ್ತು... ಐಂದ್ರಿತಂಗೆ SIIMA ಅವಾರ್ಡು ಸಿಕ್ತು.

ಮೂಲ

ಇದನ್ನೆಲ್ಲ ಓದೋ ಹುಡುಗ್ರು ದಿನಕ್ಕೆ ಒಂದಲ್ಲ ಎರಡಲ್ಲ ನಾಲ್ಕು ಸಾರಿ ಹಲ್ಲು ಉಜ್ಜಿದರೂ ಪ್ರಯೋಜನ ಇಲ್ಲ...

ಮೂಲ

ಯಾಕಂದ್ರೆ... ನಾನೇನು ಮಾಡ್ಲಿ ಸ್ವಾಮಿ...

ಮೂಲ

...ಈ ಹುಡುಗಿ ನಾಯಿ ಪ್ರೇಮಿ!!!! ಹತ್ತಿರ ಹೋದ್ರೆ ನಾಯಿ ಬೌ ಅನ್ನೋದಷ್ಟೇ ಅಲ್ಲ, ಹಲ್ಲಿಂದ ಕಚ್ಚಲೂ ಬಹುದು. ಅಷ್ಟೇ ಅಲ್ಲ, ಡೆಂಟಿಸ್ಟು ಹಲ್ಲು ಉದುರಿಸಿ ಬಿಟ್ಟಾಳು ಜೋಕೆ!

ಹೊರಚಿತ್ರ: smileguru

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ಬೆಳ್-ಬೆಳಗ್ಗೆ 20 ನಿಮಿಷ ಹೀಗ್ ಕಳೆದರೆ ಇಡೀ ದಿನ ಲವಲವಿಕೆ ಮತ್ತು ಸಂತೋಷಗಳು ನಿಮ್ನ ಬಿಟ್ಟು ಹೋಗಲ್ಲ

ಹಾರ್ವರ್ಡ್ ಯೂನಿವರ್ಸಿಟಿಯಲ್ಲಿ ಕಲಿತೋರು ಬಿಚ್ಚಿಟ್ಟ ಗುಟ್ಟು

ಇಂಥದ್ದು ನಡೆದೇ ಇರುತ್ತೆ - ಬೆಳ್ ಬೆಳಿಗ್ಗೆನೇ ಯಾವ್ದೂ ನೀವಂದ್ಕೊಂಡ ಹಾಗೆ ನಡೀತಿರೊಲ್ಲ. ನೀವಿಟ್ಟ ಸಮಯಕ್ಕೆ ಅಲಾರ್ಮು ಹೊಡ್ದಿರೊಲ್ಲ, ಅಥವಾ ನೀವೇ ತಪ್ಪಾಗಿ ಅಲಾರ್ಮ್ ಸೆಟ್ ಮಾಡಿರ್ತೀರ. ಅಯ್ಯಯ್ಯೋ ಲೇಟ್ ಆಯ್ತು ಅಂದ್ಕೊಂಡು ಬೇಗ ಸ್ನಾನ ಮಾಡಿ ತಿಂಡಿ ರೆಡಿ ಮಾಡೋಕೆ ಹೋದ್ರೆ ಅದು ಸೀದು ಹೋಗುತ್ತೆ. ಇಸ್ತ್ರಿ ಹಾಕೋಕೆ ಹೋದಾಗ ಕರೆಂಟು ಕೈ ಕೊಡುತ್ತೆ. ಸರಿ, ಆ ದಿನ ಪೂರ್ತಿ ಎಲ್ಲವೂ ಹಾಳು. ನೀವು ಮುರ್ಫಿ ಅನ್ನೋನು ಹೇಳಿರೋದು ಕೇಳಿರ್ಬಹುದು - ಏನಾದ್ರು ಹಾಳಾಗೋ ಚಾನ್ಸ್ ಇದ್ರೆ, ಅದು ಹಾಳಾಗಿಯೇ ಆಗುತ್ತೆ. ಒಟ್ನಲ್ಲಿ ಬೆಳ್ ಬೆಳಿಗ್ಗೆ ಕೆಟ್ಟದಾಗಿ ಶುರುವಾದ್ರೆ ಅವತ್ತು ಪೂರ್ತಿ ಮುರ್ಫಿ ಹೇಳಿದ್ದು ನಿಜ ಆಗ್ತಾ ಹೋಗುತ್ತೆ. ಇದಕ್ಕೆ ಪರಿಹಾರ ಇದೆ - ದಿನವೂ ಬೆಳಿಗ್ಗೆ ಬರೀ ಇಪ್ಪತ್ತು ನಿಮಿಷ ಈ ರೀತಿ ಕಳ್ದ್ರೆ ಇಡೀ ದಿನ ಸಕತ್ತಾಗಿರುತ್ತೆ. ಹಾರ್ವರ್ಡ್ ಯೂನಿವರ್ಸಿಟಿಯಲ್ಲಿ ಕಲಿತು ಸಂತೋಷ, ನೆಮ್ಮದಿಗಳ ಬಗ್ಗೆ ರಿಸರ್ಚ್ ಮಾಡ್ತಿರೋ ಶಾನ್ ಏಚರ್ ಅನ್ನೋನು ಹೇಳಿರೋ ಪ್ರಕಾರ ಬೆಳಿಗ್ಗೆ ನೀವು ಪಾಸಿಟಿವ್ ಆಗಿದ್ರೆ ಆ ದಿವ್ಸ ಖಷಿಯಾಗಿರ್ತೀರಿ. ಪಾಸಿಟಿವಿಟಿ ಹೆಚ್ಚಾದ್ರೆ ನಿಮ್ ಮಿದುಳು ಖುಷ್ ಖುಷಿಯಾಗಿರುತ್ತೆ. ಖುಷಿಯಾಗಿದ್ದಾಗ ಮಿದುಳು ಚೆನ್ನಾಗಿ ಕೆಲಸ ಮಾಡುತ್ತೆ, ಎಷ್ಟು ಕಷ್ಟ ಇದ್ರೂ ಟೆನ್ಷನ್ ತೆಗೊಳೊಲ್ಲ. ಆ 20 ನಿಮಿಷ ಏನು ಮಾಡ್ಬೇಕು ಅಂತ ಹೇಳ್ತಾರೆ ಅನ್ನೋದನ್ನ ಓದ್ಕೊಳ್ಳಿ.

1) 2 ನಿಮಿಷ ಹಿಂದಿನ್ ದಿವ್ಸ ಏನೇನು ಒಳ್ಳೇದಾಯ್ತು ಅನ್ನೋದನ್ನ ನೆನೆಸ್ಕೋಬೇಕು

ನಾವು ಮಿದುಳಿಗೆ ಮೋಸ ಮಾಡ್ಬಹುದು. ಖುಷಿಯಾಗಿದ್ದೀನಿ ಅಂತ ನಿಮ್ಗೆ ನೀವೇ ಹೇಳ್ಕೊಂಡ್ರೆ ಅದು ನಿಜಕ್ಕೂ ಖುಷಿಯಾಗಿ ಬಿಡುತ್ತೆ. ಹಿಂದಿನ್ ದಿನ ಖುಷಿ ಕೊಡೋ ಅಂಥದ್ದು ಏನಾಯ್ತು ಅಂತ ನೆನಪು ಮಾಡ್ಕೊಂಡು ಬರ್ದಿಟ್ಕೊಳ್ಳಿ. ಹಿಂದಿನ್ ದಿನದ ಖುಷೀನ ಎರಡು ನಿಮಿಷ ಮತ್ತೆ ಅನುಭವ್ಸಿ. ಇದರಿಂದ ನಿಮ್ ಮಿದುಳು ಪಾಸಿಟಿವ್ ಆಗುತ್ತೆ. ಮೊದ್ಲೇ ಹೇಳಿದ್ ಹಾಗೆ, ಮಿದುಳು ಪಾಸಿಟಿವ್ ಆಗಿದ್ರೆ ಚೆನ್ನಾಗಿ ಕೆಲಸ ಮಾಡುತ್ತೆ.

ಮೂಲ

2) 2 ನಿಮಿಷ ಬೇರೆಯವ್ರ ಒಳ್ಳೆತನ ನೆನೆಸ್ಕೊಳ್ಳೋಬೇಕು

ನಾವು ಬೇರೆಯವ್ರ ಒಳ್ಳೆತನ ನೆನೆಸ್ಕೊಳ್ಳೋದು ಕಡಿಮೆ. ಬೆಳ್ ಬೆಳಿಗ್ಗೆ ಬೇರೆಯವ್ರ ಒಳ್ಳೆತನ ನೆನೆಸ್ಕೊಳ್ಳಿ. ನೆನೆಸ್ಕೊಳ್ಳೋದಷ್ಟೆ ಅಲ್ಲ, ಅವ್ರು ನಿಮ್ ಮುಂದೆ ಇದ್ರೆ ಅವ್ರಿಗೆ ಹೇಳಿ. ಅಥ್ವಾ ಈಮೇಲೋ ಮೆಸೇಜೋ ಮಾಡಿ. ಇದರಿಂದ ಎರಡು ರೀತಿ ಪ್ರಯೋಜನ ಇದೆ - ಈ ರೀತಿ ಒಳ್ಳೆ ಕೆಲ್ಸ ಮಾಡಿದ್ದೀನಿ ಅಂತ ನೀವು ಖುಷಿಯಾಗ್ತೀರಿ, ಅಲ್ಲದೆ ಬೇರೆಯವ್ರ ಜೊತೆ ನಿಮ್ ಸಂಬಂಧ ಗಟ್ಟಿಯಾಗುತ್ತೆ. ಇದರಿಂದ ಮಿದುಳು ಖುಷಿಯಾಗುತ್ತೆ, ಚೆನ್ನಾಗಿ ಕೆಲಸ ಮಾಡುತ್ತೆ.

ಮೂಲ

3) 2 ನಿಮಿಷ ನಿಮ್ಗಿರೋ ಭಾಗ್ಯ ನೆನೆಸ್ಕೋಬೇಕು

ಡಿ.ವಿ.ಗುಂಡಪ್ಪ 'ಇರುವ ಭಾಗ್ಯವ ನೆನೆದು ಬಾರೆನೆಂಬುದ ಬಿಡು, ಹರುಷಕ್ಕಿದೆ ದಾರಿ' ಅಂತ ಹೇಳಿದ್ದಾರೆ. ಹೀಗೆ ನಿಮ್ ಬದುಕಲ್ಲಿ ನಿಮ್ಗೆ ದಕ್ಕಿರೋ ಭಾಗ್ಯಗಳ್ನ ನೆನೆಸ್ಕೋಬೇಕಂತೆ ಬೆಳಿಗ್ ಬೆಳಿಗ್ಗೆ. ಇದರಿಂದ ಮಿದುಳು ಪಾಸಿಟಿವ್ ಆಗುತ್ತೆ. ಬದುಕಲ್ಲಿ ಏನೇನಿದೆ ಅಂತ ನೋಡೋದ್ರಿಂದ, ಏನೇನಿಲ್ಲ ಅಂತ ಕೊರಗೋದು ತಪ್ಪುತ್ತೆ. ಲೋಟ ಅರ್ಧ ಖಾಲಿಯಾಗಿದೆ ಅಂತ ಕೊರಗೋ ಬದ್ಲು ಅರ್ಧ ಲೋಟ ನೀರಿದ್ಯಲ್ಲ ಅಂತ ಖುಷಿ ಪಡ್ಬೇಕು. ಇಂಥ ಆಶಾವಾದದಿಂದ ಇಡೀ ದಿನ ಚೆನ್ನಾಗಿ ಕಳಿಯುತ್ತೆ. ನೀವು ಅಂದ್ಕೊಂಡ ಕೆಲಸ ಎಲ್ಲ ಮಾಡಿ ಮುಗಿಸ್ಬಹುದು.

ಮೂಲ

4) 12 ನಿಮಿಷ ವ್ಯಾಯಾಮ ಮಾಡ್ಬೇಕು

ಮನುಷ್ಯನ್ ದೇಹದಲ್ಲಿ 'ಎಂಡಾರ್ಫಿನ್' ಅನ್ನೋ ಹಾರ್ಮೋನು ಇದ್ದಷ್ಟು ಅವ್ನು ಖುಷಿಯಾಗಿರ್ತಾನಂತೆ. ನಾವು ಜಾಗಿಂಗ್, ಯೋಗಾಸನ, ವ್ಯಾಯಾಮ್ ಮಾಡೋವಾಗ್ಲೂ ಈ ಎಂಡಾರ್ಫಿನ್ ದೇಹದಲ್ಲಿ ಹೆಚ್ಚಾಗುತ್ತೆ. ಇದರಿಂದ ಟೆನ್ಷನ್ ಕಡಿಮೆ ಆಗಿ, ಮಿದುಳು ಅದರ ಪೂರ್ತಿ ತಾಕತ್ತು ತೋರ್ಸುತ್ತೆ. ಅಲ್ಲದೆ ನೀವು ನಿಮ್ ಬಗ್ಗೆ ಯೋಚ್ನೆ ಮಾಡೋದನ್ನ ಕಲೀತೀರಿ. ದಿವ್ಸ ವ್ಯಾಯಾಮ ಮಾಡೋದ್ರಿಂದ, ಹಿಡಿದ ಕೆಲ್ಸಾನ ಕಷ್ಟ ಬಿದ್ದು ಪೂರ್ತಿ ಮಾಡ್ಬೇಕು ಅನ್ನೋದೂ ಮಿದುಳಿಗೆ ಅರ್ಥ ಆಗುತ್ತೆ. ಇದೆಲ್ಲ ಪಾಸಿಟಿವಿಟಿ ಹೆಚ್ಸುತ್ತೆ.

ಮೂಲ

5) 2 ನಿಮಿಷ ಧ್ಯಾನ ಮಾಡ್ಬೇಕು

ಎರಡೇ ಎರಡು ನಿಮಿಷ ಧ್ಯಾನ ಮಾಡೋದ್ರಿಂದ ತುಂಬ ಪ್ರಯೋಜನ ಇದೆ. ಒಂದು ಕಡೆ ಶಾಂತವಾಗಿ ಕೂತು, ನಿಮ್ ಉಸಿರಾಟದ್ ಮೇಲೆ ನಿಮ್ ಗಮನ ಇಡಿ. ಬೇರೆ ಯಾವುದ್ರ ಬಗ್ಗೆನೂ ಯೋಚ್ನೆ ಮಾಡ್ಬೇಡಿ. ಇದ್ರಿಂದ ಕೈಯಲ್ಲಿರೋ ವಿಷಯದ್ ಬಗ್ಗೆ ಮಾತ್ರ ಯೋಚ್ನೆ ಮಾಡೋ ಶಕ್ತಿ ಹೆಚ್ಚಾಗುತ್ತೆ. ದಿವ್ಸ ಇದನ್ನ ಅಭ್ಯಾಸ ಮಾಡ್ಕೊಂಡ್ರೆ ನಿಧಾನಕ್ಕೆ ಪಾಸಿಟಿವಿಟಿ ಹೆಚ್ಚಾಗುತ್ತೆ.

ಮೂಲ

ಬೆಳಿಗ್ಗೆ ಸ್ವಲ್ಪ ಜಾಸ್ತಿ ಟೈಮ್ ಇದ್ದ ದಿವ್ಸ ಬೇಕಿದ್ರೆ ಇದನ್ನೆಲ್ಲ ಜಾಸ್ತಿ ಹೊತ್ತು ಮಾಡ್ಬಹುದು. ಈ ಅಭ್ಯಾಸಗಳನ್ನ ರೂಢಿ ಮಾಡ್ಕ್ಕೊಂಡ್ರೆ ನೀವು ಹೆಚ್ಚು ಪಾಸಿಟಿವ್ ಆಲೋಚನೆಗಳನ್ನ ಮಾಡ್ತೀರಿ. ನಿಮ್ಮ ದಿನವೂ ಚೆನ್ನಾಗಿರುತ್ತೆ. ಅಂದ್ಕೊಂಡ ಕೆಲ್ಸ ಎಲ್ಲ ಅಚ್ಚುಕಟ್ಟಾಗಿ ಮಾಡಿ ಮುಗಿಸ್ತೀರಿ!

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: