ನೂರಾರು ವರ್ಷದ ಹಿಂದೆ ಒಂದು ವ್ಯಾಪಾರಿ ಹಡಗಲ್ಲಿ ಕೃಷ್ಣ ಅಕಸ್ಮಾತಾಗಿ ಉಡುಪಿಗೆ ಬಂದ ರೋಮಾಂಚಕ ಕಥೆ

ಅಥವಾ ಎಲ್ಲವೂ ಪೂರ್ವನಿರ್ಧಾರಿತವೋ?

ಉಡುಪಿ ಕ್ಷೇತ್ರದಲ್ಲಿರೋ ಕೃಷ್ಣನ ಮೂರ್ತಿ ಮಧ್ವಾಚಾರ್ಯರು ಸ್ಥಾಪನೆ ಮಾಡಿದ್ದು ಅನ್ನೋದು ಎಲ್ಲರಿಗೂ ಗೊತ್ತಿರೋ ವಿಷಯ. ಆದ್ರೆ ಅದು ಉಡುಪೀಲಿ ಕೆತ್ತಿದ್ದಲ್ಲ...

ಅದು ಉಡುಪಿಗೆ ಹೇಗೆ ಬಂತು, ಯಾರು ಈ ಮೂರ್ತಿಯನ್ನು ಮಾಡ್ಸಿದ್ದು ಅಂತ ಕೇಳಿ...

1. ಕಥೆ ಶುರು ಆಗೋದು ದ್ವಾಪರ ಯುಗದ ಕೊನೆಯಲ್ಲಿ. ದ್ವಾರಕೆಯಲ್ಲಿ ಕೃಷ್ಣನ ತಾಯಿ ದೇವಕಿ ಅವನ ಬಾಲ್ಯ ಲೀಲೆಗಳನ್ನ ಮತ್ತೆ ನೋಡ್ಬೇಕು ಅಂತ ಹಂಬಲಿಸ್ತಾಳಂತೆ...ಅದಕ್ಕೆ ಕೃಷ್ಣ ಮತ್ತೆ ಮಗುವಾಗಿ ದೇವಕಿ ತೊಡೆ ಮೇಲೆ ಕೂತ್ಕೊತಾನಂತೆ. ದೇವಕಿ ಬೆಣ್ಣೆ ಕಡ್ಯಕ್ಕೆ ಹೋದಾಗ ಮಡಿಕೆ ಒಡೆದು ಅಲ್ಲಿದ್ದ ಬೆಣ್ಣೆ ತಿಂದು ಕಡಗೋಲು, ಹಗ್ಗ ಕಿತ್ಕೊಂಡು ನಿಂತ್ಕೊತಾನಂತೆ...

krishna-1-thehindu.com_.jpghindu

2. ಇದನ್ನೆಲ್ಲ ಕೃಷ್ಣನ ಹೆಂಡತಿ ರುಕ್ಮಿಣಿನೂ ನೋಡಿ ತುಂಬಾ ಖುಶಿ ಪಡ್ತಾಳೆ... ಈ ದೃಶ್ಯ ಸದಾ ತನ್ನ ನೆನಪಿನಲ್ಲಿ ಇರ್ಬೇಕು ಅಂತ ಒಂದು ಮೂರ್ತಿ ಮಾಡಿಸ್ತಾಳಂತೆ...

Rukmini-Krishna-maadurgawallpaper_com.jpgmaadurgawallpaper

3. ವಿಶ್ವಕರ್ಮ ಮಾಡಿದ ಆ ಮೂರ್ತಿಗೆ ಬಲಗೈನಲ್ಲಿ ಕಡಗೋಲು ಎಡಗೈನಲ್ಲಿ ಹಗ್ಗ... ರುಕ್ಮಿಣಿ ದಿನಾಗಲೂ ಅದಕ್ಕೆ ಪೂಜೆ ನಡೆಸಿಕೊಂಡು ಬರ್ತಾ ಇರ್ತಾಳೆ...

krishna-22-hindu-blog.com_.jpghindu

4. ಹೀಗೇ ಕೃಷ್ಣನ ಅವತಾರ ಮುಗಿದಾಗ ಕೃಷ್ಣ, ರುಕ್ಮಿಣಿ ಸ್ವರ್ಗಕ್ಕೆ ಹೋಗ್ತಾರಂತೆ. ಅರ್ಜುನ ಆ ಮೂರ್ತಿನ ತೊಗೊಂಡು ದ್ವಾರಕೆಯಲ್ಲಿರೋ "ರುಕ್ಮಿಣಿವನ"ದಲ್ಲಿ ಬಚ್ಚಿಡ್ತಾನಂತೆ... ಇದೆಲ್ಲ 5000 ವರ್ಷ ಹಿಂದಿನ ಕಥೆ...

Rukmini_temple-en.wikipedia.org_.JPGwiki

5. ಕಾಲ ಕಳೀತಿದ್ದಂಗೆ ಆ ಮೂರ್ತಿ ಗೋಪಿಚಂದನದಿಂದ ತುಂಬ್ಕೊಂಡು ಒಂದು ದೊಡ್ಡ ಕಲ್ಲುಗುಂಡಿನ ತರಹ ಆಯ್ತಂತೆ...

gopi chandana-blog.onlineprasad.com_.jpgblog

6. 13ನೇ ಶತಮಾನದಲ್ಲಿ ವ್ಯಾಪಾರಿಗಳ ಒಂದು ಹಡಗು ದ್ವಾರಕಾ ತೀರದಿಂದ ಹೊರಟಿತ್ತಂತೆ... ಈ ಗೋಪಿಚಂದನದ ಗುಂಡುಕಲ್ನ ಕೃಷ್ಣನ ವಿಗ್ರಹ ಅಂತ ತಿಳೀದೆ ಹಡಗಿಗೆ ನಿಲುಭಾರವಾಗಿ ಇಟ್ಕೊಂಡಿದ್ರಂತೆ!

Ancient-Chinese-ship-red-sails-insights-on-business.com_.gifbusiness

7. ಇನ್ನೇನು ಉಡುಪಿ ತೀರದ ಹತ್ತಿರ ಬಂದಾಗ ಬಿರುಗಾಳಿ ಕಾರಣ ಹಡಗು ಅಲ್ಲಾಡಕ್ಕೆ ಶುರುವಾಯ್ತಂತೆ... ಅದೇ ದಿನ ಮಧ್ವಾಚಾರ್ಯರು ಮಲ್ಪೆ ಬೀಚ್ ಹತ್ತಿರ ದ್ವಾದಶ ಸ್ತೋತ್ರ ರಚನೆ ಮಾಡೋದರ ಬಗ್ಗೆ ಯೋಚ್ನೆ ಮಾಡ್ಕೊಂಡು ಸ್ನಾನ ಮಾಡ್ತಿದ್ದರಂತೆ...

malpe-beach-vedic-stories.blogspot.com_.jpgblog

8. ಹಡಗು ಮುಳುಗಿ ಹೋಗ್ತಿರೋದು ನೋಡಿ ಅವರು ಬಟ್ಟೆ ಬೀಸಿದ್ರಂತೆ. ಬಿರುಗಾಳಿ ತಣ್ಣಗಾಗಿ ಹಡಗು ನಿಲ್ಸಕ್ಕೆ ಅನುಕೂಲ ಆಯ್ತಂತೆ. ಹಡಗಿನ ಕ್ಯಾಪ್ಟನ್ ಬಹಳ ಖುಷಿಯಿಂದ ಮಧ್ವಾಚಾರ್ಯರ ಹತ್ತಿರ ಬಂದು ಸಹಾಯ ಮಾಡಿದ್ದಕ್ಕೆ ಹಡಗಿನಲ್ಲಿರುವ ಯಾವ ಸಾಮಾನಾದರೂ ತೊಗೊಳ್ಳಿ ಅಂತ ಅಂದನಂತೆ. ಆಗ ಆಚಾರ್ಯರು ಗೋಪಿಚಂದನದ ಕಲ್ಲುಗುಂಡೆ ತೊಗೊಂಡರಂತೆ...

madhva-vishnudut1926.blogspot.com_.pngblog

9. ದಾರಿ ಮಧ್ಯದಲ್ಲಿ ಆ ಗೋಪಿಚಂದನದ ಉಂಡೆ ಬಿದ್ದು ಚೂರಾಗಿ ಒಳಗಡೆ ಬಲರಾಮ ಮತ್ತು ಕೃಷ್ಣನ ಮೂರ್ತಿ ಕಾಣಿಸ್ತಂತೆ. ಶಿಷ್ಯರಿಗೆ ಅದನ್ನ ಎತ್ತಕ್ಕೆ ಆಗ್ಲೇ ಇಲ್ಲವಂತೆ. ಮಧ್ವಾಚಾರ್ಯರು ಅದನ್ನ ಸಲೀಸಾಗಿ ನಾಲ್ಕು ಮೈಲಿ ಎತ್ಕೊಂಡು ದ್ವಾದಶ ಸ್ತೋತ್ರ ಪೂರ್ತಿ ರಚಿಸಿಕೊಂಡು ಉಡುಪಿಗೆ ಬಂದ್ರಂತೆ...

2Acharya-udupi-krishna-clickudupi.com_.jpgclickudupi

10. ಮಧ್ವ ಸರೋವರದಲ್ಲಿ ಆ ಮೂರ್ತಿಗೆ ಸ್ನಾನ ಮಾಡಿಸಿ ಸಂಕ್ರಾಂತಿ ದಿನ ಕೃಷ್ಣ ಮಠದಲ್ಲಿ ಪ್ರತಿಷ್ಠಾಪನೆ ಮಾಡಿದ್ರಂತೆ...

madhwa-pinterest.jpgpinterest

ಉಡುಪಿ ಕೃಷ್ಣ ಉಡುಪಿಗೆ ಬಂದ ಕಥೆ ಇದು!

ಮಧ್ವಾಚಾರ್ಯರು ತಮ್ಮ 8 ಶಿಷ್ಯರಿಗೆ (ಅಷ್ಟ ಮಠಗಳು) ಕೃಷ್ಣ ಮಠದ ಜವಾಬ್ದಾರಿ ಕೊಟ್ಟಿದ್ದರಂತೆ. ಈಗಲೂ 2 ವರ್ಷಕ್ಕೊಮ್ಮೆ ಅಷ್ಟ ಮಠಗಳು ಮಠ ನಡೆಸೋ ಜವಾಬ್ದಾರಿ ಒಬ್ಬರಿಂದೊಬ್ಬರಿಗೆ ಬದಲಾಯಿಸಿಕೊಳ್ಳುತಾರೆ. ಅದಕ್ಕೆ ‘ಪರ್ಯಾಯ’ ಅಂತಾರೆ. ಈ ಸಾರಿ ಅಧೋಕ್ಷಜ ಮಠದ ಶ್ರೀ ಪೇಜಾವರ ವಿಶ್ವೇಶ್ವರತೀರ್ಥ ಸ್ವಾಮಿಗಳು ಮತ್ತೆ ಈ ಜವಾಬ್ದಾರಿ ಪಡ್ಕೊಂಡಿದಾರೆ...

Udupi-Paryaya-2014-16.jpgtulunadu

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ಫೇಸ್ಬುಕ್ ಚರ್ಚೆ:

ಜನರ ನಡವಳಿಕೆ ಬಗ್ಗೆ ಈ 13 ಸತ್ಯಗಳು ಗೊತ್ತಾದಾಗ ನಿಮಗೆ ಪ್ರಪಂಚ ಇನ್ನಷ್ಟು ಚೆನ್ನಾಗಿ ಅರ್ಥ ಆಗುತ್ತೆ

ದುಡ್ಡಿರೋರ್ನ ಜನ ಬುದ್ಧಿವಂತ್ರು ಅನ್ಕೋತಾರೆ

ಮನುಷ್ಯನ ದೇಹ ಒಂದು ಅದ್ಭುತವಾದ ಸೃಷ್ಟಿ. ಒಂದು ಕಡೆಗೆ ಬೇರೆ ಬೇರೆ ಕೆಲಸಗಳ್ನ ಮಾಡ್ಕೊಂಡ್ ಹೋಗೋ ಅಂಗಾಂಗಗಳಾದರೆ ಇನ್ನೊಂದು ಕಡೆ ಇಡೀ ಬ್ರಹ್ಮಾಂಡವನ್ನೇ ಅರ್ಥ ಮಾಡಿಕೊಳ್ಳುವಂಥ ಮನಸ್ಸು! ದೇಹ ಮತ್ತು ಮನಸ್ಸು ಎರಡೂ ಒಗ್ಗೂಡೇನೇ‌ ಮನುಷ್ಯ ತನ್ನದೇ ಆದ ರೀತಿಯಲ್ಲಿ ನಡ್ಕೊಳೋಡು. ಒಬ್ಬೊಬ್ಬ ಮನುಷ್ಯಾನೂ ಬೇರೆಬೇರೇನೇ, ಆದರೆ ಎಲ್ಲರಿಗೂ ಅನ್ವಯಿಸುವಂಥ ಕೆಲವು ಆಶ್ಚರ್ಯಕರವಾದ ಸತ್ಯಗಳಿವೆ. ಕೆಳಗೆ ಅಂಥವು ಕೆಲವು ಕೊಟ್ಟಿದೀವಿ, ಓದ್ತಾ ಹೋಗಿ…

1. ಆತ್ಮಗೌರವ ಕಡಿಮೆ ಇರೋರು ಬೇರೆಯೋರ್ನ ಕಡೆಗಣಿಸಿ ಮಾತಾಡೋದು, ಕೀಳಾಗಿ ಬಿಂಬಿಸೋದು, ಎಲ್ಲಾ ಜಾಸ್ತಿ.

ಯಾಕಂದ್ರೆ ಅವರಿಗೆ ತಮ್ಮೊಳಗೆ ತಾವೇ 'ಮೇಲೆ' ಕಾಣಿಸಲ್ಲ. ಬೇರೆಯೋರ್ನ ಕೆಳಗೆ ಮಾಡಿಕೊಂಡಾಗಲೇ ಕಾಣಿಸೋದು.

2. ಯಾರಾದರೂ ನೋಡ್ತಾ ಇದಾರೆ ಅಂದಾಗ ಜನರ ನಡತೆ ಇನ್ನಷ್ಟು ಚೆನ್ನಾಗಿರುತ್ತೆ.

ಯಾರೂ ಇಲ್ಲದಿರುವಾಗ ನಡ್ಕೊಳೋ ರೀತೀನೇ ಬೇರೆ. ನನಗೆ ಬೇಕಾದ್ದು ಮಾಡ್ತೀನಿ ಅನ್ನೋ‌ ಮನೋಭಾವ ಇರುತ್ತೆ. ಇದು ಕೆಟ್ಟದೆನಲ್ಲ, ಆದರೆ ಒಳಗೊಂದು ಹೊರಗೊಂದು ಅನ್ನೋದು ಮಿತಿಮೀರಿ ಬೆಳೆದರೆ ತೊಂದರೆ, ಅಷ್ಟೆ.

3. ನೋಡಕ್ಕೆ ಚೆನ್ನಾಗಿರೋರ್ನ ಮತ್ತೆ ತುಂಬಾ ಸಾಧು ಮನುಷ್ಯನ ತರಹ ಕಾಣಿಸೋರ್ನ ಜನ ಬೇಗ ನಂಬಿ ಬಿಡ್ತಾರೆ.

'ಗೋಮುಖವ್ಯಾಘ್ರ' ಅಂತ ಹೇಳ್ತಾರಲ್ಲ, ಹಂಗೆ ಇದು. ಸೌಂದರ್ಯ ಮತ್ತೆ ವಿನಯ ಹೊರಗೆ ಕಂಡರೆ ಸಾಕು, ಜನ ಹತ್ತಿರ ಬರ್ತಾರೆ. ಕೆಲವರು ಇದನ್ನ ಇನ್ನೊಂದು ರೀತಿಲಿ ಬಳಸಿಕೊಳ್ತಾರೆ, ಅಷ್ಟೇ.

4. ಜನ ತುಂಬ ಕ್ಲಿಷ್ಟವಾದ ತೀರ್ಮಾನಗಳ್ನ ತೊಗೊಳಕ್ಕೆ ಹೋಗಲ್ಲ; ಅದರ ಬದಲು ಇರೋದು ಇದ್ದಂಗೇ ಇರಲಿ ಅಂತ ಸುಮ್ಮನೆ ಇದ್ದುಬಿಡ್ತಾರೆ.

ಏನ್ ತೀರ್ಮಾನ ತೊಗೋತಿದೀನಿ ಅನ್ನೋದು ತುಂಬ ಸುಲಭವಾಗಿ ಅರ್ಥ ಆಗಬೇಕು. ಇಲ್ಲಾಂದ್ರೆ ತಲೆ ಕೆಡುಸ್ಕೊಳಲ್ಲ ಜನ. ಇದು ರಾಜಕಾರಣಿಗಳಿಗೆ ತುಂಬ ಚೆನ್ನಾಗಿ ಗೊತ್ತಿರೋ ವಿಷಯ!

5. ಯಾರಾದರೂ ತುಂಬ ಕೋಪ ಮಾಡ್ಕೋತಿದ್ರೆ ಅವರ ತರಹ ನಾವೂ ಆಗಬೇಕು, ಅವರ ಸ್ಥಾನಕ್ಕೆ ನಾವೂ ಏರಬೇಕು ಅನ್ಕೋತಾರೆ ಜನ

ಅದೇನೋ ಕೋಪಕ್ಕೆ ಈ ಸ್ಥಾನಮಾನ ಇದೆಯಪ್ಪ. ತುಂಬಾ ಬುದ್ಧಿವಂತರು ಮತ್ತೆ ತುಂಬಾ ಒಳ್ಳೇ ಮನಸ್ಸಿರೋರೆ ಕೋಪ ಮಾಡ್ಕೊಳೋದು ಅಂತ ಜನ ಅನ್ಕೋತಾರೆ. ಮೇಲ್ಮೇಲಕ್ಕೆ ಇದನ್ನ ತೋರಿಸಿಕೊಳ್ಳದೆ ಇರಬಹುದು, ಆದರೆ ಒಳಗೊಳಗೇ ನಾನು ಅವರ ಸ್ಥಾನಕ್ಕೆ ಎರಬೇಕು ಅನ್ಕೋತಾರೆ.

6. ಏನಾದರೂ ಸಿಕ್ಕಾಗ ಆಗೋ ಸಂತೋಷದ ತೂಕ ಒಂದಾದರೆ ಅದನ್ನ ಕಳ್ಕೊಂಡಾಗ ಆಗೋ ದುಃಖದ ತೂಕ ಎರಡು.

ಮೊಬೈಲ್ ಕೊಂಡುಕೊಂಡಾಗ ಆಗುವ ಸುಖ ಹೆಚ್ಚೋ ಅದು ಕಳೆದು ಹೋದಾಗ ಆಗುವ ದುಃಖ ಹೆಚ್ಚೋ?!

7. ಬೊಜ್ಜು ಒಬ್ಬರಿಂದ ಇನ್ನೊಬ್ಬರಿಗೆ ಹರಡುತ್ತೆ. ನಿಮ್ಮ ಸುತ್ತ ಮುತ್ತ ಬೊಜ್ಜು ಜಾಸ್ತಿ ಇರೋರೇ ಇದ್ದರೆ ನಿಮಗೂ ಬರೋ ಸಾಧ್ಯತೆ ಇದೆ.

ಇದಕ್ಕೆ ಕಾರಣ ಅಷ್ಟು ಬೊಜ್ಜಿರೋದೇ ನಾರ್ಮಲ್ ಅನ್ಕೊಳೋದು. ಅಲ್ಲದೆ ಅವರು ತಿಂದಿದ್ದೆಲ್ಲ ತಿನ್ನೋದು!

8. ಯಶಸ್ಸು ಮತ್ತೆ ದುಡ್ಡು ಯಾರಿಗಿದೆಯೋ ಅವರನ್ನ ಜನ ಬುದ್ಧಿವಂತರು ಅಂತಾನೂ ಅನ್ಕೋತಾರೆ.

ಇದೊಂದು ದೊಡ್ಡ ವಿಪರ್ಯಾಸ. ನಿಜಕ್ಕೂ ನೋಡಿದರೆ ಸಾಮಾನ್ಯವಾಗಿ ದುಡ್ಡು ಯಶಸ್ಸು ಎಲ್ಲಾ ಇರೋ ಕಡೆ ಬುದ್ಧಿವಂತಿಕೆ ಕಡಿಮೇನೇ ಇರುತ್ತೆ. ದುಡ್ಡು ಮತ್ತೆ ಯಶಸ್ಸಿಗೆ ಬೇಕಾದ ಬುದ್ಧಿವಂತಿಕೆಗೂ ನಿಜವಾದ ಬುದ್ಧಿವಂತಿಕೆಗೂ ವ್ಯತ್ಯಾಸ ಜನರಿಗೆ ಗೊತ್ತಾಗಲ್ಲ.

9. ಸಂತೋಷವಾಗಿರಕ್ಕೆ ತುಂಬಾ ದುಡ್ದಿರಬೇಕಗಿಲ್ಲ. ಅಕ್ಕಪಕ್ಕದ ಮನೆಯೋರ್ಗಿಂತ ಜಾಸ್ತಿ ಇದ್ದರೆ ಸಾಕು.

ಯಾಕಂದ್ರೆ ನಾವು ಯಾವಾಗಲೂ ಬೇರೆಯೋರಿಗೆ ಹೋಲಿಸಿಕೊಳ್ತಾ ಇರ್ತೀವಿ, ಅದಕ್ಕೇ. ಅಂದಹಾಗೆ ಈಗೀಗ ಪಕ್ಕದ ಮನೆಯೋರ ಫೇಸ್ಬುಕ್ಕಲ್ಲಿ ಫ್ರೆಂಡ್ ಆಗಿರೋರೂ ಸೇರಿಕೊಳ್ತಾರೆ!

10. ಸುಳ್ಳು ಹೇಳಕ್ಕೆ ತುಂಬ ಜಾಸ್ತಿ ತಲೆ ಉಪಯೋಗಿಸಬೇಕು. ನಿಜ ಹೇಳಕ್ಕೆ ಅಷ್ಟು ಬೇಕಾಗಿಲ್ಲ.

ಸುಳ್ಳು ಹೇಳುವಾಗ ಮುಂದೆ ಆಗೋ ತೊಂದರೆಗಳಿಗೆಲ್ಲ ಪ್ಲಾನ್ ಮಾಡಿಕೊಂಡು ಹೇಳಬೇಕು. ನಿಜ ಹೇಳೋರಿಗೆ ಈ ತೊಂದರೆಗಳೆಲ್ಲ ಇರಲ್ಲ. ಹೇಳೋದು ಹೇಳಿ ಆಮೇಲೆ ಏನಾಗುತ್ತೋ ನೋಡ್ಕೋತೀನಿ ಅನ್ನೋ ಮನೋಭಾವ ಇರೋದ್ರಿಂದ ಜಾಸ್ತಿ ತಲೆ ಉಪಯೋಗಿಸಬೇಕಾಗಿಲ್ಲ.

11. ನಿಮಗೆ ಇಷ್ಟ ಇರೋರ್ಗೆ SMS / WhatsApp ಸಂದೇಶ ಬರೀಬೇಕಾದ್ರೆ ಕೈ ಬೇಗ ಓಡುತ್ತೆ.

ಯಾಕಂದ್ರೆ ಮನಸ್ಸು ಕೈಗೆ ಹಾಗೆ ಆದೇಶ ಕೊಡುತ್ತೆ! ಆದರೆ ನೆನಪಿರಲಿ, ಇದರಿಂದ ಏನೇನೋ ಟೈಪ್ ಮಾಡಿ ಸಂದೇಶ ಕಳಿಸಿ ಕಷ್ಟಕ್ಕೆ ಸಿಕಾಕೊಳೋ ಸಾಧ್ಯತೆ ಹೆಚ್ಚು!

12. ಆಗಾಗ ಬೇಜಾರು ಅನ್ನೋರು ಸಾಮಾನ್ಯವಾಗಿ ಏನಾದರೂ ಒಳ್ಳೆ ಕೆಲಸ ಮಾಡಕ್ಕೆ ಇಷ್ಟ ಪಡ್ತಾರೆ. ಅವರಿಗೆ ನಿಜಕ್ಕೂ ಮನರಂಜನೆ ಬೇಕಾಗಿರಲ್ಲ.

ಅವರಿಗೆ ಬೇಜಾರು ಆಗೋದೇ ಮನರಂಜನೆ ಅವರಿಗೆ ಬೇಡದೆ ಇರೋದ್ರಿಂದ. ಮನರಂಜನೆಯಿಂದ ಅವರ ಜೀವನ ಇನ್ನಷ್ಟು ಚೆನ್ನಾಗಾಗುತ್ತೆ ಅನ್ನೋ ಅನಿಸಿಕೆ ಅವರಿಗೆ ಇರಲ್ಲ. ಅದರ ಬದಲಾಗಿ ಏನಾದರೂ ಒಳ್ಳೇ ಕೆಲಸ ಮಾಡಿದರೆ ಒಂದಿಷ್ಟು ಸಂತೋಷ ಸಿಗುತ್ತೆ.

13. ತುಂಬ ಬುದ್ಧಿ ಇರೋ ಹುಡುಗೀರ್ಗೆ ಗಂಡು ಸಿಗೋದು ಕಷ್ಟ. ಅವರಿಗೂ ಮದುವೆ ಅಂದ್ರೆ ತುಂಬಾ ಇಷ್ಟ ಇರಲ್ಲ.

ಮದುವೆ ಅನ್ನೋದರ ಬಗ್ಗೆ ತೀರಾ ಜಾಸ್ತಿ ಯೋಚನೆ ಮಾಡೋದು ಏನೂ ಇರಲ್ಲ. ಸ್ವಲ್ಪ ಇರುತ್ತೆ, ಇಲ್ಲವೇ ಇಲ್ಲ ಅಂತಲ್ಲ. ಆದರೆ ಮದುವೆ ಆದ್ಮೇಲೆ ನಿಭಾಯಿಸಿಕೊಂಡು ಹೋಗೋದೇ ಮುಖ್ಯ. ಆದರೆ ತುಂಬ ಬುದ್ಧಿ ಇದ್ದರೆ ಬೇಕಾದ್ದು ಬೇಕಾಗಿಲ್ಲದಿರೋದು ಎಲ್ಲಾ ಯೋಚನೆ ಮಾಡಿಕೊಂಡು ತಲೆ ಕೆಡಿಸಿಕೊಂಡು ಕೂತಿರ್ತಾರೆ. ಬೇಕಾಗಿಲ್ಲದಿರೋದರ ಬಗ್ಗೇನೇ ಜಾಸ್ತಿ ಯೋಚನೆ ಮಾಡ್ತಾರೆ ಅಂದ್ರೂ ತಪ್ಪಲ್ಲ.

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: