ಪ್ರಪಂಚದ ಈ 16 ವಿಚಿತ್ರ ಕಸುಬುಗಳಲ್ಲಿ ನೀವು ಯಾವುದು ಮಾಡಕ್ಕೆ ಇಷ್ಟ ಪಡ್ತೀರಿ?

ಕೆಲಸ ಮಾಡ್ತೀನಿ ಅನ್ನೋರಿಗೆ ಎಷ್ಟು ಬೇಕಾದರೂ ದಾರಿ ಇದೆ

ವಿಚಿತ್ರ ಕೆಲಸಗಳು

’ದೊಡ್ಡೋನಾ(ಳಾ)ದಮೇಲೆ ಏನ್ ಮಾಡ್ತೀಯಾ...?’ ಅಂತ ಕೇಳಿಸಿಕೊಂಡಿರ್ತೀರಿ. ಹೌದು ತಾನೆ? ಆಗ ನೀವು ಡಾಕ್ಟರ್ರೋ ಇಂಜಿನಿಯರ್ರೋ ಅಥವಾ ಲಾಯರ್ರೋ ಮತ್ತೊಂದೋ ಆಗ್ತೀನಿ ಅಂತ ಹೇಳಿರ್ತೀರಿ. ಆದರೆ ಈಗೀಗ ಪ್ರಪಂಚದಲ್ಲಿ ಬೇರೆಬೇರೆ ಕಡೆ ಮಾಡ್ತಿರೋ ಕೆಲಸಗಳ ಬಗ್ಗೆ ನಿಮಗೆ ಗೊತ್ತಿರಲಿಕ್ಕಿಲ್ಲ. ಒಂದಕ್ಕಿಂತ ಇನ್ನೊಂದು ವಿಚಿತ್ರ ಅನ್ನಿಸೋ ಕಸುಬುಗಳು ಇಲ್ಲಿವೆ, ನೀವೇ ನೋಡಿ...

1. ವೃತ್ತಿಪರ ತಳ್ಳುವವ

ಜಪಾನ್ ನವರು ತುಂಬ ಕಷ್ಟ ಪಟ್ಟು ದುಡೀತಾರೆ. ಅವರು ಸಮಯಕ್ಕೆ ಸರಿಯಾಗಿ ತಮ್ಮತಮ್ಮ ಆಫೀಸ್ಗಳಿಗೆ ತಲುಪೋದು ಬಹಳ ಮುಖ್ಯ. ಅಲ್ಲಿ ಬಹುಪಾಲು ಮಂದಿ ಮೆಟ್ರೋನಲ್ಲೇ ಓಡಾಡೋದ್ರಿಂದ ಯಾವಾಗಲೂ ಜನ ಕಿಕ್ಕಿರಿದು ತುಂಬಿರ್ತಾರೆ, ಒಮ್ಮೊಮ್ಮೆ ಓಡಾಡಕ್ಕೇ ಆಗಲ್ಲ. ಈ ಪರಿಸ್ಥಿತಿ ಸುಧಾರಿಸಕ್ಕೆ ಅಂತ ಕೆಲವರು ಜನರನ್ನ ತಳ್ಳುತ್ತಾ ಇರ್ತಾರೆ. ಇವರೇ ವೃತ್ತಿಪರ ತಳ್ಳುವವರು.

2. ಬಾಡಿಗೆ ಬಾಯ್ ಫ್ರೆಂಡ್

ಟೋಕ್ಯೋನಲ್ಲಿ ನೀವು ಬೇಕಾದರೆ ಬಾಡಿಗೆ ಬಾಯ್ ಫ್ರೆಂಡ್ ಆಗಬಹುದು. ಇದರಿಂದ ಏನು ಸಿಗತ್ತೆ ಸಿಗಲ್ಲ ಅನ್ನೋದು ಜಪಾನ್ ನವರಿಗೇ ಗೊತ್ತು.

3. ವೃತ್ತಿಪರ ಕ್ಯೂನಲ್ಲಿ ನಿಲ್ಲುವವ

ಪುರಸೊತ್ತೇ ಇಲ್ಲದಿರೋರು ಕ್ಯೂನಲ್ಲಿ ನಿಂತು ಫಿಲಂ ಟಿಕೆಟ್ಟು ಆ ಟಿಕೆಟ್ಟಿ ಈ ಟಿಕೆಟ್ಟು ಕೊಂಡ್ಕೊಳಕ್ಕಾಗಲ್ಲ. ಅಂತವರಿಗೆ ನೀವು ವೃತ್ತಿಪರ ಕ್ಯೂನಲ್ಲಿ ನಿಲ್ಲುವವರಾಗಬಹುದು. ಅವರು ಹೇಳಿದ ಕಡೆ, ಹೇಳಿದಷ್ಟು ಹೊತ್ತು ಕ್ಯೂನಲ್ಲಿ ನಿಂತು ಅದೇನು ತೊಗೋಬೇಕೋ ತೊಗೊಂಡು ಬಂದರೆ ಆಯಿತು.

4. ವೃತ್ತಿಪರ ಮಲಗುವವ

ಇದೊಳ್ಳೇ ಕನಸಿದ್ದಂಗಿದೆ ಅಲ್ಲವಾ? ಮಲ್ಕೊಳಕ್ಕೂ ಯಾರಾದರೂ ದುಡ್ಡು ಕೊಡ್ತಾರಾ? ಹೌದು, ಕೊಡ್ತಾರೆ. ವಿಜ್ಞಾನಿಗಳು ತಮ್ಮ ಸಂಶೋಧನೆಗೆ ವೃತ್ತಿಪರ ಮಲಗುವವರನ್ನ ಕೆಲಸಕ್ಕೆ ಇಟ್ಟುಕೋತಾರೆ. ಈ ಕೆಲಸದಲ್ಲಿ ನೀವು ಆರಾಮಾಗಿ ಮಲ್ಕೋಬೇಕಷ್ಟೆ... ನಿಮ್ಮ ನಿದ್ದೆಯ ಮತ್ತು ಅದು ನಿಮ್ಮ ಆರೋಗ್ಯದ ಮೇಲೆ ಯಾವ ಪರಿಣಾಮ ಬೀರುತ್ತೆ ಅನ್ನೋದರ ಬಗ್ಗೆ ವಿಜ್ಞಾನಿಗಳು ಸಂಶೋಧನೆ ಮಾಡ್ತಾರೆ.

5. ವೃತ್ತಿಪರ ಮದುವೆ ಅತಿಥಿ

ನಮ್ಮಲ್ಲಿ ಈ ಕೆಲಸಕ್ಕೆ ಅಷ್ಟು ಡಿಮ್ಯಾಂಡಿಲ್ಲ, ಯಾಕೇಂದ್ರೆ ಕರೀದೇ ಹೋದ್ರೂ ಮದುವೆಗೆ ಬರೋರು ಇರ್ತಾರೆ. ಆದರೆ ಜಪಾನಲ್ಲಿ ಕೆಲವರು ಈ ಕೆಲಸವನ್ನ ಪಾರ್ಟ್-ಟೈಂ ಆಗಿ ಮಾಡ್ತಾರೆ. ಅವರು ನಿಗದಿತ ಮದುವೆಗಳಿಗೆ ಅತಿಥಿಗಳಿಗಾಗಿ ಹೋಗಬೇಕಷ್ಟೆ. ಅದಕ್ಕಾಗಿ ದುಡ್ಡು ಕೊಡ್ತಾರೆ. ಏನ್ ಚಿಂದ ಅಲ್ಲವಾ?! ಉಂಡು, ಕೊಂಡು ಎರಡೂ ಹೋಗೋರಿಗೆ ಹೇಳಿ ಮಾಡಿಸಿದ ಕೆಲಸ!

6. ವೃತ್ತಿಪರ ವಾಂತಿ ಒರೆಸುವವ

ನೀವು ಯಾವಾಗಾದರೂ ರೋಲರ್ ಕೋಸ್ಟರಲ್ಲಿ ಹೋಗಿದ್ದರೆ ನಿಮಗೆ ಗೊತ್ತಿರತ್ತೆ... ಅದರಲ್ಲಿ ಎಷ್ಟು ಹೆದರಿಕೆ ಆಗುತ್ತೆ, ಹೆದರಿಕೆ ಆದಾಗ ಹೊಟ್ಟೆಯಲ್ಲಿ ಏನಾಗುತ್ತೆ ಅಂತ. ಇಂಥ ಪರಿಸ್ಥಿತಿಯಲ್ಲಿ ವಾಂತಿ ಮಾಡ್ಕೊಳೋದು ಸಹಜ. ಅದಕ್ಕೇಂತಲೇ ಅಮ್ಯೂಸ್ಮೆಂಟ್ ಪಾರ್ಕುಗಳು ವೃತ್ತಿಪರ ವಾಂತಿ ಒರೆಸುವವರನ್ನು ಕೆಲಸಕ್ಕೆ ಇಟ್ಟುಕೊಂಡಿರ್ತಾರೆ. ಆದರೆ ಇಂಥ ಕೆಲಸ ಯಾರು ಮಾಡ್ತಾರೆ? ಆ ರೋಲರ್ ಕೋಸ್ಟರಲ್ಲಿ ಬಿಟ್ಟಿ ರೈಡ್ ತೊಗೊಳಕ್ಕಿರಬೇಕು!

7. ವೃತ್ತಿಪರ ಡಿಯೋಡರೆಂಟ್ ಪರೀಕ್ಷಕ

ಬಸ್ಸಿನಲ್ಲಿ ಓಡಾಡೋರಿಗೆಲ್ಲ ಮೈ ವಾಸನೆಯ ಬಗ್ಗೆ ಚೆನ್ನಾಗಿ ಗೊತ್ತು. ಆದ್ದರಿಂದ ಡಿಯೋಡರೆಂಟುಗಳು ಈಗ ಮಾರುಕಟ್ಟೆಯಲ್ಲಿ ಕಾಸಿಗೊಂದು ಕೊಸರಿಗೊಂದು. ಆದರೆ ಒಳ್ಳೇ ಡಿಯೋಡರೆಂಟ್ ಯಾವುದು ಅಂತ ತಲೆ ಕೆಡಿಸಿಕೊಳ್ಳುವವರು ಈಗೀಗ ವೃತ್ತಿಪರ ಡಿಯೋಡರೆಂಟ್ ಟೆಸ್ಟರುಗಳ್ನ ಕೆಲಸಕ್ಕೆ ಇಟ್ಟುಕೋತಾರೆ. ಅವರ ಕೆಲಸ ಇಷ್ಟೇ: ಯಾವ ಡಿಯೋಡರೆಂಟ್ ಸರಿಯಾಗಿ ಕೆಲಸ ಮಾಡ್ತಿದೆ ಅಂತ ಕಂಕಳು ಮೂಸಿ ಮೂಸಿ ಪತ್ತೆ ಹಚ್ಚುವುದು. ಏನ್ ಕೆಲಸ ರೀ.

8. ವೃತ್ತಿಪರ ವಾಟರ್ ಸ್ಲೈಡ್ ಟೆಸ್ಟರ್

ವಂಡರ್ ಲಾ, ಜಿ. ಆರ್. ಎಸ್. ಫ್ಯಾಂಟಸಿ ಪಾರ್ಕ್... ಈ ಹೆಸರುಗಳ್ನ ಕೇಳಿರಬೇಕು ನೀವು. ಹೋಗೂ ಇರ್ತೀರಿ. ಇಲ್ಲಲ್ಲದೆ ಹೋದರೂ ಬೇರೆ ದೇಶಗಳಲ್ಲಿ ವಾಟರ್ ಸ್ಲೈಡುಗಳು ಚೆನ್ನಾಗಿ ಕೆಲಸ ಮಾಡ್ತಾ ಇವೆಯೋ ಇಲ್ಲವೋ ಅಂತ ಟೆಸ್ಟ್ ಮಾಡಕ್ಕೆ ಅಂತಾನೇ ಜನರನ್ನ ಕೆಲಸಕ್ಕೆ ಇಟ್ಟುಕೊಂಡಿರ್ತಾರೆ. ಇದರಲ್ಲಿ ಜಾರುವವರಿಗೆ ಹೆದರಿಕೆ ಆಗುತ್ತಾ? ತುಂಬ ನೋ ಕೊಂಚ ನೋ? ಮಜವಾಗಿರುತ್ತಾ? ಇಲ್ಲವಾ? ಇದನ್ನೆಲ್ಲ ಟೆಸ್ಟ್ ಮಾಡೋದೇ ಅವರ ಕೆಲಸ. ಹೆಂಗಿದೆ?!

9. ವೃತ್ತಿಪರ ಶಾಕ್ ಹೊಡೆಸುವವ

ಮೆಕ್ಸಿಕೋನಲ್ಲಿ ಕೆಲವರು ಒಬ್ಬರಿಗೊಬ್ಬರು ಶಾಕ್ ಕೊಟ್ಟು ದುಡ್ಡು ಸಂಪಾದಿಸ್ತಾರೆ. ನಿಮಗನ್ನಿಸಬಹುದು... ಇದಕ್ಕೆಲ್ಲ ಯಾವನು ದುಡ್ಡು ಕೊಡ್ತಾನೆ ಅಂತ. ಆದರೆ ನಿಜ ಏನಂದರೆ ಮೆಕ್ಸಿಕೋನಲ್ಲಿ ಪಬ್ ಗಿಬ್ಬಿಗೆ ಹೋಗಿ ತುಂಬ ಜಾಸ್ತಿ ಕುಡಿದೋರಿಗೆ ಎಚ್ಚರ ಮಾಡಿಸಕ್ಕೆ ಈ ವೃತ್ತಿಪರ ಶಾಕ್ ಹೊಡೆಸೋರು ಬೇಕೇ ಬೇಕಂತೆ. ಒಂದು ಶಾಕ್ ಕೊಟ್ಟರೆ ಸಾಕು.

10. ಪೇಪರ್ ಟವಲ್ ಮೂಸುವವ

ಪೇಪರ್ ಟವಲ್ ಮಾಡುವ ಕೆಲವು ಕಂಪನಿಗಳು ಮಾರುಕಟ್ಟೆಗೆ ತಮ್ಮ ಪದಾರ್ಥ ಬಿಡುವ ಮೊದಲು ಅದರ ಗುಣಮಟ್ಟದ ಬಗ್ಗೆ ಸ್ವಲ್ಪ ಜಾಸ್ತಿನೇ ಕಾಳಜಿ ವಹಿಸುತ್ತವೆ. ತಮ್ಮ ಪೇಪರ್ ಟವಲ್ನಿಂದ ಕೆಟ್ಟ ವಾಸನೆಯೇನಾದರೂ ಬರುತ್ತಿಲ್ಲ ತಾನೆ ಅಂತ ಚೆಕ್ ಮಾಡಕ್ಕೆ ಈ ಮೂಸೋರ್ನ ಕೆಲಸಕ್ಕೆ ಇಟ್ಟುಕೊಂಡಿರ್ತಾರೆ. ಏನ್ ಕಾಲ ಬಂತು ಅಂತೀರಾ?!

11. ಕೋಳಿಯ ಲಿಂಗ ಪರೀಕ್ಷಕ

ಹೆಸರೇ ಹೇಳುವಂತೆ ಇವರ ಕೆಲಸ ಕೋಳಿ ಗಂಡೋ ಹೆಣ್ಣೋ ಪರೀಕ್ಷಿಸೋದು.

12. ವೃತ್ತಿಪರ ತಬ್ಬುವವ/ಳು

ನಿಮ್ಮ ಲವರ್ ದೂರ ಇದ್ದರೆ ಏನ್ ಮಾಡ್ತೀರಿ? ಬಹಳ ಮಿಸ್ ಮಾಡ್ಕೋತಿದೀರಿ ಅನ್ನೋದಾದರೆ ಈ ವೃತ್ತಿಪರ ತಬ್ಬುವವರ ಸೇವೆ ಪಡ್ಕೋಬೋದು. ಆದರೆ ಬರೀ ಜಪಾನಲ್ಲಿ ಮಾತ್ರ. ಅವರು ಕೇಳುವಷ್ಟು ದುಡ್ಡು ಕೊಟ್ಟರೆ ಅವರು ನಿಮ್ಮನ್ನ ತಬ್ಬಿಕೊಂಡು ಮಲ್ಕೋತಾರೆ. ಬರೀ ಅಷ್ಟೇ. ಹೆಚ್ಚೇನೂ ಇಲ್ಲ.

13. ನಂಬರ್ ಪ್ಲೇಟ್ ಬ್ಲಾಕರ್

ಇರಾನ್ ನಲ್ಲಿ ಒಂದು ವಿಚಿತ್ರ ಕಾನೂನಿದೆ. ಅಲ್ಲಿ ಕಾರುಗಳು ತುಂಬ ಜಾಸ್ತಿ ಆಗಿ ಟ್ರಾಫಿಕ್ ಜಾಮುಗಳು ಜಾಸ್ತಿ ಆಗಿಹೋಗಿರೋದ್ರಿಂದ ಸರಿಸಂಖ್ಯೆಯ (even) ಕಾರುಗಳು ಓಡಬಹುದಾದ ದಿನಗಳು ಮತ್ತು ಬೆಸಸಂಖ್ಯೆಯ (odd) ಕಾರುಗಳು ಓಡಬಹುದಾದ ದಿನಗಳು ಅಂತ ಬೇರೆ ಮಾಡ್ಕೊಂಡಿದಾರೆ! ಈ ಕಾನೂನು ಪಾಲಿಸದೆ ಇರೋರ್ನ ಟ್ರಾಫಿಕ್ ಸಿಗ್ನಲ್ ಗಳ ಹತ್ತಿರ ಹಿಡಿಯಕ್ಕೆ ಪೊಲೀಸ್ ಕ್ಯಾಮೆರಾಗಳು ಕಾಯ್ತಾ ಇರ್ತವಂತೆ. ಕ್ಯಾಮೆರಾ ಕಣ್ಣು ತಪ್ಪಿಸಿಕೊಳಕ್ಕೆ ಕೆಲವರು ಈ ನಂಬರ್ ಪ್ಲೇಟ್ ಬ್ಲಾಕರ್ಗಳ ಸೇವೆ ಪಡ್ಕೋತಾರೆ. ಅವರ ಕೆಲಸ ನಂಬರ್ ಪ್ಲೇಟ್ ಕಾಣದಿರೋಹಾಗೆ ಕಪ್ಪು ಬಟ್ಟೆ ಮುಚ್ಚಿ ಕಾರ್ನ ಟ್ರಾಫಿಕ್ ಸಿಗ್ನಲ್ ದಾಟಿಸೋದು. ಆಮೇಲೆ ಗಡಿ ಪಾರು. ಏನ್ ಜನ ರೀ!

14. ಪೆಟ್ ಫುಡ್ ಟೆಸ್ಟರ್

ಈ ಕೆಲಸದ ಐಡಿಯಾ ಹೊಳೆದವರಿಗೆ ಸಾಕುಪ್ರಾಣಿಗಳು ಅಂದ್ರೆ ಪಂಚಪ್ರಾಣ ಇರಬೇಕು. ಈ ಕೆಲಸ ಮಾಡೋರು ಸಾಕುಪ್ರಾಣಿಗಳ ಊಟ ತಿಂದು ತಮ್ಮ ಅಭಿಪ್ರಾಯ ತಿಳಿಸಬೇಕು, ಅಷ್ಟೇನೇ.

15. ವೃತ್ತಿಪರ ಶೋಕಸೂಚಕ

ಉತ್ತರಭಾರತದಲ್ಲಿ ರುಡಾಲಿಗಳು ಅಂತ ಇರ್ತಾರೆ. ಅವರ ಕೆಲಸ ಅಳೋದು. ತೇಟ್ ಅದೇ ಕೆಲಸ. ಯಾರಾದರೂ ಸತ್ತರೆ ಕರೀತಾರೆ, ಹೋಗಿ ಅಳಬೇಕಷ್ಟೆ. ದುಡ್ಡು ಕೊಟ್ಟು ಕಳಿಸ್ತಾರೆ.

16. ಫರ್ನೀಚರ್ ಟೆಸ್ಟರ್

ಇವರ ಕೆಲಸ ಒಂಥರಾ ಸೂಪರ್. ಬೇರೆಬೇರೆ ರೀತಿಯ ಕುರ್ಚಿಗಳು ಸೋಫಾಗಳು ಮಂಚಗಳ ಮೇಲೆ ಮಲಗಿ-ಕೂತು ಮಾಡಿ ಹೇಗಿದೆ ಅಂತ ತೀರ್ಪು ಕೊಡೋದು. ಸಕ್ಕತ್ ದುಡ್ಡು!

ನೋಡುದ್ರಾ ಪ್ರಪಂಚದಲ್ಲಿ ಎಂತೆಂತಾ ಕೆಲಸ ಮಾಡ್ತಾರೆ ಜನ ಅಂತ? ನೀವು ಯಾವ ಕೆಲಸ ಮಾಡಕ್ಕೆ ಇಷ್ಟ ಪಡ್ತೀರಿ ಅಂತ ಕಾಮೆಂಟ್ ಮೂಲಕ ತಿಳಿಸಿ.

ಪ್ರೇರಣೆ, ಚಿತ್ರಗಳು: gazabpost

ನೆನೆಪದ: 

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ:

ನಿಮ್ಮ ಲೈಕೇ ನಮಗೆ ಪ್ರೇರಣೆ. ಕಳ್ಕೊಳಕ್ಕೇನಿದೆ? ಮಾಡಿಬಿಡಿ!

ಇನ್ನೊಂದ್ಸಲ ಸ್ವಿಮ್ಮಿಂಗ್ಗ್ ಹೋಗಬೇಕಾದರೆ ಈ 15 ಫೋಟೋಗಳು ನಿಮ್ನ ಕಾಡುತ್ವೆ

ಕಾಪಾಡಿ! ಕಾಪಾಡಿ!

ಈಜು ಬರತ್ತೆ ಅಂತೇಳಿ ಎಲ್ಲೆಲ್ಲೋ ಈಜಕ್ಕೆ ಹೋದ್ರೆ ಅಪಾಯ ತಪ್ಪಿದ್ದಲ್ಲ. ನೀರಿನ ಒಳಗೆ ಏನಿದೆ ಅಂತ ನಮಗೆ ಗೊತ್ತಿರಲ್ಲ. ಗೊತ್ತಾಗೋ ಹೊತ್ತಿಗೆ ಬಜಾವಾಗೋದು ಕಷ್ಟ. ನೀರಿಗೆ ಇಳಿಯೋ ಮುಂಚೆ ತುಂಬಾ ಹುಷಾರಾಗಿರ್ಬೇಕು. ಇಲ್ದಿದ್ರೆ ಅಪಾಯ ತಪ್ಪಿದ್ದಲ್ಲ. ಇಲ್ಲಿರೋ 15 ಫೋಟೋ ನೋಡಿ. ಇನ್ಮೇಲೆ ಸ್ವಿಮ್ಮಿಂಗ್‌ಗೆ ಹೋಗ್ಬೇಕಾದ್ರೆ ಖಂಡಿತ ನಿಮ್ಮನ್ನ ಕಾಡುತ್ವೆ. 

1. ಅತ್ತ ಧರಿ ಇತ್ತ ಪುಲಿ ಅಂದ್ರೆ ಇದೇ ಏನೋಪ್ಪಾ
2. ನೀರಿನಲ್ಲಿ ಗುಹೇನೂ ಇರ್ಬೋದು
3. ಇಂತದ್ದೇನದ್ರೂ ಕಾಣಿಸಿದ್ರೆ ಅರಚಕ್ಕೂ ಆಗಲ್ಲಪ್ಪೋ
4. ಅನಕೊಂಡ ಹಾವು ಇದ್ರೂ ಇರ್ಬೋದು
5. ಮೈ ಝುಮ್ ಅನ್ಸತ್ತೆ ಅಲ್ವಾ?
6. ಗ್ರಾಫಿಕ್ಸ್ ಅಂದ್ಕೊಂಡ್ರಾ.. ಸಿಕ್ಕಿದ್ರೆ ಅಷ್ಟೆ ಸೀರುಂಡೇನೆ!
7. ನೀರಿನಲ್ಲಿ ಅಲೆಯ ಉಂಗುರ ಅಲ್ಲ..ಹಾವಿನುಂಗುರ!
8. ಈ ತರಹ ಮಾಡಕ್ಕೂ ಗುಂಡಿಗೆ ಇರ್ಬೇಕು ಕಣ್ರಿ
9. ಡೈವ್ ಹೊಡೆದ್ರೆ ಹಂಗೇ ಗುಂಳುಂ ಅನ್ನಿಸ್ಬಿಡತ್ತೆ
10. ನನ್ ತಂಟೇಗ್ ಬಂದ್ರೆ ಸುಮ್ಕಿರಲ್ಲ ಅಂತಿದ್ಯಾ ಆಕ್ಟೋಪಸ್!
11. ದಾರಿ ಕಾಣದಾಗಿದೆ ರಾಘವೇಂದ್ರನೇ...
12. ಸಾವು ಕಣ್ಮುಂದೆ ಇದೆ ಅಂತಾರಲ್ಲ...ಇದೇನಾ?
13. ಇದೇನೋ ಪ್ರಾಣಿ ಅಂದ್ಕೊಂಡ್ರಾ...ಛೀ! ಪಾಚಿ ಅಷ್ಟೇ
14. ಎಲ್ಲಿಗೆ ಪಯಣ ಯಾವುದೋ ದಾರಿ...
15. ಬ್ಲೂ ವೇಲ್ ಒಂದ್ಸಲ ಮೇಲೆ ಬಂದಿದೆ ಅಂದ್ರೆ...

ಹಂಚಿಕೊಳ್ಳೋದು ಒಳ್ಳೆಯದು, ಹಂಚಿಕೊಳ್ಳಿ: