ತಮಿಳುನಾಡಲ್ಲಿ ಹುಟ್ಟಿದ ಈ ಇಂಜಿನಿಯರ್ ಬಗ್ಗೆ ಕನ್ನಡಿಗರೆಲ್ಲರೂ ಹೆಮ್ಮೆ ಪಡಕ್ಕೆ 11 ಬಲವಾದ ಕಾರಣಗಳು

ಕಾಲೇಜಲ್ಲಿ ನಡೆದ ಒಂದು ಘಟನೆ ರಮೇಶ್ ಜೀವನಾನೇ ಬದಲಾಯಿಸಿ ಬಿಡ್ತು

ಕನ್ನಡಿಗರ ಮನೆಮಾತಾಗಿರೋ ಹೀರೋ ರಮೇಶ್ ಅರ್ವಿಂದ್ ಅಂತಿಂಥ ವ್ಯಕ್ತಿಯಲ್ಲ... ಇಂಜಿನಿಯರ್ ಆಗಿದ್ದ ರಮೇಶ್ ಒಬ್ಬ ಚಿಂದಿ ನಟ ಆಗಿ ಬದಲಾಗಿದ್ದೇ ಒಂದು ದೊಡ್ಡ ಆಶ್ಚರ್ಯ! ಮುಂದೆ ರಮೇಶ್ ಚಿತ್ರರಂಗದಲ್ಲಿ ಸಾಧಿಸಿದ್ದು, ಸಾಧಿಸುತ್ತ ಇರೋದು ಎಲ್ಲರೂ ಹೆಮ್ಮೆ ಪಡುವಂಥದ್ದು...

1. ರಮೇಶ್ ಹುಟ್ಟಿದ್ದು ಕರ್ನಾಟಕದಲ್ಲಲ್ಲ, ತಮಿಳುನಾಡಲ್ಲಿ (ಊರು ಕುಂಬಕೋಣಂ), ಆದರೂ ಕನ್ನಡತನ ಮೆರೆದರು

ಓದಿ ಬೆಳೆದಿದ್ದೆಲ್ಲ ಬೆಂಗ್ಳೂರಲ್ಲಿ.

ramesh-college-dayus.jpgblogspot

2. ನಟ ಆಗಕ್ಕೆ ಸ್ಫೂರ್ತಿಯಾದ ಕಮಲ್ ಹಾಸನ್ನ ರಮೇಶ್ ಭೇಟಿ ಮಾಡಿದ್ದು ಒಂದಾನೊಂದು ದಿನ ಕಾಲೇಜಲ್ಲಿ

ಕಾಲೇಜು ದಿನಗಳಲ್ಲಿ ರಮೇಶ್ ಕಾಲೇಜ್ ಫಂಕ್ಷನ್ ನಡೆಸಿ ಕೊಡ್ತಾ ಇದ್ರಂತೆ. ಹೀಗೆ... ಸಾಗರಸಂಗಮಂ ಅನ್ನೋ ಕಮಲ್ ಹಾಸನ್ ಚಿತ್ರ ಹಿಟ್ ಆದಾಗ ಒಂದು ಫ಼ಂಕ್ಷನ್ ಮಾಡಿ ಅಲ್ಲಿಗೆ ಕಮಲ್ ಹಾಸನನ್ನ ಕರ್ಸಿದ್ರಂತೆ. ಅಲ್ಲೇ ರಮೇಶ್ ಕಮಲ್ನ ಮೀಟ್ ಮಾಡಿದ್ದಂತೆ... ಅದು ರಮೇಶ್ ಜೀವನವನ್ನೇ ಬದಲಾಯಿಸಿತು...

Ramesh-Aravind-Kamal-Haasan(1).jpgkollytalk

3. ರಮೇಶ್ ಬರೀ ಕನ್ನಡದಲ್ಲಿ ಮಾತ್ರ ಅಲ್ಲ, ಒಟ್ಟು 6 ಭಾಷೆ ಸಿನಮಾಗಳಲ್ಲಿ ಮಾಡಿದ್ದಾರೆ

ಕನ್ನಡ ಬಿಟ್ಟು: ತುಳು, ತಮಿಳು, ತೆಲುಗು, ಮಲಯಾಳಂ, ಹಿಂದಿ.

6_1384249937.jpgamazonaws

4. 90ರ ದಶಕದಲ್ಲಿ ತಮಿಳಿನ ಕಡೆ ಗಮನ ಹರಿಸೋದು ಕಡಿಮೆ ಮಾಡಿ ಕನ್ನಡದ ಕಡೆ ತಿರುಗಿದ ಮೇಲೆ ರಮೇಶ್ ಸಿಕ್ಕಾಪಟ್ಟೆ ಹಿಟ್ ಆದ್ರು...

ಅಮೇರಿಕಾ ಅಮೇರಿಕಾ, ನಮ್ಮೂರ ಮಂದಾರ ಹೂವೇ, ಅಮೃತವರ್ಷಿಣಿ ಇದ್ರಲ್ಲೆಲ್ಲಾ ಸಕ್ಕತ್ ಅಲ್ವಾ ರಮೇಶು? ಅವ್ನ್ ಥರ ಈ ರೋಲನ್ನ ಇನ್ಯಾರೂ ಮಾಡಕ್ಕಾಗಲ್ಲ ಅನ್ಸುತ್ತೆ ಅಲ್ವಾ?

Amruthavarshini-Poster.jpgextraimago

5. ರಿಲೀಸ್ ಲೆಕ್ಕದಲ್ಲಿ ರಮೇಶ್ನ್ ಸಿನೆಮಾಕ್ಕೆ ತಂದಿದ್ದು ದಿಗ್ಗಜರಾದ ಕೆ. ಬಾಲ್‍ಚಂದರ್. ಚಿತ್ರ: ‘ಸುಂದರ ಸ್ವಪ್ನಗಳು’.

ಇದರಲ್ಲಿ ರಮೇಶ್ ಕಮಲ್ ಹಾಸನ್ ಪಾತ್ರವನ್ನೇ ಮಾಡಿದ್ದು... ಅದೊಂದು ತಮಿಳ್ ರೀಮೇಕು...

Ramesh-Arvind-starts-Kannada-remake-of-Nanis-Bhale-Bhale-Magadivoy.jpgdesispy

6. ಅಮೃತಧಾರೆ ಸಿನಮಾ ನೆನಪಿದ್ಯಾ? ಕತೆ ಬರ್ದಿದ್ದು ಯಾರ್ ಗೊತ್ತಾಯ್ತಾ?

ಹೂಂ... ರಮೇಶೇ ಬರ್ದಿದ್ದು... ಅದಕ್ಕೆ ಅತ್ಯುತ್ತಮ ಕತೆ ಅಂತ 2005ರಲ್ಲಿ ಅವಾರ್ಡೂ ಬಂತು...

Amruthadhare Poster.jpgblogspot

7. ರಮೇಶ್ ಅರವಿಂದ್ ನಿರ್ದೇಶನದ ಮೊದಲ ಮೂರೂ ಚಿತ್ರ ಸೂಪರ್ ಹಿಟ್ ಆದ್ವು

1) ರಾಮ ಶಾಮಾ ಭಾಮಾ 2) ಸತ್ಯವಾನ್ ಸಾವಿತ್ರಿ 3) ಯಾಕ್ಸಿಡೆಂಟ್

23sd4.jpgrediff

8. It's No F_n Without U ಅನ್ನೋ ಹೆಸರಿನ ಇಂಗ್ಲಿಷ್ ಪುಸ್ತಕ ಬೇರೆ ಬರ್ದಿದ್ದಾರೆ... ಅದೂ ಯಾವುದರಲ್ಲಿ? ಮೊಬೈಲಲ್ಲಿ!

ಪೇಪರ್-ಪೆನ್ ಇಟ್ಕೊಂಡು ಬರೀಲಿಲ್ಲ, ಹಲವರು ಮಾಡೋ ಹಾಗೆ ಕಂಪ್ಯೂಟರಲ್ಲೂ ಬರೀಲಿಲ್ಲ.... ಪೂರ್ತಿ ಪುಸ್ತಕ ಒಂದು ಸ್ಯಾಮ್ಸಂಗ್ ಮೊಬೈಲಲ್ಲಿ ಬರೆದಿದ್ದಾರೆ!

23sd2.jpgrediff

9. ರಮೇಶ್ ಅವರು 80ರ ದಶಕದಲ್ಲೇ ‘ಪರಿಚಯ’ ಅನ್ನೋ ಟೀವಿ ಪ್ರೋಗ್ರಾಮ್ ನಡಸ್ಕೊಡ್ತಾ ಇದ್ರು... ಅದನ್ನ ನೀವು ಮಿಸ್ ಮಾಡ್ಕೊಂಡಿದೀರಾ?

ಮಿಸ್ ಮಾಡ್ಕೊಂಡಿದ್ರೆ ಈಗಲೂ ಕಿರುತೆರೆಯಲ್ಲಿ ಮಿಂಚ್ತಾ ಇದಾರೆ ನೋಡಿ...

Weekend_with_Ramesh_title_card.jpgwikimedia

10. ರಮೇಶ್ಗೆ ಈವರೆಗೆ 12 ಪ್ರಶಸ್ತಿ ಬಂದಿದೆ - ಎಲ್ಲಾ ಕನ್ನಡ ಸಿನೆಮಾಗಳಿಂದಾನೇ!

Ramesh-Aravind-Stylish-images-4.jpgdesistarz

11. ಹೊಚ್ಚ ಹೊಸ ‘...ರೆ’ ಸಿನಿಮಾ ರಮೇಶ್ ಅವರ 100ನೇ ಕನ್ನಡ ಸಿನೆಮಾ (ವಿಕಿಪೀಡಿಯಾ ಪ್ರಕಾರ)

ಒಟ್ಟು 140 ಸಿನ್ಮಾ ಮಾಡಿರೋ ರಮೇಶ್, ಕನ್ನಡದಲ್ಲೇ ಅತಿಹೆಚ್ಚು ಮಾಡಿರೋದು.

re poster.jpgre-skd

ರಮೇಶ್ ಮನಸ್ಸು ಮಾಡಿದರೆ ಕನ್ನಡದಲ್ಲಿ ಬರೀ ಚಾಕ್ಲೇಟ್ ಹೀರೋ ಪಾತ್ರಗಳನ್ನೇ ಮಾಡ್ತಾ ಇರ್ಬೋದಿತ್ತು. ಆದ್ರೆ ಯಾವ್ದೇ ಒಂದು ರೀತಿಯ ಪಾತ್ರಕ್ಕೆ ಸಿಕ್ಕಾಕ್ಕೊಳ್ದೇ ಸಕತ್ ವೆರೈಟಿ ಮನರಂಜನೆ ಕೊಟ್ಟಿದ್ದು ರಮೇಶ್ ಸ್ಪೆಶಾಲಿಟಿ... ರಮೇಶ್‍ ಇನ್ನೂ ಲೈಫಲ್ಲಿ ಏನೇನ್ ಮಾಡ್ಬೇಕು ಅಂತಿದ್ದಾರೋ ಎಲ್ಲಾದ್ರಲ್ಲೂ ಗೆಲುವು ಸಿಗ್ಲಿ ಅಂತ ಹಾರೈಸೋಣ...

ಹೊರಚಿತ್ರ: newindianexpress

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ಬರೀ 20,000 ರೂಪಾಯಿಗೆ ಸಿಗೋ ಈ ಹೊಸ ಸೋಲಾರ್ ಹಾಕಿಸಿದರೆ ನಿಮ್ಮ ಕರೆಂಟ್ ಬಿಲ್ ಅರ್ಧ

IIT ಮದ್ರಾಸ್ ಕರಾಮತ್ತು

ದಿನ ಬೆಳಗಾದ್ರೆ, ಈ ನ್ಯೂಸ್ ಪೇಪರ್ಗಳಲ್ಲಿ  ಕೊಲೆ, ಸುಲಿಗೆ, ದರೋಡೆ ಜೊತೆಗೆ ತಪ್ಪದೇ ಬರೋ ಇನ್ನೊಂದು ಸುದ್ದಿ ಅಂದ್ರೆ, ಲೋಡ್ ಶೆಡ್ಡಿಂಗ್ದು. ಇದನ್ನ ಓದಿ ನಾವು ಬೇಜಾರ್ ಮಾಡ್ಕೊಳೋದೂ ಸರ್ವೇಸಾಮಾನ್ಯ ಆಗೋಗ್ಬಿಟ್ಟಿದೆ. ಇದಕ್ಕೆಲ್ಲ ಇತಿಶ್ರೀ ಹಾಡೋ ಅಂತ ಸಮಯ ಬಂದಿದೆ. ಇದು IIT ಮದ್ರಾಸ್ ಸಿಬ್ಬಂದಿ ಕೃಪೆ! ನಾವೇನ್ ಹೇಳ್ತಾ ಇದ್ದೀವಿ ಅಂತ ತಲೆಕೆಡ್ತಾ ಇದ್ಯಾ? ಮುಂದೋದಿ...ನಿಮಗೇ ಗೊತ್ತಾಗತ್ತೆ.

ಎಕನಾಮಿಕ್ ಟೈಮ್ಸ್ ವರದಿ ಮಾಡಿರೋ ಪ್ರಕಾರ IIT ಮದ್ರಾಸಲ್ಲಿ ಒಂದಿಷ್ಟು ಜನ ಪುಣ್ಯಾತ್ಮರು ಸೇರ್ಕೊಂಡು ನಮ್ಮನೆ ಟೀಪಾಯ್ ಅಷ್ಟಗಲದ್ದು ಸೋಲಾರ್ ಪ್ಲಾಂಟ್ ತಯಾರು ಮಾಡಿದ್ದಾರೆ. ಈ ಸೋಲಾರ್ ಪ್ಲಾಂಟನ್ನ ನಮ್ಮನೆ ತಾರ್ಸಿ ಮೇಲೆ ಅಳವಡಿಸೋದ್ರಿಂದ ಕರೆಂಟ್ ಹೋಗೋ ಸಮಸ್ಯೆ ಇಂದ ಮುಕ್ತಿ ಸಿಗತ್ತೆ. ಇದರ ಜೊತೆಗೆ, ಕರೆಂಟ್ ಬಿಲ್ಲೂ ಅರ್ಧಕ್ಕರ್ಧ ಕಡಿಮೆ ಆಗುತ್ತಂತೆ. ಇದನ್ನ ಹಾಕ್ಸಕ್ಕೆ 20,000ದಷ್ಟು ದುಡ್ಡಿದ್ರೆ ಸಾಕು. ಇದರಲ್ಲಿ 125W ಪ್ಯಾನೆಲ್ ಜೊತೆಗೆ 0.5kWh ಬ್ಯಾಟರಿ ಇರುತ್ತೆ.

ಮೂಲ

ಏನು... ಇದನ್ನ ಕೇಳಿ ನಿಮಗೂ ಖುಷಿ ಆಯ್ತೋ ಇಲ್ವೋ? ಯಾಕಂದ್ರೆ, ಈಗಿರೋ ಮಾರ್ಕೆಟ್ ರೇಟ್ ಪ್ರಕಾರ, ಇದೇ ರೀತಿ ಪ್ಯಾನಲ್ ಹಾಕ್ಸಕ್ಕೆ ಬರೋಬ್ಬರಿ 1,20,000 ರುಪಾಯಿ ಬೇಕು ಅಂತ ಸೋಲಾರ್ ಎನರ್ಜಿ ಕಾರ್ಪೊರೇಶನ್ ಆಫ್ ಇಂಡಿಯಾದೋರು ಹೇಳ್ತಾರೆ. ಆದ್ರೆ, ಈ ಪ್ಲಾಂಟ್ ಅದಕ್ಕಿಂತ ಎಷ್ಟು ಪಟ್ಟು ಕಡಿಮೆ ನೋಡಿದ್ರಾ?

ಈ ಸೋಲಾರ್ ಪ್ಯಾನಲ್ ಇಂದ ಒಂದೆರ್ಡು ಟ್ಯೂಬ್ಲೈಟು, ಫ್ಯಾನು, ಚಾರ್ಜಿಂಗ್ ಪಾಯಿಂಟು, ಟೀವಿ ಎಲ್ಲಾನೂ ಓಡಿಸ್ಬೋದಂತೆ. ಇದಕ್ಕಿಂತ ಸ್ವಲ್ಪ ದೊಡ್ದ ಮಾಡೆಲ್ ತಗೊಂಡ್ರೆ, AC ಮತ್ತು ವಾಶಿಂಗ್ ಮಷಿನ್ ಬಿಟ್ಟು ಇನ್ನೆಲ್ಲಾ ಸಲಕರಣೆಗಳನ್ನೂ ಓಡಿಸ್ಬೋದಂತೆ ಕಣ್ರೀ!

ಪ್ರೊಫೆಸರ್ ಅಶೋಕ್ ಝುಂಝುಂನ್ವಾಲಾ ಹೇಳೋ ಪ್ರಕಾರ, ಈ ಸೋಲಾರ್ ಪ್ಲಾಂಟು ಪೂರ್ತಿ DC ವೈರಿಂಗ್ ಜೊತೆ ಬರೋದ್ರಿಂದ, ಬೇರೆ ಸೋಲಾರ್ ಪ್ಯಾನಲ್ಗಳ ಥರ DCನ ACಗೆ ಪರಿವರ್ತಿಸಲ್ಲ. ಇದ್ರಿಂದ ತುಂಬ ಎನರ್ಜಿ ಉಳಿತಾಯ ಆಗಿ ಕರೆಂಟ್ ಬಿಲ್ಲು ಕಮ್ಮಿ ಆಗುತ್ತೆ. ಗಮನಿಸಿ: ಸಾಮಾನ್ಯವಾಗಿ ನಮ್ಮ ಮನೆಗಳಲ್ಲೆಲ್ಲ AC ವೈರಿಂಗ್ ಮತ್ತು ಎಲೆಕ್ಟ್ರಿಕ್ ಸಾಮನುಗಳು ಇರೋದ್ರಿಂದ ಅದನ್ನೆಲ್ಲ ನೇರವಾಗಿ ಇದಕ್ಕೆ ಅಳವಡಿಸಕ್ಕೆ ಆಗಲ್ಲ.

ತಮಿಳುನಾಡು ಸರ್ಕಾರ, ದೊಡ್ಡ ದೊಡ್ದ MNCಗಳ ಜೊತೆ ಸೇರಿ  ಆಗ್ಲೇ 15,000 ಹಳ್ಳಿ ಮನೆಗಳಿಗೆ ಇದನ್ನ ಅಳವಡಿಸಿದ್ದಾರಂತೆ. ಮದ್ರಾಸಲ್ಲಿ 2015ರಲ್ಲಿ ಪ್ರವಾಹ ಬಂದಾಗ, ಇದರ ಸಹಾಯದಿಂದ 3 ದಿನ ಕರೆಂಟ್ ತೊಂದರೆ ಆಗ್ಲಿಲ್ವಂತೆ. ಇದರ ಜೊತೆ ರಾಜಸ್ಥಾನ್, ಅಸ್ಸಾಮಲ್ಲೂ ಹಾಕಿದ್ದಾರೆ. ಇನ್ಮುಂದೆ, ಕರ್ನಾಟಕ, ಆಂಧ್ರ ತೆಲಂಗಾಣ ಮತ್ತು ಒರಿಸ್ಸಾಲೂ ಇವುಗಳನ್ನ ಅಳವಡಿಸ್ತಾರಂತೆ.

IIT ಅವರ ಈ ಕೆಲಸ ಇಷ್ಟ ಆಗಿ, ನ್ಯೂಯಾರ್ಕಲ್ಲಿರೋ ಇನ್ಸ್ಟಿಟ್ಯೂಟ್ ಆಫ್ ಎಲೆಕ್ಟ್ರಿಕಲ್ ಅಂಡ್ ಎಲೆಕ್ಟ್ರಾನಿಕ್ ಎಂಜಿನಿಯರ್ಸ್ (IEEE) ಇವರು ಈ ಯೋಜನೆಗೆ '2017ರ ಅತ್ಯುತ್ತಮ ಜನಸೇವಾ ತಂತ್ರಜ್ಞಾನ' ಅನ್ನೋ ಪ್ರಶಸ್ತಿ ಕೊಟ್ಟಿದ್ದಾರೆ.

ನಂಗಂತೂ ಇದನ್ನ ಕೇಳಿ ತುಂಬಾನೇ ಖುಷಿಯಾಯ್ತಪ್ಪ. ನಿಮಗೆ?

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: