Google ನಲ್ಲಿ ಹುಡುಕ್ತಾ ಹುಡುಕ್ತಾ ಕಾಣಿಸಿಕೊಳೋ ಈ ಸಮಸ್ಯೆ ನಿಮಗೂ ಇದ್ಯಾ?

ಪ್ರಪಂಚದಲ್ಲೆಲ್ಲ ಹರಡ್ತಾ ಇದೆ.

ಅವನಿಗೆ ಸೊಲ್ಪ ಬಿಟ್ಟು ಬಿಟ್ಟು ತಲೆ ನೋವು ಬರ್ತಿತ್ತು... ವಿಕ್ಸ್ ಹಚ್ಕೊಂಡ್ರೂ ಹೋಗ್ತಿರ್ಲಿಲ್ಲ, ಮಾತ್ರೆ ತಗೊಂಡ್ರೂ ಹೋಗ್ತಿರ್ಲಿಲ್ಲ, ಡಾಕ್ಟ್ರತ್ರ ಹೋಗಕ್ಕೆ ಟೈಮಿಲ್ಲ.

tale novu.jpgfindingdulcinea

ಅದಕ್ಕೆ ಇನ್ಟರ್ನೆಟ್ಟಲ್ಲಿ ತಲೆನೋವಿಗೆ ಮದ್ದು ಹುಡುಕಿದ.

1363839764307.jpghome.bt

 

ಆದ್ರೆ ಅವನಿಗೆ ಸಿಕ್ಕಿದ್ದು ತಲೆನೋವಿಗೆ ಪರಿಹಾರ ಅಲ್ಲ, ಬದಲಾಗಿ ಇನ್ನಷ್ಟು ತಲೆನೋವು! 

ಯಾಕಂದ್ರೆ ಅವನಿಗೆ ಇದ್ದ ಕಾಮನ್ ತಲೆನೋವಿನ ಬಗ್ಗೆ ಹುಡುಕಕ್ ಹೋಗಿ ಕೊನೆಗೆ ಮೈಗ್ರೇನ್, ಬ್ರೈನ್ ಟ್ಯೂಮರ್ ಬಗ್ಗೆ ಏನೇನೋ ಓದಿ, ತನಗೂ ಆ ರೋಗ ಇದೆ ಅನ್ನೋ ಭ್ರಮೆಗೆ ಒಳಗಾದ. 

a-shocked-man-looks-at-his-laptop-computer-multiple-options_qyw8sdhu__S0002.jpgcloudfront

ನಿಮ್ ಲೈಫಲ್ಲೂ ಈ ಥರ ನಡದಿದ್ರೆ ಈಥರ ಆಗ್ತಿರೋದು ನಿಮಗೆ ಮಾತ್ರ ಅನ್ಕೋಬೇಡಿ.

ನಿಮ್ಮಂತೋರು ತುಂಬಾ ಜನ ಇದ್ದಾರೆ...

ಜಗತ್ತಿನಾದ್ಯಂತ ಗೂಗಲ್ಲಲ್ಲಿ ಪ್ರತಿ ೨೦ರಲ್ಲಿ ಒಂದು ಹುಡುಕಾಟ ಆರೋಗ್ಯದ ಕುರಿತು ಆಗಿರುತ್ತಂತೆ.

Shocked-man-at-computer.jpgconselium

ಯಾವುದೇ ಒಂದು ವಿಷಯದ ಬಗ್ಗೆ ತಿಳ್ಕೋಬೇಕಾದ್ರೆ ಈಗಿನ ಹುಡುಗ್ರು ಚಕ್ ಅಂತ ಗೂಗಲ್ ಸರ್ಚ್ ಮಾಡ್ತಾರೆ. ಆದ್ರೆ ಆರೋಗ್ಯದ ವಿಷಯದಲ್ಲಿ ಈ ಥರ ಗೂಗಲ್ಲಿಂದ ಮಾಹಿತಿ ತಗೊಳ್ಳೋರು ಸ್ವಲ್ಪ... ಅಲ್ಲ ತುಂಬಾ ಹುಷಾರಾಗಿರಬೇಕು. ಯಾಕಂದ್ರೆ, ಈ ಥರ ಗೂಗಲ್ಲಲ್ಲಿ ಆರೋಗ್ಯದ ಸಮಸ್ಯೆಗಳ ಬಗ್ಗೆ ಹುಡುಕಾಡಿ ಯಾವ್ಯಾವ್ದೋ ವೆಬ್ ಸೈಟಲ್ಲಿ ಏನೇನೋ ಓದಿ, ಅರೆಬೆರಕೇಲಿ ಊಹಿಸಿಕೊಂಡು ತಮಗೂ ಯಾವುದೋ ದೊಡ್ರೋಗ ಇದೆ ಅಂತ ತಲೆಕೆಡಿಸಿಕೊಳ್ಳೋದೇ ಒಂದು ಹೊಸ ರೋಗವಂತೆ.

ಆ ರೋಗದ ಹೆಸ್ರೇ ಸೈಬರ್ ಕಾಂಡ್ರಿಯಾ (cyberchondria)

really.jpgytimg

ಅದಕ್ಕೆ ಮದ್ದು ಇಷ್ಟೇ...

ನಿಮ್ಮ ಆರೋಗ್ಯದಲ್ಲಿ ಏನೇ ವ್ಯತ್ಯಾಸ ಆದ್ರೂ ಅದರ ಬಗ್ಗೆ ಗೂಗಲ್ಲಲ್ಲಿ ಹುಡುಕೋಕ್ಕೆ ಹೋಗಬೇಡಿ. 

ನಿಮ್ಮ ಆರೋಗ್ಯದ ಸಮಸ್ಯೆ ಚಿಕ್ಕದೇ ಆಗಿರಲಿ ದೊಡ್ಡದೇ ಆಗಿರಲಿ, ಡಾಕ್ಟ್ರರಿಗೆ ತೋರಿಸಿ ಔಷಧಿ ತಗೊಳಿ...

article-1354640-07C1B8EA000005DC-997_468x312.jpgdailymail

ಆರೋಗ್ಯದ ವಿಷಯದಲ್ಲಿ ನೀವು ಕೇಳಬೇಕಿರೋದು ಡಾಕ್ಟ್ರರ್ ಮಾತನ್ನೇ ಹೊರೆತು ಇಂಟರ್ನೆಟ್ಟಿನ ಮಾತಲ್ಲ...

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ವಿಜ್ಞಾನದ ಪ್ರಕಾರ ಚಂದ್ರ ಇಲ್ಲದೆ ಹೋದರೆ ಭೂಮಿಗೆ ಏನಾಗುತ್ತೆ ಅಂತ ಕೇಳಿ ಆಶ್ಚರ್ಯ ಪಡ್ತೀರಿ

ಯೋಚನೇನೂ ಮಾಡಕ್ಕಾಗಲ್ಲ

ನಮ್ಮ ಭೂಮಿಗೆ ತುಂಬಾ ಹತ್ತಿರದವನು ಚಂದ್ರ. ಭೂಮಿ ಮೇಲಿರೋ ಎಲ್ಲಾ ಜೀವಿಗಳ ವಿಕಾಸಕ್ಕೆ ಸಹಾಯ ಮಾಡಿರೋದು ಮಾತ್ರ ಅಲ್ಲ, ನಮ್ಮ ಭೂಮಿ ಸರಿಯಾಗಿ ವಿಕಾಸ ಆಗಕ್ಕೂ ಸಹಾಯ ಮಾಡಿದಾನೆ ಅಂತಾರೆ. ಸುಮಾರು 4.5 ಬಿಲಿಯನ್ ವರ್ಷಗಳ ಹಿಂದೆ ಮಂಗಳ ಗ್ರಹದಷ್ಟು ದೊಡ್ಡದಾಗಿರೋ ಒಂದು ಗ್ರಹದ್ ಚೂರು ನಮ್ಮ ಭೂಮಿಗೆ ಬಡೀತಂತೆ. ಆಗ ಹುಟ್ಟಿದೋನೇ ಚಂದ್ರ. ಭೂಮಿಯಿಂದ ಬೇರೆ ಆದ್ರೂ ಅದಿಕ್ಕೆ ಅಂಟ್ಕೊಂಡೇ ಅವತ್ತಿಂದ ಸುತ್ತಾ ಇದಾನೆ.

ಅದೇನೋ ಸರಿ; ಇವನೇನಾದ್ರೂ ಇಲ್ದೇ ಹೋದ್ರೆ ಏನಾಗತ್ತೆ? ಈ ಕೆಳಗಿನ ಐದು ಅಂಶ ಅಂತೂ ಗ್ಯಾರಂಟಿ ಅನ್ನತ್ತೆ ವಿಜ್ಞಾನ. ನೀವೇ ನೋಡಿ...

1. ರಾತ್ರಿ ಕತ್ಲೋ ಕತ್ತಲು!

ಚಂದ್ರ ಇಲ್ದೇ ಇದ್ರೆ ರಾತ್ರಿ ಕತ್ಲು ಸಿಕ್ಕಾಪಟ್ಟೆ ಜಾಸ್ತಿ ಆಗತ್ತೆ. ಚಂದ್ರ ಬಿಟ್ರೆ ದೊಡ್ಡದಾಗಿ ಕಾಣೋದು ಶುಕ್ರ. ಆದ್ರೆ ಶುಕ್ರನ್ ಬೆಳಕು ಕತ್ಲೆ ಹೋಗ್ಸಲ್ಲ. ಶುಕ್ರ ತುಂಬಾ ದೊಡ್ಡದಾಗಿ ಕಾಣ್ವಾಗ ಇರೋದಕ್ಕಿಂತ ಪೂರ್ಣಚಂದ್ರ 2000 ಪಟ್ಟು ದೊಡ್ಡದಾಗಿ ಕಾಣ್ತಾನೆ.

2. ವರ್ಷದಲ್ಲಿ 1,100-1,400 ದಿನ, ದಿನಕ್ಕೆ 6 - 8 ಗಂಟೆ ಆಗೋಗತ್ತೆ

ಯಾಕಂದ್ರೆ ಭೂಮಿ ತಿರುಗೋದಿಕ್ಕೆ ಚಂದ್ರ ಒಂಥರಾ ಬ್ರೇಕ್ ಹಾಕಿದಾನೆ. ಅವನ ಗುರುತ್ವಾಕರ್ಷಣೆಯಿಂದ ಭೂಮಿ ಸ್ಪೀಡು ಕಮ್ಮಿ ಆಗಿದೆ. ಈ ಬ್ರೇಕ್ ಇಲ್ದೇ ಇದ್ರೆ ಭೂಮಿ ಇನ್ನೂ ತುಂಬಾ ವೇಗವಾಗಿ ತಿರುಗ್ತಾ ಇತ್ತು. ಕಣ್ಮುಚ್ಚಿ ಕಣ್ ತೆಗೆಯೋದ್ರಲ್ಲಿ ಒಂದು ದಿನ ಮುಗಿಯತ್ತೇನೋ, ಚಂದ್ರ ಇಲ್ದಿದ್ರೆ

3. ಸಮುದ್ರದಲ್ಲಿ ಅಲೆಗಳು ಏಳಲ್ಲ

ಸೂರ್ಯ ಭೂಮಿಗಿಂತ 400 ಪಟ್ಟು ದೊಡ್ಡದು, ಸುಮಾರು 400 ಪಟ್ಟು ದೂರಾನೂ ಇದೆ. ಅದಕ್ಕೆ ಇವೆರಡೂ ಭೂಮಿಯಿಂದ ಒಂದೇ ಗಾತ್ರ ಇರೋ ಹಾಗೆ ಕಾಣೋದು. ಸೂರ್ಯ ಚಂದ್ರಂಗಿಂತ 27 ಮಿಲಿಯನ್ ಪಟ್ಟು ದೊಡ್ಡದಾಗಿದೆ. ಹಾಗಂತ ಚಂದ್ರ ಇಲ್ದೆ ಹೋದ್ರೆ ಸಮುದ್ರದಲ್ಲಿ ಏಳೋ ಅಲೆ ಇನ್ನೂ ದೊಡ್ದ ಗಾತ್ರದ್ದಿರತ್ತೆ ಅಂತ ಅನ್ಕೊಂಡ್ರೆ ತಪ್ಪು. ಸೂರ್ಯನಿಂದ ಉಂಟಾಗೋ ಅಲೆಗೆ ಚಂದ್ರನ ಅಲೆಯ 40% ಶಕ್ತಿ ಮಾತ್ರಾನೇ ಇರೋದು. ಈಗ ಉಕ್ಕೋ ಎತ್ರಕ್ಕಿಂದ ಕಾಲು ಭಾಗ ಉಕ್ಕತ್ತೇನೋ ಅಷ್ಟೇ.

4. ಗ್ರಹಣಗಳೇ ಆಗಲ್ಲ

ಚಂದ್ರಗ್ರಹಣಾನೂ ಇಲ್ಲ; ಸೂರ್ಯಗ್ರಹಣಾನೂ ಇಲ್ಲ – ಸೂರ್ಯ ಮತ್ತೆ ಭೂಮಿ ಮಧ್ಯ ಯಾರೂ ಬರಲ್ವಲ್ಲ ಆಗ. ಚಂದ್ರ ಬಿಟ್ರೆ ಭೂಮಿ ಮತ್ತೆ ಸೂರ್ಯನ ಮಧ್ಯೆ ಹಾಯೋದು ಶುಕ್ರಗ್ರಹ ಮಾತ್ರ. ಅಂದ್ರೆ ಶುಕ್ರಗ್ರಹಣ! ಅದ್ಯಾವಾಗಾಗತ್ತೋ ಯಾರ್ ಬಲ್ರು?

5. ಪರಿಸರದಲ್ಲಿ ಏನೇನೋ ಏರುಪೇರುಗಳಾಗುತ್ತವೆ

ಚಂದ್ರ ಭೂಮಿನ ಹಿಡ್ಕೊಂಡಿದಾನೋ, ಅಥವಾ ಭೂಮಿ ಚಂದ್ರನ್ನ ಹಿಡ್ಕೊಂಡಿದ್ಯೋ! ಅಂತೂ ಇವೆರಡೂ ಒಂದನ್ನೊಂದು ಕಂಟ್ರೋಲ್  ಮಾಡ್ತಿವೆ. ಆದ್ರೆ ಚಂದ್ರ ಇಲ್ದೇ ಇದ್ರೆ ಭೂಮಿ ಅಕ್ಷರೇಖೆ ಆಗ್ಗಾಗ್ಗ ವಿಪರೀತವಾಗಿ ಅಚಾನಕ ಬದಲಾಗಿ ಬಿಡತ್ತೆ. ಈಗ ಚಂದ್ರನ ಪ್ರಭಾವದಿಂದ ಸರಿಯಾಗಿ 23.5 ಡಿಗ್ರೀನಲ್ಲೇ ತಿರುಗ್ತಾ ಇದೆ. ಚಂದ್ರ ಏನಾರ ಇಲ್ಲಾ ಅಂದ್ರೆ ಭೂಮಿ ತುಂಬಾ ತಿರಗ್ ಬಹುದು ಅಥವಾ ತಿರಗ್ದೇ ನೆಟ್ಟಗೆ ಇರಬಹುದು. ಆಗ ಋತುಗಳೇ ಇಲ್ದೇ ಹೋಗಬಹುದು; ಅಥವಾ ವಿಚಿತ್ರ ಅನ್ನೋ ತರ ಋತುಗಳು ಬರಬಹುದು. ನಾವು ಬುಧಗ್ರಹದ್ ತರ ಸಮತಟ್ಟಾಗಿ ಸುತ್ತಾ ಇರ್ತೀವಿ ಅಥವಾ ಯುರೇನಸ್ ತರ ಚಿತ್ರವಿಚಿತ್ರ ವಾತಾವರಣದಲ್ಲಿ ಬಿದ್ದು ಹೊರಳಾಡ್ತಿರ್ತೀವಿ!!

ಅದಕ್ಕೇ ಹೇಳೋದು, ಭೂಮಿಗೂ ಸೂರ್ಯಂಗೂ ಮಧ್ಯ ಏನೇನೇ ಬಂದ್ರೂ, ಭೂಮಿಗೂ ಚಂದ್ರಂಗೂ ಮಧ್ಯ ಏನೂ ಬರೋದಿಲ್ಲ ಅಂತ. ಅಂತ ಅಪೂರ್ವವಾದ ಸಂಬಂಧ ಭೂಮಿ-ಚಂದ್ರಂದು. ಅಲ್ವಾ?

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: