ನಿಮಗೆ ನಾಯಿ ಇಷ್ಟವಿಲ್ಲದಿದ್ದರೂ ಮುಧೋಳ್ ನಾಯಿ ಬಗ್ಗೆ ಈ 19 ವಿಷಯಗಳ್ನ ಕೇಳಿ ಹೆಮ್ಮೆ ಪಡ್ತೀರಿ

ಶಿವಾಜಿ ಸೈನ್ಯದಲ್ಲಿತ್ತು ಅಂದ್ಮೇಲೆ ಕೇಳಬೇಕಾ?

ಮನುಷ್ಯನಿಗೂ ನಾಯಿಗೂ ಅನಾದಿಕಾಲದಿಂದಲೂ ನಂಟು ತಪ್ಪಿದ್ದಲ್ಲ. ನಾಯಿಗಳು ಮನುಷ್ಯರನ್ನು ಅರ್ಥ ಮಾಡಿಕೊಳ್ಳುವ ರೀತಿ ಬೇರೆ ಯಾವ ಪ್ರಾಣಿಯೂ ಮಾಡ್ಕೊಳಲ್ಲ. ನಾಯಿ ತನಗೆ ಊಟ ಹಾಕಿದ ಒಡೆಯನಿಗೆ ಎಂದಿಗೂ ಮೊಸ ಮಾಡಲ್ಲ, ನಿಯತ್ತು ತಪ್ಪಲ್ಲ. ಮನೇಲಿ ಒಂದು ನಾಯಿ ಇದ್ರೆ ಮನೆ ಕಾಯತ್ತೆ, ಚಿಕ್ಕ ಮಕ್ಕಳಿಗೆ ಆಟಕ್ಕೆ ಜೊತೆ ಆಗತ್ತೆ, ಚಿಕ್ಕ ಚಿಕ್ಕ ಕೆಲಸ ಮಾಡ್ಕೊಡತ್ತೆ. ಪ್ರೀತಿಯಿಂದ ಕುಟುಂಬದಲ್ಲಿ ಒಂದಾಗಿ ತನ್ನ ಜೀವನ ಪೂರ್ತಿ ಬದುಕತ್ತೆ. ಇಂಥಾ ಒಂದು ನಾಯಿಯ ತಳಿ "ಮುಧೋಳ" ನಾಯಿ. ತೀಕ್ಷ್ಣ ಕಣ್ಣು, ಚಿರತೆ ವೇಗ, ತೆಳುವಾದ ಚಪ್ಪಟೆ ತಲೆ, ಅಗಲವಾದ ಕಾಲು, ತೆಳ್ಳನೆ ದೇಹ, ಬಿಳಿ ಮತ್ತು ಕಂದು ಬಣ್ಣಗಳಲ್ಲಿ ಕಂಡು ಬರುವ ಮುಧೋಳ ನಾಯಿಯ ಚರಿತ್ರೆ ಇಲ್ಲಿದೆ.

1. ಕ್ರಿ.ಪೂ. 500 ರಲ್ಲೇ ಮುಧೋಳ್ ನಾಯಿ ನಮ್ಮ ಕರ್ನಾಟಕದವರಿಗೆ ಪರಿಚಯವಾಗಿತ್ತು.

ಮಧ್ಯ ಏಶಿಯ ಹಾಗೂ ಅರೇಬಿಯದಿಂದ ಈ ನಾಯಿ ಭಾರತಕ್ಕೆ ಬಂದಿತ್ತು.

mudhol-frontline.in_.jpgfrontline

2. ಬಾಗಲಕೋಟೇಲಿರೋ ಮುಧೋಳ್ ಜಿಲ್ಲೇಲಿ ಈ ನಾಯೀನ ಹೆಚ್ಚಾಗಿ ಸಾಕ್ತಾ ಇದ್ದಿದ್ದ್ರಿಂದ ಇದಕ್ಕೆ ‘ಮುಧೋಳ್’ ನಾಯಿ ಅಂತ ಹೆಸ್ರು ಬಂತು.

ಈ ನಾಯಿನ "ಕ್ಯಾರವಾನ್" ಅಂತ ಕರೀತಿದ್ರು ಬ್ರಿಟೀಷರು.

m-muliti-doglib.com_.jpgdoglib

3. ಮುಧೋಳದ ರಾಜ ಮಾಲೋಜಿರಾವ್ ಘೋರ್ಪಡೆ ಈ ನಾಯಿ ತಳಿ ನಶಿಸಿ ಹೋಗ್ದೆ ಇರೋಹಂಗೆ ಮಾಡಿದರು

ಹಲಗಲಿ ಬೇಡರು ತಮ್ಮ ಬೇಟೆಗಾಗಿ ಈ ನಾಯಿಯನ್ನು ಇಟ್ಟುಕೊಂಡಿದ್ದರು. ರಾಜ ಇದನ್ನು ನೋಡಿ ತನ್ನ ಆಸ್ತಿ ಕಾಯೋಕ್ಕೆ ನೇಮಿಸಿಕೊಂಡಿದ್ದ.

raja-frontline.in_.jpgfrontline

4. ಅದೇ ಘೋರ್ಪಡೆ 1900ರಲ್ಲಿ ಇಂಗ್ಲೆಂಡ್ ದೊರೆ ಐದನೇ ಜಾರ್ಜ್ಗೆ ಒಂದು ಜೊತೆ ಮುಧೋಳ್ ನಾಯಿ ಉಡುಗೊರೆಯಾಗಿ ಕೊಟ್ಟಿದ್ದರಂತೆ

ಇದರಿಂದ ಈ ನಾಯಿಯ ತಳಿ ಹೆಚ್ಚು ಪ್ರಸಿದ್ದಿಗೆ ಬಂತು.

Kinggeorgev1923-wiki.jpgwiki

5. ಈಗಲೂ ಮುಧೋಳದಲ್ಲಿ ಸುಮಾರು 750 ಕುಟುಂಬಗಳು ಈ ನಾಯೀನ ಸಾಕಿ, ಸಲಹಿ ಮಾರಾಟ ಮಾಡ್ತಿದಾರೆ

ಈ ನಾಯಿಗೆ ಬಾರಿ ಬೇಡಿಕೆ ಇದೆ.

dog-bhaskarmanagoli.blogspot.com_.JPGbhaskarmanagoli

6. ಓಡೋದ್ರಲ್ಲಿ ಮುಧೋಳ್ ನಾಯೀನ ಯಾರೂ ಮೀರ್ಸಕ್ಕೆ ಆಗಲ್ಲ.

ಇದರ ಮುಂದೆ ಮಿಕ್ಕ ತಳಿಯ ನಾಯಿಗಳು ಸೋತು ಸುಣ್ಣವಾಗತ್ತೆ.

mudhol-resting-mudhol-hound-dog-breed-doglib.com_.jpgdoglib

7. ಅಪಾರ್ಟ್ಮೆಂಟ್-ಗಿಪಾರ್ಟ್ಮೆಂಟಲ್ಲಿ ಇದನ್ನ ಸುಮ್ನೆ ಒಂದು ಕಡೆ ಕಟ್ಟಿ ಹಾಕಿದ್ರೆ ಸಪ್ಪೆಯಾಗ್ಬಿಡತ್ತೆ.

ಸಕತ್ತಾಗಿ ವಾಕಿಂಗ್ ಮಾಡಿಸ್ಬೇಕು. ನಮ್ಗೂ ಸಕತ್ ವ್ಯಾಯಾಮ ಮಾಡ್ಸತ್ತೆ.

caravan-hounds-dehradun_3-dogspot.in_.jpgdogspot

8. ಮುಧೋಳ್ ನಾಯಿಯ ಸ್ವಾಮಿನಿಷ್ಠೆ ಬೇರೆ ಎಲ್ಲಾ ನಾಯಿಗಳನ್ನು ಮೀರ್ಸತ್ತೆ.

ಅದನ್ನು ದಯೆ, ಪ್ರೀತಿ, ಕರುಣೆಯಿಂದ ಸಾಕಿದರೆ ಮಾತ್ರ. ಇಲ್ಲಾ ಅಂದ್ರೆ ಅದು ಕೋಪ ಮಾಡ್ಕೊಳತ್ತೆ. ಮತ್ತೆ ಕಾಲ ಕಳೆದಂತೆ ಅದರ ಮನಸ್ಸು ಮುದುಡಿಹೋಗಿ ಖಿನ್ನತೆಗೆ ಒಳಗಾಗತ್ತೆ.

Mudhol-Hound-Waiting-for-His-Family-petpaw.com_.au_.jpgpetpaw

9. ಮುಧೋಳ್ ನಾಯಿಗೆ ಸಾಕಿದೋರು ಬಿಟ್ಟು ಬೇರೆ ಯಾರಾದ್ರೂ ಮುಟ್ಟಿದ್ರೆ ಇಷ್ಟ ಆಗಲ್ಲ.

ಹಾರಿ ಪರ್ಚತ್ತೆ. ಇಲ್ಲಾ ಅಂದ್ರೆ ಬೊಗಳತ್ತೆ.

m-caravanhound.wordpress.com_.jpgcaravanhound

10. ಮುಧೋಳ್ ನಾಯಿ 13 ರಿಂದ 14 ವರ್ಷ ಬದುಕಿರತ್ತೆ.

ಹುಟ್ಟಿದ 18 ತಿಂಗಳಲ್ಲಿ ಅದರ ಪೂರ್ತಿ ಮೈಕಟ್ಟು ಳೆಯತ್ತೆ. ಸುಮಾರು 1.8 ಅಡಿಯಿಂದ 2.3 ಅಡಿ ಉದ್ದ ಬೆಳೆಯತ್ತೆ.

m-doglib.com_.jpgdoglib

11. ಮುಧೋಳ್ ನಾಯೀನ ಚೆನ್ನಾಗಿ ಸಾಕ್ಬೇಕು ಅಂದ್ರೆ ತಿಂಗಳಿಗೆ 2000-4500 ರೂಪಾಯಿ ಖರ್ಚಾಗತ್ತೆ.

ಅದಕ್ಕೆ ಸ್ಪೆಶಲ್ ಆಗಿ ಏನೂ ಹಾಕ್ಬೇಕಾಗಿಲ್ಲ. ನಾವು ತಿನ್ನೋ ರೊಟ್ಟಿ, ಅನ್ನ, ಹಾಲು ಹಾಕಿದ್ರೂ 25 ರಿಂದ 50 ಕೇಜಿ ತೂಕ ಬೆಳೆಯತ್ತೆ.

watch dog-speakzeasy.wordpress.com_.jpgspeakzeasy

12. ಮುಧೋಳ್ ನಾಯಿ ಗ್ರೇಹೌಂಡ್ ಅನ್ನೋ ಹೆಸರಿನ ಇನ್ನೊಂದು ನಾಯೀನ ತುಂಬಾ ಹೋಲತ್ತೆ.

ಗ್ರೇಹೌಂಡ್ ನಾಯಿ ಎಲ್ಲರ ಜೊತೆ ಸ್ನೇಹದಿಂದ ನಡ್ಕೊಳತ್ತೆ.

greyhound1-wiki.jpgwiki

13. ಮುಧೋಳ್ ನಾಯಿಗೆ ಸಾಮಾನ್ಯವಾಗಿ ಯಾವ ಅರೋಗ್ಯದ ಸಮಸ್ಯೆನೂ ಬರೋಲ್ಲ.

ಭಾರತದ ಯಾವುದೇ ಮೂಲೆಯ ಹವಾಮಾನಕ್ಕೆ ಹೊಂದಿಕೊಳ್ಲತ್ತೆ.

last-dogspot.JPGdogspot

14. ಮುಧೋಳ್ ನಾಯಿ ಕಣ್ ದೃಷ್ಟಿಯಿಂದ ಎಂಥಾ ಚಿಕ್ಕ ಪ್ರಾಣಿನೂ ತಪ್ಪಿಸಿಕೊಳಕ್ಕೆ ಆಗಲ್ಲ.

ಮೊಲ, ಇಲಿ, ಹಾವು ಯಾವುದೇ ಇರ್ಲಿ ತನ್ನ ಹಿಂದೆ ಇದ್ರೂ ಕೂಡ ಈ ನಾಯಿಗೆ ಕಾಣ್ಸತ್ತಂತೆ. ಅದಕ್ಕೆ ಮುಧೋಳ್ ನಾಯಿಗೆ 270 ಡಿಗ್ರೀ ದೃಷ್ಟಿ ಇದೆ ಅಂತ ಹೇಳ್ತಾರೆ. ಇದಕೆಲ್ಲಾ ಕಾರಣ ಅದರ ಉದ್ದನೆಯ ಮುಖದಲ್ಲಿ ಕಣ್ಣು ಇರುವ ಜಾಗ. 

cute-mudhol-hound-dog-dogwallpapers.net_.jpgdogwallpapers

15. ಮುಧೋಳ್ ನಾಯಿ ಏನಾದರೂ ಹುಡುಕಬೇಕಾದ್ರೆ ಕಣ್ಣಿಂದ ನೋಡಿ ಹುಡುಕತ್ತೆ, ಮೂಸಿಕೊಂಡಲ್ಲ.

ಇದರ ಕಣ್ಣು  ಬಹಳ ಚುರುಕು.

caravan-dogbreedstandards.com_.jpgdogbreedstandards

16. ಮುಧೋಳ್ ನಾಯಿ ಛತ್ರಪತಿ ಶಿವಾಜಿ ಸೈನ್ಯದಲ್ಲಿ ಇರ್ತಾ ಇತ್ತು

ಅದಕ್ಕೆ ಆಗ ‘ಸಮರವೀರ’ ಅಂತಿದ್ರು.

shivaji1-aseema_net_in.jpgaseema

17. ಹೆಮ್ಮೆ ಸುದ್ದಿ ಏನಂದ್ರೆ... ಭಾರತದ ಸೇನೆ ಕೂಡ ಮುಧೋಳ್ ನಾಯಿನ ತನ್ನ ಪಡೆಗೆ ಸೇರಿಸಿಕೊಂಡಿದೆ.

ಶಿವಾಜಿ ಸೈನ್ಯದಿಂದ ಇವತ್ತಿನ ಪ್ರಜಾಪ್ರಭುತ್ವದ ಸೈನ್ಯೆಗೆ ಬಂದಿದೆ!

army-huffingtonpost.in_.jpghuffpost

18. ಮುಧೋಳ್ ನಾಯೀನ ಸೇನೆಗೆ ಸೇರ್ಸೋ ಐಡಿಯಾ ಕೊಟ್ಟಿದ್ದು ಕೇಂದ್ರ ಪಶುಸಂಗೋಪನೆ ಇಲಾಖೆ ಆಯುಕ್ತ, ಕನ್ನಡಿಗರಾದ ಡಾ. ಸುರೇಶ್ ಹೊನ್ನಪ್ಪಗೊಳ್ ಅವರು.

suresh-infah.org_.jpg

19. ಫಾರಿನ್ ನಾಯಿಗಳ ಜೊತೆ ದೇಸಿ ನಾಯಿ ಇದೇ ಮೊದಲ ಸಲ ಭಾರತದ ರಕ್ಷಣೆಗೆ ಸೆಲೆಕ್ಟ್ ಆಗಿರೋದು!

armydogs-blogs.wsj_.com_.jpgblogs

ನಮ್ಮ ಕರ್ನಾಟಕದ ಈ ನಾಯಿ ಎಂಥದ್ದು ಅಂತ ಗೊತ್ತಾಯ್ತಾ? ಅದರ ಮಹಿಮೆ ಎಂಥದ್ದು ಅಂತ ಅರಿವಾಯ್ತಾ? ಎದೆ ತಟ್ಟಿ ಎಲ್ಲರಿಗೂ ಹೇಳ್ಕೊಳಿ!

ಹೊರಚಿತ್ರ: caravanhound

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ವಿಜ್ಞಾನದ ಪ್ರಕಾರ ಚಂದ್ರ ಇಲ್ಲದೆ ಹೋದರೆ ಭೂಮಿಗೆ ಏನಾಗುತ್ತೆ ಅಂತ ಕೇಳಿ ಆಶ್ಚರ್ಯ ಪಡ್ತೀರಿ

ಯೋಚನೇನೂ ಮಾಡಕ್ಕಾಗಲ್ಲ

ನಮ್ಮ ಭೂಮಿಗೆ ತುಂಬಾ ಹತ್ತಿರದವನು ಚಂದ್ರ. ಭೂಮಿ ಮೇಲಿರೋ ಎಲ್ಲಾ ಜೀವಿಗಳ ವಿಕಾಸಕ್ಕೆ ಸಹಾಯ ಮಾಡಿರೋದು ಮಾತ್ರ ಅಲ್ಲ, ನಮ್ಮ ಭೂಮಿ ಸರಿಯಾಗಿ ವಿಕಾಸ ಆಗಕ್ಕೂ ಸಹಾಯ ಮಾಡಿದಾನೆ ಅಂತಾರೆ. ಸುಮಾರು 4.5 ಬಿಲಿಯನ್ ವರ್ಷಗಳ ಹಿಂದೆ ಮಂಗಳ ಗ್ರಹದಷ್ಟು ದೊಡ್ಡದಾಗಿರೋ ಒಂದು ಗ್ರಹದ್ ಚೂರು ನಮ್ಮ ಭೂಮಿಗೆ ಬಡೀತಂತೆ. ಆಗ ಹುಟ್ಟಿದೋನೇ ಚಂದ್ರ. ಭೂಮಿಯಿಂದ ಬೇರೆ ಆದ್ರೂ ಅದಿಕ್ಕೆ ಅಂಟ್ಕೊಂಡೇ ಅವತ್ತಿಂದ ಸುತ್ತಾ ಇದಾನೆ.

ಅದೇನೋ ಸರಿ; ಇವನೇನಾದ್ರೂ ಇಲ್ದೇ ಹೋದ್ರೆ ಏನಾಗತ್ತೆ? ಈ ಕೆಳಗಿನ ಐದು ಅಂಶ ಅಂತೂ ಗ್ಯಾರಂಟಿ ಅನ್ನತ್ತೆ ವಿಜ್ಞಾನ. ನೀವೇ ನೋಡಿ...

1. ರಾತ್ರಿ ಕತ್ಲೋ ಕತ್ತಲು!

ಚಂದ್ರ ಇಲ್ದೇ ಇದ್ರೆ ರಾತ್ರಿ ಕತ್ಲು ಸಿಕ್ಕಾಪಟ್ಟೆ ಜಾಸ್ತಿ ಆಗತ್ತೆ. ಚಂದ್ರ ಬಿಟ್ರೆ ದೊಡ್ಡದಾಗಿ ಕಾಣೋದು ಶುಕ್ರ. ಆದ್ರೆ ಶುಕ್ರನ್ ಬೆಳಕು ಕತ್ಲೆ ಹೋಗ್ಸಲ್ಲ. ಶುಕ್ರ ತುಂಬಾ ದೊಡ್ಡದಾಗಿ ಕಾಣ್ವಾಗ ಇರೋದಕ್ಕಿಂತ ಪೂರ್ಣಚಂದ್ರ 2000 ಪಟ್ಟು ದೊಡ್ಡದಾಗಿ ಕಾಣ್ತಾನೆ.

2. ವರ್ಷದಲ್ಲಿ 1,100-1,400 ದಿನ, ದಿನಕ್ಕೆ 6 - 8 ಗಂಟೆ ಆಗೋಗತ್ತೆ

ಯಾಕಂದ್ರೆ ಭೂಮಿ ತಿರುಗೋದಿಕ್ಕೆ ಚಂದ್ರ ಒಂಥರಾ ಬ್ರೇಕ್ ಹಾಕಿದಾನೆ. ಅವನ ಗುರುತ್ವಾಕರ್ಷಣೆಯಿಂದ ಭೂಮಿ ಸ್ಪೀಡು ಕಮ್ಮಿ ಆಗಿದೆ. ಈ ಬ್ರೇಕ್ ಇಲ್ದೇ ಇದ್ರೆ ಭೂಮಿ ಇನ್ನೂ ತುಂಬಾ ವೇಗವಾಗಿ ತಿರುಗ್ತಾ ಇತ್ತು. ಕಣ್ಮುಚ್ಚಿ ಕಣ್ ತೆಗೆಯೋದ್ರಲ್ಲಿ ಒಂದು ದಿನ ಮುಗಿಯತ್ತೇನೋ, ಚಂದ್ರ ಇಲ್ದಿದ್ರೆ

3. ಸಮುದ್ರದಲ್ಲಿ ಅಲೆಗಳು ಏಳಲ್ಲ

ಸೂರ್ಯ ಭೂಮಿಗಿಂತ 400 ಪಟ್ಟು ದೊಡ್ಡದು, ಸುಮಾರು 400 ಪಟ್ಟು ದೂರಾನೂ ಇದೆ. ಅದಕ್ಕೆ ಇವೆರಡೂ ಭೂಮಿಯಿಂದ ಒಂದೇ ಗಾತ್ರ ಇರೋ ಹಾಗೆ ಕಾಣೋದು. ಸೂರ್ಯ ಚಂದ್ರಂಗಿಂತ 27 ಮಿಲಿಯನ್ ಪಟ್ಟು ದೊಡ್ಡದಾಗಿದೆ. ಹಾಗಂತ ಚಂದ್ರ ಇಲ್ದೆ ಹೋದ್ರೆ ಸಮುದ್ರದಲ್ಲಿ ಏಳೋ ಅಲೆ ಇನ್ನೂ ದೊಡ್ದ ಗಾತ್ರದ್ದಿರತ್ತೆ ಅಂತ ಅನ್ಕೊಂಡ್ರೆ ತಪ್ಪು. ಸೂರ್ಯನಿಂದ ಉಂಟಾಗೋ ಅಲೆಗೆ ಚಂದ್ರನ ಅಲೆಯ 40% ಶಕ್ತಿ ಮಾತ್ರಾನೇ ಇರೋದು. ಈಗ ಉಕ್ಕೋ ಎತ್ರಕ್ಕಿಂದ ಕಾಲು ಭಾಗ ಉಕ್ಕತ್ತೇನೋ ಅಷ್ಟೇ.

4. ಗ್ರಹಣಗಳೇ ಆಗಲ್ಲ

ಚಂದ್ರಗ್ರಹಣಾನೂ ಇಲ್ಲ; ಸೂರ್ಯಗ್ರಹಣಾನೂ ಇಲ್ಲ – ಸೂರ್ಯ ಮತ್ತೆ ಭೂಮಿ ಮಧ್ಯ ಯಾರೂ ಬರಲ್ವಲ್ಲ ಆಗ. ಚಂದ್ರ ಬಿಟ್ರೆ ಭೂಮಿ ಮತ್ತೆ ಸೂರ್ಯನ ಮಧ್ಯೆ ಹಾಯೋದು ಶುಕ್ರಗ್ರಹ ಮಾತ್ರ. ಅಂದ್ರೆ ಶುಕ್ರಗ್ರಹಣ! ಅದ್ಯಾವಾಗಾಗತ್ತೋ ಯಾರ್ ಬಲ್ರು?

5. ಪರಿಸರದಲ್ಲಿ ಏನೇನೋ ಏರುಪೇರುಗಳಾಗುತ್ತವೆ

ಚಂದ್ರ ಭೂಮಿನ ಹಿಡ್ಕೊಂಡಿದಾನೋ, ಅಥವಾ ಭೂಮಿ ಚಂದ್ರನ್ನ ಹಿಡ್ಕೊಂಡಿದ್ಯೋ! ಅಂತೂ ಇವೆರಡೂ ಒಂದನ್ನೊಂದು ಕಂಟ್ರೋಲ್  ಮಾಡ್ತಿವೆ. ಆದ್ರೆ ಚಂದ್ರ ಇಲ್ದೇ ಇದ್ರೆ ಭೂಮಿ ಅಕ್ಷರೇಖೆ ಆಗ್ಗಾಗ್ಗ ವಿಪರೀತವಾಗಿ ಅಚಾನಕ ಬದಲಾಗಿ ಬಿಡತ್ತೆ. ಈಗ ಚಂದ್ರನ ಪ್ರಭಾವದಿಂದ ಸರಿಯಾಗಿ 23.5 ಡಿಗ್ರೀನಲ್ಲೇ ತಿರುಗ್ತಾ ಇದೆ. ಚಂದ್ರ ಏನಾರ ಇಲ್ಲಾ ಅಂದ್ರೆ ಭೂಮಿ ತುಂಬಾ ತಿರಗ್ ಬಹುದು ಅಥವಾ ತಿರಗ್ದೇ ನೆಟ್ಟಗೆ ಇರಬಹುದು. ಆಗ ಋತುಗಳೇ ಇಲ್ದೇ ಹೋಗಬಹುದು; ಅಥವಾ ವಿಚಿತ್ರ ಅನ್ನೋ ತರ ಋತುಗಳು ಬರಬಹುದು. ನಾವು ಬುಧಗ್ರಹದ್ ತರ ಸಮತಟ್ಟಾಗಿ ಸುತ್ತಾ ಇರ್ತೀವಿ ಅಥವಾ ಯುರೇನಸ್ ತರ ಚಿತ್ರವಿಚಿತ್ರ ವಾತಾವರಣದಲ್ಲಿ ಬಿದ್ದು ಹೊರಳಾಡ್ತಿರ್ತೀವಿ!!

ಅದಕ್ಕೇ ಹೇಳೋದು, ಭೂಮಿಗೂ ಸೂರ್ಯಂಗೂ ಮಧ್ಯ ಏನೇನೇ ಬಂದ್ರೂ, ಭೂಮಿಗೂ ಚಂದ್ರಂಗೂ ಮಧ್ಯ ಏನೂ ಬರೋದಿಲ್ಲ ಅಂತ. ಅಂತ ಅಪೂರ್ವವಾದ ಸಂಬಂಧ ಭೂಮಿ-ಚಂದ್ರಂದು. ಅಲ್ವಾ?

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: