ನೀರಿನ ಬಗ್ಗೆ ಕೆಲವರಿಗೆ ಮಾತ್ರ ಗೊತ್ತಿರೋ ಈ ಗುಟ್ಟು ಕೇಳಿದ ತಕ್ಷಣ ಜೀವನಕ್ಕೆ ಹೊಸ ಅರ್ಥ ಬರತ್ತೆ

ಮನುಷ್ಯ ಹೆಚ್ಚು-ಕಡಿಮೆ ಬರೀ ನೀರೇ

ಇತ್ತೀಚಿನ ಸಂಶೋಧನೆಗಳಿಂದ ನೀರಿಗೆ ಒಂದು ಅದ್ಭುತವಾದ ಗುಣ ಇರೋ ಸತ್ಯ ಹೊರಬಂದಿದೆ.

ಅದೇನು ಅಂತ ನಿಮಗೆ ಗೊತ್ತಾದ್ರೆ ನೀವು ನಿಮ್ನ, ನಿಮ್ಮ ಸುತ್ತಮುತ್ತಲ ಜನರನ್ನ, ಇಡೀ ಪ್ರಪಂಚವನ್ನ ನೋಡೋ ರೀತಿ ಬದಲಾಗಿ ಹೋಗುತ್ತೆ.

beautiful-water-drop-eskipaper_com.jpgeskipaper

ಕಿವಿ ಕೊಟ್ಟು ಕೇಳಿ: ನೀರು ಸುತ್ತಮುತ್ತಲ ಪ್ರಪಂಚವನ್ನ ‘ಅನುಭವಿ’ಸುತ್ತೆ. ಆ ಅನುಭವವನ್ನ ಅದು ನೆನಪಿನಲ್ಲೂ ಇಟ್ಟುಕೊಳುತ್ತೆ. ನಾವು ಮನುಷ್ಯರು ನೀರಿಗೆ ಒಳ್ಳೇ ಅನುಭವ ಕೊಟ್ಟರೆ ಅದು ನಲಿಯುತ್ತೆ, ಕೆಟ್ಟ ಅನುಭವ ಕೊಟ್ಟರೆ ನೊಂದುಕೊಳ್ಳುತ್ತೆ...

dr-emoto-truthcontrol_com.jpgtruthcontrol

ನಂಬಿಕೆ ಬರ್ತಿಲ್ವಾ? ಜಪಾನಲ್ಲಿ ಡಾ. ಮಸಾರು ಎಮೊಟೊ ಅನ್ನೋರು ಇದನ್ನೆಲ್ಲ ಪ್ರಪಂಚಕ್ಕೆ ಮೊಟ್ಟ ಮೊದಲ ಬಾರಿಗೆ ತಿಳಿಸಿದಾಗಲೂ ಹಲವರಿಗೆ ನಂಬಿಕೆ ಬರಲಿಲ್ಲ.

ಅವರು ಮಾಡಿದ್ದಾದರೂ ಏನು? ಬೇರೆ ಬೇರೆ ನೀರಿನ ಸ್ಯಾಂಪಲ್ ತಂದು ಫ್ರೀಜ಼ರಲ್ಲಿಟ್ಟು ಅದರಲ್ಲಿ ಎಂಥಾ ಹರಳುಗಳು ಕಾಣಿಸುತ್ತವೆ ಅಂತ ಮೈಕ್ರೋಸ್ಕೋಪಲ್ಲಿ ನೋಡ್ತಾ ಬಂದ್ರು.

scientific-researcher-wisegeek.jpgwisegeek

ಆ ಸಂಶೋಧನೆಯಿಂದ ಹೊರಬಂದ ಮಾಹಿತಿ ಜಗತ್ತನ್ನೇ ಅಲ್ಲಾಡಿಸ್ತಾ ಇದೆ. ಬೇರೆ ಬೇರೆ ಅನುಭವಗಳಿಗೆ ಒಳಗಾದ ನೀರಿನ ಐಸು ಮೈಕ್ರೋಸ್ಕೋಪಲ್ಿ ಹೇಗೆ ಕಾಣುತ್ತೆ ಅಂತ ನೀವೇ ನೋಡಿ:

ಮಲಿನವಾದ ನೀರು:

ಮಾಲಿನ್ಯದ ತೊಂದರೆ ಇರೋ ಯೋಡೋ ನದಿ ನೀರು ಮೈಕ್ರೋಸ್ಕೋಪಲ್ಲಿ ಹೀಗೆ (ಕೆಟ್ಟದಾಗಿ) ಕಾಣಿಸಿತು...

emoto-yodoriver-contaminated.jpg

ಪ್ರಕೃತಿಯಲ್ಲಿ ತನ್ನಷ್ಟಕ್ಕೆ ತಾನು ಹರೀತಿರೋ ಸ್ವಚ್ಛವಾದ ನೀರು:

ಹೊರೊಬೆತ್ಸು ನದಿನೀರಲ್ಲಿ ಕಾಣಿಸಿದ್ದು ಈ ಸುಂದರವಾದ ಷಡ್ಭುಜಾಕೃತಿಯ ಹರಳು...!

emoto-horobetsu-nocontamination.jpg

ನಗರೀಕರಣಕ್ಕೆ ತುತ್ತಾದಮೇಲೆ ಸಿಗೋ ನಲ್ಲಿ ನೀರು:

ಟೋಕ್ಯೋನಲ್ಲಿ ನಲ್ಲಿ ನೀರ್ನ ಐಸ್ ಮಾಡಿ ಮೈಕ್ರೋಸ್ಕೋಪಲ್ಲಿ ಕಂಡಾಗ ಅದು ಇಷ್ಟು ಕೆಟ್ಟದಾಗಿ ಕಾಣ್ತು:

emoto-tokyo-tapwater.jpg

ನಗರಗಳಿಗೆ ಬರೋ ಮುಂಚೆ ನದಿ ನೀರು:

ಈ ಸ್ಯಾಂಪಲ್ನ ಸಾನ್ಬು-ಇಚಿ ಯೂಸುಯಿ ಅನ್ನೋ ನದಿಯಿಂದ ತೊಗೊಂಡಿದ್ದು... ನಗರೀಕರಣ ಆಗುವ ಮುಂಚೆ! ಎಷ್ಟು ಚೆನ್ನಾಗಿ ಕಾಣುತ್ತೆ ನೋಡಿ:

emoto-Sanbu-ichi-yusui-spring.jpg

ನೀರಿಗೆ ಕಿವಿ ಇಲ್ಲ, ಆದರೆ ಆದರೆ ಧ್ವನಿಯ ಅಲೆಗಳು ಅದರ ಮೇಲೆ ಪ್ರಭಾವ ಬೀರುತ್ತವೆ...

ಸಂಗೀತದಿಂದ ನೀರಿನ ಮೇಲೆ ಏನು ಪ್ರಭಾವ ಆಗತ್ತೆ ಅಂತ ಕಂಡುಹಿಡಿಯಕ್ಕೆ ಎರಡು ಸ್ಪೀಕರ್ ನಡುವೆ ನೀರಿನ ಬಾಟಲ್ ಇಟ್ಟು ಆಮೇಲೆ ಅದನ್ನ ಫ್ರೀಜ಼್ ಮಾಡಿ ಮೈಕ್ರೋಸ್ಕೋಪಲ್ಲಿ ನೋಡ್ತಾ ಬಂದ್ರು...

waterbottle-speakers-emoto-peace-project_com.jpg

ಕೂಗಾಟ, ಕಿರುಚಾಟ ಕೇಳಿದ ನೀರು:

ನೀರಿಗೆ ಬರೀ ಕೂಗಾಟ ಕಿರುಚಾಟ ಇರೋ ಹೆವಿ ಮೆಟಲ್ ‘ಸಂಗೀತ’ ಕೇಳಿಸಿದಾಗ ಅದರ ಐಸು ಮೈಕ್ರೋಸ್ಕೋಪಲ್ಲಿ ಕಂಡಿದ್ದು ಹೀಗೆ... ಒಂಥರಾ ಚೆಲ್ಲಾಪಿಲ್ಲಿ...

emoto-heavymetal.jpg

ಒಳ್ಳೇ ಸಂಗೀತ ಕೇಳಿದ ನೀರು:

ಯೊಹಾನ್ ಸೆಬಾಸ್ಟಿನ್ ಬಾಕ್ ಅವರ ‘ಗೋಲ್ಡ್ ಬರ್ಗ್ ವೇರಿಯೇಶನ್ಸ್’ ಅನ್ನೋ ಸಂಗೀತ ಕೇಳಿದ ನೀರು ಐಸಾದಮೇಲೆ ಮೈಕ್ರೋಸ್ಕೋಪಲ್ಲಿ ಕಂಡಿದ್ದು ಹೀಗಿತ್ತು....!

emoto-bach-goldberg-variations.jpg

ಅಷ್ಟೇ ಅಲ್ಲ, ನೀರಿಗೆ ನಾವು ಏನು ಹೇಳ್ತೀವಿ ಅನ್ನೋದು ಕೂಡ ಅದರ ಮೇಲೆ ಪ್ರಭಾವ ಬೀರುತ್ತೆ. ಇದಕ್ಕೆ ನೀರಿನ ಬಾಟಲ್ಗಳಿಗೆ ಬೇರೆ ಬೇರೆ ಸಂದೇಶಗಳ್ನ ಬರೆದು ಅಂಟಿಸ್ತಾ ಬಂದ್ರು...

emoto-showing-letters.jpg

‘ಥೂ ಪೆದ್ದು!’ ಅನ್ನೋ ಸಂದೇಶ ಪಡೆದ ನೀರು:

ನೀರಿಗೆ ಇದು ಕೇಳಿಸಿತು ಅಂತಲ್ಲ, ಮಾತೇ ಆಡದೆ ನೀರ್ನ ‘ಥೂ ಪೆದ್ದು!’ ಅಂತ ಕರೆದರೆ ಏನಾಗುತ್ತೆ ಅನ್ನೋ ಪ್ರಯೋಗ ಇದು (ಎಮೊಟೋ ಅವರು ಜಪಾನೀಸಲ್ಲಿ ಬರೆದಿದ್ದು). ಈ ನೀರಿನ ಐಸ್ ಕಂಡಿದ್ದು ಹೀಗೆ... ಮತ್ತೆ ಚೆಲ್ಲಾಪಿಲ್ಲಿ...

emoto-youfool.jpg

‘ಧನ್ಯವಾದ!’ ಅನ್ನೋ ಸಂದೇಶ ಪಡೆದ ನೀರು:

ಮತ್ತೆ, ನೀರಿಗೆ ಇದು ಕೇಳಿಸಿತು ಅಂತಲ್ಲ, ಮಾತೇ ಆಡದೆ ನೀರ್ಗೆ ‘ಧನ್ಯವಾದ’ ಅಂತ ಕರೆದರೆ ಏನಾಗುತ್ತೆ ಅನ್ನೋ ಪ್ರಯೋಗ ಇದು. ಈ ನೀರಿನ ಐಸ್ ಕಂಡಿದ್ದು ಹೀಗೆ... ಎಷ್ಟು ಚೆನ್ನಾಗಿದೆ ನೋಡಿ:

emoto-thankyou.jpg

‘ಪ್ರೀತಿ ಮತ್ತು ಪ್ರಶಂಸೆ’ ಅನ್ನೋ ಸಂದೇಶ ಪಡೆದ ನೀರು:

ಈ ನೀರಿನ ಐಸ್ ಕಂಡಿದ್ದು ಹೀಗೆ... ಎಷ್ಟು ಚೆನ್ನಾಗಿದೆ ನೋಡಿ:

emoto-love-appreciation.jpg

ನೀರಿಗೆ ಕೇಳಿಸಿಕೊಳಕ್ಕೆ, ಓದಕ್ಕೆ ಬರತ್ತೆ ಅಂತಾಯಿತು... ಹಾಗಾದರೆ ಪೂಜೆ ಮಾಡುವ ಮುಂಚೆ, ಮಾಡಿದ ಮೇಲೆ ಬೇರೆಯಾಗಿ ಕಾಣುತ್ತಾ? ಹೌದು!

ಯಾವುದೇ ಪೂಜೆ ಮಾಡುವ ಮುಂಚೆ:

ಈ ನೀರ್ನ ಫೂಜಿವಾರ ಡ್ಯಾಂನಲ್ಲಿ ತೊಗೊಂಡಿದ್ದು... ಎಷ್ಟು ಕೆಟ್ಟದಾಗಿ ಕಾಣುತ್ತೆ!

emoto-before-prayer.jpg

ಅದೇ ನೀರಿಗೆ ಬೌದ್ಧ ಪೂಜೆ ಮಾಡಿದ ಮೇಲೆ:

ಪೂಜೆ ಮಾಡಿದವರು ಒಮಿಯಾ ನಗರದ ಜ್ಯೂಹಿನ್ ದೇವಸ್ಥಾನದ ರೆವೆರೆಂಡ್ ಕಾಟೋ ಹಾಕಿ ಅನ್ನೋರು... ಪೂಜೆ ಮಾಡಿದ ಕೆಲವೇ ಕ್ಷಣಗಳಲ್ಲಿ ಡ್ಯಾಂ ನೀರಲ್ಲಿ ಈ ಸುಂದರವಾದ ಹರಳುಗಳು ಕಾಣಿಸಲಿಕ್ಕೆ ಶುರುವಾದವು:

emoto-after-prayer.jpg

ಒಟ್ಟಿನಲ್ಲಿ ಹೇಳೋದಾದ್ರೆ...ಜಗತ್ತಿನಲ್ಲಿ ಪ್ರತಿಯೊಂದೂ ತನ್ನದೇ ರೀತಿಯ ವೈಬ್ರೇಶನ್ ಅಥವಾ ಮಿಡಿತದಲ್ಲಿರುತ್ತದೆ.

ಮನುಷ್ಯರೂ ಅಷ್ಟೆ, ಅವರ ಭಾವನೆಗಳೂ ಅಷ್ಟೇ. ಆ ಮಿಡಿತದ ಪ್ರಭಾವ ನೀರಿನ ಮೇಲೆ ಆಗುತ್ತೆ ಅನ್ನೋದನ್ನ ಡಾ. ಎಮೋಟೋ ತೋರಿಸಿ ಕೊಟ್ಟಿದ್ದಾರೆ...

Raise+vibration-humansarefree_com.jpg

ಆ ನೀರು ನಮ್ಮ ದೇಹದಲ್ಲಿ ಶೇಕಡ 70ರಿಂದ 95ರಷ್ಟು ಇರುತ್ತದೆ. ಅದನ್ನೇ ನಾವು ಕುಡಿಯೋದು, ಕುಡಿಸೋದು. ಅದನ್ನೇ ನಾವು ನಮ್ಮ ಹತ್ತಿರದವರಿಗೂ ಕೊಡೋದು...

ಅಂದ ಮೇಲೆ ನಮ್ಮ ಭಾವನೆಗಳು, ನಮ್ಮ ಮನಸ್ಥಿತಿ, ಎಲ್ಲದರ ಪ್ರಭಾವವೂ ಆ ನೀರಿನ ಮೇಲೆ ಆಗಿ, ಆ ಪ್ರಭಾವ ನಮ್ಮ ಮೇಲೆ, ನಮ್ಮ ಸುತ್ತಮುತ್ತಲ ಜಗತ್ತಿನ ಮೇಲೆಲ್ಲ ಆಗೋದ್ರಲ್ಲಿ ಸಂದೇಹವಿಲ್ಲ...

ಪ್ರಾಯಶಃ ಈ ಗುಟ್ಟು ಈ ರೀತಿಯಲ್ಲಿ ಅಲ್ಲದೆ ಹೋದರೂ ಬೇರೆ ರೀತಿಯಲ್ಲಿ ನಮ್ಮ ಹಿಂದಿನವರಿಗೆ, ಅದರಲ್ಲೂ ಋಷಿಮುನಿಗಳಿಗೆ ಗೊತ್ತಿತ್ತೇನೋ...

sandiegouniontrib

ಈಗಿನವರಿಗೂ ಇದು ಗೊತ್ತಾದ ಮೇಲೆ... ನಿಜಕ್ಕೂ ಅರ್ಥ ಮಾಡಿಕೊಂಡ ಮೇಲೆ... ನೀರಿಗೆ ಮತ್ತು ನಮಗೂ ನೀರಿಗೂ ಇರುವ ಸಂಬಂಧಕ್ಕೆ ಹೊಸದೊಂದು ಅರ್ಥ ಬಂದುಬಿಡುತ್ತೆ. ನೀರೇ ಜೀವವಾಗಿರೋದರಿಂದ ಜೀವನಕ್ಕೂ ಹೊಸ ಅರ್ಥ ಬಂದುಬಿಡುತ್ತೆ... ಏನಂತೀರಿ?

ಚಿತ್ರಗಳು ಹಾಗೂ ಮಾಹಿತಿ ಮೂಲಗಳು: [1], [2]

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ಬರೀ 20,000 ರೂಪಾಯಿಗೆ ಸಿಗೋ ಈ ಹೊಸ ಸೋಲಾರ್ ಹಾಕಿಸಿದರೆ ನಿಮ್ಮ ಕರೆಂಟ್ ಬಿಲ್ ಅರ್ಧ

IIT ಮದ್ರಾಸ್ ಕರಾಮತ್ತು

ದಿನ ಬೆಳಗಾದ್ರೆ, ಈ ನ್ಯೂಸ್ ಪೇಪರ್ಗಳಲ್ಲಿ  ಕೊಲೆ, ಸುಲಿಗೆ, ದರೋಡೆ ಜೊತೆಗೆ ತಪ್ಪದೇ ಬರೋ ಇನ್ನೊಂದು ಸುದ್ದಿ ಅಂದ್ರೆ, ಲೋಡ್ ಶೆಡ್ಡಿಂಗ್ದು. ಇದನ್ನ ಓದಿ ನಾವು ಬೇಜಾರ್ ಮಾಡ್ಕೊಳೋದೂ ಸರ್ವೇಸಾಮಾನ್ಯ ಆಗೋಗ್ಬಿಟ್ಟಿದೆ. ಇದಕ್ಕೆಲ್ಲ ಇತಿಶ್ರೀ ಹಾಡೋ ಅಂತ ಸಮಯ ಬಂದಿದೆ. ಇದು IIT ಮದ್ರಾಸ್ ಸಿಬ್ಬಂದಿ ಕೃಪೆ! ನಾವೇನ್ ಹೇಳ್ತಾ ಇದ್ದೀವಿ ಅಂತ ತಲೆಕೆಡ್ತಾ ಇದ್ಯಾ? ಮುಂದೋದಿ...ನಿಮಗೇ ಗೊತ್ತಾಗತ್ತೆ.

ಎಕನಾಮಿಕ್ ಟೈಮ್ಸ್ ವರದಿ ಮಾಡಿರೋ ಪ್ರಕಾರ IIT ಮದ್ರಾಸಲ್ಲಿ ಒಂದಿಷ್ಟು ಜನ ಪುಣ್ಯಾತ್ಮರು ಸೇರ್ಕೊಂಡು ನಮ್ಮನೆ ಟೀಪಾಯ್ ಅಷ್ಟಗಲದ್ದು ಸೋಲಾರ್ ಪ್ಲಾಂಟ್ ತಯಾರು ಮಾಡಿದ್ದಾರೆ. ಈ ಸೋಲಾರ್ ಪ್ಲಾಂಟನ್ನ ನಮ್ಮನೆ ತಾರ್ಸಿ ಮೇಲೆ ಅಳವಡಿಸೋದ್ರಿಂದ ಕರೆಂಟ್ ಹೋಗೋ ಸಮಸ್ಯೆ ಇಂದ ಮುಕ್ತಿ ಸಿಗತ್ತೆ. ಇದರ ಜೊತೆಗೆ, ಕರೆಂಟ್ ಬಿಲ್ಲೂ ಅರ್ಧಕ್ಕರ್ಧ ಕಡಿಮೆ ಆಗುತ್ತಂತೆ. ಇದನ್ನ ಹಾಕ್ಸಕ್ಕೆ 20,000ದಷ್ಟು ದುಡ್ಡಿದ್ರೆ ಸಾಕು. ಇದರಲ್ಲಿ 125W ಪ್ಯಾನೆಲ್ ಜೊತೆಗೆ 0.5kWh ಬ್ಯಾಟರಿ ಇರುತ್ತೆ.

ಮೂಲ

ಏನು... ಇದನ್ನ ಕೇಳಿ ನಿಮಗೂ ಖುಷಿ ಆಯ್ತೋ ಇಲ್ವೋ? ಯಾಕಂದ್ರೆ, ಈಗಿರೋ ಮಾರ್ಕೆಟ್ ರೇಟ್ ಪ್ರಕಾರ, ಇದೇ ರೀತಿ ಪ್ಯಾನಲ್ ಹಾಕ್ಸಕ್ಕೆ ಬರೋಬ್ಬರಿ 1,20,000 ರುಪಾಯಿ ಬೇಕು ಅಂತ ಸೋಲಾರ್ ಎನರ್ಜಿ ಕಾರ್ಪೊರೇಶನ್ ಆಫ್ ಇಂಡಿಯಾದೋರು ಹೇಳ್ತಾರೆ. ಆದ್ರೆ, ಈ ಪ್ಲಾಂಟ್ ಅದಕ್ಕಿಂತ ಎಷ್ಟು ಪಟ್ಟು ಕಡಿಮೆ ನೋಡಿದ್ರಾ?

ಈ ಸೋಲಾರ್ ಪ್ಯಾನಲ್ ಇಂದ ಒಂದೆರ್ಡು ಟ್ಯೂಬ್ಲೈಟು, ಫ್ಯಾನು, ಚಾರ್ಜಿಂಗ್ ಪಾಯಿಂಟು, ಟೀವಿ ಎಲ್ಲಾನೂ ಓಡಿಸ್ಬೋದಂತೆ. ಇದಕ್ಕಿಂತ ಸ್ವಲ್ಪ ದೊಡ್ದ ಮಾಡೆಲ್ ತಗೊಂಡ್ರೆ, AC ಮತ್ತು ವಾಶಿಂಗ್ ಮಷಿನ್ ಬಿಟ್ಟು ಇನ್ನೆಲ್ಲಾ ಸಲಕರಣೆಗಳನ್ನೂ ಓಡಿಸ್ಬೋದಂತೆ ಕಣ್ರೀ!

ಪ್ರೊಫೆಸರ್ ಅಶೋಕ್ ಝುಂಝುಂನ್ವಾಲಾ ಹೇಳೋ ಪ್ರಕಾರ, ಈ ಸೋಲಾರ್ ಪ್ಲಾಂಟು ಪೂರ್ತಿ DC ವೈರಿಂಗ್ ಜೊತೆ ಬರೋದ್ರಿಂದ, ಬೇರೆ ಸೋಲಾರ್ ಪ್ಯಾನಲ್ಗಳ ಥರ DCನ ACಗೆ ಪರಿವರ್ತಿಸಲ್ಲ. ಇದ್ರಿಂದ ತುಂಬ ಎನರ್ಜಿ ಉಳಿತಾಯ ಆಗಿ ಕರೆಂಟ್ ಬಿಲ್ಲು ಕಮ್ಮಿ ಆಗುತ್ತೆ. ಗಮನಿಸಿ: ಸಾಮಾನ್ಯವಾಗಿ ನಮ್ಮ ಮನೆಗಳಲ್ಲೆಲ್ಲ AC ವೈರಿಂಗ್ ಮತ್ತು ಎಲೆಕ್ಟ್ರಿಕ್ ಸಾಮನುಗಳು ಇರೋದ್ರಿಂದ ಅದನ್ನೆಲ್ಲ ನೇರವಾಗಿ ಇದಕ್ಕೆ ಅಳವಡಿಸಕ್ಕೆ ಆಗಲ್ಲ.

ತಮಿಳುನಾಡು ಸರ್ಕಾರ, ದೊಡ್ಡ ದೊಡ್ದ MNCಗಳ ಜೊತೆ ಸೇರಿ  ಆಗ್ಲೇ 15,000 ಹಳ್ಳಿ ಮನೆಗಳಿಗೆ ಇದನ್ನ ಅಳವಡಿಸಿದ್ದಾರಂತೆ. ಮದ್ರಾಸಲ್ಲಿ 2015ರಲ್ಲಿ ಪ್ರವಾಹ ಬಂದಾಗ, ಇದರ ಸಹಾಯದಿಂದ 3 ದಿನ ಕರೆಂಟ್ ತೊಂದರೆ ಆಗ್ಲಿಲ್ವಂತೆ. ಇದರ ಜೊತೆ ರಾಜಸ್ಥಾನ್, ಅಸ್ಸಾಮಲ್ಲೂ ಹಾಕಿದ್ದಾರೆ. ಇನ್ಮುಂದೆ, ಕರ್ನಾಟಕ, ಆಂಧ್ರ ತೆಲಂಗಾಣ ಮತ್ತು ಒರಿಸ್ಸಾಲೂ ಇವುಗಳನ್ನ ಅಳವಡಿಸ್ತಾರಂತೆ.

IIT ಅವರ ಈ ಕೆಲಸ ಇಷ್ಟ ಆಗಿ, ನ್ಯೂಯಾರ್ಕಲ್ಲಿರೋ ಇನ್ಸ್ಟಿಟ್ಯೂಟ್ ಆಫ್ ಎಲೆಕ್ಟ್ರಿಕಲ್ ಅಂಡ್ ಎಲೆಕ್ಟ್ರಾನಿಕ್ ಎಂಜಿನಿಯರ್ಸ್ (IEEE) ಇವರು ಈ ಯೋಜನೆಗೆ '2017ರ ಅತ್ಯುತ್ತಮ ಜನಸೇವಾ ತಂತ್ರಜ್ಞಾನ' ಅನ್ನೋ ಪ್ರಶಸ್ತಿ ಕೊಟ್ಟಿದ್ದಾರೆ.

ನಂಗಂತೂ ಇದನ್ನ ಕೇಳಿ ತುಂಬಾನೇ ಖುಷಿಯಾಯ್ತಪ್ಪ. ನಿಮಗೆ?

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: