ವಿಜಯ್ ಮಲ್ಯನ್ ತಾತನಷ್ಟು ಸಾಲ ಮಾಡಿ ತೀರಿಸದೆ ರಾಜಾರೋಷವಾಗಿ ಓಡಾಡ್ತಿರೋ 10 ದೊಡ್ಡ ಕುಳಗಳು

ಮಲ್ಯ = ಬಚ್ಚಾ!

ಕಿಂಗ್ ಫಿಶರ್ ಏರ್ಲೈನ್ಸ್ ನಡೆಸ್ತಾ ಇದ್ದ ವಿಜಯ್ ಮಲ್ಯ ಸಾವಿರಾರು ಕೋಟಿ ರುಪಾಯಿ ಸಾಲ ಮಾಡಿ ತೀರಿಸ್ದೇ ಇರೋದರ ಬಗ್ಗೆ ಸಿಕ್ಕಾಪಟ್ಟೆ ಓದಿದ್ದೀರಿ ಅಲ್ವಾ?

Mallya.jpgಮೂಲ

ಮಲ್ಯ ವಾಪಸ್ ಮಾಡ್ಬೇಕಿರೋ ಸಾಲ 7000 ಕೋಟಿ!

ಅಬ್ಬ! ಅಷ್ಟೊಂದು ದುಡ್ಡನ್ನ ಸಾಲ ಅಂತ ಇಸ್ಕೊಂಡು ವಾಪಸ್ ಕೊಡ್ದೇ ಇರೋದು ಎಲ್ಲಾದ್ರೂ ಉಂಟೇ... ಅಂತೀರಾ? ಉಂಟು ಸ್ವಾಮಿ... ಭಾರತದಲ್ಲೇ ಇಂಥವರು ಹಲವರು ಉಂಟು.

ಮಲ್ಯನ್ ತಾತ್‍ನಷ್ಟು ಸಾಲ ಮಾಡಿ ತೀರಿಸ್ದೇ ರಾಜಾರೋಶವಾಗಿ ಓಡಾಡ್ತಿರೋ ಈ ಟಾಪ್ 10 ಕುಳಗಳ ಬಗ್ಗೆನೂ ತಿಳ್ಕೊಳ್ಳಿ...

10. ಜಿ.ವಿ.ಕೆ ರೆಡ್ಡಿ (ಜಿ.ವಿ.ಕೆ. ಗ್ರೂಪ್) - 33,933 ಕೋಟಿ ಸಾಲ!

ಇವರು ಮಾಡಿರೋ ಸಾಲದಲ್ಲಿ ಕೇಂದ್ರ ಸರ್ಕಾರ ಇಡೀ ದೇಶದಲ್ಲಿ ಒಂದು ವರ್ಷ MNREGA ಯೋಜನೆಯನ್ನೇ ನಡೆಸಬಹುದು.

GVK.jpgಮೂಲ

9. ವೇಣುಗೋಪಾಲ್ ಧೂತ್ (ವೀಡಿಯೋಕಾನ್ ಗ್ರೂಪ್) - 45,405 ಕೋಟಿ ಸಾಲ!

ಇಷ್ಟ್ ದುಡ್ಡನ್ನ ನಮ್ ವಿಗ್ನಾನಿಗಳಿಗ್ ಕೊಟ್ರೆ ಕಳದ್ ಸಲ ಮಂಗಳ ಗ್ರಹಕ್ಕೆ ರಾಕೆಟ್ ಬಿಟ್ರಲ್ಲ ಆಥರ 93 ರಾಕೆಟ್ ಬಿಡ್ಬೋದಂತೆ!

VenugopalDhot.jpgಮೂಲ

8. ಎಲ್. ಮಧುಸೂಧನ್ ರಾವ್ (ಲ್ಯಾನ್ಕೋ ಗ್ರೂಪ್) - 47,102 ಕೋಟಿ ಸಾಲ!

Madhusudanrao.jpgಮೂಲ

7. GM ರಾವ್ (GMR ಗ್ರೂಪ್) - 47,976 ಕೋಟಿ ಸಾಲ!

ಇಷ್ಟು ಮೊತ್ತದ ದುಡ್ಡಲ್ಲಿ ಕಲ್ಲಿದ್ದಿಲಿನ ಒಂದು ಪವರ್ ಸ್ಟೇಶನ್ ಮಾಡಿದ್ರೆ ಇಡೀ ಕರ್ನಾಟಕಕ್ಕೆ ವರ್ಷವೆಲ್ಲಾ 10 ಘಂಟೆ ಕಾಲ ಕರೆಂಟ್ ಕೊಡ್ಬೋದು...!

GMRao.jpgಮೂಲ

6. ಸಜ್ಜನ್ ಜಿಂದಾಲ್ (JSW ಗ್ರೂಪ್) - 58,171 ಕೋಟಿ ಸಾಲ!

ಇಷ್ಟು ದುಡ್ಡಿದ್ರೆ ಭಾರತದ ಭದ್ರತಾ ಪಡೆಯೋರು 26 ಯುದ್ಧ ವಿಮಾನ ಕೊಂಡ್ಕೋಬೋದು..!

SajjanJindal.jpgಮೂಲ

5. ಮನೋಜ್ ಗೌರ್ (Jaypee ಗ್ರೂಪ್) - 75,163 ಕೋಟಿ ಸಾಲ!

ಇಡೀ ದೇಶದಲ್ಲಿ 12 ಕೋಟಿ ಮಕ್ಕಳಿಗೆ ಸರ್ಕಾರಿ ಶಾಲೆಗಳಲ್ಲಿ ಮಧ್ಯಾಹ್ನದ ಊಟದ ವ್ಯವಸ್ಥೆ ಮಾಡಲು ಒಂದು ವರ್ಷಕ್ಕೆ ಎಷ್ಟು ಖರ್ಚಾಗುತ್ತೋ ಅದರ ಎಂಟು ಪಟ್ಟು ಇದು!

ManojGaur.jpgಮೂಲ

4. ಗೌತಮ್ ಅದಾನಿ (ಅದಾನಿ ಗ್ರೂಪ್) - 96,031 ಕೋಟಿ ಸಾಲ!

ಇವರು ತೀರಿಸಬೇಕಿರೋ ಸಾಲದ ದುಡ್ಡಲ್ಲಿ ಮುಂಬೈ ಅಹಮದಾಬಾದ್ ಮಧ್ಯೆ ಬುಲೆಟ್ ಟ್ರೈನ್ ಮಾಡಿಸ್‍ಬಿಡ್ಬೋದು! ಇಷ್ಟು ಸಾಲದು ಅಂತ ಇವ್ರಿಗೆ ಇನ್ನೂ 6,600 ಕೋಟಿ ಸಾಲ ಕೊಡ್ಬೇಕು ಅಂತಿದ್ರಂತೆ ಸ್ಟೇಟ್ ಬ್ಯಾಂಕೋರು! ಆಮೇಲ್ ಮೀಡಿಯಾದೋರು ಅದನ್ನ ಸಿಕ್ಕಾಪಟ್ಟೆ ಗಲಾಟೆ ಮಾಡಿದ್ರು ಅಂತ ವಾಪಸ್ ತಗೊಂಡ್ರಂತೆ! ಉಸ್ಸಪ್ಪ!

Adani.jpgಮೂಲ

3. ಶಶಿ ರೂಇಯಾ ಮತ್ತು ರವಿ ರೂಇಯಾ (ಎಸ್ಸಾರ್ ಗ್ರೂಪ್) - 1,01,000 ಕೋಟಿ!

ಕೇಂದ್ರ ಸರ್ಕಾರ 2020ರವರೆಗೆ ದೇಶದೆಲ್ಲೆಡೆ ಸ್ಮಾರ್ಟ್ ಸಿಟಿಗಳನ್ನ ಕಟ್ಟಕ್ಕೆ ಎಷ್ಟು ದುಡ್ಡಿಟ್ಟಿದ್ದಾರೋ ಇವರ ಸಾಲದ ಬಾಬ್ತು ಹೆಚ್ಚು ಕಮ್ಮಿ ಅಷ್ಟೇ ಆಗುತ್ತೆ!

RuiaBrothers.jpgಮೂಲ

2. ಅನಿಲ್ ಅಗರ್ವಾಲ್ (ದ ವೇದಾಂತ ಗ್ರೂಪ್) - 1,03,000 ಕೋಟಿ!

ಇವರು ಸಾಲ ತಗೊಂಡಿರೋ ಅಷ್ಟು ದುಡ್ಡು ಎಷ್ಟಪ್ಪಾ ಅಂದ್ರೆ, ಕೇಂದ್ರ ಸರ್ಕಾರದೋರು ಕಳೆದ ವರ್ಷ ದೂರಸಂಪರ್ಕ ಸ್ಪೆಕ್ಟ್ರಮ್ ಹರಾಜಿನಲ್ಲಿ ಗಳಿಸಿದಷ್ಟು!

AnilAgarwal.jpgಮೂಲ

1. ಅನಿಲ್ ಅಂಬಾನಿ (ರಿಲಯನ್ಸ್ ಗ್ರೂಪ್) - 1,25,000 ಕೋಟಿ ಸಾಲ!

1,25,000 ಕೋಟಿ! 2015ರಲ್ಲಿ  ಬಿಹಾರದ ವಿಧಾನಸಭಾ ಚುನಾವಣೆಗೆ ಮೊದಲು ಪ್ರಧಾನಿ ಮೋದಿಯವರು ಬಿಹಾರ ರಾಜ್ಯಕ್ಕೆ ಕೊಟ್ಟ ಸ್ಪೆಶಲ್ ಪ್ಯಾಕೇಜಿನಷ್ಟು!

AnilAmbani.jpgಮೂಲ

ಇದೆಲ್ಲಾದರ ಮಧ್ಯೆ ತಮಾಶೆ ಏನಪ್ಪಾ ಅಂದ್ರೆ, ಇವರಿಗೆಲ್ಲಾ ಸಾಲ ಕೊಟ್ಟಿರೋ ಬ್ಯಾಂಕುಗಳು ಇವರಿಗೆ ಒತ್ತಡ ಹೇರಿ ವಸೂಲಿ ಮಾಡ್ತಿಲ್ಲ. ಬದಲಾಗಿ ಕೊಟ್ಟಿರೋ ಸಾಲಾನ ತೀರಿಸೋ ಬಗೆಗಳಲ್ಲಿ ಹೊಸ ಹೊಸ ಡೀಲುಗಳನ್ನ ಕೊಡ್ತಿದೆ. ಇದರಿಂದ ಎಷ್ಟೇ ಸಾಲ ಮಾಡಿದ್ರೂ ಇವರೆಲ್ಲಾ ಹಾಯಾಗಿರಬೋದು! ನೀವು ಹೀಗೇ ಹಾಯಾಗಿರಬೇಕಾದ್ರೆ ನೀವೂ ಸಾಲ ಮಾಡ್ಬೇಕು... ಆದ್ರೆ ಹತ್ತಿಪ್ಪತ್ತು ಲಕ್ಷ ಅಲ್ಲ.... ಸಾವಿರಾರು ಕೋಟಿಯಷ್ಟು. ಆಗ ನಿಮಗೂ ಒಳ್ಳೊಳ್ಳೆ ಡೀಲುಗಳು ಸಿಗುತ್ತವೆ. ಸಾಲ ವಸೂಲಾತಿ ವಾಹನ ನಿಮ್ಮ ಮನೆ ಕಡೆನೂ ಸುಳಿಯಲ್ಲ...

ನೆನೆಪದ: 

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ಬರೀ 20,000 ರೂಪಾಯಿಗೆ ಸಿಗೋ ಈ ಹೊಸ ಸೋಲಾರ್ ಹಾಕಿಸಿದರೆ ನಿಮ್ಮ ಕರೆಂಟ್ ಬಿಲ್ ಅರ್ಧ

IIT ಮದ್ರಾಸ್ ಕರಾಮತ್ತು

ದಿನ ಬೆಳಗಾದ್ರೆ, ಈ ನ್ಯೂಸ್ ಪೇಪರ್ಗಳಲ್ಲಿ  ಕೊಲೆ, ಸುಲಿಗೆ, ದರೋಡೆ ಜೊತೆಗೆ ತಪ್ಪದೇ ಬರೋ ಇನ್ನೊಂದು ಸುದ್ದಿ ಅಂದ್ರೆ, ಲೋಡ್ ಶೆಡ್ಡಿಂಗ್ದು. ಇದನ್ನ ಓದಿ ನಾವು ಬೇಜಾರ್ ಮಾಡ್ಕೊಳೋದೂ ಸರ್ವೇಸಾಮಾನ್ಯ ಆಗೋಗ್ಬಿಟ್ಟಿದೆ. ಇದಕ್ಕೆಲ್ಲ ಇತಿಶ್ರೀ ಹಾಡೋ ಅಂತ ಸಮಯ ಬಂದಿದೆ. ಇದು IIT ಮದ್ರಾಸ್ ಸಿಬ್ಬಂದಿ ಕೃಪೆ! ನಾವೇನ್ ಹೇಳ್ತಾ ಇದ್ದೀವಿ ಅಂತ ತಲೆಕೆಡ್ತಾ ಇದ್ಯಾ? ಮುಂದೋದಿ...ನಿಮಗೇ ಗೊತ್ತಾಗತ್ತೆ.

ಎಕನಾಮಿಕ್ ಟೈಮ್ಸ್ ವರದಿ ಮಾಡಿರೋ ಪ್ರಕಾರ IIT ಮದ್ರಾಸಲ್ಲಿ ಒಂದಿಷ್ಟು ಜನ ಪುಣ್ಯಾತ್ಮರು ಸೇರ್ಕೊಂಡು ನಮ್ಮನೆ ಟೀಪಾಯ್ ಅಷ್ಟಗಲದ್ದು ಸೋಲಾರ್ ಪ್ಲಾಂಟ್ ತಯಾರು ಮಾಡಿದ್ದಾರೆ. ಈ ಸೋಲಾರ್ ಪ್ಲಾಂಟನ್ನ ನಮ್ಮನೆ ತಾರ್ಸಿ ಮೇಲೆ ಅಳವಡಿಸೋದ್ರಿಂದ ಕರೆಂಟ್ ಹೋಗೋ ಸಮಸ್ಯೆ ಇಂದ ಮುಕ್ತಿ ಸಿಗತ್ತೆ. ಇದರ ಜೊತೆಗೆ, ಕರೆಂಟ್ ಬಿಲ್ಲೂ ಅರ್ಧಕ್ಕರ್ಧ ಕಡಿಮೆ ಆಗುತ್ತಂತೆ. ಇದನ್ನ ಹಾಕ್ಸಕ್ಕೆ 20,000ದಷ್ಟು ದುಡ್ಡಿದ್ರೆ ಸಾಕು. ಇದರಲ್ಲಿ 125W ಪ್ಯಾನೆಲ್ ಜೊತೆಗೆ 0.5kWh ಬ್ಯಾಟರಿ ಇರುತ್ತೆ.

ಮೂಲ

ಏನು... ಇದನ್ನ ಕೇಳಿ ನಿಮಗೂ ಖುಷಿ ಆಯ್ತೋ ಇಲ್ವೋ? ಯಾಕಂದ್ರೆ, ಈಗಿರೋ ಮಾರ್ಕೆಟ್ ರೇಟ್ ಪ್ರಕಾರ, ಇದೇ ರೀತಿ ಪ್ಯಾನಲ್ ಹಾಕ್ಸಕ್ಕೆ ಬರೋಬ್ಬರಿ 1,20,000 ರುಪಾಯಿ ಬೇಕು ಅಂತ ಸೋಲಾರ್ ಎನರ್ಜಿ ಕಾರ್ಪೊರೇಶನ್ ಆಫ್ ಇಂಡಿಯಾದೋರು ಹೇಳ್ತಾರೆ. ಆದ್ರೆ, ಈ ಪ್ಲಾಂಟ್ ಅದಕ್ಕಿಂತ ಎಷ್ಟು ಪಟ್ಟು ಕಡಿಮೆ ನೋಡಿದ್ರಾ?

ಈ ಸೋಲಾರ್ ಪ್ಯಾನಲ್ ಇಂದ ಒಂದೆರ್ಡು ಟ್ಯೂಬ್ಲೈಟು, ಫ್ಯಾನು, ಚಾರ್ಜಿಂಗ್ ಪಾಯಿಂಟು, ಟೀವಿ ಎಲ್ಲಾನೂ ಓಡಿಸ್ಬೋದಂತೆ. ಇದಕ್ಕಿಂತ ಸ್ವಲ್ಪ ದೊಡ್ದ ಮಾಡೆಲ್ ತಗೊಂಡ್ರೆ, AC ಮತ್ತು ವಾಶಿಂಗ್ ಮಷಿನ್ ಬಿಟ್ಟು ಇನ್ನೆಲ್ಲಾ ಸಲಕರಣೆಗಳನ್ನೂ ಓಡಿಸ್ಬೋದಂತೆ ಕಣ್ರೀ!

ಪ್ರೊಫೆಸರ್ ಅಶೋಕ್ ಝುಂಝುಂನ್ವಾಲಾ ಹೇಳೋ ಪ್ರಕಾರ, ಈ ಸೋಲಾರ್ ಪ್ಲಾಂಟು ಪೂರ್ತಿ DC ವೈರಿಂಗ್ ಜೊತೆ ಬರೋದ್ರಿಂದ, ಬೇರೆ ಸೋಲಾರ್ ಪ್ಯಾನಲ್ಗಳ ಥರ DCನ ACಗೆ ಪರಿವರ್ತಿಸಲ್ಲ. ಇದ್ರಿಂದ ತುಂಬ ಎನರ್ಜಿ ಉಳಿತಾಯ ಆಗಿ ಕರೆಂಟ್ ಬಿಲ್ಲು ಕಮ್ಮಿ ಆಗುತ್ತೆ. ಗಮನಿಸಿ: ಸಾಮಾನ್ಯವಾಗಿ ನಮ್ಮ ಮನೆಗಳಲ್ಲೆಲ್ಲ AC ವೈರಿಂಗ್ ಮತ್ತು ಎಲೆಕ್ಟ್ರಿಕ್ ಸಾಮನುಗಳು ಇರೋದ್ರಿಂದ ಅದನ್ನೆಲ್ಲ ನೇರವಾಗಿ ಇದಕ್ಕೆ ಅಳವಡಿಸಕ್ಕೆ ಆಗಲ್ಲ.

ತಮಿಳುನಾಡು ಸರ್ಕಾರ, ದೊಡ್ಡ ದೊಡ್ದ MNCಗಳ ಜೊತೆ ಸೇರಿ  ಆಗ್ಲೇ 15,000 ಹಳ್ಳಿ ಮನೆಗಳಿಗೆ ಇದನ್ನ ಅಳವಡಿಸಿದ್ದಾರಂತೆ. ಮದ್ರಾಸಲ್ಲಿ 2015ರಲ್ಲಿ ಪ್ರವಾಹ ಬಂದಾಗ, ಇದರ ಸಹಾಯದಿಂದ 3 ದಿನ ಕರೆಂಟ್ ತೊಂದರೆ ಆಗ್ಲಿಲ್ವಂತೆ. ಇದರ ಜೊತೆ ರಾಜಸ್ಥಾನ್, ಅಸ್ಸಾಮಲ್ಲೂ ಹಾಕಿದ್ದಾರೆ. ಇನ್ಮುಂದೆ, ಕರ್ನಾಟಕ, ಆಂಧ್ರ ತೆಲಂಗಾಣ ಮತ್ತು ಒರಿಸ್ಸಾಲೂ ಇವುಗಳನ್ನ ಅಳವಡಿಸ್ತಾರಂತೆ.

IIT ಅವರ ಈ ಕೆಲಸ ಇಷ್ಟ ಆಗಿ, ನ್ಯೂಯಾರ್ಕಲ್ಲಿರೋ ಇನ್ಸ್ಟಿಟ್ಯೂಟ್ ಆಫ್ ಎಲೆಕ್ಟ್ರಿಕಲ್ ಅಂಡ್ ಎಲೆಕ್ಟ್ರಾನಿಕ್ ಎಂಜಿನಿಯರ್ಸ್ (IEEE) ಇವರು ಈ ಯೋಜನೆಗೆ '2017ರ ಅತ್ಯುತ್ತಮ ಜನಸೇವಾ ತಂತ್ರಜ್ಞಾನ' ಅನ್ನೋ ಪ್ರಶಸ್ತಿ ಕೊಟ್ಟಿದ್ದಾರೆ.

ನಂಗಂತೂ ಇದನ್ನ ಕೇಳಿ ತುಂಬಾನೇ ಖುಷಿಯಾಯ್ತಪ್ಪ. ನಿಮಗೆ?

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: